དབྱངས་ཅན་སྒྱུ་འཕྲུལ་དྲ་བ།
ཆབ་བྲག་ཕོ་ཉ
ཕུ་བོ་མགོན་པོ་ཚེ་རིང་སྐུ་གྲོངས་པ་ཐོས་རྗེས་སུ།
གཞུང་དོན་ནི་ཁོང་གི་ཕ་དང་འདྲ།།
ང་ཚོ་ནི་ཁོང་གི་བུ་དང་མཚུངས།།
སྒྱུ་རྩལ་ནི་ཁོང་གི་གཉེན་དང་གཅིག།
ཨ་ཇོ་དེ་ཡ་མཚན་ཆེ་ཞིག་ཡོད།།
སྙན་ངག་ལ་དགའ་བ་ཀུན་ལས་དགའ།།
ཡོན་ཏན་ལ་དུང་བ་ཀུན་ལས་དུང་།།
མཐོ་སྙེག་དང་སྙན་གྲགས་གཉེར་མེད་དུ།།
ཨ་ཇོ་དེ་སྒམ་ཞིང་སྒམ་ཞིག་ཡོད།།
ཕྲག་དོག་དེ་མེད་མེད་འདྲ་ཞིག་ཡོད།།
བརྩེ་བ་དེ་འཐུག་འཐུག་ཙམ་ཞིག་ཡོད།།
དགའ་མདོག་དང་སྐྱོ་མདངས་མི་གསལ་བའི།།
ཨ་ཇོ་དེ་རྡོ་ཡིས་གྲུབ་འདྲར་ཡོད།།
ལོ་ཟླ་ཡི་འཁོར་ལོ་རིང་མོ་རུ།།
ཟླ་ཕོག་ཅེས་ཧིན་སྒོར་རྡོག་མ་འགས།།
དྲོད་འཇམ་གྱི་འཛུམ་གྱིས་གསོས་གྱུར་པའི།།
གྲྭ་རྐྱང་དང་མི་རྐྱང་ཉུང་ཉུང་མིན།།
ནང་ཆོས་ཞེས་ལྡབ་དང་མི་སྐྱོར་ཀྱང་།།
སྒོ་གསུམ་དེ་ཆོས་དང་མཐུན་ཞིག་ཡོད།།
ཟླ་ཕོག་ཅེས་རྩ་ཆེན་རྩིས་ཆེན་དེའང་།།
གསར་འབྱོར་ཚོའི་སྤྱི་རྫས་དངོས་ཞིག་ཡིན།།
ལྷག་བསམ་གྱིས་ཤ་ཟིན་རུས་ཟིན་ཡོད།།
ལར་ཞེན་གྱིས་རྩ་བཟུང་ཁྲག་བཟུང་ཡོད།།
བདེན་པ་ལ་བློ་གཏད་སེམས་གཏད་ཡོད།།
ཨ་ཇོ་དེ་ང་ཡི་མིག་ལྟོས་ཡིན།།
༑རོལ་རྩེད་གར་གྱི་ཉམས་ལྡན་རི་དྭགས་མིག།
མིག་གིས་ལྟ་བར་མི་ངོམས་ཡིད་འཕྲོག་མ།།
མ་ལྟར་བརྩེ་བ་ཁྱོད་ཀྱིས་བདག་གི་ངག།
ངག་དབང་ལྷ་མོ་ཉིད་དང་མཚུངས་པར་མཛོད།།
ཤེས་རབ་དང་བྱམས་བརྩེའི་དྭངས་མ། སྒྲ་སྙན་དང་ལང་ཚོའི་ཡང་རྩེར་འཕགས་པས་ན་ལྷ་མོ་དབྱངས་ཅན་མ་སྟེ། སྙན་ངག་དང་སྙན་ངག་པའི་མཚོན་བྱེད་ལ་ཁྱེད་ལས་ལྷག་པ་ཞིག་ཅི། དེ་བས་ངས་རང་གི་བརྩམས་ཆོས་དག་ལ། <<དབྱངས་ཅན་སྤྲུལ་པའི་གླེགས་བམ>>ཞེས་དང། གློག་དྲ་འདིར་ཡང<དབྱངས་ཅན་སྒྱུ་འཕྲུལ་དྲ་བ>ཞེས་འདོགས་དོན་ཡང་སེམས་པའི་མཛེས་སྡུག་ཅིག་གི་འཚོལ་སྙེག་ལས་མ་འདས་ཏེ། དེ་ནི་ཁྱོད་དམ་ཁྱོད་ཀྱི་གོ་འཕང་ཉིད་དོ།
༢༠༠༩་༡༡་༡༦།
བོད་དོན་གསར་འགྱུར་རྩོམ་གསར་སོགས།
དེ་རིང་སྒོ་བྱང་ངོས་ལ་གཟིགས།
གལ་ཆེའི་བཀའ་སློབ་ཡིག་ཆ་སོགས།
རིན་ཆེན་གསང་བའི་གཏེར་ལས་བཞེས།
སྣ་ཚོགས་འདོད་འཇོའི་གླིང་ཕྲན་འདིར།
ལན་ཅིག་ཕེབས་དང་རྒྱང་རིང་གྲོགས།
ངལ་དུབ་སེལ་བའི་ལམ་རྒྱགས་མང།
སྟག་ལོའི་ཚེས་གཅིག་ནས་དྲ་སྒོ་ཕྱེས། བོད་ནང་ལ་ད་དུང་ཡང་ལྟ་ཀློག་ཐུབ་ཀྱིན་ཡོད། དེ་བས་གཅིག་ནས་གཅིག་བརྒྱུད་ཀུན་ཏུ་འགྲེམས་རྒྱུར་སྙིང་ནས་རེ་སྐུལ་དང་སྨོན་ལམ་ཞུ།
https://fajack.com/index.php
་