ལེ་ཚན་འདིར་བོད་དོན་དང་འབྲེལ་བའི་གལ་ཆེའི་གསར་གནས་རིགས་འགོད་ས་ཡིན། གཤམ་གྱི་རེའུ་མིག་ནང་འབྲེལ་བ་གནང་འཐུས།
བོད་མིའི་རང་དབང་སྒེར་ལངས་དུས་དྲན་ཐེངས་ ༥༥ བའི་ཐོག་སྲིད་སྐྱོང་མཆོག་གིས།
གཉིས་སྨན་དབུ་མའི་ལམ་གྱི་སྲིད་བྱུས་འདི་བོད་དོན་དཀའ་རྙོག་སེལ་ཐབས་ཀྱི་ཐབས་ལམ་བཟང་ཤོས་ཡིན་སྟབས།
མུ་མཐུད་དམ་འཛིན་བྱ་རྒྱུའི་ཆོད་སེམས་བརྟན་པོ་ཡོད་པ་དང་།
སྲིད་འཛིན་ཞི་ཅིན་ཕིན་གྱིས་མགོ་ཁྲིད་པའི་རྒྱ་ནག་གི་མགོ་ཁྲིད་གསར་པ་ཚོས་ཀྱང་སྲིད་བྱུས་འདིའི་གལ་འགངས་ཤེས་རྟོགས་ཐུབ་པའི་ཡིད་ཆེས་བྱེད་ཀྱི་ཡོད་སྐོར་གསུངས་སོང་།
དེ་རིང་ཕྱི་ཚེས་ ༡༠
ཉིན་ཞོགས་པའི་ཆུ་ཚོད་ ༩།༠༠ ཐོག
བཞུགས་སྒར་ངྷ་རམ་ས་ལའི་ཐེག་ཆེན་ཆོས་གླིང་གཙུག་ལག་ཁང་དུ།
བོད་མིའི་ཞི་བའི་སྒེར་ལངས་ཀྱི་དུས་དྲན་ཐེངས་༥༥ སྲུང་གཙི་གནང་ཡོད་ཅིང་།
དུས་དྲན་མཛད་སྒོར་བོད་མིའི་སྒྲིག་འཛུཊ་ཀྱི་ཁྲིམས་ཞིབ་པ་ཆེ་ངག་དབང་འཕེལ་རྒྱལ་མཆོག་དང་ཁྲིམས་ཞིབ་པ་གཞན་གཉིས།
བོད་མིའི་སྒྲིག་འཛུཊ་ཀྱི་སྲིད་སྐྱོང་བློ་བཟང་སེང་གེ་མཆོག
སྤྱི་འཐུས་ཚོགས་གཙོ་སྤེན་པ་ཚེ་རིང་དང་ཚོགས་གཞོན་མཁན་པོ་བསོད་ནམས་བསྟན་འཕེལ་བཅས་དམངས་གཙོའི་ཀ་བ་གསུམ་གྱི་མཛད་གཙོ་རྣམ་པ་དང་།
སྤྱི་འཐུས་རྒྱུན་ལས་རྣམ་པ་དང་གཞུང་ཞབས་ལས་བྱེད།
ཡུ་རོབ་མཐུན་ཚོགས་ཀྱི་དཔལ་འབྱོར་དང་སྤྱི་ཚོགས་ཚན་ཁག་གི་ཚོགས་གཙོ་སྐུ་ཞབས་ཧེ་རེ་མཱ་ལོ་སེལ་ (Heuri
Malosse) ལགས།
ཨ་རི་དང་ཨོ་སི་ཊོ་ལི་ཡ་བཅས་ནས་ཕེབས་པའི་རྒྱ་རིགས་དམངས་གཙོ་དོན་གཉེར་བ་དང་བོད་དོན་རྒྱབ་སྐྱོར་བ།
བཞུགས་སྒར་ཁུལ་གྱི་སེར་སྐྱ་མི་མང་བཅས་མི་མང་ཆིག་སྟོང་ལྷག་འཛོམས་སོང་།
