བོད་དོན་རྒྱབ་སྐྱོར་ཚོགས་པས་རྒྱལ་སྤྱི་ནས་བོད་དོན་ལ་སྔར་ལྷག་དོ་སྣང་གནང་དགོས་སྐོར་གསུངས་པ།
༄༅། །སུད་སིའི་གྲོང་ཁྱེར་ཇི་ནི་ཝའི་ནང་རྟེན་གཞི་བྱས་པའི་བོད་དོན་རྒྱབ་སྐྱོར་ཚོགས་པའི་ཚོགས་གཙོས་ཕྱི་ལོ་ ༢༠༡༤ ཟླ་ ༡ ཚེས་ ༡༣
ཉིན་གྱི་བོད་དོན་རྒྱབ་སྐྱོར་ཚོགས་པའི་ཚོགས་མིར་བོད་དོན་ལ་སྔར་ལྷག་རྒྱབ་སྐྱོར་གནང་དགོས་པའི་རེ་སྐུལ་དང་འབྲེལ་བརྒྱུད་ལམ་ཁག་གཅིག་ནང་གསུང་དོན།
ང་ཚོ་བོད་དོན་རྒྱབ་སྐྱོར་ཚོགས་པའི་ངོས་ནས་བོད་ཀྱི་སྔ་ཕྱི་གནས་སྟངས་ལ་ཉམས་ཞིབ་བྱས་པ་བརྒྱུད་བོད་དོན་དེ་བཞིན་འབུ་ཆེས་ཆུང་བཟོས་བྱས་པའི་ངེས་ཤེས་རྙེད་པར་བརྟེན།
བོད་དོན་ལ་རྒྱབ་སྐྱོར་ཞུ་རྒྱུ་ནི་གཡོལ་ཐབས་མེད་པ་ཞིག་ཏུ་ངོས་འཛིན་བྱེད་བཞིན་ཡོད།
སྤྱིར་བཏང་ཕྱི་ལོ་ ༡༩༤༩ ལོ་མཇུག་རྒྱ་གཞུང་གི་བཅིངས་བཀྲོལ་དམག་གིས་བོད་བཙན་འཛུལ་བྱེད་སྐབས།
བོད་ནི་རྒྱལ་སྤྱིའི་ཁྲིམས་ལུགས་དང་མཐུན་པའི་ཚད་གཞི་ངེས་ཅན་གྱི་མངའ་ཁུལ་དེའི་ནང་འཚོ་སྡོད་བྱེད་མཁན་བོད་མི་ས་ཡ་དྲུག་དང་།
དེ་དག་གི་འགོ་ཁྲིད་༸གོང་ས་༸སྐྱབས་མགོན་ཏཱ་ལའི་བླ་མ་མཆོག་གིས་དབུས་འཛིན་སྐྱོང་བཀའ་ཤག་དང་དངུལ་ལོར་པར་སྐྲུན་ཁང་སོགས་རང་བཙན་རྒྱལ་ཁབ་ཀྱི་གནས་བབ་བཟུང་སྟེ་འཛམ་གླིང་དམག་ཆེན་གཉིས་པའི་སྐབས་བོད་ཀྱི་ཕྱི་འབྲེལ་ཐབས་བྱུས་ནི་བར་གནས་སུ་བཞུགས་པར་མཐུན་ཕྱོགས་རྒྱལ་ཁབ་ཚོས་བརྩི་བཀུར་ཞུས་ཡོད།
དེ་བཞིན་བོད་མི་རྣམས་ནས་ཀྱང་རང་ས་རང་སྲུང་གིས་བདག་དབང་ལ་ལོངས་སྤྱོད་བྱེད་བཞིན་སྐབས།
ཕྱི་ལོ་ ༡༩༥༠ ལོར་རྒྱ་ནག་གུང་ཁྲན་ཏང་གིས་བཅིངས་བཀྲོལ་ལ་བསྙད་དེ་བོད་སར་བཙན་འཛུལ་གྱིས་མི་སེར་སྤེལ་ཡུལ་གྱི་སྲིད་བྱུས་ལག་བསྟར་བྱས་ཡོད།
མི་སེར་སྤེལ་ཡུལ་གྱི་རིང་ལུགས་ལ་དམིགས་བསལ་གྱི་ཁྱད་ཆོས་ཁག་གཅིག་ཡོད་པ་ནི། དྲག་ཤུགས་ལ་བརྟེན་ནས་འདྲ་མཉམ་མེད་པའི་ཆིངས་ཡིག་བརྒྱུད་གཞན་གྱི་བདག་དབང་བཙན་འཕྲོག
དེ་བཞིན་དཔལ་འབྱོར་གྱིས་བསླུ་བྲིད་དང་དམག་དཔུང་གི་སྟོབས་ཤུགས་ངོམས་ཏེ་གཞན་ཡུལ་རང་གི་མངའ་ཁོངས་ཡིན། ཞེས་བཙན་ཤེད་ཀྱིས་མངའ་འོག་ཏུ་བཅུག་པ་མ་ཟད།
མི་སེར་སྤེལ་མཁན་རང་གི་རིག་གཞུང་དང་གོམས་སྲོལ་ཁྱབ་སྤེལ་དང་འབྲེལ་ཡུལ་ལུང་ཡར་རྒྱས་ལ་ཁ་གཡར་ཏེ་མི་སེར་གནས་སྤོས་ཀྱི་བྱེད་བབས་ལ་མི་མང་གིས་ངོ་རྒོལ་ལམ་མི་འདོད་པའི་རྣམ་འགྱུར་བསྟན་ན།
དྲག་ཤུགས་ལ་བརྟེན་ནས་ཡ་ང་སྙིང་རྗེ་བྲལ་བའི་མི་སེར་སྤེལ་ཡུལ་གྱི་ཁྱད་ཆོས་ཡོངས་རྫོགས་རྒྱ་ནག་གཞུང་ནས་བོད་མིའི་ཐོག་ལག་བསྟར་བྱས་ཏེ་བོད་མི་རྣམས་ཕྱི་ཚུལ་འདྲ་ཆགས་པོ་ཡོད་ཀྱང་དོན་དངོས་ཐོབ་ཐང་བྲལ་བའི་གྲངས་ཉུང་མི་རིགས་ཤིག་ཏུ་གྱུར་ཡོད།
རྒྱ་ནག་གཞུང་གི་དབང་སྒྱུར་འོག་བོད་ནང་གི་བོད་མིར་རང་དབང་བྲལ་སྟབས་བོད་མི་ ༡༢༤ ནས་བོད་ཀྱི་བདེན་དོན་ཆེད་རང་ལུས་མེར་སྲེག་བཏང་ཡོད།
འཛམ་གླིང་མཉམ་འབྲེལ་རྒྱལ་ཚོགས་ཀྱིས་གཙོས་རྒྱལ་སྤྱིའི་ཁྱོན་ནས་བོད་དོན་ལ་སྔར་ལྷག་ཐུགས་སྣང་གནང་རོགས། ཞེས་ཞུ་རྒྱུ་ཡིན།
དེ་བཞིན་རྒྱ་ནག་གཞུང་གིས་ཀྱང་བོད་མི་མང་ལ་རྒྱལ་སྤྱིའི་ཁྲིམས་ལུགས་དང་མཐུན་པའི་ཐོབ་ཐང་ཁག་མཁོ་སྤྲོད་གནང་རྒྱུའི་སྙིང་སྟོབས་དགོས་པ་མ་ཟད།
བོད་རྒྱ་ཞི་མོལ་སླར་གསོ་བྱ་རྒྱུ་ཡང་གཡོལ་ཐབས་མེད་པ་ཞིག་ལ་ངོས་འཛིན་བྱེད་དགོས། ཞེས་གསུངས་འདུག
ཨ་ རིའི་ ཧར་ ཝར་ ཌི་ ( Harvard) གཙུག་ ལག་ སློབ་ གྲྭར་ བོད་ རིག་ པར་ སློབ་ སྦྱོང་ དང་ ཞིབ་ འཇུག་ གནང་ བཞིན་ པའི་ ཉི་ ཧོང་ བ་ མ་ ཧོ་ ཡའུ་ ཅེ་ ལགས་ སུ།
མོ་ རང་ གིས་ བོད་ རིག་ པར་ ཞིབ་ འཇུག་ གནང་ བའི་ བརྒྱུད་ རིམ་ དང་ བོད་ ཕྱི་ ནང་ གི་ བོད་ རིག་ པའི་ གནས་ སྟངས་ ཐོག་ བཅར་ འདྲི་ ཞུས ་ པ །
དྲི་ བ།
ཁྱེད་ རང་ ངོ་ སྤྲོད་ གནད་ བསྡུས་ ཤིག་ གནང་ རོགས་ ཞུ།
ལན། ངའི་ མིང་ ལ་ (Maho Iuchi) ཟེར།
ང་ ནི་ ཉི་ ཧོང་ ཨོ་ ས་ ཀ་ ( Osaka) ནས་ ཡིན། ཁྱ འོ་ ཐོ་ (Kyoto) ལ་ ཡོད་ པའི་ ཨོ་ ཐ་ ནི་ ( Otani) གཙུག་ ལག་ སློབ་ གྲྭ་ ཆེན་ མོ་ ནས་ ༢༠༠༨
ལོར་ བོད་ རིག་ པའི་ ཐོག་ ལ་ རིགས་ གཅིག་ རྐང་ འཛིན་ (Ph.D.) ཐོན་ པ་ ཡིན།
ད་ ལྟ་ ཨ་ མེ་ རི་ ཀའི་ ཧར་ ཝར་ ཌི ་ གཙུག་ ལག་ སློབ་ གྲྭ་ ཆེན་ མོར་ (Post-doc) མིང་ ཐོག་ ནས་ ཞིབ་ འཇུག་ བྱེད་ བཞིན་ ཡོད།
ངའི་ ཞིབ་ འཇུག་ བྱེད་ ཡུལ་ གཙོ་ བོ་ ནི ་ དུས་ རབས་ དགུ་ པ་ ནས་ བཅུ་ གསུ མ་ བར་ གྱི་ བོད་ ཀྱི་ ལོ་ རྒྱུས་ དང་ །
ལྷག་ པར་ དུ་ བཀའ་ གདམས་ པའི་ དགོན་ སྡེའི་ སྐོར་ ཡིན།
དྲི་ བ།
ཁྱེད་ རང་ བོད་ ཀྱི་ སྐད་ ཡིག་ དང་ རིག་ གནས་ ལ་ འབྲེལ་ བ་ བྱུང་ སྟངས་ ཀྱི་ བརྒྱུད་ རིམ་ ག་ འདྲ་ ཡིན།
ལན། ངས་ དང་ པོ་ བོད་ ཡིག་ སྦྱོང་ ས་ ནི་ ཉི་ ཧོང་ ཡིན།
དངོས་ གཞི འི ་ སློབ་ མའི་ སྐབས་ སུ་ ༡༩༩༧ ལོར་ འབྲུག་< ཡུལ་ ལ་ ཕྱིན ་ པ་ ཡིན། དེ་ དུས་ བོད་ ཡིག་ ལ་ དོ་ སྣང་ བྱུང་ སོང་ ། དེ་ ནས་ ༡༩༩༨ ལོར་ ལྷ་ ས ར་ ཕྱིན་ ཏེ།
བོད་ ཡིག་ སྦྱང་ མ གོ་ བཙུགས་ པ་ ཡིན། སྐབས་ དེར་ ང་ བུད་ མེད་ ཀྱི་ སློབ་ གྲྭ་ ཆེན་ མོ་ ཞིག་ ཏུ་ རྒྱ་ ནག་ གི་ ལོ་ རྒྱུས་ སློབ་ སྦྱོང་ བྱས་ ཡིན།
དེ་ དུས་ ཨོ་ ཐ་ ནི་ གཙུག་ ལག་ སློབ་ གྲྭ་ ཆེན་ མོར་ བོད་ ཡིག་ དང་ ། བོད་ ཀྱི་ རིག་ གནས།
ནང་ ཆོས་ སོགས་ ཀྱི་ སློབ་ ཚན་ ཡོད་ པ་ མ་ ཟད།
བོད་ ཀྱི་ དགེ་ རྒན་ ཆེན་ མོ་ གཅིག་ ཡོད་ པ་ ཐོས་ ཏེ་ ཞིབ་ འཇུག་ སློབ་ མའི་ མིང་ ཐོག་ ནས་ ཨོ་ ཐ་ ནི་ གཙུག་ ལག་ སློབ་ གྲྭ་ ཆེན་ མོར་ ཕྱིན་ པ་ ཡིན།
ང་ ཞིབ་ འཇུག་ སློབ་ མ་ ཡིན་ པའི་ སྐབས་ སུ་ ཨོ་ ཐ་ ནི་ ལ་ དགེ་ རྒན་ ཆེན་ མོ་ མཁས་ དབང་ ཁང་ དཀར་ ཚུལ་ ཁྲིམས་ སྐལ་ བཟང་ ལགས་ ཡོད་ པ་ རེད།
དེ་ དུས་ གཙོ་ བོར་ རྒན་ ཁང་ དཀར་ ལགས་ ཀྱི་ མདུན་ ནས་ བོད་ ཡིག་ སུམ་ རྟགས་ དག་ གསུམ་ དང་ །
གཞན་ ས་ སྐྱ་ ལེགས་ བཤད།
ལོ་ ཆེན་ རིན་ ཆེན་ བཟང་ པོའི་ རྣམ་ ཐར་ སོགས་ བོད་ ཀྱི་ རིག་ གནས་ སྐོར་ ལ་ སློབ་ སྦྱོང་ ཅུང་ ཟད་ བྱས་ པ་ ཡིན།
དེ་ བས་ ཀྱང་ གོ་ སྐབས་ བཟང་ པོ་ ཞིག་ ཐོབ་ པ་ ནི ། ༢༠༠༣
ལོར་ ལྷ་ སར་ ཡོད་ པའི་ བོད་ ལྗོངས་ སློབ་ གྲྭ་ ཆེན་ མོར་ བོད་ ཀྱི་ ཁ་ སྐད་ སྦྱོང་ དུ་ ཕྱིན་ ཏེ། དེ་ དུས་ ཁ་ སྐད་ དང་ མཉམ་ དུ་ བོད་ ཡིག་ གི་ ཡིག་ གཟུགས་ ཀྱང་ སྦྱངས་ པ་ ཡིན།
དྲི་ བ།
ཁྱེད་ རང་ གིས་ བོད་ ཀྱི་ ལོ་ རྒྱུས་ སྤྱི་ དང་ བྱེ་ བྲག་ བཀའ་ གདམས་ པའི་ ལོ་ རྒྱུས་ སྐོར་ ལ་ ཉམས་ ཞིབ་ བྱས་ པའི་ ལས་ རིམ་ དང་ དམིགས་ ཡུལ་ སྐོར་ རོབ་ ཙམ་ གསུངས་ རོགས།
ལན། ཕྱི་ ལོ་ ༢༠༠༥ ནས་ ༢༠༠༧
ལོའི་ བར་ ལྷ་ སར་ བསྡད་ དེ་ ཞིབ་ འཇུག་ གི་ གོ་ སྐབས་ བཟང་ པོ་ ཐོབ་ སོང་ ། དེ་ ང་ རང་ གི་ ག ཅིག་ རྐང་ འཛིན་ ( Ph.D.) གྱི་ དཔྱད་ རྩོམ་ ཆེད་ དུ་ ཡིན་ ལ།
དཔྱད་ རྩོམ་ གྱི་ བརྗོད་ གཞི་ བཀའ་ གདམས་ པའི་ ལོ་ རྒྱུས་ དང་ །
ལྷག་ པར་ དུ་ བཀའ་ གདམས་ པའི་ དགོན་ སྡེའི་ སྐོར་ ཡིན། དེའི་ རྒྱུ་ མཚན་ ནི།
མཁས་ དབང་ དགེ་ འདུན་ ཆོས་ འཕེལ་ (༡༩༠༣-༡༩༥༡)ལགས་ ཀྱི་ << གཏམ་ རྒྱུད་ གསེར་ གྱི་ ཐང་ མ་ >> ལས། '' འདི་ འདྲའི་ གདན་ ས་ གྲགས་ ཆེ་ བ་ རྣམས་ རང་ རེའི་ ལོ་ རྒྱུས་ སོགས་ ལ་ ཞིབ་ བལྟ་ མ་ བྱས་ པ་ རྣམས་ ཀྱིས་ དབུས་ གཙང་ ཕྱོགས་ ན་ ཡོད་ བྱ་ བ་ ཙམ་ ལས།
གར་ ཡོད་ ཏན་ ཏན་ མི་ ཤེས་ པ་ ལ་ གློ་ བུར་ དུ་ དེར་ སླེབས་ ཚེ།
སེམས་ ལ་ དགའ་ སྐྱོ་ ཚད་ ལས་ འདས་ པ་ རེ་ ཡོང་ གི་ འདུག
བཀའ་ གདམས་ པའི་ ལྷ་ ཁང་ དེ་ ཀུན་ བཀོད་ པ་ ཞན་ ཅིང་ །
ཀ་ བ་ ཡང་ ཤིང་ འཁྱར་ འཁྱོར་ ལས་ དྲང་ པོ་ ལེགས་ པོ་ ཞིག་ ཀྱང་ མེད་ པ་ ཕལ་ ཆེར་ དེ་ འདྲར་ འདུག་ མོད།
མཇལ་ བ་ ཙམ་ གྱིས་ ཆོས་ དང་ རྗེས་ མཐུན་ གྱི་ དང་ བ་ འདྲེན་ ཅིང་ ཉམས་ དགའ་ ཡལ་ ལེ་ བ་ བྱེ་ པའི་ བྱིན་ ཆགས་ པ་ ཤ་ སྟག་ འདུག '' ཅེས་ སྐབས་ དེ་ དུས་ ཀྱི་ བཀའ་ གདམས་ པའི་ དགོན་ སྡེའི་ གནས་ ཚུལ་ མི་ ཉུང་ བ་ ཞིག་ བྲིས་ འདུག་ པ་ མཐོང་ བས་ རྐྱེན་ བྱས་ ཏེ།
བཀའ་ གདམས་ པའི་ དགོན་ སྡེའི་ སྐོར་ ལ་ ཞིབ་ འཇུག་ བྱེད་ རྒྱུ འི་ འདུན་ པ་ སྐྱེས་ སོང་ །
དེར་ བརྟེན་ ལྷ་ སར་ སྡོད་ རིང་ འཕན་ ཡུལ་ དང་ །
སྟོད་ ལུང་ །
མལ་ འགྲོ་ གུང་ དཀར་ སོགས་ སུ་ ཡོད་ པའི་ བཀའ་ གདམས་ པའི་ དགོན་ སྡེ་ མང་ པོ་ ཞིག་ ལ་ དངོས་ སུ་ ཕྱིན་ ཏེ་ ལྟ་ སྐོར་ བྱས་ པ་ ཡིན།
ཁོང་ གིས་ གསུངས་ པ་ ལྟར།
བཀའ་ གདམས་ པའི་ དགོན་ པ་ མང་ ཆེ་ བ་ དུས་ རབས་ བཅུ་ གཅིག་ པ་ ནས་ བཅུ་ གསུམ་ པའིི་ བར་ ལ་ བཞེངས་ པའི་ ལོ་ རྒྱུས་ ལྡན་ པའི་ དགོན་ པ་ ཤ་ སྟག་ རེད།
ཡིན་ ནའང་ ད་ ལྟ་ གྲུབ་ མཐའ་ དགེ་ ལུགས་ དང་ ། ས་ སྐྱ་ སོགས་ ལ་ འགྱུར་ ཚར་ ཡོད་ པ་ རེད།
འོན་ ཀྱང་ བཀའ་ གདམས་ པ་ དར་ བའི་ དུས་ ཚོད་ ལྟར་ རྒྱ་ ཆེན་ པོ་ རང་ མི་ འདུག
ད་ ལྟ་ ཡོད་ པའི་ དགོན་ པ་ མང་ ཆེ་ བའི་ དཔལ་ འབྱོར་ གྱི་ གནས་ བབ་ ཧ་ ཅང་ སྐྱོ་ བོ་ འདུག བཀའ་ གདམས་ པས་ ཕྱིས་ སུ་ བྱུང་ བའི་ བོད་ ཀྱི་ གྲུབ་ མཐའ་ མང་ ཆེ་ བ་ ལ་ ཤུགས་ རྐྱེན་ ཆེན་ པོ་ ཐེབས་ ཡོད་ པ་ མ་ ཟད།
གྲུབ་ མཐའ་ ཁག་ གི་ བླ་ མ་ དང་ །
དགེ་ བཤེས་ སོགས་ ཀྱིས་ སློབ་ སྦྱོང་ གནང་ ས་ མང་ ཆེ་ བ་ བཀའ་ གདམས་ པ་ དང་ འབྲེལ་ བ་ ཡོད་ པ་ རེད།
དེར་ བརྟེན། བཀའ་ གདམས་ པའི་ སྐོར་ ལ་ ཞིབ་ འཇུག་ བྱེད་ རྒྱུ་ དེ་ དམིགས་ བསལ་ གལ་ ཆེན་ པོ་ རེད།
ངའི་ ད་ ལྟའི་ བར་ གྱི་ ཞིབ་ འཇུག་ གི་ གྲུབ་ དོན་ སྐོར་ ཅུང་ ཟད་ ཞུས་ ན།
ཉི་ ཧོང་ སྐད་ ཡིག་ ཐོག་ ཏུ་ བསྒྱུར་ བའི་ ལོ་ ཆེན་ རིན་ ཆེན་ བཟང་ པོའི་ རྣམ་ ཐར་ དང་ །
ཐུའུ་ བཀྭན་ གྲུབ་ མཐའི་ བཀའ་ གདམས་ ཀྱི་ ལེའུ་ གཉིས་ ཡོད།
དེ་ ནས་ དབྱིན་ ཡིག་ དང་ ཉི་ ཧོང་ ཡིག་ ཐོག་ ཏུ་ བྲིས་ པའི་ དཔྱད་ རྩོམ་ ཁ་ ཤས་ ཀྱང་ ཡོད།
དེ་ ཚོའི་ བརྗོད་ གཞི་ ནི་ དགེ་ བཤེས་ སྤྱན་ སྔ་ པས་ (༡༠༣༨-༡༡༠༣)
བཞེངས་ པའི་ ལོ་ དགོན་ པའི་ ལོ་ རྒྱུས་ དང་ །
དུས་ རབས་ བཅུ་ གཅིག་ པར་ བཀའ་ གདམས་ པའི་ དགེ་ བཤེས་ མང་ པོས་ ཁམས་ འདན་ མར་ སློབ་ སྦྱོང་ བྱས་ ཚུལ།
མི་ ཉག་ གི་ བཙན་ རྫོང་ ནས་ ཐོན་ པའི་ བཀའ་ གདམས་ པ་ དང་ འབྲེལ་ བ་ ཡོད་ པའི་ དཔེ་ ཆ་ བྲིས་ མའི་ སྐོར་ སོགས་ ཡིན །
དྲི་ བ།
རྒྱལ་ སྤྱིའི་ བོད་ རིག་ པའི་ ཞིབ་ འཇུག་ ཚོགས་ འདུ་ དང་ ཉི་ ཧོང་ བོད་ རིག་ པའི་ ཚོགས་ འདུ།
སོག་ པོ་ བོད་ རིག་ པའི་ ཚོགས་ ཆུང་ སོགས་ ཀྱི ་ བོད་ རིག་ པའི་ ཞིབ་ འཇུག་ ཐོག་ དགོངས་ ཚུལ་ གང་ འདྲ་ ཡོད།
ལན།
དེང་ སྐབས་ བོད་ རིག་ པ་ དང་ འབྲེལ་ བ་ ཡོད་ པའི་ ཚོགས་ འདུ་ ནི་ བོད་ དང་ ། རྒྱ་ ནག རྒྱ་ གར།
ནུབ་ ཕྱོགས་ རྒྱལ་ ཁབ་ ཁག ཉི་ ཧོང་ སོགས་ མང་ པོ་ ཞིག་ ལ་ འཚོགས་ ཀྱིན་ ཡོད་ ལ།
ད་ ལོའི་ རྒྱལ་ སྤྱིའི་ བོད་ རིག་ པའི་ ཚོགས་ འདུ་ དེ་ སོག་ ཡུལ་ ལ་ ཚོགས་ པ་ རེད།
གཞན་ རྒྱལ་ སྤྱིའི་ ཚོགས་ འདུ་ མ་ ཡིན་ པ་ ཡང་ མང་ པོ་ ཡོད་ པ་ རེད།
ཚང་ མས་ ཞིབ་ འཇུག་ བྱེད་ ས་ གཙོ་ བོ་ བོད་ རིག་ པ་ ཡིན་ ནའང་ ། མི་ རིགས་ སམ།
ཡང་ ན་ རྒྱལ་ ཁབ་ རེ་ རེའི་ དམིག ས་ ཡུལ་ མི་ གཅིག་ པ་ མ་ ཟད།
ཞིབ་ འཇུག་ བྱེད་ མཁན་ གྱི་ རྒྱབ་ ལྗོངས་ ཡང་ མི་ འདྲ་ བ་ ཡོད་ པ་ རེད།
བོད་ རིག་ པ་ ཞེས་ པ་ དེ་ ནང་ དོན་ ཡང་ རྒྱ་ ཆེན་ པོ་ དང་ །
ཞིབ་ འཇུག་ བྱེད་ ཐབས་ ཀྱང་ རྣམ་ པ་ སྣ་ ཚོགས་ ཡོད་ པ་ རེད།
དེ་ ཚོ་ གཅིག་ གྱུར་ བྱེད་ དགོས་ པ་ ཡོད་ པ་ མ་ རེད་ ལ།
མི་ རེ་ རེར་ བསམ་ ཚུལ་ ཡང་ མི་ འདྲ་ བ་ དང་ །
ཆབ་ སྲིད་ ཀྱི་ གནས་ སྟངས་ ཀྱང་ མི་ འདྲ་ བ་ ཡོད་ པའི་ དབང་ གིས་ དམིགས་ ཡུལ་ གཅིག་ བཞག་ པ་ དེ་ ཧ་ ཅང་ དཀའ་ ལས་ ཁག་ པོ་ རེད།
ལྷག་ པར་ དུ་ དེང་ སྐབས་ བོད་ ཀྱི་ གནས་ སྟངས་ ལ་ བསམ་ བློ་ བཏང་ ན། བོད་ ཀྱི་ སྐད་ ཡིག་ དང་ རིག་ གནས།
སྲོལ་ རྒྱུན་ གྱི་ གོམས་ གཤིས་ སོགས་ རྩ་ བརླག་ ཏུ་ འགྲོ་ བའི་ ཉེན་ ཁ་ ཡོད་ པ་ རེད། དེར་ བརྟེན། ང་ ཚོ་ བོད་ རིག་ པར་ ཞིབ་ འཇུག་ བྱེད་ མཁན་ རྣམས་ ཀྱིས། བརྗོད་ གཞི་ འདྲ་ མིན་ དང་ །
ཐབས་ ཤེས་ མི་ འདྲ་ བ་ དུ་ མའི་ སྒོ་ ནས་ བོད་ ཀྱི་ སྐད་ ཡིག་ དང་ །
རིག་ གནས་< མི་ ཉམ་ སྲུང་ སྐྱོབ་ བྱེད་ རྒྱུ་ དེ་ གལ་ གནད་ ཆེ་ ཤོས་ སུ་ བརྩིས་ ནས་ ལས་ ཀ་ བྱེད་ དགོས་ པ་ རེད་ དྲན་ གྱི་ འདུག དེ་ ནི་ བོད་ རིག་ པར་ ཞིབ་ འཇུག་ བྱེད་ མཁན་ དང་ ། བོད་ རིག་ པའི་ ཐད་ ལས་ ཀ་ མཁན་ མང་ ཆེ་ བའི་ བསམ་ བློ་ དང་ རེ་ བ་ ཡིན་ རྒྱུ་ རེད་ བསམ་ གྱི་ ཡོད།
དྲི ་ བ། ཁྱེད་ རང་ གིས་ བོད་ གཞིས་ བྱེས་ གཉིས་ ཀྱི་ སྤྱི་ ཚོགས་ དངོས་ སུ་ མཐོང་ ཡོད་ དུས།
སྤྱིའི་ ཆ་ ནས་ མ་ འདྲ་ བའི་ ཁྱད་ པར་ གང་ དག་ མཐོང་ སོང་ །
ལན། ང་ རང་ ལ་ མཚོན་ ལ།
ད་ ལྟའི་ བར་ དུ་ བོད་ ཀྱི་ ས་ ཆ་ དངོས་ དང་ །
བོད་ དང་ འབྲེལ་ བ་ ཡོད་ ས་ མང་ པོ་ ཞིག་ ལ་ ཕྱིན་ པ་ ཡིན། དཔེར་ ན་ དབུས་ གཙང་ དང་ ། ཁམས།
ཨ་ མདོ། དེ་ བཞིན་ བལ་ ཡུལ་ དང་ ། རྒྱ་ གར་ གྱི་ ས་ གནས་ ཝ་ ར་ ན་ སི། ངྷ ་ རམ་ ས་ ལ།
ཨོ་ རིས་ ས། རྒྱ་ གར་ ལྷོ་ ཕྱོགས་ ཀྱི་ སེ་ འབྲས་ དགའ་ གསུམ་ སོགས་ དང་ ། གཞན། ནུབ་ ཕྱོགས་ རྒྱལ་ ཁབ་ ཁག་ ནང་ ཚོགས་ འདུ་ སོགས་ ལ་ འགྲོ་ སྐབས་ བོད་ རིགས་ འདུ་ འཛོམས་ བྱེད་ ས ་ དང་ ། ཆོས་ ཚོགས་ སོགས་ ལ་ ཕྱིན་ ཏེ ་ བོད་ པའི་ འཚོ་ བ་ སྐྱེལ་ སྟངས་ དང་ །
བསམ་ བློ་ གཏོང་ སྟངས་ སོགས་ གང་ འདྲ་ ཡོད་ མེད་ ལ་ ཞིབ་ འཇུག་ བྱས་ པ་ ཡིན།
ད་ ལྟ་ ཨ་ རིའི་ བྷོ་ སི་< ཊོན་ ( Boston) ལ་ སྡོད་ སྐབས་ ལོ་ གཉིས་ ནང་ ནུབ་ ཕྱོགས་ རྒྱལ་ ཁབ་ ཏུ་ ཡོད་ པའི་ བོད་ པ་ ཚོའི་ ཉིན་ རེའི་ འཚོ་ བ་ སྐྱེལ་ སྟངས་ དང་ །
ཆེས་ སྤྱིར་ བཏང་ གི་ གནས་ སྟངས་ ཁག་ ཀྱང་ གང་ འཚམ་ ཤེས་ ཐུབ་ སོང་ །
སྤྱིར་ བོད་ ཕྱི་ ནང་ གཉིས་ ལ་ ཁྱད་ པར་ ཆེན་ པོ་ ཡོད་ པ་ རེད། ང་ རང་ ལས་ ཀའི་ ངོ་ བོ་ ཐད་ ནས་ བཤད་ ན། བོད་ ནང་ ལ་ མཚོན་ ན་ བོད་ ཡིག་ དང་ །
བོད་ ཀྱི་ རིག་ གནས་ ལ་ སྦྱོང་ མཁན་ མང་ བ་ ཡོད་ པའི་ ཚོར་ སྣང་ འདུག
དེའི་ རྒྱུ་ མཚན་ ནི་ བོད་ རིགས་ སློབ་ གྲྭ་ ཆེན་ མོར་ འགྲོ་ མཁན་ མང་ ཆེ་ བ་ མི་ རིགས་ སློབ་ གྲྭའི་ བོད་ ཡིག་ ཚན་ ཁག་ ལ་ འགྲོ་ བཞིན་ འདུག དེ་ ནས་ སློབ་ གྲྭ་ མཐར་ ཕྱིན་ ན་ མི་ རིགས་ སློབ་ གྲྭ་ དང་ ། སྤྱི་ ཚོགས་ ཚན་ རིག་ ཁང་ །
དེ་< བཞིན་ མི་ རིགས་ པར་ སྐྲུན་ ཁང་ །
གཞན་ གྲོང་ གསེབ་ ཁག་ གི་ སློབ་ གྲྭའི་ དགེ་ རྒན་ སོགས་ བོད་ ཡིག་ དང་ འབྲེལ་ བ་ ཡོད་ པའི་ ལས་ ཀ་ མང་ པོ་ ཡོད་ པ་ གོ་ སོང་ །
ང་ ལ འང་ བོད་ ཡིག ་ ལས་ ཀ་ བྱེད་ མཁན་ ངོ་ ཤེས་ གྲོགས་ པོ་ མང་ པོ་ ཡོད། བཙན་ བྱོལ་ ནང་ མི་ རང་ རང་ གི་ དགའ་ ཕྱོགས་ སམ། སློབ ་ སྦྱོང་ བྱེད་ ཡུལ་ བརྗོད་ གཞི་ རྣམ་ པ་ སྣ་ ཚོགས་ ཡོད་ པའི་ བོད་ རིག་ པ་ ཞིབ་ འཇུག་ བྱེད་ མཁན་ ཉུང་ ཉུང་ ཡིན་ པར་ མཐོང་ སོང་ ། དཔེར་ ན ། རྒྱལ་ སྤྱིའི་ བོད་ རིག་ པའི་ ཚོགས་ འདུ་ ཁག་ ཏུ་ བཙན་ བྱོལ་ ནས་ ཕེབས་ པའི་ བོད་ རིག་ པའི་ ཞིབ་ འཇུག་ པ་ གཞོན་ སྐྱེས་ ཉུང་ ཉུང་ རེད།
དྲི་ བ།
མཐའ་ མར་ ཁྱེད་ རང་ ལ་ དམིགས་ བསལ་ ཞུ་ རྒྱུ་ དེ་ འདྲ་ ཡོད་ དམ །
ལན། ང་ རང་ ཉི་ ཧོང་ ནས་ ཡིན་ དུས ་ ཉི་ ཧོང་ གི་ བོད་ རིག་ པ་ དར་ ཁྱབ་ གཏོང་ ཕྱོགས་ སྐོར་ ཞུ་ འདོད་ བྱུང་ །
ཉི་ ཧོང་ གི་ བོད་ རིག་ པའི་ ཞིབ་ འཇུག་ ཚོགས་ པ་ ( Japanese Association for Tibetan Studies) ནི། ༡༩༥༣
ལོར་ ཚོགས་ ཆེན་ ཐེངས་ དང་ པོ་ ཚོགས་ པའི་ བོད་ རིག་ པའི་ ཚོགས་ པ་ རྙིང་ ཤོས་ གྲས་ ཤིག་ རེད།
ད་ ལྟའི་ ཆར་ ཚོགས་ མི་ སུམ་ བརྒྱ་ ལྷག་ ཡོད་ ཅིང་ །
ལོ་ ལྟར་ ཚོགས་ འདུ་ འཚོགས་ བཞིན་ ཡོད་ པ་ རེད།
ད་ ལོ་ ཕྱི་ ཟླ་ ༡༡ པར་ ཐེངས་ ༦༡ པ་ འཚོགས་ འཆར་ ཡོད་ པ་ རེད། ཐེངས་ རེ་ རེར་ གཏམ་ བཤད་ གནང་ མཁན་ ལྔ་ བརྒྱ་ དྲུག་ བརྒྱ་ ཡོང་ གི་ ཡོད་ པ་ རེད།
བརྗོད་ གཞི་ མཚན་ ཉིད་ དང་ ལོ་ རྒྱུས། སྐད་ ཡིག
མི་ རིགས་ རིག་ པ་ སོགས་ སྣ་ ཚོགས་ ཡོད་ པ་ རེད།
ཚོགས་ འདུ་ རེ་ རེའི་ མཇུག་ འབྲས་ དུས་ དེབ་ ( Report of the
Japanese Association for Tibetan Studies) ཀྱང་ ལོ་ ལྟར་ པར་ བསྐྲུན་ བྱེད་ ཀྱི་ ཡོད་ པ་ རེད།
རྒྱལ་ ཁབ་ གཞན་ གྱི་ ཞིབ་ འཇུག་ པའང་ ཚོགས་ ཁོངས་ སུ་ ཞུགས་ ཆོག་ གི་ ཡོད་ པ་ རེད།
དེར་ བརྟེན། རྗེས་ ཕྱོགས་ བཙན་ བྱོལ་ ནང་ གི་ བོད་ རིག་ པ་ ཞིབ་ འཇུག་ གནང་ མཁན་ དང་ ཉི་ ཧོང་ གི་ བོད་ རིག་ པ ར ་ དོ་ སྣང་ ཡོད་ མཁན་ ཚོས། ཚོགས་ པ་ དེའི་ ནང་ ཞུགས་ པའམ་ ཡང་ ན་ འབྲེལ་ བ་ གནང་ ན་ ཡག་ པོ་ འདུག
ང་ ཚོ་ ཤར་ ཨེ་ ཤ་ ཡ་ གཅིག་ པ་ ཡིན་ པ་ མ་ ཟད།
ནང་ པའི་ རྒྱལ་ ཁབ་ ཡིན་ པས་ རྒྱབ་ ལྗོངས་ ཡོད་ པ་ རེད། ཞིབ་ འཇུག་ བྱེད་ མཁན་ ཞིག་ ལ་ མཚོན་ ན།
ཆ་ རྐྱེན་ གཙོ་ བོ་ སྨྲ་ བརྗོད་ རང་ དབང་ དང་ འགྲོ་ འདུག་ རང་ དབང་ སོགས་ རེད། དེ་ ནི་ ཉི་ ཧོང་ ལ་ ཡག་ ཐག་ ཆོད་ ཡོད་ པ་ རེད། བཙན་ བྱོལ་ བོད་ པའི་ སྤྱི་ ཚོགས་ ནང་ ཡོད་ པའི་ བོད་ རིག་ པ་ ཞིབ་ འཇུག་ པ་ དང་ །
ཉི་ ཧོང་ བོད་ རིག་ པ་ ཞིབ་ འཇུག་ པའི་ བར་ ཕན་ ཚུན ་ བསམ་ བློ་ བརྗེ་ རེས་ བྱེད་ ཐུབ་ ན་ བོད་ རིག་ པ་ ལ་ ཕན་ ཐོགས་ ཆེན་ པོ་ ཡོང་ གི་ རེད་ བསམ་ གྱི་ འདུག
ཐུགས་ རྗེ་ ཆེ།
བཅར་ འདྲི་ བྱེད་ མཁན། རྨེའུ་ དཀོན་ རྒྱམ
གནས་ཚུལ་གཏོང་མཁན། ལྷ་སྡེ་གནམ་ལོ་ཡག
ཕྱི་ ཟླ་༡༠ ཚེས་༢༤ ཉིན་གྱི་སྔ་དྲོ།
《སངས་རྒྱས་བཀྲོངས་པ》དཔེ་དེབ་མཛད་སྒོ་ཐེ་པེ་སློབ་ཆེན་སློབ་གྲོགས་ཚོགས་ཁང་དུ་ བསྡུས་ཤིང་། དཔེ་དེབ་འདི་བཞིན་རྒྱ་ནག་གི་བཙན་བྱོལ་རྩོམ་པ་པོ་དང་སློབ་དཔོན་ཡན་ཧོང་པེན་
དང་བོད་རྒྱ་སྐད་གཉིས་སྙན་ངག་པ་གནམ་ལོ་ཡག་གིས་བརྩམས་པ་ཞིག་རེད། སྐུ་མགྲོན་གཙོ་བོར་ཐེ་ཝན་ཤེས་རིག་ལྷན་ཁང་གི་ཚོགས་གཞོན་ཟུར་བ་ཝུའུ་ཅིན་ཧྭ། ཐེ་ ཝན་སློབ་ཆེན་གསོ་རིག་ལྷན་ཁང་གི་འགན་འཛིན་ཁུ་ཝུན་ཀྲོའུ།
ཐེ་ཝན་སློབ་ཆེན་སྤྱི་ཚོགས་ཚན་རིག་ཁང་གི་འགན་འཛིན་གཞོན་པ་ཆིག་རུང་ཅུའུ། བཙན་བྱོལ་བོད་མིའི་སྤྱི་འཐུས་ཟུར་བ་མཁས་གྲུབ་དོན་གྲུབ། ཧྥེ་པེན་རིག་གནས་མཐུན་གཉེར་ཁང་གི་སྤྱི་ཁྱབ་རྩོམ་སྒྲིག་པ་ཆེན་མོ་ཡའེ་པོ་ཞང་
སོགས་མཆིས།
མཛད་རིམ་ཁག་གསུམ་ལ་དབྱེ་འདུག ༡༽ སློབ་དཔོན་ཡན་ཧོང་པེན་གྱིས་དཔེ་དེབ་ངོ་སྤྲོད་དང་འབྲེལ་བའི་གཏམ་བཤད་སྤེལ་ ཞིང་། བརྗོད་གཞི་ནི་བོད་ཀྱི་དེ་རིང་ནི་ཐེ་ཝན་གྱི་སང་ཉིན་ཡིན་ཞེས་པ་དེ་རེད། ༢༽
སྐུ་མགྲོན་གཙོ་བོ་དག་གི་གཏམ་བཤད། ༣༽ 《སངས་རྒྱས་བཀྲོངས་པ》དཔེ་དེབ་རྩོམ་མཁན་ཟུང་གི་སྤྱི་བསྒྲགས།
གཤམ་དུ་སྤྱི་བསྒྲགས་ཟུར་འདོན་གྱིས་ཆེད་འགོད་བྱས་ཡོད།
《སངས་རྒྱས་བཀྲོངས་པ》རྩོམ་མཁན་གྱིས་རྒྱ་དམར་གཞུང་གི་གཏུག་བཤེར་ལ་གདོང་ལེན་བྱེད་ངེས་སྤྱི་བསྒྲགས།
《སངས་རྒྱས་བཀྲོངས་པ》དཔེ་དེབ་ནང་རྒྱ་དམར་ཆབ་སྲིད་ནག་པོ་ཚོགས་པའི་རུ་ཁག་ ཏེ། ཏིང་ཞའོ་ཕིང་། པོ་ཡི་པའོ། ལིས་ཤན་ཉིན། ཧུའུ་ཅིན་ཐོ། ཝུན་ཅཱ་པོ། ཞིས་ཅིན་ཕེན། ཧུའུ་ཁྲོང་ཧྭ། མུན་ཅིན་ཝེ།
ཝང་མེས་ཆིན་སོགས་རྒྱ་དམར་དཔོན་རིགས་ཀྱིས་བོད་བརྒྱུད་ནང་བསྟན་རྨེག་མེད་དང་ སློབ་དཔོན་ཆེན་མོ་པཎ་ཆེན་སྐུ་ཕྲེང་བཅུ་བ་ལྐོག་གསོད། པཎ་ཆེན་སྐུ་ཕྲེང་བཅུ་གཅིག་པ་རྫུན་བཟོ་བཅས་ཀྱིས་མཚོན་པའི་འགྲོ་བ་མིའི་རིགས་
ལ་རྒོལ་བའི་ནག་ཉེས་རིམ་པར་བསགས་པའི་དངོས་ཡོད་གནས་ཚུལ་ཐེར་འདོན་བྱས་ཡོད།
རྒྱ་དམར་ཆབ་སྲིད་ནག་པོ་ཚོགས་པའི་རུ་ཁག་དང་གོང་བརྗོད་འགྲོ་བ་མིའི་རིགས་ལ་ རྒོལ་བའི་ནག་ཉེས་ཡོད་པའི་དོགས་གཞི་ཅན་དག་དེང་སྐབས་རྒྱ་དམར་དབང་ཆ་གཅིག་སྡུད་
ཀྱི་ལྕགས་ཀྱི་ཡོལ་བའི་རྒྱབ་ལོགས་སུ་སྦས་བསྐུངས་ཀྱིས་ཁྲིམས་ཞིབ་དང་ཉེས་ཆད་ལ་ གཡོལ་བཞིན་ཡོད།
《སངས་རྒྱས་བཀྲོངས་པ》རྩོམ་མཁན་ཡིན་པའི་ཆ་སྟེ། ང་ཚོས་དཔེ་དེབ་ནང་ཐེར་འདོན་བྱས་པའི་འགྲོ་བ་མིའི་རིགས་ལ་རྒོལ་བའི་ནག་ཉེས་ རིམ་པར་བསགས་པའི་དངོས་ཡོད་གནས་ཚུལ་གྱི་ཡང་དག་རང་བཞིན་ལ་འགན་ལེན་གཙང་མ་བྱེད་ རྒྱུ་ཡིན།
གལ་སྲིད་རྒྱ་དམར་ཆབ་སྲིད་ནག་པོ་ཚོགས་པའི་རུ་ཁག་དང་གོང་བཀོད་ཞིབ་ཕྲའི་ནག་ ཉེས་དོགས་གཞི་ཅན་དག་གིས《སངས་རྒྱས་བཀྲོངས་པ》དཔེ་དེབ་ནང་གསལ་བའི་ཁོ་རང་ཚོའི་ ཉེས་པའི་ཐད་དག་སེལ་ཡོད་ན།
ཁོ་རང་ཚོས《སངས་རྒྱས་བཀྲོངས་པ》རྩོམ་མཁན་ལ་མ་ཉེས་ཁ་གཡོགས་ཀྱི་ཞུ་གཏུག་བྱེད་ ཆོག ཁོ་རང་ཚོས་འཛམ་གླིང་སྟེང་གི་རྒྱལ་ཁབ་གང་རུང་གི་ཁྲིམས་ཁང་ནང་ཞུ་གཏུག་བྱེད་ ཆོག་ཅིང་། དེའི་ནང་དུ་རྒྱ་ནག་ཁྲིམས་ཁང་ཡང་འདུ་ལ།
ང་ཚོས་གཏུག་བཤེར་ལ་གདོང་ལེན་བྱེད་ངེས་ཡིན།
ང་ཚོའི་བསམ་ཚུལ་ལྟར་ན། རྒྱ་དམར་དབང་ཆ་གཅིག་སྡུད་འོག་གི་རྒྱ་ནང་ཁྲིམས་ཁང་གིས་རྣམ་པ་གང་རུང་གི་ ཁྲིམས་བཤེར་ཡང་དག་ཅིག་ཡོང་མི་སྲིད་ནའང་།
སློབ་དཔོན་ཆེན་མོ་པཎ་ཆེན་སྐུ་ཕྲེང་བཅུ་བ་མཆོག་གི“ང་རང་དམྱལ་བར་གི་བསྐྱོད། སུ་ཞིག་བསྐྱོད་དམ”ཞེས་པའི་བྱམས་སྙིང་རྗེ་ཆེན་མོའི་ཞལ་གདམས་སྙིང་བཅངས་ཀྱིས་
རྒྱ་ནག་ཁྲིམས་ཁང་བརྒྱུད་ནས་གཏུག་བཤེར་ལ་གདོང་ལེན་བྱེད་ངེས་ཡིན་ལ། ཁྲིམས་སྲོལ་ཁག་གི་འགྲོ་རིམ་ལྟར། རྒྱ་དམར་ཆབ་སྲིད་ནག་པོ་ཚོགས་པའི་རུ་ཁག་དང་གོང་བརྗོད་འགྲོ་བ་མིའི་རིགས་ལ་
རྒོལ་བའི་ནག་ཉེས་རིམ་པར་བསགས་ཡོད་པའི་དོགས་གཞི་ཅན་དག་གི་ནག་ཉེས་ལ་བདེན་དཔང་ བྱས་ཏེ། རྒྱུ་འབྲས་ཀྱི་བདེན་པ་གསལ་སྟོན་བྱེད་རྒྱུ་ཡིན་པའི་སྤྱི་བསྒྲགས་སུ།
《སངས་རྒྱས་བཀྲོངས་པ》རྩོམ་མཁན་སློབ་དཔོན་ཡན་ཧོང་པེན་དང་ལྷ་སྡེ་གནམ་ལོ་ཡག་ ཟུང་གིས་ཕྱི་ལོ་ ༢༠༡༣ ལོའི་ཟླ་༡༠ ཚེས་༢༤ ཉིན།
༄༅།། མི་ ལོ་ ཧྲིལ་ པོ་ དྲུག་ ཅུའི་ རིང་ གི་ གཞིས་ སྡོད་ བོད་ མིའི་ གནས་ བབས་ ལ་ བསམ་ གཞིགས་ ཀྱིས་རང་གི་ལྟ་ཚུལ་ཆེས་རགས་ས་ནས་ཕྱོགས་བསྡོམས་བྱས་པ།
ཆབ་ ཚང་ འཇམ་ དཔལ།
དང་ པོ།
རྒྱ་ དམག་ བོད་ དུ་ ལྷགས་ པའི་ ཐོག་ མའི་ རྒྱུ་ རྐྱེན།
གུས་ པ་ དུས་ རབས་ ཉི་ ཤུ་ པའི་ སྨད་ དཀྱིལ་ ཙམ་ ལ་ ཧ་ ཅང་ དབུལ་ འཕོངས་ ཡིན་ པའི་ ཁྱིམ་ ཚང་ དཀྱུས་ མ་ ཞིག་ ཏུ་ སྐྱེས་ ཤིང༌།
ནར་ སོན་ དུས་ ལོ་ ངོ་ ཁྲི་ ཕྲག་ འགའི་ ལོ་ རྒྱུས་ ལྡན་ པའི་ ངའི་ ལུང་ པ་ འདི་ གཞན་ གྱི་ བཙན་ དབང་ འོག་ ཏུ་ ཤོར་ འདུག་ པ་ མ་ ཟད།
བོད་ མི་ འབུམ་ ཕྲག་ བཅུ་ གཉིས་ ཙམ་ རྒྱས་ བཙན་ རྒོལ་ གྱིས་ རྐྱེན་ འདས་ སུ་ བཏང་ བའི་ ཡ་ ང་ བའི་ ལོ་ རྒྱུས་ འདྲ་ མིན་ ཞིག་ གྲོང་ མི་ ཚོའི་ ངག་ རྒྱུན་ ནས་ ཐོག་ མར་ གོ་ ཐོས་ བྱུང་ ཞིང༌།
འདས་ ཟིན་ པའི་ ལོ་ རྒྱུས་ འདི་ རིགས་ ཀྱིས་ ངའི་ སེམས་ ནང་ ནམ་ ཡང་ བཟོད་ བསྲན་ དཀའ་ བའི་ བག་ ཆགས་ གཏིང་ ཟབ་ བཞག
ལྷག་ དོན་ བོད་ མི་ འབུམ་ ཕྲག་ བཅུ་ གཉིས་ ཙམ་ དམར་ གསོད་ བཏང་ བའི་ དོན་ རྐྱེན་ གྱི་ རྩ་ གནད་ རང་ བཞིན་ ཡོངས་ རྫོགས་ འབའ་ བ་ ཕུན་ དབང་ ཕྱི་ ལོ་
༡༩༢༢ ལོའི་ ཕྱི་ ཟླ་ དང་ པོའི་ ནང་ འཁྲུངས།
གིས་ བྱས་ ཚུལ་ གྱི་ གཏམ་ རྒྱུད་ འདྲ་ མིན་ ཞིག་ གོ་ ཐོས་ བྱུང་ སྟབས།
སེམས་ ནང་ ཕུན་ དབང་ ནི་ བོད་ མི་ རྒྱལ་ འཚོང་ བ་ དང༌།
བོད་ མི་ འབུམ་ ཕྲག་ བཅུ་ གཉིས་ ལྷག་ གི་ ཁྲག་ ལན་ ཁྲག་ གིས་ འཇལ་ རྒྱུར་ བསྡད་ པའི་ བོད་ རིགས་ ཉེས་ ཅན་ པ་ གཏེ་ བོ་ ཞིག་ རེད་ སྙམ་ པའི་ ཚོར་ ཤེས་ གནོན་ དཀའ་ བ་ བྱུང༌།
དེ་ བས་ ཀྱང་ སོག་ རྒྱལ་ གོ་ ཏན་ གྱིས་ ལོ་ བཅུ་ གཉིས་ རེའི་ མཚམས་ སུ་ ལོ་ ངོ་ དགུ་ ལས་ མ་ ཟིན་ པའི་ བྱིས་ པ་ འབུམ་ ཕྲག་ ལྷག་ རེ་ རྒྱ་ མཚོར་ གཡུག་ བཞིན་ པ་ དང༌།
ཧི་ ཀྲི་ ལར་ གྱིས་ འཇུའུ་ མི་ རིགས་ ས་ ཡ་ དྲུག་ ལ་ ཉེ་ བ་ མེར་ བསྲེགས་ པ།
མའོ་ ཡིས་ རིག་ གསར་ ལས་ འགུལ་ ཁྲོད་ རྒྱ་ རིགས་ བྱེ་ བ་ བདུན་ ལྷག་ དམར་ གསོད་ དང་ མུག་ ཤིར་ བརྫངས་ པ།
འཛམ་ གླིང་ དམག་ ཆེན་ དང་ པོ་ གཉིས་ པ་ སོ་ སོར་ དམག་ མི་ དང་ ཉེས་ མེད་ མི་ སེར་ ས་ ཡ་ བརྒྱ་ ལྷག་ དུས་ མིན་ རྐྱེན་ འདས་ སུ་ བཏང་ བ།
ཨུ་ རུ་ སུའི་ ནང་ འཁྲུག་ དང༌། ཀོ་ རི་ ཡའི་ ནང་ འཁྲུག
ར་ ཝན་ ཌ་ རྒྱལ་ ཁབ་ ཀྱིས་ ནང་ འཁྲུག་ ཁྲོད་ ཉེས་ མེད་ མི་ སེར་ ས་ ཡ་ གསུམ་ ཙམ་ དམར་ གསོད་ དང་ མུག་ ཤིར་ བརྫངས།
དུས་ རབས་ ཉེར་ གཅིག་ པའི་ དུས་ འགོར་ ཨེ་ རག་ གི་ དམག་ འཁྲུག
ཨབ་ གྷ་ ནེ་ སུ་ ཐཱན་ གྱི་ དམག་ འཁྲུག
འཇིགས་ སྐུལ་ རིང་ ལུགས་ པས་ ཚུར་ རྒོལ་ སོགས་ ཀྱི་ སྐབས་ དུ་ མར་ ཉེས་ མེད་ མི་ སེར་ ཁྲི་ ཕྲག་ མང་ པོ་ དུས་ མིན་ རྐྱེན་ འདས་ སུ་ བཏང་ བའི་ འཇིགས་ སྣང་ ཅན་ གྱི་ ལོ་ རྒྱུས་ དག་ མཐོང་ དུས་ དུས་ རབས་ འདི་ ཕན་ ཚུན་ དམར་ གསོད་ དང་ མུ་ གེའི་ དུས་ རབས་ ཤིག་ ལས་ མ་ འདས་ སྙམ་ པ་ བྱུང༌།
ངས་ ང་ རང་ ལ་ དུས་ རྟག་ ཏུ་ མིས་ མི་ ལ་ བསམ་ ཡུལ་ ལས་ འདས་ པའི་ མནར་ གཅོད་ འདི་ འདྲ་ གཏོང་ དགོས་ དོན་ ཅི་ ཞིག་ ཡིན་ ནམ་ ཞེས་ དྲི་ བ་ ལན་ མང་ གཏང་ དགོས་ བྱུང་ ཞིང༌།
ཡུན་ རིང་ བོའི་ རྗེས་ རང་ ཉིད་ གཅིག་ པུའི་ ཆེད་ དུ་ གཞན་ བློས་ གཏོང་ བྱེད་ པའི་ ཀུན་ སློང་ ངན་ པ་ དག་ སྲིད་ དོན་ ལྟ་ གྲུབ་ ཀྱི་ སྲོག་ རྩར་ བཟུང་ བའི་ མཇུག་ འབྲས་ འབའ་ ཞིག་ ཡིན་ པ་ བདེ་ བླག་ ངང་ རྟོགས་ ཐུབ་ པ་ བྱུང་ བ་ མ་ ཟད།
དེ་ ཡང་ གཙོ་ བོ་ འགྲོ་ བ་ མི་ རྣམས་ ཀྱིས་ མི་ དང་ མིའི་ བར་ འདུ་ ཤེས་ འཛིན་ སྟངས་ དང༌།
མི་ དང་ སྲོག་ ཆགས་ བར་ འདུ་ ཤེས་ འཛིན་ སྟངས།
མི་ དང་ རང་ བྱུང་ ཁམས་ བར་ འདུ་ ཤེས་ འཛིན་ སྟངས་ སོ་ སོར་ ཚད་ བརྒལ་ ལྟ་ བུའི་ སྣང་ ཆུང་ དང༌།
ལྷག་ པར་ དུ་ ལག་ ལེན་ ངོ་ མའི་ བྱ་ སྤྱོད་ ནང་ བྱ་ བ་ ཅི་ ཞིག་ གི་ མཇུག་ འབྲས་ ལེགས་ ཉེས་ ལ་ རྩད་ ཞིབ་ བྱེད་ པའི་ བསམ་ བློའི་ ཁ་ ཕྱོགས་ རྦད་ དེ་ བོར་ བརླག་ ཏུ་ སོང་ བ་ སོགས་ ཀྱིས་ ལན་ པ་ ཞིག་ ཡིན་ པ་ དེ་ བས་ ཀྱང་ ཤེས་ རྟོགས་ བྱེད་ ཐུབ་ པ་ བྱུང༌།
སྐབས་ ཤིག་ ནས་ ྋགོང་ ས་ མཆོག་ གི་ མཛད་ རྣམ་ དང༌།
དགའ་ ལྡན་ ཕོ་ བྲང་ བའི་ གཞུང་ ཞབས་ རྙིང་ གྲས་ གང་ མང་ ཞིག་ གི་ མི་ སྒེར་ པའི་ མི་ ཚེའི་ ལོ་ རྒྱུས་ འདྲ་ མིན།
ཕུན་ དབང་ ལ་ རྒྱུས་ མངའ་ ཟབ་ མོ་ ཡོད་ པའི་ བོད་ མི་ རྒན་ གྲས་ རེ་ ཟུང་ གི་ ངག་ རྒྱུན་ སོགས་ ནས་ ཕུན་ དབང་ གིས་ སོ་ སོའི་ རྒྱལ་ ཁབ་ དང་ མི་ རིགས་ ཀྱི་ བདེ་ དོན་ ཆེད་ དབང་ ནུས་ ཡོད་ རྒུས་ ཕྱག་ ལས་ སྣ་ མང་ གནང་ མྱོང་ ཡོད་ པའི་ སྐོར་ མང་ ཙམ་ ཤེས་ རྟོགས་ བྱུང་ ཞིང༌།
ལྷག་ དོན་ ཕུན་ དབང་ རང་ ཉིད་ ཀྱི་ མི་ ཚེའི་ ལོ་ རྒྱུས་ བོད་ མི་ གསར་ བརྗེ་ བ་ ཞིག་ འབའ་ པ་ ཕུན་ ཚོགས་ དབང་ རྒྱལ་ གྱི་ སྲིད་ དོན་ མི་ ཚེ་ དང་ དུས་ སྐབས།
ཅེས་ པའི་ དཔེ་ དེབ་ དེ་ ཀློག་ སྐབས་ སྔར་ ཁོ་ བོའི་ སེམས་ ནང་ གི་ རྒྱལ་ ཚོང་ བ་ དང༌།
བོད་ མི་ འབུམ་ ཕྲག་ བཅུ་ གཉིས་ ལྷག་ གི་ ཁྲག་ ལན་ ཁྲག་ གིས་ འཇལ་ རྒྱུར་ བསྡད་ པའི་ ཉེས་ ཅན་ པ་ གཙོ་ གྲས་ ཤིག་ ཏུ་ བརྩིས་ པ་ དེ།
བོད་ མི་ རིགས་ ཀྱི་ མིག་ དཔེར་ འོས་ པའི་ སྐྱེས་ བུ་ དམ་ པ་ ཞིག་ ཏུ་ གྱུར་ པ་ དེས་ ངས་ དེ་ སྔོན་ ཕུན་ དབང་ ལ་ བཟུང་ བའི་ ནོར་ འཁྲུལ་ ཅན་ གྱི་ ལྟ་ སྟངས་ དེར་ གློ་ མཆིན་ པའི་ སྟེང་ འོག་ བརྗེས་ པ་ ལྟ་ བུའི་ གནོང་ འགྱོད་ ཆེན་ པོ་ བྱེད་ དགོས་ བྱུང༌།
འོན་ ཀྱང་ ཁོང་ གིས་ རྒྱ་ ནག་ གུང་ བྲན་ ཏང་ དང་ མཉམ་ ལས་ ཀྱིས་ རྒྱ་ དམག་ བོད་ དུ་ ཡོང་ བར་ ཕྱོགས་ ཡོངས་ ནས་ གལ་ ཆེའི་ རོགས་ འདེགས་ བྱས་ པ་ ནི་ དངོས་ ཡོད་ ཀྱི་ ལོ་ རྒྱུས་ ཤིག་ རེད།
དེ་ ཡང་ ཁོང་ གིས་ རྒྱ་ ནག་ གཞུང་ གིས་ བོད་ ཐོག་ བཟུང་ བའི་ མངོན་ གསལ་ མེད་ པའི་ སྲིད་ བྱུས་ དག་ སྐབས་ ཐོག་ དེར་ ཏག་ ཏག་ ངོས་ འཛིན་ གསལ་ པོ་ ཞིག་ བྱེད་ མ་ ཐུབ་ པས་ ལན་ པ་ ཞིག་ ལས།
བོད་ མིའི་ བདག་ དབང་ ཡོངས་ རྫོགས་ རྒྱ་ ནག་ ཧན་ མི་ རིགས་ ཀྱི་ ལག་ པར་ རྩིས་ སྤྲོད་ བྱ་ རྒྱུར་ དམིགས་ པ་ ཞིག་ མིན་ པ་ བདེ་ བླག་ ངང་ མཁྱེན་ རྟོགས་ བྱེད་ ཐུབ་ པ་ ཞིག་ རེད།
ཁོང་ གིས་ རྒྱ་ ནང་ དུ་ ཕྱི་ ལོ་ ༡༩༣༩
ལོར་ ཚོགས་ མི་ ལྔས་ གྲུབ་ པའི་ བོད་ རིགས་ གུང་ ཁྲན་ གསར་ བརྗེ་ ཚོགས་ ཆུང་ དང༌།
དེ་ རྗེས་ རྒྱ་ ནག་ ཏུ་ སློབ་ སྦྱོང་ བྱེད་ བཞིན་ པའི་ བོད་ རིགས་ སློབ་ ཕྲུག་ ཉི་ ཤུས་ གྲུབ་ པའི་ ས་ གནས་ ཁག་ གི་ བོད་ པ་ གཞོན་ ནུ་ སི་ ཁྲོན་ དུ་ བསྐྱོད་ པའི་ སློབ་ གྲོགས་ ཚོགས་ ཆུང་ ཟེར་ བས་ མཚོན་ ངོ་ བོ་ མི་ འདྲ་ བའི་ ཚོགས་ པ་ འདྲ་ མིན་ ཞིག་ བཙུགས་ ཏེ་ ཁམས་ ཀྱིས་ མཚོན་ བོད་ ས་ ཁྱོན་ ཡོངས་ སུ་ གསར་ བརྗེའི་ ལྟ་ བ་ དར་ སྤེལ་ གཏང་ ཆེད་ ཨུ་ རུ་ སུ་ མཉམ་ འབྲེལ་ རྒྱལ་ ཁབ་ ལ་ མཐུན་ འགྱུར་ དགོས་ ཚུལ་ བརྗོད་ ཀྱང་ ཡ་ ལན་ མ་ བྱས་ སྟབས།
རྒྱ་ ནག་ དམར་ ཤོག་ ཚོགས་ པ་ དང་ འབྲེལ་ བ་ བྱ་ རྒྱུར་ སེམས་ ཐག་ བཅད་ པ་ མ་ ཟད།
ཅང་ ཇེ་ ཧྲེའི་ མི་ གྲངས་ བྱེ་ བ་ གཅིག་ ལྷག་ དམར་ གསོད་ བཏང་ མྱོང་ བའི་ ཉེས་ ཅན་ པ།
མི་ སེར་ རྒྱལ་ ཁབ་ གུང་ ཁྲན་ ཏང་ གིས་ བཤད་ ན།
སྲིད་ གཞུང་ འདིས་ རྒྱལ་ རྒྱུད་ ལམ་ ལུགས་ ཀྱི་ སྒེར་ འཛིན་ སྲིད་ དབང་ རྩ་ མེད་ དུ་ བཟོ་ ཐུབ་ ཙམ་ མ་ གཏོགས།
རྒྱལ་ ནང་ གི་ མི་ སེར་ སྤེལ་ ཡུལ་ ཕྱེད་ ཙམ་ དང༌།
བཀས་ བཀོད་ རྒྱུད་ འཛིན་ ཕྱེད་ ཙམ་ གྱི་ རྣམ་ པར་ འགྱུར་ ལྡོག་ གང་ ཡང་ གཏོང་ མ་ ཐུབ་ སྟབས།
སྲིད་ གཞུང་ དེ་ ནུས་ མེད་ དུ་ གྱུར་ པ་ ཞིག་ ཡིན་ ཚུལ་ བརྗོད་ བཞིན་ ཡོད་ ལ་ མཐའ་ གཅིག་ ཏུ་ ངོ་ རྒོལ་ དང༌།
རྒྱ་ ནག་ དམར་ ཤོག་ ཚོགས་ པར་ བློ་ གཏད་ འགྱུར་ མེད་ ཀྱིས་ ཡིད་ ཆེས་ བྱེད་ མགོ་ བརྩམས་ འདུག་ པ་ འདིས་ ཁོང་ གིས་ ཁོ་ རང་ ཉིད་ ཀྱི་ སྐབས་ དེའི་ དམིགས་ ཡུལ་ ཡོད་ ཚད་ ལ་ རྡུང་ རྡེག་ ཚ་ ནན་ བྱེད་ མགོ་ བཙུགས་ པ་ ལྟ་ བུ་ ཞིག་ ཏུ་ གྱུར་ འདུག
ཕྱི་ ལོ་ ༡༩༤༡
ལོར་ ཁོང་ གིས་ ཁམས་ ཕྱོགས་ སུ་ ཡོད་ པའི་ གོ་ མིན་ ཏང་ མི་ སེར་ རྒྱལ་ ཁབ་ ཀྱི་ བཅའ་ སྡོད་ དམག་ དཔུང་ ཕྱིར་ འཕུད་ དང༌།
བོད་ ས་ ཁྱོན་ ཡོངས་ སུ་ གསར་ བརྗེའི་ ལས་ འགུལ་ དར་ སྤེལ་ གཏང་ ཆེད་ རྒྱ་ ནག་ ནས་ ཕ་ ཡུལ་ འབའ་ ཁུལ་ དུ་ ཕྱིར་ ལོག་ བྱས་ ཤིང༌།
ཚོགས་ མི་ ཉུང་ ཤས་ ཀྱིས་ གྲུབ་ པའི་ མེ་ སྟག་ ཚོགས་ པ་ ཟེར་ བའི་ བོད་ རིགས་ རྐྱང་ པས་ གྲུབ་ པའི་ གསར་ བརྗེ་ ཚོགས་ ཆུང་ ཞིག་ དངོས་ སུ་ བོད་ རང་ དུ་ བཙུགས་ ཤིང༌།
ཚོགས་ པ་ འདི་ ནི་ འབའ་ ཕུན་ གྱིས་ བོད་ ནང་ མངོན་ གསལ་ གྱིས་ བཙུགས་ པའི་ གསར་ བརྗེའི་ ལས་ དོན་ ཚོགས་ ཆུང་ དང་ པོ་ དེ་ ཡིན།
ལས་ དོན་ ཚོགས་ ཆུང་ དེའི་ དམིགས་ ཡུལ་ གཙོ་ བོ་ ནི་ རྒྱ་ གཞུང་ གི་ རོགས་ འདེགས་ བརྒྱུད་ ནས་ དེ་ སྔའི་ དགའ་ ལྡན་ ཕོ་ བྲང་ གཞུང་ འདིས་ ཕྱི་ ལོ་
༡༦༤༢ ནས་ ༡༩༥༩
བར་ བོད་ ཀྱི་ སྲིད་ དབང་ བཟུང༌རིང་ གི་ མངའ་ རིས་ དང་ མི་ འདྲ་ བར་ ཆོལ་ གསུམ་ བོད་ མི་ ཡོངས་ རྫོགས་ གཅིག་ ཏུ་ བསྒྲིལ་ བའི་ བོད་ རིགས་ ཡོངས་ ལ་ ཁྱབ་ པའི་ དམར་ པོའི་ སྲིད་ གཞུང་ ཞིག་ འཛུགས་ རྒྱུར་ སྙིང་ རུས་ ཆེན་ པོས་ ཧུར་ བརྩོན་ གནང་ རྒྱུ་ དེ་ རེད།
རིམ་ པས་ གོ་ མིན་ ཏང་ གཞུང་ གིས་ སྐུ་ ཞབས་ ཁོང་ གུང་ ཁྲན་ ཏང་ དང་ ཐད་ ཀར་ འབྲེལ་ འདྲིས་ ཟབ་ མོ་ ཡོད་ པ་ ཤེས་ རྟོགས་ བྱུང་ སྟབས།
རེ་ ཞིག་ གོ་ མིན་ ཏང་ དབང་ འཛིན་ ཕྱོགས་ ཁག་ གིས་ འཛིན་ བཟུང་ ལས་ གཡོལ་ ཆེད་ དབུས་ ཕྱོགས་ སུ་ ཆེད་ ཕེབས་ ཀྱིས་ བོད་ མི་ དམངས་ ཆིག་ བསྒྲིལ་ མནའ་ མཐུན་ ཚོགས་ པ་ བཙུགས་ ཏེ་ ལྷ་ སའི་ སྐུ་ དྲག་ འགས་ མཚོན་ དགའ་ ལྡན་ ཕོ་ བྲང་ གཞུང་ གི་ གནད་ ཡོད་ མི་ སྣ་ གང་ མང་ ཞིག་ གུང་ ཁྲན་ ཏང་ གི་ ཕྱོགས་ སུ་ འགུག་ ཐབས་ བྱས་ ཀྱང་ གྲུབ་ འབྲས་ གང་ ཡང་ ཐོན་ ཐུབ་ མེད།
དེའི་ རྒྱུ་ མཚན་ གཙོ་ བོ་ ཞིག་ ནི་ གུང་ ཁྲན་ ཏང་ འདི་ ནི་ རྒྱ་ ནག་ གཞུང་ འཛིན་ ཚོགས་ པའི་ མིང་ ཡིན་ ཞིང༌།
ཚོགས་ པ་ དེར་ ད་ ཆར་ ཚོགས་ མི་ ཁྲི་ བརྒྱད་ སྟོང་ ཡོད་ ཚུལ་ གསལ། དེ་ དག་གིས་ ཆོས་ ལུགས་ ཡོད་ ཚད་ ལ་ དུག་ ལྟ་ བུའི་ འདུ་ ཤེས་ འཛིན་ བཞིན་ ཡོད་ སྟབས།
སྐབས་ དེའི་ དགའ་ ལྡན་ ཕོ་ བྲང་ གི་ རུལ་ སུངས་ སུ་ གྱུར་ པའི་ དཔོན་ ངན་ རང་ བབ་ ལས་ དོན་ གང་ ཡོད་ དུས་ ཐོག་ སོ་ སོར་ མི་ བྱེད་ པར་ རང་ བབ་ ལས་ དོན་ དང་ འབྲེལ་ མེད་ ཀྱི་ བྱ་ བས་ ཉིན་ ཟླ་ འཁྱོལ་ ཐབས་ བྱེད་ པའི་ དཔོན་ ངན་ ཚོ།
ཚོས་ ཆོས་ ཁས་ མི་ ལེན་ མཁན་ གྱི་ མི་ ཞིག་ ཡིན་ ན་ དེ་ ནི་ གསོན་ འདྲེ་ ངོ་ མ་ ཞིག་ ཏུ་ བརྩི་ བཞིན་ ཡོད་ པས་ ཡིན།
བསམ་ ཚུལ་ འདིའི་ རིགས་ ཀྱིས་ དགའ་ ལྡན་ ཕོ་ བྲང་ གཞུང་ གིས་ རྒྱལ་ ཁབ་ གཞན་ ལ་ ཕྱི་ འབྲེལ་ སྲིད་ ཇུས་ འཛིན་ ཕྱོགས་ ཐད་ བསམ་ ཡུལ་ ལས་ འདས་ པའི་ ཤུགས་ རྐྱེན་ ངན་ པ་ ཐེབས་ ཡོད།
ཡ་ མཚན་ སྐྱེ་ དགོས་ པ་ ཞིག་ ལ་ འབའ་ ཕུན་ ནི་ སྐབས་ དེའི་ གུང་ ཁྲན་ ཏང་ མི་ གཞན་ དག་ དང་ མི་ འདྲ་ བར་ ཁོང་ གིས་ ཆོས་ དང་ ལྷའི་ རིགས་ ལ་ མཐོང་ ཚུལ་ ངན་ པ་ མི་ འཛིན་ པ་ མ་ ཟད།
ཆོས་ དང་ ལྷ་ ཡོད་ སྨྲ་ བའི་ ལྟ་ བ་ དང་ དམར་ པོའི་ ལམ་ ལུགས་ གཉིས་ འགལ་ བ་ ལྟག་ སྤྲོད་ ལྟ་ བུར་ དེ་ བས་ ཀྱང་ འདོད་ ཀྱི་ མེད་ སྟབས།
ཁོང་ ནི་ མར་ ཁེ་ སིའི་ རིང་ ལུགས་ པ་ ཁྱད་ མཚར་ ཞིག་ ཏུ་ ངོས་ འཛིན་ བྱེད་ ཆོག་ པ་ ཞིག་ རེད།
ཁོང་ གིས་ བོད་ མི་ ཚོའི་ ཐུན་ མོང་ མ་ ཡིན་ པའི་ ཆོས་ རིག་ གོམས་ གཤིས་ སོགས་ ཀྱི་ ངོ་ བོ་ རྩ་ བརླག་ ཏུ་ མི་ འགྲོ་ ཆེད་ རྒྱ་ ནག་ དམར་ པོའི་ དར་ དམར་ འོག་ ནས་ རྒྱ་ ནག་ ཧན་ མི་ རིགས་ དང་ འདྲ་ མཉམ་ གྱིས་ བོད་ མི་ ཡོངས་ རྫོགས་ གོང་ བུ་ གཅིག་ ཏུ་ བསྒྲིལ་ བའི་ ས་ གནས་ མི་ རིགས་ ལ་ བདག་ པའི་ རང་ སྐྱོང་ ཚད་ ལྡན་ དབུ་ མའི་ ལམ་ དང་ ཕྱོགས་ ཙམ་ མཚུངས་ པའི་ སྲིད་ དོན་ ལམ་ ལུགས།
ཞིག་ འཛུགས་ རྒྱུར་ དམིགས་ ནས་ སྣེ་ མང་ རང་ བཞིན་ དང་ གཞི་ རྒྱ་ ཆེ་ བའི་ ཕྱག་ ལས་ རྒྱ་ ཆེར་ མཛད་ འདུག་ པ་ འདིས་ ཁོང་ གི་ མར་ ཁེ་ སིའི་ རིགས་ པའི་ གཞུང་ ལུགས་ ཀྱི་ བློ་ སྟོབས་ དང་ ཆབ་ སྲིད་ ཀྱི་ བློ་ སྟོབས་ ཕྱོགས་ ཡོངས་ ནས་ གསལ་ པོར་ མཚོན་ ཐུབ་ པ་ ཞིག་ རེད།
ཕྱི་ ལོ་ ༡༩༤༥
ལོར་ བསྐྱར་ དུ་ ཆབ་ མདོར་ ཕེབས་ ནས་ ཐོག་ མའི་ དམིགས་ ཡུལ་ གཞིར་ བཟུང་ ཐོག་ མར་ ཁམས་ ནས་ མགོ་ འཛུགས་ ཀྱིས་ བོད་ མི་ ཡོངས་ རྫོགས་ གཅིག་ གྱུར་ གྱིས་ བོད་ གསར་ པ་ ཞིག་ བཟོ་ ཆེད་ བོད་ ཤར་ རྒྱུད་ མི་ དམངས་ རང་ སྐྱོང་ མནའ་ མཐུན་ ཚོགས་ པ་ དང་ འབའ་ ཐང་ གསང་ བའི་ ཏང་ སོགས་ རིམ་ པར་ བཙུགས་ ཏེ།
ཚོགས་ པ་ དེ་ དག་ གི་ ལས་ དོན་ མངོན་ གྱུར་ ཡོང་ ཆེད་ བོད་ ཤར་ རྒྱུད་ དམངས་ གཙོ་ གཞོན་ ནུའི་ མནའ་ འབྲེལ་ ཚོགས་ ཆུང་ ཞིག་ ཀྱང་ བཙུགས་ ཤིང༌།
ཚོགས་ ཆུང་ དེས་ རྒྱ་ ནག་ དམར་ པོའི་ གཞུང་ གི་ སྐར་ རྟགས་ ཅན་ གྱི་ དར་ ཆ་ བོད་ ཀྱི་ ས་ ཐོག་ ཏུ་ བསྒྲེངས་ པ་ ནི།
རྒྱ་ དམག་ བོད་ དུ་ ལྷགས་ པའི་ སྔ་ ལྟས་ དང་ པོ་ དེ་ ཡིན།
རྗེས་ སུ་ རྒྱ་ ནག་ དབུས་ གཞུང་ རྒྱ་ ནག་ དབུས་ གཞུང་ གི་ སྲིད་ དབང་ ལམ་ ལུགས་ ནི།
སྲིད་ དོན་ ཚོགས་ པ་ གཅིག་ གིས་ རང་ ཤེད་ ཀྱིས་ འཛིན་ ཆོག་ པའི་ སྲིད་ དབང་ ལམ་ ལུགས་ ཤིག་ ཡིན།
རྒྱ་ མི་ ཚོས་ དེ་ ལ་ མི་ དམངས་ དམངས་ གཙོའི་ སྲིད་ དབང་ སྒེར་ འཛིན་ ལམ་ ལུགས་ ཞེས་ འབོད།
ལམ་ ལུགས་ འདི་ གཙོ་ བོ་ མའོ ་ ཡིས་ བློ་ འདོན་ བྱས་ པའི་ སྲིད་ དོན་ ལམ་ ལུགས་ ཤིག་ ཡིན། ཁོས་བཀོད་ མངགས་ གཞིར་ བཟུང་ ཕུན་ དབང་ གིས་ དམག་ སྡེ་ ཨང་ བཅོ་ བརྒྱད་ པའི་ ཐོག་ མའི་ སྣེ་ ཁྲིད་ དུ་ ཞུགས་ ཏེ་ བོད་ ཤར་ རྒྱུད་ ཀྱི་ ས་ གནས་ ཁྱོན་ ཡོངས་ སུ་ ས་ གནས་ སོ་ སོའི་ ཡུལ་ མི་ ཚོས་ འདོད་ མོས་ བྱས་ མིན་ ལ་ མ་ ལྟོས་ པར་ བཙན་ གྱིས་ དཔུང་ འཇུག་ བྱས་ ཤིང༌།
རིམ་ པས་ འབྲི་ ཆུ་ འདིའི་ ཆུ་ མགོ་ མཚོ་ སྔོན་ ཞིང་ ཆེན་ ལྷོ་ ནུབ་ ཀྱི་ རི་ བོ་ གདང་ ལའི་ དགེ་ ལ་ བསྟན་ སྟོང་ ནས་ བྱུང་ སྟེ་ མཚོ་ སྔོན་ དང༌།
བོད་ ལྗོངས། ཟི་ ཁྲོན་ སོགས་ བརྒྱུད་ ནས་ ཤར་ རྒྱ་ མཚོར་ འབབ་ བཞིན་ ཡོད།
ཆུ་ བོ་ འདིའི་ རིང་ ཚད་ ལ་ སྤྱིའི་ ཆ་ ནས་ སྤྱི་ ལེ་ དྲུག་ སྟོང་ སུམ་ བརྒྱ་ དང༌།
རྒྱུགས་ ཡུལ་ གྱི་ རྒྱ་ ཁྱོན་ སྤྱི་ ལེ་ གྲུ་ བཞི་ མ་ ཁྲི་ བརྒྱ་ དང་ བརྒྱད་ ཅུ་ ལྷག་ ཡིན།
བརྒལ་ ནས་ དགའ་ ལྡན་ ཕོ་ བྲང་ གི་ མངའ་ ཁོངས་ སུ་ ཡོད་ པའི་ ཁམས་ ཀྱི་ ཡུལ་ ལུང་ མང་ ཆེ་ བ་ བཙན་ བཟུང་ བྱས་ ཟིན་ སྟབས།
ཕྱི་ ལོ་ ༡༩༥༡
ལོར་ བོད་ མངགས་ འཐུས་ ཚབ་ ཚོགས་ ཆུང་ གིས་ ཚོགས་ པའི་ དབང་ ཚད་ ལས་ བརྒལ་ ནས་ གྲོས་ མཐུན་ དོན་ ཚན་ བཅུ་ བདུན་ ཡིག་ ཆ་ དེའི་ མིང་ ལ་ བོད་ མི་ ཚོས་ བཙན་ དབང་ གིས་ མིང་ རྟགས་ མི་ འགོད་ ཐབས་ མེད་ བྱུང་ བའི་ དོན་ ཚན་ བཅུ་ བདུན་ ཅན་ གྱི་ ཡིག་ ཆ་ ཞེས་ འབོད།
ཡིག་ ཆ་ དེར་ མཚན་ རྟགས་ མི་ འགོད་ ཐབས་ མེད་ བྱུང་ ཞིང༌།
མཚན་ རྟགས་ འགོད་ པའི་ ཉིན་ དེ་ ནི་ རྒྱ་ ནག་ དབུས་ གཞུང་ གིས་ ལོ་ མང་ རིང་ བཏིང་ པའི་ བོད་ འདི་ རྦད་ དེ་ བཙན་ བཟུང་ བྱེད་ ཐུབ་ པའི་ ཐབས་ འབྲས་ གལ་ ཆེན་ ཞིག་ མངོན་ གྱུར་ བྱུང་ བའི་ ཉིན་ མོར་ གྱུར་ པ་ རེད།
བློ་ ཕམ་ པ་ ཞིག་ ལ་ བོད་ ཕྱོགས་ ནས་ གྲོས་ མཐུན་ དོན་ ཚན་ བཅུ་ བདུན་ གྱི་ ནང་ དོན་ ཁག་ ནི་ རྒྱ་ ནག་ དབུས་ གཞུང་ གིས་ བོད་ ཐོག་ བཟུང་ བའི་ ཆེས་ མཐའ་ མའི་ ཐག་ གཅོད་ ཅིག་ ཏུ་ རྦད་ དེ་ འཁྲུལ་ ནས་ རྒྱ་ ནག་ དབུས་ གཞུང་ དང་ མཉམ་ ལས་ ཀྱི་ རྩ་ འཛུགས་ བཙུགས་ ཏེ་ ཉིན་ ཟླ་ ལོ་ རིམ་ གྱིས་ མཇུག་ འབྲས་ མེད་ པའི་ བྱ་ གཞག་ ལ་ གཡེངས་ ནས་ བསྡད་ པ་ རེད།
གང་ ལྟར་ ཕུན་ དབང་ གིས་ རྒྱ་ ནག་ དམར་ གཞུང་ གི་ དམག་ དཔུང་ བེད་ སྤྱོད་ ཀྱིས་ རྒྱ་ ནག་ ཧན་ མི་ རིགས་ དང་ འདྲ་ མཉམ་ གྱིས་ འཛམ་ གླིང་ འདིར་ གཟི་ བརྗིད་ ཅན་ གྱི་ བོད་ རིགས་ ཆོལ་ གསུམ་ ཡོངས་ ལ་ ཁྱབ་ པའི་ ཚད་ མཐོའི་ རང་ སྲིད་ རང་ སྐྱོང་ ཞིག་ འཛུགས་ རྒྱུར་ རེ་ བའི་ མིག་ འབུར་ གཏད་ ཀྱང༌།
དེ་ ནི་ གཉིད་ འོག་ གི་ རྨི་ ལམ་ ཡུན་ གཅིག་ ལྟ་ བུར་ གྱུར།
བྱེད་ སྟངས་ འདི་ འདྲའི་ འོག་ ནས་ མཐར་ རྒྱ་ ནག་ དམར་ གཞུང་ གིས་ ཐད་ ཀའི་ མཛུབ་ སྟོན་ འོག་ བོད་ མི་ ཚོས་ མོས་ མཐུན་ བྱས་ མིན་ ལ་ ལྟོས་ མེད་ ཀྱིས་ བོད་ ས་ ཁྱོན་ ཡོངས་ བཙན་ བཟུང་ བྱས་ ཏེ་ ད་ བར་ མི་ ལོ་ ཧྲིལ་ པོ་ དྲུག་ ཅུ་ ལྷག་ ཕྱིན་ ཚར་ པ་ རེད།
གཉིས་ པ།
གྲོས་ མཐུན་ དོན་ ཚན་ བཅུ་ བདུན་ རྩིས་ མེད་ དུ་ བཏང་ བ།
ཕྱི་ ལོ་ ༡༩༥༡ ལོའི་ ཟླ་ བ ༥ བའི་ ཚེས་ ༢༣
ཉིན་ བོད་ མངགས་ འཐུས་ ཚབ་ ཚོགས་ ཆུང་ ལ་ བཙན་ གྱིས་ མིང་ རྟགས་ བཀོད་ བཅུག་ པའི་ གྲོས་ མཐུན་ དོན་ ཚན་ བཅུ་ བདུན་ ཟེར་ བ་ དེ་ རིམ་ པས་ ལག་ བསྟར་ གྱིས་ ཕྱི་ ལོ་
༡༩༥༦ ལོའི་ ཟླ་ ༣ པའི་ ཚེས་ ༡༢
ཉིན་ བོད་ རང་ སྐྱོང་ ལྗོངས་ གྲ་ སྒྲིག་ ཨུ་ ཡོན་ ལྷན་ ཁང་ དངོས་ སུ་ བཙུགས།
ཐོག་ མའི་ མཛད་ སྒོའི་ གཙོ་ སྐྱོང་ དུ་ སྲིན་ བློན་ གཞོན་ པ་ དྲིན་ ཡེ་ ལྷ་ སར་ འབྱོར།
ལྷན་ ཁང་ དེའི་ དབུ་ བཞུགས་ གཙོ་ འཛིན་ ྋགོང་ ས་ མཆོག་ དང༌།
ཕྱག་ རོགས་ ཀུན་ གཟིགས་ པཎ་ ཆེན་ རིན་ པོ་ ཆེ། དྲུང་ ཡིག་ ང་ ཕོད་ བཅས་ ཡིན།
ལྷན་ ཁང་ དེ ར་ འཐུས་ མི་ ༥༡ ལས་ གྲུབ་ ཅིང་ ། དེ་ ཡང་ བོད་ གཞུང་ ནས་ འཐུས་ མི་ བཅོ་ ལྔ་ དང༌། པཎ་ ཆེན་ ནང་ སྒང་ ནས་ འཐུས་ མི་ བཅུ།
ཆབ་ མདོ་ བཅིངས་ གྲོལ་ དམག་ སྒར་ ནས་ འཐུས་ མི་ བཅུ། དགོན་ པ་ ཆེ་ ཁག་ དང༌། ཆོས་ ལུགས་ འདྲ་ མིན།
མི་ སེར་ དཀྱུས་ མ། གྲགས་ ཆེན་ མི་ སྣ་ སོགས་ ཀྱི་ ངོ་ ཚབ་ འཐུས་ མི་ བཅུ་ གཅིག
ལྷ་ སར་ གནས་ སྡོད་ རྒྱ་ མིའི་ ལས་ བྱེད་ ཁོངས་ ནས་ འཐུས་ མི་ ལྔ་ བཅས་ ཀྱིས་ གྲུབ།
ལྷན་ ཁང་ དེའི་ སྒྲིག་ གཞི་ ལྟར་ ན།
ལྷན་ ཁང་ དེས་ བོད་ ཀྱི་ ཆབ་ དཔལ་ རིག་ གསུམ་ དང༌། དམག་ དོན།
ཚོང་ ལས་ སོགས་ དང་ འབྲེལ་ བའི་ ལས་ དོན་ ཆེ་ ཕྲ་ ཅི་ ཞིག་ བྱེད་ དགོས་ ཀྱངྋགོང་ ས་ མཆོག་ གི་ བཀའ་ འཁྲོལ་ ཐོབ་ དགོས་ ན་ ཡང༌།
བོད་ ལས་ དོན་ ཨུ་ ཡོན་ ལྷན་ ཁང་ ནས་ ྋགོང་ ས་ མཆོག་ གི་ བཀའ་ འཁྲོལ་ ཡོད་ མེད་ ལ་ མི་ བལྟ་ བར་ རང་ ཤེད་ ཀྱིས་ བོད་ ཀྱི་ ཆོས་ རིག་ གོམས་ གཤིས་ གང་ དང་ ཡང་ མི་ མཐུན་ པའི་ དགོས་ མེད་ ཀྱི་ ལས་ དོན་ འདྲ་ མིན་ བྱེད་ རྐྱང་ བྱས་ སྟབས།
ལྷན་ ཁང་ དེའི་ དབུ་ བཞུགས་ གཙོ་ འཛིན་ ནི་ མིང་ ཆེ་ དོན་ སྟོང་ སྟེ་ མཆོད་ ཁྲིའི་ སྟེང་ གི་ མཛེས་ ཉམས་ ཆེ་ བའི་ ལྷ་ སྐུ་ ལྟ་ བུར་ གྱུར།
བྱེད་ སྟངས་ དེར་ བོད་ མི་ རྣམས་ ཀྱིས་ མི་ འདོད་ པའི་ རྣམ་ འགྱུར་ ཤུགས་ ཆེན་ བསྟན་ པ་ མ་ ཟད།
བོད་ ལས་ དོན་ ཨུ་ ཡོན་ ལྷན་ ཁང་ དེ་ མགྱོགས་ མྱུར་ ངང་ ཕྱིར་ བསྡུ་ དགོས་ པའི་ སྐྱོན་ བརྗོད་ རྣམ་ པ་ འདྲ་ མིན་ གྱིས་ བྱས་ ན་ ཡང༌།
རྒྱ་ ནག་ དབུས་ གཞུང་ ལ་ མཚོན་ ན་ དེ་ ནི་ སྣང་ མེད་ བྱེད་ རྒྱུར་ དཀའ་ ངལ་ གང་ ཡང་ མེད་ པ་ ཞིག་ རེད།
བོད་ ལས་ དོན་ ཨུ་ ཡོན་ ལྷན་ ཁང་ གི་ ལས་ བྱེད་ ཚོ་ དབང་ དང་ གོ་ གནས་ ཚ་ ཆང་ ཡོད་ པའི་ རྒྱ་ ནག་ དབུས་ གཞུང་ གིས་ ཐད་ ཀར་ བཏང་ བའི་ རྒྱ་ ནག་ དབུས་ གཞུང་ གི་ སྐུ་ ཚབ་ ཚོགས་ ཆུང་ ཞིག་ ཡིན་སྟབས། ཚོགས་ པ་ དེའི་ ཚོགས་ མིའི་ གྲས་ སུ་ བོད་ རིགས་ གཅིག་ ཀྱང་ ཚུད་ མེད་ སྟབས།
དེ་ བས་ ཀྱང་ བོད་ མི་ ཚོའི་ སེམས་ ནང་ དོ་ ཕོག་ ཤུགས་ ཆེན་ བྱུང༌།
མི་ འབོར་ ས་ ཡ་ གཉིས་ ལྷག་ གིས་ གྲུབ་ པའི་ བོད་ རང་ སྐྱོང་ ལྗོངས་ སྲིད་ གཞུང་ གིས་ ཉིན་ རེའི་ བོད་ ཀྱི་ ནོར་ སྲིད་ དང༌།
ཤེས་ རིག་ སློབ་ གསོ། ཆོས་ རིག
ཚན་ རྩལ་ སོགས་ ཕྱོགས་ གང་ ཐད་ ནས་ ཡར་ རྒྱས་ གཏོང་ ཐབས་ ཆེད་ ནུས་ ཤུགས་ ལྡན་ པའི་ ལས་ དོན་ བྱ་ རྒྱུའི་ དབང་ ཚད་ དེ་ བོད་ ལས་ དོན་ ཨུ་ ཡོན་ ལྷན་ ཁང་ ནས་ ནུས་ མེད་ དུ་ བཏང་ སྟབས།
བོད་ རིགས་ སྤུན་ ཟླ་ ཚོས་ ཕྱོགས་ ཡོངས་ ནས་ རྒྱ་ ནག་ དམར་ པོའི་ གཞུང་ ལ་ སྐྱོན་ བརྗོད་ བྱེད་ པའི་ གཞི་ རྒྱ་ ཇེ་ ཆེ་ དང་ ཇེ་ བརྟན་ དུ་ སོང་ འདུག
མ་ ཟད་ བོད་ གཞུང་ ནས་ གྲོས་ མཐུན་ དོན་ ཚན་ བཅུ་ བདུན་ གྱི་ ནང་ དོན་ ཁག་ ལོ་ ངོ་ ཧྲིལ་ པོ་ བརྒྱད་ ཀྱི་ རིང་ ལུགས་ མཐུན་ གྱིས་ སྲུང་ བརྩི་ བྱས་ པར་ ལྟོས་ མེད་ ཀྱིས་ རྒྱ་ ནག་ དབུས་ གཞུང་ གིས་ གྲོས་ མཐུན་ དོན་ ཚན་ བཅུ་ བདུན་ དེ་ རྩིས་ མེད་ ཐོག་ མདོ་ སྨད་ དང་ ཁམས་ ཀྱི་ ས་ གནས་ ཁྱོན་ ཡོངས་ སུ་ དྲག་ དམག་ གིས་ དཔུང་ འཇུག་ བྱས་ པ་ དང༌།
རྒྱ་ དམག་ ཚོས་ ཉེས་ མེད་ མི་ སེར་ བརྒྱ་ ཕྲག་ མང་ པོ་ རྩེད་ མཚར་ ལྟ་ བུས་ དམར་ གསོད་ དང༌།
བཙོན་ འཇུག ཚེ་ གཡོག
ནར་ མ་ སོན་ པའི་ མོ་ གཞོན་ ཚོར་ བཙན་ གཡེམ་ དང་ མཚན་ མའི་ ནང་ འབར་ རྫས་ བླུགས་ ཏེ་ གསོད་ པ།
ཕ་ དང་ བུ་ མོའི་ བར ། མ་ དང་ བུའི་ བར་ འཁྲིག་ སྤྱོད་ བཙན་ ཤུགས་ ཀྱིས་ བསྟེན་ བཅུག་ པ་ སོགས་ བྱས་ པ་ མ་ ཟད།
ལོ་ རྒྱུས་ ཡུན་ རིང་ ལྡན་ པའི་ དགོན་ སྡེ་ སྟོང་ ཕྲག་ མང་ པོ་ གཏོར་ བཅོམ་ དང༌།
རྩ་ ཆེའི་ དངོས་ རྫས་ མང་ པོ་ རྐུ་ འཁྱེར་ གྱི་ བྱ་ ངན་ གྲངས་ ལས་ འདས་ པ་ སྤེལ།
རིམ་ པས་ བྱེད་ སྟངས་ དེའི་ རིགས་ བོད་ ས་ ཁྱོན་ ཡོངས་ སུ་ ལག་ བསྟར་ བྱས་ པ་ མ་ ཟད།
བོད་ མི་ རྣམས་ ཀྱི་ ལྟ་ བའི་ མིག་ དང་ ཁོག་ པའི་ སྙིང་ ལྟར་ བརྩི་ བའི་ ྋགོང་ ས་ མཆོག་ གི་ སྐུ་ སྲོག་ ལའང་ ངན་ སེམས་ ཀྱིས་ གཡོ་ ཐབས་ བསྒྲིགས་ སྟབས།
བོད་ མི་ རྣམས་ ཀྱིས་ རང་ སྲོག་ འབེན་ བཙུགས་ ཀྱིས་ ཕྱི་ ལོ་ ༡༩༥༩།༣།༡༠
ཉིན་ འདི་ ལ་ བོད་ མི་ ཚོས་ སུམ་ བཅུའི་ རང་ དབང་ སྒེར་ ལངས་ ཞེས་ འབོད།
གཟི་ བརྗིད་ ཅན་ གྱི་ རང་ དབར་ སྒེར་ ལངས་ བྱས་ པར་ རྒྱ་ དམག་ གིས་ དྲག་ གནོན་ ཚབས་ ཆེན་ བྱས་ སྟབས།
ྋགོང་ ས་ མཆོག་ གིས་ དབུ་ ཁྲིད་ པའི་ བོད་ གཞུང་ དགའ་ ལྡན་ ཕོ་ བྲང་ གནས་ སྐབས་ ཡུལ་ གྱར་ དུ་ མི་ འགྲོ་ ཐབས་ མེད་ བྱུང་ བ་ རེད།
གསུམ་ པ།
དྲག་ ཤུགས་ ཁོ་ ནས་ སྤྱི་ ཚོགས་ ཀྱི་ གནས་ བབས་ བསྒྱུར་ བ།
དེ་ ཡང་ དམངས་ གཙོ་ འདི་ ལ་ དམངས་ གཙོ་ དང་ མང་ གཙོ་ ཞེས་ འབྲི་ སྟངས་ མི་ འདྲ་ བ་ གཉིས་ ཡོད།
བོད་ མིའི་ སྒྲིག་ འཛུགས་ ཀྱི་ གཞུང་ འབྲེལ་ ཡིག་ ཆ་ ཁག་ ཏུ་ མང་ གཙོ་ ཞེས་ བྲིས་ འདུག དམངས་ གཙོ་ཞེས་ པའི་ དམངས་ ནི་ རིགས་ རུས་ དང༌།
སྟོབས་ འབྱོར་ གྱིས་ དབྱེ་ བའི་ མི་ ཉུང་ ཤས་ ཤིག་ མ་ ཡིན་ པར། ངལ་ རྩོལ་ ལ་ བརྟེན་ ཅིང༌།
རིགས་ དམའ་ བ། གྲལ་ གྱི་ མཐའ་ ན་ གནས་ པའི་ མང་ ཚོགས་ རྣམས་ ཡིན་ ལ།
གཙོ་ ཞེས་ པ་ ནི་ དེ་ དག་ གཙོ་ བོར་ འཛིན་ པའམ་ དེ་ རྣམས་ ཡུལ་ གྱི་ བདག་ པོར་ གྱུར་ པའི་ དོན་ ཡིན་ ཞེས་ ྋགོང་ ས་ མཆོག་ ནས་ བཀའ་ གནང་ བ་ ནང་ བཞིན།
དོན་ གྱི་ ཆ་ ནས་ ཀྱང་ དམངས་ གཙོའི་ སྤྱི་ ཚོགས་ ཀྱི་ གྲུབ་ ཆ་ དེ་ འདྲ་ ཞིག་ ཡིན་ དགོས་ མོད་ ཀྱང༌།
རྒྱ་ ནག་ དབུས་ གཞུང་ གིས་ བོད་ མི་ བྱིངས་ ཀྱིས་ འདོད་ མོས་ བྱས་ མིན་ ལ་ ལྟོས་ མེད་ ཀྱིས་ ཐོག་ མར་ ཤར་ དར་ རྩེ་ མདོ་ ནས་ མགོ་ འཛུགས་ ཀྱིས་ འབྲུ་ ཆུའི་ ཤར་ རྒྱུད་ ཡོངས་ རྫོགས་ ལ་ བཙན་ ཤུགས་ ཀྱིས་ ལུགས་ མཐུན་ མིན་ པའི་ དམངས་ གཙོའི་ བཅོས་ བསྒྱུར་ བྱས་ པ་ དང༌།
དེ་ རྗེས་ བོད་ གཞུང་ དགའ་ ལྡན་ ཕོ་ བྲང་ གི་ དབང་ ཤུགས་ ཀྱིས་ ཁྱབ་ ཁོངས་ འོག་ གི་ འབྲུ་ ཆུའི་ ནུབ་ རྒྱུད་ ཀྱི་ ས་ ཁུལ་ ཡོངས་ ལ་ གོང་ བཞིན་ ལུགས་ མཐུན་ མིན་ པའི་ དམངས་ གཙོའི་ བཅོས་ བསྒྱུར་ བྱས་ ཏེ་ མཐར་ བོད་ ཆོལ་ ཁ་ ཆོལ་ ཁ་ ནི།
སོག་ སྐད་ ཡིན་ ཞིང༌། འབྱུང་ ཁུངས་ དང་ དར་ སའི་ དོན།
གསུམ་ གྱི་ ས་ ཁུལ་ ཡོངས་ རྫོགས་ ལ་ ཁྱབ་ པར་ བྱས།
ལས་ འགུལ་ འདིའི་ འོག་ ནས་ མའོ་ ཙེ་ ཏུང་ གིས་ བཤད་ པའི་ མེ་ མདའི་ ཁ་ ནས་ སྲིད་ དབང་ ཐོབ་ ཅེས་ པའི་ རྩ་ དོན་ གཞི་ རྩར་ བཟུང་ སྟེ།
བོད་ ཕྱི་ ནང་ གཉིས་ སུ་ ངོས་ འཛིན་ བྱས་ པའི་ བོད་ ནང་ མའི་ བོད་ ནང་ མ་ ཞེས་ པ་ ནི།
དེ་ སྔར་ དགའ་ ལྡན་ ཕོ་ བྲང་ གཞུང་ གིས་ དབང་ འཛིན་ ཁྱབ་ ཁོངས་ ཀྱིས་ མ་ ཟིན་ པའི་ བོད་ རིགས་ འདུས་ སྡོད་ བྱས་ པའི་ ས་ ཁུལ་ ཁགས་ ཁུལ་ ཡོངས་ སུ་ རྒྱ་ དམག་ གིས་ དྲག་ གནོན་ ཤུགས་ ཆེའི་ འོག་ ཁིས་ ཟིན་ དམར་ གསོད་ ཆེན་ མོ་ དང༌།
སྐྱ་ མོའི་ དམར་ གསོད་ ཆེན་ མོ་ སོགས་ བྱུང་ བ་ མ་ ཟད།
དམར་ གསོད་ དེ་ ཚོའི་ སྐབས་ རི་ ལུང་ གང་ སར་ མི་ རོས་ ཁེངས་ ནས་ བྱ་ རྒོད་ དང་ གཅན་ གཟན་ སོགས་ ཀྱིས་ ཀྱང་ ཟ་ མ་ ནུས་ པར་ ལུང་ བ་ དེ་ ཚོར་ ཟླ་ བ་ མང་ པོའི་ རིང་ རོ་ ཡི་ དྲི་ ངན་ གྱིས་ ཁྱབ་ ཚུལ་ ངའི་ ཕ་ ཡུལ་ གྱི་ ཡ་ ང་ བའི་ ལོ་ རྒྱུས་ སོགས་ སུ་ གསལ།
བོད་ ཕྱི་ མའི་ བོད་ ཕྱི་ མ་ ཞེས་ པ་ ནི།
དེ་ སྔར་ དགའ་ ལྡན་ ཕོ་ བྲང་ གི་ དབང་ འཛིན་ ཁྱབ་ ཁོངས་ འོག་ གནས་ པའི་ བོད་ རིགས་ འདུས་ སྡོད་ ས་ ཁུལ་ ཁག་ ལ་ ཟེར།
ནང་ དུའང་ ༡༩༥༩ ནས་ ༡༩༦༠
ཐམ་ པའི་ བར་ དུས་ ཡུན་ ལོ་ གཅིག་ གི་ ནང་ ཚུད་ དུ་ རྒྱ་ མི་ རང་ གིས་ ཐོ་ འགོད་ བྱས་ པར་ བོད་ མི་ སྟོང་ ཕྲག་ བརྒྱད་ ཅུ་ གྱ་ མདུན་ དམར་ གསོད་ བཏང་ འདུག
དུས་ ཐུང་ དེ་ འདྲའི་ ནང་ བོད་ མིའི་ ས་ ཁུལ་ གྱི་ ཆ་ ཤས་ ཆུང་ ཆུང་ ཞིག་ ནས་ དམར་ གསོད་ དེ་ ཙམ་ བཏང་ ཡོད་ ན།
ཤར་ དར་ རྩེ་ མདོ་ ནས་ ནུབ་ ལ་ དྭགས་ བར་ བོད་ མི་ ཅི་ ཙམ་ ཞིག་ དམར་ གསོད་ བཏང་ ཡོད་ མེད་ ཧ་ ཅང་ ཚོད་ དཔག་ བྱེད་ སླ་ བ་ ཞིག་ རེད།
ད་ དུང་ ཞར་ དང་ ཞོར་ ལ་ བོད་ ཀྱི་ ཤོག་ དངུལ་ འགྲེམས་ སྤེལ་ བྱེད་ པའི་ བརྒྱུད་ ལམ་ བཀག་ འགོག་ དང༌།
རྒྱལ་ ཁབ་ ཀྱི་ དར་ ཆ་ དང༌། དམག་ གི་ རུ་ འདྲེན་ དར་ ཆ་ ཕྱིར་ བསྡུ།
བོད་ དམག་ ཡོངས་ རྫོགས་ རིམ་ པས་ རྒྱ་ དམག་ ཅན་ དུ་ བསྒྱུར་ ཐབས་ སོགས་ བྱས་ པས་ མ་ ཚད།
བོད་ ཀྱི་ ཕྱི་ འབྲེལ་ དང་ དྲིལ་ བསྒྲགས་ ཀྱི་ དབང་ ཚད་ ཡོངས་ རྫོགས་ རྩ་ མེད་ དུ་ བཟོས་ པ་ སོགས་ ཕྱོགས་ ཡོངས་ ནས་ བོད་ མི་ ཚོར་ དྲག་ གནོན་ ཚད་ ལས་ བརྒལ་ བ་ བྱས་ འདུག
བཞི་ པ།
ཐུན་ མིན་ རིག་ གཞུང་ གི་ དཔལ་ ཡོན་ ཉམས་ རྒུད་ དུ་ བཏང་ བ།
རིག་ གནས་ གསར་ བརྗེ་ ཟེར་ བའི་ ལས་ འགུལ་ འདི་ མའོ་ ཙེ་ ཏུང་ གིས་ ཐད་ ཀར་ བློ་ འདོན་ གནང་ བའི་ རང་ ཤེད་ ཀྱི་ བསམ་ བློ་ གཏོང་ སྟངས་ ཤིག་ ཡིན་ ལ།
ལས་ འགུལ་ འདིའི་ ཐོག་ མའི་ དམིགས་ འབེན་ གཙོ་ བོ་ རྒྱ་ ནག་ ནང་ ཁུལ་ གྱི་ བཙན་ རྒྱལ་ རིང་ ལུགས་ དང༌།
བཟོ་ བཅོས་ རིང་ ལུགས།
མ་ རྩ་ རིང་ ལུགས་ ཀྱི་ དབང་ འཛིན་ པ་ ཚོར་ མཐའ་ གཅིག་ ཏུ་ རྒོལ་ རྡུང་ བཏང་ སྟེ།
སྤྱི་ ཚོགས་ རིང་ ལུགས་ སྤྱི་ ཚོགས་ རིང་ ལུགས་ ནི།
མིས་ མི་ ལ་ བཤུ་ གཞོག་ བཏང་ བའི་ ལམ་ ལུགས་ རྩ་ མེད་ བྱས་ པའི་ རྨང་ གཞིའི་ སྟེང་ ནས་ བཙུགས་ པའི་ སྲིད་ དོན་ ལམ་ ལུགས་ ཤིག་ ཡིན་ པར་ མ་ ཟད།
དེ་ ཡང་ ཀྲུང་ གོའི་ ཁྱད་ ཆོས་ ལྡན་ པའི་ སྤྱི་ ཚོགས་ རིང་ ལུགས་ ངོ་ མཚར་ བ་ ཞིག་ ཡིན་ ཚུལ་ གྱིས་ འུད་ སྒྲོག་ བྱེད།
ཀྱི་ བསམ་ བློའི་ མ་ ལག་ ཁྱོན་ ཡོངས་ ནས་ བརྟན་ པོར་ འཛུགས་ སྐྲུན་ བྱ་ རྒྱུ་ དེ་ ཡིན་ ཞིང༌།
རང་ སྣང་ གིས་ བསྒྱུར་ བཀོད་ བྱེད་ སྟངས་ འདིས་ རྒྱ་ མི་ རིགས་ ས་ ཡ་ དྲུག་ ཅུ་ ལྷག་ དུས་ མིན་ རྐྱེན་ འདས་ སུ་ བཏང་ བ་ ནུབ་ ཕྱོགས་ པའི་ ཉམས་ ཞིབ་ པ་ ཚོས་ གཅིག་ མཐུན་ གྱིས་ ཚོད་ དཔག་ བྱས་ ཡོད།
ཕྱི་ ལོ་ ༡༩༦༦
ལོ་ ནས་ བཟུང་ ལས་ འགུལ་ འདིའི་ ཁ་ ཕྱོགས་ བོད་ ཁྱོན་ ཡོངས་ སུ་ བསྒྱུར་ མགོ་ ཚུགས་ ཤིང༌།
དེ་ ཡང་ ལས་ འགུལ་ འདིས་ བསམ་ བློ་ རྙིང་ པ་ དང༌། རིག་ གནས་ རྙིང་ པ། ལུགས་ སྲོལ་ རྙིང་ པ།
གོམས་ གཤིས་ རྙིང་ པ་ སོགས་ རྙིང་ བཞི་ རྩ་ གཏོར་ བྱེད་ རྒྱུ་ དེ་ རྩ་ གནད་ རང་ བཞིན་ དུ་ བཟུང་ ནས་ རྒྱུན་ འཁྱོངས་ བྱས་ པ་ མ་ ཟད།
ཆེད་ མངགས་ རྩ་ འཛུགས་ བྱས་ པའི་ དམར་ དམག་ དང༌།
མི་ དམངས་ ཀྱི་ བུ་ ཕྲུག་ དམག་ སོགས་ ཀྱིས་ དཔུང་ ཤུགས་ ལ་ བརྟེན་ ནས་ སྤེལ་ མགོ་ བཙུགས་ ཤིང༌།
ལས་ འགུལ་ འདིའི་ སྔ་ གཞུག་ བར་ གསུམ་ དུ་ ལོ་ རྒྱུས་ ཡུན་ རིང་ ལྡན་ པའི་ དགོན་ སྡེ་ སྟོང་ ཕྲག་ དྲུག་ ས་ དགེ་ བཀའ་ རྙིང་ ཇོ་ ནང་ བོན་ དང་ བཅས་ པའི་ ཆོས་ བརྒྱུད་ དང་ ཆོས་ ལུགས་ འདྲ་ མིན་ གྱི་ དགོན་ སྡེ་ ཁག་ འདུ།
ལྷག་ ཙམ་ གཏོར་ བཤིག་ བཏང་ བ་ མ་ ཟད།
གྲྭ་ བཙུན་ ཆིག་ འབུམ་ ལྷག་ དགོན་ པའི་ ཚོགས་ ཟངས་ ནང་ དུ་ བཙོ་ སྲེག་ དང༌།
གསོན་ པོར་ ས་ དུང་ དུ་ སྦས་ པ། རྐང་ ལག་ ལ་ ལྕགས་ ཛེར་ བརྒྱབས་ ནས་ གསོན་ སྐམ་ བྱས་ པ།
ཁྱི་ དང་ གཅན་ གཟན་ གྱི་ རིགས་ ལ་ གསོན་ པོར་ བཟར་ བཅུག་ པ།
རང་ རང་ གི་ གཉེན་ ཉེ་ དང་ གྲོང་ སྡེ་ གཅིག་ པའི་ བུད་ མེད་ ཚོ་ དང་ མཉམ་ དུ་ བཙན་ ཤུགས་ ཀྱིས་ འཁྲིག་ སྤྱོད་ བསྟེན་ བཅུག་ པ་ སོགས་ བསམ་ ཡུལ་ ལས་ འདས་ པའི་ མནར་ གཅོད་ ཚད་ མེད་ བཏང༌།
ལྷག་ ལུས་ དགེ་ འདུན་ པ་ རྣམས་ ལའང་ མར་ ཁེ་ སིའི་ ལྟ་ བའི་ རྨང་ གཞི་ དྲིལ་ བསྒྲགས་ བྱས་ ཏེ་ དངོས་ གཙོ་ སྨྲ་ བའི་ བསམ་ བློ་ རྒྱུན་ འཁྱོངས་ བྱ་ དགོས་ པའི་ བཙན་ བཀའ་ བཏང་ བ་ མ་ ཟད།
ལྷ་ མེད་ སྨྲ་ བའི་ ལྟ་ བ་ ཡང་ དག་ པ་ ཡིན་ པ་ མི་ མང་ ལ་ སྐུལ་ སློང་ བྱེད་ དུ་ བཅུག་ པ་ དང༌།
ད་ དུང་ མཆོག་ གསུམ་ ལ་ མཆོད་ བཀུར་ བསྙེན་ གསུམ་ དང༌།
ཉ་ སྟོང་ བརྒྱད་ གསུམ་ སོགས་ དུས་ ཆེན་ ཆེ་ ཆུང་ གང་ ཞིག་ ཡིན་ རུང་ དངོས་ ཤུགས་ བརྒྱུད་ གསུམ་ ནས་ སྲུང་ བརྩི་ བྱ་ མི་ ཆོག་ པ་ བཟོས་ པ་ སོགས་ ཆོས་ ལུགས་ དང་ འབྲེལ་ བའི་ བྱེད་ སྒོ་ ཡོད་ ཚད་ དངོས་ ཤུགས་ བརྒྱུད་ གསུམ་ ནས་ བཀག་ འགོག་ གཟབ་ ནན་ བྱས།
གཞན་ ཡང༌།
དགེ་ འདུན་ པ་ དང་ བླ་ སྤྲུལ་ གྱི་ རིགས་ ལ་ སྤྱང་ གི་ དམར་ པོ་ དང༌། ཇག་ པ་ སེར་ པོ།
བཤུ་ གཞོག་ གྲལ་ རིམ་ པ། མི་ དམངས་ བྱིངས་ ལ་ ཀླ་ ཀློ་ དང༌། ལོག་ སྤྱོད་ པ།
རྗེས་ ལུས་ སོགས་ ཀྱིས་ མཚོན་ ཆབ་ སྲིད་ ཀྱི་ ཉེས་ མིང་ སྣ་ ཚོགས་ གཡོགས་ ཏེ་ གསོད་ རྡུང་ བཀོལ་ སྤྱོད་ ཡ་ ང་ བ་ བྱས།
ལྷག་ དོན་ རིག་ གསར་ ལས་ འགུལ་ གྱི་ སྔ་ ཕྱིར་ བདེ་ འཇགས་ ཨུ་ ཡོན་ ལྷན་ ཁང་ ཟེར་ བ་ ཆེད་ འཛུགས་ ཀྱིས་ རིགས་ མཐོ་ བ་ དང༌།
ཕྱུག་ བདག བླ་ དཔོན་ སོགས་ གྲལ་ རིམ་ མཐོ་ གྲས་ སུ་ བཞག་ སྟེ་ གྲལ་ རིམ་ ལ་ འཐབ་ རྩོད་ དང༌།
དངོས་ གཙོ་ སྨྲ་ བའི་ ལྟ་ བ་ (materialism)དར་ སྤེལ་ དང་ སེམས་ གཙོ་ སྨྲ་ བའི་ ལྟ་ བར་ (idealism)སྐྱོན་ འཛུགས་ བྱེད་ ཐབས་ ཀྱི་ ལས་ འགུལ་ ཚན་ རིག་ ཚོད་ ལྟ།
རྒན་ དར་ གཞོན་ གསུམ་ དང་ ཡན་ ལག་ སྐྱོན་ ཅན་ ཡིན་ མིན་ ལ་ ལྟོས་ མེད་ ཀྱིས་ ཤུགས་ ལས་ འདྲ་ མིན་ ཐོག་ སྐུལ་ འདེད་ བྱེད་ ཐབས་ ཀྱི་ ལས་ འགུལ་ ཐོན་ སྐྱེད་ འཐབ་ རྩོད།
གུང་ ཁྲན་ ཏང་ དང་ ལྟ་ བ་ རྒྱབ་ འགལ་ དུ་ འཛིན་ མཁན་ ཚོ་ མི་ མང་ གི་ མདུན་ དུ་ ཁྲིད་ ནས་ ཡན་ ལག་ གཅོད་ འབྲེག་ དང་ དམར་ གསོད་ སོགས་ བཏང་ སྟེ་ མི་ སེར་ དཀྱུས་ མ་ ཚོའི་ མགོ་ བོ་ གནོན་ ཐབས་ བྱེད་ པའི་ ལས་ འགུལ་ གཅིག་ རྡུང་ གསུམ་ རྒོལ།
དབུལ་ ཕྱུག་ ཁྱད་ མེད་ ལ་ ཁྲལ་ རིགས་ བཙན་ བསྡུའི་ ལས་ འགུལ་ རོགས་ རེས་ ཚོགས་ ཆུང ་། ཉེས་ ཅན་ ཐེར་ འདོན། རང་ སྐྱོན་ རང་ བརྗོད།
རྡུང་ རྡེག་ ཚ་ ནན་ གཏོང་ བ་ སོགས་ ཆབ་ སྲིད་ ཀྱི་ རྩ་ དོན་ གསུམ་ དུ་ བཞག་ ནས་ སྔར་ གྱི་ སྐུ་ དྲག་ རིགས་ ལ་ ངོ་ རྒོལ་ བྱེད་ ཐབས་ ཀྱི་ ལས་ འགུལ་ ཆབ་ སྲིད་ ཀྱི་ རྩ་ དོན་ གསུམ།
སྔར་ བོད་ གཞུང་ གི་ གཞུང་ ཞབས་ པ་ དང༌། འབྱོར་ ལྡན་ པ།
དགོན་ སྡེ་ ཁག་ གི་ མཁན་ བླ་ སྤྲུལ་ སོགས་ མངའ་ བདག་ ཆེན་ པོ་ གསུམ་ དུ་ བརྩིས་ ཏེ་ ཤིན་ ཏུ་ ལྕི་ བའི་ འཐབ་ འཛིང་ བྱེད་ ཐབས་ ཀྱི་ ལས་ འགུལ་ མངའ་ བདག་ ཆེན་ པོ་ གསུམ།
སྒེར་ ལ་ དབང་ བའི་ དཔལ་ འབྱོར་ ལམ་ ལུགས་ ཤུལ་ མེད་ དུ་ བཟོ་ ཆེད་ མི་ དམངས་ སྤྱི་ ཁང༌།
དེ་ བཞིན་ ཡར་ ལངས་ ཞིང་ བྲན་ རྣམས་ འཚོ་ གོས་ གཅིག་ ཏུ་ རོལ་ བའི་ སྲིད་ ཇུས་ ཞེས་ པ་ ལག་ བསྟར་ བྱས་ ཏེ་ མི་ མང་ རྣམས་ མཉམ་ ཟ་ མཉམ་ འཐུང་ བྱེད་ དུ་ བཅུག་ པ།
ཕ་ མ་ རྒན་ འཁོགས་ དང་ བྱིས་ པ་ སོགས་ ལ་ ལྟོས་ མེད་ ཀྱིས་ སུས་ ངལ་ རྩོལ་ ཐོག་ གྲུབ་ འབྲས་ གཟེངས་ སུ་ ཐོན་ པ་ བྱུང་ ན་ དེར་ ཁེ་ བཟང་ མང་ བ་ ཞེས་ པའི་ ལས་ འགུལ་ རྩོལ་ བསྟུན་ ཐོབ་ སྤྲོད།
གནམ་ གཤིས་ དང་ ཁོར་ ཡུག་ འགྱུར་ ལྡོག་ ལ་ ལྟོས་ མེད་ ཀྱིས་ དགུན་ གྲོ་ འདེབས་ ལས་ བྱེད་ དུ་ བཅུག་ པ་ སོགས་ གདུག་ རྩུབ་ ཤིན་ ཏུ་ ཆེ་ བའི་ ཆབ་ སྲིད་ ཀྱི་ ལས་ འགུལ་ འདྲ་ མིན་ སྤེལ།
མ་ ཟད་ བོད་ མི་ ཚོའི་ ཁྱིམ་ ཚང་ རེ་ རེ་ བཞིན་ སྔོག་ གཤེར་ བྱས་ ཏེ་ སྐུ་ བརྙན་ དང༌། ཐང་ ག
རྒྱལ་ བའི་ བཀའ་ བསྟན།
གསེར་ ཟངས་ ལས་ གྲུབ་ པའི་ མཆོད་ རྟེན་ སོགས་ ཀྱིས་ མཚོན་ སྐུ་ གསུང་ ཐུགས་ རྟེན་ གང་ ཡོད་ བཅོམ་ འཕྲོག་ དང་ རྐུ་ འཁྱེར་ སོགས་ བྱས།
ཕྱི་ ལོ་ ༡༩༧༦
ལོར་ ཀྲོའུ་ ཨེན་ དང་ མའོ་ གཉིས་ སྔ་ ཕྱིར་ ལྔ་ ལམ་ དུ་ ཕྱིན་ སྟབས། ཕྱི་ ལོ་ ༡༩༧༩ ནས་ ༡༩༩༤
བར་ གྱི་ མི་ ཧྲིལ་ པོ་ བཅོ་ ལྔའི་ རིང་ ཕྱི་ ཚུལ་ གྱིས་ བོད་ ཀྱི་ ཆབ་ དཔལ་ རིག་ གསུམ་ སོགས་ གང་ ཐད་ ལ་ ཅུང་ གུ་ ཡངས་ ཀྱི་ རྣམ་ པ་ བསྟན་ ཀྱང༌།
ཕྱི་ ལོ་ ༡༩༩༤ ནས་ ༢༠༠༡
བར་ གྱི་ ལོ་ ངོ་ བརྒྱད་ རིང་ བོད་ ཀྱི་ དགོན་ སྡེ་ ཁག་ ལ་ བོད་ བརྒྱུད་ ནང་ བསྟན་ གྱི་ བརྗོད་ སྙིང་ ཁག་ སྤྱི་ ཚོགས་ རིང་ ལུགས་ ཀྱི་ ལྟ་ བའི་ དམིགས་ ཚད་ དང་ མཐུན་ པའི་ བཟོ་ བཅོས་ བྱ་ དགོས་ པ་ དང༌།
སྤྱི་ ཚོགས་ རིང་ ལུགས་ ཀྱི་ སྤྱི་ ཚོགས་ དང་ མི་ མཐུན་ པའི་ ཆོ་ ག་ ཕྱག་ ལེན་ དང་ འདོན་ རྟ་ དབྱངས་ སོགས་ ལག་ བསྟར་ མི་ ཆོག་ པ།
དགོན་ སྡེ་ གང་ བྱུང་ བསྐྲུན་ པ་ དང༌། གྲྭ་ བཙུན་ ཚོད་ མེད་ བསྡུ་ བ།
བླ་ སྤྲུལ་ འབོར་ ཆེན་ ངོས་ འཛིན་ བྱེད་ པ་ སོགས་ གཏན་ ནས་ མི་ ཆོག་ པའི་ བཙན་ བཀའ་ བཏང་ སྟེ་ རིག་ གསར་ ལས་ འགུལ་ ཐེངས་ གཉིས་ པ་ སྤེལ།
མདོར་ བསྡུས་ ནས་ བཤད་ ན།
བོད་ ཀྱི་ རིག་ གཞུང་ ཕལ་ མོ་ ཆེ་ བོད་ བརྒྱུད་ ནང་ བསྟན་ དང་ དངོས་ ཤུགས་ བརྒྱུད་ གསུམ་ ནས་ མཐུན་ ཤུགས་ ཆེ་ བའི་ རིག་ གཞུང་ ཤ་ སྟག་ ཡིན་ སྟབས།
རིག་ གཞུང་ དེ་ དག་ དང༌།
དེ་ འབྲེལ་ གྱི་ ཡུལ་ གོམས་ གཤིས་ ལུགས་ ཡོད་ ཚད་ མར་ ཁེ་ སིའི་ རིགས་ པའི་ གཞུང་ ལུགས་ ཀྱི་ རྩ་ དོན་ དང་ ཡོངས་ སུ་ རྒྱབ་ འགལ་ ལྟ་ བུར་ བརྩིས་ ཏེ།
ཐབས་ དང་ ཇུས་ གང་ ཡོད་ ཀྱིས་ རྩ་ མེད་ དུ་ གཏོང་ ཐབས་ བྱས།
དེ་ དང་ ཕྱོགས་ མཚུངས་ ཀྲུང་ གོའི་ ཁྱད་ ཆོས་ ལྡན་ པའི་ སྤྱི་ ཚོགས་ རིང་ ལུགས་ ལ་ སེམས་ གཏིང་ ནས་ དགའ་ ཞེན་ མི་ བྱེད་ མཁན་ ཆོས་ བྱེད་ དགེ་ འདུན་ པ་ དང༌།
གོ་ གནས་ ངེས་ ཅན་ ཡོད་ པའི་ བླ་ སྤྲུལ། རྩོམ་ པ་ པོ།
སྒྱུ་ རྩལ་ པ་ སོགས་ ཀྱིས་ མཚོན་ ཤེས་ ལྡན་ མི་ སྣ་ ཡོད་ ཚད་ གང་ བྱུང་ གིས་ བཙོན་ འཇུག་ དང༌།
དམར་ གསོད་ གཏོང་ བ་ སོགས་ ཀྱི་ ལས་ འགུལ་ སྣ་ མང་ བརྩམས་ པ་ ལས་ འདིར་ དཔེ་ མཚོན་ ཙམ་ ཟུར་ འདོན་ བྱས།
ལྔ་ པ།
གཞི་ རྒྱ་ ཆེ་ བའི་ རྒྱ་ རྒོལ་ ལས་ འགུལ་ སྤེལ་ བའི་ ཐོག་ མའི་ རྒྱུ་ རྐྱེན།
དེ་ ཡང་ བོད་ ནི་ ལོ་ རྒྱུས་ ཡུན་ རིང་ ལྡན་ པའི་ མི་ རིགས་ ཤིག་ ཡིན་ པ་ མ་ ཟད།
ཐོག་ མཐའ་ བར་ གསུམ་ དུ་ རང་ བཙན་ གཙང་ མར་ གནས་ པའི་ རྒྱལ་ ཁབ་ ཅིག་ ཀྱང་ རེད།
འོན་ ཀྱང་ རྒྱ་ ནག་ ཆིང་ རྒྱལ་ རྒྱུད་ སྐབས་ ནས་ བཟུང་ བོད་ ཀྱི་ སྲིད་ དབང་ ཐོག་ འདྲེ་ ལག་ དངོས་ སུ་ བསྲིང་ རྒྱུའི་ བསམ་ ངན་ བཟུང་ ནའང༌།
མཇུག་ ཏུ་ ཆིང་ སྲིད་ གཞུང་ གིས་ ཐང་ གི་ རྡོ་ ལེན་ ས་ ནས་ རུམ་ གྱི་ བྲོ་ བོར་ ཞེས་ པའི་ རྒོད་ བྲོ་ བའི་ གཏམ་ རྒྱུད་ དེ་ མྱོང་ དགོས་ བྱུང་ ཡོད།
དེ་ རྗེས་ རྒྱ་ ནག་ མི་ སེར་ རྒྱལ་ ཁབ་ རྒྱ་ ནག་ མི་ སེར་ རྒྱལ་ ཁབ་ ནི།
ཡུལ་ དེའི་ རྒྱལ་ རྒྱུད་ ལམ་ ལུགས་ ཀྱི་ སྲིད་ དབང་ རྩ་ མེད་ དུ་ བཏང་ བའི་ རྗེས་ སུ་ བྱུང་ བའི་ སྲིད་ གཞུང་ ཐོག་ མ་ དེ་ ཡིན།ནས་ ཀྱང་ དེ་ སྔོན་ ཆིང་ སྲིད་ གཞུང་ གིས་ བོད་ ཐོག་ བཟུང་ བའི་ སྲིད་ ཇུས་ ཇི་ བཞིན་ ལག་ བསྟར་ གྱིས་ བོད་ འདི་ རྒྱ་ ནག་ གི་ ཆ་ ཤས་ སྐབས་ འདིའི་ ཆ་ ཤས་ ཞེས་ པ་ གྲུབ་ ཆར་ གོ་ བ་ བླང་ དགོས།ཤིག་ ཡིན་ ཚུལ་ འུད་ སྒྲོག་ བྱེད་ འགོ་ ཚུགས་ ཤིང༌།
འདི་ ནི་ རྒྱ་ ནག་ གིས་ བོད་ འདི་ ལོ་ རྒྱུས་ ཐོག་ རྒྱ་ ནག་ གི་ ཆ་ ཤས་ ཤིག་ ཡིན་ ཚུལ་ འཇིག་ རྟེན་ ཐོག་ བསྒྲགས་ པའི་ ཆེས་ ཐོག་ མ་ དེ་ ཡིན།
དེ་ རྗེས་ རྒྱ་ དམར་ སྲིད་ གཞུང་ གིས་ ཀྱང་ རྒྱ་ ནག་ མི་ སེར་ རྒྱལ་ ཁབ་ དུས་ བོད་ ཐོག་ འཛིན་ པའི་ སྲིད་ བྱུས་ ལག་ བསྟར་ བྱས་ ཏེ་ བོད་ ནང་ བཙན་ འཛུལ་ གྱིས་ བོད་ མི་ ས་ ཡ་ གཅིག་ དང་ འབུམ་ གཉིས་ ལྷག་ ཙམ་ དམར་ གསོད་ དང༌།
བོད་ ཀྱི་ ཆོས་ དང༌། རིག་ གཞུང༌། ཆབ་ སྲིད། དམག་ དོན།
ཁྲིམས་ ལུགས་ སོགས་ ཀྱི་ ཐད་ གོད་ ཆག་ ཤུགས་ ཆེན་ བཏང་ བ་ མ་ ཟད།
ཐ་ ན་ བདག་ ཏུ་ མ་ བཟུང་ བའི་ རི་ སྐྱེས་ སྲོག་ ཆགས་ དང་ འབུ་ སྲིན་ ཚུན་ ལའང་ དངོས་ ཤུགས་ བརྒྱུད་ གསུམ་ ནས་ གནོད་ འཚེ་ ཚབས་ ཆེན་ བཟོས་ ཡོད།
ལྷག་ པར་ དུ་ རྒྱ་ གཞུང་ གིས་ བོད་ བཙན་ བཟུང་ བྱས་ པ་ ནས་ བཟུང་ མན་ ཇུ་ དང༌།
ཤར་ ཏུར་ ཀི་ སི་ ཐན།
ནང་ སོག་ བཅས་ སུ་ མི་ སེར་ སྤེལ་ བའི་ སྲིད་ བྱུས་ འོག་ རྒྱ་ མི་ ས་ ཡ་ བརྒྱད་ བརྒྱ་ ལྷག་ ཙམ་ ཡོད་ པའི་ ནང་ ནས་ ས་ ཡ་ བརྒྱ་ དང་ ཉི་ ཤུ་ ལྷག་ ཙམ་ གནས་ སྤོར་ གྱིས་ མན་ ཇུའི་ མི་ རིགས་ རྩ་ མེད་ དང༌།
ཤར་ ཏུར་ ཀི་ སི་ ཐན་ དང༌།
ནང་ སོག་ བཅས་ ཀྱི་ ས་ གནས་ སོ་ སོའི་ མི་ རིགས་ ཁག་ ཆེས་ གྲངས་ ཉུང་ ཅན་ དུ་ བསྒྱུར།
ཕྱི་ ལོ་ ༡༩༥༢
ལོར་ མའོ་ ཙེ་ ཏུང་ གིས་ བོད་ ནང་ རྒྱའི་ མི་ སེར་ ས་ ཡ་ བཅུ་ ཙམ་ གནས་ སྤོར་ བྱ་ དགོས་ པའི་ སྲིད་ བྱུས་ བཏོན།
དེ་ རྗེས་ སྲིན་ བློན་ ཀྲོའུ་ ཨན་ ལེ་ དང༌།
ལྷག་ པར་ དུ་ ཏིང་ ཞའོ་ ཕིང་ གིས་ སི་ ཁྲོན་ དུ་ གསང་ བའི་ ཚོགས་ འདུ་ ལྔ་ གཅིག་ གཉིས་ བསྡུ་ སྐོང་ ཐོག་ བོད་ ཀྱི་ ས་ གནས་ སོ་ སོའི་ བོད་ མི་ ཚོ་ གྲགས་ འགུལ་ ཅུང་ ཙམ་ ཡང་ མེད་ པར་ བཟོ་ ཆེད་ བོད་ ཀྱི་ ས་ གནས་ སོ་ སོར་ རྒྱ་ མི་ རིགས་ འབོར་ ཆེན་ གནས་ སྤོར་ བྱ་ དགོས་ པའི་ བཀོད་ ཁྱབ་ བཏང་ སྟབས།
སྤྱི་ ཚོགས་ རིང་ ལུགས་ འཛུགས་ སྐྲུན་ རོགས་ སྐྱོར་ ན་ གཞོན་ ཚོགས་ པ་ ཟེར་ བའི་ མིང་ ཐོག་ ནས་ ད་ བར་ བོད་ རང་ སྐྱོང་ ལྗོངས་ དང༌།
འབྲུ་ ཆུའི་ ཤར་ རྒྱུད་ དུ་ གནས་ པའི་ མཚོ་ སྔོན་ དང༌། ཀན་ སུའུ། ཡུན་ ནན།
སི་ ཁྲོན་ སོགས་ བོད་ ཆོལ་ ཁ་ གསུམ་ ཁྱོན་ ཡོངས་ སུ་ རྒྱ་ མི་ སེར་ ས་ ཡ་ བཅུ་ ལ་ ཉེ་ བ་ ཞིག་ གནས་ སྤོར་ བྱས་ དང་ བྱེད་ བཞིན་ པ་ དང༌།
རྒྱ་ རིགས་ དེ་ ཚོས་ ས་ གནས་ སོ་ སོའི་ བོད་ མི་ ཚོའི་ ཡུལ་ སྲོལ་ གོམས་ གཤིས་ དང་ ཆོས་ ལུགས་ དད་ མོས་ སོགས་ ལ་ བརྩི་ མཐོང་ གཏན་ ནས་ བྱེད་ ཀྱི་ མེད་ པ་ མ་ ཟད།
ས་ གནས་ བོད་ མི་ ཚོར་ མཐོང་ ཆུང་ དང་ ཁྱད་ གསོད་ ཚད་ ལས་ བརྒལ་ བ་ བྱས་ དང་ བྱེད་ མོས་ སུ་ ཡོད།
མ་ ཟད་ ཚོང་ དང་ ཞིང་ ལས་ གཉེར་ སའི་ ས་ ཆ་ ཡག་ ཤོས་ ཡོད་ ཚད་ བོད་ སྡོད་ རྒྱ་ མི་ ཚོས་ བཙན་ ཤུགས་ ཀྱིས་ བཟུང་ སྟབས།
ས་ གནས་ སོ་ སོའི་ བོད་ མི་ ཚོར་ འཚོ་ གོས་ གནས་ མལ་ ཐོག་ དཀའ་ ངལ་ ཤུགས་ ཆེན་ འཕྲད་ བཞིན་ པའི་ ཐོག
རྒྱ་ མི་ ཚོས་ གཉེར་ བཞིན་ པའི་ ཚོང་ ཁང་ མང་ ཆེ་ བས་ ཟས་ རིགས་ རྙིང་ པ་ དང༌། ཨ་ རག་ དང༌།
ཐ་ མག སྨན་ རྫས་ བརྫུན་ མ་ སོགས་ ཀྱིས་ ཚོང་ བསྒྱུར།
ཐ་ ན་ རྒྱ་ དང་ ཁ་ ཆེའི་ ཟ་ ཁང་ ལས་ བྱེད་ ཚོས་ ཀྱང་ རང་ རང་ གི་ མགོ་ སྐེ་ དང་ རྐང་ ལག་ གི་ ཚི་ དྲེག་ བཀྲུས་ པའི་ ཁུ་ བས་ ཕྱེ་ རྫི་ བ་ དང༌།
དེ་ འཐེན་ ཐུག་ གི་ ཁུ་ བར་ སྤྱོད་ བཞིན་ པ་ མ་ ཟད།
གཡག་ དང་ ལུག་ གི་ མགོ་ མཐོང་ སར་ བཞག་ ནས་ ཁྱི་ དང་ བོང་ ཤའི་ རིགས་ བེད་ སྤྱོད་ དང༌།
འབྲོག་ པ་ མང་ ཚོགས་ སར་ ཤོག་ དངུལ་ བརྫུན་ མ་ འགྲེམས་ གཏོང་ སོགས་ བྱེད་ བཞིན་ ཡོད།
ད་ དུང་ ལོ་ རབས་ དྲུག་ ཅུ་ པ་ ནས་ བཟུང་ བོད་ དུ་ རྡུལ་ ཕྲན་ མཚོན་ ཆའི་ སྙིགས་ རོ་ གསོག་ འགོ་ བཙུགས་ པས་ མ་ ཚད།
ཕྱི་ ལོ་ ༡༩༩༥
ལོར་ མཚོ་ བྱང་ བོད་ རིགས་ རང་ སྐྱོང་ ཁུལ་ གྱི་ ས་ གནས་ ཤིག་ ཏུ་ འོད་ རླབས་ འཚེར་ བའི་ རྡུལ་ ཕྲན་ འདྲ་ མིན་ གྱི་ སྙིགས་ རོ་ ས་ ཁྱོན་ མི་ ཊར་ གྲུ་ བཞི་ མ་ ཉི་ ཤུའི་ སར་ སྤུངས་ པ་ རྒྱ་ གཞུང་ རང་ གིས་ ངོས་ ལེན་ བྱས་ པ་ ལྟ་ བུ་ རེད།
ཕྱི་ ལོ་ ༡༩༨༦
ལོར་ རྒྱ་ གཞུང་ གིས་ བོད་ ཀྱི་ ས་ ཆ་ སོ་ སོར་ ས་ གཏེར་ རུ་ ཁག་ སྔ་ ཕྱིར་ ཐེངས་ མང་ བཏང་ སྟེ་ གཏེར་ ས་
༩༥༠ ལྷག་ རྙེད་ སོན་ བྱུང་ བ་ དག་ ཡོངས་ སུ་ སྔོག་ འདོན་ གྱིས་ གསེར་ དངུལ། ཟངས། ལྕགས། ཞ་ ཉེ། ཚ། རྡོ་ སོལ།
ཅོང་ ཞི། རྡོ་ དཀར། ཤེལ་ རྡོ། རྡོ་ སྣུམ་ ལྡན། གཟི། གཡུ། མུ་ ཟི། མེ་ རྡོ།
འབྲུག་ རུས་ སོགས་ རིན་ ཐང་ ཤིན་ ཏུ་ ཆེ་ བའི་ གཏེར་ དངོས་ ཇི་ སྙེད་ ཅིག་ རྒྱ་ ནང་ དུ་ རྐུ་ འཁྱེར་ དང༌།
ས་ གཏེར་ འདོན་ ལས་ དང༌།
མདོ་ སྨད་ ཀྱི་ ས་ ཕྱོགས་ ཕལ་ མོ་ ཆེར་ ཤིང་ ནགས་ གཅོད་ འབྲེག་ ཚད་ ལས་ བརྒལ་ བ་ བྱས་ སྟབས།
ས་ བཅུད་ ཤོར་ བ་ དང༌།
སྔོ་ ལྗངས་ ཡིད་ དུ་ འོང་ བའི་ ས་ ཆ་ མང་ ཆེ་ བ་ ཕྱེ་ ཐང་ དུ་ གྱུར་ རྐྱེན་ སྒོ་ ཕྱུགས་ ས་ ཡ་ བཅུ་ གཅིག་ ཙམ་ དང་ རི་ སྐྱེས་ སྲོག་ ཆགས་ འབུམ་ གཏེར་ མང་ པོར་ གནོད་ སྐྱོན་ ཤུགས་ ཆེན་ ཐེབས་ ཡོད་ པ་ མ་ ཟད།
སྔོ་ ལྫངས་ ཞིང་ སར་ དང༌། ཞིང་ ས་ གསར་ སྤོ།
འབྲོག་ ལས་ གྲོང་ སྡེ་ ཅན་ དུ་ བཙན་ གྱིས་ སྒྱུར་ བཞིན་ པ་ འདི་ རིགས་ ཀྱིས་ བོད་ མིའི་ འཚོ་ བ་ དང་ ཁོར་ ཡུག་ ལ་ ཤུགས་ རྐྱེན་ ངན་ པ་ ཐེབས་ མུས་ སུ་ ཡོད།
གཞན་ ཡང༌།
མའོ་ ཙེ་ ཏུང་ གིས་ དམག་ ཤུགས་ ལ་ བརྟེན་ ནས་ བོད་ མི་ ཁྲི་ བརྒྱ་ དང་ ཉི་ ཤུ་ ལྷག་ དམར་ གསོད་ བཏང་ རྗེས།
ཏིང་ ཞའོ་ ཕིང་ གིས་ བོད་ རིགས་ བུད་ མེད་ ཚོའི་ སྐྱེ་ སྒོ་ གཅོད་ པ་ དང་ མངལ་ འདོན་ པའི་ སྲིད་ བྱུས་ ལག་ བསྟར་ གྱིས།
ས་ གནས་ ཆེ་ ཁག་ རེ་ རེ་ ནས་ བུད་ མེད་ ལྔ་ བརྒྱ་ རེར་ ཉིན་ གཅིག་ དུས་ གཅིག་ ལ་ མངལ་ འདོན་ བྱས།
ཕྱི་ ལོ་ ༡༩༨༥ ནས་ ༡༩༨༧
བར་ དུས་ ཡུན་ ལོ་ གསུམ་ གྱི་ ནང་ ཚུན་ ལ་ བུད་ མེད་ སྟོང་ ཕྲག་ ལྔ་ བཅུ་ ལྷག་ གི་ སྐྱེ་ སྒོ་ བཀག
མ་ ཟད་ ཕྱི་ ལོ་ ༡༩༩༤
ལོར་ སྤེལ་ བའི་ འཇར་ མན་ གྱི་ གསར་ ཤོག་ ཅིག་ ཏུ་ ཕོ་ བྲང་ པོ་ ཏ་ ལའི་ མཐར་ གཞང་ ཁང་ བརྒྱ་ ལྷག་ ཡོད་ ཚུལ་ གསལ་ བ་ དང༌།
བོད་ གཞུང་ ཕྱི་ དྲིལ་ ལས་ ཁུངས་ ནས་ ཕྱི་ ལོ་ ༡༩༩༩
ལོའི་ གསལ་ བསྒྲགས་ ཤིག་ གི་ ནང་ ལྷ་ ས་ རུ་ གཞང་ ཁང་ ཆིག་ སྟོང་ ལྔ་ བརྒྱ་ དང༌།
རྒྱ་ རིགས་ གཞང་ འཚོང་ མ་ སྟོང་ ཕྲག་ བཅུ་ ལྷག་ ཡོད་ ཚུལ་ འཁོད་ འདུག
གཞང་ འཚང་ མ་ དེ་ ཚོར་ ཆབ་ སྲིད་ ཐོག་ གསང་ ཉུལ་ ལས་ རིགས་ ཀྱི་ སྦྱོར་ བརྡར་ ཐོབ་ ཡོད་ སྟབས།
ཁོང་ ཚོས་ བོད་ མི་ རྣམས་ འདོད་ བརྩེའི་ གཡོ་ འོག་ ཏུ་ བསྡུས་ ཏེ་ བོད་ རང་ དབང་ གི་ ལས་ དོན་ ཐོག་ ཐེ་ ཇུས་ ཡོད་ མེད་ འཚོལ་ ཞིབ་ ཀྱིས་ རྒྱ་ གཞུང་ ལ་ གསང་ སྐྱེལ་ གྱི་ བྱ་ བ་ གཉེར་ བཞིན་ ཡོད།
དེ་ མིན་ བོད་ ཀྱི་ ས་ གནས་ གང་ སར་ རྒྱ་ མི་ དཔུང་ སྡེ་ འགས་ བོད་ རིགས་ ཕྲུ་ གུ་ མང་ པོ་ གསོན་ བཟུང་ བྱས་ ཏེ་ སྙིང་ བཏོན་ ནས་ རྒྱ་ ནག་ ནང་ སའི་ ས་ གནས་ ཁག་ ཏུ་ ཚོང་ བསྒྱུར་ བྱེད་ ཀྱི་ ཡོད་ པ་ མ་ ཟད།
རྒྱ་ མིའི་ ལས་ བྱེད་ དང་ འགོ་ ཁྲིད་ ཚོས་ ཀྱང་ སྲོག་ ཁྲིམས་ བཅད་ པའི་ བོད་ མི་ བཙོན་ པ་ གང་ མང་ ཞིག་ དུས་ ཐོག་ མི་ འཆི་ བའི་ གསོད་ ཐབས་ སྤྱད་ དེ་ མཁལ་ མ་ དང་ མིག་ འབྲས་ བཏོན་ ནས་ ཕྱི་ ཕྱོགས་ སུ་ ཚོང་ ལས་ གཉེར་ བཞིན་ ཡོད།
དུས་ རབས་ ཉི་ ཤུ་ པའི་ ལོ་ རབས་ དྲུག་ ཅུ་ པའི་ འགོ་ སྟོད་ ནས་ བཟུང་ ཏ་ ལའི་ ནི་ གྲྭ་ ཆས་ གྱོན་ པའི་ སྤྱང་ ཀི་ དང༌།
མི་ གསོད་ ལག་ དམར་ པ། མེས་ རྒྱལ་ ཁ་ བྲལ་ དུ་ གཏོང་ མཁན།
འཇིགས་ སྐུལ་ རིང་ ལུགས་ པའི་ འགོ་ གཙོ་ ཡིན་ ཚུལ་ སོགས་ སྐྱོན་ བརྗོད་ ཤུགས་ ཆེན་ བྱས་ པ་ དང༌།
དགོན་ སྡེ་ ཁག་ ཏུ་ དམངས་ གཙོ་ བདག་ གཉེར་ ཨུ་ ཡོན་ ལྷན་ ཁང་ དང༌།
རྒྱལ་ གཅེས་ སློབ་ གསོའི་ ལས་ དོན་ རུ་ ཁག་ སོགས་ བཙུགས་ ཏེ་ དབང་ ཤུགས་ ཀྱིས་ ྋགོང་ ས་ མཆོག་ ལ་ ངོ་ རྒོལ་ བྱེད་ དགོས་ པ་ དང༌།
ྋགོང་ ས་ མཆོག་ གི་ སྐུ་ པར་ མཐེ་ བོང་ ཙམ་ ཡང་ སྒྲིག་ གཤོམ་ མི་ ཆོག་ པ་ དང༌།
ྋགོང་ ས་ མཆོག་ བོད་ ནང་ ཕེབས་ རྒྱུར་ དངོས་ ཤུགས་ བརྒྱུད་ གསུམ་ ནས་ བཀག་ འགོག་ སོགས་ བྱས་ སྟབས།
གཞིས་ སྡོད་ བོད་ མི་ ཚོས་ མི་ ལོ་ ཧྲིལ་ པོ་ དྲུག་ ཅུའི་ རིང་ གི་ བྲལ་ གདུང་ གི་ མིག་ ཆུ་ བོད་ ཀྱི་ རི་ ལུང་ ཐང་ གསུམ་ དུ་ གཏོར་ བཞིན་ ཧི་ མ་ ལ་ ཡི་ རི་ རྩེར་ ཡང་ ཡང་ གཅེར་ དགོས་ བྱུང་ བ་ རེད།
ལྷག་ དོན་ ཀུན་ གཟིགས་ པཎ་ སྐུ་ ཕྲེང་ བཅུ་ པ་ མི་ ལོ་ དགུའི་ རིང་ བཙོན་ འཇུག་ དང༌།
གློད་ གྲོལ་ ཐོབ་ རྗེས་ དུག་ བརྒྱབས་ ནས་ སྐུ་ སྲོག་ བཀྲོངས།
ཁོང་ གི་ ཡང་ སྲིད་ སྐུ་ གཞོན་ དུས་ ནས་ བཙན་ ཁྲིད་ ཀྱིས་ ད་ ཆ་ གར་ སོང་ ཆ་ མེད་ དུ་ གྱུར།
རྗེ་ གུང་ ཐང་ རིན་ པོ་ ཆེ་ དང༌།
མཁན་ ཆེན་ འཇིགས་ མེད་ ཕུན་ ཚོགས་ སོགས་ བོད་ མི་ རིགས་ ཙམ་ མ་ ཟད་ ནང་ པ་ ཡོངས་ ཀྱིས་ མིག་ དཔེར་ འོས་ པའི་ སྐྱེས་ བུ་ དམ་ པ་ འདི་ ཚོ་ ཡང་ ཐབས་ སྣ་ ཚོགས་ ལ་ བརྟེན་ ནས་ བཀྲོངས།
མ་ ཟད་ རྒྱལ་ བ་ ཀརྨ་ པ་ དང༌།
ཨ་ གྱ་ རིན་ པོ་ སོགས་ ཀྱི་ མཛད་ འཕྲིན་ ལའང་ ཕྱོགས་ ཡོངས་ ནས་ བཀག་ འགོག་ རིམ་ པར་ བྱས་ སྟབས།
ཁོང་ ཅག་ རྣམས་ ཀྱང་ བཙན་ བྱོལ་ དུ་ མི་ ཕེབས་ ཐབས་ མེད་ བྱུང་ བས།
མིག་ སྐྲང་ ཐོག་ ཏུ་ ཁུ་ ཚུར་ གྱི་ དཔེ་ བཞིན་ རང་ རེའི་ བོད་ མི་ རྣམས་ ཀྱི་ སྙིང་ ལ་ གྲི་ བཙུགས་ པ་ ལྟ་ བུའི་ སྐྱོ་ སྡུག་ མྱངས་ དགོས་ བྱུང་ བ་ མ་ ཟད།
སྐྱབས་ དང་ མགོན་ དང་ དཔུང་ གཉེན་ གང་ ཡང་ མེད་ པའི་ མུན་ ནག་ གི་ ལོ་ ཟླ་ རིང་ མོ་ དེ་ ཉིན་ མཚན་ བར་ མེད་ དུ་ བསྐྱེལ་ དགོས་ བྱུང་ དང་ འབྱུང་ བཞིན་ ཡོད་ སྟབས།
བོད་ མི་ ཚོས་ ནུས་ ཤུགས་ ཡོད་ རྒུས་ རྒྱའི་ དྲག་ རྩུབ་ ཆེ་ བའི་ སྲིད་ དབང་ འོག་ ནས་ གྱེན་ ལངས་ མི་ བྱེད་ ཐབས་ མེད་ བྱུང༌།
དྲུག་ པ། ལས་ འགུལ་ སྔ་ ཕྱིའི་ བརྒྱུད་ རིམ་ དངོས།
ཕྱི་ ལོ་ ༡༩༥༩
ལོའི་ ལོ་ སྟོད་ དུ་ བོད་ མི་ འབུམ་ ཕྲག་ མང་ པོས་ རྒྱ་ གཞུང་ གི་ གདུག་ རྩུབ་ ཆེ་ བའི་ སྲིད་ དབང་ འོག་ བོད་ རང་ བཙན་ བསྐྱར་ གསོའི་ ལས་ འགུལ་ ཐོག་ མར་ སྤེལ་ ཞིང༌།
འདི་ ནི་ རྒྱ་ ནག་ གཞུང་ གིས་ བོད་ ཆོལ་ ཁ་ གསུམ་ ཡོངས་ སུ་ བཙན་ བཟུང་ བྱས་ རྗེས་ སུ་ བྱུང་ བའི་ རྒྱ་ རྒོལ་ ལས་ འགུལ་ ཤུགས་ ཆེ་ ཤོས་ དེ་ ཆགས་ ཡོད།
ལས་ འགུལ་ འདིའི་ བརྒྱུད་ རིམ་ ནང་ རྒྱ་ གཞུང་ གིས་ བོད་ མི་ སྟོང་ ཕྲག་ བརྒྱད་ ཅུ་ གྱ་ བདུན་ དམར་ གསོད་ བཏང་ བ་ ཐོ་ འགོད་ བྱས་ ཡོད་ ཀྱང༌།
བོད་ གནས་ ཉམས་ ཞིབ་ པ་ ཚོས་ སྐབས་ དེར་ ཉུང་ མཐར་ བོད་ མི་ སྟོང་ ཕྲག་ ཉིས་ བརྒྱ་ ལྷག་ དམར་ གསོད་ བཏང་ ཡོད་ ཚུལ་ བརྗོད་ འདུག
ཕྱི་ ལོ་ ༡༩༧༠ ལོའི་ ཟླ་ ༢
པའི་ ནང་ དུ་ བོད་ ཀྱི་ རྩ་ དོན་ ཆེད་ བོད་ མི་ ཚོས་ བོད་ ཀྱི་ ས་ ཕྱོགས་ གང་ སར་ རྒྱ་ རྒོལ་ ལས་ འགུལ་ ཤུགས་ ཆེན་ བསྟུན་ མར་ སྤེལ་ སྟབས།
མང་ ཚོགས་ ཀྱི་ མདུན་ སར་ བོད་ མི་ ང་ བརྒྱད་ ཙམ་ སྡེབ་ གསོད་ དང༌།
དེ་ རྗེས་ བོད་ ཀྱི་ ལྷོ་ ནུབ་ ས་ ཁུལ་ ཞིག་ ཏུ་ ཡང་ བསྐྱར་ བོད་ མི་ བརྒྱ་ དང་ ཉེར་ བརྒྱད་ ལྷག་ དུས་ གཅིག་ ལ་ སྡེབ་ གསོད་ དང༌།
ལྔ་ བརྒྱ་ ཙམ་ བཙོན་ འཇུག་ དང་ ཆབ་ སྲིད་ ཀྱི་ ཁེ་ དབང་ ཡོངས་ རྫོགས་ བཙན་ འཕྲོག་ བྱས།
ཕྱི་ ལོ་ ༡༩༨༩
ལོར་ ཆོལ་ ཁ་ གསུམ་ གྱི་ བོད་ རིགས་ འདུས་ པའི་ བོད་ མི་ འབོར་ ཆེན་ ཞིག་ གིས་ བོད་ ཀྱི་ རྒྱལ་ ས་ ལྷ་ ས་ ནས་ ཞི་ བའི་ སྐད་ འབོད་ བྱས་ པར་ རྒྱ་ ནག་ གཞུང་ གིས་ ཁྲག་ དྲི་ བྲོ་ བའི་ དྲག་ གནོན་ བྱས་ ཏེ་ བོད་ མི་ ལྔ་ བརྒྱ་ ལྷག་ དམར་ གསོད་ དང༌།
སྟོང་ ཕྲག་ མང་ པོ་ བཙོན་ འཇུག་ བྱས།
རྒྱལ་ སྤྱིའི་ དམིགས་ བསལ་ བཙོན་ གྲོལ་ ཚོགས་ པའི་ ཡིག་ ཆ་ གཞིར་ བཟུང་ ན། ཕྱི་ ལོ་ ༡༩༨༧ ནས་ ༡༩༩༢
བར་ ལོ་ ངོ་ ཧྲིལ་ པོ་ དྲུག་ གི་ རིང་ ལྷ་ ས་ གཅིག་ པུར་ བོད་ མི་ ཚོས་ བོད་ མིའི་ རང་ དབང་ རང་ བཙན་ དང༌།
འགྲོ་ བ་ མིའི་ ཐོབ་ ཐང་ སོགས་ ཀྱི་ ཆེད་ དུ་ རྒྱ་ རྒོལ་ ལས་ འགུལ་ ཐེངས་ ༡༥༠
ལྷག་ སྤེལ་ བར་ རྒྱ་ གཞུང་ གིས་ ཡོངས་ སུ་ ཚད་ ལས་ བརྒལ་ བའི་ དྲག་ གནོན་ བྱས་ སྟབས།
བརྗོད་ དཀའ་ བའི་ ཤི་ རྨས་ ཚབས་ ཆེན་ ཐེབས་ ཚུལ་ རྒྱའི་ རྩོམ་ པ་ པོ་ ཚའོ་ ཁྲང་ ཆིང་ གིས་ བརྩམས་ པའི་ རང་ བཙན་ ནི་ བོད་ མི་ མང་ གི་ ཐོབ་ ཐང་ རེད་ ཅེས་ པའི་ རྩོམ་ ཡིག་ ནང་ བཀོད་ འདུག
གཞན་ ཡང༌། ཕྱི་ ལོ་ ༢༠༠༨།༣།༣
ཉིན་ མོར་ བོད་ རང་ དབང་ སྒེར་ ལངས་ བྱས་ ནས་ ལོ་ ངོ་ ཧྲིལ་ པོ་ ཞེ་ དགུ་ ཏག་ ཏག་ ཕྱིན་ པའི་ དུས་ དྲན་ དང་ སྟབས་ བསྟུན་ བོད་ ཆོལ་ ཁ་ གསུམ་ གྱི་ ས་ གནས་ ཁག་ བརྒྱད་ ཅུ་ ལྷག་ ནས་ བོད་ མི་ ཚོས་ མ་ གྲོས་ བསམ་ པ་ གཅིག་ མཐུན་ གྱིས་ རྒྱ་ རྒོལ་ ལས་ འགུལ་ སྔར་ བྱུང་ མ་ མྱོང་ བ་ ཞིག་ སྤེལ་ ཡོད་ ལ།
ལས་ འགུལ་ འདིའི་ འགོ་ བརྩམས་ ནས་ ད་ ལྟའི་ བར་ ལོ་ ངོ་ ཧྲིལ་ པོ་ དྲུག་ སོང་ སྟབས།
ལས་ འགུལ་ འདི་ དེ་ སྔའི་ ལས་ འགུལ་ སྤེལ་ ཚད་ ཀྱི་ ནང་ ནས་ དུས་ ཡུན་ རིང་ ཤོས་ དང་ རྒྱ་ ཆེ་ ཤོས་ ཙམ་ མ་ ཟད།
བཙན་ བྱོལ་ གཞུང་ གིས་ མི་ ལོ་ ཧྲིལ་ པོ་ ལྔ་ བཅུའི་ རིང་ བོད་ ཀྱི་ དཀའ་ རྙོག་ སེལ་ ཐབས་ ཐད་ སྤེལ་ བའི་ ལས་ འགུལ་ འདྲ་ མིན་ དང༌།
དེ་ སྔ་ བོད་ ནང་ དུ་ རྒྱ་ རྒོལ་ ལས་ འགུལ་ ཐེངས་ ཉིས་ བརྒྱ་ ལྷག་ སྤེལ་ བ་ གཉིས་ ཕྱོགས་ སྡོམ་ གྱི་ གྲུབ་ འབྲས་ ལས་ ཀྱང་ ཆེས་ ཆེར་ བརྒལ་ ཡོད་ སྟབས།
ལས་ འགུལ་ འདི་ དག་ རྒྱལ་ སྤྱིའི་ སྟེང་ ནུས་ པ་ ཐོན་ ཤོས་ ཀྱི་ ལས་ འགུལ་ ཞིག་ ཏུ་ གྱུར།
མ་ ཟད་ ཆབ་ སྲིད་ ཀྱི་ དམ་ དྲག་ དང༌།
དཔལ་ འབྱོར་ དབྱེ་ འབྱེད། ཁོར་ ཡུག་ གཏོར་ བཤིག་ གཏང་ རྒྱུ་ ཙམ་ མིན་ པར། རིག་ གཞུང་ རྩ་ མེད་ དང༌།
ཆོས་ དད་ རང་ དབང་ བཙན་ འཕྲོག་ སོགས་ བྱས་ པར་ སྙིང་ ནས་ མ་ བཟོད་ པར་ ཕྱི་ ལོ་ ༢༠༠༩
ནས་ ད་ བར་ བོད་ ནང་ གཅིག་ པུར་ བོད་ མི་ བརྒྱ་ དང་ ཉི་ ཤུས་ རང་ ལུས་ མེར་ སྲེག་ གིས་ རྒྱ་ གཞུང་ ལ་ ངོ་ རྒོལ་ བྱས་ པར་ རྒྱ་ གཞུང་ གིས་ ཤུལ་ ལུས་ ནང་ མི་ ཉེ་ འབྲེལ་ དང་ བཅས་ པར་ ཚབས་ ཆེས་ དྲག་ གནོན་ བྱས་ སྟབས།
བོད་ མི་ ཚོ་ ཕྱི་ ཕྱོགས་ སུ་ བྲོས་ བྱོལ་ གྱིས་ རང་ སྲེག་ བྱས་ ཏེ་ བོད་ ནང་ གི་ ཛ་ དྲག་ གནས་ སྟངས་ རྒྱལ་ སྤྱིའི་ སྟེང་ གསལ་ འདོན་ བྱ་ རྒྱུའི་ འགོ་ འཛུགས་ བྱས་ ཟིན་ ཡོད།
ཕྱི་ ལོ་ ༡༩༥༩
ལོ་ ནས་ ད་ ལྟའི་ བར་ དུ་ བོད་ ཀྱི་ རྩ་ དོན་ ཆེད་ རྒྱ་ རྒོལ་ ལས་ འགུལ་ ཐེངས་ མང་ སྤེལ་ བའི་ ནང༌།
བོད་ མི་ ཚོས་ རྒྱ་ ནག་ གཞུང་ ལ་ དགོས་ འདུན་ འདོན་ སྟངས་ ཐད་ འགྱུར་ བ་ གཅིག་ ཀྱང་ ཕྱིན་ མེད་ པ་ ནི་ རྒྱ་ གཞུང་ གིས་ ྋགོང་ ས་ མཆོག་ བོད་ ནང་ མྱུར་ དུ་ གདན་ འདྲེན་ ཞུ་ དགོས།
བོད་ ལ་ ཆོས་ དད་ རང་ དབང་ སྤྲོད་ དགོས་ ཞེས་ པའི་ འབོད་ ཚིག་ དག་ ཡིན་ ལ།
མ་ ཟད་ བོད་ ལ་ རང་ བཙན་ གཙང་ མ་ དགོས། རྒྱ་ མི་ བོད་ ནས་ ཕར་ རྒྱུགས།
བོད་ ལ་ ཚད་ མཐོའི་ རང་ སྲིད་ རང་ སྐྱོང་ ཚད་ མཐོའི་ རང་ སྲིད་ རང་ སྐྱོང་ ཞེས་ པའི་ སྲིད་ དོན་ ལམ་ ལུགས་ འདི་ རྒྱ་ ནག་ རྒྱལ་ ཁབ་ ཀྱི་ རྩ་ ཁྲིམས་ སུ་ གསལ་ བའི་ རང་ སྐྱོང་ གི་ དགོངས་ དོན་ དང་ ཡོངས་ སུ་ མཐུན་ པ་ ཞིག་ ཡིན།
རྒྱ་ ནག་ གཞུང་ གིས་ ད་ བར་ མི་ རིགས་ ས་ གནས་ རང་ སྐྱོང་ གི་ ལམ་ ལུགས་ དེ་ ལག་ ལེན་ དོན་ འཁྱོལ་ བྱས་ ཡོད་ མེད་ ནི།
གྲངས་ ཉུང་ མི་ རིགས་ འདུས་ སྡོད་ ཀྱི་ ས་ ཁུལ་ ཡོངས་ སུ་ གྲངས་ ཉུང་ མི་ རིགས་ ཀྱི་ ལས་ བྱེད་ པ་ འབོར་ ཆེན་ གསོ་ སྐྱོང་ བྱས་ ཏེ།
རང་ མི་ རིགས་ ཀྱི་ ཆབ་ སྲིད་ དང༌། དཔལ་ འབྱོར།
རིག་ གནས་ སོགས་ ཀྱི་ ལས་ དོན་ ཡོངས་ སུ་ དོ་ དམ་ བྱེད་ འཇུག་ གི་ ཡོད་ མེད་ བལྟ་ རྒྱུ་ དེ་ ཡིན།དགོས་ སོགས་ མངོན་ འདོད་ འདྲ་ མིན་ གསལ་ འདོན་ བྱས་ ཡོད།
དེ་ ཡང་ ཕྱི་ ལོ་ ༡༩༥༩
ལོ་ ནས་ མི་ ལོ་ ཧྲིལ་ པོ་ སུམ་ ཅུ་ ལྷག་ གི་ རིང་ ལ་ བོད་ མི་ ཚོས་ མགྲིན་ དབྱངས་ གཅིག་ གྱུར་ ངང་ བོད་ ལ་ རང་ བཙན་ གཙང་ མ་ དགོས།
རྒྱ་ དམར་ བོད་ ནས་ ཕར་ རྒྱུགས་ ཞེས་ པའི་ འབོད་ ཚིག་ གཉིས་ བསྒྲགས་ ཡོད་ ལ། ཕྱི་ ལོ་ ༡༩༧༩
ཡས་ མས་ ཤིག་ ནས་ རིམ་ པས་ ྋགོང་ ས་ མཆོག་ དང་ བཙན་ བྱོལ་ བོད་ གཞུང་ གིས་ བོད་ རང་ བཙན་ བློས་ གཏོང་ བྱས་ པའི་ རྒྱུ་ མཚན་ ཡོངས་ ཁྱབ་ ཏུ་ ཁ་ གསལ་ བྱས་ པ་ དང༌།
བོད་ ཕྱི་ ནང་ དུ་ ཕན་ ཚུན་ གཉེན་ འཕྲད་ ཆེད་ འགྲོ་ འོང་ ཅུང་ མང་ དུ་ ཕྱིན་ སྟབས།
བོད་ མི་ ཚོས་ རྒྱ་ ནག་ གཞུང་ ལ་ དགོས་ འདུན་ འཐོན་ སྟངས་ ཐད་ ཁག་ གཉིས་ སུ་ གྱེས་ ཡོད།
དེ་ ཡང་ ཁག་ ཅིག་ གིས་ ཕྱི་ སྡོད་ བོད་ གཞུང་ གི་ ལངས་ ཕྱོགས་ ལ་ མོས་ མཐུན་ མེད་ པའི་ རྣམ་ འགྱུར་ གྱིས་ མཐའ་ གཅིག་ ཏུ་ བོད་ ལ་ རང་ བཙན་ གཙང་ མ་ དགོས།
རྒྱ་ དམར་ བོད་ ནས་ ཕར་ རྒྱུགས་ ཞེས་ པའི་ འབོད་ ཚིག་ གཉིས་ བསྒྲགས་ ཡོད་ ལ། ཡང་ ཁག་ ཅིག་ གིས་ བོད་ ལ་ ཚད་ མཐོའི་ རང་ སྲིད་ རང་ སྐྱོང་ དགོས་ ཞེས་ ཁ་ གསལ་ གྱིས་ བསྒྲགས་ ཡོད།
གང་ ལྟར་ ལས་ འགུལ་ འདི་ ཚོའི་ སྔ་ གཞུག་ བར་ གསུམ་ དུ་ བོད་ རིགས་ སྤུན་ ཟླ་ ཚོས་ སེམས་ གཏིང་ ནས་ རྒྱ་ ནག་ གཞུང་ ལ་ འཁོན་ འཛིན་ ཡོད་ པའི་ རྣམ་ འགྱུར་ ཤུགས་ ཆེན་ བསྟན་ པ་ མ་ ཟད།
ྋགོང་ ས་ མཆོག་ བོད་ ནང་ གདན་ འདྲེན་ ཞུ་ དགོས་ པ་ དང༌།
པཎ་ ཆེན་ རིན་ པོ་ ཆེའི་ ཡང་ སྲིད་ གློད་ གྲོལ་ གཏང་ དགོས་ པ།
བོད་ ལ་ རང་ བཙན་ བོད་ རང་ བཙན་ ནི་ ལོ་ རྒྱུས་ ཐོག་ ནས་ བོད་ མི་ ཚོར་ བདག་ པའི་ ཁེ་ དབང་ ཞིག་ ཡིན།དང་ ཚད་ མཐོའི་ རང་ སྲིད་ རང་ སྐྱོང་ སྤྲོད་ དགོས་ པ་ སོགས་ ཀྱི་ དགོས་ འདུན་ འདྲ་ མིན་ བཏོན།
རང་ རེའི་ འཐབ་ རྩོད་ ཀྱི་ ངོ་ བོ་ མདོར་ བསྡུས་ ནས་ བཤད་ ན།
བདེན་ པ་ དང་ རྫུན་ པ་ རྣམ་ དབྱེ་ འབྱེད་ པའི་ འཐབ་ རྩོད་ དང༌།
དྲང་ བདེན་ དང་ དྲང་ བདེན་ མ་ ཡིན་ པའི་ རྣམ་ དབྱེ་ འབྱེད་ པའི་ འཐབ་ རྩོད།
འཚེ་ བ་ དང་ འཚེ་ བ་ མེད་ པའི་ བར་ གྱི་ རྣམ་ དབྱེ་ འབྱེད་ པའི་ འཐབ་ རྩོད་ ཅིག་ ཡིན་ ཚུལ་ བཙན་ བྱོལ་ བོད་ གཞུང་ གི་ ཆབ་ སྲིད་ ཀྱི་ ལྟ་ བ་ དང་ སྲིད་ བྱུས་ ལས་ རིམ་ བཅས་ ཀྱི་ ཡང་ དག་ པའི་ རིག་ པའི་ གཞུང་ ལུགས་ ཀྱི་ རྒྱས་ བཤད་ ཅེས་ པར་ བཀོད་ པ་ གཞིར་ བཟུང་ བོད་ ནང་ གི་ བོད་ རིགས་ སྤུན་ ཟླ་ ཚོས་ འདས་ པའི་ ལོ་ ངོ་ ཧྲིལ་ པོ་ དྲུག་ ཅུའི་ རིང་ མངོན་ གསལ་ དང་ མངོན་ གསལ་ མ་ ཡིན་ པའི་ བྱེད་ ཐབས་ འདྲ་ མིན་ བརྒྱུད་ དེ་ རྒྱ་ རྒོལ་ ལས་ འགུལ་ ཤུགས་ ཆེན་ སྤེལ།
ལས་ འགུལ་ འདི་ ཚོའི་ ཁྲོད་ བོད་ མི་ ཚོས་ ལས་ འགུལ་ སྤེལ་ སྟངས་ ཀྱི་ སྦྱོར་ བ་ འཇམ་ རྩུབ་ ལ་ ལྟོས་ མེད་ ཀྱིས་ རྒྱ་ གཞུང་ གིས་ བོད་ ཆོལ་ ཁ་ གསུམ་ གྱི་ ས་ གནས་ སོ་ སོར་ དྲག་ པོའི་ དམག་ དཔུང་ ཁྲི་ བདུན་ ཅུ་ ནས་ བརྒྱད་ ཅུའི་ བར་ བཏང་ སྟེ་ རྐུ་ འཕྲོག་ བཅོམ་ གསུམ་ དང་ གསོད་ གཏུབ་ ལྟ་ བུའི་ འཚེ་ བའི་ བྱ་ ངན་ ཤུགས་ ཆེན་ སྤེལ་ བཞིན་ ཡོད་ སྟབས།
ད་ བར་ བོད་ མི་ བཙོན་ འཇུག་ དང༌། དམར་ གསོད།
གར་ སོང་ ཆ་ མེད་ དུ་ གྱུར་ པ་ སོགས་ བསྡོམས་ ས་ ཡ་ གཉིས་ ལས་ བརྒལ་ འདུག
ད་ དུང་ དམར་ གསོད་ དང༌། མུག་ ཤི།
རྨས་ སྐྱོན་ ཕོག་ པའི་ མིའི་ གྲངས་ འབོར་ ཉིན་ རེ་ ནས་ ཉིན་ རེར་ མ་ བསྡད་ པར་ འཕར་ གྱིན་ ཡོད།
མ་ ཟད་ ྋགོང་ ས་ མཆོག་ གི་ སྐུ་ པར་ སྟེང་ རྡོག་ རྫིས་ དང་ མེར་ བསྲེགས་ པ་ སོགས་ མ་ བྱས་ ཚེ་ བཙོན་ འཇུག་ དང༌།
རྡུང་ རྡེག དམར་ གསོད་ སོགས་ བྱས་ དང་ བྱེད་ བཞིན་ ཡོད་ པའི་ ཐོག
བོད་ མི་ ཚོ་ རང་ ཁྱིམ་ ནས་ ཕན་ ཚུན་ འགྲོ་ བསྐྱོད་ དང༌།
ཚོང་ དང་ ས་ ཞིང་ འདེབས་ ལས་ ཀྱི་ རིགས་ ཀྱང་ མི་ ཆོག་ པའི་ བཙན་ བཀའ་ གཏོང་ བཞིན་ ཡོད་ པ་ མ་ ཟད།
ཁྱིམ་ ཚང་ རེ་ རེ་ བཞིན་ སྔོག་ གཤེར་ བྱས་ ཏེ་ བོད་ དོན་ དང་ འབྲེལ་ བའི་ ཡིག་ ཆ་ དང༌།
ྋགོང་ ས་ མཆོག་ གི་ སྐུ་ པར། བོད་ ཀྱི་ རྒྱལ་ དར་ སོགས་ ཡོད་ མེད།
ནང་ མི་ ཆ་ ཚང་ མེད་ ཚེ་ འདྲི་ རྩད་ ཀྱིས་ བུད་ མེད་ དང་ ཕྲུ་ གུ་ ཚུན་ གཅར་ རྡུང་ བྱེད་ ཀྱི་ ཡོད་ སྟབས།
འདས་ པའི་ མི་ ལོ་ དྲུག་ ཅུ་ ཧྲིལ་ པོར་ རང་ རེའི་ བོད་ མི་ རྣམས་ ཐང་ བསྐྱུར་ གྱི་ བྱེའུ་ བཞིན་ ཅི་ བྱ་ འདི་ ལས་ མེད་ པའི་ གནས་ སུ་ ལྷུང་ ཡོད།
བདུན་ པ།
བོད་ རྒྱའི་ དཀའ་ རྙོག་ སེལ་ ཐབས་ ཀྱི་ རྨང་ གཞིའི་ རྩ་ དོན།
བོད་ ཀྱི་ བདེན་ དོན་ འཐབ་ རྩོད་ འདི་ སྲིད་ དབང་ བོད་ མིས་ འཛིན་ དང༌།
རྒྱ་ གཞུང་ གིས་ འཛིན་ ཞེས་ སྲིད་ དབང་ དང་ འབྲེལ་ བའི་ འཐབ་ རྩོད་ ཅིག་ དང༌།
སྲིད་ དོན་ གྱི་ ལྟ་ གྲུབ་ མ་ མཐུན་ པའི་ འཐབ་ རྩོད་ ཅིག་ དང༌།
མི་ རིགས་ གཉིས་ མ་ མཐུན་ པའི་ འཐབ་ རྩོད་ ཅིག་ གཏན་ ནས་ མིན་ པར་ ཆབ་ སྲིད་ དབང་ བསྒྱུར་ བྱེད་ སྟངས་ ཀྱི་ ལམ་ སྲོལ་ བཟང་ ཞན་ ཐོག་ གི་ རྩོད་ པ་ ཞིག་ ཡིན་ ཚུལ་ བཙན་ བྱོལ་ བོད་ གཞུང་ གི་ ཆབ་ སྲིད་ ཀྱི་ ལྟ་ བ་ དང་ སྲིད་ བྱུས་ ལས་ རིམ་ བཅས་ ཀྱི་ ཡང་ དག་ པའི་ རིག་ པའི་ གཞུང་ ལུགས་ ཀྱི་ རྒྱས་ བཤད་ ཅེས་ པར་ གསལ་ བོར་ བཀོད་ པ་ ལྟར་ ཡིན་ ལ།
དེ་ འདྲའི་ འཐབ་ རྩོད་ ནི་ གཞི་ རྒྱ་ ཆེ་ ལ་ དཀའ་ རྙོག་ གི་ གཞི་ རྩ་ ཧ་ ཅང་ མང་ པའི་ འཐབ་ རྩོད་ ཅིག་ ཡིན་ སྟབས།
དུས་ ཡུན་ ཐུང་ ངུ་ ཞིག་ གི་ ནང་ སེལ་ མི་ ཐུབ་ པ་ བོད་ མི་ ཚོས་ ངེས་ པར་ དུ་ ཤེས་ དགོས།
རྒྱ་ གཞུང་ དང་ ད་ ལྟའི་ ཆར་ བོད་ སྡོད་ རྒྱ་ རིགས་ ཚོས་ ས་ བཤིག་ གི་ ཨ་ བྲ་ དང༌།
སྡེ་ བཤིག་ གི་ ཇག་ པའི་ བྱེད་ ཐབས་ སྤྱད་ དེ་ བོད་ ཀྱི་ ཆོས་ དང༌། རིག་ གནས།
ཡུལ་ གོམས་ གཤིས་ ལུགས་ སོགས་ ལ་ བརྩི་ མཐོང་ དང་ ཆ་ འཇོག་ གཏན་ ནས་ མི་ བྱེད་ པའི་ རྣམ་ པ་ དེ་ མུ་ མཐུད་ རྒྱུན་ འཁྱོངས་ བྱས་ ན།
བོད་ རྒྱའི་ འཐབ་ རྩོད་ དེ་ ཆབ་ སྲིད་ དབང་ བསྒྱུར་ བྱེད་ སྟངས་ ཀྱི་ ལམ་ སྲོལ་ བཟང་ ཞན་ གྱི་ རྩོད་ པར་ མི་ ཆགས་ པར་ མི་ རིགས་ གཉིས་ གཏན་ དུ་ མཐུན་ ཐབས་ དཀའ་ བའི་ འཐབ་ རྩོད་ ཅིག་ ཏུ་ འགྱུར་ ངེས་ ཡིན་ ལ།
ཉིན་ དེ་ ནས་ བཟུང་ བོད་ རྒྱའི་ དཀའ་ རྙོག་ དེ་ རྒྱ་ གཞུང་ གིས་ གདུང་ ལེན་ ཚབས་ ཆེན་ བྱེད་ དགོས་ པའི་ དཀའ་ རྙོག་ ཅིག་ ཏུ་ ཆགས་ རྒྱུ་ ཙམ་ མ་ ཟད།
འཚེ་ བ་ མེད་ པའི་ རྒྱ་ རྒོལ་ ལས་ འགུལ་ གྱི་ འཐབ་ རྩོད་ དེ་ ཡང་ འཚེ་ བ་ ཅན་ གྱི་ རྒྱ་ རྒོལ་ ལས་ འགུལ་ གྱི་ འཐབ་ རྩོད་ དང༌།
མིང་ དོན་ མཚུངས་ པའི་ རང་ སྲིད་ རང་ སྐྱོང་ གི་ འཐབ་ རྩོད་ དེ་ ཡང་ རང་ དབང་ རང་ བཙན་ འཐབ་ རྩོད་ ཀྱི་ རྣམ་ པར་ མི་ འགྱུར་ བའི་ ངེས་ པ་ གང་ ཡང་ མེད།
དེར་ བརྟེན་ སྣ་ གཅིག་ ལས་ གཞན་ དག་ མི་ གཉེར་ བའི་ ལྟ་ ཚུལ་ དང་ ལས་ དོན་ བྱེད་ སྟངས་ དེ་ རིགས་ ཡོངས་ སུ་ སྤངས་ ནས་ ཕྱོགས་ གཉི་ གས་ ཕྱོགས་ གཉི་ གའི་ བར་ ལྷགས་ པའི་ འགལ་ བའི་ གཙོ་ གནད་ ངོས་ ཟིན་ པའི་ ཐོག་ ཕན་ ཚུན་ གདོང་ གཏུགས་ ཞིབ་ བསྡུར་ གྱི་ ལམ་ ནས་ གང་ མགྱོགས་ བོད་ རྒྱའི་ གནད་ དོན་ ལེགས་ ཕྱོགས་ སུ་ ཐག་ གཅོད་ བྱ་ དགོས་ ངེས་ ཤིག་ རེད་ སྙམ།
ཕྱོགས་ གཉི་ གའི་ དབར་ སེལ་ དཀའ་ བའི་ གནད་ དོན་ ཆེ་ ཕྲ་ ཅི་ ཞིག་ བྱུང་ ཡང༌།
དགྲ་ དང་ རང་ ཕྱོགས་ བར་ གྱི་ འདུ་ ཤེས་ དང༌།
ཁྱོད་ ཤི་ ང་ གསོན་ ལྟ་ བུའི་ ཆོ་ མེད་ པའི་ འདུ་ ཤེས་ ཀྱི་ རིགས་ མི་ འཛིན་ པར།
ཕྱོགས་ གཉི་ གའི་ ཕན་ ཚུན་ བར་ གྱི་ ཁེ་ ཕན་ སྙོམས་ སྒྲིག་ གི་ བསམ་ བློའི་ རྨང་ གཞིའི་ སྟེང་ ཡིན་ ལུགས་ ཚུལ་ མཐུན་ གྱིས་ ཕན་ ཚུན་ འབྲེལ་ མོལ་ བྱེད་ སྟངས་ ཀྱི་ ཐབས་ ལམ་ འདི་ ནི་ ཡང་ དག་ པའི་ ཐབས་ ལམ་ དང་ ནུས་ པ་ ཐོན་ མགྱོགས་ ཤོས་ ཀྱི་ ཐབས་ ལམ་ ཞིག་ ཡིན་ པ་ སུས་ ཀྱང་ བསྙོན་ དུ་ མེད་ སྟབས།
རྒྱ་ ནག་ གཞུང་ གིས་ ཆབ་ སྲིད་ ཀྱི་ བློ་ སྟོབས་ ཆེར་ བསྐྱེད་ ཀྱིས་ ཏིང་ ཕིང་ གི་ དགོངས་ གཞི་ དང་ མཐུན་ པར་ བོད་ མིའི་ སྒྲིག་ འཛུགས་ དང་ མཉམ་ དུ་ དོན་ ཕན་ ལྡན་ པའི་ གྲོས་ གྲོལ་ བྱེད་ ཐུབ་ པ་ བྱུང་ ན་ རྒྱ་ ནག་ ནང་ ཁུལ་ གྱི་ ཞི་ བདེ་ དང་ བརྟན་ བརླང་ ཙམ་ མིན་ པར་ ཨེ་ ཤུ་ ཡ་ དང་ རྒྱ་ ཆེ་ ས་ ནས་ བཤད་ ན་ འཛམ་ གླིང་ ཧྲིལ་ པོའི་ ཞི་ བདེ་ དང་ བརྟན་ བརླང་ ལ་ ཕན་ ཐོགས་ ཆེན་ པོ་ ཡོད།
དེ་ སྔར་ ྋགོང་ ས་ མཆོག་ ནས་ དུས་ ནས་ དུས་ སུ་ ཏིང་ ཕིང་ གི་ དགོངས་ གཞི་ དང་ ཕྱོགས་ གཉི་ གའི་ ཁེ་ ཕན་ ལ་ དགོངས་ བཞེད་ ཟབ་ མོས་ ལོ་ རྒྱུས་ ཐོག་ གི་ བོད་ རང་ བཙན་ རྦད་ དེ་ བློས་ གཏོང་ གིས་ བོད་ ཆོལ་ ཁ་ གསུམ་ གྱི་ ས་ ཁུལ་ ཡོངས་ ལ་ ཁྱབ་ པའི་ ཚད་ མཐོའི་ རང་ སྲིད་ རང་ སྐྱོང་ གི་ གནས་ བབ་ རྩོད་ ལེན་ མཐའ་ གཅིག་ ཏུ་ གནང་ རྒྱུའི་ བརྡ་ ལན་ ཕུལ་ ཡོད།
གཞི་ རྩ་ དེའི་ ཐོག་ ནས་ ད་ ལྟའི་ བར་ བོད་ རྒྱའི་ རྩ་ དོན་ ཐོག་ འབྲེལ་ མོལ་ ཐེངས་ བཅུ་ གྲངས་ ཤིག་ བྱས་ ཀྱང་ རྩ་ དོན་ རང་ གི་ ཐོག་ མིག་ མཐོང་ ལག་ ཟིན་ ལྟ་ བུའི་ གྲུབ་ འབྲས་ གང་ ཡང་ སོན་ མེད་ པའི་ ཐོག
རྒྱ་ གཞུང་ གིས་ ང་ ཚོ་ དང་ ཏཱ་ ལའི་ རུ་ ཚོགས་ བར་ གྱི་ འཐབ་ རྩོད་ ནི་ སྒམ་ བརླིང་ ལྡན་ པའི་ ཆབ་ སྲིད་ ཀྱི་ འཐབ་ རྩོད་ ཅིག་ དང༌།
ང་ ཚོ་ དང་ ཏཱ་ ལའི་ རུ་ ཚོགས་ བར་ གྱི་ འཐབ་ རྩོད་ ནི་ གཅིག་ སྡུད་ མཚོན་ ཚུལ་ ཞིག་ ཡིན་ པ་ དང༌།
བཙན་ རྒྱལ་ རིང་ ལུགས་ པས་ བོད་ ལ་ བཙན་ འཛུལ་ བྱས་ ཚུན་ ཡུན་ རིང་ གནས་ པའི་ གཅིག་ གྱུར་ དང་ ཁ་ ཕྲལ་ གྱི་ འཐབ་ རྩོད་ ཀྱི་ རྒྱུན་ མཐུད་ པ་ ཞིག་ ཡིན་ ཞེས་ གཡོ་ མཆུ་ བསྲིངས་ ནས་ འཛམ་ གླིང་ གི་ ཕྱི་ ནང་ གང་ སར་ བསྒྲགས།
མ་ ཟད་ འདས་ དང་ ད་ ལྟའི་ བོད་ མིའི་ ཞི་ རྒོལ་ ལས་ འགུལ་ དེ་ དག་ ཏཱ་ ལའི་ རུ་ ཚོགས་ ཀྱི་ རྒྱུགས་ ཁྱི་ རེ་ ཟུང་ ཞིག་ གིས་ སྐུལ་ འདེད་ བྱས་ ཚུལ་ རྒྱ་ ནག་ ནང་ ཁུལ་ གྱི་ གཞུང་ འབྲེལ་ གྱི་ གསར་ ཤོག་ ཉིས་ སྟོང་ ལྷག་ གི་ ནང་ བཤད་ དེ་ དོན་ དངོས་ སྦས་ ཐབས་ བྱས་ ཀྱང༌།
རྒྱ་ ནག་ གཞུང་ གིས་ བོད་ མིའི་ ཐོག་ ཁྲག་ དྲི་ བྲོ་ བའི་ དྲག་ གནོན་ བྱེད་ སྟངས་ དེར་ དྲང་ བདེན་ ལ་ དགའ་ བའི་ རྒྱལ་ སྤྱིའི་ སྟེང་ གི་ གཞུང་ འབྲེལ་ དང་ གཞུང་ འབྲེལ་ མ་ ཡིན་ པའི་ དབུ་ ཁྲིད་ དང་ གནད་ ཡོད་ མི་ སྣ་ ཆེས་ མང་ པོས་ ཤུགས་ ཆེན་ པོས་ སྐྱོན་ བརྗོད་ བྱས་ ཡོད།
ལྷག་ དོན་ ཡོ་ རོབ་ དང་ ནུབ་ ཕྱོགས་ རྒྱལ་ ཁབ་ ཁག་ གི་ མི་ སེར་ ས་ ཡ་ མང་ པོས་ ཅི་ ཞིག་ མཐོང་ བ་ ལྟ་ བུའི་ རྣམ་ འགྱུར་ ཞིག་ གིས་ དམར་ མདངས་ འཕྲོ་ བའི་ རས་ རྐྱང་ གི་ ན་ བཟའ་ དཀྱུས་ མ་ གྱོན་ ཞིང༌།
དགྱེས་ ཉམས་ དོད་ པའི་ ྋགོང་ ས་ མཆོག་ གི་ ལྷད་ མེད་ པའི་ ཞལ་ རས་ ལ་ ཕྱོགས་ ནས་ ཟབ་ གསལ་ གསུང་ གི་ བདུད་ རྩི་ ལ་ རོལ་ བཞིན་ པ་ འདི་ ནི་ ཇི་ འདྲའི་ སྤྲོ་ ནང་ ཆེ་ བ་ ཞིག་ རེད་ ཨང༌།
རྒྱ་ དམར་ གཞུང་ གིས་ ནམ་ ཡང་ མཐོང་ ན་ མི་ འདོད་ པའི་ གནས་ ཚུལ་ འདི་ རིགས་ ཀྱིས་ རྒྱལ་ སྤྱིའི་ སྟེང་ གི་ གལ་ ཆེའི་ གསར་ འགྱུར་ བརྒྱུད་ ལམ་ ཡོད་ ཚད་ ལ་ ཁྱབ་ སྟངས་ འདིས་ རྒྱ་ དམར་ གྱི་ དཔོན་ ངན་ ཚོའི་ ཤ་ ལྕིའི་ བར་ ན་ ཧ་ ཅང་ བཟོད་ པར་ དཀའ་ བའི་ ཟུག་ གཟེར་ ཞིག་ གིས་ མནར་ བཞིན་ ཡོད་ ཀྱང༌།
ད་ དུང་ ཅང་ མིན་ མདོག་ མདོག་ གི་ རྣམ་ འགྱུར་ འདིས་ རྡོ་ སྤིས་ དགེ་ བཤེས་ ཤེར་ རྒྱམ་ གྱིས་ ངས་ སྔོན་ མ་ རྒྱ་ དམར་ ཚོ་ མི་ རེད་ བསམས་ ནས་ ཁ་ བརྡ་ བྱས་ པ་ ཡིན།
ད་ ལྟའི་ ཆར་ བལྟས་ ན་ མི་ མ་ རེད་ ཅེས་ གསུངས་ མྱོང་ བའི་ སྡོམ་ ཚིག་ དེ་ སླར་ ཡང་ དྲན་ དུ་ བཅུག་ གོ།
ཨ་ རིའི་ སྐུ་ ཚབ་ དོན་ གཅོད་ ཁང་ གི་ རྒྱ་ རིགས་ འབྲེལ་ མཐུད་ པ་ ཀུན་ དགའ་ བཀྲ་ ཤིས་ ལགས་ སུ།
བོད་ རྒྱའི་ གནད་ དོན་ སྤྱི་ དང་ དམིགས་ བསལ་ བྱང་ ཨ་ རིའི་ ནང་ ཡོད་ པའི་ རྒྱ་ རིགས་ ཚོས་ བོད་ དོན་ རྒྱབ་ སྐྱོར་ གནང་ ཕྱོགས་ སྐོར་ ལ་ བཅར་ འདྲི་ ཞུས་ ཡོད།
༢༠༡༣།༡༠།༠༣
དྲི་ བ།
དེང་ སྐབས་ ཨ་ རི་ དང་ ཁེ་ ན་ ཌ་ ཁུལ་ དུ་ རྒྱ་ རིགས་ བོད་ དོན་ རྒྱབ་ སྐྱོར་ བའི་ གྲངས་ འབོར་ དང་ གནས་ སྟངས་ གང་ འདྲ་ ཡིན་ པ་ དང་ །
ཁོང་ ཚོས་ རྒྱབ་ སྐྱོར་ གནང་ ཕྱོགས་ གཙོ་ བོ་ གང་ དག་ རེད་ དམ།
ལན། ང་ ཚོ་ བྱང་ ཨ་ རིའི་ ཁྱབ་ ཁོངས་ དེ་ ཨ་ རི་ དང་ ཁེ་ ན་ ཌ་ གཉིས་ ཆགས་ ཀྱི་ ཡོད།
ང་ ཚོས་ ལོ་ ལྔ་ ལྷག་ རིང་ ལས་ ཀ་ བྱས་ པའི་ ཉམས་ མྱོང་ ལ་ བལྟས་ པ་ ཡིན་ ན།
རྒྱ་ རིགས་ ཤེས་ ཡོན་ ཅན་ དང་ དམངས་ གཙོ་ དོན་ གཉེར་ བ།
རྩོམ་ པ་ པོ་ ཚང་ མས་ བོད་ པའི་ དོན་ དག་ ལ་ དོ་ སྣང་ ཆེན་ པོ་ རེད།
ཁོང་ ཚོས་ བློ་ བདེ་ བོ་ བྱས་ ཏེ་ རྒྱབ་ སྐྱོར་ བྱེད་ དོན་ བོད་ མིའི་ སྒྲིག་ འཛུགས་ ཀྱི་ ལངས་ ཕྱོགས་ དབུ་ མའི་ ལམ་ གྱི་ སྲིད་ བྱུས་ འདི་ ལ་ དགའ་ མོས་ ཆེན་ པོ་ བྱེད་ ཀྱི་ ཡོད་ པ་ རེད།
དབུ་ མའི་ ལམ་ གྱི་ སྙིང་ བོ།
