༄༅།།ཤེས་རབ་ཀྱི་ལམ།

 

༄༅།།མགོན་པོ་ཐུགས་རྗེ་ཆེ་ལྡན་པ། །

ཐམས་ཅན་མཁྱེན་པའི་སྟོན་པ་པོ། །

བསོད་ནམས་ཡོན་ཏན་རྒྱ་མཚོའི་ཞིང། །

དེ་བཞིན་གཤེགས་ལ་ཕྱག་འཚལ་ལོ། །

 

དག་པས་འདོད་ཆགས་བྲལ་བར་གྱུར། །

དགེ་བས་ངན་སོང་ལས་གྲོལ་ཅིང། །

གཅིག་ཏུ་དོན་དམ་མཆོག་གྱུར་པ། །

 

ཞི་གྱུར་ཆོས་ལ་ཕྱག་འཚལ་ལོ། །

 

གྲོལ་ནས་གྲོལ་བའི་ལམ་ཡང་སྟོན། །

བསླབ་པ་དག་ལ་རབ་ཏུ་གནས། །

ཞིང་གི་དམ་པ་ཡོན་ཏན་ལྡན། །

དགེ་འདུན་ལ་ཡང་ཕྱག་འཚལ་ལོ། །

 

སྨྲ་བསམ་བརྗོད་འདས་ཤེས་རབ་ཕ་རོལ་ཕྱིན།  །མ་སྐྱེས་མ་འགགས་ནམ་མཁའི་ངོ་བོ་ཉིད། །

སོ་སོ་རང་རིག་ཡེ་ཤེས་སྤྱོད་ཡུལ་བ། །དུས་གསུམ་རྒྱལ་བའི་ཡུམ་ལ་ཕྱག་འཚལ་ལོ། །

 

སངས་རྒྱས་ཆོས་དང་ཚོགས་ཀྱི་མཆོག་རྣམས་ལ།།བྱང་ཆུབ་བར་དུ་བདག་ཅག་སྐྱབས་སུ་མཆི།།

འགྲོ་ཀུན་ཚོཊ་གཉིས་ས་བོན་ཅི་བཏབ་མཐུས། །རྒྱལ་བ་དཔག་བསམ་ལྗོན་དབང་མྱུར་འགྲུབ་ཤོག། ༼རང་གིས།༽

 

 བྱང་ཆུབ་སེམས་མཆོག་རིན་པོ་ཆེ། །མ་སྐྱེས་པ་རྣམས་སྐྱེ་བ་དང། །

སྐྱེས་པ་ཉམས་པ་མེད་པ་ནས། །གོང་ནས་གོང་དུ་འཕེལ་བར་ཤོག །

 

གང་ལ་སེམས་ཀྱི་རིན་ཆེན་དམ་པ་དེ། །སྐྱེས་པ་དེ་ཡི་སྐུ་ལ་ཕྱག་འཚལ་ཞིང། །

གང་ལ་གནོད་པ་བྱས་ཀྱང་བདེར་འབྲེལ་བ།།བདེ་བའི་འབྱུང་གནས་དག་ལ་སྐྱབས་སུ་མཆི།྄

 

༑སེམས་ཅན་བདེ་དང་ལྡན་པ་དང།།སྡུག་བསྔལ་དང་ནི་བྲལ་བ་དང། །

བདེ་ལ་རྟག་ཏུ་གནས་པར་དགའ།།མཉམ་ཉིད་བཏང་སྙོམས་ལ་གནས་ཤོག།

རིས་མེད་ཐུབ་བསྟན་འཛིན་པའི་དམ་པ་རྣམས། །སྐུ་ཚེ་ཞབས་བརྟན་འཕྲིན་ལས་ཕྱོགས་མཐར་རྒྱས།

།དགེ་འདུན་སྡེ་དང་བཤད་སྒྲུབ་བསྟན་པ་དར། ས་གསུམ་བཀྲ་ཤིས་སྣང་བས་ཁྱབ་གྱུར་ཅིག།

 བསྟན་དང་དེ་འཛིན་ཆབ་སྲིད་རང་རིགས་སླད། །གཅེས་པའི་ལུས་སྲོག་ལོངས་སྤྱོད་ཡོངས་བཏང་སྟེ།

།དཀའ་བ་བརྒྱ་ཕྲག་སྒྲུབ་པའི་སྐྱེ་བོ་རྣམས། །གྲུ་འཛིན་མགོན་དེས་ཐུགས་རྗེས་སྐྱོང་བར་མཛོད།།

 

མདོར་ན་མགོན་པོ་སྤྱན་རས་གཟིགས་དབང་གིས།། སྲས་བཅས་རྒྱལ་བའི་སྤྱན་སྔར་གངས་ཅན་ཞིང།།

ཡོངས་བཟུང་རྒྱ་ཆེན་སྨོན་ལམ་གང་མཛད་པའི།། འབྲས་བཟང་དེང་འདིར་མྱུར་དུ་འཆར་བར་གསོལ།།

 

དོན་དམ་པའི་ཨ་མ།

 

 

“ཨ་ནི་ཡིག་འབྲུ་ཀུན་གྱི་མཆོག"

“མ"ནི་ཤེས་རབ་ཕ་རོལ་ཕྱིན།

“ཨ་མ"ལ་སྐྱབས་སུ་མཆི་འོ།

མར་གྱུར་འགྲོ་ཀུན་འཚང་རྒྱ་ཤོག།