མཛད་སྒོའི་ཐོག་མར་བོད་ཁྱིམ་སློབ་མའི་རྔ་རོལ་དང་བཅས་སྲིད་སྐྱོང་བློ་བཟང་སེང་གེ་མཆོག་གིས་བོད་ཀྱི་རྒྱལ་དར་བསྒྲེངས་འཛུཊ་དང་བོད་རྒྱལ་ཁབ་ཆེན་མོའི་རྒྱལ་གླུ་གྱེར་འདོན།
ཚང་མ་སྐུ་བཞེངས་ཐོག་བོད་བསྟན་སྲིད་མི་རིགས་ཆེད་སྐུ་སྲོག་ཤོར་བའི་རྒྱལ་གཅེས་དཔའ་བོ་དཔའ་མོ་དག་ལ་མྱ་ངན་བཅས་གནང་བཅས་གནང་སོང་ལ།
ཡུ་རོབ་མཐུན་ཚོགས་ཀྱི་སྐུ་མགྲོན་སྐུ་ཞབས་ཧ་རེ་མཱ་ལོ་སེལ་ལགས་ཀྱིས།
རང་དབང་དང་བྲལ་བའི་བོད་མི་ཚོ་ནི་ཁོང་གི་མིག་དཔེ་ལྟ་བུ་ཡིན་པ་དང་།
བོད་མི་ཚོར་འཛམ་གླིང་ནང་རང་དབང་དང་འགྲོ་བ་མིའི་ཐོབ་ཐང་སོགས་ལ་རྒྱབ་སྐྱོར་གནང་མཁན་གྱི་རྒྱལ་ཁབ་དང་སྒྲིག་འཛུགས།
མི་སྒེར་ཚང་མས་གུས་བརྩི་རྒྱབ་སྐྱོར་ཞུ་བཞིན་ཡོད་པ་ལྟར།
ཁོ་རང་གིས་ཀྱང་འདས་པའི་ལོ་ ༥༠
ལྷག་གི་རིང་བོད་ནང་སྡུག་མྱོང་བཞིན་པའི་བོད་མི་ཚོར་གདུང་སེམས་མཉམ་སྐྱེད་ཞུ་བཞིན་ཡོད་པ་དང་།
བོད་ཀྱི་གནད་དོན་ནི་རྒྱལ་སྤྱིའི་གནད་དོན་ཞིག་ཆགས་ཡོད་སྟབས།
ཡུ་རོབ་མཐུན་ཚོགས་གཙོས་རྒྱལ་སྤྱིའི་སྒྲིག་འཛུགས་ཁག་གིས་རྒྱབ་སྐྱོར་ཞུ་དགོས་པ་ཆགས་ཀྱི་ཡོད་པ།
ད་ལྟའི་བར་ཁོང་ཚོས་བོད་མིའི་སྒྲིག་འཛུཊ་ཀྱི་སྲིད་སྐྱོང་དང་གྲོས་ཚོགས་ཀྱིས་གཏན་ལ་ཕབ་པའི་སྲིད་བྱུས་གཞིར་བཟུང་རྒྱ་གཞུང་གིས་བོད་དོན་དཀའ་རྙོག་སེལ་རྒྱུར་རྒྱབ་སྐྱོར་མཐའ་གཅིག་ཏུ་ཞུས་ཞུ་བཞིན་ཡོད་སྐོར་སོགས་བརྗོད་སོང་།
སྤྱི་འཐུས་ཚོགས་གཙོ་མཆོག་གིས་གསུང་འཕྲིན་སྒྲོགས་སྦྱོང་གནང་བའི་ནང་།
རྒྱ་གཞུང་གིས་བོད་ནང་ཆེས་གདུག་རྩུབ་དང་གཡོ་སྒྱུ་ཅན་གྱི་མི་སེར་སྤེལ་བའི་རིང་ལུཊ་ཀྱི་སྲིད་བྱུས་ངན་པ་ལག་བསྟར་བྱས་དང་བྱེད་བཞིན་པའི་དབང་གིས་བོད་མི་རྣམས་བཟོད་ཐབས་བྲལ་ཏེ།
ལོ་རབས་བརྒྱད་ཅུ་པ་ནས་༢༠༠༨