བོད་ མིའི་ ངོ་ བོ་ དང་ ཆོས་ དང་ རིག་ གཞུང་ སྲུང་ སྐྱོབ་ བྱ་ ཆེད་ ང་ ཚོར་ མིང་ དོན་ མཚུངས་ བའི་ རང་ སྐྱོང་ ཞིག་ བྱུང་ ན་ ང་ ཚོ་ རྒྱ་ ནག་ དང་ ཁ་ བྲལ་ འགྲོ་ རྒྱུ་ མིན་ ཞེས་ པའི་ སྲིད་ བྱུས་ ཤིག་ ཡིན་ སྟབས།
སྲིད་ བྱུས་ དེ་ ཡང་ དག་ པ་ ཞིག་ ཡིན་ པ་ དང་ ། རྒྱུ་ མཚན་ ལྡན་ པ་ ཡིན་ པ།
རྒྱ་ ནག་ ཁོ་ རང་ ཚོ་ ལའང་ ཕུགས་ ལ་ ཁེ་ ཕན་ ཡོད་ པ་ ཞིག་ ཡིན་ པར་ ངོས་ འཛིན་ གསལ་ བོ་ གནང་ གི་ འདུག
དྲི་ བ།
ཕྱི་ རྒྱལ་ ཁག་ ཏུ་ ཡོད་ པའི་ རྒྱ་ རིགས་ ཤེས་ ཡོན་ པ་ ཚོས་ བོད་ དོན་ ཐོག་ ལྟ་ ཚུལ་ གང་ འདྲ་ འཛིན་ གྱི་ ཡོད་ པ་ དང་ །
བོད་ ཕྱི་ ལོགས་ ནས་ ཕྱག་ ལས་ གནང་ ཕྱོགས་ དང་ །
ལས་ འགུལ་ སྤེལ་ ཕྱོགས་ ཐོག་ བསམ་ ཚུལ་ གང་ འདྲ་ ཡོང་ གི་ འདུག
ལན། རྒྱ་ རིགས་ ཚོས་ གནས་ ཚུལ་ དེའི་ སྐོར་ ལ་ ཁོང་ ཚོས་ བསམ་ ཚུལ་ ཡག་ པོ་ ཡོད་ པ་ རེད།
རྒྱུ་ མཚན་ གང་ ཡིན་ ཞེ་ ན།
ང་ ཚོས་ རྒྱ་ རིགས་ འཚམས་ གཟིགས་ ཚོགས་ པ་ ལོ་ རེར་ ཐེངས་ གཉིས་ རེ་ ངྷ་ རམ་ ས་ ལར་ གཏོང་ གི་ ཡོད་ པ་ རེད།
ང་ ཚོས་ རྟག་ པར་ འགྲེལ་ བཤད་ བརྒྱབ་ བསྡད་ པ་ མ་ ཡིན་ པར་ ཁོ་ ཚོ་ དངོས་ སུ་ འདིར་ ཕེབས་ ཏེ་ མིག་ ཐོག་ ལག་ ཟིན་ བྱུང་ བ་ ཡིན་ ན་ ཕན་ ཐོགས་ ཆེན་ པོ་ འདུག
ཁོང་ ཚོས་ དོན་ དག་ གཉིས་ ཀྱི་ ཐོག་ དགའ་ བོ་ ཞེ་ དྲག་ གནང་ གི་ ཡོད་ པ་ རེད།
གཅིག་ བཙན་ བྱོལ་ བོད་ མིའི་ དམངས་ གཙོའི་ འཕེལ་ རིམ་ རེད། གཉིས་ པ། ང་ ཚོའི་ སློབ་ གྲྭ་ ཁག་ རེད།
ཁོང་ ཚོ་ སློབ་ གྲྭ་ ཁག་ ཚང་ མར་ ཕེབས་ ཐུབ་ ཀྱི་ མེད་ ཀྱང་ །
བོད་ ཁྱིམ་ གཙོས་ པའི་ སློབ་ གྲྭ་ ཁག་ ལ་ འབྱོར་ སྐབས་ ཕྱི་ རྒྱལ་ ལྟར་ ཆ་ རྐྱེན་ དེ་ འདྲ་ མེད་ ཀྱང་ སློབ་ གྲྭ་ ཁག་ གི་ འཛིན་ སྐྱོང་ ཧ་ ཅང་ ཡག་ པོ་ ཡོད་ པ་ དང་ །
བོད་ པའི་ སྤྱི་ ཚོགས་ ནང་ དུའང་ ཡིག་ རྨོངས་ ཧ་ ལམ་ མེད་ བསྡད་ པ་ སོགས་ ལ་ ཧང་ སང་ གི་ འདུག
གཞུང་ འབྲེལ་ མ་ ཡིན་ པའི་ ཚོགས་ པ་ ཁག
ལྟ་ བ་ ལངས་ ཕྱོགས་ མ་ འདྲ་ བ་ དང་ སྐད་ སྒྲ་ འདྲ་ མིན་ ཐོས་ རྒྱུ་ ཡོད་ པ་ དེ་ ཞེ་ དྲག་ རིན་ ཐང་ ཆེན་ པོ་ རེད་ ཅེས་ བཤད་ ཀྱི་ ཡོད་ པ་ རེད།
རྒྱ་ རིགས་ དེ་ འདྲ་ ངྷ་ རམ་ ས་ ལར་ བསླེབས་ ཏེ་ ༼བཙན་ བྱོལ་ བོད་ མིའི་ སྐད་ སྒྲ་ ཉན་ པ༽
དང་ ། རྒྱད་ ཡིག་ ནང་ ( 藏土出中国 ) སོགས་ དེབ་ མང་ པོ་ བྲིས་ ཡོད་ པ་ རེད།
དེ་ ག་ རེ་ ལབ་ ཀྱི་ ཡོད་ པ་ རེད་ ཅེ་ ན་ བོད་ ཀྱི་ ངོ་ བོ་ ཆ་ ཚང་ ང་ དགུ་ ལོ་ རྒྱ་ གར་ ནང་ སྤོར་ ཐུབ་ འདུག་ ཅེས་ པ་ རེད།
དེབ་ དེ་ དག་ རྒྱ་ ཡིག་ ནར་ ཐོན་ ཡོང་ དུས་ རྒྱ་ རིགས་ དམངས་ ཀྱིས་ ཀློག་ སྐབས་ ཕན་ ཐོགས་ ཆེན་ པོ་ འདུག་ ཅེས་ ལབ་ པ་ དང་ །
ལྷག་ པར་ དུ་ རྒྱ་ རིགས་ ཁ་ ཤས་ ཀྱིས་ ( 藏土出中国 ) ཞེས་ པའི་ དེབ་ དེ་ ངྷ་ རམ་ ས་ ལར་ འགྲོ་ སྐབས་ ཕྱོཊ་ སྟོན་ འཁོར་ ལོ་ ལྟ་ བུ་ རེད་ ཅེས་ ལབ་ ཡོད་ པ་ རེད།
དྲི་ བ།
རྒྱ་ རིགས་ བོད་ དོན་ རྒྱབ་ སྐྱོར་ བའི་ ཁྲོད་ དུ་ དབུ་ མའི་ ལམ་ ལ་ རྒྱབ་ སྐྱོར་ ཞུ་ མཁན་ ཁག་ ཅིག་ དང་ །
བོད་ རང་ བཙན་ ལ་ རྒྱབ་ སྐྱོར་ ཞུ་ མཁན་ ཁག་ ཅིག་ བཅས་ རིགས་ གཉིས་ བར་ ལ་ སྐད་ ཆ་ བཤད་ ཕྱོགས་ དང་ རྩོམ་ ཡིག་ སྤེལ་ ཕྱོགས་ ཐད་ འགལ་ བ་ ཕྲན་ བུ་ རེ་ ཡོད་ ཚོད་ འདུག་ སྟབས།
དེའི་ སྐོར་ ངོ་ སྤྲོད་ ཅིག་ གནང་ རོགས།
ལན། ངས་ འགྲེལ་ བཤད་ རྒྱག་ སྐབས་ མང་ ཆེ་ བ་ ང་ རང་ གི་ དངོས་ མཐོང་ གི་ ཉམས་ མྱོང་ ཡིན་ དུས་ བྱང་ ཨ་ རིིའི་ གནས་ ཚུལ་ བཤད་ ཀྱི་ ཡོད་ པ་ རེད།
བྱང་ ཨ་ རིའི་ གནས་ ཚུལ་ ཆ་ བཞག་ པ་ ཡིན་ ན། ངས་ གོང་ དུ་ བཤད་ པ་ ལྟར་ བརྒྱ་ ཆ་ ༩༠
ཡན་ གྱིས་ དབུ་ མའི་ ལམ་ རྒྱུན་ མཚན་ ལྡན་ པ་ དང་ ཡང་ དག་ པ་ ཡིན་ པར་ རྒྱབ་ སྐྱོར་ བྱེད་ ཀྱི་ ཡོད་ པ་ རེད།
དེ་ དངོས་ ཡོད་ གནས་ ཚུལ་ རང་ རེད།
དེ་ ནས་ ཉུང་ ཤས་ ཤིག་ གིས་ རང་ བཙན་ དེ་ བོད་ མི་ མང་ གི་ ཐོབ་ ཐང་ རེད་ ཅེས་ རང་ བཙན་ ལ་ རྒྱབ་ སྐྱོར་ བྱེད་ མཁན་ ཡོད་ པ་ རེད།
བྱང་ ཨ་ རིར་ ཆ་ བཞག་ ན་ མཛུབ་ མོའི་ གྲངས་ ཀ་ ཐེབས་ པ་ དེ་ འདྲ་ རེད།
སྔར་ ནས་ ད་ བར་ རང་ བཙན་ ལ་ ཤུགས་ ཆེ་ ཤོས་ རྒྱབ་ སྐྱོར་ གནང་ མཁན་ མི་ གཉིས་ ཡོད་ པ་ རེད།
གཅིག་ ཧེ་ རེ་ ཝུའུ་ ( Hairi wu) རེད། གཅིག་ ཚའོ་ ཁྲང་ ཆིན་ ( Cao chang qing) རེད།
ཁོང་ གཉིས་ ཀྱིས་ ད་ ལྟའང་ བོད་ པས་ རང་ བཙན་ རྩོད་ དགོས་ པ་ རེད་ ཅེས་ རྒྱབ་ སྐྱོར་ བྱེད་ ཀྱི་ ཡོད་ པ་ རེད།
རིགས་ གཅིག་ གིས་ བོད་ པའི་ གནད་ དོན་ གང་ འདྲ་ ཆགས་ པ་ ཡིན་ ནའང་ །
བོད་ པ་ རང་ གིས་ ཐག་ གཅོད་ ཀྱིི་ རེད་ ཅེས་ བཤད་ མཁན་ ཡང་ ཡོད་ པ་ རེད།
ང་ ཚོས་ སྡོམ་ བརྒྱབ་ པ་ ཡིན་ ན་ རྒྱ་ རིགས་ མང་ ཆེ་ བས་ དབུ་ མའི་ ལམ་ ལ་ རྒྱབ་ སྐྱོར་ བྱེད་ ཀྱི་ ཡོད་ པ་ རེད།
༸སྐྱབས་ མགོན་ རིན་ པོ་ ཆེ་ ས་ ཆ་ གང་ དུ་ ཕེབས་ ཀྱང་ །
རྒྱ་ རིགས་ ཚོར་ མཇལ་ འཕྲད་ གཙོ་ བོར་ འཇོག་ གནང་ གི་ ཡོད་ སྟབས།
རྒྱ་ ནག་ ནང་ ཁུལ་ གྱི་ རྒྱ་ རིགས་ ཤེས་ ཡོན་ ཅན་ གྱི་ ཁྲོད་ དུ་ དབུ་ མའི་ ལམ་ ལ་ རྒྱབ་ སྐྱོར་ བྱེད་ མཁན་ དང་ བོད་ ཀྱི་ གནད་ དོན་ ལ་ དོ་ སྣང་ བྱེད་ མཁན་ རིམ་ པས་ མང་ དུ་ འགྲོ་ བཞིན་ ཡོད་ པ་ རེད།
རང་ བཙན་ ལའང་ རྒྱབ་ སྐྱོར་ བྱེད་ མཁན་ ཡོད་ པ་ རེད། ཡིན་ ནའང་ །
དེའི་ གྲངས་ ཀ་ དེ་ ཧ་ ཅང་ ཉུང་ ཉུང་ རེད། གང་ ཡིན་ ཞེ་ ན།
རྒྱ་ རིགས་ མང་ ཆེ་ བས་ ཁ་ ནས་ ལབ་ མ་ ལབ་ གང་ ལྟར་ ཡང་ །
ཁོང་ ཚོའི་ བསམ་ བློའི་ གཏིང་ ན་ ཅིག་ ཡོད་ པ་ རེད།
དེ་ མང་ ཚོགས་ ཀྱིས་ མཁྱེན་ དགོས་ པ་ ཧ་ ཅང་ གལ་ ཆེན་ པོ་ རེད་ བསམ་ གྱི་ འདུག
ཁོང་ ཚོ་ ཚང་ མའི་ བསམ་ བློའི་ ནང་ གང་ ཡོད་ པ་ རེད་ ཅེ་ ན།
བོད་ དེ་ རྒྱ་ ནག་ ནས་ ཁ་ བྲལ་ ཕྱིན་ པ་ ཡིན་ ན་ རྩ་ བ་ ནས་ འགྲིག་ གི་ མི་ འདུག་ སྙམ་ པ་ དེ་ ཡོད་ ཡོད་ པ་ རེད།
དྲི་ བ།
ཨ་ རིའི་ ནང་ བོད་ དོན་ རྒྱབ་ སྐྱོར་ བ་ ཙམ་ མ་ ཡིན་ པར།
ཡུ་ གུར་ དང་ སོག་ པོའི་ རང་ དབང་ རྩོད་ ལེན་ པ།
དེ་ བཞིན་ ཆོས་ འཁོར་ རྩ་ རླུང་ སྒོམ་ སྒྲུབ་ པ་ དང་ །
དམངས་ གཙོ་ དོན་ གཉེར་ བ་ མང་ པོ་ འཛོམས་ ཡོད་ སྟབས།
ཁོང་ ཅག་ དང་ བོད་ པའི་ བར་ གྱི་ འབྲེལ་ ལམ་ དང་ །
མཉམ་ ལས་ བྱེད་ ཕྱོགས་ གང་ འདྲ་ ཡོད་ དམ།
ལན། ང་ ཚོས་ ལས་ ཀ་ ག་ རེ་ བྱས་ པ་ ཡིན་ ནའང་ །
ང་ ཚོ་ བོད་ མིའི་ སྒྲིག་ འཛུགས་ བཀའ་ ཤག་ གི་ ལམ་ སྟོན་ ཞིག་ ཡོད་ པ་ རེད།
ག་ རེ་ བྱེད་ དགོས་ མིན་ དང་ སྲིད་ ཇུས་ ག་ རེ་ འཛིན་ དགོས་ མིན་ ལམ་ སྟོན་ དང་ འགལ་ ན་ འགྲིག་ གི་ མ་ རེད།
ད་ ལྟའི་ ཨ་ རིའི་ གནས་ སྟངས་ གང་ ཡོད་ པ་ རེད་ ཅེ་ ན།
རྒྱ་ རིགས་ དམངས་ གཙོ་ དོན་ གཉེར་ བ་ དང་ ཤེས་ ཡོན་ ཅན། རྩོམ་ པ་ པོ། གསར་ འགོད་ པ། ཡུ་ གུར།
ཆོས་ འཁོར་ སྒོམ་ སྒྲུབ་ པ་ སོགས་ སྣ་ ཚོགས་ ཡོད་ པ་ རེད།
ཁོ་ རང་ ཚོའི་ ནང་ ཁུལ་ དུ་ ལྟ་ ཚུལ་ འདྲ་ མི་ འདྲ་ མང་ པོ་ ཡོད་ པ་ རེད། དཔེར་ ན།
དམངས་ གཙོ་ དོན་ གཉེར་ བར་ ཆ་ བཞག་ ན་ ཚོགས་ པ་ འདྲ་ མིན་ རེད།
མིའི་ སྤྱི་ ཚོགས་ ཡིན་ སྟབས་ ནང་ ཁུལ་ མ་ མཐུན་ པ་ ཏོག་ ཙམ་ ཡོད་ ཀྱང་ །
བོད་ པའི་ གནས་ ཚུལ་ བཤད་ ཡོང་ སྐབས་ ཚང་ མས་ ཁ་ གཅིག་ གྲགས་ ཀྱིས་ རྒྱབ་ སྐྱོར་ གནང་ གི་ ཡོད་ པ་ རེད།
ང་ ཚོའི་ མཉམ་ ལས་ མང་ ཆེ་ བ་ དེ་ རྒྱ་ རིགས་ ཤེས་ ཡོན་ ཅན་ དང་ སློབ་ ཕྲུག
རྩོམ་ པ་ པོ་ དང་ མཉམ་ དུ་ ཡོད་ པ་ རེད།
ཆོས་ འཁོར་ སྒོམ་ སྒྲུབ་ པ་ དང་ ཡུ་ གུར་ བཅས་ ལ་ ང་ ཚོ་ མཉམ་ དུ་ ལས་ འགུལ་ སྤེལ་ གྱི་ ཡོད་ པ་ མ་ རེད།
ང་ ཚོའི་ དབུ་ མའི་ ལམ་ ལ་ རྒྱབ་ སྐྱོར་ བྱེད་ མཁན་ མང་ པོ་ ཡོད་ པ་ དེ་ རྒྱ་ རིགས་ སྤྱི་ ཚོགས་ ནང་ རྒྱ་ ཁྱབ་ གཏོང་ རྒྱུ་ དེ་ ང་ ཚོའི་ ལས་ འགན་ གཙོ་ བོ་ རེད།
དེ་ ལ་ རྒྱབ་ སྐྱོར་ བྱེད་ མཁན་ ཚོར་ རང་ བཞིན་ གྱིས་ མཉམ་ ལས་ ཡོང་ གི་ རེད།
ཡང་ ང་ ཚོས་ མཉམ་ ལས་ བྱེད་ ཀྱི་ མེད་ ལབ་ དུས་ ཁོང་ ཚོས་ བོད་ པའི་ གནས་ སྟངས་ ལ་ ལྟ་ སྟངས་ ལོགས་ ཀ་ ཡོད་ པ་ དེ་ འདྲ་ གང་ ཡང་ མ་ རེད།
དྲི་ བ། རྒྱ་ ནག་ གཞུང་ དམངས་ གཙོ་ ཅན་ དུ་ འགྱུར་ བ་ ཡིན་ ན།
བོད་ གཙོས་ པའི་ གྲངས་ ཉུང་ མི་ རིགས་ ཁག་ གི་ དཀའ་ ངལ་ སེལ་ འགྲོ་ བའི་ བཤད་ ཚུལ་ དེ་ ལ།
ཕྱི་ ལོགས་ ཀྱི་ རྒྱ་ རིགས་ ཤེས་ ལྡན་ པའི་ ནང་ བསམ་ ཚུལ་ གང་ འདྲ་ འདུག་ གམ།
ལན། རྒྱ་ རིགས་ མང་ ཆེ་ བར་ གཅིག་ གྱུར་ གྱི་ ལྟ་ ཚུལ་ ཅིག་ ཡོད་ པ་ རེད།
ཁོང་ ཚོས་ རྒྱ་ ནག་ དམངས་ གཙོ་ ཆགས་ པ་ ཡིན་ ན།
བོད་ ཀྱི་ གནད་ དོན་ རང་ བཞིན་ གྱིས་ སེལ་ འགྲོ་ བ་ རེད་ ལབ་ ཀྱི་ ཡོད་ པ་ རེད།
དེ་ རྒྱ་ རིགས་ མང་ ཆེ་ བས་ ལྟ་ ཚུལ་ གཅིག་ པ་ རེད། གང་ ཡིན་ ཞེ་ ན།
ད་ ལྟའི་ གཅིག་ སྡུད་ དབང་ འཛིན་ ལམ་ ལུགས་ དེ་ མེད་ པ་ ཆགས་ རྒྱུ་ རེད།
སྐད་ ཆ་ བཤད་ ས་ དང་ མི་ མང་ གི་ ཚོགས་ པ་ འཛུགས་ ཆོག་ གི་ རེད།
དེ་ འདྲ་ ཡིན་ དུས་ བོད་ ཀྱི་ གནད་ དོན་ སེལ་ ཐུབ་ ཀྱི་ རེད་ ཅེས་ ལབ་ ཀྱི་ ཡོད་ པ་ རེད།
ནད་ བརྒྱ་ ལ་ ཕན་ པའི་ སྨན་ ཞིག་ ཡོད་ པ་ རེད།
སྨན་ དེ་ ག་ རེ་ ཆགས་ ཀྱི་ ཡོད་ པ་ རེད་ ཅེ་ ན།
རྒྱ་ ནག་ དམངས་ གཙོ་ ཆགས་ པ་ ཡིན་ ན་ གནད་ དོན་ མང་ པོ་ ཞིག་ རང་ བཞིན་ གྱིས་ སེལ་ འགྲོ་ བ་ རེད་ ཅེས་ སྐུ་ མདུན་ གྱིས་ བཀའ་ གནང་ ཡོད་ པ་ རེད།
ལྟ་ ཚུལ་ མ་ མཐུན་ པ་ རེ་ ཟུང་ ཡོང་ གི་ རེད་ མ་ གཏོགས།
མང་ ཆེ་ བས་ རྒྱ་ ནག་ དམངས་ གཙོ་ ཆགས་ པ་ ཡིན་ ན།
བོད་ ཀྱི་ གནད་ དོན་ སེལ་ རྒྱུ་ རེད་ ཅེས་ ལབ་ ཀྱི་ ཡོད་ པ་ རེད།
དྲི་ བ།
ཨ་ རི་ དང་ ཁེ་ ན་ ཌ་ སོགས་ སུ་ རྒྱ་ རིགས་ ཧ་ ཅང་ མང་ པོ་ ཡོད་ པ་ མ་ ཟད།
རྒྱ་ མིའི་ ཁྲོམ་ དེ་ འདྲ་ ཡོད་ སྟབས། སྐུ་ ཉིད་ གཙོས་ པའི་ བོད་ མི་ ཚོ་ དང་ །
རྒྱ་ རིགས་ བོད་ དོན་ རྒྱབ་ སྐྱོར་ བ་ མཉམ་ འབྲེལ་ སོགས་ བྱས་ ཏེ།
དེ་ ལྟ་ བུའི་ རྒྱ་ མི་ དཀྱུས་ མའི་ སྤྱི་ ཚོགས་ ནང་ ལས་ འགུལ་ སྤེལ་ བ་ དང་ །
འབྲེལ་ ལམ་ འཛུགས་ པའི་ གོ་ སྐབས་ རག་ གི་ ཡོད་ དམ།
ལན། དེའི་ རིགས་ དེ་ ད་ ལྟ་ ང་ ཚོས་ མ་ འདང་ བའི་ ཆ་ གཙོ་ བོ་ དེ་ རེད།
རྒྱ་ རིགས་ དཀྱུས་ མ་ དེ་ དག་ གིས་ སོ་ སོའི་ འཚོ་ བ་ བསྐྱེལ་ ཏེ་ སྡོད་ ཀྱི་ ཡོད་ པ་ རེད།
ཁོང་ ཚོས་ བོད་ ཀྱི་ གནད་ དོན་ ཐོག་ སྡུག་ ཅག་ བཤད་ ཀྱི་ ཡོད་ པ་ མ་ རེད་ ལ།
དོ་ སྣང་ ཡང་ ཞེ་ དྲག་ ཡོད་ པ་ མ་ རེད། དེ་ ང་ ཚོས་ ཤུགས་ རྒྱག་ ས་ གཅིག་ དང་ །
ལྷག་ པར་ དུ་ རྒྱ་ རིགས་ ནང་ པ་ ཡིན་ བསྡད་ མཁན་ དེ་ དག་ ལ་ ང་ ཚོའི་ མ་ འདང་ བའི་ ཆ་ མང་ པོ་ ཡོད།
དེ་ འདྲའི་ རིགས་ ཀྱི་ སྤྱི་ ཚོགས་ ནང་ ཡར་ རྒྱས་ གཏོང་ ཐུབ་ པར་ དམིགས་ ས་ གཅིག་ དེ་ ས་ གནས་ བོད་ རིགས་ སྤྱི་ མཐུན་ ཚོགས་ པས་ ལས་ ཀ་ ཏོག་ ཙམ་ བྱ་ ཐུབ་ ན་ བསམ་ ནས་ ང་ ཚོས་ རེ་ བ་ རྒྱག་ གི་ ཡོད།
རྒྱ་ རིགས་ དང་ འབྲེལ་ བ་ བྱ་ རྒྱུ་ བོད་ མིའི་ སྒྲིག་ འཛུགས་ ཀྱི་ གཏན་ ལ་ ཕབ་ པའི་ སྲིད་ བྱུས་ དང་ །
སྐྱབས་ མགོན་ རིན་ པོ་ ཆེའི་ དགོངས་ གཞི་ གལ་ ཆེན་ པོ་ ཞིག་ ཡིན་ སྟབས།
ད་ ལྟ་ ངས་ མ་ འདང་ བ་ རེད་ ཅེས་ པའི་ ཚབ་ དུ་ ང་ ཚོའི་ མི་ མང་ གི་ ནང་ ནས་ རྒྱ་ རིགས་ ལ་ འབྲེལ་ བ་ བྱ་ རྒྱུ་ གལ་ ཆེན་ པོ་ ཡིན་ པའི་ གོ་ རྟོགས་ མཐོ་ རུ་ འགྲོ་ དགོས་ པ་ ཧ་ ཅང་ གནད་ འགག་ ཆེན་ པོ་ རེད།
དྲི་ བ།
ཕྱི་ རྒྱལ་ ཁག་ ཏུ་ ཡོད་ པའི་ རྒྱ་ རིགས་ རྒྱ་ ནག་ གཞུང་ དང་ ལྟ་ བ་ མི་ མཐུན་ མཁན་ ཚོས།
རྒྱ་ ནག་ དམར་ པོའི་ གཅིག་ སྡུད་ ལམ་ ལུཊ་ མགོ་ རྟིང་ སློག་ ཐབས་ དང་ །
རྒྱ་ ནག་ ནང་ གི་ དཀའ་ རྙོག་ ཁག་ སེལ་ ཐབས་ ཀྱི་ ལམ་ ཁ་ གཙོ་ བོ་ གང་ དག་ ལ་ ངོས་ འཛིན་ གནང་ གི་ འདུག
ལན། རྒྱ་ རིགས་ ཚོས་ བསམ་ བློ་ གཏོང་ སྟངས་ གང་ རེད་ ཅེ་ ན།
སྤྱི་ ཡོངས་ ཀྱི་ བསམ་ བློ་ གཅིག་ ཡོད་ པ་ རེད། མ་ འོངས་ པར་ རྒྱ་ ནག་ འགྱུར་ བ་ འགྲོ་ གི་ རེད།
ད་ ལྟའི་ གནས་ སྟངས་ ལྟར་ འདུག་ གི་ མ་ རེད་ ཅེས་ པ་ དེ་ རེད།
འགྱུར་ བ་ འགྲོ་ བ་ ལ་ བཤད་ ཚུལ་ མི་ འདྲ་ བ་ མང་ པོ་ ཡོད་ པ་ རེད།
གཅིག་ དེ་ དམངས་ ཁྲོད་ ནས་ ལས་ འགུལ་ ཤུགས་ ཆེན་ པོ་ ཞིག་ བྱུང་ བ་ ཡིན་ ན་ རྒྱ་ ནག་ གི་ ད་ ལྟའི་ ཆབ་ སྲིད་ ཀྱི་ གནས་ སྟངས་ ལ་ འགྱུར་ བ་ འགྲོ་ བར་ རེ་ བ་ ཆེ་ ཤོས་ ཡོད་ པ་ རེད་ ཟེར་ མཁན་ ཡོད་ ཀྱང་ །
ང་ རང་ གིས་ ཕར་ བལྟས་ པ་ ཡིན་ ན།
རྒྱ་ རིགས་ མང་ ཆེ་ བའི་ བསམ་ ཚུལ་ དང་ ཐབས་ ལམ་ ཡག་ ཤོས་ དེ་ སྤྱི་ དམངས་ ཀྱི་ ལས་ འགུལ་ ཤུགས་ ཆེ་ རུ་ གཏོང་ དགོས་ པ་ རེད།
དེ་ ཕྱིན་ པ་ ཡིན་ ན་ རྒྱ་ ནག་ འགྱུར་ བ་ འགྲོ་ གི་ རེད་ ཅེས་ རྒྱ་ རིགས་ མང་ ཆེ་ བས་ བསམ་ བློ་ དེ་ རེད།
ཕྱི་ ལོགས་ སུ་ ཐོན་ མ་ ཐོན་ ཙམ་ རེད་ མ་ གཏོགས།
ད་ ལྟ་ རྒྱ་ ནག་ གི་ སྤྱི་ ཚོགས་ ལ་ མཚོན་ ན་ གཞུང་ ལ་ མི་ འདོད་ པའི་ སྐད་ སྒྲ་ ཧ་ ལས་ པའི་ ཆེན་ པོ་ རེད།
དམངས་ ཁྲོད་ ཀྱི་ མ་ འདོད་ པའི་ སྐད་ སྒྲ་ ཤུགས་ ཆེ་ རུ་ ཕྱིན་ པ་ དང་ སྤྱི་ དམངས་ ཀྱི་ ལས་ འགུལ་ ཤུགས་ ཆེ་ རུ་ ཕྱིན་ པ་ ཡིན་ ན།
འགྱུར་ བ་ འགྲོ་ བར་ ཏན་ ཏན་ ཕན་ ཐོགས་ ཡོད་ པ་ རེད་ བསམ་ གྱི་ འདུག
ད་ ལྟ་ གཅིག་ སྡུད་ དབང་ འཛིན་ འོག་ སྐད་ བརྒྱབ་ པ་ ཙམ་ གྱིས་ མར་ མནན་ པའི་ རིགས་ དེ་ གནས་ སྐབས་ ཀྱི་ ཐབས་ ལམ་ ཙམ་ རེད་ མ་ གཏོགས།
མིིའི་ སེམས་ ནང་ འདོད་ པ་ མེད་ པ་ དང་ ། བཟོ་ བཅོས་ རྒྱག་ པའི་ ཐབས་ ཤེས་ ཡག་ པོ་ མེད་ ཚེ།
གནས་ སྐབས་ རིང་ མངོན་ མི་ ཐུབ་ ཀྱང་ །
སེམས་ གཏིང་ ནས་ མ་ དགའ་ བ་ ཞིག་ ཡོད་ ཚར་ ན་ ལས་ ཀ་ གང་ འདྲ་ ཞིག་ ཡིན་ ཡང་ ལམ་ ལྷོང་ ཡོང་ རྒྱུ་ ཁག་ པོ་ རེད།
དྲི་ བ།
བོད་ མིའི་ རང་ ལུས་ མེར་ བསྲེགས་ ཐོག་ རྒྱ་ རིགས་ ཚོར་ ལྟ་ སྟངས་ གང་ འདྲ་ ཡོད་ པ་ དང་ །
དེར་ གྲུབ་ འབྲས་ འབྱུང་ མིན་ ཐོག་ ཁོང་ ཚོས་ ངོས་ འཛིན་ གང་ འདྲ་ གནང་ གི་ འདུག
ལན། རང་ ལུས་ མེར་ བསྲེཊ་ བཏང་ བའི་ རྒྱུ་ རྐྱེན་ རྒྱ་ ནག་ གཞུང་ གི་ སྲིད་ ཇུས་ ལ་ ཐུག་ ཡོད་ པ་ རེད་ ཅེས་ པ་ དེ་ དྲ་ རྒྱ་ ཁག་ ལ་ གཟིགས་ ན་ རྒྱ་ རིགས་ མང་ ཆེ་ བས་ ཁ་ གཅིག་ གྲགས་ རེད།
རྒྱ་ ནག་ གཞུང་ གིས་ འགྲེལ་ བརྗོད་ བྱས་ པ་ ལྟར་ ཕྱི་ རྒྱལ་ དུ་ ཡོད་ པའི་ བོད་ པ་ ཁག་ ཅིག་ དང་ རྒྱལ་ བ་ རིན་ པོ་ ཆེས་ བཟོས་ པ་ རེད་ ཅེས་ པ་ དེ་ དངོས་ ཡོད་ གནས་ ཚུལ་ མ་ རེད་ ཅེས་ ལབ་ ཡོད་ པ་ རེད།
ཡང་ ཁོང་ ཚོས་ བྱུང་ ན་ རང་ ལུས་ མེར་ བསྲེཊ་ མ་ གནང་ རོགས་ ཞེས་ པ་ དེ་ ཡང་ ཁ་ གཅིག་ གྲགས་ རེད།
གང་ ཡིན་ ཞེ་ ན། སྲོག་ དེ་ ཧ་ ཅང་ གཅེས་ པོ་ རེད།
བོད་ པ་ གྲངས་ ཉུང་ ཉུང་ རེད་ ལབ་ ཀྱི་ ཡོད་ པ་ རེད།
བོད་ མིའི་ རང་ ལུས་ མེར་ བསྲེགས་ ལ་ གྲུབ་ འབྲས་ ཡོད་ མེད་ ཀྱི་ སྐད་ ཆ་ ཞིག་ ཡོང་ གི་ ཡོད་ པ་ རེད།
བོད་ ནང་ གི་ གཞིས་ ལུས་ བོད་ མིའི་ ཁྲག་ ཐིག་ པ་ གཅིག་ ཡིན་ ནའང་ ཧ་ ལས་ པའི་ གྲུབ་ འབྲས་ ཆེན་ པོ་ རེད།
གཞིས་ ལུས་ བོད་ མི་ དེ་ དོན་ གྱི་ བདག་ པོ་ བོད་ ནང་ འཚོ་ བ་ སྐྱེལ་ མཁན་ དེ་ རྒྱ་ ནག་ གཞུང་ གི་ དབང་ བསྒྱུར་ སྲིད་ ཇུས་ འོག་ འདོད་ པ་ མེད་ པའི་ རྣམ་ འགྱུར་ སྟོན་ སྐབས།
མི་ གཅིག་ གི་ སྐད་ ཆ་ མིན་ པར་ དེའི་ རྒྱབ་ ལོགས་ སུ་ མི་ མང་ པོའི་ བསམ་ པ་ མཚོན་ གྱི་ ཡོད་ སྟབས།
རང་ ལུས་ མེར་ བསྲེཊ་ གནང་ བ་ དེས་ མཐོང་ རྒྱུ་ ཡོད་ པའི་ གྲུབ་ འབྲས་ ཡོད་ མེད་ གང་ ལྟར་ ཡང་ །
རྒྱལ་ སྤྱིའི་ ཐོག་ བོད་ ནང་ ལ་ དཀའ་ ངལ་ ཡོད་ པ་ དང་ །
ད་ ལྟའི་ བོད་ ནང་ ཡོད་ པའི་ དོན་ གྱི་ བདག་ པོ་ དེ་ དག་ རྒྱ་ ནག་ གི་ དབང་ བསྒྱུར་ འོག་ འདུག་ འདོད་ མེད་ པ་ རྒྱལ་ སྤྱིའི་ ཐོག་ བསྟན་ ཐུབ་ པ་ དེ་ ཧ་ ལས་ པའི་ གྲུབ་ འབྲས་ ཆེན་ པོ་ རེད།
དྲི་ བ།
༧གོང་ ས་ མཆོག་ དང་ བོད་ མིའི་ སྒྲིག་ འཛུཊ་ ཀྱི་ ངོས་ ནས་ འདས་ པའི་ ལོ་ ངོ་ བཅུ་ གྲངས་ གོང་ ནས་ རྒྱ་ ནག་ མི་ དམངས་ ལ་ འབྲེལ་ ལམ་ ཤུཊ་ ཆེ་ རུ་ གཏོང་ རྒྱུའི་ སྲིད་ བྱུས་ ཤིག་ བཟུང་ བ་ རེད།
ཉིད་ ཀྱིས་ སྲིད་ བྱུས་ དེར་ གཟིཊ་ ཚུལ་ གང་ འདྲ་ ཡོད་ པ་ དང་ །
གྲུབ་ འབྲས་ འཐོན་ ཡོད་ མེད་ ཐོག་ མཐོང་ ཚུལ་ གང་ འདྲ་ ཡོད།
ལན། ང་ རང་ གི་ ངོས་ ནས་ སྲིད་ བྱུས་ དེ་ ཡང་ དག་ པ་ ཞིག་ ཡིན་ པ་ དང་ །
ལྷག་ པར་ དུ་ དུས་ དང་ མཐུན་ པའི་ སྲིད་ བྱུས་ ཤིག་ རེད་ བསམ་ གྱི་ འདུག
རྒྱུ་ མཚན་ གང་ ཡིན་ ཞེ་ ན།
རྒྱ་ རིགས་ མང་ པོ་ ཞིག་ ལ་ བོད་ རྒྱ་ ནག་ དང་ ཁ་ བྲལ་ འགྲོ་ བར་ འདོད་ པ་ ཡོད་ པ་ མ་ རེད།
བོད་ ནང་ བོད་ མི་ རིགས་ ཆག་ འཇིག་ གི་ གནས་ སྟངས་ ཆགས་ བསྡད་ ཡོད་ སྟབས།
བཙན་ བྱོལ་ ནང་ ཡོད་ པའི་ བོད་ པ་ ཚོའི་ ལས་ འགན་ བོད་ ནང་ ཡོད་ པའི་ གཞིས་ ལུས་ བོད་ མིའི་ དཀའ་ ངལ་ སེལ་ རྒྱུ་ དེ་ རེད།
ཁ་ ནས་ འབོད་ ཚིག་ སྟོང་ པ་ བསྒྲགས་ བསྡད་ པ་ དེས་ ང་ ཚོའི་ དོན་ དག་ སེལ་ ཐུབ་ ཀྱི་ མ་ རེད།
སྔོན་ མ་ ༢༠༠༨ ལོར་ ༸གོང་ ས་ མཆོག་ ཨ་ རིའི་ ནང་ ཕེབས་ སྐབས།
རྒྱ་ རིགས་ མང་ པོས་ ངོ་ རྒོལ་ བྱས་ ཏེ་ མ་ འདོད་ པའི་ རྣམ་ འགྱུར་ སྟོན་ གྱི་ ཡོད་ པ་ རེད།
དེང་ སང་ ངོ་ རྒོལ་ བྱེད་ མཁན་ མི་ རྡོག་ གཅིག་ ཡོད་ པ་ མ་ རེད། ༢༠༠༨
ལོར་ ས་ བྱི་ ཞི་ རྒོལ་ ཆེན་ མོ་ བྱུང་ རྗེས་ སུ་ རྒྱ་ རིགས་ སློབ་ ཕྲུག་ ཚོར་ མཇལ་ འཕྲད་ གནང་ སྐབས།
ཡོང་ ཕོད་ མཁན་ ཡོད་ པ་ མ་ རེད།
དེང་ སང་ རྒྱ་ རིགས་ དང་ མཇལ་ འཕྲད་ གནང་ སྐབས་ རྒྱ་ རིགས་ མི་ ༡༠༠ ལྷག་ དང་ ། སྐབས་ རེར་ ༢༠༠
ལྷག་ ཡོང་ གི་ ཡོད་ པ་ རེད། ཁོང་ ཚོ་ མཇལ་ འཕྲད་ སྐབས་ དང་ པོ་ གསར་ འགྱུར་ ནང་ མ་ གཏོང་ རོགས།
པར་ རྒྱག་ གི་ མིན་ ཞེས་ ལབ་ ཀྱི་ ཡོད་ ཀྱང་ མཇལ་ ཁ་ ཞུས་ ཚར་ བའི་ རྗེས་ སུ་ ཁོང་ ཚོས་ པར་ རྒྱག་ རྒྱུར་ འདོད་ པ་ ཆེན་ པོ་ བྱེད་ ཀྱི་ འདུག
དེ་ དག་ ལ་ བལྟས་ ཡོང་ སྐབས་ དོན་ དག་ ཆུང་ ཆུང་ ཡིན་ ཡང་ །
དེས་ རྒྱ་ རིགས་ དང་ འབྲེལ་ བ་ བྱས་ ཏེ་ འགུལ་ དཀྱོག་ ཐེབས་ ཀྱི་ ཡོད་ པ་ མཚོན་ གྱི་ ཡོད་ པ་ རེད།
དྲི་ བ།
ཉེ་ ཆར་ རྒྱ་ ནག་ རྒྱལ་ ཡོངས་ སྲིད་ གྲོས་ ཀྱི་ མགོ་ གཙོ་ ཡུའུ་ ཀྲིན་ ཧྲིན་ ལྷ་ ས་ དང་ ཨ་ མདོ་ བླ་ བྲང་ སོགས་ སུ་ སྐོར་ སྐྱོད་ སྐབས།
གཏམ་ བཤད་ སྤེལ་ བའི་ ནང་ དོན་ ཁག་ དང་ །
བོད་ རྒྱའི་ གནད་ དོན་ དང་ དབུ་ མའི་ ལམ་ བཅས་ ཀྱི་ ཐོག་ རྣམ་ འགྱུར་ འཛིན་ སྟངས་ དེར་ དགོངས་ ཚུལ་ གང་ འདྲ་ ཡོད་ དམ།
ལན། རྒྱ་ ནག་ དམར་ པོའི་ རིང་ ལུགས་ ཀྱི་ མགོ་ ཁྲིད་ ཀྱི་ གནས་ སྟངས་ ཁྱད་ མཚར་ ཞིག་ ཡོད་ པ་ རེད།
ཕྱི་ ལོགས་ སུ་ གཅིག་ བཤད། ནང་ ལོགས་ སུ་ བསམ་ བློ་ ལོག་ ག་ ཅིག་ གཏོང་ གི་ རེད།
དེ་ རྒྱ་ ནག་ གཞུང་ གི་ འདས་ པའི་ མགོ་ ཁྲིད་ རིམ་ པ་ ལས་ ངས་ དེ་ ལྟར་ མཐོང་ གི་ ཡོད།
ཡུའུ་ ཀྲིན་ ཧྲིིན་ གྱིས་ མདོ་ སྨད་ བླ་ བྲང་ ཁུལ་ དུ་ སྐད་ ཆ་ བཤད་ པའི་ ཚིག་ གི་ ངོ་ གདོང་ རང་ ལ་ བལྟས་ པ་ ཡིན་ ན།
རྒྱ་ ནག་ གཞུང་ གིས་ ད་ ལྟའི་ བར་ བོད་ ལ་ འཛིན་ པའི་ སྲིད་ ཇུས་ དང་ བསམ་ བློ་ གཏོང་ སྟངས་ ལ་ འགྱུར་ བ་ མེད་ པའི་ སྲོལ་ འདྲ་ ཞིག་ འདུག་ ཀྱང་ །
ང་ རང་ གིས་ མ་ ཤེས་ པ་ དང་ མགོ་ མ་ ཚོས་ པ་ དེ་ ཁོས་ ཏཱ་ ལའི་ བླ་ མའི་ ཆེས་ མཐོའི་ རང་ སྐྱོང་ ཞེས་ པ་ དེ་ ལས་ དབུ་ མའི་ ལམ་ ཞེས་ ལབ་ ཡོད་ པ་ མ་ རེད།
ཆེས་ མཐོའི་ རང་ སྐྱོང་ དང་ དབུ་ མའི་ ལམ་ ཞེས་ པ་ དེ་ བོད་ རྒྱུད་ ནང་ བསྟན་ གྱི་ རྩ་ བའི་ ཁེ་ ཕན་ དང་ འགལ་ ཡོད་ པ་ རེད་ ཅེས་ ལབ་ འདུག
དེར་ ག་ རེ་ འགྲེལ་ བཤད་ རྒྱག་ གི་ ཡོད་ མེད་ ངས་ ད་ ལྟའང་ ཤེས་ ཀྱི་ མི་ འདུག གང་ ལྟར། ཁོང་ ཚོས་ ཕྱི་ ལོགས་ སུ་ གནས་ ཚུལ་ དེ་ འདྲ་ ཤོད་ ཀྱི་ ཡོད་ པ་ རེད།
ནང་ ལོགས་ ཀ་ ཡོད་ པ་ རེད།
སྔོན་ མ་ སྐུ་ ཚབ་ ཚོ་ ཕེབས་ སྐབས་ ཀྱང་ ཕྱི་ ལོགས་ སུ་ དེ་ འདྲ་ ལབ་ ཀྱི་ ཡོད་ ཀྱང་ །
སྐུ་ ཚབ་ ཚོར་ མཇལ་ འཕྲད་ གནང་ གི་ ཡོད་ པ་ རེད། དེར་ བརྟེན།
རྒྱ་ ནག་ གཞུང་ གི་ གནས་ ཚུལ་ ཕྱི་ གསལ་ ནང་ གསལ་ མེད་ པའི་ དབང་ གིས།
ལམ་ སང་ ཚོད་ དཔག་ བྱེད་ རྒྱུ་ ཁག་ པོ་ འདུག
ཡུའུ་ ཀྲིན་ ཧྲིན་ གྱིས་ སྐད་ ཆ་ དུམ་ བུ་ གཉིས་ དེ་ ལ་ བལྟས་ པ་ ཡིན་ ན།
འགྱུར་ བ་ ཕྱིན་ ཨེ་ ཡོད་ བསམ་ བསམ་ ཞིག་ འདུག
གསར་ འགོད་ པ། དོན་ གོ
བོད་མིས་རང་སྲེག་བྱས་པ་ནས་ཀྲོང་ནན་ཧེ་ཡི་ཆད་སྐྱོན་ལ་ལྟ་བ།
ཁྲིན་ པོ་ ཀོང་ གིས་ བརྩམས། ལོ་ མ་ རྒྱལ་ གྱིས་ བསྒྱུར།
༢༠༠༩
ལོར་ བོད་ མིས་ རང་ སྲེག་ བྱས་ པ་ ནས་ བཟུང་ ད་ ལྟ འི་ བར་ བོད་ མི་ ༡༡༩ ཡིས་ རང་ ལུས་ མེར་ བསྲེགས་ བྱས་ འདུག དེ འི་ ཁྲོད་ ནས་ ༡༠༢ འདས་ གྲོངས་ སུ་ ཕྱིན་ ཡོད། འདི་ ནི་ མིའི་ རིགས་ ཀྱི་ ལོ་ རྒྱུས་ ཁྲོད་ དུ་ ཧ་ ཅང་སྐྱོ་ གར་ ཅན་ གྱི་ ངོ་ རྒོལ་ ཞིག་ ཡིན་ པ་ མ་ ཟད། གནའ་ ནས་ ད་ ལྟའི་ བར་ དུ་ བྱུང་ མྱོང་ མེད་ པ་ ཞིག་ ཀྱང་ རེད།
རྒྱ་ གཞུང་ གི་ སྨྱུག་ ཐོགས་ པ་རེ་ ཟུང་ གིས་ གཞུང་ གིས་ “ རང་ སྲེག་ མཁན་ ནི་ རེ་ ཟུང་ ཞིག་ ཡིན་ པ་ དང་ ། རང་ སྲེག་ བྱེད་ པའི་ ས་ ཆ་ ཡང་ ཉུང་ ཤས་ ཤིག་རེད ” ཅེས་ སྒྲོག་ གི་ ཡོད་ པ་འདི ར་ ཁ་གཡར་ ཏེ ་རང་ སེམས་ རང་ གིས་ གསོ་ བ་ དང ་རང་ གིས་ རང་ ལ་ འགྲེལ་ བཤད་ བརྒྱབ་ སྟེ་ མགོ་ སྐོར་ གཏོང་ གི་ འདུག འདི་ ལྟ་ བུའི་ སྐྱོ་ ལྷང་ ལྷང་ གི་ རང་ སྲེག་ བྱེད་ ཐབས་ དང་ བརྒྱ་ ཁ་ ལོངས་ པའི་རང་ སྲེག་ གི་ གྲངས་ ཀ་ དེ་ ཚོ། འཛམ་ གླིང་ རྒྱལ་ ཁབ་ གང་ རུང་ ཞིག་ དང་ ས་ ཆ་ གང་ རུང་ ཞིག་ ( ཡིན་ དང་ ཡིན། རྒྱ་ ནག་ ཁོ་ ན་ ནས་ དེ་ ལྟར་ བྱུང་ སྲིད་ པ་ རེད ) ནས་ བྱུང་ བ་ ཡིན་ ན། སྐྱེ་ བོ་ ཐམས་ ཅད་ ཁ་ གདེང་ ཞིང་མིག་ ཅེར་ ནས་ཧ་ ལས་ ཤིང་ ཧོན་ འཐོར་ འགྲོ་ བ་ མ་ ཟད། འཛམ་ གླིང་ གི་མི་ ཚང་ མས་ གསལ་ གསལ་ ཐིང་ ཐིང་ གིས་ ཤེས་ རྒྱུ་རེད། དོན་ གྱི ས་ དེ་ ནི་ དེ་ ག འི་དབང་ བསྒྱུར་ བྱེད་ སྟངས་ ལ་ གནད་ དོན་ ཡོད་རྟགས་ མཚན་ ཙམ་ མ་ ཟད།
གནད་ དོན་ ཚབས་ ཆེན་ ཞིག་ ཡོད་ པའི་རྟགས་ མཚན་ ཡང་རེད།
དབང་ སྒྱུར་ པ་ ཞིག་ གི་ངོས་ ནས་ བཤད་ ན། ཀྲོང་ ནན་ ཧེ་ ཡིས་ ཕྱིར་ རྟོག་ དང་ བསམ་གཞིག ་ ཁྱོན་ ནས་ བྱེད་ ཀྱི་ མི་ འདུག བོད་ མི འི་ རང་ སྲེག་ གི་ ཐད་ ལ་ རྒྱ་ གཞུང་ གི་ རྣམ་ འགྱུར་ ནི་ ཚོར་ བ་ ཅི་ ཡང་ མེད་ པའི་ རྡོ་ བ་ ལྟར་ བསྡད་ ཡོད། རྒྱ་ གཞུང་ གིས་ འགན་ ཡོད་ ཚད་ ཕྱི་ ལོག ས་ ཀྱི་ཏཱ་ ལའི་ བླ་ མ་ དང་ བཙན་ བྱོལ་ བོད་ གཞུང་ གི་ སྒང་ ལ་ གཡུག་ གི་འདུག བདེན་ དཔང་ ཅི་ ཡང་ མ་ རྙེད་ སྟབས་ ཕྱི་ གསལ་ ནང་ གསལ་ གྱིས་རང་ སྲེག་ ལ་ ཉེས་ འཛུགས་ དང་ ངོ་ རྒོལ་ བྱེད་ མ་ ཐུབ་ པར། ཏཱ་ ལའི་ བླ་ མའི་ ཕྱོགས་ ལ་ ཉེས་ འཛུགས་ བྱེད་ ཀྱི ན་ འདུག རྒྱ་ ནག་ གི་ བྱེད་ ཐབས་ ནི་ རང་ སྲེག་ མཁན་ གྱི་ མཁྲིས་ སུ་ ཡོད་ པའི་ མི་ ལ་ཁ་ གྲགས་ སུ་ འཇུག་ པ་ དང་ ། ཡང་ ན ་བཙོན་ འཇུག་ བྱེད་ པ། ཁྲིམས་ ཐག་ གཅོད་ པ། ཐ་ ན་ སྲོག་ ཁྲིམས་ ཀྱང་ གཅོད་ ཀྱི་ ཡོད་ པ་ དེ་ རེད། དེ་ ནི་ འཇིགས་ སུ་ རུང་ བའི་ མི་ ཡུལ་ གྱི་ གོད་ ཆག་ གི་ སྒང་ ལ་ གོད་ ཆག་ འཕར་ མ་ ཞིག་ ཀྱང་ རེད།
རྒྱ་ གཞུང་ གིས་ སྨྱུག་ ཐོགས་ པ་ བེད་ སྤྱོད་ བཏང་ སྟེ་བོད་ མིས་ རང་ སྲེག་ གི་ རྒྱུ་ རྐྱེན་ ལ་ ཞིབ་ འཇུག་ བྱེད་ པའི་ སྐབས་ སུ། ཁོ་ ཚོས་ རྨོངས་ འཆར་ གྱི་ སྒོ་ ནས་ འདི་ ལྟར་ རྗོད་ ཀྱི་ འདུག
བོད་ མི འི་ རེ་ འདུན་ ཉག་ ཅིག་ ནི་ “ དཔལ་ འབྱོར་ གྱི་ མཐུན་ འགྱུར་ རོགས་ རམ ” གནང་ དགོས་ པ་ དེ་ ཡིན ་ ཟེར། ཐ་ ན་ དཔེ་ མཚོན་ ཅན་ གྱི་ དཔ ལ་ འབྱོར་ རིག་ པའི་ མི་ སྣས་ ཀྱང་ དེ་ ལྟར་ བཤད་ ན། འདི་ ངོ་ མ་ སེམས་ ནས་ བཟོད་ ཐབས་ མེད་ པ་ ཞིག་ རེད། ད་ དུང་ རྨོངས་ གཏམ་ གཞན་ ཞིག་ ནི་ “ བོད་ ཤར་ ཕྱོགས་ ས་ ཁུལ་ ནི་ ལྟོས་ བཅས་ ཀྱིས་ སྲིད་ ཇུས་ གུ་ ཡངས་ ཡོད་ པ་ དང་ ། ཆོས་ ཕྱོགས་ ལ་ ཡང་ ཡར་ རྒྱས་ ཀྱི་ རྣམ་ པ་ བྱུང་ ཡོད ”ཅེས་ རྗོད་ ཀྱིན་ ཡོད། ད་ དུང་ །
“ བོད་ ཤར་ ཕྱོགས་ སུ་བོད་ ལྗོངས་ ལས་ ཆོས་ ལུགས་ རང་ དབང་ ཆེས་ ཆེར་ ལོངས་ སུ་ སྤྱོིད་ ཀྱི་ ཡོད་ པ་ དང་ ། དེ་ དང་ འབྲེལ་ བའི་ གྲུབ་ འབྲས་ ཀྱང་ ཐོན་ ཡོད་ ” ཅེས་ རྗོད་ ཀྱི་ འདུག བོད་ ཤར་ ཕྱོགས་ ས་ ཁུལ་ ཡིན་ ན་ ཡང་ རེད། བོད་ ལྗོངས་ ཀྱི་ ས་ ཁུལ་ ཡིན་ ན་ ཡང་ རེད། གང་ ལྟར་ དེ་ ན་ སྨྲ་ བརྗོད་ རང་ དབང་ ཙམ་ ཡང་ མེད་ སྟབས།
ཆོས་ ལུགས་ རང་ དབང་ གི་ གུ་ ཡངས་ སྲིད་ ཇུས་ ཤིག་ གང་ ན་ ཡོད། ད་ དུང ་། “ ཏཱ་ལའི་ བླ་ མ་ ཕྱིར་ ཕེབས་ འདུག ” ཅེས་ བའི་ དཀྲོགས་ གཏམ་ ལ་ བརྟེན་ ནས། མི་ མང་ པོ་ ཞིག་ གིས་ རང་ ཉིད་ ལ་ མ་ འོངས་ བའི་ ལམ་ ཁ་ ཞིག་ བཞག་ འདུག དེ་ བས། དཀྲོགས་ གཏམ་ ཞིག་ གིས་ མི་ མང་ པོ་ ཞིག་ ལ་ ཤན་ ཤུགས་ཐེབས་ ཏེ་ དོན་ དག་ དེ་ འདྲའི་ ཆེན་ པོ་ ཞིག་ འཁྱོང ས་ ཐུབ་ ཀྱི་ ཡོད་ ན། རྒྱ་ གཞུང་ གིས་ སྒྲོག་ གིན་ པའི་ ”ཏཱ་ ལའི་ བླ་ མས་ མི་ ཉུང་ ཤས་ ཤིག་ ཚབ་ མཚོན་ མ་ གཏོགས་ བྱེད་ མི་ ཐུབ་ ”ཅེས་ པ་ དེ་ ནི་ རྫུན་ གཏམ་ ཆེན་ པོ་ ཞིག་ མ་ ཡིན་ ནམ།
རྒྱ་ གཞུང་ གི་ མགོ་ ཁྲིད་ ཚོ་དང་ སྨྱུག་ ཐོགས་ པ་ ཚོ་ ཕན་ ཚུན་ ལ་ གོ་ ལོག་ ཐེབས་ ཏེ། བྱ་ ངན་ སྤྱོད་ ངན་ དེ་ མུ་ མཐུད་ ནས་ རྒྱུན་ འབྱམས་ བྱེད་ ཀྱི ན་ འདུག ཚང་ མས་ བསམ་ གཞིགས་ ཀྱི་ ཁ་ ཕྱོགས་ ནི་ གཅིག་ ཁོ་ ན་ ལ་ འཁོར་ ཏེ་ ཕྱོགས་ སུ་ ལྷུང་ ཡོད།
དེ་ ནི་ མཁྲེགས་ འཛིན། མཁྲེགས་ འཛིན། དེ་ ལས་ མཁྲེགས་ འཛིན། ཁ་ གཏད་ རྣམས་ ནི་ ཁྲག་ སྦྱོར། ཁྲག་ སྦྱོར། དེ་ ལས་ ཁྲག་ སྦྱོར། ཕྱི་ ལོག ས་ ཀྱི་བརྒྱུད་ ལམ་ ཁག་ ན་ རྒྱ་ གཞུང་ གིས་ མཚོ་ སྔོན་ ཕྱོགས་ ལ་ ཅུང་ གུ་ ཡངས་ བྱས་ ཏེ། ཏཱ་ ལའི་ བླ་ མའི་ སྐུ་ པར་ སྒྲིག་ བཤོམ་ བྱེད་ ཆོག་ གི་ འདུག་ ཅེས་ བསྒྲགས་ པའི་ སྐབས་ སུ་ ཡང་ ། རྒྱ་ གཞུང་ གི་ མགོ་ ཁྲིད་ ཚོས་འཕྲལ་ དུ་ དེ་ ལྟར་ ཡིན་ པའི་ ངོས་ ལེན་ བྱས་ མི་ འདུག
བལྟས་ ཡོང་ ན། རྒྱ་ གཞུང་ གི་མི ས་ གདུག་ ཅན་ བྱེད་ ན་ འདོད་ པ་ ལས། མི་ བཟང་ པོ་ ཞིག་ བྱེད་ འདོད་ཁྱོན་ ནས་ ཡོད་ ས་ མ་ རེད། རྒྱ་ གཞུང་ གི་ སྲིད་ གྲོས་ ཀྲོའུ་ ཞི་ ཡིས་ ཁ་ གསལ་ མངོན་ གསལ་ གྱི་ ངང་ ནས་ “ ངེས་ པར་ དུ་ ཏཱ་ ལའི་ རུ་ ཚོགས་ ལ་ རྒོལ་ བའི་ དར་ ཆ་ མཐོན་ པོར་བསྒྲེང་ དགོས་ ” ཞེས་ བསྒྲགས་ འདུག སྲིད་ གྲོས་ ཀྱི་ དགོངས་ དོན་ དང་ ཆབ་ སྲིད་ ཀྱི་ གྲོས་ ཆོད། དེ་ ནས། སྲིད་ གྲོས་ ཀྱི་ ཀྲོའུ་ ཞི་ ཞིག་ ཡིན་ པའི་ ཆ་ ནས། མི་ རིགས་ མཐུན་ སྒྲིལ་ གྱི་ འོས་ འགན་ དེ་ ཕྲག་ ཏུ་ ལེན་ འོས་ བ་ ཞིག་ ཡིན་ ཡང་ ། བོད་ མི་ ཚོ་ མི་ རིགས་ ཁ་ བྲལ་ གཏོང་ མཁན་ གྱི་ ཉེས་ ཅན་ ཞིག་ ཏུ་ བལྟས་ ཏེ། མགོ་ མཇུག་ ལྡོག་ པའི་ ལས་ ཀ་ འབའ་ ཞིག་ བྱེད་ ཀྱི ན་ ཡོད །
རྒྱ་ གཞུང་ གི་ སྒྱུག་ ཐོགས་ པ་ དག་ གིས་ བོད་ མི་ ལ་ འདི་ ལྟར་ ཁྱད་ གསོད་ བྱེད་ ཀྱི་ འདུག
“རང ་སྲེག་ བྱེད་ པ་ ནི་ ཁ་ ཆེ་ བ་ ཚོའི་ སྤྱོད་ སྟངས་ ཏེ། འགད་ རྫས་ དང་ མཉམ་ དུ་ བཀད་ པ་ དང་གཅིག་ པ་ རེད ” ཅེས་ རྗོད་ ཀྱི་ འདུག དེ་ ན་ རྒྱ་ གཞུང་ གིས་ དོན་ དམ་ གྱིས་ ཅི་ ཞིག་ ལ་ རེ་ ལྟོས་ བྱས་ཡོད་ དམ། ང་ ཚོས་ ཁ་ ཕྱིར་ འཁོར་ ནས་ བསམ་ གཞིགས་ ཤིག་ བྱེད། གལ་ ཏེ། བོད་ མི་ ༡༠༢
པོ་ འདི་ རང་ སྲེག་ མ་ བྱས་ པར་ རྒྱ་ གཞུང་ ལ་ དྲག་ པོས་ རྒོལ་ འཛིང་ བྱས་ ཡོད་ ན། རྒྱ་ གཞུང་ གི་ དམག་ མི་ ཚོ འི་ མེ་ མདའི་ ཁ་ ནས་ དམར་ གསོད་ བཏང་ ཡོད་ ལ་ རྒྱ་ གཞུང་ སྔར་ བཞིན་སྐྱིད་ སྣང་ གིས་ འདུག་ རྒྱུ་ རེད། འོན་ ཀྱང་ ལག་ དམར་ གྱི་ མིང་ བྱང་ བཞག་ པ་ དང་ ལོ་ རྒྱུས་ ལ་ བསྐྱར་ དུ་ ཁྲག་ ལན་ ཞིག་ གི་ ཁ་ གྲངས་ མང་ དུ་ བཏང་ བ་ རེད།
གལ་ ཏེ ་བོད་ མི་ ༡༠༢
པོ་ འདི་ རང་ སྲེག་ མ་ བྱས་ པར་ ལུས་ ཐོག་ ལ་ འ གད་ རྫས་ བཏགས་ ཏེ་རྒྱ་ གཞུང་ ལ་ དྲག་ རྒོལ་ གྱིས་རྒྱ་ དམག་ དང་ མཉམ་ ཤི་ བརྒྱབ་ ཡོད་ ཚེ། རྒྱ་ གཞུང་ གིས་ དེ་ ལ་ བརྟེན་ ནས་ ཁོ་ ཚོ་ ལ་ གདོན་ འདྲེས་ ཞེས་ འབོད་ པ་ མ་ ཟད།
“ འཇིགས་ སྐུལ་ རིང་ ལུགས་ པ ”ཞེས་ པའི་ མིང་ བཏགས་ ཏེ་ ཁྱབ་ བསྒྲགས་ བྱེད་ ངེས་ ཡིན། འོན་ ཀྱང་ དེས་རྒྱ་ གཞུང་ ལའང་གྱོང་ གུད་ གང་ འཚམ་ ཞིག་ ཕོག་ ཏུ་ བཅུག་ ཡོད་ ལ།
དེ་ ལ་ བརྟེན་ ཏེ་ སེམས་ ནང་འཇིགས་ སྐྲག་ ཅིག་ ཀྱང་ སློང་ ངེས་ ཡིན་ པ་ སྨྲོས་ མ་ དགོས་ པ་ རེད། གལ་ ཏེ། བོད་ མི་ ༡༠༢
པོ་ འདི་ རང་ སྲེག་ མ་ བྱས་ པར་ ལྐོག་ གསོད་ ཚོགས་ ཆུང་ ཞིག་ བཙུགས་ ཏེ། བཀོད་ པ་ དང་ འཆར་ གཞི་ སྣ་ ཚོགས་ བསྒྲིག ས་ ཏེ་ རྒྱ་ གཞུང་ གི་ མགོ་ ཁྲིད་ཚོ་ ལྐོག་ གསོད་ བྱས་ པ་ ཡིན་ ན། རྒྱ་ གཞུང་ ལ་ མཚོན་ ན། དེ་ དག་ ཡོད་ ཚད་ འཇིགས་ སྣང་ དང་ གནོན་ ཤུགས་ ཆེན་ པོ་ ཁོ་ ན་ རེད །
བོད་ མིས་ རང་ སྲེག་ བྱས་ པ་ དེས་ ཕ་ རོལ་ པ་ཞིག་ ལ་ རྨས་ སྐྱོན་ ཅི་ ཡང་ བཟོས་ མེད། རྒྱ་ གཞུང་ ལ་ མཚོན་ ན། ཕལ་ ཆེར་ ཉེན་ ཁ་ ཆུང་ ཤོས་ ཀྱི་ངོ་ རྒོལ་ ཞིག་ རེད། ཀྲུང་ ནན་ ཧེ་ ལ་ མཚོན་ ན། བོད་ མི་ ཚོས་ རང་ སྲེག་ མ་ བྱ ས་ ན་ བསམ་ བཞིན་ ཡོད་ ཀྱང་ ། བོད་ ཐོག་ འཛིན་ པའི་གདུག་ རྩུབ་ ཅན་ གྱི་ སྲིད་ ཇུས་ དེ ར་ འགྱུར་ བ་ གཏོང་ རྒྱུའི་ རྣམ་ འགྱུར་ ཙམ་ ཡང་ མེད། དེ་ བཞིན་ ཏཱ་ ལའི་ བླ་ མ་ ཕེབས་ ཏེ་རང་ སྲེག་ མཚམས་ འཇོག་ བྱེད་ པར་ རེ་ བ་ བྱེད་ ཀྱི ན་ ཡོད་ ན་ ཡང་ ། ཏཱ་ ལའི་ བླ་ མ་ དང་ མཉམ་ དུ་ གྲོས་ མོལ་ བྱེད་ འདོད་ མེད།
ཀྲུང་ ན ན་ ཧེ་ ཡི་ རེ་ འདུན་ དེ་ ཚོ་ ནི་ དངོས་ ཡོད་ དང་ མཐུན་ པའི་ རེ་ ལྟོས་ ཤིག་མ་ རེད། “ རང་ སྐྱོན་ རང་ སེལ་ ” ཞེས་ བའི་ སྐད་ ཆ་ འདི་ ནི་ ཀྲུང་ ནན་ ཧེ འི་ སྟེང་ ལ་ སྤྱད་ ན་ ཏག་ ཏག་ ཡིན་ པ་ ལས། ཏཱ་ ལའི་ བླ་ མའི་ ཕྱོགས་ སུ་ སྦྱོར་ རྒྱུ་ ཞིག་ མ་ རེད།
བོད་ མི ས་ རང་ སྲེག་ བྱེད་ པའི་ རེ་ འདུན་ གཙོ་ བོ་ གཅིག་ ནི་ “ ཏཱ་ ལའི་ བླ་ མ་ བོད་ ལ་ ཕེབས་ འཇུག་ རྒྱུ་ དེ་ རེད། ” ཡིན་ ན་ ཡང་ ། རྒྱ་ གཞུང་ གི་ མགོ་ ཁྲིད་ ཚོས་ དེ་ ལྟར་ བྱེད་ ཐུབ་ ཀྱི་ མེད་ པ་ མ་ ཟད་ བསམ་ བློ་ ཅི་ ཡང་ མི་ གཏོང་ བར་ ངོ་ རྒོལ་ བྱེད་ རྐྱང་ བྱེད་ ཀྱི ན་ འདུག སྣེ་ མོ་ འདི་ ལ་ བལྟས་ ན། བོད་ མིས་ གཅིག་ རྗེས་ གཉིས་ མཐུད་ དུ་རང་ སྲེག་ བྱེད་ པའི་ རྩ་ བའི་ རྒྱུ་ རྐྱེན་ དེ་ ནི། རྒྱ་ གཞུང་ གི ས་ བོད་ ཐོག་ འཛིན་ པའི་སྲིད་ ཇུས་ དེ་ མཁྲེགས་ འཛིན་ དང་ ཨུ་ ཚུགས། གདུག་ རྩུབ་ བཅས་ ཡིན་ པ ས་རེད། ཏཱ་ ལའི་ བླ་ མ་ ཕྱིར་ རང་ ཡུལ་ དུ་ ལོག་ པར་ བཅུག་ ན། དེ་ ནི་ ཕྱོགས་ གཉིས་ ཀར་ ཁེ་ ཕན་ཡོད་ པའི་ བྱེད་ ཐབས་ ཤིག་ ཡིན་ ཡང་ ། ཀྲུང་ ནན་ ཧེ་ ཡིས་ ཕྱོགས་ གཉིས་ ཀར་རྨ་ ཁ་ བཟོ་ ན་ འདོད་ ཀྱི་ ཡོད་ པ་ རེད། ཡང་ ན། ཀྲུང་ ནན་ ཧེ་ ཡི་ བསམ་ པར ་རང་ ཕྱོགས་ ནས་ ཕར་ ལ་ རྨས་ སྐྱོན་ བཟོ་ ཐུབ་ ཀྱང་ ། བོད་ ཕྱོགས་ ནས་ ཚུར་ རྨས་ སྐྱོན་ བཟོ་ མི་ ནུས་ འདོད་ ཀྱི་ ཡོད། འོན་ ཀྱང་ མ་ འོངས་ བའི་ ལོ་ རྒྱུས་ ཀྱི་ ཆུ་ བོའི་ གཞུང་ ནས་ བོད་ མི་ རིགས་ ཡུན་ རིང་ དུ་ གནས་ ཐུབ་ བམ། ཡང་ ན་ རྒྱ་ གཞུང་ ཡུན་ རིང་ དུ་ གནས་ ཐུབ་ བམ།
རྒྱ་ གཞུང་ གི་ མགོ་ ཁྲིད་ཚོ་ ནི་ ཕན་ སེམས་ ཅན་ ཞིག་ ཡིན་ པར་ རེ་ ལྟོས་ མི་ བྱེད། ཡིད་ ཕངས་ པ་ ཞིག་ ལ་ ཐ་ ན་ ཁོ་ ཚོ་ བློ་ རིག་ འཛོམས་ པོ་ རྐྱང་ རྐྱང ་ཡང་ མ་ རེད། ཆེས་ དམའ་ ས་ ནས་ བཤད་ ན་ ཡང་ བོད་ རྒྱའི་ འབྲེལ་ བ་ ནི་ ལོ་ རྒྱུས་ ལ་ ངོས་ འཛིན་ གྱི ས་ མ་ འདང་ བ་ ཞིག་ རེད། དེ་ ནི་ རྒྱ་ གཞུང་ གི་ དཔོན་ པོ་ ཚོར་ བློ་ རིག་ དབེན་ པའི་ རྟགས་ མཚན་ ཞིག་ ཀྱང་ རེད། ཀྲུང་ ནན་ ཧེ་ ཡིས་ རྟག་ པར་ “ ཆབ་ སྲིད་ ལྷན་ ཚོགས་ ཀྱི་ སྦྱོང་ བརྡར ” ཅེས་ པ་ ཞིག་ གོ་སྒྲིག་ བྱེད་ ཀྱི ན་ འདུག་ མོད། དེ་ ལས་ དུས་ ཚོད་ ཅིག་ བཏོན་ ཏེ་ བོད་ ཀྱི་ ལོ་ རྒྱུས་ ལ་ སློབ་ སྦྱོང་ བྱེད་ པ་ དང་ ། བོད་ རྒྱ་ གཉིས་ ཀྱི་ མགོ་ ཁུངས་ སྔ་ གཞུག་ གི་ གནས་ ཚུལ་ དག་ ལ་ རྒྱུས་ ལོན་ ཞིག་ བྱ ས་ ན་ ཅི ས་ མི་ ཆོག དེ་ ནི།
ལོ་ རྒྱུས་ དང་ ཆོས་ ལུགས་ ཀྱི་ རྒྱུན་ ཤེས་ རྣམས་ རང་ རྒྱུད་ ལ་ ངེས་ པར་ བྱེད་ པ་ དེ་ ནི་ དབང་ བསྒྱུར་ པ་ ཞིག་ གི་ ཆེས་ མ་ མཐའི་ ཤེས་ བྱའི་ སྒྲིག་ གཞི འི་ ཚད་ ཐིག་ དེ་ རེད།
མ་ རྩོམ་ གྱི་ འབྲེལ་ ཐ ག http://www.rfa.org/mandarin/pinglun/chenpokong/cpk-07162013121101.html
དྲ་འདྲེ།
ཕྱི་ཟླ་༧ པའི་ཚེས་༡༦ ཉིན། རྒྱ་ནག་འཐབ་ཕྱོགས་གཅིག་གྱུར་ལས་ཁུངས་ཀྱི་བློན་ཆེན་གཞོན་པ་ཟུར་པ་དང་རྒྱལ་ ཡོངས་སྲིད་གྲོས་ཀྱི་མི་རིགས་དང་ཆོས་ལུགས་ལྷན་ཁང་གི་འགན་འཛིན་ཀྲུའུ་ཝན་ཆོན་
གྱིས་རྒྱ་ནག་<<གོ་ལའི་དུས་བབ་>>སྟེང་“དབུ་མའི་ལམ་ནི་རང་བཙན་ གྱི་གོམ་ཁ་གཉིས་པ་རེད་”ཅེས་པའི་རྩོམ་ཡིག་ཅིག་སྤེལ་ཡོད་པ་དང་།
རྩོམ་ཡིག་འགོ་བཙུགས་དུས་དེ་ནས་“རྒན་ཡོལ་བྱས་ནས་ལོ་ཤས་སོང་བའི་ཏཱ་ལའི་བླ་མས་ ཨོ་སི་ཁྲུ་ལི་ཡར་དད་ལྡན་མང་ཚོགས་རྣམས་ལ། བོད་ཕྱི་ནང་གཉིས་ཀྱི་དབུ་ཁྲིད་དངོས་གནས་དེ་ཁོང་ཉིད་ཡིན་པའི་ཁྱབ་བསྒྲགས་བྱས་
ཡོད་ཅིང་། ཁོང་གིས་བཏོན་པའི་དབུ་མའི་ལམ་ནི་བོད་དོན་ཐག་གཅོད་བྱེད་པའི་ཐབས་ཡག་ཤོས་དེ་ རེད་ཅེས་”གཏམ་མགོ་རྔ་མེད་པ་ཅིག་གིས་རྩོམ་ཡིག་འགོ་བཙུགས་འདུག
༧གོང་ས་མཆོག་གིས་ཨོ་སི་ཁྲུ་ལི་ཡར་བོད་མི་དང་ཧི་མ་ལ་ཡིའི་དད་ལྡན་མང་ཚོགས་ རྣམས་ལ་བཀའ་སློབ་གནང་སྐབས། བོད་ཕྱི་ནང་གཉིས་ཀྱི་བོད་མི་ཚོའི་ཡིད་ཆེས་བློ་འགེལ་དང་དད་པ་བྱས་ས་གཙོ་བོ་
དེ་ཁོང་ཉིད་ཡིན་པར་གསུངས་པ་ལས། བོད་ཕྱི་ནང་གཉིས་ཀྱི་ཆབ་སྲིད་ཀྱི་དབུ་ཁྲིད་དེ་ཁོང་ཉིད་ཡིན་པར་གསུངས་མེད་པ་ མ་ཟད། སྐབས་དེར་བཙན་བྱོལ་བོད་མིའི་ཆབ་སྲིད་ཀྱི་དབུ་ཁྲིད་ཀྱིས་བོད་ནང་གི་བོད་མིའི་
ཚོའི་ཚབ་མཚོན་ཐབས་མེད་པར་ཡང་གསུངས་ཡོད། མཚོན་ཡུ་མེད་གཡུགས་ནས་ཆོད་ལུགས་མེད། གཏམ་ཁུངས་མེད་བཤད་ནས་བདེན་ལུགས་མེད་ཅེས་པ་ལྟར་འཆལ་གཏམ་ཞིག་གིས་རྩོམ་གྱི་ མདུན་བསུས་པ་ནི་དགོད་བྲོ་བ་ཞིག་རེད།
ཁོང་གིས་རྩོམ་ཡིག་ནང་འཁོད་དོན། “ཁྱད་མཚར་བའི་ངང་ཚུལ་ཞིག་ནི། “དབུ་མའི་ལམ་”ལ་རྒྱབ་སྐྱོར་བྱེད་མཁན་ཐམས་ཅད་ཀྱིས་དབུ་མའི་ལམ་གྱི་ཞིབ་ཕྲའི་ ནང་དོན་བཤད་ཀྱི་མེད། དེའི་རྒྱུ་མཚན་ཅི་ཡིན་ཞེ་ན།
དབུ་མའི་ལམ་གྱི་འགྲེལ་བཤད་ཅུང་ཞིབ་ཕྲ་རུ་བཏང་ན་རང་བཙན་གྱི་རྣམ་འགྱུར་མངོན་ འོང་“ཟེར། བོད་ཀྱི་གཏམ་དཔེར། བོད་རེ་བས་ཕུང་། རྒྱ་དོགས་པས་ཕུང་ཟེར་བ་ཅིས་མ་བདེན།
ཀྲུའུ་ཝེ་ཆོན་དོགས་པ་ཟ་སྟངས་ཀྱི་ངང་ཚུལ་འདི་དངོས་གནས་ཁྱད་མཚར་བ་ཞིག་རེད། རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་སྒྲོམ་གཞིའི་ནང་དུ་བོད་ཆོལ་
གསུམ་གཅིག་ཏུ་སྒྲིལ་བའི་རང་སྲིད་རང་སྐྱོང་གི་གནས་བབས་ཐོབ་ཐབས་དེ་ནི་དབུ་ མའི་ལམ་གྱི་དགོངས་དོན་གཙོ་བོ་ཡིན་པ་ཀུན་གྱིས་ཤེས་གསལ་རེད་ལ། བོད་མའི་ལམ་གྱི་བྱུང་རིམ་དང་དེའི་ངོ་སྤྲོད།
ཞི་བདེའི་སྔོན་འགྲོའི་དོན་ཚན་ལྔ་དང་སི་ཊས་སི་སྦག་གི་གསུང་བཤད། དབུ་མའི་ལམ་གྱི་གྲོས་འཆར། དབུ་མའི་ལམ་གྱི་དགོངས་དོན་དང་བྱུང་རབས།
དེ་བཞིན་“བོད་རིགས་ཡོངས་ལ་རང་སྲིད་རང་སྐྱོང་ཡོང་ཐབས་ཀྱི་བསམ་འཆར་ཡིག་ཆ”་ སོགས་ཞིབ་ཅིང་ཕྲ་བ་བོད་རྒྱ་དབྱིན་གསུམ་གྱི་ཡིག་ཐོག་ཏུ་འཁོད་དེ་ཡོངས་གྲགས་ སུ་ཀུན་གྱིས་ལྟ་ཆོག་ཆོག་ཡིན་པ་མ་ཟད།
དེ་ལ་སྦས་སྐུང་བྱས་དགོས་པའི་རྒྱུ་མཚན་ཅི་ཡང་མེད་པ་ཞིག་ལ་དོགས་སློང་བྱས་པ་ ནི་ཁྱད་མཚར་བ་ཞིག་རེད།
ཁོང་གིས་“ཏཱ་ལའི་རུ་ཚོགས་ལ་རྒྱུས་མངའ་ཡོད་མཁན་ཞིག་ཡིན་ན། དབུ་མའི་ལམ་ནི་ཕྱི་ལོ་༡༩༨༧ ལོར་ཨ་རིའི་གྲོས་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཐོག་འདོན་པའི་ཞི་ བདེའི་གྲོས་འཆར་ལྔ་དང་། ཕྱི་ལོ་༡༩༨༨
ལོར་སི་ཊས་སྦག་ཏུ་ཡུ་རོབ་གྲོས་ཚོགས་ཐོག་བཏོན་པའི་གྲོས་འཆར་དོན་ཚན་བདུན་རྨང་ གཞིའི་འོག་གྲུབ་པ་ཞིག་རེད་ལ། དབུ་མའི་ལམ་གྱི་རྒྱབ་ལྗོངས་ནི།
རྒྱ་ནག་གི་བཅོས་བསྒྱུར་སྒོ་འབྱེད་ཉིན་རེར་བཞིན་དར་ཞིང་རྒྱས་པ་དང་། ཏཱ་ལའི་རུ་ཚོགས་ཀྱི་དྲག་ཆས་གཏོར་རྒོལ་ཐེངས་མང་ཕམ་པར་བརྟེན། ཏཱ་ལའི་རུ་ཚོགས་ནང་ཁུལ་དུ་རྩོད་རྙོག་རྒྱུན་ཆད་མེད་པར་བྱུང་ཡོད།
ལྷག་པར་དུ་ཨ་རིས་རྒྱ་ནག་དང་འབྲེལ་ལམ་ལེགས་བཅོས་ཀྱི་ཆེད་དུ། ཨ་རིའི་གསང་བའི་ལས་ཁུངས་(CIA)ཀྱིས་དཔལ་འབྱོར་དང་དམག་ཤུགས་ཀྱི་རོགས་སྐྱོར་ མཚམས་འཇོག་བྱས་པ་སོགས་ལ་བརྟེན་ནས།
ཡོངས་གྲགས་ཀྱིས་བོད་རང་བཙན་རྩོད་ཐབས་མེད་པར་གྱུར་པ་དང་། ད་གཟོད་དབུ་མའི་ཞེས་པ་འདི་བྱུང་བ་རེད་”ཟེར།
ཕྱི་ལོ་༡༩༥༡ ལོར་རྒྱ་ནག་མི་མང་སྤྱི་མཐུན་རྒྱལ་ཁབ་དང་བོད་སྡེ་པ་གཞུང་བར་བཞག་པའི་དོན་ཚན་ ༡༧ ཅན་གྱི་གྲོས་མཐུན་དེ་གཉིས་མོས་དང་འདྲ་མཉམ་འོག་བཞག་པ་ཞིག་མིན་ཡང་།
བོད་རྒྱ་མི་རིགས་གཉིས་ཕན་གྱི་ཆེད་དུ་ཐབས་ཤེས་རྩལ་སྤྲུགས་གནང་ཏེ་ཕྱི་ལོ་༡༩༥༩ ལོའི་བར་དུ་བཀའ་ཤག་གིས་རྒྱ་གཞུང་དང་གྲོས་མོལ་བྱས་ཏེ་འགྲིག་ཆགས་ཡོང་ཐབས་བྱས་ པ་དང་། གྲོས་མཐུན་དོན་ཚན་༡༧
གྱི་འབྲུ་དོན་གཞིར་བཟུང་ན་དབུ་མའི་ལམ་དང་ཕལ་ཆེར་མཚུངས་པ་ཞིག་ཡིན་ཡང་། ཕྱི་ལོ་༡༩༥༩ ལོའི་ཕྱི་ཟླ་༣ པའི་ནང་དུ་ལྷ་སར་རྒྱ་ནག་མི་མང་བཅིངས་གྲོལ་དམག་གིས་དྲག་གནོན་ཚད་མེད་བྱས་ སྟབས།
༧གོང་ས་མཆོག་གཙོས་པའི་བཀའ་ཤག་སྲིད་གཞུང་གི་མཛད་གཙོ་རྣམ་པ་རྒྱ་གར་དུ་བཙན་ བྱོལ་ལ་མ་ཕེབས་ཐབས་མེད་བྱུང་།
རང་དབང་ལུང་པའི་ནང་དུ་འབྱོར་མ་ཐག་༧གོང་ས་མཆོག་གིས་གྲོས་མཐུན་དོན་ཚན་༡༧ ནི་བཙན་འོག་ཏུ་བཞག་པ་དང་། རྒྱ་གཞུང་གིས་འབྲུ་དོན་ཁག་བརྡར་གཤིག་བཏང་བའི་རྒྱུ་མཚན་གཉིས་ལ་བརྟེན་ནས་
རྩིས་མེད་བཏང་ཏེ་བོད་རང་བཙན་སླར་གསོའི་གསལ་བསྒྲགས་བསྐྱངས། ཕྱི་ལོ་༡༩༧༩ ལོར་རྒྱ་ནག་གི་དབུ་ཁྲིད་ཏིང་ཞའོ་ཕིང་གིས་“བོད་རང་བཙན་ཕུད་པའི་གཞན་གནད་དོན་
ཅི་ཞིག་ཡིན་ཡང་གྲོས་མོལ་གྱི་ལམ་ནས་ཐག་གཅོད་བྱེད་ཆོག་”ཞེས་གྲོས་འགོ་བཏོན་ སྐབས། ༧གོང་ས་མཆོག་གིས་རྒྱལ་སྤྱིའི་འགྱུར་འགྲོས་དང་གནས་བབས་ཡོངས་ལ་གཟིགས་ཏེ་བོད་
མི་མང་སྤྱི་འཐུས་དང་བཀའ་ཤག་སོགས་གནད་ཡོད་ཐམས་ཅད་དང་གྲོས་བསྡུར་གྱི་ལམ་ནས་ བོད་རྒྱ་གཉིས་ཕན་གྱི་དབུ་མའི་ལམ་གཏན་ལ་ཕབ་སྟེ། ཕྱི་ལོ་༡༩༨༩ ལོའི་ཟླ་༦ པའི་ཚེས་༡༥
ཉིན་སི་ཊས་སི་སྦག་ཏུ་ཡུ་རོབ་གྲོས་ཚོགས་སུ་གསལ་བསྒྲགས་བསྐྱངས།
དེ་ལྟར་དབུ་མའི་ལམ་གྱི་རྒྱབ་ལྗོངས་ཅུང་ཟད་བཤད་དོན་ཡང་ཀྲུའུ་ཝན་ཆོན་གྱིས་ བརྗོད་པ་ལྟར་རྒྱ་ནག་དང་རྒྱལ་སྤྱིས་གནོན་ཤུགས་ལ་བརྟེན་ནས།
བོད་རང་བཙན་དོར་ནས་དབུ་མའི་ལམ་དུ་མ་བསྐྱོད་ཐབས་མེད་ཆགས་པ་ཞིག་གཏན་ནས་མིན་ པར། ཉིན་རེར་བཞིན་ཉམས་དམས་སུ་འགྲོ་བཞིན་པའི་བོད་ཀྱི་ཆོས་རིག་སྲུང་སྐྱོབ་དང་། རྒྱ་ནག་ངོས་ནས་བཤད་ནའང་།
ས་ཆའི་བདག་དབང་གི་རྩོད་རྙོག་མེད་པར་མངའ་ཁོངས་གཅིག་གྱུར་གྱི་དགེ་ཕན་ཡོངས་སུ་ ཚང་བ། དེ་བཞིན་ཁྱིམ་མཚེས་རྒྱལ་ཁབ་ཁག་ལའང་ས་མཚམས་ཞི་བདེ་ལྷིང་འཇགས་ཡོང་བའི་ཕྱོགས་
ཡོངས་ཀྱི་དགེ་མཚན་ལ་གཞིགས་ཏེ་ད་གཟོད་གཏན་ལ་ཕབ་པ་ནི་དབུ་མའི་ལམ་གྱི་རྒྱབ་ ལྗོངས་དངོས་རེད།
ཀྲུའུ་ཝན་ཆོན་གྱིས་རྩོམ་ཡིག་ནང་མུ་མཐུད་དུ་འཁོད་དོན།་“གོང་གི་“ཞི་བའི་ གྲོས་འཆར་ལྔ་”དང་སི་ཊས་སི་སྦག་“གྲོས་འཆར་དོན་ཚན་བདུན་”གཉིས་མཉམ་དུ་བསྡོམས་ ན་དབུ་མའི་ལམ་ལ་ཆ་རྐྱེན་ལྔ་ཡོད། གཅིག
བོད་དེ་ལོ་རྒྱུས་ཐོག་ནས་རྒྱ་ནག་དང་ཁ་འབྲལ་ཐབས་མེད་པའི་ཆ་ཤས་ཤིག་ཡིན་པ་ཁས་ ལེན་མི་བྱས་པར། རྒྱ་ནག་གིས་དབང་བསྒྱུར་བྱས་པའི་རྒྱལ་ཁབ་ཅིག་ཏུ་ངོས་འཛིན་བྱས་པ་དང་།
དེ་ནི་མ་འོངས་པར་གོ་སྐབས་རག་ཚེ་བོད་རང་བཙན་སླར་གསོ་བྱེད་པའི་ལོ་རྒྱུས་དང་ ཁྲིམས་ལུགས་ཀྱི་གཞི་འཛིན་ས་རེད།
གཉིས། ལོ་རྒྱུས་ཐོག་ཏུ་བོད་ཆེན་པོ་ཟེར་བ་ཞིག་ཡོད་པར་རྩར་ནས་ཁས་ལེན་མི་བྱས་པར། རྒྱ་ནག་གི་བོད་ལྗོངས་དང་མཚོ་སྔོན། སི་ཁྲོན་གྱི་རང་སྐྱོང་ཁུལ་གཉིས།
ཀན་སུའུ་དང་ཡུའུ་ནེ་གཉིས་ཀྱི་རང་སྐྱོང་ཁུལ་རེ་རེ་བཅས་ཡོངས་རྫོགས་ཏཱ་ལའི་བླ་ མས་དབང་བསྒྱུར་བྱེད་འཆར་དེ་རེད།
གསུམ། བོད་ཆེན་པོ་ལ་ཆེས་མཐོའི་རང་སྲིད་རང་སྐྱོང་གི་དགོས་འདུན་བཏོན་སྟེ། ཕྱི་འབྲེལ་ཕུད་པའི་ཆབ་སྲིད་དང་དཔལ་འབྱོར། རིག་གནས། མི་འབོར། སློབ་གསོ། སྐད་ཡིག ཁོར་ཡུག་སྲུང་སྐྱོབ།
ཆོས་ལུགས་སོགས་ཆ་ཚང་ཏཱ་ལའི་བླ་མས་སྟངས་འཛིན་བྱེད་དགོས་པ།
བཞི། རྒྱ་ནག་དབུས་གཞུང་གིས་བོད་ཆེན་པོ་ནས་བཅིངས་བཀྲོལ་དམག་ཡོངས་རྫོགས་ཕྱིར་འཐེན་ བྱས་ཏེ། བོད་དེ་དམག་ཤུགས་མེད་པའི་ཞི་བདེའི་ས་ཁུལ་ཞིག་ཏུ་བསྒྱུར་དགོས་པ།
ལྔ། བོད་དུ་གནས་སྤོས་བྱས་པའི་རྒྱ་རིགས་ཡོངས་རྫོགས་རྒྱ་ནག་ཏུ་ཕྱིར་ལོག་བྱེད་དགོས་པ་”བཅས་ལྔ་རེད།
ཁོང་གིས་ཉ་དང་ཉུང་མ་མཉམ་དུ་བསྲེས་ནས་དབུ་མའི་ལམ་གྱི་ཁྱད་ཆོས་ལྔ་བགྲངས་ ཏེ་དབུ་མའི་ལམ་གྱི་ཕུགས་འདུན་རང་བཙན་ཡིན་པར་བཤད་པ་ནི་རྒྱུ་མཚན་མེད་པ་ཞིག་ རེད།
གཅིག བོད་དེ་ལོ་རྒྱུས་ཐོག་རང་བཙན་གྱི་རྒྱལ་ཁབ་ཅིག་ཡིན་པ་ནི་རི་རབ་ལྟར་སྤུངས་པའི་ རྒྱ་བོད་ཡིག་རིགས་ཀྱི་ལོ་རྒྱུས་ཡིག་ཚགས་ཀྱིས་བདེན་དཔང་བྱས་ཐུབ་པ་རྩོད་མེད་ ཡོངས་གྲགས་ཡིན་ཡང་།
འདས་པའི་ལོ་རྒྱུས་ཀྱི་གནས་བབས་ལ་རྩོད་གླེང་མི་བྱེད་པ་ནི་དབུ་མའི་ལམ་གྱི་ གྲུབ་ཆ་གཙོ་བོ་གཅིག་ཡིན་པས་ལོ་རྒྱུས་གླེང་དགོས་པའི་རྒྱུ་མཚན་མེད།
གཉིས། བོད་ཆེན་པོ་ཞེས་པའི་ཐ་སྙད་ཀྱི་འབྱུང་ཁུངས་ལ་གཞིགས་ཏེ་ཅུང་ཟད་འགྲེལ་བ་ཡིན་ན། དེའི་གོ་དོན་ནི་ས་ཁྱོན་ཆེ་ཆུང་དང་སྲིད་དབང་གི་མངའ་ཁོངས་སོགས་གཏན་ནས་མིན་པར།
སྔ་མོ་རྒྱ་གར་བས་བོད་ལ་བྷོ་ཊ་དང་མ་ཧ་བྷོ་ཊ་ཞེས་འབོད་པ་བོད་དང་བོད་ཆེན་པོའི་ དོན་ཡིན་ཡང་། དེ་ནི་རྒྱ་གར་དང་ཅུང་ཐག་ཉེ་བའི་བོད་ཀྱི་ས་ཁུལ་ལ་བྷོ་ཏ་(Bhota)
དང་རྒྱ་གར་རྒྱང་ཐག་རིང་བའི་བོད་ལ་མ་ཧ་བྷོ་ཊ་((Mahābhota)ཞེས་འབོད་པ་ནི་ས་ ཐག་རིང་ཐུང་གི་དོན་ཡིན། དེ་བཞིན་དུས་རབས་བདུན་པ་དང་བརྒྱད་པའི་སྐབས་སུ་ཐང་རྒྱལ་ཁབ་ཆེན་པོ་(大唐)དང་
བྷོད་ཆེན་པོ་(大蕃)ཞེས་རྒྱལ་ཁབ་ཕན་ཚུན་དབར་ཆེ་བསྟོད་དང་གུས་བརྩི་མཚོན་བྱེད་ ཀྱི་རླབས་ཆེན་ཞེས་པའི་དོན་དང་མཚུངས་པ་ལས་ས་ཁྱོན་དང་མངའ་ཁོངས་ཆེ་ཆུང་གི་གོ་ དོན་མིན།
དེ་བཞིན་ད་ལྟའི་བོད་རང་སྐྱོང་ལྗོངས་ཟེར་བ་དང་མཚོ་སྔོན། སི་ཁྲོན། ཀན་སུའུ། ཡུ་ནན་བཅས་ལྗོངས་དང་རང་སྐྱོང་ཁུལ་མང་པོར་བགོས་ཏེ་ཁ་འཐོར་གྱིས་སྟངས་འཛིན་ བྱས་པ་དེས། བོད་ཀྱི་རིག་གནས་དང་ཡུལ་སྲོལ་གོམས་གཤིས།
སྐད་ཡིག མི་རིགས་ངོས་འཛིན་བཅས་རྩ་མེད་དུ་འགྲོ་བའི་གཞི་རྩར་གྱུར་ཡོད་པས་རྒྱ་ནག་གིས་ ད་ལྟའི་བོད་ཀྱི་གནས་བབ་ལ་ངོས་ལེན་མ་བྱས་པ་ནི་དབུ་མའི་ལམ་གྱི་གྲུབ་ཆ་གཙོ་བོ་ གཉིས་པ་དེ་རེད།
གསུམ། ཕྱི་འབྲེལ་ཕུད་པའི་གཞན་ལས་རིགས་ཡོངས་རྫོགས་བོད་མི་རང་ཉིད་ཀྱི་འགན་ཁུར་ནས་ ལས་དོན་བསྒྲུབ་དགོས་རྒྱུ་ནི་དངོས་ཡོད་གནས་ཚུལ་དང་འཚམས་པ་དང་།
ད་ལྟའི་བོད་ཀྱི་ས་ཁུལ་ཁག་གི་ལས་གནས་གལ་ཆེན་ཐམས་ཅད་ཀྱི་དབང་འཛིན་པ་རྒྱ་རིགས་ ཡིན་པ་མ་ཟད། བོད་མི་རྣམས་རང་གི་ས་ཐོག་ཏུ་མི་རིགས་ཕལ་བ་ཞིག་ཆགས་ཡོད་པའི་གནས་སྟངས་འདི་ནི་
དྲག་པོའི་དབང་བསྒྱུར་གྱི་ཉེར་ལེན་ཁོ་ནར་བརྟེན་ནས་བྱུང་བ་ཞིག་ལས། ཀྲུའུ་ཝེ་ཆོན་གྱི་སྐད་ཆ་དེ་ལ་དངོས་ཡོད་གནས་ཚུལ་གྱི་གཞིར་འཛིན་ས་ཅུང་ཟད་ཙམ་ ཡང་མེད།
བཞི། བོད་ནས་དམག་མི་ཡོངས་རྫོགས་ཕྱིར་འཐེན་བྱས་ཏེ་བོད་དེ་དམག་ཤུགས་མེད་པའི་ཞི་ བདེའི་ས་ཁུལ་ཞིག་ཏུ་བསྒྱུར་རྒྱུའི་འཆར་སྣང་ནི། དེང་གི་རྒྱལ་སྤྱིའི་གནབ་བབས་དང་བསྟུན་པའི་ཧ་ཅང་འོས་འཚམས་ཀྱི་འཚེ་མེད་ཞི་
བའི་ཐབས་ལམ་ཞིག་ཡིན་ཞིང་། དེང་གི་འཛམ་གླིང་ཡོངས་ཀྱི་རྒྱལ་ཁབ་ཆེ་ཆུང་ཀུན་ལ་འཕྲད་བཞིན་པའི་རྡུལ་ཕྲན་ གྱི་འཇིགས་སྐུལ་དང་ཁོར་ཡུག་ཉམས་ཆག་གི་དཀའ་ངལ། མཁའ་དབུགས་སྦག་གཙོག་གི་གནད་དོན།
ས་མཚམས་ཀྱི་རྩོད་རྙོག་སོགས་ཐམས་ཅད་དཔལ་འབྱོར་མགྲན་སྡུར་དང་དམག་སྟོབས་ཆེ་ ཆུང་ལ་བརྟེན་ནས་ཡོང་གི་ཡོད་སྟབས། འཚེ་བ་དང་དྲག་པོའི་ལས་དེ་དག་ཡོངས་སུ་བྲལ་བའི་ཞི་བདེའི་ས་ཁུལ་ཞིག་ཏུ་བསྒྱུར་
འཆར་ནི་བོད་དང་རྒྱ་ནག་གཉིས་སྨན་གྱི་ཐབས་མཆོག་ཅིག་མ་ཡིན་ནམ།
ལྔ། ད་ལྟའི་ཆར་བོད་དུ་གནས་སྡོད་བྱེད་བཞིན་པའི་རྒྱ་རིགས་ཀྱི་གྲངས་འབོར་ནི་བོད་ ཀྱི་མི་གྲངས་ལས་བརྒལ་ཡོད་པ་ལྟར། བོད་རང་གི་ས་ཐོག་ཏུ་བོད་རིགས་གྲངས་ཉུང་མི་རིགས་ཆགས་ཡོད་པའི་གནས་སྟངས་འདི་
ནི་བཙན་པོ་དབང་ཡོད་ཀྱི་སྲིད་བྱུས་ཤིག་ཡིན་པ་ལས། འཛམ་གླིང་ཕྱི་ནང་གི་རྒྱལ་ཁབ་དང་མི་རིགས་གང་གི་ལོ་རྒྱུས་དང་ཁྲིམས་ལུགས་ལ་ གཞིར་བཅོལ་ཡང་གནས་ལུགས་དང་རྒྱུ་མཚན་གཏན་ནས་མེད་པ་ཞིག་ཡིན་པ་མ་ཟད།
མི་སེར་སྤེལ་བའི་རྒྱལ་ཁབ་ཀྱི་བྱེད་སྟངས་དང་ཡོངས་སུ་མཚུངས་པ་ཞིག་རེད།
ཀྲུའུ་ཝེ་ཆོན་ནི་བོད་རྒྱ་ཞི་མོལ་སྐབས་༧གོང་ས་མཆོག་གི་དམིགས་བསལ་སྐུ་ཚབ་ དང་ལྷན་དུ་རྒྱ་ནག་ཕྱོགས་ཀྱི་སྐད་ཆ་བཤད་མཁན་གཙོ་བོ་གཅིག་ཡིན་པས་བོད་རྒྱ་ཞི་
མོལ་སྐོར་ནི་ཁོང་གི་རྩོམ་ཡིག་དང་ཁ་བྲལ་ཐབས་མེད་ཅིག་ཆགས་ཡོད། དེ་ཡང་ཁོང་གིས་བརྗོད་རྒྱུར། “ཕྱི་ལོ་༢༠༠༨ ལོའི་ཟླ་༡༡ པའི་གྲོས་མོལ་སྐབས།
ཏཱ་ལའི་བླ་མའི་དམིགས་བསལ་སྐུ་ཚབ་ཀྱིས་རྒྱ་ནག་དབུས་གཞུང་འཐབ་ཕྱོགས་གཅིག་ གྱུར་ལས་ཁུངས་ཀྱི་སྐུ་ཚབ་ལ་<<བོད་རིགས་ཡོངས་ལ་ས་གནས་མི་རིགས་རང་
སྐྱོང་ཡོང་ཐབས་ཀྱི་བསམ་འཆར་ཡིག་ཆ་>>ཞེས་པ་ཞིག་སྤྲད་ཡོད་པ་དང་། དེ་ནི་ཆེས་གསར་ཤོས་ཀྱི་དབུ་མའི་ལམ་ཡིན་པར་བརྗོད། ཡིན་ནའང་བསམ་འཆར་ཡིག་ཆ་དེ་དང་གོང་གི་དབུ་མའི་ལམ་གྱི་ནང་དོན་ལས་འགྱུར་བ་གང་
ཡང་ཕྱིན་མེད་པར། ཡིད་ཆེས་བྱེད་མི་ཐུབ་པའི་ཡི་གེ་ཁ་ཤས་མང་དུ་སོང་ཡོད་པ་ཙམ་རེད་”ཅེས་ཟེར། རྒྱ་ནག་དབུས་གཞུང་གིས་‘‘བསམ་འཆར་’’དེའི་ལན་འདེབས་དང་སྐྱོན་བརྗོད་ནི་ཀྲུའུ་ ཡིས་རྩོམ་ཡིག་ནང་བྲིས་པ་ལྟར་
‘‘བསམ་འཆར་’’གྱི་ཡིག་ཆའི་ནང་དོན་ལ་གཞི་བཅོལ་བ་མ་ཡིན་པར་དུས་སྐབས་གཞན་དང་ གནས་སྟངས་གཞན་གྱི་འོག་མང་ཚོགས་སུ་གནང་བའི་གྲོས་འཆར་དང་གསུང་བཤད་སྔ་མ་རྣམས་ ལ་ཁ་གཡར་ལག་ཕྱིས་བྱས་པ་ཙམ་ཡིན་པ་དང་།
དོན་དུ་ཁོང་གིས་༢༠༠༨ལོའི་“བསམ་འཆར་”ཡིག་ཆའི་ནང་དོན་ཁག་གི་ཞིབ་ཕྲའི་འབྲུ་ དོན་ལ་སྐྱོན་འཛུགས་མ་ནུས་པར། སྔོན་མ་ལས་ཡི་གེ་མང་དུ་སོང་འདུག་ཅེས་པ་ནི་འདྲེ་ཤར་སྒོ་དང་གླུད་ནུབ་སྒོའི་ དཔེ་རུ་སོང་བ་ཞིག་རེད།
ཀྲུའུ་ཡིས་“དབུ་མའི་ལམ་གསར་རྙིང་གང་ཡིན་ལ་མ་ལྟོས་པར་རྒྱ་ནག་རྩ་ཁྲིམས་དང་ མི་རིགས་ས་གནས་རང་སྐྱོང་ལམ་ལུགས་ལ་རྒྱབ་འགལ་བྱས་པས། བོད་ཚུད་པའི་རྒྱལ་གཅེས་ཀྱི་བསམ་བློ་ཡོད་མཁན་སུ་གཅིག་གིས་ཁས་ལེན་བྱེད་སྲིད་
དམ། འཛམ་གླིང་ཐོག་གི་འགན་ཁུར་ཡོད་པའི་སྲིད་གཞུང་སུ་ཡིན་ནའང་། དེ་ལྟ་བུའི་དགོས་འདུན་ལ་གཟོད་སྒམ་བྱེད་སྲིད་དམ། ”ཞེས་སོགས་བརྗོད་དེ་དབུ་མའི་ལམ་གྱི་ནང་དོན་ནི་རྒྱ་ནག་གི་རྩ་ཁྲིམས་སྒྲོམ་
གཞིའི་ནང་དུ་ཚུད་ཀྱི་མེད་ལུགས་བཤད་འདུག
མི་རིགས་ས་གནས་རང་སྐྱོང་གི་གཞི་རྩའི་ལྟ་གྲུབ་ནི། མི་རིགས་མང་བའི་རྒྱལ་ཁབ་ནང་འདྲ་མཉམ་དང་། མཐུན་སྒྲིལ་གྱི་ལམ་ནས་གྲངས་ཉུང་མི་རིགས་ཀྱི་ངོ་བོ་དང་། ཡུལ་སྲོལ་གོམས་གཤིས། སྐད་ཡིག
རིག་གནས་བཅས་རྒྱུན་འཛིན་ཐུབ་པ་བྱེད་རྒྱུ་དེ་ཡིན་པས། རྒྱ་ནག་གི་རྩ་ཁྲིམས་ནང་དུ་གྲངས་ཉུང་མི་རིགས་འདུས་སྡོད་ས་ཁུལ་རྣམས་སུ་རང་
སྐྱོང་གི་དབང་ཆ་ལག་བསྟར་ཡོང་ཆེད་རང་སྐྱོང་གི་ལས་ཁུངས་འཛུགས་རྒྱུའི་ཆ་རྐྱེན་ གསལ་པོ་འཁོད་ཡོད་པ་མ་ཟད། ཕྱི་ལོ་༢༠༠༤ལོའི་ཟླ་༥པའི་ནང་བཏོན་པའི་“བོད་ལྗོངས་ཀྱི་མི་རིགས་ས་ཁོངས་རང་
སྐྱོང་”ཞེས་པའི་ཤོག་བུ་དཀར་པོའི་ནང་གྲངས་ཉུང་མི་རིགས་རྣམས་“རང་ཉིད་ཀྱི་ལས་ དབང་སྒྱུར་ཞིང་རང་ཁྱིམ་རང་བདག་”ཡིན་ལུགས་འཁོད་ཡོད།
གཞི་རྩའི་ལྟ་གྲུབ་དང་མ་འགལ་ཕྱིན་རྩ་ཁྲིམས་ནི་དུས་ཀྱི་དགོས་མཁོ་དང་གནས་སྟངས་ ཀྱི་འགྱུར་བར་བསྟུན་དགོས་པ་ཡིན།
རྒྱ་ནག་མི་མང་སྤྱི་མཐུན་རྒྱལ་ཁབ་ཀྱི་དབུ་ཁྲིད་ཚོས་གནས་སྟངས་དང་མཐུན་པར་རྩ་ ཁྲིམས་ལ་འགྱུར་བ་དང་ལེགས་བཅོས་བཏང་བའི་སྒོ་ནས་འགྲེལ་བརྗོད་བྱེད་ཕྱོགས་དང་།
ལག་ལེན་དངོས་ཀྱི་ཐོག་ནས་ཀྱང་རྒྱ་ནག་མི་མང་སྤྱི་མཐུན་རྒྱལ་ཁབ་ཀྱི་རྩ་ཁྲིམས་ ཀྱི་གུ་ཡངས་ཀྱི་རྣམ་པ་གསལ་པོ་བསྟན་ཡོད། གལ་སྲིད་གུ་ཡངས་ཀྱི་རྣམ་པ་དེ་དག་བོད་ཀྱི་གནས་སྟངས་ཐོག་སྦྱར་ན་‘‘བསམ་འཆར་’’
ནང་གསལ་བའི་བོད་མིའི་གཞི་རྩའི་དགོས་མཁོ་རྣམས་རྩ་ཁྲིམས་སུ་གསལ་བའི་རང་སྐྱོང་ གི་དགོངས་དོན་དང་ཆ་རྐྱེན་ཁག་ཡོངས་སུ་མཐུན་པ་ཞིག་ཡིན།
ད་དུང་ཁོང་གིས་“དབུ་མའི་ལམ་”དང་“བོད་རང་བཙན་”ལ་ཁྱད་པར་ཅི་ཞིག་ཡོད་དམ་ ཞེས་དཔྱད་བརྗོད་བྱས་ཁུལ་གྱིས་དབུ་མའི་ལམ་ནི་རང་བཙན་གྱི་ལམ་ཁ་གཉིས་པ་ཡིན་པར་ བཤད། དེ་ཡང་ཁོང་གིས་བརྗོད་དོན།
“དབུ་མའི་ལམ་བཏོན་ནས་མི་རིང་བའི་རྗེས། ཏཱ་ལའི་བླ་མའི་སྤུན་མཆེད་བསྟན་འཛིན་ཆོས་རྒྱལ་གྱིས་ཧྥ་རན་སིའི་གསར་འགོད་པའི་ བཅར་འདྲི་དང་ལེན་བྱས་སྐབས། “ཐོག་མར་ང་ཚོས་རང་སྐྱོང་ཡོང་ཐབས་བྱེད་དགོས་པ་དང་།
དེས་རྗེས་སུ་རྒྱ་མི་རྣམས་བོད་ནས་ཕུད་དགོས། དཔེར་ན། དབྱིན་ཇི་བ་རྣམས་རྒྱ་གར་ནས་ཕྱིར་ཕུད་པ་བཞིན། རང་སྐྱོང་ནི་རང་བཙན་གྱི་གོམ་པ་དང་པོ་རེད་”ཅེས་བརྗོད་ཡོད།
༧གོང་ས་མཆོག་གི་སྐུའི་སྤུན་མཆེད་ཀྱིས་དོན་དུ་དེ་ལྟ་བུའི་གསུངས་ལན་ཞིག་ བསྐྱོན་ཡོད་པའི་དབང་དུ་བཏང་ཡང་དེ་ནི་ཁོང་རང་ཉིད་སྒེར་གྱི་སྨྲ་བརྗོད་རང་དབང་ དང་དགོངས་ཚུལ་ཡིན་པ་ལས།
༧གོང་ས་སྐྱབས་མགོན་ཆེན་པོ་མཆོག་དང་སྐབས་དེའི་བཀའ་ཤག་གི་ལྟ་བ་དང་ལངས་ཕྱོགས་ ཡིན་དོགས་མེད་པ་ཞིག་ཡིན་ཡང་། ཁོང་གིས་དེ་ནི་དབུ་མའི་ལམ་གྱི་གོམ་ཁ་གཉིས་པ་དེ་བོད་རང་བཙན་གྱི་ཡིན་པའི་
སྒྲུབ་བྱེད་ལྟ་བུར་བཀོད་འདུག་པ་ནི་ཀྲུའུ་ལ་བཤད་རྒྱུའི་ཕོངས་ཏེ་ཉ་ཉོག་བསྲེས་ པ་ཞིག་རེད།
ཁོང་གིས་རྩོམ་ཡིག་ནང་མུ་མཐུད་དུ་འཁོད་དོན། “དབུ་མའི་ལམ་”བཏོན་ནས་ལོ་༢༦ ཕྱིན་པའི་རིང་། དབུ་མའི་ལམ་གྱི་དགོངས་དོན་དང་ཁས་ལེན་བྱས་པའི་གྲུབ་འབྲས་གང་ཡང་བྱུང་མེད་པ་ དང་།
ཉེ་བའི་ལོ་ཤས་རིང་“རང་ལུས་མེར་སྲེག་”གི་དོན་རྐྱེན་ཐེངས་དུ་མར་བསླངས་ཏེ་། རྒྱ་ནག་སྲིད་གཞུང་ཕྱིར་ནུར་བྱེད་རྩིས་བརྒྱབ་ཀྱང་། ཁོང་ཚོའི་དམིགས་ཡུལ་འགྲུབ་མེད་པ་མ་ཟད།
དེ་ལས་ཟློག་ཏེ་འཛམ་གླིང་ཡོངས་ཀྱི་མདུན་དུ་ཏཱ་ལའི་རུ་ཚོགས་ཀྱི་གདུག་རྩུབ་དང་ རྫུན་རྐུབ་བརྡོལ་ཏེ། བོད་ཀྱི་གཞོན་ནུ་ལྷན་ཚོགས་གཙོ་བོ་གྱུར་པའི་རང་བཙན་སྟོབས་ཤུགས་ཤོག་ཁག་གིས་
གདོང་ལེན་བྱས་མ་ཐུབ་པར་གྱུར་པ་མ་ཟད། སྲིད་གཞུང་རྫུན་མ་དང་ཐ་ན་ཏཱ་ལའི་བླ་མ་ཁོང་རང་ཉིད་ལ་སྐྱོན་བརྗོད་ཀྱང་ཉིན་ རེར་བཞིན་མང་དུ་སོང་སྟེ།
ཏཱ་ལའི་བླ་མ་བྱ་དཀའ་བྱེད་གཏད་དུ་གྱུར་ཡོད།”ཅེས་དབུ་མའི་ལམ་ཁ་དོན་མི་མཚུངས་ པ་དང་། ལྷག་པར་དུ་བོད་ནང་༢༠༠༩ ལོ་ནས་ད་ལྟའི་བར་དུ་རང་ལུས་མེར་སྲེག་ལ་བརྟེན་ནས་རྒྱ་ནག་དྲག་པོའི་གཞུང་གིས་
བོད་ཀྱི་ཆོས་རིག་ཁོར་ཡུག་དང་བཅས་པར་རྩ་མེད་གཙང་བཟོའི་སྲིད་ཇུས་ལ་ངོ་རྒོལ་ བྱས་པའི་རྒྱལ་གཅེས་དཔའ་བོ་དཔའ་མོ་༡༡༩ ཙམ་བྱུང་བ་རྣམས།
༧གོང་ས་མཆོག་དང་བོད་མིའི་སྒྲིག་འཛུགས་ཀྱིས་ངན་སྐུལ་བྱས་པ་ཡིན་པའི་རྒྱ་གཞུང་ གི་སྐྱོན་འཛུགས་རྙིང་པ་དེ་དག་བསྐྱར་ཟློས་བྱས་འདུག
རྒྱ་ནག་གཞུང་ལ་ད་ལྟའི་བར་དུ་བོད་ནང་རང་སྲེག་རྒྱུད་སྐུལ་བྱས་པ་ཡིན་པའི་ བདེན་དཔང་གཅིག་ཀྱང་སྟོན་རྒྱུ་མེད་ཀྱང་། བོད་བཙན་འཛུལ་བྱས་ནས་ད་ལྟའི་བར་སྤྱི་ཚོགས་རིང་ལུགས་ཀྱི་ལམ་ལུགས་མི་འདོད་
བཞིན་དུ་བཙན་འགེལ་བྱས་ཏེ་མི་ལོ་༦༠ ལྷག་སོང་བའི་རིང་། བོད་མི་རྣམས་ཀྱིས་རྒྱ་ནག་དམར་པོའི་གཞུང་གི་དྲག་པོའི་དབང་བསྒྱུར་གྱི་སྲིད་ བྱུས་ལ་མགོ་སྒུར་དང་ལེན་མ་བྱས་པར་བོད་བསྟན་སྲིད་མི་རིགས་ཀྱི་དོན་དུ།
རང་སྲོག་ཕངས་མེད་དུ་དོར་ཏེ་“བོད་ལ་རང་དབང་དགོས། ༧གོང་ས་མཆོག་བོད་ལ་གདན་འདྲེན་ཞུ་དགོས་”ཞེས་འབོད་ཚིག་བསྒྲགས་སྐབས། རྒྱ་ནག་གཞུང་ངོ་ཚ་ཁ་སྐྱེངས་ཤིང་བྱ་དཀའ་བྱེད་གཏད་དུ་གྱུར་ཏེ་༧གོང་ས་རྒྱལ་བ་
རིན་པོ་ཆེ་མཆོག་དང་བཙན་བྱོལ་བོད་གཞུང་ལ་མ་ཉེས་ཁག་གཡོགས་ཀྱིས་རྒྱལ་སྤྱིའི་ སྤྱི་ཚོགས་མགོ་སྐོར་གཏོང་ཐབས་ཀྱི་ཁྱབ་བསྒྲགས་མི་བདེན་རྫུན་སྒྲིག་བྱས་པ་ བཞིན།
ཀྲུའུ་ཡང་དམར་ཤོག་དཀྱིལ་འཁོར་ནང་གི་རྒྱུག་ཁྱི་ཞིག་ཡིན་པའི་ཆ་ནས་བདག་པོའི་ སྐད་ཆ་ལད་ཟློས་བྱས་པ་ནི་ཧང་སང་དགོས་པ་ཞིག་མ་རེད།
ཁོང་གིས་རྩོམ་ཡིག་གི་མཇུག་ཏུ་“དབུ་མའི་ལམ་གྱི་གང་དུ་ཕྱོགས་ཡོད་མིན་ད་ དུང་གསལ་པོ་ཆགས་མེད་དམ་”ཞེས་དྲི་ཚིག་ཅིག་བཀོད་དེ་ཤུགས་ལ་དབུ་མའི་ལམ་གྱི་ཁ་ ཕྱོགས་ནི་རང་བཙན་ཡིན་པར་བསྟན་པ་དང་། དེ་ཡང་ཁོང་གིས།
“ལོ་རབས་བརྒྱད་ཅུ་པའི་ནང་གི་བོད་རྒྱ་ཞི་མོལ་ཐོག་མའི་ཆར། དབུས་གཞུང་གི་དབུ་ཁྲིད་ཚོས་“དབུ་མའི་ལམ་”གྱི་རང་བཞིན་དངོས་མཐོང་སྐབས། “བོད་རང་བཙན་”ཡོང་ཐབས་མེད།
“རྣམ་པ་འགྱུར་བའི་རང་བཙན་”དང་ཕྱེད་རང་བཙན་”ཡང་འགྲིག་ཐབས་མེད། ཅེས་དང་། ཁོང་གིས་“ལོ་རྒྱུས་དང་དངོས་ཡོད་གཉིས་ཀྱིས་བདེན་དཔང་བྱས་པ་ལྟར་“བོད་རང་བཙན་” གྱི་གོམ་པ་གཅིག་སྤོས་ཡིན་ནའང་འདྲ།
གོམ་ཁ་གཉིས་ཅན་གྱི་“བོད་རང་བཙན་”ཡིན་ནའང་འདྲ་ཐམས་ཅད་ལ་འཆི་ལམ་མ་གཏོགས་མེད་” ཅེས་རྩོམ་ཡིག་དེའི་མཇུག་ཡོངས་སུ་བསྡུས་ཡོད་པ་དང་། རྒྱ་ནག་གཞུང་གིས་“དབུ་མའི་ལམ་”ལ་རང་འདོད་ལྟར་ཐ་སྙད་གསར་པ་མང་པོ་ཞིག་བཟོས་
ཡོད་པ་དཔེར་ན་ཁོང་གིས་གོང་དུ་བརྗོད་པ་ལྟར། རྣམ་པ་འགྱུར་བའི་རང་བཙན། ཕྱེད་རང་བཙན་ཞེས་པ་ལྟ་བུ་དང་། ད་ཐེངས་ཀྲུའུ་ཡིས་ཐ་སྙད་གཅིག་གསར་གཏོད་བྱས་ཡོད་པ་ནི་“རང་བཙན་གྱི་གོམ་ཁ་ གཉིས་པ”ཞེས་པ་འདི་རེད།
ཀྲུའུ་ཚུད་པའི་རྒྱ་ནག་དམར་ཤོག་གི་དཔོན་རིགས་ཚོས་“དབུ་མའི་ལམ་”ལ་ཐ་སྙད་ ཅི་ལྟ་བུ་ཞིག་སྦྱར་པ་ཡིན་ནའང་། དོན་དུ་དེ་ནི་དངོས་ཡོད་གནས་སྟངས་ལ་གཡོལ་ཐབས་ཀྱི་མི་བདེན་རྫུན་སྒྲིག་གི་སྐད་
ཆ་བཅོས་མ་ཞིག་ཡིན་པ་ལས། འགན་ཁུར་ཡོད་པའི་སྲིད་གཞུང་གི་དངོས་ཡོད་དཀའ་ངལ་ལ་ཁ་གཏད་གཅོག་བྱེད་ཀྱི་ཐབས་ ལམ་ཞིག་གཏན་ནས་མིན་པ་མ་ཟད། འདས་པའི་ལོ་རྒྱུས་དང་དངོས་ཡོད་གནས་སྟངས་གཉིས་ཀྱི་བདེན་དཔང་བྱས་པ་ལྟར་རྒྱ་
གཞུང་གིས་བོད་ལ་དབང་བསྒྱུར་བྱས་ཏེ་མི་ལོ་༦༠ ཙམ་གྱི་རིང་བོད་རྒྱ་མི་རིགས་ཀྱི་གནད་དོན་ཉིན་རེ་བཞིན་ཛ་དྲག་ཏུ་འགྲོ་བཞིན་ ཡོད་ཅིང་།
འདི་ལྟར་ཡ་ཡོལ་དང་འཁྱར་འཁྱོར་ངང་དུས་ཚོད་སྐྱེལ་ཐབས་བྱས་ན་བོད་རྒྱ་མི་རིགས་ སུ་ལའང་ཕན་ཐོགས་མེད་པ་དང་། མང་གཙོ་དང་ཁྲིམས་ལུགས་ཀྱི་དབང་བསྒྱུར་བའི་དུས་རབས་འདིའི་རྗེས་ཆོད་དགོས་ན་
མི་རིགས་འདྲ་མཉམ་དང་འཆམ་མཐུན། ཞི་བདེ། འཚེ་བ་མེད་པའི་སྒོ་ནས་འཛམ་གླིང་འདིའི་རྒྱལ་ཁབ་གཞན་དག་དང་བསྟུན་ནས་ཡོང་དགོས་ པ་ལས། རྒྱ་ནག་གཅིག་པུ་ལོགས་སུ་ཁེར་རྐྱེང་ངང་བཙན་པོ་དབང་ཡོད་བྱས་ནས་ལུས་ཐབས་མེད་པ་
ནི་རྒྱ་ནག་དམར་ཤོག་དཔོན་རིགས་ཚོས་ཀྱང་ཤེས་གསལ་རེད།
བོད་རང་བཙན་ལ་རྒྱ་ནག་གཞུང་གིས་ཁས་ལེན་བྱས་ཐབས་མེད་པ་བདེན་པ་ཡིན་པའི་དབང་དུ་ བཏང་ཡང་། དབུ་མའི་ལམ་ལ་རང་བཙན་གྱི་ཞྭ་མོ་གཡོགས་པ་ནི་རྒྱུ་མཚན་དང་གནས་ལུགས་གང་དང་ཡང་ མི་འཚམས་པས།
རྒྱ་ནག་གཞུང་གིས་ངེས་པར་དུ་ད་ལྟའི་གཡོན་ཐལ་སྲིད་བྱུས་ཀྱི་རྒྱ་ལས་བརྒལ་ ཏེ་“དབུ་མའི་ལམ་”གྱི་ངོ་གདོང་དངོས་ལ་ལྟ་བའི་གོམ་ཁ་གཉིས་པ་ཞིག་སྤོ་དགོས་པ་ ནི་ཁ་ཚ་དགོས་གཏུག་གི་གནད་དོན་ཞིག་ཏུ་སེམས།།
བཙན་ བྱོལ་ བོད་ གཞུང་ གིས་ གོང་ ཚད་ ཅི་ ཞིག་ གཏམ་ པ་ རེད་ དམ།
ཏེ་ ཡི་ ཧྥི་ ཡིས་ བརྩམས། ལོ་ མ་ རྒྱལ་ གྱིས་ བསྒྱུར།
ཉིན་ ཤས་ སྔོན་ ངས་ རྒྱ་ ནག་ གཞུང་ འོག་ ཏུ་ལས་ ཀ་ བྱེད་ ཀྱིན་ པའི་གྲོགས་ པོ་ ཞིག་ ལ་ འདི་ ལྟར་ དྲིས་ པ་ ཡིན། ཁྱོད་ ཚོ ས་ ཅིའི་ ཕྱིར་ཏཱ་ ལའི་ བླ་ མ་ དང་ མཉམ་ དུ་ གྲོས་ མོལ་ མ་ བྱས་ པ་ རེད། གྲོགས་ པོ་ ཁོང་ གིས་ ངས་ ཞིབ་ ཚགས་ ཀྱིས་ ཤེས་ ཀྱི་ མེད་ པས་ ལན་ འདེབས་ མི་ ཐུབ། ཡིན་ ན་ ཡང་ ། ངས་ བོད་ དོན་ ཐོག་ འབྲེལ་ ཡོད་ མི་ སྣ་ ཁག་ ཅིག་ ལ་སྐད་ ཆ་ དྲིས་ ཆོག་ ཟེར། ཉིན་ ཤས་ རྗེས་ དྲི ས་ ལན་ བསླེབས་ སོང་ ། གྲོགས་ པོས་ བཤད་ རྒྱུར ། ཁོས་ གཞན་ ལ་ སྐད་ ཆ་ དྲིས་ པ་ ཡིན། འབྲེལ་ ཡོད་ མི་ སྣས་ འདི་ ལྟར་ ལབ་ སོང་ ། གྲོས་ མོལ་ བྱེད་ ཀྱི་ མེད་ པའི་ རྒྱུ་ མཚན་ ནི་ ཏཱ་ ལའི་ བླ་ མ་ དང་ བཙན་ བྱོལ་ བོད་ མིའི་ ཕྱོགས་ ནས་ “ གོང་ གཏམ་ པ ” མཐོ་ དྲགས་ སྟབས། རྒྱ་ གཞུང་ གིས་ དང་ ལེན་ བྱེད་ མ་ ཐུབ་ པ་ རེད་ ཟེར། དེར་ བརྟེན། ཚིག་ གི་ རྩ་ བ་ བཤད་ ན། གྲོས་ མོལ་ བྱེད་ ཀྱི་ མེད་ པའི་ གནད་ དོན་ དེ་ ཏཱ་ ལའི་ བླ་ མའི་ ཕྱོགས་ ལ་ འགན་ གཡུག ་ གི་འདུག
ང་ རང་ རྒྱལ་ ནང་ གི་ མི་ མང་ པོ་ ཞིག་ ལ་ ཐུག་ པའི་ ཁྲོད་ ནས་ མང་ པོ་ ཞིག་ གིས་ བོད་ དོན་ ལ་ ཐུགས་ ཁུར་ བྱེད་ ཀྱི་ མི་ འདུག ཁོ་ རང་ ཚོ་ སོ་ སོར་སེམས་ ཚེགས་ བྱེད་ དགོས་ པའི་ དོན་ དག་ མང་ པོ་ ཡོད་ སྟབས། བོད་ དོན་ ནི་ ཁོ་ ཚོའི་ སྣང་ བའི་ ཡུལ་ ན་ གོ་ ས་ ཅི་ གང་མེད་ པ་ ཞིག་རེད། སྤྱིར་ རྒྱ་ མི ་ ཚོས་ ཉམས་ ཞིབ་ དང་ ཞིབ་ འཇུག་ བྱེད་ པར་ དཀའ་ ལས་ རྒྱག་ གི་ མ་ རེད། མི་ ཕལ་ བ་ ཞིག་ གི་ བསམ་ བློ་ གཏོང་ ཕྱོགས་ ནི་ འདི་ ལྟ་ སྟེ།
དབུས་ སྲིད་ གཞུང་ གིས་ གླེང་ གི་ མེད་ ན། དེ་ ལ་ ངེས་ པར་ རྒྱུ་ མཚན་ གནས་ ལུགས་ ཤིག་ཡོད་ པར་ ངོས་ འཛིན་ བྱེད་ ཀྱིན་ ཡོད། དེར་ བརྟེན། ཡང་ སྙིང་ བཙན་ བྱོལ་ བོད་ གཞུང་ གིས་ གོང་ ཚད་ མཐོ་ པོ་ ཅི་ ཞིག་ གླེང་ སྟེ། རྒྱ་ གཞུང་ གིས་ གྲོས་ མོལ་ མ་ བྱ ས་ པ་ ཡིན་ ནམ།
བློ་ བཟང་ སེང་ གེ་ ཡིས་ འདི་ ལྟར་ བརྗོད།
བོད་ མིའི་ སྒྲིག་ འཛུགས་ ཀྱི་ སྲིད་ སྐྱོང་ བ་ བློ་ བཟང་ སེང་ གེ་ ཡིས་ ཉེ་ ཆར་ ཨ་ རི འི་ རྒྱལ་ ས་ ཝ་ ཞཱིན་ ཊོན་ དུ་གཏམ་ བཤད་ ཅིག་ སྤེལ་ བ་ དེས་གོང་ གི་ དེ་ ལ་ ལན་ འདེབས་ བྱས་ སོང་ །
བློ་ བཟང་ སེང་ གེ་ ཡིས་ བརྗོད་ དོན། བཙན་ བྱོལ་ བོད་ གཞུང་ གི་ རེ་ འདོད་ ནི་ བོད་ ཁམས་ ཡོངས་ “ རྒྱ་ ན ག་ མི་ མང་ སྤྱི་ མཐུན་ རྒྱལ་ ཁབ་ ཀྱི་ རྩ་ ཁྲིམས་ ཀྱི་ སྒྲོམ་ གཞི འི་ འོག་ ནས་ མིང་ དོན་ མཚུངས་ པའི་ རང་ སྲིད་ རང་ སྐྱོང་ བྱ་ རྒྱུ་ དེ་ ཡིན །” རེ་ འདོད་ འདི་ ལ་ “ དབུ་ མའི་ ལམ ” ་ ཟེར། གཉའ་ ག ནོན་ དང་ ལེན་ མི་ བྱེད ་ ལ། རང་ བཙན་ ཡང་ མི་ རྩོད་ པར་ དེ་ གཉིས་ ཀའི་ དཀྱིལ་མ་ ཡིན། དབུ་ མའི་ ལམ་ གྱི་ དོན་ དག་ མདོར་ བསྡུས་ ནས་ བཤད་ ན། རྒྱ་ གཞུང་ གིས་ ལག་ བསྟར་ བྱེད་ པའི་ རྒྱ་ ནག་ མི་ མང་ སྤྱི་ མཐུན་ རྒྱལ་ ཁབ་ ཀྱི་ རྩ་ ཁྲིམས་ ཀྱི་ འོག་ ནས་ མི་ རིགས་ ས་ ཁུལ་ རང་ སྐྱོང་ གི་ དོན་ ཚན་ དེ་ རང་ རེད། ད་ དུང་ ། ཁོང་ གིས་ བརྗོད་ དོན། “ གལ་ ཏེ། རྒྱ་ གཞུང་ གིས་ ད་ ཡོད་ ཁྲིམས་ ལུགས་ འདི་ དོན་ གྱིས་ ལག་ བསྟར་ བྱས་ པ་ ཡིན་ ན། དེ་ ནི་ ངེས་ པ་ དོན་ གྱི་ རང་ སྲིད་ རང་ སྐྱོང་ རེད། ”
དེ་ ནས། ཁོས་ ཧ་ ཅང་ ནན་ ཏན་གྱིས་ བརྗོད་ དོན། བོད་ མིས་ བརྗོད་ པའི་ གོང་ ཚད་ དེ་ རྒྱ་ ནག་ གཞུང་ གི ་ རྩ་ ཁྲིམས་ ལ་གཞི ར་ བཞག་ བྱས་ ཏེ་ བཤད་ ཀྱི་ ཡོད་ པ་ ཞིག་ ཡིན། དེར་ བརྟེན། དབུ་ མའི་ ལམ་ གྱི ས་ རྒྱ་ ནག་ གི་ བདག་ དབང་ དང་ མངའ་ ཁོངས་ གཅིག་ གྱུར་ ལ་ གནོད་ སྐྱོན་ མི་ བཟོ །
ད་ དུང་ ། བློ་ བཟང་ སེང ་གེ་ ཡིས་ བརྗོད་ དོན། བཙན་ བྱོལ་ བོད་ གཞུང་ གིས་ བཏོན་ པའི་ དབུ་ མའི་ ལམ་ ལ་ ཆ་ མཚོན ་ན། བོད་ དོན་ གྲོས་ མོལ་ བྱེད་ པ་ ནི་ རྒྱ་ ནག་ གི་ རྩ་ ཁྲིམས་ ལ་ འགྱུར་ བ་ གཏོང་ དགོས་ པའི་ གནད་ དོན་ ཞིག་ མིན་ ལ། སྒྲིག་ གཞི་ གང་ རུང་ ཞིག་ ལ་ བསྒྱུར་བཅོས་ གཏོང་ དགོས་ པ་ དེ་ འདྲ་ ཡང་ མ་ རེད། ཡང་ ན། བོད་ མི འི་ངོས་ ནས་ ད་ ཡོད་ རྒྱ་ ནག་ གི་ རྩ་ ཁྲིམས་ ལ་ འགྱུར་ བ་ གཏོང་ དགོས་ ཞེས་ རེ་ བ་ མི་ འདོན ་ ལ། དེ་ བཞིན ། ད་ ཡོད་ རྒྱ་ ནག་ གི་ ཆབ་ སྲིད་ སྒྲོམ་ གཞི་ ལ་ བསྒྱུར་བཅོས་ གཏོང་ དགོས་ ཞེས་ ཀྱང་ རེ་ འདུན་ མི་ འདོན། བཙན་ བྱོལ་ བོད་ གཞུང་ གིས་ བཏོན་ པའི་ བོད་ མིའི་ ཆེས་ མཐོའི་ རང་ སྲིད་ རང་ སྐྱོང་ གི་ ཡིག་ ཆ་ དྲ་ ཐོག་ ན་ ཉར་ ཡོད་ སྟབས། དེ་ ལ་ ལྟ་ ཞིབ་ བྱས་ ན་ ཧ་ ཅང་ གསལ་ བོར་ མཁྱེན་ ཡོང་ གི་ རེད། ཡིག་ ཆ་ འདི འི་ དོན་ ཚན་ རྣམས་ ནི་ བོད་ མིས་ ཤོད་ བཞིན་ པའི་གོང་ ཚད་ དེ་ རེད། དེར་ མ་ ཟད། དོན་ ཚན་ རེ་ རེ་ ཡང་ རྒྱ་ ནག་ མི་ མང་ སྤྱི་ མཐུན་ རྒྱལ་ ཁབ་ ཀྱི་ རྩ་ ཁྲིམས་ ན ང་ ཡོད་ པའི་ མི་ རིགས་ ས་ ཁུངས་ རང་ སྐྱོང་ གི་ དོན་ ཚན་ དེ་ དང་ འགལ་ བ་ ཁྱོན་ ནས་ མེད།
བོད་ ཆེན་ པོའི་ གནད་ དོན།
བོད་ དོན་ ཐོག་དོ་ སྣང་ བྱེད་ མཁན་རྒྱ་ མི་ མང་ པོ་ ཞིག་ གིས་ རྒྱ་ གཞུང་ གིས་ ཏཱ་ ལའི་ བླ་ མ་ དང་ མཉམ་ དུ་ གྲོས་ མོལ་ བྱེད་ ཀྱི་ མེད་ པའི་ རྒྱུ་ རྐྱེན་ ནི་ “ བོད་ ཆེན་ པོའི ” གནད་ དོན་ དེར་ ངོས་ འཛིན་ བྱེད་ ཀྱི་ ཡོད་ པ་ངས་ ཤེས་ ཀྱི་ ཡོད། དེར་ བརྟེན། བོད་ མིས་ ཕྱོགས་ གཅིག་ ནས་ བོད་ མི་ འདུས་ སྡོད་ ཀྱི་ ས་ ཆ་ ཡོངས་ རྫོགས་ ལ་ རེ་ འདུན་ འདོན་ གྱི་ ཡོད་ པ་ རེད། ས་ ཁུལ་ དེ་ ད་ ལྟ་ ཞིང་ ཆ ེན་ ལྔ འི་ ནང་ཁག་ བགོས་ བྱས་ ཡོད། དེ ས་ རྒྱ་ ནག་ རྒྱལ་ ཡོངས་ ཀྱི་བཞི་ ཆའི་ གཅིག་ ཟིན་ གྱི་ཡོད། བློ་ བཟང་ སེང་ གེ་ ཡིས་ བརྗོད་ དོན།
ས་ ཁོངས་ ཀྱི་ བཞི་ ཆའི་ གཅིག་ ཟིན་ ཡོད་ པ་ དེ་ ནི་ བོད་ ཕྱོགས་ ནས་ ཆེད་ དུ་ བཟོས་ པའི་ དཀའ་ རྙོག་ དེ་ འདྲ་ གང་ ཡང་ མ་ རེད། ལོ་ ངོ་ སྟོང་ ཕྲག་ རིང་ བོད་ མི་ ཚོས་ས་ ཐོག་ དེ་ ནས་ འཚོ་ བ་ རོལ་ ནས་ ཡོང་ བ་ ཞིག་ རེད། གནད་ དོན་ དངོས་ ནི་ ས་ ཐོག་ དེ་ ནས་ ཅི་ ཞིག་ བྱེད་ རྒྱུ་ ཡིན་ པ་ དེ་ རེད། དེ་ ཡང་ །
རྒྱ་ ནག་ དང་ ཁ་ བྲལ་ བྱེད་ རྒྱུ་ ཡིན་ ནམ། ཡང་ ན། རྒྱ་ ཁོངས་ ནས་ འདུག་ རྒྱུ་ ཡིན་ པ་ དེ་ རེད།
བོད་ མི འི་མངོན་ འདོད་ ནི་ རྒྱ་ ནག་ དང་ མཐའ་ འབྲེལ་ ཡོད་ པའི་ ས་ ཁུལ་འདི་ རྒྱ་ ནག་ ནང་ ཁུལ་ གྱི་ གོང་ བུ་ གཅིག་ ཅན་ གྱི་ མི་ རིགས་ རང་ སྐྱོང་ ས་ ཁུལ་ ཞིག་ བཟོ་རྒྱུ་ དེ་ རེད། འདི་ ནི་ རྒྱ་ ནག་ གི་ རྩ་ ཁྲིམས་ ན ང་ གཏན་ ཁེལ་ བྱས་ ཡོད་ པ་ ཞིག་ ཀྱང་ རེད།
༢༠༠༨ ལོར་ ང ས་བཙན་ བྱོལ་ བོད་ གཞུང་ གི་ དེ་ སྔོན་ གྱི་བཀའ་ བློན་ ཁྲི་ པ་ ཟམ་ གདོང་ རིན་ པོ་ ཆེ་ ལ་ བཅར་ འདྲི་ ཞིག་ བྱ ས་སྐབས། ཁོང་ གིས་ གནད་ དོན་ འདིའི་ ཐད་ ལ་ འགྲེལ་ བརྗོད་ གསལ་ བོ་ བསྐྱོན་ སོང་ །
རྒྱུ་ མཚན་ ནི་ དབུ་ མའི་ ལམ་ གྱིས་ བོད་ མིས་ རང་ བཙན་ འཐབ་ རྩོད་ སྤངས་ ཏེ།
རྒྱ་ ཁོངས་ ནས་ འདུག་ རྒྱུ་ ཡིན་ པ་ དང་ བོད་ ནི་ རྒྱ་ ནག་ གི་ ཆ་ ཤས་ བྱེད་ འདོད་ ཡོད་ པ་ བཤད་ སོང་ ། ཆ་ རྐྱེན་ འདི་ གཞི ར་ བཞག་ གིས་བཤད་ ན། བོད་ ཁུལ་ ཡོངས་ གཅིག་ གྱུར་ གྱི་ རང་ སྲིད་ རང་ སྐྱོང་ ལ་ རེ་ འདུན་ བཏོན་ པ་ འདི་ ནི།
རྒྱ་ ནག་ གི་ རྩ་ ཁྲིམས་ ནང་ གི་རང་ སྐྱོང་ གི་ དོན་ ཚན་ དང་ མཐུན་ པ་ ཞིག་ ཡིན་ པ་ ལས་ ཁ་ བྲལ་ དང་ “ ས་ ཁོངས་ ཀྱི་ རེ་ འདོད་ ”ཟེར་ བ་ དེ་ དག་ ལ་ འབྲེལ་ བ་ མི་ འདུག དེར་ བརྟེན། བོད་ ཆེན་ པོ་ ཟེར་ བ་ ནི་ ས་ ཁོངས་ ཀྱི་ གནད་ དོན་ ཞིག་ མ་ རེད།
དེ་ ནི་ རྒྱ་ ནག་ ནང་ ཁུལ་ གྱི་ ས་ གནས་ སྲིད་ གཞུང་ དང་ འབྲེལ་ བའི་ གནད་ དོན་ ཐོག་གྲོས་ མོལ་ བྱེད་ དགོས་ པ ་ཞིག་ རེད།
བློ་ བཟང་ སེང་ གེ་ ཡིས་ ཟམ་ གདོང་ རིན་ པོ་ ཆེ འི་འགྲེལ་ བརྗོད་ དེ་ བསྐྱར་ ཟློས་ ཀྱིས་ བསྟན་ དོན། ས་ ཁོངས་ ཀྱི་ བཞི་ ཆ་ གཅིག་ ཟིན་ པ་ དེ་ ནི་ གནད་ དོན་ གྱི་ རྩ་ བ་ ཞིག་ མ་ རེད། ཤིན་ ཅང་ རང་ སྐྱོང་ ལྗོངས་ ཀྱིས་ རྒྱ་ ནག་ ས་ཁོངས་ ཀྱི་ དྲུག་ ཆའི་ གཅིག་ ཟིན་ ཡོད། དེ ས་ ན་ ཅི འི་ ཕྱིར་ བཞི་ ཆའི་ གཅིག་ ཟིན་ པའི་ བོད་ ནི་ རང་ སྲིད་ རང་ སྐྱོང་ གི་ མངའ་ ཁུལ་ ཞིག་ ཏུ་ བསྒྱུར་ མ་ ཐུབ་ པ་ ཡིན་ ནམ། མདོར་ ན། བོད་ ཆེན་ པོ་ ཟེར་ བའི་ གནད་ དོན་ འདི་ ནི་ དོན་ གྱི་ གནད་ དོན་ ངོ་ མ་ ཞིག་ མ་ རེད།
བོད་ ཀྱི་ འཛིན་ སྐྱོང་ བོད་ མིས་ བྱས་ ན་ ཡང་ ། ཏང་ སྔར་ བཞིན་ ཡོད།
བློ་ བཟང་ སེང་ གེ་ ཡིས་ བརྗོད་ དོན། “ ང་ ཚོས་ རྒྱ་ གཞུང་ མགོ་ རྟིང་སློག་ རྒྱུར་རེ་ བ་ བྱེད་ ཀྱི་ མེད་ ལ།
ད་ ལྟའི་ སྲིད་ གཞུང་ གི་ སྒྲོམ་ གཞི་ ལ་ དོགས་ ཟོན་ དང་ ངོ་ རྒོལ་ ཡང་ བྱེད་ ཀྱི་ མེད། ” ཁོང་ གིས་ འགྲེལ་ བརྗོད་ བྱེད་ དོན། དེང་ སྐབས་བཙན་ བྱོལ་ བོད་ གཞུང་ དམང ས་ གཙོ འི་ ལམ་ དུ་འགྲོ་ བཞིན་ ཡོད་ ཀྱང་ ། རང་ སྲིད་ རང་ སྐྱོང་ གི་ རེ་ འདུན་ གྱིས་ བོད་ ནང་ ལ་ ཡང་ དམང ས་ གཙོའི་ ལམ་ སྲོལ་ ལག་ སྟར་ བྱེད་ དགོས་ ཞེས་ རེ་ བ་ བྱེད་ ཀྱི་ མེད། ང་ ཚོས་ དམང ས་ གཙོ་ ལ་ རེ་ བ་ བྱེད་ ཀྱི་ ཡོད་ ན་ ཡང་ །
བོད་ ནང་ ལའང་ ངེས་ པར་ དུ་ དམང ས་ གཙོའི་ ལམ་ ལུགས་ ལག་ བསྟར་ བྱེད་ དགོས་ ཞེས་རེ་ འདུན་ འདོན་ གྱི་ མེད།
ད་ དུང་ ། བོད་ མི འི་ ངོས་ ནས་ བཏོན་ པའི་ གོང་ ཚད་ དེ འི་ཁྲོད་ ན་ ད་ ལྟའི་ བོད་ ཁུལ་ གྱི་ ཆབ་ སྲིད་ ལམ་ ལུགས་ དེ་ ལ་ བཅོས་ བསྒྱུར་མི་ བྱེད་ ཅེས་ གསལ་ ཐག་ ཆོད་ བཀོད་ ཡོད།
མགོ་ འཛིན་ པ་ ཡིས་ སྐབས་ ཐོག་ དེར་ དྲི་ བ་ དྲིས་ དོན། རྒྱ་ གཞུང་ གི་ ཆབ་ སྲིད་ སྒྲོམ་གཞིའི་ འོག་ ནས་ བོད་ ལ་ མིང་ དོན་ མཚུངས་ པའི་ རང་ སྲིད་ རང་ སྐྱོང་ གི་ མངོན་ འདོད་ དེ་ ཇི་ ལྟར་ མངོན་ འགྱུར་ བྱ་ ཐུབ་ བམ། བློ་ བཟང་ སེང་ གེ་ ཡིས་ འདི་ ལྟར་ དྲི་ བར་ ལན་ བསྐྱོན་ སོང་ ། བཙན་ བྱོལ་ བོད་ གཞུང་ གིས་ བསམ་ བློ་ གཏོང་ ས་ དང་ པོ་ དེ་ བོད་ ནང་ གི་ བོད་ མི་ ཚོའི་བདེ་ སྡུག་ ཡིན། བཙན་ བྱོལ་ བོད་ གཞུང་ གིས་ རེ་ འདུན་ འདོན་ གྱི་ ཡོད་ པའི་ རང་ སྲིད་ རང་ སྐྱོང་ ནི་ བོད་ ཁུལ་ གྱི་ དོན་ དག་ བོད་ མི་ རང་ གིས་དོ་ དམ་ དང་ བདག་ སྐྱོང་ བྱ ་ རྒྱུ་ དེ་ རེད། དེ་ ནི་ བོད་ མི་ ལ་ དགོས་ པའི་ དབང་ ཆ ་ དེ་ རེད།
བློ་ བཟང་ སེང་ གེ་ ཡིས་ ཧོང་ ཀོང་ དང་ ཨ འོ་ མིན་གཉིས་ ཆ་ དཔེ ར་ བླངས་ ཏེ། ས་ ཁུལ་ འདི་ གཉིས་ ཆ་ རྒྱལ་ ཁབ་ གཅིག་ ལ་ ལམ་ ལུགས་ གཉིས་ ཀྱི་ ལམ་ སྲོལ་ འོག་ ནས་ རང་ སྲིད་ རང་ སྐྱོང་ གི་ སྒྲིག་ གཞི་ དེ་ ལག་ ལེན་ བསྟར་ གྱི་ ཡོད་ པ་ རེད། དེ་ བཞིན་ བོད ་ པའི་ རེ་ འདོད་ ཀྱི་ རང་ སྲིད་ རང་ སྐྱོང་ ཡང་ དེ་ དང་ འདྲ་ འདྲ་ རེད། རེ་ འདོད་ འདི་ ལ་ རྒྱ་ ནག་ གི་ ད་ ལྟའི་ ཆབ་ སྲིད་ ཀྱི་ སྒྲོམ་ གཞི་ ལ་ བཅོས་ བསྒྱུར་ གཏོང་དགོས་ བའི་ དོན་ དག་ མེད། ལས་ སླ་ བོར་ བརྗོད་ ན། བོད་ ཀྱི་ འཛིན་ སྐྱོང་ བོད་ མིས་ བྱེད་ རྒྱུ་ དེ་ རེད། འདི་ བཙན་ བྱོལ་ བོད་ གཞུང་ གིས་ གཏམ་ པའི་གོང་ ཚད་ ཀྱི་ ཕྱོགས་ བསྡུས་ དེ་ རེད། དཔེར་ ན། ཧོང་ ཀོང་གི་ འཛིན་ སྐྱོང་ ཧོང་ ཀོང་གིས་ བྱེད་ པ་ དང་ ཨ འོ་ མིན་ གྱི་འཛི་ སྐྱོང་ ཨ འོ་མིན་ གྱིས་ བྱེད་ ཀྱི་ ཡོད་ པ་ ལྟ་ བུ་ རེད།
བློ་ བཟང་ སེང་ གེ་ ནི་ དངོས་ ནས་ ཧྭ་ ཝར་ ཌི་ ནས་ཁྲིམས་ ལ་ སློབ་ སྦྱོང་ གནང་ སྟེ་དེང་ རབས་ ཀྱི་ ཆབ་ སྲིད་ པ་ ཞིག་ ཡིན་ པ་ ངོ་ གནོང་ དགོས་ ཀྱི་ མི་ འདུག དུས་ ཚོད་ གཅིག་ གི་ ནང་ ལ་ བོད་ ལ་ འཕྲད་ བཞིན་ པའི་དཀའ་ ངལ་ དང་ དེ་ བཞིན་ འཛམ་ གླིང་ རང་ བཞིན་ གྱི་ ཤུགས་ རྐྱེན་ སོགས་ གཅིག་ གཅིག་ གཉིས་ གཉིས་ ཀྱིས་གཏམ་ བཤད་ ཡག་ ཐག་ ཆོད་ ཅིག་ གནང་ སོང་ ། དེ་ ནས་ ཁོང་ གིས་ རང་ སྲིད་ རང་ སྐྱོང་ ལ་ འགྲེལ་ བརྗོད་ བྱེད་ སྐབས་ ཀྱང་ ། ཐ་ སྙད་ བེད་ སྤྱོད་ བྱས་ པ་ རྣམས་ ཀྱང་བསམ་ བློ་ ཞིབ་ ཚགས་ བཏང་ སྟེ་ ཏན་ ཏན་ ཏིག་ ཏི ག་ གི་ སྒོ་ ནས་ འགྲེལ་ བརྗོད་ བྱེད་ ཀྱི་ འདུག ཡིན་ ན་ ཡང་ ། ཁོང་ གིས་ བཏོན་ པའི་ བོད་ མིའི་ རེ་ འདོད་ དེ་ ནི་ ཚད་ ཐིག་ ཆེས་དམའ་ ཤོས་ དེ་ ལ་ སླེབས་ འདུག ལྷག་ པར་ དུ་བོད་ ཁུལ ་ གྱི་རྒྱ་ གཞུང་ གི་ ཆབ་ སྲིད་ སྒྲིག་ གཞི ར་ འགྱུར་ བ་ གཏོང་མི་ དགོས་ པའི་ དང་ ལེན་ བྱས་ པ་ དེ ས། དམང ས་ གཙོ་ ལ་ དོ་ སྣང་ ཤུགས་ དྲག་ ཡོད་ པའི་བོད་ པའི་གཞོན་ སྐྱེས་ ཚོར་ བློ་ ཁ་ མི་ བདེ་ བ་ བཟོས་ ཡོད་ ངེས ་ ཡིན།
ཕྱོགས་ སོ་ སོ་ ན་ བློ་ བཟང་ སེང་ གེ་ ཡིས་ བསྟན་ པའི་ “ གོང་ ཚད ” དེ་ ལ་ རང་ བཞིན་ གྱིས་ གོ་ བ་ ལེན་ སྟངས་ འདྲ་ མིན་ཡོད་ རྒྱུ་ རེད། དཔེར་ ན། ཨེ་ ཤ་ ཡ་ རང་ དབང་ གློག་ འཕྲིན་ ཁང་ གིས་ བརྒྱུད་ གཏོང་གི་ ཁ་ བྱང་ ལ་ “ བོད་ ཀྱི་ མིང་ དོན་ མཚུངས་ བའི་ རང་ སྲིད་ རང་ སྐྱོང་ གིས་ རྒྱ་ གཞུང་ གི་ དབང་ བསྒྱུར་ ལ་ ངོ་ རྒོལ་ མི་ བྱེད་ ” ཅེས་ བཀོད་ ཡོད་ པ་ དང་ ། བྷེ་ བྷེ་ སི་རྒྱ་ ཡིག་ དྲ་ ཚིགས་ སྟེ ང་། “ བཙན་ བྱོལ་ བོད་ གཞུང་ གི་ སྲིད་ སྐྱོང་ བློ་ བཟང་ སེང་ གེ་ ཡིས་ ཝ་ ཞཱིན་ ཊོན་ནས་ རྒྱ་ གཞུང་ གིས་ བོད་ ལ་ དབང་ བསྒྱུར་ བྱས་ པར་ ངོས་ ལེན་ བྱ་ ངེས་ ཡིན ” ཞེས་ བཀོད་ འདུག འདི་ ནི་ གོ་ བ་ ལེན་ སྟངས་ ཀྱི་ རིམ་ པ་ ཞིག་ རེད། དོན་ གྱི ས་ བློ་ བཟང་ སེང་ གེ་ ཡིས་ དེ་ ལྟར་ བརྗོད་ ཡོད་ པ་ མ་ རེད། སྤྱིར་ རྒྱ་ ཡིག་ གི་ ཚིག་ སྦྱོར་ དང་ རྒྱ་ མི འི་གོམས་ སྲོལ་ ལ་ གཞི་ བཞག་ སྟེ་ བཤད་ ན། མགོ་ ཁྲིད་ སུ་ ཞིག་ དང་ དབང་ བསྒྱུར་ གང་ ཞིག་ དང་ ལེན་ བྱེད་ དགོས་ མིན་ དེ། གོང་ རིམ་ གྱི་ མགོ་ ཁྲིད་ ཚོས་ ཇི་ ལྟར་ བཤད་ ན་ དེ་ ལྟར་ ངེས་ པར་ བསྒྲུབ་ དགོས་ ཀྱི་ ཡོད། བློ་ བཟང་ སེང་ གེ་ ཡིས ་ ཧོང་ ཀོང་ དཔེ་ བརྗོད་ བཞག་ སོང་ ། ཡིན་ ན་ ཡང་ ། ཁྱོད་ ཀྱིས་ རྒྱ་ གཞུང་ གིས་ ཧོང་ ཀོང་ལ་ དབང་ བསྒྱུར་ ཡོད་ པ ར་ ཧོང་ ཀོང་མི་ མང་ གིས་ དང་ ལེན་ བྱེད་ པར་ བརྗོད་ ཐུབ་ བམ། བྷེ་ བྷེ་ སིས་ སྤེལ་ བའི་ བསྒྲགས་ བྱང་ དེས་ བོད་ མི་ གཞོན་ སྐྱེས་ ཁ་ ཤས་ ལ་ བློ་ བཟང་ སེང་ གེ་ ལ་ དོགས་ པ་ དང་ སྐྱོན་ བརྗོད་ ཡོང་ བར་ བཟོས་ སོང་ ། དྲང་ མོར་ བཤད་ ན། དེ་ ནི་ བརྒྱུད་ ལམ་ ཁག་ ལ་ གོ་ ལོག་ བྱུང་ བའི་ རིམ་ པ་ ཞིག་ རེད།
དེ་ ནས། རྒྱ་ གཞུང་ གིས་ བློ་ བཟང་ སེང་ གེ་ ཡིས་ བསྟན་ པའི་ གོང་ ཚད་ དེ་ ལ་ ཇི་ ལྟར་ ངོས་ འཛིན་ བྱེད་ ཀྱི་ ཡོད་ དམ། གོང་ ཚད་ དེ་ སྔར་ བཞིན་ མཐོ་ དྲགས་ འདུག་ དགོངས་ ཀྱི་ ཡོད་ དམ། ཇི་ ལྟར་ མཐོ་ དྲགས་ པ་ ཡིན་ ནམ། ང་ རང་ གིས་ ཚོད་ དཔག་ བྱེད་ ཐུབ་ མ་ སོང་ །
མ་ རྩོམ་ གྱི་ འབྲེལ་ ཐག http://2newcenturynet.blogspot.in/2013/06/blog-post_822.html
དགེ་ རྒན་ ཆེན་ མོ་ ཅིན་ ཝེའི་ སྐད་ ཆ་ གསེད་ པ།
ཧུའུ་ ཕིང་ གིས་ བརྩམས། ནགས་ ཤོད་ སད་ མིས་ བསྒྱུར།
མ་ གཞི་ ཁྱོད་ ཅི་ འདྲའི་ ཁ་ ལྕེ་ བདེ་ པོ་ དང་ །
ལྕེ་ མདུད་ པ་ རྒྱག་ རྒྱུ་ ཡོད་ པའི་ དབང་ དུ་ བཏང་ ན་ ཡང་ །
བོད་ མི་ བརྒྱ་ ཁ་ ལྷག་ གིས་ རང་ སྲེག་ བྱས་ པར་ གདོང་ སྟོན་དགོས་ དུས།
ཁྱོད་ ཀྱིས་ ད་ དུང་ ཡང་ རྒྱ་ ནག་ སྲིད་ གཞུང་ གིས་ བོད་ ཐོག་ འཛིན་ པའི་ སྲིད་ ཇུས་ རྒྱལ་ ཁ་ ཐོབ་ ཡོད་ ལབ་ མི་ ཐུབ།
བོད་ དང་ འབྲེལ་ བ་ཆགས་ པའི་ རྒྱ་ ནག་ གུང་ ཁྲན་ པའི་ དཔོན་ པོ་ དང་ །
མཁས་ པ་ སུ་ ཞིག་ གི་ མི་ སེམས་ བརླགས་ མེད་ ན།
མིག་ སྔའི་ བོད་ ཀྱི་ གནས་ སྟངས་ གདོང་ ལེན་ བྱ་ དགོས་ དུས། ཁོ་ ཚོ་ བློ་ བདེ་ མི་ ཐུབ་ ལ།
སེམ ས་ ཁྲལ་ མ་ ཡོད་ རང་ ཡོད་ རེད།
འདི་ དག་ ལས་ མི་ རེ་ འགས་ རང་ རང་སོ་ སོའི་ ལྟ་ ཚུལ་ མ་ མཐུན་ པའི་ བསམ་ ཚུལ་ ཡོངས་ གྲགས་ ངང་ ཤོད་ གང་ ཐུབ་ བྱེད་ ངེས་ རེད།
ཁོང་ ཚོས་ སྲིད་ གཞུང་ གི་ ལས་ ཀ་ བྱེད་ སྟངས་ དེ་ ཙམ་ ངོས་ ལེན་ མེད་ པར་ གསལ་ སྟོན་ བྱ་ དགོས་ ལ།
ཁོང་ ཚོའི་ རེ་ བར་ སྲིད་ གཞུང་ ནས་ ལུགས་ སྒྱུར་ ཐབས་ སྒྱུར་ བྱ་ དགོས། གཅིག་ བྱས་ ན།
ཁོང་ ཚོ་ རང་ ཉིད་ ལ་ ད་ ལྟའི་ གནས་ སྟངས་ འགྱུར་ བ་ གཏོང་ བའི་ ནུས་ པ་ མེད་ པ་ རྟོགས་ མོད།
མ་ མཐར་ ཡང་ ང་ ཚོ་ དང་ ཁོང་ ཚོ་ ཁྱུ་ གཅིག་ མིན་ པ་ དང་ །
ང་ ཚོ་ དང་ ཁོང་ ཚོ་ གཅིག་ པའང་ མིན་ པའི་ ལྟ་ ཚུལ་ གསལ་ སྟོན་ བྱ་ དགོས་ བསམ་ པ་ རེད།
ཉེ་ དུས། ཧོང་ ཀོང་ ( ཨེ་ ཤ་ ཡའི་ བདུན་ རེའི་ དུས་ དེབ ) ནས་ རྒྱ་ ནག་ དབུས་ གཞུང་ གི་ ཏང་ སློབ་ སྤྱི་ ཚོགས་ ཚན་ རིག་ སློབ་ དཔྱོད་ ཁང་ གི་དགེ་ རྒན་ ཆེན་ མོ་ ཅིང་ ཝེའི་ ཆེད་ དོན་ བཅར་ འདྲི་ ཞིག་ འགོད་ སྤེལ་ གནང་ བ་ ལས་ བོད་ འབྲེལ་ གནད་ དོན་ ལ་ བསྐྱར་ དུ་ གྲོས་ མོལ་ མགོ་ འཛུགས་ དགོས་ ཞེས་ བཤད།
བཅར་ འདྲི་ འདི་ གཟབ་ ནན་ ངང་ གསེད་ བཀྲོལ་དགོས་ པ་ གལ་ ཆེན་ པོ ར་ མཐོང་ །
ཏག་ ཏག་ རེད།
དགེ་ རྒན་ ཆེན་ མོ་ ཅིན་ ཝེ་ ཡི་ ལྟ་ ཚུལ་ མང་ པོ་ ཞིག་ སྲིད་ གཞུང་ གི་ བཤད་ སྟངས་ དང་ གཅིག་ པ་ ཡིན་ དུས།
གསར་ པ་ གང་ ཡང་ མ་ རེད།
འདིར་ རྣམ་ པ་ གསར་ རྐྱང་ ཡིན་ པ་ ཞིག་ ནི་ དགེ་ རྒན་ ཆེན་ མོ་ ཅིན་ ཝེ་ ཡི་ བསམ་ ཚུལ་ མང་ པོ་ ཞིག་ སྲིད་ གཞུང་ དང་ མཐུན་ གྱི་ མེད་ པ་ དེ་ རེད།
དེའང་ རེད་ ལ།
དགེ་ རྒན་ ཆེན་ མོ་ ཅིན་ ཝེ་ དང་ སྲིད་ གཞུང་ བར་ བསམ་ ཚུལ་ མཐུན་ གྱི་ མེད་ པ་ དེ་ དག་ ཀྱང་ །
ང་ ཚོའི་ ལྟ་ ཚུལ་ དང་ ད་ དུང་ ཡང་ བར་ ཐག་ རིང་ པོ་ ཡོད།
རེད་ དེ་ ང་ ཚོས་ རྟོག་ ཞིབ་ བྱ་ དགོས་ པ་ ནི་ མོ་ རང་ གི་ ལྟ་ ཚུལ་ དང་ སྲིད་ གཞུང་ ལྟ་ ཚུལ་ གཉིས་ ལ་ འགྱངས་ ཐག་ ཅི་ ཙམ་ འདུག་ བལྟ་ དགོས་ རྒྱུ་ དེ་ རེད།
དགེ་ རྒན་ ཆེན་ མོ་ ཅིན་ ཝེ་ ཡིས་ སྲིད་ གཞུང་ དང་ ཏཱ་ ལའི་ བླ་ མར་ གྲོས་ མོལ་ བྱ་ དགོས་ པ་ བསྟན་ པ་ རེད།
འདི་ ནི་ ནམ་ ཡང་ བསྔགས་ འོས་ ཞིག་ རེད། གང་ ཞེ་ ན།
དེ་ ནི་ ཏག་ ཏག་ ཏཱ་ ལའི་ བླ་ མས་ སྔ་ ཕྱི་ བར་ གསུམ་ དུ་ བཟུང་ བའི་ ལངས་ ཕྱོགས་ རེད།
གང་ ལྟར་ གྲོས་ མོལ་ བྱ་ དགོས་ པ་ བསྟན་ པ་ དེ་ གྲོས་ མོལ་ ལ་ དགག་ བྱ་ བྱེད་ པ་ ལས་ བཟང་ །
དགེ་ རྒན་ ཆེན་ མོ་ ཅིན་ ཝེ་ ཡིས་ བཤད་ དོན།
ད་ བར་ ངས་ བོད་ དུ་ སྔ་ ཕྱིར་ རྟོག་ ཞིབ་ བྱས་ པ་ ལས་ ཤེས་ རྟོགས་ བྱུང་ བར།
དམངས་ ཕལ་ པ་ ཚོས་ གླེང་ བརྗོད་ བྱེད་ པ་མང་ ཤོས་ དང་ །
ཐད་ ཀ་ ཐད་ ཀའི་ སྐད་ ཆ་ ནི་ ཚེ་ འདི་ གུང་ ཁྲན་ ཏང་ ལ་ བརྟེན། སྐྱེ ས་ པ་ཕྱི་ མ་ ཏཱ་ ལའི་ བླ་ མར་ བརྟེན་ ཟེར་ བ་ དེ་ རེད།
ང་ ཚོས་ ཤེས་ གསལ་ ལྟར།
དྲག་ གནོན་ དང་ བརྟན་ ལྷིང་ སྲུང་ སྐྱོབ་ འོག་ གི་ བོད་ ཁུལ་ དུ།
གུང་ ཁྲན་ ཏང་ ཡག་ པོ་ མི་ འདུག་ ལབ་ ནའང་ ཉེན་ ཁ་ ཡོད་ པ་ རེད་ ལ།
ཏཱ་ ལའི་ བླ་ མ་ ཡག་ པོ་ འདུག་ བཤད་ ནའང་ ཉེན་ ཁ་ ཡོད་ པ་ རེད།
དེས་ ན་ ང་ ཚོས་ གནས་ ལུགས་ འཚམ་ པའི་ སྒོ་ ནས་ དཔག་ ན།
སྐད་ ཆ་ སྔ་ མའི་ ཕྱེད་ ཀ་ ར་ གན་ འདྲེས་ ཡོད་ མོད། ཕྱི་ མ་ དེ་ བདེན་ པ་ རིལ་ རིལ་ རེད།
རྒྱ་ ནག་ གུང་ ཁྲན་ འདིས་ ག་ དུས་ ཡིན་ ནའང་ བོད་ ཁུལ་ གྱི་ དཔལ་ འབྱོར་ འཛུགས་ སྐྲུན་ ལ་ གྲུབ་ འབྲས་ བླ་ མེད་ བཞག་ ཡོད་ པར་ འུད་ སྒྲོག་ བྱེད་ ལ།
དེ་ ལ་ བརྟེན་ ནས་ བོད་ མིའི་ འཚོ་ བར་ ཧ་ ལས་ པའི་ ལེགས་ བཅོས་ ཐུབ་ པར་ བཤད། འདིས་ ཁོ་ པའི་ སྲིད་ ཇུས་ ཇི་ལྟར་ ལམ་ ལྷོང་ བྱུང་ ཡོད་ ལུགས་ བདེན་ དཔང་ བྱེད་ པ་ མ་ ཟད།
བོད་ མི་ ཚོ་ ཅི་ འདྲའི་ བདེ་ པོ་ སྐྱིད་ པོ་ ཡིན་ པར་ གླེང་ ། ཡིན་ ནའང་ །
དགེ་ རྒན་ ཆེན་ མོ་ ཅིན་ ཝེ་ ཡིས་ བཤད་ དོན།
གུང་ ཁྲན་ ཏང་ གིས་ དཔལ་ འབྱོར་ གོང་ འཕེལ་ དང་ དངོས་ ཟོག་ འཕར་ སྣོན་ ཐད་ ལ་ ལས་ དོན་ ཅི་ བས་ མང་ བ་ བསྒྲུབ་ པ་ དང་ །
རྒྱུ་ ནོར་ གནང་ སྦྱིན་ དང་ རོགས་ རམ་ ག་ ཙམ་ བྱས་ ཀྱང་ །
མི་ དམངས་ དཀྱུས་ མའི་ སེམས་ ནང་ གི་ ཏཱ་ ལའི་ བླ་ མའི་ གོ་ ས་ ནམ་ ཡང་ མར་འབེབས་ མི་ ཐུབ་ པ་ མ་ ཟད།
བོད་ མི་ རིགས་ ཀྱིས་ ཏཱ་ ལའི་ བླ་ མར་ བཅངས་ པའི་ དད་ གུས་ དང་ རེ་ ལྟོས་ ལ་ དེ་ བས་ ཀྱང་འགྱུར་ བ་ གཏོང་ མི་ ཐུབ་ པ་ ཞིག་ རེད་ ཟེར།
ད་ དུང་ དགེ་ རྒན་ ཆེན་ མོ་ ཅིན་ ཝེས་ བཤད་ པའི་ བོད་ མིས་ ནང་ བསམ་ བློ་ གལ་ ཆེན་ བརྩི་ བ་ དང་ །
དངོས་ པོ་ གལ་ ཆུང་ བལྟ་ བ། སྐྱེ་ བ་ ཕྱི་ མ་ གཙིགས་ སུ་ འཛིན་ པ་ དང་ །
ཚེ་ འདི་ དོན་ ཆུང་ སྒོམ་ པ་ སོགས་ ཀྱི་ ཐུན་ མིན་ ལྟ་ སྟངས་ ཤིག་ཡོད།
འདི་ ནས་ རྙེད་ ཐུབ་ པ་ ནི།
གལ་ ཏེ་ སྲིད་ གཞུང་ གིས་ ད་ དུང་ ཡང་ ཏཱ་ ལའི་ བླ་ མར་ གདུག་ འདྲེའི་ རང་ བཞིན་ དུ་ བཅོས་ པ་ དང་ །
བོད་ མི་ ཚོར་ ཏཱ་ ལའི་ བླ་ མར་ དད་ བཀུར་ བྱར་ མི་ འཇུག་ པ།
ཏཱ་ ལའི་ བླ་ མ་ རང་ ཉིད་ ཀྱི་ ཕ་ ཡུལ་ དུ་ ཕེབས་ མ་ འཇུག་ ཚེ།
དཔལ་ འབྱོར་ གྱི་ འཕེལ་ རྒྱས་ དང་ བོད་ མིའི་ འཚོ་ དངོས་ ཐད་ ནས་ ཅི་ ཙམ་ ལས་ ཀ་ ཡག་ པོ་ བྱས་ པ་ དང་ །
དགོན་ པ་ ག་ ཙམ་ བསྐྱར་ གསོ་ བཞེངས་ བསྐྲུན་ བྱས་ ཀྱང་ བོད་ མིའི་ སེམས་ ནང་ གི་ འཕགས་ པར་ དགྲར་ བཟུང་ བ་ དང་ དམོད་ ཚིག་ བོར་ བར་ ཐོད་ གཏུག་ བྱ་ མི་ ཐུབ།
དེ་ ལ་ བརྟེན་ ནས་ བོད་ མིའི་ ཆོས་ ལུགས་ དད་ མོས་ ལ་ རྡོག་ བརྫིས་ བཏང་ བས།
བོད་ མིའི་ བསམ་ བློའི་ འཚོ་ བར་ བཙན་ གནོན་ བྱས་ པའི་ ནག་ ཉེས་ བསགས་ པ་ རེད།
ནང་ བསམ་ བློ་ དང་ ཚེ་ ཕྱི་ མར་ གཙིགས་ སུ་ བཟུང་ བའི་ མི་ རིགས་ ཤིག་ གི་ ངོས་ ནས་ བཤད་ ན།
ཁོང་ ཚོའི་ བསམ་ བློ་ བཙན་ འཕྲོག་ བྱས་ པ་ དང་ སྐྱེ་ བ་ ཕྱི་ མ་ བཙན་ གནོན་ བཏང་ སོང་ དུས།
ཁོང་ ཚོའི་ འཚོ་ བར་ བདེ་ ཞིང་ འཇམ་ པ་ རྩ་ ནས་ བརྗོད་ མི་ ཐུབ།
དགེ་ རྒན་ ཆེན་ མོ་ ཅིན་ ཝེས་ བརྗོད་ རྒྱུར།
རྒྱལ་ ནང་ ཁོ་ ནར་ ཏཱ་ ལའི་ བླ་ མའི་ ཡང་ སྲིད་ ཡོང་ དགོས་ པར་ བརྩོན་ ལེན་ བྱ་ དགོས་ ཟེར།
ཏཱ་ ལའི་ བླ་ མ་ སྐུ་ ཕྲེང་ བཅུ་ བཞི་ པ་ སྐུ་ ན་ མཐོ་ བས་ བོད་ བརྒྱུད་ ནང་ བསྟན་ གྱི་ ཆོ་ ག་ ལྟར།
ཡང་ སྲིད་ གནད་ དོན་ ཁ་ ཚ་ དགོས་ གཏུགས་ ཤིག་ ཏུ་ཆགས་ ཚར།
མིག་ སྔའི་ གནས་ སྟངས་ གཞིགས་ ན། འབྱུང་ འགྱུར་ ཏཱ་ ལའི་ བླ་ མ་ མཚེ་ མ་ ཡོང་ རྒྱུར་ ཉེ་ བས།
ཕྱི་ ལོགས་ དང་ རྒྱལ་ ནང་ ཁག་ སོ་ སོར་ ཡང་ སྲིད་ རེ་ རེ་ འཚོལ་ རྒྱུ་ ཡིན་ དུས།
འདིས་ གནད་ དོན་ ཅི་ བས་ ཁག་ ཏུ་ འགྲོ་ ལ།
བོད་ ཁུལ་ གྱི་ བརྟན་ ལྷིང་ དང་ བདེ་ འཇགས་ ལ་ ཤུགས་ རྐྱེན་ ཧ་ ཅང་ ཆེ། གལ་ ཏེ།
འཕེལ་ མེད་ དུ་ གནས་ པའི་ ཏཱ་ ལའི་ བླ་ མའི་ ནད་ དོན་ གྱི་ མདུད་ པ་ ཞིག་ ན།
ཏཱ་ ལའི་ བླ་ མའི་ ཡང་ སྲིད་ རྒྱལ་ ནང་ དུ་ ཐོན་ རྒྱུར་ འབད་ འབུངས་ བྱ་ དགོས།
མ་ གཞི་ ང་ ཚོས་ གསེར་ བུམ་ དཀྲུགས་ པའི་ ལམ་ ལུགས་ སྤྱད་ ནས་ ཕྱི་ རྒྱལ་ དུ་ ཡང་ སྲིད་ འཚོལ་ རྒྱུར་ ཚོད་ འཛིན་ བྱ་ ཆོག་ མོད།
འོན་ ཏེ་ ལོ་ རྒྱུས་ ནང་ སྤྲུལ་ སྐུ་ རང་ སོ་ སོས་ བརྒྱུད་ འཛིན་ པ་ ངོས་ བཟུང་ བྱས་ པའི་ ལོ་ རྒྱུས་ ཀྱང་ ཡོད་ པ་ རེད་ ལ།
པཎ་ ཆེན་ མཚེ་ མའི་ ངོ་ ཚ་ ཁ་ སྐྱེངས་ ལྟ་ བུ་ ཤུགས་ ཀྱིས་ འགོག་ དགོས།
དགེ་ རྒན་ ཆེན་ མོ་ ཅིན་ ཝེའི་ ཏཱ་ ལའི་ བླ་ མའི་ ཡང་ སྲིད་ རྒྱལ་ ནང་ ཁོ་ ནར་ ཐོན་ དགོས་ ཟེར་ བའི་ སྐད་ ཆ་ དེ་ ནི།
རྒྱ་ ནག་ གཞུང་ གིས་ ཐོག་ མཐའ་ བར་ གསུམ་ དུ་ བསྒོམས་ པའི་ དམིགས་ འབེན་ ཡིན་ པ་ གླེང་ མེད་ རེད་ ལ།
མོས་ བཤད་ པའི་ གསེར་ བུམ་ དཀྲུགས་ པའི་ ལམ་ ལུགས་ སྤྱད་ ནས་ ཡང་ སྲིད་ རྒྱལ་ ཕྱིར་ ཐོན་ རྒྱུར་ ཚོད་ འཛིན་ བྱེད་ དགོས་ ཟེར་ བ་ དེའང་ །
རྒྱ་ ནག་ གཞུང་ གིས་ རིང་ ནས་ བཏིང་ བའི་ འཆར་ ཇུས་ ཤིག་ ཀྱང་ རེད།
མང་ པོ་ བཤད་ དགོས་ པ་ མ་ རེད།
དགེ་ རྒན་ ཆེན་ མོ་ ཅིན་ ཝེའི་ སྐད་ ཆ་ ལས་ དོ་ སྣང་ བྱ་ རིན་ ཡོད་ པ་ གཞན་ ཞིག་ ནི།
ལོ་ རྒྱུ་ ནང་ སྤྲུལ་ སྐུ་ རང་ སོ་ སོས་ བརྒྱུད་ འཛིན་ པ་ ངོས་ བཟུང་ བྱས་ པའི་ ལོ་ རྒྱུས་ ཀྱང་ ཡོད་ པ་ ཡིན་ དུས་ ཟེར་ བ་ འདི་ རེད།
སྐད་ ཆ་ འདི་ ཆུང་ ཆུང་ གཏན་ ནས་ མ་ རེད། སྐད་ ཆ་ འདི་ ཧ་ ཅང་ གལ་ ཆེན་ རེད།
ལོ་ རྒྱུས་ ནང་ སྤྲུལ་ སྐུ་ རང་ སོ་ སོས་ བརྒྱུད་ འཛིན་ པ་ ངོས་ བཟུང་ བྱས་ པའི་ ལུགས་ སྲོལ་ ཡོད་ པ་ འདི་ ནི་ བདེན་ པའི་ གནད་ དོན་ ཞིག་ རེད།
འདི་ ནི་ བསམ་ ཚུལ་ ལྟ་ བུའི་ གནད་ དོན་ ཞིག་ མ་ རེད།
བོད་ བརྒྱུད་ ནང་ བསྟན་ གྱི་ བྱུང་ བ་ ལ་ རྒྱུས་ མངའ་ ཅུང་ ཟད་ ཡོད་ པའི་ མི་ སུས་ ཀྱང་ གནད་ དོན་ འདི་ འདྲ་ ཞིག་ ཡོད་ པ་ ཏན་ ཏན་ ཧ་ གོ་ ཡོད།
དུས་ རིང་ ནང་ ། རྒྱ་ ནག་ གཞུང་ གིས་ མི་ བདེན་ རྫུན་ སྒྲིག་ དང་ །
སྐད་ ཆ་ གོ་ ལོག་ བསྒྲུབས་ ནས་ བཙན་ པོ་ དབང་ ཡོད་ ངང་ ཏཱ་ ལའི་ བླ་ མའི་ ཡང་ སྲིད་ བརྩད་ འཚོལ་ གནད་ དོན་ ཐད་ ལ།
གསེར་ བུམ་ དཀྲུག་ རྒྱུ་ ནི་ ངེས་ པར་ བརྒྱུད་ དགོས་ པའི་ གོ་ རིམ་ རེད་ ཟེར་ ལ།
དབུས་ གཞུང་ ལ་ དབང་ ཆ་ མཐོ་ ཤོས་ ཀྱང་ མངའ་ ཡོད་ ཟེར།
འདས་ པའི་ ནང་ ཏཱ་ ལ་ སྐུ་ ཕྲེང་ དང་ པོས་ ཏཱ་ ལ་ ཕྱི་ མ་ ངོས་ འཛིན་ བྱས་ པའི་ ལམ་ ལུགས་ གང་ ཡང་ བྱུང་ མྱོང་ མེད།
ཡིན་ ནའང་ ང་ ཚོས་ ལོ་ རྒྱུས་ ཐོག་ སྤྲུ་ སྐུ་ རང་ སོ་ སོས་ བརྒྱུད་ འཛིན་ པ་ ངོས་ བཟུང་ བྱས་ མྱོང་ ཡོད་ པའི་ ལོ་ རྒྱུས་ དེ་ དག་ སེམས་ པར་ ཉར་ ཚེ།
གོང་ གི་ ནོར་ འཕྱུག་ སོང་ བའི་ སྐད་ ཆ་ འདྲ་ མི་ འདྲ་ དེ་ དག་ ཚང་ མ་ དམར་ དམར་ རྗེན་ རྗེན་ དུ་ མངོན་ ཡོང་ གི་ རེད།
བསྡོམས་ ཚིག་ ཧ་ ཅང་ གསལ་ པོ་ སྟེ།
ཏཱ་ ལའི་ བླ་ མའི་ ཡང་ སྲིད་ གནད་ དོན་ ནི་ ཆོས་ ལུགས་ པ་ འབའ་ ཞིག་ གི་ གནད་ དོན་ རེད།
ཐ་ མལ་ བའི་ སྲིད་ གཞུང་ གི་ ལག་ པ་ བརྐྱངས་ དགོས་ དོན་ མེད།
ཏཱ་ ལའི་ བླ་ མ་ རང་ ཉིད་ ཀྱི་ བརྒྱུད་ འཛིན་ པ་ ངོས་ གཟུང་ རྒྱུར་ རང་ ཉིད་ ལ་ དབང་ ཚད་ ཡོངས་ རྫོགས་ ཡོད་ པ་ རེད།
དེ་ མིན་ རྣམ་ པ་ ཅི་ འདྲ་ ཞིག་ ནས།
ཏཱ་ ལའི་ བླ་ མ་ དང་ འབྲེལ་ མེད་ ཀྱི་ སྒོ་ ནས་ ཡང་ སྲིད་ ངོས་ འཛིན་ བྱེད་ པ་ ཟེར་ བ་ དེ་ ཚོ་ ནི་ ཁྲིམས་ འགལ་ རེད་ ལ།
ནུས་ མེད་ ཀྱང་ རེད།
འཚོ་ བཞུགས་ ཀྱི་ ཏཱ་ ལའི་ བླ་ མའི་ འདི་ པ་ ཚང་ ལ་ གསེར་ བུམ་ དཀྲུགས་ འདོན་ ཟེར་ བའི་ ལམ་ ལུགས་ ཅི་ གང་ བརྒྱུད་ མྱོང་ ཡོད་ པ་ མ་ རེད།
དེས་ ན་ ཁོང་ གི་ བརྒྱུད་ འཛིན་ པ་ དེ་ ལའང་ རང་ བཞིན་ གྱིས་ གསེར་ བུམ་ དཀྲུགས་ འདོན་ བྱ་ དགོས་ དོན་ ཅི་ ཡོད།
སྔ་ ལོར། ངས ( རྒྱ་ ནག་ གཞུང་ གིས་ ཏཱ་ ལའི་ བླ་ མའི་ ཡང་ སྲིད་ ཐད་ ལག་ པ་ འཆང་ དབང་ མེད ) ཅེས་ པའི་ རྩོམ་ ཡིག་ ཅིག་ སྤེལ་ བ་ ཡིན།
ཆེད་ དུ་ གནད་ དོན་ འདི་ དག་ ལ་ དབྱེ་ ཞིབ་ བྱས་ པ་ ཡིན་ པས་ འདིར་ བསྐྱར་ བརྗོད་ མི་ བྱ།
ཀློག་ པ་ པོ་ དང་ དོ་ སྣང་ ཡོད་ རིགས་ ཚོས་ དེར་ དཔྱད་ གཞི་ གནང་ རོགས།
གལ་ ཆེ་ བ་ ཞིག་ ནི།
འཛམ་ བུ་ གླིང་ པ་ ཡོངས་ ཀྱིས་ ཏཱ་ ལའི་ བླ་ མའི་ ཡང་ སྲིད་ ནི་ ཏཱ་ ལའི་ བླ་ མ་ རང་ ཉིད་ ཀྱི་ ལས་ ཀ་ ཡིན་ པ་ ཧ་ གོ་ ཡོད་ དུས།
འཇིག་ རྟེན་ ཕལ་ པའི་ སྲིད་ གཞུང་ ཞིག་ དང་ །
ལྷག་ པར་ དུ་ ལྷ་ མེད་ སྨྲ་ བའི་ སྲིད་ གཞུང་ དང་ འབྲེལ་ བ་ རྩ་ ནས་ ཡོད་ པ་ མ་ རེད།
དེས་ ན།
རྒྱ་ ནག་ གཞུང་ གིས་ ཏཱ་ ལའི་ བླ་ མ་ གཉིས་ བཟོ་ རྒྱུའི་ འཆར་ གཞི་ དེའང་ མ་ རྩ་ རྦད་ དེ་ བརྡིབ་ རྒྱུ་ རེད།
ངས་ བསམས་ ན།
དགེ་ རྒན་ ཆེན་ མོ་ ཅིན་ ཝེ་ ཡི་ སྐད་ ཆ་ འདི་ དག་ ལ་ དོན་ སྙིང་ ཅི་ ཞིག་ འདུག
ང་ ཚོས་ དོ་ སྣང་ འདང་ ངེས་ བྱ་ དགོས་ པར་ མཐོང་ །
༢༠༡༣ ། ༦ ། ༢༤ ཉིན།
གྲོས་ཚོགས་གོང་མའི་ཕྱི་འབྲེལ་ལྷན་ཁང་གི་ཚོགས་གཙོ་རོ་བྷཊ་མེ་ནེན་ཌེ ་ རྫ་ ( U.S. Senator Robert Menendez )མཆོག་གིས་ ༢༠༡༣ ཟླ་ ༣ ཚེས་ ༡༨ ཉིན་གྱི་གཏམ་བཤད། བྱམས་པ་ལྷུན་གྲུབ་ཀྱིས་ “བོད་ཀྱི་ཆབ་སྲིད་སྐྱར་ཞིབ་ ”ལས་བླངས་ཏེ་བོད་བསྒྱུར་བྱས།
དཔལ་ལྡན་སྲིད་འཛིན་ལགས། ངས་བོད་ནང་དུ་བསྟུན་མར་ལྷིང་འཇགས་མེད་པའི་གནས་སྟངས་དང་།
བོད་མི་ཚོས་རང་ལུས་མེར་བསྲེགས་གཏོང་བའི་ཡིད་སྐྱོའི་ཁ་ཕྱོགས་ཀྱི་སྐོར་ལ་སེམས་ཁུར་འགའ་གླེང་འདོད་བྱུང་། ཕྱི་ལོ་ ༢༠༠༩ ཟླ་ ༢ པ་ནས་བཟུང་བོད་མི་ ༡༠༠ ལྷག་གིས་རང་ལུས་མེར་བསྲེགས་བཏང་ཡོད།
རང་སྲེག་གཏོང་མཁན་ཆེས་མང་པོས་ཏཱ་ལའི་བླ་མ་བོད་དུ་གདན་འདྲེན་ཞུ་དགོས་པ་དང་རྒྱ་གཞུང་གིས་བོད་མི་ཚོར་གཞི་རྩའི་འགྲོ་བ་མིའི་ཆེ་མཐོང་སྤྲོད་དགོས་པའི་འབོད་སྒྲ་བསྒྲགས་ཡོད་པ་རེད། མི་གཞན་མང་པོ་ཞིག་གིས་ལྟར།
ངས་བོད་མི་ཚོས་རྒྱ་གཞུང་ལ་ངོ་རྒོལ་བྱེད་ཆེད་འཇིགས་སྣང་ཆེ་བའི་རང་ལུས་མེར་བསྲེགས་ཀྱི་ཐབས་ལམ་དེ་གདམ་ཀ་མི་བྱེད་པའི་རེ་བ་བྱེད་ཀྱིན་ཡོད་ལ། བོད་མི་ཚོས་རང་སྡུག་གཏོང་བའི་ལས་འགུལ་འདི་དག་མཚམས་འཇོག་བྱས་ནས།
སོ་སོའི་དཀའ་སྡུག་དང་ཡིད་ཆད་ཀྱི་གནས་སྟངས་རྣམས་སྟོན་པའི་ཐབས་ལམ་གཞན་དག་གདམ་པའི་རེ་བ་བྱེད་ཀྱིན་ཡོད། དེ་དང་ཆབས་ཅིག
ང་ཚོས་ལས་འགུལ་འདི་རིགས་ནི་བོད་མི་ཚོ་རྒྱ་གཞུང་ལ་སེམས་གཏིང་ནས་མི་དགའ་བའི་རྟགས་མཚན་ཞིག་ཡིན་པ་ངེས་པར་དུ་ཤེས་དགོས།
རང་ལུས་མེར་བསྲེགས་ཀྱི་ལས་འགུལ་འདི་རྒྱ་གཞུང་གིས་བོད་མི་ཚོའི་གཞི་རྩའི་ཆེ་མཐོང་ལ་བརྩི་མེད་དུ་བཏང་བའི་ཡིད་ཆད་པའི་ཚོར་བ་རྣོན་པོ་ཞིག་གི་རྟགས་མཚན་ཡིན་པ་ལས། “ཕྱི་ཕྱོགས་ནས་སྐུལ་མ་ ”བྱས་པའི་ངན་ཇུས་ཤིག་གཏན་ནས་མིན།
རྒྱ་གཞུང་གི་རྩ་ཁྲིམས་ཀྱི་ནང་ “རྒྱ་ནག་མི་དམངས་སྤྱི་མཐུན་རྒྱལ་ཁབ་འོག་གི་མི་རིགས་ཚང་མ་འདྲ་མཉམ་ཡིན། སྲིད་གཞུང་གིས་གྲངས་ཉུང་མི་རིགས་ཚོའི་ཐོབ་ཐང་དང་ཁེ་ཕན་སྲུང་སྐྱོབ་བྱེད་རྒྱུ་དང་། རྒྱ་ནག་ནང་གི་མི་རིགས་ཚང་མའི་བར་ལ་འདྲ་མཉམ་དང་།
ཆིག་སྒྲིལ། ཕན་ཚུན་རོགས་འདེགས་ཀྱི་འབྲེལ་བ་རྣམས་རྒྱུན་འཛིན་དང་རྒྱ་བསྐྱེད་བྱེད་དགོས་ལ། མི་རིཊ་གང་ལའང་དབྱེ་འབྱེད་དང་གཉའ་གནོན་བྱེད་མི་ཆོག ”ཅེས་འཁོད་ཡོད།
འོན་ཀྱང་དེང་སྐབས་བོད་ནི་འཛམ་གླིང་ནང་ཆེས་དམ་དྲག་ཆེ་ཤོས་དང་གུ་དོག་ཤོས་ཀྱི་ལུང་པ་ཞིག་ཆགས་ཡོད་པས། བོད་མི་ཚོས་ཁ་པར་ཐོག་སྐད་ཆ་བཤད་རེས་བྱས་ནའང་བཙོན་ཁང་དུ་འཇུག་གི་ཡོད་པ་རེད།
མ་ཟད་ཏཱ་ལའིི་བླ་མར་རྒྱབ་སྐྱོར་བྱས་ན་རྒྱ་གཞུང་ལ་གྱེན་ལོག་བྱས་པའི་ཁྲིམས་འགལ་ཡིན་པར་ཁ་གཡར་ཏེ་ཁྲིམས་གཏུག་བྱེད་ཀྱིན་ཡོད།
བོད་མི་ཚོ་ལ་ནི་མི་སེར་གཉིས་པ་ལྟ་བུའི་འདུ་ཤེས་ལས་མེད་པས། ཁོང་ཚོ་བོད་ཕྱི་ནང་གང་དུ་ཡང་འགྲོ་འོང་བྱ་རྒྱུར་དམ་དྲག་ཆེན་པོ་བྱེད་ཀྱིན་ཡོད།
ད་དུང་ཕྱི་རྒྱལ་གྱི་སྐུ་ཚབ་དང་གསར་འགོད་པ་ཚོ་རྒྱུན་ལྡན་ཕྱིར་སློག་གིན་ཡོད་པ་རེད། ཨ་རི་མི་མང་དང་གྲོས་ཚོགས་ནས་༧གོང་ས་ཏཱ་ལའི་བླ་མར་གུས་བརྩི་ཆེན་པོ་ཡོད་པ་དང་། བོད་ཀྱི་རིག་གཞུང་དང་། ཆོས་ལུགས།
བོད་མི་བཅས་ལ་ཡུན་སྲིང་གིས་དོ་ཁུར་ཡོད་པར་གསལ་སྟོན་བྱས་ཡོད། ང་ཚོས་བོད་དེ་བཞིན་གཞི་རྩའི་དྲང་བདེན་དང་ཁྲིམས་མཐུན་གྱི་གླེང་གཞི་ཞིག་ཡིན་པར་མཐོང་གི་ཡོད་ལ།
རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་ནང་དུ་འཁོད་པ་ལྟར། རྒྱ་གཞུང་གིས་བོད་མི་ཚོའི་གཞི་རྩའི་འགྲོ་བ་མིའི་ཐོབ་ཐང་ལ་བརྩི་བཀུར་བྱེད་ཀྱིན་མེད།
དེ་ལས་ལྡོག་སྟེ་ཁོས་ཚོས་བོད་ཀྱི་རིག་གཞུང་གཏོར་བཤིག་དང་ས་ཆ་ལ་བཤུ་གཞོག་གཏོང་མུས་ཡིན། དེར་བརྟེན་ངས་ལྟར་ན། བོད་མི་ཚོས་འབད་བརྩོན་ཆེན་པོས་སོ་སོའི་རིག་གཞུང་དང་ངོ་བོ་གཅེས་སྲུང་བྱེད་པ་དང་།
རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་ནང་ལ་མིང་དོན་མཚུངས་པའི་རང་སྲིད་རང་སྐྱོང་རྩོད་རྒྱུ་དེར་རོགས་འདེགས་བྱེད་རྒྱུའི་འགན་འཁྲི་དེ་ང་ཚོའི་མགོ་ཐོག་ཏུ་བབས་འདུག་སྙམ །
ངས་ང་ཚོའི་གྲོས་ཚོགས་ཀྱིས་རོགས་འདེགས་ཇིེ་ལྟར་བྱེད་ཐུབ་མིན་གྱི་སྐོར་ལ་བསམ་ཚུལ་འགའ་ཞུ་ཆོག་པ་གྱིས།
དང་པོ་དེར་ང་ཚོས་བོད་ཕྱི་ནང་གཉིས་སུ་ཡོད་པའི་ཚོགས་སྡེ་སོ་སོར་ཕན་རླབས་ཆེ་བའི་ལས་འཆར་རྣམས་ལ་དཔལ་འབྱོར་གྱི་མཐུན་འགྱུར་མུ་མཐུད་ནས་བྱེད་དགོས་ཀྱི་འདུག
དེ་བཞིན་འདིས་མངོན་པར་གསལ་བའི་འགྲོ་བ་མིའི་བདེ་དོན་གྱི་གྲུབ་འབྲས་ཞིག་སོན་ངེས་པས།
དེས་སྡུག་བསྔལ་ཅན་གྱི་བོད་མི་ཚོར་ཨ་རི་གཞུང་གིས་ང་ཚོའི་ཞུ་འབོད་ལ་སེམས་ཁུར་བྱེད་ཀྱིན་འདུག་སྙམ་པའི་གནད་འགག་ཆེ་བའི་བརྡ་སྟོན་ཞིག་བྱེད་ངེས།
