ངའི་ཡིད་ཀྱི་མར་མེ་ཚེ་འབར

              

 ----ཨ་ཞང་ལུ་གུ་སྐྱབས་ལ་ཕུལ

 

རིགས་རྒྱུད་གཅིག་ལས་མཆེད་ཅིང་།།

ཁྱིམ་རྒྱུད་གཅིག་ལ་སྐྱེས་བའི།།

ཨ་ཞང་ལུ་གུ་སྐྱབས་ལགས།།

ཁ་ལས་དར་བའི་སྨོན་ལམ།། 

ཚེ་ཐག་རིང་བའི་བཀྲ་ཤིས།།

 

ཆུང་དུས་མིག་གིས་འཚོས་ཞིང་།།

ནམ་ཡང་བྱམས་ཀྱིས་སྐྱོང་བ།།

ཚེ་གང་བུ་རུ་སྐྱོང་མཁན།།

ཨ་ཞང་ལུ་གུ་སྐྱབས་ཁྱོད།།

སྐུ་བསོད་དར་བའི་སྐྱབས་འཇུག།

 

སྤྱི་དམངས་ཡོངས་ལ་ཕན་ཞིང་།།

ཕན་ཚུན་ཕྱོགས་རིས་མེད་པའི།།

ཡོངས་ཀྱི་མཐེ་མོང་སྒྲེང་ས།།

ཨ་ཞང་ལུ་གུ་སྐྱབས་ཁྱོད།།

མགོ་ཁྲིད་ཉི་མ་གཞོན་ནུ།།

 

ང་གཙོས་བཟའ་མི་ཡོངས་ལ།།

བདེ་སྐྱིད་འཚོ་བ་སྐྲུན་མཁན།།

བཀའ་དྲིན་རྫོགས་མཐའ་བྲལ་བའི།།

ཨ་ཞང་ལུ་གུ་སྐྱབས་ཁྱོད།།

ནད་མེད་ཆེ་རིང་ལོ་བརྒྱ།།

 

ཚེ་གང་གཙུག་ཏུ་བཀུར་ཅིང་།།

བཀའ་དྲིན་བརྗོད་ཐབས་མེད་པའི།།

ཨ་ཞང་ལུ་གུ་སྐྱབས་ཀྱི།།

བཟའ་མི་ཡོངས་ལ་བཀྲ་ཤིས།།

ལྷག་ཏུ་ཁྱོད་རང་ཁ་དྲོ།།

[27/11/13 13:19:47] 塔哇加 : མདའ་ཐར་བ་སྐྱབས་ཀྱིས

[27/11/13 13:20:44] 塔哇加 :

 

ལ་རྒྱའི་འབོད་པ།

 

རང་དབང་མེད་པ་མ་རེད།

སོག་ཡིག་མེད་པ་མ་རེད།

ཕ་སྐད་ཉམས་པའི་དུས་འདིར།

ཕ་སྐད་དར་ན་བསམ་ཀི

 

རྩྭ་ཐང་མེད་པ་མ་རེད།

སོག་གུར་མེད་པ་མ་རེད།

སྲོལ་རྒྱུན་ཉམས་པའི་དུས་འདིར།

སོག་གུར་མང་ན་བསམ་ཀི

 

སྤང་ཐང་མེད་པ་མ་རེད།

ཅང་ཤེས་མེད་པ་མ་རེད།

སོག་རྟའི་རྨིག་རྗེས་བསམ་ན།

རྟ་མཆོག་འཕེལ་ན་བསམ་ཀི

 

གྱོན་པ་མེད་པ་མ་རེད།

སོག་རྩག་མེད་པ་མ་རེད།

རྣམ་པ་འགྱུར་ཀི་བསམ་ན།

གོན་ནི་མང་ན་བསམ་ཀི

 

ཇིང་གེར་བུ་ཚ་རྣམས་ཀྱི

རང་རིགས་རང་མི་བསམ་ན།

བསམ་པ་གཅིག་ལ་བཟུང་ནས།

ལག་རྡང་སྦྲེལ་ན་བསམ་ཀི