ལོའི་ས་བྱི་ཞི་རྒོལ་ཆེན་མོ་སོཊ་སྔ་ཕྱིར་ཞི་རྒོལ་རབས་དང་རིམ་པར་བྱས་ཡོད་པ་དེ་དག་ལ་རྒྱ་གཞུང་གིས་མི་སྤྱོད་ལས་འདས་པའི་དྲག་གནོན་བྱས་སྟབས།
བོད་མི་རྣམས་བཟོད་ཐབས་ཡེ་ནས་བྲལ་ཏེ་བློས་གཏོང་ཆེན་པོས་༸གོང་ས་མཆོག་བོད་ལ་གདན་འདྲེན་ཞུ་དགོས་པ་དང་བོད་མིར་རང་དབང་དགོས་པ་སོགས་ཀྱི་དགོས་འདུན་གསལ་སྟོན་དང་<བཅས་རང་ལུས་མེར་བསྲེགས་ཀྱི་ཞི་རྒོལ་གནང་སྟེ།
༢༠༠༩ ཟླ་ ༢ ཚེས་ ༢༧ ཉིན།
བོད་མདོ་སྨད་རྔ་པ་རུ་གྲྭ་བཀྲ་བྷེ་ལགས་ཀྱིས་རང་ལུས་མེར་བསྲེཊ་གནང་བ་ནས་བཟུང་སྟེ་ ༢༠༡༤
ཟླ་ ༢ ཚེས་ ༡༣
ཉིན་རྔ་པར་བློ་བཟང་རྡོ་རྗེ་ལགས་ཀྱིས་རང་ལུས་མེར་བསྲེཊ་གནང་བའི་བར་བོད་མི་ ༡༢༦
གིས་རང་ལུས་མེར་བསྲེཊ་གནང་སྟེ། འདས་གྲོངས་སུ་ཕྱིན་པ་ ༡༠༨ དང་། བཙན་བྱོལ་ནང་ ༡༩༩༨ ཟླ
༤ ཚེས་ ༢༧
ཉིན་རྒྱལ་ས་ལྡི་ལིར་ཐུབ་བསྟན་དངོས་གྲུབ་ལགས་ཀྱིས་རང་ལུས་མེར་བསྲེགས་གནང་བ་ནས་ ༢༠༡༣
ཟླ ༨ ཚེས་ ༦
ཉིན་ཀརྨ་ངེས་དོན་རྒྱ་མཚོ་ལགས་ཀྱིས་བལ་ཡུལ་དུ་རང་ལུས་མེར་བསྲེགས་གནང་བའི་བར་ཁྱོན་བོད་མི་ ༧
གྱིས་རང་ལུས་མེར་བསྲེགས་གནང་སྟེ་མི་ ༤ འདས་གྲོངས་སུ་ཕྱིན་ཡོད་པ་དང་།
བོད་ནང་དུ་རང་ལུས་མེར་བསྲེགས་གཙོས་བོད་མིས་རྒྱ་ནག་གཞུང་ལ་ངོ་རྒོལ་བསྟུད་མར་འབྱུང་རྐྱེན་གཙོ་བོ།
རྒྱ་གཞུང་གིས་བོད་དུ་ཆབ་སྲིད་ཀྱི་དྲག་གནོན་དང་རིག་གཞུང་མཉམ་བསྲེས།
དཔལ་འབྱོར་ཟུར་ཕུད། མི་རིགས་དབྱེ་འབྱེད། འབྲོག་ས་གནས་སྤོ།
ཁོར་ཡུག་རྩ་གཏོར་སོགས་མཁྲེགས་འཛིན་གྱི་སྲིད་བྱུས་ངན་པ་ལག་བསྟར་བྱས་དང་བྱེད་བཞིན་པའི་དབང་གིས་བྱུང་བ་ཀུན་གསལ་ཡིན་ཞེས་འཁོད་འདུག
སྤྱི་འཐུས་ཀྱི་གསུང་བཤད་ནང་།