ང་ལ་ཆ་རྒྱུས་ཡོད་པའི་གནས་དོན་གཅིག་ནི་ཨེ་ཤ་ཡ་རང་དབང་རླུང་འཕྲིན་ཁང་གི་བོད་སྐད་སྡེ་ཚན་དང་ཨ་རིའི་རླུང་འཕྲིན་ཁང་གཉིས་རེད། ངས་རྒྱུན་ལམ་འདི་དག་མཐུན་རྐྱེན་དུ་སྦྱར་བ་འུད་སྒྲོག་བཤད་མི་འདོད།
འོན་ཀྱང་རྒྱ་གཞུང་གི་དམ་དྲག་ཞིབ་བཤེར་གྱི་འོག་ཏུ་འཐབ་རྩོད་བྱེད་བཞིན་པའི་བོད་མི་ཚོར་ལ། ཕལ་ཆེར་རང་དབང་ཅན་གྱི་གསར་འགྱུར་རྒྱུན་ལམ་ཡོང་ཁུངས་འདི་དག་གཅིག་པུ་ཡིན།
གཉིས་པ་དེ་ལ། ང་ཚོས་མཉམ་འབྲེལ་རྒྱལ་ཚོགས་ཀྱི་སྐུ་ཚབ་དོན་གཅོད་ནེ་བི་པི་ལེཡི་ ( Navi Pillay) གིས་ཉེ་སྔོན་བོད་དོན་སྐོར་ལ་གཏམ་བཤད་གནང་བ་དེ་དང་ལེན་བྱེད་དགོས། མོས་ “དམག་མི་འབོར་ཆེན་གྱིས་དམ་དྲག་བྱེད་པ་དང་།
འགྲོ་བ་མིའི་ཐོབ་ཐང་ལ་བརྩི་མེད་རྡོག་རོལ་དུ་བཏང་བ་དེས་བོད་ནང་དུ་ནམ་ཡང་སྤྱི་ཚོགས་བརྟན་ལྷིང་བཟོ་མི་ཐུབ། ”ཅེས་གསུང་ཡོད།
མོས་རྒྱ་གཞུང་གི་དཔོན་རིགས་ཚོར་རྒྱལ་ཚོགས་ཀྱི་ལྷན་ཁང་ཁག་གི་སློབ་སྟོན་རྣམས་ལག་བསྟར་བྱ་དགོས་པ་དང་།
རྒྱལ་སྤྱིའི་རང་དབང་ཅན་གྱི་རྟོག་ཞིབ་པ་དང་གསར་འགོད་པ་སོགས་བོད་དུ་འགྲོ་སྐྱོད་ཆོག་རྒྱུའི་འབོད་སྐུལ་གནང་ཡོད་ལ། ད་དུང་རྒྱལ་ཚོགས་ཀྱིས་གཞུང་འབྲེལ་གྱི་དམིགས་བསལ་རྟོག་ཞིབ་པ་བཏང་སྟེ།
བོད་ནང་གི་འགྲོ་བ་མིའི་ཐོབ་ཐང་སྐོར་གྱི་གནད་དོན་རྣམས་ཞིབ་འཇུག་བྱེད་དགོས་པའི་ཞུ་ཡིག་དོན་ཚན་ ༡༢ ཅན་ཞིག་ཀྱང་ཕུལ་ཡོད་པ་རེད །
གསུམ་པ་དེར། ཕྱི་འབྲེལ་ལྷན་ཁང་གིས་མུ་མཐུད་ནས་ཆེད་ལས་མི་སྣ་བོད་དུ་རྟོག་ཞིབ་པར་འགྲོ་རྒྱུའི་འབད་བརྩོན་བྱེད་དགོས།
ང་ཚོར་གཞི་རྩའི་དངོས་ཡོད་གནས་སྟངས་སྐོར་ལ་རང་དབང་ཅན་དང་ཡིད་རྟོན་འོས་པའི་སྙན་ཞུ་དགོས་ཤིང་།
ཕྱི་འབྲེལ་ལྷན་ཁང་གིས་ཕན་ཚུན་གཉིས་ཕན་གྱི་ལམ་ལུགས་ལ་གུས་བཀུར་བྱེད་ཀྱིན་ཡོད་མེད་ལྟ་ཆེད་རྒྱ་ནག་དང་མཉམ་ལས་བྱེད་དགོས། བཞི་པ་དེར། བོད་དོན་མངོན་འདོད་ཀྱི་དོན་སྙིང་ལྡན་པའི་གཏམ་གླེང་བྱེད་པའི་ཆེད།
ངས་ཕྱི་འབྲེལ་ལྷན་ཁང་དང་གཞུང་གི་དོན་གཅོད་ཁང་རྣམ་པར་རྒྱ་ནག་དང་ཁུལ་དེའི་ནང་གི་ཚོཊ་པ་གཞན་རྣམས་དང་འབྲེལ་མོལ་བྱེད་རྒྱུའི་སྐུལ་འདེད་བྱེད་ཀྱིན་ཡོད།
བོད་ནང་དུ་བརྟན་ལྷིང་མེད་པ་དེ་ནི་རྒྱ་ནག་མི་དམངས་སྤྱི་མཐུན་རྒྱལ་ཁབ་ཁྱོན་ཡོངས་ལ་བརྟན་ལྷིང་ཡོང་མིན་གྱི་དྲི་རྟགས་ཆེན་པོ་དེའི་རྒྱུ་རྐྱེན་དེ་ཡིན།
བོད་དོན་ཞི་བའི་གྲོས་གླེང་བྱས་ན་འཛམ་གླིང་ཁྱོན་ལ་རྒྱ་ནག་དེ་དོན་དམ་ཡིད་རྟོན་འོས་པ་དང་དོན་ཕན་ལྡན་པའི་རྒྱ་ཚོགས་ཀྱི་འཐུས་མི་ཞིག་ཡིན་པར་གསལ་སྟོན་བྱེད་ཐུབ། གནས་དོན་གཞན་ཞིག་གླེང་ན།
ཧི་མ་ལ་ཡའི་ས་ཁུལ་དང་དམིགས་བསལ་བལ་ཡུལ་དུ་པེ་ཅིན་གྱི་གནོད་ཤུགས་ཆེར་འགྲོ་བཞིན་པ་དེ། ཧི་མ་ལ་ཡའི་ཁུལ་གྱི་རྒྱལ་ཁབ་གཞན་རྣམས་དང་ལྷན་དུ་གྲོས་མོལ་ལྷུག་པོར་བྱས་ནས་ཐག་གཅོད་བྱེད་དགོས།
དེ་བཞིན་ཨ་རི་གཞུང་གིས་རྒྱ་ནག་གིས་ཆུ་བོ་སྲུང་སྐྱོབ་ཀྱི་གནས་དོན་ལ་དོ་ཁུར་བྱེད་ཆེད་དོན་ཕན་ལྡན་པའི་ཐབས་ལམ་འཚོལ་དགོས།
རྒྱུ་མཚན་ནི་བོད་ཀྱི་རྒྱུག་ཆུ་མང་པོས་ལྷོ་དང་ལྷོ་ཤར་ཨེ་ཤེ་ཡའི་ཆུ་གཞུང་དུ་གནས་པའི་མི་མང་ས་ཡ་བརྒྱ་ཕྲག་མང་པོར་འཚོ་ཐབས་སྐྲུན་གྱིན་ཡོད།
རྒྱ་ནག་གིས་ཆུ་རག་བརྒྱབས་ནས་རྒྱུག་ཆུ་དེ་ཚོ་ཁ་སྒྱུར་བྱེད་པ་དེ་ཨེ་ཤེ་ཡའི་རྒྱལ་ཁབ་ནང་ཁུལ་ལ་འཁྲུག་རྩོད་ཡོང་བའི་རྒྱུ་རྐྱེན་ཞིག་ཏུ་འགྱུར་ཉེན།
དཔལ་ལྡན་སྲིད་འཛིན་ལགས། མཚམས་འདི་ནས་ངས་ཏཱ་ལའི་བླ་མས་རྒྱུན་ལྡན་གསུང་ཡག་གི་ཚིག་ཅིག་དྲངས་ཏེ་གཏམ་བཤད་མཇུག་བསྡུ་བྱ་རྒྱུ་ཡིན།
ཏཱ་ལའི་བླ་མས་བོད་དོན་ལ་སེམས་ཁུར་གྱིས་འབོད་སྒྲ་སྒྲོགས་མཁན་རྣམས་ནི་བོད་པ་ལ་དགའ་བ་དང་རྒྱ་ནག་ལ་སྡང་བའི་རྒྱུ་མཚན་གྱིས་མིན།
ཁོང་ཚོས་བོད་དོན་ལ་སེམས་ཁུར་བྱེད་དོན་ནི་ཁོང་ཚོ་དྲང་བདེན་ལ་དགའ་མཁན་ཡིན་པས་རེད་ཅེས་གསུང་གི་ཡོད། ངས་ཏཱ་ལའི་བླ་མའི་གསུང་འདི་ལ་རྒྱབ་སྐྱོར་བྱེད་པ་དང་སྦྲགས།
བོད་དོན་དཀའ་རྙོག་སེལ་བར་ཡུན་གནས་ཀྱི་གྲོས་ཆོད་ཅིག་འཇོག་ཆེད་གྲོས་ཚོགས་ནང་གི་ལས་རོགས་རྣམས་དང་། རྒྱ་ནག་གི་མཉམ་དུ་ལས་དོན་བྱ་རྒྱུའི་རེ་བ་བྱེད་ཀྱིན་ཡོད།
༼ གཤམ་གྱི་སྙན་ཞུ་འདི་ནི་ཨ་རི་གཙོས་ཕྱི་རྒྱལ་ཡུལ་གྲུ་ཁག་ གི་རྒྱ་རིགས་མང་གཙོ་དོན་གཉེར་བའི་ཚོགས་པ་ཁག་ཅིག་ཐུན་མོང་ནས་བྲིས་པའི་རྒྱལ་ཁབ་ཁག་གི་གྲོས་ཚོགས་འཐུས་མི་དང་། གཞུང་གི་འགོ་ཁྲིད། ཡུ་རོབ་མནའ་མཐུན་ཚོགས་པ།
མཉམ་འབྲེལ་རྒྱལ་ཚོགས་སོགས་ལ་ཕུལ་རྒྱུའི་ བོད་པའི་རང་ལུས་མེར་བསྲེགས་སྐོར་གྱི་འབོད་སྐུལ་ སྙན་ཞུ་ཞིག་ཡིན་པ་དང་། ཕྱི་ཚེས་ ༢༥ ཉིན་གྱི་དགོང་དྲོ་དངོས་སུ་དྲྭ་ཐོག་ ཏུ་འགྲེམས་སྤེལ་དང་ཆབས་ཅིག
འབོད་སྐུལ་ཡི་གེ་དེར་ས་རྟགས་བསྡུ་ལེན་གྱི་ལས་འགུལ་ཞིག་ མགོ་འཛུགས་གནང་ཡོད་འདུག ༽
༄༅། གུས་བརྩི་འོས་པའི་ ( སྙན་ཞུ་འབུལ་ཡུལ། ) མཆོག་ལ།
ཕྱི་ལོ་ ༢༠༠༩ ཟླ་ ༢
པ་ནས་བཟུང་རྒྱ་ནག་དམར་པོའི་དབང་འོག་ཏུ་ཡོད་པའི་བོད་རིགས་ས་ཁུལ་དུ་བོད་མིས་རང་ལུས་བསྲེགས་པའི་གནས་ཚུལ་བསྟུད་མར་ཐོན་པ་མ་ཟད། སྐབས་རེ་ཉིན་གཅིག་ལ་སེར་སྐྱ་མི་གྲངས་བཞིས་རང་ལུས་བསྲེགས་པའི་གནས་ཚུལ་ཡང་བྱུང་ཡོད། ཕྱི་ལོ་ ༢༠༡༢ ཟླ་ ༡༡ ཚེས་༢༡བར་དངོས་སུ་ར་འཕྲོད་བྱུང་བ་མི་ ༧༨ ཀྱིས་རང་ལུས་བསྲེགས་ཡོད་པ་དང་། དེའི་ཁྲོད་ནས་མི་ ༦༠ ལྷག་ཙམ་འདས་གྲོངས་སུ་གྱུར་ཡོད། བོད་མིས་རང་ལུས་བསྲེགས་པའི་རིམ་བསག་གི་གྲངས་འབོར་དང་། གཅིག་རྗེས་གཉིས་མཐུད་ཀྱི་དུས་ཚུད་བཅས་ག་ནས་བལྟས་ཀྱང་། ཡིད་སེམས་སྐྱོ་བའི་དཀའ་སྡུག་གི་ཚད་ནི་ཧ་ཅང་ཆེ་ཞིང་། རང་བསྲེགས་ཀྱི་གནས་ཚུལ་ད་དུང་མུ་མཐུད་ཐོན་བཞིན་ཡོད།
ཚེ་སྲོག་གསོས་པ་དེ་ཚོ་ཉིན་རེ་བཞིན་དང་། རེ་རེ་བཞིན་མེ་ཕུང་གི་ཁྲོད་དུ་མེད་པར་གྱུར་བ་དང་། རྒན་དར་གཞོན་གསུམ་དང་། སྐྱེས་པ་དང་བུད་མེད། གྲ་པ་དང་ཨ་ནེ། མང་ཚོགས་དཀྱུས་མ་བཅས་་་་་་ བོད་འདི་མིས་འཚིག་བཞིན་ཡོད།
ཡང་སྙིང་བོད་དུ་གནས་ཚུལ་ག་རེ་བྱུང་བ་རེད་དམ། བོད་མི་འདི་འདྲའི་མང་པོས་དེ་ལྟ་བུའི་སྡུག་བསྔལ་ཆེན་པོ་དེ་འདྲ་འཁུར་ནས་ཡ་ང་བའི་ཐབས་ལམ་ལ་བརྟེན་ཏེ་རང་གི་ཚེ་སྲོག་བློས་བཏང་བྱས་པ་ནི། ༡༩༦༣ ལོར་ལྷོ་ཝེ་ཏེ་ནམ་གྱི་གྲ་པ་སྒོང་རྡ་ཡིས་སའེ་ཀོན་ (Saigon) གྲོང་ཁྱེར་དུ་རང་ལུས་བསྲེཌ་པ་དང་། ༡༩༦༦
ལོར་རྒྱ་ནག་གི་གྲ་པ་ལེང་ཆིང་གིས་ཕྷ་མན་དགོན་དུ་རང་ལུས་བསྲེགས་པ། ༢༠༠༩
ལོར་རྒྱ་གཞུང་ནས་བཙན་བཤེད་ཀྱིས་སྡོད་ཁང་བཤིགས་པའི་སྡུག་བསྔལ་མྱོང་མཁན་ཐང་ཕྷུ་ཀྲིན་གྱིས་དྲིན་ཏུར་རང་ལུས་བསྲེགས་པ་དང་འདྲ་བར། བོད་མིའི་རང་བསྲེགས་ཀྱི་རྒྱབ་ཏུ་ཤིན་ཏུ་རྒྱ་ཆེ་ལ་ཧ་ཅང་ལྕི་ཞིང་། བཟོད་དཀའ་བའི་སྤྱི་ཚོགས་རང་བཞིན་གྱི་སྡུག་བསྔལ་ཞིག་ཡོད་པ་ནི་སྨོས་མ་དགོས།
རང་ལུས་བསྲེགས་མཁན་བོད་མི་དེ་ཚོས་རང་ཉིད་བློས་བཏང་བྱས་པ་ལས་གཞན་ལ་འཚེ་བ་ཏིལ་འབྲུ་ཙམ་བྱས་མེད། འོན་ཀྱང་རྒྱལ་སྤྱིའི་སྤྱི་ཚོགས་ནས་བོད་མིས་གཞན་ལ་འཚེ་བ་བྱས་མི་འདུག་བསམ་ནས་སྣང་མེད་ཚོར་མེད་དུ་བསྡད་ན་མི་འགྲིག མིའི་སྲོག་ནི་ཧ་ཅང་གི་རིན་ཐང་ཆེ་བས་རང་བསྲེགས་ཀྱི་ཁྲོད་དུ་ཚེ་སྲོག་ཤོར་བ་ནི་གོད་ཆགས་ཡིན། རང་བསྲེགས་ཀྱི་དོན་རྐྱེན་རེ་རེའི་རྒྱབ་ཏུ་ཡ་ང་བའི་སྡུག་བསྔལ་ཁྲི་སྟོང་མང་པོ་ཡོད། རང་བྱུང་གནོད་འཚེ་འབྱུང་སྐབས་མིའི་རིགས་ཀྱིས་མི་ཆོས་རིང་ལུགས་ཀྱི་འདུ་ཤེས་བཟུང་ནས་རོགས་ཕན་བྱེད་ཀྱི་ཡོད་པ་དང་། བོད་མིའི་རང་བསྲེགས་ཀྱི་དོན་རྐྱེན་དང་། དེའི་རྒྱབ་ལོག་གི་བོད་མིའི་དཀའ་སྡུག་ནི་མི་ཚོས་དེ་བས་དོ་སྣང་དང་། རོགས་ཕན་བྱེད་དགོས་པའི་གོད་ཆགས་ཞིག་ཡིན་པས། རྒྱལ་སྤྱིའི་སྤྱི་ཚོགས་ཀྱིས་ཟུར་ནས་ལྟད་མོ་ལྟས་ཏེ་བསྡད་ན་གཏན་ནས་མི་འགྲིག དེ་ནི་བདག་དབང་གི་གནད་དོན་མིན་པར། ས་ཡོམ་དང་། མུ་གེ དམག་འཁྲུག་གི་གོད་ཆགས་དང་འདྲ་བར་མི་ཆོས་དང་འབྲེལ་བའི་གནད་དོན་ཞིག་ཡིན་སྟབས་རྒྱལ་སྤྱིའི་སྤྱི་ཚོགས་ནས་ངེས་པར་དུ་འགན་འཁུར་དང་། ཐག་གཅོད་བྱེད་དགོས་པ་ཞིག་ཡིན།
དེར་བརྟེན་ང་ཚོས་སྐུ་ཉིད་ལ། མི་ཆོས་རིང་ལུགས་ཀྱི་འདུ་ཤེས་བཟུང་བ་དང་། འགན་འཁུར་གྱི་འདུ་ཤེས་ཡོད་པའི་སྒོ་ནས་འཕྲལ་དུ་བྱ་ཐབས་བཟུང་སྟེ། མིས་བཟོས་པའི་གོད་ཆགས་ཡོང་བཞིན་པ་འདི་འགོག་ཐབས་གནང་རོགས་ཞེས་འབོད་སྐུལ་ཞུ་རྒྱུ་ཡིན།
ང་ཚོས། སྐུ་ཉིད་ནས་སྐུ་ཉིད་ཞུགས་ཡུལ་ཆབ་སྲིད་ཚོགས་པ་དང་། སྒྲིག་འཛུགས། སྲིད་གཞུང་། གསར་འགོད་པ། རྒྱལ་སྤྱིའི་ཚོགས་སྡེ་བཅས་བརྒྱུད་ནས་གཤམ་གྱི་ལས་འགུལ་ཁག་སྤེལ་རོགས་ཞུ་རྒྱུ་ཡིན།
༡༽ རྒྱ་ནག་དམར་པོའི་དབང་འོག་ཏུ་ཡོད་པའི་བོད་རིགས་ས་ཁུལ་དུ་བོད་མིས་རང་ལུས་བསྲེགས་པའི་གནས་ཚུལ་བསྟུད་མར་འབྱུང་བཞིན་པ་འདི། འཕྲལ་མར་ཐག་གཅོད་དགོས་པའི་རྒྱལ་སྤྱིའི་གནད་དོན་ཞིག་ལ་བརྩིས་ནས་སྐུ་ཉིད་གནས་ཡུལ་རྒྱལ་ཁབ་དང་། སྒྲིག་འཛུགས་ཀྱིས་རྒྱ་དམར་དང་གཞུང་འབྲེལ་གྱི་འབྲེལ་ལམ་ཡོང་སྐབས་ངེས་པར་གླེང་དགོས་པའི་དོན་གནད་ཀྱི་ཁོངས་སུ་འཇོག་དགོས།
༢༽ སྐུ་ཉིད་གནས་ཡུལ་ས་གནས་ཀྱི་ཚོགས་པ་དང་། སྒྲིག་འཛུགས། གྲོས་ཚོགས། སྲིད་གཞུང་། དེ་བཞིན་མཉམ་འབྲེལ་རྒྱལ་ཚོགས་དང་། ཡོ་རོབ་མནའ་མཐུན་ཚོགས་པ། རྒྱལ་སྤྱིའི་ཚོགས་སྡེ་བཅས་ནས་རང་དབང་ལྡན་པའི་ཞིབ་འཇུག་ཚོགས་པ་བཙུགས་ཏེ་རྒྱ་དམར་གྱི་དབང་འོག་ཏུ་ཡོད་པའི་བོད་རིགས་ས་ཁུལ་ ( ལྷག་པར་དུ་ཡང་ཡང་རང་བསྲེགས་གནས་ཚུལ་ཡོང་སའི་ས་ཁུལ། ) དུ་བསྐྱོད་ནས་ས་གནས་རང་དུ་བོད་མིའི་གནས་སྟངས་དང་། རང་བསྲེགས་ཀྱི་གནས་ཚུལ་ཡོང་དགོས་པའི་རྒྱུ་རྐྱེན་ལ་ཞིབ་འཇུག་གནང་རོགས། དུས་མཚུངས་དེ་ལྟའི་རང་དབང་ལྡན་པའི་ཞིབ་འཇུག་ཚོགས་པ་འདི་རང་དབང་ཆ་ཚང་ཡོད་པའི་སྒོ་ནས་བོད་ནང་ཞིབ་འཇུག་ཏུ་བསྐྱོད་ཆོག་པ་རྒྱ་དམར་གཞུང་ལ་རེ་འདུན་འདོན་དགོས།
༣༽ རྒྱ་དམར་གཞུང་གིས་འཕྲལ་དུ་བོད་ནང་གི་བོད་མིའི་ཆོས་དད་རང་དབང་དང་། མི་རིགས་ཀྱི་རིག་གཞུང་དང་། སྐད་ཡིག་སྲུང་སྐྱོབ་དང་བེད་སྤྱོད་བྱེད་པའི་ཐོབ་ཐང་འགན་སྲུང་བྱེད་དགོས་པ་དང་། ༸གོང་ས་ཏཱ་ལའི་བླ་མ་ཆོག་རང་དབང་གི་ཐོག་ནས་བོད་དུ་ཕྱིར་ལོག་གནང་རྒྱུ་ ( དེ་ནི་རང་ལུས་བསྲེགས་མཁན་བོད་མི་ཚོའི་དགོས་འདུན་གཙོ་བོ་ཞིག་ཡིན། ) དང་། དེ་བཞིན་བོད་ཀྱི་གནད་དོན་ཐག་གཅོད་ཡོང་དགོས་ན། བཙན་བྱོལ་བོད་གཞུང་དང་༸གོང་ས་ཏཱ་ལའི་བླ་མ་མཆོག་དང་གྲོས་མོལ་གནང་དགོས་པའི་རེ་འདུན་འདོན་དགོས།
རྒྱ་དམར་གཞུང་གིས་བཙན་བྱོལ་བོད་གཞུང་གིས་རང་བསྲེགས་ངན་སྐུལ་བྱས་ཚུལ་སྐྱོན་འཛུགས་བྱེད་ཀྱི་ཡོད། ༸གོང་ས་ཏཱ་ལའི་བླ་མ་མཆོག་ནས་སྲོག་ལ་གཅེས་སྤྲད་དགོས་ཞེས་ཡང་ཡང་འབོད་སྐུལ་གནང་གི་ཡོད་པ་ལས། མུ་མཐུད་རང་བསྲེགས་ཀྱི་གནས་ཚུལ་ཐོན་རྒྱུའི་ཐུགས་རེ་གནང་གི་མེད། བཙན་བྱོལ་བོད་གཞུང་གིས་ཀྱང་རྒྱ་གཞུང་ནས་རྡ་རམ་ས་ལར་ཞིབ་འཇུག་བྱེད་མཁན་བཏང་སྟེ། རང་དབང་ལྡན་པའི་རྒྱལ་སྤྱིའི་ཞིབ་འཇུག་ཚོགས་པ་དང་མཉམ་དུ་རྒྱ་གཞུང་གི་སྐྱོན་འཛུགས་བདེན་པ་ཡིན་མིན་ཞིབ་འཇུག་བྱེད་རྒྱུའི་རེ་འབོད་གནང་ཡོད། དེར་བརྟེན།
༤༽ ང་ཚོས། སྐུ་ཉིད་ཀྱིས་རྒྱ་དམར་གཞུང་ལ་བཙན་བྱོལ་བོད་གཞུང་གིས་རེ་འབོད་དེ་ཚོར་བཟང་པོའི་བརྡ་ལན་དགོས་པའི་རེ་འདུན་བཏོན་རོགས་ཞུ་རྒྱུ་ཡིན།
སྐུ་ཉིད་ནས་ཐུགས་སྣང་དང་། གདུང་སེམས་མཉམ་སྐྱེད། བྱ་ཐབས་བཟུང་བ་བཅས་ལ་ཐུགས་རྗེ་ཆེ་ཞུ་རྒྱུ་ཡིན། ང་ཚོས། སྐུ་ཉིད་ཀྱིས་བྱ་ཐབས་དེ་ཚོ་གང་སྔ་སྔ་དང་། ཤུགས་ཆེ་ཙམ་བྱུང་ན། དེས་མི་གཅིག་གམ་ཡང་ན་མི་མང་པོ་ཞིག་གི་ཚེ་སྲོག་སྲུང་སྐྱོབ་ཐུབ་ཀྱི་ཡོད།
ལྷག་བསམ་རྣམ་དག་གི་སྒོ་ནས་སླར་ཡང་ཐུགས་རྗེ་ཆེ་ཞུ་རྒྱུ་ཡིན།
རྒྱ་ཡིག་ནས་བོད་ཡིག་ཏུ་སྒྱུར་མཁན་ཨ་རི་སྐུ་ཚབ་དོན་ གཅོད་ཁང་གི་དྲུང་འཕར་ཀུན་དགའ་བཀྲ ་ཤི
ན་གཞོན་ཤེས་ཡོན་པའི་ཚོགས་ཆེན་ཐེངས་དང་པོའི་གྲུབ་འབྲས།
༄༅།། ༢༠༡༢། ༡༡། ༡༧། དང
༡༨ ཉིན་གཉིས་རིང་ན་གཞོན་ཤེས་ཡོན་པའི་ཚོགས་ཆེན་ཐེངས་དང་པོ་བཞུགས་སྒར་རྡ་རམ་ས་ལར་སྐོང་འཚོགས་གནང་སྟེ། ཕྱི་ལོ ༢༠༠༩ ནས་བྱུང་བའི་གཞིས་ལུས་བོད་མིའི་རང་ལུས་མེར་སྲེག་གི་ལས་འགུལ་ཐད་བགྲོ་གླེང་གཟབ་རྒྱས་གནང་ཡོད།
༼ རང་ལུས་མེར་སྲེག་གི་རྒྱབ་མདུན་ལ་བལྟ་བ་༽ཞེས་པའི་བརྗོད་གཞིའི་སྟེང་ཉིན་གཉིས་ཧྲིལ་བོར་ཁྱོན་ཡོངས་ནས་བགྲོ་གླེང་བྱས་པ་དང། དེ་ཡང་གཞིས་ལུས་བོད་མི་ཚོས་རང་སྲེག་གནང་དགོས་པའི་རྒྱུ་མཚན་དང།
རང་སྲེག་ལས་འགུལ་གྱི་ངོ་བོ་ངོས་འཛིན། རང་སྲེག་ལས་འགུལ་ལ་རྒྱལ་སྤྱིའི་སྟེང་ནུས་ལྡན་རྒྱབ་སྐྱོར་མ་ཐོབ་པའི་རྒྱུ་མཚན་དང་དེ་འཐོབ་ཐབས།
དེ་བཞིན་རང་སྲེག་བྱས་པའི་རྒྱུ་རྐྱེན་ལ་རྒྱ་ནག་དབུས་སའི་གཞུང་ནས་ཚུལ་མཐུན་ཡ་ལན་མི་བྱེད་པར་རེ་སྐུལ་སྙན་ཞུ་ཕུལ་རྒྱུའི་ཚོགས་ཆུང་ཟུར་འཛུགས། གཞན་ཡང།
རང་རེའི་དབུས་དཔལ་ལྡན་བཀའ་ཤག་ལྷན་རྒྱས་ལ་རང་སྲེག་ལས་འགུལ་ཐད་ཛ་དྲག་གི་གནང་སྒོ་ཁག་ཅིག་འབོད་སྐུལ།
བཙན་བྱོལ་ནང་གི་གཞུང་འབྲེལ་མིན་པའི་ཚོགས་པ་ཁག་དང་མི་མང་ནང་རང་སྲེག་ལས་འགུལ་ལ་རྒྱབ་སྣོན་ལས་འགུལ་སྤེལ་ཕྱོགས་ལ་བསམ་འཆར་འདོན་རྒྱུའི་མཚོན།
སྤྱི་སྨན་བསམ་འཆར་དང་སྡིངས་ཆ་འདི་བཞིན་གལ་ཆེན་ཡིན་པ་རྒྱུན་གནས་སྲ་བརྟན་ཡོང་དགོས་པ་བཅས་ཀྱི་ཐད་རྣོ་ངར་ལྡན་པའི་བགྲོ་གླེང་བྱས་ཡོད།
ཚོགས་འདུའི་ཐོག་བརྗོད་གཞི་གཙོ་བོའི་ཐད་ཕྱོགས་བརྒྱད་ནས་བགྲོ་གླེང་བྱས་པ་དང།
དེ་སྔའི་དབུས་ནས་བསྡུ་སྐོང་གནང་བའི་དམིགས་བསལ་ཚོགས་ཆེན་དང། རྒྱལ་ཡོངས་ཚོགས་ཆེན་ཐེངས་བཞིའི་གྲུབ་དོན་སྙན་ཞུར་ཡོད་པའི་ཐབས་ལམ་ཁག་གི་ཐད་བསྐྱར་བཤད་མེད་པར། ༢༠༠༩
ནས་རང་སྲེག་ཐད་རྒྱལ་སྤྱིའི་ནང་རྒྱབ་སྐྱོར་བསྒྲགས་གཏམ་སྤེལ་བ་གྲངས ༨༡ དང། དབུས་བཀའ་སྤྱི་གཉིས་ནས་བསྒྲགས་གཏམ་སྤེལ་བ་སོགས་གྲངས ༨༥ དཔྱད་གཞིར་བཟུང་ནས་ཐབས་ལམ་གསར་པ་འདོན་རྒྱུར་ཤུགས་སྣོན་རྒྱབ་སྟེ།
ཚོགས་ཆེན་སྟེང་ཟམ་གདོང་རིན་པོ་ཆེས་ཕེབས་པའི་གསུང་འཕྲིན་ནང་འཁོད་པ་ "ཁོང་ཚོའི་བློས་གཏོང་ཆུད་ཟོས་སུ་མི་འགྲོ་བའི་ཐབས་ལམ་ཇི་ཡོད་ "ཅེས་པའི་ལམ་སྟོན་ཐད་བགྲོ་གླེང་ཚ་ནན་བྱས་ཏེ་རང་སྲེག་ལས་འགུལ་བྱུང་རྐྱེན་ངོས་འཛིན་གསལ་བོ་དང།
ངོ་བོ་ངོས་འཛིན་ཡག་དག་པར་བྱེད་ཐུབ་བྱུང་མ་ཟད།
གཞིས་ལུས་བོད་མི་ཚོའི་བློ་སྙིང་བྲང་གསུམ་གཏོད་ཡུལ་དབུས་བོད་མིའི་སྒྲིག་འཛུགས་ནས་ཉེ་འཆར་ནས་རྒྱ་ནག་དམར་ཕྱོགས་ཆེས་མཐོའི་དཔོན་ རིགས་ནང་ཁུལ་མ་མཐུན་པའི་རྣོ་ངར་ཛ་དྲག་གི་མཚན་མ་ཕྱིར་བརྡོལ་བཞིན་པ་དང།
དེ་བཞིན་དཔོན་རིགས་བརྗེ་བསྒྱུར་བྱུང་བ་བཅས་ལ་ཞིབ་འཇུག་མཐིལ་ཕྱིན་གྱིས། གལ་སྲིད་རྒྱ་ནག་ནང་ཆབ་སྲིད་ཀྱི་འགྱུར་བ་བྱུང་ཚེ།
གསར་དུ་གྲོས་བསྡུར་བྱེད་མི་དགོས་པར་ད་ལྟ་ནས་བོད་དོན་ལས་འགུལ་སྤེལ་ཕྱོགས་ཀྱི་འཆར་གཞི་ཨང་གསར་གནང་རྒྱུར་འབོད་སྐུལ་ཞུ་རྒྱུ་དང། དེ་བཞིན་ མི་ལོ་ལྔ་བཅུའི་བོད་མིའི་འཐབ་རྩོད་ཀྱི་བྱུང་རབས་ཧྲིལ་བོའི་ནང་གི་ལས་འགུལ་ཆེ་ཁག་ ས་བྱི་ཞི་ རྒོལ་ཆེན་མོ་དང་རང་སྲེག་ལས་འགུལ་སོགས་ལ་ དབུས་ བོད་མིའི་སྒྲིག་འཛུགས་ ནས་ཞིབ་འཇུག་སྙན་ཐོ་ སྐད་ཡིག་འདྲ་མིན་ནང་འདོན་དགོས་པ་དང། བཙན་བྱོལ་བོད་མི་ཚོར་དེའི་གོ་རྟོགས་ཤུགས་ཆེར་སྤེལ་བ། གཞན་ཡང་བཀའ་ཤག་ནས་རྒྱ་ནག་མི་མང་ལ་དམིགས་བསལ་འབྲེལ་བ་བྱེད་སའི་སྒྲིག་འཛུགས་ཤིག་ཟུར་འཛུགས་གནང་སྟེ་ཉིན་རེའི་བོད་དོན་དང་འབྲེལ་བའི་གནས་ཚུལ་གོ་རྟོགས་སྤེལ་རྒྱུ་བཅས་ཀྱི་ཐད་སྤྱི་མོས་གྲོས་འཚམས་བྱུང་འདུག
ཚོགས་ཆེན་སྟེང་ཁ་གསལ་བོས་༼ བོད ་ཕྱི་ནང་གཉིས་སུ་ བོད་མི ༧༩
རང་སྲེག་བཏང་དོན་ནི་ ཁོང་ཚོའི་ཞལ་ཆེམས་ནས་བསྟན་དོན་ལྟར། རྒྱ་ནག་གཞུང་གིས་ ༧རྒྱལ་བ་རིན་པོ་ཆེའི་མཛད་འཕྲིན་ལ་སྐུར་འདེབས་དང། གཞིས་ལུས་མི་མང་གིས་༧གོང་ས་ཆེན་པོ ་མཆོག་ལ་ མཇལ་སྐལ་མ་བྱུང་བ་གཙོ་གྱུར་ཐོག
རྒྱ་གཞུང་གིས་བོད་ཐོག་སྐད་ཡིག་བཀོལ་སྤྱོད་དང་ཆོས་དད་རང་མོས་ཀྱི་ སྲིད་ཇུས་ ནོར་འཁྲུལ་ ཅན་ ལག་བསྟར་བྱས་པ། དེ་བཞིན་བོད་མིའི་འགྲོ་བ་མིའི་ཐོབ་ཐང་བཙན་འཕྲོག་བྱས་པ་སོགས་ལས་བྱུང་བར་ངོས་འཛིན་བྱེད་བཞིན་ཡོད། ༽ཅེས་རང་སྲེག་བྱུང་རྐྱེན་ནི་རང་སྲེག་གནང་མཁན་གང་ཟག་རང་ཉིད་ལྟར་གསལ་འགྲེལ་བྱས་ཡོད་འདུག།
ཚོགས་ཆེན་སྟེང་བོད་ནང་རང་སྲེག་བྱུང་ཡུལ་གྱི་ས་གནས་རྒྱ་གཞུང་གི་དཔོན་རིགས་ཁག་ཅིག་གི་ཆེས་ཐབས་རྡུག་གི་བྱ་སྤྱོད་ཐེར་འདོན་དང། ཁོང་ཚོས་འཛེམ་དོགས་གང་ཡང་མེད་པར་བོད་མི་ཞི་རྒོལ་བ་ཚོའི་སྟེང་རྒྱ་ནག་གི་རྩ་ཁྲིམས་དང་བཅའ་སྒྲིག་ཁག་དང་འགལ་བའི་ངོ་སྲུང་གཡོ་ཐབས་ཀྱི་དྲག་སྤྱོད་ཉག་ཅིག་ལག་བསྟར་བྱེད་བཞིན་པ་ཀུན་གསལ་བཞིན། ས་གནས་གཞུང་ནས་རང་སྲེག་གནང་མཁན་བོད་མི་ཚོའི་མངོན་འདོད་རྒྱ་ནག་དབུས་གཞུང་ལ་ཚུལ་མཐུན་སྙན་ཞུ་འབུལ་རེ་མེད་ཀྱང། རྒྱལ་སྤྱིའི་སྟེང་ཐད་ཀར་རྒྱ་ནག་དབུས་གཞུང་གི་ཆེས་མཐོའི་དབུ་ཁྲིད་ཚོར་བརྡ་ལན་གསལ་བོར་སྤྲད་དང་སྤྲོད་བཞིན་པ་ཡིན་ནའང། རྒྱ་ནག་དབུས་སའི་གཞུང་གཉིས་ཀྱི་བྱེད་བབ་གཅིག་པ་ལྟ་བུར་འགྱུར་ངེས་ཀྱི་རྣམ་འགྱུར་ཐོན་བཞིན་ན། ཚོགས་ཆེན་འདིའི་ཐོག་ས་གནས་དཔོན་རིགས་ཀྱི་ཡ་ང་བའི་བྱེད་བབ་དེ་དག་དབུས་གཞུང་ལ་ཞུ་གཏུག་དང། བོད་མིའི་རང་སྲེག་ཐད་རྒྱ་ནག་གཞུང་གིས་གང་མགྱོགས་ཁོང་ཚོའི་མངོན་འདོད་བཞིན་ཐག་གཅོད་ཡོང་བར་སྙན་ཞུ་གཏོང་གི་ཡིན། སྙན་ཞུ་བཟོ་འགོད་ཚོགས་ཆུང་ནང་ཚོགས་འདུ་གཙོ་སྐྱོང་པ་དང། སྤྱི་འཐུས་གངས་ལྷ་མོ་ལགས། རེ་མདོ་སེང་གེ་ལགས། འབྲིང་པ་འཇིགས་མེད་ལགས། འཇིགས་མེད་བློ་གྲོས་ལགས། ལྷ་ལུང་རྒྱལ་ལགས་བཅས་གཏན་འབེབས་བྱུང་ཡོད།
མཇུག་མཐར་ཤེས་ཡོན་པ་རང་ངོས་ནས་རང་སྲེག་ལས་འགུལ་ཐད་སྒྲུབ་སྒོ་ཁག་ཚོགས་ཆེན་ཐེངས་དང་པོའི་བརྗོད་གཞི་དང་འབྲེལ་བའི་དཔྱད་རྩོམ་ཕྱོགས་སྒྲིག་དཔེ་དེབ་འདོན་རྒྱུ་དང། དཔེ་དེབ་ནང་རང་སྲེག་གནང་མཁན་རྣམས་ཀྱི་ལོ་རྒྱུས་ཞིབ་ཚགས་འཁོད་རྒྱུར་ཤུགས་སྣོན་རྒྱག་པ་དང། རྒྱལ་སྤྱིའི་ནང་རྒྱབ་སྐྱོར་བྱས་པའི་ཚད་གཞི་བཅས་ཕྱོགས་སྒྲིག་བྱ་རྒྱུར་གྲོས་འཆམས་བྱུང་འདུག
ཚོགས་ཆེན་ཐོག་ཕ་རིན་སིར་གནས་བཞུགས་སྐུ་ཞབས་རྩོམ་པ་པོ་ཆབ་བྲག་ལྷ་མོ་སྐྱབས་ལགས་དང་ཡུལ་དེའི་བོད་རིགས་ཚོགས་པའི་ཚོགས་གཙོ་སྐུ་ཞབས་ཐུབ་བསྟན་རྒྱ་མཚོ་ལགས། ལོ་ཙཱ་བ་ཆུང་ཚེ་རིང་ལགས། ཨ་རིར་གནས་བཞུགས་སྤྱི་ཟུར་གདུགས་དཀར་ཚེ་རིང་དང་རྩོམ་པ་པོ་ཀླུ་སྨྱོན་ཧེ་རུ་ཀ་སོགས་ཀྱིས་བརྗོད་གཞིའི་ཐད་དགོངས་ཚུལ་ཆེད་རྩོམ་དང། རྗེས་དྲན་སྙན་ངག་བཅས་བསྐུར་འདུག་པའང་གཙོ་སྐྱོང་པས་ཚོགས་ཐོག་ཏུ་སྒྲོག་སྦྱང་གནང་བ་རེད།
ཉིན་གཉིས་པར་ཆུ་ཚོད་གཅིག་དང་ཕྱེད་ཀ་ཕར་འགྱངས་ཀྱིས་ཚོགས་འདུའི་མཐའ་མའི་སྙན་ཐོ་གཏན་འབེབས་ཟིན་རྗེས། གཙོ་སྐྱོང་པ་ཤར་ཕྱོགས་ཁུག་རྟ་ལགས་ཀྱིས་མཇུག་སྡོམ་གཏམ་བཤད་ནང། གཙོ་སྐྱོང་པས་རེ་བ་ལས་བརྒལ་བའི་སྙན་ཐོ་སྤྱི་མོས་ཀྱིས་གཏན་འབེབས་བྱ་རྒྱུ་བྱུང་བ་འདི། སྤྱིར་བོད་ཀྱི་རྩ་དོན་གྱི་ལས་འགན་བླངས་པ་ཞིག་དང། བྱེ་བྲག་གང་ཟག་སྒེར་བ་སོ་སོས་བོད་དོན་ཐོག་གང་ལ་ཅི་འཇོན་གྱི་བློས་གཏོང་བྱེད་བཞིན་པ་གསལ་སྟོན་བྱས་མ་ཟད། ང་རང་སྒེར་ནས་གོ་སྒྲིག་གནང་བའི་ལས་གཞི་ལའང་རྒྱབ་སྐྱོར་བྱས་པ་མཚོན་ཡོད་པས་ཚང་མར་ཐུགས་རྗེ་ཆེ་ཞེས་ཞུས་ཡོད་པ་རེད། ཡང་ཁོང་ནས་མུ་མཐུད་ངེད་ནས་རྡ་སའི་གཡས་གཡོན་དུ་ལས་རིགས་འདྲ་མིན་ཐོག་ཕྱག་ལས་གནང་བཞིན་པའི་ན་གཞོན་ཤེས་ཡོན་ཅན་མང་པོར་ཚོགས་འདུར་ཕེབས་རྒྱུའི་རེ་སྐུལ་བྱས་པ་འདི་མི་རབས་གསར་པའི་ཆིག་སྒྲིལ་དང་འགན་འཁུར་འཁྱེར་ཕྱོགས་ཤིག་ཡིན་ལ། ཨིན་ཡིག་ཐོག་རྩོམ་འབྲི་བ་གཉིས་དང་གཞན་བོད་ཡིག་ཐད་ཤེས་ལྡན་པ་གསུམ་བཅས་ནས་ཕྱོགས་བསྐྱོད་དང་ནད་མནར། ལས་དོན་གཞན་གྱི་ཆེད་དགོངས་ཞུ་གནང་བ་ནི་སྤྱི་ཚོགས་ཀྱི་སྒྲིག་སྲོལ་དང་ཤེས་ཡོན་པའི་ཀུན་སྤྱོད་གཉིས་ཀའི་འགྲོ་སྟངས་ལ་ནང་བྱུན་ཆུད་པ་རང་བཞིན་གྱིས་གསལ་འདོན་བྱས་ཡོད་པ་རེད། ངེད་ནས་ཤེས་ཡོན་གྱི་གནས་ཚད་ལ་རྒྱུན་ཏུ་བརྩི་བཀུར་བྱེད་བཞིན་པ་མ་ཚང་བ་མེད་པར་འདིར་འཛོམས་ཏེ་བགྲོ་གླེང་ཞིབ་རྒྱས་ཀྱིས་བསམ་ཚུལ་སྙན་ཐོ་བཏོན་པ་ནི། དུས་སྐབས་འདིའི་བཙན་བྱོལ་ན་གཞོན་ཤེས་ཡོན་པ་སྤྱིའི་གནས་བབ་ལ་ཚད་འཇལ་བྱ་ས་ཞིག་ཡིན་པར་ངོས་འཛིན་མི་ཞུ་ཐབས་མེད་རེད། ཚང་མས་སྡིངས་ཆ་འདིའི་གལ་གནད་རང་བཞིན་ལ་དམིགས་བསལ་ལམ་སྟོན་དང་རེ་བ་བྱས་པ་ནི་ངེད་ལ་སྡིངས་ཆ་འདི་བྱིས་པ་དམར་རྗེན་ནས་ན་ཚོད་དར་ལ་བབས་པ། བྱད་བཞིན་ལྟ་ན་སྡུག་པ་ཞིག་བཟོ་རྒྱུར་སྐུལ་མ་བྱས་པ་ཡིན་པས་ཡིད་ཆེས་དེ་ལ་ངེད་ནས་ཐུགས་རྗེ་ཆེ་ཞུ་རྒྱུ་ཡིན།
ངེད་ཀྱི་བློས་གྲོགས་སྐོར་ཞིག་གིས་ལས་དོན་འདི་གོ་བ་དང་ཕྱོགས་ཡོངས་ནས་རྒྱབ་སྐྱོར་བྱས་པ་མ་ཟད། མ་འོངས་པའི་སྡིངས་ཆའི་བརྗོད་གཞི་སྤྱི་ཚོགས་དང་ཤེས་ཡོན་ལ་འབྲེལ་བ་ཡོད་སྐབས་སྡིངས་ཆ་གོ་སྒྲིག་ཞུ་རྒྱུར་མཐུན་འགྱུར་ཞུ་ངེས་ཀྱི་རྒྱབ་སྐྱོར་ཀྱང་ཐོབ་ཡོད་ན། ཁྱེད་རྣམས་པ་དང་རྒྱལ་བལ་འབྲུག་གསུམ་གཙོས་བཙན་བྱོལ་ན་གཞོན་ཤེས་ཡོན་པ་སྤྱིའི་སྡིངས་ཆ་ཞིག་ཏུ་འགྱུར་རྒྱུར་ཚང་མས་ལམ་སྟོན་དང་དགོངས་ཚུལ་བར་ཆད་པར་གནང་རྒྱུ་དང། མེད་ཐབས་མེད་པ་དང་དགོས་ཕན་རླབས་ཅན་གྱི་སྡིངས་ཆ་ཞིག་ཏུ་གྱུར་མཚམས་མ་འོངས་པའི་ན་གཞོན་ཤེས་ཡོན་པ་ཚོར་མང་གཙོའི་སྒྲིག་འཛུགས་ལྡན་པའི་སྡིངས་ཆ་ཞིག་གི་རྣམ་པར་རྩིས་སྤྲོད་བྱ་རྒྱུ་ནི་ཁྱེད་ཚོའི་རྒྱབ་སྐྱོར་ལས་འགྲུབ་ཐུབ་པ་ཞིག་རེད། ཚོགས་འདུ་ཚོགས་ཡུལ་རིན་མེད་གནང་བ་དང་གོ་སྒྲིག་ཞུ་སྒོ་མཐའ་དག་ལ་རོགས་རམ་བྱེད་མཁན་ཚང་མར་སྙིང་ཁུངས་རུས་པའི་གཏིང་ནས་ཐུགས་རྗེ་ཆེ་ཞུ་རྒྱུ་ཡིན།
དེ་བཞིན་ཚོགས་འདུའི་སྡིངས་ཆའི་སྟེང་གནད་དོན་རེ་འགའ་བགྲོ་གླེང་ཡུན་རིང་གནང་ཡང་སྤྱི་མོས་སྙན་ཐོའི་ཁོངས་སུ་མ་ཚུད་པ་ཁག་ཅིག་སྟེ། གཞིས་ལུས་བོད་མི་ཚོར་རྒྱ་ནག་གཞུང་ལ་སྤྲད་པའི་རང་སྐྱོང་གི་བསམ་འཆར་ལྟར་ཁྱོན་ཡོངས་ནས་རྒྱ་ནག་གི་རྩ་ཁྲིམས་དང་བཅའ་ཁྲིམས་གཞིར་བཟུང་འཐབ་རྩོད་བྱ་དགོས་པའི་འབོད་སྐུལ་དབུས་སྒྲིག་འཛུགས་ནས་ཞུ་དགོས་པ་དེ་དང། དེ་བཞིན་རང་སྲེག་ལས་འགུལ་ཐད་ད་བར་ནུས་བ་ཅི་ཞིག་ཐོན་ཡོད་མེད་དང་མ་འོངས་པར་མདུན་ལམ་གང་ཡོད་མེད་ཐད་གཞིས་བྱེས་བོད་མིའི་དབུ་ཁྲིད་དབུས་སྒྲིག་འཛུགས་ནས་ལམ་སྟོན་བྱ་དགོས་པ་མ་ཟད། བོད་ནང་གི་དཀྲོགས་གཏམ་མི་བརྒྱ་མེར་སྲེག་ན་ནུས་པ་ཐོན་ངེས་ཟེར་ཚུལ་ལ་གསལ་བཤད་གནང་དགོས་པ་སོགས་ནི་སྤྱི་མོས་ཕྱོགས་སྡོམ་ནང་མ་ཚུད་ཀྱང། རང་སྲེག་གི་རྒྱབ་མདུན་ཕྱོགས་ཡོངས་ནས་གླེང་སློང་གནང་ཐུབ་ཡོད་པའི་ལོ་རྒྱུས་ཀྱི་ཤུལ་ལམ་ཞིག་ཏུ་གཙོ་སྐྱོང་པས་ངོས་འཛིན་ཞུ་བཞིན་ཡོད།།
མཐའ་དོན་༧བོད་བསྟན་སྲིད་ལ་བཀའ་དྲིན་ཆེ་བའི་སློབ་དཔོན་ཟམ་གདོང་རིན་པོ་ཆེས་རིན་ཐང་བྲལ་བའི་གསུང་འཕྲིན་འདི་འདྲ་ཞིག་ཕེབས་པར་བཀའ་དྲིན་ཆེ་ཞེས་ཞུ་དང། ༧རྒྱལ་བ་རིན་པོ་ཆེ་སྐུ་ཚེ་རྡོ་རྗེ་ཁམས་སུ་བརྟན་པ་དང་རང་སྲེག་གནང་མཁན་རྣམས་ཀྱི་དགོངས་གཞི་མྱུར་ཏུ་འགྲུབ་པར་ཤོག་ཅེས་གསུངས་ཏེ། ཚོགས་འདུ་མཇུག་གྲུབ་ཡོད་པ་རེད། ། ༢༠༡༢། ༡༡། ༢༠། ཉིན།།
བོད་ཀྱི་རང་ལུས་མེར་བསྲེག ས་ལས་འགུལ་གྱི་རྒྱབ་ལྗོངས་དང་གྲུབ་འབྲས་བཅས་ཀྱི་སྐོར་ལ་རྒྱ་རིགས་མཁས་པའི་ལྟ་ཚུལ།
དེ་ཡང་ ཕྱི་ལོ ་ ༢༠༡༡ ལོའི་ཟླ་ ༡༢ ཚེས ་ ༧
ཉིན་དབྱིན་ཇིའི་ཆབ་སྲིད་སློབ་སྟོན་པ་སྐུ་ཞབས་ (Jorman Wonthy) ལགས་ཀྱིས་བོད་ཀྱིས་མེར་བསྲེག ས་ལས་འགུལ་འདི་ནི་བོད་དོན་འཐབ་རྩོད་ལས་འགུལ་གྱི་ཆེས་མཐའ་མ་ཡིན་སྲིད། ཅེས་སྡོམ་ཚིག་བཀོད་པའི་གནས་ཚུལ་ཏ་ཅེ་ཡོན་རྒྱ་ཡིག་དྲ་བར་བཀོད་འདུག་པ་དང་ལྷན།
པོའོ་ཞོན་རྒྱ་ཡིག་དྲ་བར་རྒྱ་ནག་གི་རྩོམ་པ་པོ་ཚོ་ཁྲང་ཆིན་གྱིས་( 曹长青 )ཕྱི་ལོ་ ༢༠༡༡ ལོར་བོད་ཀྱི་མེར་ བསྲེག ས་ལས་འགུལ་ལ་རྒྱལ་སྤྱིའི་དོ་སྣང་ཤུགས་ཆེན་མ་བྱུང་བའི་རྒྱུ་རྐྱེན་ནི། བོད་ཀྱི་མེ་རྒོལ་ལས་འགུལ་སྤེལ་སྟངས་དང་། བོད་ཀྱི་མེར་བསྲེག ས་ལས་འགུལ་སྤེལ་མཁན་རྣམས་ཀྱི་ཆབ་སྲིད་དམིགས་དོན་གཉིས་ཀྱི་རྐྱེན་ཡིན། ཞེས་བཀོད་ཡོད། ཡང་རྒྱ་རིགས་རྩོམ་པ་བོ་ཝང་ལི་ཞོང་གིས་ཀྱང་བོད་ཀྱི་མེར་བསྲེག ས་ལས་འགུལ་འདི་ནི་རྣམ་པ་རླབས་ཆེ་བ་ཞིག་ཡིན་ཡང་དེར་མཐུན་གྱི་གྲུབ་འབྲས་ཐོན་རྒྱུ་ཤིན་ཏུ་དཀའ་ཚུལ་བརྗོད་ཡོད།
ཡང་ཤིན་ཐང་རིན ་བརྙན་འཕྲིན་ཁང་དུ་( 新唐人电视台 )ཐེ་པེའི་སློབ་ཆེན་གྱི་ཆབ་སྲིད་འཆད་ཁྲིད་དགེ་རྒན་ལང་ཅན་ཧ( 梁建华 )ལགས་ཀྱིས་གཏམ་བཤད་བགྲོ་གླེང་ཞིག་གནང་བའི་ནང་། “བོད་ཀྱི་མེ་རྒོལ་ལས་འགུལ་འདི་ནི་རང་དབང་འཐབ་རྩོད་ལས་འགུལ་གྱི་རྩེ་མོར་སོན་པ་ཞིག་དང་། ཁྱད་པར་བོད་ཀྱི་གནད་དོན་ཐོག་རྒྱལ་སྤྱིའོ་དོ་སྣང་འདྲེན་པ་དང་།
རྒྱ་གཞུང་གི་དཔོན་རིགས་ཁག་གིས་བསམ་གཞིག་གསར་བ་བྱ་ཡུལ་རྣོ་ངར་ལྡན་པ་ཞིག་ཏུ་གྱུར་ཡོད། འདི་ནི་ང་ཚོས་རྒྱལ་སྤྱིའི་མི་རིགས་ཁག་གི་ཆབ་སྲིད་ལས་འགུལ་ཁྲོད་མཐོང་དཀོན་པའི་ལས་འགུལ་ཞིག་ཡིན།
འོན་ཀྱང་ང་ཚོས་གསལ་བོ་བཟོ་དགོས་པ་ཞིག་ནི། བོད་ཀྱི་མེ་རྒོལ་བ་ཚང་མ་གྲྭ་བ་དང་བཙུན་མ། བླ་མ། གྲྭ་ཟུར་རྐྱང་རྐྱང་ཡིན་དགོས་པ་འདི་རེད།
འདི་ནི་ཆབ་སྲིད་ཉམས་ཞིབ་པ་དང་ཆབ་སྲིད་པ་རྣམས་ཀྱིས་འགྲེལ་བརྗོད་བྱ་མི་ཐུབ་པའི་གནས་སྟངས་ཤིག་ཏུ་གྱུར་ཡོད།
སྤྱིར་ཆབ་སྲིད་ཀྱི་ལས་འགུལ་གང་ཡིན་ཡང་ཆབ་སྲིད་གྱི་སྣེ་ཁྲིད་མཁན་དང་ཆབ་སྲིད་ཀྱི་ལས་འགུལ་སྤེལ་མཁན་མང་ཆེ་ཤོས་སྤྱི་ཚོགས་ཀྱི་མི་སེར་དཀྱུས་མ་དེ་འདྲ་དང་། སྤྱི་ཚོགས་ཀྱི་གནད་ཡོད་མི་སྣ་སོགས་ཡིན་པ་རེད།
འོན་ཀྱང་བོད་ཀྱི་མེ་རྒོལ་བ་འདི་རྣམས་ནི་དགོན་སྡེ་ཁག་གི་ཆོས་ལུགས་ཉམས་ལེན་བྱེད་མཁན་དང་། ཆོས་ལ་སློབ་སྦྱོང་བྱེད་མཁན་རྐྱང་ཡིན་པ་རེད།
དེ་བས་ཁོ་ཚོའི་ལས་འགུལ་གྱི་དམིགས་ཡུལ་ཀྱང་དགོན་སྡེ་དང་ཆོས་དད་རང་དབང་སོགས་ལས་མཚོན་མི་ཐུབ་ཅིང་། གལ་སྲིད་མཚོན་པའི་དབང་དུ་བཏང་ནའང་སྤྱི་ཚོགས་ཀྱི་མངོན་འདོད་འཁྲུལ་བ་མེད་པ་ཞིག་ཏུ་བརྩི་དཀའ་བ་འདི་རེད།
ཅེས་བརྗོད་འདུག
ཡང་ ཕྱི་ལོ་ ༢༠༡༢ ལོའི་ཟླ ་ ༣ ཚེས་ ༡༠ ཉིན་ཤིན་ཐང་རུན་བརྙན་འཕྲིན་ཁང་དུ།
བོད་ཀྱི་སུམ་བཅུའི་དུས་དྲན་ཐེངས་ལྔ་གསུམ་དང་བོད་ཀྱི་མདུན་ལམ་གང་དུ་ཡོད།( 西藏抗 暴五十三载,西藏路在何方 )ཅེས་པའི་རྗོད་གཞིའི་འོག་བགྲོ་གླེང་གལ་ཆེན་ཞིག་བསྡུས་པ་དང་། བགྲོ་གླེང་དེར་གདན་ཞུའི་བགྲོ་གླེང་བ་བྱང་ཨ་རིའི་སྐུ་ཚབ་དོན་གཅོད་ ཁང་གི་ཟུང་དྲུང་རྒྱ་རིགས་འབྲེལ་མཐུད་པ་ཀུན་དགའ་བཀྲ་ཤིས་ལགས་དང་། ཕྱི་སྡོད་རྒྱ་རིགས་དམངས་གཙོ་ཚོགས་པའི་ཚོགས་གཞོན་ལྕམ་ཧྲིན་ཞེ་( 盛雪 )ལགས།
ཤིན་ཐང་རིན་བརྙན་འཕྲིན་ཁང་གི་དཔྱད་གཞི་འཚོལ་སྒྲུབ་པ་ཧུན་ཧི( 横河 )ལགས་བཅས་མཉམ་ ཞུགས་ཀྱིས་བོད་དོན་སྐོར་སྤྱི་དང་སྒོས་སུ་མེ་རྒོལ་གྱི་སྔ་ཕྱི་ལ་དཔྱད་ཞིབ་རགས་ཙམ་བྱས་པའི་ནང་།
རྒྱ་རིགས་དམངས་གཙོ་ཚོགས་པའི་ཚོགས་གཞོན་ལྕམ་ཧྲིན་ཞེ་ལགས་ཀྱིས་གསུངས་དོན།
མེ་རྒོལ་གྱི་གཙོས་པའི་བོད་ནང་གི་འཐབ་རྩོད་ཀྱི་དཀའ་སྡུག་ཁག་ནི་གུང་ཁྲན་ཏང་གི་དབང་ཆ་གཅིག་སྡུད་རིང་ལུགས་སྲིད་བྱུས་ཀྱི་གྲུབ་འབྲས་ལ་ངོས་འཛིན་རྒྱུ་ལས་གཞན་ཁག་འགེལ་ས་ཅི་ཡང་མེད།
འོན་ཀྱང་བསམ་ཡུལ་ལས་འདས་པའི་ལས་འགུལ་སྤེལ་ཕྱོགས་དེར་གྲུབ་འབྲས་རྩེ་མོར་སོན་པ་ཞིག་མི་འབྱུང་བའི་རྒྱུ་རྐྱེན་ནི། ཉེ་ལམ་ཨ་རི་དང་ ཡུ་རོབ་ཁག་གཙོས་པའི་ནུབ་ཕྱོགས་རྒྱལ་ཁབ་ཁག་ལ་དཔལ་འབྱོར་ཉམས་རྒུད་ཀྱི་དཀའ་ངལ་ཆེ་རུ་འགྲོ་བཞིན་པའི་རྐྱེན་དང་།
ཨ་རབ་དྲག་སྤྱོད་ལས་འགུལ་ཤུགས་ཆེར་ཐོན་པ་བཅས་ཀྱི་རྐྱེན་གཉིས་ལས་གནས་སྐབས་བོད་ཀྱི་མེ་རྒོལ་ལས་འགུལ་ལ་གསར་ལམ་ཁག་གིས་དོ་སྣང་འདྲེན་མ་ཐུབ་པར་ལུས་པ་རེད་། ཅེས་དང་།
མེ་རྒོལ་འདིས་གུང་ཁྲན་ཏང་སེམས་འགུལ་ཐེབས་པར་རེ་བ་རྒྱག་མཁན་ཡོད་ན་རྩད་ནས་ནོར་བ་ཡིན་ལ། གུང་ཁྲན་ཏང་གིས་ནམ་ཡང་མི་མང་གི་དཀའ་སྡུག་ཆེད་མིག་ཆུ་གཏོང་མི་སྲིད།
ད་ལྟ་གུང་ཁྲན་ཏང་གི་གདུག་རྩུབ་མྱོང་མཁན་བོད་ཙམ་མ་ཟད་རྒྱ་རིགས་མི་གྲངས་ས་ཡ་ཉིས་བརྒྱ་ལྷག་ཡོད། དེ་བས་བོད་ཀྱི་ཆབ་སྲིད་འཐབ་རྩོད་ཀྱི་ལམ་ཀ་གང་དུ་ཕྱོགས་ཀྱང་དང་པོ་གུང་ཁྲན་ཏང་རྩ་མེད་མ་བཏང་བར་རེ་བ་གང་ཡང་མེད།
ཅེས་ཟེར།
ཤིན་ཐང་རིན་བརྙན་འཕྲིན་ཁང་གི་དཔྱད་གཞི་འཚོལ་སྒྲུབ་པ་ཧུན་ཧི་ལགས་ཀྱིས་གསུངས་དོན་ལྟར་ན།
ད་ལྟ་བོད་ཀྱི་མེ་རྒོལ་གྱི་གྲུབ་འབྲས་ལ་སྡོམ་ཚིག་རྒྱག་རྒྱུ་ནི་དུས་ཚོད་སྔ་དྲག ས་ཡོད་པ་ཞིག་རེད།
བོད་ཀྱི་མེ་རྒོལ་འདི་ལ་སྔ་ཕྱི་མ་གཏོགས་གྲུབ་འབྲས་རླབས་ཆེ་བ་ཞིག་ཐོན་རྒྱུ་ཡིན་པ་ནི་གནས་ལུགས་ཀྱིས་ཐག་གིས་བཅད་ཚར་ཡོད། འོན་ཀྱང་གྲུབ་འབྲས་དེར་རྔམ་དྲག་ལངས་པའི་བྱ་སྤྱོད་དང་།
མེ་རྒོལ་གྱིས་རྐྱེན་པས་ཚོར་བ་མནོན་མ་ཐུབ་པར་ཧོལ་རྒྱུག་བྱེད་པ་ལྟ་བུའི་བྱ་སྤྱོད་སྤེལ་མི་ཉན། འདི་ནི་ཉེན་ཁ་ཞིག་རེད། མེ་རྒོལ་གྱི་ལོ་རྒྱུས་འདི་མི་སུ་གཅིག་གིས་ཀྱང་ནག་བསུབ་གཏོང་ཐུབ་པ་ཞིག་མིན།
གུང་ཁྲན་ཏང་གིས་ཀྱང་ནག་བསུབ་གཏོང་མི་ཐུབ། དེ་བས་བོད་པ་རྣམས་ཀྱིས་མེ་རྒོལ་འདིའི་མེ་ལྕེ་གང་དུ་འཇོག་མིན་དེ་ཤིན་ཏུ་གལ་ཆེན་རེད།
བོད་པ་ཙམ་མ་ཟད་རྒྱ་རིགས་ས་ཡ་མང་པོས་མེ་རྒོལ་འདི་ལ་གདུང་སེམས་མཉམ་སྐྱེད་བྱེད་ཀྱིན་ཡོད། དམིགས་བསལ་རྒྱ་ནག་སྐམ་ས་ཆེན་མོ་ན་ཡོད་པའི་རྒྱ་རིགས་ཚོས་རྒྱ་གཞུང་གི་དྲིལ་
བསྒྲགས་ག་འདྲ་བྱེད་མིན་ལ་མ་ལྟོས་པར་དོ་སྣང་འདྲེན་གྱི་ཡོད། རྒྱ་རིགས་ཚོས་བོད་ཀྱི་བློས་བཏང་ཆེན་པོའི་ལས་འགུལ་འདི་ལ་མིག་དཔེ་འཛིན་དགོས་ཀྱི་འདུག་ཟེར་ནས་རྗོད་མཁན་མང་དུ་འགྲོ་བཞིན་ཡོད།
གང་ལྟར་གུང་ཁྲན་ཏང་གི་དབང་སྤྱོད་མཇུག་རྫོགས་པའི་ཉིན་ནི་བོད་ཀྱི་མེ་རྒོལ་ལ་ གྲུབ་འབྲས་རླབས་ཆེན་ཐོན་པའི་ཉིན་མོ་ཡིན། ཞེས་ཟེར།
ཨ་པོའོ་ལོའོ་རྒྱ་ཡིག་དྲ་བར་སྤྱི་ཚོགས་དཔྱད་བརྗོད་པ་ལུའུ་ཁུན་ལགས་ཀྱིས་རྩོམ་ཡིག་ཅིག་བྲིས་པའི་ནང་། བོད་ཀྱི་མེ་རྒོལ་འདིའི་མཇུག་འབྲས་ནི་རྒྱ་རིགས་མི་མང་གི་ལག་ཏུ་ཡོད།
རྒྱ་རིགས་མི་མང་ས་ཡ་བདུན་བརྒྱ་ལྷག་གི་རྒྱབ་སྐྱོར་ཐོབ་པ་ཡིན་ན་བོད་ཀྱི་མེ་རྒོལ་ཀྱི་མེ་ལྕེ་འདིས་གུང་ཁྲན་ཏང་གི་སྒོ་ཁྱིམ་ཡོངས་སུ་བསྲེག་ངེས།
བོད་ཀྱི་མེ་རྒོལ་འདི་བོད་ཙམ་མ་ཟད་རྒྱ་རིགས་མི་མང་ས་ཡ་གཅིག་སྟོང་སུམ་བརྒྱ་ལྷག་གི་ཆེད་དུ་འབར་གྱིན་པ་ཤེས་མཁན་དུ་ཡོད། རྒྱ་རིགས་མིང་རྣམས་གཉིད་ཚར་འདུག ཅེས་དང་།
བོད་ཀྱི་བློས་བཏང་ཆེན་པོས་ལས་འགུལ་འདིའི་སྙིང་སྟོབས་ལ་སྔ་ཕྱི་མ་གཏོགས་གྲུབ་འབྲས་འབྱུང་ངེས། སྤྱི་ཚོགས་ཀྱི་གྲུབ་ཆ་གང་ནས་བལྟས་ཀྱང་སྙིང་སྟོབས་འདི་ལྟ་བུ་ནི་ཨུ་ཐུག་པའི་སྐབས་མ་གཏོགས་ཡོང་ཐབས་མེད།
ཨུ་ཐུག་པའི་སྤྱི་ཚོགས་ཀྱི་རྒྱབ་ལྗོངས་བཙན་པོ་ཡོད་ས་ཞིག་ལ་གྲུབ་འབྲས་མི་ཐོན་པ་ཡོང་མི་སྲིད། འདི་ནི་སྤྱི་ཚོགས་ལོ་རྒྱུས་འཕེལ་རིམ་གང་ནས་བལྟས་ཀྱང་གཏན་ཚིགས་ཀྱིས་སྒྲུབ་ཐུབ་པ་ཞིག་ཡིན། ཞེས་ཟེར།
གཟའ་མིག་དམར་ཉིན་དབུ་མའི་ལམ་མི་མང་ལས་འགུལ་ཁང་གིས་གསལ་བསྒྲགས་ཤིག་སྤེལ་ཏེ། ཚེ་བརྟན་རྡོ་རྗེ་མ་བུ་གསུམ་གྱིས་རྒྱ་ནག་རྒྱལ་དར་འཕྱར་བར་རྒྱབ་སྐྱོར་གཙང་མ་ཡོད་སྐོར་དང་།
བོད་མིའི་སྤྱི་ཚོཊ་ནང་བོད་དང་རྒྱ་ནག་རྒྱལ་དར་མཉམ་འཕྱར་གྱི་ལས་འགུལ་སྤེལ་དགོས་པའི་འབོད་སྐུལ་བཅས་ཞུས་ཡོད།
གླིང་ཚ་ཚེ་བརྟན་རྡོ་རྗེ་མ་བུ་གསུམ་གྱིས་རྒྱ་ནག་རྒྱལ་དར་འཕྱར་ཏེ་གོམ་བགྲོད་གནང་བཞིན་པའི་གནས་སྟངས་ཐད། བཙན་བྱོལ་བོད་མིའི་སྤྱི་ཚོགས་ཁྲོད་བཟང་ངན་གྱི་གླེང་སློང་སྣ་ཚོགས་འབྱུང་བཞིན་ཡོད་ལ།
གནད་དོན་དེའི་ཐོག་དབུས་བོད་ཀྱི་གཞོན་ནུ་ལྷན་ཚོགས་ཀྱིས་ཀྱང་ངོ་རྒོལ་བསྒྲགས་གཏམ་ཤིག་སྤེལ་ཡོད་སྟབས། དེ་རིང་ཕྱི་ཚེས་ ༨
ཉིན་གྱི་སྔ་དྲོའི་ཆུ་ཚོད་ ༡༡ སྟེང་བཞུགས་སྒར་ངྷ་ས་རུ་དབུ་མའི་ལམ་མི་མང་ལས་འགུལ་ཁང་གིས།
ཚེ་བརྟན་རྡོ་རྗེ་མ་བུ་གསུམ་གྱི་བློས་གཏོང་ཆེན་པོའི་ལས་འགུལ་ལ་བསྔགས་བརྗོད་དང་འབྲེལ།
ཁོང་མ་བུ་གསུམ་གྱིས་རྒྱ་ནག་རྒྱལ་དར་འཕྱར་བཞིན་པའི་བྱེད་སྟངས་ཐོག་དབུ་མའི་ལམ་ལས་འགུལ་ཁང་གི་ལངས་ཕྱོགས་ཅི་ཡིན་གསལ་སྟོན་གནང་སོང་།
གསར་འགོད་ལྷན་ཚོགས་སྟེང་དབུ་མའི་ལམ་མི་མང་ལས་འགུལ་ཁང་གི་ཤེས་ཡོན་དང་རིག་གཞུང་འགན་འཛིན་ཤར་ཕྱོགས་ཁུག་རྟའམ་བློ་བཟང་ཆོས་འབྱོར་ལགས་ཀྱིས་གནས་ཚུལ་སྒྲོག་སྦྱང་གནང་བའི་ནང་འཁོད་དོན། “ དབུ་མའི་ལམ་གྱི་སྲིད་བྱུས་ནི་བོད་མི་རིགས་ཀྱི་འཚོ་གནས་ལ་དམིགས་བསལ་འགན་འཁྲི་དང་ལོ་རྒྱུས་ལྡན་པའི་གཉིས་སྨན་སྲིད་བྱུས་ཤིག་ཡིན་པ་མ་ཟད།
འཇིག་རྟེན་ཞི་བདེར་སྨན་པའི་ཐབས་ལམ་ཡང་དག་ཅིག་ཀྱང་ཡིན། བོད་གཞུང་མང་གཉིས་བཙན་བྱོལ་དུ་འབྱོར་རྗེས་ཕྱོགས་ཡོངས་ཀྱི་དངོས་ཡོད་གནས་ཚུལ་ལ་གཟིགས་ཏེ།
༧གོང་ས་མཆོག་གི་རླབས་ཆེན་དབུ་ཁྲིད་འོག་མང་གཙོའི་ལམ་ནས་གཏན་འབེབས་བྱས་པའི་སྲིད་བྱུས་འདི་ཉིད། བོད་མིའི་སྒྲིག་འཛུགས་ཀྱིས་མི་ལོ་བཅུ་ཕྲག་གསུམ་རིང་དམ་འཛིན་གནང་བཞིན་པ་དང་།
མི་མང་ནང་སྲིད་བྱུས་འདིའི་རྒྱ་ལས་མ་བརྒལ་བར་བོད་ཀྱི་བདེན་དོན་རྩོད་རྒྱུ་ཁ་ཚ་དགོས་གཏུག་ཆགས་ཡོད་པའི་ཁྲོད།
འདི་ལོའི་གསུམ་བཅུའི་དུས་དྲན་ཉིན་མགོ་འཛུགས་གནང་བའི་ཚེ་བརྟན་རྡོ་རྗེ་མ་བུ་གསུམ་གྱི་ངྷ་ས་ནས་བོད་བར་གྱི་ཞི་བའི་གོམ་བགྲོད་ནི་དཔེ་མཚོན་གསལ་ཤོས་ཤིག་ཡིན།
ཁོང་མ་བུ་གསུམ་གྱི་མངོན་འདོད་དོན་ཚན་ལྔ་ཐོག་མར་ཁྱབ་བསྒྲགས་གནང་སྐབས། ངེས་ཤེས་རྙེད་པའི་ཁོང་གི་ཆོད་སེམས་ལ་ཤེས་ལྡན་ཀུན་གྱིས་ཡི་རངས་གོང་བཀུར་ཞུས་ཡོད་པ་མ་གཏོགས།
གསུམ་བཅུའི་དུས་དྲན་ཉིན་ཁོང་མ་བུ་གསུམ་གྱི་གཡས་གཡོན་དུ་འཚང་ཁ་བརྒྱབ་སྟེ། གསར་འགྱུར་བརྒྱུད་ལམ་སོགས་སུ་མིང་ཙམ་ཐོན་ཐབས་ལ་རྩི་ཤིང་རླུང་ཁྱེར་གྱི་ཟློས་གར་འཁྲབ་རྒྱུ་མ་བྱུང་ ” ཞེས་འཁོད།
གསལ་བསྒྲགས་དེའི་ནང་མུ་མཐུད་འཁོད་དོན། “ གླིང་ཚ་ཚེ་བརྟན་རྡོ་རྗེ་མ་བུ་གསུམ་གྱི་འཐབ་རྩོད་ནི་དུས་ཐུང་ངང་མཇུག་སྒྲིལ་འགྲོ་བ་ཞིག་མིན་ལ། བསམ་སྤྱོད་འཚེ་བ་ཅན་དང་།
གློ་བུར་གྱི་ཚོར་བ་དང་མ་འབྲེལ་བས་རྒྱ་གཞུང་ནས་ཀྱང་འགྲེལ་བརྗོད་ལོག་པ་སྤེལ་མེད་པ་མ་ཟད། འཇིག་རྟེན་འདིར་བློ་གཟུ་བོར་གནས་པ་ཀུན་གྱིས་བསྔགས་འོས་ཀྱི་ཞི་བའི་འཐབ་རྩོད་ཅིག་ཡིན་སྟབས། བཙན་བྱོལ་བོད་མིའི་མི་ལོ ༥༣
ཀྱི་བདེན་དོན་འཐབ་རྩོད་ནང་མིག་དཔེར་འོས་པ་དང་འགྲན་ཟླ་མེད་པ། ཆོལ་གསུམ་གཞིས་བྱེས་མི་མང་གི་མངོན་འདོད་སྒྲུབ་པའི་འཐབ་རྩོད་ནང་གསེར་ཡིག་གིས་བྲིས་པའི་ལོ་རྒྱུས་ཤིག་ཀྱང་ཆགས་ཡོད་ ” ཅེས་འཁོད།
མཐའ་མར་གསལ་བསྒྲགས་དེར། “ ཁོང་མ་བུ་གསུམ་གྱིས་རྒྱ་ནག་རྒྱལ་དར་གཅིག་པུ་འཕྱར་བ་མིན་པར། བོད་དང་རྒྱ་གར།
བལ་ཡུལ་བཅས་ཀྱི་རྒྱལ་དར་མཉམ་འཕྱར་གྱིས་བོད་ཀྱི་བདེན་དོན་འཐབ་རྩོད་གནང་བ་ནི་དངོས་ཡོད་དང་མཐུན་པ། རྣམ་དཔྱོད་ལྡན་པ། དབུ་མའི་ལམ་གྱི་ནང་དོན་སྒྲུབ་པའི་འཐབ་རྩོད་བྱ་ཕྱོགས་ཤིག་ཡིན།
རྒྱ་ནག་གི་རྩ་ཁྲིམས་སྒྲོམ་གཞིའི་འོག་གནས་རྒྱུའི་གྲོས་མོལ་འགྲོ་བཞིན་པ་འདི་དང་། རྒྱ་ནག་རྒྱལ་དར་འཕྱར་སྟེ་ཞི་བའི་འཐབ་རྩོད་གནང་བཞིན་པ་གཉིས་བོད་ལ་མིང་དོན་མཚུངས་པའི་རང་སྐྱོང་འཐོབ་ཆེད་ཡིན་ལ།
བོད་ལ་མིང་དོན་མཚུངས་པའི་རང་སྐྱོང་འཐོབ་རྒྱུའི་མངོན་འདོད་ཁ་ཞེ་གཉིས་མེད་ཡིན་པ། བོད་མི་མང་རང་ངོས་ནས་འདི་ལྟའི་ལས་འགུལ་བརྒྱུད་རྒྱ་ནག་དང་།
འཛམ་གླིང་མི་མང་ལ་ར་སྤྲོད་བྱ་རྒྱུ་ནི་དབུ་མའི་ལམ་ནས་བོད་ཀྱི་བདེན་མཐའ་སེལ་ཐབས་ལ་སྤེལ་དགོས་པའི་འཐབ་རྩོད་རྩེ་གྲས་ཤིག་ཡིན་སྟབས།
ཁོང་མ་བུ་གསུམ་གྱི་རྣམ་དཔྱོད་ལྡན་པའི་འཐབ་རྩོད་ལ་ཡོངས་སུ་རྒྱབ་སྐྱོར་ཞུ་རྒྱུ་ཡིན། བོད་མིའི་འཐབ་རྩོད་ནི་རྒྱ་ནག་མི་མང་སྤྱི་མཐུན་རྒྱལ་ཁབ་ཀྱི་ཁ་གཏད་དུ་ལངས་པའམ།
རྒྱ་ནག་མི་མང་གི་སེམས་ལ་ཞེ་འཁོན་བསྐྲུན་རྒྱུ་དེ་མིན་པར། རྒྱ་ནག་མགོ་ཁྲིད་མཁྲེགས་འཛིན་ཅན་ཚོས་བོད་ནང་ལག་བསྟར་བྱས་པའི་ནོར་འཁྲུལ་སྲིད་བྱུས་ཀྱི་ཁ་གཏད་དུ་འཚེ་མེད་ཞི་བའི་ལམ་ནས་ལངས་པ་ཞིག་ཡིན།
བཙན་བྱོལ་བོད་མི་ཡོངས་ལ་འབོད་སྐུལ་ཞུ་རྒྱུ་ཞིག་ནི། ཚེ་བརྟན་རྡོ་རྗེ་མ་བུ་གསུམ་ལྟར་བོད་མི་དཀྱུས་མ་ཞིག་གིས་བོད་གཞིས་བྱེས་མི་མང་གིས་མངོན་འདོད་རྒྱ་གཞུང་ལ་དངོས་སུ་བརྡ་སྤྲོད་བྱེད་ཆེད།
རང་ཉིད་བློས་གཏོང་གནང་བ་འདི་ནི་ཡོངས་སུ་རྒྱབ་སྐྱོར་གྱི་གནས་ཤིག་ཡིན་སྟབས། དབུ་མའི་ལམ་མི་མང་ལས་འགུལ་ཁང་གིས་མུ་མཐུད་རྒྱབ་སྐྱོར་ཞུ་རྒྱུ་ཡིན་ལ།
ལས་འགུལ་འདི་ལྟ་བུ་མར་མེ་གཅིག་ལས་གཉིས་མཆེད་ཀྱི་ཚུལ་དུ་འབྱུང་ཐུབ་རྒྱུར་འབོད་སྐུལ་ཞུ་རྒྱུ་ཡིན་ ” ཞེས་འཁོད་འདུག
གསར་འགོད་པས་བློ་བཟང་ཆོས་འབྱོར་ལགས་སུ་དབུ་མའི་མི་མང་ལས་འགུལ་ཁང་གིས། ཚེ་བརྟན་རྡོ་རྗེ་ནང་མི་གསུམ་གྱིས་རྒྱ་ནག་རྒྱལ་དར་འཕྱར་བའི་ལས་འགུལ་ལ་རྒྱབ་སྐྱོར་བྱེད་ཀྱི་ཡོད་ན།
མ་འོངས་པར་དབུ་མའི་ལམ་མི་མང་ལས་འགུལ་ཁང་གི་ངོས་ནས་རྒྱ་ནག་རྒྱལ་དར་འཕྱར་བའི་ལས་འགུལ་སོགས་སྤེལ་འཆར་ཡོད་མེད་དྲིས་པར། དབུ་མའི་ལམ་ལས་འགུལ་ཁང་ལ་ད་ཆར་རྒྱ་ནག་རྒྱལ་དར་འཕྱར་རྒྱུའི་འཆར་གཞི་གང་ཡང་མེད་ཀྱང་།
རྒྱ་ནག་རྒྱལ་དར་འཕྱར་མཁན་ཚོར་དགག་བྱ་ཡོད་པ་མ་རེད། རྒྱ་ནག་གི་རྒྱལ་དར་དམར་པོ་དེའི་འོག་བོད་མིའི་སྲོག་ཤོར་གྱི་ཡོད་ནའང་། ཚུར་ཕྱོགས་ནས་ང་ཚོས་དེའི་ཁ་གཏད་དུ་རྒྱ་ནག་རྒྱལ་དར་མེར་བསྲེགས་བཏང་སྟེ།
རྒྱ་ནག་མི་དམངས་ལ་ཞེ་འཁོན་འགྲོ་རྒྱུའི་འཚེ་བའི་ལས་རྩ་བ་ནས་སྤེལ་གྱི་མེད་ཅེས་བརྗོད་སོང་།
ཚེ་རྡོར་མ་བུ་གསུམ་ཉིན་ཤས་རྗེས་རྒྱ་བལ་ས་མཚམས་སུ་འབྱོར་གྱི་ཡོད་སྟབས། གལ་སྲིད་ས་མཚམས་ནས་ཉེན་རྟོག་པས་ཁོང་རྣམས་འཛིན་བཟུང་བཙོན་འཇུག་བྱས་པ་ཡིན་ན།
དབུ་མའི་ལམ་ལས་འགུལ་ཁང་གིས་ཁོང་ཚོར་རོགས་རམ་གནང་འཆར་ཡོད་མེད་དྲིས་པར།
ཁ་སྔོན་ལས་འགུལ་མགོ་འཛུགས་གནང་སྐབས་ནས་ངྷ་སའི་ཚོགས་སྐྱིད་མཉམ་འབྲེལ་གྱིས་ཉིན་བཅུའི་མཚམས་ནས་མི་རེ་ཆ་བགོས་ཀྱིས་གོམ་བགྲོད་བྱེད་ཀྱི་ཡོད་ལ།
ཉིན་ཤས་གོང་ནས་དབུ་མའི་ལམ་མི་མང་ལས་འགུལ་ཁང་གི་འགན་འཛིན་གཞོན་པ་སྤྱི་འཐུས་རྨོག་རུ་བསྟན་པ་ལགས་དང་། མདོ་སྨད་དབུས་རྒྱུན་གྱི་ལས་བྱེད་རྒྱ་མཚོ་གཉིས་ཀྱིས་ལམ་ཁར་རོགས་རམ་གནང་བཞིན་ཡོད།
ལམ་བར་དུ་ཁོང་ཚོར་དཀའ་ངལ་གང་ཞིག་འཕྲད་ཀྱང་དབུ་མའི་ལམ་ལས་འགུལ་ཁང་ཚུད་པའི་ཚོགས་སྐྱིད་མཉམ་འབྲེལ་གྱིས་གང་ཐུབ་རོགས་རམ་གནང་གི་རེད་ཅེས་བརྗོད་བྱུང་།
བོད་ཀྱི་དུས་བབ་ལས།
བོད་མིའི་མེར་མཆོད་ངོར་རྒོལ་ཐད་དཔྱད་གླེང་ཚོགས་འདུ་བསྡུས་པ།
ཕྱི་ལོ ༢༠༡༢ ལོའི་ཟླ ༤ ཚེས ༢༢ ཉིན།
གྲོང་ཁྱེར་སི་ཊི་ཉིས་ཨ་ཞིས་ཧྥེལ་ས་ཁུལ་དུ་ཨོ་སི་ཁྲི་ལི་ཡའི་རྒྱལ་སྤྱིའི་བོད་རིག་པའི་གླེང་སྟེགས།
རྒྱ་ནག་རང་དབང་རིག་གཞུང་ལས་འགུལ་ཁང་དང་སི་ཊི་ཉིས་དུས་གནས་ལྟེ་གནད་གླེང་སྟེགས་བཅས་ཚོགས་པ་གསུམ་མཉམ་འབྲེལ་གྱིས་བརྗོད་གཞིར༼མེ་རླབས་ཁྲོད་ཀྱི་རང་དབང་།
བོད་མིའི་ལས་དབང་དང་འབྱུང་འགྱུར་དཔྱད་གླེང༽ཞེས་པའི་ཚོགས་འདུ་བསྡུས་ཤིང་།
ཨོ་སི་ཁྲི་ལི་ཡར་བཞུགས་པའི་སྐུ་ཚབ་དོན་གཅོད་དྭགས་པོ་བསོད་ནམས་ནོར་བུ་མཆོག་དང་བོད་རྒྱའི་འབྲེལ་མཐུད་འགན་འཛིན་ལྕམ་སྐུ་ཞབས་ཟླ་སྒྲོན་ལགས། ཨོ་སི་ཁྲི་ལི་ཡ་གཞུང་གི་རྒྱལ་སྤྱིའི་མཐོ་རིམ་བློ་འདོན་པ་ལྕམ་ལཱོན
( Patricia Lyon )།
དེ་མིན་སི་ཊི་ཉིས་བོད་རིགས་མཐུན་ཚོགས་ཀྱི་ཚོགས་གཙོ་ནེས་རྒན་དང་རྒྱུན་ལས་ཁ་ཤས། སི་ཊི་ཉིས་ལ་བཞུགས་པའི་རྒྱ་རིགས་མཁས་པ་དང་དམངས་གཙོ་ལས་འགུལ་བ། སློབ་ཕྲུག་དང་གསར་འགོད་པ།
རྩོམ་པ་པོ་དང་བོད་མི་བཅས་ཁྱོན་བསྡོམས་མི་གྲངས ༧༠ ལྷག་ཚོགས་ཞུགས་གནང་སོང་།
ཚོགས་འདུ་འགོ་འཛུགས།
ཚོགས་འདུ་གཙོ་སྐྱོང་བ་ལྕམ་ཆུང་ཁྲིན་ཧོང་ཞིན་ལགས་ཀྱིས་ཚོགས་འདུ་དབུ་འཛུགས་གནང་སྐབས་ཞིབ་ཕྲའི་ལམ་ནས་ཕྱི་ལོ ༢༠༠༩ ལོ་ནས་ད་ལྟའི་བར་བོད་མི་ག་ཚད་ཀྱིས་རང་ལུས་མེར་མཆོད་གནང་ཚུལ་དང་ཁོང་ལྷན་རྒྱས་ཀྱི་གནས་སྟངས། བོད་མིས་རང་ལུས་མེ་མཆོད་ཕུལ་ཡུལ་དང་རེ་འདུན་སོགས་བརྗོད་པར་མ་ཟད།
ཁོང་ལྷན་རྒྱས་ཀྱིས་རང་ལུས་མེར་མཆོད་གནང་སྐབས། ༼བོད་ལ་རང་དབང་དགོས༽དང༼རྒྱལ་བ་རིན་པོ་ཆེ་ཕྱིར་ཕ་ཡུལ་ལོག་འཇུག་དགོས༽ཞེས་པའི་སྐད་འབོད་བྱས་ཚུལ།
ད་དུང་འགྲོ་བ་མིའི་རིགས་ཀྱི་ལོ་རྒྱུས་སྟེང་དུ་མི་རིགས་ཤིག་གིས་འདི་ལྟར་ཚེ་སྲོག་རང་དབང་གི་ཆེད་དུ་རྒྱུན་མཐུད་ནས་བཏང་བ་ཧ་ལམ་ཐོག་མ་ཆགས་ཡོད་པས།
ཅིའི་ཕྱིར་ཡ་ང་བའི་དོན་རྐྱེན་འདི་དག་རྒྱུན་མཐུད་བྱེད་ཀྱི་ཡོད་དམ། རྒྱ་ནག་སྲིད་གཞུང་ཅི་ཞིག་ལ་ཞེད་ཀྱིན་ཡོད་དམ། བོད་མི་ཚོས་བསམ་བློ་ག་རེ་གཏོང་གི་ཡོད་དམ།
རྒྱལ་སྤྱིའི་གླེང་ཕྱོགས་དང་ང་ཚོ་ཨོ་སི་ཁྲི་ལི་ཡས་བོད་མིའི་མེར་མཆོད་ལས་འགུལ་ལ་དགོངས་པ་ཇི་ལྟར་བཞེས་ཀྱི་ཡོད་ཚུལ་ནི་ཐེངས་འདིའི་དཔྱད་གླེང་ཚོགས་འདུའི་དམིགས་ཡུལ་དུ་གསུངས་སོང་།
རྒྱལ་སྤྱིའི་བོད་རིག་པའི་གླེང་སྟེགས་ཀྱི་སྤྱི་ཁྱབ་རྩོམ་སྒྲིག་པ་ལྷ་སྡེ་གནམ་ལོ་ཡག་གིས་ཚོགས་འདུ་བསྡུ་སྐོང་གནང་མཁན་ཚོགས་པ་གསུམ་གྱི་ཚབ་བྱས་ཏེ་ཚོགས་འདུར་ཤིས་ཚིག་འབུལ་སྐབས་བཤད་དོན།
མེར་མཆོད་ངོ་རྒོལ་ནི་བོད་མི་ཁོ་ནར་གཏོགས་པ་ཞིག་མ་ཡིན་པར་རྒྱལ་སྤྱི་རང་བཞིན་ལྡན་པའི་ངོ་རྒོལ་གྱི་རྣམ་པ་ཞིག་རེད། དཔེར་ན།
སྔར་ཨ་རི་ནས་བེ་ཐུ་ནམ་དམག་འཁྲུག་ལ་ངོ་རྒོལ་བྱུང་བ་དང་རྒྱ་གར་གྱིས་སྐད་ཡིག་སྲིད་ཇུས་འགྱུར་བ་བཏང་བ། དེང་གི་མེ་ཏོག་མ་ལི་ཀའི་གསར་བརྗེ་བཅས་ནི་མེར་མཆོད་ལས་འགུལ་གྱིས་བསྐྱེད་པ་ཞིག་རེད་ལ།
གླེང་ཕྱོགས་ཀྱི་ཆ་ནས་མེར་མཆོད་ངོ་རྒོལ་ཡང་དག་ཅིག་ལ་ངོས་འཛིན་གནང་ཡོད་པར་མ་ཟད། མེར་མཆོད་ངོ་རྒོལ་གྱིས་གཡུར་དུ་ཟ་བའི་གྲུབ་འབྲས་ལེན་ཐུབ་ཡོད། ཕྱི་ལོ ༢༠༠༩ ལོ་ནས་དེ་རིང་བར་ཁྱོན་བསྡོམས་བོད་ཕྱི་ནང་གི་མི་གྲངས ༣༨ རང་ལུས་མེར་མཆོད་ཀྱིས་པེ་ཅིན་གྱིས་བོད་ཐོག་འཛིན་པའི་སྲིད་ ཇུས་ལ་ ངོ་རྒོལ་བྱས་ཡོད་ཅིང་། དེའི་ཁྲོད་ནས་མི ༢༨ གྲོངས་ཡོད། པེ་ཅིན་གྱི་སྐད་ཆ་ལྟར་བཤད་ན།
ཁོང་ལྷན་རྒྱས་ནི་ཡར་ལངས་ཞིང་བྲན་གྱི་མི་རབས་གཉིས་པ་དང་གསུམ་པ་རྐྱང་རེད།
འདི་ལྟར་བོད་ཀྱི་གནས་སྟངས་ཛ་དྲག་ཏུ་འགྱུར་བཞིན་པའི་སྐབས་འདིར་རྒྱ་མིའི་ཁྲོད་དུ་བོད་མིའི་རང་ལུས་མེར་མཆོད་ངོ་རྒོལ་ཐད་བཤད་སྟངས་གསུམ་བྱུང་ཡོད། ༡ རྒྱ་ནག་གཞུང་ཕྱོགས་ཀྱི ས ་དྲག་སྤྱོད་པར་སྨྲ་བ། ༢ རྒྱ་ནག་སྐམ་སའི་ཤེས་ཡོན་པ་རེ་ཟུང་གིས་ཚད་མཐོའི་འཚེ་བར་སྨྲ་བ། ༣
རྒྱ་ནག་ཕྱི་སྡོད་དམངས་གཙོའི་ལས་འགུལ་བ་དང་ཤེས་ཡོན་པ་ཁ་ཤས་ཀྱིས་ཚེ་སྲོག་གཅེས་སྤྲས་སྨྲ་བ་བཅས་རེད་ལ། ཐ་ན་རྒྱ་མི་མང་ཆེ་ཤས་ཀྱིས་བོད་མིས་ཅིའི་ཕྱིར་རང་ལུས་མེར་མཆོད་ཀྱིས་ངོ་རྒོལ་གནང་བཞིན་པར་ཧ་གོ་མེད་ཅིང་།
བོད་མིའི་རང་ལུས་མེར་མཆོད་ངོ་རྒོལ་གྱིས་རྒྱ་ནག་དམངས་གཙོ་འགྱུར་བར་ཤུགས་རྐྱེན་ག་རེ་ཡོད་མེད་གླེང་མཁན་ཡང་བྱུང་མེད། དེ་བས། ཚོགས་ཞུགས་པ་ལྷན་རྒྱས་ནས་གསུང་མོལ་ལྷུག་པོར་གནང་བའི་རེ་བ་ཡོད་ལ།
བོད་མིའི་མེར་མཆོད་ངོ་རྒོལ་ལ་དབྱེ་ཞིབ་མཐིལ་ཕྱིན་གྱིས་ཡང་སྙིང་ཅི་ཡིན་ལ་གསལ་ཁ་བཏོད་ནས་གླེང་ཕྱོགས་ལ་སྣེ་ཁྲིད་ཡོང་བའི་སྨོན་འདུན་ཡོད། ཡང་ ཞིག་ བཤད་ན། དེ་ནི་ཚོགས་འདུ་འདི་སྐོང་འཚོགས་གནང་བའི་དོན་སྙིང་ཡང་ཡིན།
སྐུ་མགྲོན་གཙོ་བོ་བདུན་གྱི་གཏམ་བཤད་ཉིང་བསྡུས།
སྐུ་ཚབ་དོན་གཅོད་དྭགས་པོ་བསོད་ནམས་ནོར་བུ་མཆོག་གིས་དཔྱད་གླེང་སྤེལ་སྐབས། གལ་བོ་ཆེ་ལ་ནན་ཏན་གྱིས་གསུང་དོན།
རྒྱ་ནག་གཞུང་གིས་རྩ་ཁྲིམས་ནང་དུ་གྲངས་ཉུང་མི་རིགས་ལ་རང་ཉིད་ཀྱི་སྐད་ཡིག་སྲུང་སྐྱོབ་བྱེད་པའི་ཐོབ་ཐང་སྤྲད་ཡོད། ཡིན་ནའང་།
བོད་མིའི་ལག་ནས་རང་ཉིད་ཀྱི་ཤེས་རིག་དར་སྤེལ་དང་རྒྱུན་མཐུད་ཀྱི་ཐོབ་ཐང་འཕྲོག་ཟིན་པར་མ་ཟད། ལོ་འདི་དག་རིང་བོད་ཀྱི་སྐད་ཡིག་གི་སྤྱོད་སྒོ་ཇེ་དོག་ནས་ཇེ་དམ་ལ་བཏང་ཡོད།
དགོན་པའི་ནང་དུ་རྒྱལ་གཅེས་སློབ་གསོ་ཁྱབ་བརྡལ་དུ་གཏོང་བཞིན་པར་མ་ཟད།
ཐ་ན་གཞུང་འབྲེལ་གསར་ལམ་ཁག་ཏུ་རྒྱལ་བ་རིན་པོ་ཆེ་མཆོག་གི་དབུ་མའི་ལམ་གྱི་རྒྱབ་ཏུ་རྒྱ་མི་ཕྱིར་ཕུད་ཀྱི་དམིགས་ཡུལ་བཅངས་ཡོད་ཚུལ་གྱི་ཁ་རྡུང་བཏང་ནས་སྔར་ཧེ་ཐི་ལའེ་ཡིས་འཇེའོ་མི་རིགས་རྩ་མེད་བཏང་བ་དང་གཅིག་མཚུངས་ཡིན་ཚུལ་ལབ་ཀྱིན་འདུག
ཡིན་ནའང་། ཧི་ཐི་ལའེ་ནང་བཞིན་མཐོང་གིན་པའི་མི་འདིར་ཞི་བདེ་རྟགས་མ་རེག་ཡོད་པའི་ཁར། འཛམ་གླིང་མི་དམངས་ཀྱི་བརྩི་བཀུར་ཐོབ་ཡོད། དབུ་མའི་ལམ་ནི་གཉིས་རྒྱལ་གྱི་ལམ་ཁ་ཞིག་སྟེ།
འཚེ་མེད་ཞི་བའི་མཛའ་བརྩེ་གཉིས་ཕན་རྩ་གནད་དུ་བཟུང་བའི་དཀྱེལ་ཡངས་ཀྱི་སྲིད་ཇུས་ཤིག་ཡིན། བོད་ནང་རང་ལུས་མེར་མཆོད་གཏོང་མཁན་ཚང་མ་ཕྱི་ལོ ༡༩༥༩ ལོའི་རྗེས་སུ་འཁྲུངས་པའི་མི་རབས་གཉིས་པ་དང་གསུམ་པ་ཤ་སྟག་རེད་ལ། ཁོང་ཚོ་ཚང་མ་རྒྱ་ནག་དམར་བོའི་སྲིད་དབང་འོག་ཏུ་འཚར་ལོངས་བྱུང་བ་དང་སློབ་གསོ་རེག་ཡོད་པས།
རྒྱ་གཞུང་རང་ཉིད་ཀྱི་སློབ་གསོའི་འོག་ཏུ་འཚར་ལོངས་བྱུང་བའི་བོད་མི་འདི་དག་ལ་གོང་ས༸རྒྱལ་བ་རིན་པོ་ཆེ་དང་ཕྱི་སྡོད་བོད་མིས་བརྒྱུད་བསྐུལ་ཀྱིས་རྒྱ་གཞུང་ལ་ངོ་རྒོལ་གནང་བར་བསྙད་མི་རུང་།
དོན་ལ་ཁོང་ལྷན་རྒྱས་ནས་མེར་མཆོད་ཀྱི་བྱེད་ཐབས་སྤྱད་ནས་སྲིད་གཞུང་ལ་ངོ་རྒོལ་དང་ཁོང་ཚོའི་དགོས་འདུན་བརྗོད་ཀྱིན་ཡོད་ལ། དེ་ནི་བོད་མི་ཡོངས་ཀྱི་དགོས་འདུན་ཡང་རེད།
རྒྱ་ནག་དམངས་གཙོ་དོན་གཉེར་བ་རྒན་པ་དང་འགྲོ་བ་མིའི་ཐོབ་ཐང་ལས་འགུལ་བ་སྐུ་ཞབས་ཕན་ཆིན་ལགས་ཀྱིས་དཔྱད་གླེང་སྤེལ་སྐབས་གསུང་དོན།
བོད་མིའི་རང་ལུས་མེར་མཆོད་དོན་རྐྱེན་གྱིས་ཁོ་བོའི་མི་ཚེ་ནང་དུ་སྐྱེ་འཆིའི་བརྡབ་ཤུགས་ལྟ་བུའི་ཚོར་འདུ་དྲག་པོ་ཞིག་སྤྲད་སོང་། ནང་ཆོས་ཀྱིས་སྲོག་གཅོད་སྤང་བྱར་བཟུང་ཡོད་པས།
མིག་སྔར་མི་སྤྱིར་བཏང་བའི་ཁྲོད་དུ་བོད་མིའི་རང་ལུས་མེར་མཆོད་དོན་རྐྱེན་རྒྱུན་མཐུད་ཀྱིན་པར་དོགས་པ་སྐྱེ་བཞིན་པའི་འབྱུང་རྩར་གྱུར་ཡོད། ཡིན་ནའང་།
ནང་བའི་ཁྲོད་དུ་སྲོག་གཅོད་སྤང་བླང་ཐད་ལྟ་ཚུལ་མི་མཐུན་པ་བྱུང་ཡོད། བྱང་བརྒྱུད་ནང་བ་དང་ལྷོ་བརྒྱུད་ནང་བའི་བར་དུའང་ལྟ་ཚུལ་མཐུན་གྱི་མི་འདུག
སྤྱིར་ནང་བའི་གཞུང་ནས་གང་བྱུང་དུ་རང་ཉིད་ཀྱི་ལུས་པོར་གནོད་སྐྱོན་བཟོ་བ་ནི་ནོར་འཁྲུལ་ལ་ལྟ་བཞིན་འདུག ཡང་ཐེག་ཆེན་པས་གཞན་ཕན་གཙིགས་སུ་བཟུང་ཡོད་པས།
བསྟན་སྲུང་དང་ཆོས་སྲུང་གི་སླད་དུ་རང་ལུས་མེར་མཆོད་གཏོང་བར་མོས་མཐུན་བྱེད་ཀྱིན་ཡོད། ཞིབ་ཕྲར་དབྱེ་ན་ཁག་ལྔ་སྟེ། ༡ རང་ཉིད་གཞན་དོན་དུ་དོར་བ། ༢ ཆོས་དད་ཀྱི་ཆེད་དུ་མེར་མཆོད། ༣
བསྟན་སྲུང་ཆོས་སྲུང་སླད་མེར་མཆོད། ༤ ཆོས་ཞུ་ཆེད་མེར་མཆོད། ༥ སྒོམ་སྟོབས་རང་བཞིན་གྱི་རང་སྲོག་གཅོད་པའོ།
ཐེག་ཆེན་པས་ཐ་ན་དགྲ་བཅོམ་དག་ལ་བསྐུལ་སློང་གིས་བསྟན་སྲུང་ཆེད་དུ་རང་སྲོག་འབུལ་དགོས་ཚུལ་གསུངས་ཡོད།
སྔར་སྟོན་པ་ཤཀྱྰ་ཐུབ་པའི་སྐུ་ཕྲེང་ཞིག་གིས་དགྲ་བཅོམ་པ་ལྔ་བརྒྱ་སྐྱོབ་སླད་གྲུ་དཔོན་གྱི་མཛད་པའི་འོག་ནས་ཇག་པ་ཞིག་བསད་ཡོད་ཀྱང་དགྲ་བཅོམ་པ་ལྔ་བརྒྱ་འཇིགས་པ་ལས་ཐར་བར་མ་ཟད། ཇག་པའང་དག་ཞིང་དུ་དྲངས་ཡོད།
འདི་ནི་ནང་ཆོས་ཀྱི་ཁྱད་ཆོས་ཤིག་རེད་ལ། འགྲོ་བ་མི་ཡོངས་རྫོགས་ཀྱིས་རྟོགས་དཀའ་བ་ཞིག་ཀྱང་རེད། དེ་བས། ནང་ཆོས་ཀྱི་འདུལ་ཁྲིམས་ནང་དུ་སྲོག་གཅོད་སྤང་བྱར་བསྟན་ཡོད་པ་དང་།
ཡང་བསྟན་སྲུང་ཆོས་སྲུང་གཙོར་འཛིན་གྱིས་འགྲོ་བ་སྡུག་བསྔལ་ལས་སྐྱོབ་པའི་རང་ལས་གཞན་གཅེས་ཀྱི་སྡོམ་ཁྲིམས་ཀྱང་འདུག ད་ལྟ་དེང་རབས་སྤྱི་ཚོགས་ཀྱི་ཚད་གཞིའི་ངོས་ནས་བོད་མིའི་རང་ལུས་མེར་མཆོད་དོན་རྐྱེན་ལ་ལྟ་སྐབས།
ཡོངས་ཁྱབ་རིན་ཐང་གི་ཆ་ནས་བོད་མིའི་རང་ལུས་མེར་མཆོད་ཀྱི་བྱ་སྤྱོད་ཀྱིས་དབང་ཆ་གཅིག་སྡུད་སྲིད་གཞུང་ལ་ངོ་རྒོལ་ཤུགས་ཆེན་གནང་ཡོད་པར་མ་ཟད།
ངོ་རྒོལ་གྱི་རྣམ་པ་འདིའི་སྒང་ནས་རང་ཉིད་ཀྱི་གཅེས་སྲོག་ཕུལ་བཞིན་ཡོད་ནའང་། ང་རང་གི་སེམས་སྐྱོ་བ་ཞིག་ནི་ལོ་ངོ་སྟོང་ཕྲག་གི་ལོ་རྒྱུས་ཀྱང་འདར་སིག་རྒྱག་སྲིད་པའི་དོན་རྐྱེན་འདི་བྱུང་རྗེས།
འཛམ་གླིང་ལ་དོ་སྣང་ཆེན་པོ་མི་འདུག དེའི་ཁར་རྒྱ་ནག་སྐམ་སའི་མི་མང་ཆེ་བ་ཞིག་ནི་སྐྱོབ་ཐབས་མེད་པའི་གནས་སུ་ལྷུང་འདུག ད་ལྟ་བོད་མི་དཔའ་བོ་བཅུ་ཕྲག་ལྷག་གི་གཅེས་སྲོག་ཕུལ་ཟིན་པས།
ཚེ་སྲོག་གིས་ཀུན་སྤྱོད་ཀྱི་དཔལ་འབར་བསྒྲོན་པ་ནི་འདང་ངེས་སུ་སྣང་བས།
མུ་མཐུད་དུ་ཚེ་སྲོག་མེར་མཆོད་མི་གཏོང་བར་འབོད་བསྐུལ་ཞུ་རྒྱུ་ཡིན། རྒྱུ་མཚན་ནི་རྒྱུ་འབྲས་བློ་མིག་ཅན་དག་ལ་ཡིད་འགུལ་ཐེབས་པ་ལས་གདོན་འདྲེ་ལ་ཡིད་འགུལ་ཐེབས་མི་སྲིད།
རྒྱ་ནག་སྐམ་སའི་སྲིད་གཞུང་ནི་གདོན་འདྲེ་ཡི་སྲིད་གཞུང་ཞིག་ཡིན། གདོན་འདྲེ་ཡིད་འགུལ་ཐེབས་པ་ཞིག་སུས་ཐོས་མྱོང་ངམ། ང་རང་ཡིད་སྐྱོ་བའི་ལམ་ནས་བོད་ཀྱི་དཔའ་བོ་རྣམས་ལ་གུས་བརྩི་བྱེད་ཀྱི་ཡོད། འོན་ཀྱང་།
བོད་མི་ཚོས་ཚེ་སྲོག་ལ་གཅེས་སྤྲས་གནང་བར་འབོད་བསྐུལ་ཞུ་བཞིན་ཡོད། མེར་མཆོད་ལ་ཕུལ་ཟིན་པའི་དཔའ་བོ་རྣམས་ཀྱི་མཛད་རྗེས་འགྲོ་བ་མིའི་རིགས་ཀྱི་ལོ་རྒྱུས་སྟེང་ནམ་ཡང་གནས་ཀྱི་རེད།
སི་ཊི་ཉིས་བོད་རིགས་མཐུན་ཚོགས་ཀྱི་ཚོགས་གཞོན་རྡོེ་རྗེ་སྒྲོལ་མ་ལགས་ཀྱིས་དཔྱད་གླེང་སྤེལ་སྐབས་གསུང་དོན།
“རྒྱ་ནག་སྲིད་གཞུང་ནི་བརྡ་འཕྲིན་དང་གསར་ལམ་ལ་སྟངས་འཛིན་ནན་མོ་བྱེད་ཀྱིན་པའི་རྒྱལ་ཁབ་ཅིག་རེད། རྒྱ་ནག་མང་ཚོགས་དཀྱུས་མས་གནས་ཚུལ་ལ་རྒྱུས་ལོན་བྱེད་རྒྱུ་ཧ་ཅང་གི་ཁག་པོ་ཆགས་ཡོད་པས།
བོད་ཀྱི་གནས་སྟངས་ལ་རྒྱུས་ལོན་བྱེད་རྒྱུ་དེ་བས་ཁག་པོ་ཡིན་པ་སྨྲས་མ་དགོས་པ་ཞིག་རེད། ཡིན་ནའང་།
རྒྱ་ནག་ནང་དུ་མང་ཚོགས་དཀྱུས་མས་རུལ་སུངས་ལ་ངོ་རྒོལ་དང་རང་དབང་དམངས་གཙོ་བརྩོན་ལེན་བྱེད་ཀྱིན་པའི་ཆ་ནས་བོད་རྒྱ་མི་རིགས་གཉིས་ལ་གཅིག་མཐུན་གྱི་ཆ་མང་བོ་ཞིག་མངོན་གྱི་ཡོད་པ་རེད།
” གཞན་ད་དུང་སྒྲུང་ཐུང་ཞིག་བཤད་སོང་། ལོ་དུ་མའི་སྔོན་ཞིག་ལ་རྒྱལ་སྤྱིའི་ཉེས་ཡང་ཚོགས་པས་གདན་འདྲེན་ཞུས་པར་བརྟེན་ནས་ཁོ་མོ་ཚོགས་འདུ་དེར་ཞུགས་པ་དང་།
སྐབས་དེར་རྒྱ་ནག་གི་སྐད་གྲགས་ཅན་གྱི་སྲིད་དོན་ལྟ་གྲུབ་མི་མཐུན་པ་བེ་ཅིན་ཧྲིན་ཡང་དེར་ཞུགས་ཡོད་ཅིང་། ཁོང་གི་གཏམ་བཤད་ལ་རྒྱ་མི་ཚོས་རྣམ་ཤེས་གཏད་ནས་ཉན་གྱི་འདུག ཡིན་ནའང་།
སྐབས་དེར་ཁོ་མོས་ལེགས་སྦྱར་གནང་སྐབས། གཤམ་དུ་རྒྱ་མི་ཁ་ཤས་ཀྱིས་མི་དགའ་བའི་རྣམ་འགྱུར་བསྟན་པས། བེ་ཅིན་ཧྲིན་གྱིས་དེ་ཚོར་གལ་སྲིད་ཁྱོད་ཚོས་མི་གཞན་གྱི་གཏམ་བཤད་ལ་གུ་ཡངས་གཏོང་མི་ཐུབ་ན།
རྒྱ་དམར་གཞུང་དང་ཁྱད་པར་ཅི་ཞིག་ཡོད་དམ་ཞེས་གསུངས་འདུག དེ་བས། རྒྱ་མིའི་རང་ཉིད་ཀྱི་རེ་འདུན་བརྗོད་ཤག་བྱེད་པ་ལས་གཞན་གྱི་རེ་འདུན་ལ་ཉན་གྱི་མི་འདུག དེ་ལྟ་ནའང་།
ངས་བཤད་འདོད་པ་ནི་ང་ཚོ་བོད་རྒྱ་གཉིས་ཀྱིས་ཕན་ཚུན་ལ་ཉན་རེས་དང་བརྩི་བཀུར། ཡིད་ཆེས་ཡོད་པའི་འབྲེལ་ལམ་ཞིག་འཛུགས་དགོས་ཀྱི་འདུག ངས་འབྲེལ་ལམ་འདི་ཡུན་མཐུད་གནང་ཐུབ་པར་རེ་བ་བརྒྱབ་ཡོད་ལ།
རྒྱ་ནག་གི་གྲོགས་པོ་ཚོས་དཔྱད་གླེང་ཚོགས་འདུ་འདི་བསྡུས་པར་ཐུགས་རྗེ་ཆེ་ཞུ་གི་ཡོད།
ང་ཚོ་བོད་རྒྱ་གཉིས་ཀྱིས་ཕན་ཚུན་བར་བསམ་ཚུལ་བརྗེ་རེས་བྱས་ནས་བོད་མིའི་གཏམ་རྒྱུད་ལ་ཉན་པའི་གོ་སྐབས་འདི་ཧ་ཅང་གི་གལ་ཆེན་རེད།
རྒྱ་ནག་རང་དབང་རིག་གཞུང་ལས་འགུལ་ཁང་གི་ལྕམ་ཆུང་ཀྲའོ་ཅིན་ལགས་ཀྱིས་ཆེད་དུ་སློབ་དཔོན་ཆེན་མོ་ བ་ཡན་ཧོང་པེན་མཆོག་གི་བོད་དོན་བརྩམས་ཆོས << རྔམ་བརྗིད་རི་བོའི་ཚོགས་རྣམས་ཐོད་ཀྱིས་བསུ >> ཞེས་པའི་ནང་གི་ཚན་པ་གཅིག་གྱེར་འདོན་གནང་སོང་། “ གླག་རག་མོ་ནང་བཞིན་གྱི་དཔའ་རྒོད་དེའི་རང་ ལུས་མེ་མཆོད་བཏང་།
སྐྱ་མདོག་གི་གོན་པའི་མཆན་འོག་གཉིས་ནས་དམར་སེར་འོད་མདངས་ཀྱི་མེ་ལྕེ་དགུང་ལ་ མཆེད།
ཤ་རློན་པ་མེ་རུ་འབར་བའི་ན་ཟུག་ཁྲོད་ནས་དཔའ་རྒོད་གང་ཉིད་ཀྱིས་མེ་རླབས་རྡོག་པས་བརྫིས་ཤིང་། ཕྱག་རྒྱས་རྣམ་པར་མཛེས་པའི་གར་གྱི་སྟངས་སྟབས་བསྒྱུར་བ་ན།
དམར་བོ་མེ་དང་དེའི་དུ་ཞགས་ཀྱིས་དེ་མ་ཉིད་དུ་དཔའ་བོའི་རྟོགས་བརྗོད་ཀྱི་སྙན་རྩོམ་ཁད་ཀྱིས་དཀྲོགས་པ་ནི་བོད་རང་བཙན་གྱི་འབོད་སྒྲའོ། ”
( པདྨ་ཆོས་སྒྲོན་ལགས་ཀྱི་འགྱུར་གཞིར་བཟུང་ཡོད། )
རྒྱ་ནག་མཉམ་འབྲེལ་གསར་བརྗེ་ཚོགས་པའི་ཨོ་སི་ཁྲི་ལི་ཡ་ཡན་ལག་ཁང་གི་འགན་འཛིན་སྐུ་ཞབས་ཀྲོ་ཕེ་ཧང་གིས་དཔྱད་གླེང་སྤེལ་སྐབས་གསུང་དོན།
རྒྱ་ནག་དམར་ཤོག་གཞུང་ཚུགས་པ་ནས་དེང་གི་བར་དུ་བོད་མི་དམར་གསོད་གཏོང་བ་མཚམས་འཇོག་མྱོང་མེད་ལ། མར་ཁེ་སིའི་ལོག་ཆོས་དད་པ་བྱེད་ཀྱིན་པའི་རྒྱ་ནག་དམར་ཤོག་ཚོགས་པ་ནིོ་དྲག་སྤྱོད་འོག་འགོ་འཛུགས་བྱས་པ་རེད།
ཤོག་ཁག་འདིས་བོད་མི་དམར་གསོད་གཏོང་བར་མ་ཟད། རྒྱ་དམར་དབང་བསྒྱུར་འོག་གི་མི་རིགས་ཚང་མར་ཤེས་རིག་རང་བཞིན་གྱི་རྨེག་མེད་སྲིད་ཇུས་ལག་བསྟར་གྱིས་གཅིག་སྡུད་དབར་བསྒྱུར་ལེགས་འགྲུབ་བྱུང་ཡོད་པ་རེད།
རྒྱལ་ཁབ་རང་བཞིན་གྱི་དྲག་སྤྱོད་སྲིད་གཞུང་འདིས་ཆབ་སྲིད་ལས་འགུལ་རབ་དང་རིིམ་པར་སྤེལ་ནས་དྲག་གནོན་རབ་དང་རིམ་བྱས་ཡོད་པས། རྒྱ་མི་བྱེ་བ་བརྒྱད་ལྷག་གི་ཚེ་སྲོག་ཤོར་ཡོད།
གཞུང་འདིས་ལག་ན་ལྕགས་འབིག་ཙམ་ཡང་མེད་པའི་ཆོས་འཁོར་སྒོམ་སྒྲུབ་པ་དག་རྩ་མེད་གཏོང་བཞིན་པར་མ་ཟད། དེང་སྐབས་བོད་ཁུལ་དུ་གང་བྱུང་དུ་མེ་མདའ་བརྒྱབ་ནས་ངོ་རྒོལ་བྱེད་མཁན་བོད་མི་དམར་གསོད་གཏོང་བཞིན་ཡོད་ལ།
འདི་ནི་ མེ ་མདའི་ཁ་ནས་བྱུང་བ་ནི་ནམ་ཡང་དྲག་སྤྱོད་སྲིད་དབང་ཡིན་པར་ར་འཕྲོད་ཡོད།
ད་ལྟ་བོད་མིའི་རང་ལུས་མེར་མཆོད་ཀྱི་ངོ་རྒོལ་བསྟུད་མར་བྱུང་སྐབས། ང་ཚོའི་སེམས་པ་སྐྱོ་ལྷང་ངེར་བཏང་བར་མ་ཟད། རྒྱལ་སྤྱིའི་སྤྱི་ཚོགས་ལ་གཡོ་ཡོམ་ཞིག་བསླངས་སོང་། སུ་ཞིག་གིས་ཚེ་སྲོག་རྩ་ཆེ་བ་མི་ཤེས་སམ།
བོད་མིས་འདི་ལྟར་རང་ཉིད་ཀྱི་ཚེ་སྲོག་ཕུལ་ནས་ཤེས་རིག་དང་ཆོས་དད་རྒྱུན་མཐུད་དེ་སྲུང་འཛིན་སླད་རྒྱ་དམར་གཞུང་ལ་ངོ་རྒོལ་བྱེད་ཀྱི་ཡོད་པས། འདི་ནས་ང་ཚོས་བོད་མིའི་གནས་སྟངས་ལ་རྒྱབ་བསྐྱོར་བྱེད་ཀྱིན་པར་མ་ཟད།
རྒྱ་དམར་གཞུང་གི་དྲག་སྤྱོད་ལ་ཁ་རྡུང་གཏོང་བཞིན་ཡོད།
སི་ཊི་ཉིས་ན་སློབ་ཆེན་འགྲིམས་ཀྱིན་པའི་བསྟན་པ་འབྲུག་གྲགས་ལགས་ཀྱིས་དཔྱད་གླེང་ཚོགས་འདུའི་སྟེང་དུ་བོད་མིའི་རང་ལུས་མེར་མཆོད་ཀྱི་འདྲ་པར་ཁག་གློག་ཀླད་ལས་ཚོགས་ཞུགས་པར་བསྟན་པར་མ་ཟད།
བོད་ནང་གི་དངོས་ཡོད་གནས་སྟངས་དང་གནད་དོན་གྱི་འབྱུང་རྩར་དབྱེ་ཞིབ་གནང་སོང་། ( དོན་ལ་ཁོང་གི་གཏམ་བཤད་ནི་ཞིབ་འཇུག་རང་བཞིན་ལྡན་ཞིང་། ཆེད་ལས་མི་སྣའི་ཡིད་སེམས་འགུགས་ཐུབ་པའི་ཁྱད་ཆོས་ལྡན་པ་ཞིག་རེད། ཡིན་ནའང་།
ཅུང་རིང་བས་ཁ་བཏོག་སྣེ་བཏོགས་ཀྱིས་འདིར་བཀོད་མེད། ཆ་ཚང་བ་ཞིག་འགོད་ཐབས་བྱེད་པར་གྲ་སྒྲིག་ཡོད། བསྒྱུར་མཆན། )
རྒྱ་ནག་མཉམ་འབྲེལ་གསར་བརྗེ་ཚོགས་པའི་ཕྱོགས་གཏོགས་མཛའ་འབྲེལ་ལྷན་ཚོགས་ཀྱི་ཚོགས་མི་སྐུ་ཞབས་ཅང་ཧྥུན་ལགས་ཀྱིས་དཔྱད་གླེང་སྤེལ་སྐབས་གསུང་དོན།
རྒྱ་དམར་གྱི་ལོ་རྒྱུས་ནི་དྲག་པོས་དམར་གསོད་ཀྱི་ལོ་རྒྱུས་ཤིག་ཡིན། སྲིད་དབང་བཙུགས་པའི་ཉིན་དང་པོ་ནས་བཟུང་། རྒྱ་མི་དམར་གསོད་མཚམས་འཇོག་མྱོང་མེད། གསུམ་རྒོལ་ལྔ་རྒོལ། གཡས་རྒོལ་དང་རིག་གསར།
དྲུག་བཞི་དང་ཆོས་འཁོར་སྒོམ་སྒྲུབ་པ་དྲག་གནོན་བཅས་མཐོ་རླབས་བསྟུད་མར་བྱུང་ཡོད་ལ།
རྒྱ་དམར་གྱི་ལག་ཟུང་མི་དམངས་ཀྱི་ཁྲག་གིས་དམར་བོ་ཆགས་ཡོད། དེ་ལས་ཀྱང་ཡ་ང་བ་ནི་བོད་མིར་དྲག་གནོན་དང་མནར་གཅོད་ཡ་ང་བ་བཏང་ཡོད་ཅིང་། ལོ་ངོ་འདི་དག་རིང་བོད་མི་ སྤུ ན་ཟླ་ཚོས་རང་ཉིད་ཀྱི་ཚེ་སྲོག་བཀོལ་ནས་བླ་ན་མེད་པའི་ལ་རྒྱ་དང་ཆོས་དད་སྲུང་སླད་རྒྱ་དམར་གཞུང་ལ་ངོ་རྒོལ་ མ ཐ འ ་གཅིག་ཏུ་བྱས་ཡོད་ཅིང་། ཕྱི་ལོ ༡༩༨༧ ལོ་ནས་ད་ལྟའི་བར་མཚམས་ཆད་མྱོང་མེད། ཕྱི་ལོ
༢༠༠༨ ལོ་ནས་དེང་གི་བར་བོད་མི་མང་བོ་འཛིན་བཟུང་དང་དམར་གསོད་བཏང་ཡོད་ལ། ཧ་ལམ་བོད་མི ༣༦ ལྷག་གིས་རང་ཉིད་མེར་མཆོད་ལ་བཏང་ནས་རྒྱ་དམར་གཞུང་གི་ཡ་ང་སྙིང་རྗེ་མེད་པའི་དྲག་སྤྱོད་ལ་ངོ་རྒོལ་གནང་ཡོད་པས།
རང་དབང་ལ་དུང་བའི་འབོད་སྒྲ་དང་ཏཱ་ལའི་བླ་མ་རང་ཡུལ་ལ་བསུ་བའི་སྐད་སྒྲས་གངས་ཅན་མཐོ་སྒང་གཉིད་ལས་དཀྲོགས་ཡོད་པར་མ་ཟད། མགོ་མི་སྒུར་བའི་ལ་རྒྱ་གསོན་པོས་འགྲོ་བ་མིའི་རིགས་ཀྱི་དང་བ་དྲངས་ཡོད།
མིང་དུ་གྲགས་པའི་བཙན་བྱོལ་རྩོམ་པ་པོ་དང་རང་དབང་རིང་ལུགས་ཀྱི་ཁྲིམས་དོན་མཁས་དབང་།
རྒྱ་ནག་རང་དབང་རིག་གཞུང་ལས་འགུལ་གྱི་དབུ་བཞུགས་ཚོགས་མི་སྐུ་ཞབས་ཡན་ཧོང་པེན་མཆོག་གིས་དཔྱད་གླེང་སྤེལ་སྐབས་གསུངས་དོན།
བོད་མི་བཅུ་ཕྲག་ལྷག་གིས་རང་ཉིད་ཀྱི་ཚེ་སྲོག་བཀོལ་ནས་འགྲོ་བ་མིའི་རིགས་ཀྱི་རྒྱུ་འབྲས་བློ་མིག་ལ་ཚོད་བགམ་བྱེད་ཀྱིན་ཡོད་ལ། ཁོང་ཚོས་རང་ཉིད་མེ་རུ་སྦར་ཟིན་ནའང་།
འཇིག་རྟེན་འདིས་ད་དུང་ཁོང་ཚོར་དྲང་བདེན་གྱི་ལག་ཟུང་བརྐྱངས་མེད། བོད་མིས་རང་ལུས་མེ་རུ་སྦར་བའི་བྱེད་ཐབས་འོག་སེམས་ནང་གི་ནད་ཚ་ཕྱི་ལ་བརྟོལ་བཞིན་ཡོད། གནས་སྟངས་འདིའི་འོག་ནས་ད་དུང “ དྲག་སྤྱོད་པ ” དང “ ཚད་མཐོའི་འཚེ་བ ” སྨྲ་བ་ ནི་དངོས་གནས་ཡང་དག་ཅིག་མ་རེད།
ཡུ་རོབ་ནང་དུས་རབས་དཀྱིལ་མའི་སྐབས་ཆོས་ལུགས་ལྟ་ཚུལ་མི་མཐུན་པ་ཁྲི་སྟོང་མང་བོ་ཆོས་ཁྲིམས་འོག་གསོན་བསྲེག་བྱས་པའི་འབྲས་བུར་མུན་ནག་གི་དུས་རབས་དེ་གསལ་བར་བཏང་བར་མ་ཟད།
མི་རྣམས་ལ་སེམས་ཁམས་ཀྱི་འབོད་སྒྲ་བསྐྲུན་ཐུབ་ཡོད། དེ་རིང་དཔའ་ཞིང་རྟུལ་ཕོད་ལྡན་པའི་བོད་མི་ཚོས་རང་ཉིད་མེ་རུ་སྦར་བའི་འོད་རླབས་ཀྱིས་ཨེ་ཤ་ཡ་ཤར་མའི་སྐམ་སའི་མུན་ནག་སེལ་ཐུབ་ཡོད་ལ།
འདི་ནི་རྒྱ་དམར་གཞུང་གིས་བོད་ཐོག་འཛིན་པའི་ཤེས་རིག་རང་བཞིན་གྱི་རིགས་རྒྱུད་རྩ་སྟོང་སྲིད་ཇུས་ལ་འཐབ་རྩོད་རེད་ལ།
དུས་རབས་ཕྱེད་ཀ་ལྷག་ལ་འཐབ་རྩོད་འདི་རྒྱུན་མཐུད་ནས་ཡོང་ཡོད། བོད་མིའི་རང་ལུས་མེར་མཆོད་ངོ་རྒོལ་གྱི་སྔུན་དུ་རྒྱ་མི་དུང་ཕྱུར་བཅོ་ལྔ་ངོ་ཚ་དགོས་པ་ཆགས་ཡོད།
རྒྱུ་མཚན་ནི་རྒྱ་མི་ཚོར་བོད་མི་ནང་བཞིན་གྱི་བློ་ཁོག་མེད་ལ། དཔའ་བོའི་འདུ་ཤེས་དེ་བས་ཀྱང་མེད། དེའི་ཕྱིར་རྒྱ་མི་ཚོས་དྲག་གཞུང་དང་ལེན་གྱིས་དེ་རིང་བར་ཡོང་ཡོད་པ་རེད།
རྒྱ་དམར་གཞུང་གིས་ལོ་ངོ་དྲུག་ཅུ་ལྷག་གི་རིང་དུ་བོད་ལ་སྡུག་སྦྱོང་ཚད་མེད་བཏང་བ་ནི་བོད་མིའི་རང་ལུས་མེར་མཆོད་ཀྱིས་ངོ་རྒོལ་བྱེད་ཀྱིན་པའི་རྩ་བའི་འབྱུང་རྩ་ཆགས་ཡོད།
པཎ་ཆེན་སྐུ་ཕྲེང་བཅུ་བ་མཆོག་གི << ཡིག་འབྲུ་ཁྲི་བདུན་མའི >> ནང་དུ་དོན་དག་འདི་འདྲ་ཞིག་བཀོད་ཡོད། བོད་མི་དམར་གསོད་བཏང་རྗེས།
བོད་སྡེ་མང་ཆེ་བའི་ནང་དུ་རྒན་རྒོན་དང་ཕྲུ་གུ་མ་གཏོགས་ལྷག་མེད་ཅིང་། སྐྱེས་པ་མང་ཆེ་བ་བསད་ཟིན། དེ་ལས་ཀྱང་ཡ་ང་བ་ནི་བོད་མི་རྣམས་དམར་གསོད་བཏང་རྗེས། ཕུང་བོ་མཐའ་དག་དོང་ནང་དུ་གཡུགས་ཤིང་།
དེའི་སྟེང་ལ་ས་བཀབ་རྗེས་ཤ་ཉེ་སྤུན་མཆེད་དག་བཙན་གྱིས་ཁྲིད་ཡོང་སྟེ། དེའི་སྟེང་དུ་གར་འཁྲབ་ནས་དྲག་གཞུང་གི་རྒྱལ་ཁར་དགའ་བསུ་བྱེད་དུ་བཅུག་ཡོད། དེ་བས།
བོད་མིའི་ནང་ཁུལ་དུ་རང་དབང་བརྩོན་ལེན་བྱེད་ཕྱོགས་ཐད་དབུ་མའི་ལམ་དང་རྒྱལ་ཁབ་བསྐྱར་གསོ་སྟེ། ལྟ་ཚུལ་མི་མཐུན་པ་གཉིས་ཀྱི་བར་དུ་རྩོད་གླེང་བྱེད་ཀྱིན་འདུག ཡིན་ནའང་།
རྒྱ་དམར་གྱི་ལག་ནས་མིང་དོན་མཚུངས་པའི་རང་སྐྱོང་ཐོབ་སྲིད་ཀྱི་མ་རེད་ལ། རྒྱལ་ཁབ་བསྐྱར་གསོ་དེ་བས་ཀྱང་བཤད་མ་དགོས་པ་ཞིག་རེད། རྩོད་གླེང་འདིར་དགོས་པ་ཆེར་མི་འདུག
བོད་མི་བཅུ་ཕྲག་ལྷག་གིས་རང་ཉིད་མེ་རུ་སྦར་ནས་འཐབ་རྩོད་གནང་བ་འདིས་བོད་ཀྱི་རང་དབང་ལས་འགུལ་སྐྱོ་གདུང་སྙན་ངག་རིང་མོའི་དུས་རབས་སུ་སླེབས་ཡོད་པས། ཚང་མས་དཔའ་བོའི་སྡེ་ལ་བསྔགས་བརྗོད་གནང་རོགས།
ང་ཚོ་བོད་མིའི་མེར་མཆོད་ངོ་རྒོལ་དང་ལྷན་དུ་རྒྱ་དམར་སྲིད་གཞུང་མགོ་རྟིང་སློག་ནས་ཨེ་ཤ་ཡ་ཤར་མའི་སྐམ་སར་རང་དབང་གི་ཉི་གཞོན་བསུ་རུ་བསྐྱོད་ཆོག
ལྷ་སྡེ་གནམ་ལོ་ཡག་གིས་བསྒྱུར། ཕྱི་ལོ ༢༠༡༢ ལོའི་ཟླ ༤ ཚེས ༣༠ ཉིན།
བསྒྱུར་མཆན། པར་བ ་ ཝང་ཀོང་པའོ
ཟླ་ཡུལ་མཐུན་སྒྲིལ་ཚོགས་པ།
ཟླ་འདིའི་ཚེས་ ༡༤ ཉིན་ཁམས་དཀར་མཛེས་ཁུལ་ཟླ་ཐལ་མ་འབྲོག་སྡེའི་བཀྲ་ལེགས་ཡུལ་ཚོའི་ནང་རྫོང་གི་ཉེན་རྟོག་པ་དང་དྲག་ཆས་དམག་མི་ ༣༠༠
ལྷག་འབྱོར་ཏེ། ཡུལ་ཚོའི་༼ཟླ་ཡུལ་མཐུན་སྒྲིལ་ཚོགས་པ་༽ ཞེས་པས་བོད་དོན་དང་འབྲེལ་བའི་ལས་འགུལ་སྤེལ་ཡོད་ཚུལ་བཤད་དེ་ཚོགས་པ་དེ་བཙུགས་མི་ཆོག་པའི་བཙན་བཀའ་བཏང་ཡོད་པ་མ་ཟད།
ཚོགས་གཙོ་དོན་རྟོགས་གཙོས་བོད་མི་ ༢༥༠ འཛིན་བཟུང་བྱས་ཡོད་འདུག
སྐབས་དེར་བོད་མི་ཁག་ཅིག་གིས་ཉེན་རྟོག་པ་དང་དྲག་ཆས་དམག་མིའི་བྱེད་སྟངས་ལ་མི་འདོད་པའི་རྣམ་འགྱུར་བསྟན་སྟབས། དེར་ཡོད་མི་མང་ལ་གང་བྱུང་གཅར་རྡུང་ཚད་མེད་བྱས་ཏེ།
བོད་མི་སྐྱ་ཆེན་དང་རྒྱལ་མཚན། སྐྱ་གཙེས། ཆོས་པོ། བསོད་རིན། སྐྱ་ཐོ། སྐྱ་རིས་བཅས་དང་།
མིང་གསལ་བོ་མི་ཤེས་པའི་བོད་མི་ ༣ བཅས་བོད་མི་བཅུ་གྲངས་ཤིག་ལ་རྨས་སྐྱོན་ཚབས་ཆེན་བཟོས་ཏེ་སྨན་ཁང་དུ་བསྐྱལ་ཡོད་འདུག
ཕྱི་ཚེས་ ༡༥ ཉིན་བོད་མི་ ༢༠༠༠ ལྷག་འཛོམས་ཏེ་མུ་མཐུད་ངོ་རྒོལ་བྱས་མཐར། བོད་མི་མང་ཆེ་བ་ཀློད་གྲོལ་ཐོབ་ཡོད་ཀྱང་།
བོད་མི་ ༣༣ བཀག་ཉར་བྱས་ཡོད་འདུག
གནས་ཚུལ་དེ་བྱུང་རྗེས་རྒྱ་ནག་གཞུང་གིས་ས་གནས་ཀྱི་བརྡ་འཕྲིན་བརྒྱུད་ལམ་ཡོངས་རྫོགས་བཀག་འགོག་དང་ས་གནས་མི་མང་ལ་དམ་དྲག་ཤུགས་ཆེར་བྱེད་ཀྱི་ཡོད་འདུག
༼ཟླ་ཡུལ་མཐུན་སྒྲིལ་ཚོགས་པ༽ ནི། ཕྱི་ལོ་ ༢༠༠༨
ལོར་ཟླ་ཐལ་མ་འབྲོག་སྡེའི་ཚོ་ཁག་བཅུ་གསུམ་གྱི་མི་སྣ་ཁག་ཅིག་མཉམ་རུབ་ཐོག་བཙུགས་པའི་ཚོགས་པ་ཞིག་ཡིན་འདུག་ལ།
ད་ལྟའི་བར་ཚོགས་པ་དེས་སྡེ་བ་ཕན་ཚུན་འཆམ་མཐུན་དང་བོད་མི་ནང་ཁུལ་འཁྲུག་རྩོད་ཀྱི་རིགས་སོགས་བཀག་འགོག་དང་མི་མང་གི་མཐུན་སྒྲིལ་ལ་གཞོགས་འདེགས་བཅས་ཀྱི་ཐད་ཕྱག་ལས་གནང་ཡོད་འདུག
རྒྱལ་སྤྱིའི་བོད་དོན་རྒྱབ་སྐྱོར་ཤུགས་ཆེར་འགྲོ་བབཞིན་པ།
ཕྱི་ཟླ་ ༣ ཚེས་ ༢༨ ཉིན་ཡུ་རོབ་གྲོས་ཚོགས་ཀྱི་མང་གཙོ་དང་འགྲོ་བ་མིའི་ཐོབ་ཐང་འགན་འཛིན་གཞོན་པ་སྐུ་ཞབས་མེ་ཁུ་མེལ་ལན་སི་ཀོ་ཊི་ ( Edward McMillan-Scott)
ལགས་དང་། ལྕམ་ཁི་རེ་སི་ཊི་ནེ ཨོ་ཇོ་ལེན་ཌེ་ ( Kristiina Ojuland) ལགས་རྣམ་གཉིས་ཀྱིས་གཙོ་སྐྱོང་འོག
ཡུ་རོབ་གྲོས་ཚོགས་ནང་༼མེ་ལྕེ་ཁྲོད་ཀྱི་བོད་༽ཅེས་པའི་བགྲོ་གླེང་ཚོགས་འདུ་ཞིག་ཚོགས་ཡོད་འདུག་ལ།
བགྲོ་གླེང་ཚོགས་འདུ་དེར་སྐུ་ཞབས་མེ་ཁུ་མེལ་ལན་སི་ཀོ་ཊི་དང་ལྕམ་ཨོ་ཇོ་ལེན་ཌེ། བོད་མིའི་སྒྲིག་འཛུགས་ཀྱི་སྐུ་ཚབ། དེ་བཞིན། རང་དབང་རྩོམ་པ་པོ་དང་ཉམས་ཞིབ་པ་སོགས་མཉམ་ཞུགས་གནང་སྟེ། ད་ལྟའི་བོད་ནང་གི་ཛ་དྲག་གནས་སྟངས་ཐོག་བགྲོ་གླེང་གནང་ཡོད་འདུག
བགྲོ་གླེང་ཚོགས་འདུ་མགོ་མ་བཙུགས་གོང་ཚོགས་ཞུགས་པ་ཚོས་བོད་ནང་རང་ལུས་མེར་བསྲེགས་བཏང་སྟེ། འདས་གྲོངས་སུ་ཕྱིན་པའི་དཔའ་པོ་དཔའ་མོ་རྣམས་ཀྱི་ཆེད་ངག་བཅད་སྐར་མ་གཅིག་གནང་ཡོད་འདུག་ལ། དེའི་རྗེས་སྐུ་ཞབས་མེ་ཁུ་མེལ་ལན་སི་ཀོ་ཊི་ལགས་ཀྱིས།
རྒྱ་གཞུང་གིས་བོད་ལ་བཙན་འཛུལ་བྱས་ཏེ་ལོ་ ༦༠ ཕྱིན་པའི་རིང་བོད་མི་ཚོས་གཉའ་གནོན་དང་ཞེད་སྣང་ཁོ་ནའི་འོག་མི་ཚེ་བསྐྱལ་ཡོད་ལུགས་དང་། འདས་བའི་ལོ་གཅིག་རིང་བོད་མི་ ༣༡
གིས་རང་ལུས་མེར་བསྲེགས་བཏང་ཡོད་པའི་ཁྲོད་མི་ ༢༢ འདས་གྲོངས་སུ་ཕྱིན་ཡོད་ཀྱང་། རྒྱལ་སྤྱིའི་སྤྱི་ཚོགས་ཀྱིས་ད་བར་རྒྱ་གཞུང་ལ་མངོན་གསལ་གྱི་སྐྱོན་བརྗོད་གང་ཡང་བྱས་མེད་ཚུལ།
ད་ལྟ་ཡུ་རོབ་རྒྱལ་ཁབ་ཁག་གི་ གཞུང་དམངས་གཉིས་ཀྱིས་བོད་མིར་རྒྱབ་སྐྱོར་བྱས་ཏེ་རྒྱ་གཞུང་གི་དམ་དྲག་སྲིད་བྱུས་ལ་སྐྱོན་བརྗོད་བྱ་རྒྱུའི་དུས་ལ་བབས་ཡོད་སྐོར་སོགས་བརྗོད་འདུག
ལྕམ་ཨོ་ཇོ་ལེན་ཌེ་ལགས་ཀྱིས་ཀྱང་བོད་ནང་གི་ཛ་དྲག་གནས་སྟངས་ཐོག་ཡུ་རོབ་གྲོས་ཚོགས་ཀྱིས་རྒྱ་གཞུང་དང་ཐད་ཀར་གླེང་མོལ་གནང་དགོས་པ་ནན་སྐུལ་ཞུས་འདུག
དེའི་རྗེས་བོད་མིའི་སྒྲིག་འཛུགས་ཀྱི་སྐུ་ཚབ་རིག་འཛིན་ཆོས་སྒྲོན་ལགས་ཀྱིས་ ༢༠༠༩ ལོར་མདོ་སྨད་རྔ་པའི་དགེ་འདུན་པ་བཀྲ་བྷེ་ལགས་ཀྱིས་རང་ལུས་མེར་བསྲེགས་བཏང་ནས་ད་བར་བོད་མི་ ༣༠
ལྷག་གིས་མེར་བསྲེགས་བཏང་བའི་གནས་ཚུལ་རྣམས་ཞིབ་ཕྲ་ངོ་སྤྲོད་དང་། ད་ལྟའི་བོད་ནང་གི་ཛ་དྲག་གནས་སྟངས་ལ་དམིགས་ཏེ།
ཡུ་རོབ་གྲོས་ཚོགས་ཀྱིས་རྒྱལ་སྤྱིའི་གསར་འགོད་པ་དང་རང་དབང་རྟོག་ཞིབ་ཚོགས་པ་སོགས་བོད་ནང་ལ་གཏོང་དགོས་རྒྱུ་དང་། བོད་རྒྱ་འབྲེལ་མོལ་གང་མགྱོགས་བསྐྱར་གསོ་ཡོང་བར་རམ་འདེགས་གནང་རྒྱུ།
ཡུ་རོབ་གྲོས་ཚོགས་ཀྱིས་བོད་དོན་དམིགས་བསལ་སྐུ་ཚབ་ཞིག་བསྐོ་བཞག་གནང་དགོས་པའི་འབོད་སྐུལ་བཅས་ཞུས་འདུག
བགྲོ་གླེང་ཚོགས་འདུའི་སྟེང་དབྱིན་ཡུལ་ཨོག་ཁུ་སི་གཙུག་ལག་སློབ་ཆེན་གྱི་ཉམས་ཞིབ་པ་བླ་མ་སྐྱབས་ལགས་དང་། ལོན་ཊོན་དུ་གནས་སྡོད་བོད་རིགས་བུད་མེད་རྩོམ་པ་པོ་བདེ་ཆེན་སྤེན་པ།
ཧྥ་རན་སིའི་ཤར་ཕྱོཊ་སྐད་ཡིག་དང་རིག་གཞུང་སློབ་ཆེན་གྱི་སློབ་དཔོན་ཆོས་ཉིད་དབང་མོ། བོད་ཀྱི་གྲོགས་པོ་སྐུ་ཞབས་རོའོ་སི་ཊི་རེ་ཌིར་ ( Roy Strider) ལགས་བཅས་ཀྱིས།
བོད་ནང་རང་ལུས་མེར་བསྲེགས་གཏོང་བཞིན་པའི་ལས་འགུལ་གྱི་ངོ་བོ་དང་། མེར་བསྲེགས་ལས་འགུལ་གྱི་རྐྱེན་པས་བོད་ནང་གི་དྲ་རྒྱ་ཁག་སྒོ་རྒྱག་པ་དང་། བོད་སྐད་ཡིག་བེད་སྤྱོད་ཐོག་དམ་དྲག ལྷག་པར་དུ ༢༠༠༨
ལོ་ནས་རྒྱ་གཞུང་གིས་མངོན་ལྐོག་གཉིས་ཀྱི་ཐོག་བོད་ཀྱི་ཁོར་ཡུག་སྲུང་སྐྱོབ་པ་དང་རྩོམ་པ་པོ། གཞས་བ་སོགས་འཛིན་བཟུང་བྱེད་བཞིན་པའི་གནས་སྟངས་དང་།
དུས་རབས་ཕྱེད་ཀའི་རིང་རྒྱ་གཞུང་གིས་བོད་ལ་བཙན་འཛུལ་བྱས་པའི་ལོ་རྒྱུས་རྣམས་གསལ་བཤད་གནང་སྟེ། ཡུ་རོབ་གྲོས་ཚོགས་ཀྱིས་བོད་ནང་རྟོག་ཞིབ་ཚོགས་པ་གང་མགྱོགས་གཏོང་ཐུབ་རྒྱུའི་འབོད་སྐུལ་ཞུས་འདུག
མཇུག་ཏུ་ཡུ་རོབ་གྲོས་ཚོགས་ཀྱི་བོད་དོན་རྒྱབ་སྐྱོར་ཚོགས་ཆུང་གི་ཚོགས་གཙོ་ཐོ་མཱ་སི་མེན་ལགས་གྱིས། ཚོགས་པ་དེའི་ངོས་ནས་བོད་མིའི་སྒྲིག་འཛུགས་ཀྱི་བཀའ་བློན་ཁྲི་པ་བློ་བཟང་སེང་གེ་མཆོག་དང་།
སྐུ་ཚབ་སྐལ་བཟང་རྒྱལ་མཚན་རྣམ་གཉིས་ཡུ་རོབ་གྲོས་ཚོགས་ནང་གདན་ཞུ་གནང་ཐུབ་རྒྱུར་འབོད་བརྩོན་བྱེད་བཞིན་ཡོད་སྐོར་བརྗོད་ཡོད་ལ། དེ་བཞིན།
ཡུ་རོབ་གྲོས་ཚོགས་ཀྱི་རྒྱ་ནག་ལས་དོན་ཚན་པའི་འགན་འཛིན་དང་ཡུ་རོབ་གྲོས་ཚོགས་ཀྱི་ཕྱི་འབྲེལ་ལས་དོན་ཚོགས་ཆུང་གི་ཚོཊ་གཞོན་འབུམ་རམས་པ་སཱ་བྷ་ཐེལ་ (Gerhard Sabathil) ལགས་ཀྱིས།
བོད་ནང་གི་མེར་བསྲེགས་གནད་དོན་ཐོག་སེམས་འཚབ་ཆེན་པོ་ཡོད་སྐོར་དང་། ཁོང་ཚོས་རྒྱ་ནག་དང་གྲོས་བསྡུར་གནང་སྐབས་བོད་ཀྱི་གནད་དོན་མདུན་ཅོག་ཐོག་བསླེབ་རྒྱུར་འབད་བརྩོན་གནང་རྒྱུ།
ཡུ་རོབ་གྲོས་ཚོགས་ཀྱིས་བོད་ནང་རྟོག་ཞིབ་ཚོགས་པ་གཏོང་རྒྱུ་དང་། བོད་དོན་དམིགས་བསལ་སྐུ་ཚབ་བསྐོ་བཞག་གནང་རྒྱུར་འབད་བརྩོན་ཞུ་རྒྱུ་ཡིན་ཚུལ་སོགས་བརྗོད་འདུག
ཉིན་འདིར་འགར་དབུས་བོད་མིའི་སྒྲིག་འཛུགས་བཀའ་བློན་ཁྲི་པ་བློ་བཟང་སེང་གེ་མཆོག་གིས་ཉི་ཧོང་དུ་གཟིགས་སྐོར་གནང་བཞིན་ཡོད་པ་ལྟར། ཁ་སང་ཕྱི་ཚེས་ ༤ ཉིན་བཀའ་ཁྲི་མཆོག་གིས་ཉི་ཧོང་གྲོས་ཚོགས་ནང་།
ཉི་ཧོང་ཆབ་སྲིད་ཚོཊ་པ་ཁག་ ༥ ནས་ཕེབས་པའི་གྲོས་ཚོགས་འཐུས་མི་ ༦༠ དང༌སྐུ་ཚབ་ ༣༥ ཙམ་ལ། ད་ལྟའི་བོད་ནང་གི་ཛ་དྲག་གནས་སྟངས་སྐོར་ངོ་སྤྲོད་གནང་འདུག
སྐབས་དེར་ཉི་ཧོང་གྲོས་གྲོས་ཚོགས་འཐུས་མི་ཚོས་བོད་ནང་རང་ལུས་མེར་བསྲེགས་བཏང་བའི་རྒྱུ་རྐྱེན་གཙོ་བོ། རྒྱ་གཞུང་གིས་བོད་མིའི་ཐོག་དམ་བསྒྲགས་སྲིད་བྱུས་ལག་བསྟར་བྱས་པའི་རྐྱེན་གྱིས་ཡིན་སྟབས།
ད་ཆར་རྒྱ་གཞུང་གིས་བོད་མིའི་ཐོག་འཛིན་པའི་དམ་བསྒྲགས་སྲིད་བྱུས་ལ་བསྐྱར་ཞིབ་བྱ་རྒྱུའི་དུས་ལ་བབས་ཡོད་སྐོར་དང་།
བོད་མིའི་འགྲོ་བ་མིའི་ཐོབ་ཐང་ལ་བརྩི་བཀུར་ཐོག་འཆམ་མཐུན་སྤྱི་ཚོགས་བསྐྲུན་དགོས་སྐོར་གྲོས་བསྡུར་གནང་སྟེ། མཐར་བོད་དོན་ཐད་གྲོས་ཆོད་དོན་ཚན་ ༥ ཅན་ཞིག་བཞག་ཡོད་འདུག གྲོས་ཆོད་ནང་འཁོད་དོན། གཅིག བོད་ནང་ ༢༠༡༡
ལོའི་ཟླ་ ༣ པ་ནས་རང་ལུས་མེར་བསྲེགས་གཏོང་མཁན་མང་དུ་འགྲོ་བཞིན་པའི་གནད་དོན་དེར་ང་ཚོས་སེམས་འཚབ་ཆེན་པོ་བྱེད་ཀྱི་ཡོད། བོད་མི་ཚོས་རང་ལུས་མེར་བསྲེགས་གཏོང་དགོས་པའི་རྒྱུ་རྐྱེན་གཙོ་བོ་ནི།
བོད་མིའི་འགྲོ་བ་མིའི་ཐོབ་ཐང་ལ་རྒྱ་གཞུང་གིས་དམ་བསྒྲགས་བྱས་པའི་རྐྱེན་གྱིས་ཡིན་པ་དང་།
རྒྱ་གཞུང་གིས་དམ་དྲན་ཅན་གྱི་སྲིད་བྱུས་དེར་བསྐྱར་ཞིབ་བྱ་རྒྱུར་ནན་སྐུལ་ཞུ་རྒྱུ་ཡིན།བོད་མིའི་གཞི་རྩའི་རང་དབང་དང༌།དགོན་སྡེ་ཁག་གི་ནང་དམག་དཔུང་འབོར་ཆེན་འགྲེམས་འཇོག་གིས་རྒྱལ་གཅེས་ཆོས་གཅེས་ལས་འགུལ་སྤེལ་བཞིན་པ་དེར་བསྐྱར་ཞིབ་དགོས་རྒྱུ།
གཉིས། རྒྱ་གཞུང་གིས་ད་བར་བོད་མི་རང་ལུས་མེར་བསྲེགས་གཏོང་མཁན་དགེ་འདུན་པ་དང༌མི་སྐྱ་འཛིན་བཟུང་བྱས་པ་རྣམས་ཀྱི་དངོས་ཡོད་གནས་སྟངས་གང་འདྲ་ཆགས་ཡོད་མེད་གསལ་པོ་བཟོ་དགོས། གསུམ། རྒྱ་གཞུང་གིས་ ༢༠༠༨
ལོར་བོད་ནང་ཞི་རྒོལ་བྱུང་རྗེས་གསར་འགོད་པ་དང༌།ཕྱི་རྒྱལ་མི་སྣ་བོད་ནང་བསྐྱོད་རྒྱུར་བཀག་འགོག་བྱེད་བཞིན་པ་དེར་ངོ་རྒོལ་བྱེད་ཀྱི་ཡོད་ལ།
ད་དུང་ཡང་བོད་ནང་དུ་གསར་འགོད་པ་རྣམས་རང་དབང་ཐོག་བསྐྱོད་ཆོག་རྒྱུའི་ནན་སྐུལ་ཞུ་རྒྱུ་ཡིན། བཞི། རྒྱ་གཞུང་གིས་བཙན་བྱོལ་བོད་གཞུང་དང་ཐད་ཀར་འབྲེལ་ལམ་སྐྱར་གསོ་གནང་སྟེ།
དོན་ཕན་ལྡན་པའི་འབྲེལ་མོལ་གང་མགྱོགས་མགོ་འཛུགས་གནང་རྒྱུར་འབད་བརྩོན་བྱ་དགོས། ལྔ།
རྒྱ་གཞུང་གིས་བོད་ནང་རྒྱལ་སྤྱིའི་ཆོས་དད་རང་དབང་དང་འགྲོ་བ་མིའི་ཐོབ་ཐང་དམིགས་བསལ་རྟོག་ཞིབ་མི་སྣ་གཟིགས་སྐོར་དུ་ཡོང་འཇུག་དགོས་པ་དང་།
བོད་མིའི་འགྲོ་བ་མིའི་ཐོབ་ཐང་ཐོག་དམ་བསྒྲགས་བྱ་རྒྱུ་འཕྲལ་དུ་མཚམ་འཇོག་བྱ་དགོས་ཞེས་འཁོད་འདུག ཕྱི་ཚེས་༣ཉིན་ཉི་ཧོང་( Japan Institute for National Fundamentals ) ཞེས་པའི་གོ་སྒྲིག་འོག
བཀའ་ཁྲི་མཆོག་གིས་༼ཨེ་ཤ་ཡའི་རང་དབང་དང་མང་གཙོ་ཐོག་ཉི་ཧོང་གིས་གང་བྱེད་ཐུབ་བམ༽ཅེས་པའི་བརྗོད་གཞིའི་ཐོག་བགྲོ་གླེང་ཚོགས་འདུ་ཞིག་ཚོགས་ཡོད་ལ། བགྲོ་གླེང་ཚོགས་འདུ་དེར་ཉི་ཧོང་སྲིད་བློན་ཟུར་པ་དང༌མཁས་དབང་།
རྩོམ་པ་པོ།ཤེས་ཡོན་ཅན་སོགས་ཁྱོིན་མི་ ༥༠༠ ལྷག་མཉམ་ཞུགས་གནང་འདུག ཚོགས་འདུའི་སྟེང་བཀའ་ཁྲི་བློ་བཟང་སེང་གེ་མཆོག་གིས་བཙན་བྱོལ་བོད་མིའི་མང་གཙོའི་འཕེལ་རིམ་དང་།
ད་ལྟའི་བོད་ནང་གི་ཛ་དྲག་གནས་སྟངས་སོགས་ངོ་སྤྲོད་གནང་རྗེས། བོད་ནང་རང་ལུས་མེར་བསྲེགས་གཏོང་བཞིན་པའི་གནད་དོན་ཐོག་གསུངས་དོན། “ རྒྱ་གཞུང་གིས་བོད་ནང་ཧ་ལས་པའི་དྲག་གནོན་བྱེད་ཀྱི་ཡོད་སྟབས།
བོད་མི་ཚོས་དྲག་གནོན་ལ་མ་བཟོད་པར་ངོ་རྒོལ་མུ་མཐུད་ནས་བྱེད་ཀྱི་ཡོད། ད་བར་བོད་མི་ ༣༣གྱིས་རང་ལུས་མེར་བསྲེཊ་བཏང་སྟེ་རྒྱ་གཞུང་གི་དམ་བསྒྲགས་སྲིད་བྱུས་ལ་ངོ་རྒོལ་བྱས་ཡོད།
ང་ཚོ་ཚང་མ་འགྲོ་བ་མི་ཞིག་ཡིན་པའི་ཆ་ནས་མི་ཚང་མས་རང་གི་ཚེ་སྲོག་ལ་གཅེས་འཛིན་བྱེད་ཀྱི་རེད། མི་སུ་འདྲ་ཞིག་ཡིན་རུང་ཤི་ན་འདོད་མཁན་གཅིག་ཀྱང་ཡོད་པ་མ་རེད།
བོད་ནང་གནས་ཚུལ་དེ་དག་ག་རེ་བྱས་ཏེ་ཡོང་གི་ཡོད་པ་རེད་ཟེར་ན། རྒྱ་གཞུང་གི་གདུག་རྩུབ་ཀྱི་སྲིད་བྱུས་དེའི་འོག་བོད་མི་ཚོས་འུ་ཐུག་ཐབས་ཟད་ཀྱིས་བོད་ནང་གི་དངོས་ཡོད་གནས་ཚུལ་རྣམས།
འཛམ་གླིང་མི་དམངས་ལ་ཤེས་རྟོགས་ཡོང་ཆེད་བྱ་སྤྱོད་འདིའི་རིགས་སྤེལ་གྱི་ཡོད ” ཅེས་གསུངས་འདུག
བཀའ་ཁྲི་མཆོག་གིས་མུ་མཐུད་དུ་སྔོན་མ་དཀྱིལ་ཤར་ཡུལ་གྲུ་ཊོ་ནེ་ཤི་ཡའི་ནང་གཞོན་སྐྱེས་ཤིག་གིས་རང་ལུས་མེར་བསྲེགས་གཏོང་སྐབས།
རྒྱལ་སྤྱིའི་སྟེང་ཁོང་གི་ལས་འགུལ་དེར་གདུང་སེམས་མཉམ་སྐྱེད་ཀྱིས་རྒྱབ་སྐྱོར་ཆེན་པོ་གནང་ཡོད་ཀྱང་། བོད་མིའི་རང་ལུས་མེར་བསྲེགས་ཀྱི་ལས་འགུལ་ལ་རྒྱལ་སྤྱིའི་སྟེང་དོ་སྣང་དེ་ཙམ་བྱེད་ཀྱི་མེད་སྐོར་དང་། བོད་མི་
༣༣ ཙམ་གྱིས་རང་ལུས་མེར་བསྲེགས་གཏོང་དགོས་དོན་ནི། ༸གོང་ས་མཆོག་བོད་ལ་གདན་འདྲེན་ཞུ་རྒྱུ་དང་བོད་ལ་རང་དབང་འཐོབ་ཆེད་དུ་ཡིན་པ། ཁོང་ཐེངས་འདིར་ཉི་ཧོང་དུ་ཡོང་དོན་ནི་ཁོང་ཚོའི་རེ་འདུན་དེ་ཉི་ཧོང་མང་ཚོགས་དང་།
རྒྱལ་སྤྱིའི་སྤྱི་ཚོགས་ཐོག་འབོད་སྐུལ་ཞུ་རུ་ཡོང་བ་ཡིན་སྐོར་གསུངས་འདུག ཚོགས་འདུའི་མཇུག་ཏུ་བཀའ་ཁྲི་མཆོག་གིས་བོད་མིའི་སྒྲིག་འཛུགས་ཀྱི་དབུ་མའི་ལམ་གྱི་སྲིད་བྱུས་ཀྱི་ངོ་བོ་དང་།
བོད་རྒྱ་འབྲེལ་མོལ་གྱི་གྲུབ་འབྲས་དང་ད་ལྟའི་གནས་སྟངས། ༸རྒྱལ་བའི་ཡང་སྲིད་ཕེབས་ཕྱོགས་བཅས་ཀྱི་ཐད་རྒྱལ་སྤྱིའི་གསར་འགོད་པའི་དྲི་བར་ལན་འདེབས་ཀྱང་གནང་ཡོད་པ་རེད།
གཟའ་ཟླ་བའི་ཉིན་རྒྱ་ནག་ཕྱི་འབྲེལ་མགྲིན་ཚབ་པས་ཉི་ཧོང་གཞུང་གིས་བཀའ་ཁྲི་མཆོག་ཉི་ཧོང་ནང་ཕེབས་བཅུག་པར་ངོ་རྒོལ་ཡོད་སྐོར་དང་། བཀའ་ཁྲི་མཆོག་ལ་ཉི་ཧོང་ནང་ཆབ་སྲིད་ཀྱི་བྱེད་སྒོ་སྤེལ་མི་འཇུག་པར།
ཁ་ཡོད་ལག་ཡོད་ཀྱི་ཐོག་ནས་རྒྱལ་ཁབ་གཉིས་ཀྱི་འབྲེལ་བ་སྲུང་སྐྱོབ་བྱ་དགོས་པའི་རེ་སྐུལ་བཏོན་ཡོད་འདུག
ཉེ་ལམ་ཨ་རིའི་གྲོས་ཚོཊ་གོང་མ ས་བོད་ནང་རང་ལུས་མེར་བསྲེཊ་ཀྱི་ཛ་དྲག་གནས་ཚུལ་འབྱུང་བཞིན་པའི་ཐད་གྲོས་ཆོད་ཁག་དྲུག་བཞག་འདུག
བོད་ནང་བོད་མི་ཚོས་གཅིག་རྗེས་གཉིས་མཐུད་ཀྱིས་རང་ལུས་མེར་བསྲེགས་གཏོང་བཞིན་པའི་ཛ་དྲག་གནས་སྟངས་ཐད། ཉེ་ལམ་ཨ་རིའི་གྲོས་ཚོགས་གོང་མའི་ ( Senate)
ནང་བོད་དོན་རྒྱབ་སྐྱོར་གྱི་གྲོས་ཆོད་དོན་ཚན་ཁག་ ༦ བཞག་ཡོད་འདུག་ཅིང་། དེ་དག་ནི། དང་པོ།
བོད་ནང་རང་ལུས་མེར་སྲེག་གཏོང་བཞིན་པའི་བོད་མི་ཚོར་གདུང་སེམས་མཉམ་སྐྱེད་ཀྱི་མྱ་ངན་གུས་འདུད་ཞུ་རྒྱུ་དང་། རྒྱ་གཞུང་གིས་བོད་མིའི་ཐོག་དམ་བསྒྲགས་སྲིད་བྱུས་བསྟུད་མར་སྤེལ་བཞིན་པར་སེམས་འཚབ་ཡོད་པ།
གཉིས ་པ། རྒྱ་གཞུང་གིས་བོད་མིའི་ཆོས་ལུགས་ཀྱི་བྱེད་སྒོ་ཁག་ལ་དམ་བསྒྲགས་དང་ཐེ་བྱུས་བྱེད་བཞིན་པ་འཕྲལ་དུ་མཚམས་འཇོག་གིས།
བོད་ཀྱི་ས་ཁུལ་ཁག་གི་ཆོས་དང་བདེ་འཇགས་སྲིད་བྱུས་ལ་བསྐྱར་ཞིབ་བྱས་ཏེ། ༸ཏཱ་ལའི་བླ་མ་མཆོག་དང་གྲོས་མོལ་བསྐྱར་གསོ་གནང་དགོས། གསུམ ་པ།
རྒྱ་གཞུང་གི་བཙོན་ཁང་དུ་ཡོད་པའི་བོད་ཀྱི་ཆབ་སྲིད་བཙོན་པ་རྣམས་གློད་གྲོལ་གཏོང་དགོས་རྒྱུ་དང་། ཞི་རྒོལ་ནང་ཞུགས་མཁན་བོད་མི་ཚོར་འཇིགས་སྐུལ་དང་སུན་གཙེར་བཟོ་རྒྱུར་མཚམས་འཇོག་བྱས་ཏེ།
ཆ་རྐྱེན་གང་ཡང་མེད་པར་བོད་ནང་རྒྱལ་སྤྱིའི་གསར་འགོད་པ་དང་གཞུང་འབྲེལ་མི་སྣ། ཕྱི་རྒྱལ་སྐུ་ཚབ། རྒྱལ་སྤྱིའི་ཚོགས་པ་ཁག་གི་འཐུས་མི་བཅས་ཡོང་དུ་འཇུག་དགོས་རྒྱུ།
བཞི ་བ། ༸ཏཱ་ལའི་བླ་མ་མཆོག་གིས་ཆབ་སྲིད་སྐུ་དབང་ཡོངས་རྫོགས་མི་མང་གིས་བདམས་པའི་མགོ་ཁྲིད་ལ་རྩིས་སྤྲོད་གནང་སྟེ།
ད་ཆར་བོད་མི་རྣམས་ཡང་དག་པའི་མང་གཙོའི་ལམ་ལུགས་ཐོག་ཤར་སྐྱོད་བཞིན་པའི་མཛད་རྗེས་ལ་བསྔགས་བརྗོད་བྱ་རྒྱུ། ལྔ ་པ། ༢༠༡༡ ཟླ་ ༣ ཚེས་
༢༠ ཉིན་བོད་མི་བཙན་བྱོལ་བ་ཚོས་དྲང་བདེན་དང་རྒྱལ་སྤྱིའི་གནས་བབ་ལྡན་པའི་མང་གཙོའི་འོས་ཤོག་འཕེན་རྒྱུའི་ལས་འགུལ་ཐོག་མཉམ་ཞུགས་གནང་བར་བསྔགས་བརྗོད་ཞུ་རྒྱུ། དྲུག ་པ།
བོད་མི་དམངས་དང་ཨ་རིའི་མི་དམངས་བར་གྱི་མཛའ་བརྩེའི་འབྲེལ་ལམ་སྔར་ལས་སྲ༌བརྟན་གོང་འཕེལ་གཏོང་རྒྱུ་བཅས་ཡིན་འདུག
ཟླ་༣་ཚེས་ ༢༤ ཉིན་གྱི་ཉིན་གུང་ཆུ་ཚོད་ ༡ སྟེང་སྐབས་བཅོ་ལྔ་བའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་གསུམ་པ་མཇུག་སྒྲིལ་ཡོད་ཅིང་།
སྔ་དྲོར་ཁྲིམས་བཟོའི་ལས་དོན་དང་དཔལ་འབྱོར་ལས་དོན་གྲུབ་རྗེས། གྲོས་ཚོགས་ཀྱི་ཉིན་དང་པོར་བོད་ནང་གི་ཛ་དྲག་གནས་སྟངས་ཐད་དོན་ཚན་ ༨
ཅན་གྱི་གཞུང་འབྲེལ་གདུང་སེམས་མཉམ་སྐྱེད་ཀྱི་གྲོས་ཆོད་བཞག་ཡོད་པ་དེར་ཟུར་སྣོན་གྲོས་ཆོད་བཞག་པ་དང་། དེའི་ཐོག་སྤྱི་འཐུས་རྣམ་པའི་བགྲོ་གླེང་གནང་སྟེ་སྤྱི་མོས་ཐོག་གཏན་འབེབས་གནང་རྗེས།
བཀའ་ཁྲི་མཆོག་གིས་གསལ་བཤད་དང་སྤྱི་འཐུས་ཚོགས་གཙོ་མཆོག་གིས་མཇུག་བསྡོམས་གསུང་བཤད་གནང་སོང་། གཞུང་འབྲེལ་གདུང་སེམས་མཉམ་སྐྱེད་ཀྱི་ཟུར་སྣོན་གྲོས་ཆོད་དོན་ཚན་བརྒྱད་ནི། དང་པོ།
གཞིས་བཞུགས་དཔའ་བོ་དཔའ་མོ་རྣམས་ཀྱིས་༸གོང་ས་མཆོག་བོད་ནང་གདན་འདྲེན་དང་།
མི་རིགས་དང་སྐད་ཡིག་ལ་རང་དབང་དགོས་པའི་འབོད་ཚིག་འོག་རང་ལུས་མེར་བསྲེགས་བཏང་བ་རྣམ་དང་འཛིན་བཟུང་དོ་དམ་འོག་ཡོད་པ་དག་གི་སྙིང་སྟོབས་ལ་བསྔགས་བརྗོད་དང་།
རྒྱ་གཞུང་གིས་ལས་འགུལ་བར་དྲག་གནོན་བྱས་པར་སྐྱོན་བརྗོད་བྱ་རྒྱུ། གཉིས་པ། ཕྱི་ཟླ་ ༣ པའི་ཚེས་ ༡༤ ཉིན་གཏན་འབེབས་གནང་བའི་གཞུང་འབྲེལ་གདུང་སེམས་མཉམ་སྐྱེད་ཀྱི་གྲོས་ཆོད་དོན་ཚན་ཁག་ལ་མཇུག་གནོན་བྱ་རྒྱུ། གསུམ་པ།
བཀའ་སྤྱི་གཉིས་ཀྱིས་རང་ལུས་མེར་བསྲེགས་གཙོས་ཛ་དྲག་གི་གནས་སྟངས་ཞིབ་འགོད་ཀྱིས་ཚེ་སྲོག་སྐྱོབ་ཐབས་དང་དགོས་འདུན་འགྲུབ་ཐབས།
བོད་ནང་དངོས་ཡོད་གནས་སྟངས་རྟོགས་ཞིབ་ཆེད་སྐུ་ཚབ་ཚོགས་པ་འཕྲལ་མར་གཏོང་རྒྱུར་མཉམ་འབྲེལ་རྒྱལ་ཚོགས་ལ་གྲོས་ཚོགས་འདིའི་ཐོག་སྙན་ཞུ་འབུལ་རྒྱུ། བཞི་པ།
གཞོན་ལྷན་གྱིས་གོ་སྒྲིག་འོག་བོད་མི་གསུམ་གྱིས་རྒྱལ་ཚོགས་མདུན་ཟས་བཅད་ངོ་རྒོལ་གནང་སྟེ་ཉིན་ ༣༠ འགོར་མཚམས་རྒྱལ་ཚོགས་ཀྱིས་ཡིག་ཐོག་ནས་ངོས་ལེན་གནང་བ་དེ་ལག་བསྟར་དོན་འཁྱོལ་ཡོང་བའི་འབོད་སྐུལ་ཞུ་རྒྱུ། ལྔ་པ།
རྒྱལ་ཚོགས་ཀྱིས་བོད་ནང་གི་ཛ་དྲག་གི་གནས་སྟངས་ལ་སྣང་འཇོག་གནང་གི་མེད་པའི་གནས་སྟངས་ལ་བོད་མི་ཚོ་བློ་ཕམ་དང་དཔུང་རོགས་གནང་རྒྱུའི་འབོད་སྐུལ་ཞུ་རྒྱུ། དྲུག་པ། རྒྱལ་ཚོགས་ཀྱིས་རྒྱ་གཞུང་གི་དཔོན་རིགས་ཚོ་ནི།
འགྲོ་བ་མིའི་ཐོབ་ཐང་ཡོངས་ཁྱབ་གསལ་བསྒྲགས་ཡིག་ཆའི་དགོངས་དོན་ལ་བརྩི་བཀུར་ཉམས་ལེན་མི་བྱེད་མཁན་ལ་ངོས་འཛིན་གནང་རྒྱུ། བདུན་པ།
བོད་ནང་སློབ་ཕྲུག་ཚོས་བོད་སྐད་ཡིག་ཆེད་རང་སྲོག་བློས་གཏོང་གནང་བཞིན་པར་བསྔགས་བརྗོད་དང་།
རྒྱ་གཞུང་གིས་སློབ་དེབ་རྒྱ་བསྒྱུར་གྱི་སྲིད་བྱུས་མཚམས་འཇོག་གིས་རྒྱལ་སྤྱིའི་ཁྲིམས་ལུགས་ལྟར་མི་རིགས་ཀྱི་སྐད་ཡིག་ལ་རང་དབང་ཆ་ཚང་སྤྲོད་དགོས་པར་བརྩི་བཀུར་བྱ་རྒྱུ།
བརྒྱད་པ།བཀའ་སྤྱི་གཉིས་ནས་བོད་ནང་གི་ཛ་དྲག་གི་གནས་སྟངས་དང་འབྲེལ་བའི་རྒྱལ་སྤྱིའི་ལས་འགུལ་སྤེལ་ཕྱོགས་ཀྱི་གསར་འགོད་ལྷན་ཚོགས་སམ། གསར་འགོད་གསལ་བསྒྲགས་དུས་ནས་དུས་སུ་སྤེལ་རྒྱུ་བཅས་རེད།
སྐབས་དེར་བཀའ་ཁྲི་མཆོག་གིས་གཞུང་འབྲེལ་གདུང་སེམས་མཉམ་སྐྱེད་ཀྱི་གྲོས་ཆོད་དང་ཟུར་སྣོན་གྲོས་ཆོད་གཉིས་ཀར་བཀའ་ཤག་གི་ངོས་ནས་རྒྱབ་སྐྱོར་ཡོད་པ་དང་། དམིགས་བསལ་ཟུར་སྣོན་གྲོས་ཆོད་ཀྱི་དོན་ཚན་ ༨
པ་ནི་བཀའ་ཤག་གི་ལས་དོན་བྱེད་ཕྱོགས་ཡིན་པའི་ཆ་ནས། བོད་ནང་གི་ཛ་དྲག་གི་གནས་སྟངས་མུ་མཐུད་གནས་རྒྱུ་ཡིན་པར་ངོས་འཛིན་དང་རྒྱལ་སྤྱིའི་སྡིངས་ཆ་ནས་རྒྱབ་སྐྱོར་གྱི་རྣམ་པ་ཤུགས་ཆེན་པོ་ཡོང་གི་མེད་པའི་རྒྱུ་རྐྱེན།
མ་འོངས་པར་གནད་དོན་ག་འདྲ་ཆགས་མིན། རྒྱལ་སྤྱི་དང་ལྷག་པར་རྒྱ་ནག་ནང་དཔོན་རིགས་ཚོས་དབང་ཆ་འཐབ་རྩོད་ཀྱིས་སྤྱི་ཚོགས་ནང་འགྱུར་བ་གང་འདྲ་ཐེབས་སྲིད་མིན།
རྒྱ་གར་གཙོས་ཨེ་ཤ་ཡའི་ནང་འབྱུང་འགྱུར་བོད་དོན་དང་འབྲེལ་བའི་གནས་སྟངས་གང་འདྲ་ཆགས་མིན། བཙན་བྱོལ་དུ་ཡོད་པའི་བོད་མི་ཚོས་ག་རེ་བསྒྲུབ་དགོས་ཀྱི་ཡོད་མེད་བཅས་ཀྱི་ཐོག་གསུང་བཤད་གནང་སོང་ལ།
དེ་བཞིན་མ་འོངས་པའི་བཀའ་ཤག་གི་ལས་དོན་གྱི་ཐད་ནས་ཁོང་གིས། “ ད་རེབ་ང་ཚོར་གཞུང་འབྲེལ་གདུང་སེམས་མཉམ་སྐྱེད་ཀྱི་གྲོས་ཆོད་སྔ་ཕྱིའི་ཐོག་ཕྱག་ལས་མང་པོ་ཞིག་གནང་རྒྱུ་ལྷག་ཡོད་སྟབས།
རིམ་པས་བཀའ་སྤྱི་གཉིས་ཐུན་མོང་ཐོག་ལག་ལེན་བསྟར་དགོས་པ་རེད། བཀའ་ཤག་གི་ངོས་ནས་བོད་མིའི་སྒྲིག་འཛུགས་ཀྱི་དྲ་རྒྱ་ཡར་རྒྱས་བཏང་ཡོད། ད་ལྟའི་བར་ཟླ་རེར་མི་ས་ཡ་ ༦ ལྷག་གི་བལྟ་བཞིན་ཡོད་ལ།
གནས་ཚུལ་ཡང་ཁུངས་ལྡན་ཡིན་པ་ཞིག་ལ་ངོས་འཛིན་བྱེད་ཀྱི་ཡོད་པ་རེད། མ་འོངས་པར་ཡང་ཁུངས་ལྡན་ཡོང་བའི་ཐད་ལ་འབད་བརྩོན་བྱེད་ཀྱི་ཡིན། དེ་བཞིན།
མཚམས་རེར་ང་ཚོའི་གནས་ཚུལ་རྣམས་རྒྱ་གར་དང་ཕྱི་ཕྱོགས་ཀྱི་ཚགས་པར་ཁག་གི་སྟེང་དུ་ཡོང་གི་ཡོད་པ་རེད། གནས་ཚུལ་མེད་པའི་སྐབས་སུ་ང་ཚོས་རྩོམ་འབྲི་རྒྱུ་མགོ་འཛུགས་དགོས་པ་རེད།
ང་རང་ངོས་ནས་ཕྱི་ཕྱོགས་ཀྱི་ཚགས་པར་ཁག་ཏུ་རྩོམ་ཡིག་བྲིས་པ་ཡིན། ལས་འགུལ་སྤེལ་བ་དང་རྩོམ་ཡིག་བྲིས་པ་གཉིས་ཁྱབ་བསྒྲགས་ཀྱི་ཐོག་ནས་གཅིག་པ་ཆགས་ཀྱི་འདུག
བཀའ་ཤག་གི་ངོས་ནས་ཁྱབ་བསྒྲགས་ཀྱི་ལས་གཞི་ཁག་བཅུ་གྲངས་ཤིག་ལས་འཆར་ཡོད། དེ་རིམ་གྱིས་ཡོང་གི་རེད། ད་ལྟའི་ཆར་སྤྱི་འཐུས་ཚོགས་གཙོ་གཞོན་གཉིས་དང་གྲོས་བསྡུར་གྱིས་ཐག་གཅོད་བྱུང་ཡོད་པ་ནི།
དམིགས་བསལ་ཚོགས་ཆེན་ཚོགས་རྒྱུའི་གཏན་འཁེལ་བྱུང་བ་དེ་ཡིན། ག་དུས་ཚོགས་མིན་དང་གང་འདྲ་བྱས་ཏེ་ཚོགས་མིན་སུ་གདན་འདྲེན་བྱ་དགོས་མིན་འགྲོ་སྟངས་འགྲོ་ལུགས་ལྟར་གསལ་བསྒྲགས་གནང་གི་རེད”ཅེས་གསུངས་བྱུང་།
མཇུག་ཏུ་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་གིས་མཇུག་བསྡོམས་གཏམ་བཤད་ནང་། ཐེངས་འདིའི་གྲོས་ཚོགས་ཚོགས་བཞིན་པའི་སྐབས་སུ་བོད་ནང་ཛ་དྲག་གནས་སྟངས་ཆགས་པའི་དབང་གིས།
སྔར་དང་མི་འདྲ་བའི་རྗེས་དྲན་གྲོས་འཆར་མང་པོ་བྱུང་ཡོད་ལ། ཉིན་དང་པོར་བོད་ནང་གི་ཛ་དྲག་གནས་སྟངས་དང་འབྲེལ་བའི་ཐོག་ནས་ཞོགས་པའི་ཆུ་ཚོད་ ༩།༣༠ ཀ་ནས་དགོང་དྲོའི་ཆུ་ཚོད་ ༩།༠༠ བར་བགྲོ་གླེང་དང་།
བར་དུ་ཚོགས་འདུ་མཚམས་འཇོག་གི་གྲོས་འཆར་ཐོག་ཡང་བསྐྱར་བགྲོ་གླེང་གནང་ཡོད། དེ་བཞིན། ད་རེབ་འཆར་ཅན་གྱི་ལས་རིམ་ཁག་ཕར་བཞག་ཏེ།
མཇུག་བསྡོམས་སྐབས་སུ་ཡང་བོད་ནང་གི་ཛ་དྲག་གནས་སྟངས་ཐོག་ཟུར་སྣོན་གྲོས་ཆོད་བཞག་པ་ལྟར། གྲོས་ཚོགས་གྲོལ་རྗེས་ལས་དོན་ག་རེ་ཡོང་མིན་དེ་གནད་དོན་ཞིག་ཆགས་ཡོད་སྟབས། གྲོས་ཚོགས་ནང་བཀའ་མོལ་གནང་བ་ལྟར།
ལས་འགུལ་སྤེལ་བའི་སྐབས་སུ་སྤྱི་འཐུས་ཚང་མ་མཉམ་ཞུགས་གནང་རྒྱུའི་རེ་བ་དང་། ཚོགས་ཆུང་དུ་བསྐོས་པ་ཡིན་ནའང་འདུག་ཐུབ་པ་ཞིག་དང་རྒྱུག་ཐུབ་པ་ཞིག་བཟོ་རྒྱུ་གལ་ཆེན་ཡིན་སྐོར་གསུངས་གསུངས་ཡོད།
ཐེངས་འདིའི་སྔོན་རྩིས་ལས་རིམ་ཐད་ཁོང་གིས། “ སྔོན་རྩིས་བགྲོ་གླེང་སྐབས་དཔལ་ལྡན་བཀའ་བློན་ཁྲི་པ་དབུས་པའི་བཀའ་བློན་རེ་རེས་ལས་ཁུངས་དང་འབྲེལ་བའི་ལས་དོན་མང་པོ་ཞིག་གྲོས་ཚོགས་བརྒྱུད་གསལ་བོ་བཟོ་ཐུབ་ཡོད།
དེ་དག་ས་གནས་སོ་སོར་བརྒྱུད་སྤྲོད་ཐུབ་པར་བྱ་རྒྱུ་ཧ་ཅང་གལ་ཆེན་པོ་རེད།
སྔོན་རྩིས་ཀྱི་ཐད་དཔལ་འབྱོར་བཀའ་བློན་གྱི་ཕྱག་དེབ་དང་འབྲེལ་བའི་ཐོག་ནས་སྤྱི་འཐུས་རྣམ་པས་སོ་སོའི་ས་གནས་ལ་ལས་འཆར་གང་ཡོད་མེད་རྟོགས་ཐུབ་པར་བྱས་ཏེ།
ས་གནས་སུ་ཕེབས་སྐབས་དངུལ་གྱི་སྟངས་འཛིན་ཐོག་ནུས་པ་དེ་ཙམ་མེད་ཀྱང་། ལས་དོན་མཇུག་སྐྱོང་ཚད་དང་ལྡན་པ་ཞིག་ཡོང་བའི་ནུས་པ་འདོན་དགོས་པ་རེད། ད་རེབ་ཧིན་སྒོར་ས་ཡ་ ༡༠༤ ཡི་བཀའ་འཁྲོལ་སྤྲད་ཡོད་པ་རེད།
དངུལ་ལྷག་མའི་མ་དངུལ་དང་སྔོན་རྩིས་མ་དངུལ་གྱི་གནས་སྟངས་གང་འདྲ་ཆགས་མིན། ལས་ཁུངས་རེ་རེའི་ཟུར་བཀོད་ལྷག་མ། སྤར་ཆག་གི་གནས་སྟངས་གང་འདྲ་ཆགས་མིན་བཅས་དེབ་དེ་བརྒྱུད་དེ་ཤེས་ཐུབ་པ་ཞིག་ཡིན་སྟབས།
མང་ཚོགས་ལ་བོད་མིའི་སྒྲིགས་འཛུགས་ཀྱི་དཔལ་འབྱོར་གནས་བབ་གོ་རྟོགས་སྤེལ་རྒྱུ་གལ་ཆེན་པོ་རེད། ” ཅེས་གསུངས་བྱུང་། ཡང་ཁྲིམས་བཟོའི་ལས་དོན་ཐོག་ཁོང་གིས། “
ཁྲིམས་བཟོའི་ལས་དོན་གྱི་ཐད་ནས་བཅའ་ཁྲིམས་བསྐྱར་བཅོས་གཅིག་འགྲོ་ཐུབ་མེད་ལ། གཅིག་མར་ཟགས་པ་རེད། དེ་མ་ཡིན་པའི་བཅའ་ཁྲིམས་དང་སྒྲིག་གཞི་གཏན་འབེབས་ཀྱི་རིགས་ཚད་དང་ལྡན་པའི་ཐོག་ནས་བྱས་ཐུབ་ཡོད།
སྒྲིག་གཞི་བསྐྱར་བཅོས་དེ་ཡང་གནད་དོན་མགོ་ཚོས་པའི་ཐོག་ནས་གནང་སོང་བསམ་པའི་ཚོར་བ་བྱུང་སོང་། སྐར་རྟགས་ཅན་གྱི་དྲི་བ་ ༤ འགྲོ་ཐུབ་ཡོད། དྲི་བ་མང་པོ་བྱུང་བའི་ནང་ནས་དྲིས་ལན་མ་ཐེ་བའི་གནས་སྟངས་བྱུང་ཡོད་ན།
མ་འོངས་པར་ཡར་རྒྱས་གཏོང་དགོས་པའི་འགན་ཞིག་ཆགས་ཡོད་པ་རེད། ཁྲིམས་བཟོའི་ལས་དོན་གྱི་ཕྱོགས་ནས་ཇོ་ནང་ལ་ཆོས་རྒྱུད་ཀྱི་ཐོབ་ཐང་སྤྲོད་མིན་དེ་འགྲོ་ཐུབ་མེད།
མ་འོངས་པར་སྤྱི་འཐུས་རྣམ་པ་གོ་བསྡུར་བརྒྱུད་ཐག་གཅོད་བྱ་རྒྱུ་ལྷག་ཡོད། གྲོས་ཚོགས་ཕྱི་ལོགས་ནས་ཉིན་ ༢ རིང་བཞུགས་མོལ་ཚོགས་འདུ་ཚོགས་པ་རེད། དེའི་ནང་བགྲོ་གླེང་དང་གྲུབ་འབྲས་ཚད་དང་ལྡན་པ་བྱུང་སོང་།
ལས་དོན་ཁག་ཅིག་རིམ་པས་ཡོངས་ཁྱབ་གསལ་བསྒྲགས་གནང་གི་རེད།
ལྷག་པར་དུ་མི་མང་མཉམ་ཞུགས་བྱ་དགོས་པའི་ཐད་ནས་འཛིན་སྐྱོང་བཀའ་ཤག་གིས་འབྲེལ་ཡོད་ས་གནས་མགོ་འཛིན་དང་ས་གནས་དོན་གཅོད་ཁག་ལ་བཀོད་ཁྱབ་ནན་མོ་གནང་རྒྱུ་གལ་ཆེན་པོ་རེད ” ཅེས་གསུངས་བྱུང་།
མཇུག་མཐར་ཚོགས་གཙོ་མཆོག་གིས་བོད་ནང་གི་བོད་མི་ཚོར།“ བོད་ནང་ལས་འགུལ་གང་འདྲ་ཞིག་སྤེལ་ཡང་འཚེ་མེད་ཞི་བའི་ལྟ་གྲུབ་དང་མཐུན་པའི་ལས་འགུལ་སྤེལ་རྒྱུ་ཧ་ཅང་གལ་ཆེན་པོ་རེད།
ད་ལྟའི་བར་རང་ལུས་མེར་བསྲེགས་གནང་བ་དེ་དག་ང་ཚོས་འཚེ་མེད་ཞི་བའི་ལྟ་གྲུབ་དང་མཐུན་པ་ཞིག་ལ་ངོས་འཛིན་བྱེད་ཀྱིན་ཡོད། དེ་བཞིན།
ལས་འགུལ་སྤེལ་མཁན་གྱི་ཁྲོད་ནས་མཉམ་འབྲེལ་རྒྱལ་ཚོགས་མདུན་དུ་ཟས་བཅད་ངོ་རྒོལ་གནང་མཁན་དང་། བོད་ནང་གོམ་བགྲོད་བྱེད་མཁན། རྒྱ་གར་རྒྱལ་ཡོངས་ནང་བསྐོར་བསྐྱོད་བྱེད་མཁན།
བོད་དོན་རྒྱབ་སྐྱོར་ཚོགས་པ་དང་གཞུང་སྒེར་ཚང་མར་ཐུགས་རྗེ་ཆེ་ཞུ་བ་ཡིན ” ཞེས་གསུངས་བྱུང་། གསར་འགོད་པ། དོན་གོ
ཟླ་འདིའི་ཕྱི་ ༩ ཉིན་ནས་ཕྱི་ཚེ་ ༡༥ བར།
བཀའ་བློན་ཁྲི་ཟུར་མཁས་དབང་ཟམ་གདོང་རིན་པ་ཆེ་མཆོག་གིས་ཧྥ་རན་སིར་བོད་ཀྱི་རིས་མེད་སྨོན་ལམ་གྱི་ཚོགས་མགོན་དང་། གྲོས་ཚོགས་གོང་མ་དང་ཕ་རི་སིའི་རྫོང་གྲོང་ ༡༡
ནང་བོད་དོན་དང་འབྲེལ་བའི་གསུང་བཤད་གནང་བ་སོགས་ཆོས་སྲིད་ཀྱི་མཛད་འཕྲིན་ཁག་ཅིག་བསྐྱངས་ཡོད། འདི་ག་གསར་འགོད་པས་ཕྱི་ཚེས་༡༤ ཉིན་ཆེད་དུ་རིན་པོ་ཆེ་མཆོག་ལ་བོད་ནང་གི་ རང་ལུས་མེར་བསྲེགས་དང་། ཀྲུའུ་ཝེ་ཆོན་གྱི་གཏམ་བཤད། ཁོང་གི་མ་འོངས་མཛད་འཆར་བཅས་ ཀྱི་ ཐད་བཅར་འདྲི་མདོར་བསྡུས་ཤིག་ཞུས་ཡོད།
བོད་ཀྱི་དུས་བབ། ཐེངས་འདིའི་ཧྥ་རན་སིའི་ནང་གི་མཛད་འཕྲིན་གཙོ་བོ་གང་དག་ཡིན་ནམ།
ཟམ་གདོང་རིན་པོ་ཆེ། ད་ཐེངས་འདིར་སུམ་གྱང་རིན་པོ་ཆེ་དང་ལྕམ་སོ་ཧྥེ་ཡ་གཉིས་ཀྱིས་མགྲོན་འབོད་གནང་པ་རེད།
ལོ་གཅིག་ལྷག་གི་སྔོན་ནས་སུམ་གྱང་རིན་པོ་ཆེས་ད་ཚང་ལྷུན་གྲུབ་གླིང་བོད་དགོན་གསར་བཞེངས་ཆེད་ཆ་ས་ཉོས་པ་དང་། འཛུགས་སྐྲུན་མ གོ་འཛུགས་གནང་ཡོད་པ་རེད། ཁ་སང་ཕྱི་ཚེས་ ༡༤ ཉིན་དངོས་སུ་སྒོ་འབྱེད་གནང་བ་རེད། ཡོང་དོན་གཅིག་དེ་ཡིན། དོན་དག་གཉིས་པ་འདྲ་བོ་དེ།
ལྕམ་སོ་ཧྥེ་ཡ་དང་ཁོང་ཚོ་ཁ་ཤས་ཤིག་གིས་༧སྐྱབས་མགོན་རིན་པོ་ཆེའི་འཇིག་རྟེན་སྤྱིའི་འགན་ལེན་ཞེས་པའི་བསླབ་བྱ་དེ་མང་ཚོགས་ནང་ངོ་སྤྲོད་དང་། ཉམས་ལེན་བྱེད་སྟངས་སྐོར་ལ་ཡིག་ཆ་ཞིག་བཟོ་བཞིན་ཡོད་པ་རེད།
ད་ཐེངས་ལྷོ་ཨ་ཧྥུ་རི་ཀ་ནས་ཕེབས་པའི་གྷན་ངྷིའི་ལྟ་གྲུབ་ལ་མཁས་པ་ཞིག་དང་། ཨ་རི་ནས་བོད་རིག་པ་བ་སྐུ་ཞབས་རོ་བྷེར་ཐོ་མ། ཧྥ་རན་སི་ནས་ལྕམ་སོ་ཧྥ་ཡ་མོ་རང ་ ། དེ འི ་སྒང་ལ་ང་རང་བཅས་ང་ཚོས་ཡིག་ཆ་དེའི་མ་ཟིན་ཐུང་ཐུང་ཞིག་འདེབས་རྒྱུ་དེ་ཡིན། མ་ཟིན་དེ་རིང་ཚར་ཐུབ་པ་བྱ་འཆར་ཡོད། ཡོང་དོན་གཙོ་བོ་དེ་གཉིས་ཡིན།
བོད་ཀྱི་དུས་བབ། རིན་པོ་ཆེ་བཀའ་བློན་ཁྲི་ཟུར་ལ་ཕེབས་ནས་ཟླ་དྲུག་ལྷག་རེད། དེའི་རིང་ལ་ཕྱག་ལས་གཙོ་བོ་ག་རེ་གནང་ཡོད་དམ།
ཟམ་གདོང་རིན་པོ་ཆེ། དེའི་རིང་ལ་ལས་ཀ་གང་ཡང་བྱས་མེད། ཡར་མར་ལ་འགྲོ་འགྲོ་པ་འདྲ་བོ་རེད། སྔོན་མ་རྒྱ་གར་སྤྱི་ཚོགས་རྒྱ་ཆེན་པོ་དང་དེའི་ནང་འདྲིས་བསྡད་པ་རེད། བཀའ་བློན་ཁྲི་པ ་ཡིན་རིང་ལ་ལས་བྲེལ་གྱིས་རྒྱ་གར་གྲོགས་པོ་ཚོ་མཉམ་དུ་རྒྱུན་རིང་པོར་འབྲེལ་འདྲིས་བྱས་ཐུབ་ཡོད་མ་རེད། ན་ནིང་ལས་མཚམས་བཞག་པ་ནས་ངྷ་རམ་ས་ལར་ཡོད་སྐབས་ཀྱི་དུས་ཚོད་ཐུང་ཐུང་དེ་ཚོ་མ་གཏོགས།
ཧ་ལམ་ཟླ་བ་རེ་རེ་བཞིན་ཡར་མར་ལ་འགྲོ་བསྡད་པ་འདྲ་བོ་རེད། དམིགས་བསལ་ལས་ཀ་གང་ཡང་བྱས་མེད།
བོད་ཀྱི་དུས་བབ། བོད་ནང་མུ་མཐུད་ལུས་མེར་བསྲེགས་ཀྱི་ དོན་རྐྱེན་བྱུང་དང་འབྱུང་བཞིན་པ་རེད། རིན་པོ་ཆེར་དགོངས་ཚུལ་གང་ཡོད་དམ།
ཟམ་གདོང་རིན་པོ་ཆེ།
སེམས་འཚབ་ཞེ་དྲག་ཡོད། སེམས་འཚབ་ཡོད་དགོས་པའི་རྒྱུ་མཚན་ག་རེ་རེད་ཅེས་ན། ཁོང་རང་ཚོའི་སྙིང་སྟོབས་དང་ཆོད་སེམས་ལ་ཧ་ཅང་གི་རྗེས་སུ་ཡི་རངས ་ཞུ་ཡ་རེད། རང་སྲོག་བློས་བཏང་ཟེར་དུས་བློས་གཏོང་ཚང་མའི་ནང་གི་ཆེ་ཤོས་དེ་རེད། ཡིན་ནའང་། དེའི་གྲུབ་འབྲས་གང་འདྲ་ཞིག་ཡོང་གི་རེད།
འདིའི་ཐོག་ལ་ང་ཚོར་སེམས་འཚབ་ཞེ་དྲག་ཡོད། རྩ་བའི་བོད་པ་མི་ཉུང་ཉུང་རེད། ཉུང་ཉུང་སྒང་ལ་མི་གཅིག་མེད་པར་ཆགས་ནའང་ཕ ངས ་པོ་ཞེ་དྲག་རེད།
༢༠༡༠ ལོར་ཊི་ནི་ཤེ་ཡའི་ནང་མི་གཅིག་གིས་རང་ལུས་མེར་བསྲེགས་བཏང་བ་རེད། དེ་ལ་བརྟེན་ནས་བྱང་ཨ་ ཧྥི་ རི་ཀའི་ནང་དང་། དཀྱིལ་ཤར་ཨེ་ཤ་ཡའི་ནང་ལ་ཧ་ལས་པའི་འགྱུར་བ་ཐེབས་པ་རེད། དྲུག་ཅུ་རེ་གྲངས་ནང་ཝེ་ ཏི ་ནམ་གྱི་དགེ་སློང་ཞིག་གིས་རང་ལུས་མེར་བསྲེགས་བཏང་བ་རེད།
སྐབས་དེར་ཧ་ལམ་འཛམ་བུ་གླིང་འདི་མེར་ བ སྲེག ས ་ཐེབས་པ་ལྟ་བུ་བྱུང་བ་རེད། ལོ་བཅོ་བརྒྱད་བཅུ་དགུ་ལྷག་ཕྱིན་པའི་ཝེ་ ཏི་ མན་གྱི་དམག་འཁྲུག་དེ་མཇུག་སྒྲིལ་བར་མགོ་འཛུགས་ཐུབ་པ་བྱུང་བ་རེད།
ད་ལྟ་ང་ཚོ་བོད་པ་མི་ཉི་ཤུ་རྩ་གྲངས་ཤིག་འདི་ལྟར་ཕྱིན་པ་རེད་དེ། ད་དུང་ཡང་གྲུབ་འབྲས་འདི་ཟེར་བ་ཞིག་བྱུང་ཡོད་པ་མ་རེད། གྲུབ་འབྲས་མ་བྱུང་དེ་ཡང་འཛམ་གླིང་སྤྱིའི་གནས་སྟངས་ཀྱི་སྐྱོན་ཞིག་རེད་མ་གཏོགས།
མི ་ སྲོག་ཚང་མ་གཅིག་པ་རེད། དེར་བརྟེན། གྲུབ་འབྲས་ག་རེ་བྱུང་མིན་ལ་ཞེ་དྲག་གི་སེམས་འཚབ་ཡོང་གི་འདུག
ད་ཆ་བོད་པའི་སྤྱི་ཚོགས་ནང་རང་སྲེག་སྐོར་ལ་བསམ་ཚུལ་མང་པོ་བྱུང་བཞིན་པ་རེད། རང་སྲེག་མ་གནང་ན་ཡག་པོ་ཡོད་པའི་བསམ་ཚུལ་དང་།
དེ་ག་ནང་བཞིན་རང་སྲེག་མ་གནང་རོགས་ཞེས་གསུངས་ཡོང་གི་ཡོད་པ་རེད། ཡིན་ནའང་། དེ་འདྲ་གསུངས་དུས་སྐབས་ལ་རང་སྲེག་མ་གནང་བར་གཞན་པ་འདི་བྱེད་རོགས་ཞེས་སུ་གང་ལའང་གསུང་རྒྱུ་མི་འདུག
དེ་མ་བྱས་པར་འདི་བྱེད་རོགས་ ཞེ ས་བཤད་རྒྱུ་མེད་དུས་སྐབས་ལ།
རང་སྲེག་མ་གནང་ཟེར་རྒྱུ་དེ་ཡང་ཁག་པོ་ཞེ་དྲག་རེད། གང་ལྟར། སོ་སོས་སེམས་སྡུག་འདྲ་བྱས་ནས་སྡོད་རྒྱུ་ལས་གཞན་གང་ཡང་མི་འདུག
བོད་ཀྱི་དུས་བབ། ཀྲུའུ་ཝེ་ཆོན།
རིན་པོ་ཆེ་བཀའ་ཁྲི་གནང་རྒྱུན་རིང་བྱུང་བའི་འབྲེལ་མོལ་རིམ་པའི་སྐབས་ཀྱི་རྒྱ་ནག་གི་མི་སྣ་གཙོ་བོ་དེ་རེད། ཁོའི་ཉེ་ཆར་གྱི་གཏམ་བཤད་ཐད་དགོངས་ཚུལ་གང་ཡོད་དམ།
ཟམ་གདོང་རིན་པོ་ཆེ། དེ་རྒྱ་ནག་སྤྱི་ཡོངས་དང་།
ལྷག་པར་གྲངས་ཉུང་མི་རིགས་ལྔ་བཅུ་ལྔ་བཞི་ཡོངས་རྫོགས་ལ་ཧ་ཅང་གི་ཉེན་ཚབས་ཆེ་བའི་གཏམ་བཤད་ཅིག་དང་། རྒྱ་ནག་གི་དབང་འཛིན་པ་ཚོར་ཉེན་ཚབས་ཆེ་བའི་བསམ་ཚུལ་གང་ཡོད་པ་དེ་ཕྱིར་མངོན་ཡོང་བ་ཞིག་རེད་བསམ་གྱི་འདུག
ངས་འདི་རྒྱ་ནག་གི་སྲིད་བྱུས་བཟོ་མཁན་མང་པོ་ཞིག་ལ་ཡོད་པའི་བསམ་ཚུལ་ཞིག་ལས། ཀྲུའུ་ཝེ་ཆོན་མི་སྒེར་གཅིག་བུའི་བསམ་ཚུལ་ཡིན་པར་ངོས་འཛིན་བྱེད་ཀྱི་མེད།
སྐད་ཆ་འདི་དང་པོ་ ༢༠༠༩ ལོར་བྱུང་བ་རེད། ལོ་དེར་ང་ཚོས་ཕར་བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ཡོང་ཐབས་ཀྱི་བསམ་འཆར་ཡིག་ཆ་དེ་སྤྲད་པ་རེད།
ཡིག་ཆ་དེ་སྤྲད་ཚར་མ་ཐག་པའི་རྗེས་དེ་ག་རང་ལ་རྒྱ་ནག་གི་ཞིབ་འཇུག་སྡེ་ཚན་ཁང་གི་མཁས་དབང་ཞིག་གིས་མི་རིགས་སྲིད་བྱུས་མེད་པར་བཟོ་དགོས་པ་དང་།
རྒྱ་ནག་གི་རྩ་ཁྲིམས་ལ་འགྱུར་བ་གཏོང་དགོས་པའི་སྐོར་གྱི་རྩོམ་ཡིག་རིང་བོ་ཞིག་བྲིས་ནས་བཏོན་པ་རེད། རྩོམ་ཡིག་དེ་བྲིས་པ་ལ་བརྟེན་ནས་ཁོའི་གོ་གནས་ཀྱང་འཕར་ཡོད་པ་རེད།
རྩ་བའི་རྩོམ་ཡིག་དེ་ཉམས་ཞིབ་མཁས་དབང་ཞིག་གི་མིང་ཐོག་ནས་བཏོན་ཡོད་ནའང་། དེའི་ནང་དོན་རྒྱ་ནག་གི་དཔོན་རིགས་མང་པོ་ཞིག་གི་བསམ་ཚུལ་དང་མཚུངས་གྱི་ཡོད་པ་རེད། གང་ལྟར།
ད་ལྟའི་རྒྱ་ནག་གི་བཅའ་ཁྲིམས་དེ་མུ་མཐུད་ནས་བསྡད་པ་ཡིན་ན། མི་རིགས་ཐོབ་ཐང་རྩོད་མཁན་ཚོའི་ལམ་ཁ་འགོག་མི་ཐུབ་པ་དང ་ ། ག་དུས་ཡིན་ནའང་རྩོད་ཐུབ་པ་ཞིག བརྩད་ཡོང་སྐབས་མིན་ཟེར་ན་རྒྱལ་སྤྱིའི་སྒང་ནས་མ་འགྲིག་པའི་གནས་སྟངས་ཆགས་ཡོང་གི་ཡོད་པ་རེད།
དཀའ་ངལ་དེ་འདྲ་ཞིག་གི་འོག་ནས་ཁོ་ཚོར་ཉེན་ཚབས་ཅན་གྱི་བསམ་ཚུལ་དེ་ཡོང་བ་རེད་བསམ་གྱི་འདུག
རྩོམ་ཡིག་དེ་དང་པོ་ཐོན་སྐབས་ང་རང་འཛིན་སྐྱོང་ནང་ལ་ཡོད། སྐབས་དེར་ང་ཚོས་དགག་པ་ཤུགས་ཆེན་པོ་བརྒྱབ་པ་ཡིན།
རྒྱ་ནག་རྒྱལ་ཁབ་དེ་མི་རིགས་མཉམ་འདུས་ཀྱི་རྒྱལ་ཁབ་ཅིག་ཡིན་ཟེར་གྱི་ཡོད་པ་རེད། ལོ་རྒྱུས་ལ་ཕྱིར་བལྟས་བྱས་པ་ཡིན་ནའང་།
ལོ་ངོ་བརྒྱ་ཕྲག་མང་པོའི་རིང་ནས་རྒྱ་ནག་ལ་མི་རིགས་མཉམ་གནས་ཀྱི་ལོ་རྒྱུས་ཡོད་བསྡད་པ་ཞིག་དང ་ ། ཁོ་ཚོས་ཀྱང་དེ་སྤོབས་པ་ཆེན་པོའི་བཤད་བསྡད་ཡོད་པ་ཞིག ད་ལྟའི་རྒྱ་ནག་དེ་གུང་ཁྲན་རིང་ལུགས་ཡིན་ཟེར་གྱི་ཡོད་པ་རེད། གལ་སྲིད་གུང་ཁྲན་རིང་ལུགས་ལ་ཡིད་ཆེས་བྱེད་ཀྱི་ཡོད་ན།
དེའི་གཞུང་ལུགས་ནང་མི་རིགས་འདྲ་མཉམ་དང་མི་རིགས་མཐུན་སྒྲིལ་རྩ་ཆེན་པོར་བརྩི ་ཡི་ ཡོད་པ་རེད། མི་རིགས་གཉའ་གནོན་གུང་ཁྲན་རིང་ལུགས་ཀྱིས་འགལ་ཟླ་ཆེན་པོར་བརྩིས་པའམ། ད་ལྟ་ཡིན་ནའང་མི་རིགས་གཉའ་གནོན་དེ་ཡང་དག་པ་མ་ཡིན་པ་ཞིག་ཏུ་བརྩི ་བཞིན་ཡོ ད་པ་རེད།
ད་ལྟ་གུང་ཁྲན་རིང་ལུགས་ཀྱི་གཞི་རྩའི་ལྟ་གྲུབ་ཁག་ལ་འགྱུར་བ་བཏང་ནས་མི་རིགས་ཀྱི་ཐོབ་ཐང་མེད་པར་བཟོ་བའི་ལས་འགུལ་རྩོམ་བཞིན་པ་དེ། འཛམ་གླིང་སྤྱིའི་ལུགས་སྲོལ་དང་མི་མཐུན་པ།
གུང་ཁྲན་གྱི་རིག་པའི་གཞུང་ལུགས་དང་མི་མཐུན་པ། རྒྱ་ནག་གི་གནས་བབ་རང་བཞིན་དང་མི་མཐུན་པ་སོགས། རིག་པའི་གཞུང་ལུགས་ཀྱི་ཐོག་ནས་གནས་ལུགས་རྒྱུ་མཚན་གང་མང་བཤད་ནས་དགག་རྒྱག་ལན་འདེབས་བྱས་པ་རེད།
དེ་རྗེས་ལ་དེ་འདྲའི་རྩོམ་ཡིག་སོགས་གང་ཡང་ཐོན་མ་སོང་།
ད་ལྟ་ཡང་བསྐྱར་ཁོ་ཚོས་དེ འི ་སྐོར་ཤུགས་ཆེན་པོས་གླེང་ཡོང་གི་ཡོད་པ་རེད། གཅིག་བྱས་ན་འཐུས་མི་ཚོགས་ཆེན་ནང་ལའང་གླེང་སྲིད་པ་རེད། གང་ལྟར། མི་རིགས་ཀྱི་གནས་བབ་ཆ་ཚང་རྡོག་རོལ་རྩིས་མེད་ལ་བཏང་ནས།
ཡོངས་རྫོགས་ལུང་ཚན་དང་ལེགས་བྱང་གཅིག་ནང་ཟླ་སྒྲིལ་གཏོང་རྒྱུ་དེ་ཁོ་ཚོའི་དམིགས་ཡུལ་ལྟེ་བ་དེ་རེད་བསམ་གྱི་འདུག ཁོ་ཚོའི་དམིགས་ཡུལ་དེ་ང་ཚོས་ནམ་རྒྱུན་བཤད་བསྡད་ཡོད་པའི་ལེགས་བྱང་རྩ་གཏོར་ཟེར་བ་དེ་རེད།
ཁོ་ཚོས་མི་རིགས་ངོས་འཛིན་དེ་ཆིག་སྒྲིལ་གྱི་ཉེན་ཁར་བརྩི ་བཞིན་ ཡོད་པ་རེད། མི་རིགས་ཀྱི་ལེགས་བྱང་རྩ་གཏོར་མ་བཏང་བར་མི་རིགས་ཀྱི་ངོས་འཛིན་མེད་པར་བཟོ་ཐབས་ཡོང་ མི ་སྲིད་ལྟ་བུ་རེད། དེར་བརྟེན། ངས་གཏམ་བཤད་དེ་ཉེན་ཚབས་ཅན་གྱི་གཏམ་བཤད་ཅིག་དང་། བོད་པ་གཅིག་བུ་མ་ཡིན་པར། གྲངས་ཉུང་མི་རིགས་ལྔ་བཅུ་ལྔ་བཞི་ཡོངས་རྫོགས་ལ་ཉེན་ཚབས་ཅན་གྱི་གཏམ་བཤད་ཅིག་རེད་ཟེར་གྱི་ཡོད།
བོད་ཀྱི་དུས་བབ། ཛ་དྲག་གི་དུས་སྐབས་འདིར། བསྐྱར་དུ་བདེན་པའི་ཨུ་ཚུགས་ཀྱི་ཐབས་ལམ་ལ་ཐུགས་བསམ་བཞེས་ཀྱི་ཡོད་དམ།
ཟམ་གདོང་རིན་པ་ཆེ། བདེན་པའི་ཨུ་ཚུགས་སྐོར་ལ་ངའི་བསམ་ཚུལ་གང་ཡིན་པ་དེ་ཡིག་ཐོག་ལ་བཀོད་ཡོད་ པ་ རེད། དེ འི་ནང་དོན་ལྟར་ སྐད་ཆ་ཡང་མང་པོ་བཤད་ཚར་ཡོད་པ་རེད། དེ་མ་གཏོགས། ད་ལྟ་ང་རང་དངོས་སུ་ལས་འགུལ་ནང་ཞུགས་ནས་མང་ཚོགས་ལ་ མ གོ་ཁྲིད་པའི་དུས་ཚོད་དེ་ཡོལ་ཚར་བ་རེད། བདེན་པའི་ཨུ་ཚུགས་ནང་ལས་འགུལ་གོ་སྒྲིག་དང་སྐུལ་སློང་ཀྱི་སྐོར་ཡོད་པ་རེད།
དེ་བཞིན་གང་ཟག་སྒེར་གྱི་བདེན་པའི་ཨུ་ཚུགས་སོགས ་ཀྱང ་ཡོད་པ་རེད། དཔེར་ན།
ང་རང་སྒེར་གྱི་བདེན་པའི་ཨུ་ཚུགས་ལྟ་བུ་རེད། དེ་འདྲ་ཡིན་ དུས ་གཅིག་བྱས་ན་ད་དུང་གོ་སྐབས་ཡོད་པ་རེད། དེ་མ་གཏོགས། མང་ཚོགས་ཀྱི་ལས་འགུལ་ལ་ མ གོ་ཁྲིད་པའི་དུས་ཚོད་དེ་ད་ཡོལ་ཚར་བ་རེད།
བོད་ཀྱི་དུས་བབ། རིན་པོ་ཆེས་མ་འོངས་པར་མཛད་འཕྲིན་གཙོ་བོ་ག་རེ་གནང་འཆར་ཡོད་དམ།
ཟམ་གདོང་རིན་པོ་ཆེ། དམིགས་བསལ་འཆར་གཞི་གང་ཡང་མེད། ང་རང་ལ་སྡོད་ཁང་ཞིག་ཡོད་པ་རེད། སྔོན་མ་དེར་བསྡད་ནས་ཉམས་ཞིབ་དང་རྩོམ་བྲིས་གང་ཐུབ་བྱེད་བསམ་པ་ཡིན།
ད་ལྟ་ཕོ་བྲང་ཉེ་འགྲམ་ལ་སྤོས་ཡོད་དུས་༧སྐྱབས་མགོན་རིན་པོ་ཆེའི་མདུན་ནས་ཞབས་ཞུ་དང་། སྐུ་སྒེར་ཡིག་ཚང་ལ་ཕྱག་རོགས་ཞུ་དགོས་པ་ག་རེ་ཡོད་ན་ཞབས་ཞུ་དང་ཕྱག་རོགས་ཞུ་རྒྱུ་ལས།
དམིགས་བསལ་ཆབ་སྲིད་དང་སྤྱི་ཚོགས་ཀྱི་ ལས་དོན་སྒང་ལ་འགྲོ་རྒྱུའི་བསམ་བློ་གང་ཡང་མེད། ཆབ་སྲིད་དང་སྤྱི་ཚོགས་ལས་དོན་ནང་ལོ་མང་པོ་རིང་ཕྱིན་པ་རེད། ད་ལོ་ཡང་གང་འཚམ་སླེབས་ཡོད་དུས་ཁུག་ཁྱོག་ཅིག་ནས་ ཁུ་སིམ་པོར་བསྡད་ན ་བསམ་ གྱི ་ཡོད།
བོད་ཀྱི་དུས་བབ། འདིའི་གོ་དོན།
ད་ནས་བཟུང་རིན་པོ་ཆེ་སྲིད་དོན་ལྡིང་ཆ་ནས་རྦད་དེ་ཕྱིར་འབུད་གནང་རྒྱུ་དེ་ཡིན་ནམ།
ཟམ་གདོང་རིན་པོ་ཆེ། དེ་ག་རང་ཡིན།
དེ་གསལ་བོ་ཞེ་དྲག་ཡིན། དེ་ལ་རྒྱུ་མཚན་ཡོད། མི་རབས་བརྗེ་བོ་བརྒྱབ་ནས་འགྲོ་དགོས་ཀྱི་ཡོད་པ་རེད། མི་རབས་གསར་པ་ཚོས་འགན་ལེན་དགོས་ཀྱི་ཡོད་པ་རེད།
ག་དུས་ཡིན་ནའང་མི་རབས་རྙིང་བ་ཚོས་བཟུང་བསྡད་པ་ཡིན་ན་གསར་པ་ཚོར་གོ་སྐབས་རག་གི་ཡོད་པ་མ་རེད། མི་རབས་སོ་སོར་བསམ་བློ་གཏོང་སྟངས་མི་འདྲ་བ་རེ་ཡོད་པ་རེད། མི་རབས་སོ་སོར་ལས་ཀ་བྱེད་སྟངས་མི་འདྲ་བ་རེ་ཡོད་པ་རེད།
མི་རབས་སོ་སོར་གལ་གནད་ཆེ་ཆུང་རྩི་སྟངས་མི་འདྲ་བ་རེ་ཡོད་པ་རེད། དེར་བརྟེན ། དེ་ཚོ་ཚང་མར་གོ་སྐབས་རག་དགོས་ཀྱི་ཡོད་པ་རེད། དམངས་གཙོའི་གོ་དོན་གཙོ་བོ་ཡང་གདམ་ཀ་འདྲ་མིན་གང་ཡོད་པ་དང ་ ། བསམ་ཚུལ་འདྲ་མིན་གང་ཡོད་པ་ཚང་མར་གཅིག་མཚུངས་ཀྱི་གོ་སྐབས་རག་རྒྱུ་དེ་རེད། འོས་བསྡུ་ལྟ་བུ་ལ་ཆ་བཞག་ནའང་། ལོ་བཞི་དང་ལྔ་ལྟ་བུའི་མཚམས་ འཛིན་གྱི ་ཡོད་པ་རེད། བཀའ་བློན་ཁྲི་ པ ་ཡིན་ནའང་། ལོ་ལྔ་ཚན་གཉིས་རྗེས་ནས་ཡང་བསྐྱར་ཡོང་ཆོག་གི་ཡོད་པ་མ་རེད།
ཁྲིམས་བཟོ་འདི་ཚོའི་རྒྱབ་ལྗོངས་དེ་ལོ་བཞི་ལྔ་རེའི་མཚམས་ནས་འགྱུར་བ་ཞིག་དང་། བརྗེ་བོ་ཞིག་བརྒྱབ་ནས་གསར་གཏོད་ཅིག་བྱུང་ན་བསམ ་གྱི ་ཡོད་པ་རེད། དེར་བརྟེན ། སོ་སོས་ལས་ཀ་བྱས་པའི་རིང་ལ་ཧུར་ཐག་རྦད་ཐག་བྱས། ལས་རྒྱུན་རྫོགས་འགྲོ་དུས་ཚང་མ་གསར་པ་ཚོར་རྩིས་སྤྲོད་དགོས་པ་མ་གཏོགས།
མུ་མཐུད་ནས་གསར་རྙིང་བསྲེས་བསྡད་པ་ཡིན་ན་དགོས་པ་གང་ཡང་ཡོད་པ་མ་རེད།
གསར་འགོད་པ། ཟླ་བ་ཚེ་རིང་།
དེ་རིང་ཕྱི་ཚེས་ ༢༠ ཉིན་གྱི་ སྔ་དྲོའི་བོད་ནང་གི་ཆུ་ཚོད་ ༡༢ ཙམ་ལ་བོད་མདོ་སྨ ད་བླ་བྲང་བཀྲ་ཤིས་འ ཁྱིལ་གྱི་ལྷ་སྡེ། འབོ་ར་དགོན་པའི་གྲྭ་མང་རྣམས་ཀྱིས་ལག་ཏུ་བོད་ཀྱི་རྒྱལ་དར་ འཕྱར་བཞིན། བོད་ལ་འགྲོ་བ་མིའི་ཐོབ་ཐང་དང་ཆོས་དད་རང་དབང་། སྐད་ཡིག་རང་དབང་དགོས་པ་སོགས་སྐད་འབོད་བྱེད་ཀྱིན། འབོ་ར་ ཞང་སྲིད་གཞུང་གི་སྒོ་ཁར་བསྐྱོད་དེ་ངོ་རྒོལ་སྐད་འབོད་བྱས་ཡོད་འདུག
ད་ཆར་འབོ་ར་དགོན་པའི་ཕྱོགས་ཡོངས་རྒྱ་ནག་ གི་དྲག་ཆས་དམག་མིས་བསྐོར་ཡོད་པ་ཙམ་ལས། ངོ་རྒོལ་སྐད་འབོད་ཁྲོད་གནས་ཚུལ་ག་རེ་བྱུང་ཡོད་མེད་ཀྱི་ཞིབ་ཕྲའི་གནས་ཚུལ་ད་སྔ་ཤེས་རྟོགས་ ཐུབ་ཀྱི་མི་འདུག་ཟེར།
འདི་ལོའི་ ལོ་གསར་སྐབས་ རྒྱ་གཞུང་གིས་འབོ་རའི་ཁྱིམ་ཚང་རེ་ལ་རྒྱ་སྒོར་ ༥༠༠༠ རེ་སྤྲད་དེ་ལོ་སར་གཏོང་རྒྱུར་སྐུལ་འདེད་བྱས་ཡོད་པ་དང་། ཉེ་ཆར་བཅོ་ལྔའི་མཆོད་པའི ( ཆོ་འཕྲུལ་དུས་ཆེན། ) ཉིན་འབོ་ར་དགོན་པའི་ནང་༧གོང་ས་མཆོག་གི་སྐུ་པར་སྒྲིག་ཤོམ་བྱས་པར་དམ་དྲག་བྱུང་ཡོད་སྟབས། ས་གནས་སྲིད་གཞུང་དང་དགོན་པའི་བར་ འགལ་བ་ཛ་དྲག་ཏུ་གྱུར་ཡོད་འདུག
༢༠༠༨ ལོའི་ཞི་རྒོལ་ཆེན་མོའི་ནང་འབོ་ར་སེར་སྐྱ་མི་མང་གིས་རྒྱ་གཞུང་ལ་ངོ་རྒོལ་ཤུགས་ཆེ ན་བྱས་པ་ན ས་མགོ་བཙུགས་ཏེ་ད་བར་ངོ་རྒོལ་སྔ་ རྗེས་སུ་བྱུང་ཡོད་སྟབས། རྒྱ་གཞུང་གིས་ དུས་རྒྱུན་འབོ་ར་དགོན་གྲོང་གཉིས་ལ་དམ་དྲག་ ནན་མོ་བྱེད་ཀྱི་ཡོད་འདུག
རོང་བོ་དགོན་གྱི་མར་མེ།
དེ་རིང་ཞོགས་པ་བོད་ནང་གི་ཆུ་ཚོད་ ༡༠།༣༠
སྟེང་རེབ་གོང་རོང་བོ་དགོན་ཆེན་གྱི་གྲྭ་འཇམ་དབྱངས་དཔལ་ལྡན་༼ སྐྱེས་ཡུལ་རེབ་གོང་རྒྱལ་བོ་ལྡོང་ངེ། རང་ལོ་ ༣༠ ༽ཁོང་གིས་རོང་བོ་དགོན་པའི་མདུན་ཐང་གི་ སྒྲོལ་མ་ཐང་ནས། "༧རྒྱལ་བ་རིན་པོ་ཆེ་བོད་དུ་གདན་འདྲེན་ཞུ་དགོས། བོད་མི་རིགས་དང་སྐད་ཡིག་ལ་རང་དབང་དགོས། " ཞེས་སྐད་འབོད་རྒྱག་བཞིན་རྒྱ་གཞུང་ལ་ངོ་རྒོལ་གྱིས་རང་ལུས་མེར་བསྲེགས་བཏང་ཡོད་འདུག རྒྱ་
ནག་གི་དམག་མི་དང་དགོན་པའི་ཆོས་དོན་ལས་ཁུངས་ཀྱི་མི་སྣ་མཉམ་རུབ་ཐོག་ཉེ་འཁྲིས་ སུ་ཡོད་པའི་རྨ་ལྷོ་ཁུལ་གྲོང་ཁྱེར་གྱི་སྨན་ཁང་ཞིག་ཏུ་འཁྱེར་འདུག དུས་ཡུན་ཅང་མ་འགོར་བར་ཕྱིར་དགོན་ནང་གདན་དྲངས་འདུག
ད་ལྟ་ས་གནས་ཀྱི་སྐྱ་སེར་མང་པོ་ཞིག་སྒྲོལ་མ་ཐང་ཆེན་དུ་འཛོམས་ཏེ་སྨོན་ལམ་གསུང་པ་དང་། སྐད་འབོད་རྒྱག་པ་སོགས་བྱེད་ཀྱི་ཡོད་པ་དང་།
རྒྱ་གཞུང་གི་དམག་མི་དང་ཉེན་རྟོག་པ་ཕོན་ཆེན་འབྱོར་ཏེ་དགོན་པ་ཡོངས་སུ་བསྐོར་ཏེ་གནས་སྟངས་ཛ་དྲག་ཆགས་ཡོད་འདུག
གནས་ཚཱུལ་མཁོ་སྤྲོད་པ། ཤར་ཕྱོགས་ཁུག་རྟ
ད་ལོའི་སྤྱི་ཟླ་གསུམ་པའི་ཚེས་བཅུ་ཉིན་གྱི་བོད་ནང་གི་དགོང་མོའི་ཆུ་ཚོད་དགུ་ཡས་མས་སུ་བོད་མདོ་སྨད་ཨ་མདོ་རེབ་གོང་ཕྲེང་ཡར་ནང་བདེ་ཆེན་དགོན་པའི་ནང་དུ་ཡུལ་དེའི་སེར་སྐྱ་མང་བོ་འདུ་འཛོམས་ཀྱིས་དགོན་པའི་འདུ་ཁང་སྒོ་ཁར་གོང་ས་མཆོག་གི་སྐུ་པར་དང་བོད་ཀྱི་དར་ཆ་ད་དུང་མཆོད་མེ་མང་བོ་བཤམས་ནས་བོད་རྒྱལ་ཁབ་ཆེན་མོའི་སྲིད་དབང་བཙན་ལག་ཏུ་ཤོར་ནས་ ད་ལྟའི་བར་དུ་གངས་ལྗོངས་ཆོས་སྲིད་གཉིས་ཀྱི་རང་དབང་ཆེད་དུ་འདས་གྲོངས་སུ་ཕྱིན་པའི་རྒྱལ་གཅེས་དཔའ་བོ་དཔའ་མོ་རྣམས་ལ་གོང་ས་མཆོག་གི་གསོལ་འདེབས་གངས་རི་ར་བས་མ་གཙོས་བསྔོ་སྨོན་དང་བཙོན་ཁང་དུ་མནར་གཅོད་མྱོང་བཞིན་པ་རྣམས་མྱུར་ཏུ་གློད་གྲོལ་ཡོངས་པའི་འབོད་སྐུལ་ཁྲོད་ནས་སུམ་བཅུ་དུས་དྲན་ཐེངས་ང་གསུམ་པ་སྲུང་བརྩི་བྱས་འདུག་ལ་སྐབས་ཐོག་དེར་ཉེན་རྟོག་པ་དང་དམག་མི་གང་ཡང་མ་ཐོན་པར་བདེ་འཇགས་ངང་གྲོལ་སོང་།
འཇུག་འབྲས་ཀྱི་གནས་ཚུལ་ད་དུང་ཧ་གོ་མ་སོང་།
ཁུངས། http://www.tibettimes.net/blogs.php?id=507&post_id=19518
༼ གསལ་བཤད་ཐུང་ཐུང་ཞིག གསར་འགྱུར་འདི་རེབ་གོང་ཡར་ནང་བཙན་མོ་བདེ་ཆེན་དགོན་གྱིས་གསུམ་དུས་ཐེངས ༥༣ པ་སྲུང་གཙི་ཞུ་སྐབས་ཀྱི་སྐུ་པར་་ཡིན་ནའང་།
ཁ་སྔོན་ལ་མོ་བདེ་ཆེན་དགོན་དང་མིང་གཅིག་པས་གཉིས་གཅིག་ཡིན་མིན་ལ་ནོར་དོགས་འདྲ་བྱུང་འདུག་པས། ཁོ་བོས་རྩད་གཅོད་ཉུང་ཙམ་བྱ་སྐབས་ཀྱང་གནས་ཚུལ་བདེན་པ་རེད་འདུག གཞན་བརྒྱུད་ལམ་སོགས་ལ་སོ་ཉུལ་སུན་བཙེར་ཆེ་བ་དང་།
གནས་ཚུལ་ངོ་མ་མིག་མཐོང་ལག་ཟིན་དུ་རེག་ཡོད་པ་དང་དེ་རིང་ཟླ་དུས་ཚེས་གྲངས་ཆུ་ཚོད་བཅས་གསལ་འཁོད་འདུག་པ་འདི་ལས་གནས་ཚུལ་གསལ་བོ་དགོས་བར་མ་མཐོང་བ་དང་།
སྐུ་པར་གསར་བ་གཅིག་འབྱོར་འདུག་པས་སླར་ཡང་བཀོད་པ་་ཡིན།
གཞན་ཡང་༧གོང་ས་མཆོག་གི་སྐུ་པར་འཁྲིས་ཀྱི་སྐུ་པར་ཆུང་བ་དེ་༧ཀུན་གཟིགས་སྐུ་ཕྲེང་ ༡༡ པ་དགེ་འདུན་ཆོས་ཀྱི་ཉི་མའི་སྐུ་པར་རེད།
དེའང་རེབ་གོང་༧སྐྱབས་མགོན་༧ཤར་ཚང་བརྒྱད་པ་ཆེན་པོ་ཁྲི་འདོན་སྐབས་ཀྱི་སྐུ་པར་ཡིན་པ་དང་།
༧པཎ་ཆེན་མཆོག་སྤྲུལ་བཙོན་དུ་བཅུག་པས་རེབ་གོང་༧ཤར་ཚང་བརྒྱད་པ་ཆེན་པོའི་སྐུ་པར་སྟེང་༧ཆུང་སྲིད་རིན་པོ་ཆེའི་སྐུ་པར་བཟོས་ཏེ་མྱུར་དུ་ཁྲི་འདོན་ཐུབ་པའི་སྨོན་ལམ་མཚོན་པ་རེབ་གོང་ཡུལ་དུ་བཀྲམས་པ་དེ་རེད།
ཤར་ཕྱོགས་ཁུག་རྟས། ༽
བོད་ནང་དམངས་གཙོའི་ལམ་ལུཊ་ཇི་བཞིན་འོས་བསྡུའི་ཐོབ་ཐང་སྤྲོད་དགོས། འདོན་སྤེལ། ༢༠༡༢/༠༣/༡༠ དེ་རིང་༸གོང་ས་མཆོག་དབུ་བཞུགས་ཐོག་བཙན་བྱོལ་གཞུང་དམངས་གཉིས་དང་། ཨི་ཊ་ལི་གྲོས་ཚོགས་འཐུས་མི་དང་བོད་དོན་རྒྱབ་སྐྱོར་བ།
བོད་རྒྱ་འབྲེལ་མཐུད་ཚོགས་པ་དང་རྒྱ་རིགས་དམངས་གཙོ་དོན་གཉེར་བའི་སྐུ་ཚབ་བཅས་མཉམ་འཛོམས་ཐོག་བོད་མིའི་ཞི་བའི་སྒེར་ལངས་ཀྱི་དུས་དྲན་ཐེངས་ ༥༣ པ་སྲུང་གཙི་གནང་སོང་། དེ་རིང་ཕྱི་ཚེས་ ༡༠ ཉིན་ཞོགས་པའི་ཆུ་ཚོད་ ༩
པའི་ཐོག་ངྷ་རམ་ས་ལའི་ཐེག་ཆེན་ཆོས་གླིང་གཙུག་ལག་ཁང་དུ། ༡༩༥༩ ལོར་བོད་ཀྱི་རྒྱལ་ས་ལྷ་སར་བོད་མིའི་རང་དབང་སྒེར་ལངས་བྱས་ཏེ་མི་ལོ་ཧྲིལ་བོ་ ༥༣ འཁོར་བའི་དུས་དྲན་དང་།
༸གོང་ས་མཆོག་གིས་ཆབ་སྲིད་ཀྱི་སྐུ་དབང་ཡོངས་རྫོགས་མི་མང་གི་འོས་འདེམས་བྱས་པའི་མགོ་ཁྲིད་ལ་རྩིས་སྤྲོད་བྱས་རྗེས་ཀྱི་གསུམ་བཅུའི་དུས་དྲན་ཐེངས་དང་པོ་སྲུང་གཙི་གནང་ཡོད།
མཛད་སྒོ་དབུ་འཛུགས་ཀྱི་ཐོག་མར་༧གོང་ས་མཆོག་བཞུགས་སྒར་ཕོ་བྲང་ནས་གསུང་ཆོས་ར་བར་ཆིབས་ཞབས་བསྒྱུར་ཏེ། དབུས་བོད་མིའི་སྒྲིག་འཛུགས་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བ་ངག་དབང་འཕེལ་རྒྱས་དང་ཁྲིམས་ཞིབ་པ་གཞན།
བཀའ་བློན་ཁྲི་པ་བློ་བཟང་སེང་གེ་མཆོག་གིས་དབུས་པའི་བཀའ་བློན་རྣམ་པ་དང་། སྤྱི་འཐུས་ཚོགས་གཙོ་གཞོན་གཉིས་ཀྱིས་གཙོས་པའི་སྤྱི་འཐུས་རྒྱུན་ལས་རྣམ་པ། ཨི་ཊ་ལིའི་གྲོས་ཚོགས་བོད་དོན་རྒྱབ་སྐྱོར་ཚོགས་པའི་སྐུ་ཚབ་དང་།
ཨོ་སི་ཊི་ལི་ཡའི་བོད་རྒྱ་འབྲེལ་མཐུད་ཚོགས་ཆུང་གི་སྐུ་ཚབ། ཨ་རི་དང་ཐའེ་ཝན་བཅས་སུ་གནས་བཞུགས་རྒྱ་རིགས་དམངས་གཙོ་དོན་གཉེར་བ། དེ་བཞིན་བཞུགས་སྒར་ཉེ་འཁོར་གྱི་སློབ་གྲྭ་ཁག་གི་སློབ་ཕྲུག་དང་།
དགོན་སྡེ་ཁག་གི་གྲྭ་བཙུན་སྔགས་གསུམ་བཅས་སེར་སྐྱ་མི་མང་ལྔ་སྟོང་ལ་ཉེ་བ་མཉམ་ཞུགས་གནང་འདུག
མཛད་སྒོའི་ཐོག་ངྷ་སྟེང་བོད་ཁྱིམ་སློབ་གྲྭའི་སློབ་ཕྲུག་ཚོས་རྔ་རོལ་དང་བཅས་བཀའ་ཁྲི་མཆོག་གིས་བོད་ཀྱི་རྒྱལ་དར་མཁའ་དབྱིངས་སུ་བསྒྲེངས་ཤིང་ཚང་མ་སྐུ་བཞེངས་ཐོག་བོད་ཀྱི་རྒྱལ་གླུ་གྱེར་འདོན།
སྐར་མ་གཅིག་རིང་བོད་རྩ་དོན་ཆེད་འདས་གྲོངས་སུ་ཕྱིན་པའི་རྒྱལ་གཅེས་དཔའ་བོ་དཔའ་མོ་རྣམས་ལ་མྱ་ངན་གུས་འདུད་གནང་རྗེས། བདེན་ཚིག་སྨོན་ལམ་སྐྱོར་སོང་།
སྔོན་ཆད་ལོ་ལྟར་ཆད་མེད་ཐོག་༧གོང་ས་མཆོག་གིས་གསུང་འཕྲིན་ཐེབས་ཀྱི་ཡོད་པ་མ་ཟད། ཁོང་སྐུ་དངོས་ཀྱི་སྒྲོག་སྦྱོང་སྲོལ་ཡོད་ཀྱང་། ད་ལོར་༧གོང་ས་མཆོག་མཛད་སྒོར་མཉམ་ཞུགས་གནང་བ་ཙམ་ལས་བཀའ་གསུང་ཅི་ཡང་གནང་མ་སོང་།
སྤྱི་འཐུས་ཚོགས་གཙོ་མཆོག་གིས་བོད་མི་མང་སྤྱི་འཐུས་ལྷན་ཚོགས་ཀྱི་གསུང་འཕྲིན་སྒྲོག་སྦྱོང་དང་། ཨི་ཊ་ལི་གྲོས་ཚོགས་འཐུས་མི་སྐུ་ཞབས་གྷན་ནེ་བར་ནེ་ཊེ་ (Gianni Vernetti)ལགས་ཀྱིས་གཏམ་བཤད།
མཇུག་ཏུ་བཀའ་བློན་ཁྲི་པ་མཆོག་གིས་བཀའ་ཤག་གི་གསུང་འཕྲིན་ཡིག་ཐོག་ནས་སྒྲོག་སྦྱོང་བཅས་གནང་སོང་། བཀའ་ཤག་གི་གསུང་འཕྲིན་ནང་།
“རྒྱ་ནག་གཞུང་གིས་བཤད་པ་ལྟར་བོད་མི་ཚོར་རང་དབང་དང་འདྲ་མཉམ་གྱི་ཐོབ་ཐང་ཡོད་པ་བདེན་པ་ཡིན་ན། བོད་ནང་མང་གཙོའི་ལམ་ལུགས་ཇི་བཞིན་ཕྱི་གསལ་ནང་གསལ་དང་དྲང་སྙོམས་ཀྱི་འོས་བསྡུའི་ཐོབ་ཐང་སྤྲོད་དགོས།
ད་བར་བོད་རང་སྐྱོང་ལྗོངས་ཟེར་བའི་དམར་ཤོག་དྲུང་ཆེར་བོད་རིགས་གཅིག་ཀྱང་བསྐོ་བཞག་བྱས་མྱོང་མེད་ཅིང་། དབང་ཆ་ཅན་གྱི་གཞུང་གི་གོ་གནས་ཕལ་ཆེ་བ་རྒྱ་རིགས་ཀྱིས་བཟུང་ཡོད། ལས་བྱེད་པའི་བརྒྱ་ཆ་ ༥༠
ལྷག་རྒྱ་རིགས་ཡིན་པ་དང་། སྒེར་གྱི་བཟོ་ཚོང་སྡེ་ཚན་གྱི་བརྒྱ་ཆ་ ༧༠ ཙམ་རྒྱ་མིས་བཟུང་ཡོད། མཐོ་རིམ་སློབ་འབྲིང་དང་གཙུག་ལག་སློབ་གྲྭ་ཐོན་པའི་བོད་རིགས་བརྒྱ་ཆ་ ༤༠ སྐོར་ལས་ཀ་མེད་པར་ལྷག་ཡོད” ཅེས་དང་།
“༧གོང་ས་མཆོག་དང་བཀའ་ཤག་ནས་ཚབས་ཆེའི་ལས་འགུལ་དེ་རིགས་མི་སྤེལ་བའི་འབོད་སྐུལ་གནང་ཡོད་ཀྱང་། འདི་ལོ་ ༢༠༡༢ གཅིག་པུའི་ནང་རང་ལུས་མེར་བསྲེགས་བཏང་བའི་དོན་རྐྱེན་ ༡༤ བྱུང་ཟིན་ཡོད།
དོན་རྐྱེན་དེ་དག་གི་འགན་ཁག་ཆ་ཚང་མཁྲེགས་བཟུང་ཅན་གྱི་རྒྱ་ནག་གི་མགོ་འཁྲིད་ཚོར་ཡོད་ཅིང་། རང་བསྲེགས་ཀྱི་དོན་རྐྱེན་དེ་དག་གིས་སྤྱི་ཚོགས་རིང་ལུགས་ཀྱི་ལྷ་ཡུལ་ཟེར་བའི་དམ་བཅའ་སྟོང་པ་དེར་དགག་ལན་ནན་པོ་བརྒྱབ་ཡོད
”ཅེས་བཀོད་འདུག གསུང་འཕྲིན་ནང་ཉེ་ལམ་རྒྱ་ནག་འཐབ་ཕྱོགས་གཅིག་གྱུར་ཁང་གི་མི་སྣས་སྔ་ཕྱིར་༧གོང་ས་མཆོག་དང་དབུས་བོད་མིའི་སྒྲིག་འཛུགས་ལ་སྐྱོན་འཛུགས་བྱས་པའི་སྐོར་ལ།
“ང་ཚོའི་ངོས་ནས་འབྲེལ་མོལ་མུ་མཐུད་བྱེད་སླད་སྐུ་ཚབ་གཏོང་རྒྱུའི་གྲ་སྒྲིག་ཡོད་ཀྱང་། བར་ལམ་འཐབ་ཕྱོགས་གཅིག་གྱུར་ལས་ཁུངས་ཀྱི་སྐུ་ཚབ་འགས་ནུས་ཤུགས་མང་ཆེ་བ་འཛམ་ གླིང་གང་སར་བསྐྱོད་དེ་༸གོང་ས་མཆོག་དང་།
བོད་མིའི་སྒྲིག་འཛུགས་ཀྱི་བཀའ་བློན་ཁྲི་པ་ལ་སྐྱོན་འཛུགས་བྱེད་རྒྱུའི་ཐོག་བེད་སྤྱོད་བཏང་ཡོད། དེས་བོད་ཀྱི་གནད་དོན་རྒྱལ་སྤྱིའི་རང་བཞིན་ཅན་དུ་སྔར་བས་ཀྱང་ལྷག་པར་བསྒྱུར་ཡོད” ཅེས་དང་།
“མཉམ་འབྲེལ་རྒྱལ་ཚོགས་ནས་རང་ཉིད་ཀྱི་དགོས་དོན་མ་བརྗེད་པ་གནང་དགོས་པ་དང་། བོད་ནང་གི་ཛ་དྲག་གནས་སྟངས་བསལ་ཐབས་སུ་དམིགས་བསལ་སྐུ་ཚབ་གཏོང་དགོས་པའི་འབོད་སྐུལ་ཞུ་རྒྱུ་ཡིན། དེ་བཞིན།
རྒྱལ་སྤྱིིའི་སྤྱི་ཚོགས་དང་གསར་འགྱུར་བརྒྱུད་ལམ་རྣམས་ཀྱིས་བདེན་གཏམ་བཀག་སྡོམ་དང་རྫུན་གཏམ་དྲིལ་བསྒྲགས་ཀྱི་སྒྲིབ་གཡོགས་བསལ་ཆེད།
བོད་ནང་དངོས་ཡོད་གནས་ཚུལ་རྟོག་ཞིབ་བྱེད་པའི་ཚོགས་ཆུང་གཏོང་དགོས་པའི་འབོད་སྐུལ་ཞུ་རྒྱུ་ཡིན།” ཞེས་བཀོད་འདུག ཡང་གསུང་འཕྲིན་ནང་བཙན་བྱོལ་བོད་མི་ཚོར་བསྟན་དོན།
“བཙན་བྱོལ་དུ་ཡོད་པའི་བོད་མི་ཚོས་གཞིས་བཞུགས་སྤུན་ཟླ་རྣམས་ཀྱི་དཀའ་སྡུག་ལ་གདུང་སེམས་མཉམ་སྐྱེད་དང་རྒྱབ་སྐྱོར་ཞུ་དགོས་པ་དང་།
བོད་ཀྱི་རང་དབང་སླར་གསོ་དང་བདེན་དོན་འཐབ་རྩོད་ཀྱི་ལས་འགུལ་གྱི་གནས་ཚད་གོང་མཐོར་གཏོང་སླད། ཤེས་ཡོན་གྱི་ལས་དོན་གལ་གནད་ཆེ་ཤོས་སུ་བརྩིས་ཏེ།
སྤྱི་དོན་ལྷག་བསམ་ཅན་དང་ཤེས་ཡོན་ཅན་གྱི་མགོ་ཁྲིད་གང་མང་གསོ་སྐྱོང་ཐུབ་པ་བྱེད་དགོས།
བསྟན་སྲིད་མི་རིགས་ཀྱི་དོན་དུ་རང་སྲོག་བློས་བཏང་གནང་མཁན་རྣམས་ཀྱི་ཆེད་རེས་གཟའ་ལྷག་པ་ནམ་ཡིན་ལ་གཟུངས་སྔགས་ཡིག་དྲུག་དང་འབྲེལ་བསྔོ་སྨོན་མཚམས་སྦྱོར་བྱེད་དགོས་པ་དང་།
ལོ་ན་གཞོན་པ་ཚོས་དེ་ཉིན་བོད་ཆས་གྱོན་པ་སོགས་རང་གི་ཕ་མེས་ནས་བརྒྱུད་པའི་གོམས་སྲོལ་དང་རིག་གཞུང་གི་ཁྱད་ནོར་རྣམས་ལ་དགའ་སྤོབས་ཀྱི་སྒོ་ནས་སློབ་སྦྱོང་དང་ཉམས་བསྟར་བྱེད་དགོས” ཅེས་དང་། “ཕྱི་ལོ་ ༢༠༡༢
འདི་བོད་དོན་རྒྱབ་སྐྱོར་གྱི་ལོར་བརྩི་རྒྱུ་དང་། ལོ་འདིའི་ནང་བོད་མི་དང་བོད་དོན་རྒྱབ་སྐྱོར་བ་ཚོས་སོ་སོའི་གནས་ཡུལ་རྒྱལ་ཁབ་ཀྱི་དབུས་དང་མངའ་སྡེའི་འཐུས་མི་ཚོར་བོད་དོན་སྐོར་དང་། བོད་ནང་གི་ད་ལྟའི་གནས་སྟངས།
རྒྱ་ནག་གཞུང་གི་སྲིད་བྱུས་འཛིན་སྟངས། ༸གོང་ས་མཆོག་དང་བོད་མིའི་སྒྲིག་འཛུགས་ཀྱི་ལངས་ཕྱོགས་ཅི་ཡིན་སོགས་འགྲེལ་བཤད་བྱས་ཏེ་གོ་རྟོགས་ཐུབ་པ་བཟོ་དགོས།
བོད་དང་བོད་མིའི་རྩ་དོན་རྒྱབ་སྐྱོར་ཆེད་གྲོས་ཆོད་གཏན་འབེབས་ཡོང་ཐབས་དང་། བོད་སྐོར་བགྲོ་གླེང་གོ་སྒྲིག བོད་མིའི་དབུ་འཁྲིད་དང་སྒྲིག་འཛུགས་ཀྱི་ཆེ་མཐོང་གོང་མཐོར་གཏོང་བའི་ལས་འགུལ་སྤེལ་ཐབས་བཅས་གནང་དགོས།
སྐབས་བཅུ་བཞི་པའི་བཀའ་ཤག་གིས་ཆིག་སྒྲིལ་དང་། གསར་གཏོད། རང་ཁ་རང་གསོ་བཅས་ཀྱི་ལྟ་གྲུབ་ལམ་སྟོན་གཞི་རྩར་བཟུང་སྟེ། བོད་མིའི་རྩ་དོན་དམིགས་ཡུལ་སྒྲུབ་ཐབས་དང་།
བོད་མིའི་སྤྱི་ཚོགས་དང་སྒྲིག་འཛུགས་ཁག་དུས་རབས་ཉེར་གཅིག་པའི་དུས་རྗེས་ཟིན་པ་བཟོ་ཐབས་ལ་འབད་རྩོལ་གང་ཡོད་ཞུ་རྒྱུ་ཡིན།” ཞེས་བཀོད་འདུག དེ་བཞིན་སྤྱི་འཐུས་ལྷན་ཚོགས་ཀྱི་གསུང་འཕྲིན་ནང་།
“བོད་དུ་འདས་མ་ཐག་པའི་ལོ་གཅིག་ནང་བོད་མི་ ༢༥ ཡིས་རང་ལུས་མེར་བསྲེགས་བཏང་སྟེ། བོད་མི་ ༡༩ འདས་གྲོངས་སུ་གྱུར་ཡོད་པ་དང་། བོད་མི་ ༨ རྒྱ་ནག་ཉེན་རྟོག་པས་གང་བྱུང་དུ་མེ་མདའ་བརྒྱབ་སྟེ་དམར་གསོད་བཏང་ཡོད།
ད་ལྟ་ང་ཚོ་འདི་གར་འདུ་འཛོམས་བྱེད་བཞིན་པའི་སྐབས་སུའང་བོད་ནང་གི་ཉག་ཕྲ་བའི་གནས་སྟངས་གང་འདྲ་ཡོད་མེད་ཚོད་དཔག་བྱེད་ཐུབ། ༢༠༠༨
ལོར་ས་བྱི་ཞི་རྒོལ་ཆེན་མོ་བྱུང་བ་ནས་བཟུང་བོད་ནང་གི་གནས་སྟངས་ཇེ་ཞན་ཇེ་སྡུག་ཏུ་སོང་སྟེ། ༢༠༠༩ ལོར་ཞིང་པས་སོ་ནམ་མཚམས་འཇོག་གི་བསྟུན་གཤིབ་མི་བྱེད་པའི་ངོ་རྒོལ་དང་། ༢༠༡༠
ལོར་སློབ་ཁྲིད་སྐད་ཡིག་རྒྱ་སྐད་འཇོག་རྒྱུའི་སྲིད་ཇུས་ལ་སློབ་ཕྲུག་ནས་ངོ་རྒོལ་སོགས་བོད་ནང་ད་ལྟའི་བར་དུ་རྣམ་པ་ཅི་རིགས་ཀྱི་ཞི་རྒོལ་ལས་འགུལ་མང་དག་མུ་མཐུད་བྱུང་དང་འབྱུང་བཞིན་ཡོད་ཅིང་།
རང་ལུས་མེར་བསྲེགས་ཀྱི་ལས་འགུལ་ནི་གྲྭ་བཀྲ་བྷེས་ཕྱི་ལོ་ ༢༠༠༩ ཟླ་ ༢ ཚེས་ ༢༧ ཉིན་ཐོག་མར་བརྩམས་པ་ཞིག་ཡིན།
བོད་མི་མང་སྤྱི་འཐུས་ལྷན་ཚོགས་ནས་བོད་མི་ཡོངས་ཀྱི་ཚབ་ཞུས་ཏེ་བོད་མི་རིགས་ཀྱི་དོན་དུ་ལུས་སྲོག་བློས་བཏང་གནང་བའི་དཔའ་བོ་དཔའ་མོ་རྣམས་ལ་རྗེས་དྲན་དང་།
ཁོང་ཚོས་རྩ་ཆེའི་གཅེས་སྲོག་དོར་བ་ཆུད་ཟོས་སུ་མི་འགྲོ་བའི་ཕྱིར་ང་ཚོ་ཚང་མའི་ངོས་ནས་བོད་བསྟན་སྲིད་ཆེད་མཉམ་རུབ་ཐོག་ཧུར་བརྩོན་བྱེད་དགོས”ཞེས་བཀོད་འདུག
སྤྱི་འཐུས་ལྷན་ཚོགས་ཀྱིས་ཉེ་ལམ་རྒྱ་ནག་གི་འཐབ་ཕྱོགས་གཅིག་གྱུར་ཁང་གི་ཀྲུའུ་ཝེ་ཆོན་གྱི་སྐད་ཆ་ཞིག་ལ་ལན་འདེབས་གནང་དོན།
“ཀྲུང་དབྱང་འཐབ་ཕྱོགས་གཅིག་གྱུར་པུའུ་ཡི་རྒྱུན་ལས་པུའུ་ཀྲང་གཞོན་པ་ཀྲུའུ་ཝེ་ཆོན་ནས་ཉེ་ཆར་རྒྱ་ནག་གི་ཚགས་ཤོག་ཅིག་ནང་། རྒྱལ་ཞེན་གོང་འཕེལ་གཏོང་ཆེད་མི་རིགས་ཀྱི་ངོ་བོ་བློས་བཏང་དགོས་ལུགས་ཀྱི་
བརྗོད་བབ་དེ་ནི་བསྒྱེལ་བའི་སྒང་ལ་རྡོག་རྫིས་གཏོང་བ་ལྟར་འཇིགས་ཡེར་བའི་ངན་ལྟས་ཤིག་ཡིན” ཅེས་བཀོད་འདུག མཇུག་ཏུ་བོད་མི་མང་སྤྱི་འཐུས་ལྷན་ཚོགས་ཀྱི་རྒྱལ་སྤྱིར་འབོད་སྐུལ་ཞུས་དོན།
“ད་ལྟའི་ཆར་རྒྱལ་སྤྱིའི་འགོ་འཁྲིད་ཚོས་བོད་ཀྱི་གནད་དོན་འབྲེལ་མོལ་གྱི་ཐོག་ ནས་སེལ་རྒྱུར་རྒྱ་ནག་གི་འགོ་འཁྲིད་ཚོར་སྔར་ལས་ལྷག་པའི་གནོན་ཤུགས་ནུས་པ་ཐོན་ པ་སྤྲོད་དགོས་པའི་དུས་ལ་བབས་ཡོད།
ང་ཚོས་རྒྱ་ནག་ནས་ཁ་བྲལ་རྩོད་ཀྱི་མེད་སྟབས། རྒྱ་ནག་གཅིག་གི་སྲིད་ཇུས་འཛིན་མཁན་ཚོའི་ལངས་ཕྱོགས་དང་འགལ་གྱི་མེད་ལ། རྒྱ་ནག་གིས་བློ་གཡེང་ཆེ་ཤོས་བྱེད་སའི་མངའ་དབང་གི་གནད་དོན་ཡང་སེལ་ཡོད།
ང་ཚོའི་འཐབ་རྩོད་མུ་མཐུད་དེ་རྒྱུན་འཁྱོངས་བྱེད་ངེས་ཡིན། ད་ལྟ་ང་ཚོར་ཁྱེད་ཚོའི་རྒྱབ་སྐྱོར་འཕྲལ་དུ་དགོས་ཀྱི་འདུག བོད་ཀྱི་གནད་དོན་འདི་རྒྱ་ནག་འགོ་འཁྲིད་ཚོ་དང་ལྷན་འབྲེལ་མོལ་གྱིས་སེལ་ཐབས་བྱེད་དགོས་ཀྱང་།
ཕྱིས་མ་དྲགས་གོང་དེའི་གོམ་སྟབས་མྱུར་དུ་གཏོང་བའི་ནུས་སྟོབས་དེ་རྒྱལ་སྤྱིའི་སྤྱི་ཚོགས་ཀྱི་ལག་ཏུ་ཡོད།
ང་ཚོ་བོད་མི་ཚོར་ཡང་རང་དབང་ལུང་པའི་མི་མང་སྤྱི་བྱིངས་ལྟར་རང་དབང་མཉམ་སྤྱོད་ཀྱི་གོ་སྐབས་སྐྲུན་དགོས་ཀྱི་འདུག” ཅེས་སོགས་བཀོད་འདུག གསར་འགོད་པ། དོན་གོ
བཀའ་ཟུར་ཀིརྟི་རིན་པོ་ཆེ་མཆོག་ལ་བཅར་འདྲི་ཞུས་པ་ཞིག
དྲི་བ།
ལོ་སྔ་ཕྱིར་ཨ་མདོ་རྔ་པ་དགོན་གྲོང་གཉིས་སུ་རྒྱ་ནག་གིས་དྲག་གནོན་དང་བོད་མི་ཚོས་རང་ལུས་མེར་བསྲེགས་ཀྱི་ཛ་དྲག་གི་གནས་ཚུལ་འོག རིན་པོ་ཆེ་ཉེ་ལམ་ཨ་རི་སོགས་སུ་ཞུ་སྙན་ཕུལ་བར་ཕེབས་སྐབས་གང་འདྲ་བྱུང་ཡོད་དམ།
ལན། ད་ལྟའི་བོད་ནང་གི་བོད་མི་ཚོའི་ཞུ་འབོད་དེ་འུ་ཐུག་ཐབས་ཟད་ཅིག་གི་སྒོ་ནས་ཞུ་འབོད་གནང་བ་རེད།
ཞུ་འབོད་དེ་འཛམ་གླིང་རྒྱལ་སྤྱི་དང་ལྷག་པར་དུ་བོད་དོན་རྒྱབ་སྐྱོར་གནང་མཁན་ཨ་རིའི་གཞུང་མང་གཉིས་ཀྱི་སྙན་ལ་གསན་པའི་ཆེད་དུ་བོད་གཞུང་གི་བཀའ་འབྲེལ་ལྟར་ང་རང་ཨ་རི་ལ་བསྐྱོད་པ་ཡིན།
དེའི་སྐབས་ལ་ཨ་རིའི་གཞུང་དང་གཞུང་འཛིན་པ། དེ་བཞིན་མི་མང་དང་བཅས་པས་བོད་དོན་ཐོག་ལ་དོ་སྣང་དང་རྒྱབ་སྐྱོར་གྱི་ རྣམ་པ་ཤུགས་ཆེན་པོ་ཡོད་པ་དང་། སྤྱིར་བཏང་གི་རྒྱུས་ཡོད་ཡིན་པ། བོད་ཀྱི་གནས་སྟངས་དེ་གསལ་པོ་ཞིག་མཁྱེན་གྱི་ཡོད་པ་དེ་དག་གསལ་པོར་རྟོགས་སོང་། དེར་མ་ཟད།
ང་འགྲོ་བའི་སྐབས་ལ་བོད་ནང་གི་གནས་ཚུལ་དེ་དག་བྱུང་སྟེ། དུས་ཚོད་གང་འཚམ ་ཞིག་ ཕྱིན་ཚར་བ་རེད་དེ། ཡིན་ནའང་། གསར་ལམ་ཁག་ཡོངས་རྫོགས་ཀྱིས་ཞེ་དྲག་དོ་སྣང་ཆེན་པོ་གནང་སྟེ།
གསར་འགྱུར་གཞི་རྒྱ་ཆེན་པོ་དང་ཁྱབ་བསྒྲགས་ཤུགས་ཆེན་བྱས་ཏེ་འཛམ་གླིང་མི་མང་གིས་དོ་སྣང་བྱེད་དགོས་པ་ཞིག་ཆགས་སོང་། དེ་བཞིན།
གཞུང་དང་མི་མང་གཉིས་ཀྱི་ཐོག་ནས་ང་ཚོ་བོད་མིའི་སྡུག་བསྔལ་དེ་དངོས་ཡོད་གནས་ཚུལ་ཡིན་པར་ཁོ་ཚོས་མཐའ་གཅིག་ཏུ་ངོས་འཛིན་གནང་གི་འདུག་ལ། ང་ཚོར་དམིགས་སུ་བཀར་ཏེ་བདེན་པའི་རྒྱབ་སྐྱོར་ཡོད་པ་དེ་གསལ་པོ་ཤེས་ཐུབ་ཀྱི་འདུག
དྲི་བ། རྔ་པ་ས་ཁུལ་གྱི་བོད་མི་ཚོས་རྒྱ་གཞུང་ལ་ངོ་རྒོལ་རབས་དང་རིམ་པ་སྤེལ་མཐར།
ད་ཆར་རང་ལུས་མེར་བསྲེགས་གཏོང་གི་ཡོད་པ་དེའི་རྒྱུ་རྐྱེན་གཙོ་བོ་གང་ལ་གཟིགས་ཀྱི་ཡོད་པ་དང་། བོད་ནང་གི་བོད་མི་འདས་གསོན་གཉིས་ཀྱི་རེ་འདོད་གཙོ་བོ་གང་ལ་ངོས་འཛིན་གནང་གི་ཡོད་དམ།
ལན། དང་པོ། རྒྱུ་རྐྱེན་གཙོ་བོ་དེ་བཤད་བདེ་པོ་ཞེ་དྲག་རེད། མའོ་ཙེ་ཏུང་གིས་བཤད་པའི་སྐད་ཆ་ཞིག་ཡོད་རེད། གང་ན་དྲག་གནོན་ཡོད་ན།
དེ་ལ་ངོ་རྒོལ་ཡོད་ཅེས་པ་དེ་རེད། ཁོས་བཤད་པའི་སྐད་ཆ་དེ་དངོས་ཡོད་གནས་ཚུལ་རེད། དེ་ཡིན་དུས་གནའ་སྔ་མོ་རྒྱ་ནག་གུང་ཁྲན་ཏང་ཡར་ལངས་པའི་སྐབས་ལ།
གོ་མིན་ཏང་ངམ་སྲིད་གཞུང་གཞན་དག་དེའི་དྲག་གནོན་ཡོད་པའི་དབང་གིས་ངོ་རྒོལ་བྱུང་སྟེ་གུང་ཁྲན་ཏང་ལ་ཐོབ་པ་རེད། ད་ལྟའི་ཆ་ལ་བོད་ནང་དྲག་གནོན་ཤུགས་ཆེན་པོ་ཡོད་པ་དེའི་དབང་གིས་ངོ་རྒོལ་འདི་བྱུང་བ་རེད།
དྲག་གནོན་གང་ན་ཤུགས་ཆེན་པོ་ཡོད་ན་དེ་ལ་ངོ་རྒོལ་ཡོང་གི་ཡོད་རེད། གང་དུ་དྲག་གནོན་དེ་ལས་ཛ་དྲག་ཏུ་བཏང་ན་དེ་ལ་ངོ་རྒོལ་དེ་བས་ཤུགས་ཆེ་རུ་ཡོང་གི་ཡོད་པ་ཞེ་དྲག་གསལ་པོ་རེད། དེར་བརྟེན།
མར་ལྷིང་འཇགས་བྱ་དགོས་པ་ཡིན་ན་རྒྱ་གཞུང་གིས་དྲག་གནོན་དེ་མཚམས་འཇོག་བྱ་དགོས་པ་རེད་ཅེས། སྔ་ཕྱིར་༸རྒྱལ་བ་རིན་པོ་ཆེས་དབུ་ཁྲིད་པའི་བོད་ཕྱི་ནང་གི་བོད་མི་ཡོངས་རྫོགས་དང་། འཛམ་གླིང་རྒྱལ་སྤྱིའི་ནང་གི་མཁྱེན་ལྡན་དང་ཤེས་ཡོན་ཅན། གསར་འགོད་པ།
རྩོམ་སྒྲིག་པ་སོགས་ཚང་མས་རྗོད་བཞིན་ཡོད་པ་རེད་དེ། རྒྱ་གཞུང་གིས་དེ་ལ་ཉན་འཇོག་མ་བྱས་པར་དྲག་གནོན་མུ་མཐུད་དུ་བྱས་པའི་དབང་གིས། ད་ལྟའི་ཆར་ཡིན་ནའང་མེ་ལྕེ་དེ་རིམ་བཞིན་ཁྱབ་ཡོང་གི་ཡོད་པ་གསལ་པོ་ཞེ་དྲག་རེད།
གཉིས་པ། བོད་ནང་བོད་མི་ཚོའི་རེ་འདོད་གཙོ་བོ་དེ་ཡོངས་གྲགས་ཚིག་གསུམ་བཞི་ཞིག་གི་ནང་འདུས་ཡོད་པ་རེད། རེ་བ་གཙོ་བོ་དེ་༸རྒྱལ་བ་ཡིད་བཞིན་ནོར་བུ་བོད་ནང་ལ་གདན་འདྲེན་ཞུ་དགོས། བོད་མི་ལ་རང་དབང་དགོས།
ཆོས་དད་རང་དབང་དགོས། འགྲོ་བ་མིའི་ཐོབ་ཐང་དགོས་ཞེས་པ་དེ་རེད། དེ་དག་ཡོད་པ་ཡིན་ན་ངོ་རྒོལ་ཡོང་དགོས་པའི་རྒྱུ་མཚན་ཡོད་པ་མ་རེད། དེ་དག་མེད་པར་བརྟེན་ངོ་རྒོལ་ཡོང་གི་ཡོད་རེད།
དྲི་བ། རྒྱ་གཞུང་གིས་བོད་ནང་གི་ངོ་རྒོལ་ལས་འགུལ་དེ་དག་བོད་ཕྱི་ལོགས་ཀྱི་བརྒྱུད་སྐུལ་ཡིན་ཚུལ་སྒྲོག་གི་ཡོད་པ་དེའི་ཐད།
གསལ་བཤད་དང་ལན་འདེབས་གང་འདྲ་གནང་རྒྱུ་ཡོད་དམ།
ལན། རྒྱ་ནག་དམར་པོའི་གཞུང་གི་སྲིད་ཇུས་ཀྱི་ལྟ་བའི་འཁྱེར་སྟངས་ཤིག་ལ།
གནས་ཚུལ་ག་རེ་བྱུང་ན་དེ་ཕྱི་ལོགས་ལ་ཁ་གཡར་དགོས་པ་ནི་ཁོང་ཚོའི་ལུགས་སྲོལ་ལྟ་བུ་ཆགས་ཡོད་རེད། མའོ་ཙེ་ཏུང་གི་བསླབ་བྱའི་ནང་ནའང་ནང་ཁུལ་ལ་རྙོག་དྲ་ཡོང་ན། ཕྱི་ལོགས་ལ་རྙོག་དྲ་བཟོ་དགོས་པ་རེད་ཅེས་བཤད་ཡོད་རེད།
དེ་ནང་བཞིན་ཁོང་ཚོའི་ནང་ཁུལ་ལ་རྙོག་དྲ་ཞིག་བྱུང་བ་ན། ལམ་སེང་དེ་ཕྱི་ལོགས་ཀྱི་མིས་བྱས་པ་རེད་ཅེས་ནང་ཁུལ་གྱི་མི་ལ་མགོ་སྐོར་བཏང་ནས་ལྷིང་འཇགས་ཡོང་བའི་ཐབས་ཤེས་བྱེད་ཀྱི་ཡོད་རེད། དེའི་རིགས་གནའ་སྔ་མོ་ ༡༩༥༩
གོང་གི་དུས་རབས་ཉི་ཤུའི་མགོ་སྟོད་ཀྱི་དུས་སྐབས་ལ་བྱེད་ཐབས་དེ་འདྲའི་ཐོག་ནས་མར་བདེ་འཇགས་བྱ་ཐུབ་སྲིད་ཀྱི་རེད།
དེ་རིང་སང་ཉིན་དུས་རབས་ཉི་ཤུ་རྩ་གཅིག་པའི་ནང་བྱེད་ཐབས་དེ་འདྲ་ཞིག་གི་སྟེང་ནས་མི་མང་བདེ་འཇགས་བྱེད་ཐབས་རྩ་བ་ཉིད་ནས་ཡོད་པ་མ་རེད།
མི་མང་བདེ་འཇགས་བྱ་དགོས་ན་མི་མང་གི་དངོས་ཡོད་གནས་ཚུལ་ག་རེ་ཡིན་པ་དེ་ཤེས་རྟོགས་དང་བསམ་ཤེས་ཀྱི་ཐོག་ནས་གྲོས་བསྡུར་གནང་སྟེ་ཐག་གཅོད་བྱ་དགོས་པ་རེད།
དུས་རབས་ཉི་ཤུ་རྩ་གཅིག་པ་དང་དུས་རབས་ཉི་ཤུའི་མགོ་སྟོད་ཀྱི་ལུགས་སྲོལ་གཉིས་རྩ་བ་ནས་མཐུན་ཐབས་ཡོད་པ་མ་རེད། དེ་ཕྱི་ལོགས་ཀྱི་མིས་བརྒྱུད་སྐུལ་བྱས་ཏེ་བྱུང་བ་ཞིག་མ་རེད། རྒྱུ་མཚན་དང་པོ།
ཆུང་ས་ཞིག་ལ་དཔེ་བཞག་པ་ཡིན་ན། ནང་ལོགས་ལ་ས་ཡོམ་བརྒྱབ་པ་དང་མེ་ཤོར་བའི་གནས་ཚུལ། ནང་ཁུལ་ཐོབ་ཐང་ཡག་པོ་མ་སྤྲད་པའི་གནས་ཚུལ།
ནང་ཁུལ་མིའི་འདོད་པ་དང་མཐུན་པའི་ལས་ཀ་མ་བྱས་པའི་གནས་ཚུལ་སོགས་ག་རེ་བྱུང་བ་ཡིན་ན་དེར་ངོ་རྒོལ་ཡོང་གི་རེད། དེ་ཡོངས་རྫོགས་ཕྱི་རྒྱལ་གྱི་མིས་བྱས་པ་རེད་ཅེས་ལབ་ཐུབ་ཐབས་ཡོད་པ་མ་རེད་དེ།
ཁོ་ཚོས་དེ་ལྟར་ལབ་ཀྱི་ཡོད་རེད། ནང་ཁུལ་གྱི་གནས་ཚུལ་དེའི་རིགས་ཕྱི་ལོགས་ལ་བཤད་པ་ཡིན་ན་རྒྱལ་ཁབ་མགོ་རྟིང་སློག་པའི་གནས་ཚུལ་ཚབས་ཆེན་ཡིན་སྐོར་བཤད་ཀྱི་ཡོད་པ་རེད།
དེ་ཕྱི་ལོགས་ཀྱི་མིས་བརྒྱུད་སྐུལ་བྱས་པ་ཞིག་རྩ་བ་ནས་མ་རེད། རྒྱུ་མཚན་གཉིས་པ། ཁོ་ཚོ་བོད་ནང་སྐྱིད་པོ་ཡོད་ན་ང་ཚོས་བརྒྱུད་སྐུལ་བྱས་ཏེ་ཁྱེད་ཚོ་ཡར་ལངས་རོགས་ཞེས་བཤད་པ་ཡིན་ནའང་སུ་གང་ཡང་ཡར་ལངས་ཀྱི་མ་རེད།
ང་ཚོས་ཕྱི་ལོགས་ནས་བརྒྱུད་སྐུལ་བྱེད་དགོས་པའི་རྒྱུ་མཚན་ཡོད་པ་མ་རེད། བརྒྱུད་སྐུལ་དང་ཕུང་དཀྲུགས་བྱ་རྒྱུ་དེ་ང་ཚོའི་ལས་འགན་མ་རེད།
༸རྒྱལ་བ་རིན་པོ་ཆེས་དབུ་ཁྲིད་པའི་ང་ཚོ་བོད་གཞུང་མང་གཉིས་ནས་དབུ་མའི་ལམ་ལ་བརྟེན་ནས་བོད་རྒྱ་གཉིས་ཕན་གྱི་ཞི་མོལ་བྱ་རྒྱུ་ཡིན་ཞེས་བརྗོད་ཀྱིན་པ་མ་གཏོགས། ནང་ཁུལ་ཕུང་དཀྲུགས་ཀྱིས་ཡར་ལངས་བྱ་རྒྱུ་དེ་ང་ཚོའི་ལས་འགུལ་མ་རེད། ང་ཚོས་དེ་ལྟར་བྱེད་ཀྱི་མེད་ལ་བྱེད་དགོས་པའི་རྒྱུ་མཚན་ཡང་ཡོད་པ་མ་རེད།
དྲི་བ། བོད་ནང་ནས་ཛ་དྲག་གནས་ཚུལ་རིམ་བསྟུད་དུ་གསན་ཡོང་སྐབས་ཐུགས་ཚོར་གང་འདྲ་འདུག་པ་དང་།
མེར་བསྲེགས་ལས་འགུལ་འདིས་བོད་པའི་རྩ་དོན་ཐོག་ཕན་གནོད་གང་འདྲ་འབྱུང་བར་གཟིགས་ཀྱི་ཡོད་དམ།
ལན། བོད་མི་སྙིང་སྟོབས་ཅན་དང་ན་གཞོན་དེ་དག་གིས་མི་ཚེ་བློས་བཏང་གནང་བའི་སྐབས་བློ་འཚབ་ཆེན་པོ་ཡོང་གི་འདུག ང་ཚོའི་ལུང་པ་དེ་རྒྱ་གཞུང་གིས་གྲངས་ཉུང་མི་རིགས་བཟོས་པའི་སྲིད་ཇུས་ཤིག་གི་ཐོག་ལ་འགྲོ་བཞིན་ཡོད་སྟབས། ང་ཚོ་ལ་བོད་མི་གཅིག་ཡིན་ནའང་ཉུང་བསྡད་ཡོད་པ་རེད།
ཡིན་ནའང་། ཁོང་ཚོས་འུ་ཐུག་ཐབས་ཟད་ཀྱི་སྒོ་ནས་བྱས་པ་ཞིག་ཡིན་དུས། ང་ཚོ་ལ་བྱེད་ཐབས་གང་ཡང་ཡོད་པ་མ་རེད། འཆར་གཞི་ལྡན་པའི་སྒོ་ནས་ལས་འགུལ་སྤེལ་བ་དེ་འདྲ་གང་ཡང་མ་རེད།
འཆར་གཞི་རྩ་བ་ནས་ཡོད་མ་རེད། ཁོ་རང་ཚོ་མི་རེ་རེའི་ངོས་ནས་བསམ་བློ་རེ་བཏང་སྟེ་བློས་གཏོང་ཆེན་པོའི་ལས་འགུལ་རེ་སྤེལ་ཡོང་དུས། ང་ཚོ་ལ་བྱེད་ཐབས་གང་ཡང་མེད་བསྡད་པ་ཞིག་ཆགས་ཡོད་པ་རེད་མ་གཏོགས།
མི་གཅིག་གྲོངས་ནའང་ང་ཚོ་ལ་གྱོང་གུད་རེད། བོད་ཀྱི་རྩ་དོན་ཐད་ལམ་སེང་གྲུབ་འབྲས་འདི་འདྲ་ཞིག་ཐོན་གྱི་རེད་ཅེས་བཤད་རྒྱུ་ཁག་པོ་རེད། ང་ཚོའི་ལས་དོན་དེ་རྒྱ་ཆེན་པོ་དང་གཏིང་ཟབ་པོ་རེད་ལ།
ང་ཚོའི་ཁ་གཏད་དེའང་རྒྱ་ནག་དམར་པོའི་སྲིད་གཞུང་རེད། དམར་པོའི་སྲིད་གཞུང་དེ་ལས་སླ་པོའི་སྒོ་ནས་ཉན་མཁན་དང་སྒྲུབ་མཁན་ཞིག་མ་རེད། ཡིན་ནའང།
བོད་ནང་གི་བདེ་བ་སྡུག་བསྔལ་ག་རེ་ཡོད་པ་དེ་འཛམ་གླིང་མི་མང་གིས་ཤེས་ཐུབ་པ་དང་། འཛམ་གླིང་མི་མང་གིས་རྒྱ་ནག་གི་དྲིལ་བསྒྲགས་དེ་དག་རྫུན་མ་ཡིན་པ་ཧ་གོ་ཐུབ་ཀྱི་ཡོད་པ་རེད། དེར་བརྟེན།
ལས་འགུལ་འདིས་བོད་ཀྱི་རྩ་དོན་ཐོག་ཏན་ཏན་ཕན་ཐོགས་ཡོད་པ་རེད། གཉིས་ནས་བོད་མིའི་རྩ་དོན་དེ་རྒྱ་ཆེན་པོ་ཞེ་དྲག་ཡིན་དུས། ང་ཚོས་རྩིག་པ་བརྒྱབ་པ་ནང་བཞིན་མང་པོ་ཞིག་མཉམ་དུ་བརྩིགས་ཏེ་འགྲོ་དགོས་པ་རེད་མ་གཏོགས།
རྡོག་རྡོག་གཅིག་གི་སྟེང་ནས་བྱེད་ཐུབ་པ་ཞིག་ཡོད་པ་མ་རེད། ཁོ་ཚོའི་ད་ལྟའི་བློས་གཏོང་གི་ལས་འགུལ་དེའང་ང་ཚོའི་རྩིག་པའི་ནང་གི་རྩིག་རྡོ་གལ་ཆེན་ཞིག་ཆགས་ཡོད་པ་རེད།
འདི་ལྟར་རེ་རེ་བཞིན་ཡར་བརྩིགས་ནས་རིམ་པས་ང་ཚོས་དོན་ཆེན་པོ་དེ་འགྲུབ་དགོས་པ་ཞིག་རེད།
དྲི་བ།
ལོ་སྔ་ཕྱིར་མདོ་སྨད་རྔ་པ་ཕྱོགས་གཙོས་པའི་བོད་བསྟན་སྲིད་མི་རིགས་ཆེད་འདས་གྲོངས་སུ་ཕྱིན་པ་དག་གི་ཤུལ་ལུས་ནང་མི་ཚོར་སེམས་གསོ་དང་འཚམས་འདྲི་འདྲ་གནང་རྒྱུ་ཡོད་དམ།
ལན། ད་ལྟ་འདས་པོ་ཚོ་དང་བཙོན་ཁང་ནང་མནར་གཅོད་མྱོང་བཞིན་པ་ཚོ་ཡིན་ནའང་འདྲ། ཁོང་ཚོ་ཡོངས་རྫོགས་ཀྱིས་ལྷག་བསམ་རྣམ་དག་ངང་ལས་ཀ་བྱས་པ་རེད།
བཙོན་ལ་ཚུད་པ་དང་སྲོག་ཤོར་བ་རྣམས་ཀྱི་ཐད་ང་ཚོའི་ངོས་ནས་དངོས་གནས་བློ་ཕམ་ཆེན་པོ་འདུག ཡིན་ནའང ་ ། མི་གཅིག་གི་སྲོག་ཤོར་འགྲོ་དུས། དོན་དག་ཡོད་པའི་ཐོག་ཤི་བ་དང་དོན་དག་མེད་པའི་ཐོག་ཤི་བ་གཉིས་ལས་དོན་དག་ཡོད་པའི་ཐོག་ནས་ཤི་བ་དེ་གཟི་བརྗིད་ཆེན་པོ་རེད།
ལྷག་པར་དུ་བོད་རྒྱ་ཆེ་མི་མང་དང་༸རྒྱལ་བ་རིན་པོ་ཆེ་དབུར་བཞུགས་པའི་ཐོག་ནས།
རྒྱ་གར་ནང་བཞུགས་པའི་བླ་ཆེན་སྐྱེས་བུ་དམ་པ་དག་དང་། གདན་ས་སེ་འབྲས་དགེ་གསུམ་གྱིས་མཚོན་པའི་དགེ་འདུན་པའི་སྡེ་ཐམས་ཅད་ཀྱིས་ཚེ་འདས་དེ་དག་གི་ཆེད་དུ་བསྔོ་བ་སྨོན་ལམ་ཡང་ནས་ཡང་དུ་གསུངས་དང་གསུང་བཞིན་པ་ཡིན་པས།
ཤུལ་ལུས་ཚོས་སེམས་ཁྲལ་བྱེད་རྒྱུ་ཡོད་པ་མ་རེད། སེམས་ཁྲལ་བྱས་ཀྱང་ཕན་ཐོགས་ཅི་ཡང་ཡོད་མ་རེད། ཁོ་ཚོའི་ངོས་ནས་སེམས་ཐག་བཅད་པའི་རླབས་ཆེན་གྱི་བྱ་བ་ཞིག་ཡིན་སྟབས། བྱས་པ་རྗེས་མེད་དུ་འགྲོ་གི་མ་རེད།
དེ་བས་ཁྱེད་རང་ཚོས་སེམས་པ་བདེ་བོ་བྱ་དགོས་པ་དེ་གལ་ཆེན་པོ་རེད།
དྲི་བ། རྒྱ་གཞུང་གིས་བོད་ནང་གི་ཞི་རྒོལ་ཐོག་མུ་མཐུད་དྲག་གནོན་བྱས་པ་ཡིན་ན་མཇུག་འབྲས་གང་འདྲ་འབྱུང་སྲིད་པ་དང་།
ལྷག་པར་དུ་རང་ལུས་མེར་བསྲེགས་ཀྱི་ལས་འགུལ་འདིར་ཡ་ལན་མ་སྤྲད་ཚེ་ལས་འགུལ་གྱི་ངོ་བོར་འགྱུར་བ་འགྲོ་སྲིད་དམ།
ལན། གནས་སྟངས་དེ་གཙུབ་ཤིང་བརྡར་བ་ནང་བཞིན་རེད།
ཤིང་དང་ཤིང་ཕན་ཚུན་གཙུབས་ཏེ་བརྡར་བའི་དུས་སུ་རིམ་པས་ཚ་དྲོད་ཆེ་རུ་ཕྱིན་ཏེ་མཐའ་མ་མེ་འབར་གྱི་ཡོད་པ་རེད། གལ་སྲིད་གཅིག་ལྷོད་པ་ཡིན་ན་གཅིག་གི་ཚ་དྲོད་ཉུང་དུ་འགྲོ་གི་རེད།
ད་ལྟའི་ཡོང་རྐྱེན་གཙོ་བོ་དེ་ཕྱོགས་གཅིག་གིས་བཙན་གནོན་བྱས་པའི་གཙུབ་བརྡར་ལ་བརྟེན་ནས་བྱུང་བ་ཞིག་རེད། དེར་བརྟེན། བཙན་གནོན་དེ་མར་ཤུགས་ཆུང་དུ་དང་འཇམ་དུ་བཏང་བ་ཡིན་ན། ཏན་ཏན་མར་འཇགས་འགྲོ་བ་ རེད། འོན་ཀྱང་རྒྱ་གཞུང་གིས་ད་དུང་དྲག་གནོན་ཤུགས་ཆེ་རུ་ཆེ་རུ་གཏོང་བཞིན་ཡོད་པ་རེད། ངས་ས་གནས་ཁག་མང་པོའི་ནང་ཞུས་མྱོང་། ད་ལྟའི་ལས་འགུལ་དེ་འཚེ་མེད་ཞི་བའི་ལས་འགུལ་མཐར་ཐུག་པ་དེ་རེད།
འདིའི་རྒྱ་ལས་བརྒལ་བ་ཡིན་ན། དྲག་པོའི་ལམ་ལ་འགྲོ་རྒྱུ་མ་གཏོགས་ལམ་ཁ་གཞན་མེད་པ་ཆགས་བསྡད་ཡོད་པ་རེད། དེ་ཡིན་དུས།
རྒྱ་གཞུང་གིས་བསམ་བློ་བཏང་སྟེ་མེ་འབར་བྱེད་ཀྱི་རྩུབ་སྤྱོད་ཀྱི་ལས་ཀ་དེ་མར་ཞི་འཇམ་དུ་གཏོང་དགོས་པ་གལ་ཆེན་པོ་རེད། རྩུབ་སྤྱོད་ཀྱི་འོག་ནས་མི་ལ་ནུས་པ་ཡོད་པ་མ་རེད། ཁོ་ཚོ་མི་རིགས་གྲངས་ཉུང་རེད།
ཁོ་ཚོའི་ལག་ལ་མཚོན་ཆ་ཡོད་པ་མ་རེད་བསམ་ཏེ་དྲག་གནོན་བྱེད་རྐྱང་གནང་རྒྱུ་ཡོད་པ་མ་རེད། འུ་ཐུག་པའི་སྐབས་ལ་ག་རེ་ཡིན་ནའང་བྱ་སྲིད་ཀྱི་རེད།
ང་ཚོ་བོད་པའི་གཏམ་དཔེར། སྡར་མའི་མདུང་གཏིང་བྲག་ལ་ཐུག་ན། ཚུར་རྒོལ་བྱེད་ཀྱི་རེད་ཅེས་པ་ནང་བཞིན་རེད།
མིའི་སེམས་ཀྱི་ནུས་སྟོབས་དེ་ཤུགས་ཆེ་ཤོས་རེད་མ་གཏོགས་ཕྱིའི་དངོས་པོ་དེ་ཤུགས་ཆེ་ཤོས་མ་རེད། གནོན་ཤུགས་ཆེ་རུ་བཏང་བ་དང་བསྟུན་ནས་མཇུག་འབྲས་རྩུབ་ཏུ་འགྲོ་རྒྱུ་མ་གཏོགས།
མཇུག་འབྲས་འཇམ་དུ་འགྲོ་རྒྱུ་རྩ་བ་ཉིད་ནས་ཡོད་པ་མ་རེད།
དྲི་བ། བོད་ནང་རྒྱ་གཞུང་ལ་ངོ་རྒོལ་གྱིས་རང་ལུས་མེར་བསྲེགས་གཏོང་གི་ཡོད་པ་དེ་འཚེ་བའི་ལས་ཡིན་མིན་གྱི་གླེང་སློང་ཞིག་ཡོང་གི་ཡོད་སྟབས།
རིན་པོ་ཆེ་མཆོག་གིས་ལས་འགུལ་དེ་འཚེ་བ་ཡིན་མིན་ཐད་ངོས་འཛིན་གང་འདྲ་གནང་གི་ཡོད་དམ།
ལན། སྤྱིར་བཏང་དྲག་སྤྱོད་ཀྱི་བྱ་བ་དང་དྲག་སྤྱོད་ཀྱི་ལས་འགུལ་ཟེར་བ་དེ་ཆབ་སྲིད་ཀྱི་ཚིག་ཅིག་རེད།
སྤྱིར་བཏང་དྲག་པོ་ཡོངས་རྫོགས་ལ་དྲག་སྤྱོད་ཀྱི་བྱ་བ་ཟེར་གྱི་ཡོད་པ་མ་རེད། ཆབ་སྲིད་ཀྱི་ཚིག་གི་དྲག་སྤྱོད་ཟེར་བ་དེ་ལག་ལ་མདའ་མདུང་མཚོན་ཆ་ལ་སོགས་བཟུང་སྟེ།
མི་གཞན་ལ་གནོད་འཚེ་དང་ལྡན་པའི་ལས་འགུལ་ཞིག་ལ་དྲག་སྤྱོད་ཀྱི་ལས་འགུལ་ཟེར་བཞིན་ཡོད་པ་རེད། རང་ལུས་མེར་བསྲེགས་བཏང་བ་དེ་དྲག་སྤྱོད་རྩ་བ་ཉིད་ནས་མ་རེད། ཡིན་ནའང་།
ལས་འགུལ་ཞི་འཇམ་ཞིག་མ་རེད་ལས་འགུལ་རྩུབ་པོ་ཞིག་རེད། གཞན་ལ་གནོད་པ་དང་འཚེ་བ་བྱས་པ་ཡིན་ན། དེ་ནི་དྲག་སྤྱོད་དང་འཚེ་བ་གཉིས་ཆར་འགྲོ་གི་རེད།
གཞན་ལ་འཚེ་བ་མ་ཡིན་པར་རང་ཉིད་བློས་བཏང་བ་དེ་ནི་འཚེ་བའི་ལས་འགུལ་ལ་འགྲོ་གི་མ་རེད། དེ་སོ་སོ་རང་ཉིད་ཀྱི་ལུས་སྲོག་ལ་འཚེ་བ་ཞིག་རེད། ཡིན་ནའང་། འཚེ་བའི་ལས་ཟེར་བའི་འཚེ་བ་དེ་ལ་འགྲོ་གི་མ་རེད།
དྲི་བ། རིན་པོ་ཆེ་མཆོག་གི་གཟིགས་ཚུལ་ལ། བོད་ནང་གི་བོད་མི་ཚོས་ཡིད་གཟབ་གནང་དགོས་ས་དང་། བསྒྱུར་བཅོས་གཏོང་དགོས་ས།
དེ་བཞིན་དུ་ལས་འགན་བསྒྲུབ་དགོས་པ་གང་དག་གཟིགས་ཀྱི་ཡོད་དམ།
ལན། ༸རྒྱལ་བ་རིན་པོ་ཆེས་རྒྱུན་དུ་བཀའ་སློབ་གནང་བཞིན་པའི་ནང་དོན་གཙོ་བོ་དེ།
ང་ཚོ་བོད་མི་ཡོངས་རྫོགས་ཀྱིས་ཤེས་ཀྱི་ཡོད་པ་ལྟར་འཚེ་མེད་ཞི་བའི་ལས་འགུལ་རེད། དེ་ཡིན་དུས། དང་པོ། ང་ཚོས་ལས་འགུལ་ག་འདྲ་ཞིག་སྤེལ་བ་ཡིན་ནའང་། འཚེ་མེད་ཞི་བའི་ལས་འགུལ་གྱི་རྒྱ་ལས་མ་འདས་པ་ཞིག་བྱ་དགོས་པ་དེ་གལ་ཆེ་ཤོས་རེད།
ད་ལྟ་རྒྱ་གཞུང་གི་ངོས་ཐད་ནས་ག་ཚོད་ཀྱིས་རྩུབ་པོ་བྱས་པ་ཡིན་ནའང་། སོ་སོའི་ངོས་ནས་བཟོད་བསྲན་སྔར་ལས་ཆེ་རུ་བཏང་སྟེ་འཚེ་མེད་ཞི་བའི་རྒྱ་ལས་འདའ་མ་དགོས་པ་ཞིག་བྱེད་དགོས་པ་རེད།
རྒྱ་གཞུང་གི་སྲིད་ཇུས་ནི་ང་ཚོ་འཚེ་མེད་ཞི་བའི་རྒྱ་ལས་འདའ་བའི་ཆེད་དུ། རྩུབ་སྤྱོད་མུ་མཐུད་བྱེད་བཞིན་ཡོད་པ་མིན་འགྲོ་བསམ་པའི་དོགས་པ་འདུག དེར་བརྟེན།
མི་མང་གིས་དེ་ལ་དོ་སྣང་ཆེན་པོ་བྱས་ཏེ་ག་ཚད་འུ་ཐུག་པ་ཡིན་ནའང་། འཚེ་མེད་ཞི་བའི་རྒྱ་ལས་མ་འདས་པ་ཞིག་བྱ་དགོས་རྒྱུ་དེ་གལ་ཆེ་ཤོས་རེད། གཉིས་པ།
ང་ཚོའི་ད་ལྟའི་ལས་འགུལ་དེ་རྒྱ་གཞུང་གིས་རྒྱ་བོད་མི་རིགས་གཉིས་ཀྱི་འཐབ་རྩོད་ཀྱི་ངོ་བོའི་ཐོག་སྒྱུར་གྱི་ཡོད་པ་རེད། ཡིན་ནའང་། མི་རིགས་གཉིས་བར་གྱི་འཐབ་རྩོད་ཀྱི་ངོ་བོ་མ་རེད།
དེ་ནི་དམར་པོའི་སྲིད་གཞུང་གི་ལས་བྱེད་པ་ཚོས་ལས་ཀ་བྱེད་སྟངས་དང་ང་ཚོའི་བར་གྱི་འཐབ་རྩོད་ཅིག་རེད། དེར་བརྟེན། རྒྱ་ནག་མི་མང་ལ་ང་ཚོས་གྲོགས་པོ་སྒྲིག་དགོས་པ་དང་། རྒྱ་ནག་མི་མང་ང་ཚོའི་ཕྱོགས་ལ་ཡོད་དགོས་པ་རེད།
མི་མང་གི་དཔུང་ཤུགས་དེ་ང་ཚོར་དགོས་ཀྱི་ཡོད་པ་རེད་མ་གཏོགས། མི་མང་གི་དཔུང་ཤུགས་མེད་ན་ང་ཚོར་ཕན་ཐོགས་གཅིག་ཀྱང་ཡོད་པ་མ་རེད། དེ་ཡིན་དུས།
རྒྱ་མི་རིགས་དང་བོད་མི་རིགས་བར་གྱི་འཐབ་རྩོད་ཀྱི་ངོ་བོར་མ་འགྲོ་བ་ཞིག་ཆེ་ས་ཆུང་ས་ག་པར་ཡིན་ནའང། དེ་ལ་གཟབ་གཟབ་བྱེད་དགོས་པ་གལ་ཆེན་པོ་རེད། དེ་བཞིན། ང་ཚོས་ལས་འགུལ་ག་འདྲ་ཞིག་སྤེལ་བ་ཡིན་ནའང་།
བསམ་བློ་ཞིབ་ཚགས་པོ་བྱས་ནས་གཏོང་དགོས་པ་རེད།
གནས་སྟངས་ལ་བལྟས་ཏེ་དུས་དང་འཚམ་པ་ཞིག་སྤེལ་དགོས་པ་རེད་མ་གཏོགས། འུ་ཐུག་ཐབས་ཟད་ཀྱི་ཐོག་ནས་ལམ་སེང་ལས་འགུལ་ཧ་རེ་ཧོ་རེ་དང་ཐ་རེ་ཐོ་རེ་སྤེལ་བ་ཡིན་ན། རྗེས་མ་གྱོང་དེ་ང་ཚོར་རག་ཡོང་གི་རེད།
ལྷག་པར་དུ་རྒྱ་ནག་གི་དམག་མི་དང་གདོང་ཐུག་རྒྱག་མ་དགོས་པ་ཞིག་གནང་དགོས་རྒྱུ་དེ་གལ་ཆེ་ཤོས་རེད། གདོང་ཐུག་འདྲ་བརྒྱབ་པ་ཡིན་ན་ཕན་ཚུན་གཉིས་ཀར་དཀའ་ངལ་ཡོང་གི་རེད། རྒྱ་ཤི་ན་རྒྱ་ལ་གྱོང་རེད།
བོད་ཤི་ན་བོད་ལ་གྱོང་རེད། རྒྱ་བོད་གཉིས་ཀ་ལ་མཇུག་འབྲས་ཡག་པོ་ཡོང་ཐབས་ཡོད་པ་མ་རེད། ད་ལྟའི་བར་དུ་ང་ཚོས་ཞི་བའི་ཐོག་ནས་ཞུ་འབོད་བྱེད་ཀྱི་ཡོད་པ་རེད་མ་གཏོགས་ངོ་རྒོལ་བྱེད་ཀྱི་ཡོད་པ་མ་རེད། ཡིན་ནའང་།
ནམ་རྒྱུན་གསར་ལམ་ཁག་ཏུ་ངོ་རྒོལ་ཞེས་པའི་ཚིག་དེ་བེད་སྤྱོད་བཏང་ཡོང་གི་འདུག ངོ་རྒོལ་བྱས་པ་ཡིན་ན་ལག་ལ་རྡོ་དང་དབྱུག་པ་བཟུང་སྟེ་ཚིག་ངན་པ་བཤད་དེ་གཞུང་ལ་ཁ་གཏད་ལངས་དགོས་པ་རེད།
ཁོ་ཚོས་ཁ་གཏད་གཅིག་ཀྱང་ལང་གི་ཡོད་པ་མ་རེད། ༸རྒྱལ་བ་རིན་པོ་ཆེ་བོད་ལ་གདན་འདྲེན་ཞུ་དགོས། ང་ཚོ་བོད་མི་ལ་རང་དབང་དང་འགྲོ་བ་མིའི་ཐོབ་ཐང་དགོས་ཟེར་བཞིན་པ་མ་གཏོགས། རྒྱ་ནག་གུང་ཁྲན་ཏང་རྩ་མེད་བཟོ་དགོས།
གཞུང་མགོ་རྟིང་སློག་དགོས་ཞེས་ཚིག་གཅིག་བཤད་ཡོད་པ་མ་རེད་ལ། རྡོ་གཅིག་ཀྱང་འཕེན་མཁན་ཡོད་པ་མ་རེད། སོ་སོས་རང་ཉིད་མེར་སྤར་ཏེ་སྲོག་བློས་བཏང་བ་དང་། དགོས་འདུན་སྐད་འབོད་དེ་དག་བྱས་ཟིན་པ་དང་ཚར་བ་རེད། ཡིན་ནའང་།
ངོ་རྒོལ་མ་ཡིན་པའི་ཞུ་འབོད་དེ་དག་བྱེད་སྐབས་ལའང་། གདོང་ཐུག་མ་བརྒྱབ་པ་ཞིག་བྱ་དགོས་པ་དེ་གལ་ཆེན་པོ་རེད།
དྲི་བ། བོད་ནང་དུ་བོད་རིགས་རྒྱ་མིའི་ལས་བྱེད་པ་ནང་རུལ་བླ་བཙོང་བྱེད་མཁན་རིགས་ཡོང་གི་ཡོད་འདུག བྱ་སྤྱོད་དེའི་རིགས་ལ་དགོངས་ཚུལ་ག་རེ་ཡོད།
ལན། རྒྱ་གཞུང་གི་ལས་བྱེད་ཡིན་པའི་ང་ཚོ་བོད་རིགས་དེ་ལ། ཕྱོགས་ཡོངས་སུ་བསྡུས་པ་ཡིན་ན་རིགས་གཉིས་ཡོད་པ་རེད།
རིགས་གཅིག་ལས་ཀའི་ངོ་བོའི་ཐོག་ནས་ལས་ཀ་བྱེད་བཞིན་པའི་རིགས་གཅིག་དང་། གོང་རིམ་ལ་སྤྲེལ་ལད་འཁྲབ་སྟེ་སོ་སོའི་རང་དོན་ཞིག་ཡོང་བའི་ཆེད་ལས་ཀ་བྱེད་མཁན་རིགས་གཅིག་ཡོད་པ་རེད། དེ་ཉུང་ཤོས་དེ་རེད། སོ་སོས་གཞུང་གི་ལས་ཀ་བྱས་ཏེ།
ཁྲིམས་དང་མཐུན་པའི་ཐོག་ནས་ལས་ཀ་བྱེད་བསྡད་མཁན་ཁག་ཅིག་ཡོད་པ་རེད། དེ་དག་གིས་ཁྲིམས་དང་མཐུན་པའི་ཐོག་ནས་ལས་ཀ་བྱེད་ཀྱི་ཡོད་པ་རེད་མ་ཏོགས། གོང་རིམ་ལ་སྤྲེལ་ལད་འཁྲབ་རྒྱུའི་ཆེད་དུ།
ང་ཚོ་བོད་མི་ལ་སྡུག་པོ་གཏོང་གི་ཡོད་པ་མ་རེད་བསམ། ད་བར་དུ་རྒྱ་གཞུང་རང་གི་བྱེད་སྟངས་དེའི་ཐོག་ནས། བོད་མི་ཡོངས་རྫོགས་གཉིད་སད་ཡོད་པ་རེད། ལས་བྱེད་པ་རྣམས་ཀྱང་གཉིད་སད་ཡོད་པ་རེད། ཉེ་བའི་ཆ་ལ་དཔེ་བཞག་པ་ཡིན་ན།
བོད་རིགས་ཡིན་པའི་ལས་བྱེད་པ་ཁག་ཅིག་རྒྱ་ནག་གཞུང་གིས་དམིགས་བསལ་གྱིས་ལས་གནས་ནས་ཕྱིར་ཕུད་བཏང་ཡོད་པ་རེད། ད་དུང་ས་གནས་ཁག་མང་པོའི་དཔོན་རིགས་བརྗེ་བོ་བརྒྱབ་ཡོད་པ་རེད།
དེ་དག་བརྗེ་བོ་བརྒྱབ་པའི་རྗེས་ལ་རྒྱ་རིགས་རྐྱང་པ་བཏང་ཡོད་པ་རེད་མ་གཏོགས། བོད་རིགས་འཇོག་ཐུབ་ཡོད་པ་མ་རེད། ཕྱི་ལོ་ ༡༩༥༩ ནས་ད་ལྟ་བར་གྱི་ལོ་དྲུག་ཅུ་ཙམ་གྱི་རིང་ལ།
རྒྱ་ནག་གཞུང་གིས་ཡིད་ཆེས་བྱེད་ཐུབ་སའི་བོད་རིགས་ལས་བྱེད་གཅིག་ཀྱང་གསོ་སྐྱོང་བྱེད་ཐུབ་མེད་སྟབས། འུ་ཐུག་ཡོང་དུས་རྒྱ་རིགས་ཤིག་འཇོག་དགོས་ཆགས་ཀྱི་ཡོད་པ་རེད།
ང་རང་རྒྱ་གཞུང་གི་ལས་བྱེད་ཡིན་པའི་བོད་རིགས་མང་པོར་ཐུག་མྱོང་།
ཁོ་ཚོས་བོད་དོན་གྱི་ཆེད་རང་ངོས་ནས་ལས་ཀ་བྱ་རྒྱུ་ག་རེ་འདུག་ཅེས་ཚུར་སྐད་ཆ་འདྲི་མཁན་ཡོང་གི་འདུག སྐབས་དེར་ངས་ཁྱེད་རང་ཚོ་རྒྱ་གཞུང་གི་ལས་བྱེད་ཡིན་སྟབས་ཁྲིམས་དང་འགལ་ཉན་གྱི་མ་རེད།
ཁྱོད་རང་ཚོ་ཁྲིམས་དང་མ་འགལ་བའི་ཐོག་ནས་བོད་མིར་ཕན་ཐོགས་ག་རེ་སྒྲུབ་ཐུབ་པ་དེ་སྒྲུབ་དགོས་པ་རེད་ཅེས་ལབ་ཀྱི་ཡོད། ཁྲིམས་དང་མ་འགལ་བའི་ཐོག་ནས་བོད་མིར་ཕན་ཐོགས་སྒྲུབ་རྒྱུ་དེ་ཁོ་རང་ཚོའི་འགན་རེད་ལ།
ངེས་པར་དུ་སྒྲུབ་དགོས་པ་ཞིག་ཀྱང་རེད། དེ་ལས་གཞན་པ་རྒྱ་གཞུང་གི་གོང་རིམ་ལ་སྤྲེལ་ལད་འཁྲབ་སྟེ་བོད་མིར་སྡུག་པོ་གཏོང་མཁན་ཉུང་ཤས་ཤིག་ཡོད་པ་རེད། དེའི་རིགས་ཀྱིས་བསམ་བློ་ཡག་པོ་གཏོང་དགོས་པ་རེད།
ཁྱོད་རང་ཚོས་གོང་རིམ་ལ་སྤྲེལ་ལད་འཁྲབ་ཆེད་བོད་མི་ནང་ཁུལ་དུ་སྡུག་པོ་གཏོང་བ་དེས། ཁྱོད་རང་ཚོའི་མི་ཚེ་འཁྱོལ་ཐུབ་ཀྱི་མ་རེད། སོ་སོས་ཁྲིམས་དང་མཐུན་པ་བྱས་མེད་སྟབས།
རྒྱ་ནག་གཞུང་གིས་སྐབས་སོ་སོའི་བེད་སྤྱོད་ལ་ལྟ་གི་རེད་མ་གཏོགས། ཁྱེད་རང་གིས་རྒྱ་གཞུང་ལ་ལྷག་བསམ་བྱས་ཡོད་མེད་ལ་ལྟ་གི་མ་རེད།
རྗེས་མ་ཉིན་ཞིག་ལ་རྒྱ་ནག་གུང་ཁྲན་གྱིས་དེ་དུས་ཁྱོད་ཚོས་ལས་ཀ་བྱེད་སྟངས་ལ་ནོར་འཁྲུལ་ཤོར་འདུག་ཅེས། ཕྱིར་སོ་སོའི་མགོ་ལ་ལོག་ཡོང་རྒྱུའི་ཉེན་ཁ་ཆེན་པོ་ཡོད། དེས་ཕན་ཐོགས་ཀྱི་མ་རེད།
དེ་ལས་ཁྲིམས་དང་མཐུན་པ་ཞིག་གི་ཐོག་ནས་ལས་ཀ་བྱེད་པ་དང་། གལ་སྲིད་བོད་མིར་ཉེས་རྡེག་གཏོང་དགོས་པ་དང་དྲག་གནོན་བྱེད་དགོས་པ་ཡིན་ནའང་། ཁྲིམས་དང་མཐུན་པ་ཞིག་གི་ཐོག་ནས་བྱེད་དགོས།
བོད་མི་གསོད་ཨེ་ཐུབ་ལྟ་བ་དང་། བོད་མིའི་ཀླད་པ་སྐྱོན་ཅན་དང་གཟུགས་པོ་གཅོང་ཅན་བཟོ་ཨེ་ཐུབ་ལྟ་བའི་ལས་ཀ་དེ་འདྲ་མི་བྱེད་པར། ཁྲིམས་ཀྱི་ནང་ལ་ག་རེ་ཡོད་པ་དེ་སྒྲུབ་པ་ཡིན་ན་སོ་སོར་ཡང་ཉེན་ཁ་ཡོང་གི་མ་རེད།
དེའི་རིགས་དེ་བོད་མི་ཉུང་ཤས་ཤིག་རེད། དེ་ཚོའི་གྲས་ཀྱིས་བསམ་བློ་ཡག་པོ་གཏོང་དགོས་པ་རེད་བསམ་གྱི་འདུག
དྲི་བ། ད་ལྟའི་བོད་ནང་གི་ཛ་དྲག་གི་གནས་སྟངས་ཐད་བོད་ཕྱི་ལོགས་ནས།
བོད་མིའི་སྒྲིག་འཛུགས་དང་གཞུང་འབྲེལ་མིན་པའི་ཚོགས་སྡེ་ཁག མི་མང་བྱིངས་བཅས་ཀྱིས་སོ་སོར་འཁྲི་བའི་ལས་དོན་གང་འདྲ་བརྩམ་དགོས་པར་གཟིགས་ཀྱི་ཡོད་དམ།
ལན། ང་ཚོ་བོད་ཀྱི་ཕྱི་ལོགས་ལ་ཡོད་མཁན། ༸རྒྱལ་བ་རིན་པོ་ཆེས་དབུ་ཁྲིད་པའི་བོད་གཞུང་མང་གཉིས་ཀས་གནང་དང་གནང་བཞིན་པ་རེད། ཡིན་ནའང་། ང་ཚོའི་སེམས་ནང་ཛ་དྲག་ཅིག་ཡོད་པ་རེད་མ་གཏོགས།
ང་ཚོའི་ལུས་པོའི་སྟེང་ལ་དམིགས་བསལ་གྱི་ཛ་དྲག་ཡོད་པ་མ་རེད། དེར་བརྟེན། ང་ཚོས་ལས་འགུལ་ག་རེ་སྤེལ་བ་དེ་རྒྱུན་འཁྱོངས་བྱ་རྒྱུ་གལ་ཆེན་པོ་རེད་ལ།
ལས་འགུལ་སྤེལ་མཁན་དག་གིས་ཀྱང་སོ་སོའི་བསམ་པ་ནང་བཞིན་གྱི་ལས་འགུལ་སྤེལ་ནས་མི་འདུག་པར། ཚང་མ་མཉམ་རུབ་ཀྱི་ཐོག་ནས་སྤེལ་དགོས་པ་དང་། འཆར་གཞི་དང་ལྡན་པའི་ཐོག་ནས་སྤེལ་དགོས་པ་དེ་གཙོ་བོ་རེད། དེ་བཞིན།
བོད་ནང་གི་བོད་མིའི་གནས་སྟངས་དང་བདེན་དོན་དེ་ཇི་མ་ཇི་བཞིན་རྒྱལ་སྤྱིའི་ཐོག་བཤད་དགོས་པ་རེད་མ་གཏོགས། ང་ཚོས་དེའི་ཐོག་སྣོན་པ་དང་བཟོ་བཅོས་འདྲ་བརྒྱབ ་སྟེ་ རྒྱལ་སྤྱིའི་གསར་ལམ་ཁག་ལ་སྤྲད་ན་ཕན་ཐོག་ཡོད་པ་མ་རེད།
གལ་སྲིད་དེ་འདྲའི་གནས་ཚུལ་ཞིག་བདེན་པ་མིན་པ་ཆགས་པ་ཡིན་ན། ང་ཚོའི་ཚིག་ལ་རིན་ཐང་མེད་པ་ཆགས་རྒྱུའི་ཉེན་ཁ་ཆེན་པོ་ཡོད་པ་རེད། དེར་བརྟེན།
ལུང་ཚན་དང་ཤོག་ཁག་གི་ཞེན་ཁོག་དེ་འདྲ་མ་ཡིན་པར་གནས་ཚུལ་ག་རེ་བྱུང་བ་དེ་དྲང་པོ་དྲང་བཞག་གི་ཐོག་ནས།
རྒྱལ་སྤྱིའི་ཞི་བདེ་ལ་དགའ་བའི་དབུ་ཁྲིད་རྣམ་པ་ཚོའི་སྙན་ལ་གསན་ཐུབ་པ་ཞིག་བྱ་དགོས་པ་དེ་ང་ཚོའི་ལས་འགན་གཙོ་བོ་རེད། དེ་མིན། གཙོ་བོ་༸རྒྱལ་བ་རིན་པོ་ཆེས་རྒྱུན་དུ་གསུངས་བསྡད་པ་དང་། ང་ཚོར་ལམ་སྟོན་གནང་བཞག་པའི་དབུ་མའི་ལམ་གྱི་ཐོག་ནས་ལས་འགུལ་སྤེལ་དགོས་པ་དེ་གལ་ཆེན་པོ་རེད།
རྩ་བའི་ལས་འགུལ་དབུ་མའི་ལམ་རྐྱང་པའི་ཐོག་ནས་སྤེལ་དགོས་པ་རེད་ཅེས་བཙན་དབང་བྱེད་ཐབས་ཡོད་པ་མ་རེད། བོད་མི་མང་གི་འདོད་པ་གང་ལ་ཡོད་ན། དེ་ལ་༸རྒྱལ་བ་རིན་པོ་ཆེ་ཡིན་ནའང་ཐུགས་མོས་ཡོད་པ་རེད། ཡིན་ནའང་།
ད་ལྟ་བར་དུ་དབུ་མའི་ལམ་གྱིས་བྱུང་མ་སོང་ཟེར་ན། དེ་བཤད་ཐུབ་རྒྱུ་དཀའ་ལས་ཁག་པོ་རེད།
ང་ཚོས་དབུ་མའི་ལམ་གྱི་ལམ་ཁ་དེ་ལས་མ་འདས་པ་ཞིག་གི་ཐོག་ནས་བྱེད་དགོས་པ་གལ་ཆེན་པོ་མིན་འགྲོ་བསམ་པ་ཞིག་དྲན་སོང་།
དྲི་བ།
སྤྱི་ཚོགས་ནང་རྒྱ་གཞུང་གིས་བོད་རྒྱ་འབྲེལ་མོལ་ལ་ཁ་གཡར་ཏེ་བོད་ནང་གནས་སྟངས་མར་འཇགས་ཐབས་ཀྱི་བསླུ་བྲིད་གཏོང་གི་ཡོད་པའི་དགོངས་ཚུལ་འདུག བོད་པའི་ངོས་ནས་བོད་རྒྱ་འབྲེལ་མོལ་དེ་འདྲ་བྱས་ན་ཕན་གནོད་གང་འབྱུང་སྲིད་དམ།
ལན། རྩ་བའི་རྒྱ་ནག་གི་སྲིད་ཇུས་དེ་ད་ལྟའང་གནའ་སྔ་མོའི་དམར་པོའི་སྲིད་ཇུས་རང་གི་ཐོག་འགྲོ་བསྡད་ཡོད་པ་རེད།
དེ་ལ་འགྱུར་བ་འགྲོ་གི་ཡོད་པ་མ་རེད། རྒྱལ་ཁབ་གཞན་དག་གིས་དུས་རབས་ལ་དཔག་པའི་འགྱུར་བ་བཏང་ནས་འགྲོ་བཞིན་ཡོད་པ་རེད། རྒྱ་གཞུང་གིས་འགྱུར་བ་མ་བཏང་བར་སྔར་གྱི་དམར་པོའི་སྲིད་ཇུས་ལག་ལེན་བསྟར་བཞིན་ཡོད་པ་རེད།
དཔེ་ཙམ་བཞག་ན། མེ་མདའི་ཁ་ནས་སྲིད་དབང་བཟུང་ཟེར་བ་དེ་གནའ་སྔ་མོའི་འགྲོ་སྟངས་ཤིག་རེད། ད་ལྟའང་སྲིད་ཇུས་འཛིན་སྟངས་དེ་རང་གི་ཐོག་འགྲོ་བསྡད་ཀྱི་ཡོད་སྟབས།
རྒྱ་དམར་གཞུང་གི་སྲིད་ཇུས་ཁྲོད་མི་ལ་མགོ་སྐོར་གཏོང་རྒྱུ་དེ་སྲིད་ཇུས་ཀྱི་ཡན་ལག་ཅིག་ཆགས་བསྡད་ཡོད་པ་རེད། དཔོན་རིགས་ཆེ་ཆུང་གང་ཡིན་ཡང་གོ་སྐབས་ལ་བསྟུན་ནས་གཞན་ལ་མགོ་སྐོར་གཏོང་གི་རེད།
གྲལ་རིམ་འཐབ་རྩོད་ཀྱང་གཞན་ལ་མགོ་སྐོར་བཏང་བའི་ཐོག་ནས་འཐབ་རྩོད་བྱས་པ་རེད། ད་ལྟའི་བར་ཆབ་སྲིད་ཀྱི་གནས་སྟངས་གང་ཡིན་ཡང་མགོ་སྐོར་ཞིག་གི་འོག་ནས་ལས་འགུལ་སྤེལ་གྱི་ཡོད་པ་རེད།
ང་ཚོའི་ཐོག་ལའང་མགོ་སྐོར་དེ་བྱུང་མྱོང་ཡོད་པ་རེད། དེང་ཕྱིན་ཆད་ཀྱང་ང་ཚོར་མགོ་སྐོར་གཏོང་སྲིད་ཀྱི་རེད། ཁོ་ཚོས་གནས་སྐབས་ཤིག་གི་ཁེ་ཕན་ལ་མ་གཏོགས་བསམ་བློ་གཏོང་གི་མ་རེད། དེར་བརྟེན།
ང་ཚོ་གཞུང་མང་སུ་ཡིན་ཡང་རྒྱ་གཞུང་གི་མགོ་སྐོར་འོག་མ་ཚུད་པ་བྱེད་དགོས་རྒྱུ་གལ་ཆེན་པོ་རེད། སྔོན་མ་ཡིན་ནའང་། སྲིད་ཇུས་འཇགས་ཐབས་བྱེད་པ་སོགས་ཀྱི་མགོ་སྐོར་འོག་ཕྲན་བུ་ཚུད་ཡོད་པའི་རྣམ་པ་ཞིག་ཡོད་པ་རེད།
འོན་ཀྱང་མགོ་སྐོར་འོག་ལ་ཚུད་པ་རེད་ཟེར་ནས་བཤད་ཐུབ་ཐབས་ཡོད་པ་མ་རེད། གོ་སྐབས་མ་ཤོར་བ་ཞིག་བྱེད་དགོས་པ་དེ་རང་གཞན་གཉིས་ལ་གལ་ཆེན་པོ་ཆགས་བསྡད་ཡོད་པ་རེད།
དེང་ཕྱིན་ཆད་ཀྱང་གཟབ་གཟབ་བྱེད་དགོས་པ་གལ་ཆེན་པོ་རེད་བསམ་གྱི་འདུག
དྲི་བ། ཉེ་ཆར་བོད་ནང་དུ་རྒྱ་གཞུང་གིས་ འབྲོག་པ་གནས་སྤོར་དང་མཉམ་ལས་ཁང་འཛུགས་བཞིན་པ འི་སྲིད་ཇུས་དེའི་ཐད་ཆེ་རིན་པོ་མཆོག་ལ་དགོངས་ཚུལ་ག་རེ་ཡོད།
ལན། སོ་སོའི་ལྟ་ཚུལ་འདྲ་བོ་ཞུས་པ་ཡིན་ན།
རྒྱ་གཞུང་གི་སྲིད་ཇུས་ཞེས་ཚོགས་འདུ་ཚོགས་ཏེ་ཡིག་ཐོག་གཏན་འབེབས་བྱས་ཡོད་པ་ཞིག་ཡིན་མིན་མི་ཤེས་ཏེ། ཁོ་ཚོ་ཚང་མའི་བསམ་ཚུལ་གཅིག་པ་ཡིན་པའི་སྲིད་ཇུས་ཤིག་དང་།
བོད་ཀྱི་ས་དགོས་པ་དང་བོད་ཀྱི་མི་མི་དགོས་པའི་སྲིད་ཇུས་དེ་འདྲ་ཞིག་གི་ཐོག་ལ་འགྲོ་བསྡད་མེད་འགྲོ་བསམ་པའི་དོགས་པ་འདུག ས་རྒྱ་གཞུང་ལ་དབང་ཐུབ་པ་བྱ་དགོས་སྟབས་ས་ཆ་སྟོང་པ་བཟོ་དགོས་ཀྱི་ཡོད་པ་རེད།
བོད་མི་དགོས་ཀྱི་མེད་སྟབས་སྐྱེ་སྒོ་ཡིན་ཡང་འགོག་དགོས་ཀྱི་ཡོད་པ་རེད། བོད་མིའི་ཆོས་དང་རིག་གཞུང་དེའང་སྦྱང་དགོས་ཀྱི་ཡོད་པ་མ་རེད། གྲོང་སྡེ་ཅན་ལ་བསྒྱུར་ནས་དེའི་ནང་རྒྱ་རིགས་མང་པོ་དང་མཉམ་བསྲེས་བྱས་ཏེ།
བོད་མི་རིགས་ཟེར་བ་ལོགས་སུ་བཀར་མི་ཐུབ་པ་ཞིག་བྱེད་ཀྱི་ཡོད་པ་རེད། བོད་མི་རིགས་ནང་ཁུལ་དུའང་མི་རིགས་མང་པོ་ཞིག་ཕར་བཀར་ཏེ།
བོད་མི་རིགས་ག་ཚོད་ཀྱིས་ཉུང་དུ་གཏོང་ཐབས་བྱས་ཡོད་ལ། ད་ལྟ་འབྲོག་པ་གྲོང་སྡེ་ཅན་ལ་སྒྱུར་བཞིན་པ་དེའང་། བོད་མི་རིགས་མེད་པ་བཟོ་བའི་སྲིད་ཇུས་དེ་འདྲ་ཞིག་གི་ཐོག་ནས་སྒྱུར་གྱི་ཡོད་པ་ལས།
འབྲོག་པ་མང་ཚོགས་ལ་ཕན་སེམས་ཀྱི་བསམ་བློ་བཏང་ནས་སྒྱུར་བཞིན་པ་ཞིག་རྩ་བ་ཉིད་ནས་མ་རེད། འབྲོག་པ་མང་ཚོགས་ལ་ཕན་ཐོགས་ཡོད་པའི་རོགས་རམ་བྱེད་ཀྱི་ཡོད་ན། དཔེར་ན།
ཨ་རིའི་ནང་གི་འབྲོག་པ་དང་ཨོ་སི་ཊོ་ལི་ཡའི་ནང་གི་འབྲོག་པ་ནང་བཞིན་འབྲོག་སྡེ་ཡར་རྒྱས་གཏོང་དགོས་པ་རེད།
འབྲོག་པ་སོ་སོའི་ས་གནས་ནས་བཞག་སྟེ་ཡར་རྒྱས་འགྲོ་བའི་ཆ་རྐྱེན་ཆ་ཚང་བསྐྲུན་ཏེ། དེང་དུས་དང་མཐུན་པའི་འབྲོག་སྡེ་ཡར་རྒྱས་གཏོང་དགོས་པ་རེད་མ་གཏོགས།
འབྲོག་སྡེ་ཚང་མ་སྟོང་པ་བཟོས་ཏེ་མར་གྲོང་སྡེ་རུ་ཁྲིད་དེ་ཟླ་བ་ཁ་ཤས་རིང་མགོ་སྐོར་ཐབས་ཀྱི་ཕོགས་ཙམ་སྤྲད་དེ་འཇོག་དགོས་པ་མ་རེད།
ད་ལྟའི་འབྲོག་སྡེ་གྲོང་སྡེ་ཅན་དུ་བསྒྱུར་རྒྱུ་དེ་ཕན་སེམས་ཅན་གྱི་འཆར་ཞིག་ཏུ་མཐོང་གི་མི་འདུག དེ་བཞིན། བོད་མི་མང་པོར་ཁང་པ་གསར་པ་རྒྱག་གི་ཡིན།
གཞུང་གི་རོགས་རམ་སྤྲོད་ཀྱི་ཡོད་ཅེས་བསྒྲགས་ཏེ། རྒྱ་གཞུང་གིས་མ་དངུལ་སྒོར་མོ་ཁྲི་གཅིག་འཇོག་གི་ཡིན་བོད་མི་སྒེར་ངོས་ནས་ཀྱང་རྒྱ་སྒོར་ཁྲི་གཅིག་སྤྲོད་དགོས་ཟེར་ནས། བོད་མི་ཚོའི་ལག་ནས་སྒོར་མོ་བསྡུས་ཏེ་ཁང་པ་མང་པོ་བཟོ་བཞིན་ཡོད་པ་རེད།
ཁང་པ་དེ་དག་བཟོ་བའི་སྐབས་རྒྱུ་ཆ་ས་རྡོ། ཤིང་། རྡོ་ཞུན་ཡོངས་རྫོགས་ང་ཚོ་བོད་ནས་བཟོས་པ་རེད། རྒྱ་ནག་ནས་ཡར་ཡོང་བསྡད་པ་ནི་ཤེལ་སྒོ་དང་ལྕགས་རིགས་ཙམ་དང་། ལས་ཀ་བྱེད་མཁན་རྒྱ་རིགས་དེ་ཚོ་རེད།
དོན་དངོས་ཐོག་བོད་མི་ཚོའི་ལག་ནས་སྒོར་མོ་ཁྲི་རེ་རྒྱ་མི་ཚོས་འཁྱེར་འགྲོ་གི་ཡོད་པ་རེད་མ་གཏོགས། རྒྱ་ནག་གཞུང་གི་ཐོག་ནས་བོད་ལ་སྒོར་མོ་རྩ་བ་ཉིད་ནས་ཡོང་གི་ཡོད་པ་མ་རེད།
ཆབ་སྲིད་མགོ་སྐོར་ཞིག་གི་འོག་ནས་སྲིད་ཇུས་དེ་དག་སྤེལ་བསྡད་ཀྱི་ཡོད་པ་རེད།
དྲི་བ།
རྒྱ་གཞུང་གིས་བོད་ནང་རིག་གནས་སློབ་གསོ་དང་དཔལ་འབྱོར་གྱི་ཐད་རྒྱ་སྒོར་དུང་ཕྱུར་མང་པོ་བཏང་སྟེ་རོགས་སྐྱོར་བྱེད་ཀྱིན་ཡོད་སྐོར་འཛམ་གླིང་ལ་དྲིལ་བསྒྲགས་ཤུགས་ཆེན་པོ་བྱེད་བཞིན་ཡོད་པ་རེད།
དོན་དངོས་ཐོག་བོད་པའི་སྤྱི་ཚོགས་ལ་རོགས་ཕན་ག་ཙམ་ཞིག་བྱས་ཡོད་པ་རེད་དམ།
ལན། བོད་མི་གྲངས་ཉུང་མི་རིགས་མཐོ་སློབ་ནང་བསྡུ་སྐབས་བརྒྱ་ཆའི་ཐོག་དམིགས་བསལ་ཡོད་ཟེར་གྱི་ཡོད་པ་རེད། དེ་ཡང་།
སྲིད་ཇུས་མགོ་སྐོར་ཞིག་གི་འོག་འགྲོ་བསྡད་ཡོད་པ་རེད། མཐོ་སློབ་ནང་རྒྱ་མི་རིགས་ལ་བརྒྱ་ཆ་མང་བ་དགོས་པ་དང་།
བོད་མི་རིགས་ལ་བརྒྱ་ཆ་ཉུང་བ་མ་གཏོགས་མི་དགོས་པ་བྱས་དུས། རྗེས་མ་རྒྱུགས་སྤྲོད་བྱེད་སྐབས་རྒྱ་མི་རིགས་བརྒྱ་ཆ་མང་བ་དང་བོད་མི་རིགས་བརྒྱ་ཆ་ཉུང་བ་ཡོང་གི་ཡོད་པ་རེད།
རྒྱུགས་འཕྲོད་པའི་སྐབས་ལའང་རྒྱ་མི་རིགས་བརྒྱ་ཆ་མང་བ་དང་བོད་མི་རིགས་བརྒྱ་ཆ་ཉུང་བ་ཡོང་གི་ཡོད་པ་རེད། ལས་ཀའི་ཐོག་ཞུགས་སྐབས་ཡིན་ནའང་།
རྒྱ་མི་རིགས་བརྒྱ་ཆ་མང་བ་དང་བོད་མི་རིགས་བརྒྱ་ཆ་ཉུང་བ་ཡོང་གི་ཡོད་པ་རེད། དེ་ལྟར་བྱས་དུས་བརྒྱ་ཆ་མང་བ་དེ་ལ་ལས་ཀ་ཡག་པ་དང་ཉུང་བ་དེ་ལ་ལས་ཀ་དང་གོ་སྐབས་དེ་ལས་ཞན་པ་མ་གཏོགས་རག་གི་ཡོད་པ་མ་རེད།
དེ་ཡང་བསམ་པ་ནག་པོའི་སྲིད་ཇུས་ཤིག་གི་ཐོག་ནས་སྤེལ་བཞིན་ཡོད་པ་རེད། དེ་བཞིན། རྒྱ་གཞུང་གིས་བོད་ནང་ལ་སྒོར་མོ་དུང་ཕྱུར་ས་ཡ་མང་པོའི་རོགས་རམ་བྱེད་ཀྱི་ཡོད་ཅེས་གྲངས་ཀ་རྒྱག་གི་ཡོད་པ་རེད།
དང་པོ་གྲངས་ཀ་དེའི་ནང་ནས་ཕྱིར་རྒྱ་མིའི་ལག་ལ་བརྒྱ་ཆ་ག་ཚོད་ལོག་སླེབས་ཀྱིན་པ་དེ་རྩིས་རྒྱག་དགོས་པ་རེད། དཔེར་ན། བོད་ནང་བོད་མི་ཁྱིམ་ཚང་མང་པོ་ཞིག་ལ་གཟུགས་མཐོང་རླུང་འཕྲིན་རེ་སྤྲད་ཡོད་པ་རེད།
གཟུགས་མཐོང་རླུང་འཕྲིན་དེ་དག་ནི་སྤུས་ཀ་ལེགས་པོ་མེད་པ་དང་། དེང་སྐབས་ཀྱི་ཁྲོམ་རའི་ནང་བཙོང་ས་མི་རག་པའི་རིགས་བོད་མི་ཚོར་སྤྲོད་བཞིན་ཡོད་པ་རེད།
དེ་དག་གི་རིན་འབབ་རྒྱ་གཞུང་གིས་སྒྲོག་བཞིན་པའི་བོད་སྐྱོར་རོགས་དངུལ་ལས་འཐེན་ཏེ་རྒྱ་ནག་གི་བཟོ་གྲྭ་དེ་དག་ལ་སྤྲད་དེ། བོད་ལ་ཁ་གཡར་ནས་རྒྱ་ནག་གི་བཟོ་གྲྭ་དེ་ཡར་རྒྱས་བཏང་ཡོད།
དེར་མཚུངས་ཀྱི་ལས་འགུལ་མང་པོ་སྤེལ་བཞིན་ཡོད་པ་རེད། དོན་གྱིས་ང་ཚོ་བོད་ལ་སྒོར་མོ་གཅིག་གི་རོགས་སྐྱོར་བྱས་ཡོད་པ་མ་རེད་ཅེས་ལབ་ཐུབ་ཀྱི་རེད། དེའི་སྒང་ལ་བོད་ནང་ནས་གསེར། དངུལ། ཞ་ཉེ། སོལ་བ་དཀར་པོ། རྡོ་སོལ།
རྡོ་ཀ་མ་རུ། རྡོ་ཞུན་སོགས་གཏེར་རྫས་མང་པོ་རྒྱ་ནག་ལ་མར་འདྲེན་བཞིན་ཡོད་པ་རེད། དེ་བཞིན། རྒྱ་ནག་གི་པགས་རིགས་གྱོན་པ་དེ་དག་བོད་དང་སོག་པོ་གཉིས་ཀྱི་བཀའ་དྲིན་རེད། རྒྱ་ནག་ལ་ར་ཤ་དང་ལུག་ཤ།
སྐམ་ཤ་ཟ་རྒྱུ་ཡོད་པ་དེའང་། བོད་དང་སོག་པོ་གཉིས་ནས་ཡོང་གི་ཡོད་པ་རེད་མ་གཏོགས། རྒྱ་ནག་ལ་ཕག་ཤ་ལས་ཡོད་པ་མ་རེད། དེ་དག་ཡོངས་རྫོགས་བོད་དང་སོག་པོ་ནས་མར་འཁྱེར་འགྲོ་གི་ཡོད་པ་རེད།
ད་དུང་རྒྱ་མི་མང་དུ་འཕེལ་ཡོང་དུས་གཞིས་ཆགས་ས་བོད་པའི་ས་ཆ་དགོས་ཀྱི་ཡོད་པ་རེད། རྒྱ་ནག་ལ་ང་ཚོའི་ས་ཆ་དེ་མེད་ཐབས་མེད་པ་ཞིག་ཆགས་ཡོད་སྟབས།
བོད་ཀྱི་ས་དགོས་པ་དང་མི་མི་དགོས་པའི་སྲིད་ཇུས་དེ་འདྲ་ཞིག་གཏན་འབེབས་བྱས་ཟིན་མེད་ནའང་།
ཁོ་ཚོའི་བསམ་བློའི་ནང་ལ་བག་ཆགས་ངན་པ་དེ་འདྲ་ཞིག་བཟུང་ནས་ལས་འགུལ་སྤེལ་བཞིན་པ་ཕལ་ཆེར་གསལ་པོ་རེད་བསམ་གྱི་འདུག
དྲི་བ། དུས་བབ་གསར་ལམ་འདི་བརྒྱུད་དེ་གཞིས་བཞུགས་བོད་མི་ཚོར་རེ་སྐུལ་དང་གསལ་འདེབས།
ཡང་ན་བཀའ་སློབ་ལམ་སྟོན་ག་རེ་གནང་རྒྱུ་ཡོད་དམ།
ལན། ང་ཚོས་བོད་ནང་ལ་རེ་སྐུལ་ཞུ་རྒྱུ་ཞིག་ལ།
གཙོ་བོ་ནི་༸རྒྱལ་བ་རིན་པོ་ཆེས་བཀའ་སློབ་ལམ་སྟོན་གནང་བསྡད་པ་དེ་དག་ཚང་མས་གོ་བསྡད་ཡོད་པ་རེད། དེ་ལས་ལྷག་ཅིག་རེ་འདུན་ཞུ་རྒྱུ་གང་ཡང་ཡོད་པ་མ་རེད། ཡིན་ནའང་། ཚིག་གསལ་པོའི་ཐོག་ནས་སྐད་ཆ་འགའ་བཤད་པ་ཡིན་ན། གཅིག
ང་ཚོ་བོད་མི་གཞོན་སྐྱེས་དེ་དག་སློབ་སྦྱོང་གི་ཐོག་ལ་གཏོང་དགོས་པ་དེ་གལ་ཆེན་པོ་རེད། ང་ཚོ་བོད་ལུང་པ་དང་པོ་རྒྱ་འོག་ལ་ཤོར་བ་དེ་སློབ་སྦྱོང་མེད་པར་ཤོར་བ་རེད།
རྒྱ་ཡིག་མ་གཏོགས་བོད་ཡིག་བསླབ་སའི་སློབ་གྲྭ་མེད་ནའང་། བོད་རིགས་གཞོན་སྐྱེས་ཚང་མ་སློབ་གྲྭར་བསྐྱོད་དགོས་པ་རེད། སློབ་སྦྱོང་ཡོད་ན་ལས་འགུལ་ག་རེ་བྱས་ཀྱང་ནུས་པ་ལྡན་པ་ཞིག་ཡོང་གི་རེད། གཉིས།
རྒྱ་གཞུང་གིས་ང་ཚོའི་མི་ཐོག་རྗེས་མ་དེ་ཡ་རབས་སྤྱོད་བཟང་མི་ཡོང་བའི་སྲིད་ཇུས་སྤེལ་གྱི་ཡོད་པ་རེད། ཆང་རག་ཚད་མེད་འཐུང་བ་དང་། ཤོ་དང་མ་ཅཱང་རྒྱག་པ། སྨད་འཚོང་མའི་ལས་ཀ་གཉེར་བ།
བོད་པ་ནང་ཁུལ་འཁྲུག་འཛིངས་བྱེད་པ་སོགས་བཀག་འགོག་བྱེད་ཀྱི་ཡོད་པ་མ་རེད། ཉལ་ཐ་ནག་པོ་འཐེན་པ་དང་ཚོང་རྒྱག་མཁན་རྣམས་ཀྱང་དངུལ་སྤྲད་རྗེས་གློད་ཡོང་གི་ཡོད་པ་རེད། དེ་དག་ཡོངས་རྫོགས་ཀྱི་བསམ་བློའི་ཕུགས་རྩ་དེར།
མ་འོངས་པའི་བོད་མིའི་མི་རབས་དེ་ཕན་ཐོགས་མེད་མཁན་ཞིག་བཟོ་རྒྱུའི་འཆར་གཞི་འདིང་གི་ཡོད་པ་རེད། དེར་བརྟེན། ང་ཚོས་མ་འོངས་པའི་མི་རབས་དེ་ཐེབས་ཆག་ཅིག་མི་ཡོང་བའི་ཆེད།
ང་ཚོ་རང་ངོས་ནས་རང་གི་མི་རིགས་ལ་ཤ་ཚའི་ཐོག་ནས་བསླབ་བྱ་ཡག་པོ་རྒྱག་དགོས་པ་རེད། རང་དོན་མི་འཁྱོངས་མཁན་དང་ཤེས་ཡོན་མེད་མཁན་ཞིག་ཆགས་ན་འགྲིག་གི་ཡོད་པ་མ་རེད།
ཡ་རབས་སྤྱོད་བཟང་ལྡན་པའི་མི་རབས་ཤིག་གསོ་སྐྱོང་བྱེད་དགོས་པ་དེ་ང་ཚོའི་འགན་འཁྲི་རེད། དེ་ནས་དཔལ་འབྱོར་གལ་ཆེན་ཆགས་ཡོད་པ་རེད། དཔལ་འབྱོར་མེད་ན་ལས་འགུལ་གཅིག་ཀྱང་སྒྲུབ་ཐུབ་ཐབས་ཡོད་པ་མ་རེད། ཡིན་ནའང་།
དཔལ་འབྱོར་བཟོ་སྟངས་མ་ཤེས་པའི་སྐྱོན་ཆེན་པོ་འདུག ཁག་ཅིག་གིས་རྒྱ་མི་དང་མཉམ་འབྲེལ་བྱས་ཏེ་སོ་སོའི་ལུང་པའི་ནང་གི་གཏེར་ཁ་སྔོག་བཞིན་འདུག དེ་ནོར་འཁྲུལ་ཆེན་པོ་ཞིག་རེད།
ཡང་ཁག་ཅིག་གིས་དཔལ་འབྱོར་ཡར་རྒྱས་གཏོང་དགོས་ན་ཕྱི་རྒྱལ་ལ་འགྲོ་དགོས་པ་རེད་བསམ་ཡོད་པ་རེད། དེ་ཡང་ནོར་འཁྲུལ་རེད་བསམ་གྱི་འདུག
འཛམ་གླིང་རྒྱལ་ཁབ་སྟོབས་ཆེན་མང་པོས་རྒྱ་ནག་མི་མང་གི་ཁྲོམ་ར་ལ་རེ་བ་རྒྱག་གི་ཡོད་པ་རེད། ང་ཚོ་བོད་པས་རྒྱ་ནག་མི་མང་གི་ཁྲོམ་ར་ལ་རེ་བ་མ་བརྒྱབ་པར།
ཁ་ཕྱིར་འཁོར་ཏེ་ཕྱི་རྒྱལ་ལ་རེ་བ་རྒྱག་གི་ཡོད་པ་དེ་ནོར་འཁྲུལ་རེད། རྒྱ་ནག་གི་རྒྱལ་ས་ཆེ་ཁག་དང་ས་གནས་ཆེ་ཁག་ནང་སོང་། དཔལ་འབྱོར་འཚོལ་སྒྲུབ་བྱས་ཏེ་སྟོབས་འབྱོར་ལྡན་པ་ཞིག་བྱེད་དགོས་རྒྱུ་གལ་ཆེན་པོ་རེད།
སྟོབས་འབྱོར་ལྡན་པ་ཞིག་བྱུང་བ་ཡིན་ན། སློབ་སྦྱོང་དང་རྒན་རྒོན་ཉམ་ཐག
བོད་མི་སྐྱོ་བོ་ཚང་མར་རོགས་ཕན་བྱེད་ཐུབ། ཁག་ཅིག་གིས་ཤོ་དང་མཱ་ཅང་རྒྱག་པ་དང་དོན་དག་མེད་པའི་རྒྱས་སྤྲོས་བྱས་ཏེ་དཔལ་འབྱོར་འཕྲོ་བརླག་ལ་གཏོང་གི་ཡོད་པ་རེད།
ད་ལྟ་ང་ཚོས་རྒྱས་སྤྲོས་དང་དགའ་བོ་སྐྱིད་པོ་བྱེད་པའི་དུས་སྐབས་མ་རེད། བོད་མི་ཡོངས་རྫོགས་སྡུག་བསྔལ་ནང་ལ་ཚུད་བསྡད་ཡོད་ལ། བོད་ཀྱི་མི་རབས་རྫོགས་བཞིན་པའི་འགག་རྩའི་དུས་ཚོད་ཅིག་ལ་སླེབས་ཡོད་པ་རེད།
༸རྒྱལ་བ་རིན་པོ་ཆེས་བཀའ་སྔ་ཕྱིར་གནང་བ་ལྟར་རིན་པོ་ཆེའི་རྒྱན་ཆ་ཚོད་མེད་འདོགས་པ་སོགས་ནི་ཕན་ཐོགས་གང་ཡང་ཡོད་པ་མ་རེད། དངུལ་ཡོད་པ་དེ་བསགས་ནས་སོ་སོས་བེད་སྤྱོད་གཏོང་དགོས་ངེས་དེ་ལ་བཏང་།
དངུལ་ལྷག་མ་ཡོད་ན་བོད་མི་རིགས་ལ་ཕན་པ་དང་། སོ་སོའི་ནང་མི་ཉེ་འབྲེལ་ལ་ཕན་པའི་ལས་ཀའི་ཐོག་བཏང་ན་ཕན་ཐོགས་ཆེན་པོ་ཡོད་པ་རེད་མ་གཏོགས།
གཅིག་གིས་གཅིག་ལ་དཔལ་འབྱོར་གྱི་འགྲན་བསྡུར་དང་རྒྱུ་ངོམ་བྱ་རྒྱུ་དེ་ཡག་པོ་མ་རེད། མཐར་མར་ཞུ་རྒྱུ་ཞིག་ལ། ང་ཚོ་བོད་མི་ནང་ཁུལ་མཐུན་ལམ་བྱེད་དགོས་པ་དེ་གལ་ཆེན་པོ་རེད།
དགྲ་བོས་ང་ཚོ་ནང་ཁུལ་གཏོར་བ་དང་མ་འཆམ་པ་བཟོ་བཞིན་ཡོད་པ་རེད། ནང་ཁུལ་མཐུན་ལམ་གྱི་ཐོག་ལ་ཤུགས་རྒྱག་དགོས་པ་རེད།
ལྷག་པར་དུ་མདོ་སྨད་དང་ཁམས་ཁུལ་དུ་རྩྭ་ཆུ་རྩོད་རེས་བྱས་ཏེ་སྤུན་ཟླ་ནང་ཁུལ་ལ་གསོད་རེས་བྱེད་པའི་གནས་ཚུལ་ཡོང་གི་འདུག ང་ཚོ་བོད་མིས་ནང་ཁུལ་གསོད་རེས་བྱ་དགོས་ཀྱི་མ་རེད།
རྒྱ་མིས་གསད་ཡོང་གི་ཡོད་པ་རེད། དེ་གཅིག་བཤད་འདོད་བྱུང་སོང་། གཙོ་བོ་རྒྱ་དམག་དང་གདོང་ཐུག་མ་བརྒྱབ་པ་ཞིག་བྱ་དགོས་པ་དེ་གལ་ཆེ་ཤོས་རེད།
ད་ལོའི་བོད་ཆུ་འབྲུག་ལོའི་ལོ་སར་གྱི་སྐབས་དང་བསྟུན་ཏེ། བཀའ་སྤྱི་གཉིས་ཀྱིས་སྣེ་ཁྲིད་པའི་འཛམ་གླིང་གང་སར་གནས་སྡོད་བཙན་བྱོལ་བོད་མི་ཚོས། བོད་ནང་འདས་གྲོངས་སུ་ཕྱིན་པའི་བོད་མི་ཚོར་གདུང་སེམས་མཉམ་སྐྱེད་དང་རྒྱ་གཞུང་གི་དྲག་གནོན་སྲིད་བྱུས་ལ་ངོ་རྒོལ་མཚོན་ཆེད། ཟས་བཅད་ངོ་རྒོལ་དང་བསྔོ་སྨོན་མཆོད་འབུལ། གློག་བརྙན་གཟིགས་འབུལ། གཏམ་བཤད་བགྲོ་གླེང་། ཞི་བའི་གོམས་བགྲོད་སོགས་རྣམ་པ་དང་ངོ་བོ་མི་འདྲ་བའི་ངོ་རྒོལ་ལས་འགུལ་ཅི་རིགས་ཤིག་སྤེལ་བཞིན་ཡོད་པ་ལྟར། དེ་རིང་ལོ་སར་ཚེས་ ༣ ཉིན་གྱི་སྔ་དྲོའི་ཆུ་ཚོད་ ༡༠ དང་ཕྱེད་ཀའི་སྟེང་བཞུགས་སྒར་ཉེ་འདབས་ཀྱི་ལྷ་རྒྱལ་རིའི་མཆོད་རྟེན་མདུན་ཐང་དུ། བོད་གཞུང་མང་གཉིས་ཀྱིས་ཐུན་མོང་ཐོག་བསྔོ་སྨོན་གསོལ་འདེབས་དང་བསང་གསོལ་རྒྱས་པ་ཤིག་བཏང་སོང་ལ། ཉིན་རྒྱབ་ཆུ་ཚོད་ ༣ པའི་སྟེང་ངྷ་ས་དབུས་དང་ས་གནས་གཞོན་ནུ་ལྷན་ཚོགས་ཀྱི་གོ་སྒྲིག་འོག ངྷ་སའི་སེར་སྐྱ་མི་མང་ ༢༠༠ ལྷག་ཐེག་ཆེན་ཆོས་གླིང་གཙུག་ལག་ཁང་དུ་འདུ་འཛོམས་བྱས་ཏེ། བསྔོ་སྨོན་གསོལ་འདེབས་དང་མ་ཎི་གསོག་སྒྲུབ་བཅས་གནང་སོང་།
༄༅། །བོད་རྒྱལ་ལོ་ ༢༠༣༩ ཕྱི་ལོ་ ༢༠༡༢ ཟླ་ ༢ ཚེས་ ༢༢ རབ་གནས་ཆུ་འབྲུག་གནམ་ལོའི་རང་ཞལ་གསར་དུ་བཞད་པའི་རྟེན་འབྱུང་ཉིན་སྔ་དྲོ་ཆུ་ ཚོད་ ༧
ཐོག་ཐེག་ཆེན་ཆོས་གླིང་གཙུག་ལག་ཁང་གི་ཡང་སྟེང་དུ་དཔལ་ལྡན་འདོད་ཁམས་དབང་ཕྱུག་ མའི་ཚེས་གཏོར་རྟེན་འབུལ་དངོས་གཞིའི་ཐོག་སྤྱི་ནོར་༸གོང་ས་༸སྐྱབས་མགོན་ཆེན་
པོ་མཆོག་རྣམ་གྲྭའི་དགེ་འདུན་པས་སྤྱན་རྒྱ་སྤོས་སྣེས་སྔོན་བསུས་ཏེ་གཙུག་ལག་ ཁང་དུ་གནས་གཟིགས་དང་སྙན་ཤལ་སྒྲོན་འབུལ་མཛད།
དེ་རྗེས་གཙུག་ལག་ཁང་ཡང་སྟེང་གི་བཞུགས་ཁྲི་རིན་པོ་ཆེར་༸ཞབས་སོར་འཁོད་འཕྲལ་ གམ་བཅར་རྣམ་རྒྱལ་གྲྭ་ཚང་གི་མཁན་རིན་པོ་ཆེས་མཎྜལ་རྟེན་གསུམ་འདེགས་འབུལ་ཞུས་
གྲུབ་མཚམས་ལྷ་མོའི་གསུང་བསྐང་བཀའ་དྲིན་ཆེ་སྐབས་བོད་མིའི་སྒྲིག་འཛུགས་ཀྱི་ མཛད་གཙོ་རྣམ་པ་དང་། སྤྱི་འཐུས་རྣམ་པ། སྲི་ཞུ་བ་ལས་ཟུར་རྣམ་པ་བཅར་ཡོད།
དེ་ནས་ཆུ་ཚོད་ ༨ ཐོག་གནམ་ལོ་གསར་བཞད་ཀྱི་ཆོས་ཕྱོགས་མཛད་སྒོ་གཙུག་ལག་ཁང་གི་ཚོམས་ཆེན་དུ་མཛད་
བཅར་བ་རྣམས་གདན་འཛོམས་རྗེས་༸གོང་ས་མཆོག་གདན་ཞུས་ཀྱིས་རྣམ་གྲྭ་གསུང་ཞབས་ རྣམས་ནས་སྐྱབས་སེམས་དང་། མཆོག་གསུམ་ཤིས་བརྗོད། བསྟན་འབར་མ།
རིས་མེད་བསྟན་རྒྱས་སྨོན་ལམ་བཅས་ལེགས་པར་གསུང་འདོན་ཟིན་གྲུབ་བསྟུན་ཁྲིམས་ ཞིབ་པ་ཆེ་བ་མཆོག་དང་། བོད་མི་མང་སྤྱི་འཐུས་ཚོགས་གཙོ་མཆོག
བཀའ་བློན་ཁྲི་པའི་སྐུ་ཚབ་མཆོག་བཅས་ནས་མགོན་པོ་གང་ཉིད་མཆོག་ལ་མཎྜལ་རྟེན་ གསུམ་འདེགས་འབུལ་གྲུབ་རྗེས་ཁྲིམས་ཞིབ་པས་དབུས་མཛད་གཙོ་རྣམ་པ་དང་། སྤྱི་འཐུས་རྣམ་པ། ལས་ཁུངས་ཁག་གི་ཟུང་དྲུང་ཡན་དང་།
རྒྱ་གར་གཞུང་གི་སྣེ་ཤན་སྐུ་ཚབ་སོགས་ལ་རིམ་བཞིན་མཇལ་ཁ་སྩལ་གྲུབ་མཚམས་ཚོགས་ ལངས་པ་གཉིས་ནས་ཆོས་ཀྱི་བགྲོ་གླེང་ཚུགས་རྗེས་གསོལ་ཇ་འབྲས་སིལ་འདེགས་འབུལ་ ཞུས།
དེ་ནས་བགྲོ་གླེང་པས་ཚིག་བཀྲ་བཅད་དེ་མཇལ་ཁ་ཞུས་རྗེས་བཀའ་ཁྲི་སྒྲོག་པ་དང་། ༸གོང་ས་༸སྐྱབས་མགོན་ཆེན་པོ་མཆོག་སྤྱན་རྒྱ་སྤོས་སྣེས་ཕོ་བྲང་དུ་གདན་འདྲེན་
ཞུས་ཏེ་ལོ་གསར་གྱི་རྟེན་འབྱུང་མཛད་སྒོ་ལེགས་གྲུབ་བྱུང་ཡོད་པ་བཅས།།
བོད་རབ་གནས་ཆུ་འབྲུག་ལོའི་ལོ་གསར་ཚེས་གཅིག་ཉིན་བོང་ནང་གི་ཛ་དྲག་གནས་སྟངས་ལ་གདུང་སེམས་མཉམ་བསྐྱེད་ཀྱི་
ཟས་བཅད་ངོ་རྒོལ་སྤེལ་རྒྱུའི་བོད་མི་མང་སྤྱི་འཐུས་ལྷན་ཚོགས་ཀྱི་བསྒྲགས་གཏམ།
བོད་ནང་གི་རྒྱལ་གཅེས་དཔའ་བོ་དཔའ་མོ་རྣམས་ཀྱིས་“༧གོང་ས་མཆོག་བོད་ནང་གདན་འདྲེན་ཞུ་དགོས། བོད་མི་ཚོར་རང་དབང་དང་འགྲོ་བ་མིའི་ཐོབ་ཐང་དགོས་”ཞེས།
འབོད་ཚིག་འདི་གཉིས་གཙོ་བོར་བྱས་ནས་བོད་དང་བོད་མི་རིགས་ཀྱི་ཆེད་དུ་རང་ལུས་མེར་སྲེག་བཏང་ཡོད་པའི་ཁྲོད་ནས། ཕྱི་ལོ་ ༢༠༠༩ ཟླ་ ༢ ཚེས་ ༢༧
ཉིན་གྲྭ་བཀྲ་བྷེ་ལགས་ཀྱིས་རང་ལུས་མེར་སྲེག་བཏང་བ་ནས་བཟུང། དེ་ནས་རིམ་གྱིས་ཕྱི་ལོ་ ༢༠༡༡ ཟླ་ ༣ ཚེས་ ༡༦ ནས་ ༢༠༡༢ ཟླ་ ༢ ཚེས་ ༡༩ བར་བོད་ནང་གི་བོད་མི་སྐྱ་སེར་གྲངས་ ༢༣ དང་།
བཙན་བྱོལ་ནང་གི་བོད་མི་ ༢ བཅས་ཁྱོན་མི་གྲངས་ ༢༥ ནས་རང་ལུས་མེར་སྲེག་བཏང་ཡོད། དེ་དག་གི་ཁྲོད་ནས་བོད་ནང་བཙུན་མ་གསུམ་ཚུད་པའི་མི་གྲངས་ ༡༥ ཡི་སྐུ་སྲོག་ཤོར་ཡོད་པ་དང་།
གཞན་རྣམས་འདས་གསོན་གང་ཡིན་དང་ས་གནས་གང་ཞིག་ཏུ་བཙོན་འཇུག་དང་བཀག་ཉར་བྱས་ཡོད་མེད་ཤེས་རྟོགས་ཐུབ་མེད།
དེ་བཞིན་ཕྱི་ལོ་ ༢༠༡༢ ཟླ་ ༡ ཚེས་ ༢༣ རྒྱ་མིའི་ལོ་གསར་གྱི་དགའ་སྟོན་སྐབས་བོད་མི་ཚོས་མྱ་ངན་གྱི་ཞི་རྒོལ་བྱས་པས།
རྒྱ་མིའི་དྲག་ཆས་ཉེན་རྟོག་པ་སོགས་ཀྱིས་མེ་མདའ་གང་བྱུང་བརྒྱབ་ནས་བྲག་འགོ་ཁུལ་དུ་མི་ ༤ དང་། གསེར་རྟ་ཁུལ་དུ་མི་ ༢ ། ཛམ་ཐང་དུ་མི་ ༡ བཅས་ཁྱོན་མི་གྲངས་ ༧
དམར་གསོད་བཏང་ཡོད་པ་ཤེས་རྟོགས་ཐུབ་ཡོད། ད་དུང་ལོ་འདིའི་ཟླ་ ༢ ཚེས་ ༨ ཉིན་ནང་ཆེན་དང་། ཁྲི་འདུ། རྫ་སྟོད། མགོ་ལོག ཆུ་ཆེན། འབྲི་རུ།
ཆབ་ཆ་སོགས་སུའང་ལྷག་དཀར་སྲུང་བརྩི་དང་མི་མང་གི་ཞི་རྒོལ་རིམ་པར་བྱུང་ཡོད་པ་དང་། རྒྱ་གཞུང་གིས་དེང་སྐབས་བོད་ཀྱི་ས་ཁུལ་ཕལ་མོ་ཆེ་དང་།
ལྷག་པར་དུ་ཞི་རྒོལ་འབྱུང་ཡུལ་ས་གནས་ཀྱི་དྲ་ལམ་དང་ཁ་པར་བརྒྱུད་ལམ་བཙན་བཀག་གིས། མངོན་གསལ་མ་ཡིན་པའི་དྲག་པོའི་ཁྲིམས་གཞི་བསྡམས་ཡོད་སྟབས།
བོད་ཀྱི་ས་ཁུལ་འདྲ་མིན་ནང་མི་ག་ཚོད་བསད་ཡོད་མེད་དང་བཙོན་འཇུག་མནར་གཅོད་ཅི་ཙམ་བྱས་དང་བྱེད་བཞིན་ཡོད་མེད་གནས་ཚུལ་ཆ་ཚང་བ་ཞིག་ཤེས་རྟོགས་ཐུབ་མེད།
བོད་མི་མང་སྤྱི་འཐུས་ལྷན་ཚོགས་ནས་ཆེས་ཛ་དྲག་གི་གནས་སྟངས་གཅིག་རྗེས་གཉིས་མཐུད་དུ་འབྱུང་བཞིན་པ་འདི་དག་ཐད་སྔ་རྗེས་སུ་རྒྱ་ནག་གཞུང་དང་རྒྱལ་སྤྱིའི་སྤྱི་ཚོགས་ལ་འབོད་སྐུལ་རིམ་པར་བྱས་ཡོད་ཅིང་།
སྤྱི་ལྷན་གྱི་གསལ་བསྒྲགས་སྔ་རྗེས་དང་། ཉེ་ཆར་ལྡི་ལིར་ཡོད་པའི་རྒྱལ་ཁབ་ཁག་གི་གཞུང་ཚབ་མི་སྣ་མཇལ་འཕྲད་ཀྱིས་ཞུ་སྙན་ཕུལ་བ་དང།
དེ་བཞིན་རྒྱ་ནག་གི་སྲིད་འཛིན་ཧུའུ་ལ་ཡོངས་བསྒྲགས་ཀྱི་སྙན་ཞུ་ཞིག་འབུལ་འགྲེམས་ཞུས་པའི་ནང་ཁ་ཚ་དགོས་གཏུགས་ཀྱི་རེ་འདུན་དོན་གནད་ཁག་ལརྒྱ་གཞུང་གིས་འཕྲལ་དུ་བསམ་ཞིབ་དགོས་པའི་རེ་སྐུལ་བསྐྱར་ནན་དུ་ཞུ་རྒྱུར།
༡༽ དམག་དཔུང་ཕོན་ཆེ་བསྐྱར་སྣོན་བྱས་པ་རྣམས་འཕྲལ་དུ་ཕྱིར་འཐེན་གྱིས་ཛ་དྲག་གནས་སྟངས་འགྲིག་འཇགས་དང་བོད་མིའི་མངོན་འདོད་ལ་བསམ་གཞིགས་ཀྱི་བྱེད་ཐབས་ལག་བསྟར་བྱེད་དགོས།
༢༽ དངོས་ཡོད་གནས་ཚུལ་རྟོག་ཞིབ་ཆེད་ཕྱོགས་ལྷུང་མེད་པའི་རང་དབང་ཅན་གྱི་སྐུ་ཚབ་བོད་ནང་གཏོང་དགོས་པ་དང།
གལ་ཏེ་དེ་ལྟར་བྱ་རྒྱུར་དཀའ་ངལ་འཕྲད་ཚེ་དངོས་ཡོད་གནས་ཚུལ་འཚོལ་ཞིབ་ཆེད་བོད་མིའི་སྐུ་ཚབ་གཏོང་དགོས།
༣༽ བོད་མི་རིགས་ཀྱི་ངོ་བོ་རྩ་མེད་འགྲོ་རྒྱུའི་སྲིད་བྱུས་དང་བྱེད་ཐབས་མཚམས་འཇོག་བྱས་ཏེ་བོད་མིར་ཆོས་དད་རང་དབང་སྤྲོད་རྒྱུ་དང་ཞི་འགྲིག་གི་ཐབས་ལམ་བསྟེན་དགོས་པ་དང།
བོད་མིའི་སེམས་ཚོར་ལ་དོ་ཕོག་གཏོང་བའི་བྱ་སྤྱོད་འགོག་ཐབས་བྱེད་དགོས།
༤༽
བོད་མི་འབྲོག་པ་རྣམས་ས་གནས་གཅིག་ཏུ་བཙན་སྡོད་བྱེད་དུ་འཇུག་པ་དེ་དག་མཚམས་འཇོག་གིས་འབྲོག་པ་ཚོའི་ཕ་མེས་ནས་བརྒྱུད་པའི་ཁོར་ཡུག་གི་གོ་རྟོགས་དེ་བཞིན་བོད་ཀྱི་ཁོར་ཡུག་སྲུང་སྐྱོབ་ཀྱི་ལས་གཞི་ལག་བསྟར་བྱ་རྒྱུའི་ཆ་ཤས་སུ་ངེས་པར་དུ་མཉམ་ཞུགས་བྱེད་དུ་འཇུག་དགོས།
༥༽ བོད་ནང་འཛུགས་སྐྲུན་གྱི་ལས་གཞི་ཅི་འདྲ་ཞིག་ལག་བསྟར་བྱེད་སྐབས་མཐོ་སྒང་བོད་ཀྱི་ཁོར་ཡུག་འཇིག་ཉེན་ཆེ་བ་དེར་ངེས་པར་དུ་བསམ་གཞིགས་ཐོག་ས་གནས་བོད་རིགས་ཚོར་ཁེ་ཕན་ཡོད་པ་བྱེད་དགོས།
༦༽ པཎ་ཆེན་ཆུང་སྲིད་རིན་པོ་ཆེ་མཆོག་གིས་གཙོས་ཆབ་སྲིད་བཙོན་པ་རྣམས་འཕྲལ་མར་གློད་བཀྲོལ་བཏང་སྟེ་འབར་མའི་སྲིད་གཞུང་ལྟར་གཞུང་དང་མང་ཚོགས་དབར་ཡིད་ཆེས་ཆེ་རུ་གཏོང་དགོས།
༧༽
བོད་མི་ཚོ་དང་གྲོས་མོལ་བསྐྱར་གསོ་བྱས་ཏེ་ཆོད་སེམས་བརྟན་པོས་བོད་ཀྱི་དཀའ་ངལ་སེལ་ཆེད་ཕུགས་རྒྱང་རིང་པོས་ཐབས་ལམ་ཐོག་ནས་བོད་དང་ཉེ་འབྲེལ་ས་ཁྱོན་ཁག་ཏུ་བརྟན་ལྷིང་གི་ཁོར་ཡུག་བཟང་པོ་ཞིག་བསྐྲུན་ཐབས་བྱེད་དགོས།
དེ་བཞིན་དུ་རང་དབང་མང་གཙོའི་སྲིད་གཞུང་དང་གྲོས་ཚོགས་ནས་ཀྱང་འགྲོ་བ་མིའི་ཐོབ་ཐང་དང་།
ཡོངས་ཁྱབ་རིན་ཐང་ལ་འདི་ལྟར་རྩིས་མེད་རྡོག་རོལ་གཏོང་བའི་རྒྱ་གཞུང་གི་བྱ་སྤྱོད་རྒྱ་ཡན་དུ་མི་འགྲོ་བའི་གནོན་ཤུགས་སྤྲོད་ཐབས་ཀྱི་འགན་འཁུར་མང་ཙམ་ལེན་དགོས་པ་དང་།
རང་དབང་མང་གཙོའི་རྒྱལ་ཁབ་ཁག་གི་དབུ་ཁྲིད་རྣམ་པས་དོན་ཕན་ལྡན་པའི་ནུས་ཤུགས་འདོན་རྒྱུར་ང་ཚོས་རེ་སྐུལ་ཤུགས་དྲག་ཞུ་བཞིན་ཡོད།
རྒྱལ་སྤྱིའི་གཞུང་འབྲེལ་མ་ཡིན་པའི་ཚོགས་སྡེ་དང་། བོད་དོན་རྒྱབ་སྐྱོར་ཚོགས་པ་དང་སྒེར་བ་བཅས་ནས་ཀྱང་མུ་མཐུད་བོད་ནང་གི་ཛ་དྲག་གནས་སྟངས་གང་ཡིན་འབྲེལ་ཡོད་སོ་སོར་ར་སྤྲོད་གསལ་བཤད་དང་།
བདེན་པའི་རྒྱབ་ལངས་ངེས་པར་བྱེད་དགོས་པའི་འབོད་སྐུལ་ཞུ་རྒྱུ་བཅས། བོད་མི་མང་སྤྱི་འཐུས་ལྷན་ཚོགས་ཀྱིས་ཕྱི་ལོ་ ༢༠༡༢ ཟླ་ ༢ ཚེས་ ༢༢ ལ།།
བོད་དོན་སྐོར་གྱི་བསྒྲགས་གཏམ་ཞིག
ཉེ་ལམ་རྒྱ་ནག་སྲིད་འཛིན་གཞོན་པ་ཞིས་ཅིན་ཕིན་ཨ་རིར་རྒྱལ་དོན་འཚམས་གཟིགས་སུ་སྐྱོད་བཞིན་པའི་སྐབས་དང་བསྟུན་ཏེ།
ཨ་རིར་གནས་སྡོད་བོད་མི་དང་བོད་དོན་རྒྱབ་སྐྱོར་བ་ཚོས་ཞིས་ཅིན་ཕིན་ལ་ངོ་རྒོལ་སྐད་འབོད་བྱས་ཡོད་པ་ལྟར། ཟླ་འདིའི་ཕྱི་ཚེས་ ༡༤
ཉིན་ཨ་རིའི་གྲོས་ཚོགས་ཀྱི་རྒྱ་ནག་ལས་དོན་ཚོགས་ཆུང་གི་འཐུས་མི་ཁ་སི་ཊོམ་ཁ་རི་ལགས་དང་ཤཱ་རི་བྷོ་རོན་ལགས་གཉིས་ཀྱིས།
བོད་ཀྱི་གནད་དོན་ཐོག་རྒྱ་ནག་སྲིད་འཛིན་གཞོན་པར་འབོད་སྐུལ་བསྒྲགས་ཡིག་ཅིག་སྤེལ་འདུག
བསྒྲགས་ཡིག་དེའི་ནང་དུ། " རྒྱ་གཞུང་གིས་རྒྱ་ནག་ནང་ཁུལ་གྱི་འགྲོ་བ་མིའི་ཐོབ་ཐང་གི་གནས་སྟངས་དང་། རྒྱ་ནག་ནང་ཁུལ་གྱི་ཁྲིམས་ལུགས་དབང་བསྒྱུར་ལམ་སྲོལ་གཉིས་ཡར་རྒྱས་གཏོང་དགོས་ལ།
མ་འོངས་པར་སྐུ་ཞབས་ཞིས་ཅིན་ཕིན་རྒྱ་ནག་མི་མང་སྤྱི་མཐུན་རྒྱལ་ཁབ་ཀྱི་སྲིད་འཛིན་དུ་བསྐོ་བཞག་བྱ་རྒྱུ་ཡིན་སྟབས། སྲིད་འཛིན་ཧུའུ་ཅིན་ཐའོ་གཙོས་པའི་དེ་སྔའི་རྒྱ་ནག་སྲིད་འཛིན་རྣམས་ཀྱི་བྱ་སྤྱོད་དང་མི་འདྲ་བར། རྒྱ་ནག་ནང་དོན་དངོས་དང་མཐུན་པའི་འགྱུར་བ་ཆེན་པོ་ཞིག་གཏོང་ཐུབ་རྒྱུར་རེ་བ་ཆེན་པོ་ཡོད་ ”
ཅེས་འཁོད་འདུག
ཡང་བསྒྲགས་ཡིག་དེའི་ནང་། “ དེང་སྐབས་བོད་ནང་རྒྱ་གཞུང་གིས་དྲག་གནོན་ཆེན་པོ་བྱེད་ཀྱི་ཡོད་པ་མ་ཟད། ལྷག་པར་དུ་གསར་འགྱུར་བརྒྱུད་ལམ་དང་དྲ་རྒྱ་སོགས་ལ་བཀག་སྡོམ་ནན་མོ་བྱེད་ཀྱི་ཡོད།
ང་ཚོས་ཤེས་རྟོགས་བྱུང་བ་ལྟར་ན།
ད་བར་རྒྱ་གཞུང་གི་དྲག་གནོན་འོག་བོད་ནང་བོད་མི་ ༢༠ ལྷག་གིས་རང་ལུས་མེར་བསྲེགས་བཏང་ཡོད་ལ། གནད་དོན་དེ་དག་ནི་རྒྱ་གཞུང་གིས་བོད་ནང་དྲག་པོའི་སྲིད་བྱུས་ལག་བསྟར་བྱས་ཏེ། བོད་མིའི་ཆོས་དང་རིག་གཞུང་རྩིས་མེད་རྡོག་རོལ་བཏང་བ་ལས་བྱུང་བ་ཞིག་རེད། བོད་མི་ཞི་རྒོལ་བའི་སྟེང་མེ་མདའ་བརྒྱབ་སྟེ་དྲག་གནོན་བྱས་པ་དེར་ང་ཚོའི་ངོས་ནས་བློ་འཚབ་ཆེན་པོ་བྱེད་ཀྱི་ཡོད། བོད་ནང་དོན་དམ་གྱི་ཞི་བདེ་དང་བརྟན་བརླིང་ཞིག་དགོས་ན། ༸ཏཱ་ལའི་བླ་མ་ལས་ལྷག་པའི་མི་གཅིག་ཀྱང་མེད་སྟབས།
རྒྱ་ནག་གཞུང་གིས་༧ཏཱ་ལའི་བླ་མ་མཆོག་ལ་སྐྱོན་བརྗོད་ཁོ་ན་བྱ་རྒྱུའི་ཚབ་ཏུ། དངོས་ཡོད་གནས་ཚུལ་ལ་ངོས་འཛིན་གསལ་པོ་བྱས་ཏེ་བོད་མི་ཚོར་རང་སྐྱོང་ཚད་ལྡན་ཞིག་སྤྲོད་དགོས་པ་རེད ་”
ཅེས་འཁོད་འདུ ག
མདོ་བ་འབྲོག་ཁུལ་གྱི་མང་ཚོགས་ཚོས་རང་ལུས་མེར་བསྲེགས་གཏོང་མཁན་དག་ལ་མྱ་ངན་མཆོད་འབུལ་དང་།
ཤུལ་ལུས་ནང་མིར་སྐྱིད་སྡུག་མཉམ་མྱོང་མཚོན་ཆེད་ལོ་གསར་ལ་སྤྲོ་སྐྱིད་བཏང་མེད་པ་མ་ཟད། ལོ་གསར་གྲོལ་བའི་ཉིན་མར་མེ་ཁྲོམ་སྐོར་དང་རྒྱ་ནག་གི་རྒྱལ་དར་མར་ཕབ་སྟེ་ངོ་རྒོལ་གནང་ཡོད་འདུག
ཉེ་ལམ་གསར་འགོད་པས་བོད་ཨ་མདོ་རྨ་ལྷོ་ཁུལ་རེབ་གོང་མདོ་བ་ས་ཁུལ་གྱི་མིང་བརྗོད་འདོད་མེད་མཁན་ཞིག་དང་དྲ་ཐོག་ནས་གླེང་མོལ་བྱས་ཏེ་ཁོང་གིས་ཕ་ཡུལ་གྱི་གནས་ཚུལ་འགའ་ངོ་སྤྲོད་གནང་བ་ལྟར་ན། ཉེ་ལམ་ཨ་མདོའི་ལོ་གསར་ལ་ཉེ་བའི་བོད་ལོའི་གནམ་གང་དགོང་མོ་སྟེ།
ལུགས་རྙིང་གི་ཟླ་ ༡༢ པའི་ཚེས་ ༢༩ ཉིན་རྨ་ལྷོ་ཁུལ་རེབ་གོང་མདོ་བ་འབྲོག་༼
མདོ་སྔགས་དར་རྒྱས་གླིང་༽ཞེས་པའི་དགོན་པར་ས་གནས་དེའི་སྐྱ་སེར་མི་མང་ ༤༠༠ ལྷག་འདུ་འཛོམས་གནང་སྟེ།
འདས་ལོའི་ནང་བོད་ས་སྟོད་སྨད་བར་གསུམ་དུ་དོན་རྐྱེན་སྣ་ཚོགས་ཤིག་བྱུང་བ་དང་།
ལྷག་པར་དུ་བོད་མི་རིགས་ཀྱི་མདུན་ལམ་ཆེད་རང་ལུས་མཆོད་འབུལ་གནང་ཟིན་པའི་སྤུན་ཟླ་ཕོ་མོ་དག་ལ་མྱ་ངན་གུས་འདུད་མཚོན་ཆེད་མར་མེ་མཆོད་འབུལ་རྒྱ་ཆེན་ཞིག་གནང་ཡོད་ཅིང་།
དེ་དང་མཉམ་དུ་ཚེ་སྲོག་ཤོར་ཟིན་པ་དག་གི་ནང་མི་གཉེན་འབྲེལ་དག་ལ་སྐྱིད་སྡུག་མཉམ་མྱོང་མཚོན་སླད། ས་གནས་བོད་རིགས་ཡོངས་ཀྱིས་ད་ལོའི་ལོ་གསར་ལ་སྤྲོ་སྐྱིད་མི་གཏོང་རྒྱུའི་དམ་བཅའ་ཕུལ་ཡོད་འདུག
ལོ་གསར་ཚེས་གཅིག་ཉིན་ས་གནས་ཀྱི་(ཏང་ཡོན)ཟེར་བའི་གུང་ཁྲན་ཏང་གི་ཚོགས་མི་རེ་ཟུང་གིས་ཤོག་སྦག་སྒྲོན་པ་སོགས་བྱས་ཏེ།
བོད་རིགས་ནང་ཁུལ་གྱི་གྲོས་དོན་ལ་མ་གནས་པར་ལོ་གསར་ལ་སྤྲོ་སྐྱིད་གཏོང་གི་ཡོད་པའི་རྣམ་པ་ཐོན་ཡོད་སྟབས། གྲོང་སྡེའི་མི་མང་རྣམས་ཁོང་ཁྲོ་ཆེན་པོ་ལངས་ཡོད་འདུག རྒྱུ་མཚན་དེ་ལ་བརྟེན་ ཏེ། ལོ་གསར་གྲོལ་བའི་ཉིན་སྟེ།
ཚེས་ ༡༦ ཉིན་བོད་མི་ མང་པོ་ཞིག་མདོ་བ་འབྲོག་སྡེའི་ཞང་སྲིད་གཞུང་ གི་ལས་ཁུངས་མདུན་དུ་འཛོམས་ ཏེ།༧གོང་ས་མཆོག་གི་སྐུ་པར་དང་བོད་ཀྱི་རྒྱལ་དར་བཟུང་ནས་མར་མེ་ཁྲོམ་སྐོར་ ཞིག་བྱས་ ཡོད་པ་མ་ཟད། “ང་ཚོར་ཆོས་དད་རང་དབང་ཡོད་པ་བདེན་པ་ཡིན་ན། ༧གོང་ས་མཆོག་བོད་དུ་གདན་འདྲེན་ཞུ་དགོས་ ” ཞེས་པའི་འབོད་ཚིག་བསྒྲགས་ ཤིང་། ཞང་སྲིད་གཞུང་ མདུན་གྱི་རྒྱ་ནག་གི་རྒྱལ་དར་མར་ཕབ་ སྟེ་བཤགས་རྗེས། དེ་སྔ་ལོ་གསར་ཚེས་གཅིག་ཉིན་ཤོག་སྦག་སྒྲོན་མཁན་ཏང་ཡོན་ཁྱིམ་ཚ ང་དག་གི་སྒོ་རྭའི་ནང་གཡུག ས་ ཡོད་འདུག
གནས་ཚུལ་ཁོ་སྤྲོད་པས་མུ་མཐུད་དུ་མདོ་བ་ས་ཁུལ་གྱི་དཀའ་ངལ་གཞན་ཞིག་ངོ་སྤྲོད་གནང་བ་ལྟར་ན།
རྒྱ་ནག་གཞུང་གིས་འདས་པའི་ལོ་འགའ་སྔོན་ནས་བོད་པའི་འབྲོག་པ་རྣམས་(གྲོང་བརྡལ་ཅན)་དུ་བསྒྱུར་བ་དང་། ས་གནས་རེ་ཟུང་ནང་(མཉམ་ལས་ཁང)གསར་འཛུགས་བྱེད་ཀྱི་ཡོད་པ་ལྟར།
མདོ་བ་འབྲོག་ཁུལ་དུ་རྒྱ་གཞུང་གིས་མཉམ་ལས་ཁང་ཐོག་མར་ལག་བསྟར་བྱས་པའི་ས་ཁུལ་ཞིག་ཆགས་ཡོད་པ་དང་། ས་གནས་མི་མང་ཚོས་མཉམ་ལས་ཁང་ཟེར་བ་དེ་ལ་ཡིད་ཆེས་རྩ་བ་ནས་བྱེད་ཀྱི་མེད་ཀྱང་།
སྲིད་གཞུང་གིས་ས་གནས་དཔོན་རིགས་དང་བོད་རིགས་ལས་བྱེད།
དེ་བཞིན་སྡེ་བའི་ནང་གི་ཏང་མི་དང་སྡེ་དཔོན་བླ་ཚོང་བ་འགའ་རེར་ལྐོག་རྔན་སྤྲད་དེ་མང་ཚོགས་ལ་གཡོ་ཐབས་ཀྱིས་མཉམ་ལས་ཁང་དུ་འཛུལ་དགོས་པའི་སྐུལ་སློང་བྱེད་ཀྱིན་ཡོད་འདུག
དེང་སྐབས་མདོ་བ་འབྲོག་ ཁུལ་དུ་ཁྱོན་ བསྡོམས་དུད་ཁྱིམ་ཆིག་སྟོང་ ༡༠༠༠ ལྷག་ཡོད་པ་ལས་བརྒྱ་ཆ་ ༤༠ ཙམ་ ཞིག་རྒྱ་གཞུང་གི་གཡོ་འོག་ཏུ་ཚུད་དེ་མཉམ་ལས་ཁང་དུ་འཛུལ་ཡོད་ ཀྱང་། རྗེས་སུ་རིམ་གྱིས་རྒྱ་ གཞུང་གི་སྲིད་ཇུས་དེའི་རང་མདོག་མཐོང་ ཡོང་སྐབས། མང་པོ་ཞིག་གིས་མཉམ་ལས་ཁང་ནས་ཕྱིར་ཐོན་ཐབས་ བྱེད་ཀྱི་ཡོད་ཀྱང་། ད་ཆར་རང་དབང་གིས་ཕྱིར་ཐོན་ ཆོག་ཆོག་ཅིག་མེད་པའི་དཀའ་ངལ་འཕྲད་བཞིན་ཡོད་འདུག གནས་ཚུལ་མཁོ་སྤྲོད་པས་བརྗོད་དོན། “
ལས་གཞི་འདིའི་ཐོག་ས་གནས་བོད་རིགས་ལས་བྱེད་དང་ཤེས་ལྡན་མི་སྣ་ཚོས་ཀྱང་ནུས་པ་དེ་ཙམ་འཐོན་ཐུབ་ཀྱི་མི་འདུག གང་ཡིན་ཟེར་ན། མ་གཞི་བོད་པའི་འབྲོག་ཁུལ་གྱི་སློབ་གསོ་རྗེས་ལུས་ཡིན་པ་དང་།
ཡང་སྒོས་བོད་རིགས་ལས་བྱེད་ཚོར་དབང་ཚད་མེད་པའི་རྐྱེན་གྱིས་མང་ཚོགས་ལ་སྣེ་འཁྲིད་ཀྱི་ནུས་པ་མི་འདུག ལྷག་པར་དུ་མཉམ་ལས་ཁང་ཟེར་བ་དེ་ཚུགས་ཆེད་རྒྱ་དམར་གྱིས་བོད་རིགས་ལས་བྱེད་པ་དང་། སྡེ་དཔོན་སོགས་ལ་མི་མང་ལ་སྐུལ་སློང་གིས་ མཉམ་ལས་ཁང་དུ་འཛུལ་ཐུབ་ཚེ་གོ་ས་སྤར་བ་དང་ཟླ་ཕོག་སྤར་བ་སོགས་ཀྱི་བསླུ་ཐབས་སྣ་ཚོགས་བཀོལ་ ཏེ། ད་ཆ་བོད་རིགས་ནང་ཁུལ་དུ་ཡང་མི་མཐུན་པའི་གནས་ཚུལ་ རེ་ཟུང་ཡོང་གི་འདུག” ཅེས་བརྗོད་བྱུང་།
ཡང་གསར་འགོད་པས་མཉམ་ལས་ཁང་ཟེར་བ་དེའི་ངོ་བོ་དང་ལས་ཀ་གང་འདྲ་ཡོད་མེད་དང་། ས་གནས་མང་ཚོགས་ཚོས་མཉམ་ལས་ཁང་ལ་ཡིད་ཆེས་མི་བྱེད་པའི་རྒྱུ་མཚན་གང་ཡིན་སོགས་དྲིས་པའི་ལན་དུ།
ཁོང་གིས་(མཉམ་ལས་ཁང་ )ཟེར་བ་དེ་ནི་མ་རྩ་མཉམ་འཇོག་གི་ ལས་གཞི་ཞིག་ཡིན་ཞིང་། དེའི་དམིགས་ཡུལ་གཙོ་བོ་ནི། བོད་རིགས་ཚོའི་ས་ཞིང་དང་ཕྱུགས་ཟོག དངུལ་སྒོར་ ཡོངས་རྫོགས་ཚོགས་པ་ལྟ་བུའི་མཉམ་ལས་སྡེ་ཚོགས་སམ། ཡང་ན་ཚོང་པ་ཞིག་ལ་མ་རྩར་མཁོ་སྤྲོད་བྱ ས་ཏེ། མ་རྩ་དེ་དག་མི་གཅིག་གམ་ཡང་ན་ཚོགས་པ་ཞིག་གིས་འགན་གཙང་ལེན་གྱིས་མི་མང་ལ་བརྒྱ་ཆའི་དོད་ཀྱི་སྐྱེད་ཀ་ལྟ་བུ་ཞིག་ཐོབ་པར་བྱ ་དགོས་པ་ཞིག་ཡིན་འདུག
སྲིད་གཞུང་གིས་ལས་བྱེད་རུ་ཁག་ས་གནས་སུ་ཆེད་གཏོང་གིས་མཉམ་ལས་ཁང་ལག་བསྟར་བྱེད་ཀྱི་ཡོད་པ་མ་ཟད། རྒྱ་གཞུང་གི་མགྲིན་ཚབ་པར་གྱུར་ཡོད་པའི་བོད་ཁུལ་གྱི་གསར་འགྱུར་བརྒྱུད་ལམ་ཁག་གིས་ཀྱང་།
ལས་གཞི་དེ་ལ་གཞོགས་འདེགས་བྱས་ཏེ། “ས་གནས་བོད་རིགས་མང་ཚོགས་ཕྱུག་འགྱུར་གྱི་ལམ་དུ་ཁྲིད་པའི་མཉམ་ལས་ཁང་ ” ཞེས་དྲིལ་བསྒྲགས་ཤུགས་ཆེན་བྱེད་ཀྱི་ཡོད་འདུག
འོན་ཀྱང་། བོད་མི་ ཚོས་ལས་གཞི་དེ་ནི་རྒྱ་དམར་སྲིད་གཞུང་གི་གཡོ་ཇུས་ཤིག་སྟེ། བོད་མི ་ཚོས་རང་ཁ་རང་གསོ་དང་རང་ མགོ་རང་ཐོན་གྱི་ གཏན་འཇགས་འཚོ་བ་ལ་གཏོག་བཤིག་གཏོང་ཐབས་དང་། རྒྱ་གཞུང་གི་དཔལ་འབྱོར་ བསླུ་བྲིད་འོག་བོད་མིའི་འཚོ་བའི་འདུ་ཤེས་ གཏོར་ཐབས། བོད་པ་ནང་ཁུལ་དཀྲུག་ཤིང་བྱེད་པ། དེ་བཞིན་སྲིད་གཞུང་གི་བཀོད་འདོམས་སྟངས་འཛིན་འོག་བཅུག་བདེ་བའི་ཆེད་སོགས་ཡིན་པ་ལས།
བོད་པར་འཕྲལ་ཕུགས་ཀྱི་ཁེ་ཕན་ཡོད་པ་ཞིག་རྩ་བ་ནས་མིན་ཚུལ་གླེང་སློང་བྱེད་ཀྱི་ཡོད་འདུག
ཨ་རིའི་ས་གནས་གསར་འགོད་པ། སངས་རྒྱས་བཀྲ་ཤིས
རྨ་མགུར་སངས་རྒྱམ།
ཨ་རིའི་རྦེར་ཁེ་ལེལ་ གྲོང་ཁྱེར་འཐུས་མི་ལྷན་ཚོགས་ཀྱིས་སྤྱི་མོས་ཀྱི་སྒོ་ནས་བོད་ནང་གི་རང་ལུས་
མེར་བསྲེག་གི་གནད་དོན་དུ་གྱུར་བའི་སྔོན་ཆད་བྱུང་མ་མྱུང་བའི་ངོ་རྒོལ་ལས་ འགུལ་དེ་ལ་གྲོས་ཆོད་གསར་བ་ཞིག་བཞག་ཡོད་པ་རེད། དེ་ཡང་ཨ་རིའི་ཁ་ལི་ཧྥོར་ནི་ཡའི་སློབ་གྲྭ་ཆེན་མོའི་སློབ་མ་རབ་འབྱམས་པ་ཞིག་
དང་ས་གནས་དེའི་ཞི་བདེ་དང་དྲང་བདེན་ལྷན་ཁང་གི་དྲུང་ཆེ་ལགས་གཉིས་ཀྱིས་འབད་ བརྩོན་གནང་བ་དང་མཉམ་ལས་ཀྱི་སྒོ་ནས་བོད་ནང་གི་རང་ལུས་མེར་བསྲེག་གི་ལས་འགུལ་
ལ་ལན་འདེབས་ཀྱི་ཚུལ་དུ་རྦེར་ཁེ་ལེལ་གྲོང་ཁྱེར་འཐུས་མི་ལྷན་ཚོགས་ལ་ལེགས་ འབུལ་གནང་བའི་འཆར་ཟིན་དེ་ལ་རྦེར་ཁེ་ལེལ་གྲོང་ཁྱེར་འཐུས་མི་ལྷན་ཚོགས་ཀྱི་
ཚོགས་འདུའི་ཐོག་ཏུ་ཚོགས་མི་ཡོངས་ཀྱིས་ཁྲིམས་ཞིག་གི་ངོ་བོར་གྲོས་ཆོད་གཏན་ འབེབས་གནང་བ་རེད།
དེས་གཏན་འབེབས་གནང་ བའི་གྲོས་ཆོད་ཀྱི་ནང་དུ་བོད་ཀྱི་རང་ལུས་མེར་བསྲེག་གི་གནད་དོན་འདི་ནི་བོད་
རིགས་མི་དམངས་ལ་རྒྱ་ནག་གིས་དྲག་གནོན་བྱས་པའི་ན་ཟུག་ལས་ཕྱིར་མངོན་པའི་རྟགས་ མཚན་ཞིག་ཡིན་པར་བཤད་པ་དང་། ད་དུང་དེའི་ནང་དུ་བེར་ཁེ་ལེལ་ཡུལ་མི་རྣམས་དང་གྲོང་ཁྱེར་འཐུས་མི་ལྷན་ཚོགས་
ཀྱིས་དུས་རྟག་ཏུ་འཛམ་གླིང་མི་དམངས་ཀྱི་འདྲ་མཉམ་རྨང་གཞི་བཟུང་བའི་ཞི་བདེ་དང་ དྲང་བདེན་ལ་རྒྱབ་སྐྱོར་བྱེད་ཀྱི་ཡོད་པ་དང་ད་ནས་བོད་ཀྱི་སྔོན་གཤེགས་དཔའ་བོ་
དང་དཔའ་མོ་རྣམས་ཀྱི་སྙིང་སྟོབས་ནི་ཆེས་མཆོག་ཏུ་གྱུར་བའི་གཟི་བརྗིད་ཅིག་ཡིན་ པར་ངོས་འཛིན་བྱེད་ཅིང་། ཨ་རིའི་སྲིད་འཛིན་ཨོ་རྦ་མའི་འཛིན་སྐྱོང་ལྷན་ཁང་ལ་ང་ཚོས་འབོད་སྐུལ་ཞུ་བཞིན་ ཡོད་པ་ནི།
ཁྱེད་ཚོས་རྒྱ་ནག་སྲིད་གཞུང་ལ་ནན་སྐུལ་དང་གནོན་ཤུགས་སྤྲད་ནས་རྒྱ་ནག་སྲིད་ གཞུང་གིས་བོད་ཀྱི་རྔ་བ་དང་དཀར་མཛེས་ས་ཁུལ་གཉིས་ལ་རྒྱལ་སྤྱི་གསར་འགོད་ལས་
རིགས་དང་རང་དབང་ལྡན་པའི་ཚོགས་སྡེ་ཁག་གི་སྐུ་ཚབ་མི་སྣ་བཅས་རྟོག་ཞིབ་བྱེད་དུ་ བསྐྱོད་པར་ཆོག་མཆན་བརྒྱག་པ་དང་། ད་དུང་བོད་ཀྱི་ཤར་ཕྱོགས་ས་ཁུལ་དེ་དག་གི་དགོན་པ་ཁག་དང་ཚོགས་སྡེ་ཁག་ལ་དམ་དྲག་
ཆེ་བའི་སྒྲིག་གཞི་ལག་བསྟར་བྱེད་བཞིན་པ་རྣམས་མྱུར་དུ་མཚམས་འཇོག་བྱེད་དུ་ འཇུག་དགོས་པ་དང་། རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་ཀྱི་འགོ་བརྗོད་དང་དེའི་དོན་
ཚན་༤་དང་༣༥་དང་༣༦་གི་ནང་དུ་བཀོད་པའི་ཆོས་ལུགས་ཀྱི་རང་དབང་དང་། ཁྲོམ་སྐོར་དང་འདུ་འཛོམས་དང་གཏམ་བརྗོད་བཅས་ཀྱི་རང་དབང་། སྤྱི་ཚོགས་འདྲ་མཉམ་གྱི་གྲངས་ཉུང་མི་རིགས་ཀྱི་རང་དབང་སོགས་ལག་བསྟར་བྱེད་པའི་
ཆོད་ཡིག་གི་ནང་དོན་རྣམས་ཤེས་རྟོགས་བྱེད་དུ་འཇུག་དགོས་ཞེས་བསྟན་ཡོད། བོད་ནང་དུ་རྒྱ་ནག་སྲིད་གཞུང་གི་དབང་བསྒྱུར་སྲིད་ཇུས་ལ་ངོ་རྒོལ་བྱས་པའི་
ཁྲོད་དུ་སྤྱི་ལོ་༢༠༠༩་ནས་ད་ལྟའི་བར་དུ་མི་གྲངས་༢༠་ལྷག་གིས་རང་ལུས་མེར་ བསྲེག་ཏུ་བཏང་ཡོད་པ་དང་། ད་དུང་བོད་ཤར་ཕྱོགས་ས་ཁུལ་ཀྱི་སེར་རྟ་དང་བྲག་མགོ་དང་རྔ་བ་ཁུལ་བཅས་སུ་ཞི་
བའི་ངོ་རྒོལ་བྱས་པའི་སྐབས་སུ་རྒྱ་ནག་གི་བདེ་འཇགས་དམག་དཔུང་གིས་བོད་མི་གཞན་ པ་༦་མེ་མདའ་བརྒྱབ་ནས་དམར་གསོད་དུ་བཏང་ཡོད། ས་གནས་དེ་དག་གི་ནང་དུ་དྲ་བའི་འབྲེལ་ལམ་དང་ཁ་པར་གྱི་སྐུད་ལམ་སོགས་བདུན་ཕྲག་
ཁ་ཤས་རིང་དུ་ཚབས་ཆེན་པོའི་སྒོ་ནས་བཀག་འགོག་བྱས་ཡོད། ད་དུང་གྲོས་ཆོད་འདིའི་ནང་དུ་རྒྱ་ནག་སྲིད་གཞུང་གིས་བོད་རིགས་མི་དམངས་ཀྱི་ སྤྱི་ཚོགས་འདྲ་མཉམ་གྱི་ཐོབ་ཐང་ཁག་ཁས་ལེན་དང་གཏན་འབེབས་བྱེད་པའི་ལས་དོན་
མྱུར་དུ་བསྒྲུབ་དགོས་པར་ནན་སྐུལ་བྱས་ཡོད།
གྲོས་ཆོད་དེའི་ངོ་ བཤུས་རྣམས་གྲོང་ཁྱེར་འཐུས་མི་ལྷན་ཚོགས་ཀྱིས་སན་ཧྥུ་རན་སེ་སུ་ཁོར་ཡོད་པའི་ རྒྱ་ནག་གི་གཞུང་ཚབ་ཁང་གི་སྐུ་ཚབ་དོན་གཅོད་ཁང་དང་།
རྒྱལ་ཁབ་ཁག་གི་སྐུ་ཚབ་ལས་ཁུངས་ཁག ཨ་རིའི་ཕྱི་སྲིད་དྲུང་ཆེ་ཧི་ལུ་རེ་ཁུ་ལིན་ཏོན། པེ་ཅིན་དུ་ཡོད་པའི་ཨ་རིའི་གཞུང་ཚབ་ཆེན་མོ། མངའ་སྡེ་དེ་ནས་ཡིན་པའི་ཨ་རིའི་གྲོས་ཚོགས་གོང་མའི་འཐུས་མི་རྣམ་པ་བཅས་ལ་འབུལ་
རྒྱུ་ཡིན་པ་རེད།
དེ་ཡང་ཡིན་ཏེ། བོད་ཀྱི་དཔའ་བོ་དང་དཔའ་མོ་རྣམས་ཀྱིས་བོད་རིགས་མི་དམངས་ཀྱི་རང་དབང་གི་འབོད་
སྒྲ་ངག་ལ་བསྐྱར་ནས་རྒྱ་ནག་གི་དྲག་གནོན་ལ་འཐབ་འཛིང་བྱེད་ཅིང་གཞན་ལ་འཚེ་བ་ མེད་པའི་ལྟ་བ་སེམས་སུ་བཅིང་ནས་རང་ལུས་མེར་བསྲེག་གི་ཞི་བའི་ལས་འགུལ་སྤེལ་བ་
ལ་འཛམ་གླིང་མི་དམངས་ཀྱིས་རྒྱབ་སྐྱོར་དང་གདུང་སེམས་མཉམ་སྐྱེད་ཀྱི་རྣམ་པ་ ཡོངས་སུ་མངོན་ཏེ་ཕན་ཚུན་ཆིག་སྒྲིལ་དང་ཕན་ཚུན་རེས་རོགས་བྱེད་པའི་སྐད་སྒྲ་ནི་ ཉིན་རེ་བཞིན་གསར་དུ་ཐོན་བཞིན་པ་དང་།
བཙན་བྱོལ་བོད་མིའི་དབུས་སྒྲིག་འཛུགས་ཀྱིས་བོད་ནང་གི་ཛ་དྲག་གི་གནས་བབ་ལ་ གདོང་ལེན་བྱས་པའི་ཁྲོད་དུ་འབོད་སྐུལ་གནང་བའི་འཛམ་གླིང་ཁྱོན་ཡོངས་ཀྱི་ཞི་
བའི་ལས་འགུལ་དེ་བོད་རིགས་མི་དམངས་ཀྱི་གཞི་རྩའི་རང་དབང་ལ་རྩོད་ལེན་དང་མདུན་ སྐྱོད་ཀྱི་ཐབས་ལམ་གསར་བ་བཏོད་ནས་རླབས་ཆེ་བའི་དཔའ་བོ་དང་དཔའ་མོ་རྣམས་ཀྱི་རང་
ལུས་མེར་བསྲེག་གི་ལས་འགུལ་དང་དེ་དག་གི་ནང་མི་ཡོངས་ཀྱི་དཀའ་སྡུག་ལ་གདུང་ སེམས་མཉམ་སྐྱེད་ཀྱི་རྣམ་པ་གསལ་བོར་བསྟན་ཡོད།
ཞི་རྒོལ་གྱི་རླབས་ཕྲེང་འདི་བཞིན་དུ་འཕྱུར་བར་སྨོན།
ཚེས་༨ཉིན། མཚོ་སྔོན་ཞིང་ཆེན་་ཡུལ་ཤུལ་ཁུལ་གྱི་ཁྲི་འདུ་རྫོང་སྒ་སྟོད་ཤང་ཉ་འཚོ་སྡེ་པ་ཟིལ་དཀར་དགོན་གྱི་དགེ་ འདུན་པ་དང་ས་གནས་མི་མང་ཆིག་སྟོང་བཞི་བརྒྱ་ཙམ་གྱི་ཞི་རྒོལ་རྣམ་པ་གསར་བ།
“ ༧རྒྱལ་བ་ཡིད་བཞིན་ནོར་བུ་བོད་ལ་གདན་འདྲེན་ཞུ་དགོས།
པཎ་ཆེན་རིན་པོ་ཆེའི་གཙོས་ཉེས་མེད་བཙོན་པ་རྣམས་བཙོན་གྲོལ་གཏོང་དགོས། བོད་མིའི་སྐྱིད་སྡུག་མཉམ་མྱོང་དང་། བོད་མིའི་ཚེ་སྲོག་ལ་བརྩི་བཀུར་ བྱ་དགོས།
བོད་མིའི་སྐད་ཡིག་ལ་མཐོང་ཆེན་བྱེད་དགོས"སོགས་བྲིས་པའི་འཕྲེད་དར་འཕྱར་ནས་ཆུ་ཚོད་གསུམ་ལྷག་ལ་སྐད་འབོད་བྱས་ཡོད
ཟླ་འདིའི་ཕྱི་ཚེས་ ༡༥ ཉིན་གྱི་ཉིན་གུང་ཡས་མས་སུ་ཡུལ་ཤུལ་ཁྲི་འདུ་རྫོང་ས་གནས་ཉེན་རྟོག་པ་གླུ་བུར་དུ་ཉ་མཚོ་ཟིལ་དཀར་དགོན་ཡོང་སྟེ།
མཁར་རོང་སྡེ་བའི་ཕ་ཕུན་ཚོགས་དབང་རྒྱལ་ལགས་ཀྱི་བུ་བསོད་ནམས་དགེ་བ་དང་འབྲི་སྨད་སྡེ་བའི་ཕ་བཀྲ་ཚེའི་བུ་བློ་བཟང་བསམ་གཏན། གེ་ཤ་སྡེ་བའི་ཕ་གཏེར་ཁུའི་བུ་བློ་བཟང་ཉི་མ་བཅས་ཉེ་མཚོ་ཟིལ་དཀར་དགོན་པའི་གྲྭ་པ་ ༣
འཛིན་བཟུང་བཙན་འཁྲིད་བྱས་ཏེ། ཉེ་བའི་ཆར་ནང་མི་གཉེན་འབྲེལ་ཚོས་གར་ཡོད་ཅི་བྱུང་གི་གནས་ཚུལ་ཅི་ཡང་མ་ཤེས་པར་ལྷག་ཡོད་འདུག
རྗེས་སུ་ཡི་རང་མངོན་པར་བསྟོད་དོ། ད་ནི་ཞི་རྒོལ་གྱི་ཐབས་ལམ་མ་ནོར་བ་རྟོགས་འདུག
མི་ཚོགས་མང་ཞིང་ཁ་གཡང་གཅིག་གྱུར་གྱི་ཞི་བའི་གདུང་འབོད་དང་ངོ་རྒོལ་འདི་རིགས་མཚོ་རླབས་ལྟར་འཕྱུར་བར་སྨོན། བོད་ཡུལ་ཡོངས་ནས་བོད་མི་རེ་རེའི་ལུས་དང་ངག་དང་ཡིད་ནས་འཕྱུར་བར་སྨོན།
འདི་ནི་དམ་ཚིག་གཙང་མ་དང་ཆིག་སྒྲིལ་ཆེན་པོའི་སྤོབས་པ་དང་རེ་བའི་འགུལ་སྐྱོད་ཅིག་ཡིན། འགུལ་སྟངས་འདིས་ས་དང་གནམ་སྒུལ་བར་ནུས།
འདི་ནི་བདེན་པའི་སྟོབས་ཀྱིས་འཕྱུར་བས་ད་ནི་བདེན་པའི་འབྲས་བུ་མྱུར་དུ་སྨིན་པར་སྨོན། སྨིན་པར་བརྩོན། སྨིན་པར་བྱེད།
ཁ་སང་གཟའ་ལྷག་པའི་ཉིན་གྱི་ཕྱི་དྲོ་ཆུ་ཚོད་ ༣ པའི་སྟེང་དྷ་རམ་ས་ལའི་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ། བཀའ་སྤྱི་གཉིས་ཀྱི་གོ་སྒྲིག་འོག་བཙན་བྱོལ་བོད་མིའི་སྒྲིག་འཛུགས་ཀྱི་མང་གཙོའི་ཀ་བ་གསུམ་གྱི་མཛད་གཙོ་རྣམ་པའི་གཙོས། བཙན་བྱོལ་བོད་མིའི་སྒྲིག་འཛུགས་ཀྱི་སྲི་ཞུ་ལས་བྱེད་པ་ཡོངས་དང་། དེ་བཞིན། དྷ་སའི་ཉེ་འདབས་ཁུལ་གྱི་དགོན་སྡེ་ཁག་གི་དགེ་འདུན་པ་རྣམས་ཀྱིས་གཙོས་པའི་སེར་སྐྱ་མི་མང་ ༣༠༠༠༠ ཙམ་མཉམ་འཛོགས་ཐོག ཉེ་སྔོན་བོད་ནང་རྒྱ་གཞུང་གི་དྲག་གནོན་དབང་སྒྱུར་ལ་ངོ་རྒོལ་གྱིས་རང་ལུས་མེར་བསྲེགས་གནང་མཁན་དག་གཙོས། བོད་བསྟན་པ་ཆབ་སྲིད་ཀྱི་དོན་དུ་རང་སྲོག་བློས་གཏོང་མཁན་དང་། ད་ལྟ་རྒྱའི་བཙོན་འོག་ཏུ་མནར་གཅོད་མྱོང་མཁན་རྣམས་བཅས་རྒྱལ་གཅེས་དཔའ་བོ་དཔའ་མོ་ཡོངས་ལ་རྗེས་དྲན་ཆེད། ཆུ་ཚོད་ ༣ རིང་གཞི་རྒྱ་ཆེ་བའི་མཆོད་འབུལ་སྨོན་ལམ་ཞིག་གནང་སོང་ལ། སྐབས་དེར་བོད་མི་སེར་སྐྱ་ཡོངས་ཀྱིས་ལུས་ལ་བོད་ལྭ་གྱོན་པ་དང་། ཁ་ལ་ཁ་རས་ནག་པོ་བརྒྱབ་སྟེ་བོད་ནང་གི་བོད་མི་ཚོར་གདུང་སེམས་མཉམ་སྐྱེད་ཀྱི་རྣམ་པ་ཤུགས་ཆེན་པོ་བསྟན་པ་མ་ཟད། དགོང་མོ་དྷ་ས་ས་གནས་བདེ་དོན་གྱི་གོ་སྒྲིག་འོག་ཐེག་ཆེན་ཆོས་གླིང་གཙུག་ལག་ཁང་ནས་དྷ་ས་མོག་རྒན་བར་དུ་མར་མེ་ཁྲོམ་སྐོར་ཞིག་ཀྱང་གནང་སོང་།
བཞུགས་སྒར་དྷ་སར་གདུང་སེམས་མཉམ་སྐྱེད་ཀྱི་མཆོད་འབུལ་སྨོན་ལམ་གྲུབ་རྗེས། བཀའ་བློན་ཁྲི་པ་བློ་བཟང་སེང་གེ་མཆོག་གིས་གཏམ་བཤད་གནང་དོན། “ དེ་རིང་ང་ཚོ་འདིར་འཛོམས་དགོས་དོན་ཚང་མས་མཁྱེན་གསལ་རེད། ད་ལྟ་བོད་ནང་ཛ་དྲག་གི་གནས་སྟངས་ཆགས་ཏེ། རྒྱ་ནག་གཞུང་གི་མཁྲེག་འཛིན་སྲིད་ཇུས་འོག་ཤ་ཁྲག་གཅིག་པའི་བོད་རིགས་སྤུན་ཟླ་མང་པོ་ཞིག་དམར་གསོད་བཏང་བ་དང་འཛིན་བཟུང་བྱས་པ། ཉེས་རྡུང་བཏང་བ་སོགས་ཉིན་རེ་བཞིན་ཇེ་མང་དུ་འགྲོ་བཞིིན་པར་བརྟེན། ང་ཚོ་འདིར་འཛོམས་ཏེ་ད་ལྟའི་བར་རང་སྲོག་བློ་གཏོང་གནང་མཁན་ཚོ་དང་། ཁོང་རྣམ་པའི་ཕ་མ་སྤུན་མཆེད་ཡོངས་ཀྱི་ཆེད་དུ་མཆོད་འབུལ་སྨོན་ལམ་རྒྱག་གི་ཡོད་པ་རེད། ” ཅེས་གསུངས་ཏེ། མ་གཞི་མིའི་ལུས་རྟེན་འདི་ལོན་པའི་རྗེས་སུ་མི་སུ་འདྲ་ཞིག་ཡིན་ནའང་།
མི་ཚེ་འདི་སྲོག་དང་ལྡན་པའི་ཐོག་ནས་སྐྱེལ་འདོད་ཡོད་པ་མ་གཏོགས།