བོད་མིའི་འཐབ་རྩོད་ཀྱི་ངོ་བོ་ནི་མཐའ་གཅིག་ཏུ་འཚེ་མེད་ཞི་བ་དང་དབུ་མའི་ལམ་གྱི་སྲིད་བྱུས་ལ་འགྱུར་བ་མེད་པར་རྒྱ་ནག་གཞུང་དང་ཞི་མོལ་བརྒྱུད་བོད་རྒྱའི་དཀའ་ངལ་སེལ་ཐབས་ལ་༸གོང་ས་མཆོག་གི་དགོངས་གཞི་ལྟར་བོད་མིའི་སྒྲིག་འཛུཊ་ཀྱིས་འབད་བརྩོན་གནང་བཞིན་པ་ནི་རང་དབང་དང་དམངས་གཙོར་ལོངས་སུ་སྤྱོད་བཞིན་པའི་སྐྱེ་བོ་ཀུན་གྱིས་གཟིཊ་གསལ་ཡིན་པ་དང་།
འདི་ལོའི་ཕྱི་ཟླ་ ༢ ཚེས་ ༢༡
ཉིན་༸གོང་ས་མཆོག་དང་ཨ་རིའི་སྲིད་འཛིན་སྐུ་ཞབས་བྷ་རག་ཨོ་བྷ་མ་མཆོག་རྣམ་གཉིས་ཨ་རིའི་ཕོ་བྲང་དཀར་པོའི་ནང་ཆུ་ཚོད་གཅིག་ཙམ་རིང་མཇལ་འཕྲད་མཛད་སྐབས།
སྲིད་འཛིན་ཨོ་བྷ་མ་མཆོག་གིས་བོད་ཀྱི་༸སྐྱབས་མགོན་ཏཱ་ལའི་བླ་མ་མཆོག་གི་བོད་རྒྱའི་དཀའ་རྙོག་སེལ་ཐབས་དབུ་མའི་ལམ་གྱི་སྲིད་བྱུས་ལ་ཨ་རིའི་གཞུང་ནས་རྒྱབ་སྐྱོར་ཡོད་པ་མ་ཟད།
ཨ་རིའི་སྲིད་གཞུང་ལ་བོད་ནང་འགྲོ་བ་མིའི་ཐོབ་ཐང་གི་གནས་སྟངས་དང་།
ཆོས་དད་རང་དབང་ཇེ་སྡུག་ཏུ་འགྲོ་བཞིན་པ་དེར་ཧ་ཅང་ཐུགས་འཚབ་ཆེན་པོ་ཡོད་སྐོར་གསུངས་པ་དང་སྦྲགས།
རྒྱ་ནག་གཞུང་གིས་༸གོང་ས་མཆོག་གམ་ཁོང་གི་སྐུ་ཚབ་དང་ལྷན་དུ་དོན་ཕན་ལྡན་པའི་གྲོས་མོལ་གནང་དགོས་སོགས་ནན་གསུངས་གནང་ཡོད།
འོན་ཀྱང་།
རྒྱ་ནག་གཞུང་ཕྱོགས་ཀྱིས་ད་ཕན་བོད་ཐོག་འཛིན་པའི་སྲིད་བྱུས་ནི་སྔར་ལས་ཇེ་མཁྲེགས་ཇེ་སྡུག་ལས་གུ་ཡངས་ཀྱི་རྣམ་འགྱུར་གང་ཡང་མཐོང་ཐོས་མེད་པའི་གནས་སུ་ཡོད་པ་འདི་ནི་ཧ་ཅང་བློ་ཕམ་གྱི་གཞི་རུ་གྱུར་ཡོད།
ཅེས་དང་།
ཕྱི་ལོ་ ༢༠༡༣ ཟླ་བ་ ༡༡
པའི་ནང་རྒྱ་ནག་མཉམ་འབྲེལ་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས་ཀྱི་རྒྱུན་ལས་སུ་བདམས་ཐོན་བྱུང་ཡོད་མོད།
རྒྱ་ནག་གཞུང་གིས་མཉམ་འབྲེལ་རྒྱལ་ཚོགས་ཀྱི་ཡོངས་ཁྱབ་གསལ་བསྒྲགས་འགྲོ་བ་མིའི་ཐོབ་ཐང་དང་རང་དབང་གི་རྩ་དོན་རྣམས་ཁ་དན་ཚིག་གནས་ཀྱིས་ལག་བསྟར་ཇི་བཞིན་བྱེད་ཐུབ་མིན་ཐད་དོགས་གནས་ཆེན་པོར་གྱུར་ཡོད་སྟབས།