ཚེ་སྲོག་གི་རྒྱུན་གཅོད་འདོད་མཁན་སུ་གང་ཡང་མེད་ལ། བོད་ནང་གི་བོད་མི་ཚོས་རྒྱ་གཞུང་གི་སྐྱག་རྫུན་སྲིད་ཇུས་འོག་ལ། ལོ་ལྔ་བཅུའི་རིང་ལ་དབྱེ་འབྱེད་དང་མནར་གཅོད། བརྙས་བཅོས་ཀྱི་སྡུག་བསྔལ་མ་བཟོད་པར་ལུས་མེར་བསྲེགས་བཏང་སྟེ་ཞི་བའི་ངོ་རྒོལ་བྱེད་བཞིན་ཡོད་སྟབས། ཛ་དྲག་གནས་སྟངས་དེའི་ཐད་ཧ་ཅང་བློ་འཚབ་སྐྱེས་པ་མ་ཟད། བོད་ནང་རང་ལུས་མེར་བསྲེགས་གཏོང་མཁན་དེ་དག་ནི་གྲངས་ཀ་ཙམ་མ་ཡིན་པར། ཁོང་རྣམས་ནི་ཚེ་སྲོག་ཡོད་མཁན་གྱི་མི་ཡིན་པ་དེ་བོད་རིགས་སྤུན་ཟླ་ཚང་མས་དྲན་གསོ་བྱེད་དགོས་པ་དང་། རང་ལུས་མེར་བསྲེགས་གཏོང་མཁན་དེ་དག་ལའང་ཕ་མ་དང་སྤུན་མཆེད། ནང་མི་ཡོད་མཁན་རྐྱང་ཡིན་སྟབས། ང་ཚོས་སོ་སོའི་ནང་མི་ཞིག་གིས་རང་སྲོག་མེར་བཏང་བ་ཡིན་ན། སོ་སོའི་སེམས་ནང་ལ་སྡུག་བསྔལ་དང་སེམས་འཚབ་ག་ཚོད་ཡོད་མེད་ལ་བསམ་བློ་བཏང་པའི་ཐོག་ནས། རང་སྲོག་བློས་གཏོང་མཁན་ཁོང་ཚོའི་སྙིང་སྟོབས་དང་བློས་གཏོང་དེ་དག་སོ་སོའི་བློ་ཡིད་ལ་འཁོར་ཐུབ་པ་དང་། ཚོར་བ་རྙེད་ཐུབ་པ་བྱ་དགོས་སྐོར་གསུངས་སོང་།
དེ་བཞིན། བཀའ་ཁྲི་མཆོག་གིས་བོད་དོན་ཐད་རྒྱབ་སྐྱོར་གནང་མཁན་རྒྱལ་སྤྱིའི་སྤྱི་ཚོགས་ཡོངས་ལ་ཐུགས་རྗེ་བཀའ་དྲིན་ཞུས་པ་དང་སྦྲགས། འཛམ་གླིང་རྒྱལ་ཁབ་གིས་རྒྱབ་སྐྱོར་གྱི་སྐད་ཆ་གཅིག་པུ་ཙམ་ཤོད་དེ་མི་སྡོད་པར།
་བོད་ནང་ལ་ཕེབས་ཏེ་བོད་མིར་ཚོར་བ་སྡུག་བསྔལ་ག་རེ་ཡོད་མེད་དང་།
རྒྱ་གཞུང་གིས་བོད་ཐོག་དྲག་གནོན་དམར་གསོད་ཀྱི་སྲིད་ཇུས་ལག་ལེན་ག་འདྲ་བསྟར་བཞིན་ཡོད་མེད་ཞིབ་འཇུག་གནང་དགོས་པའི་འབོད་སྐུལ་དང་། པེ་ཅིན་དུ་ཡོད་པའི་རྒྱལ་སྤྱིའི་གསར་འགོད་པ་རྣམས་ཀྱིས་ཀྱང་མུ་མཐུད་དུ་བོད་ནང་བསྐྱོད་རྒྱུར་འབད་བརྩོད་གནང་སྟེ། བོད་ནང་གི་དངོས་ཡོད་གནས་ཚུལ་རྣམས་རྒྱལ་སྤྱིའི་སྒང་ལ་ཁྱབ་ཐུབ་པ་ཞིག་དང་།
རྒྱལ་སྤྱིའི་སྤྱི་ཚོགས་ཀྱིས་བོད་མིའི་དཀའ་ངལ་མཁྱེན་རྟོག་ཡོང་བ་གནང་དགོས་པའི་འབོད་སྐུལ་ཡང་གནང་སོང་ལ། དེ་བཞིན། བཀའ་ཁྲི་མཆོག་གིས་ “ རྒྱ་གཞུང་གིས་དྲག་གནོན་གྱི་འོག་ནས་བོད་དོན་སེལ་ཐུབ་ཀྱི་རེ་བ་བྱེད་ཀྱིན་ཡོད་ན།
རེ་བ་དེ་ནམ་ཡང་འགྲུབ་ཐབས་ཡོད་པ་མ་རེད། བོད་ཕྱི་ནང་གཉིས་ཀྱི་བོད་མི་ཚོས་བདེན་པ་རྩོད་ཀྱིན་ཡོད་པ་རེད་མ་གཏོགས།
གཞན་གང་ཡང་རྩོད་ཀྱིན་ཡོད་པ་མ་རེད། སྔ་རྗེས་ཙམ་མ་གཏོགས་བདེན་པ་གསལ་ཡོང་གི་རེད། ༸གོང་ས་མཆོག་གིས་ཕུགས་རྒྱང་རིང་པོ་གཟིགས་པའི་ཐོག་ནས། གྲོས་མོལ་གྱི་ལམ་ནས་བོད་དོན་སེལ་ཐབས་བྱེད་དགོས་པ་རེད་ཅེས་གསུངས་བཞིན་པ་ལྟར། གྲོས་མོལ་ཐོག་ནས་བཀའ་མོལ་གནང་པ་ཡིན་ན་སེལ་ཐབས་ཡོད་པ་རེད། དེ་མ་གཏོགས་དབྱེ་འབྱེད་དང་དྲག་གནོན་གྱི་འོག་ནས་བོད་ཀྱི་གནད་དོན་སེལ་ཐུབ་ཀྱི་མ་རེད་ལ། བོད་མིའི་སྙིང་སྟོབས་དང་ལྷག་བསམ་དུས་ནམ་ཡང་མེད་པ་བཟོ་ཐུབ་ཀྱི་མ་རེད། ” ཅེས་བརྗོད་སོང་།
མཇུག་མཐར། བཀའ་ཁྲི་མཆོག་གིས་བོད་ནང་གི་བོད་མི་ཚོར་གསུངས་རྒྱུར། “ བོད་ཀྱི་བདག་པོ་ནི་བོད་ནང་གི་བོད་མི་ཚོ་ཡིན་པ་ང་ཚོ་ཚང་མས་ཤེས་ཀྱིན་ཡོད་ལ། རྣམ་པ་ཚོས་རང་སྲོག་བློས་གཏོང་གནང་བ་དེ་ང་ཚོས་ནམ་ཡང་བརྗེད་ཐབས་མེད་པ་མ་ཟད། ཁྱེད་རྣམ་པས་བློས་གཏོང་མཛད་པ་དེ་དག་ཆུད་ཟོས་དང་འབྲས་མེད་ནམ་ཡང་ཆགས་འཇུག་གི་མ་རེད། ཁྱེད་རྣམ་པའི་འདོད་པ་དང་རེ་བ་སྒྲུབ་རྒྱུ་དེ་ང་ཚོའི་ལས་འགན་ཆགས་ཡོད་པ་རེད། ལས་འགན་དེ་འགྲུབ་ཆེད་ཕྱི་ལོ་ཡོད་པའི་བོད་མི་སྤྱི་ཡོངས་ཀྱི་ངོས་ནས་ཞབས་འདེགས་སྒྲུབ་རྒྱུ་ཡིན་ཞེས་སྔོན་ཆད་ཞུས་མྱོང་ལ། ད་ལྟ་ཡིན་ནའང་དམ་བཅའ་བརྟན་པོ་ཡོད་ཅེས་ཞུ་རྒྱུ་ཡིན། ” ཞེས་གསུངས་སོང་ལ། དེ་བཞིན། ལོ་གསར་སྐབས་བོད་མི་ཡོངས་ཀྱིས་ནང་དུ་ཐུགས་སྤྲོ་གཏོང་བ་སོགས་མི་གནང་པར།
རང་སྲོག་བློས་གཏོང་དང་རྒྱ་ནག་གི་བཙོན་འོག་ཡོད་པའི་བོད་མི་རྣམས་རྗེས་དྲན་གྱི་ཆེད་དུ། ཆོས་ཕྱོགས་ཀྱི་བྱེད་སྒོ་ཁོ་ན་སྲུང་བརྩི་བྱས་ཏེ་བདེན་ཚིག་སྨོན་ལམ་གསུངས་པ་དང་། དགོན་སྡེ་ཁག་ལ་མཆོད་མཇལ། བསང་གསོལ་གཏོང་བ་སོགས་གང་མང་གནང་དགོས་པའི་འབོད་སྐུལ་ཡང་གནང་སོང་།
བོད་ནང་དུ་རྒྱ་གཞུང་གིས་དམར་གསོད་དམ་དྲག་བྱེད་བཞིན་པའི་ཛ་དྲག་གནས་སྟངས་ཀྱི་རྐྱེན་པས། ཉེ་སྔོན་བཀའ་སྤྱི་གཉིས་ཀྱི་ངོས་ནས་ཕྱི་ཟླ་ ༢ ཚེས་ ༨ ཉིན་འཛམ་གླིང་ཡུལ་གྲུ་གང་སར་གནས་སྡོད་བོད་རིགས་ཡོངས་དང་། བོད་དོན་རྒྱབ་སྐྱོར་བ་ཚང་མས་བོད་ནང་གི་བོད་མི་ཚོར་གདུང་སེམས་མཉམ་སྐྱེད་ཀྱི་ལས་འགུལ་སྤེལ་དགོས་པའི་གསལ་བསྒྲགས་གནང་པ་ལྟར། ཨ་རི་དང་། ཁ་ན་ཊ། ཡུ་རོབ། རྒྱ་གར། ཐེ་ཝན། ཨ་ཧྥི་རི་ཀ་སོགས་འཛམ་གླིང་རྒྱལ་ཁབ་སོ་སོའི་ནང་བོད་ནང་གི་མི་ཚོར་གདུང་སེམས་མཉམ་སྐྱེད་ཀྱི་ལས་འགུལ་སྣ་ཚོགས་སྤེལ་ཡོད་པ་མ་ཟད། ལྡི་ལི་འཇན་གྷིར་མན་གྷིར་ཏུ་འབྲས་སྤུངས་བློ་གསལ་གླིང་གི་དགེ་འདུན་པ་ ༩ དང་མི་སྐྱ་ ༡ བཅས་ནས་ཆུ་ཚོད་ ༢༤ རིང་ཟས་བཅད་ངོ་རྒོལ་ཡང་གནང་ཡོད་འདུག་ལ། ལྷག་པར་དུ་ལས་འགུལ་གྱི་ཉིན་འདིར་ཨི་ཊ་ལི་གྲོས་ཚོགས་ཀྱིས་གྲོས་ཆོད་ཅིག་བཞག་སྟེ།
རྒྱ་གཞུང་གིས་བོད་ཐོག་དྲག་གནོན་བྱ་རྒྱུ་མཚམས་འཇོག་དང་།
༸གོང་ས་མཆོག་གི་སྐུ་ཚབ་དང་མཉམ་དུ་གྲོས་མོལ་གྱི་ལམ་ནས་བོད་དོན་སེལ་དགོས་པ་ནན་སྐུལ་བྱས་ཡོད་འདུག
དེ་རིང་གི་ང་ཚོའི་འབོད་ཚིག་ཏུ་ཕུལ་བ།
བོད་མིས་ཅིའི་ཕྱིར་རང་ལུས་སྲེག་གིན་ཡོད། ཝེ། གུང་ཁྲན་ཏང།
སྐུ་གཤེགས་དཔའ་བོ་རྣམ་པར་མྱ་ངན་གུས་འདུད་ཞུ།
དགོན་སྡེ་དམག་གིས་སྐོར་དོན་ཅི།
སུ་ལ་ཞེད་ཀྱི་འདུག
ཕྱི་གླིང་བའི་གསར་འགོད་པ་བོད་གཏོང་མི་ཕོད་པ་ཅི།
ཏཱ་ལའི་བླ་མར་ཅི་ཙམ་སྡིགས་ན་བོད་མིའི་སེམས་ལ་དེ་ཙམ་གནོད
བོད་དགའ་བར་འཇུག་ན་ཏཱ་ལའི་བླ་མ་བོད་ལ་གདན་འདྲེན་བྱོས།
མི་རིགས་ཁག་ལ་རང་སྐྱོང་གཙང་མ་དགོས།
ཀྲུང་གོ་མི་དམངས་ལ་དམངས་གཙོ་ཡང་དག་པ་དགོས།
གང་ན་དྲག་གནོན་ཡོད་ན་དེ་ན་ངོ་རྒོལ་ཡོད།
བོད་ལ་རང་ཐག་རང་གཅོད་ཀྱི་ཐོབ་ཐང་དགོས། བོད་ནི་ཧོང་ཀོང་དང་ཨོ་མོན་ལས་གནམ་སའི་ཁྱད་པར་ཆེ།
མཉམ་འབྲེལ་རྒྱལ་ཚོགས་ལགས། ཁྱེད་ཀྱིས་བོད་མི་མཐོང་དོན་ཅི།
རྫུན་ཕམ་བདེན་རྒྱལ་ཉི་མ་མྱུར་འཆར་སྨོན།
༸དཔལ་རྒྱལ་བ་ཀརྨ་པའི་གསུང་འཕྲིན་ཞིག
དེ་རིང་འདིར་གནང་ཚུལ་བཏང་འབྱོར་ལ།
ཁ་སང་རེས་གཟའ་ཟླ་བར་དཔལ་རྒྱལ་བ་ཀརྨ་པ་མཆོག་གིས་གནས་མཆོག་རྡོ་རྗེ་གདན་ནས་གསུང་འཕྲིན་ཞིག་ཕེབས་པའི་ནང་བཀོད་དོན། “ ཉེ་དུས་ཐོན་པའི་ཛ་དྲག་གི་གནས་ཚུལ་ཞིག་ལ།
བོད་ཤར་ཕྱོགས་སུ་ཉི་མ་གཅིག་གི་ནང་དུའང་བོད་མི་གསུམ་གྱིས་རང་ལུས་མེར་སྲེག་བྱས་ཡོད་འདུག་ཅིང། དེ་ནི་སྤྱི་ཟླ་དང་པོའི་ནང་དུ་བོད་མི་བཞིས་རང་ལུས་མེར་སྲེག་བྱས་པ་དང་།
གཞན་རྣམས་སྐད་འབོད་ཁྲོམ་སྐོར་གྱི་ནང་དུ་འདས་གྲོངས་ཕྱིན་པའི་རྗེས་སུ་བྱུང་བའི་གནས་ཚུལ་ཞིག་རེད། གནས་སྟངས་ཉེན་ཁ་ཆེ་རུ་འགྲོ་བཞིན་ཡོད་ནའང་། རྒྱ་ནག་གཞུང་གི་ངོས་ནས་བསམ་གཞིག་དང་།
འབྱུང་རྐྱེན་གང་ཡིན་རྟོགས་ཐབས་མ་བྱས་པར་དྲག་གནོན་ཇི་ཆེས་གདོང་ལེན་བྱེད་བཞིན་ཡོད། བོད་ མི་རེ་གྲོངས་པའི་གནས་ཚུལ་གསར་པ་རེ་འབྱོར་དུས་ངའི་སེམས་ལ་ཚད་མེད་པའི་ན་ཟུག་
དང་སྐྱོ་སྣང་སྐྱེ་ཡི་ཡོད་པས་ཉི་མ་གཅིག་གི་ནང་དུའང་མི་གསུམ་གྲོངས་པའི་གནས་ ཚུལ་དེ་ནི་བཟོད་ཐབས་ཡོངས་སུ་བྲལ་བ་ཞིག་རེད། དེས་ ན་ཁོང་རྣམ་པས་རང་སྲོག་བློས་གཏོང་གནང་བ་ཆུད་ཟོས་སུ་མ་སོང་བར་ད་ལྟའི་སྲིད་
བྱུས་ལ་འགྱུར་བ་ཐེབས་ཏེ་བོད་རིགས་སྤུན་ཟླ་རྣམས་ཀྱིས་ཞི་བདེ་འཐོབ་པའི་རེ་ སྨོན་བྱེད་ཀྱི་ཡོད།
ང་ལ་ཀརྨ་པའི་མཚན་ཡོད་པའི་ཆ་ནས།
ལོ་ངོ་དགུ་བརྒྱ་ལྷག་པའི་ལོ་རྒྱུས་རིང་ཆབ་སྲིད་ཀྱི་གནད་དོན་གང་ལའང་ཞུགས་མྱོང་མེད་པའི་སྤྲུལ་བརྒྱུད་ཅིག་ཡིན་ཁར། སྒེར་ངོས་ནས་ཀྱང་སྲོལ་རྒྱུན་འདི་ཉིད་ལ་ནམ་ཡང་འགྱུར་བ་གཏོང་འདོད་མེད། འོན་
ཀྱང་བོད་མི་ཞིག་ཡིན་པའི་ངོས་ནས་ངས་བོད་མི་དམངས་རྣམས་ལ་ཤ་ཚ་དང་དུངས་སེམས་ ཆེན་པོ་ཡོད་པས་ཁོང་ཚོ་སྡུག་བསྔལ་ནང་ཚུད་བཞིན་པའི་སྐབས་ཁ་ཁུ་སིམ་མེར་སྡོད་པ་
ནི་མི་འོས་པའི་བྱ་སྤྱོད་ཅིག་ཏུ་མཐོང་སྟེ།ཁོང་རྣམས་ཀྱི་བདེ་སྐྱིད་ནི་ངའི་སེམས་ཁུར་ཆེ་ཤོས་ཤིག་ཡིན།
བོད་མི་རྣམས་ཀྱིས་སྐད་འབོད་ཁྲོམ་སྐོར་ དང་རང་ལུས་མེར་སྲེག་བྱེད་པ་ནི་སེམས་གཏིང་གི་འདོད་བློ་མ་ཁེངས་པའི་ཟུག་རྔུ་ལ་ གཞན་གྱིས་ངོས་ལེན་མ་བྱས་པར་ལུས་པའི་ནད་རྟགས་ཤིག་རེད།
གལ་སྲིད་དངོས་གནས་བོད་མི་རྣམས་ལ་འདོད་པ་དང་མཐུན་པར་སོ་སོའི་སྐད་ཡིག་དང་། ཆོས་ལུགས། རིག་གཞུང་རྣམས་སྲུང་སྐྱོབ་བྱེད་བཞིན་འཚོ་བ་སྐྱེལ་ཆོག་པའི་གོ་སྐབས་ཤིག་ཡོད་པ་ཡིན་ན་གྱེན་ལངས་བྱེད་ཀྱི་མ་རེད་ལ་རང་སྲོག་
བློས་གཏོང་དེ་བས་ཀྱང་བྱེད་ཀྱི་མ་རེད།
སྤྱི་ལོ་ ༡༩༥༩
ནས་བཟུང་ང་ཚོ་བོད་མི་རྣམས་ལ་བསམ་ཡུལ་ལས་འདས་པའི་ཕུང་ཚབས་ཆེན་པོ་བྱུང་མོད། ཕྱོགས་གཞན་ནས་རྐྱེན་ངན་གྲོགས་འཆར་གྱི་ཕན་འབྲས་ཀྱང་སོན་པ་སྟེ། ང་ཚོ་མི་ཉུང་བ་ཞིག་ལ་རང་ཉིད་བོད་རིགས་ཤིག་ཡིན་པའི་རང་ངོ་འཕྲོད་པ་དང།
ཆོལ་གསུམ་བོད་མི་རྣམས་གོང་བུ་གཅིག་གྱུར་གྱི་ཚོར་འདུན་སྐྱེད་ཅིང་། དེ་བཞིན་༧གོང་ས་༧སྐྱབས་མགོན་ཆེན་པོ་ལྟ་བུའི་གཅིག་གྱུར་དབུ་འཁྲིད་ཀྱི་རིན་ཐང་ཡང་མཐོང་ཡོད།
རྒྱུ་རྐྱེན་དེ་དག་གིས་ང་ཚོར་རེ་བ་ཆེན་པོ་བྱེད་ཆོག་པའི་རྨང་གཞི་རླབས་ཆེན་ཞིག་བསྐྲུན་ཡོད་པ་རེད།
རྒྱ་ནག་གཞུང་གིས་བོད་ལ་ཡར་རྒྱས་བཏང་རབས་ཤོད་ཀྱི་ཡོད་ལ།
ང་རང་བོད་ལ་ཡོད་དུས་ཀྱང་ཕྱི་དངོས་པོའི་བདེ་སྐྱིད་གང་འཚམས་ཡོད་པ་ཤེས་ཀྱི་ཡོད།འོན་ཏེ་དཔལ་འབྱོར་དང་ཡར་རྒྱས་དེ་དག་གིས་བོད་མི་རང་ངོས་ནས་རྩ་ཆེར་འཛིན་པའི་གནད་དོན་ཐད་ཕན་ཐོགས་མ་བྱུང་ཞིང་།
ནང་སེམས་ཀྱི་བློ་ཁ་མ་རྫོགས་པའི་ཕྱི་དངོས་པོའི་ཆ་རྐྱེན་ཙམ་གྱིས་ཆོག་ཐབས་མེད་ལ།
བོད་མི་རྣམས་རྒྱུན་དུ་སོ་སོའི་རང་ཚུལ་དང་མཐུན་པའི་སྤང་བླང་གོ་ལྡོག་བྱེད་དགོས་པ་དང་།༧གོང་ས་༧སྐྱབས་མགོན་ཆེན་པོར་མཚན་སྨད་བྱེད་དགོས་པའི་བློ་དྭོགས་ཀྱི་འཇིགས་སྣང་ངང་གནས་དགོས་ཐུག་ཡོད།
རྒྱ་ནག་གཞུང་གིས་ཡང་ནས་ཡང་དུ་༧གོང་ས་༧སྐྱབས་མགོན་ཆེན་པོ་མཆོག་ནི་དགྲ་བོ་ཡིན་པའི་བསྙོན་འཛུགས་བྱེད་པ་དང་།
༧གོང་ས་མཆོག་གིས་བོད་རྒྱའི་དཀའ་རྙོག་སེལ་བར་འཚེ་བ་མེད་པ་དང་ཞི་འགྲིག་གི་འབད་བརྩོན་གནང་བ་ཐམས་ཅད་དྭང་ལེན་མི་བྱེད་ཅིང་།
བོད་མི་ཡོངས་ཀྱིས་སྙིང་ཐག་པ་ནས་༧གོང་ས་༧སྐྱབས་མགོན་ཆེན་པོར་ཡོད་པའི་དད་པ་དང་དམ་ཚིག་རྣམས་སྣང་མེད་དུ་གཏོང་གི་ཡོད། ༧ གོང་ས་༧སྐྱབས་མགོན་ཆེན་པོ་བྲོས་བྱོལ་དུ་ཕེབས་རྗེས་བོད་དུ་སྐྱེས་པའི་བོད་མི་
རྣམས་ཀྱིས་ཀྱང་༧གོང་ས་མཆོག་ནི་འདི་ཕྱིའི་སྐྱབས་གནས་དང་ལམ་སྣ་འདྲེན་མཁན་ཞིག་ ཏུ་ངོས་འཛིན་བྱེད་ཀྱི་ཡོད་པས་ནམ་ཡིན་ཀྱང་སྡང་ཟུག་ཆེན་པོས་བསྙོན་འཛུགས་བྱེད་ པ་ནི་སུ་ལ་ཡང་ཕན་ཐོགས་མེད་པ་ཞིག་ཡིན། དོན་
དངོས་ལ་བོད་མི་རྣམས་ཀྱི་སེམས་གཏིང་གི་དད་པར་ཕོག་ཐུག་གཏོང་བ་དེས་བོད་མི་ རྣམས་ཀྱིས་རྒྱ་ནག་གཞུང་ལ་ཡིད་ཆེས་རྙེད་པའི་གོ་སྐབས་གཏོར་གྱི་ཡོད། དེ་ནི་ཁེ་ཕན་ཡོད་པ་དང་སྤྱང་གྲུང་ལྡན་པའི་བྱ་བ་ཞིག་མ་རེད།
ང་རང་སྒེར་ངོས་ནས་རྒྱ་ནག་དབུས་གཞུང་གི་དཔོན་རིགས་རྣམས་ལ་འབོད་སྐུལ་ཞུ་རྒྱུར།
ས་གནས་ཀྱི་དཔོན་རིགས་ཚོའི་འགྲེལ་བཤད་ཙམ་ལ་ཆ་འཇོག་མ་བྱས་པར་བོད་ནང་གི་བོད་མི་རྣམས་ཀྱི་སེམས་ནང་གི་ན་ཟུག་གང་ཡིན་པ་ངོས་ཟིན་པར་བྱས་ཏེ། དངོས་
ཡོད་གནས་སྟངས་གང་ཞིག་འབྱུང་བཞིན་པ་དེར་འགན་ཁུར་གཙང་ལེན་གནང་ན་དེ་ནི་བོད་མི་ དང་རྒྱ་ནག་གཞུང་ཕན་ཚུན་བློ་གཏད་ཡིད་ཆེས་ཀྱི་རྨང་གཞི་བཟང་པོ་ཞིག་ཏུ་འགྱུར་ གྱི་རེད། བོད་
མིའི་གནས་སྟངས་འདི་ཉིད་རྒྱ་ནག་གཞུང་གི་ངོས་ནས་རང་ཕྱོགས་དང་འགལ་བའི་ཆབ་སྲིད་ ཀྱི་གནད་དོན་ཞིག་ཏུ་མི་འཛིན་པར་མིའི་རིགས་ཀྱི་ཕན་བདེའི་གཞི་རྩར་ཐུག་པའི་
གནད་དོན་ཞིག་ཏུ་ངོས་འཛིན་གནང་ན་གང་ལས་ཀྱང་ཕན་རླབས་ཆེ་བ་ཡིན། གཉན་འཕྲང་ཆེ་བའི་དུས་འདིར། ངས་བོད་དུ་ཡོད་པའི་བོད་མི་རྣམས་རང་ཚུགས་མ་ཤོར་བར་བྱས་ཏེ། དཀའ་ངལ་ལ་བཟོད་བསྲན་དང་།
ཕུགས་རྒྱང་རིང་པོའི་དམིགས་ཡུལ་བཅང་ནས། ནམ་ཡིན་ཡང་རང་ཉིད་འགྲོ་བ་མི་ཞིག་དང་བོད་མི་ཞིག་ཡིན་པའི་རིན་ཐང་མ་བརྗེད་པ་གནང་རོགས་གྱིས་ཞེས་ཞུ་རྒྱུ་ཡིན།
བོད་ཀྱི་ལོ་སར་བསླེབ་ལ་ཉེ་བའི་སྐབས་འདིར།
ངས་བོད་རིགས་དང་རྒྱ་རིགས་ཀྱི་སྤུན་ཟླ་ཕོ་མོ་རྣམས་དང་། རྒྱ་གར་སོགས་འཛམ་གླིང་གང་སར་ཡོད་པའི་ང་ཚོའི་གྲོགས་པོ་དང་། རྒྱབ་སྐྱོར་རོགས་རམ་གནང་མཁན་ཚང་མར། གཏན་གྱི་བདེ་སྐྱིད་དང་།
དོན་དམ་པའི་ཞི་བདེ་འཐོབ་པའི་རེ་སྨོན་ཞུ་རྒྱུ་དང་། གཞན་ཡང་ལོ་སར་པ་འདི་ཉིད་འཆམ་མཐུན་གྱི་དུས་སྐབས་ཤིག་ཏུ་གྱུར་ཏེ། ང་ཚོ་ཐུན་མོང་གི་ཁྱིམ་གཞིས་འཛམ་གླིང་འདི་ཉིད་དང་།
གང་ཟག་ཕན་ཚུན་གཅིག་གིས་གཅིག་ལ་གུས་བརྩི་དང་བྱམས་བརྩེའི་དཔལ་ཡོན་རྒྱས་པའི་སྨོན་འདུན་ཞུ།།
༡༡༽བསྙོན་འཛུགས་ཆེན་པོ་གསུམ། (ཀྲུའུ་ཝེ་ཆོན་གྱི་ཁྱི་སྐད་ཀྱི་མཇུག རྩོམ་ཡིག་ཆ་ཚང་རང་རྩོམ་གསར་བའི་སྡེ་ཚན་དུ་ཡོད)
<<བཅའ་ཁྲིམས>>དང་དེའི་ལེའུ་དང་པོ། གཞི་རྩའི་ལམ་སྟོན། (ཁྱབ་ཁོངས་སུ་གཏོགས་པ)དོན་ཚན་དང་པོ།
“བོད་དང་བོད་མིའི་མགོན་སྐྱབས་དང་མཚོན་རྟགས།”ཞེས་པའི་ཚིག་དོན་ཁག་གི་ཐད་ལ་ཀྲུའུ་ཝེ་ཆོན་གྱིས་བསྙོན་འཛུགས་ཆེན་པོ་གསུམ་བྱས་ཡོད།
༡༽<<བཙན་བྱོལ་བོད་མིའི་བཅའ་ཁྲིམས>>ལ་ཁོས<<རྩ་ཁྲིམས>>ཞེས་མིན་པ་ཞིག་ཡིན་པར་བསྙོན་བཙུགས།
༢༽
“བཀའ་ཤག་གིས་བསྐོ་འཛུགས་བྱས་པའི་སྐུ་ཚབ་དོན་གཅོད་དང་དམིགས་བསལ་སྐུ་ཚབ་རྣམས་ལ༸གོང་ས༸སྐྱབས་མགོན་ཆེན་པོ་མཆོག་གི་སྐུ་ཚབ་ཀྱི་མཚན་གནས་བསྩལ་རྒྱུ”ཞེས་༸གོང་ས་མཆོག་གི་མཚན་གནས་རང་འཇགས་ཐོག་བཀའ་ཤག་གིས་སྐུ་ཚབ་གསར་བསྐོ་གནང་རྒྱུ་ཞེས་པར་ཁོས།
“མུ་མཐུད་དུ་ཕྱི་རྒྱལ་དོན་གཅོད་ཁང་གི་སྐུ་ཚབ་དང་བཙན་བྱོལ་བོད་གཞུང་གི་དམིགས་ བསལ་སྐུ་ཚབ་གནང་བའི་དབང་ཆ་ཡོད། ”ཅེས་མེད་པ་ཞིག་ལ་ཡོད་པར་བསྙོན་བཙུགས།
༣༽ “ཁོ་རང་ཉིད་དམ་དམངས་གཙོའི་འོས་འདེམས་བྱས་ནས་ཐོན་པའི་མགོ་ཁྲིད་པས་བོད་ཀྱི་
གནད་དོན་ཐག་གཅོད་བྱེད་ཆོག ”ཅེས་པའི་ཚིག་དོན་ཞིག་རྩ་བ་ནས་མེད་པ་ལ་ཡོད་པར་གླེང་བཀལ་ནས། “རྩ་ཁྲིམས་ནང་བཀོད་པའི་གནས་ཚུལ་ལ་བལྟས་ན། ཁོས་སྲིད་དོན་ཚང་མ་བསྐྱུར་ཡོད་པ་ཡིན་ནམ།
ངས་བལྟས་ན་བསྐྱུར་མི་འདུག ”ཅེས་ལུང་འདྲེན་གྱི་བདེན་གཏམ་ཚུལ་དུ་བཤད་ཡོད།
སྤྱི་འཐུས་ལྷན་ཚོགས་ཀྱི་གསར་འགོད་གསལ་བསྒྲགས།
ཕྱི་ལོ་ ༢༠༡༢ ཟླ་ ༢ ཚེས་ ༣ རེས་གཟའ་པ་སངས་ཉིན། གསེར་རྟ་རྫོང་ཕུ་འུ་ཤང་དུ་བོད་མི་གསུམ་གྱིས་བོད་རང་དབང་གི་དོན་དུ་རྒྱ་དམར་གཞུང་ལ་ངོ་རྒོལ་གནང་སྟེ་རང་ལུས་ཞུགས་མེར་བསྒྲོན་འདུག་པ་དང་།
དེའི་ཁྲོད་ནས་འདས་གྲོངས་སུ་ཕྱིན་པའི་བོད་མི་དེའི་མིང་དང་ས་གནས་ཞིབ་གསལ་མེད་པ་དང་། གཞན་གཉིས་ནི་ཕུ་འུ་ཤང་ཞོ་སང་སྡེ་པའི་རང་ལོ་ ༦༠ ཡས་མས་ཡིན་པའི་ཚབ་ཚའི་ཚེ་རིང་ལགས་དང་། འབུམ་ཤུལ་སྡེ་པའི་རང་ལོ་ ༣༠
ཡས་མས་ཡིན་པའི་སྐྱ་རིས་ལགས་རེད་འདུག གསེར་རྟ་རྫོང་དུ་རྒྱ་ལོའི་ལོ་གསར་སྐབས་བོད་རིགས་ཞི་རྒོལ་བར་མདེལ་ཆར་ཕབ་སྟེ་བསད་རྨས་ཚབས་ཆེན་བཏང་བའི་ཛ་དྲག་གནས་སྟངས་ད་དུང་མུ་མཐུད་ཡོད་པ་དང་།
རྒྱ་དམག་ཕོན་ཆེ་འགྲེམས་འཇོག་གིས་བོད་མི་ཚོའི་འགྲུལ་བཞུད་དང་བརྒྱུད་ལམ་སོགས་ཀྱང་བཀག་སྡོམ་བྱས་ཡོད་སྟབས། ས་གནས་ཀྱི་ཞིབ་ཕྲའི་གནས་ཚུལ་རྒྱུས་ལོན་བྱེད་དཀའ་བ་ཆགས་ཡོད།
དེ་བཞིན་དུ་ཕྱི་ཟླ་ ༢ ཚེས་ ༤ རེས་གཟའ་སྤེན་པའི་ཞོགས་པར་སེར་ཤུལ་རྫོང་དབོན་པོ་ཤང་ཐོག་ཏུ་བོད་མི་ཚོས་རྒྱ་གཞུང་ལ་ངོ་རྒོལ་གྱིས་ཤང་སློབ་གྲྭའི་རྒྱ་ནག་གི་རྒྱལ་དར་མར་ཕབ་སྟེ།
བོད་ཀྱི་རྒྱལ་དར་སྒྲེང་འཛུགས་བྱས་ཡོད་པ་དང་། ཡིག་ཆ་མང་པོ་སྦྱར་འགྲེམས་བྱས་སྟབས། ད་ལྟ་རྫ་སྨད་དབོན་པོ་དགོན་གྲོང་གཉིས་ཧ་ཅང་དམ་བསྒྲགས་འོག་ཏུ་བཙུད་དེ།
དབོན་པོ་ཤང་དང་དབོན་པོ་དགོན་དུ་འགྲོ་བསྐྱོད་བཀག་སྡོམ་དང་། ཟ་ཁང་དང་ཚོང་ཁང་ཁག་གི་སྒོ་ཕྱེ་མི་ཆོག་པའི་དམ་བསྒྲགས་བྱས་ཡོད་འདུག
ཉེ་ཆར་བོད་རང་སྐྱོང་ལྗོངས་ཟེར་བའི་དམར་ཤོག་དང་སྲིད་གཞུང་ནས་ས་གནས་ཁག་ལ་དཔྱིད་གསར་དུས་ཆེན་དང་བོད་ལོའི་ལོ་གསར། ཕྱི་ཟླ་ ༣
པ་བཅས་ཀྱི་སྐབས་སུ་འབྲེལ་ཡོད་གཏན་འབེབས་གཟབ་ནན་གྱིས་ལག་བསྟར་བྱེད་དགོས་པའི་ཛ་དྲག་བརྡ་ཐོ་ཟེར་བ་དང་།
ནན་ཏན་གྱི་སྒོ་ནས་ཀྲུང་དབྱང་དང་ལྗོངས་ཏང་ཨུད་ཀྱིས་བཀོད་སྒྲིག་བྱས་པའི་ཉེ་དུས་བརྟན་ལྷིང་སྲུང་སྐྱོབ་ཀྱི་ལས་དོན་ནུས་ཤུགས་ཡོད་རྒུས་ལག་ལེན་དོན་འཁྱོལ་དགོས་པའི་ཛ་དྲག་བརྡ་ཐོ་ཟེར་བ་གཉིས་བཀྲམ་སྟེ།
བརྟན་ལྷིང་སྲུང་སྐྱོབ་སླད། ལག་གང་སྔ་རྩད་དེ། རང་འགུལ་གྱིས་ཕར་རྒོལ་བྱེད་དགོས་ལུགས་དང་། བརྟན་ལྷིང་བཀོད་འདོམས་ཀྱི་འབྲེལ་ཡོད་ལས་ཁུངས་དང་། ལས་ཁུངས་ཁག རིམ་པ་སོ་སོའི་གྲོང་གསེབ་ཏུ་བཅའ་སྡོད་ལས་དོན་རུ་ཁག
དགོན་སྡེ་དོ་དམ་ཨུ་ལྷན་བཅས་ཀྱི་ལས་དོན་གནས་སྟངས་ལ་ལྟ་སྐུལ་ཞིབ་བཤེར་བྱས་ཏེ། གནད་དོན་བྱུང་མཚམས་འཕྲལ་དུ་ཐག་གཅོད་དང་སྙན་སེང་ཞུ་དགོས་ཞེས་དང་།
བརྟན་ལྷིང་སྲུང་སྐྱོབ་ཀྱི་ལས་དོན་ལ་འཐུས་ཤོར་གཏོང་མཁན་རིམ་པ་གང་གི་ལས་བྱེད་སུ་ཞིག་ཡིན་ཡང་འཕྲལ་མར་ལས་གནས་ཕྱིར་བསྡུ་བྱ་རྒྱུ་དང་།
ཚབས་ཆེ་རིགས་སྲིད་ཁྲིམས་ཚན་པར་ཉེས་དོན་གྱི་འགན་ཁུར་རྩད་ཞིབ་བྱེད་དུ་འཇུག་རྒྱུ་ཞེས་སོགས་དམག་བསྐུལ་གྱི་བརྡ་ཐོ་ལྟ་བུ་ཞིག་བཏང་འདུག
བོད་མི་མང་སྤྱི་འཐུས་ལྷན་ཚོགས་ནས་གཞིས་བྱེས་བོད་མི་ཡོངས་ཀྱི་ཚབ་ཞུས་ཏེ་འཚེ་མེད་ཞི་བའི་ལམ་ནས་བོད་ཀྱི་རང་དབང་འཐབ་རྩོད་བརྩོན་ལེན་གནང་མཁན་གྱི་དཔའ་བོ་དཔའ་མོ་ཚོའི་ལྷག་བསམ་དང་སྙིང་སྟོབས་ལ་རྗེས་སུ་ཡི་རངས་དང་།
གདུང་སེམས་མཉམ་བསྐྱེད་ཞུ་རྒྱུ་དང་། གཞིས་བྱེས་བོད་མི་ཚེ་སྲོག་གི་ཕུང་པོ་གཅིག་ཏུ་གྲིལ་ཏེ། བོད་རང་དབང་གི་དམིགས་ཡུལ་གཅིག་ལ་འབད་སྒྲུབ་ཀྱི་རླབས་ཕྲེང་དགུང་ལ་འཕྱོ་བའི་སྐབས་འདིར།
མེ་ལྕེའི་ཀློང་ནས་མཆེད་པའི་རྒྱལ་གཅེས་དཔའ་བོ་དཔའ་མོ་རྣམ་པའི་འབོད་སྒྲ་རེ་རེ་དང་།
དྲག་དཔུང་གི་མདེལ་ཆར་ཁྲོད་ནས་རང་དབང་ལ་མངོན་དུ་ཕྱོགས་པའི་གད་རྒྱངས་རེ་རེ་ས་ཆེན་འདིའི་བཙན་རྒོལ་ལོ་རྒྱུས་ཀྱི་ཟུབ་ཏུ་མེད་པའི་ལེ་ཚན་གཟི་འོད་འཕྲོ་བ་ཞིག་ཏུ་ཅིས་ཀྱང་འགྱུར་ངེས་ཤིང་།
དམ་བསྒྲགས་ཀྱི་གྲང་ངར་འདིས་བོད་དོན་བདེན་མཐའ་གསལ་བའི་རེ་བའི་ས་བོན་སྦྲུམ་ཡོད་པས། གཞིས་བྱེས་མཉམ་འཛོམས་ཀྱི་མེ་ཏོག་བཞད་པར་ཐེ་ཚོམ་མེད།
རྒྱ་གཞུང་གི་བྱེད་བབ་ལ་བལྟས་ན། དཔུང་དང་འབྱོར་བའི་དྲེགས་པ་རྒྱས་པའི་སྲིད་དབང་འདིས་དུས་རབས་ ༢༡ པའི་ནང་དུའང་ད་དུང་དྲག་ཤུགས་ཁོ་ན་སྐྱབས་སུ་འཛིན་ཞིང་། དཀའ་རྙོག་མཐའ་དག་འབུར་འཇོམས་དང་།
དམ་བསྒྲགས། དྲག་གནོན་ཁོ་ནས་མེད་པར་བཟོ་ཐབས་བྱེད་ཅིང་། དེའི་ལྷན་ཐབས་སུ་རྫུན་དང་། ཧམ་པ། དཀར་ནག་གོ་ལྡོག་གི་དྲིལ་བསྒྲགས་ཡ་ང་བག་ཚ་མེད་པར་སྤེལ་བཞིན་ཡོད། ལྕགས་ཡོས་ལོའི་ནང་བོད་མི་སྐྱ་སེར་ཕོ་མོ་ ༡༩
ཡིས་རང་ལུས་ཞུགས་འབུལ་གནང་སྟེ། སེར་སྐྱ་ ༡༣ སྐུ་སྲོག་ཤོར་ཡོད་པ་དང་། རང་རིགས་ ༦ རང་ལུས་ཞུགས་འབུལ་གནང་རྗེས་གནས་སྟངས་ཇི་ཆགས་ཤེས་རྟོགས་མེད་པར་གྱུར་ཡོད། ཉེ་ཆར་རྒྱ་ནག་གི་དཔྱིད་གསར་དུས་ཆེན་སྐབས།
རྒྱ་གཞུང་སྤྱི་བདེ་ལས་བྱེད་དང་དྲག་ཆས་ཉེན་རྟོག་མི་སྣས་ཞི་རྒོལ་མང་ཚོགས་ཁྲོད་མེ་མདའ་གང་བྱུང་བརྒྱབ་སྟེ། ཉུང་མཐར་ཡང་བོད་མི་ ༥ དམར་གསོད་བཏང་བ་མ་ཟད། བོད་མི་མང་པོ་ཞིག་ལ་རྨས་སྐྱོན་ཕོག་ཡོད་པ་དང་།
བོད་མི་མང་པོ་ཞིག་འཛིན་བཟུང་བཙན་ཁྲིད་བྱས་ཡོད་ཅིང་། ད་ལྟའི་ཆར་ཞི་རྒོལ་འབྱུང་ཡུལ་ས་ཁུལ་ཕལ་ཆེ་བ་མངོན་གསལ་མ་ཡིན་པའི་དྲག་པོའི་ཁྲིམས་གཞི་འོག་བཙུད་དེ།
ཉིན་མཚན་དུས་དྲུག་ཏུ་སྲོག་ཉེན་གྱི་དངངས་སྐྲག་གིས་འཚོ་བཞིན་ཡོད། ད་ནི་རྒྱ་གཞུང་གིས་བོད་མིའི་ཚེ་སྲོག་གི་རིན་ཐང་བརྩི་བཀུར་བྱ་རྒྱུའི་འགྱུར་མཚམས་གལ་གནད་ཅན་ཞིག་ཏུ་སླེབས་ཡོད་ལ།
བོད་མིའི་ཚེ་སྲོག་ཅི་ཙམ་མེ་ལྕེ་དང་མདའ་མཚོན་འོག་རུ་འགྲོ་མིན་དང་། བོད་རྒྱའི་དཀའ་རྙོག་ཇི་ལྟར་སེལ་མིན་གྱི་འགན་ཁུར་དང་ནུས་ཤུགས་ཆ་ཚང་རྒྱ་ནག་གཞུང་ལ་ཡོད་པ་དང་། ད་དུང་མུ་མཐུད་བོད་མིའི་ཐོག་དྲག་གནོན་དང་།
བོད་དོན་འགྲིག་འཇགས་ལ་དུས་འགྱངས་ཀྱི་བྱེད་ཐབས་འབའ་ཞིག་ལག་བསྟར་བྱས་ཚེ། དེ་ལས་བྱུང་བའི་ངན་འབྲས་མཐའ་དག་རྒྱ་གཞུང་གིས་འགན་ཁུར་ལེན་དགོས།
ཉེ་ཆར་སྤྱི་འཐུས་ལྷན་ཚོགས་ནས་སྲིད་འཛིན་ཧུའུ་ཅིན་ཐའོ་ལ་ཡོངས་བསྒྲགས་ཀྱི་སྙན་ཞུ་ཞིག་ཕུལ་ཡོད་པ་དེའི་ནང་སྤྱི་ལྷན་གྱི་བསམ་ཚུལ་དང་དགོས་འདུན་ཁག་གསལ་སྟོན་བྱས་ཡོད་པ་དང་།
སྤྱི་ལྷན་གྱི་སྐུ་ཚབ་ཚོགས་ཆུང་ཞིག་ལྡི་ལིར་ཆེད་བསྐྱོད་ཀྱིས་བོད་ནང་གི་ཛ་དྲག་གནས་སྟངས་སྐོར་ལྡི་ལིར་བཅའ་སྡོད་གཞུང་ཚབ་ཁག་ལ་ཐུག་འཕྲད་ཀྱིས་ཞུ་སྐུལ་བྱ་རྒྱུའི་ལས་འཆར་སྒྲིག་སྐབས།
རྒྱ་ནག་གཞུང་ཚབ་ནས་སྤྱི་ལྷན་སྐུ་ཚབ་ལ་ངོ་ཐུག་བྱ་རྒྱུ་ལྟ་ཞོག
ད་དུང་གཞུང་ཚབ་གཞན་དག་ལ་ཡི་གེ་བཏང་སྟེ་སྤྱི་ལྷན་སྐུ་ཚབ་ལ་ཐུག་འཕྲད་མི་བྱེད་པའི་སྐུལ་སློང་བྱས་འདུག་པ་དེའི་ཐོག་ནས་ཀྱང་སྲིད་དབང་འདིའི་སྐྱུག་བྲོ་བའི་བྱེད་སྟངས་རོབ་ཙམ་མཐོང་ཐུབ་པ་ཡིན།
རྒྱ་གཞུང་ནས་རྒྱལ་སྤྱིའི་རྟོག་ཞིབ་ཚོགས་ཆུང་ཞིག་བོད་ནང་གཏོང་རྒྱུར་ང་ཚོས་འབོད་སྐུལ་རིམ་པར་བྱས་པ་ལ་སྣང་མེད་བཏང་བར་བློ་ཕམ་ཡོད་ཅིང་། བོད་ནང་ཞི་ལྷིང་གི་ཁོར་ཡུག་ཕུགས་འཕེར་ཞིག་དགོས་གལ་མཐོང་གི་ཡོད་ཚེ།
དམག་དཔུང་ཕྱིར་འཐེན་དང་། དྲག་གནོན་མཚམས་འཇོག དེ་བཞིན་གཞུང་ངོས་ནས་བོད་ནང་གི་དངོས་ཡོད་གནས་ཚུལ་ལ་སྒྲོ་སྐུར་གྱི་རྫུན་སྒྲོག་དེ་རིགས་མི་དགོས་པར།
བོད་མིའི་སྐུ་ཚབ་བོད་ནང་གཏོང་རྒྱུའི་སྲིད་འཛིན་ཧུའུ་ལ་ཕུལ་བའི་སྙན་ཞུའི་དོན་གནད་དེའི་སྐོར་བསྐྱར་ནན་ཞུ་རྒྱུ་ཡིན།
རང་དབང་མང་གཙོའི་སྲིད་གཞུང་དང་གྲོས་ཚོགས་ནས་ཀྱང་བོད་ནང་གི་ཛ་དྲག་གནས་སྟངས་ཐད་བློ་འཚབ་དང་གདུང་སེམས་མཉམ་བསྐྱེད་ཀྱི་རྣམ་འགྱུར་བསྟན་པ་གང་ལེགས་ཀྱང་། འགྲོ་བ་མིའི་ཐོབ་ཐང་དང་།
ཡོངས་ཁྱབ་རིན་ཐང་ལ་འདི་ལྟར་རྩིས་མེད་རྡོག་རོལ་གཏོང་བའི་བྱ་སྤྱོད་རྫབ་ཆེན་འདི་ལྟ་བུའི་ཐོག་རྒྱལ་སྤྱིའི་སྤྱི་ཚོགས་ནས་རྒྱ་ནག་ལ་གནོན་ཤུགས་སྤྲོད་ཐབས་ཀྱི་འགན་འཁུར་མང་ཙམ་ལེན་དགོས་པ་དང་།
རང་དབང་མང་གཙོའི་རྒྱལ་ཁབ་ཁག་གི་དབུ་ཁྲིད་རྣམ་པས་དོན་ཕན་ལྡན་པའི་ནུས་ཤུགས་འདོན་རྒྱུར་ང་ཚོས་རེ་སྐུལ་ཤུགས་དྲག་ཞུ་བཞིན་ཡོད།
འཛམ་གླིང་ཁྱོན་དུ་གནས་འཁོད་བོད་རིགས་དང་བོད་དོན་རྒྱབ་སྐྱོར་བ་རྣམས་ནས་ཕྱི་ཟླ་ ༢ པའི་ཚེས་ ༨ རེས་གཟའ་ལྷག་པའི་ཉིན་བོད་ནང་གདུང་སེམས་མཉམ་བསྐྱེད་ཀྱི་བཀའ་ཤག་གི་མཆོད་འབུལ་སྨོན་ལམ་དང་།
དེ་བཞིན་སྤྱི་ལྷན་གྱི་ལོ་གསར་ཚེས་ ༡ ཉིན་གྱི་ཟས་བཅད་སྨྱུང་གནས་ལ་མཉམ་ཞུགས་རྒྱ་ཆེར་གནང་རྒྱུའི་འབོད་སྐུལ་ཞུ་རྒྱུ་བཅས། བོད་མི་མང་སྤྱི་འཐུས་ལྷན་ཚོགས་ཀྱིས་ཕྱི་ལོ་ ༢༠༡༢ ཟླ་ ༢ ཚེས་ ༦ ལ།། །
ཏཱ་ལའི་བླ་མ་འདས་རྗེས་ ཀྱི་ལྷིང་འཇགས་བྲོ་བ་རྒྱ་ནག་གིས་མྱོང་གི་ཡོད།
མཱར་ ཊེ ་ན་ ( Michael Martina)དང་ རཱོ་ཌི་ (Brian Rhoads)གཉིས་ཀྱིས་བརྩམས།
འཕྲིན་ལས་རྒྱ་མཚོས་བསྒྱུར།
འདས་པའི་ལོ་ངོ་འདི་དག་གི་རིང་ ལ་རྒྱ་ནག་གིས་ཏཱ་ལའི་བླ་མ་ནི་གྲྭ་ཆས་གྱོན་པའི་སྤྱང་ཀི་ ཞིག་དང་། ཁ་བྲལ་ལས་དོན་ སྤེལ་བའི་ཟློས་གར་འཁྲབ་འཁྲིད་པ།
ད་དུང་ཉེ་བའི་ཆར་ བོད་མི་ཚོས་རང་ལུས་ མེར་བསྲེགས་བཏང་བ་དང་། དེ་མིན་གྱི་ངོ་རྒོལ་ ལས་འགུལ་རིགས་ལ་སྐུལ་འདེད་གཏོང་མཁན་དང་ལོག་ཇུས་ འདིང་མཁན་ཡིན་པའི་སྐྱོན་བརྗོད་དང་ཁ་རྡུང་བཏང་ཡོད།
ཡིན་ནའང་། ཏཱ་ལའི་བླ་མའི་དགོངས་པ་གཞན་དོན་དུ་གཤེགས་རྗེས་ རྒྱ་གཞུང་གི་ལྟ་བ་མཁྲེགས་ པོ་ཅན་གྱི་མགོ་ཁྲིད་ཚོ ར་ཁོང་དྲན་པའི་རྒྱུ་མཚན་ཞིག་འབྱུང་སྲིད།
ལོ་ན་རྒས་པའི་ཆོས་ཀྱི་དབུ་ཁྲིད་འདི་ཉིད་བཞུགས་པའི་བཀའ་དྲིན་དང་ཁོང་གི་འཚེ་བ་མེད་པའི་ལམ་སྟོན་ འོག་ད་ལྟ འི་བར་དུ་ཟིང་འཁྲུག་གི་མགོ་མནན་ཡོད་ མོད། ནམ་ཞིག་ཁོང་མ་བཞུགས་པའི་ཉིན་མོ ར་ དེ་མ་ཐག་གནས་སྟངས་རྣམས་ ཇེ་སྡུག་ཏུ་འགྲོ་སྲིད། འདི་ལོའི་སྤྱི་ཟླ་དང་པོ ར་སི་ཁྲོན་ཞིང་ཆེན་ འོག་གི་བོད་མིའི་ས་ཁུལ་དུ་ངོ་རྒོལ་སྐད་འབོད་ བྱུང་པ་ནི་འདས་ལོའི་ནང་དུ་གྲྭ་བ་དང་ བཙུན་མ་གཙོ་བྱས་པའི་བོད་མི་བཅུ་དྲུག་གིས་རང་ལུས་མེ ར་བསྲེགས་བཏང་སྟེ། ཕྱི་ལོགས་སུ་བཞུགས་པའི་ཏཱ་ལའི་བླ་མ་བོད་དུ་གདན་འདྲེན་ཞུ་དགོས་པ་དང་བོད་ལ་རང་དབང་དགོས་པའི་ངོ་རྒོལ་ མཇུག་སྐྱོང་བྱས་ཡོད།
རྒྱ་ནག་གིས་རང་ལུས་ མེར་བསྲེགས་གཏོང་མཁན་ཚོར་འཇིགས་སྐུལ་དྲག་སྤྱོད་རིང་ལུགས་པའི་མིང་བཏགས་ཡོད་པ་མ་ཟད། དེ་མཚུངས་སུ་གཟའ་ལྷག་པའི་ཉིན་རྒྱ་གཞུང་གིས་ཁ་བྲལ་པའི་དཔུང་ཚོགས་ཀྱིས་མིའི་བར་ལ་ཞེ་འཁོན་སློང་བཞིན་ ཡོད་པ་དང་། རྒྱ་ནག་ གི་དམག་དཔུང་གིས་མགོན་གནོན་བྱས་པའི་ངོ་རྒོལ་དག་ཀྱང་ཁ་བྲལ་བ་ ཚོས་ངན་སྐུལ་ བྱས་ཞིག་རེད་ཅེས་ཁ་རྡུང་བཏང་ཡོད།
སྔོན་ མ་སྐབས་ཤིག་ལ་ཞི་བདེ་ལྷིང་འཇགས་ཡིན་པའི་བོད་ཡུལ་མཐོ་སྒང་དུ་ངོ་རྒོལ་སྐད་འབོད་བྱུང་ ཞིང་། རྒྱ་ནག་དང་བཙན་བྱོལ་བོད་གཞུང་གཉིས་བར་གྲོས་མོལ་ གྱི་རེ་བ་ཇེ་ཕྲ་རུ་ཕྱིན་པ་དང་ལྷན་དུ། ཏཱ་ལའི་བླ་མའི་དགོངས་པ་ གཞན་དོན་དུ་གཤེགས་ པའི་ཉིན་དྲག་པོ འི་ལས་འགུལ་འབྱུང་བའི་སེམས་ཁྲལ་ཆེ་རུ་འགྲོ་བཞིན་ཡོད།
གལ་ཏེ་འགྱུར་བ་གང་ཡང་མ་ ཕྱིན་ཚེ་རྒྱ་ནག་གིས་ མུ་མཐུད་དུ་དྲག་པོའི་ཐབས་ལམ་ལ་བརྟེན་ངེས ་ཡིན།
ཐའེ་ཝན་དུ་བཞུགས་པའི་ཏཱ་ལའི་བླ་མའི་ཚ་བོ་དོན་འགྲུབ་ལགས་ཀྱིས་བཤད་རྒྱུར། “ད་ལྟ་ལྟ་བ་དང་གནས་བབ་མཁྲེགས་པོ་ཆགས་ཚར་པ་རེད། ” ཅེས་དང་། “ སྤྱིར་བཏང་ཏཱ་ལའི་བླ་མའི་འཚེ་མེད་ཞི་བའི་ལམ་སྟོན་གྱིས་བོད་ཀྱི་གཞོན་སྐྱེས་རྣམས་ཞི་འཇམ་དུ་གནས་སུ་འཇུག་ཐུབ་ཡོད ” དོན་གྲུབ་ལགས་ནི་བཙན་བྱོལ་གཞུང་གི་ཚོགས་མི་ཟུར་བ་ཞིག་ཡིན་པ་དང་གཞུང་འབྲེལ་གྲོས་མོལ་གྱི་ཆེད་དུ་རྒྱ་ནག་ལ་ཐེངས་བཅོ་ལྔ་ ཙམ་འགྲོ་མྱོང་མོད།
དེའི་རྗེས་སུ་གྲོས་མོལ་ལ་དོན་ཕན་མ་བྱུང་བར་མཚམས་ཆད་པ་རེད།
དོན་འགྲུབ་ལགས་ཀྱིས་བཤད་པ་ལྟར་ན། ད གུང་ལོ་ ༧༦
ལོ་སོན་པའི་གྲྭ་བ་ཁོང་གི་སྐུ་གཟུགས་བདེ་ཐང་ཡིན་པ་མ་ཟད། ཁོང་གིས་ཉིན་ལྟར་རྒྱུག་རྩལ་འཕྲུལ་ཆས་སྤྱད་དེ་ ལུས་རྩལ་སྦྱོང་ པ་དང་སྨན་པ་ཡང་ལག་ཐོག་ཏུ་ཡོད་ཟེར། ཉེ ་ཆར་ལྡི་ལི་གསར་པར་ ཁོང་གི་མིག་ ལ་གཤག་བཅོས་ ཕྲན་བུ་བྱས་ཡོད་ན་ཡང་ད་དུང་ལོ་ཉི་ཤུ་ལྷག་ལ་བཞུགས་པའི་རེ་བ་རྒྱག་ གི་ཡོད། དོན་འགྲུབ་ལགས་ཀྱིས།
“༧གོང་ས་མཆོག་ཇི་སྲིད་འཚོ་བའི་བར་དུ་ང་ཚོ་འཚེ་མེད་ཞི་བ་ཡིན་ ལ་ཚང་མས་ཁོང་གི་དགོངས་ཚུལ་ལ་བརྩི་བཀུར་བྱེད།
གལ་ཏེ་༧གོང་ས་མཆོག་གློ་བུར་དུ་ མ་བཞུགས་པའི་གནས་ཚུལ་བྱུང་ན་རྒྱ་ནག་གཞུང་ལ་དཀའ་ངལ་ལྷག་མ་མང་པོ་ཞིག་འཕྲད་ངེས་ཡིན། ” ཟེར།
འབྱུང་འགྱུར་གྱི་བྲོ་བ་ཞིག
ཉེ ་བའི་ཆར་རྒྱ་གཞུང་གིས་བོད་ཐོག་ལག་བསྟར་བྱས་པའི་དྲག་སྤྱོད་ དེ་ནི་ ༢༠༠༨ ལོར་རྒྱ་ནག་གི ས་བོད་ཀྱི་ས་ཁུལ་དག་ཏུ་ཟིང་འཁྲུག་བྱུང་སྟེ ། མ་མཐར་ཡང་མི་བཅུ་དགུའི་ཚེ་སྲོག་ཤོར་བའི་དོན་རྐྱེན་གྱི་རྗེས་སུ་བྱུང་བའི་གནས་ཚུལ་ཚབས་ཆེ་ཤོས་ དེ་ཡིན། རྒྱ་ནག་གིས་བཤད་བཞིན་པའི་བོད་རང་སྐྱོང་ལྗོངས་ནི་ད་དུང་ཡང་དྲག་གནོན་ཤུགས་ཆེན་འོག་གནས་ཡོད།
ཕྱི་རྒྱལ་ཁག་ གི་བོད་དོན་རྒྱབ་སྐྱོར་ཚོགས་ ཚོས་བཤད་པ་ལྟར་ན།
སི་ཁྲོན་དུ་ངོ་རྒོལ་སྐད་འབོད་བྱུང་སྐབས་ཉེན་རྟོག་པས་དྲག་གནོན་བྱས་ཏེ་བོད་མི་ ༧ མེ་མདའི་འོག་ཏུ་རྐྱེན་འདས་སུ་སོང་ཡོད་པ་དང་ མི་ ༦༠ ལ་རྨས་སྐྱོན་བྱུང་ཡོད ་འདུག རྒྱ་གཞུང་གི ས་གསར་ལམ་ཁག་ ཏུ་ཉེན་རྟོག་པས་མེ་མདའ་བརྒྱབ་པའི་རྒྱུ་མཚན་ནི་རང་ཉིད་སྲུང་སྐྱོབ་ཆེད་རེད་ཟེར།
དུས་དེ་ནས་བཟུང་ རྒྱ་གཞུང་གི་བདེ་འཇགས་མི་སྣས་བོད་ཀྱི་ མཁའ་དབྱིངས་ཆེན་པོ་དེ་ཡོངས་ སུ་བཀབ་སྟེ་གནས་ཡོད། སི་ཁྲོན་ ནང་དྲག་སྤྱོད་ཀྱི་ལས་ ཀྱི་གནས་ཚུལ་བྱུང་བའི་ས་ ཁུལ་ལས་སྤྱི་ལེ་བརྒྱ་ཕྲག་གི་མཚམས་ སུ་ཡོད་པའི་དན་པ་ཞང་ དུ་ཡང་ཉེན་རྟོག་དམག་དཔུང་གིས་ཡོངས་སུ་བསྐོར་ཡོད་པ་མ་ཟད།
ཞིབ་དཔྱོད་ས་ཚིགས་ཆེད་དུ་བཙུགས་ཏེ་བོད་པའི་ངོ་རྒོལ་ལས་འགུལ་འདི་ས་ཆ་གཞན་དུ་མི་ཁྱབ་པ་དང་ ། ཕྱི་རྒྱལ་གྱི་གསར་འགོད་པ་ནང་དུ་མི་ གཏོང་རྒྱུར་ཤུགས་ སྣོན་བྱེད་བཞིན་ཡོད། ཉེན་རྟོག་དམག་དཔུང་གིས་བཙུགས་པའི་ འགག་སྒོ་དེ་དག་གིས་བོད་ཀྱི་དགོན་སྡེ་རྣམས་བཟང་བཙོན་ལྟ་བར་བཞག་ཡོད་པ་མ་ཟད། གཞུང་གི་ལས་ ཚོས་ལམ་ཁ་བདེ་འཇགས་མི ན་ ཚུལ་བཤད་དེ་གསར་འགོད་པ་རྣམས་ཕྱིར་ སློག་གཏོང་གི་ཡོད།
གཅིག་བྱས་ན་འདི་ནི་འབྱུང་འགྱུར་གྱི་བྲོ་བ་ཞིག་ཡིན་ངེས།
འགྲོ་བ་མིའི་ཐོབ་ཐང་ལྟ་རྟོག་ཚོགས་པའི་ཉམས་ཞིབ་པ་ནེ་ཁོ་ལ་སི་ (Nicholas Bequelin) ལགས་ཀྱིས། “བོད་མི་ ཚོས་གཅིག་གྱུར་ ཐོག་ཏཱ་ལའི་བླ་མ་བོད་ ནང་གདན་འདྲེན་ཞུ་འཇུག་དགོས་པའི་འབོད་ཚིག་སྒྲོག་བཞིན་པར་གཞིགས་ན། ཏཱ་ལའི་བླ་མ ་ཕྱི་ ལོགས་ནས་སྐུ་གཤེགས་པའི་ཉིན་མོར་ ཚོད་དཔག་བྱེད་དཀའ་བའི་ངོ་རྒོལ་གྱི་རྦ་རླབས་ཤིག་འཕྱུར་སྲིད་ལ། དེ་ནི་ ༢༠༠༨
ལས་ལྷག་པ་ཞིག་ཡིན་ངེས་པར་མ་ཟད། རྒྱ་ནག་གི་དྲག་གནོན་ཡང་དེ་ལས་གཏུམ་སྤྱོད་ཆེ་བ་ཞིག་ཡིན་ངེས། ” ཞེས་བརྗོད་འདུག
རྒྱ་ནག་ནི་འདས་པའི་ལོ་མང་རིང་རླབས་ཆེ་བའི་དབུ་ཁྲིད་ ཏིན་ཞོ་ཕིན་དང་འདི་ལོའི་ལོ་མཇུག་ ལ་མགོ་ཁྲིད་བརྗེ་སྒྱུར་གྱི ས་རྒན་ཡོལ་ཞུ་བཞིན་པའི་སྲིད་འཛིན་ཧུ འུ་ཅིན་ཐོ་ གཉིས་ཀྱི་འཛུགས་སྐྲུན་དང་གཉའ་གནོན་ཟུང་དུ་འབྲེལ་བའི་ལག་ལེན་ཞིག་ལ་བརྟེན་ཏེ་བསྡད་པ་རེད། ༡༩༨༨ ནས་ ༨༩ ལོའི་བར་བོད་རང་སྐྱོང་ལྗོངས་ཀྱི་དམར་ཕྱོགས་ཚོགས་པའི་ཚོགས་གཙོ་བྱས་མྱོང་བའི་ཧུ འུ་ཅིན་ཐོ་ཡིས་ཏན་ཏན་འགྲོ་ལུགས་ ཤིག་བཙུགས་ཡོད།
༡༩༨༩ ལོའི་སྤྱི་ཟླ་གསུམ་པའི་ནང་དུ་བོད་ལ་རྒྱ་ནག་གི་མགོ་ཁྲིད་ཚོས་དྲག་གནོན་གྱི་ཁྲིམས་ ཡིག་བསྒྲགས་པ་མ་ཟད། སྔོན་ཏཱ་ལའི་བླ་མ་བྲོས་བྱོལ་དུ་འགྲོ་དགོས་ ཐུག་པའི་ལས་འགུལ་ཏེ ། བོད་མིའི་སྒེར་ལངས་ཆེན་མོའི་དུས་དྲན་ཐེངས་སུམ་ཅུ་པ་མུ་མཐུད་དུ་འགྲོ་བཞིན་ཡོད་པ་ལ་རྒྱ་ནག་གིས་ཁྲག་དྲི་བྲོ་བའི་དྲག་གནོན་བྱས།
ཐའེ་ཝན་དང་མཚུངས་པར། རྒྱ་ནག་གི་དཔོན་རིགས་ཚོས་བོད་ལ་འཛིན་པའི་སྲིད་ཇུས་ལ་འགྱུར་པ་མེད་ལ།
ཁོང་ཚོའི་བསམ་པར་བོད་ནི་ཁོང་ཚོར་བདག་དབང་ཡོད་པའི་ས་ཁུལ་ཞིག་ཡིན། ད་ལྟའི་རྒྱ་ནག་གི་སྲིད་འཛིན་གཞོན་པ་དང་འབྱུང་འགྱུར་གྱི་སྲིད་འཛིན་ ཞི་ཆེན་ཕིན་གྱི ས་གུ་ཡངས་ འཛིན་སྲིད་པའི་རྣམ་འགྱུར་ཅན་གྱི་ལས་དོན་གང་ ཡང་བསྒྲུབས་མེད ་པ་མ་ཟད། ལོ་སྔོན་མའི་ནང་ཚོགས་པའི་བོད་ཞི་བས་བཅིངས་གྲོལ་བཏང་ནས་ལོ་འཁོར་ ༦༠ འཁོར་པའི་དུས་དྲན་སྟེང་ཁོང་གིས་ཁ་བྲལ་བ ར་དྲག་གནོན་བྱ་རྒྱུའི་དམ་བཅ འ་བཞག་ཡོད།
བོད་པའི་ཆོས་ཀྱི་དབུ་ཁྲིད་ཏཱ་ལའི་བླ་མའི་ཡང་ སྲིད་ཀྱི་གནད་དོན་དཀའ་མོ་དེ་ཡང་ད་དུང་ཐག་གིས་བཅད་མེད། འདི་ལ་རྒྱ་ནག་གཞུང་གིས་ཐེ་གཏོགས་འགོག་ཕྱིར། ཏཱ་ལའི་བླ་མ་རང་ཉིད་ཀྱིས་སྲོལ་རྒྱུན་ལམ་ལུགས་དོར་ཏེ་ དམང ས་གཙོའི་རང་བཞིན་ལྡན་པའི་འོས་ཤོག་ལ་བསྐུལ་བ་དང་། ཡང་ན། རང་གི་ཡང་ སྲིད་རང་གིས་ངོས་འཛིན་བྱ་སྲིད་པའི་བརྡ་བསྟན་ཡོད།
རྒྱ་ནག་གཞུང་གིས་ཏཱ་བླ་མ་གཅིག་གིས་ཏཱ་ ལའི་བླ་མ་གཞན་ཞིག་འདེམས་པ་ནི་ལོ་རྒྱུས་རང་བཞིན་ལྡན་པའི་ཆོས་ལུགས་ཀྱི་ལག་ལེན་དང་འགལ་ཡོད་ ཚུལ་ཤོད་བཞིན་ ཡོད་པ་མ་ཟད། ཡང་ སྲིད་ངོས་ལེན་བྱེད་པའི་དབང་ཚད་ཁོ་རང་ཚོར་ཡོད ་སྐོར་ཤོད་ཀྱི་ཡོད། ཡང་སྐོར་ཞིག་གིས་རྒྱ་གཞུང་གིས་གང་འདོད་དུ་ཏཱ་ལའི་བླ་མའི་སྤྲུལ་སྐུ་ཞིག་ངོས་འཛིན་བྱེད་པ་དང་བསྟུན་ནས།
བོད་ཕྱི་ལོགས་སུ་གནས་པའི་ཏཱ་ལའི་བླ་མ་གཅིག་དང་བོད་ནང་དུ་ཡོད་པའི་ཏཱ་ལའི་བླ་མ་གཅིག་ཆགས་ཏེ་བོད་མི་རྣམས་ཕྱོགས་གཉིས་སུ་ གྱེས་རྒྱུར་ཞེད་སྣང་བྱེད་ཀྱི་ཡོད།
རྒྱ་ནག་གིས་བོད་རླག་བཞིན་ཡོད་དམ།
ཀོ་ལིམ་བྷི་ཡ་ མཐོ་སློབ་ ཀྱི་ བོད་རིག་པའི་མཁས་པ་བྷར་ནཱད་ཁྲི (Robbie Barnett) ལགས་ཀྱིས་བཤད་རྒྱུར། ཏཱ་ལའི་བླ་མ་ཡུལ་གྱར་གནས་སྟངས་འོག ་ འདས་གྲོངས་སུ་ཕྱིན་ན། དེ་ནི་བོད་པ་རྣམས་ལ་མཚོན་ན་ཧ་ཅང་གལ་ཆེ་བའི་གནད་དོན་ཞིག་ཡིན་ སྟབས། རྒྱ་བོད་གཉིས་བར་འགྲིག་མཐུན་ཚད་ལྡན་ཞིག་ཡོང་བའི་རེ་བ་ཡོད་ཚད་མེད་བརླག་ཏུ་བཟོ་ངེས། ཁོང་གིས་མུ་མཐུད་དུ་བཤད་རྒྱུར། “ གལ་སྲིད་གན ད ་དོན་གང་ལ་ཡང་ཐག་གཅོད་མ་བྱུང་བར་ཏཱ་ལའི་བླ་མ་འདས་གྲོངས་སུ་ཕྱིན་པ་ཡིན་ན། ཡིད་ཆེས་བསྐྱར་གསོ་བྱེད་པ་ལ་དུས་རབས་གཅིག་གི་ཕྱེད་ཀ་དགོས་ངེས་ཡིན། ” ཞེས་བཤད་འདུག
དྲག་པོའི་ཐབས་ལ་ཤུགས་ཆེན་བརྟེན་པ་ཡིན་ན་རྒྱལ་སྤྱི འི་སྤྱི་ཚོགས་ ལ་སེམས་ཁྲལ་བསླང་ངེས་ལ། དེ་ཡིས་རྒྱ་ནག་དང་ནུབ་ཕྱོགས་རྒྱལ་ཁབ་ ཁག་གི་བར་ ཆབ་སྲིད་ཀྱི་དཀའ་རྙོག་བསླང་སྲིད་པ་མ་ཟད། བཙན་བྱོལ་བོད་གཞུང་ལ་སྡོད་གནས་མཁོ་སྤྲོད་བྱེད་བཞིིན་པ་དང་མཐའ་མཚམས་ ཀྱི་ རྩོད་རྙོད་ཡོད་པའི་ཁྱིམ་མཚེས་རྒྱལ་ཁབ་རྒྱ་གར་ ལའང་ ཆབ་སྲིད་ཀྱི་རྩོད་རྙོག་བསླང་སྲིད།
བྷར་ནཱད་ཁྲི་ལགས་ཀྱིས་མུ་མཐུད་དུ་བཤད་རྒྱུར། “ རྒྱ་ནག་གི་གཞུང་འཛིན་པ་ཚོའི་ནང་དུ་དྲག་པོའི་ཐབས་ལ་བརྟེན་ ཏེ་ གནད་དོན་འདི་དག་རེ་ཞིག་ཐག་ གཅོད་བྱ་ཐུབ་ པར་ཡིད་ཆེས་བྱེད་མཁན་ཡོད་ལ།
ཚད་ངེས་ཅན་ཞིག་ལ་དེ་ནི་བདེན་པར་འགྲུབ། འོན་ཀྱང་། དེ་ལྟར་རྒྱུན་རིང་དུ་སོང་བ་ཡིན་ན་འགྲོ་གྲོན་གྱི་དཀའ་ངལ་འཕྲད་ངེས་པར་མ་ཟད།
རྒྱ་ནག་གཞུང་ལ་ཡིད་ཆེས་བྱེད་མཁན་མེད་པར་འགྱུར་བ་དང་རྒྱལ་སྤྱིའི་སྟེང་དུ་མཇུག་འབྲས་ཚབས་ཆེན་འབྱུང་ངེས་ཡིན། ” ཞེས་བརྗོད་ཡོད། རྒྱ་ནག་གཞུང་གིས་ཤུགས་ ཀྱིས་སྒྲོག་བཞིན་པ་ནི། ཁོང་ཚོས་རྒྱ་སྒོར་དུང་ཕྱུར་ ༡༦༠༠ ལྷག་བཏང་སྟེ་བོད་དབུལ་ཕོངས་ལས་བསྐྱབས་པ་མ་ཟད། འདས་པའི་ལོ་ངོ་ ༦༠ ནང་དུ་བོད་ལ་རོགས་སྐྱོར་དེ་ལས་མང་བ་བྱས་ཏེ་ལོ་ངོ་བཅོ་བརྒྱད་ཀྱི་རིང་ལ་བསྟུད་མར་ཨང་ཀི་གཉིས་ཅན་ཀྱི་དཔལ་འབྱོར་ཡར་རྒྱས་སུ་སོང་བ་འདི་ཡིན།
འོན་ཀྱང་། གནས་ཚུལ་དབྱེ་ཞིབ་པ་དག་གིས་བཤད་པ་ལྟར་ན།
རྒྱ་ནག་གཞུང་གིས་རང་དབང་ལ་བཀག་སྡོམ་བྱེད་བཞིན་དཔལ་འབྱོར་འཛུགས་སྐྲུན་ལ་ཤུགས་གནོན་བྱས་པར་གྲུབ་འབྲས་ལྡོག་ཕྱོགས་ནས་ཐོན་ཡོད། སྲིད་ཇུས་འདི་ལ་བོད་རང་སྐྱོང་ལྗོངས་ཀྱི་བོད་མི་ཚོའི་རྒྱབ་སྐྱོར་ཐོབ་མེད་པ་མ་ཟད།
དེའི་མཐའ་འཁོར་དུ་གནས་པའི་ཞིང་ཆེན་ ཁག་ནང་ གི་བོད་མི་རྣམས་ཏཱ་ལའི་བླ་མ་དང་བློ་ཐག་ཉེ་རུ་བཏང་ཡོད། བརྒྱད་ཅུ་གྱ་གྲངས་དང་དགུ་བཅུ་གོ་གྲངས་ནང་ལྷ་ས་དྲག་པོའི་ལས་འགུལ་ནང་ཡོངས་སུ་གཡོགས་ཡོད་ན་ཡང་། སི་ཁྲོན་དང་མཚོ་སྔོན་སོགས་ལྷིང་འཇགས་སུ་གནས་ཡོད།
ད་ནི་སི་ཁྲོན་ནང་དུ་ཡང་དྲག་པོའི་ལས་འགུལ་བྱུང་ཟིན་པ་དང་སྲོལ་རྒྱུན་དག་ཀྱང་འགྱུར་བཞིན་ཡོད།
བྷར་ནཱད་ཁྲི་ལགས་ཀྱིས་བཤད་ན། བོད་ཤར་ཕྱོགས་ཁུལ་དུ་གནས་པའི་བོད་མི་རྣམས་ཀྱིས་ནམ་རྒྱུན་རྒྱ་ནག་སྤྱི་དང་དུས་གཅིག་ཏུ་ལོ་སར་ལ་རོལ་བཞིན་ཡོད་མོད།
ད་ནི་བོད་མི་ དེ་ དག་གིས་ཀྱང་ལོ་སར་ཕྱིར་འགྱངས་བྱས་ཏེ་ལོ་ངོ་བརྒྱ་ཕྲག་འགའ་ལ་ཏཱ་ལའི་བླ་མ་དང་ཐག་ཉེ་བའི་དབུས་ཁུལ ་ གྱི་ ལོ་སར་དང་དུས་བསྟུན་བྱེད་བཞིན་ཡོད།
ཁོང་གིས་མུ་མཐུད་དུ་བཤད་རྒྱུར། “ རྒྱ་ནག་གིས་བོད་ཀྱི་མཐོ་སྒང་གི་ས་ཁྱོན་རྒྱ་ཆེན་པོ་ཞིག་བོད་ཀྱི་རྒྱལ་གཅེས་ཚོར་ཤུགས་ཀྱི་ནང་ལ་ཚུད་དུ་བཅུག་པ་རེད། ”
དེས་ན། “ ཅིའི་ཕྱིར་ང་ཚོས་རྙོག་དྲ་ཆེན་པོ་མེད་པའི་བོད་ཤར་ཕྱོགས་ཁུལ་དུ་སྲིད་ཇུས་འདི་གཏན་འབེབས་བྱས་པ་རེད། ངས་ཚོས་ཅིའི་ཕྱིར་དེ་ལྟར་བྱས་པ་དང་། ང་ཚོའི་ལག་ནས་བོད་ཤོར་བའི་རྒྱུ་མཚན་ཅི་ཡིན།
ཞེས་འབྱུང་འགྱུར་གྱི་ལོ་རྒྱུས་པ་དག་གིས་དྲི་བ་འདི་འདྲི་ངེས་ཡིན ”
༼ ཟླ་འདིའི་ཕྱི་ཚེས་ ༣ ཉིན་རེའུ་ཊིར་ (Reuters) གསར་ཁང་གི་དྲ་ཚིགས་སྟེང་སྤེལ ༽
གཟའ་པ་སངས་ཉིན་གསེར་རྟ་རྫོང་ཕུ་འུ་ཡུལ་ཚོ་རུ་བོད་མི་གསུམ་གྱིས་རང་ལུས་མེར་བསྲེགས་ཀྱིས་རྒྱ་གཞུང་ལ་ངོ་རྒོལ་བྱས་ཡོད་པ་དང་།
ཁོང་ཚོའི་ཁྲོད་བོད་མི་གཅིག་འདས་གྲོངས་སུ་ཕྱིན་ཡོད་འདུག
འདི་གར་གནས་ཚུལ་བཏང་འབྱོར་ལྟར་ན། ཟླ་འདིའི་ཚེས་ ༣ ཉིན་གསེར་རྟ་རྫོང་ཕུ་འུ་ཡུལ་ཚོ་ ཞོ་སང་སྡེ་བའི་རང་ལོ་ ༦༠ ཡས་མས་ཡིན་པའི་ཚབ་ཚའི་ཚེ་རིང་ལགས་དང་། འབུམ་ཤུལ་སྡེ་བའི་རང་ལོ་ ༣༠
ཡས་མས་ཡིན་པའི་སྐྱ་རིས་ལགས། དེ་བཞིན། མིང་དང་ས་གནས་སོགས་གསལ་པོ་ཤེས་རྟོགས་བྱུང་མེད་པའི་གཞན་གཅིག་བཅས་བོད་མི་ ༣ གྱིས་རང་ལུས་མེར་བསྲེགས་ཀྱིས་རྒྱ་གཞུང་ལ་ངོ་རྒོལ་གནང་ཡོད་པ་དང་།
ཁོང་ཚོའི་ཁྲོད་ཀྱི་མིང་དང་ས་གནས་གསལ་བོ་ཤེས་ཐུབ་མེད་པའི་བོད་མི་དེ་འདས་གྲོངས་སུ་ཕྱིན་ཡོད་འདུག
ཉེ་བའི་ཆར་གསེར་རྟ་རྫོང་ཁོངས་སུ་རྒྱ་ནག་གཞུང་ལ་ངོ་རྒོལ་གྱི་ལས་འགུལ་ཐེངས་མང་བྱུང་བར་བརྟེན། རྒྱ་ནག་གཞུང་གིས་དྲག་བྱས་པ་མ་ཟད། བརྒྱུད་ལམ་ཚང་མ་བཀག་འགོག་ བྱས་ཡོད་སྟབས། ད་ལྟ་ཕན་ཚུན་འབྲེལ་བ་བྱེད་རྒྱུར་དཀའ་ངལ་ཆེན་པོ་འཕྲད་བཞིན་ཡོད་པ་རེད།
ཕྱི་ཟླ་ ༡ ཚེས་ ༡༨ ཉིན་ གསེར་རྟ་རྫོང་ཕུའུ་ཤང་དུ་རླུང་རྟའི་རྒྱབ་ངོས་སུ་བོད་ ཀྱི་རྒྱལ་ དར་དང་ ། དེའི་མཐའ་སྐོར་དུ་ ༸ རྒྱལ་དབང་བསྟན་འཛིན་རྒྱ་མཚོ་ཁྲི་ལོ་བརྟན་པར་ཤོག བོད་རྒྱལ་ལོ། སོགས་བྲིས་འདུག་པའི་ཡིག་ཆ་དེ་བསྐྱར་དུ་ས་གནས་གང་སར་གཏོར་འགྲེམས་བྱས་ཡོད་འདུག
དུས་བབ་ལས།
བཀའ་ཤག་གིས་ཕྱི་རྒྱལ་སྐུ་ཚབ་དོན་གཅོད་ཁག་ལ་བཏང་བའི་བརྡ་ཁྱབ་ནང་། ཕྱི་ཟླ་ ༢ པའི་ཚེས་ ༨
རེས་གཟའ་ལྷག་པའི་ཉིན་བོད་མི་དང་བོད་དོན་རྒྱབ་སྐྱོར་བ་ཚོས་འཛམ་གླིང་ཡོངས་སུ་ཉིན་བརྒྱ་དུས་གཅིག་ཏུ་བོད་དོན་ལས་འགུལ་དང་མཆོད་འབུལ་སྨོན་ལམ་གནང་ དགོས་ཤིང་། ཉིན་དེར་བོད་མི་རྣམས་ཀྱི ས་ངེས་པར་དུ་ བོད་ཆས་གྱོན་ཏེ་ཁ་རས་ནག་པོ་དཀྲི ས་ཏེ་བདེན་ཚིག་སྨོན་ལམ་ འདོན་དགོས་པ་དང་། ཕྱི་ཟླ་ ༢ ཚེས་ ༢༢ ཉིན་བོད་ཀྱི་ལོ་གསར་ ལ་འཁེལ་སྟབས། ཉིན་དེར་བོད་མི་ཚོས་ཆོས་ཕྱོགས་དང་སྲོལ་རྒྱུན་བྱེད་སྒོ་ཁག་མ་གཏོགས་སྤྲོ་སྐྱིད་ རིགས་མི་གཏོང་རྒྱུར་འབོད་སྐུལ་ཞུ་བཞིན་ཡོད། ཅེས་བཀོད་འདུག
བོད་མི་མང་སྤྱི་འཐུས་ལྷན་ཚོགས་ ཀྱི་བརྡ་ཁྱབ་ནང་། སྤྱི་འཐུས་ལྷན་ཚོགས་ཀྱིས་ལྡི་ལིར་བཅའ་བཞུགས་གཞུང་ཚབ་ཁག་ལ་ བོད་ནང་གི་ཛ་དྲག་གནས་སྟངས་ཞུ་སྐུལ་དང་། རྒྱ་ནག་ གི་སྲིད་འཛིན་ཧུའུ་ཅིན་ཐའོ་ལ་སྙན་ཞུ་བསྐུར་ བ། མཉམ་འབྲེལ་རྒྱལ་ཚོགས་དང་རྒྱལ་སྤྱིའི་དཔོན་རིགས་ཁག་ལ་ཞུ་སྙན་འབུལ་ རྒྱུ་དང་།རྒྱལ་ཚོགས་དྲུང་ཆེར ་སྤྱི་འཐུས་ཀྱི་ཚབ་ཐུག་ ཐབས་བྱ་རྒྱུ། ཕྱི་རྒྱལ་གྲོས་ཚོགས་ཁག་ ཏུ་བོད་དོན་ཐོག་རྒྱབ་སྐྱོར་གྲོས་ཆོད་ སྣོན་འཇོག་ ཡོང་ཐབས ་གནང་རྒྱུ་ཡིན་ཚུལ་སོགས་བཀོད་འདུག
གཞན། ཞི་རྒོལ་ནང་འདས་གྲོངས་སུ་ཕྱིན་པ་དག་གི་ཆེད་ཆུ་འབྲུག་ལོའི་ལོ་གསར་སྐབས། ཆོས་ཕྱོགས་ཀྱི་བྱེད་སྒོ་ ཙམ་ལས་གཞས་ཞབས་བྲོ་སོགས་ མི་གཏོང་རྒྱུ་དང་། ལོ་གསར་བསང་གསོལ་སྐབས ་བདེན་ཚིག་སྨོན་ལམ་དང་། བོད་སྐྱོང་ལྷ་སྲུང་འཕྲིན་བསྐུལ།
གུ་རུའི་ཐུགས་དམ་གནད་བསྐུལ། གསོལ་འདེབས་བདེན་པའི་རྔ་སྒྲ་ སོགས་བགྲང་གསོག་ གནང་རྒྱུ། ལོ་གསར་ཚེས་གཅིག་ཉིན་ཐེག་ཆེན་ཆོས་གླིང་གཙུག་ལག་ཁང་དུ་ཚེས་གཏོར་གྲུབ་ རྗེས་ངྷ་སར་གནས་བཞུགས་སྤྱི་འཐུས་རྣམ་པ ས་དགོང་དྲོའི་ཆུ་ཚོད་ ༥ པ་བར་ ཟས་བཅད་ སྨྱུང་གནས་ གནང་རྒྱུ་དང་། སྐབས་དེར་བཞུགས་སྒར་ཉེ་ཁུལ་ གྱི་མི་མང་མཉམ་ཞུགས་ དང་ས་གནས་ཁག་ནས་ཀྱང་དེ་ལྟར་ཡོང་བའི་འབོད་སྐུལ།
ད་ལོའི་ལོ་གསར་ནས་བཟུང་བོད་མི་གནས་ཡུལ་ས་གནས་ཡོངས་སུ་ལྷག་དཀར་ནམ་ཡིན་ལ་བོད་ཟས་དང་བོད་གོས། བོད་སྐད་བཀོལ་སྤྱོད་ སོགས་བོད་པའི་ཆོས་དང་རིག་གཞུང་རྒྱུན་འཛིན་གྱི་བྱེད་སྒོ་ཁག་སྲུང་ གཙི་དང་། ལོ་གཅིག་རིང་གཞིས་ཆགས་ཁག་ཏུ་ཟླ་རེའི་ལྷག་དཀར་དང་པོ་སྲུང་བརྩི་ཞུ་ཆེད།
འབྲེལ་ཡོད་གོ་སྒྲིག་བྱེད་མཁན་ནས་ལྷག་དཀར་སྲུང་བརྩི་དགོས་པའི་རྒྱུ་མཚན་ངོ་སྤྲོད་དང་༸གོང་ས་མཆོག་གིས་ལྗགས་རྩོམ་ གནང་བའི་ཞལ་འདོན་ཁག་བཞི་སྒྲོག་འདོན་བྱེད་དགོས །
ཞེས་སོགས་བཀོད་འདུག
༡༠༡༢།༢།༤
གནས་ཚུལ་བཏང་འབྱོར་ལ། དེ་རིང་ཡུ་རོབ་བོད་རྒྱ་མཛའ་འབྲེལ་མཐུན་ཚོགས ་དང་། བོད་རྒྱ་སོག་པོ་ཡུ་གུར་མཉམ་འབྲེལ་མཐུན་ཚོགས ་ཞུ་བ་གཉིས་ཐུན་མོང་ཐོག ༼ རྒྱ་དམར་གཞུང་གིས་བོད་མིའི་ཞི་རྒོལ་ལ་ཁྲག་དྲི་བྲོ་བའི་དྲག་གནོན་ལ་རྒོལ་གཏམ ༽
ཞེས་པ་ཞིག་སྤེལ་ཏེ། བོད་ནང་རྒྱ་གཞུང་གིས་དྲག་པོའི་སྲིད་བྱུས་ལག་བསྟར་བྱེད་བཞིན་པར་སྐྱོན་བརྗོད་བྱས་འདུག
བསྒྲགས་གཏམ་ནང་བཀོད་དོན། “ ཕྱི་ལོ་ ༢༠༡༢ ལོའི་དཔྱིད་གསར་དུས་ཆེན་རྗེས་ཀྱི་ཉིན་ཤས་ནང་ཟི་ཁྲོན་ཞིང་ཆེན་གྱི་ནུབ་ཕྱོགས་སུ་ཆགས་པའི་བོད་ཀྱི་ས་ཁུལ་གསེར་རྟ་དང་།
མགོ་ལོག་རྔ་པ་སོགས་ཀྱི་བོད་མིས་འགྲོ་བ་མིའི་ཐོབ་དང་རང་དབང་གྱི་འབོད་ཚིག་ཐོག་ཞི་བའི་སྐད་འབོད་ལ་རྒྱ་གཞུང་གི་དྲག་ཆས་ཉེན་རྟོག་དམག་དཔུང་གིས་དྲག་པོའི་མཚོན་ཆ་བེད་སྤྱད་ དེ་དྲག་གནོན་བྱས་པ་མ་ཟད། མེ་མདའ་གང་བྱུང་ བརྒྱབ་ནས་བོད་མི་དྲུག་དམར་གསོད་དང་། དེ་བཞིན་མི་ཉུང་བ་ཞིག་ལ་རྨས་སྐྱོན་ཚབས་ཆེན་ བཟོས་ཡོད། ང་ཚོའི་ངོས་ནས་དེ་ནི་མི་རིགས་ ཁེར་རྐྱང་གཅིག་གི་དྲག་གནོན་མ་ཡིན་པར་ཉེ་བའི་ཆར་ནང་སོག་དང་། ཡུ་གུར་མི་རིགས་ལའང་སྔར་བས་དམ་དྲག་བྱེད་ཤུགས་ཆེ་རུ་བཏང་ཡོད།
དཔེ་མཚོན་ཞིག་ཞུས་ན། རྒྱ་དམར་དབང་འཛིན་པས་ཁཱ་ཟླ་ཡི་ནང་མི་ཚང་མར་སྡུག་གཅོད་མནར་གཅོད་དང་། དེ་བཞིན་ཡུ་གུར་མི་རིགས་དང་ དམང ས་གཙོའི་ལས་འགུལ་བར་ཉིན་རེ་བཞིན་གནོད་འཚེ་དང་དམ་དྲག་ཇེ་ཆེར་གཏོང་བཞིན་ཡོད ” ཅེས་བཀོད་འདུག
བསྒྲགས་གཏམ་ནང་མུ་མཐུད་དུ་བསྟན་དོན “ ངེད་ཡུ་རོབ་བོད་རྒྱ་མཛའ་འབྲེལ་མཐུན་ཚོགས་དང་།
བོད་རྒྱ་སོག་པོ་ཡུ་གུར་མཉམ་འབྲེལ་མཐུན་ཚོགས་ཀྱིས་རྒྱ་གཞུང་གིས་བོད་མིའི་ཐོག་སླར་ཡང་དྲག་གནོན་བྱས་པ་ལ་རྒོལ་གཏམ་དྲག་པོ་གཏོང་རྒྱུ་ཡིན། དེ་དང་དུས་མཚུངས་བོད་མིས་ དམང ས་གཙོ་དང་རང་དབང་འགྲོ་བ་མིའི་ཐོབ་ཀྱི་བདེན་པའི་འཐབ་རྩོད་ལ་མཐའ་གཅིག་ཏུ་རྒྱབ་སྐྱོར་དང་།
ཞི་བའི་ལས་འགུལ་ནང་སྐུ་སྲོག་ཤོར་བ་དང་རྨས་མ་དེ་བཞིན་རྒྱ་ཡི་བཙོན་འོག་ཏུ་ཚུད་པ་རྣམས་ལ་གདུང་སེམས་མཉམ་སྐྱེ ད་ཞུ་རྒྱུ་ཡིན་ལ།
རྒྱལ་སྤྱིའི་སྤྱི་ཚོགས་དང་རྒྱལ་ཁབ་ཁག་གི་སྲིད་གཞུང་གིས་དཀའ་ཚེགས་ཆེ་བའི་དུས་ཚོད་ལ་བྱ་ཐབས་ནན་ཏན་དང་ལག་ལེན་ངོ་མའི་ཐོག་ནས་བོད་མིའི་ཚོའི་གཞི་རྩའི་འགྲོ་བ་མིའི་ཐོབ་ཐང་ལ་སྲུང་སྐྱོབ་ཐུབ་པའི་འབོད་སྐུལ་ནན་པོ་ཞུ་རྒྱུ་ཡིན།
ཞེས་སོགས་བཀོད་འདུག
རྒྱ་གཞུང་གིས་ཤིན་ཅང་ནང་དམག་མི་ ༨༠༠༠ བསྡུ་རུབ་བྱས་ཏེ། སྡེ་བ་རེའི་ནང་ཉུང་མཐར་དམག་མི་རེ་གདན་སྡོད་ཀྱི་དམ་དྲག་སྲིད་ཇུས་ལག་བསྟར་བྱ་བཞིན་འདུག
ཉེ་ཆར་རྒྱ་གཞུང་གིས་ཤིན་ཅང་ས་ཁུལ་གྱི་གྲོང་རྡལ་ཁག་ཏུ་སྲང་ལམ་དོ་དམ་ཁང་དང་། གཞི་རིམ་སྡེ་བ་སོ་སོའི་ནང་ཉེན་རྟོག་ལས་ཁུངས་རེ་གསར་འཛུགས་ཀྱི་མགོ་བརྩམས་ཤིང་། ཉེན་རྟོག་དམག་མི་ ༨༠༠༠
ལྷག་བསྡུ་རུབ་ཀྱིས་སྡེ་བ་རེའི་ནང་དམག་མི་གཅིག་རེ་དང་། ཡང་ན། དམག་མི་འགའ་རེ་གཏན་སྡོད་ཀྱི་སྲིད་ཇུས་ལག་བསྟར་བྱས་ཏེ། ཤིན་ཅང་གི་ས་ཁུལ་སོ་སོའི་ནང་མང་ཚོགས་ཀྱི་འགྲུལ་བཞུད་ལ་ལྟ་རྟོག་དྲི་གཅོད་དང་།
ཆོས་ལུགས་ཀྱི་བྱེད་སྒོ་ཁག་ལ་སྔར་བའི་བཀག་སྡོམ་གྱི་སྲིད་ཇུས་སྤེལ་མགོ་བརྩམས་འདུག
ཟླ་འདིའི་ཕྱི་ཚེས་ ༣༡ ཉིན་རྒྱ་ནག་ཞིན་ཧྭ་གསར་ཁང་གིས་གནས་ཚུལ་སྤེལ་བ་ལྟར་ན། ཉེ་ཆར་ཤིན་ཅང་རང་སྐྱོང་ལྗོངས་ས་གནས་རྒྱ་གཞུང་དམར་ཤོག་རྒྱུ་ལས་ཀྱིས་ཐག་གཅོད་ལྟར། ད་ལོ་ཤིན་ཅང་ནང་ཉེན་རྟོག་དམག་མི་ ༨༠༠༠
ལྷག་བསྡུ་རུབ་ཀྱིས་གཞི་རིམ་ས་ཁུལ་ཁག་ནང་། “སྡེ་བ་རེའི་ནང་དམག་མི་གཅིག་རེ་དང་། སྡེ་བ་རེའི་ནང་དམག་མི་འགའ་རེ་” ཡི་སྲིད་ཇུས་གསར་བ་ལག་བསྟར་བྱས་ཏེ། གྲོང་རྡལ་ཁག་ཏུ་སྲང་ལམ་དོ་དམ་ཁང་དང་།
སྡེ་བ་ཁག་ནང་ཉེན་རྟོག་ཁང་གསར་འཛུགས་བྱ་རྒྱུ་ཡིན་པ་མ་ཟད། ཆེད་མངགས་ཉེན་རྟོག་དམག་མི་ ༣ དང་དམངས་དམག་ ༦ ལས་མི་ཉུང་བའི་མཉམ་འབྲེལ་རུ་ཁག་བཙུགས་ཏེ།
གཞི་རིམ་གྲོང་སྡེ་དང་ས་ཁུལ་ཁག་ནང་སྐོར་བསྐྱོད་ཀྱིས་མང་ཚོགས་ཀྱི་འགྲུལ་བཞུད་ཐད་ཕྱོགས་ཡོངས་ནས་ལྟ་རྟོག་ཞིབ་བཤེར་གྱི་ལས་གཞིར་ཤུགས་བསྣན་དེ་སྤྱི་ཚོགས་བརྟན་ལྷིང་བཟོ་རྒྱུ་ཡིན་སྐོར་བརྗོད་འདུག
རྒྱ་གཞུང་གིས་ཤིན་ཅང་ནང་དམག་མིས་དམ་དྲག་སྒྲིག་གཞི་སྔར་བས་ཤུགས་ཆེ་གཏོང་བཞིན་པའི་ཐད། འཛམ་གླིང་ཡུ་གུར་འཐུས་ཚབ་ཚོགས་པའི་མགྲིན་ཚབ་པ་སྐུ་ཞབས་ཏིས་ལིས་ཞཱ་ཏིས་ཀྱིས། “
ང་ཚོས་ངོས་འཛིན་ནི་རྒྱ་ནག་གཞུང་ལ་ཤིན་ཅང་གི་གནད་དོན་སེལ་འདོད་ཀྱི་ལྷག་བསམ་རྩ་བ་ནས་མི་འདུག
དེང་སྐབས་རྒྱ་གཞུང་གིས་ལག་བསྟར་བྱེད་བཞིན་པའི་སྤྱི་ཚོགས་བརྟན་ལྷིང་གི་ལས་གཞི་དེ་དག་གིས་ཡུ་གུར་མི་མང་ལ་ཆབ་སྲིད་ཀྱི་འཇིགས་འཇིགས་སྣང་ཞིག་སྐྱེད་བཞིན་ཡོད་ལ།
ཅང་ཤིང་ནང་ཟང་ཟིང་འབྱུང་རྐྱེན་མཐའ་དག་ནི་ད་ལྟའི་རྒྱ་གཞུང་གི་སྲིད་ཇུས་དེ་དག་ལ་བརྟེན་ནས་བྱུང་བ་རེད། ” ཅེས་བརྗོད་པར་མ་ཟད། ཁོང་གིས་གལ་སྲིད་རྒྱ་གཞུང་ལ་ལྷག་བསམ་རྣམ་གི་ཐོག་ནས་གནད་དོན་སེལ་འདོད་ཡོད་ན།
ཐོག་མར་ཆ་རྐྱེན་གང་ཡང་མེད་པའི་ཐོག་ནས་ཡུ་གུར་མི་རིགས་ལ་ཆབ་སྲིད་ཐད་ནས་རང་དབང་གདམ་ག་བྱ་རྒྱུའི་དབང་ཆ་ཡོད་པ་དེར་བརྩི་བཀུར་བྱ་དགོས་པ་དང་།
གཉིས་ནས་དཔལ་འབྱོར་ལམ་ལུགས་ཐད་ནས་རང་མོས་སྒྲིག་འགོད་ཀྱི་ཁེ་དབང་སྤྲོད་དགོས་པ་ནན་བརྗོད་བྱས་འདུག
ལོ་སྔོན་མའི་ཕྱི་ཟླ་ ༡༡ ཚེས་ ༢༣ ཉིན་དམག་མི་ ༣༠༠༠ ལྷག་ཤིན་ཅང་གཞི་རིམ་ས་ཁུལ་ཁག་ནང་ཆེད་གཏོང་འགྲེམས་འཇོག་བྱས་ཡོད་འདུག
དེང་སྐབས་ས་གནས་ཡུ་གུར་མི་རིགས་ཀྱིས་ཤིན་ཅང་ས་ཁུལ་ནང་ཡོད་སྤྱིའི་མི་འབོར་གྱི་བརྒྱ་ཆ་ ༤༠ མ་གཏོགས་ཟིན་གྱི་མེད་པ་རེད།
བོད་ལ་ཡང་འདི་ལྟར་བྱེད་ངེས་རེད།
དེ་རིང་ཕྱི་ཚེས་ ༢༧ ཉིན་གྱི་ཕྱི་དྲོའི་ཆུ་ཚོད་ ༤ པའི་སྟེང་དབུས་བོད་མི་སྒྲིག་འཛུགས་ཕྱི་དྲིལ་ལྷག་པ་ཚེ་རིང་ཚོགས་ཁང་དུ། བོད་མི་མང་སྤྱི་འཐུས་ ཀྱི ་གསར་འགོད་གསལ་བསྒྲགས
ཐོག་མར་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་གིས་ཉེ་ལམ་བོད་ཀྱི་ཁམས་བྲག་མགོ་རྫོང་དང་། གསེར་རྟ། རྔ་པ། མགོ་ལོག་བཅས་སུ་རྒྱ་དམག་གིས་བོད་མི་དམར་གསོད་དང་འཛིན་བཟུང་བྱས་པའི་ལོ་རྒྱུས་སྐོར་ངོ་སྤྲོད་གནང་སོང་ལ། དེའི་རྗེས་ཚོགས་གཞོན་མཁན་པོ་བསོད་ནམས་བསྟན་འཕེལ་མཆོག་གིས། ༡༩༤༩
ལོ་ནས་ད་བར་རྒྱ་དམར་གྱིས་བོད་མི་དམར་གསོད་དང་དགོན་སྡེ་གཏོར་བཤིག ཆོས་དང་རིག་གཞུང་རྨེག་མེད་དུ་བཏང་བའི་ལོ་རྒྱུས་སྒྲོག་སྦྱང་དང་། ལྷག་པར་དུ་ ༢༠༠༩ ལོ་ནས་ ༢༠༡༢ ལོའི་ལོ་མགོ་བར་བོད་མི་ ༡༧
ཙམ་གྱིས་རང་ལུས་མེར་བསྲེགས་བཏང་བའི་གནས་སྟངས་སྐོར་ངོ་སྤྲོད་གནང་བྱུང་།
སྤྱི་འཐུས་ལྷན་ཚོགས་ཀྱི་གསལ་བསྒྲགས་ནང་འཁོད་དོན། “ རྒྱ་ནག་གི་དཔྱིད་གསར་དུས་ཆེན་སྐབས་ཏེ། ༢༠༡༢ ལོའི་ཟླ་ ༡ ཚེས་ ༢༣
ཉིན། བོད་ཀྱི་བྲག་འགོ་རྫོང་དུ་མང་ཚོགས་ཀྱིས་ངོ་རྒོལ་ཁྲོམ་སྐོར་བྱས་སྐབས་རྒྱ་གཞུང་གི་དྲག་ཆས་མི་སྣས་མེ་མད འ་གང་བྱུང་བརྒྱབ་སྟེ། བོད་མི་ནོར་པ་ཡོན་ཏན་དང་གེ་འཕེན་ལོ་བརྒྱ་ཚང་གི་བུ་གཉིས་དམར་གསོད་བཏང་བ་དང་། གཞན་བོད་མི་མང་པོ་ཞིག་ལ་རྨས་སྐྱོན་ཚབས་ཆེན་བཟོས་ཡོད། ཕྱི་ཚེས་ ༢༤ ཉིན་གསེར་རྟ་རྫོང་དུ་མི་མང་གིས་ངོ་རྒོལ་སྐད་འབོད་བྱས་སྐབས། རྒྱ་ནག་ཉེན་རྟོག་པ་དང་དམག་མིས་མང་ཚོགས་ཁྲོད་མེ་མད འ་བརྒྱབ་སྟེ། དབོན་བཟའ་སྡེ་བའི་པོ་པོ་དང་། ཤོ་རེབ་གྲོང་ཚོའི་ཟླ་བ་གྲགས་པ་གཉིས་དམར་གསོད་དང་།
བོད་མི་བཅུ་ཕྲག་འགའ་ལ་རྨས་སྐྱོན་ཕོག་ཡོད། དེ་བཞིན། རྔ་བ་རྫོང་དང་། འཛམ་ཐང་རྫོང་། འབར་ཁམས་རྫོང་། པད་མ་རྫོང་གི་མང་ཚོགས་ཀྱིས་ཞི་བའི་སྒོ་ནས་གཞི་རྒྱ་ཆེ་བའི་རྔམ་སྟོན་ཁྲོམ་སྐོར་བྱ ས་སྐབས་བོད་མི་མང་པོ་ཞིག་འཛིན་བཟུང་བཙན་ཁྲིད་བྱས་འདུག ཕྱི་ཚེས་
༢༦ ཉིན་འཛམ་ཐང་རྫོང་བར་མ་ཤང་དུ་ཞི་རྒོལ་སྐབས། རྒྱ་ནག་ཉེན་རྟོག་པས་མེ་མད འ་བརྒྱབ་སྟེ། བར་མ་ཤང་བཤོས་མདའ་སྡེ་བའི་ཕ་སྤོས་ཐར་གྱི་བུ་ལོ་ ༢༠ ཅན་གྱི་ཨོ་རྒྱན་དམར་གསོད་དང་། བོད་མི་སྐོར་ཞིག་ལ་རྨས་སྐྱོན་ཕོག་ཡོད ”
ཅེས་འཁོད་འདུག
གསལ་བསྒྲགས་དེར་མུ་མཐུད་དུ་འཁོད་དོན། “ རྒྱ་གཞུང་གིས་བོད་རང་སྐྱོང་ལྗོངས་དང་མཚོ་སྔོན། ཁམས་པའི་བརྙན་འཕྲིན་སོགས་བོད་སྐད་འཕྲིན་ལམ་ཁག་ཏུ་བོད་མི་ཚོས་རྒྱའི་ལོ་གསར་དགའ་སྟོན་ལ་རོལ་བཞིན་པའི་རྣམ་པ་མངོན་ཐབས་བྱེད་བཞིན་པའི་སྐབས་སུ། ལུགས་རྙིང་གི་ལོ་ཐོ་དར་སའི་མདོ་ཁམས་ཀྱི་ཡུལ་སྡེ་ཁག་ཏུ་ལོ་གསར་གྱི་དུས་ཆེན་སྲུང་བརྩི་མ་བྱས་པར། རྣམ་པ་ཅི་རིགས་ཐོག་རང་ལུས་མེར་བསྲེགས་གཏོང་མཁན་དཔའ་བོ་དཔའ་མོ་ཚོར་གདུང་སེམས་མཉམ་སྐྱེད་བྱས་ཡོད་
” ཅེས་འཁོད་འདུག
མུ་མཐུད་དུ། “ ལྕགས་ཡོས་ལོར་རང་ལུས་མེར་བསྲེགས་གཏོང་མཁན་གྱི་འདས་གསོན་དཔའ་བོ་དཔའ་མོ་རྣམས་དང་།
རྒྱ་ནག་ལོ་གསར་སྐབས་ཀྱི་རྔམ་སྟོན་ཁྲོམ་སྐོར་ལས་འགུལ་བའི་འབོད་ཚིག་དག་ནི། ༧རྒྱལ་བ་རིན་པོ་ཆེ་བོད་ལ་གདན་འདྲེན་ཞུ་དགོས། ༸རྒྱལ་བ་རིན་པོ་ཆེ་སྐུ་ཚེ་ཁྲི་ལོར་བརྟན་པར་ཤོག བོད་ལ་རང་དབང་དགོས་ཞེས་པ་དེ་ཡིན་ཞིང་།
ཁོང་རྣམས་ཀྱི་བློས་གཏོང་ཆེན་པོའི་ལས་འགུལ་དེར་སྐབས་དུས་སོ་སོར་༧གོང་ས་མཆོག་དབུ་བཞུགས་ཐོག་བོད་ཀྱི་བླ་ཆེན་ཚོས་བསྔོ་སྨོིན་མཆོད་འབུལ་གནང་ཡོད་ལ།
བཀའ་སྤྱི་ཐུན་མོང་གི་གོ་སྒྲིག་འོག་གཞུང་འབྲེལ་ཐོག་གདུང་སེམས་མཉམ་སྐྱེད་ཀྱི་ལས་འགུལ་སྤེལ་ཏེ་རྒྱལ་སྤྱིའི་ནང་ཞུ་སྐུལ་རིམ་པར་བྱས་ཡོད། ཨ་རི་དང་ཡུ་རོབ་གྲོས་ཚོགས། མཉམ་འབྲེལ་རྒྱལ་ཚོགས་འགྲོ་བ་མིའི་ཐོབ་ཐང་ལྷན་ཚོགས་སོགས་རྒྱལ་ཁབ་ཁག་གི་གཞུང་དང་། གྲོས་ཚོགས་ཀྱིས་གདུང་སེམས་མཉམ་སྐྱེད་ཀྱི་གསལ་བསྒྲཊ་དང་། གྲོས་ཆོད་འཇོག་པ།
གྲོས་ཚོགས་སུ་བགྲོ་གླེང་། རྒྱ་གཞུང་ལ་དྲག་གནོན་མཚམས་འཇོག་དགོས་པའི་གསལ་འདེབས་བཅས་གནང་ཡོད་ལ། རྒྱལ་སྤྱིའི་གཞུང་འབྲེལ་མ་ཡིན་པའི་ཚོགས་པ་ཁག་དང་། བོད་དོན་རྒྱབ་སྐྱོར་ཚོགས་པ། རྒྱ་རིགས་དམངས་གཙོ་དོན་གཉེར་བའི་ཚོགས་པ། རྒྱ་བལ་འབྲུག་གཙོས་བོད་མི་གནས་ཡུལ་ཁག་དང་། དྲང་བདེན་ལ་དགའ་བའི་མི་སྒེར་བཅས་ཀྱིས་རྒྱབ་སྐྱོར་གནང་ཡོད ” ཅེས་འཁོད་འདུག
སྤྱི་འཐུས་ལྷན་ཚོགས་ཀྱིས་ཛ་དྲག་ལས་འགུལ་ཁག་ཅིག་སྤེལ་འཆར་ཡོད་པ་ནི། གཅིག སྤྱི་འཐུས་ཀརྨ་ཆོས་འཕེལ་ལགས་གཙོས་སྤྱི་འཐུས་རྨོག་རུ་བསྟན་པ་དང་། སྤྱི་འཐུས་འཇམ་དབྱངས་བཟོད་པ། སྤྱི་འཐུས་འཇུ་ཆེན་དཀོན་མཆོག་ བཅས་ཀྱིས་ཕྱི་ཚེས་ ༢༩ ཉིན་ལྡི་ལིར་ཆེད་བསྐྱོད་ཀྱིས་མཉམ་འབྲེལ་རྒྱལ་ཚོགས་དང་། གཞུང་ཚབ་ཁག་ལ་བོད་ནང་གི་ཛ་དྲག་གནས་སྟངས་ཞུ་སྐུལ་དང་། རྒྱ་ནག་གཞུང་ཚབ་པར་ཐུག་འཕྲད་བྱས་ཏེ། སྤྱི་ལྷན་གྱི་ཛ་དྲག་དགོས་འདུན་ཁག་གདོང་ཐུག་གིས་སྤྲོད་རྒྱུ། གཉིས།
རྒྱ་ནག་སྲིད་འཛིན་ཧུའུ་ཅིན་ཐའོ་ལ་སྤྱི་ལྷན་ཡོངས་བསྒྲགས་ཀྱི་སྙན་ཞུ་སྤྲོད་རྒྱུ། གསུམ། མཉམ་འབྲེལ་རྒྱལ་ཚོགས་དང་རྒྱལ་སྤྱིའི་དཔོན་རིགས་ཁག་ལ་ཞུ་སྙན་འབུལ་རྒྱུ།
གྲོས་ཚོགས་ཁག་སོ་སོར་བོད་དོན་རྒྱབ་སྐྱོར་གྱི་གྲོས་ཆོད་འཕར་མ་འཇོག་ཐབས་དང་། རྒྱལ་ཚོགས་དྲུང་ཆེ་རྒྱུན་ལས་ཀྱི་སྐུ་ཚབ་ངོ་ཐུག་ཐུབ་ཐབས་ཀྱི་འབད་བརྩོན་བྱ་རྒྱུ། བཞི།
ཕྱི་རྒྱལ་བོད་རིགས་ཚོཊ་པ་དང་བོད་རིཊ་སྤྱི་མཐུན་ཚོཊ་པ་ཁག རྒྱ་གར་བོད་མི་སིལ་ཚོང་བ་བཅས་ཀྱིས་བོད་ནང་གི་ཛ་དྲག་གནས་སྟངས་ཐད་གདུང་སེམས་མཉམ་སྐྱེད་ཀྱི་ཞི་བའི་ལས་འགུལ་སྤེལ་རྒྱུ། ལྔ། ཕྱི་ལོ་ ༢༠༡༢ ཟླ་ ༢ ཚེས་ ༨ ཉིན་འཛིན་སྐྱོང་བཀའ་ཤག་གིས་ཡོངས་ཁྱབ་གསལ་བསྒྲགས་ནང་། རྒྱལ་སྤྱིའི་ཐོག་གདུང་སེམས་མཉམ་སྐྱེད་ལས་འགུལ་ཉིན་བརྒྱ་དུས་གཅིག་ཏུ་སྤེལ་རྒྱུར་བོད་མི་རྣམས་མཉམ་ཞུགས་དགོས་རྒྱུ། དྲུག སྤྱི་ཡོངས་ལྷག་དཀར་ཉིན་བོད་ཟས་དང་བོད་གོས། བོད་སྐད་བཀོལ་སྤྱོད་ཀྱིས་མཚོན་བྱེད་སྒོ་ཁག་བོད་མི་སྡོད་གནས་ཁག་ཏུ་སྲུང་བརྩི་ཞུ་རྒྱུ།
ལོ་གཅིག་རིང་གཞིས་ཆཊ་ཁག་ཏུ་ཟླ་རེའི་ལྷག་དཀར་སྲུང་བརྩི་ཞུ་ཆེད། ལྷག་དཀར་སྲུང་བརྩི་དགོས་པའི་རྒྱུ་མཚན་ངོ་སྤྲོད་དང་འབྲེལ།
བདེན་ཚིག་སྨོན་ལམ་དང་། བོད་སྐྱོང་ལྷ་སྲུང་འཕྲིན་བསྐུལ། གུ་རུའི་ཐུགས་དམ་གནད་བསྐུལ། གསོལ་འདེབས་བདེན་པའི་རྔ་སྒྲ་བཅས་སྒྲོག་འདོན་བྱ་རྒྱུ། བདུན། ཆུ་འབྲུག་ལོ་གསར་སྐབས། ལྕགས་ཡོས་ལོའི་བོད་ནང་གི་ཛ་དྲག་གནས་སྟངས་དང་བསྟུན་པའི་ཆོས་ཕྱོགས་ཀྱི་བྱེད་སྒོ་ཙམ་ལས། གཞས་ཞབས་བྲོ་སོགས་སྤྲོ་དགའི་རིགས་མི་གནང་རྒྱུའི་འབོད་སྐུལ་ཞུ་རྒྱུ།
བརྒྱད། ཆུ་འབྲུག་ལོ་གསར་ཚེས་གཅིག་ཉིན་ཐེག་ཆེན་ཆོས་གླིང་གཙུག་ལག་ཁང་དུ་ཚེས་གཏོར་གྲུབ་མཚམས། ངྷ་སར་གནས་བཞུགས་སྤྱི་འཐུས་རྣམས་དགོང་དྲོའི་ཆུ་ཚོད་ ༥ བར་ཟས་བཅད་སྙུང་གནས་གནང་རྒྱུ། དགུ ༢༠༡༢ ཟླ་ ༣ ཚེས་ ༡༦ ཉིན། ལྕགས་ཡོས་རང་ལུས་མེར་བསྲེགས་ལས་འགུལ་གྱི་ལོ་འཁོར་སྲུང་བརྩིའི་ཚུལ་དུ། སྤྱི་ལྷན་གྲོས་ཚོགས་ཚོགས་དུས་ ༣ པར་བོད་ནང་གི་ཛ་དྲག་གནས་སྟངས་སྐོར་གཞུང་འབྲེལ་གདུང་སེམས་མཉམ་སྐྱེད་ཀྱི་གྲོས་ཆོད་གྲོས་འཆར་ཕུལ་ཏེ་བགྲོ་གླེང་གནང་རྒྱུ་བཅས་བསྟན་འདུག
དེ་རིང་བོད་ནང་གི་ཆུ་ཚོད་ ༢ ཙམ་ལ་རྔ་པ་ཁུལ་འཛམ་ཐང་རྫོང་བར་མ་ཞང་གི་བོད་མི་ཚོས་རྒྱ་གཞུང་ལ་ངོ་རྒོལ་བྱས་སྐབས།
རྒྱ་ནག་ཉེན་རྟོག་པ་དང་དམག་མིས་མེ་མདའ་བརྒྱབ་སྟེ་བོད་མི་ཚོར་ཤི་རྨས་ཚབས་ཆེན་ཐེབས་ཡོད་པ་དང་། ཕྱི་དྲོའི་རྒྱ་གར་གྱི་ཆུ་ཚོད་ ༧ ཙམ་ལ་བར་མ་ཞང་ཐོག་ཏུ་འཛུ་སྟོད་སྨད་གཉིས་ཀྱི་བོད་མི་ཆིག་ཁྲི་ ༡༠༠༠༠
ལྷག་འཛོམས་ཏེ་གནས་ཚུལ་ཛ་དྲག་ཆགས་ཡོད་འདུག
ད་ལྟ་རང་གནས་ཚུལ་འབྱོར་བ་ལྟར་ན། དེ་རིང་ཉིན་གུང་བོད་ནང་གི་ཆུ་ཚོད་ ༡༢ ཙམ་ལ་ རྔ་པ་ཁུལ་འཛུ་སྟོད་འཛམ་ཐང་བར་མ་ཞང་ཐོག་ཏུ ། རི་སྤུངས་ནོར་མོའི་བུ་ཐར་པ་ ཞུ་བས་སྦྱར་ཡིག་ཅིག་བཀྲམས་ཏེ། ད་བར་མི་མང་པོ་ཞིག་གིས་རང་ལུས་མེར་ བསྲེག ས་གཏོང་དགོས་པའི་རྒྱུ་མཚན་བོད་ལ་རང་དབང་དགོས་པ་དང་། ༧རྒྱལ་བ་རིན་པོ་ཆེ་བོད་ལ་གདན་འདྲེན་ཞུ་རྒྱུའི་ཆེད་ཡིན་ པ། དམིགས་ཡུལ་དེ་མ་འགྲུབ་བར་དུ་ང་ཚོ་བོད་མི ་ཚོས་ལས་འགུལ་མཚམས་འཇོག་མི་སྲིད་ སྐོར་སོགས་བཀོད་ཡོད་ཅིང་། སྦྱར་ཡིག་གི་མཇུག་ཏུ་ཡི་གེ་ དེ་སྦྱར་མཁན་ཐར་པ་ཁོ་རང་ཡིན་ པའི་མིང་ཁ་གསལ་བཀོད་ཡོད་པ་མ་ཟད་ཁོང་གི་འདྲ་པར་ ཡང་བཀོད་དེ། ཁྱེད་རྒྱ་གུང་ཁྲན་འཛིན་བཟུང་བྱེད་དུ་ཤོག་ཅེས་བྲིས་ཡོད་ འདུག
ཉིན་རྒྱབ་བོད་ནང་གི་དུས་ཚོད་ ༢ ཙམ་ལ་ རྒྱ་ནག་གི་ཉེན་རྟོག་པ་དང་དམག་མི་མང་པོ ་འབྱོར་ཏེ་རི་སྤུངས་ནོར་མོ་ཚང་བསྐོར་ ཏེ་ཐར་པ་ ཟེར་བ་ཁོང་འཛིན་བཟུང་གིས་བཙན་ཁྲིད་བྱེད་སྐབས ། ས་གནས་བོད་རིགས་མི་མང་གིས་ནུས་ཤུགས་ཡོད་དགུས་བཀག་འགོག་བྱས་ཤིང་། དེ་དང་མཉམ་དུ་ངོ་རྒོལ་སྐད་འབོད་དང་ ། གལ་སྲིད་ཐར་པ་བཟུང་ ཚེ་བོད་མི་ཚང་མས་ཡར་ལངས་ རྒྱག་རྒྱུ་ཡིན་ཚུལ་སོགས་བརྗོད་ སྟབས། ཉེན་རྟོག་པས་མི་མང་ཐོག་ མེ་མདའ་སོགས་དྲག་ཆས་བེད་སྤྱོད་ བཏང་སྟེ། གནས་ཚུལ་ཡོང་ཁུངས་ ཀྱིས་བརྗོད་ན། མི་གཅིག་སྐབས་དེ་རང་དུ་འདས་གྲོངས་སུ་གྱུར་ཡོད་པ་དང་། གཞན་མི་མང་རྨས་སྐྱོན་ཕོག་ཡོད་ཀྱང་ ། ཁོང་རྣམས་ཀྱི་མིང་དང་ས་གནས་སོགས་ད་ སྔ་ཤེས་རྟོགས་ཐུབ་མི་འདུག
ད་ལྟ་འཛམ་ཐང་ཉེ་འཁོར་གྱི་བོད་རིགས་ཧ་ཅང་ཕོན་ཆེན་པོ་འཛོམ་བཞིན་ཡོད་ཅིང་། དོ་ནུབ་རྒྱ་གར་གྱི་ ཆུ་ཚོད་ ༧
ཙམ་ལ་ བར་མ་ཞང་ཐོག་ཏུ། འཛུ་སྟོད་འཛུ་སྨད་སོགས་ ཀྱི་ས་གནས་མང་པོ་ནས་མི་མང་ཆིག་ཁྲི་ ༡༠༠༠༠ ཡས་མས་འདུ་འཛོམས་བྱུང་ཡོད་པ་དང་།
ད་དུང་ས་གནས་མང་པོ་ནས་མི་མང་བར་མ་ཞང་དུ་ འདུ་བཞིན་ཡོད་འདུག
གཞན། ཕྱི་ཚེས་ ༢༣ ཉིན་ ཏེ་ལོ་གསར་ཚེ་གཅིག་ཉིན་རྔ་པ་རང་སྐྱོང་ཁུལ་འཛམ་ཐང་རྫོང་ན་འཛུ་སྨད་མདའ་ཞང་ཐོག་ནས་སྐྱ་སེར་ཕོ་མོ་གཅིག་སྟོང་ལྷག་གིས་མར་མེ་ཁྲོམ་སྐོར་བྱས་ཤིང་།
སྐབས་དེར་ལས་འགུལ་སྣེ་ཁྲིད་པས་ལོ་གསར་གྱི་ཉིན་མོ་འདི་ནི་རང་ལུས་མེར་ བསྲེག ས་ ཀྱིས་རྒྱ་གཞུང་ལ་ངོ་རྒོལ་གནང་མཁན་རྣམས་ལ་གདུང་སེམས་མཉམ་སྐྱེད་དང་རྗེས་དྲན་ཞུ་བའི་ཉིན་མོ་ཞིག་ལས་དགའ་སྤྲོས་ཁེངས་པའི་ཉིན་མོ་ཞིག་མིན་ཚུལ་དང་། རང་ལུས་མེར་ བསྲེག ས་གཏོང་མཁན་དཔའ་བོ་དཔའ་མོ་རྣམས་རེ་རེ་བཞིན་མི་མང་ལ་ངོ་སྤྲོད་དང་བཅས་གཏམ་བཤད་གནང་ཡོད་འདུག
གནས་ཚུལ་མཁོ་སྤྲོད་པ། གྲྭ ་བློ་བཟང་ཡེ་ཤེས་དང་ཀ་ཉག་ཚེ་རིང་།
དེ་རིང་ཉིན་གུང་བོད་ནང་གི་ཆུ་ཚོད་ ༡།༣༠ ཙམ་ལ། རྔ་པ་རྫོང་ཐོག་ཏུ་མི་སྐྱ་རང་ལོ་ཉི་ཤུ་ཡས་མས་ཅན་ཞིག་གིས་རྒྱ་གཞུང་ལ་ངོ་རྒོལ་
སྐད་འབོད་སྒྲོག་བཞིན་རང་ལུས་མེར་བསྲེགས་བཏང་ཡོད་འདུག འོན་ཀྱང་། སྐབས་དེའི་ཁོང་གི་འབོད་ཚིག་གི་ནང་དོན་ཅི་ཡིན་དང་། མིང་དང་ལོ་རྒྱུས་ས་ཆ་གང་ནས་ཡིན་པ་སོགས་ད་སྔ་ཤེས་ཐུབ་མ་སོང་ཟེར།
དེ་མ་ཐག་རྒྱ་ནག་གི་ཉེན་རྟོག་པ་དང་དམག་མི་མང་པོ་འབྱོར་ཏེ། ལྕག་མདུང་གི་སྣེ་རུ་ལྕག་གི་འཛེར་མ་མང་པོ་བསྟར་ཡོད་པའི་མཚོན་ཆ་སོགས་ཀྱིས་ ཕྱོགས་སོ་སོ་ནས་རུབ་རྡུང་བྱས་སྐབས།
ས་གནས་བོད་རིགས་མང་པོ་འདུ་འཛོམས་ཀྱིས་རེ་ཟུང་གིས་སྐད་འབོད་རྒྱག་པ་དང་རེ་ ཟུང་གིས་ཞུ་བ་བྱས་ཏེ། མེར་བསྲེགས་གཏོང་མཁན་དེ་ཚུར་ལེན་ཐབས་བྱས་ཀྱང་དམག་མི་དང་ཉེན་རྟོག་པ་ཧ་ཅང་མང་
བའི་དབང་གིས་ལོན་ཐུབ་མི་འདུག
སྐབས་དེར་མང་ཚོགས་དང་ཉེན་རྟོག་པའི་བར་འཁྲུག་འཛིང་ཤོར་ཏེ་མི་སྐྱ་གཉིས་དང་ བཙུན་མ་གཅིག་འཛིན་བཟུང་བྱས་ཡོད་པ་དང་། ལོ་ན་ཅུང་ཐོ་བའི་བུད་མེད་ཅིག་ལ་རྨས་སྐྱོན་ཚབས་ཆེན་ཕོག་སྟེ་ཤི་ཟིན་པར་ཚོད་
དཔག་བྱེད་ཀྱི་ཡོད་འདུག ས་གནས་སོ་སོ་ནས་བོད་རིགས་སྐྱ་སེར་ཧ་ཅང་མང་པོ་འཛོམས་ཏེ་གནས་ཚུལ་སྔར་ལས་ཛ་ དྲག་ཏུ་ཕྱིན་སྐབས། རྒྱ་དམག་གིས་མང་ཚོགས་ཁྲོད་དུག་རླངས་གཏོར་ཏེ་མི་མང་པོ་ས་རུ་འགྱེད་ཡོད་པ་མ་ ཟད།
དེའི་རྗེས་མང་ཚོགས་ཁྲོད་གང་བྱུང་དུ་མེ་མདའ་བརྒྱབ་སྟེ། མང་ཚོགས་ཀྱིས་མཐོང་ས་ནས་ཕོ་གསར་གཅིག་དང་བུད་མེད་གཅིག་བཅས་མི་གཉིས་ལ་མེ་མདའ་ ཕོག་ཡོད་ཅིང་།
བུད་མེད་དེར་རྨས་སྐྱོན་ཚབས་ཆེན་ཕོག་སྟེ་གདོང་པ་ཁྲག་གིས་གཡོག་ཡོད་པ་མང་པོ་ ཞིག་གིས་མཐོང་འདུག
རྙོག་དྲ་དེ་བྱུང་མ་ཐག་རྒྱ་གཞུང་གིས་རྔ་པ་ཀིརྟི་དགོན་པའི་སྒོ་ཆེན་བརྒྱབ་ཡོད་ ཀྱང་། དགེ་འདུན་པ་མང་པོ་ཞིག་ཡུལ་དངོས་ལ་འབྱོར་ཡོད་འདུག་ལ། དེ་མིན།
དགོན་པ་གཞན་དག་དང་རྫོང་ཉེན་འཁོར་གྱི་བོད་རིགས་མང་ཚོགས་ས་གནས་དེར་འཛོམ་བཞིན་ ཡོད་འདུག ད་ལྟ་ཕྱོགས་གཉིས་ཀའི་མི་འབོར་མང་དུ་འགྲོ་བཞིན་ཡོད་སྟབས་གནས་ཚུལ་ཛ་དྲག་ཆགས་ ཡོད་འདུག"
ཚེས་༢༥ཉིན།
་གནས་ཚུལ་མཁོ་སྤྲོད་བྱས་དོན་ལྟར་ན། ལུགས་རྙིང་ལོ་སར་ཚེས་ ༢ ཉིན་ཏེ་ཁ་སང་ཕྱི་ཚེས་ ༢༤ ཉིན་གྱི་ཉིན་གུང་ཙམ་ལ། ཨ་མདོ་མགོ་ལོག་པདྨ་རྫོང་གི་ཁྲོམ་གཞུང་དུ་བོད་མི་སྐྱ་བོ་སྐོར་ཞིག་གིས་སྐད་འབོད་ཁྲོམ་སྐོར་བྱས་སྐབས། རྒྱ་གཞུང་གི་ཉེན་རྟོག་པ་དང་དམག་མི་ཕོན་ཆེན་འབྱོར་ཏེ་བོད་མི་ངོ་རྒོལ་བ་ ༣༠ ཙམ་འཛིན་བཟུང་བཙན་ཁྲིད་བྱས་ཡོད་འདུག
ཐེངས་འདིའི་གནས་ཚུལ་དེ་ནི་ཉེ་ལམ་མགོ་ལོག་ཁུལ་གྱི་བླ་མ་བསོད་བྷོ་རིན་པོ་ཆེ་མཆོག་གིས་རྒྱ་གཞུང་ལ་ངོ་རྒོལ་གྱིས་རང་ལུས་མེར་བསྲེགས་བཏང་རྗེས་མགོ་ལོག་ཁུལ་གྱི་ལྕགས་རི་དགོན་པ་དང་ཨ་སྐྱོང་རྒྱ་དགོན་པ།
དར་ལག་དགོན་པའི་དགེ་འདུན་པ་ཁག་ཅིག་བཅས་ཀྱིས་མགོ་ལོག་ཁུལ་ཐོག་ཏུ་བསྟུར་མུར་ཐེངས་གསུམ་ཙམ་ལ་༧གོང་ས་མཆོག་བོད་ནང་གདན་འདྲེན་ཞུ་དགོས་པ་དང་བོད་ལ་རང་དབང་དགོས་པའི་ངོ་རྒོལ་སྐད་འབོད་བྱས་ཡོད་སྟབས།
ཉིན་ཤས་གོང་རྒྱ་གཞུང་གིས་ཡིག་ཆ་ཞིག་བཀྲམས་ཏེ་ལས་འགུལ་དེར་ཞུགས་མཁན་གྱི་གྲྭ་བ་ཡོངས་འཛིན་བཟུང་བྱ་རྒྱུའི་བཀའ་རྒྱ་ཞིག་བཏང་བ་ཡོད་སྟབས།
ས་གནས་མི་མང་ཚོས་དགེ་འདུན་པ་དེ་དག་རྒྱ་ལག་ཏུ་མི་ཤོར་ཆེད་ཁ་སང་མགོ་ལོག་པདྨ་རྫོང་གི་ཁྲོམ་གཞུང་དུ་ངོ་རྒོལ་སྐད་འབོད་ཀྱི་གནས་ཚུལ་དེ་སྤེལ་བ་ཞིག་ཡིན་འདུག
ད་སྔ་ཁ་སང་འཛིན་བཟུང་བྱས་པའི་བོད་མི་དེ་དག་གི་མིང་དང་ལོ་རྒྱུས།
གྲོང་སྡེ་དང་ཚོ་ཁག་གང་ནས་ཡིན་པ་སོགས་ཀྱི་ཞིབ་ཕྲའི་གནས་ཚུལ་ཤེས་རྟོགས་ཐུབ་མི་འདུག
ཁ་སང་ཕྱི་ཚེས་ ༢༤ ཉིན། ཨ་རིའི་གཞུང་གི་ཕྱི་འབྲེལ་མགྲིན་ཚབ་པ་ལྕམ་ནཱ་ལན་ཌི་ (Victoria Nuland) ལགས་དང་། ཨ་རིའི་མི་དམངས་ཀྱི་བདེ་དོན་དང་དམངས་གཙོ། འགྲོ་བ་མིའི་ཐོབ་ཐང་ལས་དོན་དྲུང་ཆེ་དང་། བོད་དོན་དམིགས་བསལ་འབྲེལ་མཐུད་སྐུ་ཚབས་ལྕམ་མའེ་རེ་ཨོ་ཊི་རའོ་ (Maria Otero) ལགས་རྣམ་གཉིས་ཀྱིས་སྔ་ཕྱིར་གསལ་བསྒྲགས་སྤེལ་ཏེ། ཉེ་ཆར་ལུགས་རྙིང་ལོ་གསར་ཚེས་ ༡ ཉིན་ཁམས་ བྲག་མགོ་དང་གསེར་རྟ་བཅས་སུ་བོད་མིས་ཞི་རྒོལ་སྐབས། རྒྱ་དམག་དྲག་ཆས་ཉེན་རྟོག་པས་མང་ཚོགས་ཁྲོད་གང་བྱུང་མེ་མདའ་བརྒྱབ་སྟེ་དམར་གསོད་དྲག་གནོན་བྱས་པའི་ཛ་དྲག་གནས་སྟངས་ཐད། ཨ་རིའི་གཞུང་གིས་བློ་འཚབ་ཆེན་པོ་ བྱེད་ཀྱི་ཡོད་པ་གསལ་འདོན་བྱས་ཡོད་པ་དང་། རྒྱ་གཞུང་གིས་༸གོང་ས་མཆོག་གི་སྐུ་ཚབ་དང་ལྷན་དུ་དོན་ཕན་ལྡན་པའི་གྲོས་མོལ་གྱི་ལམ་ནས་བོད་ཀྱི་གནད་དོན་སེལ་དགོས་པའི་འབོད་སྐུལ་གནང་ཡོད་པ་རེད།
ཨ་རིའི་ཕྱི་འབྲེལ་མགྲིན་ཚབ་པ་ལྕམ་ནཱ་ལན་ཌི་ལགས་ཀྱིས ་བརྗོད་དོན། “ ང་ཚོས་ཧ་ཅང་བློ་འཚབ་ཆེན་པོའི་སྒོ་ནས་བོད་ནང་མུ་མཐུད་ཛ་དྲག་གནས་སྟངས་འབྱུང་བཞིན་ཡོད་པ ར་དོ་སྣང་ཤུགས་ཆེན་པོ་ བྱེད་ཀྱིན་ཡོད་ལ། གནས་ཚུལ་དེ་དག་ཁྲོད་ཟི་ཁྲོན་ཞིང་ཆེན་དྲག་ཆས་དམག་མིས་ཞི་རྒོལ་བའི་སྟེང་མེ་མདའ་བརྒྱབ་སྟེ། མི་འགའ་ཤས་དམར་གསོད་དང་། མི་འགའ་ཤས་ལ་རྨས་སྐྱོན་བཟོས་ཡོད་འདུག ” ཅེས་བརྗོད་དེ། ཨ་རིའི་གཞུང་གིས་བོད་ནང་གི་ཛ་དྲག་གནས་སྟངས་ཐད་བློ་འཚབ་ཆེན་པོ་བྱེད་བཞིན་པ་གསལ་ སྟོན་གནང་བ་མ་ཟད། རྒྱ་གཞུང་གིས་བོད་མིའི་བསམ་བློའི་དབུ་ཁྲིད་ཏཱ་ལའི་བླ་མ་མཆོག་དང་ཁོང་གི་སྐུ་ཚབ་ལྷན་དུ་གྲོས་མོལ་གནང་དགོས་པའི་འབོད་སྐུལ་དང་། རྒྱ་གཞུང་གིས་བོད་ཐོག་འཛིན་པའི་ནོར་འཁྲུལ་ཅན་གྱི་སྲིད་ཇུས་དེའི་རྐྱེན་པས། བོད་ནང་གནས་སྟངས་ཛ་དྲག་ཏུ་འགྱུར་བཞིན་པ་མ་ཟད། བོད་མིའི་ཐུན་མིན་ཆོས་དང་རིག་གཞུང་། སྐད་ཡིག་བཅས་ལ་དཀའ་ཉེན་འཕྲད་བཞིན་ཡོད་པར་བརྟེན། བོད་ཐོག་འཛིན་པའི་རྒྱ་གཞུང་གི་སྲིད་ཇུས་དེར་བསྐྱར་ཞིབ་བྱ་དགོས་པ་ནན་བརྗོད་བྱས་འདུག
ཨ་རིའི་གཞུང་གི་བོད་དོན་དམིགས་བསལ་འབྲེལ་མཐུད་ལྕམ་མའེ་རེ་ཨོ་ཊི་རའོ་ལགས་ཀྱིས། “ ཨ་རིའི་གཞུང་གི་བོད་དོན་དམིགས་བསལ་འབྲེལ་མཐུན་པ་ཡིན་པའི་ངོས་ནས། ཉེ་ཆར་ཟི་ཁྲོན་ཞིང་ཆེན་དྲག་ཆས་ཉེན་རྟོག་པས་བོད་མི་ཞི་རྒོལ་བའི་ཁྲོད་མེ་མདའ་བརྒྱབ་སྟེ་མི་སེར་དཀྱུས་མར་ཤི་རྨས་དོན་རྐྱེན་བཟོས་པ་དང་། བོད་ནང་མུ་མཐུད་གནས་སྟངས་ཛ་དྲག་ཏུ་འགྲོ་བཞིན་པའི་ཐད་བློ་འཚབ་བྱེད་བཞིན་ཡོད ” ཅེས་བརྗོད་པ་མ་ཟད། ཉེ་སྔོན་རྒྱ་གཞུང་ལ་འབོད་སྐུལ་ནན་བརྗོད་ བྱས་པ་ལྟར། རྒྱ་གཞུང་གིས་ནོར་འཁྲུལ་ཅན་གྱི་སྲིད་ཇུས་མུ་མཐུད་ལག་སྟར་བྱས་ཏེ། ཆོས་སྤྱོད་ཀྱི་འཚོ་བ་དང་ཆོས་ལུགས་བྱ་འགུལ་བཅས་ལ་བཀག་སྡོམ་དང་། དགོན་སྡེ་ཁག་ནང་རྒྱལ་གཅེས་ཆོས་གཅེས་ཀྱི་སློབ་གསོ་སྲིད་ཇུས་སྤེལ་ཏེ་གྲྭ་བཙུན་ཚོར་བཙན་ཤུགས་ཀྱིས་༸གོང་ས་མཆོག་ལ་སྐྱོན་བརྗོད་བྱེད་འཇུག་པ། དགོན་སྡེ་ཁག་ནང་རྒྱ་གཞུང་དཔོན་རིགས་གཏན་སྡོད་ཀྱིས་དགོན་པའི་བྱ་བར་ལྟ་རྟོག་སུན་གཙེར་བཟོ་བ། རང་ལུས་མེར་བསྲེགས་གཏོང་མཁན་དག་གི་ནང་མི་ཉེ་འབྲེལ་རྣམས་ལ་གནོན་ཤུགས་སྤྲོད་པ། བོད་མི་ཚོ་གང་བྱུང་བཀག་སྐྱིལ་དང་འདྲི་གཅོད་བྱེད་ཤུགས་ཆེ་རུ་བཏང་སྟེ་བོད་མི་མང་པོ་གར་སོང་ཆ་མེད་དུ་འགྱུར་བཞིན་པ། དེ་བཞིན། ལོ་སྔོན་ནས་བཟུང་རྒྱ་གཞུང་བདེ་སྲུང་དང་ཁྲིམས་ལུགས་སྡེ་ཁག་དག་གིས། རྒྱ་གཞུང་གི་སྲིད་ཇུས་ལ་སྐྱོན་བརྗོད་བྱེད་མཁན་བོད་མི་རྩོམ་པ་པོ་དང་། སྒྱུ་རྩལ་བ། ཤེས་ལྡན་པ། རིག་གནས་བྱ་འགུལ་བ་བཅས་འཇུ་བཟུང་བཙོན་འཇུག་ དང་ཁྲིམས་གཅོད་བཞིན་པ་སོགས་ཐེར་འདོན་སྐྱོན་བརྗོད་བྱས་ཡོད་པ་རེད།
ད་དུང་། མའེ་རེ་ཨོ་ཊི་རའོ་ལགས་ཀྱིས་གསལ་བསྒྲགས་སྐབས། ཨ་རིའི་གཞུང་གིས་དེ་སྔོན་ནས་རྒྱུན་མཐུད་དང་ཐད་ཀར་གྱི་སྒོ་ནས་རྒྱ་གཞུང་ལ་བོད་ཀྱི་གནད་དོན་གླེང་སློང་བྱས་ཡོད་ལ། ཨ་རིའི་གཞུང་གིས་རྒྱ་ནག་གཞུང་གི་ནོར་འཁྲུལ་ཅན་གྱི་སྲིད་དེས་བོད་ཁུལ་གྱི་གནས་སྟངས་སྔར་བས་ཛ་དྲག་ཏུ་འགྱུར་བཞིན་པ་དང་། སྲིད་ཇུས་དེ་དག་གིས་བོད་ཀྱི་ཐུན་མིན་ཆོས་དང་རིག་གཞུང་། སྐད་ཡིག་བཅས་ལ་དཀའ་ཉེན་བཟོ་བཞིན་པར་བསྐྱར་དུ་ནན་བརྗོད་བྱས་ཡོད་པ་མ་ཟད། ཁོ་མོས་ “ ང་ཚོའི་ངོས་ནས་བོད་ནང་དུ་གསར་འགོད་པ་དང་ཕྱི་འབྲེལ་མི་སྣ། དེ་བཞིན་ལྟ་ཞིབ་ཚོགས་པ་སོགས་གཏོང་དགོས་པའི་འབོད་སྐུལ་ བྱེད་རྒྱུ་ཡིན་ལ། ང་ཚོས་རེ་བར་རྒྱ་གཞུང་གིས་ཏཱ་ལའི་བླ་མ་མཆོག་དང་། ཁོང་གི་སྐུ་ཚབ་ལྷན་དུ་དོན་ཕན་ལྡན་པ་དང་། གཞི་འཛིན་ས་ཡོད་པའི་གྲོས་མོལ་བྱས་ཏེ་བོད་མིའི་གནད་དོན་མཐའ་དག་སེལ་ཐབས་བྱ་དགོས ” ཅེས་བརྗོད་འདུག
བོད་ནང་དུ་གནས་སྟངས་སྔར་བའི་ཛ་དྲག་ཏུ་འགྲོ་བཞིན་ཡོད་སྐབས་འདིར། རྒྱ་གཞུང་སྲིད་འཛིན་གཞོན་པ་ཞི་ཅིན་ཕེན། ཕྱི་ཟླ་ ༢ ཚེས་ ༡༤ ཉིན་ཨ་རིའི་ནང་རྒྱལ་དོན་ལྟ་སྐོར་ལ་ སྐྱོད་གཏན་ཁེལ་ཡོད་པ་རེད། ཨ་རིའི་གསར་ལམ་ཁག་ཏུ་དཔྱད་བརྗོད་སྤེལ་བ་ལྟར་ན། རྒྱ་གཞུང་གི་ངོས་ནས་ཨ་རིའི་སྲིད་འཛིན་ཟུར་པ་ནེ་ཁུ་སུང་ (Richard Nixon ) རྒྱ་ནག་ཏུ་གཟིགས་སྐོར་ལ་ཕྱིན་ཏེ་ལོ་ ༤༠ འཁོར་བའི་དུས་ཚིགས་སྲུང་གཙིའི་རྣམ་པའི་ཐོག་ཕན་ཚུན་འབྲེལ་མོལ་ལ་གྲུབ་འབྲས་འཐོན་རྒྱུའི་རེ་བ་འཆིང་བཞིན་ཡོད་ནའང་། མ་གཞི་ནས་འགྲོ་བ་མིའི་ཐོབ་ཐང་དང་བོད་ཀྱི་གནད་དོན་ཐད་ཨ་རྒྱ་གཉིས་བར་ལངས་ཕྱོགས་མི་མཐུན་པའི་རྩོད་པ་ཤུགས་ཆེན་པོ་ཡོད་པ་མ་ཟད། ཉེ་ཆར་ཨ་རིའི་ས་ཁུལ་ཁག་ནང་སྤྱི་མཐུན་ཚོགས་པའི་སྲིད་འཛིན་འོས་མི་འགྲན་རྩོད་ཀྱི་སྐབས་དང་ཁེལ་ཡོད་པ་དང་། སྤྱི་མཐུན་ཚོགས་པའི་སྲིད་འཛིན་འོས་མི་དག་གིས་ཨོ་བྷ་མ་གཞུང་གིས་འགྲོ་བ་མིའི་ཐོབ་ཐང་གནད་དོན་ཐད། རྒྱ་གཞུང་ལ་གུ་ཡངས་ཀྱི་རྣམ་འགྱུར་འཛིན་བཞིན་པར་སྐྱོན་བརྗོད་ཤུགས་ཆེན་བྱེད་བཞིན་ཡོད་སྟབས། ཐེངས་འདིར་ཨོ་བྷ་མ་གཞུང་གིས་གནད་དོན་དེ་དག་ཐད་ལངས་ཕྱོགས་མཁྲེགས་པོ་འཛིན་སྲིད་པའི་ངོས་འཛིན་བྱ་བཞིན་ཡོད་འདུག
ཁ་སང་་ཕྱི་ཚེས་ ༢༣།༢༤ ཉིན་གསེར་རྟ་རྫོང་ཐོག་ཏུ་རྒྱ་ནག་གཞུང་ལ་ངོ་རྒོལ་གྱིས་རང་ལུས་མེར་སྲེག་གཏོང་
རྒྱུ་ཡིན་པའི་ཡིག་ཆ་ཞིག་བཀྲམ་ཡོད་པར་བརྟེན། ཉིན་དེར་བོད་མི་མང་པོ་རྫོང་ཐོག་ཏུ་འཛོམས་ཏེ།
ངོ་རྒོལ་བྱེད་མཁན་གྱི་ ཕུང་པོ་རྒྱ་ནག་གཞུང་གི་ལག་ཏུ་མ་ཤོར་བ་བྱེད་དགོས་སྐོར་བརྗོད་ཡོད་པ་དང་།
རྒྱ་ནག་གཞུང་ངོས་ནས་ཀྱང་དྲག་གནོན་བྱེད་རྒྱུ་གྲ་སྒྲིག་ཆ་ཚང་བྱས་ཡོད་འདུག འོན་ཀྱང་ཕྱི་ཚེས་ ༢༤ ཉིན་བོད་མི་ཚོས་རྒྱ་གཞུང་ལ་ངོ་རྒོལ་གྱི་སྐད་འབོད་བྱས་པར་བརྟེན།
རྒྱ་ནག་གཞུང་ཕྱོགས་ནས་དམག་མི་དང་ཉེན་རྟོག་པ་བཏང་སྟེ་དྲག་གནོན་བྱེད་བཞིན་ ཡོད་པ་དང་། མི་གཉིས་ལ་མེ་མདའ་བརྒྱབ་སྟེ་རྐྱེན་ལམ་དུ་བཏང་ཡོད། དེ་ཡང་ཁོང་གཉིས་ནི་མཆོག་ཚང་འོན་ཟ་བདེ་བའི་པོ་པོ་རང་ལོ་ ༣༥
འབྲོག་ས་ནས་ཡིན་པ་དང་། ཡང་ཞིང་ཁུལ་ནས་ཡིན་པ་གསེར་བ་གསར་སྡེའི་རང་ལོ་ ༢༨ ནས་ ༣༣ བར་ཡིན་པ་ཟླ་བ་གྲགས་པ་ཡིན་འདུག དེ་མིན་གསེར་རྟ་གསེར་ཐང་ཡུལ་མཚོ་དཔལ་ཤུལ་ཤོལ་ཐའི་སློབ་ཕྲུག་སངས་སྐྱབས་ལ་མེ་
མདའ་བརྒྱབ་སྟེ་མདེའུ་བདུན་ཕོག་ཡོད་པའི་ཛ་དྲག་གི་གནས་ཚུལ་ཐོན་ཡོད།
ད་ལྟ་ས་ཁུལ་དེར་དྲག་གནོན་ ཤུགས་ཆེ་བྱེད་བཞིན་པར་བརྟེན་མི་ཚང་མ་ཕྱི་ལོག་ཏུ་འགྲོ་མ་བཅུག་པ་དང་།
རྫོང་ཐོག་ནས་ཟ་ཁང་དང་ཚོང་ཁང་ཚང་མ་སྒོ་བརྒྱབ་བཅུག་ཡོད་པ་མ་ཟད། གཞུང་ལམ་གང་སར་དམག་མི་ཧ་ཅང་མང་པོ་བཀྲམ་ཡོད་འདུག གཞན་ཡང་བོད་མི་རྨས་སྐྱོན་ཚབས་ཆེན་ཕོག་མཁན་བྱུང་ཡོད་པ་རྣམས་ལ་སྨན་བཅོས་ཀྱི་
མཐུན་རྐྱེན་མེད་པའི་དཀའ་ངལ་འཕྲད་བཞིན་ཡོད་འདུག་པ་བཅས།།
དེ་རིང་རྒྱའི་ལོ་སར་ཚེས་ ༡ ཉིན་སྟེ། ཕྱི་ཟླ་ ༡
པོའི་ཚེས་ ༢༣
ཉིན་གྱི་སྔ་དྲོ་དཀར་མཛེས་བོད་རིགས་རང་སྐྱོང་ཁུལ་བྲག་མགོ་རྫོང་གི་གེ་འཕན་ལུ་ཁོག་མ་དང་ནོར་པ་ས་ཁུལ་བཅས་ཀྱི་བོད་མི་ཚོས་བོད་ཀྱི་རྒྱལ་དར་འཕྱར་བཞིན་ “
བོད་ལ་རང་དབང་དགོས། ” ཞེས་རྒྱ་ནག་གཞུང་ལ་ཞི་བའི་སྐད་འབོད་བྱས་སྐབས། རྒྱ་ནག་ཉེན་རྟོག་མི་སྣས་མེ་མདས་བརྒྱབ་ཏེ་མིང་ལ་ཡོན་ཏན་འབོད་པའི་བོད་མི་ཞིག་དམར་གསོད་བཏང་བ་དང་། དགེ་འདུན་པ་ ༣ ལ་རྨས་སྐྱོན་ཚབས་ཆེན་བཟོས་འདུག ད་ཆར་ས་གནས་བོད་མི་ཚོས་ཡོན་ཏན་ལགས་ཀྱི་སྐུ་ཕུང་བྲག་མགོ་དགོན་དུ་ཉར་ཐུབ་ཡོད་པ་ལས།
དགེ་འདུན་པ་གཞན་རྣམས་ཤི་གསོན་གྱི་གནས་སྟངས་གང་ཡང་ཤེས་རྟོགས་མི་འདུག་ལ། དེ་རིང་གི་ལས་འགུལ་ཁྲོད་ཉེན་རྟོག་པས་ཁྱོན་བོད་མི་ ༢༠༠
ཙམ་འཛིན་བཟུང་བྱས་ཡོད་འདུག
ཡང་གནས་ཚུལ་ཡོང་ཁུངས་གཞན་ཞིག་གིས། དེ་རིང་ལས་འགུལ་སྐབས་ཉེན་རྟོག་པས་མེ་མདས་བརྒྱབ་ཏེ། ལུ་ཁོག་མ་ནས་ཡིན་པའི་གེ་འཕན་ལོ་བརྒྱ་ཚང་གི་བུ་དང་།
ནོར་པ་ནས་ཡིན་པའི་བུ་གཅིག་བཅས་བསད་ཡོད་པ་མ་ཟད། བོད་མི་མང་པོ་ཞིག་ལ་རྨས་སྐྱོན་ཚབས་ཆེན་ཕོག་ཡོད་ཚུལ་བརྗོད་འདུག་ཟེར།
ཨ་མདོ་རྔ་བ་རྨེའུ་རུ་མའི་མང་ཚོགས་རྣམས་ཀྱང་རྔ་བ་ཁྲོམ་གཞུང་དུ་འཛོམས་ཏེ།
སྟོད་གོས་མ་གྱོན་པར་འདས་ཟིན་པའི་དཔའ་བ་དཔའ་མོ་ཚོར་རྗེས་དྲན་བྱས་པའི་ལས་འགུལ་གཞི་རྒྱ་ཆེ་བ་ཞིག་སྤེལ་འདུག་ཟེར།
དེ་རིང་ཕྱི་ཚེས་ ༢༣ ཉིན་གྱི་ཞོགས་པར་བོད་ཀྱི་འགྲོ་བ་མིའི་ཐོབ་ཐང་དང་མང་གཙོ་འཕེལ་རྒྱས་ལྟེ་གནས་ཁང་གི་འགན་འཛིན་ཚེ་རིང་མཚོ་མོ་དང་། འགན་འཛིན་ལས་རོགས་འཇམ་དཔལ་སྨོན་ལམ་གཉིས་ཀྱིས་ ༢༠༡༡ ལོའི་བོད་ནང་གི་གནས་སྟངས་དང་འགྲོ་བ་མིའི་ཐོབ་ཐང་སྐོར་གྱི་ལོ་འཁོར་སྙན་ཐོ་ འགྲེམས་སྤེལ་དང་འབྲེལ་གསར་འགོད་གསལ་བསྒྲགས་ ཤིག་བསྐྱངས་ཏེ། ༢༠༡༡ ལོར་རྒྱ་གཞུང་གིས་བོད་མིར་རྡུང་རྡེག་ཚ་ནན་དང་། དམ་དྲག སྒྲིག་གཞི་བྱ་ཐབས་སོགས་གཅིག་རྗེས་གཉིས་མཐུད་སྟེང་། རྒྱལ་སྤྱིའི་སྤྱི་ དམང ས་ཆབ་སྲིད་ཐོབ་ཐང་དང་། སྤྱི་ཚོགས། དཔལ་འབྱོར། རིག་གཞུང་བཅས་ཀྱི་ཐོབ་ཐང་རྡོག་རོལ་ཚབས་ཆེན་བཏང་བ། བོད་མིའི་མངོན་འདོད་དང་མི་མཐུན་པའི་སྲིད་ཇུས་དང་བྱ་ཐབས་ལག་བསྟར་བྱས་སྟབས། བོད་མི་ཚོ་འུ་ཐུག་ཐབས་ཟད་ཀྱིས་རང་ལུས་མེར་བསྲེགས་ཀྱིས་ཞི་རྒོལ་རིམ་པར་བྱུང་ཞིང་། མི་རྣམས་ཧང་སངས་དགོས་པ་དང་། བློ་སྟོབས་དང་སྐྱོ་སྣང་ཅིག་ཅར་བྱུང་བའི་རྒྱུན་ལྡན་མ་ཡིན་པའི་ལོ་ཞིག་ཡིན་པར་བསྒྲགས་སོང་།
འགན་འཛིན་ལས་རོགས་འཇམ་དཔལ་སྨོན་ལམ་ལགས་ཀྱིས། བོད་མིའི་ཞི་རྒོལ་ལ་ཁྲག་དྲི་བྲོ་བའི་དྲག་གནོན་དང་། བོད་མི་རིགས་ཀྱི་ལ་རྒྱ། རིག་གཞུང་དང་ཁོར་ཡུག་སྲུང་སྐྱོབ། བསམ་ཚུལ་འདོན་པ། རྩོམ་ཡིག་འབྲི་བ། གླུ་གཞས་གཏོང་པ། ཆོས་ལུགས་དད་མོས། ཆོས་ལུགས་ཀྱི་བྱེད་སྒོ་ཁག་གི་ཐོག་ཆབ་སྲིད་ཀྱི་དོགས་གཞིའི་འོག་ཉེས་མིང་འདྲ་མིན་བཏགས་ཏེ། གང་བྱུང་འཇུ་བཟུང་བཙོན་འཇུག གར་སོང་ཆ་མེད་དུ་གྱུར་བ། མི་ཆོས་ལས་འདས་པའི་མནར་གཅོད་གཏོང་བ། དྲ ང་བདེན་མིན་པའི་ཁྲིམས་ཆད་གཅོད་པ་སོགས་ནི་རྒྱལ་སྤྱིའི་འགྲོ་བ་མིའི་ཐོབ་ཐང་དམ་ཡིག་ལ་རྡོག་རོལ་དང་། ལྷག་པར་དུ་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་དོན་ཚན་ ༣༣ ནང་རྒྱལ་ཁབ་ཀྱིས་འགྲོ་བ་མིའི་ཐོབ་ཐང་ལ་བརྩི་བཀུར་དང་འགན་ལེན་བྱ་རྒྱུ་ཞེས་འཁོད་པ་ལས་ལྡོག་སྟེ། བོད་དང་བོད་མིའི་སྟེང་ཕྱོགས་ཡོངས་ནས་དྲག་གནོན་དང་།
དམ་དྲག་གིས་བོད་མི་རྣམས་སྡོད་བཟོད་མི་ཐུབ་པའི་གནས་སུ་དེད་སྟབས། ༢༠༡༡ ལོར་སྔར་བྱུང་མ་མྱོང་པའི་བོད་མི་ ༡༢ རང་ལུས་མེར་བསྲེགས་ཀྱིས་རྒྱ་གཞུང་ལ་ངོ་རྒོལ་བྱས་ཡོད་སྐོར་བརྗོད་སོང་། རང་ལུས་མེར་བསྲེགས་བཏང་བའི་ཁྲོད་ཀྱི་མི་ ༧ སྐུ་གྲོངས་ཡོད་ཅིང་། མི་ ༣
སྨན་ཁང་དུ་ལྷག་ཡོད་པ་མ་ཟད། མི་ ༡ སྲོག་ཉེན་འོག་གནས་ཡོད་འདུག་ལ། གཞན་མི་ ༡ འཆི་གསོན་གང་ཡིན་ཤེས་རྟོགས་མེད་པར་གྱུར་ ཡོད་འདུག
ལོ་འཁོར་སྙན་ཐོའི་ནང་འཁོད་དོན་ལྟར་ན། རྒྱ་ནག་ཆོས་དོན་ཅུས་ཀྱིས་ ༢༠༡༠ ཟླ་ ༨ ཚེས་ ༣༠ ཉིན་བོད་བརྒྱུད་ནང་བསྟན་དགོན་སྡེའི་དོ་དམ་བྱ་ཐབས་ཞེས་པའི་དོན་ཚན་ ༤༤ ཡོད་པ་ཞིག་སྤེལ་ཏེ། ༢༠༡༡ ཟླ་ ༡ ནད་དངོས་སུ་ལག་བསྟར་ཐོག བོད་བརྒྱུད་ནང་བསྟན་དགོན་སྡེར་གཅིག་གྱུར་དམ་དྲག་དོ་དམ་དང་། ཚོད་འཛིན། བོད་ཀྱི་དགོན་སྡེ་ཁག་གི་དགོན་བདག་གམ་བོད་ཕྱི་ཕྱོགས་སུ་བཞུགས་པའི་བླ་ཆེན་དང་། དགེ་བཤེས་སློབ་དཔོན་སོགས་ཀྱི་དགོན་པ་དང་དགོན་བདག་བར་གྱི་འབྲེལ་བ་དང་། བླ་མ་དང་སློབ་མའི་འབྲེལ་བ་མེད་པར་བཟོ་བའམ་བཀག་སྡོམ་བྱས་ཡོད་ཅིང་། དགོན་སྡེ་ཁག་གི་ནང་རྒྱལ་གཅེས་ཆོས་གཅེས་ཀྱི་སློབ་གསོ་དང་། ཏང་གི་ཁྲིམས་ལུགས་དྲིལ་བསྒྲགས་སློབ་གསོ་སོགས་སྤེལ་པ་མ་ཟད། ས་གནས་ཆོས་དོན་ལས་ཁུངས་དང་འཐབ་ཕྱོགས་གཅིག་གྱུར་ལས་ཁུགས་གཉིས་ཀྱི་གཙོ་འགན་འོག དགོན་པ་ཁག་གཙང་བཤེར་བྱེད་ཆེད་འཆམ་མཐུན་མིག་དཔེའི་དགོན་པ་དང་།
རྒྱལ་གཅེས་ཁྲིམས་སྲུང་གི་སྔོན་ཐོན་གྲྭ་བཙུན་དཔྱད་འདེམས་གཟེངས་བསྟོད་ཀྱི་ལས་འགུལ་ཚ་ཚ་འུར་འུར་ངང་ཁྱབ་སྤེལ་ཐོག གྲྭ་བཙུན་ཚོར་ཏཱ་ལའི་རུ་ཚོགས་ལ་ངོ་རྒོལ་དང་། ཆབ་སྲིད་ལ་ཐེ་ཇུས་མི་བྱེད་པ། ཟིང་ཆའི་ནང་འཛུལ་ཞུགས་མི་བྱེད་པའི་རིགས་ལ་འཚོ་བའི་འགན་ལེན་དང་། རྒས་གསོ་འགན་བཅོལ་ཐོབ་ཐང་སྤྲོད་རྒྱུ་སོགས་ཀྱི་སྲིད་ཇུས་ལག་བསྟར་བྱེད་བཞིན་ཡོད་པར་གསལ་འདུག གནད་དོན་དེའི་ཐད་འཇམ་དཔལ་སྨོན་ལགས་ཀྱིས་ “གྲྭ་བཙུན་ཚོར་༧གོང་ས་མཆོག་ལ་སྐྱོན་བརྗོད་དང་ངོ་རྒོལ་བྱེད་དུ་འཇུག་པའི་བྱ་སྤྱོད་དེ་ནི། བོད་མི་ཚོ་དང་ལྷག་དོན་གྲྭ་བཙུན་ཚོའི་བསམ་ཡུལ་ལ་ཤོང་མི་ཐུབ་ཅིང་བཟོད་དཀའ་བའི་བཙན་ཤེད་ཅིག་རེད་ ” ཅེས་བརྗོད་བྱུང་།
སྙན་ཐོ་དེའི་ནང་། ༢༠༡༡ ཟླ་ ༣ ཚེས་ ༡༦ ཉིན་རྔ་བ་ཀིརྟི་དགོན་གྱི་གྲྭ་ཕུན་ཚོགས་ཀྱིས་རང་ལུས་མེར་བསྲེགས་ཀྱིས་ཞི་རྒོལ་གནང་རྗེས། ཀིརྟི་དགོན་པར་ཉེན་རྟོག་པ་དང་དྲག་ཆས་དམག་གིས་དམ་དྲག་ནན་མོ་བྱས་ཏེ། ཀིརྟི་དགོན་གཙོས་པའི་བོད་ཀྱི་དགོན་སྡེ་ཁག་གི་གྲྭ་བ ཙུན་གང་བྱུང་འཇུ་བཟུང་དང་ཕྱིར་འབུད། འགྲོ་འོང་སྟེང་དམ་དྲག ལོ་ ༡༨ མ་སོན་པའི་གྲྭ་བཙུན་རྣམས་གྲྭ་བཙུན་གྱི་ཐོབ་ཐང་ལག་འཁྱེར་མ་སྤྲད་པ་མ་ཟད། དགོན་པ་ནས་སྡོད་མི་ཆོག་པའི་ཁྲིམས་གཞི་བཟོས་ཡོད་འདུག་ལ། དེ་བཞིན་ ༢༠༡༡ ཟླ་ ༦ ཚེས་ཤར་ནས་དཀར་མཛེས་ཁུལ་དུ་བོད་མིའི་ཞི་རྒོལ་རིམ་པར་བྱུང་བར། དྲག་གནོན་འཛིན་བཟུང་དང་། ཞིི་རྒོལ་བར་རྡོང་རྡེག དཀར་མཛེས་རྫོང་ཁོངས་ཡུལ་དགོན་གཉིས་ལ་དམ་དྲག་ཤུགས་ཆེན་བྱས་འདུག འགན་འཛིན་ཚེ་རིང་མཚོ་མོ་ལགས་ཀྱིས་ “རྔ་བ་ཀིརྟི་དགོན་པའི་གྲྭ་བ་ ༣༠༠ ལྷག་རྒྱ་གཞུང་གིས་འཇུ་བཟུང་བྱས་རྗེས་གར་སོང་ཆ་མེད་དུ་གྱུར་པའི་གནས་ཚུལ་དེ་ནི། འཛམ་གླིང་ནང་དུ་གཞུང་གིས་དྲག་གནོན་འོག་གར་སོང་ཆ་མེད་དུ་གྱུར་བའི་གྲངས་ཚད་མང་ཤོས་དང་ཛ་དྲག་ཆེ་ཤོས་ཤིག་ཆགས་ཡོད་ ” ཅེས་བརྗོད་སོང་།
འཇམ་དཔལ་སྨོན་ལམ་ལགས་ཀྱིས་ ༢༠༡༡ ལོར་རྒྱ་གཞུང་གིས་བོད་ནང་རྟོག་ཞིབ་དང་སློབ་གསོའི་ལས་འགུལ་སྤེལ་ཕྱོགས་སྐོར་ནས་བརྗོད་པ་ལྟར་ན། ༢༠༡༡ ཟླ་ ༡༠ ན ང་རྒྱ་གཞུང་གིས་ལས་བྱེད་ཁྲི་ ༢ ལོ་ གསུམ་རིང་གི་ལས་གན་འོག ལས་དོན་ཚོགས་ཆུང་ཆེད་འཛུགས་ཐོག བོད་རང་སྐྱོང་ལྗོངས་ཀྱི་གཞི་རིམ་ས་ཁུལ་ཁག་ནང་ བསྐྱོད་དེ་གཞི་རྒྱ་ཆེ་བའི་ལས་འགུལ་སྤེལ་མགོ་བརྩམས་ཏེ། ཁྱིམ་ཚང་རེ་རེར་ཆེད་སྐྱོད་ཀྱིས་རྒྱ་ནག་མགོ་ཁྲིད་མི་རབས་བཞིའི་འདྲ་པར་བཀྲམ་པ། ཁྱིམ་ཚང་རེ་རེ་བཞིན་རྒྱལ་དར་སྤྲད་དེ་ཁང་སྟེང་དུ་ བསྒྲེང་དུ་བཅུག་པ། གྲོང་ཚོའི་ནང་གཞི་རིམ་གྱི་སྒྲིག་འཛུགས་སྲ་བརྟན་དང་བརྟན་རླིང་སྲུང་སྐྱོབ་ཀྱི་ལས་གཞིའི་འོག མང་ཚོགས་ལ་ཏང་གི་སློབ་གསོ་སྤྲོད་བཞིན་ཡོད་འདུག འཇམ་དཔལ་སྨོན་ལམ་ལགས་ཀྱིས་ “ ༢༠༡༡ ལོར་བོད་རང་སྐྱོང་ལྗོངས་གཅིག་པུའི་ནང་རྒྱ་གཞུང་གིས་ལས་བྱེད་ཁྲི་ ༢ བཏང་ཡོད་པ་རེད། དེ་བཞིན་བོད་ཀྱི་ས་ཁུལ་གཞན་དག་ནང་རྒྱ་གཞུང་གི་ལས་བྱེད་དང་ཉེན་རྟོག་པ། དྲག་ཆས་དམག་སོགས་བཏང་དང་གཏོང་བཞིན་པ་བཅས་ཀྱིས་བོད་ནང་གི་གནས་སྟངས་གང་འདྲ་ཞིག་གི་འོག་ཚུད་ཡོད་པ་གསལ་རྟོགས་ཐུབ་ངེས་པ་ཞིག་རེད་ ” ཅེས་བརྗོད་བྱུང་།
གཞན་སྙན་ཐོ་དེའི་ནང་། ལོ་དེའི་ནང་བོད་ནང་གི་བོད་མིའི་འགྲོ་འོང་དང་། བལ་བོད་ས་མཚམས་ཁག་ལ་སྔར་བས་དམ་དྲག་ཤུགས་ཆེར་བྱས་སྟབས། ༢༠༡༡ ལོར་བོད་ནས་རྒྱ་གར་དུ་ཡོང་མཁན་བོད་མི་སྐྱབས་བཅོལ་བ་གྲངས་ ༦༥༤ ལས་འབྱོར་མེད་པར་གསལ་ཡོད་འདུག
ཨ་རིའི་ནང་ཡོད་པའི་འགྲོ་བ་མིའི་ཐོབ་ཐང་རྩ་འཛུགས་ཚོགས་པ་༼རང་དབང་ཁྱིམ་གཞི༽ཡིས། ཟླ་འདིའི་ཕྱི་ཚེས་ ༡༩ ཉིན་ཚོགས་པའི་དྲ་རྒྱའི་སྟེང་སྤེལ་བའི་༼༢༠༡༢
ལོའི་འཛམ་གླིང་གི་རང་དབང་༽ ཞེས་པའི་ལོ་འཁོར་སྙན་ཐོའི་ནང་། འདས་པའི་ལོ་གཅིག་རིང་འཛམ་གླིང་གི་རྒྱལ་ཁབ་དང་ས་ཁུལ་ཁག་ ༡༩༥ ནང་སྤྱི་དམངས་ཀྱི་རང་དབང་དང་།
ཆབ་སྲིད་ཁེ་དབང་གི་གནས་སྟངས་ཐད་ཉམས་ཞིབ་གནང་སྟེ། རང་དབང་ལྡན་པའི་རྒྱལ་ཁབ་དང་། རང་དབང་ཕྱེད་ཙམ་ལྡན་པའི་རྒྱལ་ཁབ། རང་དབང་མི་ལྡན་པའི་རྒྱལ་ཁབ་བཅས་རིམ་པ་གསུམ་དུ་བགར་དེ་མིང་འདོན་བྱས་ཡོད་པ་དང་།
རང་དབང་མི་ལྡན་པའི་རྒྱལ་ཁབ་དང་ས་ཁུལ་གྱི་ཁྲོད་ནས། བོད་ནི་འཛམ་གླིང་སྒང་རང་དབང་ཆེས་སྡུག་ཤོས་ཀྱི་ས་ཁུལ་དང་། རྒྱ་ནག་ནི་རང་དབང་སྡུག་ཤོས་ཀྱི་རྒྱལ་ཁབ་མིང་ཐོའི་ནང་བཀོད་འདུག
རང་དབང་མི་ལྡན་པའི་རྒྱལ་ཁབ་ ༤༨ ཡོད་པའི་ནང་ནས། རང་དབང་ཆེས་སྡུག་ཤོས་ཀྱི་ས་ཁུལ་ ༢ དང་རྒྱལ་ཁབ་ ༩
མིང་འདོན་བྱས་ཡོད་པ་དང་། དེའི་ཁྲོད་ཀྱི་ས་ཁུལ་གཉིས་ནི་རྒྱ་གཞུང་གི་དབང་སྒྱུར་འོག་ཡོད་པའི་བོད་དང་བྱང་ཨ་ཧྥི་རི་ཀའི་ནང་ཡོད་པའི་ནུབ་ས་ཧ་རཱ་(Western Sahara)གཉིས་ཡིན་པ་དང་།
རྒྱལ་ཁབ་དགུ་ནི་ཨེ་རི་ཊེ་ཡ་(Eritrea)དང་། ཐིག་དམར་གྷི་ནི་ཡ(Equatorial Guinea)། བྱང་ཀོ་རི་ཡ། སའོ་དྷི་ཨ་རབ། སོ་མ་ལི་ཡ། སུ་ཌན། སི་རི་ཡ། ཏུར་མེན་སི་ཐན(Turkmenistan)།
ཨུ་ཛུ་བྷེ་ཁི་སི་ཐན(Uzbekistan)བཅས་ཡིན་པ་རེད། དེ་བཞིན། རྒྱ་ནག་དང་ལེ་བྷེ་ཡ། ཨུ་རུ་སུ་དཀར་པོ(Belarus)། བྷེ་ལ་རུ་སི(Belarus)། ཆེ་ཌ(Chad)། ཁྱིའུ་བྷ(Cuba)། ལའོ(Lao)བཅས་རྒྱལ་ཁབ་ ༧ དང་། ལྷོ་ཨོ་སེ་ཁྲའེ་ཡཱ(South Ossetia)ས་ཁུལ་བཅས་ནི་རང་དབང་སྡུག་ཤོས་ཨང་གཉིས་པའི་མིང་ཐོའི་ཁྲོད་བཀོད་ཡོད་པ་རེད།
ལོ་འཁོར་སྙན་ཐོ་དེའི་ནང་སྤྱི་དམངས་ལ་རང་དབང་ལྡན་པའི་རྒྱལ་ཁབ་ ༨༧ ཡོད་པ་དང་།
འཛམ་གླིང་རྒྱལ་ཡོངས་ཀྱི་བརྒྱ་ཆ་ ༤༥ ཟིན་འདུག་ལ། རྒྱལ་ཁབ་དེ་དག་ནང་མི་འབོར་དུང་ཕྱིར་ ༣༠
དང་ཁྲི་ ༡༦༥༦ ལྷག་ཡོད་པ་དང་། འཛམ་གླིང་མི་འབོར་སྤྱིའི་བརྒྱ་ཆ་ ༤༣ ཟིན་ཡོད། རང་དབང་ཕྱེད་ཙམ་ལྡན་པའི་རྒྱལ་ཁབ་ ༦༠ ཡོད་པ་དང་། འཛམ་གླིང་རྒྱལ་ཡོངས་ཀྱི་བརྒྱ་ཆ་ ༣༡ ཟིན་འདུག་ལ།
རྒྱལ་ཁབ་དེ་དག་ནང་མི་འབོར་དུང་ཕྱིར་ ༡༤ དང་ཁྲི་ ༩༧༤༤ ལྷག་ཡོད་པ་དང་།
འཛམ་གླིང་མི་འབོར་སྤྱིའི་བརྒྱ་ཆ་ ༢༢ ཟིན་ཡོད། རང་དབང་མི་ལྡན་པའི་རྒྱལ་ཁབ་ ༤༨ ཡོད་པ་དང་།
འཛམ་གླིང་རྒྱལ་ཡོངས་ཀྱི་བརྒྱ་ཆ་ ༢༤ ཟིན་འདུག་ལ། རྒྱལ་ཁབ་དེ་དག་ནང་མི་འབོར་དུང་ཕྱིར་ ༢༤
དང་ཁྲི་ ༥༣༢༣ ལྷག་ཡོད་པ་དང་། འཛམ་གླིང་མི་འབོར་སྤྱིའི་བརྒྱ་ཆ་ ༣༥ ཟིན་ཡོད་འདུག
ཡུལ་ཕྱོགས་རང་བཞིན་གྱི་སྤྱི་དམངས་ལ་རང་དབང་ལྡན་མིན་གྱི་ཐད་ནས། ལྷོ་ཨ་ཧྥི་རི་ཀ་གླིང་དུ་རང་དབང་ལྡན་པའི་རྒྱལ་ཁབ་ཀྱིས་བརྒྱ་ཆ་ ༡༨ དང་།
རང་དབང་ཕྱེད་ཙམ་ལྡན་པའི་རྒྱལ་ཁབ་ཀྱིས་བརྒྱ་ཆ་༤༣ ། རང་དབང་མི་ལྡན་པའི་རྒྱལ་ཁབ་ཀྱིས་བརྒྱ་ཆ་ ༣༩ བཅས་ཟིན་ཡོད།
དཀྱིལ་ཤར་ཡུལ་གྲུ་དང་བྱང་ཨ་ཧྥི་རི་ཀའི་གླིང་དུ་རང་དབང་ལྡན་པའི་རྒྱལ་ཁབ་ཀྱིས་བརྒྱ་ཆ་༦ དང་། རང་དབང་ཕྱེད་ཙམ་ལྡན་པའི་རྒྱལ་ཁབ་ཀྱིས་བརྒྱ་ཆ་ ༢༢།
རང་དབང་མི་ལྡན་པའི་རྒྱལ་ཁབ་ཀྱིས་བརྒྱ་ཆ་ ༧༢ བཅས་ཟིན་ཡོད། ཡུ་རོབ་དཀྱིལ་མ་དང་ཤར་མའི་ཁུལ་དུ་རང་དབང་ལྡན་པའི་རྒྱལ་ཁབ་ཀྱིས་བརྒྱ་ཆ་ ༤༥ དང་། རང་དབང་ཕྱེད་ཙམ་ལྡན་པའི་རྒྱལ་ཁབ་ཀྱིས་བརྒྱ་ཆ་ ༣༡ ། རང་དབང་མི་ལྡན་པའི་རྒྱལ་ཁབ་ཀྱིས་བརྒྱ་ཆ་ ༢༤ བཅས་ཟིན་ཡོད། ཨེ་ཤ་ཡའི་ནང་རང་དབང་ལྡན་པའི་རྒྱལ་ཁབ་ཀྱིས་བརྒྱ་ཆ་ ༤༡ དང་།
རང་དབང་ཕྱེད་ཙམ་ལྡན་པའི་རྒྱལ་ཁབ་ཀྱིས་བརྒྱ་ཆ་ ༣༨ ། རང་དབང་མི་ལྡན་པའི་རྒྱལ་ཁབ་ཀྱིས་བརྒྱ་ཆ་ ༢༡
བཅས་ཟིན་ཡོད། ཨ་མེ་རི་ཁ་གླིང་དུ་རང་དབང་ལྡན་པའི་རྒྱལ་ཁབ་ཀྱིས་བརྒྱ་ཆ་ ༦༩ དང་། རང་དབང་ཕྱེད་ཙམ་ལྡན་པའི་རྒྱལ་ཁབ་ཀྱིས་བརྒྱ་ཆ་ ༢༨ ། རང་དབང་མི་ལྡན་པའི་རྒྱལ་ཁབ་ཀྱིས་བརྒྱ་ཆ་ ༣ བཅས་ཟིན་ཡོད།
ནུབ་ཡུ་རོབ་གླིང་དུ་རང་དབང་ལྡན་པའི་རྒྱལ་ཁབ་ཀྱིས་བརྒྱ་ཆ་ ༩༦ དང་། རང་དབང་ཕྱེད་ཙམ་ལྡན་པའི་རྒྱལ་ཁབ་ཀྱིས་བརྒྱ་ཆ་ ༤ ཟིན་ཡོད་པ་དང་། རང་དབང་མི་ལྡན་པའི་རྒྱལ་ཁབ་གཅིག་ཀྱང་མེད་པ་རེད།
ལོ་སྔོན་མ་དང་བསྡུར་ན་སྤྱི་དམངས་ཀྱི་རང་དབང་གནས་སྟངས་ཉམས་ཆག་ཏུ་ཕྱིན་ཡོད་པའི་རྒྱལ་ཁབ་ ༢༦ དང་།
གནས་སྟངས་ཡར་རྒྱས་ཕྱིན་ཡོད་པའི་རྒྱལ་ཁབ་ ༡༢ ཡོད་འདུག
འདི་ལོ་ཆབ་སྲིད་ལམ་ལུགས་དམངས་གཙོའི་འོས་བསྡུའི་ལམ་དུ་བསྐྱོད་བཞིན་པའི་རྒྱལ་ཁབ་ ༡༡༧ ཡོད་པ་དང་། དེའི་ཁྲོད་ནེ་ཇར་( Niger) དང་ཐེ་ལན་ཌི། ཋུ་ནི་ཤི་ཡ( Tunisi)གསུམ་ནི་ལོ་སྔོན་མའི་ནང་གསར་དུ་དམངས་གཙོའི་འོས་བསྡུའི་ལམ་དུ་ཕྱིན་ཡོད་པ་རེད། ཡིན་ནའང་། ནི་ཁ་ར་གུ( Nicaragua) ནི་ལོ་སྔོན་མའི་ནང་སྔར་གྱི་འོས་བསྡུའི་ལམ་ནས་འོས་བསྡུ་མིན་པའི་ཆབ་སྲིད་ལམ་ལུགས་སུ་བསྐྱར་ལོག་བརྒྱབ་ཡོད་འདུག
དྲང་བདེེན་གྱི་སློང་མོ་་བ།. མི་རིགས་ཀྱི་མིང་མེད་དཔའ་བོ།
ཉེ་སྔོན་བོད་ནང་བོད་མི་སྐྱ་སེར་ ༡༧
གྱིས་སྔ་ཕྱིར་རང་ལུས་མེར་བསྲེགས་བཏང་སྟེ་རྒྱ་གཞུང་གི་དྲག་སྤྱོད་དབང་སྒྱུར་སྲིད་ཇུས་ལ་ཞི་བའི་ངོ་རྒོལ་གྱི་གནས་སྟངས་ཐད། ཧྥ་རན་སི་གཞུང་གིས་བློ་འཚབ་གནང་གི་ཡོད་པ་མ་ཟད།
རྒྱ་གཞུང་གིས་བོད་མིའི་ཡུལ་སྲོལ་གོམས་གཤིས་དང་རིག་གནས་སྲུང་སྐྱོབ་བྱ་དགོས་པའི་རྨང་གཞིའི་ཐོག བོད་མི་རིགས་དང་ལྷན་དུ་གྲོས་མོལ་གནང་དགོས་པའི་གནང་དགོས་པའི་འབོད་སྐུལ་གནང་འདུག
ཕྱི་ཚེས་ ༡༩ ཉིན་ཧྥ་རན་སིའི་ཕྱི་འབྲེལ་མགྲིན་ཚབ་པ་ཝེ་ལི་རའོ་(Bernard
Valero)ལགས་ཀྱིས་གསར་འགོད་ལྷན་ཚོགས་ཐོག “བོད་མི་སྐྱ་སེར་དེ་དག་གིས་རང་ལུས་མེར་བསྲེགས་ཀྱིས་རྒྱ་གཞུང་ངོ་རྒོལ་གནང་བ་དེ་ནི། ཁོང་ཚོ་ཐབས་ཟད་འུ་ཐུག་གི་གནས་སྟངས་འོག་ལྷུང་བའི་རྐྱེན་གྱིས་རེད།
ཧྥ་རན་སིའི་གཞུང་གིས་ཆོས་དད་རང་དབང་དང་། བོད་མི་རིགས་ཀྱི་ཡུལ་སྲོལ་གོམས་གཤིས་དང་རིག་གནས་སྲུང་སྐྱོབ། འགྲོ་བ་མིའི་ཐོབ་ཐང་བཅས་ལ་གུས་བརྩི་བྱེད་དགོས་པ་ནན་སྐུལ་ཞུ་རྒྱུ་མ་ཟད།
བོད་མི་རིགས་ཀྱི་ཆོས་དང་རིག་གཞུང་ལ་གུས་བརྩི་ལྡན་པའི་རྨང་གཞིའི་ཐོག རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་སྒྲོམ་གཞིའི་འོག་ཕྱོགས་གཉིས་ཀྱིས་གྲོས་མོལ་གནང་རྒྱུར་འབོད་སྐུལ་གནང་རྒྱུ་ཡིན་ལ།
དེ་ནི་གནད་དོན་སེལ་ཐབས་ཀྱི་ཐབས་ལམ་གཅིག་པུ་རེད།” ཅེས་བརྗོད་དེ།
ཧྥ་རན་སིའི་གཞུང་གིས་ད་ལྟའི་ཆར་བོད་མི་རྣམས་ཀྱིས་རང་ལུས་མེར་བསྲེགས་ཀྱིས་ཞི་བའི་ངོ་རྒོལ་གནང་བཞིན་པའི་གནས་སྟངས་ཐད་བློ་འཚབ་གནང་གི་ཡོད་པ་མ་ཟད། ཧྥ་རན་སིའི་གཞུང་གིས་རྒྱ་གཞུང་དང་འབྲེལ་མོལ་གྱི་བརྒྱུད་རིམ་ཁྲོད་ཡུ་རོབ་མནའ་མཐུན་དང་རྒྱ་ནག་བར་གྱི་གྲོས་མོལ་སྒྲོམ་གཞིའི་འོག དུས་རྒྱུན་རྒྱ་གཞུང་ལ་འགྲོ་བ་མིའི་ཐོབ་ཐང་གནས་སྟངས་ལ་བརྩི་འཇོག་དགོས་པའི་གསལ་འདེབས་བྱས་ཡོད་སྐོར་བརྗོད་འདུག
རྒྱ་གཞུང་གི་བོད་ཐོག་འཛིན་པའི་དྲག་སྤྱོད་དབང་སྒྱུར་སྲིད་ཇུས་ལ་ངོ་རྒོལ་ཆེད། ད་ལྟའི་བར་བོད་ནང་བོད་མི་སྐྱ་སེར་ ༡༧
གྱིས་རང་ལུས་མེར་བསྲེགས་བཏང་ཡོད་པ་དང་། བལ་ཡུལ་དང་རྒྱ་གར་ནང་དུའང་དཔའ་བོ་ཐུབ་བསྟན་དངོས་གྲུབ་ཀྱིས་མཚོན་པའི་བོད་མི་སྐྱ་སེར་ ༣ གྱིས་རང་ལུས་མེར་བསྲེགས་ཀྱི་ངོ་རྒོལ་གནང་ཡོད་པ་རེད། དེ་དག་ཁྲོད་མི་ ༡༡
འདས་གྲོངས་ཕྱིན་ཡོད།
གསར་འགོད་པ། ཚེ་རིང་རྒྱལ
ཉེ་ལམ་བོད་ནང་དུ་བོད་མི་ཁག་ཅིག་གིས་རང་ལུས་མེར་བསྲེགས་བཏང་བ་དེར་འཇར་མན་གཞུང་གིས་གདུང་སེམས་མཉམ་སྐྱེད་དང་།
རྒྱ་གཞུང་ལ་བོད་ཐོག་འཛིན་པའི་སྲིད་བྱུས་ལ་ངེས་པར་འགྱུར་བ་གཏོང་དགོས་པའི་ནན་སྐུལ་བྱས་འདུག
༢༠༡༢
ལོའི་ལོ་མགོ་ཙམ་ནས་མདོ་སྨད་རྔ་པ་དང་མགོ་ལོག་ཁུལ་གྱི་བོད་མི་སྐྱ་སེར་ ༤
ཡིས་གཅིག་རྗེས་གཉིས་མཐུད་ཀྱིས་རྒྱ་གཞུང་གི་དྲག་སྤྱོད་དབང་སྒྱུར་སྲིད་བྱུས་ལ་མི་འདོད་པའི་རྣམ་འགྱུར་ཤུགས་ཆེར་བསྟན་ཏེ།
རང་ལུས་མེར་བསྲེགས་བཏང་བ་དེས་རྒྱ་གཞུང་གི་དཔོན་རིགས་ཚོར་ཁོང་ཁྲོ་ཆེན་པོ་བསླངས་ཡོད་པ་མ་ཟད། མེར་བསྲེགས་དོན་རྐྱེན་དེས་རྒྱལ་སྤྱིའི་སྤྱི་ཚོགས་ལའང་ཤུགས་རྐྱེན་གང་འཚམ་ཞིག་ཐེབས་ཡོད། གནས་སྟངས་དེའི་ཐད་ཕྱི་ཚེས་
༩ ཉིན་ཨ་རིའི་ཕྱི་སྲིད་ལྷན་ཁང་གིས། བོད་མི་ཚོར་གདུང་སེམས་མཉམ་སྐྱེད་དང་རྒྱ་གཞུང་ལ་བོད་ཐོག་འཛིན་པའི་སྲིད་བྱུས་ལ་བསྐྱར་ཞིབ་དགོས་པའི་ནན་བརྗོད་བྱས་འདུག་ལ། ཕྱི་ཚེས་ ༡༧
ཉིན་འཇར་མན་འགྲོ་བ་མིའི་ཐོབ་ཐང་ཚོགས་པའི་ཚོགས་གཙོ་སྐུ་ཞབས་མཱར་ཁུ་སཱི་ལཱོ་ནིན་ ( Markus
Loning ) ལགས་ཀྱིས་ཀྱང་། རྒྱ་གཞུང་གིས་ད་ལྟའི་བོད་ཐོག་འཛིན་པའི་སྲིད་བྱུས་ལ་འགྱུར་བ་བཏང་སྟེ།
བོད་མིར་ཆོས་དང་རིག་གཞུང་སྲུང་སྐྱོབ་ཀྱི་རང་དབང་སྤྲོད་དགོས་པའི་ནན་སྐུལ་ཞུས་འདུག
ཚོགས་གཙོ་མཱར་ཁུ་སཱི་ལཱོ་ནིན་མཆོག་གི་འབོད་སྐུལ་ཡི་གེ་དེའི་ནང་བཀོད་དོན། “ དེང་སྐབས་ ཨ་མདོ་ རྔ་པ་ཀིརྟི་དགོན་པ་གཙོ ས་པ འི་བོད་ཀྱི་ས་ཁུལ་ཁག་ ཏུ། བོད་མི་ཚོས་ བསྟུད་མར་ རང་ལུས་མེར་ བ སྲེག ས ་གཏོང་བཞིན་པའི་རྒྱུ་རྐྱེན་གཙོ་བོ །
བོད་མི་ཚོ ར ་ད་ལྟའི་ རྒྱ་ནག་གི་ སྲིད་བྱུས་ འོག་ འདོད་ པ་ཁེངས་ཀྱི་མེད་པ་གསལ་པོར་སྟོན་ཀྱི་ཡོད། རྒྱ་ནག་གཞུང་གི་དམ་དྲག་ཆེ་བའི་སྲིད་བྱུས་དེའི་འོག་ བོད་མི་ཚོར་ མུ་མཐུད་དཀའ་ངལ་འཕྲད་རྒྱུ་ཡིན་སྟབས། རྒྱ་གཞུང་གིས་ ངེས་པར་དུ་ བོད་ཐོག་འཛིན་པའི་ སྲིད་བྱུས་ལ་ བཅོས་བསྒྱུར་བཏང་སྟེ། བོད་མི་ཚོར་དོན་ཕན་ལྡན་པའི་ གུ་ཡངས་སྲིད་བྱུས་ ཤིག་ ལག་བསྟར་ བྱས་ཏེ་བོད་མིའི་ཆོས་དང་རིག་གཞུང་སྲུང་སྐྱོབ་ཀྱི་རང་དབང་ཆེ་ཙམ་སྤྲོད་དགོས་པའི་འབོད་སྐུལ་ཞུ་རྒྱུ་ཡིན། དེ་བཞིན། འ ཇར་མན་གཞུང ་གི་ངོས་ནས ་བོད་ནང་ གི ་བོད་མི་ཚོའི་དངོས་ཡོད་གནས་ སྟངས་ཤེས་ རྟོག ས ་ ཡོང ་ཆེད ། རྒྱལ་སྤྱིའི་གསར་འགོད་པ་དང་ཆབ་སྲིད་མི་སྣ། རྒྱལ་སྤྱིའི་གཞུང་འབྲེལ་མི་སྣ་ སོགས་བོད་ནང་དུ་བསྐྱོད་པར་རྒྱ་གཞུང་གིས་བཀག་འགོག་མི་གནང་བའི་འབོད་སྐུལ་ནན་མོ་ཞུ་རྒྱུ་ཡིན ། ” ཞེས་འཁོད་འདུག
གསར་འགོད་པ། དཔལ་ལྡན
སྔར་བཞིན་རྒྱ་གཞུང་གིས་འགྲོ་བ་མིའི་ཐོབ་ཐང་དང་ཆོས་དད་རང་དབང་སྲུང་སྐྱོབ་བྱེད་ཀྱི་ཡོད་སྐོར་བསྐྱར་ཟློས་བྱས་ཡོད་པ་རེད།
ཟླ་འདིའི་ཕྱི་ཚེས་ ༩
ཉིན་ཨ་རིའི་ཕྱི་སྲིད་ལྷན་ཁང་གི་གསར་འགོད་ལྷན་ཚོགས་ཐོག གསར་འགོད་པས་ཉེ་ཆར་བོད་ནང་འབྱུང་བཞིན་པའི་རང་ལུས་མེར་བསྲེགས་ཀྱི་གནད་དོན་ཐད་བཀའ་འདྲི་བྱས་སྐབས། ཨ་རིའི་ཕྱི་སྲིད་ལྷན་ཁང་གི་མགྲིན་ཚབ་པ་ལྕམ་ནུའུ་ལན་ཊི་(Victoria
Nuland )ལགས་ཀྱིས། “ ང་ཚོས་ཉེ་བའི་ཉིན་འགའི་ནང་བོད་མི་ ༣ གྱིས་རང་ལུས་མེར་བསྲེགས་བཏང་པའི་གནས་ཚུལ་ཐད་དོ་སྣང་ཤུགས་ཆེན་པོ་བྱེད་བཞིན་ཡོད།
ཨ་རིའི་གཞུང་གིས་སྔ་རྗེས་སུ་བོད་མིའི་རང་ལུས་མེར་བསྲེགས་ཀྱི་གནད་དོན་དེ་རྒྱ་ནག་གཞུང་ལ་ཐད་ཀར་གླེང་སློང་བྱས་ཡོད་ལ།
ཉེ་བའི་གནས་ཚུལ་དེ་དག་གིས་རྒྱ་གཞུང་གིས་འགྲོ་བ་མིའི་ཐོབ་ཐང་དང་ཆོས་དད་རང་དབང་ལ་བཀག་སྡོམ་ནན་མོ་བྱེད་བཞིན་པའི་བྱ་སྤྱོད་དེར་བོད་མི་རྣམས་ཀྱིས་མི་འདོད་པའི་རྣམ་འགྱུར་ཤུགས་ཆེན་པོ་སླེབས་བཞིན་པ་གསལ་སྟོན་བྱས་ཡོད།”
ཅེས་བརྗོད་དེ། བོད་ནང་རང་ལུས་མེར་བསྲེགས་ཀྱི་དོན་རྐྱེན་འབྱུང་བཞིན་པ་དེ་དག་ནི།
རྒྱ་གཞུང་གིས་འགྲོ་བ་མིའི་ཐོབ་ཐང་དང་ཆོས་དད་རང་དབང་ལ་བཀག་སྡོམ་ནན་མོ་བྱས་པའི་རྐྱེན་གྱིས་ཡིན་པ་གསལ་འདོན་བྱས་པ་མ་ཟད།
ལྕམ་ནུའུ་ལན་ཊི་ལགས་ཀྱིས་ཨ་རིའི་གཞུང་གིས་རྒྱ་གཞུང་གིས་བོད་མི་དང་མཉམ་དུ་དོན་ཕན་ལྡན་པའི་གྲོས་མོལ་བྱ་དགོས་པ་ནན་སྐུལ་བྱས་ཡོད་པ་དང་། དེ་དང་དུས་མཚུངས་སུ་གསར་འགོད་པ་དང་ཕྱི་འབྲེལ་མི་སྣ། དེ་བཞིན།
ཉམས་ཞིབ་པ་དག་གིས་དངོས་ཡོད་བདེན་པའི་གནས་ཚུལ་ཕྱིར་བསྒྲགས་དང་། རྒྱ་ནག་གི་དབང་སྒྱུར་འོག་ཡོད་པའི་སྤྱི་དམངས་ཀྱི་འགྲོ་བ་མིའི་ཐོབ་ཐང་ལ་བརྩི་འཇོག་བྱ་དགོས་པའི་སྐོར་བརྗོད་ཡོད་པ་རེད།
ཕྱི་ཚེས་ ༡༡
ཉིན་རྒྱ་གཞུང་གིས་གསར་འགོད་ལྷན་ཚོགས་ཤིག་བསྐངས་ཏེ། གཟའ་ཟླ་བའི་ཉིན་ཨ་རིའི་ཕྱི་སྲིད་ལྷན་ཁང་གི་མགྲིན་ཚབ་པས་ཨ་རིའི་གཞུང་གིས་བོད་མིའི་ལུས་མེར་བསྲེགས་ཀྱི་དོན་རྐྱེན་ལ་དོ་སྣང་ཤུགས་ཆེན་གནང་གི་ཡོད་པའི་བརྡ་ལན་སྤྲད་པ་དེར། རྒྱ་གཞུང་གིས་ཨ་རིའི་གཞུང་གིས་ཆོས་ལུགས་ལས་དོན་བེད་སྤྱད་དེ་རྒྱ་ནག་གི་ནང་སྲིད་ལ་ཐེ་ཇུས་བྱས་པར་མཐའ་གཅིག་ཏུ་ངོ་རྒོལ་ཡོད་སྐོར་གྱི་རྣམ་འགྱུར་བསྟན་ཡོད་པ་རེད།
རྒྱ་ནག་ཕྱི་འབྲེལ་མགྲིན་ཚབ་པ་ལིག་ཝེ་མཱན་གྱིས་གསར་འགོད་ལྷན་ཚོགས་ཐོག བོད་ནང་བསྐྱར་དུ་བོད་མི་སྐྱ་སེར་འགའི་རང་ལུས་མེར་བསྲེགས་བྱས་པའི་དོན་རྐྱེན་དེ་ནི།
ཞི་བདེ་ལྷིང་འཇགས་ལ་རེ་བའི་བོད་ཁུལ་གྱི་རྒྱ་ཆེའི་མང་ཚོགས་ཀྱི་འདོད་འདུན་དང་འཚམ་གྱི་མེད་སྐོར་དང་།
རྒྱ་ནག་གཞུང་གིས་མི་རིགས་སོ་སོའི་ཆོས་དད་རང་དབང་ཚུད་པའི་གཞི་རྩའི་ཁེ་དབང་སྣ་ཚོགས་ལ་སྲུང་སྐྱོབ་དང་དོ་གལ་ཆེན་པོ་བྱེད་བཞིན་ཡོད་སྐོར་བརྗོད་འདུག
ཨ་རིའི་ཝ་ཤིན་ཊོན་དུ་རྟེན་གཞི་བྱས་པའི་རྒྱལ་སྤྱིའི་བོད་དོན་རྒྱབ་སྐྱོར་ལས་འགུལ་ཚོགས་པའི་ཚོགས་གཙོ་ལྕམ་མཱར་ཁའེ་( Mary Beth
Markey ) ལགས་ཀྱིས་གསར་འགོད་པའི་བཅར་འདྲིའི་སྐབས། “བོད་མིའི་རང་ལུས་མེར་བསྲེགས་ཀྱི་གྲངས་འབོར་མུ་མཐུད་ཇེ་མང་དུ་འཕར་སྣོན་བྱུང་ཏེ། ད་ལྟ་རྒྱལ་སྤྱིའི་སྤྱི་ཚོགས་ཀྱིས་དོ་སྣང་བྱེད་དགོས་ངེས་ཀྱི་ཚད་ལ་སླེབས་འདུག རྒྱ་གཞུང་གིས་རྒྱལ་སྤྱིའི་སྟེང་རྒྱ་ནང་འགྲོ་བ་མིའི་རང་དབང་ཐོབ་ཐང་ཡོད་པ་དང་།
འགྲོ་བ་མིའི་ཐོབ་ཐང་ཐད་ཀྱི་རྒྱལ་སྤྱིའི་ཁྲིམས་གཞི་ཁག་ལག་བསྟར་བྱེད་བཞིན་ཡོད་སྐོར་དྲིལ་བསྒྲགས་བྱེད་བཞིན་པ་དེ་ནི་དོན་དངོས་དང་མཐུན་གྱི་མི་འདུག རྒྱ་གཞུང་གིས་ད་དུང་གནད་དོན་འདི་དག་སྦས་གསང་བྱས་ཏེ་རྒྱལ་སྤྱིའི་སྤྱི་ཚོགས་ཀྱིས་དོ་སྣང་མི་ཡོང་བ་བྱ་རྒྱུའི་རེ་ངན་འཆིང་བཞིན་ཡོད་པ་རེད།
ཡིན་ནའང་། ཨ་རི་དང་རྒྱལ་ཁབ་གཞན་མང་པོ་ཞིག་གིས་འཛམ་གླིང་གི་ཡུལ་ཕྱོགས་གང་སར་གཅིག་མཚུངས་ཀྱིས་དོ་སྣང་སླེབས་ཀྱིན་ཡོད།” ཅེས་བརྗོད་འདུག
ལྕམ་མཱར་ཁའེ་ལགས་ཀྱིས་གསར་ལམ་ཁག་ཏུ།
ཨ་རིའི་གཞུང་གིས་བོད་ནང་གི་རང་ལུས་མེར་བསྲེགས་ཀྱི་གནད་དོན་དེའི་ཐད་དོ་སྣང་གནང་བཞིན་པ་གསལ་འདོན་བྱས་པ་དེ་ནི། ཨ་རིའི་གཞུང་གིས་རྒྱ་ནག་མི་མང་གི་འགྲོ་བ་མིའི་ཐོབ་ཐང་ཐད་འཛིན་པའི་སྲིད་ཇུས་ཀྱི་ལངས་ཕྱོགས་དང་འགན་ལེན་གྱི་རྣམ་འགྱུར་ཞིག་ཡིན་པ་དང་།
རྒྱ་གཞུང་གིས་རང་ཉིད་འཛམ་གླིང་སྒང་མགོ་བོ་ཡར་འདེགས་བཞིན་པའི་སྟོབས་ཆེན་རྒྱལ་ཁབ་ཅིག་གི་སྣང་བརྙན་བསྐྲུན་ཐབས་བྱེད་ཀྱི་ཡོད་ནའང་། རྒྱ་གཞུང་གིས་དོན་དངོས་ཐོག་ལག་བསྟར་བྱེད་བཞིན་པའི་སྲིད་ཇུས་དེ་དག་ནི་ནོར་འཁྲུལ་གྱི་ལངས་ཕྱོགས་ཤིག་ཡིན་པ་མ་ཟད། རྒྱ་གཞུང་གི་བྱ་སྤྱོད་མཐའ་དག་ནུས་མེད་ཀྱི་རྒྱལ་ཁབ་ཐ་ཤལ་བ་ཞིག་དང་མཚུངས་པ་ལས།
འཛམ་གླིང་སྤྱི་ལ་འགན་ལེན་སྣེ་འཁྲིད་བྱེད་ཐུབ་མཁན་གྱི་རྒྱལ་ཁབ་ཞིག་གི་སྣང་བརྙན་མིན་པའི་སྐོར་བརྗོད་ཡོད་པ་རེད།
ཉེ་ཆར་ལོ་གསར་བའི་ནང་མདོ་སྨད་རྔ་པ་དང་མགོ་ལོག་ཁུལ་དུ་སྔ་ཕྱིར་བོད་མི་ ༣
ཀྱིས་རང་ལུས་མེར་བསྲེགས་བཏང་ཡོད་ལ། ཕྱི་ལོ་ ༢༠༠༩ ལོ་ནས་ད་ལྟའི་བར་བོད་ནང་སྔ་ཕྱིར་ཁྱོན་བསྡོམས་བོད་མི་སེར་སྐྱ་ ༡༦ རང་ལུས་མེར་བསྲེགས་བཏང་སྟེ་རྒྱ་གཞུང་གིས་བོད་ཐོག་འཛིན་པའི་དྲག་སྤྱོད་དབང་སྒྱུར་སྲིད་ཇུས་ལ་ཞི་བའི་ངོ་རྒོལ་བྱས་ཡོད་པ་རེད།
བལ་ཡུལ་དུ་གནས་སྡོད་མགོ་ལོག་པ་སྐར་ཁྲི་བཙན་ལགས་ཀྱིས་འདི་གའི་གསར་འགོད་པར་བརྗོད་པ་ལྟར་ན། དེ་རིང་བདག་གིས་ཕ་ཡུལ་དུ་ཁ་པར་བཏང་སྟེ་གོ་གསལ་ལྟར་ན།
དེ་རིང་ཞོགས་པ་སྔ་བོར་མགོ་ལོག་དར་ལག་རྫོང་ཐོག་གི་ལམ་འགྲམ་ནས་དགེ་འདུན་པ་ཞིག་གིས་རང་ལུས་མེར་བསྲེགས་བཏང་སྟེ། སྐུ་ཕུང་ཡོངས་སུ་མེར་འཚིགས་ཡོད་འདུག སྐབས་དེར་རྫོང་ཉེན་རྟོག་པ་ཡོང་སྟེ་སྐུ་ཕུང་འཁྱེར་ཡོད་ཀྱང་།
ས་གནས་བོད་པ་མང་པོ་ཞིག་འདུ་འཛོམས་ཀྱིས་སྐད་འབོད་བརྒྱབ་སྟེ་སྐུ་ཕུང་ཕྱིར་འཕྲོག་འདུག ཁོང་ཚོས་བརྗོད་གསལ་ལ།
དགེ་འདུན་པ་དུས་ཐོག་མར་གཞུང་ལམ་སུམ་མདོའི་གློག་སྡོང་ཆེན་པོ་ཞིག་གི་མདུན་ནས་སྐུ་ལུས་མེར་བསྲེགས་བཏང་འདུག་ལ།
མེར་བསྲེགས་གཏོང་མཁན་དོ་བདག་དེ་ནི་མགོ་ལོག་དགའ་བདེ་རྫོང་སྟོང་སྐྱོབ་དགོན་པའི་བླ་མ་བསོད་བྷ་ཡིན་པར་ཚོད་དཔག་བྱེད་ཀྱི་འདུག་ཟེར།
ཡང་གནས་ཚུལ་ཡོང་ཁུངས་གཞན་ཞིག་གིས་ཁ་པར་བརྒྱུད་བརྗོད་པ་ལྟར་ན། དེ་རིང་ཞོགས་པ་སྔ་བོ་བོད་ནང་གི་ཆུ་ཚོད་ ༦ སྟེང་། དགའ་བདེ་རྫོང་སྟོང་སྐྱོབ་དགོན་པའི་བླ་མ་བསོད་བྷ་མཆོག་གིས་སྐུ་ལུས་ལ་ས་སྣུམ་མང་པོ་བླུགས་ཤིང་། ཞལ་དུ་ཡང་ས་སྣུམ་མང་པོ་མཆོད་དེ་མེར་སྒྲོན་ཡོད་པ་དང་།
སྐབས་དེར་ཉེ་འཁོར་གྱི་མི་མང་པོས་འཛིན་ཐབས་བྱས་ཀྱང་། ཁོང་གིས་ཕྱག་ཏུ་བོད་པའི་རྒྱལ་དར་ཆེན་པོ་ཞིག་འཕྱར་བཞིན་" བོད་རང་བཙན་ཡིན། རྒྱལ་བ་རིན་པོ་ཆེ་བོད་ནང་གདན་འདྲེན་ཞུ་དགོས"
ཅེས་ཀྱི་འབོད་ཚིག་སྒྲོག་བཞིན་ཁྲོམ་ལམ་དུ་བརྒྱུགས་ཏེ་སར་འགྱེད་ཡོད་པ་དང་། དེ་མ་ཐག་རྫོང་གི་ཉེན་རྟོག་པ་མང་པོ་འབྱོར་ནས་སྐུ་ཕུང་འཁྱེར་རྩིས་བྱེད་སྐབས།
ས་གནས་བོད་རིགས་མང་པོ་འདུ་འཛོམས་ཀྱིས་སྐད་འབོད་སྒྲོག་པ་སོགས་བྱས་ཏེ་སྐུ་ཕུང་ཉེན་རྟོག་པའི་ལག་ནས་ཕྱིར་འཕྲོག་ཡོད་ཀྱང་། བོད་པའི་རྒྱལ་དར་དེ་འཕྲོག་ཐུབ་ཡོད་མི་འདུག
སྐར་ཁྲི་བཙན་ལགས་ཀྱིས་གོ་ཐོས་ལྟར་ན། ཐེངས་འདིར་བསོད་བྷོ་ལགས་ཀྱིས་རང་ལུས་མེར་བསྲེགས་གཏོང་དོན།
བླ་མ་བསོད་བྷ་མཆོག་གིས་ཉེ་ལམ་དགའ་བདེ་རྫོང་ཉེན་རྟོག་ལས་ཁུངས་སུ་ཕྱིན་ཏེ། ཐེངས་འདིའི་རྡོ་རྗེ་གདན་གྱི་དུས་འཁོར་དབང་ཆེན་ཞུ་བར་སྐྱོད་ཆེད་ཐོངས་མཆན་ཞུས་སྐབས།
འབྲེལ་ཡོད་ལས་བྱེད་ཚོས་ཁྱེད་རང་སྔོན་རྒྱ་གར་ལ་ཐེངས་ཁ་ཤས་ཕྱིན་མྱོང་མཁན་ཞིག་རེད་ཅེས་ཆབ་སྲིད་ཀྱི་ལས་ཀ་འདྲ་མིན་བྱས་ཡོད་པའི་ཉེས་འཛུགས་འོག་ལག་འཁྱེར་མ་སྤྲད་སྟབས། ཉིན་དེར་ཁོང་ཚོའི་བར་ཁ་རྩོད་ཤོར་ཏེ།
བླ་མ་བསོད་བྷ་ལགས་ཀྱིས་ཐེངས་འདིར་ཁྱེད་ཅག་གིས་ང་ལ་ལག་འཁྱེར་མ་སྤྲད་ཚེ་ངས་རང་ལུས་མེར་བསྲེགས་གཏོང་རྒྱུ་ཡིན་ཚུལ་བརྗོད་པ་གཞན་གྱིས་ཐོས་ཡོད་འདུག་ཟེར།
སྐར་ཁྲི་བཙན་ལགས་ཀྱིས་བརྗོད་དོན། “དགེ་འདུན་པ་དེས་རང་ལུས་མེར་བསྲེགས་གཏོང་སྟངས་དང་། ཁོང་སུ་ཡིན་མིན་ཐོག་སྐད་ཆ་འདྲ་མིན་ཞིག་ཡོང་གི་འདུག
ངས་ཀྱང་དེ་རིང་ཕ་ཡུལ་ལ་ཁ་པར་བཏང་སྟེ་གོ་པ་ཡིན། ད་དུང་འདིར་ཡོད་པའི་མགོ་ལོག་དགའ་བདེ་ཕྱོགས་ཀྱི་ཆོས་ཞུ་བ་གཞན་སྐོར་ཞིག་གིས་ཀྱང་ཁྱིམ་ལ་ཁ་པར་བཏང་སྟེ་གོ་འདུག
གལ་སྲིད་བླ་མ་བསོད་བྷ་ཁོང་ཡིན་ཚེ་ང་ཁོང་ལ་རྒྱུས་མངའ་ཆེན་པོ་ཡོད། ཁོང་གི་འཁྲུངས་ཡུལ་མགོ་ལོག་དགའ་བདེ་རྫོང་གོང་སྟོད་ཡུལ་ཚོ་དང་། སྟོང་སྐྱོབ་དགོན་པའི་བླ་མ་རེད། ད་ཆར་དགུང་ལོ་ ༤༠ ཙམ་ཡིན། སྟོང་སྐྱོབ་དགོན་དུ་གདེང་འཇོག་ཆེན་པོ་ཡོད་པ་མ་ཟད། རྨ་ཉིན་སྲིབ་གཉིས་ཀྱི་སེར་སྐྱ་མི་མང་གིས་ཧ་ཅང་བརྩི་གུར་དང་དད་གུས་ཆེན་པོ་ཞུ་ས་ཞིག་རེད"
ཅེས་བརྗོད་བྱུང་།
བོད་ཀྱི་དུས་བབ་དྲ་བ་ལས།
དེ་རིང་ཕྱི་ཚེས་ ༨ ཉིན་གྱི་དགོང་དྲོའི་ཆུ་ཚོད་ ༦ དང་ཕྱེད་ཀའི་སྟེང་བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་གིས་གནས་མཆོག་རྡོ་རྗེ་གདན་གྱི་སྣེ་ལེན་ཁང་གི་ཚོགས་ཁང་དུ། བོད་ནས་ཕེབས་པའི་ཆོས་ཞུ་བ་ ༨༠༠༠ ལྷག་ལ་བཙན་བྱོལ་བོད་མིའི་བྱུང་རིམ་དང་ཤེས་ཡོན། ཆོས་དང་རིག་གཞུང་། ཆབ་སྲིད་གནས་སྟངས། གཞིས་ཆགས་ཀྱི་འཚོ་བ། ལམ་དབུ་མའི་སྲིད་བྱུས། བོད་རྒྱ་འབྲེལ་མོལ། ༧གོང་ས་མཆོག་གི་སྐུ་དབང་རྩིས་སྤྲོད་དང་ཡང་སྲིད་ཕེབས་ཕྱོགས། དོལ་རྒྱལ ་བསྟེན་པའི་སྐྱོན་གནས་བཅས་ཀྱི་ཐོག་བཀའ་སློབ་གནང་སོང་།
ཟམ་གདོང་རིན་པོ་ཆེ་མཆོག་གིས་༧གོང་ས་མཆོག་གི་སྐུ་དབང་རྩིས་སྤྲོད་གནང་བའི་བརྒྱུད་རིམ་དང་དེའི་རྒྱབ་ལྗོངས་ངོ་སྤྲོད་དང་འབྲེལ་ནན་གྱིས་གསུངས་དོན། “ ད་བར་སྐྱབས་མགོན་རིན་པོ་ཆེའི་མཚན་གྱི་གཟི་བརྗིད་འོག་གནས་ཚུལ་མང་པོ་ཞིག་རང་བཞིན་གྱིས་ཡལ་འགྲོ་བཞིན་ཡོད། མ་འོངས་པར་མིང་ཙམ་ལ་བརྟེན་ནས་སྐུ་ངལ་བྱུང་བ་ཡིན་ན། རྒྱལ་བ་རིན་པོ་ཆེའི་མཚན་གྱི་གཟི་བརྗིད་མེད་སྐབས་སྐུ་ངལ་འཕྲད་སྲིད་པའི་རྒྱུ་མཚན་ལ་གཟིགས་ཏེ། ཁོང་གིས་ བཀའ་སློབ་གནང་བ་ལྟར་དབྱིན་ཡིག་ནང་མིང་ག་རེ་ཡོད་པ་བོད་ཡིག་ནང་བཟོས་པ་རེད། དེ་ལྟར་གནང་བ་ཡིན་ན། གཞུང་གི་གནས་བབ་ལ་འགྱུར་བ་མི་ཐེབས་པ་དང་། རྒྱལ་སྤྱིའི་ཐོག་རྙོག་དྲ་མི་ཡོང་བ། བཙན་བྱོལ་སྒྲིག་འཛུགས་དགའ་ལྡན་ཕོ་བྲང་གཞུང་གི་རྒྱུན་དེ་མུ་མཐུད་སྡོད་རྒྱུར་ཕན་ཐོགས་ཡོད་སྟབས། མིང་དང་ཚིག་ཙམ་ལ་གནད་འགག་ཆེན་པོ་མ་རྩིས་པ་རེད། ༢༠༡༡ ཕྱི་ཟླ་ ༥ པ འི་ནང་གི་དམིགས་བསལ་གྲོས་ཚོགས་ཀྱི་བཅའ་ཁྲིམས་བསྐྱར་བཅོས་སྐབས་མིང་དེ་དབྱིན་བོད་གཉིས་དང་མཐུན་པ་བཟོས་པ་རེད། ཁ་ཤས་ཀྱིས་༧རྒྱལ་བ་རིན་པོ་ཆེས་བཙན་བྱོལ་བོད་གཞུང་མེད་པ་བཟོས་པ་རེད་ཟེར་བ་དང་། ཁ་ཤས་ཀྱིས་རྒྱལ་བ་རིན་པོ་ཆེས་གཞུང་འཛིན་སྐྱོང་གནང་རྒྱུའི་ཐུགས་འདོད་ཡོད་པ་མ་རེད་ཟེར་བ་དེ་བདེན་པ་མ་རེད་ ” ཅེས་གསུངས་སོང་།
ཡང་ཟམ་གདོང་རིན་པོ་ཆེ་མཆོག་གིས་མུ་མཐུད་དུ་༧གོང་ས་མཆོག་གིས་བོད་མིའི་ཆབ་སྲིད་འཛིན་སྐྱོང་འགན་དབང་ལས་བགྲེས་ཡོལ་གནང་ཡོད་ནའང་། དགའ་ལྡན་ཕོ་བྲང་གཞུང་གི་ངོ་བོར་འགྱུར་བ་གང་ཡང་ཐེབས་མེད་པའི་སྐོར་གསུངས་དོན། “ རྒྱལ་བ་སྐུ་ཕྲེང་བཅུ་བཞིའི་ནང་དགུང་ལོ་ ༡༦ ནས་བོད་ཀྱི་ཆབ་སྲིད་ཐུགས་འགན་བཞེས་ཏེ། དགུང་ལོ་ ༧༦ བར་མི་ལོ ༦༠ རིང་བོད་ཀྱི་ཁྲིམས་མཐུན་གཞུང་སྐྱབས་མགོན་རིན་པོ་ཆེ་གཅིག་པུས་སྐུ་ལས་བསྐྱོན་ཏེ། དཀའ་ངལ་དང་ཛ་དྲག་གང་འདྲ་འཕྲད་ཀྱང་། འཛིན་སྐྱོང་གནང་ཐུབ་ཡོད་པ་རེད། བོད་ཀྱི་བྱུང་རབས་ལ་ཕྱིར་བལྟས་བྱས་ན། སྔོན་གྱི་ཆོས་རྒྱལ་ནས་རྒྱལ་བ་སྐུ་ཕྲེང་ན་རིམ་དང་། ས་སྐྱའི་ཁྲི་རབས་ན་རིམ། གཙང་པ་སྡེ་སྲིད་དང་ཕག་གྲུའི་སྡེ་སྲིད་སོགས་གང་ལ་བལྟས་ཀྱང་། སྲིད་སྐྱོང་གཅིག་གིས་ལོ་དྲུག་ཅུའི་རིང་ཆབ་སྲིད་བསྐྱངས་པ་ཞིག་བྱུང་མྱོང་ཡོད་པ་མ་རེད། སྔར་བྱུང་མ་མྱོང་བའི་བོད་ཀྱི་གནས་བབ་དཀའ་ངལ་ཆེ་ཤོས་ཀྱི་སྐབས་སུ་ཐུགས་འགན་བཞེས་པ་རེད། མཐའ་མ་ཐུགས་འགན་རྩིས་སྤྲོད་གནང་བ་རེད། སྒྲིག་འཛུགས་རྒྱུན་གནས་ཡོང་བ་དང་སྒྲིག་འཛུགས་དེང་རབས་དང་མཐུན་པ། རྒྱལ་སྤྱིའི་སྟེང་སུས་བལྟས་ཀྱང་ཚང་མས་ངོས་ལེན་གནང་བ་མ་གཏོགས། སྐྱོན་བརྗོད་བྱ་རྒྱུ་མེད་པ་ཞིག་སྲོལ་བཏོད་གནང་ཡོད་པ་རེད། སྐྱབས་མགོན་རིན་པོ་ཆེས་ཆབ་སྲིད་སྐུ་དབང་རྩིས་སྤྲོད་གནང་བ་དེ། དགོས་པ་རྒྱུ་མཚན་གཙོ་བོ་གཅིག་བོད་དོན་བདེན་མཐའ་མ་སེལ་བར། བཙན་བྱོལ་བོད་མིའི་ཆབ་སྲིད་སྒྲིག་འཛུགས་དེ། ངེས་པར་དུ་རྒྱུན་མཐུད་དགོས་པ་ཧ་ཅང་གལ་ཆེན་རེད། སྒྲིག་འཛུགས་དེ་གནས་མ་ཐུབ་ན། བོད་དོན་བདེན་མཐའ་སེལ་ཆེད་རྒྱལ་སྤྱིའི་སྟེང་ལས་དོན་བསྒྲུབ་རྒྱུའི་ལམ་ཁ་མེད་པ་ཆགས་འགྲོ་ཡི་ཡོད། བོད་ནང་ཆབ་སྲིད་ལས་དོན་བྱེད་ཐུབ་ཀྱི་མེད་པ་གསལ་པོ་རེད། ཕྱི་ལོགས་སུའང་། ཆབ་སྲིད་ལས་དོན་ག་རེ་བྱས་ཀྱང་། གཞུང་འབྲེལ་མ་ཡིན་པའི་ཚོགས་པ་ཞིག་གིས་བྱ་ཐུབ་ཀྱི་ཡོད་པ་མ་རེད། ༧རྒྱལ་དབང་ལྔ་པས་ཕྱག་བཏབ་པའི་ལོ་ ༣༦༠ བརྒལ་བའི་བོད་ཀྱི་ཁྲིམས་མཐུན་གཞུང་དེ། མ་ཉམས་པར་སྡོད་རྒྱུ་དེ་གལ་ཆེན་པོ་རེད། སྲིད་དོན་གྱི་ཐོག་ནས་གལ་ཆེན་པོ་རེད། སྤྱི་ཚོགས་ཀྱི་ཐོག་ནས་གལ་ཆེན་པོ་རེད། དེ་བཞིན་བྱུང་བའི་ཐོག་ནས་ཀྱང་གལ་ཆེན་པོ་ཆགས་ཡོད་པ་རེད། གཞུང་དེ་ང་གཅིག་ལོར་རྒྱ་ནག་གིས་བོད་ལ་དབང་བསྒྱུར་བྱས་སྐབས་ཀྱང་དགའ་ལྡན་ཕོ་བྲང་གཞུང་མེད་པ་ཆགས་མེད་ལ། གཞུང་དེར་རྒྱ་ནག་མི་མང་སྤྱི་མཐུན་རྒྱལ་ཁབ་ཀྱིས་ས་གནས་གཞུང་ལ་ངོས་འཛིན་བྱས་ཡོད། གྲོས་མཐུན་དོན་ཚན་ ༡༧ ནང་དུའང་། ༧གོང་ས་མཆོག་གི་སྐུ་དབང་དང་དགའ་ལྡན་ཕོ་བྲང་གི་གནས་བབ་ལ་འགྱུར་བ་མི་གཏོང་བ་དེ་བརྗོད་ཚིག་ནང་གསལ་པོར་བཀོད་ཡོད། བཙན་བྱོལ་དུ་འབྱོར་རྗེས་ང་ཚོ་ དམང ས་གཙོའི་ངོ་བོར་ཕྱིན་པ་རེད། ད མང ས་གཙོའི་ངོ་བོར་ཕྱིན་རྗེས་ཁྲིམས་མཐུན་གཞུང་དེ་ཕུན་སུམ་ཚོགས་པ་དང་། ཡར་རྒྱས་ཕྱིན་པ་མ་གཏོགས་དེར་ཉམས་རྒུད་སྤུ་ཙམ་ཡང་ཕྱིན་མེད་ ” ཅེས་གསུངས་སོང་།
མཐར་ཁོང་གིས་བོད་ཀྱི་འཐབ་རྩོད་དེ་འཚེ་མེད་ཞི་བའི་འཐབ་རྩོད་ཐོག་འགྲོ་དགོས་དོན་སྐོར་ལ་གསུངས་རྒྱུར་ “ བོད་མི་རིགས་ཀྱི་གཞི་རྩའི་འཐབ་རྩོད་དེ་བདེན་པར་གཞི་བཅོལ་བ་ཞིག་དང་། སངས་རྒྱས་ཀྱི་བསྟན་པ་དང་འབྲེལ་བ་ཡོད་པའི་གནས་སྟངས་ཤིག་ཆགས་ཡོད། བོད་མི་རིགས་དང་སངས་རྒྱས་ཀྱི་ཐེག་པ་གསུམ་དང་རྒྱུད་སྡེ་བཞི་བར་འབྲེལ་བ་ཟབ་མོ་ཆགས་ཡོད་པ་རེད། གངས་ཅན་ལྗོངས་ལ་སངས་རྒྱས་ཀྱི་བསྟན་པ་ཉམས་ན། དེ་འདྲའི་ཚང་ལ་མ་ནོར་བའི་བསྟན་པ་དེ། ནང་པའི་རྒྱལ་ཁབ་གཞན་པའི་ནང་ཡོད་པ་མ་རེད། ཐེག་པ་རེ་རེ་དང་གྲུབ་མཐའ་རེ་རེ། ཡང་ན་ཆོས་ཚན་རེ་ཟུང་ཙམ་ལས་ཚང་ལ་མ་ནོར་བའི་བསྟན་པ་མེད་བསྡད་པ་ཞིག་རེད། དེ་ཡིན་དུས་བོད་མི་རིགས་དེ་འཇིག་རྟེན་སྤྱི་ཡོངས་ཀྱི་ཁེ་ཕན་དང་འབྲེལ་བ་ཡོད་པ་ཞིག་ཡིན་སྟབས། ང་ཚོའི་འཐབ་རྩོད་དེ་བདེན་པ་དང་ཡང་དག་པའི་འཐབ་རྩོད་ཆགས་ཡོད། ང་ཚོའི་འཐབ་རྩོད་དེ་བདེན་པ་དང་ཡང་དག་པའི་ངོ་བོར་གནས་དང་མི་གནས་དེ། ང་ཚོའི་འཐབ་རྩོད་ཀྱི་ཐབས་ལམ་དེ་འཚེ་མེད་ཞི་བའི་ལམ་འབའ་ཞིག་ལ་འགྲོ་ཐུབ་མིན་ལ་རག་ལས་ཡོད་ ” ཅེས་གསུངས།
གསར་འགོད་པ། དཔལ་ལྡན་གྱིས་རྡོ་རྗེ་གདན་ནས
དེ་རིང(་ཚེས་༦)་ཞོགས་པའི་ཆུ་ཚོད་ ༦ དང་ཕྱེད་ཀའི་སྟེང་གནས་མཆོག་རྡོ་རྗེ་གདན་མཱ་ཧཱ་བྷོ་ཏི་མཆོད་རྟེན་ཆེན་མོའི་མདུན་ཐང་དུ། ༧གོང་ས་མཆོག་མཆོག་དབུ་བཞུགས་ཐོག དཔལ་ས་སྐྱ་བདག་ཁྲི་རིན་པོ་ཆེ་མཆོག་དང་། རྒྱལ་བ་ཀརྨ་པ་མཆོག དགའ་ལྡན་གསེར་ཁྲི། སྨན་རིའི་ཁྲི་འཛིན། གླིང་མཆོག་སྤྲུལ་རིན་པོ་ཆེ་གཙོས་བོད་ཀྱི་ཆོས་ལུགས་ཆོས་བརྒྱུད་ཁག་གི་བླ་ཆེན་དང་། རིས་མེད་ཆོས་སྡེ་ཁག་གི་དགེ་འདུན་པ་དང་། དད་ལྡན་ཆོས་ཞུ་བ་ཁྲི་ཚོ་བརྒལ་བས་མཆོད་འབུལ་སྨོན་ལམ་གཟབ་རྒྱས་ཤིག་གནང་སོང་ལ། མཆོད་འབུལ་སྨོན་ལམ་གྲུབ་རྗེས་མང་ཚོགས་ལ་ཚོགས་རྫས་སོགས་བཀྲམས་སོང་།
ཨ་མདོ་རྔ་པ་ནས་ཕེབས་པའི་ཆོས་ཞུ་བ་ཞིག་གིས་ནང་མི་ཚོར་༧གོང་ས་མཆོག་གི་ གསུང་སྐད་ཐོས་སུ་འཇུག་ཆེད་བོད་དུ་ཁ་པར་བཏང་སྐབས། དེ་རིང་ཉིན་རྒྱབ་རྒྱ་ནག་གི་ཆུ་ཚོད་ ༢
དང་སྐར་མ་ ༤༠ ཙམ་ལ་རྔ་པ་རྫོང་གི་ཁྲོམ་གཞུང་དུ་གྲྭ་བ་གཅིག་དང་མི་སྐྱ་གཅིག་བཅས་མི་གཉིས་ ཀྱིས་ལྷན་ཏུ་རང་ལུས་མེར་བསྲེགས་བཏང་ཡོད་སྐོར་བརྗོད་འདུག སྐབས་དེར་ཁོང་གཉིས་ཀྱིས་ཕྱག་ཐལ་མོ་སྦྱར་ཅིང་ ཞལ་ཀིརྟི་དགོན་པའི་ཕྱོགས་སུ་འཁོར་ཏེ། འབོད་ཚིག་མང་པོ་ཞིག་བསྒྲགས་ཡོད་ཀྱང་ རོབ་ཙམ་ཐོས་ཐུབ་པ་ནི་ “ རྒྱལ་བ་རིན་པོ་ཆེ་བོད་དུ་གདན་འདྲེན་ཞུ་དགོས། རྒྱལ་བ་རིན་པོ་ཆེ་སྐུ་ཚེ་ཁྲི་ལོ་བརྟན་པར་ཤོག ” ཅེས་པ་འདི་དག་ཡིན་འདུག ཡུན་ཙམ་གྱི་རྗེས་སུ་རྒྱ་གཞུང་གི་དམག་མི་དང་ཉེན་རྟོག་པ་འབྱོར་ཏེ་བཙན་ཁྲིད་ བྱས་ཡོད་འདུག
ཁ་ པར་གཏོང་ཡུལ་དེས་མཐོང་གསལ་ལྟར་ན། གྲྭ་བ་དེ་ཕལ་ཆེར་སྐུ་གྲོངས་ཡོད་པ་དང་། མི་སྐྱ་དེའི་གནས་སྟངས་གསལ་བོ་ཤེས་མ་ཐུབ་ཀྱང་མེ་ཤུགས་ཧ་ཅང་ཆེན་པོ་འབར་ཡོད་ སྟབས་གཉིས་ཀའི་ཚེ་སྲོག་ཤོར་ཡོད་པར་ཚོད་དཔག་བྱེད་ཀྱིན་ཡོད་འདུག གཞན་གྲྭ་བ་དེ་དང་མི་སྐྱ་དེ་གཉིས་རྔ་པ་གང་ནས་ཡིན་པ་དང་ལོ་ཚད་དང་མིང་སོགས་ད་ སྔ་གསལ་བོ་ཤེས་རྟོགས་ཐུབ་མ་སོང་ཟེར
དེ་རིང་ཞོགས་པར་རྒྱལ་བ་ཀརྨ་པ་མཆོག་གིས་རྡོ་རྗེ་གདན་གཏེར་སྒར་དགོན་པའི་ཉེ་འགྲམ་གྱི་ཐང་ཆེན་དུ་བོད་ནས་ཕེབས་པའི་ཆོས་ཞུ་བ་ རྣམས་གཙོ་བོར་བཟུང་སྟེ། བོད་ནང་གི་ཁོར་ཡུག་སྲུང་སྐྱོབ་སྲོལ་རྒྱུན་ལ་བདག་གཅེས། བོད་པའི་རིག་གཞུང་ལ་བདག་ཉར་བཅས་གནང་དགོས་པའི་བཀའ་སློབ་གནང་སོང་།
དེ་རིང་ཕྱི་ཚེས་ ༥ ཉིན་གྱི་ཞོགས་པའི་ཆུ་ཚོད་ ༧།༣༠ ཡས་མས་སུ་དཔལ་རྒྱལ་བ་ཀརྨ་པ་ཨོ་རྒྱན་འཕྲིན་ལས་རྡོ་རྗེ་མཆོག་གིས་རྡོ་རྗེ་གདན་གཏེར་སྒར་དགོན་པའི་ཉེ་འགྲམ་བཀའ་རྒྱུད་སྨོན་ལམ་ཚོགས་ རྭའི་ནང་བོད་ནས་ཕེབས་པའི་ཆོས་ཞུ་བ་༡༡༠༠༠
ལྷག་ལ་ད་ལྟའི་བར་བོད་ནང་གི་བོད་མི་ཚོས་བོད་ཀྱི་ཐུན་མོང་མ་ཡིན་པའི་རིག་གཞུང་དང་ཁོར་ཡུག་སྲུང་སྐྱོབ་ཐད་རང་ནུས་གང་ཡོད་བཏོན་ཡོད་པ་ལྟར།
མ་འོངས་པར་རིག་གཞུང་སྲུང་སྐྱོབ་དང་མི་རིགས་མཐུན་སྒྲིལ ། རི་དྭགས་དང་ཁོར་ཡུག་སྲུང་སྐྱོབ་བཅས་ཀྱི་ཐད་འབད་པ་བྱ་དགོས་པའི་ སྐོར་གསུངས་སོང་། སྐབས་དེར་ཀརྨ་པ་མཆོག་གིས་དུས་དབང་ཐེངས་ ༣༢ པའི་སྟེང་བོད་ནས་ཆེད་དུ་ཕེབས་པའི་ཆོས་ཞུ་བ་རྣམས་ལ་འཚམས་འདྲི་དང་འབྲེལ།
ཆོས་རྒྱལ་མེས་དཔོན་རྣམ་གསུམ་གྱི་སྐབས་སུ་མཐའ་བཞིའི་རྒྱལ་ཁམས་མང་པོ་དབང་དུ་བསྡུས་ཏེ། བོད་འདི་སྲིད་འབྱོར་རིག་གསུམ་ཡར་རྒྱས་ལྡན་པའི་རྒྱལ་ཁབ་དང་མི་རིགས་ཤིག་ཆགས་པ་དང་།
ལྷག་པར་དུ་བོད་མི་ཚོས་ད་ལྟའི་བར་ནང་པའི་ཆོས་ལ་ཐོས་བསམ་ཉམས་ལེན་བྱས་ཏེ། ད་ལྟའི་དུས་སྐབས་འདིར་རྒྱལ་ཁབ་གཞན་དང་གོམ་པ་མཉམ་སྤོ་བྱེད་ཐུབ་ཀྱིན་ཡོད་པའི་སྐོར།
བཙན་པོའི་གདུང་རྒྱུད་ཆད་པ་དང་བོད་ཁམས་སིལ་བུར་འཐོར་བ་བཅས་ལས་བོད་མི་ཚོ་གཅིག་གྱུར་མེད་པའི་དཀའ་རིམ་པ་བྱུང་ཡོད་ཀྱང་།
༸གོང་ས་མཆོག་གིས་ཐུགས་རྗེ་བཀའ་དྲིན་ལ་བརྟེན་ནས་ད་ལྟའི་དུས་འདིར་བོད་མི་ཚོ་གོང་བུ་གཅིག་གྱུར་དང་རྡོག་རྩ་ཆིག་སྒྲིལ་གྱི་དུས་སྐབས་གསར་བ་ཞིག་མགོ་ཚུགས་ཡོད་ཚུལ།
ཁོང་གི་ངོས་ནས་ང་དགུ་ལོའི་ཡར་སྔོན་གྱི་བོད་མི་ཚོས་སོ་སོའི་ས་ཆ་དང་ཆོས་ལུགས་ཆོས་རྒྱུད་ལས། བོད་སྤྱི་དོན་ལ་བསམ་བློ་བཏང་ཡོད་མཁན་དཀོན་པོ་ཡིན་པའི་ཚོར་སྣང་ཡོད་ཀྱང་།
ད་ལྟའི་ཆར་བོད་ཕྱི་ནང་གཉིས་ཀྱི་བོད་མི་ཚོས་བོད་ཀྱི་གནས་སྟངས་ལ་དོ་འཁུར་མཉམ་ལེན་བྱེད་ཀྱི་ཡོད་པ་དང་།
ལྷག་པར་དུ་བོད་ནང་གི་བོད་མི་ཚོ་རང་དབང་ལུང་པའི་བོད་མི་ལྟར་བོད་མིའི་གཤིས་ཀ་དང་ཡ་རབས་བཟང་སྤྱོད་མ་འགྱུར་བའི་ཐོག ཆོས་ལུགས་དང་ཆོལ་ཁའི་འཐེན་འཁྱེར་མེད་པར། བོད་མི་ཕན་ཚུན་ལ་རོགས་རམ་དང་མཐུན་ལམ་ཡག་པོ་ཡོད་པ།
ཁོང་རྣམ་པའི་རང་བཞིན་དང་ལྷག་བསམ། སྙིང་སྟོབས་བཅས་ལ་བསྟོད་བསྔགས་བཅས་གནང་སོང་།
ཁོང་གིས ་བོད་མིའི་མཐུན་ལམ་སྐོར་གསུངས་དོན “ དེང་སང་བོད་ནང་བོད་རིགས་ནང་ཁུལ་ཏུ་མི་གསོད་ཁྲག་སྦྱོར་བྱེད་ཀྱིན་པའི་གནས་ཚུལ་མང་པོ་ཞིག་གོ་ཡོང་གི་འདུག ངའི་ཕ་ཡུལ་ལྟ་བུར་མཚོན་ན། དུད་ཚང་ ༡༠༠ ཙམ་ལས་མེད་པའི་ལུང་པ་ཁུག་ཀྱོག་ ཅིག་ཡིན་ཡང་། སྔ་ལོ ར་ནང་ཁུལ་འཁྲུག་པ་ཤོར་ཏེ་མི་ ༣ བསད་པའི་གནས་ཚུལ་འདུག རྒྱུ་མཚན་མེད་པའི་ནང་ཁུལ་གྱི་འཁྲུག་འཛིང་དེའི་རིགས་ང་ཚོ་བོད་ཀྱི་ཆོས་དང་རིག་གཞུང་ཉམས་ཆག་དང་གཉན་འཕྲང་གི་དུས་སྐབས་འདིར་དུས་ཚོད་མ་རེད།
དེར་བརྟེན། ཁྱེད་རང་ཚོས་བོད་མི་ནང་ཁུལ་འཆམ་མཐུན་བྱ་དགོས་པ་རེད། གནད་དོན་དེ་དག་སྤྱི་ཚོགས་ཀྱི་སློབ་གསོ་དང་ལྟ་བ་འཁུར་སྟངས་སོགས་ལ་རག་ལས་སྟབས།
ཚང་མས་དོ་སྣང་དང་མཉམ་དུ་དམ་ཚིག་རྡོག་རྩ་གཅིག་སྒྲིལ་བྱ་རྒྱུའི་རེ་སྐུལ་བྱས་པ་ཡིན། རི་དྭགས་སྲུང་སྐྱོབ་ཀྱི་ཐད་ནས། ང་ཚོ་ཚང་མ་ནང་པ་སངས་རྒྱས་པའི་ཐེག་པ་ཆེན་པོའི་ལམ་ལ་ཞུགས་ཏེ།
བྱམས་དང་སྙིང་རྗེ་ཉམས་ལེན་དང་མ་གྱུར་སེམས་ཅན་ཐམས་ཅད་ཀྱི་དོན་དུ་བསྔོ་བ་སྨོན་ལམ་བྱེད་ཀྱི་ཡོད། སྔོན་ཆད་སྒོ་ཟོག་སེམས་ཅན་གསོད་པའི་གནས་ཚུལ་ཡོད་ཀྱང་ཉུང་ཉུང་རེད།
དེང་སང་བོད་ནང་སེམས་ཅན་གསོད་པ་དེ་བཟོ་ལས་ཅན་ཏུ་གྱུར་ཏེ། ཉིན་རེར་ཁྲི་ཕྲག་མང་པོའི་སྲོག་གཅོད་ཀྱིན་པའི་གནས་ཚུལ་གོ་ཡོང་གི་འདུག དེའི་ཐད་བོད་མི་ཚོས་བསམ་བློ་གཏོང་རྒྱུ་གལ་ཆེན་པོ་རེད། ང་ཚོས་ཁ་ནས་སེམས་ཅན་ཐམས་ཅད་སྡུག་བསྔལ་དང་བྲལ་ན་བསམ་པའི་སྨོན་ལམ་རྒྱག་གི་ཡོད་ཀྱང་།
ལག་ལེན་གྱི་ཐོག་ནས་སེམས་ཅན་གཞན་ལ་བཙོང་སྟེ་སྡུག་ལ་སྦྱོར་གྱིན་པ་དེ་སྨོན་ལམ་དང་མཐུན་གྱི་མེད། ཚང་མས་བསམ་བློ་བཏང་སྟེ་འཚེ་བ་སྤོང་ བའི་ཐད་ལ་འབད་པ་བྱ་དགོས་པ་རེད།
ཁོར་ཡུག་གི་ཐད་ནས། བོད་ཀྱི་གངས་རི་དང་འཁྱགས་རོམ་བཅས་ཀྱིས་ཨེ་ཤ་ཡའི་ཡུལ་གྲུ་ཁག་གི་སེམས་ཅན་མང་པོ་ཞིག་གི་འཐུང་ཆུ་ཆགས་ཏེ། བོད་ཀྱི་ཁོར་ཡུག་ཏེ་ཨེ་ཤ་ཡའི་ཡུལ་གྲུ་ཁག་གི་སེམས་ཅན་ཚོ འི་ཚེ་སྲོག་གི་འབྱུང་གནས་ལྟ་བུ་ཆགས་ཡོད་སྟབས། བོད་ནང་གི་བོད་མི་ཚོས་རང་ས་ནས་ཁོར་ཡུག་དང་རི་དྭགས་སྲུང་སྐྱོབ་དང་། ཆུ་དང་ཁ་དབུགས་འབག་བཙོག་མི་ཡོང་བའི་ཐད་ལ་འབད་པ་བྱས་ཏེ།
མི་རབས་རྗེས་མ་རྣམས་ལ་བདེ་སྐྱིད་དང་ལྡན་པའི་ཁོར་ཡུག་ཅིག་བསྐྲུན་པའི་ཐད་ལ་འབད་པ་བྱ་རྒྱུ་གལ་ཆེན་པོ་རེད། དེང་སང་ཤ་བོའི་རྭ་བཙོང་ཆེད་ཤྭ་བ་མང་པོ་གསོད་པའི་པའི་གནས་ཚུལ་འདུག དེ་དག་གི་ཐད་ལ་དོ་སྣང་བྱས་ཏེ། རི་སྐྱེས་སྲོག་ཆགས་སྲུང་སྐྱོབ་བྱ་དགོས ” ཞེས་གསུངས་བྱུང་།
ཡང་ཀརྨ་པ་མཆོག་གིས་བོད་ཀྱི་སྲོལ་རྒྱུན་རིག་གནས་སྲུང་སྐྱོབ་དང་བོད་རྒྱའི་མཐུན་ལམ ་སྐོར་ལ་གསུང་དོན། “ དེང་སང་བོད་པའི་ནང་ཤེས་ཡོན་པ་མང་དུ་ཕྱིན་ ཏེ། མང་པོ་ཞིག་གིས་བོད་ཀྱི་སྲོལ་རྒྱུན་ལ་དགག་པ་བྱས་པ་དེ་ཡག་པོ་མ་རེད། སྔོན་མའི་ལུགས་སྲོལ་དེ་དག་མི ས་བཟོས་པའི་དབང་གིས་དུས་དང་བསྟུན་ཏེ་འགྱུར་བ་བཏང་ཆོག་གི་རེད།
ཡིན་ནའང་། དེ་དག་ལོ་ངོ་སྟོག་ཕྲག་རིང་བརྟག་དཔྱད་དང་ཉམས་མྱོང་བརྒྱུད་དེ་ཡོང་བ་སྲོལ་རྒྱུན་གྱི་ཤེས་ཡོན་ཞིག་ཡིན་སྟབས། ང་ཚོའི་ངོས་ནས་དེ་ལ་དོ་སྣང་བྱ་རྒྱུ་གལ་ཆེན་པོ་རེད།
སྲོལ་རྒྱུན་གྱི་ཤེས་ཡོན་དེ་ང་ཚོའི་མིག་ལྟ་བུ་དང་དེང་དུས་ཀྱི་ཤེས་ཡོན་དེ་ལག་པ་ཟུང་ལྟ་བུ་རེད། དེང་དུས་ཀྱི་ཤེས་ཡོན་གཅིག་པུའི་བོད་མི་རིགས་ཀྱི་ཆོས་དང་རིག་གཞུང་སྲུང་སྐྱོབ་བྱ་རྒྱུ་ཁག་པོ་ཆགས་ཡོད་སྟབས།
ཚང་མས་དོ་སྣང་བྱ་དགོས་པ་རེད། དེ་དང་ཆབས་ཅིག ང་ཚོའི་བོད་མི་རིགས་དེ་རྒྱ་དཀར་ནག་གཉིས་ཀྱི་ཁྱིམ་མཚེས་ཆགས་བསྡད་ཡོད་པ་རེད།
ད་ལྟའི་བར་ནང་པ་སངས་རྒྱས་པའི་ཆོས་དེ་རྒྱ་གར་ནང་བོད་ནང་དར་སྤེལ་བྱས་ཡོད་སྟབས། རྒྱ་གར་དང་བོད་གཉིས་འབྲེལ་བ་གཏིང་ཟབ་མོ་ཡོད་པ་རེད། རྒྱ་ནག་ལ་མཚོན་ནའང་། སྔོན་མ་ནས་ང་ཚོར་མཛའ་བརྩེའི་འབྲེལ་བ་ཡོད་བསྡད་པ་རེད།
རྒྱ་བཟའ་ཀོང་ཇོ་བོད་ལ་ཕེབས་པ་དང་ཇོ་ཤག་རྣམ་གཉིས་བོད་ལ་གདན་འདྲེན་ཞུས་པ་ནས་བཟུང་འབྲེལ་བ་ཡོད་ཀྱང་། ཆབ་སྲིད་ཀྱི་གནས་ཚུལ་མང་པོ་ཞིག་བྱུང་སྟེ་གནས་ཚུལ་འདི་འདྲ་ཞིག་ཆགས་ཡོད་ཀྱང་།
༸གོང་ས་མཆོག་ཆོས་ལུགས་ཀྱི་དབུ་ཁྲིད་ཅིག་ཡིན་པའི་ཆ་ནས་ཞི་འཇམ་དང་མཛའ་བརྩེ་བཅས་ལ་དམིགས་ཏེ། དགོངས་གཞི་རྒྱ་ཆེན་པོ་གནང་ཡོད་པ་རེད། བོད་ནང་གི་བོད་མི་ཚོ ར་དཀའ་ངལ་འཕྲད་ཀྱིན་པ་དེ་ང་ཚོས་ཤེས་ཀྱི་ཡོད། གཙོ་བོ ་བོད་ཀྱི་རིག་གཞུང་ཁོར་ཡུག་དང་བཅས་པའི་རྩ་བ་ཁྱེད་རང་ཚོ་ཆགས་ཡོད་སྟབས། ཁྱེད་རང་ཚོས་རྒྱ་མི་རིགས་དང་མཐུན་ལམ་དམ་ཟབ་བྱ་རྒྱུ་དང་།
འཁོན་འཛིན་མེད་པའི་ཐོག་མུ་མཐུད་འབད་པ་བྱ་རྒྱུ་གལ་ཆེན་པོ་རེད ” ཅེས་གསུངས་བྱུང་།
མཐར་ཁོང་གིས། “ ང་ཚོ་ཚང་མས་དམིགས་ཡུལ་གཙོ་བོ། ༸གོང་ས་མཆོག་བོད་ནང་གདན་འདྲེན་ ཞུ་རྒྱུ་དང་བོད་གཞིས་བྱེས་མཉམ་འཛོམས་བྱ་རྒྱུ་དེ་རེད། ང་རང་ལ་མཚོན་ན། ༸གོང་ས་མཆོག་སྐུ་འཚོ་བཞུགས་ཀྱི་སྐབས་འདིར་བོད་ནང་ཕེབས་ཐུབ་པའི་ཡིད་ཆེས་ཆེན་པོ་ཡོད། ང་རང་ ༢༠༠༠ ལོར་འདིར་ཡོང་སྟེ་ལོ་ ༡༡ རིང་གང་ཐུབ་ཀྱིས་སློབ་སྦྱོང་བྱས་པ་ཡིན།
ད་ལྟའི་བར་ཁྱེད་རང་ཚོ་མ་བརྗེད་པར་དྲན་བསྡད་ཡོད། ང་རང་གི་ངོས་ནས་གཞིས་སྡོད་བོད་མི་ཚོར་ཞ བས་འདེགས་བསྒྲུབ་ཐུབ་པར་ཤོག་ཅེས་སྨོན་ལམ་ རྒྱག་གི་ཡོད། ད་ལོ་ང་རང་ལོ་ ༢༦ ཡིན་པ་དང་ད་ལྟ་ལོ་ཆུང་ཆུང་ཡིན་སྟབས།
ངའི་རེ་བ་འགྲུབ་རྒྱུ་རེད་བསམ་གྱི་ཡོད། སྤྱིར་བཏང་ཀརྨ་པ་ཞེས་པ་དེ་བོད་ཀྱི་ལོ་རྒྱུས་ཐོག་བླ་མ་གལ་ཆེན་པོ་ཞིག་ཆགས་བསྡད་ཡོད་སྟབས། ལས་འགན་དེ་ང་ལ་ཡོད་པ་རེད།
ང་རང་མི་ཞིག་ཡིན་པའི་དབང་གིས་ལས་དོན་ཆ་ཚང་འགྲུབ་མི་ཐུབ་ཀྱང་ངས་གང་ཐུབ་ཐུབ་བྱེད་ རྒྱུ་ཡིན། གཙོ་བོ།
ཁྱེད་རང་ཚོས་ཚེ་སྲོག་སྲུང་སྐྱོབ་བྱས་པའི་ཐོག་ནས་ཆོས་དང་རིག་གཞུང་ལ་བདག་པོ་རྒྱག་རྒྱུ་དང་། ང་ཚོ་རང་དབང་ལུང་པའི་ནང་ཡོད་པའི་བོད་མི་ཚོས་འཛམ་གླིང་ ཐོག་བོད་ཀྱི་གནས་སྟངས་ངོ་སྤྲོད་དང་ཁྱབ་བསྒྲགས་བྱ་རྒྱུ་ དེ་ཡིན་སྟབས། ཁྱེད་རང་ཚོའི་ངོས་ནས་དེའི་ཐད་ལ་འབད་པ་བྱ་དགོས། “ ཞེས་གསུངས་བྱུང་།
རྒྱ་ནག་གཞུང་གིས་རྩོམ་པ་པོ་སྒྱིས་ཚང་སྟག་སྨིག་ལགས་སྔ་ཕྱི་ཐེངས་གཉིས་ ལ་བཀག་ཉར་བྱས་ཡོད་པ་མ་ཟད། ཕྱི་ཟླ་ ༡༢ པའི་ཚེས་ ༣༠ ཉིན་ཁོང་གི་ནང་མི་ཀན་ལྷོ་གཙོད་གྲོང་ཁྱེར་དུ་ཡོད་པའི་བཙོན་ཁང་ནང་ཐུག་འཕྲད་དུ་ཕྱིན་སྐབས།
ཉེན་རྟོག་པས་ཁོང་གི་ཕ་རྒན་ལ་ཐུག་འཕྲད་ཀྱི་གོ་སྐབས་སྤྲད་མེད་པའི་ཁར། ཀན་ལྷོ་མི་ དམང ས་ཁྲིམས་ཁང་གིས་ཁོང་ལ་ལོ་ ༤
དུས་བཀག་བཙོན་འཇུག་གི་ཁྲིམས་ཐག་བཅད་ཡོད་པའི་བརྡ་ལན་སྤྲད་ཡོད་འདུག་ལ། ཉེ་བའི་ཆར་ཁོང་ལ་ཁྲིམས་ཐག་བཅད་པའི་སྐོར་གྱི་བདེན་དཔང་ཡིག་ཆ་ཅི་ཡང་མེད་པར་མ་ཟད།
བཙོན་ཁང་གང་དུ་འཁྲིད་མིན་གྱི་གནས་ཚུལ་ཅི་ཡང་གསལ་བཤད་བྱས་མི་འདུག
རྩོམ་པ་པོ་ཁོང་ནི། ༡༩༨༠ ལོར་ཀན་ལྷོ་བོད་རིགས་རང་སྐྱོང་ཁུལ་བསང་ཆུ་རྫོང་སྒྱིས་ཚང་མང་དབང་ལུང་སྡེ་བའི་ཕ་བསམ་འཕེལ་དང་མ་སྐྱིད་རིས་གཉིས་ཀྱི་བུར་སྐྱེས་ཤིང་། རང་ལོ་ ༩
སྟེང་ནས་བཟུང་ས་གནས་ཀྱི་སློབ་གྲྭ་ཁག་དང་སྒྱིས་ཚང་དགའ་ལྡན་ཆོས་འཁོར་གླིང་། ཀན་སུའུ་ནང་བསྟན་སློབ་གླིང་བཅས་སུ་སློབ་གཉེར་གནང་རིམ་པར་གནང་ཡོད། ཕྱིས་སུ་ཁོང་གིས་བརྩམས་པའི་༼
མི་ཡུལ་དུ་ཕུལ་བའི་སེམས་པ༽ཞེས་པའི་དཔེ་དེབ་དང་། ཡི་གེ་འབྲི་ཀློག་མི་ཤེས་མཁན་ཚོར་དམིགས་ཏེ། བོད་ནང་གི་དངོས་ཡོད་གནས་སྟངས་ངག་ཐོག་ནས་བརྗོད་ཡོད་པའི་གློག་བརྙན་འོད་སྡེར་༼
བོད་ལ་རང་དབང་མེད་པའི་སྐོར་གྱི་སྙན་ཞུ༽ཞེས་པ་ ༢༥༠༠ ཙམ་ཀན་སུའུ་དང་མཚོ་སྔོན། སི་ཁྲོན་བཅས་སུ་འགྲེམས་སྤེལ་བྱས་མཐར།
རྒྱ་ནག་གཞུང་གིས་རྒྱལ་ཁབ་ཀྱི་ཆབ་སྲིད་དང་འགལ་ཡོད་པ་དང་། ཕྱི་ཕྱོགས་ཁ་བྲལ་བ་དང་ངན་འབྲེལ་གྱིས་རྒྱལ་ཁབ་མགོ་རྟིང་སློག་པའི་བྱ་ངན་བརྩམས་ཡོད་པའི་ཉེ་འཛུགས་བྱས་སྟབས།
ལོ་གཅིག་རིང་བྲོས་བྱོལ་གྱི་འཚོ་བ་བསྐྱལ་ ཡོད།
༢༠༠༧ ལོའི་ཕྱི་ཟླ་ ༧ པའི་ཚེས་ ༢༧
ཉིན་གྱི་དགོང་མོར་སི་ཁྲོན་མཛོད་དགེ་རྫོང་ཐོག་ཏུ་འཛིན་བཟུང་གིས་དུས་ཡུན་གང་འཚམ་རིང་བཀག་ཉར་བརྒྱུད་ ཀློད་གྲོལ་བཏང་ཡོད་འདུག ༢༠༡༠ ལོའི་ཕྱི་ཟླ་ ༡༢ བའི་ཚེས་ ༡༣
ཉིན་ཡང་བསྐྱར་འཛིན་བཟུང་གིས་ལོ་གཅིག་ལྷག་རིང་ཀན་ལྷོ་གཙོས་གྲོང་ཁྱེར་གྱི་བཙོན་ཁང་ཞིག་ཏུ་བཀག་ཉར་གྱིས་ནང་མི་གཉེན་འབྲེལ་སུ་གང་ལའང་ཐུག་འཕྲད་བྱས་བཅུག་མེད་པ་མ་ཟད། ༢༠༡༡ ལོའི་ཕྱི་ཟླ་ ༡༢ པའི་ཚེས་ ༣༠
ཉིན་ཀན་ལྷོ་ཉེན་རྟོག་པས་ཁོང་གི་ཕ་རྒན་ལ་ལོ་ ༤ དུས་བཀག་བཙོན་འཇུག་གི་ཁྲིམས་ཆད་བྱས་ཡོད་པའི་བརྡ་ལན་སྤྲད་འདུག
པེན་བོད་ཀྱི་རྩོམ་པ་པོའི་མཐུན་ཚོགས་ངོས་ནས་བོད་ནང་གི་རྩོམ་པ་པོ་ཆབ་སྲིད་བཙོན་མ་རྣམ་པའི་གནས་སྟངས་དུས་ལྟར་རྒྱལ་སྤྱིའི་དབུས་པེན་ལ་སྙན་ཞུ་སོགས་ཕུལ་ནས་ཁོང་ཅག་གང་མྱུར་གློད་གྲོལ་དང་བདེ་འཇགས་ལ་གནོད་པ་མི་འབྱུང་བའི་ཐབས་ཤེས་གང་ཡོང་བྱས་དང་བྱེད་ཀྱིན་པ་ལྟར་རྩོམ་པ་པོ་ཁོང་ལ་ཡང་གུས་འདུད་དང་བཅས་རོགས་ཕན་ཅི་ནུས་ཞུ་ངེས་ཡིན།
དེ་རིང་ཕྱི་ཚེས་ ༢༩ ཉིན་གྱི་ཞོགས་པའི་ཆུ་ཚོད་ ༩
པའི་སྟེང་། གནས་མཆོག་རྡོ་རྗེ་གདན་ གྱི་མཆོད་མཆོད་ཆེན་མོའི་ཉེ་འགྲམ་ དུ་བོད་མིའི་སྒྲིག་འཛུགས་ དྲིལ་བསྒྲགས་ལས་ ཁུངས་ཀྱི་དུས་དབང་ཐེངས་ ༣༢ པའི་སྟེང་ཆེད་དུ་གོ་སྒྲིག་གནང་བའི་འགྲེམས་སྟོན་ཁང་ ཞིག་ དབུ་འབྱེད་གནང་ཡོད་ཅིང་། འགྲེམས་སྟོན་དབུ་འབྱེད་ཀྱི་སྐུ་མགྲོན་གཙོ་བོར་ དེ་སྔའི་ ཨ་རི་ནཱ་ཅལ་མངའ་སྡེའི་ སྤྱི་ཁྱབ་བློན་ཆེན་འདུས་པོ་རྡོ་རྗེ་མཁའ་འགྲོ་མཆོག་གི་བུ་ཨ་རུ་ནཱ་ཅལ་ ཁོར་ཡུག་ དང་ཡུལ་སྐོར་སྤྲོ་འཆམ་ བློན་ཆེན་པདྨ་མཁའ་འགྲོ་མཆོག་གཙོས། བོད་མིའི་སྒྲིག་འཛུགས་ བདེ་སྲུང་བཀའ་བློན་མཆོག་དང་དུས་འཁོར་དབང་ཆེན་གོ་སྒྲིག་ཚོགས་ཆུང་གི་ཚོགས་གཙོ་བླ་མ་ངག་དབང་ནོར་བུ་མཆོག རྟ་དབང་དགོན་པའི་མཁན་པོ་གུ་རུ་རིན་པོ་ཆེ་མཆོག དེ་བཞིན། སྐུ་སྒེར་དྲུང་ཆེ་དང་བདེ་སྲུང་དྲུང་ཆེ། ཕྱི་དྲིལ་དྲུང་ཆེ། གཞུང་ཞབས་ལས་བྱེད་དང་གསར་འགོད་པ་བཅས་འདུ་འཛོམས་བྱུང་ཡོད།
འགྲེམས་སྟོན་མཛད་སྒོའི་ཐོག་སྐུ་མགྲོན་གཙོ་བོ་པདྨ་མཁའ་འགྲོ་མཆོག་ནས་འགྲེམས་སྟོན་ཁང་དབུ་འབྱེད་དང་། ཐེངས་འདིའི་འགྲེམས་སྟོན་པར་རིས་ཡོངས་ལ་གཟིགས་ སྐོར་ གནང་སོང་ལ། སྐབས་དེར་གསར་འགོས་པས་ཁོང་ལ་པར་རིས་འགྲེམས་སྟོན་བརྒྱུད་སེམས་ཚོར་གང་འདྲ་བྱུང་མིན་དྲིས་པ འི ་ལན་དུ ་ ཁོང་གིས། “ ང་རང་གི་ངོས་ནས་ཐེངས་འདིའི་བཙན་བྱོལ་བོད་མའི་སྒྲིག་འཛུགས་ཀྱི་འགྲེམས་སྟོན་འདི་ཧ་ཅང་ཡག་པོ ར ་མཐོང་བྱུང་། པར་རིས་འདི་དག་བརྒྱུད་༸གོང་ས་མཆོག་སྐུ་གཞོན་པའི་དུས་ནས་ད་ལྟའི་བར་གྱི་མཛད་རྣམ་གསལ་བོ་ཤེས་ཐུབ་པར་མ་ཟད། བཙན་བྱོལ་ བོད་མིའི་ སྒྲིག་འཛུགས་ཀྱི་འདས་པའི་ལོ་ ༥༠ ལྷག་གི་ལོ་རྒྱུས་ཡོངས་སུ་རྫོགས་པ་ཧ་གོ་ཐུབ་ ཀྱི་འདུག གནས་ཚུལ་ཆུང་ཚགས་ཙམ་མིན་པར་ རྒྱ་ཁྱབ་གཏིང་ཟབ་ཀྱི་སྒོ་ནས་འགྲེམས་སྟོན་བྱས་འདུག ” ཅེས་གསུངས་གནང་སོང་།
ཐེངས་འདིའི་བོད་མིའི་སྒྲིག་འཛུགས་ཕྱི་དྲིལ་ལས་ཁུངས་ཀྱི་པར་རིས་འགྲེམས་སྟོན་གྱི་དམིགས་ཡུལ་གཙོ་བོ་ནི། བོད་ནང་དང་ཕྱི་རྒྱལ་ཡུལ་གྲུ་ཁག རྒྱལ་བལ་འབྲུག་གསུམ་བཅས་ནས་ཕེབས་པའི་ཆོས་ཞུ་རྣམས་ལ། འདས་པའི་མི་ལོ་ ངོ་ ༥༠ བཙན་བྱོལ་བོད་མིའི་སྤྱིའི་གནས་སྟངས་དང་། ལྷག་པར་དུ་༸གོང་ས་མཆོག་སྐུ་གཞོན་ནུའི་དུས་ཀྱི་མཛད་འཕྲིན་དང་ད་ལྟའི་བར་འཛམ་གླིང་རྒྱལ་ཁབ་ཁག་གི་སྲིད་འཛིན་དང་སྲིད་བློན། རྒྱལ་པོ་གཙོས་གནད་ཡོད་མི་སྣར་ཐུག་འཕྲད་གནང་བའི་སྐོར་སོགས་པར་རིས་ཀྱི་ལམ་ནས་ངོ་སྤྲོད་བྱ་འཆར་ཡིན་འདུག་ལ། ཐེངས་འདིར་ཁྱོན་བསྡོམས་པར་རིས་གྲངས་ ༨༠ ལྷག་ཡོད་པ་ཁག ་ ༸གོང་ས་མཆོག་གི་མཛད་རྣམ་དང་འདས་པའི་མི་ལོ་ ༥༠ ལྷག་གི་བོད་མི་སྐྱབས་བཅོལ་བའི་ལོ་རྒྱུས། བོད་ཀྱི་རྒྱལ་རབས་ལོ་རྒྱུས་བཅས་སྡེ་ཚན་མི་འདྲ་བ་གསུམ་དུ་བགོས་ཏེ་འགྲེམས་སྟོན་བྱས་འདུག
དེ་བཞིན། ཕྱི་དྲིལ་ལས་ཁུངས་ཀྱི་ངོས་ནས་ཐེངས་ འདིའི་ དུས་འཁོར་དབང་ཆེན་གྱི་ཉིན་ ༡༠ རིང་པར་རིས་འགྲེམས་སྟོན་འདི་ཁོ་ན་མིན་པར། དུས་དབང་སྐབས་རྒྱལ་སྤྱིའི་གསར་འགོད་པ ་དག་ལ་གནས་ལ་གནས་ཚུལ་སྤེལ་གཏོང་ཁང་གོ་སྒྲིག་དང་ ཉིན་རེའི་མཛད་རིམ་ངོ་སྤྲོད་ བཅས་ གནང་རྒྱུ་ ཡིན་འདུག་ལ། ཟླ་འདིའི་ཕྱི་ཚེས་ ༡ ནས་ཚེས་ ༧ བར་ཆོས་ཞུ་བའི་སྡོད་ གུར་ས་ཚིགས་སུ་ ༸གོང་ས་མཆོག་གིས་དམངས་གཙོའི་ལམ་ནས་འོས་འདེམས་བྱས་པའི་བཀའ་བློན་ཁྲི་པར་སྐུ་དབང་རྩིས་སྤྲོད་བྱས་པའི་སྐོར་དང་། བཀའ་ཁྲིའི་དམ་འབུལ་མཛད་སྒོའི་སྐོར། སྐུའི་ཡང་སྲིད་སྐོར་ལ་༸གོང་ས་མཆོག་ རང་ནས་ གནང་བའི་བཀའ་སློབ། དོལ་རྒྱལ་བསྟེན་པའི་ཐད་ལ་དགེ་སྐྱོན་གང་ཡོད ། ༢༠༠༨ ལོར་བོད་ས་ཡོངས་སུ་ཞི་བའི་སྒེར་ལངས་བྱས་པའི་སྐོར་གྱི་པར་རིས ་དང་གློག་ རྙན། ཁམས་སྐྱེ་རྒུ་མདོའི་ས་ཡོམ་སྐབས་བོད་ཆོལ་ཁ་གསུམ་གྱི་བོད་མི་ཚོས་རྡོག་རྩ་གཅིག་སྒྲིལ་གྱི་རོགས་རམ་གང་འདྲ་གནང་ཡོད་མེད་སོགས་ཀྱི་གློག་བརྙན་ཁག་མི་མང་གི་ གཟིགས་འབུལ་ཞུ་ འཆར་ཡོད་པ་མ་ཟད། ཕྱི་ཚེས་ ༧ ཉིན་བཀའ་བློན་ཁྲི་པ་བློ་བཟང་སེང་གེ་མཆོག་གིས་བོད་ནས་གསར་དུ་འབྱོར་བའི་ཆོས་ཞུ་བ་རྣམས་ལ་བཀའ་སློབ་གནང་རྒྱུ་དང་། ཕྱི་ཚེས་ ༩ ཉིན་བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་གིས་མི་མང་ལ་ལམ་སྟོན་བཀའ་སློབ་གནང་རྒྱུ་བཅས་ཀྱི་ལས་རིམ་བསྒྲིགས་ཡོད་འདུག
ཁ་སང་ཉིན་རྒྱབ་དབུ་མའི་ལམ་མི་མང་ལས་འགུལ་ཁང་གི་གོ་སྒྲིག་འོག
གནས་མཆོག་རྡོ་རྗེ་གདན་ཞེ་ཆེན་དགོན་པའི་མེ་ཏོག་ལྡུམ་རྭར་བོད་མི་མང་སྤྱི་འཐུས་ཚོགས་གཚོ་སྤེན་པ་ཚེ་རིང་མཆོག་གིས་བོད་ནས་ཕེབས་པའི་ཆོས་ཞུ་བ་གཙོ་བོར་གྱུར་བའི་རྡོར་གདན་དུས་དབང་ལ་ཕེབས་མཁན་སེར་སྐྱ་མི་མང་ལ་གཏམ་བཤད་ཅིག་གནང་སོང་།
སྐབས་དེར་ཚོགས་གཙོ་མཆོག་གིས་༧གོང་ས་མཆོག་གིས་ཆབ་སྲིད་དང་འཛིན་སྐྱོང་གི་ཐུགས་འགན་མཚམས་འཇོག་གནང་སྟངས་དང་།
བཙན་བྱོལ་སྤྱི་ཚོགས་ཀྱི་གནས་སྟངས་དང་བོད་རྒྱའི་དཀའ་རྙོག་གི་གནས་བབ། དབུ་མའི་ལམ་གྱི་དགོས་དམིགས་ངོ་སྤྲོད། དེ་བཞིན་མང་ཚོགས་ཀྱི་དྲི་བར་ལན་འདེབས་བཅས་གནང་སོང་།
ཐོག་མར་ཁོང་གིས་ཕྱི་ལོ་ ༡༩༥༩
ལོར་ང་ཚོ་བཙན་བྱོལ་དུ་གྱར་དགོས་བྱུང་སྟེ་གནས་སྟངས་སྡུག་པོ་ཞེ་དྲག་བྱུང་ཡང་།
ཕྱོགས་གཞན་ཞིག་གནས་བལྟས་ན་ང་ཚོའི་ལུང་པ་ཤོར་ཏེ་༧གོང་ས་མཆོག་ཕྱི་རྒྱལ་ཏུ་ཞབས་སོར་བཀོད་དེས་ད་ལྟ་འཛམ་གླིང་ཐོག་ཏཱ་ལའི་བླ་མ་ཟེར་ན་ངོ་མི་ཤེས་མཁན་ཕལ་ཆེར་མེད་པ་ལྟ་བུ་ཆགས་ཡོད་པ་དང་།
དེང་སྐབས་༧གོང་ས་མཆོག་གི་མཛད་འཕྲིན་དང་བཀའ་སློབ་ལམ་སྟོན་བརྒྱུད་དེ་ནུབ་ཕྱོགས་ཡུལ་གྲུ་ཁག་ཏུ་ནང་ཆོས་དར་ཁྱབ་ཆེན་པོ་འགྲོ་བཞིན་ཡོད་ཅིང་།
ལུང་པ་ཆུང་ཆུང་ཞིག་གི་དབུ་འཁྲིད་འཛམ་གླིང་ཐོག་ཀུན་གྱིས་བཀུར་ཞིང་རྗེས་སུ་ཡི་རངས་ཞུ་ས་ཞིག་ཆགས་ཡོད་པ་དང་། གལ་སྲིད་བོད་རྒྱའི་འོག་ཏུ་ཤོར་མེད་ན།
གཅིག་བྱས་ན་༧གོང་ས་མཆོག་ད་ལྟ་པོ་ཏ་ལ་དང་ནོར་བུ་གླིང་ཁ་གཉིས་བར་ལྷག་ཡོད་སྲིད་སྐོར་སོགས་གསུངས་སོང་།
དེ་བཞིན་དེང་སྐབས་རྒྱ་གཞུང་གིས་དམིགས་ཡུལ་ལྡན་པའི་ཐོག་ནས་བོད་པའི་འབྲོག་པ་མང་པོ་ཞིག་གྲོང་རྡལ་ཅན་དུ་བསྒྱུར་ཏེ་གཞོན་སྐྱེས་མང་པོ་ལས་མེད་ཆགས་པ་དང་།
ཆང་དང་ཐ་མག་ལ་རོལ་བ། རྒྱན་འཛུགས་ཤོ་རྒྱག་སོགས་ཁྱབ་གདལ་ཆེན་པོ་ཆགས་ཤིང་།
རེ་ཟུང་གིས་རྒྱན་འཛུགས་ཤོ་རྒྱག་གིས་རྒྱུ་དངོས་རྫོགས་ཏེ་འཁོན་འཛིང་བྱེད་པ་སོགས་ཀྱི་གནས་སྟངས་ཐབས་རྡུགས་སྣ་ཚོགས་འབྱུང་བཞིན་ཡོད་པ་དེ་དག་ནི།
རྒྱ་ནག་གི་སྲིད་ཇུས་ངན་པའི་དམིགས་ཡུལ་སྒྲུབ་བཞིན་ཡོད་པས་དེ་ལ་དགོངས་པ་བཞེས་དགོས་ཚུལ་གསུངས་སོང་།
ཡང་ཚོགས་གཙོ་མཆོག་གིས་ཕྱི་རྒྱལ་ཁག་གི་བོད་པ་ཚོར་ཆེད་དམིགས་ཀྱིས་དེང་སྐབས་རྒྱ་གར་ནང་བོད་པ་ ༡༠༠༠༠༠
ལྷག་དང་། བལ་ཡུལ་དུ་བོད་མི་ ༢༠༠༠༠ ། འབྲུག་ཡུལ་དུ་བོད་མི་ ༢༠༠༠ ། ཡུ་རོབ་ཁུལ་དུ་བོད་མི་ ༡༠༠༠༠ ལྷག ཨ་རི་དང་ཁེ་ན་ཌ་གཉིས་ནང་བོད་མི་ ༣༠༠༠༠ ལྷག་བཅས་ཁྱོན་བཙན་བྱོལ་ནང་བོད་པ་ ༡༥༠༠༠༠ ཡས་མས་ཡོད་ཅིང་། ཕྱི་རྒྱལ་ཁག་ཏུ་ཡོད་པའི་བོད་པ་ཚོས་ལས་ཀ་དང་འཚོ་བའི་དགོས་མཁོ་གལ་ཆེན་དུ་བརྩིས་ཏེ། སོ་སོའི་ཕྲུ་གུར་བོད་ཡིག་བོད་སྐད་མ་བསླབས་པ་དང་།
བོད་པའི་བག་ཆགས་འཇོག་མ་ཐུབ་པའི་དབང་གིས་བོད་པའི་ངོ་བོ་རླག་བཞིན་ཡོད་པའི་གནས་སྟངས་ཉེན་ཁ་ཅན་ཞིག་ཡོང་གི་ཡོད་ཚུལ་གསུངས་སོང་།
ཚོགས་གཙོ་མཆོག་གིས་མུ་མཐུད་དུ་༧གོང་ས་མཆོག་གིས་བོད་པའི་ཆབ་སྲིད་ཀྱི་ཐུགས་འགན་མཚམས་འཇོག་གནང་སྟངས་ཏེ། ལོ་ངོ་༣༦༩
འཁོར་བའི་བོད་གཞུང་དགའ་ལྡན་ཕོ་བྲང་ཕྱོགས་ལས་རྣམ་རྒྱལ་མཚམས་བཞག་སྟེ་དམངས་གཙོ་ཚད་ལྡན་ཞིག་ཏུ་སྐྱོད་ཡོད་ཅིང་།
སྤྱིར་༧གོང་ས་མཆོག་ལ་ལྔ་བཅུ་ང་གྲངས་ནས་བོད་པའི་སྲིད་བྱུས་བཅོས་བསྒྱུར་གྱི་ཐུགས་འདུན་ཡོད་ཀྱང་ལེགས་འགྲུབ་བྱུང་མེད་པ་དང་། བོད་པ་བཙན་བྱོལ་དུ་འབྱོར་མ་ཐག་ ༡༩༦༠ ལོའི་ཟླ་ ༩ ཚེས་ ༢
ཉིན་ནས་བོད་མི་མང་སྤྱི་འཐུས་ལྷན་ཚོགས་བཙུགས་ཤིང་། ༡༩༦༡ ལོར་དམངས་གཙོའི་རང་བཞིན་ལྡན་པའི་བོད་པའི་རྩ་ཁྲིམས་ཟིན་བྲིས་གསལ་བསྒྲགས་བསྐྱངས་པ།
བརྒྱད་ཅུ་གྱ་གྲངས་ནང་༧གོང་ས་མཆོག་གིས་བོད་པར་སྲིད་བློན་དགོས་མིན་དང་། གྲོས་ཚོགས་གོང་འོག་དགོས་མིན། ཆབ་སྲིད་ཚོགས་པ་དགོས་མིན། སྤྱི་འཐུས་མང་དུ་གཏོང་དགོས་མིན་སོགས་ལ་གོ་བསྡུར་གནང་བ། དེ་བཞིན། ༡༩༩༡
ལོར་བཅའ་ཁྲིམས་གཏན་འབེབས་དང་། ༢༠༠༡ ལོར་བཀའ་བློན་ཁྲི་པ་མི་མང་གིས་ཐད་ཀར་འོས་འདེམས་བྱས་པ། སྐབས་དེ་ཙམ་ནས་༧གོང་ས་མཆོག་གིས་ཁོང་ཕྱེད་བགྲེས་ཡོལ་ཡིན་གསུངས་ཤིང་། ད་ལོའི་ཕྱི་ཟླ་ ༣ པའི་ནང་བགྲེས་ཡོལ་ཆ་ཚང་གི་ངོ་བོའི་ཐོག་ནས་ཆབ་སྲིད་ཀྱི་ཐུགས་འགན་ཡོངས་སུ་མཚམས་འཇོག་གནང་པ་དེ་བླ་མ་གཅིག་དང་བླ་བྲང་གཅིག་གིས་གཞུང་འཛིན་རྒྱུའི་དུས་ཚོད་ཡོལ་ཟིན་པ་དང་།
གཉིས་པ་མ་འོངས་པར་གནས་སྟངས་གང་འདྲ་བྱུང་ཡང་དཀའ་ངལ་མི་འཕྲད་ཆེད་ཡིན་ཚུལ་བཅས་ངོས་སྤྲོད་གནང་བྱུང་།
ཚོགས་གཙོ་སྤེལ་པ་ཚེ་རིང་མཆོག་གིས། “ ད་ལྟའི་བཀའ་བློན་ཁྲི་པ་འདི་གཞུང་གི་འགན་འཛིན་རེད། ད་ལྟ་ང་ཚོར་རྒྱལ་ཁབ་ཀྱི་དབུ་འཁྲིད་ཡོད་པ་མ་རེད།
ཆེད་མངགས་མེད་པ་བཟོས་པ་རེད། མ་འོངས་པར་འགྱུར་བ་ག་འདྲ་ཞིག་གཏོང་མིན་དེ་བོད་དུ་ལོག་རྒྱུ་བྱུང་ན་ཐག་གཅོད་མཁན་ཁྱེད་རང་ཚོ་རེད།
ང་ཚོ་རྒྱ་གར་དང་ཕྱི་རྒྱལ་ཁག་ནས་སྐྱེས་བ་དག་གིས་འདི་དང་དེ་ཟེར་ནས་བཤད་ན་ཏག་ཏག་བསྡད་ཡོད་པ་མ་རེད། ༧གོང་ས་མཆོག་གི་དགོངས་གཞི་ཡང་དེ་རེད ” ཅེས་དང་།
དབུ་མའི་ལམ་གྱི་སྐོར་ལ་སྤྱིར་བོད་པ་ཚོའི་སེམས་སུ་སྡུག་བསྔལ་མང་པོ་ཞིག་ཡོད་ཀྱང་། བོད་པའི་དཀའ་རྙོག་སེལ་རྒྱུར་རྒྱ་ཆེ་ས་ནས་དགོངས་ཤིང་། རྒྱལ་སྤྱིའི་འགྱུར་བ་དང་རྒྱ་ནག་གི་གནས་བབ།
བོད་ནང་གི་དཀའ་ངལ་ཚང་མར་ཞིབ་ཚགས་ཀྱིས་བལྟས་ཏེ། བོད་པའི་དཀའ་ངལ་སེལ་རྒྱུར་རྒྱ་ནག་དང་སྐད་ཆ་མ་བཤད་པར་ཡོང་ཐབས་མེད་པ་དང་།
རྒྱ་ནག་དང་སྐད་ཆ་བཤད་རྒྱུར་ཕྱོགས་གཉིས་ཀར་ཁེ་ཕན་ཡོད་པ་ཞིག་གི་ཐོག་བསམ་བློ་གཏོང་དགོས་པ། རྒྱ་ནག་གི་སེམས་འཚབ་ཆེ་ཤོས་རྒྱ་ནག་གོང་བུ་གཅིག་གྱུར་འཐོར་རྒྱུ་དེ་དང་།
བོད་མིའི་སེམས་འཚབ་ཆེ་ཤོས་བོད་ནང་རྒྱ་མིས་ཁེངས་ཏེ་བོད་པའི་ཁོར་ཡུག་དང་ཆོས་དང་རིག་གཞུང་གིས་མཚོན་པའི་མི་རིགས་ཀྱི་ངོ་བོ་རྩ་རླག་ཏུ་འགྲོ་བཞིན་ཡོད་པ་དེ་ཡིན་སྟབས།
རྒྱ་ནག་གོང་བུ་གཅིག་གྱུར་ལ་མི་གནོད་པ་ཞིག་དང་། བོད་པའི་ཆོས་དང་རིག་གཞུང་སྲུང་སྐྱོབ་ཐུབ་པ་ཞིག་གི་ཐོག་བསམ་བློ་བཏང་སྟེ། དབུ་མའི་ལམ་བརྒྱུད་བོད་པའི་རང་སྲིད་རང་སྐྱོང་ཐོག་ཤུགས་རྒྱག་གི་ཡོད་པ།
གལ་སྲིད་ང་ཚོས་བོད་རང་བཙན་བརྩད་པ་ཡིན་ན་རྒྱ་ནག་གཞུང་དམངས་ཀྱིས་མོས་མཐུན་ཡོང་རྒྱུ་ཕར་ཞོག་རྒྱལ་སྤྱིའི་ཐོག་ནས་ཀྱང་རྒྱབ་སྐྱོར་མེད་པ་ཆགས་ཏེ་ང་ཚོར་ཁེ་རྐྱང་དུ་ལྷག་རྒྱུའི་ཉེན་ཁ་ཡོད་ཚུལ་བཅས་གསུངས་སོང་།
བོད་རྒྱའི་བར་འབྲེལ་མོལ་ཐེངས་ ༩
ཙམ་བྱས་ཀྱང་གྲུབ་འབྲས་མ་སོན་པ་དེ་རྒྱ་གཞུང་ལ་བོད་དོན་འགྲིག་འཇགས་བྱ་རྒྱུའི་འདུན་པ་མེད་པས་ཡིན་པ་དང་། ད་ལོར་བཀའ་ཁྲི་འོས་འདེམས་སྐབས་སྔོན་འགྲོའི་འོས་བླུགས་མ་ཐག
རྒྱ་གཞུང་གིས་བཀའ་བློན་ཁྲི་པ་སུ་ལ་འཐོབ་རྒྱུ་ཡིན་པ་ཤེས་ཏེ།
བློ་བཟང་སེང་གེ་དྲག་སྤྱོད་པ་རེད་ཟེར་བའི་ཉེས་འཛུགས་བྱས་པ་པ་དེ་རྒྱ་གཞུང་གིས་བཀའ་ཁྲི་པ་གསར་པར་འབྲེལ་བ་གནང་འདོད་མེད་པའི་གྲ་སྒྲིག་ཡིན་ཚུལ་སོགས་གསུངས་སོང་།
ཡང་ཚོགས་གཙོ་མཆོག་གིས་གཞུང་དང་གཞུང་འབྲེལ་མིན་པའི་ཚོགས་སྡེའི་དབྱེ་བའི་སྐོར་གསུངས་དོན། “
གཞུང་དང་གཞུང་འབྲེལ་མིན་པའི་ཚོགས་སྡེ་བར་དབྱེ་བ་ཤུགས་ཆེན་པོ་ཞིག་འབྱེད་དགོས་པ་གལ་ཆེན་པོ་རེད། གཞུང་འབྲེལ་མིན་པའི་ཚོགས་པ་དེ་ཚོར་ལངས་ཕྱོགས་ཁ་ཁ་ཡོད་ཆོག་གི་རེད།
བཙན་བྱོལ་ནང་བོད་ཀྱི་གཞོན་ནུ་ལྷན་ཚོགས་དང་དགུ་བཅུ་གསུམ། སློབ་ཕྲུག་ཚོགས་པ་སོགས་ཀྱིས་རང་བཙན་དགོས་ཟེར་གྱི་ཡོད་པ་རེད།
ང་རང་གི་ལྟ་སྟངས་བྱས་ན་ཚོགས་པ་འདི་དག་གིས་རྒྱ་གཞུང་གིས་དབུ་མའི་ལམ་ལ་ཡ་ལན་མ་སྤྲད་པར་ཨུ་ཐུག་སྟེ་ལངས་ཕྱོགས་གཞན་ཞིག་གི་སྟེང་ལ་ཤུགས་རྒྱག་དགོས་པའི་བསམ་ཚུལ་འཛིན་གྱི་ཡོད་པར་མཐོང་སོང་། འོན་ཀྱང་།
གཞུང་འབྲེལ་མ་ཡིན་པའི་ཚོགས་པ་ཟེར་བ་འདིས་རྒྱལ་ཁབ་ཀྱི་འགན་འཁུར་དགོས་ཀྱི་ཡོད་པ་མ་རེད། དེར་བརྟེན་ཁོང་ཚོའི་བསམ་བློ་གཏོང་སྟངས་དང་ལས་ཀ་བྱེད་སྟངས་ལ་ཁྱད་པར་ཆེན་པོ་ཡོད།
གཞུང་གི་འགན་འཁུར་མཁན་ཞིག་ཡིན་ན་དངོས་ཡོད་གནས་སྟངས་མང་པོ་ཤེས་ཀྱི་ཡོད། ལངས་ཕྱོགས་གང་འདྲ་ཞིག་དང་སྲིད་བྱུས་གང་འདྲ་ཞིག་གཏན་འབེབས་བྱས་ཀྱང་འཕྲལ་ཕུགས་རྒྱང་གསུམ་ལ་བསམ་བློ་བཏང་སྟེ་གནང་ཡོད།
དེར་བརྟེན་དབུ་མའི་ལམ་གྱི་འཐབ་ལམ་ལ་བརྟེན་ཏེ་རང་སྲིད་རང་སྐྱོང་ཐོག་ཤུགས་རྒྱག་གི་ཡོད་པ་འདིར་གནས་ལུགས་རྒྱུ་མཚན་དང་། དགོས་མཁོ་རྒྱབ་ལྗོངས་མང་པོ་ཡོད ” ཅེས་གསུངས་སོང་།
མཇུག་ཏུ་དབུ་མའི་ལམ་མི་མང་ལས་འགུལ་ཁང་གི་འགན་འཛིན་གཞོན་པ་སྤྱི་ཟུར་ཡོན་ཏན་རྒྱ་མཚོ་ལགས་ཀྱིས་ལས་འགུལ་ཁང་དེ་ངོ་སྤྲོད་མདོ་བསྡུས་དང་བཅས་གཏམ་བཤད་གནང་མཁན་དང་ཟུར་ཉན་པ་ཡོངས་ལ་ཐུགས་རྗེ་ཆེ་ཞུས་ཏེ་ལས་རིམ་གྲུབ་སོང་ལ།
སྐབས་དེར་བོད་ནས་ཕེབས་མཁན་མང་པོ་ཞིག་གིས་ཚོགས་གཙོ་སྤེན་པ་ཚེ་རིང་མཆོག་ལ་ཕྱག་འཇུ་བྱེད་པ་དང་མགོ་བོགཏུག་པ། མིག་ཆུ་འདོན་པ་སོགས་བྱས་ཏེ་ཚ་ཚ་འུར་འུར་ཞིག་བྱུང་སོང་
༢༠༡༡ ཟླ་ ༡༢ ཚེས་ ༢༣ རེས་གཟའ་པ་སངས།
༄༅། །ཕྱི་ལོ་ ༢༠༡༡ ཟླ་ ༡༢ ཚེས་ ༢༢
རེས་གཟའ་ཕུར་བུའི་ཕྱེད་ཡོལ་ཆུ་ཚོད་ ༣ ཐོག་གངས་སྐྱིད་སྤྱི་ཐབ་ཡང་སྟེང་གི་ཚོགས་ཁང་དུ་སྲི་ཞུ་བ་རྣམས་ལ་གསུང་བཤད་གནང་ཡོད། དེ་ཡང་ཐོག་མར་ཕྱི་དྲིལ་བཀའ་བློན་བདེ་སྐྱིད་ཆོས་དབྱངས་མཆོག་དབུ་བཞུགས་ཐོག
ཨ་རིའི་ཌེ་ལ་ཝར་མངའ་སྡེའི་གཙུག་ལག་སློབ་གྲྭའི་(Delaware State University)གཙུག་ལག་སློབ་དཔོན་ཆེན་མོ་སྐུ་ཞབས་ཁྲན་ཡིང་ཧུང་(Chen yinghong)ལགས་དང་ཨ་རིའི་སི་ཊི་ཡུ་ནི་ཝར་སི་ཊི་ནིའུ་ཡོཀ་(City University of
New York)གི་གཙུག་ལག་སློབ་དཔོན་ཆེན་མོ་སྐུ་ཞབས་པེ་ཊར་ཀོང་(Peter Kwong)ལགས དེ་བཞིན་སི་ཊི་ཡུ་ནི་ཝར་སི་ཊི་ནིའུ་ཡོཀ་(City University of New York ) གི་སློབ་དཔོན་ཆེན་མོ་སྐུ་ཞབས་ཤ་མིང་(Xia
Ming)བཅས་ཀྱིས་རྒྱ་ནག་མི་མང་གིས་བོད་དང་བོད་མིའི་ཐོག་ལྟ་སྣང་མཐོང་ཕྱོགས། ཞེས་པའི་བརྗོད་གཞིའི་ཐོག་མི་རེ་རེས་སྐར་མ་ ༡༥ ཙམ་གསུང་བཤད་གནང་ཡོད།
དེ་ཡང་ཐོག་མར་ཕྱི་དྲིལ་བཀའ་བློན་བདེ་སྐྱིད་ཆོས་དབྱངས་མཆོག་གིས་འཚམས་འདྲིའི་གསུང་བཤད་གནང་དོན།
དེ་རིང་འདིར་ཨ་རི་ནས་རྒྱ་རིགས་མཁས་དབང་གསུམ་ཕེབས་ཡོད་པ་ཁོང་རྣམས་ནི་ཤེས་ཡོན་ཅན་དང་བསམ་བློ་གུ་ཡངས་ཀྱི་གྲས་ཤིག་ཡིན། ཁོང་ཚོས་སོ་སོས་འགྲོ་སོང་བཏང་སྟེ་རྡ་སར་ཕེབས་ཐུབ་པར་ཧ་ཅང་དགའ་པོ་བྱུང།
ང་ཚོས་ཁོང་ཚོའི་བརྒྱུད་ནས་རྒྱ་མིའི་སྤྱི་ཚོགས་ནང་བོད་པའི་འཐབ་རྩོད་ཀྱི་ངོ་བོ་དང་འགྲེལ་བཤད་ཡག་པོ་བརྒྱབ་ཐུབ་པའི་རེ་བ་དང་བཅས་ཁོང་ཚོར་ཕེབས་བསུ་ཞུ་བཞིན་ཡོད་ཅེས་སོགས་ཀྱི་གསུང་བཤད་གྲུབ་བསྟུན།
ཕྱི་དྲིལ་ཡིག་བསྒྱུར་སྡེ་ཚན་གྱི་འགན་འཛིན་བུ་ཆུང་བསོད་ནམས་ལགས་ཀྱིས་རྒྱ་རིགས་སློབ་དཔོན་རྣམས་རེ་རེ་བཞིན་ངོ་སྤྲོད་གནང་རྗེས་ཐོག་མར་སྐུ་ཞབས་ཁྲན་ཡིང་ཧུང་གིས་གསུངས་དོན།
ཉེ་ལམ་༸གོང་ས་ཏཱ་ལའི་བླ་མ་མཆོག་ཡུ་རོབ་ཁུལ་དུ་༸ཞབས་སོར་འཁོད་སྐབས་བཀའ་སློབ་གཅིག་སྩལ་བའི་ནང་།
རྒྱ་རིགས་ཤིག་གིས་ཡི་གེ་ཞིག་ཕྱག་ཏུ་འབུལ་ལམ་ཞུས་ཡོད་པ་དེའི་ནང་རྒྱ་རིགས་དེས་ཐོག་མའི་ཆར་བོད་རྒྱ་མི་རིགས་དབར་དང་རྒྱ་ནག་གཞུང་དང་བཙན་བྱོལ་བོད་མིའི་སྤྱི་ཚོགས་དབར་གྱི་འབྲེལ་ལམ་སྐོར་གང་ཡང་ཤེས་ཀྱི་མེད་པ་དང་།
ཉིན་གཅིག་བོད་པ་ཞིག་བརྒྱུད་༸གོང་ས་ཏཱ་ལའི་བླ་མ་མཆོག་གིས་འཛིན་པའི་དབུ་མའི་ལམ་གྱི་བཞེངས་ཕྱོགས་སྐོར་གོ་ཐོས་བྱུང་ཡོད།
ཁོང་གི་བསམ་པར་༸གོང་ས་ཏཱ་ལའི་བླ་མ་མཆོག་གིས་འཛིན་པའི་དབུ་མའི་ལམ་གྱི་བཞེངས་ཕྱོགས་དེ་རྒྱ་ནག་སྐམ་སའི་རྒྱ་རིགས་ཚོས་ཤེས་པ་ཡིན་ན་བོད་མི་ཚོའི་འཐབ་རྩོད་ལ་གདུང་སེམས་མཉམ་སྐྱེ་ཡོང་རྒྱུ་རེད། ཅེས་སོགས་འཁོད་ཡོད།
དེར་བརྟེན་༸གོང་ས་ཏཱ་ལའི་བླ་མ་མཆོག་གིས་རྒྱ་མི་རིགས་ཚོ་དང་ཐུག་རྒྱུའི་གོ་སྐབས་གང་མང་འཚོལ་ཐབས་ཀྱིས་རྒྱ་ནག་མི་མང་ལ་ཁོང་གིས་ཡིད་ཆེས་དམ་ཟབ་ཡོད་པ་གསལ་སྟོན་གནང་ཐབས་མཛད་བཞིན་ཡོད།
ཅེས་སོགས་ཀྱི་གསུང་བཤད་གནང་ཡོད།
དེ་རྗེས་སྐུ་ཞབས་པེ་ཊར་ཀོང་མཆོག་གིས་ཕྱིར་སྡོད་རྒྱ་རིགས་སྐོར་གཏམ་བཤད་གནང་སྐབས། དེང་སྐབས་རྒྱ་རིགས་ས་ཡ་ ༤༠ ཙམ་རྒྱ་ནག་གི་ཕྱི་ལ་གནས་སྡོད་བྱེད་བཞིན་ཡོད་པ་ནས་ས་ཡ་ ༢༠ ཙམ་ཕྱི་ལོ་ ༡༩༧༨
རྗེས་སུ་ཕྱི་ལ་གནས་སྤོས་བྱས་ཡོད། དེར་བརྟེན་འཛམ་གླིང་ནང་རང་ཡུལ་བཞག་ནས་གཞན་ཡུལ་དུ་གནས་སྡོད་བྱེད་མཁན་མང་ཤོས་དེ་རྒྱ་རིགས་ཆགས་ཡོད། ཕྱིར་སྡོད་རྒྱ་རིགས་དེ་དག་རྒྱལ་ཁབ་ ༡༥༠ ཙམ་གྱི་ནང་ཡོད་པ་དང།
རྒྱ་རིགས་ཕོན་ཆེ་སྡེབས་གཅིག་ཏུ་ཕྱིར་སྡོད་བྱ་རྒྱུ་དེ་དུས་རབས་ ༡༩ དཀྱིལ་ཙམ་དུ་འགོ་བཙུགས་ཡོད། སྔར་རྒྱ་རིགས་རྩ་བ་ནས་མེད་ས་ལྷོ་ཨ་ཕི་རི་ཀའི་ནང་ད་ཆ་རྒྱ་རིགས་ ༡༠༠༠ ཙམ་དང། ཨི་སི་རེལ་ནང་དུ་རྒྱ་རིགས་ ༣༨༠༠༠
ཙམ་ཡོད་དེ་བཞིན་ཨར་ཇེན་ཊི་ནའི་ནང་དུ་རྒྱ་རིགས་སྟོང་ཕྲག་འགའ་ཤས་ཡོད། གྲངས་འབོར་དེ་དག་ཧ་ཅང་ཕོན་ཆེན་པོ་ཆགས་ཡོད།
བྱུང་རབས་ལོ་རྒྱུས་ཁྲོད་ཕྱིར་སྡོད་རྒྱ་རིགས་ཚོས་རྒྱ་ནག་གི་ཆབ་སྲིད་དང་དཔལ་འབྱོར་སོགས་ལ་ཤུགས་རྐྱེན་ཧ་ཅང་སྤྲད་ཡོད།
ཕྱིར་སྡོད་རྒྱ་རིགས་དཔེར་ན་ཌོཀ་ཊར་སན་ཡ་སན་(Dr.Sun Yat Sen)ལྟ་བུས་ཨ་རིའི་ནང་ཚོགས་པ་བཙུགས་པ་མ་ཟད།
དཔལ་འབྱོར་འདུ་འགོད་དང་དེ་བཞིན་རང་དབང་ཐོག་ནས་རྒྱ་ནག་གི་སྲིད་གཞུང་ལ་སྐྱོན་བརྗོད་བྱས་པ་སོགས་ལ་བརྟེན་ནས་རྒྱ་ནག་སྐམ་སའི་རྒྱ་རིགས་ཚོས་ཡིད་སྨོན་སྐྱེས་དགོས་པའི་གནས་ཚུལ་བྱུང་བ་དེ་དག་བརྒྱུད།
ཕྱིར་སྡོད་རྒྱ་རིགས་ཚོས་རྒྱ་ནག་གཞུང་ལ་དཔལ་འབྱོར་གྱི་རྒྱབ་སྐྱོར་བྱ་རྒྱུ་ཙམ་མ་ཟད། གནོན་ཤུགས་ཀྱང་སྤྲད་པ་སོགས་ཕན་གནོད་གཉིས་ཀ་བྱས་ཡོད།
དེར་བརྟེན་དེ་རིང་ངས་ཕྱིར་སྡོད་རྒྱ་རིགས་ཚོས་ད་ལྟ་དང་མ་འོངས་བོད་ཀྱི་གནད་དོན་ཐོག་གལ་གནད་ཆེ་ཆུང་ཇི་ཙམ་ཆགས་ཡོད་མེད་སྐོར་བརྗོད་རྒྱུ་ཡིན།
ཕྱིར་སྡོད་རྒྱ་རིགས་ཚོར་རྒྱ་ནག་ནང་གི་གྲངས་ཉུང་མི་རིགས་ཚོར་འཛིན་པའི་བསམ་ཚུལ་མཁྲེགས་པོ་ཡོད། ཁོང་ཚོའི་གྲངས་ཉུང་མི་རིགས་ཀྱི་གནད་དོན་དེ་ཙམ་གལ་གནད་ཆེན་པོ་མ་རྩི་བའི་ཐོག་སྐབས་རེ་སྣང་བ་དེ་ཙམ་གཏོང་གི་མེད།
དེར་བརྟེན་ཁོང་ཚོར་རྒྱ་ནག་ནང་གི་གྲངས་ཉུང་མི་རིགས་ཀྱི་གནས་སྟངས་དང་ཁོང་ཚོའི་སྐོར་རྒྱུས་མངའ་དེ་ཙམ་མེད། འོན་ཀྱང་ཕྱིར་སྡོད་རྒྱ་རིགས་ཚོའི་བསམ་ཚུལ་གཅིག་མཚུངས་ཤིག་མེད་ཅེས་སོགས་ཀྱི་གསུང་བཤད་གནང་བསྟུན།
སྐུ་ཞབས་ཤ་མིང་ལགས་ཀྱིས་གསུང་བཤད་གནང་དོན། དེང་སྐབས་བཙན་བྱོལ་བོད་མི་ཚོར་དཀའ་ངལ་ཧ་ཅང་འཕྲད་བཞིན་ཡོད། བོད་ཀྱི་གནས་སྟངས་དེ་བཞིན་དེང་སྐབས་དཀའ་ངལ་གང་ཙམ་ཞིག་འོག་ཡོད་པ་ངས་ངོས་འཛིན་ཞུ་བཞིན་ཡོད།
དེང་སྐབས་བོད་ཀྱི་གནད་དོན་དེ་འགྲོ་བ་མིའི་ཐོབ་ཐང་ཙམ་ཞིག་མིན་པར་ཆོས་དད་དང་རིག་གཞུང་། ངོ་བོ་བཅས་པར་དཀའ་ངལ་འོག་ཚུད་ཡོད། འདི་ལོར་གནད་དོན་གལ་གནད་ཅན་བཞི་ཙམ་བྱུང་ཡོད་པ་ནི།
༸གོང་ས་ཏཱ་ལའི་བླ་མ་མཆོག་ཆབ་སྲིད་ཀྱི་དབུ་ཁྲིད་ནས་བགྲེས་ཡོལ་ཕེབས་པ་དང། བཀའ་ཁྲི་གསར་པ་བསྐོ་གཞག་གནང་བ་དང། བཙན་བྱོལ་བོད་མི་ཚོས་དོན་དམ་གྱི་མང་གཙོར་ལོངས་སུ་སྤྱོད་ཐུབ་པ་དང།
དེ་ནས་རང་ལུས་མེར་སྲེག་བཏང་ནས་བོད་མི་ཚོས་གེར་ལངས་བྱས་པ་བཅས་ཡིན། དེར་བརྟེན་གནད་དོན་གཙོ་གྲས་བཞི་པོས་ཕྱི་ནང་གི་བོད་མི་ཚང་མར་ཤུགས་རྐྱེན་ཧ་ཅང་ཆེན་པོ་ཐེབས་ཡོད་ཅེས་སོགས་ཀྱི་གསུང་བཤད་གནང་མཐར།
ཚོགས་བཅར་བ་རྣམས་ཀྱི་དྲི་བར་ལན་འདེབས་གནང་ཡོད་པབཅས།།
ཕྱི་ལོ་ ༢༠༡༡ ཟླ་ ༡༢ ཚེས་ ༡༢ ཉིན་༧གོང་ས་༧སྐྱབས་མགོན་ཆེན་པོ་མཆོག་གིས་ཡུ་རོབ་ཅེཀ་སྤྱི་མཐུན་རྒྱལ་ཁབ་ཏུ་ མཛད་འཕྲིན་རྒྱ་ཆེ་བསྐྱངས་སྐབས་དང་བསྟུན།
མགོན་པོ་གང་ཉིད་མཆོག་གིས་སྦེལ་ཇམ་རྒྱལ་ས་བྷར་སིལ་དུ་རྟེན་གཞི་བྱས་པའི་ཡུ་ རོབ་སྤྱི་མཐུན་རྒྱལ་ཁབ་ཀྱི་ཕྱི་འབྲེལ་ལས་དོན་ཚན་པའི་འགན་འཛིན་ལྕམ་ཀེ་ཐེ་ར་ཡིན་ཨ་ཤི་ཊོན་ (Catherine Ashton)མཆོག་ལ་འབོད་སྐུལ་མཛད་པའི་ཕྱག་བྲིས་ཤིག་སྩལ་འདུག་ལ།
ཕྱག་བྲིས་དེའི་ནང་ ”བོད་ནང་གི་གནས་སྟངས་ཧ་ཅང་ཛ་དྲག་པོ་ཞིག་ཆགས་ཡོད་པར་བརྟེན། རྒྱལ་སྤྱིའི་སྒྲིག་འཛུགས་ཀྱིས་དངོས་ཡོད་གནས་སྟངས་རྟོག་ཞིབ་ཆེད་བོད་ནང་སྐུ་ཚབ་གཏོང་རྒྱུ་ཧ་ཅང་གལ་ཆེན་པོ་ཆགས་ཡོད།
དེ་ལྟར་བྱེད་ཐུབ་ཚེ་རྒྱ་ནག་གཞུང་གི་དཔོན་རིགས་ཚོས་ཕྲན་བུ་འཛེམས་ཟོན་བྱ་རྒྱུར་ཕན་ངེས་ཡིན།
གལ་ཏེ་རྒྱ་ནག་གཞུང་ཕྱོགས་ནས་འབོད་སྐུལ་དེར་དང་ལེན་མ་བྱས་ཚེ་ཡུ་རོབ་སྤྱི་མཐུན་ཚོགས་པས་སེམས་འཚབ་ཆེན་པོའི་ཐོག་ནས་འཛམ་གླིང་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཁང་སོགས་རྒྱལ་སྤྱིའི་སྒྲིག་འཛུགས་ཀྱི་གླེང་སྟེགས་
ཐོག་གླེང་སློང་བྱས་ཆོག རྒྱ་གཞུང་ལ་སྟོབས་ཤུགས་ལྡན་ཡང་གོ་ལའི་ཆ་ཤས་ཤིག་ཡིན་སྟབས་དེང་སྐབས་འཛམ་གླིང་རྒྱ་ཁྱབ་ཏུ་དར་འཕེལ་འགྲོ་བཞིན་པའི་མང་གཙོ་དང་རང་དབང་གི་ལམ་བུ་དེ་ནས་གཡོལ་ཐབས་མེད།
རྒྱ་ནག་གིས་འཛམ་གླིང་ནང་འགོ་ཁྲིད་ཐུབ་པའི་བསམ་བློ་དེ་དོན་འཁྱོལ་ཡོང་བར་རྒྱལ་སྤྱིའི་མདུན་དུ་མཐོང་སྣང་དེ་ཧ་ཅང་གལ་ཆེན་པོ་ཆགས་ཡོད་ ”ཅེས་འཁོད་ཡོད།
འོན་ཀྱང་དེ་ཉིན་ཀྲུའུ་ཝེ་ཆོན་ (Zhu Weiqun)སྦེལ་ཇམ་གྱི་རྒྱལ་ས་བྷར་སེལ་དུ་ཡོད་པར་བརྟེན་གསར་འགོད་པ་ཚོར་རྒྱ་ནག་དེ་བཞིན་མངའ་དབང་ལྡན་པའི་རང་བཙན་གཙང་མའི་རྒྱལ་ཁབ་གཅིག་ཡིན་པར་བརྟེན།
དཀའ་ངལ་རྣམས་རྒྱལ་ནང་དུ་སེལ་རྒྱུའི་ནུས་པ་ཆ་ཚང་ཡོད། གནས་སྟངས་ཇི་འདྲ་ཞིག་གི་འོག་ཏུའང་རྒྱལ་ནང་གི་གནས་སྟངས་ལ་ཕྱི་ནས་ཐེ་བྱུས་
བྱེད་རྒྱུར་ངོས་ལེན་རྩ་བ་ནས་མེད་པར་བརྟེན་བོད་རང་སྐྱོང་ལྗོངས་སུ་ཞིབ་འཇུག་ཚོགས་ཆུང་གཏོང་རྒྱུ་ཟེར་བ་དེ་བས་ངོས་ལེན་བྱེད་ཐབས་རྩ་བ་ནས་མེད།
བོད་རང་སྐྱོང་ལྗོངས་ནང་གི་གནས་སྟངས་ལ་ཕྱི་ནས་ཐེ་བྱུས་བྱས་ཚེ་བཟང་ཕྱོགས་ཀྱི་གྲུབ་འབྲས་གང་ཡང་ཐོན་རྒྱུ་མེད་ཁར་དཀའ་ངལ་ད་དུང་ཆེ་རུ་འགྲོ་རྒྱུ་མ་ཟད།
མཐར་དམག་འཁྲུག་ཀྱང་ཤོར་སྲིད་པའི་ཉེན་བརྡ་ཡང་བཏང་འདུག
དེ་བཞིན་ཉེ་ལམ་ཡུ་རོབ་གྲོས་ཚོགས་འཐུས་མི་ཁག་གཅིག་གིས་བོད་མིའི་སྒྲིག་འཛུགས་ཀྱི་བཀའ་ཁྲི་བློ་བཟང་སེང་གེ་མཆོག་དང་མཇལ་འཕྲད་གནང་བར་ཡུ་རོབ་སྤྱི་མཐུན་རྒྱལ་ཁབ་ཀྱི་ཕྱི་འབྲེལ་ལས་དོན་ཚན་པའི་འགན་འཛིན་ལྕམ་ཀེ་ཐེ་ར་ཡིན་ཨ་ཤི་ཊོན་མཆོག་གིས་བཀའ་སྐྱོན་གཏོང་དགོས་པ་ཀྲུ་ཝེན་ཆུན་གྱིས་བརྗོད་ཡོད་པ་བཅས།
བོད་གཞུང་གི་དྲ་བ་ལས་བཤུས
༧གོང་ས་མཆོག་གིས་ཅེག་སྤྱི་མཐུན་རྒྱལ་ཁབ་ཀྱི་སྲིད་འཛིན་ཟུར་བ་དང་ཕྱི་སྲིད་བློན་ཆེན་རྣམ་གཉིས་ལ་མཇལ་འཕྲད་གནང་རྗེས། ཡུལ་དེའི་མང་ཚོགས་ལ་བཀའ་སློབ་དང་མཁས་པའི་བགྲོ་གླེང་དུ་མཉམ་ཞུགས་གནང་ཡོད།
ཉིན་འདི་འགར་༸གོང་ས་མཆོག་གིས་ཅེག་སྤྱི་མཐུན་རྒྱལ་ཁབ་ཏུ་མཛད་འཕྲིན་སྐྱོང་བཞིན་པ་ལྟར། ཕྱི་ཚེས་ ༡༠
ཉིན་ཅེག་སྤྱི་མཐུན་རྒྱལ་ཁབ་ཀྱི་ (Forum 2000 Foundation) ཞེས་པའི་ཐེབས་རྩ་ཁང་གི་གོ་སྒྲིག་འོག
ཐོག་མར་རྒྱལ་ས་པཱ་རཱག་ཏུ་སྲིད་འཛིན་ཟུར་པ་ཝག་ལབ་ཧ་སེལ་ (Vaclav Havel) མཆོག་དང་མཇལ་འཕྲད་གནང་སྟེ་བོད་དོན་སྐོར་བཀའ་བསྡུར་གནང་ཡོད་འདུག་ལ།
སྐབས་དེར་༧གོང་ས་མཆོག་གིས་སྲིད་འཛིན་གྱིས་འགྲོ་བ་མིའི་ཐོབ་ཐང་དང་མང་གཙོ། བོད་ཀྱི་གནད་དོན་ཐོག་ཡུན་རིང་རྒྱབ་སྐྱོར་གནང་བར་བསྔགས་བརྗོད་གནང་སྟེ། “
སྲིད་འཛིན་མཆོག་ནི་བོད་མིའི་སྙིང་སྟོབས་ཀྱི་འབྱུང་ཁུངས་ཤིག་ཡིན ” ཞེས་གསུངས་ཡོད་འདུག་ལ། སྲིད་འཛིན་མཆོག་གིས་ཀྱང་ཅེག་སྤྱི་མཐུན་རྒྱལ་ཁབ་ཀྱི་གཞུང་འཛིན་མི་སྣས་བོད་དོན་ཐོག་རྒྱབ་སྐྱོར་བྱས་མིན་ལ་མ་ལྟོས་པར།
ཡུལ་དེའི་མང་ཚོགས་ཁྲོད་ཏཱ་ལའི་བླ་མ་མཆོག་ལ་དགའ་མོས་དང་བརྩི་མཐོང་ཆེན་པོ་བྱེད་ཀྱི་ཡོད་སྐོར་སོགས་བརྗོད་དེ། “ ང་ཚོས་བོད་མིའི་ཆབ་སྲིད་འཕོ་འགྱུར་ལ་དོ་སྣང་ཆེན་པོ་བྱེད་བཞིན་པ་མ་ཟད།
ད་ལྟའི་བོད་མིའི་ཆབ་སྲིད་འགྱུར་བ་དེ་དུས་དང་འཚམ་པ་ཞིག་ཏུ་མཐོང་གི་ཡོད་ ” ཅེས་བརྗོད་འདུག
རེས་གཟའ་སྤེན་པའི་ཞོགས་པར་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་ཕྱི་ལོ་ ༡༩༨༤
ལོར་༧གོང་ས་མཆོག་ལ་འཛམ་གླིང་ནོ་བྷེལ་ཞི་བདེ་གཟེངས་རྟགས་འབུལ་བཞེས་གནང་སྟེ་ད་བར་ལོ་ངོ་ ༢༢ འཁོར་བའི་དུས་དྲན་སྲུང་གཙིའི་མཛད་སྒོ་སྟབས་བདེ་ཞིག་ཚོགས་སོང་།
དེ་རིང་ཞོགས་པའི་ཆུ་ཚོད་ ༩ བའི་སྟེང་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་༸གོང་ས་མཆོག་ལ་ནོ་སྦེལ་ཞི་བདེ་གཟེངས་རྟགས་འབུལ་ལམ་ཞུས་ཏེ་ལོ་ ༢༢ འཁོར་བའི་དུས་དྲན་སྲུང་གཙི་བྱས་ སོང་། མཛད་སྒོའི་ སྐུ་མགྲོན་དུ་ མིའི་སྒྲིག་འཛུགས་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་རྣམ་གཉིས་དང་།
བཀའ་བློན་ཁྲི་པ་གཙོས་ ལྷན་ཁང་ཁག་གི་ བཀའ་བློན་རྣམ་པ། སྤྱི་འཐུས་ ཚོགས་གཞོན་དང་ རྒྱུན་ལས་རྣམ་པ། ལྷན་ཁང་ཁག་གི་དྲུང་ཆེ་རྣམ་པ་དང་སྲི་ཞུ་ལས་བྱེད། རང་དབང་ཅན་གྱི་སྡེ་ཚན་ཁག་གི་འགན་འཛིན།
སློབ་གྲྭ་ཁག་གི་འགན་འཛིན་རྣམ་པ། གཞུང་འབྲེལ་མིན་པའི་ཚོགས་པ་ཁག་གི་ སྐུ་ཚབ། བཞུགས་སྒར་ཉེ་འཁྲིས་ཀྱི་སློབ་གྲྭ་ཁག་གི་སློབ་མ་དང་སེར་སྐྱ་མི་མང་བཅས་མི་མང་ ༢༠༠ ལྷག་ འདུ་འཛོམས་ ཐོག་དུས་དྲན་སྲུང་གཙི་གནང་སོང་།
མཛད་སྒོའི་ཐོག་མར་བོད་གཞུང་ཟློས་གར་ཚོགས་པའི་རྔ་རོལ་དང་བཅས་བོད་རྒྱལ་ཁབ་ཆེན་པོའི་རྒྱལ་གླུ་ གྱེར་འདོན་དང་འབྲེལ་ བཀའ་ བློན་ཁྲི་པ་བློ་བཟང་སེང་གེ་མཆོག་གིས་ བོད་རྒྱལ་ཁབ་ཆེན་པོའི་རྒྱལ་དར་བསྒྲེངས་འཛུགས་ གནང་རྗེས། མི་མང་ཡོངས་ཀྱིས་ བོད་ནང་རང་ལུས་མེར་བསྲེགས་བཏང་སྟེ་འདས་གྲོངས་སུ་སོང་བའི་རྒྱལ་གཅེས་པ་ཡོངས་ལ་མྱ་ངན་གུས་འདུད ་ཞུས་ཤིང་། བོད་གཞུང་ཟློས་གར་ཚོགས་པས་ནོ་སྦེལ་ཞི་བདེ་གཟེངས་རྟགས་ཀྱི་བསྟོད་དབྱངས་བཅས་སྔོན་འགྲོའི་མཛད་རིམ་གྲུབ་རྗེས། བཀའ་ཁྲི་བློ་བཟང་སེང་གེ་མཆོག་གིས། བོད་ཀྱི་གྲོས་ཚོགས་དང་སྲིད་བྱུས་ཉམས་ཞིབ་ཁང་གིས་དཔར་བསྐྲུན་ འགྲེམས་ བྱས་པའི་༼བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་ གི་ གསུང་བཤད་དང་གསུ ང ་རྩོམ་ཕྱོགས་བསྡུས༽དེབ་ཕྲེང་དྲུག་པ ་དང་ ། ཤ་འབྲོང་བཀྲ་ཤིས་རྒྱ་མཚོ་ལགས་ཀྱིས་རྩོམ་སྒྲིག་བྱས་པའི་ ༼ སྲིད་གཞུང་ཞིབ་བསྡུར༽ ། བོད་ཀྱི་དཔེ་མཛོད་ཁང་ གི་ ངག་རྒྱུན་ལོ་རྒྱུས་སྡེ་ཚན་ ནས་དཔར་འགྲེམས་བྱས་པའི་ ནོར་ཝེ་གནས་སྡོད་པ་སྐུ་ཞབས་ཐུབ་བསྟན་བསྟན་འཛིན་ལགས་ མི་ཚེའི་ལོ་རྒྱུས་ ༼སྐུ་ཚེའི་ལོ་རྒྱུས་མཐོང་ཐོས་མྱོང་ཚོར༽། མཱ་སུ་རི་གཏན་སློབ་ཀྱི་བོད་དགེ་བསམ་གླིང་ཚེ་རིང་ལྷ་མོ་ལགས་ཀྱིས་བརྩམས་པས་༼ ཀྱག་ཀྱོག་ཆེ་བའི་མི་ཚེ་ལམ་བུ༽། འཕྲོད་བསྟེན་ལས་ཁུངས་ཀྱི་ཊི་བྷི་ནད་གཞི་དང་སྨྱོ་རྫས་ངན་གོམས་སྔོན་འགོག་བསླབ་བྱའི་གློག་བརྙན་ ༼ ཀྱེ་མ། ལམ་ནོར་གྱི་སྐྱོ་གདུང་༽ བཅས་ སོགས་ དབུ་འབྱེད་གནང་བ་མ་ཟད། བོད་གཞུང་གི་བགྲེས་ཡོད་སྲི་ཞུ་ལས་བྱེད་གསུམ་དང་འཕྲོད་བསྟེན་ལས་ཁུངས་ཀྱི་ཞབས་ལོ་ ༢༥ འཁོར་བའི་ལས་བྱེད་གསུམ་བཅས་ལ་ལེགས་ གསོལ་ བྱ་དག འི་ གསོལ་རས་ བཅས་བསྩལ་སོང་།
དེའི་རྗེས་བཀའ་བློན་ ཁྲི་པ་མཆོག་གིས་བཀའ་ཤག་གི་གཏམ་བཤད་ཡིག་ཐོག་ནས་སྦྱར་ཀློག་གནང་སོང་། ཐེངས་འདིའི་བཀའ་ཤག་གི་གཏམ་བཤད་ནང་ འདི་ལོ་༸གོང་ས་མཆོག་གིས་བོད་མིའི་འཐབ་རྩོད་རྒྱུན་གནས་དང་བོད་མི་རྣམས་རང་རྐྱ་འཕེར་བ་ཡོང་རྒྱུ་དང་། ཆོས་ལུགས་རིས་མེད་ཀྱི་མང་གཙོའི་སྤྱི་ཚོགས་བསྐྲུན་ཐབས། ཆོས་དང་སྲིད་ཀྱི་དབང་ཆ་ཐ་དད་དབྱེ་རྒྱུའི་རླབས་ཆེའི་དགོངས་གཞིའི་འོག མི་ལོ་བཞི་བརྒྱར་ཉེ་བའི་དགའ་ལྡན་ཕོ་བྲང་གཞུང་གི་སྒྲིག་འཛུགས་ལ་བསྒྱུར་བཅོས་ཀྱིས་ཆབ་སྲིད་ཀྱི་སྐུ་དབང་ཡོངས་རྫོགས་མང་གཙོའི་ལམ་ནས་འོས་འདེམས་བྱས་པའི་ མ གོ་ཁྲིད་ལ་རྩིས་སྤྲོད་གནང་བ་སོགས་ལས།
ྋགོང་ས་མཆོག་མང་ཚོགས་ཀྱི་བདེ་དོན་ཁོ་ནར་དགོངས་པ་བཞེས་མཁན་གྱི་བླ་མེད་དབུ་ཁྲིད་ཡིན་པ་རྒྱལ་སྤྱིའི་ཁྱོན་ཡོངས་ཀྱི་གསལ་རྟོགས་དང་གུས་བཀུར་བྱེད་ཡུལ་ཆགས་ཡོད་པ།
ཉེ་སྔོན་ཕྱི་ཟླ་ ༩ ཚེས་ ༢༤ ཉིན་ྋགོང་ས་མཆོག་གིས་རྒྱལ་བའི་ཡང་སྲིད་སྐོར་གྱི་བཀའ་ཡིག་ལ་བཀའ་ཤག་གིས་མཐའ་གཅིག་ཏུ་རྒྱབ་སྐྱོར་ཞུ་རྒྱུ་ དང་། ཡང་སྲིད་ངོས་འཛིན་ཞུ་ཕྱོགས་ཐད་ྋགོང་ས་མཆོག་ཁོ་ན་ལས་རྒྱ་ནག་གཞུང་ལ་ཆོས་དང༌ལོ་རྒྱུས།
བཟང་སྤྱོད་སོགས་གང་ཐད་ནས་ཐེ་བྱུས་གང་ཡང་མེད་པར། ྋགོང་ས་མཆོག་གིས་ཐག་གཅོད་ལམ་སྟོན་ཇི་གནང་ལ་བོད་མི་ཡོངས་ནས་མཐའ་གཅིག་ཏུ་བརྩི་བཀུར་དང་ལེན་དང་། བོད་ཀྱི་ཆོས་བརྒྱུད་ཆེན་པོ་བཞི་དང་གཡུང་དྲུང་བོན་བཅས་ཀྱི་དབུ་ཁྲིད་བླ་ཆེན་རྣམ་པ་དང་བླ་སྤྲུལ། སྐུ་ཚབ་བཅས་འདུས་པའི་ཆོས་ཚོགས་ཐེངས་བཅུ་གཅིག་པར་གཏན་འབེབས་བྱུང་བའི་གྲོས་ཆོད་དང༌། ཟུར་རྒྱན་གྲོས་ཆོད་ཁག་ལ་རྒྱབ་སྐྱོར་ཞུ་རྒྱུ ར ་ནན་སྐུལ་བཅས་གནང་ འདུག
བཀའ་ཁྲི་མཆོག་གིས་སྦྱར་ཀློག་གནང་དོན། “ དེ་རིང་འགྲོ་བ་མིའི་ཐོབ་ཐང་གི་ཉིན་མོ་ཡང་ཡིན་སྟབས། མཉམ་འབྲེལ་རྒྱལ་ཚོགས་ཀྱིས་ཡོངས་ཁྱབ་འགྲོ་བ་མིའི་ཐོབ་ཐང་གསལ་བསྒྲགས་གནང་ནས་མི་ལོ་དྲུག་ཅུ་བརྒལ་ཡང༌། བློ་ཕམ་པ་ཞིག་ལ་བོད་ནང་ལོ་རེ་བཞིན་འགྲོ་བ་མིའི་ཐོབ་ཐང་གི་གནས་སྟངས་ཇེ་སྡུག་ཏུ་འགྲོ་བཞིན་པ་ནི་རྒྱ་ནག་གིས་བོད་བཙན་བཟུང་བྱས་པ་དང༌། ཁྱད་པར་ ༢༠༠༨ ལོའི་ཞི་བའི་གྱེན་ལངས་རྗེས་དྲག་གནོན་བྱེད་ཤུགས་ཆེ་རུ་བཏང་བའི་དབང་གིས་བྱུང་ཡོད།
བོད་ས་ཡོངས་སུ་ལག་བསྟར་བྱེད་བཞིན་པའི་ཆབ་སྲིད་ཀྱི་དམ་དྲག་དང༌། ཆོས་དད་རང་དབང་བརྡལ་བཤིག ཁོར་ཡུག་ཉམས་ཆག དཔལ་འབྱོར་དང་རིག་གཞུང་དབྱེ་འབྱེད་སོགས་ཀྱིས་བོད་མིའི་འགྲོ་བ་མིའི་ཐོབ་ཐང་དང་རང་དབང་བརྡལ་བཤིག ་ཚབས་ཆེན་བཏང་བ། ད་ལོ་གཅིག་པུར་ བོད་མི་ ༡༢ ཀྱིས་རང་ལུས་མེར་བསྲེགས་བཏང་བའི་ཡིད་སྐྱོའི་གནས་ཚུལ་བྱུང་བ་དང༌། དེའི་ཁོངས་ནས་བདུན་འདས་གྲོངས་སུ་གྱུར་ཡོད” ཅེས་དང་། “
ཉེ་སྔོན་བཀའ་བློན་ཁྲི་པ་ཨ་རི་དང་ཡུ་རོབ་ཁུལ་དུ་གཞུང་འབྲེལ་འཚམས་གཟིགས་ཐེངས་ དང་པོ་ཕེབས་སྐབས་གནད་ཡོད་མི་སྣ་མང་པོ་དང་མཇལ་འཕྲད་ཀྱིས་བོད་ནང་གི་ད་ལྟའི་ཛ་དྲག་གནས་སྟངས་སྐོར་འགྲེལ་བརྗོད་ཞུས་པར། ཁོང་ཚོས་སེམས་ཁུར་ཤུགས་ཆེ་གནང་བ་མ་ཟད། བོད་མིའི་དཀའ་སྡུག་ལ་གདུང་སེམས་མཉམ་སྐྱེད་དང༌།
གྲོས་མོལ་གྱི་ལམ་ནས་བོད་དོན་གང་མྱུར་འགྲིག་ཆགས་ཡོང་ཐབས་བྱེད་དགོས་པའི་རྒྱབ་སྐྱོར་གནང་གི་འདུག ཨ་རིའི་ཕྱི་སྲིད་བློན་ཆེན་ལྕམ་ཁི་ལིན་ཌོན་གྱིས་ “ཉེ་སྔོན་བོད་ནང་ན་གཞོན་ཚོས་རང་ལུས་མེར་བསྲེགས་བཏང་ནས་ངོ་རྒོལ་བྱེད་པའི་ཡིད་སྐྱོའི་གནས་ཚུལ་བྱུང་བར་སེམས་འཚབ་ཆེན་པོ་བྱུང” ཞེས་སོགས་གསུངས་ཡོད། ཡིད་སྐྱོའི་དོན་རྐྱེན་དེ་དག་ལ་ྋགོང་ས་མཆོག་ཀྱང་ཐུགས་འཚབ་ཆེན་པོ་གནང་གི་འདུག ནང་པ་ཞིག་ཡིན་པའི་ཆ་ནས་ྋགོང་ས་མཆོག་གིས་ཚེ་སྲོག་ལ་རྩ་ཆེར་དགོངས་ཀྱི་ཡོད་སྟབས་བོད་མི་ཚོས་ཉེན་ཚབས་ཆེ་བའི་ལས་འགུལ་རིགས་སྤེལ་རྒྱུར་རྒྱབ་སྐྱོར་གནང་གི་མེད་པ་ཕྱི་ལོ་
༢༠༠༨ ལོའི་ཞི་བའི་གྱེན་ལངས་སྐབས་དང༌། དེ་མཚུངས་མ་ཤི་བར་གྱི་ཟས་བཅད་ངོ་རྒོལ་གྱི་ལས་འགུལ་རིམ་པའི་སྐབས་བཀའ་སློབ་ལམ་སྟོན་སྔ་རྗེས་ཕེབས་པ་རྣམས་ནན་བརྗོད་དང་འབྲེལ། བཀའ་བློན་ཁྲི་པས་ཀྱང་འདི་ལོ་ཕྱི་ཟླ་ ༥ པའི་ནང་ལྡི་ལིར་མ་ཤི་བར་གྱི་ཟས་བཅད་ངོ་རྒོལ་གྱི་ལས་འགུལ་མཚམས་འཇོག་ཡོང་བའི་འབོད་སྐུལ་ཇི་ཞུས་འགྲེལ་བརྗོད་ཞུས་པ་ཡིན། གང་ལགས་ཤེ་ན། ང་ཚོའི་ལས་འགུལ་མུ་མཐུད་གནས་པར་ཁོང་ཚོ་འཚོ་གནས་དགོས་པ་ཡིན། དེར་བརྟེན་བོད་ཕྱི་ནང་གཉིས་སུ་འཁོད་པའི་བོད་རིགས་སྤུན་ཟླ་རྣམས་ཀྱིས་བོད་མིའི་ཕུགས་རྒྱང་རིང་པོའི་ཁེ་ཕན་ཆེད་ཤེས་ཡོན་ཐོག་ནུས་ཤུགས་བསྒྲིལ་དགོས་པའི་འབོད་སྐུལ་ཞུ་རྒྱུ་ཡིན།
ཤེས་ཡོན་ཅན་གྱི་མི་སྣ་གང་མང་སྐྱེད་སྲིང་ཐུབ་ན་ང་ཚོའི་ལས་འགུལ་མུ་མཐུད་སྲ་བརྟན་ཡུན་གནས་ཡོང་ཐུབ ” ཅེས་བསྒྲགས་སོང་། གཏམ་བཤད་ཀྱི་མཇུག་ཏུ། བོད་མི་ཡོངས་ཀྱིས་ རེས་གཟའ་ལྷག་པ་ནམ་ཡིན་ལ་ྋགོང་ས་ མཆོག་གི་ སྐུ་ཚེ་ བརྟན་པ་དང་། བོད་ནང་ རང་ལུས་མེར་བསྲེགས་གཏོང་མཁན་དང་ཁོང་ཚོའི་ནང་མི་ཚོར་གདུང་སེམས་མཉམ་སྐྱེད ་ཆེད། མ ་ཎི ་དང་ དེ་འབྲེལ་གཟུངས་སྔགས་ཕྲེང་སྐོར་རེ་འདོན་གནང་ཡོང་བའི་འབོད་སྐུལ་ཞུ ས་འདུག་ལ། རྒྱ་ནག་གཞུང་ལ་བོད་པའི་ཆབ་སྲིད་བཙོན་པ་རྣམས་ཀློད་གྲོལ་དང་། དྲག་གནོན་གྱི་སྲིད་བྱུས་འཕྲལ་དུ་མཚམས་འཇོག་གིས་གྲོས་མོལ་གྱི་ལམ་ནས་དཀའ་རྙོག་སེལ་ཐབས་ བྱ་དགོས་པའི་རེ་སྐུལ། མཉམ་འབྲེལ་རྒྱལ་ཚོགས་དང་རྒྱལ་སྤྱིའི་སྤྱི་ཚོགས་ཀྱིས་བོད་ནང་གི་དངོས་ཡོད་གནས་ཚུལ་ཤེས་རྟོགས་ཆེད་ཞིབ་འཇུག་མི་སྣ་གཏོང་ དགོས་པ་དང་། རང་དབང་ཅན་གྱི་ གསར་འགོད་པ་དང་རྒྱ་རིགས་ཤེས་ཡོན་ཅན་ཚོ་ཡང་འགྲོ་སྐྱོད་ཐུབ་པའི་འབོད་སྐུལ་ བཅས་ཞུས་འདུག
དེའི་རྗེས་བོད་མི་མང་སྤྱི་འཐུས་ཚོགས་གཞོན་བསོད་ནམས་བསྟན་འཕེལ་མཆོག་གིས་སྤྱི་འཐུས་ལྷན་ཚོགས་ཀྱི་གཏམ་བཤད་སྦྱར་ཀློག་གནང་སོང་། ཐེངས་འདིའི་སྤྱི་འཐུས་ལྷན་ཚོགས་ཀྱི་གཏམ་བཤད་ནང་དུའང་གོང་མཚུངས་ལྟར།
༸གོང་ས་མཆོག་གིས་ བོད་མིའི་ འཕྲལ་ཕུགས་ ཀྱི་ ཁེ་ཕན་ ལ་གཟིགས་ཏེ། བོད་མིའི་སྒྲིག་འཛུགས་ཀྱི་ཆབ་སྲིད ་ དང་འཛིན་སྐྱོང་དབུ་འཁྲིད་ཀྱི་ཐུགས་འགན་ ཡོངས་ མང་ཚོགས་ ཀྱིས་ འོས་འདེམས་བྱས་པའི་ མ གོ་འཁྲིད་ཚོར་རྩིས་སྤྲོད་ གནང་ཡོད་ཀྱང་། བོད་མི་ཡོངས་ཀྱི་མགོན་སྐྱབས་དང་བླ་ན་མེད་པའི་དབུ་འཁྲིད་ཀྱི་མཚན་ཐོག་ནས་བོད་མིའི་བསམ་སྤྱོད་ཡར་རྒྱས་དང་། ཆོས་རིག་སྲུང་སྐྱོབ་དང་དར་སྤེལ། བོད་ཀྱི་རྩ་དོན་སྒྲུབ་ཐབས་སུ་བོད་མི་དང་བོད་མིའི་སྒྲིག་འཛུགས་ཀྱི་ལས་དོན་གང་ཅིར་ལམ་སྟོན། བོད་དང་བོད་མིའི་ཆེད་རྒྱལ་སྤྱིའི་དབུ་འཁྲིད་རྣམ་པ་དང་གལ་ཆེའི་མི་སྣ་མཇལ་འཕྲད་བཀའ་བསྡུར་གནང་རྒྱུ་སོགས་ཀྱི་མཛད་འགན་ མུ་མཐུད་བཞེས་རྒྱུའི་ཞལ་བཞེས་ཐོབ་པར་ བཀའ་དྲིན་ རྗེས་དྲན་བཅས་ཞུས་འདུག
ས་བྱི་ཞི་རྒོལ་ཆེན་མོ་ནས་བཟུང་བོད་ནང་གནས་སྟངས་ཇེ་ཞན་ཇེ་སྡུག་ཏུ་ཕྱིན་པ་དང་། ལྷག་པར་དུ་འདི་ལོ་ཕྱི་ཟླ་ ༣ པ་ནས་རྒྱ་གཞུང་གིས་དྲག་གནོན་གྱི་སྲིད་བྱུས་རྒྱུན་འཛིན་ལག་བསྟར་མུ་མཐུད་བྱས་པར་བརྟེན། བཟོད་ཐབས་བྲལ་ཏེ་བོད་མི་གཞོན་སྐྱེས་ཚོས་རང་ལུས་ཞུགས་འབུལ་གནང་བའི་གནས་ཚུལ་གཅིག་རྗེས་གཉིས་མཐུད་དུ་བྱུང་ཡོ ད་ཅེས་འདི་ལོའི་ཕྱི་ཟླ་ ༣ ཚེས་
༡༦ ཉིན་རྔ་པ་ཀིརྟི་དགོན་པའི་གྲྭ་ཕུན་ཚོགས་ལགས་ཀྱིས་རང་ལུས་མེར་བསྲེགས་བཏང་བ་ནས་ཟླ་འདིའི་ཚེས་ ༡
ཉིན་ཆབ་མདོ་གྱིང་ཐང་གྲོང་ཚོའི་བསྟན་འཛིན་ཕུན་ཚོགས་ལགས་ཀྱིས་རང་ལུས་མེར་བསྲེགས་བཏང་སྟེ་འདས་གྲོངས་སུ་ཕྱིན་པའི་བར་རྒྱལ་གཅེས་དཔའ་བོ་དཔའ་མོ་
༡༢ ཙམ་གྱིས་སྐུ་ལུས་མེར་བསྲེགས་བཏང་བའི་ལོ་རྒྱུས་རགས་བསྡུས་བཅས་བཀོད་འདུག
ཕྱི་ཚེས་ ༣ ཉིན་ལྷོ་ཀོ་རི་ཡའི་ནང་པའི་ཆོས་ཚོགས་ཇོག་གྷིའི་ (Jogye) ཞེས་པས། རྒྱ་གཞུང་
འབོད་སྐུལ་ཞིག་ཞུ་ཡིག་ཅིག་ཕུལ་བའི་ནང་།
“ ལྷོ་ཀོ་རི་ཡའི་ཇོག་གྷིའི་ཆོས་ཚོགས་ཀྱི་ངོས་ནས་ཉེ་ཆར་བོད་ནང་བོད་མི་ཚོས་རང་ལུས་མེར་བསྲེགས་བཏང་བའི་གནས་སྟངས་ཐོག་སེམས་འཚབ་དང་།
བོད་ནང་གི་བོད་མི་ཚོར་གདུང་སེམས་མཉམ་སྐྱེད་བྱེད་ཀྱི་ཡོད། ང་ཚོས་འཛམ་གླིང་ཧྲིལ་པོའི་ནང་པའི་མི་རིགས་ཁག་གི་མི་དམངས་དང་ལྷན་དུ་ཆིག་སྒྲིལ་ཐོག་བོད་མི་ཚོར་རྒྱབ་སྐྱོར་ཞུ་རྒྱུ་དང་།
དྲག་པོའི་ཐབས་ལམ་གྱི་ཐོག་ནས་རྩོད་རྙོག་རིགས་སེལ་བར་བྱ་སྤྱོད་ལ་མཐའ་གཅིག་ཏུ་ངོ་རྒོལ་བྱེད་བཞིན་ཡོད།ལྷོ་ཀོ་རི་ཡའི་ནང་པའི་དགོན་སྡེ་ཁག་གིས་རང་ལུས་མེར་བསྲེགས་བཏང་སྟེ།
འདས་གྲོངས་སུ་ཕྱིན་པའི་བོད་ཀྱི་དགེ་འདུན་པ་ཚོ་གང་མགྱོགས་སངས་རྒྱས་ཀྱི་ས་ལ་འགོད་ཐུབ་པ་དང་། རྨས་སྐྱོན་ཚབས་ཆེན་ཕོག་པ་རྣམས་དྲག་སྐྱེད་ཡོང་བ།
བོད་མི་ཚོས་རང་སྲོག་འདོར་མི་དགོས་པར་བོད་ཀྱི་བདེན་མཐའ་མྱུར་དུ་གསལ་ཐུབ་པའི་སྨོན་འདུན་ཞུ་རྒྱུ་ཡིན་ཞེས་ ” འཁོད་ཡོད།
ཨོ་སི་ཊི་རི་ཡའི་བོད་རིགས་ཚོགས་པའི་གོ་སྒྲིག་འོག ཨོ་སོ་ཏྲི་རི་ཡའི་རྒྱལ་ས་ཝིན་ (Wien)ནང་གི་ (mideaspace)ཞེས་པའི་ཚོགས་ཁང་ དུ། ཟླ་འདིའི་ཕྱི་ཚེས་༢ ནས་ ༡༡ ཉིན་བར་༸གོང་ས་མཆོག་གི་སྐུ་པར་བརྒྱ་ ཐམ་པ་འགྲེམས་སྟོན་ དབུ་འབྱེད་གནང་ཡོད་འདུག
སྐུ་པར་འགྲེམས་སྟོན་མཛད་སྒོ་དབུ་འབྱེད་ཀྱི་སྐུ་མགྲོིན་གཙོ་བོར། ཨོ་སོ་ཏྲི་རི་ཡའི་གྲོས་ཚོགས་ཀྱི་མི་སྣ་ (Dr.
wolfgang zing)མཆོག་དང་། བོད་མི་མང་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག
སུ ད་སི་སྐུ་ཚབ་དོན་གཅོད་ཚེ་གཏན་ཆོས་སྐྱབས་ལགས། ཡོ་རོབ་སྤྱི་འཐུས་དགེ་བཤེས་ཐུབ་བསྟན་དབང་ཆེན་ལགས་བཅས་ཆེད་ཕེབས་གནང་ཡོད ་འདུག
ཐེངས་འདིར་འགྲེམས་སྟོན་གནང་བའི་སྐུ་པར་རྣམས་ ནི་༧གོང་ས་མཆོག་སྐུ་ན་ཆུང་དུས་དང་།
ཆོས་ཕྱོགས་ཀྱི་མཛད་མཆར། དེ་མིན་རྒྱལ་སྤྱིའི་ནང་མཐོ་རིམ་དཔོན་རིགས་ཁག་ལ་མཇལ་འཕྲད་བཅས་རིམ་པ་གསུམ་དུ་དབྱེ་ཡོད། དམིགས་ཡུལ་ནི་༸གོང་ས་མཆོག་ལ་ནོར་ཝེའི་ཞི་བདེའི་གཟེངས་རྟགས་ཕུལ་ནས་ལོ་ངོ་ ༢༢ འཁོར་བའི་དུས་སྟོན་སྲུང་བརྩི་དང་སྐབས་བསྟུན་ནས།
རང་ཅག་རྣམས་ཀྱིས་བཀའ་དྲིན་རྗེས་དྲན་དང་། ཨི་སོ་ཏྲི་ཡ་གཙོ་བོར་གྱུར་པའི་རྒྱལ་སྤྱིའི་མི་དམངས་ཚོར ་༸གོང་ས་མཆོག་གི་བླ་ན་མེད་པའི་མཛད་འཕྲིན་ངོ་སྤྲོད།
བོད་དོན་དྲིལ་བསྒྲགས་ བཅས་ཀྱི་ཆེད་དུ་ཡི ན་འདུག
ཚེས་ ༢ ཀྱི་ཞོགས་པའི་ཆུ་ཚོད་ ༡༡
ཐོག་ས་གནས་ཚོགས་ཁང་ནང་གསར་འགོད་གསལ་བསྒྲགས་བསྐྱངས་རྗེས། བོད་རིགས་མཐུན་ཚོགས་ཀྱི་རྒྱུན་ལས་རྣམས་དང་། སྤྱི་འཐུས་ཚོགས་གཙོ་མཆོག་དང་སྐུ་ཚབ་དོན་གཅོད། ཡུ་རོབ་སྤྱི་འཐུས་མཆོག་མཉམ་བཞུགས་གནང་སྟེ།
བོད་རིགས་མཐུན་ཚོགས་ཀྱི་ད་ལྟ་དང་འབྱུང་འགྱུར་གྱི་ལས་དོན་སྒྲུབ་ཕྱོགས་དང་། ཚོགས་པའི་ངོ་བོ ་སྲ་བརྟན་ཆེད་བཀའ་སློབ་ལམ་སྟོན་དང་གོ་བསྡུར་གནང་ཡོད།
ཕྱི་དྲོ་ཆུ་ཚོད་ ༦ པའི་ཐོག་རང་རིགས་དང་ཕྱི་རྒྱལ་གྱི་སྐུ་མགྲོན་རྣམས་ལྷན་འཛོམས་སར། སྣང་གསལ་མར་མེ་ཞལ་འབྱེད་དང་སྦྲགས།
སྐུ་པར་འགྲེམས་སྟོན་གྱི་མཛད་སྒོ་དངོས་སུ་དབུ་འབྱེད་གནང་ ཡོད་པ་རེད།
ཕྱི་ཚེས་ ༣ གྱི་ཞོགས་པའི་ཆུ་ཚོད་དགུ་དང་ཕྱེད་ཀའི་ཐོག
ས་གནས་བོད་རིགས་ཚོར་དམིགས་བསལ་བཀའ་སློབ་ལམ་སྟོན་སྐབས། སྤྱི་འཐུས་ཚོགས་གཙོ་མཆོག་གིས། ཉེ་བའི་ཟླ་ཤས་གོང་བོད་མིའི་སྒྲིག་འཛུགས་ནང་༸གོང་ས་མཆོག་གིས་ལོ་རྒྱུས་རང་བཞིན་གྱིས།
དམིགས་བསལ་སྒྱུར་བཅོས་ཇི་ལྟར་གནང་ཡོད་མེད་དང་། རྒྱལ་སྤྱི་དང་ད་ལྟའི་བོད་ནང་གི་གནས་སྟངས་སོགས་བཀའ་སློབ་ཞིབ་རྒྱས་གནང་། ཡོ་རོབ་སྤྱི་འཐུས་མཆོག་གིས་བོད་རིགས་མཐུན་ཚོགས་དང་།
དེ་མིན་མི་དམངས་ཀྱི་དཀའ་སྡུག་ཇི་ལྟར་སེལ་དགོས་མིན་སོགས་ལ་བཀའ་སློབ་ བསྩལ། སྐུ་ཚབ་དོན་གཅོད་མཆོག་གིས་རྒྱལ་གཅེས་དཔྱ་དངུལ་དང་འབྲེལ་བ་སོགས་ཀྱི་སྐོར་བཀའ་སློབ་ཕེབས།
ཐེངས་འདིར་ས་གནས་མི་དམངས་ཚོས་དོ་སྣང་ཤུགས་ཆེ ན་གནང་མུས་དང་ས་གནས་ཀྱི་གཟུགས་མཐོང་བརྙན་འཕྲིན་ནང་དུ་ཡང་གསལ་སྟོན་གནང་ཡོད་ འདུག
ཁ་སང་ཕྱི་ཚེས་ ༢ ཉིན་གྱི་ཕྱི་དྲོ་རྒྱལ་ས་ལྡི་ལིར་རྟེན་གཞི་བྱས་པའི་ཌི་ཡཱ་ཝ་ཏི་མོ་ཌི་སྒྱུ་རྩལ་དང་ཤེས་ཡོན་ཐེབས་རྩ་ཁང་གིས།
ད་ལོའི་ཐེབས་རྩ་ཁང་འདིའི་ལོ་འཁོར་ཆེ་བསྟོད་གཟེངས་རྟགས་( Dayawati Modi Award) ཞེས་པ་དེ་༧གོང་ས་མཆོག་ལ་ཕུལ་ཡོད་འདུག་ལ། དེ་ནི་༧གོང་ས་མཆོག་གིས་སྐུ་ཚེ་ཧྲིལ་པོར་འཛམ་གླིང་ཞི་བདེ་དང་བཟོད་བསྲན། འགྲོ་བ་མིའི་རིན་ཐང་།
སྤྱི་ཚོགས་བདེ་དོན་སོགས་ཀྱི་ཐད་མཛད་རྗེས་བླ་མེད་བཞག་པར་ཆེ་བསྟོད་གནང་བ་ཞིག་ཡིན་འདུག
མཛད་སྒོའི་སྟེང་༧གོང་ས་མཆོག་གིས་འགྲོ་བ་མིའི་རིགས་ཀྱི་གཟུགས་པོའི་གྲུབ་ཆའི་ཐོག་བུད་མེད་ཚོར་སྐྱེས་པ་ལས་ལྷག་པའི་བྱམས་བརྩེའི་ཚོར་ཤུགས་ལྡན་ཡོད་སྟབས།
གཞུང་གི་མགོ་ཁྲིད་ནང་བུད་མེད་གང་མང་ཐོན་ཐུབ་ཚེ། སྤྱི་ཚོགས་ཀྱི་ཉེན་ཁ་ཆུང་དུ་འགྲོ་ངེས་ཡིན་སྐོར་དང་། རྒྱ་གར་བུད་མེད་ཚོའི་ངོས་ནས་ཁྱིམ་ཚང་དང་རྒྱལ་ཁབ་གཉིས་ཀྱི་འགན་ཡག་པོ་བླངས་ཏེ།
བྱམས་བརྩེ་ལྡན་པའི་སྤྱི་ཚོགས་ཤིག་བསྐྲུན་རྒྱུར་ཧུར་བརྩོན་གནང་དགོས་སྐོར་གསུངས་ཡོད། རྒྱ་གར་གྱི་ལྐོག་ཟ་རུལ་སུངས་ཀྱི་གནད་དོན་དང་འབྲེལ་ཏེ།
རྒྱ་གར་མང་ཚོགས་ཀྱིས་ལྐོག་ཟ་རུལ་སུངས་ཐོག་དོ་སྣང་ཆེ་ཙམ་བྱ་དགོས་པ་ལས། ལྐོག་ཟ་རུལ་སུངས་བྱེད་པ་དེ་མི་ཚེའི་ཆ་ཤས་ཤིག་རེད་བསམ་ན་ནོར་ཡོད་སྐོར་གྱི་བཀའ་སློབ་སོགས་བསྩལ་ཡོད་འདུག
གཟེངས་རྟགས་དེ་ནི་ཞིང་གཤེགས་དམ་པ་ལྕམ་རའེ་སྦ་ཧ་རྡུར་གུ་ཇར་མལ་མོ་ཌིའི་རྗེས་དྲན་ཆེད། ༡༩༩༤ ལོར་ཐོག་མར་གསར་འཛུགས་གནང་བ་ཞིག་ཡིན་ཞིང་།
ད་བར་གཟེངས་རྟགས་འདི་ཡེ་ཤུ་བཙུན་མ་ ( Mother Teresa) གཙོས་པའི་གྲགས་ཅན་མི་སྣ་ཁག་ཅིག་ལ་ཕུལ་ཡོད་འདུ
ཕྱི་ཚེས་ ༥ ནས་ ༧ ཉིན་བར་རྒྱ་གར་ལྷོ་ཕྱོགས་ཧོན་སུར་གཞིས་ཆགས་སུ་ཆིབས་སྒྱུར་གནང་སྟེ། མགོན་པོ་ཀླུ་སྒྲུབ་ཀྱིས་མཛད་པའི་༼གསང་འདུས་རིགས་ལྔའི་འགྲེལ་བ་༽ དང་༸པཎ་ཆེན་བློ་བཟང་ཆོས་རྒྱན་གྱིས་མཛད་པའི་༼རིགས་ལྔའི་འགྲེལ་བ་༽བཅས་ཀྱི་བཀའ་ཁྲིད་གནང་རྒྱུ་ཡིན་འདུག
དེ་རིང་ཚེས་གསུམ་གྱི་ཕྱི་དྲོའི་ཆུ་ཚོད་ ༧ དང་སྐར་མ་ ༣༠ ཐོག་ཨེ་མོ་རི་གཙུག་ལག་སློབ་གཉེར་ཁང་དུ་བོད་རྒྱ་མཉམ་འཛོམས་ཀྱི་རོལ་མོ འི་འདུ་འཛོམས་ཤིག་ཚོགས་ཡོད་པ་དང་། ལྟད་མོ་བ་བརྒྱ་ཕྲག་ཁ་ཤས་འདུ་འཛོམས་ཀྱིས་བོད་ཀྱི་རྒྱལ་གཅེས་དཔའ་བོ་དཔའ་མོ་སྤྱི་དང་།
ཁྱད་པར་དུ་ བོད་ཕྱི་ནང་གཉིས་སུ་བསྟན་སྲིད་མི་རིགས་སླད་རང་ལུས་མེ་ལ་སྒྲོན་ མཁན་འདས་གསོན་དག་ལ་གདུང་སེམས་མཉམ་སྐྱེད་དང་མྱ་ངན་གུས་འདུད་ཞུས་སོང་།
ཨ་རིར་བརྟན་གཞི་བྱས་པའི་(Shelley and Donald Rubin)ཞེས་པའི་ཐེབས་རྩ་ཚོགས་པས་སྦྱིན་བདག་བྱས་ཤིང་།
ཨེ་མོ་རི་གཙུག་ལག་སློབ་གཉེར་ཁང་གི་ཆོས་ལུགས་སྡེ་ཚན་གྱི་སློབ་དཔོན་ཆེན་མོ་ཏཱ་ར་ཌོཡེལ་ (Dr. Tara Doyle)དང་། སེ་རཱ་མཱེཁི་ལེན་ཊོཀ་ (Dr. Sarah
Mclintock)གཉིས་ཀྱི་གོ་སྒྲིག་འོག ཁཱར་ལོསི་འགྲེམ་སྟོན་ཁང་དུ་བཙན་བྱོལ་དུ་འཚར་ལོངས་བྱུང་ཞིང་ཨ་རིར་གནས་ བཞུགས་བོད་ཀྱི་གཞས་པ་གྲགས་ཅན་བཀྲས་ཆུང་ལགས་ཀྱི་རོལ་མོ འི་འདུ་འཛོམས་ཤིག་སྐོང་ཚོགས་གནང་ཡོད་པ་དང་། ཁོང་དང་མཉམ་དུ་རྒྱ་རིགས་རོལ་མོ་བ་གྲགས་ཅན་ཝང་ (Guang Wang)ལགས་མཉམ་ཞུགས་བྱས་ཡོད་པ་རེད།
རོལ་མོ འི་འདུ་འཛོམས་ཐོག་སྐུ་ཞབས་བཀྲས་ཆུང་གིས་རང་ལུས་མེ་ལ་བསྒྲོན་པའི་རྒྱལ་གཅེས་དཔའ་བོ་དཔའ་མོ་བཅུ་གསུམ་པོར་རྗེས་དྲན་གྱི་མཆོད་མེ་སྒྲོན་པ་དང་།
ཆབ་བྲག་ཕོ་ཉས་བརྩམས་པའི་གཞས་ཚིག་བླ་མ་མཁྱེན་ནོ་ཞེས་པའི་གདུངས་དབྱངས་ཤིག་ཀྱང་ ལྟད་མོ་བ་དག་ལ་སྙན་སྒྲོན་ཞུས་ རྗེས། སློབ་དཔོན་ཏཱ་ར་ལགས་ཀྱིས་འཛམ་གླིང་ཁྱོན་དུ་གནས་པའི་བོད་རིགས་ཚོས་གདུང་སེམས་མཉམ་སྐྱེད་ཀྱི་རྣམ་པ་མཚོན་ཆེད་རང་རང་གི་ངོ་དེབ་ཀྱི་པར་རིས་ཚབ་ཏུ་མཆོད་མེའི་པར་རེ་ འཇོག་གི་ཡོད་པ་ལྟར་ལས་འགུལ་དེར་མཉམ་ཞུགས་གནང་དགོས་པའི་འབོད་སྐུལ་ཞུས་སོང་ ལ། ཐེངས་འདིར་བོད་ཀྱི་གཞས་པ་བཀྲས་ཆུང་དང་རྒྱ་རིགས་རོལ་མོ་བ་སྐུ་ཞབས་ཝང་གཉིས་མཉམ་རུབ་ཐོག་རོལ་མོ འི་འདུ་འཛོམས་འདི་འདྲ་ཞིག་ཚོགས་གནང་ཐུབ་པ་འདིས ། མི་རིགས་འདི་གཉིས་ བར་མཐུན་ལམ་དང་མ་འོངས་པར་ མདུན་སྐྱོད་ཐོག་སྐུལ་འདེད་ཅིག་ཡིན་ཚུལ་བཅས་བརྗོད་བྱུང་།
བཀྲས་ཆུང་ལགས་ད་ཆ་ཨེ་མོ་རི་གཙུག་ལག་སློབ་གཉེར་ཁང་དུ་བོད་ཀྱི་རོལ་མོ་སློབ་ཀྱིན་ཡོད་པ་དང་།
རྒྱ་རིགས་རོལ་མོ་བ་གྲགས་ཅན་ཝང་ལགས་ཀྱང་སློབ་གཉེར་ཁང་འདིར་རོལ་མོ་ཁྲིད་ནས་ད་བར་ལོ་ངོ་དྲུག་ཙམ་ཕྱིན་ཡོད་འདུག
གསར་འགོད་པས་རོལ་མོ་བ་གྲགས་ཅན་སྐུ་ཞབས་ཝང་ལ་ཐེངས་འདིར་བོད་མི་དང་མཉམ་དུ་རོལ་མོ་འདུ་འཛོམས་འདིར་ཞུགས་པའི་མྱོང་ཚོར་དྲིས་དུས། ཁོང་གིས་ “ང་རང་རྒྱ་ནག་ཏུ་སྐྱེས་ཤིང་། དམར་པོའི་སློབ་གསོའི་ལམ་ལུགས་འོག་ཏུ་འཚར་ལོངས་བྱུང་པ་ཞིག་ཡིན་རུང་། རྩ་བའི་ཆ་ནས་ང་རང་སྒྱུ་རྩལ་པ་ཞིག་ཡིན། ཆབ་སྲིད་ཀྱི་ཐད་ནས་ང་ལ་འཆར་སྒོ་ཅི་ཡང་མེད།
ང་རང་ཨ་རིར་འབྱོར་ནས་ད་བར་དུ་ལོ་ངོ་བཅུ་དྲུག་ལྷག་འགོར་འདུག་པས། ངས་བོད་མིའི་སྐྱིད་སྡུག་ཤེས་ ཀྱི་ཡོད ་སྟབས། དེ་རིང་འདིར་ མཉམ་ཞུགས་བྱས་པ་ཡིན། གང་ཡིན་ཟེར་ན།
རོལ་དབྱངས་ཟེར་བ་འདི་ང་ལ་མཚོན་ན་རྒྱལ་སྤྱིའི་རང་བཞིན་གྱི་སྐད་ཡིག་ཅིག་རེད། མི་དང་མིའི་སེམས་པ་མཐུད་བྱེད་ཅིག་རེད། ” ཟེར།
ཨེ་མོ་རི་གཙུག་ལག་སློབ་གཉེར་ཁང་ནི་ལོ་ངོ་ ༡༧༥
གོང་དུ་ཡི་ཤུའི་ཆོས་ལུགས་པའི་སྡེ་ཞིག་གིས་བཙུགས་ཤིང་ད་ལྟ་ལོ་ན་༡༧༥ ཟིན་ཡོད་པ་དང་། སྤྱི་ལོ་༢༠༠༧
ལོར་ཇི་ལྟར་གསོལ་བ་བཏབ་པ་ལྟར་༧གོང་ས་མཆོག་གིས་སློབ་གཉེར་ཁང་འདིའི་ཁྱད་འཕགས་གཙུག་ལག་སློབ་དཔོན་ཆེན་མོའི་མཚན་གནས་བཞེས་ཡོད་པ་རེད།
ཟླ་སྔོན་མའི་ཕྱི་ཚེས་ ༢༡
ཉིན་ནས་བཀའ་བློན་ཁྲི་པ་བློ་བཟང་སེང་གེ་མཆོག་གིས་ཡུ་རོབ་རྒྱལ་ཁབ་ཁག་བདུན་ཙམ་གྱི་ནང་། ཐོག་མའི་གཞུང་འབྲེལ་གཟིགས་སྐོར་གནང་ཡོད་པ་ལྟར། ཕྱི་ཚེས་ ༢༩
ཉིན་བཀའ་ཁྲི་མཆོག་གིས་ཡུ་རོབ་སྤྱི་མཐུན་ཚོགས་པའི་ཕྱི་འབྲེལ་ལས་དོན་ཚོགས་ཆུང་དུ། ཁོང་གིས་དབུ་ཁྲིད་པའི་བཀའ་ཤག་གིས་མུ་མཐུད་ལམ་དབུ་མའི་སྲིད་བྱུས་རྒྱུན་འཁྱོངས་དང་།
འདི་ལོར་བོད་ནང་བོད་མི་བཅུ་གྲངས་ཤིག་གིས་རང་ལུས་མེར་བསྲེགས་བཏང་བའི་རྒྱུ་རྐྱེན་དང་དེའི་རྒྱབ་ལྗོངས། ༧གོང་ས་མཆོག་གིས་བོད་མིའི་ཆབ་སྲིད་འགན་དབང་རྩིས་སྤྲོད་གནང་རྗེས།
བཙན་བྱོལ་བོད་མིའི་སྒྲིག་ལ་འགྱུར་བ་ཇི་འདྲ་བྱུང་ཡོད་མེད་སྐོར་ངོ་སྤྲོད་གནང་རྗེས། ཡུ་རོབ་སྤྱི་མཐུན་གྱིས་དུས་ཡུན་རིང་པོར་བོད་མིའི་འཚེ་བ་མེད་པའི་འཐབ་རྩོད་ལ་རྒྱབ་སྐྱོར་གནང་བར་བསྔགས་བརྗོད་དང་།
མ་འོངས་པར་ཡུ་རོབ་སྤྱི་མཐུན་ལྟ་བུའི་རྒྱལ་སྤྱིའི་ཚོགས་པ་ཆེ་ཁག་གིས་བོད་དོན་ཐོག་རོགས་རམ་གནང་དགོས་པའི་འབོད་སྐུལ་སོགས་ཞུས་འདུག
ཉིན་དེར་བཀའ་ཁྲི་མཆོག་ཡུ་རོབ་བོད་དོན་རྒྱབ་སྐྱོར་ཚོགས་པའི་གོ་སྒྲིག་གནང་བའི་བགྲོ་གླེང་ཚོགས་འདུ་ཞིག་ཏུ་ཕེབས་ཏེ།
ཡུ་རོབ་སྤྱི་མཐུན་ཚོགས་པའི་གྲོས་ཚོགས་འཐུས་མི་དང་གཞུང་ཚབ་པ། གཞུང་འབྲེལ་མིན་པའི་ཚོགས་པ་ཁག་གི་སྐུ་ཚབ་སོགས་ཁྱོན་ཚོགས་ཞུགས་པ་ ༣༠༠ ལྷག་ལ། བོད་མི་ཚོར་མིང་དོན་མཚུངས་པའི་རང་སྐྱོང་ཞིག་ཡོང་ཐབས་ཀྱི་གཏམ་བཤད་སྤེལ་འདུག་ལ།
མཇུག་ཏུ་དྲི་བ་དྲིས་ལན་གྱི་གོ་སྐབས་ཀྱང་ཕུལ་ཡོད་འདུག
སྦེལ་ཇེམ་གྱི་ལས་འཆར་ཁག་གྲུབ་རྗེས། ཕྱི་ཚེས་ ༣༠
ཉིན་བཀའ་ཁྲི་མཆོག་དབྱིན་ཡུལ་སྐུ་ཚབ་དོན་གཅོད་ཐུབ་བསྟན་བསམ་འགྲུབ་ལགས་དང་ས་གནས་བོད་རིགས་མང་ཚོགས་ཀྱི་ཕེབས་བསུའི་ཁྲོད། དབྱིན་ཇིའིི་རྒྱལ་ས་ལོན་ཊོན་དུ་འབྱོར་ཡོད་པ་དང་། ཕྱི་ཟླ་ ༡༢ ཚེས་ ༡ ཉིན་བཀའ་ཁྲི་མཆོག་གིས་འཛམ་གླིང་གྲགས་ཅན་བརྙན་འཕྲིན་བྷེ་བྷེ་སི་ ( Impact Asia) དང་། ཁྲེ་ལེ་གྷི་རབ་ཧྥི་ (The Telegraph) ། ཡུལ་དེའི་ཕྱི་འབྲེལ་དུས་དེབ་བཅས་ཀྱི་གསར་འགོད་པའི་བཅར་འདྲི་དང་ལེན་གནང་སྟེ།
བོད་ནང་གི་གནས་སྟངས་སྐོར་གསལ་བཤད་གནང་ཡོད་ལ། དེའི་རྗེས་དབྱིན་ཡུལ་བོད་དོན་རྒྱབ་སྐྱོར་ཚོགས་པ་ཁག་གི་གྲོས་ཚོགས་འཐུས་མི་ ༡༠
ཙམ་ལ་ཐུག་འཕྲད་ཀྱིས་ད་ལྟའི་བོད་ནང་གི་ཛ་དྲག་གནས་སྟངས་ངོ་སྤྲོད་དང་།
དབྱིན་ཡུལ་ནང་བོད་དོན་ལས་འགུལ་ཐོག་མཉམ་རུབ་གནང་ཕྱོགས་དང་བོད་དོན་རྒྱབ་སྐྱོར་ཚོགས་པ་ཁག་གི་མཐུན་ལམ་སྔར་ལས་ཡར་རྒྱས་གཏོང་དགོས་སྐོར་གསུངས་ཡོད།
མཇུག་ཏུ་དབྱིན་ཡུལ་ཕྱི་འབྲེལ་ཚན་པའི་ལས་བྱེད་ཁག་ཅིག་ལ་ཐུག་འཕྲད་གནང་སྟེ།
དབུས་བོད་མིའི་སྒྲིག་འཛུགས་ཀྱིས་ལམ་དབུ་མའི་སྲིད་བྱུས་ཐོག་བོད་ཀྱི་གནད་དོན་སེལ་ཐབས་གནང་བཞིན་ཡོད་སྐོར་དང་། ལངས་ཕྱོགས་དེའི་ཐོག་ནས་རྒྱ་གཞུང་དང་འབྲེལ་བ་གནང་རྒྱུའི་གྲ་སྒྲིག་ཡོད་ཚུལ་སོགས་གསུངས་ཏེ།
དབྱིན་གཞུང་གིས་བོད་རྒྱའི་གྲོས་མོལ་ཐོག་ཤུགས་སྣོན་རྒྱག་དགོས་པའི་སྐུལ་མ་བཅས་གནང་འདུག
ཡུ་རོབ་རྒྱལ་ཁབ་ཁག་བདུན་གྱི་མཛད་འཆར་ཁག་གྲུབ་རྗེས། ཁ་སང་ཕྱི་ཚེས་ ༢ ཉིན་བཀའ་ཁྲི་མཆོག་རྒྱལ་ས་ལོན་ཊོན་ནས་མཁའ་ལམ་བརྒྱུད་ཕྱིར་རྒྱ་གར་དུ་ཕེབས་ཡོད་འདུག
ཕྱི་ཚེས་ ༡ ཉིན་སྔ་དྲོར་ཁམས་ཆབ་མདོ་ཀརྨ་དགོན་པར་གྲྭ་བ་བྱས་མྱོང་མཁན།
ད་ཆར་རང་ལོ་ ༤༦ ཡིན་པ་བསྟན་འཛིན་ཕུན་ཚོགས་ཞུ་བ་ཞིག་གིས་རང་ལུས་མེར་བསྲེགས་བཏང་སྟེ་རྒྱ་གཞུང་ལ་ངོ་རྒོལ་བྱས་འདུག
སྐབས་དེར་ཁོང་གིས་ལག་ཏུ་ཡིག་ཆ་འདྲ་མིན་གཏོར་འགྲེམས་བྱེད་བཞིན་སྐད་འབོད་བརྒྱབ་ཡོད་ཀྱང་། ཡིག་ཆ་དེ་དག་གི་ནང་དོན་དང་འབོད་ཚིག་ནང་དོན་སོགས་གསལ་བོ་རྟོགས་ཐུབ་མི་འདུག
ཅུང་ཙམ་རྗེས་རྒྱ་གཞུང་གི་ཉེན་རྟོག་པ་ཡོང་སྟེ་ཁོང་གི་ལུས་ཀྱི་མེ་བསད་དེ་ཆབ་མདོ་རྫོང་སྨན་ཁང་ཞིག་ཏུ་འཁྲིད་ཡོད་འདུག་ཀྱང་། དེ་རྗེས་ཀྱི་གནས་སྟངས་གསལ་བོ་ཤེས་རྟོགས་ཐུབ་ཡོད་མི་འདུག
ཁོང་གི་སྐྱེས་དམན་གྱི་མིང་ལ་སྒྲོལ་མ་ཟེར་ཞིང་ད་ཆར་ཁོང་གཉིས་ལ་བུ་མོ་གཅིག་དང་བུ་གཉིས་བཅས་ཡོད་འདུག
རྒྱ་གཞུང་གིས་དེང་སྐབས་ཆབ་མདོ་ཀརྨ་དགོན་པར་དམ་དྲག་བྱེད་ཀྱིན་ཡོད་པ་དེར་ཁོང་གིས་མི་འདོད་པའི་རྣམ་འགྱུར་ཤུགས་ཆེན་བསྟན་ཡོད་པ་ཁོང་གི་ངོ་ཤེས་ཚོས་བརྗོད་ཡོད་འདུག
༄༅། །འདི་གར་ཕྱི་ལོ་ ༢༠༡༡ ཟླ་ ༡༡ ཚེས་ ༢༤ ཉིན་ཁུངས་ལྡན་གནས་ཚུལ་ཞིག་འབྱོར་བར་ལྟར་ན། ཀུན་གཟིགས་པཎ་ཆེན་རིན་པོ་ཆེའི་ཡང་སྲིད་རྩད་ཞིབ་ཚོགས་ཆུང་གི་ཚོགས་གཙོ་དང༌།
གཞིས་རྩེ་བཀྲིས་ལྷུན་པོ་དགོན་པའི་དམངས་གཙོ་བདག་གཉེར་ཨུ་ཡོན་ལྷན་ཁང་གི་ཀྲུའུ་རིན་བྱ་བྲལ་བྱམས་པ་འཕྲིན་ལས་རིན་པོ་ཆེ་མཆོག་ཕྱི་ལོ་ ༡༩༩༥
ལོར་ཀུན་གཟིགས་པཎ་ཆེན་རིན་པོ་ཆེ་མཆོག་གི་ཡང་སྲིད་རྩད་ཞིབ་བྱ་ཕྱོགས་ཐད་རྒྱལ་ཁབ་ཀྱི་གསང་བ་ཕྱི་གྱར་བྱས་པའི་ཉེས་མིང་འོག་རྒྱ་ནག་གཞུང་གི་སྤྱི་བདེ་ཚན་པས་འཛིན་བཟུང་བྱས་པ་དང༌།
འབྲེལ་ཡོད་ཁྲིམས་ཁང་ནས་དུས་ཡུན་ལོ་ངོ་ ༦ དུས་བཀག་བཙོན་འཇུག་བཏང་སྟེ་སི་ཁྲོན་ཞིང་ཆེན་ཏཱ་ཛུ་རྫོང་ཁྲོན་ཏུང་ཁུལ་གྱི་བཙོན་ཁང་ཨང་གསུམ་པ་སོགས་སུ་བཙོན་འཇུག་བྱས་ཡོད་པ་དང༌། བཙོན་འཇུག་བྱེད་རིང་ཕྱི་ལོ་ ༡༩༩༧
ལོར་ཁོང་ནས་ཁྲོན་ཏུང་བཙོན་ཁང་ནང་ཁོང་ལ་ཁྲིམས་ཆད་བཏང་བ་དེ་དྲང་བདེན་བྱུང་མེད་པར་ཟས་བཅད་ཀྱི་ངོ་རྒོལ་ལས་འགུལ་ཡང་སྤེལ་བའི་གནས་ཚུལ་ཐོན་ཡོད།
ཁྲིམས་ཀྱི་འགྲོ་ལུགས་ལྟར་ན་དུས་བཀག་གཙང་བའི་བཙོན་པ་སུ་ཡིན་ནའང་དུས་བཀག་གཙང་རྗེས་ནག་ཉེས་འཕར་མ་བསགས་མེད་ཚེ་གློད་བཀྲོལ་བཏང་སྟེ་ས་གནས་འབྲེལ་ཡོད་ཚན་པ་བརྒྱུད་ནང་མི་སྤུན་མཆེད་དམ་ས་གནས་སུ་རྩིས་སྤྲོད་བྱེད་དགོས་ཀྱི་ཡོད་ནའང་བྱ་བྲལ་བྱམས་པ་འཕྲིན་ལས་མཆོག་ནི་
༢༠༠༡།༢༠༠༢ ནང་དུས་བཀག་ཆ་ཚང་གཙང་ཟིན་ཡོད་ནའང་ད་བར་འཆི་གསོན་གྱི་གནས་སྟངས་གང་ཡིན་ཤེས་རྟོགས་མེད་པར་གྱུར་ཡོད།
་ ཁོང་དུས་བཀག་གཙང་ཟིན་ནའང་འཆི་གསོན་གྱི་གནས་སྟངས་ཇི་ཡིན་ཤེས་རྟོགས་མེད་པའི་ཐད། དོགས་གཞི་སྐྱེ་དགོས་པའི་གནས་སྟངས་དངོས་སུ་ཡོད་པ་ལྟར།
བྱ་བྲལ་རིན་པོ་ཆེ་མཆོག་དང་ཐུགས་འདྲིས་ཆེ་ཙམ་ཡོད་པའི་བོད་ལྗོངས་ནང་བསྟན་མཐུན་ཚོགས་ཀྱི་གནད་ཡོད་མི་སྣ་ཞིག་ནས་ཀྱང་ལོ་ཤས་སྔོན་བྱ་བྲལ་བྱམས་པ་འཕྲིན་ལས་སྐོར་ད་ལྟ་མི་ཚོས་བཤད་རྒྱུ་ལ་ཡོད་མ་རེད།
གྲོངས་ཚར་བ་རེད་ཟེར་གྱི་འདུག
ཁག་གཅིག་གིས་བརྗོད་རྒྱུར་ལ་བྱ་བྲལ་བྱམས་པ་འཕྲིན་ལས་དུག་བླུགས་ནས་བཀྲོངས་པ་རེད་ཟེར་གྱི་འདུག་ཅེས་དངོས་སུ་གསུངས་པའི་སྒྲ་འཛིན་འཁོར་ཐག་འབྱོར་ཡོད་འདུག་པ་ལྟར་ན།
བྱ་བྲལ་བྱམས་པ་འཕྲིན་ལས་རིན་པོ་ཆེ་མཆོག་དུས་བཀག་གཙང་སྟེ་ལོ་མང་ཕྱིན་ཡོད་ནའང༌།
འཆི་གསོན་གྱི་གནས་སྟངས་ཇི་ཡིན་གང་ཡང་ཤེས་རྟོགས་མེད་པར་གྱུར་བ་དེའི་ཐོག་ནས་བོད་ལྗོངས་ནང་བསྟན་གྱི་མཐོ་རིམ་མི་སྣ་དེའི་བཀའ་མོལ་དེ་དག་ནི་ད་ལྟ་ཚད་འཛིན་ས་ཞིག་ཏུ་གྱུར་ཡོད་སྲིད་པ་རེད།།
ཁ་སང་འཇར་མན་དུ་རྒྱ་སོག་མི་རིགས་དང་དམངས་གཙོའི་གནད་དོན་སྐོར་གྱི་ཚོགས་འདུ་ཞིག་ཚོགས་ཏེ། རྒྱལ་སྤྱིའི་ཐོག་ལྷོ་སོག་པོའི་གནས་སྟངས་ཐད་དོ་སྣང་ཡོང་ཐབས་ལ་བགྲོ་གླེང་གནང་འདུག
ཟླ་འདིའི་ཕྱི་ཚེས་ ༢༡
ཉིན་ལྷོ་སོག་པོའི་མི་དམངས་ཚོགས་པ་དང་ཡུ་རོབ་ཀྱི་བོད་སོག་ཡུ་རྒྱ་བཞིའི་མཛའ་འབྲེལ་ཚོགས་པ་གཉིས་ཀྱི་གོ་སྒྲིག་འོག འཇར་མན་གྱི་ཀོ་ལོ་ནའེ་མངའ་སྡེའི་གྲོང་ཁྱེར་ལིས་ཝར་ཁའོ་སིན་དུ་རྒྱ་སོག་མི་རིགས་དང་དམངས་གཙོའི་གནད་དོན་བགྲོ་གླེང་ཚོགས་འདུ་ཞེས་ཚོགས་ཡོད་པ་དང་།
ཚོགས་འདུའི་མཛད་སྒོའི་སྟེང་བཙན་བྱོལ་བོད་མིའི་སྒྲིག་འཛུགས་ཀྱི་ཡུ་རོབ་དོན་གཅོད་ཁང་གི་རྒྱ་རིགས་འབྲེལ་མཐུད་པ་བློ་བཟང་ཉི་མ་ལགས་ཀྱིས་༸གོང་ས་མཆོག་གིས་ཚོགས་འདུར་བསྩལ་བའི་ཕྱག་ཡིག་སྒྲོག་སྦྱང་གནང་ཡོད་པ་རེད།
ཚོགས་འདུའི་སྟེང་ལྷོ་སོག་པོའི་མི་དམངས་ཚོགས་པའི་ཚོགས་གཙོ་ཞིས་ཧའེ་མིན་དང་། འཛམ་གླིང་ཡུ་གུར་འཐུས་ཚབ་ཚོགས་པའི་དྲུང་ཆེ་ཏའོ་ལིས་ཧྲིན། རྒྱ་ནག་དམངས་གཙོ་ཚོགས་པའི་ཚོགས་གཙོ་ཧྥའེ་ལིང་ཡུང་།
སྤྱི་དམངས་སྟོབས་ཤུགས་རྩ་འཛུགས་གནང་མཁན་ཡཱང་ཅན་ལིས་བཅས་ཀྱི་གཏམ་བཤད་གནང་ཡོད་པ་དང་།
རྒྱལ་སྤྱིའི་འགྲོ་བ་མིའི་ཐོབ་ཐང་ཚོགས་པ་དང་གནོད་འཚེ་ཕོགས་ཡུལ་མི་རིགས་མཐུན་ཚོགས་ཀྱི་འགན་འཛིན་སྒྲེ་ལའོ་སི་(Delius)ལགས་ཀྱིས་ཚོགས་འདུ་དེར་རྒྱབ་སྐྱོར་གྱི་གཏམ་བཤད་སྤེལ་ཡོད་འདུག
ལྷོ་སོག་པོའི་མི་དམངས་ཚོགས་པའི་ཚོགས་གཙོ་ཞིས་ཧའེ་མིན་གྱིས། ད་ལོ་ཕྱི་ཟླ་ ༥ པའི་ནང་ལྷོ་སོག་པོའི་ཁུལ་དུ་གཞི་རྒྱ་ཆེ་བའི་མི་མང་གི་ངོ་རྒོལ་ལས་འགུལ་བྱུང་བ་ནས་བཟུང་།
འཛམ་གླིང་ཐོག་ལྷོ་སོག་པོའི་གནད་དོན་ཐད་དོ་སྣང་གནང་མཁན་ཇེ་མང་དུ་འགྲོ་བཞིན་ཡོད་པ་དང་། ཐེངས་འདིའི་བགྲོ་གླེང་ཚོགས་འདུ་བརྒྱུད་ནས་རྒྱལ་སྤྱིའི་སྤྱི་ཚོགས་དང་འཛམ་གླིང་མི་མང་གིས་སྔར་ལས་ལྷག་པར་ལྷོ་སོག་པོའི་གནས་སྟངས་ཤེས་རྟོག་ཡོང་བ་དང་། ལྷོ་སོག་པོའི་མི་དམངས་ཀྱིས་རྩོད་ལེན་གནང་བཞིན་པའི་སོག་པོ་མི་རིགས་ཀྱི་རིག་གནས་དང་རང་བྱུང་རྩྭ་ཐང་སྲུང་སྐྱོབ། མི་རིགས་ཀྱི་བདག་དབང་དང་དམངས་གཙོའི་ལས་འགུལ་བཅས་ལ་རྒྱབ་སྐྱོར་གནང་རྒྱུར་རེ་སྐུལ་ཞུས་ཡོད་འདུག
ཐེངས་འདིའི་བགྲོ་གླེང་གི་གླེང་གཞི་གཙོ་བོ་ནི་སོག་པོ་མི་རིགས་ཀྱི་རིག་གནས་དང་ལོ་རྒྱུས། དེང་དུས་དཔལ་འབྱོར་འཕེལ་རྒྱུས་ཁྲོད་སོག་པོའི་སྐྱེས་ཁམས་ཁོར་ཡུག་གི་ཉམས་ཆག
དེ་བཞིན། ད་ལྟའི་རྒྱ་དམར་གྱི་མི་སེར་དབང་སྒྱུར་གྱི་སྲིད་ཇུས་འོག་སོག་པོའི་རིག་གནས་དང་ཆོས་ལུགས་དད་མོས་རང་དབང་གི་གནས་སྟངས།
ཉེ་ཆར་འཛམ་གླིང་སྟེང་འབྱུང་བཞིན་པའི་དམངས་གཙོའི་ལས་འགུལ་གསར་བའི་ཁ་ཕྱོགས་བཅས་ཀྱི་སྐོར་ལ་བགྲོ་གླེང་གནང་ཡོད་འདུག
འོད་དཀར་དྲ་ཚིགས་དང་བོད་ཀྱི་སྐད་ཡིག་རྒྱུན་འཛིན་ཚོགས་པ་གཉིས་ཀྱི་གོ་སྒྲིག་འོག ཟླ་འདིའི་ཕྱི་ཚེས་ ༡༡
དང་༡༢ ཉིན་གཉིས་རིང་བོད་ཀྱི་སྙན་ངག་དང་རྩོམ་རིག སྐད་ཡིག་གི་གསོན་རྩ།
བཙན་བྱོལ་གྱི་བོད་སྐད་ཡིག་བཅས་ཀྱི་སྐོར་ལ་བརྗོད་གཞི་གཏན་འབེབས་ཐོག་བགྲོ་གླེང་བ་ཆེད་དུ་གདན་ཞུ་གནང་སྟེ་༼བོད་ཀྱི་སྐད་ཡིག་ཚོགས་འདུ་༽ཞེས་པ་ཞིག་གོ་སྒྲིག་གནང་བཞིན་པ་ལྟར། དེ་རིང་སྔ་དྲོ་ཆུ་ཚོད་ ༩
པའི་སྟེང་ཀིརྟི་དགེ་རྩ་ཚོགས་པའི་ཚོགས་ཁང་དུ་དངོས་སུ་བགྲོ་གླེང་དབུ་འཛུགས་གནང་སོང་།
བགྲོ་གླེང་གི་ཐོག་མར་གོ་སྒྲིག་གནང་མཁན་ཤིང་བཟའ་རིན་པོ་ཆེ་མཆོག་གིས་ཉིན་གཉིས་རིང་གི་བགྲོ་གླེང་ལས་རིམ་ངོ་སྤྲོད་གནང་རྗེས།
གདན་ཞུའི་བགྲོ་གླེང་བ་སྤྱི་ཟུར་བེ་རི་འཇིགས་མེད་དབང་རྒྱལ་ལགས་ཀྱིས་འོད་དཀར་དྲ་ཚིགས་ཀྱིས་རྩོམ་སྒྲིག་པར་སྐྲུན་བྱས་པའི་༼མྱི་སྐད༽དཔེ་ཚོགས་སྒོ་འབྱེད་དང་སྦྲགས།
༼སྲོལ་རྒྱུན་སྙན་ངག་གི་སྒུལ་ཤུགས་དང་དེང་རབས་སྙན་ངག་གི་དགེ་སྐྱོན༽ཞེས་པའི་བརྗོད་གཞིའི་ཐོག་བགྲོ་གླེང་གཏམ་བཤད་དང་།
ཕྱི་དྲོ་གདན་ཞུའི་བགྲོ་གླེང་པ་ཀིརྟི་གྲྭ་ཚང་གི་སློབ་སྤྱི་སོ་རུ་དར་རྒྱས་ལགས་ཀྱིས་༼རྩོམ་པ་པོའི་འགན་འཁྲི་དང་དེང་རབས་རྩོམ་རིག་གི་དགེ་སྐྱོན༽ཞེས་པའི་བརྗོད་གཞིའི་ཐོག་བགྲོ་གླེང་གཏམ་བཤད་གནང་བ་དང་།
བགྲོ་གླེང་ཚོགས་ཞུགས་པ་རྣམས་ཀྱིས་ཀྱང་བརྗོད་གཞིའི་གཏམ་བཤད་ཐད་དོགས་འདྲི་དང་སོ་སོའི་བསམ་ཚུལ་བཅས་བརྗོད་སོང་།
དེ་རིང་གི་བགྲོ་གླེང་ཚོགས་འདུའི་ཐོག་བོད་ཀྱི་སྐད་ཡིག་རིག་གནས་ཐད་དོ་སྣང་ཅན་གྱི་གདན་ཞུའི་ཤེས་ལྡན་པ་དང་།
ཐེངས་འདིའི་འོད་དཀར་དྲ་ཚིགས་ཀྱི་སྙན་ངག་སྒྲོག་སྦྱང་རྟིང་རྩོད་འགྲན་ཞུགས་པ་རྣམས་གཙོས་པའི་རང་མོས་ཟུར་ཞུགས་གནང་མཁན་བཅས་ཁྱོན་བསྡོམས་མི་ ༡༠༠
ཙམ་མཉམ་ཞུགས་གནང་འདུག
ཐེངས་འདིའི་བགྲོ་གླེང་ཚོགས་འདུའི་དམིགས་ཡུལ་སྐོར་ལ་ཚོགས་འདུའི་གོ་སྒྲིག་པར་བཅར་འདྲི་གནང་པར། འོད་དཀར་དྲ་ཚིགས་ཀྱི་སྤྱི་ཁྱབ་རྩོམ་སྒྲིག་པ་ཤིང་བཟའ་རིན་པོ་ཆེ་མཆོག་གིས།
“ད་ལྟའི་ཆར་ང་ཚོ་འོད་དཀར་དྲ་ཚིགས་ཀྱི་ངོས་ནས་སྙན་ངག་སྒྲོག་སྦྱང་འགྲན་བསྡུར་ཞིག་ཚོགས་བསྡད་ཡོད་པ་རེད།
དེ་དང་སྟབས་བསྟུན་ནས་བོད་ཀྱི་སྐད་ཡིག་རྒྱུན་འཛིན་ཚོགས་པ་དང་ང་ཚོ་འོད་དཀར་དྲ་ཚིགས་གཉིས་མཉམ་འབྲེལ་ཐོག་སྐད་ཡིག་གི་ཚོགས་འདུ་ཞིག་འཚོགས་ཐུབ་ན་བསམ་སྟེ་གོ་སྒྲིག་གནང་བ་ཡིན། ཚོགས་འདུ་ཚོགས་དགོས་པའི་དམིགས་ཡུལ་གཙོ་བོ་ནི།
བཙན་བྱོལ་སྤྱི་ཚོགས་ནང་ལ་སྐད་ཡིག་ཟེར་བ་དེ་ག་འདྲ་ཞིག་ལ་ངོས་འཛིན་བྱེད་ཀྱིན་ཡོད་མེད་དང་། འདིར་ཕེབས་པའི་རྩོམ་པ་པོ་ཚང་མའི་ངོས་ནས་འགན་ཁུར་ཏེ་རྩོམ་ཡིག་འབྲི་རྒྱུ་དང་།
དེ་བཞིན་དྲ་རྒྱ་སོགས་ཀྱི་ཐད་ལའང་ང་ཚོས་འགན་ཞིག་ཁུར་དགོས་ཀྱི་འདུག་བསམ་པའི་ཀུན་སློང་དང་། དེ་མིན་གཞན་བགྲོ་གླེང་ཚོགས་འདུ་འདི་བརྒྱུད་དེ་ང་ཚོའི་ངོས་ནས་ཐབས་ལམ་འདྲ་བཙལ་ཏེ།
མ་འོངས་པར་བཙན་བྱོལ་སྤྱི་ཚོགས་ནང་སྐད་ཡིག་ཡར་རྒྱས་གཏོང་ཕྱོགས་ཀྱི་ལམ་ཁ་ཞིག་གཏན་འབེབས་བྱ་ཐུབ་ན་བསམ་པའི་ཐོག་ནས་ཚོགས་འདུ་གོ་སྒྲིག་གནང་བ་ཡིན།” ཞེས་གསུངས་སོང་ལ།
དེ་བཞིན་བོད་ཀྱི་སྐད་ཡིག་རྒྱུན་འཛིན་ཚོགས་པའི་ཚོགས་གཙོ་འབྲོག་རུ་ཆོས་གྲགས་ལགས་ཀྱིས་ཀྱང་། “ མ་འོངས་པར་བཙན་བྱོལ་ནང་སྐད་ཡིག་དང་རྩོམ་རིག་བཅས་འཛིན་སྐྱོང་སྤེལ་གསུམ་ཅི་ལྟར་བྱེད་དགོས་མིན་དང་།
ལྷག་པར་དུ་སྤྱི་ཚོགས་ནང་སྐད་ཡིག་གི་ཁྱབ་རྒྱ་ཆེ་རུ་གཏོང་བར་གཞུང་དང་སློབ་གྲྭ་ཁག་གི་ངོས་ནས་ག་རེ་གནང་དགོས་མིན་ཐད་ཐབས་ལམ་ཕྱོགས་བསྡོམས་བྱས་ཏེ།
འབྲེལ་ཡོད་ཤེས་རིག་ལས་ཁུངས་གཙོས་པའི་ཚོགས་སྡེ་ཁག་ལ་སྙན་འབུལ་གྱིས་ཚང་མས་མཉམ་རུབ་འབད་བརྩོན་གནང་རྒྱུར་རེ་སྐུལ་ཞུ་ཆེད་ཡིན། ” ཞེས་བརྗོད་སོང་།
ཟླ་འདིའི་ཕྱི་ཚེས་ ༣ ཉིན་ནས་མགོ་འཛུགས་བྱས་པའི་བྷེལ་ཇམ་རྒྱལ་ས་སྦར་སིལ་གྲོང་ཁྱེར་གྱི་ཡུ་རོབ་གྲོས་ཚོགས་མདུན་ གྱི་ཟས་བཅད་ངོ་རྒོལ་དེ་ཕྱི་ཚེས་ ༩
ཉིན་མཚམས་འཇོག་གནང་ཡོད་པ་དང་། ཉིན་འདིར་ཡུ་རོབ་གྲོས་ཚོགས་ཀྱི་ཚོགས་གཙོ་གཞོན་པ་ (Mr.Edward McMillan-scott)མཆོག་དང༌།
གྲོས་ཚོགས་འཐུས་མི་ ( Csaba Sogor) ལགས། སི་ཝི་ཌིན་ལུང་བའི་ཡུ་རོབ་གྲོས་ཚོགས་འཐུས་མི་ (Alf
Svensson)ལགས་དང༌། སི་པེན་གྱི་ཡུ་རོབ་གྲོས་ཚོགས་འཐུས་མི་ (Ramon Tremosa-i-Balcell)ལགས་སོགས ་ཡུ་རོབ་གྲོས་ཚོགས་འཐུས་མི་ཁག་ ཅིག་བཅས་ཕེབས་ཏེ ། བོད་དོན་ལ་གདུང་སེམས་མཉམ་བསྐྱེད་ཀྱི་གསུང་བཤད་གནང་ ཡོད་པ་དང་།
འགའ་ཞིག་གིས་སོ་སོའི་དྲུང་ཡིག་མངགས་ཏེ་བོད་མི་རྣམས་ལ་སེམས་གསོའི་གཏམ་བཤད་དང༌། བོད་དོན་ལ་རྒྱབ་སྐྱོར་གང་ཡོང་ཞུ་རྒྱུའི་ཁས་ལེན་ གནང་ཡོད་ཅིང་། དབྱིན་ཡུལ་གྱི་ (Roger Helmer)ལགས་དང༌། (Umberto Gambini)སོགས་ཡུ་རོབ་ཀྱི་ཆབ་སྲིད་དང་དཔལ་འབྱོར།
མང་གཙོ་སོགས་ཀྱི་ཐོག་ལ་ཕྱག་ལས་གནང་མཁན་སྐད་གྲགས་ཅན་འགའ་ཞིག་ཀྱང་ཟས་བཅད་ངོ་རྒོལ་གནང་སར་ཕེབས་ཏེ་རྒྱབ་སྐྱོར་གྱི་གསུང་བཤད་ གནང་ཡོད་འདུག
ཡུ་རོབ་གྲོས་ཚོགས་ཀྱི་ཚོགས་གཞོན་བརྒྱུད་ དེ་ཡུ་རོབ་གྲོས་ཚོགས་ལ་སྙན་ཞུ་ཞིག་ཕུལ་བའི་ནང༌།
ཡུ་རོབ་གྲོས་ཚོགས་ནས་བོད་དོན་ཐད་གྲོས་ཆོད་སྔ་རྗེས་བཞག་པར་ཐུགས་རྗེ་ལེགས་གསོལ་དང༌། ལྷག་པར་ད་ལྟའི་བོད་ནང་གི་གནས་སྟངས་འགྲེལ་བརྗོེད།
མ་འོངས་པར་སྔར་ལས་ལྷག་པར་བོད་དོན་ལ་ཐུགས་སྣང་དང་རྒྱབ་སྐྱོར་ཡོང་བའི་འབོད་སྐུལ་ཞུས ་ཡོད་འདུག ཉིན་དེའི་དགོང་དྲོའི་ཆུ་ཚོད་ ༤ ནས་ ༦ བར་ངོ་རྒོལ་སྐད་འབོད་བྱས་ ཡོད་ཅིང་། དེའི་སྔོན་དུ་བྷེལ་ཇམ་བོད་རིགས་ཚོགས་པའི་ཚོགས་གཙོ་དང༌།
སྦེལ་ལྗམ་བོད་ཀྱི་གྲོགས་པོ་ཚོགས་པའི་ཚོགས་གཙོ་སོགས་ཀྱིས་ཐེངས་འདིའི་ལས་འགུལ་དང་འབྲེལ་བའི་གཏམ་བཤད་གནང་རྗེས། ས་གནས་མི་མང་ ༡༥༠ ལྷག་གིས་ཡུ་རོབ་གྲོས་ཚོགས་མདུན་དུ་ཆུ་ཚོད་གཉིས་རིང་ཞི་བའི་སྐད་འབོད་བྱས ་ཡོད་འདུག
ལས་འགུལ་མཇུག་ བསྒྲིལ་རྗེས་བོད་རིགས་ཚོགས་པའི་ཚོགས་གཞོན་ལགས་ནས་མི་དམངས་ལ་ཐུགས་རྗེ་ལེགས་གསོལ་གྱི་གཏམ་བཤད་གནང་།
ཐེངས་འདིའི་ལས་འགུལ་ནི་ བྷེལ་ཇམ་བོད་རིགས་ཚོགས་པ་གཙོས་ པའི་ཚོགས་པ་ ཁག་ལྔ་མཉམ་འབྲེལ་གྱིས་སྤེལ་བ་ཞིག་ཡིན་འདུག
ཁེ་ཎ་ཌའི་གྲོས་ཚོགས་སུ་ཆབ་སྲིད་ཚོགས་པ་ཁག་བཞིའི་འཐུས་མིས། བོད་དོན་རྒྱབ་སྐྱོར་གྱི་གཏམ་བཤད་དང་ཁེ་ཎ་ཌ་གཞུང་གིས་བོད་དོན་ཐོིག་རྒྱབ་སྐྱོར་དགོས་པའི་འབོད་སྐུལ་ཞུས་འདུག
བོད་ནང་གི་བོད་མི་ཚོས་ཨུ་ཐུག་ཐབས་ཟད་ཀྱིས་རང་ལུས་མེར་བསྲེགས་གཏོང་བཞིན་པའི་ཐད། ཟླ་འདིའི་ཕྱི་ཚེས་ ༣ ཉིན་ཁེ་ཎ་ཌའི་གྲོས་ཚོགས་སུ་ཆབ་སྲིད་ཚོགས་པ་བཞིའི་གྲོས་ཚོགས་འཐུས་མི་ལྕམ་ཨེ་ལི་ཛེ་བྷེ་ཐི་མེའི་
(Elizabeth May)ལགས་དང་། སྐུ་ཞབས་ཨར་ཝིན་ཀོ་ལིར་ (Irwin Cotler)། ཝེ་ནེ་མར་སི་ཊོན་ (Wayne Marston)། གྷོར་ཌོན་བྷི་རོན། (Gordon Brown) བཅས་ཀྱིས་བོད་དོན་རྒྱབ་སྐྱོར་གྱི་གཏམ་བཤད་དང་།
ཁེ་ཎ་ཌ་གཞུང་གིས་བོད་ནང་གི་ད་ལྟའི་ཛ་དྲག་གནས་སྟངས་ཐོག་རྒྱབ་སྐྱོར་དགོས་པའི་དུས་ལ་བབས་ཡོད་སྐོར་བརྗོད་འདུག
ཚོགས་འདུའི་སྟེང་ལྕམ་ཨེ་ལི་ཛེ་བྷེ་ཐི་མེའི་ལགས་ཀྱིས་ཁེ་ཎ་ཌར་གནས་སྡོད་བོད་མི་ཚོས་བོད་ནང་རང་ལུས་མེར་བསྲེགས་བཏང་བའི་བོད་མི་ཚོར་གདུང་སེམས་མཉམ་སྐྱེད་བྱེད་བཞིན་པ་དང་།
བྱེད་སྟངས་དེ་ནི་བོད་མི་ཚོ་ཧ་ཅང་ཨུ་ཐུག་པའི་བྱ་སྤྱོད་ཡིན་སྐོར་བརྗོད་དེ། ཁེ་ཎ་ཌ་གཞུང་གིས་ཡུ་རོབ་གྲོས་ཚོགས་ལྟར། བོད་ནང་གི་གནས་སྟངས་ཐོག་རྒྱབ་སྐྱོར་བྱ་དགོས་སྐོར་བརྗོད་ཡོད་ལ།
སྐུ་ཞབས་ཝེ་ནེ་མར་སི་ཊོན་མཆོག་གིས་བོད་མི་ ༡༠ ཙམ་གྱིས་རང་ལུས་མེར་བསྲེགས་བཏང་བར་གདུང་སེམས་མཉམ་སྐྱེད་དང་། རྒྱ་གཞུང་གིས་རྔ་པ་གཙོས་པའི་བོད་ཀྱི་ས་ཁུལ་ཁག་ཏུ་དམ་བསྒྲགས་དང་།
དགོན་སྡེ་ཁག་ཏུ་གྲྭ་བ་གང་བྱུང་འཛིན་བཟུང་དང་ཁྲིམས་ཐག་གཅོད་པའི་རིགས་ལ། ཁེ་ཎ་ཌ་གཞུང་གིས་རྣམ་འགྱུར་སྟོན་རྒྱུའི་དུས་ལ་བབས་ཡོད་པ་མ་ཟད།
གཞུང་ངོས་ནས་རྒྱལ་ཚོགས་བརྒྱུད་རྒྱ་གཞུང་ལ་བོད་ནང་རྟོག་ཞིབ་ཚོགས་པ་ཞིག་གཏོང་རྒྱུར་འབད་བརྩོན་གནང་དགོས་སྐོར་བཅས་བརྗོད་འདུག སྐུ་ཞབས་ཨིར་ཝིན་ཀོ་ཊི་ལིར་ལགས་ཀྱིས། བོད་མི་ ༡༠
ཙམ་རང་ལུས་མེར་བསྲེགས་བཏང་བའི་ལོ་རྒྱུས་ད་བར་བྱུང་མྱོང་མེད་པ་དང་། ང་ཚོའི་ངོས་ནས་རྒྱ་གཞུང་གིས་འཛིན་བཟུང་བྱས་པའི་བོད་མི་ཚོ་འཕྲལ་དུ་ཀློད་གྲོལ་དང་། བོད་མིར་ཆོས་དད་དང་སྨྲ་བརྗོད་རང་དབང་སྤྲོད་དགོས་རྒྱུ།
ཁེ་ཎ་ཌ་གཞུང་གིས་རྒྱལ་སྤྱིའི་བོད་དོན་ལས་འགུལ་ཉིན་མོར་རྒྱ་གཞུང་ལ་སྐྱོན་བརྗོད་དང་།
བོད་ཀྱི་ཆོས་དང་རིག་གཞུང་སྲུང་སྐྱོབ་ཆེད་རྒྱ་གཞུང་གིས་བོད་མིའི་དབུ་ཁྲིད་དང་གྲོས་མོལ་མགོ་འཛུགས་རྒྱུར་སྐུལ་མ་གནང་དགོས་སྐོར་བརྗོད་ཡོད།
དེ་བཞིན་སྐུ་ཞབས་གོར་ཌོན་བྷ་རོན་ལགས་ཀྱིས་ཁེ་ཎ་ཌ་གཞུང་གིས་བོད་ནང་བོད་མིའི་ཆོས་དད་རང་དབང་དང་། སྨྲ་བརྗོད་དང་འདུ་འཛོམས་རང་དབང་ཐོག་དམ་དྲག་དང་། འཛིན་བཟུང་བཀག་ཉར།
ཁྲིམས་ཐག་གཅོད་པ་སོགས་ཀྱི་ཐོག་སེམས་འཚབ་ཆེན་པོ་ཡོད་སྐོར་དང་། ཁེ་ཎ་ཌ་གཞུང་གིས་རྒྱ་གཞུང་གིས་བོད་ནང་རྡོག་རོལ་གཏོང་བཞིན་པའི་ཆོས་དད་རང་དབང་ཐོག་དོ་སྣང་བྱ་དགོས་སྐོར་སོགས་བརྗོད་ཡོད་འདུག
ཁ་སང་དཔལ་རྒྱལ་བ་ཀརྨ་པ་མཆོག་ གིས་ རྒྱ་གཞུང་གིས་རྩུབ་སྤྱོད་མཚམས་འཇོག་དགོས་པ་དང་།
བོད་མི་ཚོས་ཀྱང་ཚེ་སྲོག་ལ་གཅེས་སྤྲས་ཀྱིས་ཐབས་ལམ་གཞན་འཚོལ་དགོས་པའི་འབོད་ སྐུལ་གནང་འདུག
ཁ་སང་ཕྱི་ཚེས་ ༩ ཉིན་དཔལ་རྒྱལ་བ་ཀརྨ་པ་མཆོག་གིས་བོད་ ནང་རང་ལུས་མེ་བསྲེག ས་ཀྱི་ལས་འགུལ་སྤེལ་བཞིན་ པའི་ཐད ་རྒྱ་གཞུང་ལ་འབོད་སྐུལ་ཞིག་གནང་འདུག
འབོད་སྐུལ་དེར། རྒྱ་ནག་གཞུང་གིས་བོད་དོན་ཐོག་གཏན་འབེབས་བྱས་པའི་སྲིད་བྱུས་དག་ལ་བསྐྱར་ཞིབ་དང་། བོད་མི་མང་གི་ཁྲིམས་མཐུན་གྱི་རེ་སྨོན་ལ་ཉན་ ཏེ། བོད་མི་དང་ལྷན་དུ་དོན་སྙིང་ལྡན་པའི་གྲོས་མོལ་བྱ་རྒྱུ་ལས ། རྩུབ་སྤྱོད་ལ་བརྟེན་ནས་བོད་མི་རྣམས་ཀྱི་ཁ་གཅོད་ཐབས་བྱ་ མི་རུང་བ་སོགས་བཀོད་འདུག
དེ་བཞིན། ནང་པ ས་ཚེ་སྲོག་ ལ་གཅེས་འཛིན་བྱེད་པ་ཇི་བཞིན་ང་ཚོ ས་དོན་ལྡན་གྱི་རྒྱལ་ཁ་ལེན་ཆེད །ངེས་པར་དུ་རང་རང་གི་ཚེ་སྲོག་ལ་བདག་གཅེས་བྱ་དགོས ་པ་དང་། ང་ཚོ་བོད་ལ་མཚོན་ན་མི་གྲངས་ཉུང་ཉུང་ཡིན་སྟབས། བོད་མི་རེ་རེའི་ཚེ་སྲོག་དེ་བོད་དོན་ལ་རིན་ཐང་གཞལ་དུ་མེད་པ་ཡིན། དེ་བས་བོད་མི་མང་གིས་རང་གི་ཚེ་སྲོག་ལ་གཅེས་སྤྲས ་ཀྱིས་ཐབས་ལམ་གཞན་པ་བཙལ་ཏེ། དགེ་མཚན་ལྡན་པའི་ལམ་ནས་བོད་ཀྱི་ལས་དོན་བསྒྲུབ་དགོས ་ཞེས་སོགས་གསུངས་ འདུག
ཡང་རྒྱལ་བ་ཀརྨ་པ་མཆོག་གིས། “ བོད་ནང་བོད་མི་རེ་རེས་རང་ལུས་མེར་བསྲེགས་བཏང་བའི་གནས་ཚུལ་ ཐོས་སྐབས་ངའི་སེམས་ལ་ན་ཟུག་ཚད་མེད་སྐྱེ་ཡོང་གི་འདུག བོད་དོན་ཆེད་རང་ལུས་མཆོད་མེར་ འབུལ་བཞིན་ཡོད་པའི་བོད་མི་སྐྱ་སེར་ཚང་མ་ལོ་གཞོན་རྐྱང་རེད། ཁོང་ཚོར་འཚོ་སྡོད་ཀྱི་གོ་སྐབས་རིང་ པོ་ཡོད་ཀྱང་། བོད་བསྟན་པ་ཆབ་སྲིད་ཆེད་ཞབས་ཞུ་གང་ཞིག་བསྒྲུབ་རྒྱུའི་གོ་སྐབས་རག་སྐབས་ཕང ས་མེད་དུ་ཡོད་ཚད་བློས་བཏང་བ་རེད། ” ཅེས་གསུངས་ འདུག
དེ་རིང་ཞོགས་པའི་ཆུ་ཚོད་ ༧ པའི་སྟེང་། བལ་ཡུལ་མཆོད་རྟེན་བྱ་རུང་ཁ་ཤོར་མདུན་དུ། རང་ལོ་ ༣༠ ཡས་མས་ཡིན་པའི་བོད་ཀྱི་དགེ་འདུན་པ་ཞིག་གིས་ལག་ཏུ་བོད་རྒྱལ་དར་འཕྱར་བཞིན། “ བོད་ལ་རང་དབང་དགོས་ ” ཞེས་པའི་འབོད་ཚིག་སྒྲོག་བཞིན་རང་ལུས་མེར་བསྲེགས་བཏང་ཡོད་འདུག་ལ། སྐབས་དེར་མི་མང་གིས་ཁོང་གི་གཟུགས་པོའི་མེ་གསོད་ཐུབ་ཙམ་བྱུང་ཡོད་ནའང་། གློ་བུར་དུ་ས་གནས་བལ་ཡུལ་ཉེན་རྟོག་པ་དང་དམག་མི་འབོར་ཆེན་བསླེབས་ཏེ་མང་ཚོགས་རྣམས་ཕྱིར་ འཕུད་བཏང་སྟེ། མཆོད་རྟེན་གྱི་མཐའ་ཡོངས་སུ་བསྐོར་ཡོད་སྟབས། ད་ལྟ་དགེ་འདུན་པ་ཁོང་གི་གནས་སྟངས་ཤེས་རྟོགས ་ཐུབ་མི་འདུག
ཟླ་འདིའི་ཕྱི་ཚེས་ ༢ ཉིན་ཡང་བལ་ཡུལ་དུ་བོད་རིགས་བུད་མེད་ཅིག་རང་ལུས་ལ་ས་སྣུམ་བཤོལ་ཏེ། རང་ལུས་མེར་བསྲེགས་གཏོང་རྩིས་བྱས་སྐབས་བོད་མི་ཁག་ཅིག་གིས་བཀག་འགོག་གནང་ཡོད་འདུག
ཚེས་བཞིའི་དགོང་མོར་ཧྥ་རན་སིའི་རྒྱལ་ས་ཕ་རིའི་རྒྱ་ནག་གཞུང་ཚབ་ཁང་གི་མདུན་དུ་ངོ་རྒོལ་ཡག་པོ་ཞིག་གནང་ཐུབ་འདུག་པས་གཟིགས་རོགས་གནང།
ཁུ་ཚུར་གཅིག
བོད་དང་སོག་པོ་ཡུ་གུར་དང། རྒྱ་དང་མན་ཇུ་མི་རིགས་ལྔ།
ལག་པ་གཅིག་གི་མཛུབ་མོ་འདྲ། མཛུབ་མོ་ལྔ་བཅངས་ཁུ་ཚུར་གཅིག
ཁུ་ཚུར་ལྕགས་གོང་དམ་དུ་སྒྲེང། དྲག་པོའི་དཔུང་ལ་འཇིགས་པ་མེད།
བོད་སོག་ཡུ་གུར་མན་ཇུ་སོགས། ལོ་རྒྱུས་ལྡན་པའི་མི་རིགས་ཡིན།
སྐྱིད་སྡུག་གཅིག་པའི་མི་རིགས་ཡིན། ཐོབ་ཐང་འདྲ་མཉམ་མི་རིགས་ཡིན།
མི་རིགས་ཚང་མའི་རེ་སྨོན་གཅིག དམངས་གཙོའི་རྒྱལ་དར་མཁའ་ལ་སྒྲེང།
མི་དང་མི་རིགས་འདྲ་མཉམ་ཡིན། རང་དབང་ཐོབ་ཐང་ཀུན་ལ་དགོས།
འཚེ་མེད་ཞི་བའི་ངོ་རྒོལ་ཆེའི། བདེན་དོན་རྩོད་པའི་འཐབ་རྩོད་འདིར།
འཛམ་གླིང་ཡོངས་ཀྱིས་རྒྱབ་སྐྱོར་མཛོད། རྒྱ་ནག་དམར་ཤོག་ཕམ་གྱུར་ཅིག
ཆབ་བྲག་ཕོ་ཉ། ༢༠༡༡།༡༡།༨།
ཟླ་འདིའི་ཕྱི་ཚེས་ ༦ ནས་ ༡༢ བར་བདུན་ཕྲག་གཅིག་རིང་།
འཛམ་གླིང་རྒྱལ་ཁབ་ཁག་ནང་ཡོད་པའི་སོག་རིགས་རྣམས་ཀྱིས་སོ་སོ འི་གནས་ཡུལ་རྒྱལ་ཁབ་ཀྱི་རྒྱ་ནག་གཞུང་ཚབ་ཁང་གི་སྒོ་འགྲམ་དུ་འདུ་འཛོམས་ ཏེ། “ ང་ཚོའི་རྩྭ་ཐང་དང་ང་ཚོའི་རང་དབང་ཕྱིར་སྤྲོད།
སོག་རིགས་དམར་གསོད་གཏོང་རྒྱུ་མཚམས་འཇོག་བྱོས། རྒྱ་མི་སོག་ཡུལ་ནས་ཕྱིར་འཐེན་བྱོས། རྒྱ་མི་རྣམས་རྒྱའི་ལྕགས་རི་རིང་པོའི་ལྷོ་རྒྱབ་ཏུ་ཕྱིར་ལོག་བྱོས། ” སོགས་ཀྱི་གཅིག་གྱུར་འབོད་ཚིག་བསྒྲགས་ཏེ། འདས་པའི་ལོ་ ༦༠ ནང་རྒྱ་གཞུང་གིས་སོག་པོ་མི་རིགས་ཀྱི་ཐོག་དྲག་སྤྱོད་དབང་བསྒྱུར་སྲིད་ཇུས་སྤེལ་ཏེ།
སོག་པོའི་རང་བྱུང་ཁོར་ཡུག་གཏོར་སྐྱོན་དང་དཔལ་འབྱོར་ཐོན་ཁུངས་ཧམ་འཕྲོག སོག་པོའི་སྐད་ཡིག་རིག་གནས་རྩ་གཏོར་བཅས་བྱས་ཏེ།
སོག་པོའི་ཡུལ་ལུང་བཙན་འཕྲོག་དང་ཡུལ་མི་དམར་གསོད་གཏོང་བཞིན་པར་ངོ་རྒོལ་ མགོ་འཛུགས་ཀྱི་འཆར་གཞི་སྒྲིག་ཡོད་འདུག
ཕྱི་ཚེས་ ༢ ཉིན་ལྷོ་སོག་པོའི་སྐབས་དོན་དཔྱད་གླེང་དྲ་བའི་སྟེང་ཡོང་ཁྱབས་གསལ་བསྒྲགས་སྤེལ་ཏེ།
སོག་ཡུལ་རྩྭ་ཐང་དང་སོག་པོ་མི་རིགས་སྲུང་སྐྱོབ་བྱ་དགོས་པ་དེ་ནི།
ཇིང་གུར་རྒྱལ་བོའི་བུ་རབས་ཚ་རྒྱུད་ཀྱི་ཕྲག་ལ་བབ་པའི་འོས་འགན་དང་། མི་རབས་གསར་བའི་སོག་པོ་བ་རྣམས་ཀྱིས་གཡོལ་ཐབས་བྲལ་བའི་ལོ་རྒྱུས་ཀྱི་འགན་འཁྲི་ཡིན་སྟབས། ཕྱི་ཚེས་ ༦ ནས་ ༡༢
བར་འཛམ་གླིང་ཡུལ་ཕྱོགས་གང་སར་གནས་པའི་སོག་རིགས་རྣམས་ཀྱིས་མཐུན་སྒྲིལ་རྡོག་རྩ་གཅིག་སྒྲིལ་གྱིས། གནས་ཡུལ་རྒྱལ་ཁབ་སོ་སོའི་རྒྱ་ནག་གཞུང་ཚབ་ཁང་གི་སྒོ་འགྲམ་དུ་འདུ་འཛོམས་ཐོག་རྒྱ་གཞུང་ལ་ངོ་རྒོལ་སྐད་འབོད་ཀྱི་ལས་འགུལ་སྤེལ་དགོས་པ་དང་།
གནས་བབ་དང་གོ་སྐབས་མ་ཤོར་བའི་ཐོག་ནས། རྒྱ་གཞུང་གིས་འགྲོ་བ་མིའི་ཐོབ་ཐང་རྡོག་རོལ་དང་མི་རིགས་རྩ་གཏོར་གྱི་དྲག་སྤྱོད་སྲིད་ཇུས་སྤེལ་བཞིན་པ་མཐའ་དག ཡིག་ངག་གཉིས་ཐོག་ནས་རྒྱལ་སྤྱིའི་ཚོགས་སྡེ་ཁག་དང་། གནས་ཡུལ་རྒྱལ་ཁབ་སོ་སོའི་གྲོས་ཚོགས་དང་གནད་ཡོད་མི་སྣ་བཅས་ལ་ཕུལ་ཏེ། རྒྱ་གཞུང་ལ་གནོན་ཤུགས་སྤྲོད་དགོས་པའི་ཛ་དྲག་འབོད་སྐུལ་ཞུ་དགོས་པ་བཀོད་འདུག
གསལ་བསྒྲགས་དེའི་ནང་། རྒྱ་མི་རིགས་ཀྱིས་གཅིག་སྡུད་དབང་འཛིན་བྱས་པའི་རྒྱ་ནག་དམར་པོའི་གཞུང་གིས། འདས་པའི་ལོ་ངོ་
༦༠ ནང་སོག་ས་ཁུལ་དུ་སྐད་ཡིག་རིག་གནས་རྒྱ་སྒྱུར་གྱི་སྲིད་ཇུས་སྤེལ་བ་དང་། རང་བྱུང་ཐོན་ཁོངས་ཧམ་འཕྲོག་བྱས་ཏེ་སོག་པོ་མི་རིགས་ཀྱི་འཚོ་གནས་ཁོར་ཡུག་ལ་གཏོར་སྐྱོན་ཚབ་ཆེན་བཟོས་པར་མ་ཟད།
སོག་པོ་མི་རིགས་ཀྱི་འགྲོ་བ་མིའི་ཐོབ་ཐང་དང་སྨྲ་བརྗོད་རང་དབང་བཅས་ལ་རྡོག་རོལ་བཏང་ཡོད་པ་དང་། ལྷག་པར་དུ་ཕྱི་ལོ་ ༢༠༠༡ ལོ་ནས་བཟུང་། རྒྱ་གཞུང་གིས་ “ ཁོར་ཡུག་སྲུང་སྐྱོབ ” ལ་ཁ་གཡར་ཏེ། སོག་རིགས་མི་མང་གི་ལག་ནས་རང་ཡུལ་རྩྭ་ཐང་བཙན་འཕྲོག་བྱས་ཏེ། ད་ལྟའི་ཆར་ས་སྐྱེས་རྡོ་སྐྱེས་ཀྱི་སོག་པོ་རྣམས་རྒྱ་གཞུང་གི་སྤྱི་ཚོགས་རང་ལུགས་ཀྱི་སྲིད་ཇུས་ཟེར་བའི་འོག་སྡོད་ས་ཆགས་ས་མེད་པའི་ཡུལ་མི་གཉིས་པ་ཞིག་དང་།
འཚོ་བའི་གཞི་རྟེན་མེད་པའི་གཞིས་གྲོང་གསར་བ་ཞིག་ཏུ་སྒྱུར་ཏེ། སོག་པོ་མི་རིགས་ཀྱི་ཡུལ་སྲོལ་རིག་དང་རང་བྱུང་རྩྭ་ཐང་གནས་བབ་དང་མཐུན་པའི་སྔར་གྱི་འཚོ་བའི་རྨང་གཞི་ཡོད་ཚད་རྩ་གཏོར་བཏང་སྟེ། མི་རིགས་འདི་མུ་མཐུད་རྒྱུན་གནས་འཚོ་ཐབས་བྲལ་བའི་ ཨུ་ཐུག་ཐབས་ཟད་ཀྱི་གནས་སུ་བསྐྱལ་ཡོད་པ་གསལ་སྟོན་བྱས་འདུག
འདི་ལོའི་ཕྱི་ཟླ་ ༥ ཚེས་ ༡༠ ཉིན་རྒྱ་རིགས་རླངས་འཁོར་ཁ་ལོ་བ་ཞིག་གིས ་བསམ་བཞིན་དུ །
ནང་སོག་ཞིས་ལིན་ཧོ་ཐི་ས་ཁུལ་གྱི་འབྲོག་པ་མུའུ་རི་ཀན་རླངས་འཁོར་འོག་བརྫིས་ཏེ་དམར་གསོད་བཏང་ བ་དང་། ཕྱི་ཟླ་
༧ ཚེས་ ༡༨ ཉིན་ ཅ་དངོས་སྐྱེལ་ འདྲེན་རླངས་འཁོར་བཅུ་གྲངས་ཤིག་དང་རྒྱ་མི་ ༢༠༠ ལྷག་ཡོང་སྟེ། ནང་སོག་ཧ་རི་གྷན་ཐུའུ་ཀ་ཁྲ་སྡེ་བའི་ལུག་བརྒྱ་གྲངས་ཤིག་རླངས་འཁོར་འོག་བརྫིས་ཏེ་སྡེབ་གསོད་བཏང་བ་དང་། པ་པཱ་ཐར་གཙོས་པའི་སོག་པོ་འབྲོག་པ་མི་ ༢༠
གཅར་རྡུང་བྱས་པར་མ་ཟད། སོག་པོ འི་འབྲོག་པ་རྣམས་ལ་ “ དེ་རིང་རླངས་འཁོར་འོག་ཁྱོད་ཀྱི་ནོར་བརྫིས་པ་རེད། སང་ཉིན་ཁྱོད་རང་ཡང་བརྫི་སྲིད ”
ཅེས་ སོགས་ བརྙས་བཅོས་ དམའ་འབེབས་བྱས་པར་བརྟེན། སོག་རིགས་མི་མང་ ༡༠༠༠ ལྷག་འདུ་འཛོམས་ཐོག་རྒྱ་གཞུང་ལ་ངོ་རྒོལ་ཤུགས་ཆེན་པོ་བྱས་པར། རྒྱ་གཞུང་གིས་སོག་པོ་མི་རིགས་ཀྱི་འཚོ་གནས་ཁོར་ཡུག་ལེགས་བཅོས་བྱ་རྒྱུ་ཡིན་པའི་ཁས་ལེན་བྱས་ཡོད་པ་རེད། ཡིན་ནའང་། ཟླ་འདིའི་ཕྱི་ཚེས་ ༢༠ ཉིན་ཡང་བསྐྱར་སོག་པོ འི་འབྲོག་པ་ཀྲའོ་རི་ཀུ་ཐའོ་ལགས་རླངས་འཁོར་འོག་བརྫིས་ཏེ་དམར་གསོད་བཏང་བར་བརྟེན།
ཐེངས་འདིར་འཛམ་གླིང་སོག་རིགས་མི་མང་མཉམ་རུབ་ཐོག་རྒྱ་གཞུང་ལ་ངོ་རྒོལ་ལས་འགུལ་གོ་སྒྲིག་ཚོགས་པའི་ངོས་ནས། རྒྱ་གཞུང་གི་ཁས་ལེན་དྲིལ་བསྒྲགས་དེ་དག་ནི་མི་མང་ལ་མགོ་སྐོར་དང་རྒྱལ་སྤྱིའི་སྤྱི་ཚོགས་ལ་བསླུ་བྲིད་གཏོང་ཐབས་ཀྱི་སྲིད་ཇུས་ཁོ་ན་ཡིན་པའི་ངོས་འཛིན་བྱས་ཡོད་པ་རེད།
ད་དུང་། གསལ་བསྒྲགས་དེའི་ནང་དུ། རྒྱ་གཞུང་གིས་སོག་པོ་མི་རིགས་ཀྱི་རང་དབང་འཐབ་རྩོད་པ་སྐུ་ཞབས་ཧཱ་ཏ་ལགས་ལོ་ ༡༥
བཙོན་འཇུག་ཀྱི་དུས་བཅད་ལོངས་རྗེས་ཀློད་གྲོལ་མ་བཏང་པར་མ་ཟད། ཁོང་གི་ནང་ མི་ཚང་མ་འཇུ་བཟུང་བཀག་ཉར་བྱས་ཡོད་པ་དང་། སོག་པོའི་འགྲོ་བ་མིའི་ཐོབ་ཐང་རྩོད་ལེན་མཁན་རྩོམ་པ་པོ་ལྕམ་ཧུའུ་ལིན་ཧྥུ་ལགས་ལོ་གཅིག་ཡར་སྔོན་ནས་འཛིན་བཟུང་གིས་གར་སོང་ཆ་མེད་དུ་གྱུར་པ། རྒྱལ་སྤྱིའི་སྐྱབས་བཅོལ་བར་སྙན་ཞུ་འབུལ་མཁན་སྐུ་ཞབས་པཱ་ཐུ་ཀྲང་ཞཱ་ལགས་ལ་ལོ་གསུམ་གྱི་བཙོན་ འཇུག་ཁྲིམ ས་ཐག་བཅད་པ་བཅས་ཀྱིས་མཚོན་པའི། སོག་རིག་གཞོན་སྐྱེས་ཤེས་ལྡན་པ་དང་། རྩོམ་པ་པོ། འགྲོ་བ་མིའི་ཐོབ་ཐང་དོན་གཉེར་མཁན་མི་མང་པོ་ཁྲིམས་མཐུན་མ་ཡིན་པའི་ཐོག་ནས་བཀག་ཉར་བཙོན་འཇུག་དང་། སོག་ཡུལ་རྩྭ་ཐང་སྲུང་སྐྱོབ་གནང་མཁན་འབྲོག་པ་ཚོར་གཅར་རྡུང་འཛིན་བཟུང་། དེ་བཞིན་སོག་རིགས་མང་ཚོགས་ཀྱི་སྒེར་ག ཉེར་རིག་གནས་དྲ་རྒྱ་ མང་པོ་སྒོ་རྒྱག་ཏུ་བཅུག ་སྟེ། སོག་རིགས་མི་རིགས་ཀྱི་སྨྲ་བརྗོད་རང་དབང་དང་དཔར་སྐྲུན་རང་དབང་བཙན་འཕྲོག་བྱས་བཞིན་པར་བརྟེན།
ང་ཚོ་སོག་པོ་མི་རིགས་ཀྱིས་རྒྱ་གཞུང་གི་ཁྲིམས་འགལ་དྲག་ཤུགས་ཀྱི་མི་རིགས་དབང་སྒྱུར་སྲིད་ཇུས་དེར། མགོ་སྒུར་གཉའ་ཞུམ་གྱིས་མུ་མཐུད་འདུག་ཐབས་བྲལ་བའི་སྐོར་བརྗོད་འདུག
གཞན་ཡང་། ད་ལོའི་ཕྱི་ཟླ་ ༡༡ ཚེས་ ༢༡ ནས་ ༢༢ བར་འཇར་མན་གྲོང་ཁྱེར་ཆེ་ཤོས་ཨང་བཞི་པ་ཁའོ་ལའོ་ནའེ་
( Cologne ) ཉེ་འདབས་སུ་ཡོད་པའི་གྲོང་ཁྱེར་ལའེ་བིར་ཀོ་སིན་ ( Leverkusen ) དུ།
རྒྱ་སོག་མི་རིགས་དང་དམངས་གཙོའི་གནད་དོན་བགྲོ་གླེང་ཚོགས་འདུ་ཞེས་པ་ཞིག་ཀྱང་འཚོགས་འཆར་ཡོད་འདུག ཚོགས་འདུའི་འགན་འཛིན་མི་སྣ་ནང་སོག་སྤྱི་དམངས་ཚོགས་པའི་ཚོགས་གཙོ་དང་།
ཡུ་རོབ་གླིང་བོད་སོག་ཡུ་གུར་རྒྱ་རིགས་བཞིའི་མཐུན་ཚོགས་ཀྱི་ཚོགས་གཙོ་ཞིས་ཧའེ་མེན་ལགས་ཀྱིས།
བོད་ཀྱི་གནད་དོན་ལ་རྒྱལ་སྤྱི་དང་རྒྱ་ནག་དམངས་གཙོ་དོན་གཉེར་བའི་ཚོགས་སྡེ་ཁག་གིས་ད་ལྟའི་བར་དོ་སྣང་ཤུགས་ཆེན་པོ་གནང་བཞིན་ཡོད་ལ། ཡུ་གུར་གྱི་གནད་དོན་ཀྱང་ད་ལོ་ནས་བཟུང་རྒྱལ་སྤྱིའི་སྤྱི་ཚོགས་ཀྱིས་སྔར་ལས་ པར་ལྷག་དོ་སྣང་ཤུགས་ཆེ་རུ་འགྲོ་བཞིན་ཡོད། ཡིན་ནའང་། ལྷོ་སོག་པའི་གནད་དོན་ཐད་ད་ལྟའི་བར་འཛམ་གླིང་མི་མང་གིས་དོ་སྣང་ཆེན་པོ་བྱུང་མེད། ད་ལོ འི་ཕྱི་ཟླ་ ༥
པའི་ནང་ལྷོ་སོག་པོའི་ནང་གཞི་རྒྱ་ཆེ་བའི་མི་མང་གི་ཡར་ལངས་ངོ་རྒོལ་བྱུང་བའི་རྗེས། འཛམ་གླིང་གི་རྒྱལ་ཁག་དང་ཚོགས་སྡེ་ཁག་གི་ནང་ལྷོ་སོག་པོའི་གནད་དོན་ཐད་དོ་སྣང་གནང་མཁན་ཇེ་མང་དུ་འགྲོ་བཞིན་ཡོད། དེར་བརྟེན།
ང་ཚོས་རྒྱལ་སྤྱིའི་སྒང་ལྷོ་སོག་པའི་གནད་དོན་སྐོར་གྱི་ཚོགས་འདུ་མང་པོ་བསྡུ་སྐོང་བྱས་ཏེ། རྒྱལ་སྤྱིའི་ཚོགས་སྡེ་ཁག་དང་རྒྱལ་ཁབ་དག་གིས་ལྷོ་སོག་པོའི་འགྲོ་བ་མིའི་ཐོབ་ཐང་དཀའ་ངལ་དང་མི་རིགས་ཀྱི་གནད་དོན་སྔར་ལས་ཤེས་རྟོགས་དང་། ལྷོ་སོག་པོའི་དམངས་གཙོ་དང་མི་རིགས་ཀྱི་འཐབ་རྩོད་ལ་རྒྱབ་སྐྱོར་ཡོང་བའི་རེ་བ་གནང་གི་ཡོད་སྐོར་བརྗོད་པ་རེད།
རྒྱ་གཞུང་གིས་ནང་སོག་རང་སྐྱོང་ལྗོངས་སུ་འབོད་པའི་ལྷོ་སོག་པོ འི་ས་ཁྱོན་ལ་སྤྱི་ལེ་གྲུ་བཞི་མ་ཁྲི་ ༡༡༨་༣ ཡོད་པ་དང་། ཕྱི་ལོ་ ༢༠༡༠
ལོའི་རྒྱ་གཞུང་གི་མི་གྲངས་ཞིབ་བཤེར་གྱི་རྩིས་ཐོ་ལྟར་ན། ལྷོ་སོག་པའི་ནང་ཁྱོན་བསྡོམས་མི་གྲངས་ ༢༤༧༠༦༣༢༡ ཡོད་པའི་ནང་སོག་པ་མི་གྲངས་ཁྲི་ ༤༢༡
ལྷག་ཡོད་པ་དང་། སྤྱིའི་མི་གྲངས་ཀྱི་བརྒྱ་ཆ་ ༡༨ མ་གཏོགས་ཟིན་མེད་པ་རེད།
ད་ནི་མི་རིགས་སྐྱིད་སྡུག་གི་མནའ་འབྲེལ་ཚོགས་པ་ཞིག་འཛུགས་རྒྱུ་དུས་ཀྱི་དགོས་མཁོར་མཐོང། བོད་དང་སོག་པོ། ཡུ་གུར།
རྒྱ་ནག་དམངས་གཙོ་དོན་གཉེར་བ་སོགས་ཀྱིས་ཐུན་མོང་གི་ཁེ་ཕན་ཆེད་དུ་སྟོབས་ཤུགས་ཆིག་སྒྲིལ་གྱིས་འཆར་གཞི་ཇུས་འགོད་ཀྱིས་ཞི་བའི་ངོ་རྒོལ་གྱི་རླབས་ཕྲེང་མི་འཇགས་པར་བརྩོན་དགོས།
བོད་མིའི་སྒྲིག་འཛུགས་ཀྱི་འཛིན་སྐྱོང་བཀའ་ཤག་ལགས་ང་ཚོའི་ཆིག་སྒྲིལ་གྱི་གཞི་རྒྱ་ཆེར་བསྐྱེད་ཀྱིས་ཀྲུང་གོའི་བཙན་དབང་འོག་གི་མི་རིགས་ཚང་མར་ཆིག་སྒྲིལ་གྱི་དར་བོ་ཆེ་འཕྱར་རོགས།
ད་ནི་དུས་ལ་བབས་འདུག
ཨ་རིའི་ཕྱི་སྲིད་མགྲིན་ཚབ་པས་རྒྱ་ནག་གཞུང་ལ་འབོད་སྐུལ།
དེ་ཡང་གསར་འགྱུར་བརྒྱུད་ལམ་ཁག་ནང་གནས་ཚུལ་ཐོན་གསལ་ལྟར་ན།
ལོ་འདིའི་ནང་རྒྱ་ནག་གི་བཙན་གནོན་འོག་ཡོད་པའི་བོད་ཤར་ཕྱོགས་ཁུལ་དུ་བོད་མི་ན་གཞོན་ཁག་གཅིག་གིས་རང་ལུས་མེར་སྲེག་བཏང་བའི་གནད་དོན་ཐོག་ཕྱི་ལོ་ ༢༠༡༡ ཟླ་ ༡༡ ཚེས་ ༤
ཨ་རིའི་ཕྱི་སྲིད་ལས་ཁུངས་ཀྱི་མགྲིན་ཚབ་པ་ལྕམ་སྐུ་ཝེག་ཊོ་རི་ནོ་ལམ་ལགས་ཀྱིས་གསུང་དོན།
ང་ཚོའི་ངོས་ནས་རྒྱ་ནག་གཞུང་ལ་ཞི་རྒོལ་ཆེད་བོད་མིས་རང་ལུས་མེར་སྲེག་གཏོང་བཞིན་པའི་ཐད་སེམས་འཚབ་ཡོད་པ་དེ་བཞིན་རྒྱུན་སྲིང་ནས་གླེང་སློང་བྱ་རྒྱུ་ཙམ་མ་ཟད།
རྒྱ་ནག་གཞུང་ལ་ཡང་སྐོར་བསྐྱར་སྐོར་ཐོག་བོད་མི་གནས་ཡུལ་ཁག་ཏུ་བོད་མིར་སྡུག་བསྔལ་ཆེན་པོ་བཟོས་དང་བཟོ་བཞིན་པའི་སྲིད་བྱུས་དེ་དག་ལ་བཟང་ཕྱོགས་ཀྱི་བསྒྱུར་བཅོས་ཤིག་གཏོང་དགོས་པའི་འབོད་སྐུལ་ཞུ་བཞིན་ཡོད།
རྒྱ་ནག་གཞུང་ཕྱོགས་ནས་ས་ཁུལ་དེ་དག་ནང་གསར་འགོད་པ་དང་གཞུང་འབྲེལ་མི་སྣ་མཐོ་གྲས་འགྲོ་བསྐྱོད་བྱེད་འཇུག་དགོས།
དེ་བཞིན་ང་ཚོའི་ངོས་ནས་རྒྱ་ནག་གཞུང་ལ་མི་སེར་ཡོངས་ཀྱི་ཐོབ་ཐང་ལ་བརྩི་བཀུར་བྱེད་དགོས་པའི་གནོན་ཤུགས་མུ་མཐུད་དེ་སྤྲོད་བཞིན་ཡོད།
རྒྱ་གཞུང་གིས་བོད་མིའི་ས་ཁུལ་ཁག་ཏུ་ཆོས་ཕྱོགས་ཀྱི་བྱེད་སྒོ་ཁག་ལ་གནོད་སྐྱོན་གྱི་སྲིད་བྱུས་དེས་བོད་ཀྱི་ཆོས་དང་རིག་གཞུང་ལ་གཏོར་སྐྱོན་གྱིས་དཀའ་ངལ་འཕྲད་བཞིན་ཡོད་པའི་ཐོག་ཨ་རིའི་གཞུང་ཕྱོགས་ལ་སེམས་འཚབ་ཆེན་པོ་ཡོད།
ཅེས་གསུངས་འདུག
དེ་རིང་ཕྱི་ཚེས་ ༤ ཉིན་གྱི་སྔ་དྲོའི་ཆུ་ཚོད་ ༡༡ སྟེང་ངྷ་ས་མེག་གྷན་ཆོལ་གསུམ་ཆིག་སྒྲིལ་ཚོགས་པའི་ཚོགས་ཁང་དུ། དབུ་མའི་ལམ་ མི་མང་ལས་འགུལ་ཁང་གིས་ཛ་དྲག་གས ར་འགོད་གསལ་བསྒྲགས་ཤིག་ བསྐྱངས་སོང ་། གསར་འགོད་ལྷན་ཚོགས་ཐོག་དབུ་མའི་ལམ་ལས་འགུལ་ཁང་གི་ཚོགས་གཞོན་ སྤྱི་ཟུར་ཡོན་ཏན་ རྒྱ་མཚོ་ལགས་ཀྱིས་ད་ལྟའི་བོད་ནང་གི་གནས་སྟངས་ ངོ་སྤྲོད་གནང་སྟེ། ད་ལོའི་ཕྱི་ཟླ་ ༣ ཚེས་ ༡༦ ཉིན་ནས་ཟླ་འདིའི་ཕྱི་ཚེས་ ༤ ཉིན་བར། བོད་ནང་བོད་མི་ ༡༡ གིས་བོད་ མིའི་རང་དབང་ཆེད་ སྐུ་ལུས་མེར་བསྲེགས་བཏང་ བ་དེས། བོད་ནང་ལག་བསྟར་བྱེད་བཞིན་པའི་རྒྱ་གཞུང་གི་སྲིད་བྱུས་ནོར་འཁྲུལ་ཡིན་པ་དང་། ༧གོང་ས་མཆོག་དང་བོད་མིའི་སྒྲིག་འཛུགས་གཉིས་བོད་མིའི་མགྲིན་ཚབ་པ་ཡིན་པ་ར་སྤྲོད་གསལ་པོ་བྱས་ཡོད་ པ། བོད་མི་དེ་དག་གིས་བོད་ནང་གི་ཆོས་དད་རང་དབང་དང་རྩོམ་འབྲིའི་རང་དབང་། འགྲོ་བ་མིའི་ཐོབ་ཐང་སྲུང་སྐྱོབ། ༧གོང་ས་མཆོག་བོད་དུ་གདན་ཞུ་དགོས་པའི་འབོད་ཚིག་བསྒྲགས་པ་སོགས་ནི། འབྲེལ་མོལ་ཐེངས་
༨ པའི་སྐབས་རྒྱ་གཞུང་ལ་སྤྲད་པའི་༼
བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ཡོང་ཐབས་ཀྱི་བསམ་འཆར་༽དང་། དེའི་༼རྒྱབ་ལྗོངས་འགྲེལ་བཤད་༽ཀྱི་དགོངས་དོན་དང་ཡོངས་སུ་མཐུན་པས།
རྒྱ་གཞུང་གིས་རང་སྲོག་བློས་བཏང་བའི་བོད་མིའི་མངོན་འདོད་རྡོག་རོལ་མི་གཏོང་བར་དྲག་སྤྱོད་མཚམས་འཇོག་དང་། རྔ་པ་དང་དཀར་མཛེས་ཁུལ་གྱི་དམ་དྲག་སྲིོད་བྱུས་ཕྱི ར་འཐེན་གྱིས། རང་སྐྱོང་ཡོང་ཐབས་ཀྱི་བསམ་འཆར་ཡིག་ཆ་གཞི་རྩར་བཞག་སྟེ་འབྲེལ་མོལ་བསྐྱར་གསོ་དགོས་སྐོར་སོགས་བརྗོད་ཡོད།
བསྒྲགས་ཡིག་ནང “ གཅིག རྔ་པ་ཀིརྟི་དགོན་དང་རྟའུ་ཉ་མཚོ་དགོན་པ་གཙོས་པའི་བོད་ཀྱི་དགོན་སྡེ་ཁག་ཏུ། ཆོས་ལུགས་ཀྱི་ནོར་འཁྲུལ་སྲིད་བྱུས་རྒྱལ་གཅེས་ཆོས་གཅེས་ཟེར་བ་དང་། ཡང་སྲིད་དོ་དམ་བྱེད་ཕྱོགས་ཡིག་ཆ་ཨང་ ༥ ཟེར་བ་སོགས་ཀྱི་དམ་དྲག་སྲིད་བྱུས་ཕྱིར་འཐེན་གྱིས། གྲྭ་བཙུན་ཚོར་གྲོས་བསྡུར་ཐབས་ལམ་བརྒྱུད་ཁོང་ཚོའི་མངོན་འདོད་ལག་བསྟར་དགོས་རྒྱུ།
གཉིས། རྒྱ་ནག་ གི་སྲིད་བློན་ཝུན་ཅཱ་པའོ་གཙོས་པའི་ཆེས་མཐོའི་དཔོན་རིགས་ཚོ། མེར་བསྲེགས་དོན་རྐྱེན་བྱུང་སའི་རྔ་པ་དང་དཀར་མཛེས་ཁུལ་དུ་ཕེབས་ཏེ། ས་གནས་མང་ཚོགས་ཀྱི་བསམ་ཚུལ་ལ་གསན་ཞིབ་གནང་རྒྱུ་དང་།
རྒྱལ་སྤྱིའི་རྟོག་ཞིབ་སྡེ་ཚན་དང་གསར་འགོད་པའི་ཚོགས་པ་ཞིག་བོད་ནང་བསྐྱོད་དེ་དངོས་ཡོད་གནས་སྟངས་ལ་རྒྱུས་ལོན་དགོས་རྒྱུ།
གསུམ། སྐུ་གཤེགས་བོད་མི་ ༡༡ གཙོས་བོད་ཀྱི་བདེན་དོན་ཆེད་རང་སྲོག་བློས་གཏོང་མཁན་ཚོར་བཀའ་དྲིན་རྗེས་དྲན་དང་། ཁོང་ཚོའི་ཞལ་ཆེམས་མངོན་འགྱུར་ཡོང་བར་ང་ཚོའི་ངོས་ནས་གང་ཐུབ་གནང་རྒྱུ་དང་། རྒྱལ་ཚོགས་དང་ཨ་རིའི་གཞུང་།
ཡུ་རོབ་གྲོས་ཚོགས་དང་རྒྱལ་སྤྱིའི་བོད་དོན་རྒྱབ་སྐྱོར་ཚོགས་པ་ཁག་གིས། བོད་ནང་ཛ་དྲག་གནས་སྟངས་ཐོག་སྔར་ལས་རྒྱབ་སྐྱོར་ཡོང་བར་འབོད་སྐུལ་ཞུ་རྒྱུ། བཞི། ཉེ་ཆར་ཨ་རིའི་ཧར་ཝར་ཌི་གཙུག་ལག་སློབ་ཆེན་གྱི་མཁས་དབང་སྐུ་ཞབས་ཡཱང་ཅན་ལིས་སྣེ་ཁྲིད་པའི་རྒྱ་རིགས་ཤེས་ཡོན་ཅན་དང་རྩོམ་པ་པོ་ ༢༠༠ ལྷག་གིས། ས་རྟགས་བསྡུ་རུབ་ཀྱིས་བོད་ནང་ལག་བསྟར་བྱེད་བཞིན་པའི་རྒྱ་གཞུང་གི་ནོར་འཁྲུལ་སྲིད་བྱུས་ལ་གསལ་ཁ་འདོན་པ་དང་། ཨ་རི་དང་འཇར་མན་དུ་རྟེན་གཞི་བྱས་པའི་རྒྱ་ནག་དམངས་གཙོ་ཚོཊ་པ་ཁག་གིས་ས་རྟགས་བརྒྱབ་པའི་སྙན་ཞུ་དེ། རྒྱལ་ཚོགས་དང་ཨ་རིའི་གཞུང་།
ཡུ་རོབ་སྤྱི་མཐུན་བཅས་ལ་འབུལ་འཆར་ཡོད་པར་བསྔགས་བརྗོད་ཞུ་རྒྱུ་ ” ཞེས་འཁོད་ཡོད།
དེའི་ཐད་དབུ་མའི་ལམ་ལས་འགུལ་ཁང་གི་མགོ་ལོག་དམ་ཆོས་དཔལ་བཟང་ལགས་ཀྱིས་བརྗོད་དོན། “ ཁ་སང་དེ་རིང་བོད་ནང་གི་གནས་ཚུལ་རེ་རེ་ཐོས་ཡོང་སྐབས།
སྡོད་མ་ཚིགས་པ་ཞིག་དང་འགྲོ་མ་ཤེས་པ་ཞིག་ཡོང་གི་འདུག བོད་ པ་མི་རེ་ངོ་རེ་ཡིས་ནུས་པ་འདོན་ རྒྱུའི་དུས་ཚོད་བསླེབས་ཡོད། ད་ལྟ་ལས་འགུལ་ནང་ཞུགས་ཐུབ་མཁན་ཚོ་ལས་འགུལ་ནང་ཞུགས། ཞུགས་མི་ཐུབ་མཁན་ཚོས་སྒོར་མོའི་ཞལ་འདེབས་གནང་དགོས་ཀྱི་འདུག ཆོས་བསྒྲུབ་མཁན་ཚོས་ཆོས་ཕྱོགས་ནས་ལས་ཀ་བྱས་ཏེ།
ཚང་མ་མཉམ་རུབ་ ཐོག་ལས་འགུལ་མཐར་འཁྱོལ་པ་ཞིག་སྤེལ་དགོས་ཀྱི་འདུག ང་རང་ལ་མཚོན་ན། ལུས་སེམས་གཉིས་ཀྱི་མི་ལྕོགས་ནའང་། བོད་ནང་མེར་བསྲེགས་བཏང་བའི་བོད་མི་ཚོར་ཉིན་རེར་མ་ཎི་ཆིག་ ཁྲི་རེ་གསོག་བཞིན་ཡོད་ ལ། སྒོར་མོ་ཡོད་མེད་ལ་མ་ལྟོས་པར་དུས་འཁོར་དབང་ཆེན་སྐབས་གྲྭ་པ་རེར་སྒོར་མོ་ ༡ རེ་འབུལ་རྩིས་ཡོད ” ཅེས་བརྗོད་བྱུང་།
དབུ་མའི་ལམ་ལས་འགུལ་ཁང་ནི་ ༢༠༠༨ ལོར་གསར་དུ་བཙུགས་པ་ཞིག་ཡིན་ཞིང་། ད་ཆར་ཚོགས་པ་དེར་ས་གནས་ཁག་ ༢༥ ནང་ཚོགས་མི་༩༦ ཙམ་ཡོད་འདུག་ལ། ད་བར་དེབ་སྐྱེལ་བྱེད་མཁན་ ༡༥༠༠༠
ལྷག་བྱུང་ཡོད ་འདུག
༄༅།།ཀྲུང་གོའི་གཙོ་འཛིན་སྐུ་ཞབས་ཧུའུ་ཅིན་ཐའོ་ལགས་སུ།
ཁྱེད་རང་ཚོའི་ཀྲུང་གོའི་རྒྱལ་ཁབ་གསར་བ་བཙུགས་རྗེས་ང་ཚོའི་བོད་གངས་ཅན་ལ་དམག་ཤུགས་གཙོ་བཀོལ་གྱིས་དབང་བསྒྱུར་པ་ནས་དེ་རིང་བར་ལ་བོད་ཀྱི་རྒྱལ་ས་ལྷ་སས་གཙོས་བོད་ཁུལ་དུ་མ་ནས་རྒྱ་གཞུང་ལ་ངོ་རྒོལ་ཆེ་ཆུང་ཆུ་གཉེར་བཞིན་བྱུང་ཡོད་པ་ལ་ད་ནི་བཅིངས་འགྲོལ་དམག་གིས་བསྐོར་ནས་མ་བསྡད་ན་མེ་སྟག་གིས་རི་བོ་བསྲེག་ཉེན་ལྟ་བུར་ཐུག་ཡོད་པས་ཁྱེད་རང་ཚོ་ཡང་སེམས་ཁྲལ་དང་འུ་ཐུག་གིན་ཡོད་པ་མཐོང་ཐུབ།
མི་རིགས་རང་སྐྱོང་གི་གནད་དོན་ངོ་མ་ཐག་གཅོད་གཙང་མ་ཞིག་མི་བྱེད་པར་དམ་བསྒྲགས་དང་མགོ་སྐོར་རང་བཞིན་གྱིས་ལོ་ཟླ་སྐྱེལ་ཐབས་འདིའི་མཐའ་འབྲས་ནི་རྒྱལ་ཁབ་ཁ་འཐོར་ལ་འགྲོ་རྒྱུ་ཞིག་མ་ཡིན་ནམ།
མ་མཐའ་ཡང་སྤྱི་ཚོགས་ལྷིང་འཇགས་ཟེར་བ་ཞིག་ཡོང་ཐབས་བྲལ་བའི་བྱ་བ་ཞིག་རེད། ཏང་ཀྲུང་དབྱང་གིས་སྔ་ཕྱི་བར་གསུམ་དུ་མི་རིགས་ཀྱི་བསམ་བློ་བ་དང་འཇོན་ཐང་ཡོད་པ་མང་པོར་གཉའ་གནོན་བྱེད་པའི་སྲིད་ཇུས་དེ་ནི་མི་རིགས་འདྲ་མཉམ་དང་འཆམ་མཐུན་ལ་བསམ་བཞིན་དུ་འགལ་རྐྱེན་བཟོས་པ་རང་ཡིན།
བོད་གཅིག་པུར་མཚོན་ན་ཡང་། དེ་སྔ་འབའ་བ་ཕུན་ཚོགས་དབང་རྒྱལ་ལྟ་བུའི་མར་ལེ་རིང་ལུགས་པ་ངོ་གནོང་མི་དགོས་པའི་གསར་བརྗེ་དམར་ཞིང་མཁས་པ་ཁོང་ལ་ཡང་མི་རིགས་རིང་ལུགས་ཀྱི་ཞྭ་མོ་གཡོགས་ནས་བཙོན་འཇུག་ལོ་མང་བྱས་པ་མ་ཟད་ད་ལྟ་ད་དུང་ཁོང་ཉིད་ལ་ཕྱི་སྐྱོད་ཀྱི་ཐོབ་ཐང་སྤྲད་མེད།
པཎ་ཆེན་རིན་པོའི་ཆེའི་དངོས་ཐོག་བདེན་འཚོལ་གྱི་ཡིག་འབྲུ་ཁྲི་བདུན་དེ་ཡང་ཁོང་གི་ནག་ཞྭར་གྱུར་པ་རེད་ལ་ད་དུང་ཁས་ལེན་ཡག་པོ་ཞིག་གནང་མེད།
ཁོང་གི་སྐུ་སྲོག་ཡལ་སྟངས་དེ་ཡང་དོགས་གཞི་ཅན་ཡིན། ད་དུང་ཚེ་རིང་འོད་ཟེར་དང། ཐེའུ་རང། ཞོགས་དུང་སོགས་ནས་ད་ལྟ་རང་བཟུང་བའི་རྩོམ་པ་པོ་མེ་ལྕེ་ལགས་འདི་རིགས་ནི་མི་རིགས་ཀྱི་གཉིད་སད་པའི་དཔའ་རྒོད་ཡིན་ལ།
དོན་དམ་གྱི་ཀྲུང་གོའི་དམངས་གཙོ་ཡར་རྒྱས་དང་མི་རིགས་འདྲ་མཉམ་འཆམ་མཐུན་ལ་དགོངས་པ་བཞེས་མཁན་ཏག་ཏག་ཀྱང་རེད།
དེ་བས་དམངས་གཙོ་རིང་ལུགས་པ་དང་རྒྱལ་གཅེས་པ་འདི་རིགས་ལ་གཉའ་གནོན་བྱས་ན་བོད་ཀྱི་ཤེས་ཡོན་ཅན་གྱིས་གཙོས་མི་དམངས་ཀྱིས་ཇི་ལྟར་ཏང་དང་རྒྱལ་ཁབ་ལ་དགའ་བསུ་བྱེད་དམ།
བོད་ཀྱི་ཆོས་ལུགས་དད་མོས་ཀྱིས་གཙོས་མིའི་རང་དབང་གི་འཚོ་བ་ལ་ཕོག་ཐུག་ཆེན་པོ་བཟོས་པས་ཡིད་ཀྱི་སྡུག་བསྔལ་དེ་དག་རང་ལུས་མེ་རུ་བསྒྲོན་ནས་བདེན་དཔང་བྱེད་མཁན་རྒྱུད་མར་འབྱུང་བཞིན་པ་འདི་དག་གི་མངོན་འདོད་ཅི་ཡིན་མི་མཐོང་ངམ།
ད་དུང་ཡང་ཀྲུང་གོའི་མི་རིགས་གནད་དོན་ལ་ངོས་ཟིན་མི་ཐུབ་བམ།
ལོ་ རྒྱུས་ཀྱི་འགན་ཁུར་ཅིག་དང་དེ་རིང་གི་གོ་སྐབས་འདིར་བསྟུན་ནས་བདག་གིས་པེན་
བོད་ཀྱི་རྩོམ་པ་པོའི་ཚོགས་གཙོའི་མིང་ཐོག་ནས་ཁྱེད་རང་གཙོས་ཏང་ཀྲུང་དབྱང་ལ་ འབོད་སྐུལ་ཆེན་པོ་གཉིས་རང་ཞུ་རྒྱུར།
ཀ༽ཏཱ་ལའི་བླ་མ་ནི་དོན་དངོས་ཀྱི་འཛམ་གླིང་ཞི་བདེའི་གྲགས་ཅན་མི་སྣ་དང་ས་སྟེང་ཡོངས་ཀྱི་སངས་རྒྱས་ཆོས་ལུགས་པའི་དབུ་ཁྲིད་དམ་པ་ལགས་པས།
ཁོང་ལ་སྐྱོན་འཛུགས་ངོ་རྒོལ་བྱས་ན་བོད་མི་ཚང་མར་མ་ཟད་རྒྱལ་སྤྱིའི་མི་དམངས་ཀྱང་དགའ་གི་མ་རེད།
དེ་བས་ཁོང་ལ་བརྩི་བཀུར་དང་ཡིད་ཆེས་ཀྱིས་མཇལ་འཕྲད་ཅིག་གནང་རྒྱུ་ནི་བོད་དོན་ཙམ་མིན་པར་ཕྱོགས་ཡོངས་ཀྱི་དགེ་མཚན་ཆེན་པོ་ཞིག་ཡིན།
སྐུ་ཞབས་ཝང་ལི་ཞུང་གིས་བོད་ཀྱི་གནད་དོན་གྱི་ལྡེ་མིག་ནི་ཏཱ་ལའི་བླ་མ་རེད་ཟེར་བར་ཡང་རྒྱུ་མཚན་ཆེན་པོ་ཡོད།
( འོན་ཀྱང་ཁྱེད་ཅག་ཏཱ་ལའི་བླ་མར་མཇལ་རྒྱུར་ཧ་ཅང་སྐྲག་གི་ཡོད་པ་འདྲ། དེ་ནི་རྫུན་པ་དྲང་བདེན་ལ་འཇིགས་པ་ཟེར་བ་མིན་ན་ཁོག་རྒྱ་ཞིག་སྐྱེད་པའི་དུས་ལ་བབས་འདུག )
ཁ༽ སྲིད་ བློན་ཝུན་ཅ་པོ་ལགས་ཀྱིས་ཀྲུང་གོའི་ཆབ་སྲིད་ལམ་ལུགས་ལ་ལེགས་བཅོས་ཀྱིས་དམངས་
གཙོ་ཚད་མཐོར་སྤེལ་དགོས་སྐོར་ལ་གསུང་བཤད་ནན་པོ་གནང་བཞིན་པ་འདིར་ང་ཚོ་ཡང་ཧ་ ཅང་དགའ་བོ་བྱུང། དེ་བཞིན་རྒྱ་བོད་སོག་ཡུ་གུར་སོགས་དམངས་གཙོ་དོན་གཉེར་གྱི་མི་རིགས་ཀྱི་ཁག་གི་རྩོམ་པ་པོ་རྣམ་པས་གཙོས་བདེན་ལུགས་ཀྱི་ཞུ་འབོད་དང་སྐད་འབོད།
འཚེ་མེད་ངོ་རྒོལ་གནང་མཁན་མང་པོ་བྱུང་དང་འབྱུང་བཞིན་ཡོད། དེ་དག་ལ་རྒྱལ་ཁབ་ཁ་བྲལ་གྱི་ཉེས་ཞྭ་གཡོགས་རྐྱང་གིས་འཇིགས་སྐུལ་དང་བཙོན་འཇུག དྲག་གནོན་བྱེད་པ་རིགས་མཚམས་འཇོག་ཡོང་བ་ཞུ། གནད་ དོན་དེ་གཙང་སེལ་བྱེད་འདུན་གྱི་སྤོབས་པ་ཡོད་ན་ཁོང་ཚོ་ཐམས་ཅད་བསྐོངས་ཏེ་རང་
དབང་གི་བགྲོ་གླེང་ཚོགས་ཆེན་ཞིག་བསྡུས་ན་དེ་ནི་དུས་རབས་ཉེར་གཅིག་པའི་ཀྲུང་ གོའི་ཆབ་སྲིད་ཀྱི་དཔལ་ཡོན་གསར་བ་ཞིག་ཆགས་ངེས་ལ། རང་དབང་དམངས་གཙོའི་སྒོ་འཕར་ཆེན་པོ་ཞིག་ཀྱང་ངང་གིས་འབྱེད་ཐུབ་རྒྱུ་རེད། མི་ རིགས་འདྲ་མཉམ་དང་མི་དམངས་ལ་རང་དབང་དང་འདྲ་མཉམ་ཐོབ་ཐང་བཅས་ཁ་ཡོད་ལག་ཡོད་ཅིག་
སྤྲོད་ཐུབ་མིན་ནི་ད་ལྟའི་ཀྲུང་གོའི་ལས་དབང་ལ་རག་ལས་མི་འདུག་གམ།
པེན་བོད་ཀྱི་རྩོམ་པ་པོའི་མཐུན་ཚོགས་ཀྱི་ཚོགས་གཙོ་ཆབ་བྲག་ལྷ་མོ་སྐྱབས།
ཚོགས་གཞོན་ཀུན་ཐར་དོན་གྲུབ་ལགས་ཀྱིས་འདིའི་ནང་དོན་ཅུང་ཁ་གསལ་གྱིས་རྒྱ་ཡིག་ཏུ་ཕབ་སྒྱུར་གནང།
༢༠༡༡།༡༡།༡ལ་ཕུལ་ལོ།
ཉིན་འདི་ འགར་ རྒྱ་ནག་གི་སྲིད་འཛིན་ཧུའུ་ཅིན་ཐོའ་ཧྥ་རན་སིར་ཕེབས་སྐབས་དང་བསྟུན།
བོད་པ་དང་བོད་དོན་རྒྱབ་སྐྱོར་ཚོགས་པ་ཁག་གིས་༼ བོད་པའི་ཉིན་མོ། ༽ ཞེས་པའི་རྒྱལ་སྤྱི་རང་བཞིན་གྱི་ལས་འགུལ་ཞིག་སྤེལ་བཞིན་པ་ལྟར། དེ་རིང་ཧྥ་རན་སིའི་རྒྱལ་ས་ཕ་རི་སི་དང་གྲོང་ཁྱེར་ཁན་
(Canne) ནང་ངོ་རྒོལ་ལས་འགུལ་ཁག་ཅིག་སྤེལ་ཡོད་ལ།
འབྱུང་འགྱུར་ཉིན་གསུམ་རིང་གྲོང་ཁྱེར་ཁན་དང་ནེ་སི་ (Nice) ནང་མུ་མཐུད་ལས་འགུལ་སྤེལ་འཆར་ཡོད་འདུག
དེ་རིང་ཉིན་རྒྱབ་རྒྱ་ནག་གི་སྲིད་འཛིན་ཧུའུ་ཅིན་ཐའོ་ཧྥ་རན་སིའི་གྲོང་ཁྱེར་ཁན་ (Canne) ནང་འབྱོར་སྐབས་དང་བསྟུན།
ཧྥ་རན་སིའི་བོད་རང་བཙན་སློབ་ཕྲུག་ཚོགས་པའི་ངོ་རྒོལ་བ་གཉིས་དང་། བོད་དོན་རྒྱབ་སྐྱོར་བ་གཉིས་བཅས་ཀྱིས་གྲོང་ཁྱེར་མེ་འཁོར་འབབ་ཚུགས་ཀྱི་ཐོག་ཁང་ཡང་སྟེང་ནས་བོད་ཀྱི་རྒྱལ་དར་དང་། ༼ བོད་རང་བཙན་ ༽དང་
༼ཧུའུ་ཅིན་ཐའོ་ལག་དམར་ ༽ ཞེ ས་འཁོད་པའི་ངོ་རྒོལ་འཕྲད་དར་བྱིངས་སྟེ་ངོ་རྒོལ་བྱས་ཡོད་པ་དང་། ངོ་རྒོལ་བྱས་ནས་ཅུང་མ་འགོར་བར་ས་གནས་ཉེན་རྟོག་པས་ཐོག་ཁང་ནས་མར་བྱིངས་མཁན་ངོ་རྒོལ་བ་གཉིས་འཛིན་བཟུང་བཀག་ཉར་བྱས་ཡོད་འདུག
འདིའི་སྐོར་བོད་རང་བཙན་སློབ་ཕྲུག་ཚོགས་པའི་འཐུས་མི་ཨེན་ (Anne) ལགས་སུ་བཀའ་འདྲི་ཞུས་སྐབས། ཁོང་གིས་ “ དེ་རིང་ཉིན་རྒྱབ་ཀྱི་ངོ་རྒོལ་འདི་ང་ཚོས་བང་སྒྲིག་པའི་ད་ཐེངས་ཀྱི་ལས་འགུལ་ཁག་གི་ མ གོ་འཛུགས་ལྟ་བུ་ཞིག་རེད། ལས་འགུལ་དངོས་གཞི་དེ་ཕྱི་ཚེས་ ༤
ཉིན་ཧྥ་རན་སིའི་གྲོང་ཁྱེར་ནེ་སི་ (Nice) ནང་སྤེལ་འཆར་ཡོད་པ་རེད།
ཉིན་གང་བོར་ངོ་རྒོལ་གོམ་བགྲོད་དང་སྐད་འབོད་ཙམ་དུ་མ་ཟད། གཏམ་བརྗོད་ཁྲབ་སྟོན་སོགས་ཚུད་པའི་ལས་འགུལ་རིགས་འདྲ་མིན་ཞིག་གི་འཆར་གཞི་སྒྲིག་ཡོད།
ལས་འགུལ་ཁ་ཤས་ཤིག་མ་སྤེལ་བར་འདི་ནས་སྔོན་ལ་བཤད་མི་ཐུབ་ པ་ དེ་འདྲའང་ཡོད་པ་རེད།
རྒྱལ་སྤྱིའི་བོད་དོན་ལས་འགུལ་འབྲེལ་མཐུད་ཁང་གིས་འབོད་སྐུལ་ཞུས་པ་བཞིན། ཉིན་འདི་ཚོར་འཛམ་གླིང་གང་སར་ཡོངས་ཁྱབ་ཀྱིས་འདི་ལྟའི་ལས་འགུལ་སྤེལ་བཞིན་ཡོད་པ་རེད། ཡིན་ནའང་།
ཧུའུ་ཅིན་ཐའོ་ཡོང་ས་ཧྥ་རན་སིའི་ནང་ཆགས་ཡོད་རེད། ཉིན་འདིའི་ཚོའི་ལས་འགུལ་སྤེལ་ས་ལྟེ་བ་ཡང་ཁོ་ཡོང་སའི་ལུང་པ་ཧྥ་རན་སི་དང་།
ལྷག་པར་ཁོ་རང་འགྲོ་ས་འདུག་སའི་གྲོང་ཁྱེར་དང་གཉིས་ཆགས་ཀྱི་ཡོད་པ་རེད། དེར་བརྟེན། ང་ཚོའི་ཚོགས་པས་གྲོང་ཁྱེར་ནང་ངོ་རྒོལ་གོ་སྒྲིག་འདི་ཞུས་པ་ཡིན།
ལས་འགུལ་འདིའི་ནང་ཧྥ་རན་སིས་མ་ཚད་སུད་སི་དང་། བྷེལ་ཇམ། ཨི་ཊ་ལི། དབྱིན་ལན་སོགས་ཡུ་རོབ་རྒྱལ་ཁབ་དང་ས་གནས་ཁག་གི་བོད་པ་དང་བོད་དོན་རྒྱབ་སྐྱོར་གང་མང་ཞིག་ཀྱང་མཉམ་ཞུགས་གནང་གི་ཡོད་པ་རེད
” ཅེས་ཐེངས་འདིའི་ལས་འགུལ་དུས་ཡུན་ནི་རྒྱལ་སྤྱིའི་བོད་དོན་འབྲེལ་མཐུད་ཁང་གི་འབོད་སྐུལ་བཞིན་དེ་རིང་ནས་ཕྱི་ཚེས་ ༥ བར་ཡིན་པ་དང་།
ལས་འགུལ་ནང་ཡུ་རོབ་རྒྱལ་ཁབ་ཁག་གི་ལས་འགུལ་བ་མཉམ་ཞུགས་ཡང་གནང་གི་ཡོད་སྐོར་ངོ་སྤྲོད་གནང་སོང་།
དེ་བཞིན་དེ་རིང་ཉིན་རྒྱབ་ཆུ་ཚོད་ ༣ སྟེང་།
ཧྥ་རན་སི་བོད་རིགས་ཚོགས་པས་གོ་སྒྲིག་འོག་ཧུའུ་ཅིན་ཐའོ་ཧྥ་རན་སིར་ཡོང་བར་ངོ་རྒོལ་སྐད་འབོད་ཀྱི་ལས་འགུལ་ཞིག་སྤེལ་ཡོད་ལ།
ངོ་རྒོལ་ལས་འགུལ་དེ་རྒྱལ་ས་ཕ་རི་སིའི་རང་དབང་མདུན་ཐང་ནས་མ གོ་བཙུགས་སྟེ་རྒྱ་ནག་གཞུང་ཚབ་ཁང་གི་མདུན་བར་དུ་སྤེལ་ཡོད། ལས་འགུལ་ མ གོ་འཛུགས་སྐབས་ཧྥ་རན་སིའི་ལྗང་ཁུ་ཚོགས་པའི་ས་གནས་འཐུས་མི་སྐུ་ཞབས་ལགས་ཇོན་མག་བྷུ་ལེར་ (Jean Marc Brulé) ཕེབས་སྟེ་གསུང་བཤད་དང་།
ཁོང་དང་རྒྱ་ནག་རིག་པའི་མཉམ་ཞིབ་པ་ལྕམ་མ་རེ་ཨོ་ཛེ་མན་ ( Marie Holzman) ལགས་གཉིས་མཉམ་འབྲེལ་ཐོག་སྤེལ་བའི་བསྒྲགས་གཏམ་ཞིག་ཀྱང་ཡོངས་ཁྱབ་ཏུ་སྒྲོག་རྒྱང་གནང་། ལས་འགུལ་འདིའི་ནང་ཕ་རི་སིར་གནས་སྡོད་བོད་མི་སུམ་བརྒྱ་ལྷག་དང་། བོད་དོན་རྒྱབ་སྐྱོར་བ།
དེ་བཞིན་ཡུ་གུར་རང་བཙན་ཚོགས་པ་དང་། རྒྱ་ནག་དམངས་གཙོ་ཚོགས་པ། བོད་རྒྱ་མཐུན་ཚོགས། བོད་རང་དབང་སློབ་ཕྲུག་ཚོགས་པ་སོགས་ཀྱང་མཉམ་ཞུགས་བྱས་ཡོད་ལ། བོད་རིགས་ཚོགས་པས་ཧྥ་རན་སིའི་སྲིད་འཛིན་སར་ཁོ་རྫེ་ལ།
ཁོང་གིས་ཕྱི་ཚེས་ ༣ དང་ ༤ ཉིན་ཧུའུ་ཅིན་ཐའོ་དང་མཇལ་འཕྲད་སྐབས། ད་ལྟའི་ཨ་མདོ་རྔ་བ་དང་ཁམས་དཀར་མཛེས་ཁུལ་གྱིས་མཚོན་པའི་བོད་ནང་གི་ཛ་དྲག་གནས་སྟངས་དང་།
རྒྱ་ནག་གིས་རྒྱལ་སྤྱིའི་གསར་འགོད་པ་དང་ཉམས་ཞིབ་ཚོགས་སྡེ་ཁག་རང་དབང་ངང་ཛ་དྲག་གི་ས་ཁུལ་དེ་དག་ཏུ་འགྲོ་བསྐྱོད་ཆོག་མཆན་ཐོབ་ཐབས། གཞིས་བྱེས་བོད་མིའི་མངོན་འདོད་ལྟར་༧གོང་ས་མཆོག་བོད་ནང་ཕེབས་ཐབས།
དེ་བཞིན་བོད་ནང་གི་ཆབ་སྲིད་བཙོན་པ་གློད་གྲོད་ཐོབ་ཐབས་སོགས་དོན་ཚན་དྲུག་གི་ཐད་ངེས་པར་གླེང་སློང་གནང་དགོས་པའི་འབོད་སྐུལ་སྙན་ཞུ་ཞིག་ཀྱང་ཕུལ་ཡོད་འདུག
འདི་ནི་རྒྱ་ནག་གི་སྲིད་འཛིན་ཧུའུ་ཅིན་ཐའོ་ཧྥ་རན་སིར་ཕེབས་ཐེངས་གཉིས་པ་དེ་ཡིན་ཞིང་། འདས་ལོར་ཐེངས་དང་པོར་ཕེབས་སྐབས་ཧྥ་རན་སི་དང་རྒྱ་ནག་བར་ཡུ་སྒོར་ཐེར་འབུམ་ ༢༨
ལྷག་གི་ཚོང་འབྲེལ་གན་རྒྱ་བཞག་ཡོད་པ་རེད།
ས་གནས་གསར་འགོད་པ།
ཟླ་བ་ཚེ་རིང་།(བོད་ཀྱི་དུས་བབ་ལས)
དེ་རིང་སྔ་དྲོར་བཞུགས་སྒར་བོད་ཀྱི་གསོལ་མགྲོན་ཁང་དུ་དབུས་བོད་ཀྱི་གཞོན་ནུ་ལྷན་ཚོགས་དང་དབུས་བུད་མེད་ལྷན་ཚོགས། བོད་རྒྱལ་ཡོངས་དམངས་གཙོ་ཚོགས་པ། བོད་རང་བཙན་སློབ་ཕྲུག་ཚོགས་པ། བོད་ཀྱི་དགུ་བཅུ་གསུམ་ལས་འགུལ་ཚོགས་པ་བཅས་ཚོགས་པ་ལྔ་མཉམ་རུབ་ཀྱི་གསར་འགོད་གསལ་བསྒྲགས་བསྐྱངས་ཏེ། དེ་རིང ་ཕྱི་ཚེས་ ༢ ནས་ ༣ བར་ ཧྥ་རན་སིའི་གྲོང་ཁྱེར་Cannes་ཀན་ནི་ནང་ཚོགས་བཞིན་པའི་རྒྱལ་སྤྱིའི་སྟོབས་ཆེན་རྒྱལ་ཁབ་ ཉི་ཤུ་ (G 20)ཞེས་པའི་ ཚོགས་འདུའི་ ཐོག རྒྱ་ནག་གི་སྲིད་འཛིན་ཧུའུ་ཅིན་ཐའོ་མཉམ་ཞུགས་བྱེད་ཀྱིན་ཡོད་པར་ངོ་རྒོལ་དང་། ཚོགས་འདུ་དེར་མཉམ་ཞུགས་གནང་མཁན་རྒྱལ་ཁབ་ཁག་གི་དབུ་ཁྲིད་དང་ཆབ་སྲིད་གནད་ཡོད་མི་ན་བཅས་ལ་བོད་དོན་ ཐོག་རྒྱབ་སྐྱོར་ ཡོང་བའི་འབོད་སྐུལ་བཅས་གནང་སོང་ལ། དེ་བཞིན། བོད་དོན་རྒྱབ་སྐྱོར་བ་ ༢༡༠༠༠ ལྷག་གི་མཚན་རྟགས་ཤིག་ཚོགས་ཞུགས་པ་རྣམ་པར་འབུལ་རྒྱུ་ཡིན་འདུག
གཞུང་འབྲེ ལ་མིན་པའི་ཚོགས་པ་ལྔས་རྒྱ་ནག་གཞུང་ལ་དགོས་འདུན་དོན་ཚན་ ༤ བཏོན་ཡོད་པ་ཁག་ནི། དང་པོ།
རྒྱ་ནག་གཞུང་གིས་རྔ་པ་དང་དཀར་མཛེས་ས་ཁུལ་གྱི་དགོན་སྡེ་ཁག་གི་དམ་དྲག་ཕྱིར་བསྡུ་དང་། དགེ་འདུན་པ་རྣམས་ཆ་རྐྱེན་གང་ཡང་མེད་པའི་ཐོག་ཆོས་ཕྱོགས་ཀྱི་བྱེད་སྒོ་སྤེལ་འཇུག་དགོས། གཉིས་པ། ༢༠༡༡ ལོའི་ཟླ་ ༣ པའི་ཚེས་ ༡༦ ཉིན་ ནས་སྐུ་ལུས་མེར་བསྲེག ས་གཏོང་མཁན་ སྐོར་ཞིག་བཙན་འཁྲིད་བྱས་ པ་ཁག་ཀློད་གྲོལ་གཏོང་དགོས། གསུམ་པ། རྒྱལ་སྤྱིའི་རང་དབང་ལྡན་པའི་གསར་འགོད་པ་དང་ཉམས་ཞིབ་ཚོགས་ཆུང་ཞིག་འཕྲལ་དུ་རྔ་པ་དང་དཀར་མཛེས་གཙོས་བོད་ནང་ཞིབ་འཇུག་ཆེད་ གཏོང་དགོས་པ། བཞི་བ། རྒྱ་དམར་གཞུང་གིས་རྔ་པ་ཀི་རྟི་དགོན་པ་གཙོས་བོད་ཀྱི་དགོན་སྡེ་ཁག་ཏུ་ཆོས་ཕྱོགས་ཀྱི་བྱེད་སྒོ་དམ་དྲག་གི་སྲིད་བྱུས་འདྲ་མིན་ལག་བསྟར་བྱེད་ཀྱིན་པ་གང་མགྱོགས་མཚས་འཇོག་དགོས་པ ་བཅས་རེད།
གསར་འགོད་བསྒྲགས་གཏམ་ནང་བཀོད་དོན། རྒྱལ་ཁབ་ ༢༠ མགོ་ཁྲིད་རྣམ་པ་དང་འཛམ་གླིང་གི་རྒྱལ་ཁབ་ལ། རྒྱ་ནག་གཞུང་གིས་བོད་ནང་རང་དབང་ལྡན་པའི་ཞིབ་འཇུག་ཚོགས་ཆུང་གཏོང་རྒྱུའི་དམིགས་ཡུལ་ངོས་ལེན་ཆེད། འབྱོར་ལྡན་རྒྱལ་ཁབ་ ༢༠ ཚོགས་ཞུགས་དཔོན་རིགས་རྣམས་ཀྱིས་མཉམ་རུབ་ཐོག་ཤུགས་སྣོན་རྒྱག་ དགོས་པ་དང་། རྒྱ་ནག་གི་སྲིད་འཛིན་ཧུའུ་ཅིན་ཐའོ་ལ་ད་ལྟའི་རྔ་པའི་གནས་བབ་ལ་བློ་འཚབ་དང་བཅས་ཐད་ཀར་བཀའ་འདྲི་ཞུ་རྒྱུ ར། རྔ་པ་ནས་གར་སོང་ཆ་མེད་དུ་གྱུར་བ་དག་གང་དུ་ཡོད་མེད་ཁ་གསལ་བཟོ་དགོས་པའི་ཐད་མཉམ་རུབ་ཞུ་གཏུགས་བྱ་རྒྱུ། ཁོང་རྣམ་པ་གནས་སྟངས་དང་སྒྲིག་གཞི་གང་ཞིག་གི་འོག་ནས་བཙན་འཁྲིད་བྱས་ཡོད་མེད་དང་གར་ཡོད་གསལ་བཤད་བྱ་རྒྱུ། དོ་སྣང་ཅན་གྱི་གཞུང་དང་མཉམ་དུ་ནུས་ཤུགས་ལྡན་པའི་སྒྲིག་འཛུགས་བཙུགས་ཏེ་བོད་ནང་འགྲོ་ཐུབ་པའི་ཆོད་གན་འཇོག་ཏུ་འཇུག་དགོས ་ཅེས་སོགས་བཀོད་འདུག
དེ་རིང་རྒྱལ་ཁབ་ ༢༠ ཡི་ ཚོགས་འདུ་དང་བསྟུན་ཏེ་གཞུང་འབྲེལ་མིན་པའི་ཚོགས་པ་ལྔ་དང་བོད་དོན་རྒྱབ་སྐྱོར་བ་བཅས་ཀྱིས་རྒྱལ་སྤྱིའི་རྒྱལ་ས་དང་གྲོང་ཁྱེར་ ༦༠ ནང་ཉིན་བརྒྱ་དུས་གཅིག་ཏུ་ཞུ་གཏུག་གི་ལས་འགུལ་སྤེལ་གྱིན་ཡོད་འདུག་ལ། ཨ་རི་གཙོས་རྒྱལ་ཁབ་ཁག་གི་རྒྱ་ནག་གཞུང་ཚབ་མདུན་དུ་བོད་ཀྱི་རྒྱལ་དར་དང་། ཉེ་ལམ་བོད་ནང་རང་ལུས་མེར་བསྲེགས་བཏང་ཟིན་པ་དག་གི་སྐུ་པར་འཕྱར་ཏེ་ངོ་རྒོལ་སྐད་འབོད་བྱེད་ཀྱིན་ཡོད་འདུག
ལས་འགུལ་འདིའི་ནང་ལྷོ་ཨ་ཧྤི་རི་ཀའི་ཆོས་དཔོན་ཌ་སེན་མན་ཊུའུ་ཊུའུ་མཆོག་དང་རྒྱལ་སྤྱིའི་སྙན་གྲགས་ཅན་གྱི་གཞས་པ་དང་སྒྱུ་རྩལ་པ་བཅས་མཉམ་ཞུགས་གནང་བཞིན་ཡོད་ འདུག་ལ། དེ་རིང་ཧྤ་རན་སི་གཙོས་ཕྱིའི་རྒྱལ་ཁབ་ཁག་དང་རྒྱ་གར་རྒྱལ་ཡོངས་ཀྱི་ས་གནས་ཁག་ཏུ་གནད་ཡོད་མི་སྣ་དག་ལ་འབོད་སྐུལ་དང་མཚན་རྟགས་བསྡུ་རུབ་ཀྱི་ལས་འགུལ་སྤེལ་གྱི་ཡོད་པ་མ་ཟད། བཞུགས་སྒར་རླངས་འཁོར་ས་ཚིགས་སུ་ཐེངས་འདིའི་ཚོགས་འདུར་མཉམ་ཞུགས་གནང་བཞིན་པའི་རྒྱལ་སྤྱིའི་དབུ་ཁྲིད་རྣམ་པའི་རྣང་བརྙན་བཟོས་ཏེ་ ཁྲོམ་སྐོར་གྱི་ལས་འགུལ་ཞིག་ཀྱང་སྤེལ་སོང་། དེ་བཞིན། ཁ་སང་དང་དེ་རིང་གཉིས་སུ་བལ་ཡུལ་ནང་ལས་འགུལ་ཤུགས་ཆེན་སྤེལ་ཏེ།
བལ་ཡུལ་ཉེན་རྟོགས་པ་ཚོས་བོད་མི་ལས་འགུལ་བ་མང་པོ་ཞིག་ལ་ཉེས་རྡུང་གཏོང་བ་དང་འཛིན་བཟུང་བྱེད་པ་སོགས་བྱུང་ཡོད་འདུག
གནས་ཚུལ་བཏང་འབྱོར་ལྟར་ན། ཉིན་འདི་གར་རྒྱ་ནག་གི་སྲིད་འཛིན་ཧུའུ་ཅིན་ཐའོ་ཡུ་རོབ་ཁུལ་དུ་གཞུང་འབྲེལ་ཕྱོགས་སྐྱོད་བྱེད་ཀྱིན་ཡོད་པ་ལྟར། ཚེས་ ༣༠
ཉིན་གྱི་ཕྱི་དྲོ འི་ཆུ་ཚོད་ ༦ པ་ཙམ་ལ་ཨོ་སོ་ ཊི་རི་ཡ་དང་རྒྱ་ནག་གཉིས་ཀྱི་ཚོང་ལས་ཆེད་ཨོ་སོ་ ཊི་རི་ཡའི་རྒྱལ་ས་ (Wien)ལ་འབྱོར་ཡོད ་པ་དང་། ཉིན་དེའི་ཞོགས་པ་ནས་ཨོ་སོ་ཏྲི་རི་ཡའི་གསར་ཤོག་ནང་། དེ་རིང་ཁོ་པ་འདི་གར་འབྱོར་གྱི་ཡོད་པ་དང་བོད་པས་ངོ་རྒོལ་གྱི་ལས་འགུལ་སྤེལ་འཆར་ཡོད་ ཚུལ་སོགས་བཀོད་ཡོད་འདུག
གནས་ཚུལ་ནང་བཀོད་དོན། བོད་རིགས་མཐུན་ཚོགས་ཀྱིས་གོ་སྒྲིག་འོག ཕྱི་ཚེས་ ༣༠ ཉིན་གྱི་ཞོགས་པའི་ཆུ་ཚོད་ ༨ པའི་སྟེང་རྒྱལ་ས་ (Wien)ནང་ གི་ཧུའུ་ཅིན་ཐའོ་སྡོད་སའི་མགྲོན་ཁང་གི་མདུན་དུ་ས་གནས་ཀྱི་བོད་རིགས་རྣམས་ཀྱིས།
རྒྱ་ནག་གི་ལུགས་སྲོལ་ལྟར་མགོ་བོར་མྱ་ངན་གྱི་རས་དཀར་དཀྲིས་ཏེ་དགོང་དྲོ་ཆུ་ཚོད་ ༩ པ་བར། ཞི་རྒོལ་གྱིས་འབོད་ཚིག་དབྱིན་ ཡིག་དང་འཇར་མན་སྐད་ཡིག་ནང་སྐད་སེང་མཐོན་པོས་བསྒྲགས་པ་དང་། བདེན་ཚིག་སྨོན་ལམ་དང་ཞལ་འདོན། མི་དམངས་ལངས་གླུ་བཏང་བ་སོགས་ཀྱིས་ངོ་རྒོལ་གནང་ཡོད ་འདུག
ཕྱི་ཚེས་ ༣༡ ཉིན་ ཧུའུ་ཅིན་ཐའོ་ཨོ་སི་ཊྲི་རི་ཡའི་རྒྱལ་སའི་ནང་མཐོ་རིམ་དཔོན་རིགས་ཐུགས་འཕྲད་ཀྱིས་གཞུང་ལས་ཁང་སོ་སོར་བསྐྱོད་འཆར་ཡོད་པ་བཞིན། ཉིན་དའི་ཞོགས་པའི་ཆུ་ཚོད་ ༨ ནས་ཕྱི་དྲོའི་ཆུ་ཚོད་ ༧ བར་ས་གནས་བོད་རིགས་རྣམས་དང་། བོད་དོན་རྒྱབ་སྐྱོར་ཚོགས་པ ་བཅས་ཀྱིས་རྒྱལ་ས་ (Wien)ནའི་ཨོ་སོ་ ཊི་རི་ཡའི་གྲོས་ཚོགས་དང་ས་ཐག་ཧ་ཅང་ཉེ་བའི་ (Burgtheater)ཞེས་པའི་ཁང་བརྩེགས་ཀྱི་མདུན་དུ། ཡུ་གུར་རང་བཙན་རྩོད་ལེན་པ་དང་ཆོས་འཁོར་ སྒོམ་སྒྲུབ་ཀྱི་རང་དབང་རྩོད་ལེན་པ་ རྣམས་དང་མཉམ་དུ། རིགས་སོ་སོའི་དཀའ་སྡུག་ གནས་ཚུལ་དང་དགོས་འདུན་ཁག་འཇར་མན་སྐད་ཡིག་ཐོག་སྒྲོག་སྦྱང་བྱས་ ཡོད་པ་དང་། དེ་ཉིན་ཨོ་སི་ ཊི་རི་ཡའི་ལྗང་ཁུ་ཚོགས་པའི་སྐུ་ཚབ་འཐུས་མི་ཞིག་གིས་བོད་དོན་སྐོར་གཏམ་བཤད་ཀྱང་གནང་ཡོད ་འདུག
ཉིན་རྒྱབ་ནས་ཨ་རབ་ལུང་པའི་སུ་རི་ཡ་རྒྱལ་ཁབ་ཀྱི་མི་དམངས་རྣམས་ཀྱིས་སུ་རི་ཡའི་རྒྱལ་དར་འཆར་ཏེ་ཧུ འུ་ཅིན་ཐའོ་ལ་ངོ་རྒོལ་བྱེད་པར་ བསླེབས་ ཡོད་འདུག དེ་ནི་རྒྱ་ནག་དམར་ཤོག་ཚོགས་པས་ སེ་རི་ཡའི་མི་ མང་གི་རང་དབང་འགོག་ཆེད། སེ་རི་ཡའི་དྲག་པོའི་གཞུང་ལ་རྒྱབ་སྐྱོར་གྱིས་གོ་མཚོན་མཁོ་སྤྲོད་བྱ ས་རྐྱེན་ཡིན་འདུག
ཉིན་དེའི་ཕྱི་དྲོ ར་ ཧུའུ་ཅིན་ཐའོ་ཨོ་སོ་ཏྲི་རི་ཡའི་གྲོང་ཁྱེར་ (Salzburg)ལ་ འབྱོར་ཡོད་པ་དང་། དེ་གར་ཡང་བོད་རིགས་མཐུན་ཚོགས་ཀྱི་ཚོགས་གཙོ་ཆེད་ཕེབས་ཀྱིས ་ས་གནས་དང་གྲོང་ཁྱེར་གཞན་ནས་ཕེབས་པའི་བོད་རིགས ་དང་། འཇར་མན་ནས་ཆེད་དུ་ ཕེབས་པའི་བོད་རིགས་མཉམ་འདུས་ཀྱིས ་ཉིན་གུང་ཆུ་ཚོད་ ༢ པ་ནས་དགོང་དྲོ འི་ཆུ་ཚོད་ ༡༠ བར་ ཧུའུ་སྡོད་སའི་མགྲོན་ཁང་གི་ཕྱོགས་སུ་ ངོ་རྒོལ་སྐད་འབོད་ཤུགས་ཆེ ན་ བྱས་ཡོད་འདུག
དེ་རིང་ཉིན་ ཧུའུ་ཅིན་ཐའོ་གྲོང་ཁྱེར་ (Salzburg)ནང་ལས་འཆར་ཡོད་པ་ལྟར།
བོད་རིགས་རྣམས་ཀྱིས་མུ་མཐུད་ ཁོའི་རྗེས་འདེད་ཀྱིས་ཞོགས་པ་ཆུ་ཚོད་༨ ནས་དགོང་དྲོ་ཆུ་ཚོད་༡༠ པ་བར་ངོ་རྒོལ་ལས་འགུལ་ སྤེལ་བཞིན་ཡོད་པ་དང་། ཉིན་གཉིས་ཀྱི་ལས་འགུལ་རྣམས་ཨོ་སོ་ཏྲི་རི་ཡའི་རྒྱལ་ཡོངས་ཀྱི་གསར་ཤོག་ཁག་དང་། བརྙན་འཕྲིན་ལས་ཁང་འདྲ་མིན་ནང་ སྟོན་བཞིན་ཡོད་འདུག
བོད་ཀྱི་དུས་བབ་ལས།
རྒྱ་རིགས་ཤེས་ཡོན་ཅན་རྣམས་ཀྱིས་བོད་ནང་གི་ཛ་དྲག་གནས་སྟངས་ལ་སེམས་ཁུར་ཆེད་ཡིག་ཆ་འགྲེམས་སྤེལ་དང། ས་རྟགས་བསྡུ་ལེན་གྱི་ལས་འགུལ་སྤེལ་བ།
༄༅། །འདི་གར་ཨ་རི་སྐུ་ཚབ་དོན་གཅོད་ཁང་གི་རྒྱ་རིགས་འབྲེལ་མཐུད་པ་ཟུང་དྲུང་ཀུན་ དགའ་བཀྲིས་ལགས་ཀྱིས་ཕྱི་ལོ ༢༠༡༡ ཟླ་ ༡༠ ཚེས་ ༢༩ ཉིན་བཏང་གནས་ནང་འཁོད་དོན། འདི་ལོའི་ཕྱི་ཟླ་ ༣
པ་ནས་བཟུང་མདོ་སྨད་རྔ་པ་ཁུལ་དང་། ཁམས་རྟའུ་ཉ་མཚོ་དགོན། ཁམས་དཀར་མཛེས་དགོན་བཅས་ཀྱི་ལོ་ཆུང་དགེ་བཙུན་ཚོས་འུ་ཐུག་ཐབས་ཟད་ངང་རང་ལུས་
མེར་སྲེག་བཏང་ནས་རྒྱ་ནག་གཞུང་གིས་བོད་ཐོག་འཛིན་པའི་སྲིད་བྱུས་ལ་ངོ་རྒོལ་ བྱས་པའི་གནས་ཚུལ་བསྟུད་མར་ཐོན་པ་དེར། རྒྱལ་སྤྱིའི་སྤྱི་ཚོགས་ཀྱི་དོ་སྣང་ཆེ་རུ་འགྲོ་བཞིན་ཡོད་པ་ལྟར་རྒྱ་རིགས་ཚོས་
ཀྱང་དོ་སྣང་བྱས་ཏེ་བོད་མིར་རྒྱབ་སྐྱོར་གྱི་ཡིག་ཆ་འགྲེམས་སྤེལ་དང་། ས་རྟགས་བསྡུ་ལེན་གྱི་ལས་འགུལ་སྤེལ་བཞིན་འདུག
དེ་ཡང་ཨ་རིའི་གྲོང་ཁྱེར་ནིའུ་ཡོཀ་ཏུ་ཡོད་པའི་སྤྱི་ཚོགས་དམངས་གཙོ་ཚོགས་པ་ དང་། རྒྱ་ནག་དམངས་གཙོ་ཚོགས་པ། དེ་བཞིན་འཇར་མན་དུ་ཡོད་པའི་དམངས་གཙོའི་རྒྱ་ནག་འཐབ་ཕྱོགས།
ཡུ་རོབ་ཁུལ་དུ་ཡོད་པའི་སོག་པོ་དང་ཡུ་གུར་བོད་རྒྱ་ལྷན་ཚོགས་བཅས་དམངས་གཙོ་དང་ འགྲོ་བ་མིའི་ཐོབ་ཐང་རྩོད་ལེན་བྱེད་མཁན་རྒྱ་རིགས་ཀྱི་ཚོགས་པ་ཁག་ནས་ཟླ་བ་
འདིའི་ནང་བོད་མིར་རྒྱབ་སྐྱོར་དང་གདུང་སེམས་མཉམ་སྐྱེའི་ཡིག་ཆ་འགྲེམས་སྤེལ་ བྱས་ཡོད་པ་དང་བཅས་དམངས་གཙོ་དང་འགྲོ་བ་མིའི་ཐོབ་ཐང་རྩོད་ལེན་བྱེད་མཁན་རྒྱ་
རིགས་ཀྱི་ཚོགས་པ་ཁག་ནས་ཟླ་བ་འདིའི་ནང་བོད་མིར་རྒྱབ་སྐྱོར་དང་གདུང་སེམས་མཉམ་ སྐྱེའི་ཡིག་ཆ་འགྲེམས་སྤེལ་བྱས་ཡོད་པ་དང་། ཧ་ཝ་ཊི་གཙུག་ལག་སློབ་གྲྭ་ཆེན་མོའི་མཁས་དབང་ཡང་ཅན་ལི་དང་།
ཀྲའོ་ཙེ་ཡང་གི་སློབ་སྟོན་པ་ཟུར་པ་སྐུ་ཞབས་ཡལ་ཅ་ཆི་སོགས་རྒྱ་རིགས་ཤེས་ཡོན་ ཅན་ཁག་གཅིག་གིས་བོད་མིར་རྒྱབ་སྐྱོར་གྱི་ས་རྟགས་བསྡུ་ལེན་བྱེད་པའི་ལས་འགུལ་ ཞིག་སྤེལ་དང་སྤེལ་བཞིན་ཡོད།
རྒྱ་རིགས་ཤེས་ཡོན་ཅན་ཚོས་འགྲེམས་སྤེལ་བྱས་པའི་བོད་མིར་རྒྱབ་སྐྱོར་གྱི་ཡི་ གེ་དེ་ཚོའི་ནང་གནད་དོན་གང་ཞིག་བྲིས་ཡོད་པ་རྒྱ་ཆེའི་བོད་ཡིག་ཀློག་མཁན་གྱི་ མཁྱེན་རྟོགས་ཆེད་དོན་ཚན་ ༡༡
ནང་ཕྱོགས་བསྡུས་བོད་སྒྱུར་ཞུས་ཡོད།
༡༽ བོད་ནང་གི་ལོ་ཆུང་དགེ་བཙུན་ཚོས་སྲོག་གྲོན་བཏང་ནས་རྒྱ་དམར་དབང་འཛིན་པར་ངོ་ རྒོལ་བྱས་ཡོད། རྒྱ་ནག་དམར་པོའི་སྲིད་དབང་སྒེར་གཅོད་རུ་ཚོགས་ཀྱི་གདུག་རྩུབ་ཅན་གྱི་བྱ་ སྤྱོད་ལ་བོད་མི་ཙམ་མ་ཟད།
རྒྱ་རིགས་ཚོས་ཀྱང་སྐྱོན་བརྗོད་དང་ཁོང་ཁྲོ་བྱེད་ཀྱི་ཡོད།
༢༽ ཕྱི་ཟླ་ ༡༠ ཚེས་ ༡༩ ཉིན་༸གོང་ས་ཏཱ་ལའི་བླ་མ་མཆོག་གིས་ལོ་གཞོན་འདས་པོ་ཚོའི་ཆེད་དུ་མཆོད་འབུལ་ སྨོན་ལམ་གྱི་ཚོགས་མགོན་དུ་ཆིབས་སྒྱུར་པ་དང་།
ཟས་བཅད་སྨྱུང་གནས་སུ་ཞུགས་པའི་གནས་ཚུལ་འདིས་བོད་ས་ཡོངས་རྫོགས་ལ་གཡོ་འགུལ་ བཏང་ཡོད་ལ། རྒྱ་རིགས་ཡོངས་རྫོགས་ཀྱི་སེམས་ལ་ཡང་གཡོ་འགུལ་བཏང་ཡོད་ཅིང་།
༸གོང་ས་ཏཱ་ལའི་བླ་མ་མཆོག་གིས་ཟས་བཅད་སྨྱུང་གནས་ཀྱི་ལམ་ནས་གདུང་སེམས་མཉམ་ སྐྱེ་མཛད་པ་འདིས་འཛམ་གླིང་ལ་ཡང་གཡོ་འགུལ་བཏང་ཡོད།
༣༽ བོད་རིགས་སྤུན་ཟླས་ཁ་ནས་སྐྱོན་བརྗོད་དང་། རྔམ་སྟོན་ཁྲོམ་སྐོར། ཟས་བཅད་ངོ་རྒོལ་སོགས་ཀྱི་ལམ་ནས་ཞི་བའི་ལས་འགུལ་སྤེལ་རྒྱུ་མཚམས་ཆད་མེད་ན་ ཡང་།
དེ་དག་ཚང་མ་རྒྱ་ནག་དམར་པོའི་གཞུང་གིས་ཡ་ང་སྙིང་རྗེ་མེད་པའི་དྲག་གནོན་བྱས་ པར་བརྟེན། བོད་མི་ཚོས་རང་ལུས་མེར་སྲེག་བཏང་བའི་ལམ་ནས་ངོ་རྒོལ་མི་བྱེད་ཀ་མེད་བྱུང་ ཡོད།
དེའི་ཐོག་ནས་རྒྱ་ནག་དམར་པོའི་དབང་སྒྱུར་འོག་ཡོད་པའི་བོད་མི་རིགས་ཀྱི་འགྲོ་ བ་མིའི་ཐོབ་ཐང་དང་། ཆོས་དད་རང་དབང་ལ་གཏོར་བཤིག་ཆེན་པོ་ཕོག་ཡོད་པ་གསལ་པོ་མཚོན་གྱི་ཡོད།
༤༽ ང་ཚོས་རྒྱ་ནག་དམར་པོའི་བྱ་སྤྱོད་ལ་སྐྱོན་བརྗོད་དང་འབྲེལ་རང་ལུས་རང་གིས་ བསྲེགས་པའི་དོན་རྐྱེན་དེ་དག་གི་རྒྱབ་ལོག་གི་གནས་ཚུལ་ཞིབ་རྩད་དགོས་པའི་རེ་ འདུན་ནན་པོ་འདོན་རྒྱུ་དང་།
རྒྱ་དམར་གཞུང་གིས་བོད་མི་རིགས་ཀྱི་གཞི་རྩའི་འགྲོ་བ་མིའི་ཐོབ་ཐང་དང་། ཆོས་དད་རང་དབང་ལ་བརྩི་བཀུར་བྱེད་དགོས་པ་དང་། བོད་རྒྱ་མི་རིགས་གཉིས་ཞི་བདེ་མཉམ་གནས་ཐུབ་པའི་མི་རིགས་ཀྱི་སྲིད་བྱུས་མིང་
དོན་མཚུངས་པ་ཞིག་ལག་བསྟར་བྱེད་དགོས་པའི་རེ་འདུན་ཡང་འདོན་རྒྱུ་ཡིན།
༥༽ རྒྱ་ནག་དམར་པོའི་གཞུང་གིས་དགོན་སྡེ་གྲྭ་ཚང་ཁག་ལ་དམ་བསྒྲགས་དང་། ཆོས་བྱེད་དགེ་བཙུན་རྣམས་ལ་བསུན་གཙེར་བཟོས་སྟབས། བོད་མི་རིགས་ཀྱི་ཆོས་དང་རིག་གཞུང་ཉམས་ཉེས་འགྲོ་བའི་དཀའ་ངལ་ཡུན་རིང་འཕྲད་
ཡོད་པ་དང་། ཐ་ན་རིག་གཞུང་དང་ཆོས་ལུགས་དང་འབྲེལ་བའི་སྤྱིར་བཏང་གི་འཚོ་བ་སྐྱེལ་རྒྱུར་ཡང་ དཀའ་ངལ་འཕྲད་དེ་མི་རིགས་ཁྱོན་ཡོངས་འཇིགས་སྣང་གི་འོག་ཏུ་གནས་དགོས་ཆགས་ཡོད།
དགེ་བཙུན་ཚོས་རྒྱ་ནག་གཞུང་ལ་མི་འདོད་པའི་རྣམ་འགྱུར་ཕྲན་བུ་ཐོན་ཚེ་ཉེས་ཆད་ ཕོག་པ་དང་། དགོན་སྡེ་གྲྭ་ཚང་ཁག་དམག་དོན་གྱི་དམ་བསྒྲགས་ནང་ཚུད་ཡོད།
དེ་ལྟའི་ཐབས་སྡུག་གི་ཁོར་ཡུག་འོག་དགེ་བཙུན་རྣམས་འུ་ཐུག་ནས་རང་ལུས་རང་གིས་ བསྲེགས་པའི་ངོ་རྒོལ་གྱི་ལམ་དུ་མི་འགྲོ་ཐབས་མེད་བྱུང་ཡོད།
༦༽ རང་ལུས་རང་གིས་བསྲེགས་པའི་དོན་རྐྱེན་ལ་ང་ཚོས་དོ་སྣང་བྱེད་བཞིན་ཡོད། རྒྱ་ནག་དམར་པོའི་སྲིད་དབང་ནི་མིས་སྐྱོང་པའི་སྲིད་དབང་ཞིག་མིན་ཞིང་།
ཐ་ན་རང་དང་ཤ་ཁྲག་གཅིག་པའི་རྒྱ་རིགས་མི་དམངས་ལ་ཡང་བྱ་ཐབས་སྣ་ཚོགས་ཀྱི་ཐོག་ ནས་བསུན་གཙེར་དང་། ཡ་ང་སྙིང་རྗེ་མེད་པའི་སྡུག་སྦྱོང་གཏོང་གི་ཡོད།
དགེ་བཙུན་ནི་བོད་མི་རིགས་ཀྱི་རིག་གཞུང་སྲུང་མཁན་ཡིན་པས་ད་ལྟའི་དམིགས་བསལ་ གྱི་དུས་སྐབས་འདིར་དཀའ་སྡུག་ཁྱད་བསད་དང་འགན་ཁུར་གྱི་ཐོག་ནས་རྩ་ཆེའི་ལུས་
སྲོག་ལ་གཅེས་སྤྲས་གནང་རོགས་ཞེས་རེ་བ་ཆེན་པོ་བྱེད་ཀྱི་ཡོད།
༧༽ བོད་མི་རིགས་ཀྱི་རང་དབང་གི་ལས་འགུལ་དང་། རྒྱ་མི་རིགས་ཀྱི་དམངས་གཙོའི་ལས་འགུལ་གཉིས་ནི་འཐབ་ཕྱོགས་གཅིག་གྱུར་ཡིན། ཁྱེད་ཚོའི་སྡུག་བསྔལ་ནི་ང་ཚོའི་སྡུག་བསྔལ་ཡིན་ཞིང་།
ཁྱེད་ཚོའི་རེ་བ་ནི་ང་ཚོའི་རེ་བ་ཡིན། བོད་མིས་རང་ལུས་སྲེག་པའི་སྐྱོ་གནས་མུ་མཐུད་མི་ཡོང་བ་དང་། རྒྱ་ནག་དམར་གཞུང་གིས་མུ་མཐུད་སྡིག་པའི་ཉེས་པ་མི་གསོག་པའི་ཆེད།
ང་ཚོས་རྒྱ་ནག་དམར་པོའི་གཞུང་ལ་དྲག་རྩུབ་ཀྱི་བྱ་ཐབས་མཚམས་འཇོག་བྱས་ནས་བོད་ རིགས་སྤུན་ཟླ་དང་མཉམ་དུ་གྲོས་མོལ་འགོ་འཛུགས་བྱེད་དགོས། ཞེས་བརྗོད་རྒྱུ་ཡིན།
༨༽ ལོ་ཆུང་དགེ་བཙུན་གྱི་ཚེ་སྲོག་རེ་རེ་བཞིན་ཤོར་བའི་སྐྱོ་གནས་གཅིག་རྗེས་གཉིས་ མཐུད་དུ་ཐོན་ན་ཡང་། རྒྱ་དམར་དབང་འཛིན་པས་སྣང་ཆུང་དུ་བཏང་ནས་ལམ་ལུགས་དང་།
སྲིད་བྱུས་ཀྱི་ཐོག་ནས་དཀའ་ངལ་གྱི་འབྱུང་རྩ་མ་བཙལ་བའི་བྱེད་སྟངས་དེར་སྐྱོན་ བརྗོད་བྱ་རྒྱུ་ཡིན། རྒྱ་ནག་ཕྱི་སྲིད་ལས་ཁུངས་ཀྱི་མགྲིན་ཚབ་པས་རང་ལུས་མེར་སྲེག་བཏང་བའི་དོན་
རྐྱེན་ནི་ཏཱ་ལའི་བླ་མའི་རྗེས་འབྲངས་པས་བཟོས་པ་རེད་ཅེས་བཤད་ཡོད། བྱས་ན་རྒྱ་ནག་ནང་རང་ལུས་མེར་སྲེག་གཏོང་བའི་དོན་རྐྱེན་མང་པོ་ཡོང་གི་ཡོད་པ་ དེ་སུས་བཟོས་པ་རེད་དམ་ཞེས་འདྲི་རྒྱུ་ཡིན།
༩༽ ང་ཚོས་༸གོང་ས་ཏཱ་ལའི་བླ་མ་མཆོག་དང་། བོད་མི་དམངས་ཀྱི་ཞི་བའི་ལས་འགུལ་ལ་རྒྱབ་སྐྱོར་ཞུ་གི་ཡོད། ང་ཚོས་རྒྱ་ནག་དམར་པོའི་གཞུང་གིས་བོད་ཐོག་འཛིན་བཞིན་པའི་མཁྲེགས་བཟུང་ཅན་གྱི་
སྲིད་བྱུས་དེ་དོར་ནས་བོད་མིའི་འདོད་བློ་དང་མཐུན་ཞིང་། བོད་རྒྱ་མི་རིགས་གཉིས་ཀར་ཕན་པའི་སྲིད་བྱུས་ཤིག་གཏན་འབེབས་བྱེད་དགོས་པའི་རེ་ འདུན་འདོན་རྒྱུ་ཡིན།
༡༠༽ ཧ་ཝ་ཊེ་གཙུག་ལག་སློབ་གྲྭ་ཆེན་མོའི་སྐུ་ཞབས་ཡང་ཅན་ལི་ཡིས་སྣེ་འཁྲིད་འོག་རྒྱ་ རིགས་ཤེས་ཡོན་ཅན་ཚོས་བོད་མིར་རྒྱབ་སྐྱོར་གྱི་ས་རྟགས་བསྡུ་ལེན་བྱེད་བཞིན་ ཡོད་པ་ལྟར་དེ་རིང་བར་ས་རྟགས་འགོད་མཁན་མི་གྲངས་
༢༠༠ མིན་ཙམ་བྱུང་ཡོད་པ་དང་། ས་རྟགས་འགོད་མཁན་དེ་དག་གི་ཁོངས་སུ་ཤེས་ཡོན་ཅན་དང་། རྩོམ་པ་པོ། ཉམས་ཞིབ་པ། གསར་འགོད་པ།
སྤྱི་ཚོགས་ཞབས་ཞུ་བ་སོགས་ལས་རིགས་འདྲ་མིན་གྱི་མི་སྣ་ཡོད་པ་མ་ཟད། རྒྱ་ནག་སྐམ་ས་ཆེན་པོར་ཡོད་པའི་རྒྱ་རིགས་ཤེས་ཡོན་ཅན་ཁག་གཅིག་གིས་ཀྱང་ས་རྟགས་ བཀོད་འདུག
ས་རྟགས་བསྡུ་ལེན་གྱི་ལས་འགུལ་སྤེལ་མཁན་སྐུ་ཞབས་ཡང་ཅན་ལི་ཡིས་དོན་ཁང་ལ་ འགྲེལ་བརྗོད་གནང་བར་གཞིགས་ན། བོད་ནང་གི་ཛ་དྲག་གནས་སྟངས་ལ་དོ་སྣང་སྔར་ལས་ཆེ་བ་སླེབས་ཆེད་ས་རྟགས་བསྡུ་རུབ་
ཚར་བའི་རྗེས་ལ། རྒྱབ་སྐྱོར་གྱི་ཡི་གེ་འདི་དབྱིན་ཡིག་ཏུ་སྒྱུར་ནས་མཉམ་འབྲེལ་རྒྱལ་ཚོགས་དང་། ཡུ་རོབ་གྲོས་ཚོགས།
དམངས་གཙོའི་རྒྱལ་ཁབ་ཁག་གི་དབུ་ཁྲིད་རྣམས་ལ་འབུལ་རྒྱུ་ཡིན་ཞེས་གསུངས་འདུག ས་རྟགས་བསྡུ་ལེན་གྱི་རྒྱབ་སྐྱོར་ཡི་གེ་དེའི་ནང་དུ་ཡང་གོང་བཞིན་བོད་མིར་ རྒྱབ་སྐྱོར་གནང་ཡོད་པ་དང་།
བོད་མིར་སེམས་ཁུར་དང་། བོད་ལ་སེམས་ཁུར། རྒྱ་ནག་ལ་སེམས་ཁུར་བྱེད་མཁན་སྒེར་པ་དང་། ལས་ཁུངས། སྲིད་གཞུང་བཅས་ནས་བོད་ནང་གི་གནས་སྟངས་ལ་རྣམ་འགྱུར་གསལ་སྟོན་གྱིས་རྒྱ་ནག་ལ་
གནོན་ཤུགས་སྤྲད་ནས་བོད་མིའི་གནས་སྟངས་ཡག་ཏུ་འགྲོ་ཐབས་དང་། བོད་མིར་མི་རིགས་འདྲ་མཉམ་དང་། རང་དབང་དམངས་གཙོ་ལོངས་སྤྱོད་ཐུབ་རྒྱུར་རྒྱབ་སྐྱོར་བྱེད་དགོས། ཞེས་འབོད་སྐུལ་ཡང་ཞུས་འདུག་པ་བཅས།།
ཟླ་འདིའི་ཕྱི་ཚེས་ ༢༧ ཉིན་ཡུ་རོབ་གྲོས་ཚོགས་ ནང་བོད་དོན་སྐོར་ལ་གྲོས་ཆོད་ཅིག་བཞག་ཡོད་འདུག དེ་ནི་ཚེས་ ༢༧ ཉིན་ཡུ་རོབ་གྲོས་ཚོགས་ནང་བོད་དོན་གླེང་སློང་བྱུང་སྟེ།
འདས་པའི་ཟླ་ཤས་ནང་རྔ་པ་ཀིརྟི་དགོན་པ ་དང་ཁམས་རྟའུ་དང་། དཀར་མཛེས་དགོན་བཅས་ཀྱི་བོད་མི་སེར་སྐྱ་ ༡༠ ཙམ་གྱིས ་ “ ༧རྒྱལ་བ་རིན་པོ་ཆེན་བོད་ལ་གདན་ཞུ་དགོས། བོད་ལ་རང་དབང་དགོས་ ” ཞེས་པའི་འབོད་ཚིག་ འོག་རྒྱ་གཞུང་གི་སྲིད་བྱུས་ལ་ངོ་རྒོལ་བྱས་ཏེ་རང་ལུས་མེར་བསྲེགས་བཏང་ཡོད་ལ། དེ་དག་ཁྲོད་མི་ ༤ འདས་གྲོངས་དང་། མི་ ༥
གར་སོང་ཆ་མེད་དུ་གྱུར་ བ་སོགས་ནི་རྒྱ་གཞུང་གིས་བོད་ཐོག་འཛིན་པའི་སྲིད་བྱུས་ལ་གཡོན་ཐལ་ཆེ་བ་དང་།
བོད་ནང་གི་བོད་མི་ཚོར་རང་དབང་དང་འགྲོ་བ་མིའི་ཐོབ་ཐང་ཐོག་དཀའ་ངལ་ཆེན་པོ་ཡོད་པའི་ངོས་འཛིན་ཐོག་བཞག་པ་ཞིག་ཡིན་འདུག
གྲོས་ཆོད་དེ འི་ནང་དོན་ཚན་འགའ་བཀོད་ཡོད་པ་དག་ནི། དང་པོ། ད་ལོའི་ཕྱི་ཟླ་གསུམ་པ་ནས་རྔ་པ་གཙོས་བོད་ཀྱི་ས་ཁུལ་ཁག་ནང་།
བོད་མི་སེར་སྐྱ་ཁག་ཅིག་གིས་རང་ལུས་མེར་བསྲེགས་བཏང་བའི་དོན་རྐྱེན་དེར་ཡུ་རོབ་གྲོས་ཚོགས་ཀྱི་སེམས་འཚབ་ཆེན་པོ་བྱེད་ཀྱི་ཡོད། གཉིས།
རྒྱ་གཞུང་གིས་བོད་ཀྱི་དགོན་སྡེ་ཁག་ལ་དྲག་གནོན་སྲིད་བྱུས་ལག་བསྟར་བྱེད་བཞིན་པ་རྣམས་འཕྲལ་དུ་མཚམས་འཇོག་དགོས། གསུམ།
བོད་ཀྱི་ས་ཁུལ་ཁག་ཏུ་རྒྱལ་སྤྱིའི་གསར་འགོད་པ་དང་འགྲོ་བ་མིའི་ཐོབ་ཐང་རྟོག་ཞིབ་པ་ཁག་ཆེད་བསྐྱོད་དགོས་རྒྱུ། བཞི།
རྒྱ་གཞུང་གིས་ད་བར་བཙན་ཁྲིད་བྱས་ཏེ་གར་སོང་ཆ་མེད་དུ་གྱུར་བའི་དགེ་འདུན་པ་ཚོ་གར་ཡོད་གསལ་བཤད་དགོས་རྒྱུ། ལྔ།
རྒྱ་གཞུང་གིས་བོད་མིར་དྲག་གནོན་སྲིད་བྱུས་ལག་བསྟར་བྱེད་བཞིན་པ་རྒྱ་ནག་མི་མང་སྤྱི་མཐུན་རྒྱལ་ཁབ་ཀྱི་རྩ་ཁྲིམས་དང་ཡོངས་སུ་འགལ་ཡོད་སྟབས།
བོད་མིའི་འདོད་བློར་མི་འཚམ་པའི་སྲིད་བྱུས་ཁག་མྱུར་དུ་ཕྱིར་བསྡུ་བྱས་ཏེ་བོད་པར་མིང་དོན་མཚུངས་པའི་རང་སྐྱོང་སྤྲོད་དགོས་ཤིང་།
རང་སྐྱོང་ཚད་ལྡན་ཡོང་ཐབས་སུ་༧གོང་ས་ཏཱ་ལའི་བླ་མ་མཆོག་གི་སྐུ་ཚབ་དང་ལྷན་མུ་མཐུད་གྲོས་མོལ་བྱ་དགོས ། ཞེས་སོགས་ཡིན་འདུག
ཨེ་ཤ་རང་དབང་རླུང་འཕྲིན་ཁང་ལ་བོད་ནས་གནས་ཚུལ་འབྱོར་བ་ལྟར་ན། ཟླ་འདིའི་ཕྱི་ཚེས་ ༡༩ ཉིན་ཀན་སུའུ་མི་རིགས་དཔེ་བསྐྲུན་ཁང་དུ་ ཕྱག་ལས་གནང་བཞིན་པའི་བོད་ རིགས་ན་གཞོན་རྩོམ་པ་པོ་གཅོད་པ་ཀླུ་རྒྱལ་ལམ ་སྨྱུག་མིང་ལ་ ༼ མེ་ལྕེ ༽ཞུ་བ་ཁོང་ལན་ཀྲུའུ་གྲོང་ཁྱེར་དུ་ཡོད་པའི་རང་ཁྱིམ་ནས་ རྒྱ་ནག་བདེ་འཇགས་ཉེན་རྟོག་མི་སྣས་བཙན་འཁྲིད་བྱས་ཡོད་འདུག ཉེན་རྟོག་མི་སྣས་ཁོང་གི་ནང་མིར་འཛིན་བཟུང་བཀག་ཉར་བྱེད་དགོས་པའི་རྒྱུ་མཚན་ གང་ཡང་གསལ་བཤད་བྱས་མེད་པ་མ་ཟད། ད་ཆར་གར་ཡོད་ཅི་བྱུང་གི་གནས་ཚུལ་ ཡང་གསལ་ཁ་མེད་པ་ཆགས་ཡོད་འདུག
གཞོན་སྐྱེས་རྩོམ་པ་པོ་མེ་ལྕེ་ལགས་ནི། བོད་མདོ་སྨད་ཡ་རྫི་རྫོང་རྡོ་སྦིས་ཤང་རྒྱ་ཚང་སྡེ་བ་ནས་སྐྱེས་ཤིང་། ཆུང་དུས་ནས་སློབ་གྲྭ་རིམ་པ་འགྲིམས་ཏེ་ལྷོ་ནུབ་མི་རིགས་སློབ་གྲྭ་ཆེན་མོ་ནས་སློབ་མཐར་ཕྱིན་ཡོད་ལ། ཕྱིས་སུ་ནུབ་བྱང་མི་རིགས་སློབ་གྲྭ་ཆེན་མོ་ནས་ཞིབ་འཇུག་སློབ་མའི་སློབ་མཐར་ཕྱིན་རྗེས། མཚོ་སྔོན་བོད་ཡིག་གསར་འགྱུར་ཁང་དུ་ འཕྲལ་སེལ་གྱི་ཕྱག་ལས་གནང་ཡོད་ ཅིང་། ད་ལྟའི་ཆར་ཀན་སུའུ་མི་རིགས་དཔེ་བསྐྲུན་ཁང་དུ་ལས་ཀ་བྱེད་བཞིན་ཡོད་འདུག ལས་ཀའི་ཞོར་དུ་བརྩམས་ཆོས། ༼མི་གཞིའི་སྙིང་སྟོབས། ༽ དང་༼ཁུ་སིམ་ཁད་ཀྱི་དཀྲོགས།༽བཅས་བརྩམས་ཆོས་ཁག་ཅིག་དང་། བདག་དཔེ་ཚོགས་དང་རིག་གཞུང་གསར་བའི་དཔེ་ཚོགས་བཅས་ཀྱི་རྩོམ་སྒྲིག་འགན་འཁུར་བ། ༼དགེ་ཆོས་རྒྱང་མཇལ། ༽དང་༼རང་གྲོལ་ཞིབ་འཇུག༽ དེབ་ཕྲེང་གཉིས། ༼ཕྱིར་རྟོག༽ ནུབ་བྱང་མི་རིགས་སློབ་ཆེན་གྱི་༼ཤར་དུང་རི་དུས་དེབ། ༽ བཅས་ ཀྱི་ཐོག་མའི་རྩོམ་སྒྲིག་པ་བཅས་གནང་ཡོད་པ་མ་ཟད། ད་ལྟའི་བར་བོད་ནང་གི་དུས་དེབ་དང་དྲ་རྒྱ་སོགས་སུ་དཔྱད་རྩོམ་མང་པོ་སྤེལ་མྱོང་མཁན་ཞིག་ཡིན་འདུག
སྐུ་ཞབས་མེ་ལྕེ་ལགས། ཀྱེད་ཀྱིས་༢༠༠༨་ལོའི་བོད་མིའི་ཞི་བའི་ངོ་རྒོལ་ལམ་སྒེར་ལངས་ཆེན་མོར་ལས་འཕྲོས་པའི་གཏམ།
<<ས་འབར་རྡོ་འབར>>ཞེས་པ་ལེའུ་བདུན་གྱི་བདག་ཉིད་ཅན་དེ་བརྩམས་གྲུབ་ནས་ད་གཟོད<<ལྐོག་ཉན་རླུང་འཚུབ>>ཀྱི་གློག་བརྙན་གསོན་པོ་འདི་བྱུང་བ་མིན་ནམ།
གལ་ཏེ་ཁྱེད་ཀྱི་དེབ་དེའི་མ་ཡིག་འདིར་སྐྱབས་བཅོལ་ལ་ཕེབས་ཐུབ་ན་ཅི་མ་རུང།མི་ཚང་མ་དང་ལྷག་པར་རྩོམ་པ་པོ་དག་གི་རང་དབང་དང་ཐོབ་ཐང་ལ་གཉའ་གནོན་བྱེད་པ་འདིས།
དོན་ལ་མི་དམངས་དགྲ་རུ་སློང་བའི་སྐུལ་འདེད་ལས་ཅི་ཡང་མིན། དེས་ན་དེ་རིང་གི"ལྐོག་ཉན་རླུང་འཚུབ"དམར་གཞུང་ལགས། ཁྱེད་ཀྱིས་མུ་མཐུད་འདི་ལྟར་གནང་རོགས།
ང་ཚོའི་འཁོན་སེམས་སླར་གསོ་དང་ཆིག་སྒྲིལ་ཤུགས་ཆེར་གཏོང་རྒྱུ་སོགས་<མི་ཉིད་ཀྱི་རྒྱུ་འབྲས་བློ་མིག>འབྱེད་པར་ཕན་རླབས་ཧ་ཅང་ཆེ།
ཁོང་ལྟ་བུའི་རྩོམ་པ་པོ་རེ་རེ་ནི་མི་རིགས་ཀྱི་མགྲིན་ཚབ་པ་རེ་རེ་ཡིན་ལ། དྲང་བདེན་གྱི་སྙུག་ཐོགས་དཔའ་རྒོད་རེ་རེ་ཡིན།
ཁོང་ཚོ་ནི"འོད་ཟེར་གྱི་ལག་པས་མུན་ནག་གི་ངོ་གདོང"འབྲུ་མཁན་ཡིན་པས། "སང་ཉིན། སྐྱ་རེངས་ཀྱི་འཇིག་རྟེན་མུན་པའི་ཁྲོད་བཀྱགས་འོང"ངེས་ཡིན།
ཁྱེད་ཅག་གི་རྗེས་ན་གདུང་སེམས་མཉམ་སྐྱེད་དང་བདེན་པའི་རྒྱབ་ལངས་བྱེད་མཁན་གྱི་ཁྲི་འབུམ་ཡོད། བདེན་ལུགས་ཀྱིས་དགྲ་མགོ་གནོན་ཐག་ཆོད་ཡིན།
མེ་ལྕེ་རང་ཁྱིམ་དུ་གློད་འདུག (དགུ་རོང་སྤུན་གྲོལ།)
རྩོམ་པ་པོ: phakpalha ཚེས: 11/04/2011 - 07:18
སྐུ་ཞབས་མེ་ལྕེ་ལགས་ཟླ་སྔོན་མའི་ཚེས་༡༩ཉིན་ཁོང་གི་གཞུང་སྒྲུབ་ཁང་ནས་རྒྱ་གཞུང་བདེ་འཇགས་མི་སྣས་འཛིན་བཟུང་བཀག་ཉར་བྱས་ཏེ། དུས་དེ་རིང་གློད་གྲོལ་བཏང་ཡོད་འདུག
ན་གཞོན་བློ་འབྱེད་པར་འབོད་པའི་མེ་ལྕེ་ལགས་ཀྱིས་དུས་ཀྱི་གནས་བབ་དང་སྤྱི་དམངས་ཀྱི་ཉེ་སར་བཅར་ནས་ལྗགས་རྩོམ་མོད་པོ་གནང་ཡོད་ལ།
ལྗགས་རྩོམ་དེ་དག་གིས་བོད་ཀྱི་བསམ་བློའི་རིག་གནས་ཀྱི་ཞིང་སར་བརླན་པར་བྱས་ནས་རྟོགས་སད་ཀྱི་མྱུ་གུ་ལེགས་པོ་སྨིན་པའི་ཆ་ལ་ཉེར་ལེན་གྱི་ནུས་པ་ཆེན་པོ་བསྐྲུན་ཡོད།
བསམ་བློ་རིག་གནས་གླེང་མཁན་ཞིག་དང་། རྒྱུ་འབྲས་བློ་མིག་གིས་འཚོ་མཁན་ཞིག་ཡིན་ཚེ། བཙོན་དུ་ཚུད་པ་དང་དམོད་ཀྱིས་མནར་བ་ནི་རྒྱུན་ལྡན་ཞིག་ཡིན་པ་རེད།
དེ་ནི་ཁོང་གིས་སྔ་ནས་རྟོགས་ཏེ་ཚེར་མའི་ལམ་གྱི་ངོ་བོ་དང་རྣམ་པར་ངེས་ཤེས་ཟབ་མོ་རྙེད་ཡོད་འདུག
སྤྱི་དམངས་ཀྱི་ཐོབ་ཐང་འཚོལ་ཞིབ་བྱེད་པའི་མཁས་པ་རྣམས་ཀྱིས་འདས་པའི་ལོ་རྒྱུས་ལ་ཁ་རྡུང་དྲག་པོ་བཏང་ཞིང་། བཙན་དབང་བཀོལ་བའི་སྲིད་ཚོགས་ལ་གདོང་གཏད་དེ་རྒྱུ་འབྲས་བློ་མིག་གིས་འཚོ་བས་ན།
ཁོང་ཅག་གི་ལམ་ནི་ཆེས་རྙོག་འཛིང་ལྡན་པ་དང་རང་ཉིད་ཀྱི་ལུས་སེམས་ལ་རྨ་ཁ་ཡང་ནས་ཡང་དུ་གཏོད་ཀྱིན་ཡོད་པ་ནི་སྔར་འཛམ་གླིང་ཤར་ནུབ་གང་དུ་ཡང་ཡོད་པར་གྱུར།
ད་ལྟར་ཤར་གླིང་གཙོས་པའི་བོད་གངས་ཅན་པའི་ཡུལ་དུ་ཡང་ཤེས་ཡོན་པའི་སྒལ་ཚིགས་གཅོག་པའི་ཉེར་བསྡོགས་རྩོམ་གྱིན་ཡོད་པས་ན།
འབྱུང་འགྱུར་རྒྱུ་འབྲས་བློ་མིག་གིས་འཚོ་བའི་བོད་ཀྱི་ན་གཞོན་པའི་སྡེ་འདི་ཡང་ག་འདྲ་ཞིག་ཏུ་འགྱུར་མིན་དེ་ཚོད་དཔག་བྱེད་དཀའ་བའི་གནས་སུ་གྱར་ཡོད་པས།
སྐུ་ཞབས་མེ་ལྕེ་དང་མེ་ལྕེ་འདྲ་བའི་རིགས་རྣམས་རྒྱུ་མི་རྟག་རྩྭ་མགོ་སིལ་བ་ལྟ་བུའི་རྗེས་སུ་འགྲོ་ཉེན་ཆེ། ཡིན་ནའང་། ལོ་རྒྱུས་ཀྱིས་ཁོང་ཅག་བརྗེད་མི་སྲིད་ལ།
དེ་རིང་གིས་ཁོང་ཅག་ག་ལ་འབོར།
དུས་ད་ལྟར་ངེད་ཀྱིས་གྲོགས་མེ་ལྕེ་རང་ཁྱིམ་དུ་ལོག་པར་དགའ་བའི་རྣམ་འགྱུར་དོད་དུ་སྐད་ཆ་འགའ་ཞིག་ཚིག་ཏུ་བསྡེབས་པ་ཙམ་ཡིན་ལགས།
ཁམས་དཀར་མཛེས་དགོན་པའི་ནང་བོད་ཟླ་ ༨ ཚེས་ ༢༨ དང་ ༢༩ ཉིན་གཉིས་རིང་རྒྱལ་ཆེན་སྐུ་ལྔའི་དུས་གཏོར་ཚོགས་སྲོལ་ཡོད་པ་བཞིན། ད་ལོར་འཚོགས་སྐབས་ཀྱང་བོད་ཚེས་ ༢༩ ༼སྤྱི་ཟླ༡༠ཚེས་༢༥༽ ཉིན་འཆམ་རའི་ནང་གཟིགས་མོ་བ་ཕོན་ཆེན་འདུ་འཛོམས་བྱུང་ཡོད་པ་དང་། སྐབས་དེར་གྲྭ་མང་གིས་བསང་གསོལ་བྱེད་བཞིན་ཡོད་པའི་སྐབས། གྲྭ་ཟླ་བ་ཚེ་རིང་ལགས་ཀྱིས་ཀྱང་། ཐོག་མར་དཀར་མཛེས་དགོན་གྱི་ཤར་ཕྱོགས་སུ་ཡོད་པའི་བསང་གཏོང་སར་བསང་གསོལ་བཏང་ཤིང་། དེ་ནས་ཁོང་གི་ལུས་ལ་མེ་སྦར་ཏེ་༧རྒྱལ་བ་རིན་པ་ཆེ་སྐུ་ཚེ་ཁྲི་ལོར་བརྟན་པར་ཤོག་ཅེས་སྐད་འབོད་བྱས་ཡོད་ལ། མཚམས་དེར་མི་མང་གིས་མཐོང་སྟེ་སྐད་ཅོར་འདྲ་མིན་བརྒྱབ་པར་བརྟེན། ཁོང་གིས་སྐད་འབོད་ཐེངས་མང་བརྒྱབ་ཀྱང་འབོད་ཚིག་གི་ནང་དོན་གསལ་བོ་ཐོས་མི་འདུག
ས་གནས་དེར་རྒྱ་གར་དུ་ཕེབས་མྱོང་མཁན་ཞིག་གིས་ཁོང་གི་སྐད་འབོད་ཀྱི་ནང་དོན་ཐད་ལ། “ སྐད་རྒྱག་སྟངས་དེ་རྒྱ་གར་གནས་སྡོད་བོད་མི་ཚོས་སྐད་འབོད་བྱེད་སྟངས་དང་གཅིག་པ་རེད་ ” ཅེས་བརྗོད་སོང་། དེར་འཛོམས་པའི་དགེ་འདུན་པ་དང་མི་སྐྱ་ཚང་མས་མཉམ་རུབ་ཀྱིས་སྐད་འབོད་བྱེད་བཞིན་མེ་གསོད་ཐུབ་ཙམ་བྱུང་རྗེས། དེར་ཡོད་གྲྭ་མང་དང་མི་མང་ ཚོས་རླངས་འཁོར་ནང་བཞག་སྟེ་དཀར་མཛེས་རྫོང་མི་མང་སྨན་ཁང་དུ་ཁྲིད་ དེ། ཆུ་ཚོད་ ༢ རིང་བཞག་ཡོད་འདུག་ལ། སྐབས་དེར ་ཁོང་གིས་
“ ངས་ལུས་ལ་མེ་སྦར་བ་འདི་བོད་རྒྱལ་ཁབ་དང་མི་རིགས་ཀྱི་ཆེད་དུ་ཡིན། ང་ལ་སྨན་སྤྲད་པ་དང་ཁབ་བརྒྱབ་པ་སོགས་བྱ་མི་དགོས
” ཞེས་ལབ་ཡོད་འདུག
སྨན་ཁང་དུ་བསྡད་པའི་རིང་ཉེན་རྟོག་པ་དང་དམག་མིས་མཐའ་བསྐོར་ཏེ་ནང་མི་སྤུན་མཆེད་ལ་ཐུག་འཕྲད་བྱེད་བཅུག་མེད་པ་དང་། སྨན་ཁང་དུ་ཉེན་རྟོག་པས་མེར་བསྲེགས་པའི་ཟླ་བ་ཚེ་རིང་ལགས་ཀྱིས་ལུས་པོར་ དཔར་བརྒྱབ་ཡོད་ འདུག ཉེན་རྟོག་པ་ཚོས་ཟླ་བ་ཚེ་རིང་རྒྱ་ནག་ཏུ་སྨན་བཅོས་ལ་འཁྲིད་རྒྱུ་ཡིན་ ཚུལ་བཤད་ཡོད་ཀྱང་། དགེ་འདུན་པ་དང་མི་མང་ཚོས་དཀར་མཛེས་དགོན་དུ་གདན་འདྲེན་ཞུ་ཐབས་ལ་འབད་བརྩོན་ཤུགས་ཆེན་བྱས་ ཏེ། ཉེན་རྟོག་པ་དང་དམག་མིས་མི་མང་བར་འཁྲུག་འཛིང་ཡོང་བར་དོགས་ཏེ། མཐར་ཟླ་བ་ཚེ་རིང་ལགས་དཀར་མཛེས་དགོན་པ་རང་གདན་ཞུ་བྱེད་དུ་བཅུག་འདུག
དེ་ལྟར་བྱེད་དགོས་དོན་རྒྱ་ནག་ཉེན་རྟོག་པས་ཁོང་འཛིན་བཟུང་གིས་ཉེས་རྡུང་ཚོད་མེད་གཏོང་སྲིད་པར་བརྟེན། རྒྱ་ནག་གཞུང་གི་ལྟ་རྟོག་འོག་འཇོག་བློས་མ་བཟོད་པར་དཀར་མཛེས་དགོན་དུ་གདན་ཞུ་ཞུས་པ་ཞིག་ཡིན་འདུག ཟླ་བ་ཚེ་རིང་ལགས་ཀྱི་ནང་མིས་ཁོང་ ཁྱིམ་དུ་གདན་ཞུ་དགོས་པའི་རེ་བ་ཞུས་ཀྱང་། དགེ་འདུན་པ་དང་མི་མང་ཚོས་ དགོན་རང་ ནང་དུ་གདན་འདྲེན་ཞུས་ཏེ ་དགོང་མོ འི་ཆུ་ཚོད་ ༨།༣༠ ཙམ་ནས་གསོལ་འདེབས་སྨོན་ལམ་ ཚོགས་ཡོད་འདུག
དཔའ་བོའི་མཆོད་མེ་རེ་རེ། སྡུག་བསྔལ་གྱི་རང་མདངས་ཡིན། བདེན་དོན་གྱི་བརྡར་ཤ་ཡིན། ཆིག་སྒྲིལ་གྱི་ཟིལ་ཤུགས་ཡིན། མདུན་སྐྱོད་ཀྱི་སྤོབས་པ་ཡིན། འོད་ཟེར་གྱི་གཞུང་ལམ་ཡིན།
ཡིན་ན་ཡང། ད་ནི་གཅེས་སྲོག་གི་མནར་གཅོད་དེ་མཚམས་བཞག་ནས། ཞི་རྒོལ་གྱི་ཐབས་ཚུལ་གསར་བ་རེ་འཐེན་རོགས། ཁྱེད་ཅག་ནི་བདེན་པའི་སྟོབས་ཀྱིས་འབར་བས། བདེན་པ་ཉིད་རྣམ་པར་རྒྱལ་བར་འགྱུར།
ཉིན་འདི་འགར་༧གོང་ས་མཆོག་གིས་ བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ་ལྷོ་ཀོ་རི་ཡ་གཙོས་པའི་འཛམ་གླིང་རྒྱལ་ཁབ་ ༥༩ ཙམ་གྱིས་དད་ལྡན་པ་ ༤༣༣༦ ཙམ་ལ་རྗེ་ཙོང་ཁ་པ ས་མཛད་པའི་ལམ་རིམ་ཞི་ལྷག ་གི་སྐོར་བཀའ་ཁྲིད་གནང་བཞིན་ཡོད །
ཀོ་རི་ཡའི་ནང་པའི་དད་ལྡན་པ ་ཆོས་ཞུ་བ་སྐོར་ཞིག་གིས་ཇི་ལྟར་གསོལ་འདེབས་ཞུས་དོན་ལྟར། ཟླ་འདིའི་ཕྱི་ཚེས་ ༢༣ ཉིན་༧གོང་ས་མཆོག་གིས་བཞུགས་སྒར་ངྷ་ས་ཐེག་ཆེན་ཆོས་གླིང་གཙུག་ལག་ཁང་དུ། ལྷོ་ཀོ་རི་ཡའི་ནང་པའི་ཆོས་ཞུ་བ་༣༥༠ གཙོས་པའི་འཛམ་གླིང་རྒྱལ་ཁབ་ཁག་ ༥༩ ཙམ་གྱིས་ཆོས་ཞུ་བ་ ༡༠༨༢ དང་། དེ་བཞིན། ངྷ་ས་ཁུལ་གྱི་བོད་སེར་སྐྱ་བཅས་ཁྱོན་མི་ ༤༣༣༦ བརྒལ་བར། དུས་ཡུན་ཉིན་གསུམ་རིང་རྗེ་ཙོང་ཁ་པ་ཆེན་པོས་མཛད་པའི་༼བྱང་ཆུབ་ལམ་རིམ་ཆེན་མོའི་༽ཞི་གནས་དང་ལྷག་མཐོང་སྐོར་བཀའ་ཁྲིད་གནང་མགོ་བཙུགས་ཡོད་ཅིང་།
གསུང་ཆོས་དབུ་འཛུགས་མ་གནང་གོང་༧གོང་ས་མཆོག་གིས་མང་ཚོགས་ལ་ནང་ཆོས་ངོ་སྤྲོད་གནང་ཡོད།
སྐབས་དེར་༧གོང་ས་མཆོག་གིས་ ཆོས་བྱེད་མཁན་ཚོས་ཆོས་རྣམ་དག་ཅིག་བྱ་དགོས་པ་དང་།
འདས་པའི་ལོ་རྒྱུས་དང་ད་ལྟ་བཅས་སུ་ཆོས་ལུགས་མི་འདྲ་བ་རྒྱུ་མཚན་དུ་བྱས་ཏེ། འཁྲུག་པ་རྒྱག་པ་དང་སྤྱི་ཚོགས་ལ་རྙོག་དྲ་བཟོ་མཁན་སོགས་ཡོང་གི་ཡོད་པས། དེ་དག་གིས་ཆོས་ཀྱི་ནང་དུ་བཤད་པའི་བསླབ་བྱ་ཉམས་ལེན་མ་བྱས་པར།
ཆོས་ལུགས་ལ་ཞེན་ཁོག་བྱེད་ཀྱི་ཡོད་ཅིང་། སྤྱིར་ཡེ་ཤུ་གཙོས་པའི་ཆོས་ལུགས་ཚང་མའི་ནང་ཞེན་ཆགས་ཞེ་སྡང་སྤང་དགོས་པ་དང་། གཞན་ལ་བཟོད་པ་སྒོམ་དགོས་པའི་བསླབ་བྱ་གནང་ཡོད་ཅིང་། ཁོང་ལ་ཁ་ཆེ་ཆོས་པ་ཞིག་གིས་ “ང་ཚོ་འཇིག་རྟེན་བཀོད་པ་པོ་ཨཱ་ལཱ་ཡིས་བཀོད་པ་ཡིན་སྟབས། སེམས་ཅན་ཐམས་ཅན་ལ་བརྩེ་བ་བྱ་དགོས་པ་རེད” ཅེས་བརྗོད་ཡོད་སྐོར་བཀའ་གནང་སྟེ།
ཆོས་ལུགས་ཁག་ཏུ་གསུངས་པའི་བསླབ་བྱ་རྣམས་དངོས་གནས་ལག་བསྟར་བྱ་རྒྱུ་ཡིན་ན། གཞན་ལ་བྱམས་བརྩེ་བྱ་དགོས་པ་དང་། འགལ་ཟླར་བཟོད་པ་སྒོམ་དགོས་པ། འདོད་རྔམ་གྱིས་གཞན་དབང་དུ་མ་སོང་བར་ཆོག་ཤེས་བསྟེན་དགོས་པ།
མངོན་ལྐོག་རྒྱབ་མདུན་མེད་པར་དྲང་པོ་བྱ་དགོས་པ་དེ་རེད། འོན་ཀྱང་རེ་ཟུང་གིས་ཆོས་ལུགས་བེད་སྤྱད་དེ་རྙོག་དྲ་བཟོ་བཞིན་ཡོད་པ་རེད་ཅེས་གསུངས་སོང་།
ཁོང་གིས་མུ་མཐུད་དུ་ནང་པ་ཚོའི་ཁྲོད་བཅོམ་ལྡན་འདས་ཀྱི་བསླབ་བྱས་སོ་སོའི་སེམས་འདུལ་རྒྱུའི་ཚབ་ཏུ་ཆགས་སྡང་གི་ལག་ཆར་སྤྱོད་མཁན་ཡོང་གི་ཡོད་པ་དང་།
ཆོས་བྱེད་དང་མི་བྱེད་སོ་སོའི་རང་དབང་ཡིན་ཡང་། གལ་སྲིད་ཆོས་བྱ་རྒྱུ་ཡིན་ན། ཆོས་ནས་གསུངས་པའི་བསླབ་བྱ་ཁག་ཉི་མ་རེ་རེ་བཞིན་ལག་ལེན་བསྟར་དགོས་པ་དང་། ལྐོག་ཟ་རུལ་སུངས་བྱེད་མཁན་ ཞིག་གིས་དཀོན་མཆོག་ལ་སྨོན་ལམ་བརྒྱབ་ན་ཧ་ལམ་དཀོན་མཆོག་ལ་ངས་ཁྱེད་ཀྱི་དགོངས་པ་དང་འགལ་བའི་ལས་ཀ་བྱེད་ཀྱིོ་ཡོད།
དེ་ལམ་འགྲོ་ཡོང་བར་སྐྱབས་འཇུག་གནང་རོགས་ཟེར་བའི་བཟོ་འདྲ་བོ་ ཆགས་ཀྱི་ཡོད་པ། གང་བྱུང་མང་བྱུང་གིས་དངུལ་བསགས་ཏེ་ལྐོག་ཟ་བྱེད་པ་དཀོན་མཆོག་གི་བཀའ་དང་འགལ་ གྱི་ཡོད་པས་དེ་ལ་ཆོས་མེད་ལབ་ན་ཡག་ཤོས་ ཡིན་ཞིང་། ཆོས་ལ་ངོ་རྒོལ་བྱེད་མཁན་ཚོས་ལྐོག་ཟ་རུལ་སུངས་བྱས་ན་དེ་ནི་མིང་དོན་མཚུངས་ པ་ཞིག་ཡིན་ཞིང་། ཆོས་པ་ཚོས་མ་རབས་བྱ་རྒྱུར་ཡ་ང་འཚར་སྣང་མེད་ན། སོ་སོ་ཙམ་ཏུ་མ་ཟད་ཆོས་དེ་ལའང་མཚན་ཤས་སུ་འགྲོ་ བཞིན་ཡོད་ ཚུལ་སོགས་བཀའ་གནང་བྱུང་།
༧གོང་ས་མཆོག་གིས་ཡ་རབས་བཟང་སྤྱོད་ནི་ཆོས་ལུགས་དང་མ་འདྲེས་བར་སྤེལ་སྐོར་གསུངས་དོན། “ སྤྱོད་པ་ཡག་པོ་བྱ་རྒྱུ་གལ་ཆེན་པོ་ཆགས་ཡོད། སྤྱོད་པ་ཡག་པོ་ཆགས་དགོས་ན་ཆོས་དད་ལ་བརྟེན་དགོས་ཟེར་ན། དེར་བསམ་བློ་གཏོང་དགོས་པ་ཞིག་ཆགས་ཡོད།
ཆོས་པ་ཁག་ཅིག་གིས་ཡ་རབས་སྤྱོད་བཟང་ངེས་པར་དུ་ཆོས་དད་ཅིག་ལ་བརྟེན་དགོས་སྐོར་གསུང་གི་འདུག དེ་ལྟར་གསུང་པ་ཡིན་ན་རྒྱ་ཆུང་ཆུང་ཆགས་པ་རེད། འཛམ་གླིང་འདིར་ཆོས་བརྒྱུད་ཆེན་པོ་གང་འདྲ་ཞིག་ཡིན་རུང་།
འཛམ་གླིང་ཀུན་ལ་ཁྱབ་པ་ཞིག་ཡོང་གི་མ་རེད། ཡ་རབས་ཀྱི་སྤྱོད་པ་འཛམ་གླིང་ཡོངས་ལ་ཁྱབ་ཐུབ་ པ་ཞིག་དགོས་པ་རེད། འཛམ་གླིང་ཡོངས་ ལ་ཁྱབ་རྒྱུའི་བསླབ་བྱ་དེ་ཆོས་དད་ཅིག་གི་ཐོག་བཞག་ན། ཆོས་དད་དེ་འཛམ་གླིང་ཀུན་ལ་ཁྱབ་ཐུབ་པ་ཞིག་ཡོང་གི་མ་རེད། ཡ་རབས་སྤྱོད་བཟང་འཛམ་གླིང་ལ་དགོས་པ་རེད། དེ་དགོས་པར་ཆོས་དད་ལ་བརྟེན་ན་ཁག་པོ་ཆགས་ཀྱི་རེད།
དེ་ཡིན་དུས། ཡ་རབས་བཟང་སྤྱོད་ཟེར་བ་འདི། ཕྱོགས་གཅིག་ནས་ཆོས་དད་དང་འབྲེལ་ནས་སྤེོལ་དགོས་པ་རེད། སངས་རྒྱས་པའི་ཆོས་ལ་ཆ་བཞག་ན། ཆོས་དད་དང་འབྲེལ་བའི་ཐོག་ལས་བཟང་པོ་བསགས་དགོས་པ་རེད་ཟེར་བའི་སྐབས་ལ།
ཚེ་འདི་ཙམ་དུ་མ་ཟད། སྐྱེ་བ་ཕྱི་མ་མངོན་མཐོ་དང་ངེས་ལེགས་བསྒྲུབ་རྒྱུའི་དམིགས་ཡུལ་ཞིག་བཟུང་སྟེ། བླང་དོར་བྱ་རྒྱུ་ཞིག་ཡོང་གི་ཡོད་པ་རེད།
སངས་རྒྱས་པའི་ཆོས་ཀྱི་མངོན་འདོད་བདེ་སྐྱིད་དེ་བསྒྲུབ་བྱར་འཇོག་གི་ཡོད་ལ། བསྒྲུབ་བྱ་དེ་མངོན་འདོད་ལ་འཇོག་པའི་སྐབས་ སུ། ཕྱི་མའི་མངོན་འདོད་ཙམ་མ་ཡིན་པར། ད་ལྟ་མངོན་འདོད་ཡོད་བཞིན་པ་དེའང་བདེ་སྐྱིད་བསྒྲུབ་དགོས་པ་ཞིག་ཆགས་ཡོད། ང་ཚོས་སྐྱེ་བ་ཕྱི་མ་དང་ཐར་པ་ཐམས་ཅད་མཁྱེན་པའི་སྐད་ཆ་ཕར་ བཞག་སྟེ། ཚེ་འདི་ལ་སེམས་སྐྱིད་པ་དང་བག་ཕེབས་པ་ཞིག་དང་། དེ་ནས་ཁྱིམ་ཚང་གཅིག་ནས་བཅུ།
བཅུ་ནས་བརྒྱ། བརྒྱ་ནས་སྟོང་། དེ་ནས་ཁྲི་ཕྲག་བར་གྱི་ཁྱིམ་ཚང་བདེ་ཞིང་སྐྱིད་པ་དང་། བག་ཕེབས་པ་ཡོང་བ་བསྒྲུབ་དགོས་པ་ཆགས་ཡོད། ཆོས་ཕྱོགས་ནས་གསུང ས་བའི་དམིགས་ཡུལ་རྒྱ་ཆེན་པོ་བཞག་སྟེ། ངོས་ནས་ནམ་རྒྱུན་ཆོས་དད་དང་མ་འདྲེས་བའི་ཐོག་ནས་མང་ཚོགས་ནང་བཟང་སྤྱོད་ཡར་རྒྱས་གཏོང་རྒྱུར་འབད་བརྩོན་ཞུ་བཞིན་ཡོད། ” ཅེས་གསུངས་བྱུང་།
༧གོང་ས་མཆོག་གིས་ལོ་རེའི་ཕྱི་ཟླ་ ༡༠
པའི་ནང་ལྷོ་ཀོ་རི་ཡ་ནས་ཕེབས་པའི་དད་ལྡན་ཆོས་ཞུ་པ་ཚོར་ཆོས་འབྲེལ་གནང་བཞིན་ཡོད།
རྒྱལ་སྤྱིའི་ཉེ་ཡང་ཚོགས་པས་རྒྱ་གཞུང་ལ་འབོད་སྐུལ་ཞུས་ཏེ། བོད་ནང་གི་དམ་དྲག་མཚམས་འཇོག་དགོས་པ་དང་། མུ་མཐུད་དྲག་གནོན་བྱས་ཚེ་གནས་ཚུལ་སྔར་ལས་ཛ་དྲག་ཆགས་ཉེན་ཡོད་སྐོར་བཀོད་འདུག
འདས་པའི་ཟླ་ཁ་ཤས་ནང་བོད་མདོ་སྨད་རྔ་པ་གཙོས་པའི་བོད་ཀྱི་ས་ཁུལ་ཁག་ཏུ།
བོད་མི་ན་གཞོན་སེར་སྐྱ་ཕོ་མོ་དགུ་ཙམ་གྱིས་རྒྱ་གཞུང་གི་སྲིད་བྱུས་ལ་མི་འདོད་པའི་རྣམ་འགྱུར་ཤུགས་ཆེན་བསྟན་ཏེ་རང་ལུས་མེར་བསྲེགས་ཀྱིས་ངོ་རྒོལ་བྱས་ཡོད་སྟབས། ཟླ་འདིའི་ཕྱི་ཚེས་ ༡༨
ཉིན་ཨ་རིའི་རྒྱལ་ས་ཝ་ཤིང་ཊོན་དུ་རྟེན་གཞི་བྱས་པའི་རྒྱལ་སྤྱིའི་ཉེས་ཡང་ཚོགས་པའི་ངོས་ནས་ད་ལྟའི་བོད་ནང་གི་གནས་སྟངས་དེར་དམིགས་ཏེ་རྒྱ་གཞུང་ལ་ཛ་དྲག་གི་འབོད་སྐུལ་ཞུས་ཡོད་འདུག
འབོད་སྐུལ་ཞུ་ཡིག་དེར་བཀོད་དོན “ ད་ལོའི་ཕྱི་ཟླ་གསུམ་པ་ནས་བོད་ཨ་མདོ་རྔ་པ་གཙོས་པའི་བོད་ཀྱི་ས་ཁུལ་ཁག་ཅིག་ཏུ། བོད་མི་སྐྱ་སེར་མི་གྲངས་ ༩ ཙམ་གྱིས་རྒྱ་གཞུང་གི་སྲིད་བྱུས་ལ་ངོ་རྒོལ་མཚོན་ཆེད་རང་ལུས་མེར་བསྲེགས་བཏང་ཡོད་པ་དང་། དེ་དག་ཁྲོད་མི་ ༤
འདས་གྲོངས་དང་མི་ ༥ གར་སོང་ཆ་མེད་དུ་གྱུར་ཡོད།
བཙུན་མ་བསྟན་འཛིན་དབང་མོ་ལགས་ནི་ཉེ་བའི་ཟླ་ཤས་ནང་རང་ལུས་མེར་བསྲེགས་གཏོང་མཁན་གྲས་ཀྱི་བོད་མི་དགུ་པ་དེ་ཆགས་ཡོད་ལ།
དོན་རྐྱེན་དེ་ནི་རྒྱ་གཞུང་གིས་བོད་མིའི་ཆོས་དང་རིག་གཞུང་ཐོག་དམ་བསྒྲགས་ནན་མོ་བྱས་པ་དེར་བོད་མི་ཚོས་འུ་ཐུག་ཐབས་ཟད་ཀྱིས་ངོ་རྒོལ་བྱས་པ་གསལ་བསྟོན་བྱས་པ་རེད།
རྒྱ་གཞུང་གིས་བོད་མིའི་ཆོས་དང་རིག་གཞུང་སྲུང་སྐྱོབ་བྱ་རྒྱུའི་མངོན་འདོད་ལ་བརྩི་བཀུར་དགོས་རྒྱུ་ལས།
ད་དུང་མུ་མཐུད་བོད་མིར་དྲག་གནོན་བྱས་པ་ཡིན་ན་བོད་མི་ཚོ་རྒྱ་གཞུང་ལ་ཁོང་ཁྲོ་དང་སྡང་ཟུག་ཆེ་རུ་འགྲོ་རྒྱུ་ཡིན་ཞིང་། ལྷག་པར་དུ། ཀིརྟི་དགོན་པ་གཙོས་པའི་བོད་ཀྱི་ས་ཁུལ་ཁག་གི་གནས་སྟངས་ཧ་ཅང་ཛ་དྲག་ཆགས་ཡོད་ནའང་།
རྒྱ་གཞུང་གིས་ས་ཁུལ་དེ་དག་ནང་དམག་མི་འབོར་ཆེན་འགྲེམས་འཇོག་བྱས་པ་དེས། མ་འོངས་པའི་བོད་ནང་གི་གནས་སྟངས་སྔར་ལས་ཛ་དྲག་ཆགས་སྲིད་པས།
ད་བར་ཞི་བའི་ལས་འགུལ་ནང་ཞུགས་མཁན་བོད་མི་ཚོ་གང་མགྱོགས་ཀློད་གྲོལ་གཏོང་དགོས་ཞེས ”འཁོད་ཡོད་འདུག
ཟླ་འདིའི་ཕྱི་ཚེས་ ༡༨ ནས་ ༢༡ བར་རྒྱལ་ས་ལྡི་ལིར་བཀའ་སྤྱི་ཐུན་མོང་གི་སྣེ་ཁྲིད་འོག་རྒྱ་བལ་འབྲུག་གསུམ་གྱི་མི་མང་ ༣༥༠༠
ལྷག་གི་འདུ་འཛོམས་ཀྱིས་ཞི་བའི་གོམ་བགྲོད་དང་ཟས་བཅད་ སྨྱུང་ གནས། བསྔོ་སྨོན་མཆོད་འབུལ ། མར་མེ་ཁྲོམ་སྐོར་སོགས་ཀྱི་ལས་འགུལ་ སྤེལ་ཡོད་པ་བཞིན། བོད་མི་མང་སྤྱི་འཐུས་ལྷན་ཚོགས་ཀྱིས་ཆེད་ འཛུགས་གནང་བའི་གསར་ལམ་འབྲེལ་མཐུད་ རྣམ་པར་བཅར་འདྲི་ཞུས་ཡོད།
རྒྱ་ཡིག་གི་གསར་འགྱུར་འབྲེལ་མཐུད་པ་སྤྱི་འཐུས་འབའ་བ་སྐལ་བཟང་རྒྱལ་མཚན་ལགས་སུ ། ཐེངས་འདིའི་གཞུང་འབྲེལ་གདུང་སེམས་མཉམ་སྐྱེད་དང་འབྲེལ་བའི་གནས་ཚུལ་ཁག་རྒྱ་ཡིག་གི་བརྒྱུད་ལམ་གང་དག་ཏུ་ཐོན་ཡོད་མེད་དང་ལས་ འགུལ་འདིའི་ཤུགས་རྐྱེན་ག ་ཚོད་ ཐེབས་ མིན་ དྲིས་པར་ཁོང་གིས། “ ཐེངས་འདིའི་གཞུང་འབྲེལ་གདུང་སེམས་མཉམ་སྐྱེད་དང་འབྲེལ་བའི་ གནས་ཚུལ་ཁག་རྒྱ་ནག་ཕྱི་ཕྱོགས་ཀྱི་རྒྱ་ཡིག་གི་བརྙན་འཕྲིན་དང་རླུང་འཕྲིན། ཚགས་པར།
དྲ་རྒྱ་བཅས་བརྒྱུད་ལམ་ཁག་མང་པོ་ཞིག་ཏུ་ཐོན་ཡོད་པར་མ་ཟད། ཨ་རིའི་རླུང་འཕྲིན་དང་ཨེ་ཤ་ཡ་རང་དབང་རླུང་འཕྲིན་ཁང་གི་ཀོང་ཏུང་དང་པེ་ཅིན་སྐད་སྡེ་ཚན་གཉིས་ཀྱིས་ གནས་ཚུལ་ཐད་གཏོང་དང་བོད་ནང་གི་གནས་ཚུལ་མང་པོ་ཞིག་ལུང་འདྲེན་བྱས་ སོང་། དེ་བཞིན་ཧྤ་རན་སི་གསར་ཁང་གི་རྒྱ་ཡིག་སྡེ་ཚན་གྱིས་ཆེད་བརྗོད་ལེ་ཚན་དང་འཇར་མན་གསར་ཁང་གི་རྒྱ་ཡིག་སྡེ་ཚན་བཅས་ཀྱིས་ང་ལ་བཅར་འདྲི་བྱས་སོང་། གཞན་པོ་ཞོན་དྲ་བ་དང་དུས་རབས་གསར་བའི་གསར་འགྱུར་དྲ་བ། རྩ་རླུང་སྒོམ་སྒྲུབ་ཚོགས་པའི་རྒྱ་སྐད་ཀྱི་བརྙན་འཕྲིན་བཅས་སུ་གནས་ཚུལ་བཀོད་འདུག་ལ། དྲ་རྒྱ་ཁག་ཅིག་བརྒྱུད་དེ་བྷི་བྷི་སེ་གསར་ཁང་ སོགས་ རྒྱ་ཡིག་གི་གསར་འགྱུར་བརྒྱུད་ལམ་མང་པོ་ཞིག་གིས་གནས་ཚུལ་སྤེལ་འདུག ཁོང་ཚོའི་ངོས་ནས་ ད་དུང་མུ་མཐུད་དུ་གཏོང་འཆར་ཡོད་ སྐོར་ཡང་རྗོད་ཀྱི་འདག ” ཅེས་བརྗོད་བྱུང་།
ཡང་ཁོང་ལ་ཐེངས་འདིའི་ ལས་འགུལ་གྱིས་སྤྱི་ཚོགས་ནང་ཤུགས་རྐྱེན་གང་འདྲ་ཐེབས་ མིན་ དྲིས་པར། “ཐེངས་འདིའི་ལས་འགུལ་དེ་གཙོ་བོ་བོད་ནང་གི་ཛ་དྲག་གི་གནས་སྟངས་ལ་གཞིག ས་ཏེ་སྤེལ་ བ་རེད། ཡིན་ནའང་། གཞུང་ངོས་ནས་ཁྲོམ་གཞུང་དུ་ངོ་རྒོལ་ཁྲོམ་སྐོར་བྱེད་དགོས་མིན་དེ་གནས་ཚུལ་ཞིག་རེད་བསམ་གྱི་འདུག ང་རང་གི་ངོས་ནས་གཞུང་གི་ལས་འགན་གཙོ་བོ། བོད་ནང་གི་ཛ་དྲག་གནས་སྟངས་ འཛམ་གླིང་རྒྱལ་ཁབ་ཁག་དང་མཉམ་འབྲེལ་རྒྱལ་ཚོགས་འགྲོ་བ་མིའི་ཐོབ་ཐང་ ཚན་པ། ཨ་རི་གཙོས་པའི་རང་དབང་དང་དམངས་གཙོའི་གཞུང་ཁག་ལ་ཞུ་རྒྱུ་དེ་ གལ་ཆེ་ཤོས་རེད་བསམ་གྱི་འདུག མང་ཚོགས་རང་བཞིན་གྱི་ལས་འགུལ་དེ་གཞུང་འབྲེལ་མིན་པའི་ཚོགས་པ་མང་པོ་ཡོད་པ་དེ་དག་གིས་སྤེལ ་ན་ཡག་གི་རེད ་དེ། བར་ལམ་ཞིག་ནས་གཞུང་འབྲེལ་མིན་པའི་ཚོགས་པ་ཁག་གིས་ལས་འགུལ་ཉམ ་ ཡོད་པའི་རྣམ་པ་ཞིག་མཐོང་ སོང་། ཐེངས་འདིར་གཞུང་འབྲེལ་གྱི་ཐོག་ནས་ལས་འགུལ་སྤེལ་བ་དེས་གཞུང་འབྲེལ་མིན་པའི་ཚོགས་པ་ཁག་ལ་ལས་འགུལ་སྤེལ་དགོས་པའི་བརྡ་ལན་ཞིག་སྤྲད་ཡོད་པ་རེད་བསམ་གྱི་འདུག གཙོ་བོ་རྒྱལ་ཁབ་ཁག་གི་རྒྱབ་སྐྱོར་རེག་རྒྱུ་དང་རྒྱ་ནག་གཞུང་ལ་བརྡ་ལན་སྤྲད་ དེ་ བོད་ནང་བཟང་ཕྱོགས་ཀྱི་འགྱུར་བ་འགྲོ་རྒྱུ་དེ་རེད།
རྒྱ་ཡིག་གི་བརྒྱུད་ལམ་ཁག་གི་གནས་སྟངས་ལ་གཞིགས་ ན་ལས་འགུལ་འདི་བརྒྱུད་དེ་མ་འོངས་པར་བརྒྱུད་ལམ་ཁག་གི་དོ་སྣང་ཆེ་རུ་འགྲོ་ངེས་པ་རེད་བསམ་གྱི་འདུག ” ཅེས་བརྗོད་བྱུང་།
དབྱིན་ སྐད་ དང་ཧིན་སྐད་འབྲེལ་མཐུད་པ་ སྤྱི་འཐུས་ དབུ་དཀར་ཚང་གཡུ་སྒྲོན་ལགས་སུ།
ཐེངས་འདིའི་གཞུང་འབྲེལ་གདུང་སེམས་མཉམ་སྐྱེད་ཀྱི་ལས་འགུལ་བརྒྱུད་ རྒྱལ་སྤྱིའི་གསར་ལམ་ཁག་ཏུ་ གནས་ཚུལ་ ཁྱབ་སྤེལ་གང་འདྲ་ཐུབ་ཡོད་མེད་ དྲིས་པར་ཁོ ང་མོས། “ ང་རང་ལ་མཚོན་ན་ཐེངས་འདིའི་ལས་འགན་གཙོ་བོ།
དབྱིན་ཡིག་དང་ཧིན་སྐད་ཀྱི་གསར་ལམ་འབྲེལ་མཐུད་པ ་རེད། ཉིན་འདི་དག་གི་ལས་འགུལ་སྐབས་ཁྱོན་བསྡོམས་རྒྱ་གར་དང་ཕྱི་རྒྱལ་གྱི་བརྒྱུད་ལམ་མི་འདྲ་ ༡༢ ལྷག་གི་གསར་འགོད་པ་བསླེབས་སོང་།
དེ་དག་ནང་གཙོ་བོ་འཇར་མན་རླུང་འཕྲིན་དང་སི་པན་བརྙན་འཕྲིན། ཧིན་རྡུ་དུས་བབ། རྒྱ་གར་གྱི་བང་ཆེན་གསར་ཁང་། ཨེ་པེ་གསར་ཁང་། རོའུ་ཁྲིར་བཅས་ ཀྱི་གསར་འགོད་པ་ རེད། གསར་འགྱུར་བརྒྱུད་ལམ་ཁག་ཅིག་ཉིན་ལྟར་ལས་འགུལ་སྤེལ་ཡུལ་དུ་ཡོང་གི་འདུག དེ་མིན ། ང་ཚོ ་སྒེར་ངོས་ནས་ཀྱང་ ཊའུ་ཊིར་ དང་ངོ་དེབ་ སོགས་བརྒྱུད་དེ་ཉིན་རེའི་གནས་ཚུལ་ཁྱབ་བསྒྲགས་བྱས་པ་ཡིན། དབྱིན་ཇི་ སྐད་དང་ཧིན་རྡུ་སྐད་ཡིག་གཉིས་ ལས་དབྱིན་ཇིའི་བརྒྱུད་ལམ་ཁག་གིས་དོ་སྣང་ཆེན་པོ་བྱེད་ཀྱི་འདུག རྒྱ་གར་ གྱི་གསར་འགོད་པ་ཚོར་མཚོན་ན། ཁོང་ཅག་གི་ས་གནས་ཁག་ཏུ འང་གནས་ཚུལ་མང་པོ་ཞིག་འཐོན་གྱི་ཡོད་པ་རེད། ང་ཚོའི་ལས་འགུལ་ལ་དོ་སྣང་མེད་པའི་རྣམ་པ་མཐོང་གི་འདུག ང་རང་གི་ལས་འགན་གྱི་ནང་ནས་རྒྱ་གར་གྱི་བརྒྱུད་ལམ་ཁག་ཏུ་གནས་ཚུལ་ཤུགས་ཆེར་འགྲོ་ཐུབ་མ་སོང་། གཙོ་བོ། གསར་འགོད་པ་ཁོ་ཚོ ་ནང་ཁུལ་དུ་ ཡང་རྙོག་དྲ་མང་པོ་ ཞིག་ཡོང་གི་ ཡོད་ ཚོད་འདུག” ཅེས་བརྗོད་བྱུང་།
ཡང་ཁོང་ལ་ཐེངས་འདིའི་ལས་འགུལ་བརྒྱུད་རྒྱ ལ ་སྤྱི་དང་རྒྱ་གར་གྱི་བརྒྱུད་ལམ་ཁག་དོ་སྣང་དང་ཤུགས་རྐྱེན་གང་འདྲ་ཞིག་ཐེབས་ཐུབ་མིན་དྲིས་པར་ཁོང་གིས། “ གཙོ་བོ་ང་ཚོའི་ངོས་ནས་མུ་མཐུད་ལས་འགུལ་སྤེལ་རྒྱུ་གལ་ཆེན་པོ་རེད་བསམ་གྱི་འདུག བརྒྱུད་ལམ་ཁག་ཏུ་གནས་ཚུལ་བསླེབས་མིན་དེ་ང་ཚོའི་གནད་དོན་གལ་ཆེན་ཡིན་པ་དེ་ཕྱི་ལ་སྟོན་ཐུབ་པ་ཞིག་དགོས་པ་རེད་ལ། གལ་སྲིད་ང་ཚོའི་གནད་དོན་དེ་བརྒྱུད་ལམ་འདྲ་མིན་ནང་ཤུགས་ཆེ་རུ་ ཕྱིན་པ་ཡིན་ན། གནས་སྐབས་ཀྱི་ལས་འགུལ་སྤེལ་བའི་དུས་ཙམ་མིན་པར་ནམ་རྒྱུན་ནས་གསར་འགོད་པ་དང་བརྒྱུད་ལམ་ཁག་ལ་འབྲེལ་བ་འཛུགས་རྒྱུ་གལ་ཆེན་ རེད། དེ་བཞིན། ཐེངས་འདིར་གཞུང་འབྲེལ་གྱི་ཐོག་ནས་གོམ་བགྲོད་ལས་འགུལ་སྤེལ་ཡོད་ཀྱང་། དེ་ལས་གལ་ཆེ་བ་དེ་རྒྱལ་སྤྱིའི་གཞུང་དང་གྲོས་ཚོགས།
མཉམ་འབྲེལ་རྒྱལ་ཚོགས་བཅས་ཀྱི་གནད་ཡོད་མི་སྣར་འབྲེལ་བ་བྱ་རྒྱུ་གལ་ཆེན་པོ་རེད་བསམ་གྱི་འདུག ད་ལྟའི་ཆར་ཨ་རི་གཙོས་པའི་རྒྱལ་ཁབ་ཁག་གིས་བོད་ཀྱི་གནད་དོན་ གླེང་སློང་གང་འཚམ་བྱེད་ཀྱི་འདུག རྒྱ་གར་གྱི་གནད་ཡོད་མི་མང་པོ་མཉམ་ཞུགས་བྱས་ཡོད་སྟབས། ཐེངས་འདིའི་ལས་འགུལ་གྱི ས ་རྒྱལ་སྤྱི་དང་རྒྱ་གར་ནང་ཤུགས་རྐྱེན་ཆེན་པོ་ཐེབས་འདུག་བསམ་གྱི་ཡོད ” ཅེས་བརྗོད་བྱུང་།
བོད་སྐད་གསར་ལམ་འབྲེལ་མཐུད་པ་ སྤྱི་འཐུས་ ཐུབ་བསྟན་ལུང་རིགས་ལགས་སུ། ཐེངས་འདིའི་ལས་འགུལ་སྐབས་བོད་ པའི་བརྒྱུད་ལམ་ཁག་གི ་དོ་སྣང་དང་གནས་ཚུལ་གཏོང་ ཕྱོགས་ གང་འདྲ་ ཡོད་མེད་དྲིས་པར་ ཁོང་གིས། “ ང་ཚོའི་ངོས་ནས་ གང་ཐུབ་ཀྱིས་བོད་པའི་རླུང་འཕྲིན་དང་བརྙན་འཕྲིན། དྲ་རྒྱ། ཚགས་ཤོག་ཡོངས་རྫོགས ་ལ་གནས་ཚུལ་མཁོ་གཏོང་བྱས་ ཡོད། རྒྱ་གར་གྱི་གསར་འགོད་པ་དང་བལ་ཡུལ་གྱི་གསར་འགོད་པ་ཁག་ཅིག་གིས་ཁ་པར་བརྒྱུད་དེ་བཅར་འདྲི་བྱས་ སོང་ལ།
ཕྱི་རྒྱལ་ཡུལ་གྲུ་ཁག་ཏུ་ཡོད་པའི་བོད་སྐད་རླུང་འཕྲིན་ དང་ཨེ་ཤ་ཡ་རང་དབང་རླུང་འཕྲིན་ཁང་བཅས་ཀྱིས་ཆེད་མངགས་དང་ཁ་པར་གྱི་ལམ་ནས་ཉིན་གསུམ་ལྷག་གི་གནས་ཚུལ་གྱི་བྱུང་རིམ་མཐའ་དག་བཅར་འདྲི་བྱས་སོང་། བཞུགས་སྒར་ནས་ གསར་འགོད་པ་སྐོར་ཞིག་ཆེད་དུ་ལྡི་ལིར་ ཕེབས་ཏེ། ཉིན་རེར་འདིར་ཡོང་སྟེ་འགན་འཁུར་བའི་ཐོག་ གནས་ཚུལ་མཁོ་གཏོང་བྱེད་བཞིན་འདུག” ཅེས་བརྗོད་བྱུང་།
ཡང་ཁོང་ལ་ཐེངས་འདིའི་གཞུང་འབྲེལ་གྱི་ལས་འགུལ་བརྒྱུད་ ཀྱིས་ རྒྱལ་སྤྱི་དང་རྒྱ་ནག་ནང་ཤུགས་རྐྱེན་གང་འདྲ་ཐེབས་ མིན་དྲིས་པར་ཁོང་གིས། “ ལས་འགུལ་ཤུགས་ཆེ་རུ་འགྲོ་མིན་དེ་སྐབས་དང་དུས་ལ་བསྟུན་དགོས་པ་ཞིག་ཡིན་ཡང་། ཐེངས་འདིའི་ལས་འགུལ་ལས་བོད་མི་ཚོ་དང་ལྷག་པར་དུ་གཞོན་སྐྱེས་ཚོར་སེམས་ཤུགས་ཆེན་པོ་ཡོད་ཀྱང་།
སྣེ་འཁྲིད་མཁན་མེད་པའི་དཀའ་ངལ་དང་ལས་འགུལ་གྱི་ཕན་གནོད་གང་ཡོང་ཐེ་ཚོམ་ཡོད་པའི་རྣམ་པ་གསལ་བོ་འདུག གལ་སྲིད། སྣེ་འཁྲིད་མཁན་ཞིག་ཡོད་པ་ཡིན་ན་མི་མང་གི་ངོས་ནས་འདིའི་ཐད་རྒྱབ་སྐྱོར་གྱི་རྣམ་པ་ཆེན་པོ་ཡོད་པའི་ཚོར་སྣང་བྱུང་སོང་། ལས་འགུལ་གྱི་ཤུགས་རྐྱེན་གྱི་ཐད ། རྒྱ་གར་གྱི་གནད་ཡོད་མི་སྣ་ དང་ཚོགས་སྡེ་ཁག་གི་འཐུས་མི་མང་པོ་ཕེབས་ཏེ་ལས་འགུལ་ནང་མཉམ་ཞུགས་ཀྱི ས་གཏམ་བཤད་གནང་བ་ལ་གཞིགས་ན། བོད་དོན་ལ་རྒྱབ་སྐྱོར་ ཤུགས་ཆེན་པོ་རེད ། རྒྱ་གར་བའི་ རིས་མེད་ཆོས་ལུགས་ཀྱི་དབུ་ཁྲིད་དང་གཞུང་ཚབ་ཁང་ཚང་མས་རྒྱབ་སྐྱོར་གནང་སོང་ལ། ལས་འགུལ་རིམ་པར་སྤེལ་བའི་དབང་གིས་རྒྱ་ནག་གཞུང་གིས་ཀྱང་ཚུར་རང་ལུས་མེར་ བ སྲེག ས ་བཏང་བའི་གནས་ཚུལ་ལ་ཞིབ་འཇུག་བྱ་རྒྱུ་ཡིན་པའི་བརྡ་ལན་སྤྲད་ཡོད་པ་སོགས་ལས། ཐེངས་འདིའི་ལས་འགུལ་གྱི ས ་རྒྱལ་སྤྱི་དང་རྒྱ་ནག་མི་མང་བཅས་ལ་ཤུགས་རྐྱེན་ཆེན་པོ་ཞིག་ཐེབས་འདུག་བསམ་གྱི་ཡོད། “ཅེས་བརྗོད་བྱུང་།
གནས་ཚུལ་མཁོ་སྒྲུབ་པ་སྤྱི་འཐུས་རྨོག་རུ་བསྟན་པ་ལགས་སུ། ཐེངས་འདིའི་ལས་འགུལ་སྐབས་གནས་ཚུལ་མཁོ་སྒྲུབ་ གནང་ཕྱོགས་སྐོར་དྲིས་པར། “ ད་རེ བ ་ང་དང་སྤྱི་འཐུས་གསེར་རྟ་ཚུལ་ཁྲིམས་གཉིས་ ཀྱིས་ག ནས་ཚུལ་མཁོ་སྒྲུབ་ བྱེད་ཀྱི་ཡོད། ལས་ འགན་གཙོ་བོ ་ བོད་ནང་གི་ཛ་དྲག་གི་གནས་ཚུལ་མཁོ་སྒྲུབ་དང་མཉམ་དུ་གཞུང་འབྲེལ་ལས་འགུལ་གྱི་ཉིན་རེའི་གསར་འགྱུར་ཁག་བོད་མི་མང་སྤྱི་འཐུས་ལྷན་ཚོགས་ཀྱི་དྲ་རྒྱ་གཙོས་བརྒྱུད་ལམ་ཁག་ཏུ་ གཏོང་དགོས་པ་རེད། དེ་བཞིན།
ལས་འགུལ་ཐོག་ཕེབས་པའི་རྒྱ་གར་སྐུ་མགྲོན་རྣམ་པའི་གསུང་བཤད་བོད་བསྒྱུར་དང་རྒྱ་གར་གསར་ལམ་ཁག་ ནང་ བཀོད་པའི་གནས་ཚུལ་རྒྱུས་ལོན་བྱས་པ་ཡིན།
དབྱིན་ཇིའི་བརྒྱུད་ལམ་དུ་གནས་ཚུལ་མཁོ་གཏོང་བྱེད་མཁན་སྤྱི་འཐུས་ཤར་གླིང་ཟླ་སྒྲོན ་རེད ། ཁྱོན་ཡོངས་ཀྱི་གནས་ཚུལ་ལ་བལྟས་ན་ཐེངས་འདིའི་གསར་འགྱུར་དེ་བོད་པའི་བརྒྱུད་ལམ་མང་པོའི་ནང་ཁྱབ་བསྒྲགས་ཤུགས་ཆེ ན ་ཕྱིན་ སོང་ལ། དབྱིན་ཇིའི་བརྒྱུད་ལམ་ཡང་མང་པོ་ཞིག་ལ་གནས་ཚུལ་མཁོ་གཏོང་བྱས་ཡོད། ཡིན་ནའང་ བརྒྱུད་ལམ་ཁ་ཤས་ནང་ དྲ་འབུ་ རེ་ཟུང་གིས་སྐད་ཆ་འདྲ་མིན་བཤད་ཀྱི་འདུག ད་ལྟའི་ཛ་དྲག་གི་དུས་ཚོད་ནང་དེ་རིགས་ཡག་པོར་མཐོང་མ་སོང་ ” ཞེས་ བརྗོད་བྱུང་།
དེ་རིང་གཞུང་འབྲེལ་གདུང་སེམས་མཉམ་སྐྱེད་ལས་འགུལ་གྱི་ཉིན་གཉིས་པ་དེ་བོད་ཀྱི་བུད་མེད་ཀྱི་སྣེ་འཁྲིད་འོག་ལྡི་ལི་རཱམ་ལེ་ལཱ་མེལ་ཏཱན་ཐང་ཆེན་ནས་ཇཱན་ཏར་མན་ཏར་བར་ཞི་བའི་གོམ་བགྲོད་དང་མར་མེ་ཁྲོམ་སྐོར་གནང་ཡོད།
དེ་རིང་ཕྱི་ཚེས་ ༢༠ ཉིན་ཞོགས་པའི་ཆུ་ཚོད་ ༩
། ༣༠ སྟེང་འཛིན་སྐྱོང་བཀའ་ཤག་དང་བོད་མི་མང་སྤྱི་འཐུས་ལྷན་ཚོགས་ཐུན་མོང་ཐོག་རྒྱལ་ས་ལྡི་ལིར་གོ་སྒྲིག་གནང་བཞིན་པའི་གཞུང་འབྲེལ་གདུང་སེམས་མཉམ་སྐྱེད་ལས་འགུལ་དེ་རྒྱ་བལ་འབྲུག་གསུམ་ནས་ཆེད་དུ་ཕེབས་པའི་བུད་མེད་ཀྱི་སྣེ་འཁྲིད་འོག
སྤྱི་འཐུས་རྣམ་པ་དང་ས་གནས་འབྲེལ་ཡོད་ལས་བྱེད། སེར་སྐྱ་མི་མང་ ༣༠༠༠ ལྷག་འདུ་འཛོམས་ཀྱིས་ལྡི་ལི་རཱམ་ལེ་ལཱ་མེལ་ཏཱན་ཐང་ཆེན་ནས་ཇཱན་ཏར་མན་ཏར་བར་གོམ་བགྲོད་དང་སྐད་འབོད་ཁྲོམ་སྐོར་གནང་སོང་བར་མ་ཟད། ལས་འགུལ་ཐོག་ལྡི་ལི་ཧིན་བོད་མཛའ་འབྲེལ་ཚོགས་པའི་ཚོགས་མི་དང་བྷེ་རྗི་པེ་མངའ་སྡེའི་ཚོགས་གཙོ་སྐུ་ཞབས་མཱ་ཧེ་ཤི་ཅེ་ཌལ་མཆོག རྒྱ་གར་རྒྱལ་ཡོངས་ཆེས་མཐོའི་ཁྲིམས་ཞིབ་ཁང་གི་ཁྲིམས་རྩོད་པ་སྐུ་ཞབས་རྗེ་བྷེ་ཤཱ་མཱ་མཆོག་བཅས་གཙོས། རྒྱ་གར་གྱི་གྲོས་ཚོགས་འཐུས་མི་དང་ཁྲིམས་རྩོད་པ།
མཁས་དབང་། སྤྱི་ཚོགས་ཞབས་ཞུ་བ། ཆོས་ལུགས་ཀྱི་དབུ་ཁྲིད་བཅས་བོད་དོན་རྒྱབ་སྐྱོར་གནང་མཁན་གྱི་གནད་ཡོད་མི་སྣ་ ༡༧ ལྷག་མཉམ་ཞུགས་ཀྱིས་གཏམ་བཤད་གནང་ སོང་ལ།
དེར་ཡོད་མི་མང་གིས་བོད་ནང་རང་ལུས་མེར་ བསྲེག ས་བཏང་བའི་རྒྱལ་གཅེས་དཔའ་བོད་རྣམ ས་དང་ས་གནས་མི་མང་ལ་གདུང་སེམས་མཉམ་སྐྱེད་ཆེད་མཆོད་འབུལ་སྨོན་ལམ་དང་མར་མེ་ཁྲོམ་སྐོར་བཅས་གནང་སོང་།
དེ་རིང་གི་ལས་འགུལ་དེ་བོད་ཀྱི་བུད་མེད་ཀྱི་སྣེ་འཁྲིད་པའི་ལས་འགུལ་ཞིག་ཆགས་ཡོད་སྟབས། གསར་འགོད་པས་བོད་ཀྱི་བུད་མེད་ལྷན་ཚོགས་ཀྱི་ཚོགས་གཙོ་ཀིརྟི་སྒྲོལ་དཀར་ལྷ་མོ་ལགས་སུ་དེ་རིང་གི་ལས་འགུལ་ཏེ་བུད་མེད་ཀྱིས་སྣེ་འཁྲིད་དགོས་དོན་དང་། ལས་འགུལ་ནང་བུད་མེད་ལྷན་ཚོགས་ཀྱི་ས་གནས་ཁག་ག་ཚོད་ ཀྱི་ཚོགས་མི་ཞུགས་ཡོད་མེད་དྲིས་པར་ཁོང་གིས། “ ད་རེས་ཀྱི་ལས་འགུལ་དེ་བོད་ནང་གི་ཛ་དྲག་གི་གནས་སྟངས་ལ་གཞིགས་ཏེ་འཛིན་སྐྱོང་བཀའ་ཤག་དང་སྤྱི་འཐུས་ལྷན་ཚོགས་མཉམ་རུབ་ཐོག་ལས་འགུལ་སྤེལ་གྱིན་ཡོད་པ་ལྟར། དེ་རིང་བུད་མེད་ཀྱི་སྣེ་འཁྲིད་དེ་ལས་འགུལ་སྤེལ་གྱི་ཡོད། ང་ཚོའི་དམིགས་ཡུལ་གཙོ་བོ། ད་ལྟའི་བར་རྒྱ་ནག་གཞུང་གིས་དྲག་གནོན་འོག་བོད་ནང་བོད་མི་དགུ་ཡིས་རང་ལུས་མེར་ བསྲེག ས་བཏང་ཡོད་པའི་གནས་སྟངས་དེ་རྒྱལ་སྤྱིའི་སྤྱི་ཚོགས་ཀྱི་མཁྱེན་རྟོགས་ཡོང་ཆེད་དང་། རྒྱ་ནག་གཞུང་ངོས་ནས་བོད་ནང་གི་དངོས་ཡོད་སྟངས་ལ་ཉམས་ཞིབ་ཀྱིས་མགྱོགས་མྱུར་དྲག་གནོན་མཚམས་འཇོག་བྱ་རྒྱུ་དང་འབྲེལ་མོལ་གྱི་ལམ་ནས་བོད་དོན་ཐག་གཅོད་ཡོང་བའི་རེ་སྐུལ་བྱ་ཆེད་ཡིན། ང་ཚོ་བུད་མེད་ཚོ་ཡང་བོད་མི་རིགས་དང་བོད་རྒྱལ་ཁབ་ཀྱི་ཁོངས་སུ་གཏོགས་པའི་འབངས་མི་ཞིག་ཆགས་ཡོད་སྟབས། སྲིད་བྱུས་གང་འདྲ་བཟུང་མིན་ལ་མ་ལྟོས་པར་ད་ལྟའི་བོད་ནང་གི་ཛ་དྲག་གི་གནས་སྟངས་འདིར་གཟིགས་ཏེ། བུད་མེད་ལྷན་ཚོགས་ཀྱིས་ས་གནས་ ༣༡ ལྷག་གི་མི་སྣ་མཉམ་ཞུགས་གནང་ཡོད། དེ་ཡང་གཙོ་བོ་བོད་ཀྱི་འཐབ་རྩོད་དེ་སེར་མོ་བ་དང་སྐྱེས་པ་ཚོ་ཁོ་ནའི་ལས་འགུལ་ཞིག་མ་ཡིན་པར། ང་ཚོའི་འཐབ་རྩོད་དེ་སེར་སྐྱ་དབྱེར་མེད་དང་ཕོ་མོ་དབྱེར་མེད་ཀྱི་འཐབ་རྩོད་ཅིག་ཡིན་པའི་རྣམ་པ་སྟོན་ཆེད་བུད་མེད་ཀྱི་སྣེ་ཁྲིད་དེ་ལས་འགུལ་སྤེལ་བ་རེད། “
ཅེས་བརྗོད་བྱུང་།
ཡང་ཁོང་གིས། “ ང་ཚོའི་བུད་མེད་ཚོའི་ངོས་ནས་ཀྱང་རེ་བ་གཙོ་བོ། ང་ཚོའི་ངོས་ནས་དེ་རིང་གི་ལས་འགུལ་སྣེ་འཁྲིད་དེ་རྒྱལ་སྤྱིའི་སྤྱི་ཚོགས་ལ་བོད་ནང་གི་གནས་སྟངས་ལ་བཟང་ཕྱོགས་ཀྱི་འགྱུར་བ་ཡོང་རྒྱུའི་འབོད་སྐུལ་ཞུ་བཞིན་ཡོད། ༸གོང་ས་མཆོག་གིས་ད་ལྟའི་བར་འཛམ་གླིང་ཞི་བདེ་དང་བོད་དོན་བདེན་མཐའ་སེལ་བའི་བཀའ་སློབ་རིམ་པ་བསྩལ་ཡོད་པ་ལྟར། འཛམ་གླིང་གི་དབུ་ཁྲིད་དང་མི་མང་གི་ངོས་ནས་ཀྱང་མ་འོངས་པར་འཛམ་གླིང་ནང་ཞི་བདེ་ཡོང་ཆེད། རྒྱ་ནག་གཞུང་གིས་བོད་ནང་གི་ཆོས་དང་རིག་གཞུང་། ཁོར་ཡུག་བཅས་གཏོར་བཅོམ་གཏོང་བཞིན་པའི་ཐད་ལ་འབོད་སྐུལ་དང་གནོན་ཤུགས་སྤྲོད་དགོས་པ་རེད་ལ། རང་ལུས་མེར་བསྲེགས་བཏང་བའི་བོད་མི་ཚོས་རེ་འདོད་ལྟར་༸གོང་ས་མཆོག་བོད་ནང་ཕེབས་ཐབས་སུ་རྒྱབ་སྐྱོར་དང་འབོད་སྐུལ་དགོས་པ་རེད། “ ཅེས་བརྗོད་བྱུང་།
ཚེས་༡༩ཉིན་རྒྱ་གར་གཙོས་འཛམ་གླིང་རྒྱལ་ཁག་དྲུག་ཅུ་ནང་ལ་ཁྱབ་པའི་བོད་རིགས་ཚང་མས་ཉིན་གཅིག་དུས་གཅིག་ལ་བོད་ནང་ལ་གདུང་སེམས་མཉམ་སྐྱེད་དང་རྒྱབ་སྐྱོར་དེ་བཞིན་རྒྱལ་སྤྱིའི་ཐོག་ལ་དྲོལ་བསྒྲགས་བཅས་ཀྱི་ཆེད་དུ་འདུ་འཛོམས་དང་སྐད་འབོད་བྱས་ཡོད།
འདི་ནི་ཧྥ་རན་སིའི་བོད་པ་གཙོས་ཡུལ་མི་སོགས་ཀྱི་སྐད་འབོད་འདུ་འཛོམས་ཀྱི་ཟུར་ཅིག་རེད།
༄༅།།དཔལ་ལྡན་བཀའ་སྤྱི་ཐུན་མོང་གི་གོ་སྒྲིག་གི་འོག དེ་རིང་ རྒྱ་གར་གཙོས་པའི་འཛམ་གླིང་རྒྱལ་ཁབ་ ༦༠ ཙམ་གྱི་ནང་ བཙན་བྱོལ་བོད་མི་ཚོས་དུས་གཅིག་ལ་ཞལ་འདོན་སྨོན་ལམ་དང་ ཟས་བཅད་སྨྱུང་གནས་ གྱི་ལས་འགུལ་སྤེལ་གྱིན་ཡོད་པ་ལྟར། དེ་རིང་ཞོགས་པ་ནས། ༸གོང་ས༸སྐྱབས་མགོན་ཆེན་པོ་མཆོག་ དབུ་བཞུགས་ཐོག དཔལ་རྒྱལ་བ་ཀརྨ་པ་མཆོག་དང་བཀའ་ཟུར་ཀིརྟི་རིན་པོ་ཆེ། བཀའ་ཁྲི་བློ་བཟང་སེང་གེ་གཙོས་པའི་གཞུང་གི་ལས་བྱེད་ཡོངས་དང། བཞུགས་སྒར་ཉེ་ཁུལ་གྱི་དགོན་སྡེ་དང་སློབ་གྲྭ་ཁག་གི་སློབ་ཕྲུག་བཅས་སྐྱ་སེར་ ལྔ་སྟོང་ ལྷག་གིས་དེ་རིང་བཞུགས་སྒར་གཙུག་ལག་ཁང་དུ་སྨོན་ལམ་མཆོད་འབུལ་དང་ཟས་བཅད་སྨྱུང་གནས་གནང་བཞིན་ཡོད། དེའི་མཚུངས་རྒྱ་གར་ལྷོ་ཕྱོགས་དཔལ་ལྡན་རྒྱུད་སྨད་གྲྭ་ཚང་དུ་ཡང་མཁན་བླ་དབུ་བཞུགས་གྲྭ་དམངས་ཡོངས་སྨྱུང་གནས་ལ་བཞུགས་ཏེ་གསོལ་འདེབས་སྨོན་ལམ་རྒྱ་ཆེན་གནང་འདུག
གཙུག་ལག་ཁང་དུ་བཀའ་ བློན་ཁྲི་པ་ མཆོག་གིས་ གསུང་ བཤད་གནང་དོན། རྒྱ་ནག་གཞུང་གིས་བོད་ས་བཙན་བཟུང་བྱས་པའི་མི་ལོ་དྲུག་ཅུའི་རིང་བོད་ཐོག་གདུག་ རྩུབ་མནར་གཅོད་ཚད་མེད་བཏང་ཡོད་པ་དང་། རྒྱ་གཞུང་གི་མི་སེར་སྤེལ་བའི་ལམ་ལུགས་འོག་བོད་མིའི་ཆོས་དང་རིག་གཞུང་། སྐད་ཡིག་སོགས་ལ་གཏོར་བརླག་ཚབས་ཆེན་བཟོས་ཡོད་སྟབས། ༢༠༠༨
ལོ་བོད་མདོ་དབུས་ཁམས་གསུམ་ནང་ཞི་བའི་གྱེན་ལངས་བྱུང་བ་འཛམ་གླིང་ཡོངས་ཀྱིས་ མཁྱེན་གསལ་ཡིན་སྐོར་དང་། “ བློ་ཕམ་པ་ཞིག་ལ་རྒྱ་གཞུང་གི་མགོ་ཁྲིད་ཚོས་དངོས་ཐོག་བདེན་འཚོལ་གྱི་ལམ་ནས་བོད་ མིའི་དཀའ་ངལ་སེལ་ཐབས་བྱ་རྒྱུའི་ཚབ་ཏུ་མུ་མཐུད་སྲིད་བྱུས་མཁྲེགས་བཟུང་ཁོ་ནས། བོད་མི་རྣམས་ཨུ་ཐུག་ཐབས་ཟད་ཀྱི་གནས་ལ་གྱར་བ་དང་། ཆོས་བྱེད་དགེ་འདུན་གྱི་སྡེ་དང་། དགོན་པ་གྲྭ་ཚང་ཁག་ལ་དམིགས་བསལ་སྡང་ཟུག་གིས་ལས་དོན་རུ་ཁག་ཟེར་བའི་མི་སྣ་ཆེད་གཏོང་གིས། ཆོས་ཀྱི་བྱ་བར་དམ་བསྒྲགས་དང་སུན་བཙིར་ཐེ་བྱུས་གང་བྱུང་བྱེད་ཀྱི་ཡོད་སྟབས། ད་ལོའི་ཕྱི་ཟླ་ ༣ པ་ནས་རྔ་པ་དང་རྟའུ། གསེར་རྟ་སོགས་སུ་བོད་མི་མང་པོ་བཀག་ཉར་གྱིས་གནས་སྟངས་ཛ་དྲག་ཏུ་ཕྱིན་པ་དང་། ད་བར་བོད་རིགས་ན་གཞོན་ ༩ ཙམ་གྱིས་སྐུ་ལུས་ཞུགས་མེར་བསྒྲོན་པའི་ལམ་ནས་བོད་ནང་རང་དབང་བསྐྱར་གསོ་དང་། ༧གོང་ས་མཆོག་བོད་ལ་གདན་ཞུ་དགོས་པ། རྒྱ་གཞུང་གི་མཁྲེགས་བཟུང་སྲིད་བྱུས་ལ་བཟོད་ཐབས་མེད་པར་ངོ་རྒོལ་གནང་བའི་གནས་ཚུལ་བྱུང་ཡོད་པས། ཁོང་ཚོའི་རྒྱལ་གཅེས་ལྷག་བསམ་དང་སྙིང་སྟོབས་ལ་རྗེས་དྲན་གྱིས་གདུང་སེམས་མཉམ་སྐྱེད་ཞུ་རྒྱ་ཡིན །
དབུས་བོད་མིའི་སྒྲིག་འཛུགས་ཀྱི་འབོད་སྐུལ་ལྟར་བཙན་བྱོལ་བོད་མིའི་སྡོད་སྒར་ཡོངས་སུ། ས་གནས་ཀྱི་གནས་བབ་ལ་གཞིགས་པའི་གདུང་སེམས་མཉམ་སྐྱེད་ཀྱི་ལས་འགུལ་སྣ་ཚོགས་སྤེལ་གྱི་ཡོད་སྟབས། ལས་འགུལ་དེ་དག་ཞི་བའི་སྒོ་ནས་ཡུལ་ཁྲིམས་དང་མ་འགལ་བ་དང་། ཆེ་མཐོང་ལྡན་པ་ཞིག་ལ་ངོས་འཛིན་གནང་དགོས་པ་གོ་སྐབས་འདི་བརྒྱུད་འབོད་སྐུལ་ཞུ་རྒྱུ་ཡིན། རྒྱ་གཞུང་གི་མགོ་ཁྲིད་ཚོས་དྲག་གནོན་སྲིད་བྱུས་མྱུར་དུ་མཚམས་འཇོག་དང་། ཞི་བའི་སྒོ་ནས་བོད་མིའི་དཀའ་ངལ་སེལ་དགོས་པའི་འབོད་སྐུལ་ནན་མོ་ཞུ་རྒྱུ་ཡིན། དེ་བཞིན། མཉམ་འབྲེལ་རྒྱལ་ཚོགས་དང་རྒྱལ་སྤྱིའི་སྤྱི་ཚོགས་ཀྱིས་བོད་ནང་གི་དངོས་ཡོད་གནས་ཚུལ་ཤེས་རྟོགས་ཡོང་ཆེད། རྟོག་ཞིབ་མི་སྣ་དང་གསར་འགོད་པ་ཚོགས་པ་ཞིག་བོད་ནང་ངེས་པར་གཏོང་དགོས ” ཞེས་གསུངས།
སྐབས་དེར་གསར་འགོད་པས་ལས་འགུལ་འདིའི་ཐད། དབུས་བོད་མིའི་སྒྲིག་འཛུགས་ཕྱི་ དྲི ལ་དྲུང་ཆེ་ ཨ་ཏི་ཤཱ་ བསྟན་འཛིན་ཕུན་ཚོགས་ ལགས་སུ་བཅར་འདྲི་ཞུས་པར། ཁོང་གིས་ “ ཕྱི་ཟླ་གསུམ་པ་ནས་ཨ་མདོ་རྔ་པའི་ནང་བོད་རིགས་ན་གཞོན་ཚོས། རང་གི་རྒྱལ་ཁབ་དང་མི་རིགས་ཆེད་རང་ལུས་མེར་ བ སྲེག ས ་བཏང་དང་གཏོང་བཞིན་པའི་ཡིད་སྐྱོའི་གནས་ཚུལ་ཐོན་པ་རེད། དཔའ་པོ་དཔའ་མོ་དེ་ཚོར་གདུང་སེམས་མཉམ་སྐྱེད་མཚོན་ཆེད། དེ་རིང་བཀའ་སྤྱི ་ གཉིས་ཐུན་མོང་ཐོག་འཛམ་གླིང་གང་སར་ཉིན་བརྒྱ་དུས་གཅིག་ལ། ༧གོང་ས་མཆོག་གི་སྐུའི་བླ་གཟའ་དང་བསྟུན་ ཏེ ་ལས་འགུལ་སྤེལ་གྱི་ཡོད། ལས་འགུལ་འདི་ལ་༧གོང་ས་མཆོག་གིས་ཀྱང་མཛད་བྲེལ་ཡོད་མིན་ལ་མ་ལྟོས་པར། ཞོགས་པ་ཚོགས་མགོན་དུ་ཞབས་སོར་ བཀོད་དེ། དེ་རིང་ཉིན་ ཧྲིལ་བོར་སྨྱུང་ གནས་ ལ་ བཞུགས་རྒྱུ ་རེད། བོད་མིའི་སྒྲིག་འཛུགས་ཀྱི་ངོས་ནས་འདས་གྲོངས་སུ་གྱུར་བ་ ལ་ སྨོན་ལམ་ མཆོད་འབུལ་གནང་གི་ཡོད་ལ། ཁོང་ཚོའི་བྱས་རྗེས་དེ་ཆུད་ཟོས་དུ་མི་འགྲོ་རྒྱུའི་ཆེད་དུ། བཀའ་བློན་ཁྲི་པའི་མཚན་ཐོག་ནས་མཉམ་འབྲེལ་རྒྱལ་ཚོགས་དང་། འཛམ་གླིང་རྒྱལ་ཁག་ཁག་གི་མགོ་ཁྲིད། བོད་དོན་རྒྱབ་སྐྱོར་ཚོགས་པ། འགྲོ་བ་མིའི་ཐོབ་ཐོབ་ཐང་ཚོགས་པ་ཁག་ལ་ཡིག་ཐོག་ནས་འབོད་སྐུལ་ཞུས་ཏེ། བོད་ནང་གི་སྲིད་བྱུས་གུ་ཡངས་དང་གསར་འགོད་པ་ཆེད་གཏོང་ཐུབ་རྒྱུར་འབད་བརྩོན་གནང་གི་ཡོད ” ཅེས་བརྗོད་འདུག
ཐེངས་འདིའི་ཉིན་གཅིག་དུས་གཅིག་ གི་ ཟས་བཅད་སྨྱུང་གནས་ དེ་ནི།
འདས་པའི་བོད་པའི་རྩ་དོན་འཐབ་རྩོད་ཁྲོད་ཀྱི་གཞུང་དམངས་མཉམ་ཞུགས་ཀྱི་ ལས་འགུལ་གཞི་རྒྱ་ཆེ་ཤོས་ཤིག་ཆགས་ཡོད །
བོད་ནང་གི་རྒྱལ་གཅེས་ཞི་རྒོལ་དཔའ་བོ་རིམ་བྱོན་དང་ལྷག་པར་དུ་རང་ལུས་མཆོད་མེར་སྦར་བའི་དགེ་འདུན་པ་གསར་བུ་རྣམ་པས།
བོད་ཀྱི་ཆེ་དགུ་ཚང་མ་ཡང་འདི་ལྟར་བསྒུལ་བྱུང།
སྒུལ་སྟངས་དང་འགུལ་སྟངས་འདིས་ད་གཟོད་ཚེ་སྲོག་ཅིག་གི་རིན་ཐང་མཚོན་ཐུབ་ལ།
ད་གཟོད་སྐྱིད་སྡུག་གཅིག་གི་འདུ་ཤེས་དང་ཆིག་སྒྲིལ་ཞིག་གི་སྟོབས་ཤུགས་ཀྱང་མཚོན་ཐུབ་སོང།
སྐབས་འདིར་བདག་གིས་སུ་ཞིག་ལ་བཀའ་དྲིན་ཆེ་ཞུ་འོས་པ་མི་ཤེས་ལ། སུ་ཞིག་ལ་གསོལ་བ་འདེབས་དགོས་པ་ཡང་མི་ཤེས།
གང་ལྟར་ཡིད་ཆེས་ཤིག་དང་སྤོབས་པ་ཞིག རེ་བ་ཞིག་ལྷོག་ལྷོག་ཏུ་འཕྱུར་འོང་གིན་འདུག འདི་ནི་འུ་ཅག་ཚང་མའི་བྲང་ཁོང་ན་ལྷོག་ལྷོག་ཏུ་འཕྱུར་བཞིན་པ་དེ་ཡང་ཡིན་ངེས།
གལ་ཏེ་སྙིང་གི་འཕར་རྩ་འདི་འཇགས་པ་མེད་པར་འདི་ལྟར་འཕར་སྲིད་ན། བདེན་མཐའི་སྐྱ་རེངས་དེ་ཡང་མི་རིང་འཆར་འོང་ངེས།
བདེན་པའི་སྟོབས་ཀྱིས་འགྲེངས་པའི་མི་རིགས་འདི་བདེན་པའི་མཐུ་ཡིས་རྣམ་པར་རྒྱལ་གྱུར་ཅིག
ཁ་སང་རྫོང་གསར་བཤད་གྲྭའི་འདུ་ཁང་དུ་སུ་ཇ་བོད་ཁྱིམ་གཙོས་པའི་ཉེ་འཁོར་གྱི་སློབ་གྲྭ་ཁག་དང་དགོན་སྡེ་ཁག གཞིས་ཆགས་བཅས་ཀྱི་སེར་སྐྱ་མི་མང་ ༣༠༠༠
ལྷག་འདུ་འཛོམས་ཀྱིས་མཆོད་འབུལ་སྨོན་ལམ་དང་ཟས་བཅད་སྨྱུང་གནས་སྲུང་ཡོད་འདུག
བོད་ནང་གི་ཛ་དྲག་གནས་སྟངས་ལ་བཙན་བྱོལ་བོད་མི་ཡོངས་ཀྱིས་གདུང་སེམས་མཉམ་སྐྱེད་ཀྱི་ལས་འགུལ་མགོ་འཛུགས་གནང་ཡོད་པ་ལྟར། སྦིར་ནང་ཆེན་ཅོན་ར་ཏ་བོད་མིའི་གཞིས་ཆགས་ལས་ཁུངས་ནས་ གནས་ཚུལ་བཏང་འབྱོར་ལ། ཁ་སང་ཕྱི་ཚེས་ ༡༩ ཉིན་གྱི་ཞོགས་པ་ཆུ་ཚོད་ ༩ སྟེང་རྫོང་གསར་བཤད་གྲྭར།
དཔལ་ས་སྐྱ་སྒྲོལ་མ་ཕོ་བྲང་གདུང་སྲས་རཏ་ན་ཝ་རྗ་རིན་པོ་ཆེ་དང་། དཔལ་ཕུན་ཚོགས་ཕོ་བྲང་གདུང་སྲས་ཨ་ཝི་ཏ་ཝ་རྗ་ར་རིན་པོ་ཆེ་མཆོག་རྣམ་གཉིས་དབུ་བཞུགས་ཐོག དགེ་འདུན་པ་ཞལ་གྲངས་ ༢༠༠ ཙམ་དང་།
སུ་ཇ་བོད་ཁྱིམ་གྱི་དགེ་ལས་སློབ་ཕྲུག་ ༡༣༠༠ ཙམ། ཅོན་ཏཱ་ར་བོད་ཁྱིམ་གྱི་དགེ་ལས་སློབ་ཕྲུག་ ༦༠༠ ཙམ། སམ་བྷོ་ཊ་སློབ་གྲྭའི་དགེ་སློབ་ ༡༥༠ ཙམ། དེ་བཞིན། ཅོན་ཏཱ་ར་གཞིས་ཆགས་བཅས་ཀྱི་སྐྱ་སེར་མང་ཚོགས་ ༣༠༠༠
ལྷག་འཛོམས་ཏེ་ཟས་བཅད་སྨྱུང་གནས་གནང་ཡོད་འདུག
ཁ་སང་ཕྱི་ཚེས་ ༡༩ ཉིན་རྒྱ་གར་ལྷོ་ཕྱོགས་སྦེལ་ཀོབ་བོད་མིའི་གཞིས་ཆགས་གཉིས་ཀྱི་ཁྱབ་ཁོངས་དགོན་སྡེ་ཁག་དང་སློབ་གྲྭ།
གཞིས་གྲོངས་ཁག་བཅས་ཀྱིས་སེར་སྐྱ་མི་མང་ ༡༣༠༠༠ ལྷག་གིས་བོད་ནང་གི་བོད་མི་ཚོར་གདུང་སེམས་མཉམ་སྐྱིད་ཀྱི་སྨོན་ལམ་མཆོད་འབུལ་དང་།
ཟས་བཅད་སྨྱུང་གནས་ཀྱི་ལས་འགུལ་གཞི་རྒྱ་ཆེན་པོ་ཞིག་སྤེལ་ཡོད་འདུག
གནས་ཚུལ་བཏང་འབྱོར་ལ། ཁ་སང་ཞོགས་པའི་ཆུ་ཚོད་ ༩
སྟེང་ རྒྱ་གར་ལྷོ་ཕྱོགས་མའེ་སོར་རྫོང་ཐོག་ཏུ། བྱང་རྩེ་ཆོས་རྗེ་རིན་པོ་ཆེ་མཆོག་དང་སེ་ར་བྱེས་སྨད་གཉིས་ཀྱི་མཁན་རིན་པོ་ཆེ། སྦེལ་ཀོབ་ཉེ་འཁོར་གྱི་རིས་མེད་དགོན་སྡེ་ཁག་གི་མཁན་སློབ་ལས་སྣེ། བོད་མི་མང་སྤྱི་འཐུས། སྦེལ་ཀོབ་ལུགས་ཟུང་བསམ་འགྲུབ་གླིང་བདེ་སླར་གཉིས་ཀྱི་གཞིས་མགོ་ བཅས་ཀྱི་སྣེ་ཁྲིད་འོག གཞུང་འབྲེལ་མིན་པའི་ཚོགས་པ་ཁག་གི་སྐུ་ཚབ། སེ་ར་བྱེས་སྨད་གཉིས་དང་རྒྱུད་སྨད། རྣམ་གྲོལ་གླིང་། བཀྲ་ཤིས་ལྷུན་པོ། ས་སྐྱ། བཀའ་རྒྱུད་དགོན་པ་བཅས་ཀྱི་དགེ་འདུན་པ་དང་། སློབ་གྲྭ་ཁག་གི་སློབ་ཕྲུག སྦེལ་ཀོབ་གཞིས་གྲོང་ཁག་གི་མང་ཚོགས་བཅས་མའེ་སོར་རྫོང་ཐོག་ཏུ་འཛོམས་ཏེ་ལས་འགུལ་སྤེལ་ཡོད་འདུག
ལས་འགུལ་གྱི་ཐོག་མར་མི་མང་ཚང་མ་སྐུ་བཞེངས་ཐོག་འཕགས་བོད་རྒྱལ་ཁབ་གཉིས་ཀྱི་རྒྱལ་གླུ་སྐྱོར་རྗེས་རྒྱལ་གཅེས་དཔའ་བོ་དཔའ་མོ་རྣམས་ཀྱི་ཆེད་དུ་མྱ་ངན་གུས་འདུད་ཞུས་ཤིང་།
བདེན་ཚིག་སྨོན་ལམ་གདངས་དབྱངས་སུ་གྱེར་ཡོད་འདུག དེའི་རྗེས་བདེ་སླར་ས་གནས་འགོ་འཛིན་ཕུན་ཚོགས་ཚེ་རིང་ལགས་ནས་ངོ་སྤྲོད་གསུང་བཤད་དང་།
འཇམ་མགོན་བསྟན་པའི་སྲོག་ཤིང་བྱང་རྩེ་ཆོས་རྗེ་རིན་པོ་ཆེ་བློ་བཟང་བསྟན་འཛིན་མཆོག་གིས་བཀའ་སློབ་གསུང་བཤད་གནང་ཡོད་ཅིང་།
སྤྱི་འཐུས་རོང་པོ་བློ་བཟང་སྙན་གྲགས་ལགས་ནས་བོད་ནང་གི་ཛ་དྲག་གནས་སྟངས་དང་འབྲེལ་བའི་གཏམ་བཤད་གནང་ཞིང་། བོད་མི་མང་སྤྱི་འཐུས་ལྷན་ཚོགས་ཀྱི་གཏན་འབེབས་ལས་འགུལ་སྐབས་ཀྱི་སྲུང་བྱ་ཁག་ལམ་སྟོན་གནང་ཡོད།
དེའི་རྗེས་ལུགས་བསམ་ས་གནས་མགོ་འཛིན་ཨང་ཀེ་ཚང་མགོན་པོ་བཀྲ་ཤིས་ལགས་ནས་ཐུགས་རྗེ་ཆེ་ཞུའི་གསུང་བཤད་གྲུབ་རྗེས། བོད་མི་མང་སྤྱི་འཐུས་ལྷན་ཚོགས་ཀྱིས་དྲ་རྒྱ་ནང་བཀྲམས་པའི་ཞལ་འདོན་དང་།
མཆོད་འབུལ་སྨོན་ལམ་གནང་ཡོད་འདུག
ཉིན་རྒྱབ་ཆུ་ཚོད་ ༡།༠༠
ཐོག་རྒྱ་གར་གྱི་གསར་འགོད་པ་རྣམས་ལ་སྤྱི་འཐུས་རོང་པོ་བློ་བཟང་སྙན་གྲགས་ལགས་ཀྱིས་གསར་འགོད་གསལ་བསྒྲགས་བསྐྱངས་ཡོད་པ་དང་། གཞོན་ནུའི་ཚོགས་ཟུར་བློ་བཟང་ཡེ་ཤེས་ལགས་ཀྱིས་དབྱིན་སྐད་ཐོག་སྐད་བསྒྱུར་བྱས་ཡོད་འདུག
ཆུ་ཚོད་༢།༠༠ ཐོག་སེ་ར་ཚོགས་ཆེན་དུ་མ་ཤོང་བར་སེར་བྱེས་ཆོས་རའི་ནང་དགེ་འདུན་པ་དང་། སློབ་ཕྲུག རྒྱ་ཆེའི་མང་ཚོགས་ ༡༣༠༠༠ ཙམ་བསྐྱར་དུ་གོང་གསལ་མཛད་རིམ་ཁག་དང་།
གསུང་བཤད་རིམ་པར་གནང་ཡོད་འདུག་ལ། སེ་ར་ཆོས་སྒར་གྱི་རྩིག་ངོས་དག་ཏུ་སེ་ར་བྱེས་སྨད་གཉིས་དང་།
སེ་ར་བླ་སྤྱི་བཅས་ཀྱིས་དཔར་སྐྲུན་འགྲེམས་སྤེལ་བྱས་པའི་བོད་མི་མང་སྤྱི་འཐུས་ལྷན་ཚོགས་ཀྱིས་མཁོ་འདོན་གནང་བའི་བོད་ནང་གི་རྒྱལ་གཅེས་དཔའ་བོ་དཔའ་མོ་རྣམ་པའི་པར་རིས་དང་། མཆོད་མེ།
འཕྲེད་དར་ཚིག་གཞི་བཀོད་པའི་ཚོན་ལྡན་དར་དཔྱངས་ཀྱིས་ཁེངས་པར་བྱས་ཡོད་འདུག
གནས་ཚུལ་ མཁོ་གཏོང་བ། སེར་བྱེས་བློ་བཟང་དར་རྒྱས
ཚེས་༡༩་ཞོགས་པའི་ཆུ་ཚོད་ ༩ ། ༣༠ སྟེང་ལྡི་ལི་ར་རྗི་གྷེ་ཁྲི་ས་གནས་ཡོད་པའི་མེས་པོ་དམ་པ་གྷན་ངྷི་མཆོག་གི་དྲན་རྟེན་ གླིང་ཀ་རུ་རྒྱ་གར་གྱི་ཆོས་ལུགས་ཁག་ གི་སྐུ་ཚབ་དང་བོད་མི་མང་སྤྱི་འཐུས་རྣམ་པ། བོད་གཞུང་སྐུ་ཚབ་དོན་གཅོད་གཙོས་པའི་གཞུང་འབྲེལ་གྱི་གནད་ཡོད་མི་སྣ། གཞུང་འབྲེལ་མིན་པའི་ཚོགས་སྡེ་ཁག་གི་ མགོ་འཁྲིད། རྒྱ་བལ་འབྲུག་གསུམ་ནས་ཕེབས་པའི་སེར་སྐྱ་མི་མང་། དེ་བཞིན་ཕྱི་རྒྱལ་དང་རྒྱ་གར་བཅས་ཀྱི་གསར་འགོད་པ་བཅས་མཉམ་ཞུགས་ཀྱིས་རང་ལུས་མེར་ བསྲེག ས་བཏང་བའི་རྒྱལ་གཅེས་པ་རྣམ་པ་དང་དཀའ་སྡུག་འོག་ལྷག་ཡོད་པའི་གཞིས་བཞུགས་བོད་མི་ཚོར་གདུང་སེམས་མཉམ་སྐྱེད་མཚོན་ཕྱིར་བསྔོ་སྨོན་གནང་ ཡོད་པ་མ་ཟད། དེ ར་ཡོད་མི་མང་ལག་ཏུ་བོད་ཀྱི་རྒྱལ་དར་དང་འཕྲེད་དར་འཕྱར་ཏེ། ལྡི་ལི་ར་རྗི་གྷེ་ ཊི་ནས་ཇཱ ན་ཏར་ མཱན་ཏར་བར་ཞི་བའི་གོམ་བགྲོད་ཀྱི་ལས་འགུལ་ ཡོད།
ལས་འགུལ་ནང་ རྒྱ་བལ་འབྲུག་གསུམ་དང་། རྒྱ་གར་གྱི་མངའ་སྡེ་ ༨ དང་ས་གནས་ ༣༦ ལྷག་གི་སེར་སྐྱ་མི་གྲངས་ ༣༥༠༠ ལྷག་མཉམ་ཞུགས་ཀྱིས་ཀེ་ལོ་ མི་ཊིར་ ༣ ལྷག་གི་ལམ་དུ་ཞི་བའི་ལམ་ནས་ལས་འགུལ་སྤེལ་ཡོད་ལ། ལས་འགུལ་ཐོག་རྒྱ་གར་གྱི་གྲོང་གསེབ་གསར་བ་འཛུགས་སྐྲུན་ལས་གཞིའི་བློན་ཆེན་ཟུར་པ་དང་བོད་དོན་རྒྱབ་སྐྱོར་བ་སྐུ་ཞབས་ལོ་གྷོ་ཝ་ཕུ་ས་སེན་མཆོག་དང་གྲོས་ཚོགས་གོང་མའི་འཐུས་མི་དང་རྒྱལ་སྤྱིའི་གྲོས་ཚོགས་བོད་དོན་རྒྱབ་སྐྱོར་ཚོགས་པ་ཐོག་མར་གསར་འཛུགས་གནང་མཁན་སྐུ་ཞབས་མོན་ཧཱན་སེན་མཆོག རྒྱ་གར་བྱང་ཕྱོགས་ཨོ་ཏི་ར་མངའ་སྡེའི་བློན་ཆེན་ཟུར་པ་དང་བོད་དོན་རྒྱབ་སྐྱོར་བ་སྐུ་ཞབས་གྷི་ཞཱ་རེ་མཆོག རྒྱ་གར་གྲོས་ཚོགས་འཐུས་མི་ར་གྷོ་ཝན་མཆོག་བཅས་གཙོས་པའི་རྒྱ་གར་བོད་དོན་རྒྱབ་སྐྱོར་ཚོགས་པ་དང་གྲོས་ཚོགས་འཐུས་མི་ཁག་ཅིག་གིས་གཏམ་བཤད་གནང་ཡོད་པར་མ་ཟད། ཕྱི་དྲོ་ཆུ་ཚོད་ ༤ པའི་སྟེང་བཀའ་ཤག་གི་སྐུ་ཚབ་ཆོས་རིག་བཀའ་བློན་པདྨ་ཆོས་འབྱོར་མཆོག་གིས་མི་མང་ལ་གཏམ་བཤད་བཅས་གནང་སོང་།
་ལས་འགུལ་འདིའི་ཐད་འདི་གའི་གསར་འགོད་པས་བོད་མི་མང་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་ལ་བཅར་འདྲི་བྱས་པར། དེ་རིང་ཞོགས་པ་ནས་མགོ་བརྩམས་པའི་ལས་འགུལ་གྱི་བརྒྱུད་རིམ་ངོ་སྤྲོད་དང་འབྲེལ་ད་ལྟའི་ཆར་རྒྱ་ནག་གཞུང་གིས་བོད་ནང་རང་ལུས་མེར་ བསྲེག ས་ཀྱི་ལས་འགུལ་སྤེལ་གྱིན་པ་དེ་བཙན་བྱོལ་བོད་མི་ཚོས་བརྒྱུད་སྐུལ་བྱས་པ་ཡིན་ཚུལ་གྱི་རྫུན་གཏམ་བཤད་ཀྱི ན་པའི་ཐད་ གསུངས་དོན། “ ང་ཚོས་གོ་ཚུལ་ལ་རྒྱ་ནག་གཞུང་གིས་ད་ལྟའི་ཆར་ཀིརྟི་དགོན་པ་གཙོས་པའི་ས་གནས་བོད་མིའི་གནས་སྟངས་ལ་ཞིབ་འཇུག་བྱ་རྒྱུ་ཡིན་ཚུལ་དང་ཕྱི་སྡོད་བོད་མི་ཚོས་བརྒྱུད་སྐུལ་ཐོག་ལས་འགུལ་སྤེལ་ བ་ཡིན་ཚུལ་གོང་བྱུང་། དེའི་ཐད་ང་ཚོའི་ངོས་ནས་གསར་འགོད་གསལ་བསྒྲགས་རིམ་པའི་ཐོག་ད་ལྟའི་བོད་ནང་ལས་འགུལ་སྤེལ་གྱིན་པ་དེ་རྒྱ་ནག་གཞུང་གིས་བོད་ཐོག་འཛིན་པའི་སྲིད་ བྱུས་འཛིན་སྟངས་ནོར་འཁྲུལ་ཡིན་པའི་ཐོག བོད་མིའི་མངོན་འདོད་མཐོང་མ་ཐུབ་པར་བོད་མི་ཚོ་དཀའ་སྡུག་གི་འོག་ནས་རང་ལུས་མེར་ བསྲེག ས་བཏང་བ་ལས། བཙན་བྱོལ་སྤྱི་ཚོགས་ཀྱི་ངོས་ནས་བོད་ནང་གི་བོད་མི་ཚོར་རང་ལུས་མེར་ བསྲེག ས་མ་བཏང་ཚེ། བོད་ཀྱི་གནད་དོན་རྒྱལ་སྤྱིའི་ཐོག་ཁྱབ་ཐུབ་ཀྱི་མེད་པའི་བརྒྱུད་སྐུལ་གྱི་གནས་སྟངས་རྩ་བ་ནས་མེད་སྟབས། རྒྱ་ནག་གི་བཤད་ཀྱིན་པ་དེ་བདེན་པ་མ་རེད། རྒྱ་ནག་གཞུང་གིས་དུས་ནམ་ཡང་བོད་ནང་གནས་ཚུལ་བྱུང་བའི་སྐབས་སུ་གནད་དོན་སེལ་ཐབས་བྱ་རྒྱུ་ལས་ལྡོག་ཏེ། གནད་དོན་གཞན་པ་ཞིག་ལ་འཁྲིད་འགྲོ་བའི་གནས་སྟངས་ཆགས་ཡོད། “ ཅེས་གསུངས་བྱུང་།
ཡང་ཁོང་གིས། “ ད་ལྟའི་ཆར་ཨ་རིའི་གཞུང་གི་ངོས་ནས་བོད་ནང་གི་ཛ་དྲག་གནས་སྟངས་ལ་དོ་སྣང་ཆེན་པོ་བྱས་ཏེ་རྒྱ་ནག་གཞུང་ལ་འབྲེལ་བ་གནང་གི་ཡོད་འདུག་ལ། རྒྱལ་ཁབ་གཞན་པ་དག་དང་རྒྱལ་སྤྱིའི་ནང་བོད་དང་རྒྱ་ནག་གི་འབྲེལ་ལམ་ཐོག་ཕྱག་ལས་གནང་མཁན་ཚོས་ཀྱང་དོ་སྣང་བྱེད་ཀྱི་འདུག གཙོ་བོ། ཁོང་ཚོའི་གནོན་ཤུགས་དེ་བོད་ནང་གི་བོད་མི་ཚོའི་དཀའ་ངལ་སེལ་རྒྱུ་དེ་ཡིན་སྟབས། བོད་ནང་གི་བོད་མི་ཚོར་མཚོན་ན་ ཡང་། ཁྱེད་རང་ཚོས་བོད་ནང་རང་སྲོག་བློས་གཏོང་གི་ལས་འགུལ་སྤེལ་བ་དེར། ང་ཚོ་བཙན་བྱོལ་བོད་མི་ཡོངས་ཀྱིས་གང་ཐུབ་བྱེད་ཀྱི་ཡོད་ལ། རྒྱལ་སྤྱིའི་གཞུང་དང་བོད་དོན་རྒྱབ་སྐྱོར་ཚོགས་པ་ཁག་གི་རྒྱབ་སྐྱོར་བྱེད་ཀྱི་ཡོད་པ་རེད། ང་ཚོའི་ངོས་ནས་ཁྱེད་རང་ཚོའི་དཀའ་ངལ་སེལ་ཆེད་མུ་མཐུད་ལས་འགུལ་རིམ་པར་སྤེལ་འཆར་ཡོད། “ ཅེས་གསུངས་བྱུང་།
ངོ་མ་ཁས་བླངས་པ་ཡིན།
ཆབ་བྲག་ཕོ་ཉ།
ཁ་སང། དཔའ་བོ་ཞིག་གིས་རང་ལུས་མཆོད་མེར་བསྒྲོན་དུས།
སྨྲེ་ངག་དང་ཁ་གཡང་གིས་རྡོ་ལ་རྡར་ལ་གཡོ་འགུལ་དང་པོ་བསླངས།
རྡ་རམ་ས་ལའི་ངོས་ན་དྲན་པ་འཐོར་མཁན་ཅི་འདྲ་མང།
སེར་སྐྱ་སྟོང་ཕྲག་དུ་མའི་མྱ་ངན་དང་གསོལ་འདེབས་ཁྲོད་དུ།
ཁ་བཏགས་དཀར་པོའི་ཁ་བའི་མེ་ཏོག་ནང་དུ།
གངས་སེང་གི་རྒྱལ་དར་སྐུ་ཕུང་ལ་བཀླུབས་ནས།
དག་ཞིང་གང་ཞིག་ཏུ་ཕེབས་མཁན་དེ་སུ་ཡིན་ནམ།
ཁོང་ནི་བདག་ཅག་སྐྱ་བོ་རྣམས་ཀྱི་ཞི་རྒོལ་གྱི་དཔའ་རྒོད་གཅིག་པུ་སྟེ།
དཔའ་བོ་ཐུབ་བསྟན་དངོས་གྲུབ་མཆོག་གོ
དེ་རིང། སེར་མོ་བའི་གཞོན་སྐྱེས་དཔའ་རྒོད་དུ་མ་ཞིག་གིས
ལུ་གུ་རྒྱུད་དུ་རང་ལུས་མཆོད་མེར་སྒྲོན་དུས།
སྨྲེ་ངག་དང་ཁ་གཡང་གིས་རི་ལུང་གང་ན་ཡང
དོན་ངོ་མར་དྲན་པ་འཐོར་མཁན་ཅི་ཙམ་ཡོད་དམ།
གངས་སེང་གི་རྒྱལ་དར་གཡོག་མཁན་སུ་ཞིག་ཡོད།
དེ་ལས་ལྡོག་སྟེ། དྲག་དམག་གི་རྡུང་རྡེག་འོག
གཉེན་ཉེ་ཡི་འབྲེལ་ཐག་ཆད་ནས
གཅིག་པུར་གང་ཞིག་ཏུ་གཤེགས་པའམ།
གང་ཞིག་ཏུ་ལུས་ཡོད་ཨང།
ཁོང་ཚོ་ནི། སེམས་དཔའ་ཁྱུ་གཅིག་སྟེ།
བཀྲ་བྷེ། ཚེ་དབང་ནོར་བུ། བློ་བཟང་ཕུན་ཚོགས། བློ་བཟང་སྐལ་བཟང།
བློ་བཟང་དཀོན་མཆོག སྐལ་བཟང་དབང་ཕྱུག མཁའ་དབྱིངས། ཆོས་འཕེལ། ནོར་བུ་དགྲ་འདུལ། བསྟན་འཛིན་དབང་མོ་་་ ་་་ད་ངོ་མ་མང་སོང།
ཀྱེ་ཀྱེ།
ཁྱེད་ཚོ་ནི་ནམ་ཡང་འགྲན་ཟླ་མེད་པའི་མི་རིགས་ཀྱི་དཔའ་རྒོད་དམ་པ།
དེ་བས་ལག་ཟུང་གི་མཚོན་ཆ་དོར་ནས་ཁྱེད་ཅག་ལ་མཐེ་བོང་སྒྲེང།
ཀྱེ་ཀྱེ།
ཁྱེད་ཚོ་ནི་ངོ་གནོང་མི་དགོས་པའི་བསྟན་འགྲོའི་སྲུང་མ་གསར་བ།
དེ་བས་སེམས་ཁོང་གི་ཁ བཏགས་རེ་རེས་ཁྱེད་ཅག་ལ་མཇལ་ཕྱག་འབུལ།
ཁྱེད་ཚོ་ནི་དོན་དམ་བདེན་པའི་ཨུ་ཚུགས་པ་དང།
དོན་དམ་ཞི་བདེའི་ཕོ་ཉ་བ།
དོན་དམ་རྒྱལ་གཅེས་དཔའ་བོ་ལགས་ཏེ།
ད་ནི་ངོ་མ་ཁས་བླངས་པ་ཡིན།
ང་ཚོས་གངས་སེང་གི་རྒྱལ་དར་ཕབ་སྟེ།
ཁྱེད་ཅག་ལ་མྱ་ངན་དང་གུས་འདུད་ཞུ།
ང་ཚོས་མགོ་འཕང་གནམ་ལ་བཏེགས་ཏེ་ནམ་ཡང་མགོ་བོ་མི་སྒུར་བའི་དམ་ཞིག་བཅའ།
ང་ཚོས་ལག་གདང་གཅིག་ཏུ་སྦྲེལ་ཏེ་གཏན་དུ་མི་འཐོར་བའི་མནའ་ཞིག་སྐྱེལ།
ང་ཚོས་རེ་བའི་འཆར་འགོད་བཞེངས་ཏེ་རྒྱལ་ཁའི་ཕྱོགས་ལ་མདུན་སྐྱོད་བྱེད།
བདེན་པའི་ཞི་རྒོལ་འདི་རྒྱལ་བར་ཤོག
བདེན་པའི་འཐབ་རྩོད་འདི་རྒྱལ་བར་ཤོག
བདེན་པའི་མི་རིགས་འདི་རྒྱལ་བར་ཤོག
བདེན་པའི་ཕུགས་འདུན་འདི་རྒྱལ་བར་ཤོག
“བདེན་པ་ཉིད་རྣམ་པར་རྒྱལ་གྱུར་ཅིག”། །།
༢༠༡༡།༡༠།༡༨།
དེ་རིང་སྔ་དྲོའི་ཆུ་ཚོད་ ༡༠ སྟེང་ལྡི་ལིའི་ ཇཱན་ཏར་མཱན་ཏར ་དུ་བོད་མི་མང་སྤྱི་འཐུས་ལྷན་ཚོགས་ཀྱིས་ཟས་བཅད་ངོ་རྒོལ་གྱི་ལས་འགུལ་ མགོ་འཛུགས་གནང་ ཡོད་འདུག
སྐབས་དེར་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་གིས་གསར་འགོད་གསལ་བསྒྲགས་བསྐྱངས་ཏེ།
ཐེངས་འདིའི་ལས་འགུལ་སྐབས་ཀྱི་ཉིན་རེའི་ལས་རིམ་དང་འབྲེལ་ཏེ། ༼ གཞུང་འབྲེལ་གདུང་སེམས་མཉམ་སྐྱེད་ལས་འགུལ་གྱི་འབོད་སྐུལ ༽དོན་ཚན་ ༦ བསྒྲགས་ཡོད ་ལ།
ཚོགས་གཙོ་མཆོག་གིས ། འདས་པའི་དུས་ནས་བོད་ནང་བསྟན་སྲིད་དང་མི་རིགས་ཀྱི་ཆེད་དུ་བོད་མི་མང་པོ་ཞིག་གིས་རང་ལུས་མེར་ བསྲེག ས་བཏང་ཡོད་པ་དང་། ཁོང་ཚོས་བློས་གཏོང་དང་རེ་བ་ནུས་མེད་དུ་མི་འགྲོ་བར་རྒྱལ་སྤྱིའི་ཁྱོན་ཡོངས་སུ་ཁྱབ་བསྒྲགས་བྱ་རྒྱུ་བོད་མིའི་སྒྲིག་འཛུགས་དང་མི་མང་གི་འགན་ཆགས་ཡོད་པ་ལྟར།
དེ་རིང་བོད་མི་མང་སྤྱི་འཐུས་ལྷན་ཚོགས་ཀྱི་སྣེ་འཁྲིད་འོག་ཆུ་ཚོད་ ༢༤ རིང་གི་ལས་འགུལ་མགོ་འཛུགས་བྱས་ཡོད་ཚུལ་དང་། སང་ཉིན་བོད་མི་མང་སྤྱི་འཐུས་ལྷན་ཚོགས་ཀྱི་སྣེ་འཁྲིད་འོག་ལྡི་ལིར་རྒྱ་བལ་གཉིས་ཀྱི་མི་མང་ ༣༠༠༠ རཱ་རྗི་གྷེ་ཁྲི་ནས་ ཇཱན་ཏར་མཱན་ཏར་ བར་གོམ་བགྲོད། བཞུགས་སྒར་དུ་༸གོང་ས་མཆོག་དབུས། རྒྱལ་བ་ཀརྨ་པ་དང་ཀིརྟི་རིན་པོ་ཆེ་བཅས་དབུ་བཞུགས་ཐོག་མཆོད་འབུལ་སྨོན་ལམ་འཚོགས་རྒྱུ།
དེ་བཞིན་སང་ཉིན་ནས་ཉིན་གསུམ་རིང་རྒྱལ་སྤྱིའི་ཁྱོན་ཡོངས་སུ་ཉིན་བརྒྱ་དུས་གཅིག་ཏུ་མཆོད་འབུལ་སྨོན་ལམ་གནང་རྒྱུ་དང་།
དེ་ཡང་འཛིན་སྐྱོང་བཀའ་ཤག་གིས་རྒྱལ་སྤྱིའི་ནང་ལས་འགུལ་སྤེལ་རྒྱུ་དང་སྤྱི་འཐུས་ལྷ་ན་ཚོགས་ཀྱིས་རྒྱ་གར་ནང་ལས་འགུལ་སྤེལ་རྒྱུ་ཡིན་ཚུལ་ངོ་སྤྲོད་གནང་བྱུང་ །
ཚོགས་གཙོ་མཆོག་གི་འབོད་སྐུལ་དེ་དག་ནི། དང་པོ།
རྒྱ་ནག་གཞུང་ནས་བོད་ནང་གི་བོད་མིའི་གཞི་རྩའི་འགྲོ་བ་མིའི་ཐོབ་ཐང་དང་ཆོས་དད་རང་མོས་ལ་སྲུང་བརྩི་ཞུ་དགོས་པའི་འབོད་བསྐུལ་ཤུགས་དྲག་ཞུ་རྒྱུ་ཡིན་པ་དང་། གཉིས་པ།
རྒྱ་ནག་གཞུང་ནས་ད་ལྟའི་བོད་ཐོག་ལག་བསྟར་བྱེད་བཞིན་པའི་གཡོན་ཐལ་མཁྲེགས་འཛིན་གྱི་སྲིད་བྱུས་ལ་བསྐྱར་ཞིབ་བྱས་ཏེ།
དོན་དམ་བོད་མིའི་མངོན་འདོད་དང་མཐུན་ལ་འཆམ་མཐུན་སྤྱི་ཚོགས་ཤིག་སྐྲུན་ཐུབ་པའི་གུ་ཡངས་སྲིད་བྱུས་ལག་བསྟར་ཡོང་བའི་འབོད་བསྐུལ་ཤུགས་དྲག་ཞུ་རྒྱུ། གསུམ་པ།
རྒྱ་ནག་ནས་རྒྱལ་སྤྱིའི་འགྲོ་བ་མིའི་ཐོབ་ཐང་གི་ཚད་དོན་དམ་སྲུང་བརྩི་དགོས་པ་རྒྱལ་ཁབ་ཁག་གི་གཞུང་དང་མཉམ་འབྲེལ་རྒྱལ་ཚོགས་ནས་སྐུལ་མ་ནན་པོ་གཏོང་དགོས་པ། བཞི་པ།
བོད་ནང་གི་དངོས་ཡོད་གནས་སྟངས་ལ་རྟོག་ཞིབ་ཆེད་རྒྱལ་སྤྱིའི་རང་དབང་ལྡན་པའི་ རྟོག་ཞིབ་ཚོགས་ཆུང་དང་གསར་འགོད་པ་བོད་དང་ལྷག་པར་རྔ་བ་ཀིརྟི་ཡུལ་དགོན་དུ་བསྐྱོད་ཆོག་པའི་ཆོག་མཆན་གནང་དགོས་པ། ལྔ་པ།
བོད་རྔ་བ་ཀིརྟི་དགོན་པར་འགྲེམས་འཇོག་བྱས་པའི་དྲག་ཆས་ཉེན་རྟོག་དམག་མི་ཡོངས་རྫོགས་ཕྱིར་འཐེན་དགོས་པའི་འབོད་བསྐུལ་ཞུ་རྒྱུ། དྲུག་པ། རང་ལོ་ ༡༨
སོན་པའི་གྲྭ་བློ་བཟང་སྐལ་བཟང་དང་། རང་ལོ་ ༡༩ སོན་པའི་གྲྭ་བློ་བཟང་དཀོན་མཆོག རང་ལོ་ ༡༧
སོན་པའི་གྲྭ་སྐལ་བཟང་དབང་ཕྱུག རང་ལོ་༡༩ སོན་པའི་སྐྱ་བོ་ནོར་བུ་དགྲ་འདུལ་བཅས་ཀྱི་གནས་སྟངས་ཇི་ཆགས་དང་།
ད་ལྟ་གང་དུ་ཡོད་པ་གསལ་པོ་བཟོ་དགོས་བཅས་བཏོན་སོང་།
ཟས་བཅད་ངོ་རྒོལ་འདིར་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་དང ་ཚོགས་གཞོན་གཙོ ས་པའི་སྤྱི་འཐུས་ ༣༣ མཉམ་ཞུགས་གནང་ཡོད་ པ་དང་། དེ་མིན། ཕྱོགས་མཐའ་ཁག་ནས་ཕེབས་པའི་དགེ་འདུན་པ་དང་། བཙུན་མ།
མི་མང་ བཅས་མཉམ་ཞུགས་ གནང་ཡོད་འདུག
ཟས་བཅད་ངོ་རྒོལ་སྐབས་སྤྱི་འཐུས་ཚོགས་གཞོན་མཁན་པོ་བསོད་ནམས་བསྟན་འཕེལ་མཆོག་གིས་ བོད་ནང་གི་ཛ་དྲག་གནས་སྟངས་ངོ་སྤྲོད་དང་སྦྲགས། བོད་མི་མང་སྤྱི་འཐུས་ལྷན་ཚོགས་ཀྱིས་སྣེ་འཁྲིད་དེ་ཟས་བཅད་ངོ་རྒོལ་ གནང་དགོས་པའི་རྒྱུ་མཚན་བཅས་ངོ་སྤྲོད་གནང་སོང་། ཟས་བཅད་ངོ་རྒོལ་ འདི་ཆུ་ཚོད་༢༤ རིང་གན ང་རྗེས་ཕྱི་ཚེས་ ༡༩
ཉིན་རྒྱལ་ཡོངས་མི་མང་གིས་ལས་འགུལ་གནང་འཆར་ཡོད་པ་རེད། གཞན་ཡང་ཟས་བཅད་ངོ་རྒོལ་འདིར་རྒྱ་གར་རྒྱལ་ཡོངས་བོད་དོན་རྒྱབ་སྐྱོར་ཚོགས་པའི་ འཐུས་མི་དུར་ཁ་རྗེ་དང་།
བོད་དོན་རྒྱབ་སྐྱོར་ཚོགས་པའི་ཨ་ཤར་རེ་ཊེ་སོགས་མཉམ་ཞུགས་གནང་ཡོད་ འདུག་ལ། དེ་
བཞིན་རྒྱ་གར་གྲོས་ཚོགས་འཐུས་མི་སོགས་གནད་ཡོད་ཁག་ཅིག་ཕེབས་ཏེ་གསུང་བཤད་སོགས་ གནང་རྒྱུ་ཡིན་པ་དང་། ཉིན་རྒྱབ་གསར་འགོད་གསལ་བསྒྲགས་དང་། དགོང་དྲོ་མར་མེ་ཁྲོམ་སྐོར་སོགས་ཀྱི་མཛད་འཆར་ ཡོད་འདུག
དེ་རིང་ ཉིན་རྒྱབ་ བོད་ནང་གི་ཆུ་ ཚོད་དང་པོ་ཡོལ་ཙམ་ལ ། བོད་ཨ་མདོ་རྔ་པ་རྫོང་བྱ་སྐོར་མའི་ཉི་ཚེ་ཚང་གི་ རང་ལོ་ ༢༠ ཡས་མས་ཡིན་པའི་ མ་མའི་བཙུན་དགོན་གྱི་བཙུན་མ་བསྟན་འཛིན་དབང་མོ ་ལགས་ཀྱིས་ རྔ་པ་རྫོང་མཁར་དང་བར་ཐག་སྤྱི་ལེ་གསུམ་ཙམ་ཡོད་པའི་བཙུན་དགོན་ཞོལ་གྱི་བསུ་མདོའི་ཟམ་ཁ་ རུ། “ ༧ གོང་ས་མཆོག་བོད་ལ་གདན་འདྲེན་ཞུ་དགོས།
བོད་ལ་ཆོས་དད་རང་དབང་དགོས ” ཞེས་སྐད་འབོད་བྱེད་བཞིན་རང་ལུས་མེར་ བ སྲེག ས ་བཏང་ ཏེ་རྒྱ་ གཞུང་ལ་ངོ་རྒོལ་གནང་ཡོད་ ཅིང་།
ཁོང་མོས་སྐད་འབོད་རྒྱག་བཞིན་ སྐར་མ་བདུན་བརྒྱད་ རིང་ གོམ་བགྲོད་བྱས་ ཡོད་པ་དང་། ས་གནས་ དེར་ ཉེན་རྟོག་པ་སོགས་དུས་ལྟར་འབྱོར་མེད་སྟབས་ཁོང་མོའི་ཕུང་པོ་མ་མའི་བཙུན་དགོན་གྱི་བཙུན་མ་རྣམས་ཀྱིས་ཡར་ཁྱེར་ཡོད་འདུག
གནས་ཚུལ་ཡོང་ཁུངས་ནས་བརྗོད་པ་ལྟར་ན། ཁོང་མོ་དུས་ཐོག་དེ་རང་ལ་གྲོངས་ཡོད་ཀྱང་། ཕུང་པོ་རྒྱ་གཞུང་ལ་སྤྲོད་ཀྱི་མིན་ཟེར་ནས་བཙུན་མ་ཚོས་སྲུང་བྱ་བྱས་ཡོད་ཀྱང་ ། རྒྱ་གཞུང་ལ་རྩིས་སྤྲོད་དགོས་པ་ དང་།
གལ་སྲིད་མི་སྤྲོད་ཚེ་ དོ་ ནུབ་ མཚན་ ལ་ ས་འོག་ཏུ་སྦས་དགོས་ཚུལ་རྗོད་ཀྱི་ཡོད་འདུག གནས་ཚུལ་དེ་བྱུང་ རྗེས་ དམག་མི་དང་ཉེན་རྟོག་པ་ མང་པོ་འབྱོར་ཏེ་ མ་མའི་བཙུན་དགོན་དང་ས་གནས་ཀྱི་གྲོང་སྡེ་ཁག་ཡོངས་རྫོགས་བཀག་སྡོམ་ནན་མོ་བྱས་ཡོད་འདུག
མ་མའི་བཙུན་དགོན་གྱི་མིང་ཡོངས་ལ་༼ མ་མའི་བཙུན་དགོན་བདེ་ཆེན་ཆོས་འཁོར་གླིང ༽ ཡིན་ཞིང་། རྔ་པ་རྫོང་མཁར་གྱི་ནུབ་བྱང་ཕྱོགས་སུ་བར་ཐག་སྤྱི་ལེ་གསུམ་ལྷག་གི་ས་ན་ཡོད་འདུག གྲུབ་མཐའ་དགེ་ལུགས ་དང་ རྔ་པ་རྫོང་ཁོངས་ཀྱི་བཙུན་དགོན་ཆེ་ཤོས་ཡིན་ ཞིང་། དེང་སྐབས་བཙུན་མ་ ༣༥༠ ལྷག་ཡོད་འདུག
དེ་མིན་ཕྱི་ཚེས་ ༡༥ རང་ལུས་མེར་ བ སྲེག ས ་གཏོང་མཁན་རྒྱལ་གཅེས་དཔའ་བོ་ནོར་བུ་དགྲ་འདུལ་ལགས་རྔ་པ་ནས་ས་ གནས་གཞན་ཞིག་ལ་ཁྱེར་ཡོད་ཀྱང་ ། ད་ཆར་ གང་དུ་ ཡོད་པ་དང་གནས་ཚུལ་ཅི་ཆགས་མ་ཤེས་པར་ ཧ་ཅང་བློ་འཚབ་ སྐྱེ་གཞིར་གྱུར་ཡོད ་འདུག
ཕྱི་ཚེས་ ༡༦ ཉིན་སླར་ཡང་རྔ་པ་རྫོང་མཁར་གྱི་བོད་པའི་ཟ་ཁང་དང་ཚོང་ཁང་ཚང་མས་སྒོ་བརྒྱབས་ ཏེ།
ས་གནས་བོད་རིགས་མང་ཚོགས་ཚོས་ གདུང་སེམས་མཉམ་སྐྱེད་བྱས་ཡོད་འདུག
ཁ་སང་ཕྱི་ཚེས་ ༡༦ ཉིན་གསེར་རྟ་རྫོང་ཚེ་ཤུལ་སྡེ་བའི་ཞང་སྲིད་གཞུང་དང་། ཉེན་རྟོག་ལས་ཁུངས་སོགས་སུ་མི་མང་གིས་ཞི་བའི་སྐད་འབོད་བྱས་ཡོད་པ་དང་། དེ་རིང་སྔ་དྲོ་ཉེན་རྟོག་པ་དང་དྲག་ཆས་དམག་མི་ཡོང་སྟེ།
ཚེ་ཤུལ་སྡེ་བའི་འབྲུག་ལོ་དང་མགོན་དགའ། ལོ་ ༢༦ ཡིན་པའི་རིན་འགྲོས། ལོ་ ༢༣ ཡིན་པའི་ཆོས་དགའ། ལོ་ ༡༩ ཡིན་པའི་ཚེ་དབང་བུ་བྷོ་རིས། རང་ལོ་ ༡༨ ཙམ་ལ་ཟོན་པའི་རིག་མཛོས། རྟ་ཤར་སྡེ་བའི་རང་ལོ་ ༡༩
ཙམ་ལ་སོན་པའི་ཚེ་དབང་སྐྱིད་སོགས་འཛིན་བཟུང་བྱས་ཡོད་འདུག སྐབས་དེར་ ཉེན་རྟོག་པ་ཚོས་ མེ་མདའ་གང་བྱུང་བརྒྱབ་ སྟེ། འབྲུག་ལོ ་དང་ མགོན་དགའ་གང་རུང་གི་ ཕོ་བར་ མེ་མདའ་ཕོག་ ཡོད་ པའི་གནས་ཚུལ་ཐོན་འདུག
ཉེན་རྟོག་པས་ཁོང་ཅག་ འཛིན་བཟུང་བྱེད་ སྐབས་ སྡེ་བ་གཞན་ གྱི་མི་མང་པོ་འབྱོར་ཏེ་ ས་གནས་སུ་ངོ་རྒོལ་ཤུགས་ཆེ ན ་བྱུང་སྟབས།
ད་ལྟ་ས་གནས་ཡོངས་སུ་དྲག་ཆས་དམག་མི་བཏང་སྟེ་དམ་ དྲག་ ཤིན་ཏུ་ཆེན་པོ་བྱེད་བཞིན་པ་མ་ཟད། ཕྱི་ཕྱོགས་སུ་འབྲེལ་བ་བྱ་རྒྱུའི་བརྒྱུད་ལམ་ཡོངས་སུ་བཀག་ སྡོམ་བྱས་ཡོད་འདུག
ཁ་སང་ཚེས་༡༤་སྔ་དྲོའི་བོད་ནང་གི་ཆུ་ཚོད་ ༡༡།༥༠ ཙམ་ལ་རྔ་པ་རྫོང་ཆོས་རྗེ་ཞང་སོ་རུ་མའི་པདྨ་ཚང་གི་བུ་ནོར་བུ་དགྲ་འདུལ། རང་ལོ་ ༡༩ ཙམ་ཡིན་པ་ཁོང་གིས་རྔ་པའི་ཁྲོམ་གཞུང་དུ་ཐོན་ནས་རང་ལུས་མེར་བསྲེགས་བཏང་ཞིང་བོད་ཁ་བ་ཅན་ལ་རང་དབང་རང་བཙན་དགོས། རྒྱལ་བ་རིན་པོ་ཆེ་བོད་ལ་གདན་འདྲེན་ཞུ་དགོས་ཞེས་ངོ་རྒོལ་སྐད་འབོད་བྱས་ཡོད་འདུག སྐབས་དེར་རྔ་པའི་ཁྲོམ་གཞུང་དུ་ཡོད་པའི་ཉེན་རྟོག་པ་རྣམས་ཀྱིས་ཆུ་དང་མེ་གསོད་ཡོ་ཆས་ཀྱིས་ཁོང་གི་ལུས་ཀྱི་མེ་བསད་ཅིང་། གཅར་རྡུང་བཏང་ཡོད་ལ། ཉེན་རྟོག་པའི་རླངས་འཁོར་ཆུང་ཆུང་ཞིག་གི་ནང་དུ་བཞག་ནས་ཁྱེར་ཡོད་འདུག་མོད། ས་གནས་ཡུལ་མི་རྣམས་ཀྱིས་གང་དུ་ཁྱེར་ཡོད་མེད་སོགས་ཤེས་རྟོགས་ཐུབ་མེད། གནས་ཚུལ་འགྲེལ་བརྗོད་གནང་མཁན་གྱིས་བཤད་ན་ཁོང་གི་གཟུགས་པོ་མེས་ཚིག་པ་ཚབས་ཆེན་ཡིན་ཡང་སྐབས་དེ་རང་ལ་གྲོངས་མེད་པ་གསལ་པོ་ཡིན་འདུག ཁོང་ཆུང་ཆུང་སྐབས་རྔ་པ་ཀིརྟི་དགོན་པར་ཆོས་ཞུགས་བྱས་ཤིང་། ཕྱི་ལོ་ ༢༠༡༠ ལོའི་ཟླ་ ༦ ཡས་མས་ཤིག་ལ་གྲྭ་པ་ལོག་སྟེ་དེང་སྐབས་ཕ་མའི་རྩ་ལ་བསྡད་ཡོད་འདུག
གོང་གསལ་གནས་ཚུལ་དེའི་སྐོར་དངོས་སུ་མཐོང་མཁན་ཞིག་གིས་བརྗོད་པ་ཇི་བཞིན་ཡིག་ཐོག་ལ་བཀོད་པ་གཤམ་གསལ་ལྟར་ཡིན། " སྔ་དྲོའི་དུས་ཚོད་ ༡༡།༥༠ ཡས་མས་སུ་ང་ཁྲོམ་གྱི་གཞུང་ལམ་ཟུར་ཞིག་ལ་ཡོད། སྐབས་དེར་ཁྲོམ་ལ་མི་མང་པོ་འདུག དང་པོ་ངས་ཤེས་དུས་བོད་ཁ་བ་ཅན་ལ་རང་དབང་རང་བཙན་དགོས། རྒྱལ་བ་རིན་པོ་ཆེ་བོད་ལ་གདན་འདྲེན་ཞུ་དགོས་ཞེས་སྐད་ཤུགས་ཆེན་པོས་སྐད་འབོད་ རྒྱག་ བཞིན་པའི་སྒྲ་དེ་རྒྱབ་ཕྱོགས་ནས་གོ་སོང་། སྐབས་དེར་མར་བལྟས་དུས་མི་ཞིག་གིས་རང་ལུས་མེར་བསྒྲོན་ཏེ།
ཡར་ང་ཚོའི་ཕྱོགས་སུ་རྒྱུགས་ཡོང་གི་འདུག མཐོང་མ་ཐག་ང་རང་ཧ་ཅང་སྐྲག་སྣང་སྐྱེས་སོང་། ཕར་བལྟས་ཚོད་ལ་དུས་ཚོད་གང་མཚམས་འགོར་ཡོད་པའི་སྣང་བ་བྱུང་བས་མགོ་གང་ཞིག་ནས་བཙུགས་པ་ངས་མ་ཤེས་ཐལ། ཁོང་གི་མགོའི་སྐྲ་དང་རྒྱབ་ཀྱི་སྟོད་གོས་སོགས་མེས་ཚིག་ནས་ས་ལ་འཐོར་ཡོང་གི་འདུག སྐྲ་རིང་པོ་ཅན་ཞིག་དང་། དོར་མ་ལོ་དུང་སྔོ་སྐྱ་ཞིག་གྱོན་འདུག་པ་གསལ་པོ་ཤེས་སོང་། དེ་ནས་གཡས་གཡོན་ནས་ཉེན་རྟོག་པ་རྣམས་ཀྱིས་དང་པོ་ཆུས་བརྒྱབ་ཀྱང་མེ་མ་སོད་པར་མ་ཟད། ཁོང་ས་ལའང་མ་འགྱེལ་བར་མུ་མཐུད་སྐད་འབོད་བྱེད་བཞིན་མདུན་དུ་ཡོང་གི་འདུག་པས། རྡོག་ཐོས་བརྒྱབ་ཀྱང་ས་ལ་མ་འགྱེལ་ཐལ། དེ་ནས་མེ་གསོད་ཡོ་ཆས་ལག་ཏུ་ཡོད་པའི་ཉེན་རྟོག་པ་གཉིས་གསུམ་ཞིག་མདུན་དུ་ཐོན་སོང་ལ། ཁོང་ཚོས་མེ་གསོད་ཡོ་ཆས་ཀྱིས་བརྒྱབ་ནས་ས་ལ་འགྱེལ་བཅུག་པ་དང་། མེ་བསད་ནས་དེ་མ་ཐག་ཉེ་ཁྲིས་སུ་ཉེན་རྟོག་པའི་རླངས་འཁོར་ཆུང་ཆུང་སྒམ་ཤིང་ཅན་ཞིག་འདུག་པ་དེའི་ནང་དུ་བཞག་ནས་ཡར་ཁྱེར་སོང་མོད། ཕལ་ཆེར་རླངས་འཁོར་གྱི་ཁ་ཡར་འཁོར་འདུག་པས་ཡིན་པ་འདྲ་སྟེ། སྐོར་ར་བྱས་ནས་ཁྲོམ་ལམ་གཞན་ཞིག་ནས་མར་སྨན་ཁང་གི་ཕྱོགས་སུ་ཁྱེར་སོང་སྙམ་པ་ བྱུང་ཡང་། ངས་མཐའ་མ་རིག་ས་དང་སྨན་ཁང་ལ་བར་ཐག་ཅུང་ཙམ་ཡོད་པས་སྨན་ཁང་དུ་ཁྱེར་སོང་ཟེར་ ནས་བཤད་མི་ཐུབ། མི་དེ་སྐྲ་རིང་པོ་ཅན་གྱི་མི་སྐྱ་ཞིག་ཡིན་པ་ཐག་བཅད་ནས་བཤད་ཐུབ་ཀི། གཞན་ངོ་ཤེས་ཤིག་ཡིན་མིན་ཙམ་ཡང་ཤེས་རྟོག་མ་བྱུང་། གཙོ་བོ་ང་རང་ཚ་བེ་ཚུབ་བེས་སྙམ་འཇོག་མ་ཐུབ་པ་ཡང་ཡིན་ན་ཐང་མོད། ཁོང་གི་གདོང་དབྱིབས་མེས་བཏུམ་ནས་གསལ་པོ་རིག་མ་སོང་སྙམ་པ་ད་ལྟ་འདང་བརྒྱབ་ན་དྲན་གི ང་ཁོང་གི་ཐག་ཉེ་སར་ཡོད་མོད། མི་དེའི་གདོང་དབྱིབས་ངའི་དྲན་ཡུལ་དུ་མི་ཡོང་གི ཁོང་ཉེན་རྟོག་པས་ས་ལ་རྫོགས་པ་དང་མཉམ་དུ་མི་མང་པོས་སྐོར་སོང་ལ་ང་ཡང་ལྟ་རུ་ སོང་བ་ཡིན། འོན་ཀྱང་སྐར་མ་གསུམ་བཞི་ཞིག་གི་ནང་ལ་ཉེན་རྟོག་པས་ཁྱེར་སོང་། སྐབས་དེར་ཉེན་རྟོག་པ་དང་དམག་མི་བཅས་མང་པོ་བསླེབས་འདུག བོད་མི་ཡང་མང་པོ་འདུག་མོད། ཁོང་ཚོས་གང་མགྱོགས་ལྕགས་དབྱུག་འཕྱར་ཞིང་། མེ་མདའ་ཚད་ནས་མི་མང་ཁ་གཏོར་སོང་ལ། སྐབས་དེར་ཉེན་རྟོག་པ་དང་དམག་མི་ཧ་ཅང་མང་པོ་ཁྲོམ་ཡོངས་ལ་འགྲེམས་འཇོག་བྱས་ཚར་འདུག བོད་མི་རྣམས་ཀྱིས་བཤད་དོན་རྫོང་མཁར་ཕྱི་ནང་གི་འགྲུལ་བཞུད་མཚམས་བཅད་འདུག་ཟེར " ཞེས་གསུངས་པ་བཅས།
གནས་ཚུལ་གཏོང་མཁན། གྲྭ་ བློ་བཟང་ཡེ་ཤེས་དང་ཀ་ཉག་ཚེ་རིང་
ཉིན་འདི་འགར་ཨ་རིའི་གྲོས་ཚོགས་གོང་མིའི་ནང་རྒྱ་ནག་གི་དངུལ་གྱི་འཛའ་ཐང་དང་འབྲེལ་པའི་གྲོས་གཞི་ཞིག་ ལ་གྲོས་ཆོད་བཞག་ཡོད་འདུག་ལ། གྲོས་གཞི་དེ་གྲོས་ཚོགས་འོག་མའི་ནང་འཁྱེར་རྒྱུ་ཡིན་འདུག གྲོས་གཞི་དེའི་ནང་གཙོ་བོ་རྒྱ་ནག་གིས་གཡོ་ཇུས་ཐོག་རྒྱ་ སྒོར་གྱི་འཛའ་ཐང་སྤར་རྒྱུར་འགོག་རྒོལ་བྱེད་པ་དེས་གཅིག་ནས་ཨ་སྒོར་གྱི་རིན་ཐང་ལ་ཁ་གཏད་གཅོག་ཐབས་དང་། གཉིས་ནས་རྒྱ་ནག་གི་ཐོན་རྫས་ཀྱིས་ཨ་རིའི་ཚོང་ལས་ཁྲོམ་རའི་འཁོར་རྒྱུག་ལ་ཤུགས་རྐྱེན་ངན་པ་སྤྲོད་པ། དེ་བཞིན་ཨ་རིའི་ལས་མེད་ཀྱི་བརྒྱ་ཆ་འཕར་པའི་གོ་སྐབས་འཛིན་གྱི་ཡོད་སྟབས། ཨ་རྒྱའི་ཚོང་འབྲེལ་སྲིད་ཇུས་དང་རྒྱ་ སྒོར་གྱི་འཛའ་ཐང་ལ་བསྐྱར་ཞིབ་བྱ་དགོས་སྐོར་གསལ་ཡོད་འདུག
གྲོས་གཞི་དེར་རྒྱ་ནག་གི་ཕྱི་སྲིད་བློན་ཆེན་གྱིས་ངོ་རྒོལ་དང་། གྲོས་གཞི་དེས་ཨ་རྒྱའི་ཕྱི་འབྲེལ་དཔལ་འབྱོར་སྲིད་ཇུས་དང་ཚོང་འབྲེལ་ལ་དོ་ཕོག་འགྲོ་རྒྱུ ་ཡིན་སྐོར་སོགས་བརྗོད་འདུག
ཟླ་འདིའི་ཕྱི་ཚེས་ ༩ ཉིན་ལྷོ་ཨ་ ཧྥི་ཀི་རི་ཀར་རྟེན་གཞི་བྱས་པའི་བདག་ཉིད་ཆེན་པོ་གྷན་ངྷི་ཐེབས་རྩ་ཁང་གིས་འདི་ལོའི་གྷན་ངྷི་རྒྱལ་སྤྱིའི་གཟེངས་རྟགས་ (MAGI Award) ༸གོང་ས་མཆོག་ལ་ཕུལ་ཡོད་པ་དང་། དེ་ནི།
༸གོང་ས་མཆོག་གིས་ད་ལྟའི་བར་འཛམ་གླིང་ནང་ཆོས་ལུགས་འཆམ་མཐུན་དང་འཛམ་གླིང་ཞི་བདེ་ཐོག་རླབས་ཆེན་གྱི་མཛད་འཕྲིན་ལ་ཆེད་བསྟོད་དང་ངོས་འཛིན་གནང་བ་ཞིག་ཡིན་འདུག
འདིའི་འཕྲོས་་རྒྱལ་སྤྱིའི་གསར་གནས་ལེ་ཚན་ལ་གཟིགས་རོགས།
དེ་རིང་ཕྱི་ཚེས་ ༡༢ ཉིན་གྱི་ཞོགས་པའི་ཆུ་ཚོད་ ༡༡། ༣༠ སྟེང་དབུས་བོད་མིའི་སྒྲིག་འཛུགས་ཕྱི་དྲིལ་ལྷག་པ་ཚེ་རིང་ཚོགས་ཁང་དུ། བཀའ་
བློན་ཁྲི་པ་བློ་བཟང་སེང་གེ་མཆོག་དང་སྤྱི་འཐུས་ཚོགས་གཙོ་སྤེན་པ་ཚེ་རིང་རྣམ་ གཉིས་ཀྱིས་བཀའ་སྤྱི་གཉིས་ཐུན་མོང་གི་གསར་འགོད་གསལ་བསྒྲགས་ཤིག་སྤེལ་ཡོད་ ཅིང༌། དེའི་ཐོག་རྒྱལ་སྤྱི་དང་རྒྱ་གར། བོད་པའི་གསར་འགོད་པ་དང་གཞུང་ཞབས་ལས་བྱེད་བཅས་མི་ ༥༠ མ་ཟིན་ཙམ་འདུ་འཛོམས་བྱུང་ཡོད།
འདིའི་འཕྲོ་མ་བཙན་བྱོལ་བོད་མིའི་གསར་གནས་ནང་གི་བཀའ་སྤྱི་གཉིས་ཀྱི་གསལ་བསྒྲགས་ཟེར་བར་གཟིགས།
དཔལ་ལྡན་རང་གཞུང་བོད་མིའི་སྒྲིག་འཛུགས་ཀྱིས་རྒྱ་ནག་གཞུང་ལ་རྔ་བ་ཁུལ་གྱི་དྲག་གནོན་མཚམས་འཇོག་དགོས་པའི་རེ་འདུན་བཏོན་པ།
བོད་མི་ཚོས་རྒྱ་ནག་མི་དམངས་སྤྱི་མཐུན་རྒྱལ་ཁབ་ལ་་ཞི་བའི་སྒེར་ལངས་བྱས་ ཏེ་ད་བར་གསུམ་བཅུའི་དུས་དྲན་ཐེངས་ ༥༢ དེ་བཞིན་ཕྱི་ལོ་ ༢༠༡༡ ཟླ་ ༣ ཚེས་ ༡༠ ཉིན་སྲུང་བརྩིས་ཞུས་པའི་ཉིན་མོ་ནས་བཟུང་། བོད་བྱང་ཤར་རྔ་པའི་ས་ཁུལ་ནས་བོད་མི་དྲུག་དང་དཀར་མཛེས་ནས་བོད་མི་གཅིག་བཅས་ ཁྱོན་བོད་མི་བདུན་ཙམ་གྱིས་རང་ལུས་མེར་སྲེག་བཏང་སྟེ་རྒྱ་ནག་མི་དམངས་སྤྱི་ མཐུན་རྒྱལ་ཁབ་ཀྱིས་བོད་ས་བཙན་བཟུང་བྱས་པ་དེར་ངོ་རྒོལ་དང་བོད་མི་ཚོར་རང་དབང་ སྤྲོད་དགོས་པའི་འབོད་ཚིག་བསྒྲགས་ཡོད། ད་ལྟ་བོད་ནང་འབྱུང་བཞིན་པའི་དོན་རྐྱེན་ལ་རྒྱ་ནག་གཞུང་གིས་སྟངས་འཛིན་ བྱེད་ཕྱོགས་དེར་དབུས་བོད་མིའི་སྒྲིག་འཛུགས་ཀྱིས་སྐྱོན་བརྗོད་ཤུགས་ཆེ་བྱེད་ རྒྱུ་ཡིན། བོད་མི་ཚོའི་དངོས་ཡོད་དཀའ་ངལ་དེ་དག་གྲོས་མོལ་གྱི་ལམ་ནས་སེལ་རྒྱུའི་ཚབ་ཏུ་ རྒྱ་མིའི་ཉེན་རྟོག་དམག་མིས་རང་ལུས་མེར་སྲེག་གཏོང་མཁན་བོད་མི་ཚོ་འཛིན་བཟུང་ བཀག་ཉར་འོག་རྡུང་རྡེག་བྱས་པའི་གནས་ཚུལ་ཐོན་ཡོད། རྒྱ་ནག་གཞུང་གིས་གཞི་རྩའི་རྒྱལ་སྤྱིའི་འགྲོ་བ་མིའི་ཐོབ་ཐང་གི་ཁྲིམས་ཙམ་ མ་ཟད། རང་གི་ཡུལ་ཁྲིམས་དང་ཡང་ཡོངས་སུ་འགལ་བ་ཞིག་ཆགས་ཡོད་པ་ནི་གསལ་པོ་རེད། རང་ལུས་མེར་སྲེག་བཏང་སྟེ་རྨས་སྐྱོན་ཕོག་པ་རྣམས་རྒྱ་ནག་གཞུང་གིས་འཕྲལ་མར་ གློད་བཀྲོལ་བཏང་སྟེ་ཁོང་ཚོར་སྨན་བཅོས་ཚུལ་ལྡན་གནང་རོགས་ཞེས་འབོད་སྐུལ་ཞུ་ རྒྱུ་ཡིན། དབུས་བོད་མིའི་སྒྲིག་འཛུགས་ཀྱིས་བོད་མི་ཚོ་དང་ལྷག་པར་འཛམ་གླིང་ཕྱོགས་གང་སར་ གནས་པའི་བོད་མིར་སེམས་ཐག་ཉེ་བའི་མཛའ་གྲོགས་ཚོས་རྔ་པའི་མི་མང་ཚོར་གདུང་སེམས་ མཉམ་སྐྱེད་ཐོག་བོད་ནང་གི་ཛ་དྲག་གི་གནས་སྟངས་དེ་བཞིན་རྒྱལ་སྤྱིའི་སྟེང་གསལ་ སྟོན་ཡོང་ཐུབ་པའི་འབོད་སྐུལ་ཞུ་རྒྱུ་མ་ཟད། རྒྱལ་སྤྱིའི་ཚོགས་པ་ཁག་ནས་ཀྱང་བོད་ཀྱི་གནད་དོན་དེ་བཞིན་ཞི་བའི་ཐོག་གྲོས་ མོལ་གྱི་ལམ་ནས་སེལ་ཐབས་ཡོང་སླད་རྒྱ་ནག་མི་དམངས་སྤྱི་མཐུན་རྒྱལ་ཁབ་ལ་གནོན་ ཤུགས་སྤྲོད་དགོས་པའི་འབོད་སྐུལ་ཞུ་རྒྱུ་ཡིན།
དེ་རིང་ སྔ་དྲོའི་ཆུ་ཚོད་ ༡༠ ཡོལ་ཙམ་ལ་ལྡི་ལི་རོ་ཧི་ནི་ས་གནས་མཐོ་སློབ་བོད་ཀྱི་གཞོན་ནུ་ཚོགས་པའི་སྣེ་ཁྲིད་འོག ལྡི་ལིའི་མཐོ་སློབ་ཁག་འདྲ་མིན་ནང་སློབ་གཉེར་གནང་བཞིན་པའི་མཐོ་རིམ་སློབ་ཕྲུག་ ཕོ་མོ་ ༡༣ གྱིས་བོད་ཀྱི་རྒྱ་དར་དང་། “རང་ལུས་མེ་རུ་བསྲེག་པ། རང་དབང་གི་འབོད་སྒྲ་ཡིན། ”ཞེས་བཀོད་པའི་ཕྲེད་དར་འདྲ་མིན་ཕྱར་ ཏེ། རྒྱལ་ཁབ་ཕྱི་ནང་གི་གསར་འགོད་པ་ ༥༠
ལྷག་གི་མདུན་སར་ལྡི་ལིར་ཡོད་པའི་རྒྱ་ནག་གཞུང་ཚབ་ཁང་ གི་མདུན་དུ་ངོ་རྒོལ་ལས་འགུལ་གཞི་རྒྱ་ཆེན་པོ་ཞིག་སྤེལ་ཡོད་པ་མ་ཟད། དབྱིན་བོད་ཧིན་གསུམ་ཐོག་ནས་གསར་འགོད་པའི་དྲི་བར་ལན་འདེབས་དང་རྒྱལ་སྤྱིའི་སྤྱི་ཚོགས་ཀྱིས་རྒྱ་ནག་ལ་མགྱོགས་མྱུར་གནོན་ཤུགས་སྤྲོད་དགོས་པའི་འབོད་སྐུལ་ ཞུས་ཡོད་འདུག
གནས་ཚུལ་འབྱོར་བའི་ནང་བཀོད་དོན། དེ་རིང་ཞོགས་པར་ཁུ་སིམ་མེར་གནས་པའི་ལྡི་ལིའི་རྒྱ་ནག་གཞུང་ཚབ་ཁང་གི་སྒོ་ཆེན་གཉིས་གློ་བུར་དུ་བོད་ཀྱི་རྒྱ་དར་དང་ཕྲེད་དར་ཁྱེར་བའི་མཐོ་སློབ་པ་སྐོར་ཞིག་གི་ངོ་རྒོལ་དང་སྐད་འབོད་འོག་ཟང་ཟིང་ལང་ལོང་དུ་གྱུར།
མཐོ་ རིམ་སློབ་མ་ཁ་ཤས་བྱང་ཆ་ལྡན་པའི་ངང་སྔོན་ནས་གོ་སྒྲིག་བྱས་པ་བཞིན་གཞུང་ཚབ་ཀྱི་སྒོ་ཆུང་བརྒྱུད ་གཞུང་ཚབ་ཁང་གི་སྒོ་ར འི་ནང་དུ་མཆོངས། ན་གཞོན་དེ་དག་གིས་བོད་ཀྱི་རྒྱ ལ་དར་དང་བོད་རང་བཙན་གྱི་འབོད་ཚིག་འདྲ་མིན་སྒོ་ར་ནང་མའི་ནང་དུ་གཡུགས་ པར་བརྟེན ་ཏེ། རྒྱ་གར་ཉེན་རྟོག་སྐོར་སྲུང་བ་ལྔ་བཅུ་ལྷག་ བསླེབས་ཀྱང་། ན་གཞོན་དེ་དག་གློ་བུར་དུ་འབོད་ཚིག་སྒྲོག་བཞིན་ཕྱོགས་ སོ་སོར་བྲོས་ཡོད་སྟབས། ཉེན་རྟོག་པ་ ཚོས་སུ་ ཞིག་གི་རྗེས་འདེད་གཏོང་དགོས ་ཀྱང་མ་ཤེས་པར་ཅུང་ཟད་ལྷག་ ཡོད་པ་དང་། སྐབས་དེར་སྒོ་ཆེན་ཕྱི་ལོགས་སུ་ཡོད་པའི་སློབ་མ་ཚོས་ཞི་བའི་ངོ་རྒོལ་ལས་འགུལ་གྱི་འགོག་སྲུང་ (non-violent protection method)ཐབས་ལམ་ལག་ བསྟར་བྱས་ཏེ་སྐད་འབོད་ཤུགས་ ཆེན་བྱས་པར་བརྟེན ། ཉེན་རྟོག་པ་ རྣམས་ཅི་བྱ་གཏོལ་མེད་དུ་གྱུར ་ཞིང་།
དེ འི་རྗེས་ཉེན་རྟོག་པ་བརྒྱ་ལྷག་འབྱོར་ ཏེ་ལས་འགུལ་བ་རྣམས་རི་བོང་གླག་གིས་ཁུར་བ་བཞིན་ འཛིན་བཟུང་གིས་ཉེ་འདབ་ལྟ་སྲུང་བཙོན་ཁང་དུ་ འཁྲིད་སོང་། སྐབས་དེར་སློབ་ཕྲུག་ཚུལ་ཁྲིམས་རྡོ་རྗེ་ལགས་རྒྱ་ནག་གཞུང་ཚབ་ཁང་གི་མདུན་དུ་བསླངས་ ཡོད་པའི་ཐོག་བརྩེགས་གསུམ་ལྷག་གི་མཐོ་ཚད་ཡོད་པའི་གློག་སྡོང་རིང་ བོའི་སྟེང་འཛེགས་ཏེ། གསར་འགོད་པ་དག་གི་མདུན་དུ་བོད་ཀྱི་རྒྱ ལ་དར་འཕྱར་ཞོར་སྐར་མ་ ༢༠ ལྷག་ལ་སྐད་འབོད་བྱས། ཞེས་བསྟན་འདུག
གནས་ཚུལ་ནང་མུ་མཐུད་དུ་བཀོད་དོན། བོད་རིགས་མཐོ་སློབ་ རིམ་སློབ་ཕྲུག་དེ་དག་ད་ལྟ་ཅ་ན་ག་པོས་རིའི་( Chanakyapuri)བཙོན་ཁང་དུ་ཡོད་ ཅིང་།སང་ཉིན་སློབ་ཕྲུག་ཚང་མ་ལྡི་ལི་གསར་བའི་ཁྲིམས་ཁང་དུ་བཅར་ ཏེ།
གནས་ཚུལ་ལ་རྩད་ཞིབ་དང་སྐབས་བབ་ཉེས་ཁྲིམས་གང་བབ་འཁུར་དགོས། ལྡི་ལི་རོ་ཧི་ནི་ས་གནས་བོད་ཀྱི་གཞོན་ནུའི་ཚོགས་གཙོ་དཔལ་ལྡན་བསོད་ནམས་ཀྱིས་གསར་འགོད་པར་བརྗོད་དོན་ “ང་ཚོས་སྔོན་པའི་མཐོ་སློབ་ཀྱི་བདུན་ཕྲག་གཅིག་གི་ཟས་བཅད་ངོ་རྒོལ་དང་དེ་རིང་གི་ངོ་རྒོལ་འདི་གཉིས་ཀྱི་དམིགས་ཡུལ་གཙོ་བོ་ཉེ་ལམ་བོད་ནང་དུ་མུ་མཐུད་བོད་བོད་དོན་ཆེད་རང་ལུས་མེ་བསྲེགས་གཏོང་བཞིན་པའི་དཔའ་བོ་དག་གི་འབོད་སྐུལ་ལ་རྒྱ་གཞུང་གིས་ཉན་འཇོག་བྱེད་དགོས་པ་དང་།
དེ་བཞིན་གནས་ཚུལ་ཛ་དྲག་འདི་ལ་རྒྱལ་སྤྱིའི་ངོས་ནས་ཀྱང་དོ་སྣང་བྱ་དགོས་ཞེས་འབོད་སྐུལ་ཞུ་ཆེད་ཡིན་ལ།
དེ་མིན་གནས་ཚུལ་འདི་ལྟར་མུ་མཐུད་སྣང་མེད་དུ་ལྷག་ཚེ་ང་ཚོར་ཡང་འདི་ལས་ལྷག་པའི་གྲ་སྒྲིག་དང་འཆར་གཞི་འདྲ་མིན་ཡོད ” ཅེས་བརྗོད་སོང་།
ཞེས་བསྟན་འདུག
ཚེས་བདུན་གྱི་སྔ་དྲོའི་བོད་ནང་གི་ཆུ་ཚོད་ ༡༡།༣༠ ཐོག་རྔ་པ་རྫོང་མཐའ་བ་གོང་མའི་འཇུག་རིས་ཚང་གི་བུ་རང་ལོ་ ༡༩ ཡིན་པ་ཆོས་འཕེལ་དང་། མཐའ་བ་གོང་མའི་གསོང་པོ་ཚང་གི་སྐལ་བཟང་གི་བུ་རང་ལོ་ ༡༨ ཡིན་ པ་མཁའ་དབྱིངས་ གཉིས་ཀྱིས་རྔ་པ་རྫོང་གི་ཁྲོམ་གཞུང་དུ་ཐོན་ནས་རང་ལུས་ལ་མེ་སྦར་ཞིང་ལག་གཉིས་
ཐལ་མོ་སྦྱར་ནས་༸རྒྱལ་བ་རིན་པོ་ཆེ་བོད་ལ་ཕེབས་དགོས། བོད་ལ་རང་དབང་དགོས། ང་ཚོར་འགྲོ་བ་མིའི་ཐོབ་ཐང་དགོས། ཞེས་སྐད་འབོད་བརྒྱབ་ནས་རྒྱ་ནག་གཞུང་ལ་ངོ་རྒོལ་བྱས་འདུག
ཅང་མ་འགོར་བར་ཉེན་རྟོག་པས་མེ་གསོད་ཞོར་དང་གཅར་རྡུང་གཏོང་ཞོར་ས་གནས་རྫོང་མི་ མང་སྨན་ཁང་དུ་འཁྱེར་ཡོད་འདུག ཆོས་འཕེལ་ཅང་མ་འགོར་བར་གྲོངས་སོང་བ་འདྲ།། མཁའ་དབྱངས་ནི་ཕྱི་ལོ་ ༢༠༠༨ ལོར་རྒྱ་གཞུང་གིས་དམར་གསོད་བྱས་པའི་མཐའ་བ་གོང་མའི་རྩེ་ཕྲུག་ཚང་གི་རྒྱལ་གཅེས་དཔའ་བོ་བཀྲ་ཤིས་ཀྱི་ཚ་བོ་ཡིན།
ཁོང་གཉིས་ཀ་དེ་སྔོན་རྔ་པ་ཀིརྟི་དགོན་པའི་གྲྭ་པ་ཡང་རེད་ཟེར།
དེང་སྐབས་རྔ་པ་རྫོང་ལ་དམ་དྲགས་ཤུགས་ཆེ་ཡོད་མུས་ཐོག་སྔར་བས་དམ་དྲགས་ཤུགས་ཆེ་རུ་སོང་ཡོད་པ་དང་། དམག་མི་གང་སར་བཀྲམ་ནས་རྔ་པ་རྫོང་སྔར་བས་ཀྱང་ཧ་ཅང་དམ་དྲག་བྱས་འདུག
ཕྱི་ལོ་༢༠༡༡ ཟླ་༡༠ ཚེས་༡ ཉིན་དཀར་མཛེས་ཁུལ་གསེར་རྟ་རྫོང་ཐོག་ཏུ། བོད་མི་ཚོས་བོད་ལ་རང་དབང་དགོས་པ་དང་། ཆོས་དད་རང་དབང་དགོས་པ། འགྲོ་འདུག་རང་དབང་དགོས་པ།
སྨྲ་བརྗོད་རང་དབང་དགོས་པ། རྩོམ་འབྲི་ཁྱབ་སྤེལ་གྱི་རང་དབང་སོགས་གཞན་ལ་ཡོད་ པའི་རང་དབང་དེ་དག་ང་ཚོ་བོད་ལ་ངེས་པར་དུ་དགོས། ༧རྒྱལ་བ་༧བསྟན་འཛིན་རྒྱ་མཚོ་སྐུ་ཚེ་ཁྲི་ལོ་ཤོག
བོད་རྒྱལ་ལོ་ཞེས་བཀོད་ཡོད་པའི་ཡིག་ཆ་བཀྲམ་སྟེ་རྒྱ་ནག་གཞུང་ལ་ངོ་རྒོལ་བྱས་ ཡོད་པ་རེད།
དེ་བཞིན་ཕྱི་ལོ་ ༢༠༡༡ ཟླ་ ༡༠ ཚེས་ ༣ ཉིན་བོད་ནང་གི་ཕྱི་དྲོའི་དུས་ཚོད་ ༢ ཙམ་ལ་རྔ་པ་རྫོང་། ཆོས་རྗེ་མ་ཞང་སོ་རུ་མ་སྡེ་བའི་ཚུར་དྲིས་ཚང་གི་ཕ་ཚུར་དྲིས་དང་མ་བདེ་མཆོག་
གཉིས་ཀྱི་བུ་རྔ་པ་ཀིརྟི་དགོན་པའི་དུས་འཁོར་གྲྭ་ཚང་གི་གྲྭ་སྐལ་བཟང་དབང་ཕྱུག རང་ལོ་ ༡༧ ཡིན་པ་ཁོང་གིས་༸གོང་ས་མཆོག་གི་སྐུ་པར་ཞིག་ལག་ཏུ་བཟུང་ནས་རྔ་པ་རྫོང་མཁར་གྱི་
གཞུང་ལམ་དུ་ཐོན་པ་དང་རང་ལུས་ལ་མེ་སྦར་ཏེ་རྒྱ་ནག་གཞུང་ལ་ངོ་རྒོལ་སྐད་འབོད་ གནང་འདུག་མོད། དེ་མ་ཐག་རྒྱ་དམག་གིས་བསྐོར་ནས་མེ་བསད་ཅིང་གཅར་རྡུང་དྲག་པོ་གཏོང་བཞིན་ཁྱེར་ ཡོད་པ་རེད།
དེང་སྐབས་བོད་ནང་གི་བོད་མི་ཚོས་རང་དབང་གི་ཆེད་དུ་གཅིག་མཇུག་གཉིས་མཐུད་ ཀྱིས་རང་ལུས་མེ་རུ་སྒྲོན་པ་དང། ༧གོང་ས་མཆོག་གི་སྐུ་པར་དང་བོད་ཀྱི་རྒྱལ་དར་འཕྱར་ནས་ཁྲོམ་གཞུང་དུ་དྲག་གནོན་
ལ་ཞུམ་པ་མེད་པའི་ཐོག་ནས་ཞི་བའི་ངོ་རྒོལ་བྱེད་བཞིན་ཡོད་པ་འདིས། རྒྱ་ནག་སྲིད་གཞུང་གིས་བོད་མིའི་ཐོག་དམ་དྲག་དང་གཉའ་གནོན་ཇི་ཙམ་བྱེད་བཞིན་ ཡོད་པ་མཚོན་གྱི་ཡོད་པས།
མཉམ་འབྲེལ་རྒྱལ་ཚོགས་ཀྱིས་གཙོས་པའི་རྒྱལ་སྤྱིའི་སྲིད་གཞུང་ཁག་དང་། གཞུང་དང་གཞུང་འབྲེལ་མ་ཡིན་པའི་ཚོགས་སྡེ་དང་སྒྲིག་འཛུགས་ཁག་གིས། རྒྱ་ནག་གཞུང་ལ་བོད་ཐོག་འཛིན་པའི་ཕྱོགས་ལྷུང་ཅན་གྱི་སྲིད་ཇུས་ལ་འཕྲལ་དུ་
འགྱུར་ལྡོག་གཏོང་དགོས་པའི་སྐུལ་མ་ནན་པོ་བྱེད་དགོས་པ་དང་། གལ་ཏེ་ཉེན་ཚབས་ཆེ་བའི་གནད་དོན་འདི་དག་རྒྱ་ཡན་དུ་བཏང་ན་བོད་ནང་རང་ལུས་མེ་ལ་ བསྒྲོན་པའི་དཀའ་སྡུག་ཆེ་བའི་ལས་འགུལ་མང་དུ་འགྲོ་ངེས་ཡིན་ལ།
དེ་བཞིན་རྒྱལ་གཅེས་དཔའ་བོ་དེ་དག་གི་བསམ་དོན་ཡིད་བཞིན་འགྲུབ་པ་དང་ཤུལ་ལུས་ ནང་མི་ཉེ་འབྲེལ་ལྟོས་བཅས་ལ། བོད་མི་མང་སྤྱི་འཐུས་ལྷན་ཚོགས་ཀྱི་ངོས་ནས་ཐུགས་གསོ་དང་།
རྒྱ་ནག་གཞུང་ལ་ངེས་པར་དུ་དེའི་ཕྱོགས་ལ་བསམ་གཞིགས་བྱེད་དགོས་པའི་སྐུལ་མ་ བྱེད་ཀྱི་ཡོད། བོད་མི་མང་སྤྱི་འཐུས་ལྷན་ཚོགས་ཀྱིས་ཕྱི་ལོ་ ༢༠༡༡ ཟླ་ ༡༠ ཚེས་ ༤ ལ།།
ཟླ་འདིའི་ཚེས་ ༡ ཉིན་སི་ཁྲོན་ཞིང་ཆེན་གསེར་རྟ་རྫོང་ཐོག་ཏུ་བོད་མི ་བརྒྱ་སྐོར་ཞིག་གིས་བོད་རང་བཙན་ཡིན། ༧གོང་ས་མཆོག་བོད་ལ་གདན་ཞུ་དགོས་ཞེས་པའི་ངོ་རྒོལ་སྐད་འབོད་གནང་ཡོད་ འདུག
ཕྱི་ཟླ་ ༡༠ པའི་ཚེས་ ༡ ཉིན་ ཏེ་རྒྱ་ནག་མི་དམངས་སྤྱི་མཐུན་རྒྱལ་ཁབ་དབུ་བརྙེས་པའི་ཉིན་མོ་དང་བསྟུན་ཏེ། དཀར་མཛེས་བོད་རིགས་རང་སྐྱོང་ཁུལ་གསེར་རྟ་རྫོང་ཐོག་ཏུ་བོད་དོན་སྐོར་གྱི་ཡིག་ཆ་གང་མང་ཞིག་འགྲེམས་གཏོར་བྱས་ཡོད་པ་དང་།
ཉིན་གུང་ཆུ་ཚོད་ ༡༢ ཙམ་ལ་ས་གནས་བོད་མི་ཞིག་གིས་རྫོང་གི་ཁྲོམ་གཞུང་དུ་ཡིག་ཆ་འགྲེམས་གཏོར་བྱེད་བཞིན། བོད་ལ་རང་དབང་དགོས་པ་དང་།
༧རྒྱལ་བ་རིན་པོ་ཆེ་བོད་ལ་གདན་ཞུ་དགོས་པའི་ཞེས་པའི་སྐད་འབོད་གནང་ཡོད་འདུག ཁོང་གིས་སྐད་འབོད་གནང་སྐབས་ས་གནས་བོད་མི་ ༢༠༠ ལྷག་གིས་ལས་འགུལ་དེར་མཉམ་ཞུགས་བྱས་འདུག བོད་མི་དེ་ཚོས་ངོ་རྒོལ་བྱས་ཏེ་ཡུན་རིང་མ་ཕྱིན་པར་རྒྱ་ནག་ཉེན་རྟོག་པ་མང་པོ་ཞིག་འབྱོར་ཡོད་ཀྱང་།
སྐབས་དེར་འཛིན་བཟུང་བྱས་པའི་གནས་ཚུལ་ བྱུང་མེད་ཀྱང་། དེའི་རྗེས་གསེར་རྟ་རྫོང་ཐོག་ཏུ་ ཉེན་རྟོག་པས་དམ་དྲག་བྱེད་མགོ་ཚུགས་ཡོད་འདུག
གོང་གསལ་གནས་ཚུལ་སྐོར་བོད་རིགས་བུད་མེད་རྩོམ་པ་པོ་ཚེ་རིང་འོད་ཟེར་ལགས་ཀྱིས་དྲ་བའི་སྟེང་བཀོད་པའི་ནང་། ཟླ་འདིའི་ཕྱི་ཚེས་ ༡ ཉིན་གྱི་ཉིན་གུང་ ཆུ་ཚོད་ ༡༢ ཕྱེད་ཀ་ཙམ་ལ་གསེར་ རྟ་རྫོང་ གི་ཐང་ཆེན་གཡས་ཕྱོགས་ཀྱི་ ཁང་བརྩེགས་ བཞི་ཐོག་ནས་ན་གཞོན་ཞིག་གིས་༧ གོང་ས་མཆོག་གི་སྐུ་ པར་མཐོང་གྲོལ་ཆེན་མོ་དང་བོད་ ཀྱི་རྒྱལ་དར་ལྷན་དུ་ འཕྱར ་ཅིང་བསྒྲགས་ ཡིག་མང་པོ་གཏོར་སོང་། སྐབས་དེར་ཁང་བརྩེགས་འོག་གི་ཚོང་ཁང་དག་གི་སྒོ་འགྲམ་དང་བཞི་མདོ་དེར་འཚང་ཁ་རྒྱག་ བཞིན་པའི་མི་ཚོགས་ཀྱི་ མགོར་བསྒྲགས་ཡིག་ཁ་བ་ བཞིན་བབས་སོང་།
བསྒྲགས་ཡིག་གི་ནང་དུ། “ བོད་རིགས་སྤུན་ཟླ་རྒྱ་ནག་པོས་གཡོ་སྒྱུའི་འོག་ཏུ་གཉིད་མ་འདུག རང་ཉིད་ཀྱི་མི་རིགས་དང་ཆོས་ལུགས། སྐད་ཡིག་དང་འདུ་ཤེས་རྩོད་ཀྱིན་ལོངས་ཤོག
ང་ཚོར་འགྲོ་བ་མིའི་རིགས་ལ་ཡོད་པའི་རང་དབང་གང་ཡང་མེད་པས། ཐམས་ཅད་ཀྱིས་བདེན་པའི་ལམ་ནས་རང་དབང་རྩོད་རོགས། ང་ཚོར་དད་མོས་ཀྱི་རང་དབང་དགོས། སྨྲ་བརྗོད་ཀྱི་རང་དབང་དགོས། སྐད་ཡིག་བེད་སྤྱོད་ཀྱི་རང་དབང་དགོས།
འགྲོ་འདུག་གི་རང་དབང་དགོས། རྩོམ་འབྲི་ཁྱབ་སྤེལ་གྱི་རང་དབང་སོགས་གཞན་ལ་ཡོད་པའི་རང་དབང་དེ་དག་ང་ཚོ་བོད་ལ་ངེས་པར་དུ་དགོས། ༧རྒྱལ་བ་བསྟན་འཛིན་རྒྱ་མཚོ་སྐུ་ཚེ་ཁྲི་ལོ་ཤོག བོད་རྒྱལ་ལོ ། བོད་རྒྱལ་ལོ ” ཞེས་བཀོད་འདུག
བསྒྲགས་ཡིག་ལ་ཆེ་ཆུང་ རིགས་གཉིས་འདུག་ལ། བསྒྲགས་ཡིག་གི་གཤམ་གྱི་ཟླ་ཚེས་མ་གཏོགས་ནང་དོན་གཅིག་པ་རེད།
བསྒྲགས་ཡིག་ཆེ་བ་དེའི་མཇུག་ཏུ་ ༢༠༡༡ ལོའི་ ༨ པའི་ཚེས་ ༢༥ ལ ་ཞེས་བཀོད་འདུག ཆུང་བའི་མཇུག་ཏུ་ ༢༠༡༡ ལོའི་ཟླ་༩
བའི་ཚེས་ ༢༦ ཞེས་ བཀོད་འདུག ཉིན་དེ་ནི་རྔ་པ་ཀིརྟིན་དགོན་པའི་དགེ་འདུན་པ་གཉིས་ཀྱིས་རང་ལུས་མེར་བསྲེགས་བཏང་བའི་ཉིན་མོ་རེད། བསྒྲགས་ཡིག་དེ འི་རྒྱབ་ངོས་སུ་ཐམ་ཀ་དམར་པོ་བརྒྱབ་ཏེ་༼ རྒྱལ་བ་བསྟན་འཛིན་རྒྱ་མཚོ་ཁྲི་ལོར་བརྟན་པར་ཤོག ༽ཅེས་བསྐོར་ནས་ འཁོད་འདུག་ལ། དེའི་དཀྱིལ་དུ་སྙིང་དབྱིབས་ ཀྱི་རི་མོ་ཞིག་གི་དབུས་སུ་༼ བོད ༽ ཅེས་བྲིས་འདུག དེ་དག་ལ་ཞིབ་ཏུ་བསམ་ན། དེ་ནི་བོད་ནང་གི་གསང་བའི་ཚོགས་པ་ཞིག་གི་ལས་འགུལ་ གྱི་ཟུར་སྣེ་རེད། ཅེས་བཀོད་འདུག
རྩ་འཛུགས་དང་འཆར་གཞི་ཡོད་པའི་སྒོ་ནས་འདི་ལྟར་ཞི་བའི་ངོ་རྒོལ་གྱི་རླབས་ཕྲེང་མི་འཇགས་པ་ལ་བོད་ས་ཡོངས་ནས་སྙིང་སྟོབས་སྐྱེད་པར་རིགས་སོ།
མངོན་པར་བསྟོད་དོ། “བདེན་པ་ཉིད་རྣམ་པར་རྒྱལ་གྱུར་ཅིག”
རྒྱལ་སྤྱིའི་པེན་གྱི་ཚོགས་ཆེན་དོན་བདུན་པར་བོད་དོན་ཐད་གྲོས་ཆོད་གཉིས་བཞག་པ།
རྒྱལ་སྤྱིའི་ཕེན་གྱི་ཚོགས་ཆེན་ཐེངས་༧༧པ་ཟླ་དགུ་བའི་ཚེས་༡༢་ཉིན་ནས་ཚེས་༡༨་བར་ལ་ Sarbia རྒྱལ་ས་ Belgrade ་ལ་གཟི་བརྗིད་ངང་འཚོགས། “རྩོམ་རིག་འཛམ་གླིང་གི་སྐད་ཆ།”ཞེས་པ་ནི་ཚོགས་ཆེན་གྱི་ཁ་བྱང་རེད།
རྒྱལ་སྤྱིའི་པེན་གྱི་ཚོགས་གཙོ་དང་དྲུང་ཆེ། ཚོགས་གཞོན་རྣམ་པ་བཞི་དབུ་བཞུགས་ཐོག
རྒྱལ་ཁབ་བརྒྱད་ཅུ་གྱ་བརྒྱད་ཀྱི་ཚོགས་སྡེ་བརྒྱ་ལྷག་ནས་ཕེབས་པའི་སྐུ་ཚབ་འདུ་འཛོམས་བྱུང་ཞིང་ཐེངས་འདིར་རྒྱ་དམར་གཞུང་འབྲེལ་གྱི་པེན་ཚོགས་པའི་ཚོགས་གཞོན་ཡེ་ཞིན་དང་སྐད་སྒྱུར་པ་ཀྲང་ཐོ་གཉིས་ཆེད་ཞུགས་བྱས་ཡོད།
འདི་ག་ཕེན་ཕྱི་སྡོད་བོད་མིའི་རྩོམ་པ་པོའི་མཐུན་ཚོགས་ཀྱི་སྐུ་ཚབ་ལ་ཚོགས་གཞོན་ཀུན་ཐར་དོན་གྲུབ་ལགས་ཚོགས་ཞུགས་ཀྱིས་ཐེངས་འདིར་དམིགས་བསལ་དོན་ཕན་ལྡན་པའི་གྲོས་ཆོད་གཉིས་དང་འགྲེམས་སྟོན་དྲིལ་བསྒྲགས་གཅིག་བཅས་ལེགས་འགྲུབ་བྱུང།
ཀ༽བོད་ནང་དུ་མི་རིགས་རང་ཉིད་ཀྱི་སྐད་ཡིག་བཀོལ་སྤྱོད་ཀྱི་རང་དབང་ལ་རྒྱ་གཞུང་གིས་དམིགས་ཡུལ་ཡོད་པའི་སྒོ་ནས་མངོན་ཤུགས་བརྒྱུད་གསུམ་ནས་ཚོད་འཛིན་ནམ་བཀའ་འགོག་གིས་བོད་ཀྱི་སྐད་ཡིག་ཉམས་ཆག་ཆེན་པོ་བཞིན་པའི་དངོས་ཡོད་གནས་ཚུལ་གསལ་བཤདང་སྐད་ཡིག་སྲུང་སྐྱོབ་བྱེད་ཕྱོགས་ཐད་ལ་ཚོགས་ཆེན་ཐོག་མང་མོས་གྲོས་ཆོད་འཇོག་ཐུབ་པ་བྱུང་འདུག
འདིའི་ཐད་ལ་རྒྱ་ནག་གཞུང་འབྲེལ་སྐུ་ཚབ་གཉིས་ནས་སྐད་ཆེན་པོས་ངོ་རྒོལ་བྱས་ཀྱང་ཚོགས་སྡེ་གཅིག་གིས་ཀྱང་ངོས་ལེན་རྒྱབ་སྐྱོར་བྱུང་མེད།
ཁ) བོད་ནང་གི་རྩོམ་པ་པོ་མང་པོ་ཞིག་ལ་རྒྱ་གཞུང་གིས་ཆབ་སྲིད་ཀྱི་ཉེས་ཞྭ་གཡོགས་ཏེ་བཙོན་འཇུག་དང་བཀག་ཉར།
ལྟ་རྟོག་སོགས་ཀྱིས་སྨྲ་བརྗོད་རང་དབང་བཙན་འཕྲོག་བྱས་དང་བྱེད་ཀྱིན་པའི་གནས་སྟངས་གསལ་བཤད་ཀྱིས་བཙོན་ནང་རྩོམ་པ་པོ་རྣམས་མྱུར་གློད་དགོས་པའི་གྲོས་གཞི་བཏོན་པར་ཡང་མང་མོས་རྒྱབ་སྐྱོར་གྱི་གྲོས་ཆོད་བཞག་སྟེ།
རྒྱལ་སྤྱིའི་པེན་ཀྱི་སྐུ་ཚབ་ལས་ཁུངས་བརྒྱུད་མཉམ་འབྲེལ་རྒྱལ་ཚོགས་དང་རྒྱ་གཞུང་ལ་འབྲེལ་གཏུགས་བྱེད་རྒྱུའི་རྒྱབ་སྐྱོར་བཅས་ཐོབ་ཡོད།
ག༽ བོད་ནང་དུ་བཙོན་འཇུག་དང་བཀག་ཉར་བྱས་ཡོད་པའི་རྩོམ་པ་པོ་རྣམ་པའི་སྐུ་པར་དང་གནས་སྟངས། བོད་ཀྱི་ཆོས་དང་རིག་གཞུང།
ཡུལ་སྲོལ་གོམས་གཤིས་བཅས་པར་རྡོག་བརྫིས་དང།
དགོན་སྡེ་ཁག་ལ་བཀག་སྡོམ་དང་གཏོར་བཤིག་བཏང་བའི་དཔར་རིས་རིགས་འགྲེམས་སྟོན་བྱས་ཏེ་རྒྱ་གཞུང་གིས་བོད་ཐོག་བཟུང་བའི་སྲིད་ཇུས་དང་ངོ་གདོང་རྫུན་མར་ཐེར་འདོན་བྱས་ཡོད་པ་བཅས་སོ།
༢༠༡༡ ཟླ་ ༡༠ ཚེས་ ༡ རེས་གཟའ་སྤེན་པ།
༄༅།
།སྐབས་བཅོ་ལྔ་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་གཉིས་པ་ཕྱི་ལོ་ ༢༠༡༡ ཟླ་ ༩ ཚེས་ ༡༦ ནས་འགོ་འཛུགས་ཀྱིས་ཕྱི་ཟླ་ ༡༠ ཚེས་ ༡ ཉིན་རྒྱལ་ཁའི་ངང་ནས་ལེགས་གྲུབ་ཟིན་ཡོད་ཅིང་།
ཚོགས་དུས་མཐའ་མའི་ཉིན་བོད་མི་མང་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་གིས་གསུང་བཤད་གནང་དོན།
དེ་རིང་སྐབས་བཅོ་ལྔ་པའི་ཚོགས་དུས་གཉིས་པའི་ཉིན་མཐའ་མར་ཚོགས་གཙོའི་མཇུག་བསྡོམས་ཀྱི་གཏམ་བཤད་བྱེད་དགོས་ཀྱི་ཡོད། གཏམ་བཤད་ནང་གཙོ་བོ་ཐེངས་འདིའི་གྲོས་ཚོགས་ནང་ལས་རིམ་ག་རེ་བྱུང་བ་དང་གྲུབ་འབྲས་ག་རེ་ཐོན་ཡོད།
དེ་དག་གི་བསྡོམས་ཤིག་རྒྱག་དགོས་ཀྱི་ཡོད། དེ་དང་ཆབས་ཅིག་ཚོགས་གཙོ་སྦྲེལ་པོའི་ངོས་ནས་ཐུགས་སྣང་དང་མ་འོངས་པའི་ལས་དོན་བྱེད་ཕྱོགས་ཐོག་ལ་གནད་དོན་ཁག་གཅིག་ཞུས་ན་བསམས་བྱུང་།
ད་རེས་ཀྱི་གྲོས་ཚོགས་འདིའི་ནང་ང་ཚོས་ལས་རིམ་དང་པོ་དེ་མྱ་ངན་གུས་འདུད་ཀྱི་གྲོས་འཆར་བྱུང་བ་རེད། གྲོས་ཚོགས་འདིའི་ནང་མྱ་ངན་གུས་འདུད་ཀྱི་གྲོས་འཆར་གསུམ་འཁྱེར་དགོས་བྱུང་ཡོད།
སྤྱིར་སྐྱེས་པ་ཐམས་ཅད་འཆི་འགྲོ་རྒྱུ་ཡིན། འོན་ཀྱང་ག་དུས་འཆི་མིན་དེ་སུ་གཅིག་གིས་ཤོད་ཐུབ་ཐབས་མེད། དེར་བརྟེན་ང་ཚོ་མི་ཡུལ་འདིར་སྡོད་རིང་ཕན་ཚུན་ཡིད་ཆེས་ཐོག་ལས་ཀ་བྱེད་དགོས་རེད་བསམ་གྱི་ཡོད།
དེ་བཞིན་བཀའ་བློན་གྱི་འོས་འདེམས་དེ་ཡང་སྤྱི་མོས་ཐོག་ནས་འོས་འདེམས་བྱུང་བར་ཚོགས་གཙོའི་ངོས་ནས་གཟི་བརྗིད་ལྡན་པ་ཞིག་བྱུང་བ་རེད་ཅེས་ཞུ་བཞིན་ཡོད།
འཛིན་སྐྱོང་བཀའ་ཤག་ངོས་ནས་གྲོས་ཚོགས་འདིའི་ནང་འཛིན་སྐྱོང་ལ་གྲོས་ཚོགས་ངོས་ནས་དགོས་ངེས་མཐུན་རྐྱེན་རག་གི་ཡོད་པའི་ཚོར་སྣང་ཤུགས་ཆེན་པོའི་ཐོག་གྲོས་ཚོགས་ནང་གསུངས་སོང་བས་ང་ཚོའི་གཟི་བརྗིད་རེད་བསམ་གྱི་ཡོད།
ང་རང་གིས་ནམ་རྒྱུན་བསམ་བློ་གཏོང་སྟངས་བྱས་ན་བཀའ་ཁྲི་སུ་ཞིག་སླེབས་ཀྱང་དེས་བཀའ་བློན་གཞན་སུ་ཞིག་དགོས་ཀྱི་ཡོད་གསུངས་པ་ཡིན་ནའང། ཕུལ་དགོས་རྒྱུ་དེ་གྲོས་ཚོགས་ཀྱི་ལས་འགན་རེད་སྙམ་གྱི་ཡོད།
འོན་ཀྱང་སྐབས་རེ་བཀག་འགོག་བྱེད་རྒྱུའི་གནས་ཚུལ་དེ་འདྲ་ཡོང་མི་སྲིད་པ་མིན། བཀའ་བློན་གཞན་འོས་འདེམས་བྱ་རྒྱུའི་ལས་རིམ་ཐོག་ལ་གྲོས་ཚོགས་ཀྱིས་མཐུན་འགྱུར་ཞུ་ཐུབ་པ་མ་ཟད།
ལས་དོན་དེ་ཡང་དུས་ཐུང་ཞིག་ནང་བསྒྲུབས་ཐུབ་པ་དེ་དག་ཧ་ཅང་ཡག་པོ་བྱུང་སོང་སྙམ་བཞིན་ཡོད།
བཀའ་བློན་ཁྲི་པས་བཀའ་ཤག་གི་གསལ་བཤད་ཐོག་ལ་བགྲོ་གླེང་བྱུང་བ་རྣམས་ལ་ལན་འདེབས་གནང་བ་བརྒྱུད་ནས་བཀའ་ཤག་སྐབས་བཅུ་བཞི་པས་སྤྱི་ཡོངས་ཀྱི་སྲིད་བྱུས་དང་དགོངས་པ་བཞེས་སྟངས་དེའི་ཐོག་གསལ་པོ་དེ་ཙམ་ཞིག་ཆགས་མེད་པ་ཡིན་རུང་།
ད་ལྟའི་གནས་སྐབས་སུ་གསལ་པོ་ཆགས་ཐུབ་པ་དེ་གྲོས་ཚོགས་ཀྱི་འཐུས་མི་རྣམ་པ་ཚོ་དང་ལྷག་པར་རྒྱ་ཆེའི་མང་ཚོགས་ལ་ངོ་སྤྲོད་ཐུབ་པ་དེ་གྲོས་ཚོགས་འདི་བརྒྱུད་ནས་བྱུང་ཡོད།
དེ་བཞིན་ཐེངས་འདིའི་གྲོས་ཚོགས་ནང་ང་ཚོར་བསྐུར་ཡོད་པའི་ལས་འགན་ཁྲིམས་བཟོ་ལྷན་ཚོགས་རེད། ཁྲིམས་བཟོའི་ལས་དོན་ཕལ་ཆེར་ལོ་རྒྱུས་ཐོག་ནས་ད་རེས་གྲོས་ཚོགས་འདིའི་ནང་མང་ཤོས་ཆགས་ཡོད།
ཁྲིམས་བཟོའི་ལས་དོན་གཅིག་པུའི་ཐོག་ལ་ཤོག་གྲངས་དགུ་བརྒྱ་ལྷག་ཙམ་ཞིག་གྲོས་ཚོགས་ནང་བཀྲམ་ཡོད།
སྒྲིག་གཞི་ཁག་ཉི་ཤུ་རྩ་བཞི་དང་བཅའ་ཁྲིམས་ལེའུ་དོན་ཚན་ཁག་གཅིག་གང་ལྟར་བཅའ་ཁྲིམས་དང་སྒྲིག་གཞི་བསྡོམས་པའི་ཉི་ཤུ་རྩ་ལྔའི་ཐོག་ཁྱོན་ཡོངས་ནས་བསྐྱར་བཅོས་དང་བཟོ་བཅོས་བྱེད་དགོས་རྒྱུ་དེ་དག་ཆ་ཚང་བསྒྲུབས་ཐུབ་པ་བྱུང་བ་དེ་གྲོས་ཚོགས་འདིའི་གཟི་བརྗིད་ཡིན་པ་མ་ཟད།
ང་ཚོར་བསྐུར་བའི་ལས་འགན་ཆེན་པོ་ཞིག་ཀྱང་བསྒྲུབས་རེད་བསམ་བཞིན་ཡོད། རྩ་བའི་མི་མང་ནང་ལ་ཡིན་ནའང་ཁྲིམས་སྒྲིག་ལ་དོ་སྣང་མེད་མཁན་དེ་འདྲ་ཡིན་ན། ཁྲིམས་དང་སྒྲིག་གཞིའི་ལས་རིམ་དེ་བཞིན་ཉོབ་ཏོ་ལྟ་བུ་ཡོད།
དངོས་གནས་དྲང་གནས་དོ་སྣང་སྤྲོད་མཁན་ཞིག་ཡིན་ན། ད་རེས་གྲོས་ཚོགས་ཀྱི་ལས་རིམ་ཁྲིམས་དང་སྒྲིག་གཞི་བརྗོད་པ་དང་པོ། གཉིས་པ། གསུམ་པ་ཆ་ཚང་ལྟ་རྒྱུའི་གོ་སྐབས་བྱུང་ཡོད་ན།
བཙན་བྱོལ་བོད་མིའི་སྒྲིག་འཛུགས་འདི་སྒྲོམ་གཞི་གང་འདྲ་ཞིག་གི་ཐོག་གནས་ཡོད་པ་དང་སྒྲོམ་གཞི་དེ་ཚོའི་ཆ་ལག་དང་ལས་དོན་གང་འདྲ་བྱེད་ཀྱི་ཡོད་པ་རྣམས་ཆ་ཚང་ཞིག་ཤེས་ཐུབ་རྒྱུ་དང་སློབ་སྦྱོང་བྱ་རྒྱུའི་གོ་སྐབས་ཤིག་བྱུང་ཡོད།
ད་རེས་གྲོས་ཚོགས་འདི་བརྒྱུད་ནས་གྲོས་ཚོགས་ཀྱི་འཐུས་མི་ཚང་མར་བཙན་བྱོལ་བོད་མིའི་སྒྲིག་འཛུགས་ཀྱི་ཁོངས་སུ་གཏོགས་པའི་སྒྲིག་འཛུགས་སྒྲིག་གཞི་གང་ཡོད་པ་དེ་དག་ཐུགས་ལ་ངེས་པ་བྱུང་ཡོད་པའི་ཡིད་ཆེས་ཞུ་བཞིན་ཡོད།
དེ་བཞིན་གྲོས་ཚོགས་ཀྱི་འཐུས་མི་ཡིན་པའི་ཆ་ནས་ཁྲིམས་དང་སྒྲིག་གཞི་བཟོ་མཁན་ང་ཚོ་རེད། དེ་ལག་ལེན་བསྟར་རྒྱུའི་འགན་འཁྱེར་དགོས་ཀྱི་ཡོད།
དེར་བརྟེན་ད་རེས་གྲོས་ཚོགས་འདིའི་ནང་ཁྲིམས་བཟོའི་ལས་དོན་དེ་དག་ང་ཚོས་དུས་ཐོག་ཏུ་བསྒྲུབས་ཐུབ་པ་དེ་གཟི་བརྗིད་རེད།
དེ་བཞིན་ཁྲིམས་བཟོའི་ལས་དོན་དང་འབྲེལ་བའི་ཁྲིམས་སྒྲིག་བསྐྱར་ཞིབ་ཚོགས་ཆུང་གིས་ཟླ་བ་གསུམ་བཞི་ནང་ཕྱག་ལས་ཧུར་ཐག་འབད་ཐག་གནང་འདུག
ཅེས་སོགས་ཀྱི་གསུང་བཤད་གནང་སྟེ་སྐབས་བཅོ་ལྔ་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་གཉིས་པ་རྒྱལ་ཁའི་ངང་ནས་ལེགས་གྲུབ་བྱུང་ཡོད་པ་བཅས། །
དེ་རིང་ཚེས་༡༦་ཞོགས་པའི་ཆུ་ཚོད་ ༡༠ དང་ཕྱེད་ཀའི་སྟེང་སྐབས་བཅོ་ལྔ ་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོས་དུས་གཉིས་པ་ དེ་གངས་སྐྱིད་སྤྱི་འཐུས་ཚོགས་ཁང་དུ་དབུ་འཛུགས་གནང་། ཐོག་མར་ཚོགས་གཙོ་མཆོག་ནས་ཚོགས་འདུ་དབུ་འཛུགས་གསལ་བསྒྲགས་གནང་རྗེས། བཀའ་བློན་ཁྲི་པ་དང་སྤྱི་འཐུས་རྣམ་པ་སྐུ་བཞེངས་ཐོག་བོད་རྒྱལ་ཁབ་ཆེན་མོའི་རྒྱལ་གླུ་གྱེར་འདོན་དང་ཚོགས་གཙོ་ལས་ཚབ་དང་ལས་རིམ་ཚོགས་ཆུང་གི་ཚོགས་མི་བསྐོ་གཞག གཞུང་འབྲེལ་ཐོག་༸སྐྱབས་རྗེ་འཁྲུལ་ཞིག་རིན་པོ་ཆེ་མཆོག་དང་བཀའ་བློན་ཁྲི་ཟུར་འཇུ་ཆེན་ཐུབ་བསྟན་རྣམ་རྒྱལ་མཆོག་རྣམ་གཉིས་ལ་དུས་ཡུན་སྐར་མ་གཅིག་རིང་མྱ་ངན་གུས་འདུད་ཞུས།
སྤྱི་འཐུས་ཚོགས་གཙོ་མཆོག་གིས་ བོད་ནང་རྒྱ་ནག་གི་གདུག་རྩུབ་འོག་ཡོད་པའི་བོད་མི་དང་བཙན་བྱོལ་བོད་མི་ཚང་མར་འཚམ་འདྲི་ཞུས་ ཤིང་། བོད་མི་ཚོ་བཙན་བྱོལ་ཏུ་འབྱོར་བ་དང་མང་གཙོ་དབུ་བརྙེས་ཏེ་མི་ལོ་ ༥༡ འགྲོ་བཞིན་པའི་སྐབས་འདིར། ༸གོང་ས་མཆོག་གིས་བོད་མིའི་འཕྲལ་ཕུགས་རྒྱང་གསུམ་དགོངས་པ་ཆེར་བཞེས་ཐོག ཁོང་གི་སྐུ་དབང་གང་ཡོད་པ་དེ་མི་མང་གི་འོས་འདེམས་བྱས་པའི་མགོ་ཁྲིད་ལ་རྩིས་སྤྲོད་བྱས་ཡོད་སྟབས། བོད་ཕྱི་ནང་གཉིས་སུ་ཡོད་པའི་བོད་མི་ཡོངས་ལ་སྔར་ལས་ལྷག་པའི་འགན་འཁུར་ཆེན་པོ་ ཡོད་པ། བོད་ནང་ལ་མཚོན་ན ་ད་ལྟའི་ཆར་ཡང་རྒྱ་ནག་གཞུང་གིས་སྤྱི་ཚོགས་ནང་ཤུགས་རྐྱེན་སྤྲོད་ཐུབ་མཁན་གྱི་བླ་མ་དང་མཁས་དབང ་། རྩོམ་པ་པོ། གཞས་པ་སོགས་ལ་གཉའ་གནོན་བྱས་ཏེ་རང་ཉིད་ཀྱི་བསམ་ཚུལ་འདོན་པའི་གོ་སྐབས་དང་རང་དབང་ གང་ཡང་སྤྲོད་ཀྱི་མེད་པ་དང་། ལྷག་པར་དུ་བོད་ཀྱི་འབྲོག་སྡེ་ཁག་གྲོང་ཁྱེར་དང་གྲོང་རྡལ་དུ་གནས་སྤོར་དང་རྒྱ ་རིགས་མང་པོ་བོད་ནང་གནས་སྤོ། རང་བྱུང་ཁོར་ཡུག་གཏོར་བཅོམ་སོགས་བྱས་ཏེ། བོད་ཙམ་ མིན་པ ར་ཁྱིམ་མཚེས་རྒྱལ་ཁབ་མང་པོ ར་དཀའ་ངལ་འཕྲད་བཞིན་ཡོད་པའི་ཐད ་བོད་ཕྱི་ནང་གཉིས་ཀྱི་བོད་མི་ཚང་མས་དོ་སྣང་བྱ་དགོས་སྐོར་ སོགས་གསུངས་བྱུང་།
དེ་བཞིན་ཁོང་གིས། “ ད་ལྟའི་རྒྱ་ནག་ནང་ཁུལ་གྱི་གནས་སྟངས་དང་བོད་ནང་གི་གནས་སྟངས་ལ་གཞི་བཅོལ་ཏེ། ང་ཚོ་བཙན་བྱོལ་བོད་མི་ཚོས་ལས་གཞི་གང་བརྩམས་ཀྱང་འཛིན་སྐྱོང་བཀའ་ཤག་དང་སྤྱི་འཐུས་ལྷན་ཚོགས་ཀྱི་འགན་འཁུར་ཏེ་བྱ་རྒྱུ་གལ་ཆེན་པོ་རེད། རང་བཙན་ཡོད་པའི་སྤྱི་འཐུས་ལྷན་ཚོགས་ཤིག་ཡིན་ཚེ། ཁྲིམས་ཏག་ཏག་བཟོས་རྗེས་སོ་སོ་ས་ཁུལ་གང་ནས་ཡོང་བའི་མི་མང་གི་བདེ་སྡུག་ཁོ་ནར་བལྟས་ཆོག་ཀྱང་། ང་ཚོ་འཐབ་རྩོད་བྱེད་མཁན་གྱི་མི་རིགས་ཤིག་ཆགས་ཡོད་སྟབས། ཁྲིམས་བཟོ་རྒྱུ་དང་འཛིན་སྐྱོང་ལ་སྟངས་འཛིན་བྱ་རྒྱུ་ཙམ་མ་ཡིན་པར། བོད་ཀྱི་གནད་དོན་དེ་རྒྱལ་སྤྱིའི་སྡིངས་ཆར་ངོ་སྤྲོད་གནང་རྒྱུ་ལས་འགན་གལ་ཆེན་པོ་ཆགས་ཡོད་སྟབས། མ་འོངས་པར་ང་ཚོའི་ངོས་ནས་རྒྱལ་ཁབ་ ཁག་གི་སྲིད་འཛིན་དང་སྲིད་བློན་སོགས་ལ་མཇལ་འཕྲད་གནང་ཐུབ་ པར་འབད་བརྩོན་བྱ་རྒྱུ་དང་། རྒྱ་ནག་གི་ངོས་ནས་ད་ལྟའི་ཆར་འཛམ་གླིང་གི་རྒྱལ་ཁབ་དང་མི་རིགས་ཁག་ནང་དཔལ་འབྱོར་དང་དམག་གི་སྟོབས་ཤུགས་བེད་སྤྱད་དེ། བོད་པར་རྒྱབ་སྐྱོར་ཡོད་རིགས་ལ་ལས་འགུལ་སྤེལ་བར་འགོག་རྐྱེན་བཟོ་བཞིན་པར། ང་ཚོ ས་མིའི་ནུས་པ་དང་དཔལ་འབྱོར་གྱི་ནུས་པར་གཞི་བཅོལ་ཏེ་གདོང་ལེན་བྱེད་སྟངས་གཞན་དང་མི་འདྲ་བ་ཞིག་བྱ་དགོས་པ་རེད། ” ཅེས་གསུངས་བྱུང་བར་མ་ཟད། མཐའ་མར་ཁོང་གིས། ཐེངས་འདིའི་གྲོས་ཚོགས་དེ་བཀའ་བློན་ཁྲི་པའི་ཕྱག་རོགས་བཀའ་བློན་བསྐོ་བཞག་གིས་མ་འོངས་ལོ་ལྔའི་འཛིན་སྐྱོང་དང་བོད་བསྟན་སྲིད་ཀྱི་དོན་དུ་ལས་འཁུར་གནང་བའི་མགོ་རྩོམ་པའི་དུས་སྐབས་ཤིག་དང་། ལོ་རྒྱུས་ལྡན་པའི་ཉིན་མོ་ཞིག་ཆགས་ཡོད་པ་དང་། རྒྱ་ནག་ལ་མཚོན་ནའང་དེ་རིང་གི་ཉིན་མོ་དེ་གལ་ཆེན་པོ་ཞིག་ཏུ་བརྩི་གྱིན་ཡོད་སྟབས། གྲོས་ཚོགས་ཀྱི་ལས་རིམ་དེ་ཕྱི་གསལ་ནང་གསལ་དང་མང་གཙོ་དང་མཐུན་པའི་ལམ་ལུགས་ཐོག་ཕྱིན་སྟེ། ལོ་རྒྱུས་ཀྱི་ཐོག་ནས་དགའ་ལྡན་ཕོ་བྲང་གཞུང་གི་མཇུག་སྐྱོང་མཁན་ དམང ས་གཙོའི་དབུ་ཁྲིད་དང་མཉམ་རུབ་ཀྱིས། ད མང ས་གཙོའི་ལྟ་གྲུབ་ཐོག་ གི་རང་རང་གི་ས་མཚམས་སྲུང་བའི་ཐོག་ནས་འཛིན་སྐྱོང་ལ་མཐུན་འགྱུར་དང་ནུས་པ་མཉམ་རུབ་བྱ་དགོས་པའི་པའི་རེ་སྐུལ་ཡང་གནང་བྱུང་།
དེའི་རྗེས་བཀའ་བློན་ཁྲི་པ་བློ་བཟང་སེང་གེ་མཆོག་ གིས་ཕྱག་རོགས་བཀའ་བློན་དྲུག་གི་མིང་འདོན་དང་།
དེ་ལ་སྤྱི་འཐུས་ལྷན་ཚོགས་ཀྱིས་སྤྱི་མོས་རྒྱབ་སྐྱོར་ཐོབ་རྗེས། བཀའ་ཁྲི་མཆོག་གིས་བཀའ་ཤག་གི་གསལ་བཤད་ ནང་། སྤྱི་འཐུས་ཚོགས་གཙོ་མཆོག་གཙོས་སྤྱི་འཐུས་རྣམ་པས་ཁོང་གི་བཀའ་བློན་འོས་མི་རྣམས་ལ་རྒྱབ་སྐྱོར་གནང་བར་ཐུགས་རྗེ་ཆེ་ཞུ ས་ པ་དང་ སྦྲགས་གཞིས་བཞུགས་སྤུན་ཟླ་རྣམས་ལ་འཚམས་འདྲི། བོད་མི་ཚོར་༸གོང་ས་མཆོག་གི་དབུ་ཁྲིད་མི་དགོས་པར་རང་ཉིད་ཀྱི་རྐང་པའི་ཐོག་ལངས་ཐུབ་པ་དགོས་པར། བོད་མི་སྤྱི་བོ་གནམ་བསྟན་ཡོངས་དང་ཁྲིམས་ལུགས་དབང་འཛིན། ཁྲིམས་བཟོ་ལྷན་ཚོགས། འཛིན་སྐྱོང་བཅས་ཀྱི་ མགོ་ཁྲིད་ཚོས་༸གོང་ས་མཆོག་གི་ཐུགས་དགོངས་ལྟར་ལས་དོན་འགན་འཁུར་ཐུབ་ཐབས་ལ་ཚང་མས་འཕྱར་གྲུ་མཉམ་འདེ གས་བྱས་ཏེ་གཞིས་བཞུགས་སྤུན་ཟླ་རྣམས་ལ་ཐུགས་ཕམ་མི་ འབྱུང་བ་ཞིག་བྱ་དགོས་སྐོར ་དང། བོད་དོན་བདེན་མཐའ་གསལ་ཐབས་ཆེད་རྒྱ་ཆེའི་མང་ཚོགས་དང་གྲོས་ཚོགས་གཉིས་ཀས་ཚད་མཐོའི་མང་མོས་ཀྱི་ལམ་ནས་གཏན་ལ་ཕབ་པའི་གཉིས་སྨན་དབུ་མའི་ལམ་གྱི་སྲིད་བྱུས་མུ་མཐུད་རྒྱུན་འཛིན་གྱིས་ཞི་མོལ་གྱི་ལམ་ནས་བོད་དོན་འགྲིགས་ཆགས་ཡོང་ཐབས་བྱེད་རྒྱུའི་འབད་བརྩོན་ཞུ་རྒྱུ་ ཡིན་ཞིང༌། མ་འོངས་པར་ཁོང་དང་ཁོང་གི་བཀའ་ཤག་གི་ངོས་ནས་བཙན་བྱོལ་བོད་མིའི་བཅའ་ཁྲིམས་རིན་པོ་ཆེ་དང་ཆེ་མཐོའི་ཁྲིམས་ཞིབ་ཁང་ལ་བརྩི་བཀུར། བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་བགྲེས་གཞོན་གཙོས། བཀུར་འོས་སྤྱི་འཐུས་རྣམ་པར་མཐུན་འགྱུར་མཉམ་ལས་བྱ་རྒྱུ་དང་ ། ལྷག་བསམ་དང་ཤེས་འཇོན་ལྡན་པའི་ སྲི་ཞུ་བ་ཚོ་དང་མང་ཚོགས་མཉམ་དུ་འཁྲིད་ ཐུབ་པ་བྱ་རྒྱུ།༸གོང་ས་མཆོག་གི་སྐུ་ཕྱཱ་དང་བོད་ཀྱི་ཁོར་ཡུག་གི་གནས་སྟངས་རྒྱལ་སྤྱིའི་སྒང་ལ་དྲིལ་བསྒྲགས། དེ་བཞིན། ཤེས་ཡོན་ནི་འཕྲལ་ཕུགས་རྒྱང་གསུམ་གང་ནས་བལྟས་ཀྱང་གལ་གནད་ཆེ་བའི་གནད་དོན་ཞིག་ཡིན་སྟབས།
ཤེས་ཡོན་ཡར་རྒྱས་གཏོང་རྒྱུ་དེ་ལས་དོན་གལ་ཆེ་ཤོས་སུ་བརྩིས་ ཏེ། བཙན་བྱོལ་ནང་ཁྱད་ལས་པ་ཆིག་ཁྲི་དང་བོད་ནང་ཁྱད་ལས་པ་ཆིག་འབུམ་ འཐོན་པའི་ ཐོག་འབད་བརྩོན་གནང་རྒྱུ་ཡིན་སྐོར་དང། འབྱུང་འགྱུར་ལོ་ལྔ་བཅུའི་འཕྲལ་ཕུགས་ཀྱི་འཆར་སྣང་ཐད། མཁས་པ་དང་ཤེས་ཡོན་ཅན་ཚོའི་ཐབས་བྱུས་དང༌། རྣམ་དཔྱོད་འདོན་སའི་སྡིངས་ཆ་བསྐྲུན་ཆེད།
བོད་ཀྱི་སྲིད་བྱུས་ཞིབ་འཇུག་ཁང་ཞིག་འཛུགས་རྒྱུ། གཞིས་ཆགས་རེ་དང་བོད་རིགས་སྤྱི་མཐུན་ཚོགས་པ་རེ་མགོ་སྦྲེལ་གྱི་ལམ་ནས་རྒྱ་བལ་འབྲུག་གསུམ་དང་ནུབ་ཕྱོགས་རྒྱལ་ཁབ་ནང་ཡོད་པའི་བོད་རིགས་ཚོའི་དབར་མཐུན་འགྱུར་བྱེད་ཐབས་ཀྱི་འབྲེལ་བ་འཛུགས་རྒྱུ། བོད་ཀྱི་མཉམ་སྡེབ། ཅེས་པ་བཙུགས་པའི་ལམ་ནས་རྒྱ་གར་དང་ཕྱི་རྒྱལ་དུ་ཡོད་པའི་བོད་རིགས་ཤེས་ཡོན་ཅན་ ཚོའི་ནུས་པ་འགུག་ཐབས་བྱེད་རྒྱུ། དེ་བཞིན་གཞོན་སྐྱེས་ཚོར་ལས་འཚོལ་གྱི་གོ་སྐབས་དང༌།
གཞིས་ཆགས་ཁག་སྲ་བརྟན་ཡོང་ཐབས། མང་ཚོགས་ཀྱི་འཕྲོད་བསྟེན་གོ་རྟོགས་དང་མཐུན་རྐྱེན་ཡར་རྒྱས་གཏོང་ཐབས་བཅས་ཞུ་རྒྱུ་ཡིན ་སྐོར་ཡང་གསུངས་སོང་།
ཐེངས་འདིའི་སྐབས་བཅོ་ལྔ་པའི་སྤྱི་འཐུས་ལྷན་ཚོགས་ཀྱི་ཚོགས་ཐེངས་གཉིས་པའི་ཐོག་སྤྱི་འཐུས་གྲངས་འབོར་ ༤ ༤ ཡོད་པའི་ཁོངས་ནས་ ཚོགས་ཐེངས་འདིར་དགོངས་ཤོག་ཆ་ཚང་ལེན་མཁན་སྤྱི་འཐུས་གཡུང་དྲུང་རྒྱལ་མཚན་དང་སྤྱི་འཐུས་འཇུ་ཆེན་དཀོན་མཆོག་གཉིས་དང་། དགེ་ལུགས་སྤྱི་འཐུས་རོང་བོ་བློ་བཟང་སྙན་གྲགས་ལགས་ཀྱིས་ཟླ་འདིའི་ཕྱི་ཚེས་ ༡༦ ནས་ ༢༢ བར་དགོངས་པ་ཞུས་ཡོད་འདུག
༄༅། །ཕྱི་ལོ་༢༠༡༡ཟླ་༩ཚེས་༡༡རེས་གཟའ་ཉི་མའི་སྔ་དྲོ་༸གོང་ས་༸སྐྱབས་མགོན་ཆེན་པོ་མཆོག་གིས་མེཀ་སི་ཀོ་སི་ ཊིའི(Mexico City)ཀ་ར་ཛི་ཨ་ཛུལ་(Cruz
Azul)རྩེད་ཐང་ཆེན་མོར་མི་གསུམ་ཁྲི་བརྒལ་བར་རྙོག་འཛིང་ཆེ་བའི་དུས་སྐབས་སུ་བདེ་སྐྱིད་འཚོལ་ཐབས།
ཞེས་པའི་བརྗོད་གཞིའི་ཐོག་བཀའ་སློབ་སྩལ་ཡོད། ཐོག་མར་༸གོང་ས་མཆོག་སྡིངས་ཆའི་སྟེང་༸ཞབས་སོར་འཁོད་སྐབས་མེཀ་སི་ཀོ་སི་
ཊིའི་ཆོས་ལུགས་འཛིན་སྐྱོང་ལྷན་ཁང་གི་འཐུས་མི་རྣམས་དང་ཨ་རིའི་སྙན་གྲགས་ཅན་གྱི་གློག་བརྙན་འཁྲབ་སྟོན་པ་སྐུ་ཞབས་རི་ཆ་ཌི་གྷེ་རི་མཆོག་བཅས་ཀྱིས་ཕེབས་བསུ་ གཟབ་རྒྱས་ཞུས་པ་མ་ཟད།
སྐུ་ཞབས་རི་ཆ་ཌི་གྷེ་རི་མཆོག་གིས་མང་ཚོགས་ལ་༸གོང་ས་མཆོག་ངོ་སྤྲོད་ཞུས།
བཀའ་སློབ་སྩལ་དོན། ང་ཚོ་ཚང་མ་གཅིག་མཚུངས་ཡིན། ཚང་མས་བདེ་བ་འདོད་ཀྱི་ཡོད།
བདེ་བ་བསྒྲུབ་རྒྱུའི་ཐོབ་ཐང་ཡང་ཚང་མར་གཅིག་མཚུངས་སུ་ཡོད་ཅེས་སོགས་ཀྱི་བཀའ་སློབ་ཆུ་ཚོད་གཅིག་ཙམ་རིང་སྩལ་རྗེས་མང་ཚོགས་ཀྱི་དྲི་བར་བཀའ་ལན་མཛད།
སྐབས་དེར་ཚོགས་བཅར་བ་ཞིག་གིས་ད་རེས་འདིར་བཅར་བའི་བོད་ཀྱི་རྒྱལ་དར་ལག་ཏུ་ ཐོགས་པའི་མེཀ་སི་ཀོའི་མི་མང་ཚོར་གཟིགས་ཚུལ་ཇི་ཡོད་ཀྱི་དྲི་བ་ཞུས་པར་བཀའ་ལན་ སྩལ་དོན། ངོས་རང་ཕྱི་ལོ་ ༡༩༥༤
ལོར་རྒྱ་ནག་ཏུ་བསྐྱོད་སྐབས་མའོ་ཙེ་ཏུང་གིས་བོད་མི་རང་ཉིད་ལ་རྒྱལ་དར་ཞིག་ ཡོད་པ་དེ་བེད་སྤྱོད་གཏོང་དགོས་ཞེས་བརྗོད་བྱུང་།
དེར་བརྟེན་གལ་ཏེ་བོད་ཀྱི་རྒྱལ་དར་འཕྱར་སྐབས་མི་གཞན་ཚོས་དགག་པ་བརྒྱབ་ཚེ་མའོ་ཙེ་ ཏུང་གིས་ཀྱང་བོད་ཀྱི་རྒྱལ་དར་ལ་དགག་པ་གང་ཡང་བྱས་མེད་སྐོར་གསལ་བཤད་བྱེད་ དགོས་སྐོར་བཀའ་ལན་སྩལ།
སྐབས་དེར་མང་ཚོགས་སྟོང་ཕྲག་མང་པོས་ལག་ཏུ་འཛིན་བཞིན་པའི་བོད་ཀྱི་རྒྱལ་དར་ གནམ་ལ་འཕྱར་གཡུག་བྱས་ཡོད།
༸གོང་ས་མཆོག་གིས་བཀའ་སློབ་སྩལ་གྲུབ་མཚམས་མང་ཚོགས་ཀྱིས་སི་པན་སྐད་ཐོག་གངས་ རི་རྭ་བས་བསྐོར་བའི་ཞིང་ཁམས་སུ། ཕན་དང་བདེ་བ་མ་ལུས་འབྱུང་བའི་གནས། ཞེས་སོགས་ཀྱི་སྨོན་ལམ་མགྲིན་དབྱངས་གཅིག་གྱུར་ཐོག་བཏོན།
ཕྱོགས་མཚུངས་སྡིངས་ཆའི་སྟེང་མེཀ་སི་ཀོའི་རིག་གཞུང་གི་མཉམ་གཞས་མ་རི་ཡ་ཆ་ (Mariacha) ཞེས་པ་དེ་གཟིགས་འབུལ་ཞུས་པ་དང་སྦྲགས། མེཀ་སི་ཀོ་སི་ཊིའི་ཆོས་ལུགས་འཛིན་སྐྱོང་ལྷན་ཁང་གི་འཐུས་མི་རྣམས་ཀྱིས་༸གོང་
ས་མཆོག་དང་ལྷན་སྐུ་པར་བསྒྲོན་ཏེ་མཛད་སྒོ་ལེགས་པར་གྲུབ།
ཉིན་རྒྱབ་མགོན་པོ་གང་ཉིད་མཆོག་གིས་ལི་ཡན་ཌོ་ཝ་ལེ་རིག་གཞུང་བསྟི་གནས་ཁང་ཞེས་ པ་དེར་ཆིབས་སྒྱུར་བསྐྱངས་ཏེ་མེཀ་སི་ཀོའི་ཤེས་ཡོན་ལམ་སྟོན་པ་ཚོར་སེམས་བཟང་
པོ་དང་ཤེས་རབ་གོང་འཕེལ་གཏོང་ཐབས་སོགས་ཀྱི་སྐོར་ལམ་སྟོན་བཀའ་སློབ་སྩལ། སྐབས་དེར་ཤེས་ཡོན་སློབ་སྟོན་པ་ ༡༠༠༠ ཙམ་གྱིས་མཉམ་ཞུགས་བྱས་ཡོད།
༸གོང་ས་མཆོག་གི་བཀའ་སློབ་དེ་བཞིན་མེཀ་སི་ཀོ་རྒྱལ་ཡོངས་བརྙན་འཕྲིན་ཨ་ཛི་ཊེཀ་ (Azteca TV) ཞེས་པའི་ནང་མེཀ་སི་ཀོ་རྒྱལ་ཡོངས་སུ་ཐད་ཀར་རྒྱང་སྲིང་ཞུས་ཡོད།
༸གོང་ས་༸སྐྱབས་མགོན་ཆེན་པོ་མཆོག་གིས་མེཀ་སི་ཀོའི་ནང་ཉིན་གསུམ་གྱི་མཛའ་ འཕྲིན་རྣམས་ལེགས་པར་གྲུབ་བསྟུན། ཕྱི་ཚེས་ ༡༢ ཉིན་ཨར་ཇན་ཊི་ནའི་རྒྱལ་ས་བྷོ་ནོ་སི་ཨ་རི་སིར (Buenos Aires) ཆིབས་ཞལ་བསྒྱུར་ཡོད་པ་བཅས།།
༄ ༅། །ཕྱི་ལོ་ ༢༠༡༡ ཟླ་ ༩ ཚེས་ ༧ ཉིན་སྔ་དྲོ་ཐོག་མར་༸གོང་ས་མཆོག་ཁེ་ཎ་ཌའི་གྲོང་ཁྱེར་མོན་ཊ་རེལ་གྱི་མཐའ་མཚམས་ སུ་ཆགས་པའི་ལོང་ཝེལ་(longueil)གྲོང་ཁྱེར་དུ་རྟེན་གཞི་བྱས་པའི་འཇམ་དབྱངས་
ཆོས་ཚོགས་སུ་ཆིབས་སྒྱུར་སྐྱོང་སྐབས་མཁན་ཟུར་བློ་བཟང་འཇམ་དབྱངས་མཆོག་དང་བོད་ མི། དེ་བཞིན་ཝི་ཏི་ནམ་དད་ལྡན་མང་ཚོགས་བཅས་ཁྱོན་མི་གྲངས་བརྒྱ་ལྷག་ཙམ་གྱིས་ཕེབས་ བསུ་གཟབ་རྒྱས་ཞུས་ཡོད་པ་མ་ཟད།
ལོང་ཝེལ་གྲོང་ཁྱེར་སྤྱི་ཁྱབ་པ་ལྕམ་སྐུ་ཁེ་རོ་ལིན་(Mrs. Caroline St-Hilaire)མཆོག་གིས་བྱང་བུ་ཞིག་འབུལ་ལམ་ཞུས་ཐོག་ཕེབས་བསུ་གཟབ་རྒྱས་ཞུས་ ཡོད།
བྱང་ བུ་དེའི་སྟེང་འཁོད་དོན།
བོད་ཀྱི་༸སྐྱབས་མགོན་ཏཱ་ལའི་བླ་མ་མཆོག་ཕྱི་ལོ་ ༢༠༡༡ ཟླ་ ༩ ཚེས་ ༧ ཉིན་ལོང་ཝེལ་གྲོང་ཁྱེར་དུ་ཆིབས་སྒྱུར་བཀའ་དྲིན་བསྐྱངས་པར་ང་ཚོས་སྙིང་ཐག་པ་ ནས་བཀྲིས་བདེ་ལེགས་ཀྱི་འཚམས་འདྲི་ཞུ་རྒྱུ་ཡིན།
ཞེས་སོགས་འཁོད་ཡོད།
དེ་རྗེས་ཚོགས་ཁང་དུ་༸ཞབས་སོར་འཁོད་བསྟུན་བོད་རིགས་དང་ཝི་ཏི་ནམ་མང་ཚོགས་བཅས་ ལ་བཀའ་སློབ་སྩལ་དོན། འཇམ་དབྱངས་ཆོས་ཚོགས་འདི་ལྟ་བུ་བཙུགས་པ་དེས་ནང་ཆོས་གཅེས་འཛིན་བྱ་རྒྱུར་ཕན་ ཐོགས་ཡོད་པ་ཙམ་མ་ཟད།
ཆོས་ལུགས་གཞན་ནས་ལེགས་ཆ་ལེན་རྒྱུར་ཕན་ཐོགས་བྱེད་ཐུབ།
དེ་ ལྟར་བྱས་ཚེ་ཆོས་ལུགས་ཕན་ཚུན་མཐུན་སྒྲིལ་ཡོང་རྒྱུར་ཕན་ཐོགས་ཡོད། ཝི་ཏི་ནམ་གྱི་མི་མང་ཚོ་ཡང་བོད་པ་བཞིན་ལེགས་སྦྱར་གྱི་སྐད་ཡིག་ནས་བརྒྱུད་པའི་
སངས་རྒྱས་པའི་ཆོས་ལ་ཐོས་བསམ་གནང་མཁན་གཅིག་མཚུངས་ཤིག་ཆགས་ཡོད། དེར་བརྟེན་ཝི་ཏི་ནམ་མི་མང་ཚོས་ཀྱང་ང་ཚོ་དང་འདྲ་བར་ཤེས་རབ་སྙིང་པོ་འདོན་ སྲོལ་ཡོད་ཅེས་སོགས་དབྱིན་སྐད་ཐོག་བཀའ་སློབ་སྩལ་གྲུབ་བསྟུན།
བོད་སྐད་ཐོག་བོད་མི་ཚོར་བཀའ་སློབ་སྩལ་དོན།
ང་ཚོས་ནང་ཆོས་ལ་སློབ་སྦྱོང་བྱས་ཏེ་དུས་རབས་ ༢༡ པའི་ནང་པ་ཞིག་ཆགས་ཐུབ་པ་བྱེད་དགོས། ཆོས་རྒྱལ་བཀའ་དྲིན་ཅན་ཚོའི་སྐབས་ནས་ང་ཚོའི་བོད་ལ་རྒྱ་གར་ལེགས་སྦྱར་གྱི་སྐད་
ཡིག་ནས་དར་བའི་དཔལ་ནཱ་ལེཎྜའི་ཆོས་བརྒྱུད་དྲི་མ་མེད་པ་ཆ་ཚང་བ་ཞིག་ཡོད་པ་དེ་ ང་ཚོས་སློབ་སྦྱོང་བྱས་ཐོག་བདག་པོ་རྒྱག་རྒྱུ་ཧ་ཅང་གལ་ཆེན་པོ་རེད། སྔ་མོ་རྒྱ་མི་གུང་ཁྲན་གྱིས།
ནང་ཆོས་དེ་རྨོངས་དད་ཡིན་པ་དང་ཚན་རིག་ཡར་རྒྱས་ཕྱིན་པ་དང་སྦྲགས་ནང་ཆོས་དེ་རང་ བཞིན་གྱི་ག་ལེར་ག་ལེར་ཡལ་འགྲོ་རྒྱུ་ཡིན་པ་ཤོད་ཀྱི་ཡོད།
འོན་ཀྱང་དེ་ལས་ལྡོག་སྟེ་དེང་སྐབས་ཚན་རིག་པ་ཚོས་ཀྱང་ནང་ཆོས་ལ་དོ་སྣང་བྱེད་ རྒྱུ་ཤུགས་ཆེ་རུ་ཆེ་རུ་འགྲོ་བཞིན་ཡོད་ཅེས་བཀའ་སྩལ་ཡོད།
ཕྱོགས་མཚུངས་ཕྱི་རྒྱལ་དུ་ཡོད་པའི་བོད་མི་རྒན་རབས་ཚོས་རང་ཉིད་ཀྱི་མི་ ཚེའི་ལོ་རྒྱུས་དང་ལྷག་པར་རྒྱའི་དབང་འོག་ཏུ་གནས་སྐབས་མྱོང་ཚོར་ཇི་བྱུང་རྣམས་ ཡི་གེར་འབྲི་ཐུབ་པ་བྱུང་ན།
བོད་མི་གཞོན་སྐྱེས་ཚོས་ཀྱང་ང་ཚོའི་དངོས་ཡོད་ཀྱི་གནས་སྟངས་གསལ་བཤད་ཡོང་ རྒྱུར་ཏན་ཏན་ཕན་ཐོགས་ཡོང་རྒྱུ་རེད་ཅེས་བཀའ་སྩལ་བ་མ་ཟད།
ཉེ་ལམ་མགོན་པོ་གང་ཉིད་མཆོག་གི་ཆབ་སྲིད་ཀྱི་སྐུ་དབང་མང་ཚོགས་ཀྱིས་འོས་འདེམས་ བྱས་པའི་དབུ་ཁྲིད་ལ་རྩིས་སྤྲོད་མཛད་པའི་སྐོར། དེ་བཞིན་དོལ་རྒྱལ་བསྟེན་གསོལ་སྐོར་སོགས་ཞིབ་ཕྲ་གསལ་བཤད་མཛད།
དེ་རྗེས་༸གོང་ས་མཆོག་པ་ལ་ཡི་སི་ཌེ་སི་ཀོང་རེ་སི་(Palais des Congress) ཞེས་པའི་ཚོགས་ཁང་དུ་ཆིབས་སྒྱུར་གྱིས་ཚོགས་ཁང་དེར་༸ཞབས་སོར་འཁོད་བསྟུན་གསར་
འགོད་པ་ཁག་གཅིག་གི་དྲི་བར་བཀའ་ལན་མཛད་སྐབས་༸གོང་ས་མཆོག་གིས་ཆོས་ལུགས་མཐུན་ སྒྲིལ་དང་འགྲོ་བ་མིའི་རིན་ཐང་གོང་མཐོར་གཏོང་རྒྱུའི་མཛད་འགན་གཙོ་བོ་གཉིས་དང་ དེ་བཞིན་བོད་ཀྱི་ཁོར་ཡུག་གནས་སྟངས།
གསར་འགོད་པ་ཚོར་འགྲོ་བ་མིའི་བཟང་སྤྱོད་གོང་མཐོར་གཏོང་རྒྱུར་ཐད་ཀར་འགན་འཁྲི་ གང་ཡང་མེད་ཀྱང་སྤྱི་ཚོགས་ཀྱི་བདེ་དོན་དང་ཐད་ཀར་འབྲེལ་བ་ཡོད་པར་བརྟེན། འགན་ཕྲན་བུ་ཡོད་ཚུལ་སོགས་བཀའ་སྩལ།
ལྷག་པར་གསར་འགོད་པ་ཞིག་ནས་ཁེ་ཎ་ཌའི་ཚོང་དོན་སྒྲིག་འཛུགས་ཤིག་གིས་རྒྱ་ནག་ དང་གྲོས་མོལ་གྱིས་བོད་ཀྱི་ས་ཁུལ་ནང་གཏེར་ཁ་བསྔོག་འདོན་གྱི་ལས་གཞི་དེར་ དགོངས་ཚུལ་བཀའ་འདྲི་ཞུས་པར།
མགོན་པོ་གང་ཉིད་མཆོག་གིས་འབྲེལ་ཡོད་ཁེན་ཎ་ཌའི་ཚོང་དོན་སྒྲིག་འཛུགས་དེས་ཚན་ རིག་པ་དང་ཁོར་ཡུག་ཉམས་ཞིབ་པར་ཆེད་མངགས་ས་གནས་དེར་ཞིབ་ཚགས་ས་གཞིར་རྟག་དཔྱད་ བྱེད་འཇུག་དགོས་པ་དང་།
གཏེར་ཁ་བསྔོག་འདོན་གྱི་ལས་གཞི་དེས་རྐྱེན་པས་ཁོར་ཡུག་ལ་གནོད་སྐྱོན་མི་ཡོང་ རྒྱུའི་ཐབས་ཤེས་ཡོད་རྒུ་རྩལ་སྤྲུག་བྱེད་དགོས་པ་དང་དེ་ལྟར་མ་བྱུང་ཚེ་ཁེ་ཎ་
ཌའི་མཚན་ཡུལ་གྱི་མཚན་ཤས་འགྲོ་རྒྱུ་ཡིན་སྐོར་བཀའ་སྩལ།
གསར་འགོད་པའི་དྲི་བར་བཀའ་ལན་མཛད་གྲུབ་མཚམས་ཚོགས་འདུ་གོ་སྒྲིག་ཚོགས་ཆུང་གི་ ཚོགས་མི་རྣམས་ལ་མཇལ་ཁ་སྩལ་གྲུབ་བསྟུན་༸གོང་ས་མཆོག་གིས་བཟང་སྤྱོད་ཀྱི་ལམ་ནས་ ཞི་བདེ་སྐྲུན་ཐབས།
ཞེས་པའི་བརྗོད་གཞིའི་ཐོག་བཀའ་སློབ་སྩལ་དོན།
དེང་སྐབས་ཆོས་ལུགས་མི་འདྲ་བ་ཡོད་པ་རྣམས་ཕན་ཚུན་འབྲེལ་བ་ཉེ་རུ་གཏོང་རྒྱུ་ ཧ་ཅང་གལ་ཆེན་པོ་ཆགས་ཡོད། ངོས་རང་ས་ཕྱོགས་གང་དུ་བསྐྱོད་ཀྱང་ཆོས་ལུགས་འདྲ་མིན་གྱི་མི་སྣ་ཚོ་དང་ཐུག་
རྒྱུའི་འབད་བརྩོན་བྱས་ཏེ་ཆོས་ལུགས་འདྲ་མིན་གྱི་སྐུ་ཚབ་རྣམས་དང་ལྷན་ཆོས་ ལུགས་མཐུན་སྒྲིལ་ཆེད་ལས་རིགས་འདྲ་མིན་སྤེལ་ཐབས་བྱས་དང་བྱེད་མུས་ཡིན།
ཕྲན་བུ་ཕན་གྱི་ཡོད་པའི་བཟོ་འདུག་ཅེས་སོགས་ཀྱི་བཀའ་སློབ་སྩལ། དེ་རྗེས་མང་ཚོགས་ཀྱི་དྲི་བར་བཀའ་ལན་མཛད། ཚོགས་འདུ་གོ་སྒྲིག་གནང་མཁན་མེཀ་གྷིལ་གཙུག་ལག་སློབ་གྲྭ་(McGill
University)ཆེན་མོ་དང་མོན་ཊ་རེལ་གཙུག་ལག་སློབ་གྲྭ་(Universite de Montreal)ཆེན་མོ། དེ་བཞིན་ཁེ་ཎ་ཌར་ཡོད་པའི་ཏཱ་ལའི་བླ་མའི་ཐེབས་རྩ་བཅས་ཡིན་འདུག
པ་ལ་ཡི་སི་ཌེ་སི་ཀོང་རེ་སི་ཚོགས་ཁང་དེ་ནི་རྒྱལ་སྤྱིའི་ཆོས་ལུགས་ཚོགས་ ཆེན་ཐེངས་ ༢ ཚོགས་ཡུལ་དེ་ཆགས་ཡོད། རྒྱལ་སྤྱིའི་ཆོས་ལུགས་ཚོགས་ཆེན་དེ་བཞིན་དེ་སྔ་ཨ་རིའི་ནང་ཕྱི་ལོ་ ༢༠༠༡ ཟླ་ ༩ ཚེས་ ༡༡
ཉིན་ཁ་ཆེའི་འཇིགས་སྐུལ་རིང་ལུགས་པས་དྲག་རྒོལ་བྱས་རྗེས་འགོ་བཙུགས་པ་ཞིག་ཡིན་ འདུག
ཉིན་དེའི་ཕྱེད་ཡོལ་༸གོང་ས་མཆོག་གིས། ཀུན་ཁྱབ་འགན་ཁུར་ཐོག་ནས་རྒྱལ་མཚམས་མེད་པའི་གོ་ལ་སྤྱི་ཡོངས་ཀྱི་མི་སེར། ཞེས་པའི་བརྗོད་གཞིའི་ཐོག་བཀའ་སློབ་སྩལ་ཡོད། ཕྱི་ཚེས་ ༨
ཉིན་༸གོང་ས་མཆོག་ཁེ་ཎ་ཌའི་ཁུལ་གྱི་མཛད་འཕྲིན་རྣམས་ལེགས་པར་གྲུབ་སྟེ་སྟོན་ འཁོར་དང་བཅས་མེཀ་སི་ཀོར་(Mexico)ཆིབས་༸ཞལ་བསྒྱུར་ཡོད་པ་བཅས།།
ཁ་སང་ཞོགས་པའི་ཆུ་ཚོད་ ༡༠ དང་ཕྱེད་ཀའི་སྟེང་སཱ་ར་གཞོན་ནུའི་རུ་ཁག་གི་གོ་སྒྲིག་འོག་ཟླ་འདིའི་ཕྱི་ཚེས་ ༢༤
ནས་དབུ་འཛུགས་གནང་བའི་བོད་ཀྱི་རིག་གནས་བགྲོ་གླེང་ཐེངས་ལྔ་པའི་ཉིན་གསུམ་པའི་སྟེང༌། བཀའ་བློན་ཁྲི་པ་བློ་བཟང་སེང་གེ་མཆོག་ཆེད་ཕེབས་ཀྱིས་༼བཙན་བྱོལ་བོད་མིའི་མང་གཙོའི་འཕེལ་རིམ་དང་ངོ་བོ།
འབྱུང་འགྱུར་རྒྱལ་སྤྱིའི་གནས་བབ་དང་མཐུན་པའི་ཁ་ཕྱོགས། ༽ཞེས་པའི་བརྗོད་གཞིའི་ཐོག་གསུང་བཤད་གནང་སོང༌།
སྐབས་དེར་བཀའ་ཁྲི་མཆོག་གིས་ཐོག་མར་རང་ཉིད་ཀྱི་ད་ལྟའི་གནས་བབ་སྐོར་ལ་གསུངས་དོན། དམངས་གཙོ་གཞི་བཞག་ཐོག་ང་བདམས་ཐོན་བྱུང་པ་ཞིག་ཡིན་ཡང༌།
བོད་མིའི་སྒྲིག་འཛུགས་ནང་ཟླ་འདིའི་ཕྱི་ཟླ་བརྒྱད་པའི་ཚེས་ ༨ ནས་ཕྱི་ཟླ་དགུ་བའི་ཚེས་ ༡༦ བར་དུ་བཀའ་ཤག་གསར་པ་མ་ཕེབས་བར་ང་མི་གཅིག་གིས་འཛིན་སྐྱོང་ཆ་ཚང་ལ་ལྟ་རྟོག་བྱ་དགོས་ཀྱི་ཡོད་སྟབས།
ད་ལྟ་ང་མི་གཅིག་རིང་ལུགས་པ་ཆགས་ཡོད་པ་རེད། ལྷན་ཁང་མང་པོ་ཞིག་ཡོད་པས་ཉིན་རེ་བཞིན་ཐག་གཅོད་མང་པོ་ཞིག་བྱ་དགོས་པས། དུས་ཚོད་ཀྱི་ཆ་ནས་ད་ལྟ་བྲེལ་བ་ཆེ་བའི་སྐབས་རེད། འོན་ཀྱང༌། བགྲོ་གླེང་གོ་སྒྲིག་པས་ངོ་དེབ་བརྒྱུད་ང་ལ་ཡོང་རོགས་ཞུས་པ་ལྟར། ལས་ཀར་བྲེལ་བ་ཆེ་རུང་ཆུ་ཚོད་དམ་འཛིན་བྱས་ཏེ་ཡོང་པ་ཡིན།
ཞེས་དང༌།
ཁོང་གིས་མུ་མཐུད་བོད་ཀྱི་མང་གཙོའི་སྐོར་ནས། དམངས་གཙོའི་སྒྲིག་འཛུགས་ཡར་རྒྱུས་ཇི་ལྟར་ཕྱིན་འདུག
ད་ལྟའི་ཆར་གང་འདྲ་ཞིག་ཏུ་གནས་འདུག་བཅས་དོན་ཚན་གསུམ་གྱི་ཐད་ནས་བཤད་རྒྱུ་ཡིན། ༧གོང་ས་མཆོག་སྐུ་སྒེར་ངོས་ནས་དམངས་གཙོར་ཡིད་ཆེས་བརྟན་པོ་གནང་མཁན་ཡིན་པ་གང་ནས་གསལ་བོ་ཆགས་ཐུབ་ཀྱི་འདུག་ཟེར་ན།
དགུ་བཅུ་གོ་གྲངས་ནང་ཨུ་རུ་སུ་ཐོར་ཞིག་ཏུ་སོང་རྗེས་ཤར་ཡུ་རོབ་ཁོངས་སུ་དམངས་གཙོ་རྩོད་མཁན་མང་པོ་བྱུང་པ་རེད། སྐབས་དེར་༼ བོད་གནས་བསྐྱར་ཞིབ ༽ (Tibet Review)
ནང་རི་མོ་གཉིས་ཐོན་པ་རེད། རི་མོ་གཅིག་ནང༌། ཡུ་རོབ་མི་མང་གིས་ཁྲོམ་གཞུང་ནས་དམངས་གཙོ་དགོས་ཞེས་སྐད་འབོད་རྒྱག་སྐབས། མགོ་ཁྲིད་དེས་སྒེའུ་ཁུང་ནས་མི་མང་ལ་གཟིགས་བསྡད་ཡོད་པ་རེད།
ཁོའི་མགོ་ལ་དྲི་རྟགས་ཆེན་པོ་ཞིག་ཡོད། དེ་ནི་མི་མང་གིས་དམངས་གཙོ་དགོས་ཟེར་གྱི་ཡོད་པ་དེ་མགོ་ཁྲིད་དེས་ཧ་གོ་ཡི་ཡོད་པ་མ་རེད། རི་མོ་གཞན་དེའི་ནང༌།
སྒེའུ་ཁུང་ནས་ང་ཚོའི་མགོ་ཁྲིད་ཀྱིས་དམངས་གཙོ་དགོས་ཀྱི་འདུག་ཟེར་ནས་སྐད་རྒྱག་གི་ཡོད་པ་རེད། ཁྲོམ་གཞུང་ན་མི་མང་གི་མགོ་ལ་དྲི་རྟགས་ཤིག་འཁོར་གྱི་ཡོད་པ་རེད།
དེ་ནི་ང་ཚོའི་སྤྱི་ཚོགས་ནང་ད་བར་༧གོང་ས་མཆོག་གིས་ཐུགས་ཐག་གང་ཞིག་བཅད་ཀྱང་མང་ཚོགས་མགོ་འཐོམ་ཏེ། གང་ཞིག་གསུང་གི་ཡོད་ན་ཟེར་ནས་དང་ལེན་བྱེད་ཐུབ་ཀྱི་ཡོད་པ་མ་རེད།
༧གོང་ས་མཆོག་ལ་དམངས་གཙོའི་ལྟ་གྲུབ་འདི་ལྟ་བུ་ཞིག་གང་ནས་འཁྲུངས་པ་རེད་ཟེར་ན། གཅིག་ནས་ཁོང་མི་མང་དཀྱུས་མའི་ཁྱིམ་ནས་འཁྲུངས་པ་དང༌།
གཉིས་པ་ཁོང་པོ་ཏ་ལར་བཞུགས་སྐབས་ཁོང་གི་ཐག་ཉེ་ཤོས་མ་བྱིན་སྒོ་སྲུང་གཡོག་པོ་དག་ཆགས་བསྡད་ཡོད་སྟབས། ཁོང་ལ་རང་བཞིན་གྱིས་དམངས་གཙོའི་ལྟ་གྲུབ་ཆགས་པ་རེད། ཅེས་གསུངས་སོང༌།
བཀའ་ཁྲི་མཆོག་གིས་བཙན་བྱོལ་བོད་མིའི་དམངས་གཙོའི་སྒྲིག་འཛུགས་སྐོར་གསུངས་དོན། “ དམངས་གཙོའི་སྒྲིག་འཛུགས་ཐད་ནས་༧གོང་ས་མཆོག་ ༡༩༥༤ ལོར་པེ་ཅིན་རྒྱལ་ཡོངས་མི་དམངས་འཐུས་མིའི་ཚོགས་ཆེན་སྟེང་བཅར་སྐབས། ཚོགས་ཁང་ཧྲིལ་བོ་འཇམ་ཐང་ངེར་མི་རེ་ཟུང་ལ་གཉིད་ཅོག་རྒྱག་གི་ཡོད་པ་དང༌། ༡༩༥༦
ལོར་རྒྱ་གར་གྲོས་ཚོགས་ནང་ཕེབས་སྐབས། ཟིང་ཆ་ཧ་ཅང་ཆེ་བ་དང་སྲིད་བློན་ནའེ་རུ་ལ་སྐྱོན་འཛུགས་ཐད་ཀར་བྱེད་ཀྱི་ཡོད་པ་བཅས་ཀྱིས་ཁོང་གི་ཐུགས་ཡིད་འཕྲོགས་ཏེ། ༡༩༥༩
ལོར་རྒྱ་གར་ལ་ཕེབས་པ་ཐག་ནས་དམངས་གཙོའི་ལམ་སྲོལ་བཙུགས་པ་རེད། ཕྱི་ལོ་ ༡༩༦༣ ལོར་གཟི་བརྗིད་དང་ལྡན་པ་ཞིག་ལ་གྲོས་ཚོགས་ནང་བུད་མེད་ཀྱི་སྐུ་ཚབ་ཐོག་མར་བྱུང་འདུག
སྐབས་དེ་འདྲའི་སྔ་བོ་ཞིག་ནས་གྲོས་ཚོགས་ནང་བུད་མེད་ཀྱི་སྐུ་ཚབ་བཞག་པ་དེ། ནུབ་ཕྱོགས་རྒྱལ་ཁབ་མང་པོ་ཞིག་ཏུ་ཡོད་པ་མ་རེད།
སུད་སི་ལྟ་བུར་མཚོན་ན་བདུན་བཅུ་དོིན་གྲངས་ནང་གྲོས་ཚོགས་ནང་བུད་མེད་ཀྱི་སྐུ་ཚབ་བསླེབས་པ་རེད། དེ་བཞིན་བདུན་བཅུ་དོན་གྲངས་ནང་གྲོས་ཚོགས་ནང་བོན་པོའི་སྐུ་ཚབ་བསླེབས་པ་རེད།
ལྷག་པར་དུ་དྲུག་ཅུ་རེ་གྲངས་ནང་མི་སེར་སྤེལ་ཡུལ་རིང་ལུགས་མཚམས་འཇོག་བྱེད་ཀྱི་ཡོད་པའི་སྐབས་ ༡༩༦༣ ལོར་རྩ་ཁྲིམས་གཏན་འབེབས་གནང་བ་རེད ” ཅེས་གསུངས་སོང༌།
ཡང་ཁོང་གིས་ད་ལོ་༧གོང་ས་མཆོག་གིས་ཆབ་སྲིད་ཀྱི་འགན་དབང་རྩིས་སྤྲོད་གནང་བའི་སྐོར་གསུངས་དོན། “ ད་ལོ་མི་མང་གིས་ཐད་ཀར་འོས་འདེམས་བྱས་པའི་བཀའ་བློན་ཁྲི་པ་སྐབས་གསུམ་པ་བསླེབས་ཡོད་པ་རེད།
ད་ལོའི་གསུམ་བཅུའི་དུས་དྲན་གྱི་༧གོང་ས་མཆོག་གི་གསུང་འཕྲིན་དང་བསྟུན་ཏེ་ཁོང་གི་སྐུ་དབང་ཡོངས་རྫོགས་མི་མང་གིས་བདམས་པའི་མགོ་ཁྲིད་ཚོར་སྩོལ་རྒྱུ་ཡིན་ཞེས་ཐུགས་ཐག་བཅད་པ་རེད།
རྒྱལ་སྤྱིའི་ཐོག་ནས་དུས་ཚོད་འདི་གལ་ཆེན་པོ་གང་འདྲ་ཞིག་ཆགས་ཀྱི་འདུག་ཟེར་ན། ཨ་རབ་ལུང་པའི་ཁ་ཆེ་རྒྱལ་ཁབ་མང་པོ་ཞིག་ཏུ་དམངས་གཙོའི་ཡར་ལངས་རྒྱག་བཞིན་པའི་སྐབས་རེད།
འགའ་ཤས་ཀྱིས་རྒྱལ་སྤྱིའི་ཐོག་གི་འགྱུར་བ་དེ་དག་ལ་བརྟེན་ཏེ་༧གོང་ས་མཆོག་གིས་འགྱུར་བ་བཏང་བ་མིན་ནམ་སྙམ་པའི་དོགས་པ་ཡོང་སྲིད་པ་རེད། འོན་ཀྱང་དེ་འདྲ་ཞིག་མ་རེད།
རྒྱལ་སྤྱིའི་འགྱུར་བ་དེ་དག་གི་གོ་སྐབས་བཟུང་སྟེ་ཐུགས་ཐག་བཅད་པ་ཞིག་རེད། ང་ཚོའི་ད་ལྟའི་གནས་སྟངས་འདི་རེད ” ཅེས་དང༌།
ཁོང་གིས་མུ་མཐུད་དུ་གསུངས་དོན། “ ཉེ་ཆར་ཕྱི་ཚེས་ ༨
ཉིན་༧གོང་ས་མཆོག་གིས་ང་ལོ་བཅུ་དྲུག་ཐོག་སྲིད་སྐྱོང་སྟག་བྲག་རིན་པོ་ཆེས་ང་ལ་བོད་པའི་ཆབ་སྲིད་ཀྱི་འགན་སྤྲད་བཞག་པ་དེ། ད་ལྟ་ང་རང་གིས་སྲིད་སྐྱོང་བློ་བཟང་སེང་གེ་ལ་གནང་གི་ཡོད་ཅེས་གསལ་བོར་གསུངས་པ་རེད།
འདི་གལ་ཆེན་པོ་ཞེ་དྲག་རེད། ང་སྒེར་གཅིག་གི་དོན་དག་མ་རེད། དགའ་ལྡན་ཕོ་བྲང་གཞུང་གི་ཁྲིམས་མཐུན་གྱི་བདག་དབང་ ( Legitimacy )དེ་མི་མང་གིས་བདམས་བཞག་པའི་མགོ་ཁྲིད་ལ་གནང་གི་ཡོད་གསུངས་སོང༌། དེ་དང་མཉམ་དུ་རྒྱལ་དབང་སྐུ་ཕྲེང་བདུན་པའི་སྐབས་ནས་ཡོད་པའི་གསེར་དམ་དེ་ང་ལ་གནང་བ་རེད།
དེ་ནི་སྐུ་ཕྲེང་བདུན་པའི་སྐབས་ནས་ཡོད་པའི་ཁྲིམས་མཐུན་གྱི་བདག་དབང་དེ་ཐེངས་འདིར་མི་དམངས་མང་ཚོགས་ཀྱིས་རྒྱབ་སྐྱོར་ཡོད་པའི་མགོ་ཁྲིད་ཅིག་ལ་གནང་གི་ཡོད་པ་བསྟན་ཡོད ” ཅེས་གསུངས་སོང༌།
བློ་བཟང་སེང་གེ་མཆོག་གིས་༧གོང་ས་མཆོག་གི་བཀའ་དགོངས་བརྩི་སྟངས་སྐོར་གསུངས་དོན། “ ང་ཚོས་༧གོང་ས་མཆོག་གི་དགོངས་གཞི་ལྟར་ལས་ཀ་བྱ་རྒྱུ་གལ་ཆེན་པོ་ཞེ་དྲག་རེད། དེ་ལྟར་མ་སོང་པ་ཡིན་ན། བོད་ནང་ཡོད་པའི་ཤ་ཁྲག་གཅིག་པའི་སྤུན་ཟླ་ཚོར་སེམས་འཚབ་ཡོང་གི་རེད།
ང་ཚོས་འདི་ནས་འགྲིག་མི་འགྲིག་བྱས་པ་ཡིན་ན། ཕྱོགས་གཅིག་ནས་༧གོང་ས་མཆོག་ཐུགས་ཕམ་པ་དང༌། གཉིས་ནས་བོད་ནང་གི་རེ་བཞག་དེ་མེད་པ་བཟོས་ཡོང་གི་རེད། དེར་བརྟེན། ང་ཚོར་འགན་དམིགས་བསལ་ཆེན་པོ་ཞིག་ཡོད།
ལྷག་པར་དུ་གཞོན་སྐྱེས་ཚོར་འགན་ཆེན་པོ་ཡོད། ད་ལན་གྱི་འོས་འདེམས་ཁྲོད་མི་རྒན་པའི་འགན་དེ་ང་མི་གཞོན་པ་ཞིག་ལ་གནང་བ་རེད། གཞུང་ས་དགའ་ལྡན་ཕོ་བྲང་གིས་སྲིད་དབང་བསྐྱངས་པའི་རིང་ལ།
བོད་པའི་སྲིད་འབྱོར་རིག་གསུམ་གང་འདྲ་ཆགས་ཡོད་པ་རེད་ཟེར་ན། ཡག་ཐོག་ཆོད་ཆགས་ཡོད་པ་རེད། ལྷག་པར་དུ་ཐག་རིང་པོར་གཟིགས་དགོས་པ་མ་རེད། འདས་པའི་ལོ་ལྔ་བཅུའི་རིང་ལ་གནས་སྟངས་ཡག་ཐག་གཅོད་ཆགས་ཡོད་པ་རེད ”
ཅེས་གསུངས་སོང༌།
མཐར་བཀའ་ཁྲི་མཆོག་གིས་གཞོན་སྐྱེས་ཚོར་རེ་བཅོལ་དང་རྟིང་སྐུལ་གནང་དོན། “ ང་ཚོར་ཕུགས་ཀྱི་དམིགས་ཡུལ་གཉིས་ཡོད། བོད་མྀའི་རང་དབང་བསྐྱར་གསོ་བྱ་རྒྱུ་དང༌། ༧གོང་ས་མཆོག་བོད་དུ་གདན་འདྲེན་ཞུ་རྒྱུ་དེ་གཉིས་ཡིན།
༧གོང་ས་མཆོག་གིས་དགོངས་ལོ་བཅུ་དྲུག་ནས་སྐུ་ངལ་བསྐྱོན་ཏེ་ང་ཚོར་དམངས་གཙོ་འདི་བསྩལ་བ་རེད། ང་ཚོས་ཕར་འབུལ་དགོས་པ་དེ་གང་རེད་ཟེར་ན། ཁོང་བོད་ཀྱི་རྒྱལ་ས་ལྷ་སར་གདན་འདྲེན་ཞུ་ཐུབ་དགོས་པ་དེ་རེད། ༡༩༡༠
ལོར་རྒྱ་དམག་བཙན་འཛུལ་འོག་སྐུ་ཕྲེང་བཅུ་གསུམ་པ་ལྷ་ས་ནས་རྒྱ་གར་ལ་ཕེབས་དགོས་བྱུང་བ་རེད། ༡༩༡༣ ཟླ་ ༡ ནང་ཕྱིར་བོད་ཀྱི་རྒྱལ་ས་ལྷ་སར་གདན་འདྲེན་ཞུ་ཐུབ་ཡོད་པ་མ་ཟད། བོད་རང་བཙན་ཡིན་ཞེས་གསལ་བསྒྲགས་གནང་ཐུབ་ཡོད།
དེ་ཇི་ལྟར་བྱུང་བ་རེད་ཟེར་ན། སྐབས་དེའི་མི་རབས་རྒན་པ་ཚོའི་ལྷག་བསམ་དང་ཆོད་སེམས། མཐུན་ལམ་རྡོག་རྩ་གཅིག་སྒྲིལ་ཐོག་སྐུ་ལས་བསྐྱོན་ཏེ་རྒྱལ་ཁ་དེ་བླངས་པ་རེད།
ང་ཚོས་ད་ལྟ་བོད་པའི་རང་དབང་བསྐྱར་གསོ་ཁག་པོ་མིན་འགྲོ་ཟེར་ས་ཡོད་པ་མ་རེད། ང་ཚོར་ཁ་གཡར་ས་དང་ལག་པ་འཕྱི་ས་ཡོད་པ་མ་རེད། ༡༩༡༣ ལོར་༧གོང་ས་བཅུ་གསུམ་པ་ལྷ་སར་གདན་འདྲེན་ཞུས་པ་རེད།
བཀའ་ཤག་སྐབས་བཅུ་བཞི་བས་༧གོང་ས་སྐུ་ཕྲེང་བཅུ་བཞི་བ་ཆེན་པོ་མཆོག་བོད་ཀྱི་རྒྱལ་ས་ལྷ་སར་གདན་འདྲེན་ཞུ་ཐུབ་དགོས་པ་རེད ” ཅེས་གསུངས་སོང༌།
གསར་འགོད་པ། བནྡེ་སྐྱབས
༄༅། །༸གོང་ས་༸སྐྱབས་མགོན་ཆེན་པོ་མཆོག་ཡུ་རོབ་རྒྱལ་ཁབ་སུད་སི་དང་ཕ་རན་སི། ཨི་སི་ཊོ་ནི་ཡ། ཕིན་ལན་ཌི། ཇར་མན་ནི་བཅས་ཀྱི་ནང་མཛད་འཕྲིན་རྒྱ་ཆེ་བསྐྱངས་ཏེ་ཕྱི་ཚེས་ ༢༥ ཉིན་གྱི་སྔ་དྲོ་ཆུ་ཚོད་ ༩།༣༠
ཐོག་གྷ་གལ་གནམ་ཐང་དུ་༸ཞབས་སོར་འཁོད་སྐབས་བཀའ་ཁྲི་བློ་བཟང་སེང་གེ་མཆོག་དང་ སྤྱི་འཐུས་ཚོགས་གཞོན་མཁན་པོ་བསོད་ནམས་བསྟན་འཕེལ་མཆོག་དེ་བཞིན་གཞུང་འབྲེལ་ མཛད་གཙོ་རྣམ་པ་བཅར་ཏེ་ཕེབས་བསུ་གཟབ་རྒྱས་ཞུས་ཡོད།
དེ་རྗེས་ཆུ་ཚོད་ ༡༠ ཡོལ་ཙམ་ལ་བཞུགས་སྒར་ཕོ་བྲང་གི་རྒྱལ་སྒོའི་མདུན་དུ་༸ཞབས་སོར་འཁོད་སྐབས་བཙན་ བྱོལ་བོད་མིའི་ཆེས་མཐོའི་ཁྲིམས་ཞིབ་པ་ཆེ་བ་མཆོག་གིས་གཙོས་ཁྲིམས་ཞིབ་པ་གཞན་ གཉིས།
དེ་བཞིན་དད་ལྡན་སེར་སྐྱ་མང་ཚོགས་རྣམས་ཀྱིས་ཕེབས་བསུ་གཟབ་རྒྱས་ཞུས་ཡོད།
དེ་ཡང་ཕྱི་ལོ་ ༢༠༡༡ ཟླ་ ༨ ཚེས་ ༡༡ ཉིན་༸གོང་ས་མཆོག་སུད་སི་གྲོང་ཁྱེར་ཇི་ནི་ཝར་༸ཞབས་སོར་བདེ་བར་འཁོད་རྗེས་ གྲོང་ཁྱེར་ཛུ་རིཀ་ཏུ་ཆིབས་སྒྱུར་བསྐྱངས་ཏེ་ས་གནས་བོད་མི་ཚོར་མཇལ་ཁ་དང་ཊི་
ཨེ་སི་ཨར་(TSR)ཞེས་པའི་གསར་ཁང་གི་གསར་འགོད་པའི་དྲི་བར་བཀའ་ལན་མཛད་པ་དང་ སྦྲགས། སུད་སི་གཞུང་མང་གཉིས་ནས་བཙན་བྱོལ་བོད་མི་ཚོར་ད་བར་རོགས་རམ་གནང་བར་ཐུགས་རྗེ་ ཆེ་ཞུས་གནང་མཛད།
ཕྱི་ཚེས་ ༡༢ ཉིན་༸གོང་ས་མཆོག་ཕ་རན་སིའི་ལྷོ་ཕྱོགས་མོན་ཊེ་སལ་(Mont Saleve)ཞེས་པར་ཆིབས་སྒྱུར་བསྐྱངས་ཏེ་རུ་སུའི་གྲོས་ཚོགས་ཀྱི་འཐུས་མི་སྐུ་ ཞབས་ར་ཡི་ཕེལ་ཇི་མ་ལོབ་(Mr.Raefel
Gimalov)ཡིས་མཐུན་འགྱུར་གནང་བའི་རྒྱ་གར་ལྷོ་ཕྱོགས་འབྲས་སྤུངས་སྒོ་མང་གྲྭ་ ཚང་གི་བཤད་སྒྲུབ་ཆོས་འཁོར་གླིང་ཆོས་ཚོགས་གསར་བཞེངས་ལེགས་གྲུབ་བྱུང་བར་དབུ་ འབྱེད་རབ་གནས་བཀའ་དྲིན་བསྐྱངས་པ་མ་ཟད། ཕྱི་ཚེས་ ༡༣ /༡༤
བཅས་ཉིན་གྲངས་གཉིས་རིང་ཉེ་འགྲམ་གྱི་གྲོང་ཁྱེར་ཏོ་ལོ་སེའི་(Toulouse) ནང་སློབ་དཔོན་ཀ་མ་ལ་ཤཱི་ལས་མཛད་པའི་སྒོམ་རིམ་བར་མའི་བཀའ་ཆོས་སྩལ།
ཕྱི་ཚེས་ ༡༥ ཉིན་༸གོང་ས་༸སྐྱབས་མགོན་ཆེན་པོ་མཆོག་གིས་ཏོ་ལོ་སིའི་ཛེ་ནི་ཐིའི་ཚོགས་ ཁང་ཆེན་མོའི་ནང་མང་ཚོགས་ཆིག་ཁྲི་བརྒལ་བར་ཆོས་ལུགས་རིས་མེད་ཀྱི་ལྟ་གྲུབ་ལ་ གཞི་བཅོལ་བའི་བཟང་སྤྱོད།
ཅེས་པའི་བརྗོད་གཞིའི་ཐོག་བཀའ་སློབ་སྩལ།
ཕྱི་ཚེས་ ༡༦ ཉིན་༸གོང་ས་མཆོག་ཨི་སི་ཊོ་ནི་ཡའི་(Estonia)རྒྱལ་ས་ཊ་ལིན་(Tallinn)དུ་༸ཞབས་ སོར་བདེ་བར་འཁོད་དེ་ཕྱི་ཚེས་ ༡༧ ཉིན་ཨི་སི་ཊོ་ནི་ཡའི་སྲིད་འཛིན་ཐོ་མ་སི་ཧེན་ཌི་རིཀ་(Toomas Hendrick IIves)
མཆོག་དང་མཇལ་འཕྲད་མཛད་པ་མ་ཟད། ལི་བྷར་ཊི་སི་ཁེ་ཡར་(Liberty Square) ཞེས་པའི་ས་གནས་དེར་ཡུལ་མི་སྟོང་ཕྲག་བརྒལ་བར་ཀུན་ཁྱབ་འགན་འཁུར། ཞེས་པའི་བརྗོད་གཞིའི་ཐོག་བཀའ་སློབ་སྩལ།
ཕྱི་ཚེས་ ༡༧ ཉིན་རྒྱབ་༸གོང་ས་མཆོག་ཕིན་ལན་ཌིར་ཆིབས་སྒྱུར་བསྐྱངས། ཕྱི་ཚེས་ ༡༨ ཉིན་ཁུལ་དེའི་ཊར་ཊུ་གཙུག་ལག་སློབ་གྲྭས་༸གོང་ས་མཆོག་ལ་མཁས་དབང་གི་ཕྱག་འཁྱེར་ འབུལ་ལམ་ཞུས།
ཕྱི་ཚེས་ ༡༩ ཉིན་༸གོང་ས་མཆོག་གིས་ཕིན་ལན་ཌིའི་རྒྱལ་ས་ཧེལ་སིང་ཀིའི་ནང་ཚོང་ལས་ནང་བཟང་ སྤྱོད་གལ་ཆེ་ཚུལ་(Ethics in Bussiness) ཞེས་པའི་བརྗོད་གཞིའི་ཐོག་བཀའ་སློབ་བཀའ་དྲིན་ཆེ་བ་སྩལ་བ་མ་ཟད།
ཧེལ་སིང་ཀིའི་གཙུག་ལག་སློབ་གཉེར་ཁང་གིས་གོ་སྒྲིག་འོག་བོད་མིའི་འཐབ་རྩོད་ལ་ མིག་དཔེར་བཟུང་སྟེ་འཚེ་མེད་ཞི་བའི་སྒོ་ནས་རྩོད་རྙོག་འདུམ་འགྲིག་བྱེད་ཚུལ་
ཞེས་པའི་ལྷན་ཚོགས་སུ་ཆིབས་སྒྱུར་བསྐྱངས་ཏེ་བཀའ་སློབ་སྩལ།
ཕྱི་ཚེས་ ༢༠ ཉིན་༸གོང་ས་མཆོག་གིས་དགེ་བཤེས་གླང་རི་ཐང་པས་མཛད་པའི་བློ་སྦྱོང་ཚིག་བརྒྱད་ མའི་བཀའ་ཆོས་སྩལ། ཉིན་རྒྱབ་ཧེལ་སིང་ཀའི་ཉེ་འགྲམ་དུ་ཡོད་པའི་གྲོང་ཁྱེར་ཨི་སི་པུའི་(Espoo)བྷ་
རོ་ན་ཚོགས་ཁང་(Barona Arena) དུ་མང་ཚོགས་ ༧༠༠༠ བརྒལ་བར་བྱམས་བརྩེའི་ནུས་སྟོབས་ཞེས་པའི་བརྗོད་གཞིའི་ཐོག་བཀའ་སློབ་སྩལ།
ཕྱི་ཚེས་ ༢༡ ཉིན་༸གོང་ས་མཆོག་ཇར་མན་དུ་ཆིབས་སྒྱུར་བསྐྱངས་ཏེ་གྲོང་ཁྱེར་ཧམ་བྷག་ནང་དྲན་པ་ ཉེར་བཞག་ཐོག་བློ་སྦྱོང་གི་ཉམས་ལེན་བྱེད་ཚུལ་སྐོར་གྱི་རྒྱལ་སྤྱིའི་ལྷན་ཚོགས་
ཀྱི་མཇུག་བསྡོམས་མཛད་སྒོར་བཀའ་སློབ་སྩལ།
ཕྱི་ཚེས་ ༢༢ ཉིན་ཇར་མན་ཧེ་སེ་(Hesse State Government)མངའ་སྡེའི་གཞུང་ནས་ཇི་ལྟར་གསོལ་འདེབས་ཞུས་དོན་ལྟར་ཕ་རན་ཕོ་ ཊ་(Frankfurt)གྷོ་ཐེ་གཙུག་ལག་སློབ་གྲྭར་(Goethe University)
ཆིབས་སྒྱུར་བསྐྱངས་ཏེ་འགྲོ་བ་མིའི་བཟང་སྤྱོད་ཀྱི་རིན་ཐང་དང་དབུ་ཁྲིད་ཀྱི་ ཐབས་ལམ་ཞེས་པའི་བརྗོད་གཞིའི་ཐོག་བཀའ་སློབ་སྩལ།
ཕྱི་ཚེས་ ༢༣ ཉིན་གྱི་ཕྱེད་ཡོལ་༸གོང་ས་མཆོག་ཧེ་སེ་མངའ་སྡེའི་གྲོས་ཚོགས་སུ་ཆིབས་སྒྱུར་བསྐྱངས་ཏེ་བཀའ་སློབ་སྩལ།
དེ་ཡང་༸གོང་ས་མཆོག་གིས་ཐེངས་འདིའི་ཡུ་རོབ་རྒྱལ་ཁབ་ལྔའི་ནང་གི་མཛད་འཕྲིན་ སྐབས་མི་མང་དང་སློབ་ཕྲུག གསར་འགོད་པ། རྒྱ་རིགས། སོག་རིགས། བོད་རིགས། གྲོས་ཚོགས་ཀྱི་འཐུས་མི། བོད་དོན་རྒྱབ་སྐྱོར་བ།
དབང་པོ་སྐྱོན་ཅན། མངའ་སྡེའི་སྲིད་འཛིན་དང་སྲིད་བློན་བཅས་ལ་མཇལ་ཁ་དང་ཆོས་འབྲེལ། བཀའ་སློབ་བཅས་ལེགས་པར་གྲུབ་སྟེ་ཞུགས་སྒར་དུ་༸ཞབས་སོར་བདེ་བར་འཁོད་ཡོད
༄༅། །ཕྱི་ལོ་ ༢༠༡༡ ཟླ་ ༨ ཚེས་ ༡༩ ཉིན་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་ཕིན་ལན་ཌིར་མཛད་འཆར་གྱི་ཐོག་མར་ཕིན་ལན་ཌིའི་བོད་ཀྱི་རིག་གཞུང་སྲུང་སྐྱོབ་ཚོགས་པ་དང་། བོད་རིགས་ཁག་གཅིག
ཕིན་ལན་ཌིའི་བོད་དོན་རྒྱབ་སྐྱོར་བའི་སྐུ་ཚབ་བཅས་ལ་མཇལ་ཁ་སྩལ་རྗེས་༸གོང་ས་མཆོག་ཕིན་ལན་ཌིའི་རྒྱལ་ས་ཧེལ་སེང་ཀི་(Helsinki)ནང་ཡོད་པའི་ཧེལ་སིང་ཀི་བྷོར་སི་ཀ་ལབ་(The Helsinki Bourse Club)
ཞེས་པར་ཆིབས་སྒྱུར་བསྐྱངས་ཏེ་ཕིན་ལན་ཌིའི་གསར་འགྱུར་བརྒྱུད་ལམ་ཁག་གི་གསར་འགོད་པ་གྲངས་ ༧༠ བརྒལ་བར་མཇལ་འཕྲད་མཛད་ཡོད།
སྐབས་དེར་མགོན་པོ་གང་ཉིད་མཆོག་གིས་ཆུ་ཚོད་གཅིག་རིང་གསར་འགོད་པ་ཁོང་རྣམ་པའི་དྲི་བར་བཀའ་ལན་སྩལ་གྲུབ་བསྟུན། ཚོགས་པ་དེའི་ཚོགས་གཙོ་སྐུ་ཞབས་མེ་ཁལ་ས་ཝན་ཇང་གྷི་(Mikael Swanljung)
ལགས་ཀྱིས་༸གོང་ས་མཆོག་གསོལ་ཚིགས་ཁང་དུ་གདན་འདྲེན་ཞུས་ཏེ་ཚོགས་པ་དེའི་ཚོགས་མི་དང་སྐུ༜༜་མགྲོན་བཅས་ཁྱོན་མི་གྲངས་ ༡༢༠ བརྒལ་བར་མཇལ་ཁ་དང། དེ་བཞིན་དེང་དུས་ཚོང་ལས་ནང་བཟང་སྤྱོད་གལ་ཆེ་ཚུལ་(Ethics in
Bussiness) ཞེས་པའི་བརྗོད་གཞིའི་ཐོག་བཀའ་སློབ་བཀའ་དྲིན་ཆེ་བ་སྩལ་ཡོད།
དེ་ནས་མགོན་པོ་གང་ཉིད་མཆོག་ཧེལ་སེང་ཀིའི་གཙུག་ལག་སློབ་གཉེར་ཁང་གིས་གོ་སྒྲིག་བྱས་པའི་བོད་མིའི་འཐབ་རྩོད་ལ་མིག་དཔེར་བཟུང་སྟེ་འཚེ་མེད་ཞི་བའི་སྒོ་ནས་རྩོད་རྙོག་འདུམ་འགྲིག་བྱེད་ཚུལ་(Non-voilent conflict
Resolution: The Tibetan Case as an Example)ཞེས་པའི་ལྷན་ཚོགས་སུ་ཆིབས་སྒྱུར་བསྐྱངས་ཏེ་བཀའ་སློབ་སྩལ་ཡོད་པ་མ་ཟད། བགྲོ་གླེང་ཐོག་མཉམ་ཞུགས་ཀྱང་མཛད་ཡོད།
གཞན་ཡང་དེ་ཉིན་༸གོང་ས་མཆོག་གིས་ཕིན་ལན་ཌིའི་གྲོས་ཚོགས་སུ་གྲོས་ཚོགས་འཐུས་མི་ཉི་ཤུ་དང་ལྷན་མཇལ་འཕྲད་མཛད།
ཕྱི་ཚེས་ ༢༠ ཉིན་༸གོང་ས་མཆོག་གིས་དགེ་བཤེས་གླང་རི་ཐང་པས་མཛད་པའི་བློ་སྦྱོང་ཚིག་བརྒྱད་མའི་བཀའ་ཆོས་སུ་ཆེད་བཅར་ཞུས་པའི་ཨུ་རུ་སུ་སྤྱི་མཐུན་རྒྱལ་ཁབ་ཀྱི་ཁལ་མུཀ་(Kalmykia) ཡུལ་ནས་བོད་རིགས་དགེ་འདུན་པ་ ༢༥༠
ཙམ་ལ་མཇལ་ཁ་སྩལ། སྐབས་དེར་དགེ་བཤེས་གླང་རི་ཐང་པས་མཛད་པའི་བློ་སྦྱོང་ཚིག་བརྒྱད་མའི་བཀའ་ཆོས་ཞུ་བར་བཅར་མཁན་ཁྱོན་མང་ཚོགས་ ༣༥༠༠ བརྒལ་བ་ཕེབས་ཡོད་པ་དང།
ཉིན་རྒྱབ་མགོན་པོ་གང་ཉིད་མཆོག་གིས་ཧེལ་སེང་ཀའི་ཉེ་འགྲམ་དུ་ཡོད་པའི་གྲོང་ཁྱེར་ཨི་སི་པུའི་(Espoo)བྷ་རོ་ན་ཚོགས་ཁང་(Barona Arena) དུ་མང་ཚོགས་ ༧༠༠༠ བརྒལ་བར་བྱམས་བརྩེའི་ནུས་སྟོབས་(The Power of
Compassion)ཞེས་པའི་བརྗོད་གཞིའི་ཐོག་བཀའ་སློབ་བཀའ་དྲིན་ཆེ་བ་སྩལ་ཡོད། དེ་ཡང་༸གོང་ས་མཆོག་གིས་མི་སྒེར་སོ་སོའི་བདེ་སྐྱིད་དང་ཁྱིམ་ཚང་གི་བདེ་སྐྱིད།
དེ་བཞིན་སྤྱི་ཚོགས་ཀྱི་བདེ་སྐྱིད་བཅས་ཀྱི་སླད་རང་སོ་སོའི་སེམས་བརྒྱུད་ལ་བྱམས་བརྩེའི་ནུས་པ་རྒྱས་ཐབས་ངེས་པར་བྱེད་དགོས་པ་ཡིན་སྐོར་དང།
བྱམས་བརྩེའི་བསམ་པ་ནི་ངེས་པར་དུ་ཆོས་དང་འབྲེལ་བ་མི་དགོས་པར་རང་རང་སོ་སོའི་བདེ་ཐབས་དང་སྤྱི་ཚོགས་བདེ་ཐབས་དོན་གཉེར་གྱི་བློ་བཅོས་མིན་ཞིག་བརྒྱུད་ལ་སྐྱེས་པའི་ཐོག་ནས་བྱམས་བརྩེའི་ནུས་པ་རྒྱས་ཐུབ་པ་ཞིག་ཡིན་སྐོར་དང།
བྱམས་བརྩེའི་བསམ་པ་དང་གཟུགས་པོའི་འཕྲོད་བསྟེན་དབར་འབྲེལ་བ་ཆེན་པོ་ཡོད་སྐོར་དང། འཛམ་གླིང་ནང་དཔལ་འབྱོར་འཁོད་སྙོམས་མེད་པ་དེས་འབྱུང་འགྱུར་མིའི་སྤྱི་ཚོགས་ཁྲོད་དུ་དཀའ་ངལ་ཆེན་པོ་བཟོ་རྒྱུ་ངེས་པ་ཡིན་སྟབས།
ད་ལྟའི་འཛམ་གླིང་གི་དཔལ་འབྱོར་འགྲོ་ལུགས་ལ་འགྱུར་བ་ཆེན་པོ་ཞིག་གཏོང་དགོས་པའི་དུས་ལ་སླེབས་ཡོད་པའི་དགོངས་ཚུལ་གསལ་བཏོན་མཛད་ཡོད།
༸གོང་ས་མཆོག་གིས་མང་ཚོགས་ལ་བྱམས་བརྩེའི་ནུས་སྟོབས་སྐོར་བཀའ་སློབ་སྩལ་གྲུབ་བསྟུན་མང་ཚོགས་ཀྱི་དྲི་བར་བཀའ་ལན་ཡང་མཛད། སྐབས་དེར་ཕིན་ལན་ཌིའི་གཞོན་སྐྱེས་མང་དག་ཅིག་ལ་༸གོང་ས་མཆོག་གིས་དུས་རབས་ ༢༡
པ་འདི་དུས་རབས་ ༢༠ ལྟར་དམག་འཁྲུག་གི་དུས་རབས་ལྟར་མིན་པར་ཞི་བདེ་དང་གྲོས་མོལ་གྱི་དུས་རབས་ཤིག་ཏུ་བསྐྲུན་རྒྱུར་གཞོན་སྐྱེས་ཚོར་འགན་ཡོད་ཅེས་བཀའ་སློབ་གཟབ་ནན་སྩལ་ཡོད།
ཐེངས་འདིའི་༸གོང་ས་མཆོག་གིས་ཕིན་ལན་ཌིར་ཆིབས་སྒྱུར་གསོལ་འདེབས་དང་གོ་སྒྲིག་ཞུ་མཁན་གཙོ་བོ་ཕིན་ལན་ཌི་བོད་ཀྱི་རིག་གཞུང་སྲུང་སྐྱོབ་ཚོགས་པ་དང། སྲོང་བཙན་ནང་པའི་ཆོས་ཚོགས་ཡིན་འདུག་པ་བཅས།།
ཟླ་འདིའི་ཕྱི་ཚེས་ ༩
ཉིན་ནས་བཟུང་༧སྤྱི་ནོར་༧གོང་ས་ཆེན་པོ་མཆོག་གིས་ཡུ་རོབ་རྒྱལ་ཁབ་ཁག་ལྔའི་ནང་ཆིབས་བསྒྱུར་གྱིས་མཛད་འཕྲིན་སྐྱོང་བཞིན་ པ་ལྟར། ཕྱི་ཚེས་ ༡༢
ཉིན་སུད་སུའི་མཛད་འཕྲིན་ཁག་ལེགས་པར་གྲུབ་ ས ྟེ ་ཧྥ་རན་སིའི་ཤར་ཕྱོགས་མོན་སྰ་ལེ་ཧྥུའི་ནང་ཆིབས་བསྒྱུར་བསྐྱངས་ཡོད་པ་དང་། དེ་གར་ནང་བའི་བསྟི་གནས་བཤད་སྒྲུབ་ཆོས་འཁོར་གླིང་གི་འཛུགས་བསྐྲུན་ལེགས་གྲུབ་བྱུང་བའི་མཛད་སྒོ་དབུ་འབྱེད་དང་།
ལྷ་ཁང་ལ་རབ་གནས། མཛད་སྒོར་ཕེབས་པའི་ཡུལ་མི་དང་དམིགས་བསལ་སོག་པོ་དང་ར་ཤི་ཡ་ནས་ཕེབས་པའི་ཆོས་ཞུ་བ་ཚོར་བསྟི་གནས་དེའི་བྱུང་རིམ་ལོ་རྒྱུས་དང་། འབྱུང་འགྱུར་འཛིན་སྐྱོང་གནང་སྟངས་སྐོར་ལ་བཀའ་སློབ་གནང་ཡོད་པ་རེད།
བཤད་སྒྲུབ་ཆོས་འཁོར་གླིང་ནི་ར་ཤི་ཡའི་གྲོས་ཚོགས་འཐུས་མི་ (Raefe lGimalov) ལགས་ཀྱིས་ རྒྱུ་གྲོན་སྦྱར་ནས་གསར་དུ་འཛུགས་སྐྲུན་བྱས་པ་ཞིག་ཡིན་ལ། ཇི་ལྟར་གསོབ་འདེབས་ཞུས་པ་ལྟར་༧གོང་ས་མཆོག་གིས་དགོན་པར་མཚན་གསོལ་གནང་བ་མ་ཟད།
བསྟི་གནས་འདིའི་འབྱུང་འགྱུར་གྱི་འཛིན་སྐྱོང་གང་ཡོད་དཔལ་ལྡན་འབྲས་སྤུངས་སྒོ་མང་གྲྭ་ཚང་གིས་གནང་གཏན་འཁེལ་ཡོད་འདུག
ཕྱི་ཚེས་ ༡༣
ནས་བཟུང་གྲོང་ཁྱེར་ཐོ་ལོ་སིའི་ནང་ཉིན་གསུམ་རིང་ཐེངས་འདིའི་ཧྥ་རན་སིའི་མཛད་འཕྲིན་དངོས་གཞི་སྟེ། དད་ལྡན་མང་ཚོགས་ ༩༠༠༠ བརྒལ་བར་སློབ་དཔོན་ཀ་མ་ལ་ཤྰི་ལས་མཛད་པའི་༼
སྒོམ་རིམ་བ་མའི་༽བཀའ་ཁྲིད་གནང་ཡོད་པ་དང་། ཕྱི་ཚེས་ ༡༥
ཉིན་གྱི་ཕྱི་དྲོར་གསུང་ཆོས་ར་བའི་ནང་མི་མང་ཆིག་ཁྲི་ལྔ་སྟོང་བརྒལ་བར་༼བདེ་སྐྱིད་ཀྱི་འབྱུང་རྩ།༽ཞེས་པའི་བརྗོད་གཞིའི་ཐོག་མང་ཚོགས་ ལ་ བཀའ་སློབ་བཀའ་དྲིན་བསྩལ་ཡོད་པ་རེད། ཐེངས་འདིའི་བཀའ་ཁྲིད་དང་མང་ཚོགས་ ལ་ བཀའ་སློབ་ གནང་བ་དེར་ ཡུ་རོབ་གཙོས་པའི་འཛམ་གླིང་ཡུལ་གྲུ་ ༣༠ ལྷག་གི་དད་ལྡན་ཆོས་ཞུ་བ་འཛོམས་ཡོད་པ་དང་།
ཉིན་གསུམ་རིང་གི་བཀའ་ཁྲིད་དང་མང་ཚོགས་བཀའ་ སློབ་གནང་བ་ཁག་ཧྥ་རན་སིའི་སྐད་དང་དབྱིན་སྐད། རྒྱ་སྐད། དེ་བཞིན་ཀམ་བྷོ་ཌི་ཡ་སོགས་ཚུད་པའི་སྐད་རིགས་ ༨ ནང་ གསུང་བསྒྱུར་བྱས་ཡོད་པ་རེད།
ཆིབས་བསྒྱུར་འདི་༧གོང་ས་མཆོག་གི་བོད་ཀྱི་ཆབ་སྲིད་འགན་དབང་མི་མང་ཀྱི་དབུ་འཁྲིད་བཀའ་བློན་ཁྲི་ པ ར་རྩིས་སྤྲོད་གནང་རྗེས་ཡིན་ནའང་། གནམ་ཐང་དང་གསུང་ཆོས་བར་གསེང་ཁག་ཏུ་གསར་འགོད་པ་དང་། གྲོང་ཁྱེར་སྤྱི་ཁྱབ་པ་རྣམ་པ།
ཧྥ་རན་སིའི་གྲོས་ཚོགས་འཐུས་མིའི་བོད་དོན་རྒྱབ་སྐྱོར་ཚོགས་པའི་མི་སྣ་ཁག་ལ་ མ ཇལ་འཕྲད་གནང་སྟེ། ཁོང་གི་ཆབ་སྲིད་འགན་དབང་བཀའ་བློན་ཁྲི་ པ ར་རྩིས་སྤྲོད་གནང་བའི་བྱུང་རིམ་དང་། དེ་བཞིན་བོད་ཀྱི་འདས་པ་དང་མ་འོངས་པའི་སྲིད་དོན་གནས་སྟངས་ཐད་ལ་བཅར་འདྲི་དང་ལེན་དང་བཀའ་སློབ་གནང་བ་སོགས་སྲིད་ཕྱོགས་ཀྱི་མཛད་འཕྲིན་ མི་ཉུང་བ་ཞིག་ བསྐྱངས་ཡོད་པ་རེད། ཕྱི་ཚེས་ ༡༢
ཉིན་གནམ་ཐང་དུ་ཕེབས་འབྱོར་སྐབས་གསར་འགོད་པ་ཚོར་ཐེངས་འདིའི་ཆིབས་བསྒྱུར་སྐོར་ཀྱི་ཐུགས་ཚོར་གསུངས་དོན། ‘‘ སྔོན་མ་ང་ཧྥ་རན་སི་ལྷོ་ཕྱོགས་འདི་ལ་ཐེངས་མ་ཁ་ཤས་ཡོང་བ་རེད།
སྐབས་དེ་དུས་ངས་བོད་ཀྱི་ཆབ་སྲིད་ཀྱི་འགན་ལེན་མུས་ཡིན་པར་སོང་ཕྱོགས་གང་ཅིའི་ཐད་ནས་ལྷོད་ལྷོད་མེིད་ནའང་། ད་ཐེངས་ངས་ཆབ་སྲིད་ཀྱི་འགན་མཚམས་བཞག་ནས་ བ སླེབས་ པ་ཡིན་སྟབས་རྦད་ དེ་ལྷོད་ལྷོད་རེད ” །
ཅེས་བཞད་མོལ་དང་བཅས་གསུངས་བ་དང་།དེ་བཞིན་ཁོང་གིས་རྒྱལ་ཁབ་གང་འདྲ་ཞིག་ཡིན་རུང་མི་སྒེར་བ་གཅིག་དང་།ཆོས་ལུགས་གཅིགཡང་ན་ཚོགས་པ་གཅིག་གིས་ཆབ་སྲིད་ལ་དབང་བསྒྱུར་བཞིན་པ་དེ་དུས་ཚོད་ཀྱི་ཆ་ནས་མཚམས་འཇོག་དགོས་ཆགས་ཡོད་པ་ང་ལ་ཡིད་ཆེས་བརྟན་པོ་ཡོད ’’ཅེས་གསུངས །
དེ་རིང་ ཕྱི་ཚེས ་ ༡༥ ཉིན་གྱི་སྔོ་དྲོར་༧གོང་ས་མཆོག་གིས་ཧྥ་རན་སིའི་གྲོང་ཁྱེར་ ༡༣ ཙམ་གྱི་སྤྱི་ཁྱབ་པ་དང་། ཧྥ་རན་སིའི་གྲོས་ཚོགས་འཐུས་མིའི་བོད་དོན་རྒྱབ་སྐྱོར་ཚོགས་ཆུང་གི་འཐུས་མི་ཁག་ཅིག་དང་སྔ་ཕྱིར་མཇལ་འཕྲད་གནང་ཡོད་པ་རེད།
སྐབས་དེར་གྲོང་ཁྱེར་སྤྱི་ཁྱབ་པ་དེ་དག་གིས་བོད་ནང་གི་གྲོང་དང་གྲོང་ཁྱེར་ཁག་གི་བོད་ཀྱི་རྣམ་པ་སྲུང་སྐྱོབ་ཐད་ལས་གཞི་ཁག་ཅིག་སྤྱན་འབུལ་ཞུས་ཡོད་འདུག
ལས་གཞི་དེ་དག་ནང་ཧྥ་རན་སིའི་གྲོང་ཁྱེར་དེ་དག་གིས་ཐུན་མོང་དང་ཐུན་མོང་མ་ཡིན་པའི་བརྒྱུད་ལམ་ཐོག
བོད་ནང་གི་གྲོང་དང་གྲོང་ཁྱེར་ཁག་ནང་བོད་ཀྱི་གདོད་མིའི་རྣམ་པ་སྲུང་སྐྱོབ་ཐད་ལས་གཞི་ཁག་ལག་བསྟར་བྱ་འཆར་ཡོད་འདུག་ལ། ད་ལྟའི་ཆར་ལས་གཞི་དེ་དག་ནང་བོད་ནང་གི་གྲོང་དང་གྲོང་ཁྱེར་ཁག་༣༢༠ ལྷག་ཚུད་ཡོད་འདུག
དེ་བཞིན་ཧྥ་རན་སིའི་གྲོས་ཚོགས་འཐུས་མི་རྣམས་དང་མཇལ་འཕྲད་སྐབས་༧གོང་ས་མཆོག་གིས་ཁོང་གི་ཆབ་སྲིད་ཀྱི་ཐུགས་འགན་མཚམས་འཇོག་གནང་བའི་བྱུང་རིམ་དང་། བོ ད་ཀྱི་དམངས་གཙོའི་འཕེལ་རིམ།
ཆབ་སྲིད་གནས་བབ་བཅས་ཀྱི་ཐད་བཀའ་སློབ་བསྩལ་བ་དང་། གྲོས་ཚོགས་འཐུས་མི་རྣམ་པས་ད་ལྟའི་བོད་ནང་གི་གནས་སྟངས་དང་། རྒྱལ་སྤྱིའི་འགྱུར་འགྲོས་ཁྲོད་ཀྱི་བོད་ཀྱི་གནས་བབ།
དེ་བཞིན་ཉེ་སྔོན་ཨ་རིར་སྲིད་འཛིན་ཨོ་བྷ་མ་དང་མཇལ་འཕྲད་སྐབས་ཀྱི་གནས་ཚུལ་ཁག་དང་འབྲེལ་བའི་བཀའ་འདྲི་ཞུས་པར་བཀའ་ལན་བསྩལ་ ཡོད་པ་ མ་ཟད།
ཕ་རི་སི་བོད་ཀྱི་སྐུ་ཚབ་དོན་གཅོད་འབྲེལ་མཐུད་ཁང་གིས་བོད་དོན་རྒྱབ་སྐྱོར་བ་རྒན་པ་དང་གྲོས་ཚོགས་འཐུས་མི་ཟུར་བ་སྐུ་ཞབས ་ (Jean-Michel Belorgey) ལགས་ཀྱིས་ད་བར་བོད་དོན་ཐད་སྐུ་ངལ་བསྐྱོན་པར་ཐུགས་རྗེ་ལེགས་འབུལ་གྱི་ཕྱག་རྟགས་དེ་༧གོང་ས་མཆོག་གིས་ཐད་ཀར་བསྩལ་ཡོད་པ་རེད།
སྐུ་ཞབས་ཁོང་ནི་ཧྥ་རན་སིའི་གྲོས་ཚོགས་འཐུས་མིའི་བོད་དོན་རྒྱབ་སྐྱོར་ཚོགས་ཆུང་གསར་དུ་འཛུགས་མཁན་དེ་ཡིན་ཞིང་། ཕྱི་ལོ་ ༡༩༩༠
ལོར་བཙུགས་པ་ནས་ད་ལྟའི་ཆར་གྲོས་ཚོགས་འཐུས་མི་ ༡༨༣ ཡོད་འདུག
༧གོང་ས་མཆོག་གི་ཧྥ་རན་སིའི་མཛད་འཕྲིན་ཁག་ལེགས་པར་གྲུབ་རྗེས་ཕྱི་ཚེས་ ༡༦
ཉིན་ཨེ་སི་ཌོན་ནེ་ཡའི་ནང་ཆིབས་བསྒྱུར་བསྐྱང་རྒྱུ་ཡིན་འདུག དེ་གར་ཡུལ་དེའི་མང་ཚོགས་ལ་༼འཇིག་རྟེན་ཀུན་ཁྱབ་ཀྱི་འགན་འཁུར།༽ཞེས་པའི་བརྗོད་གཞིའི་ཐོག་བཀའ་སློབ་དང་། དེ་ནས་རིམ་བཞིན་ཧྥིན་ལན་ཌི་དང་།
འཇར་མན་བཅས་སུ་ཆིབས་བསྒྱུར་གྱིས་ཐེངས་འདིའི་ཡུ་རོབ་མཛད་འཕྲིན་ཁག་གི་མཇུག་མུ་མཐུད་བསྐྱང་རྒྱུ་ཡིན་འདུག
ཕྱི་ལོ་ ༡༩༨༢ ལོར་༧གོང་ས་མཆོག་ཐེངས་དང་པོར་ཧྥ་རན་སིར་ཕེབས་པ་ནས་ད་ལྟའི་བར་ཐེངས་ ༡༩ ཙམ་ལ་ཆིབས་བསྒྱུར་བསྐྱངས་ཡོད་པ་དང་། ཆིབས་བསྒྱུར་རིམ་པ་ཁག་གི་སྐབས་ཧྥ་རན་སིའི་སྲིད་འཛིན་ལས་ཐོག་རྣམ་པ་གཉིས་དང་། སྲིད་འཛིན་ཟུར་བ།
དེ་བཞིན་གཞུང་དང་གྲོས་ཚོགས་ཀྱི་གནད་ཡོད་མི་སྣ་ཁག་དང་མཇལ་འཕྲད་གནང་ཡོད་པ་མ་ཟད ། ཕྱི་ལོ་ ༢༠༠༩
ལོར་རྒྱལ་ས་ཕ་རི་སིའི་ཕུལ་བྱུང་གྲོང་མིའི་མཚན་སྙན་གཟེངས་རྟགས་ཀྱང་འབུལ་བཞེས་གནང་ཡོད་པ་རེད།
གསར་འགྱུར་མཁོ་གཏོང་བ། ཟླ་བ་ཚེ་རིང་