རྒྱལ་སྤྱིའི་གཞུང་མང་ཡོངས་དང་ཁྱད་པར་རྒྱ་ཆེའི་རྒྱ་ནག་མི་མང་རྣམས་ནས་ཅིས་ ཀྱང་གཟུར་གནས་བདེན་འཚོལ་ཡོང་བའི་ཡིད་ཆེས་དང་རེ་སྐུལ་ཤུགས་དྲག་ཞུ་བཞིན་ཡོད།
ཅེས་དང་།
༸གོང་ས་མཆོག་གིས་དུས་གསུམ་གསལ་གཟིགས་ངང་བོད་བསྟན་སྲིད་མི་རིགས་དང་བཅས་པའི་འཕྲལ་ཕུགས་རྒྱང་གསུམ་བདེ་ཐབས་སླད་ཆབ་སྲིད་དང་།
འཛིན་སྐྱོང་གི་སྐུ་དབང་ཡོངས་རྫོགས་མི་མང་གིས་འོས་འདེམས་བྱས་པའི་མགོ་ཁྲིད་ལ་རྩིས་སྤྲོད་མཛད་རྗེས་བོད་མིའི་སྒྲིག་འཛུགས་མ་ལག་དང་བཅས་པས་ཞུ་སྒོ་མཐའ་དག་ལ་འབད་བརྩོན་ལྷོད་མེད་ཞུ་བཞིན་ཡོད་པར་གཞིས་བྱེས་རྒྱ་ཆེའི་མི་མང་རྣམས་ནས་གདེང་འཇོག་ཆེན་པོས་རྒྱབ་སྐྱོར་གནང་བཞིན་ཡོད་པ་དང་།
སླད་ཀྱང་བོད་མི་རྣམས་དམ་ཚིག་འོ་ཆུ་གཅིག་འདྲེས་ངང་རང་འགན་འཁུར་ལེན་གྱིས་ཤེས་འཇོན་ལྷག་བསམ་མཉམ་འདེགས་ཀྱི་ནུས་ཤུགས་ཡོད་ཚད་མཉམ་སྤུངས་ཀྱིས་སྔར་ལྷག་ཕྱར་གྲུ་མཉམ་འདེགས་ཀྱི་གོང་བུའི་ནུས་པ་ཇེ་ཆེར་གཏོང་རྒྱུ་ནི་འཕྲལ་ཕུགས་གཉིས་ཀའི་ཕན་བདེའི་རྩ་བར་གྱུར་ཡོད་པས་ཚང་མས་རྟག་ཏུ་ཡིད་གཟབ་ངང་སྒོ་ཀུན་ནས་འབད་འབུངས་ཆེ་སྐྱེད་བྱ་གལ་ཆེ་བ་ལྟར་དེ་རིང་བསྐྱར་དུ་འབོད་སྐུལ་ནན་ཏན་ཞུ་རྒྱུ་ཡིན།
ཞེས་འཁོད་འདུག
མཇུག་ཏུ་ཚོགས་གཙོ་མཆོག་གིས། “
རྒྱ་གར་དབུས་ས་གཉིས་དང་བོད་མིའི་སྒྲིག་འཛུཊ་བདེ་སྲུང་ལས་ཁུངས་འབྲེལ་ཡོད་ཡོངས་ཀྱིས་ཐུཊ་འགན་རྐང་བཞེས་ཀྱིས་༸གོང་ས་མཆོག་གི་སྐུ་ཕྱྭར་གང་ཅིའི་ཤུགས་སྣོན་རྒྱག་མུས་ཀྱང་།
མི་ལོ་ ༥༥
སྔ་རོལ་དུ་རྒྱ་གཞུང་གིས་མངོན་སུམ་འཛེམས་མེད་ཀྱིས་༸གོང་ས་མཆོག་གི་སྐུ་ཕྱྭར་བསྡོ་བའི་གྲབས་གཤོམ་བྱས་ཡོད་པ་ལྟར་རྒྱ་གཞུང་གིས་ཆབ་སྲིད་ཀྱི་དགོས་མཁོའི་གཡོ་བྱུས་འོག་ལས་འབྲས་རྩིས་མེད་དང་ལོ་རྒྱུས་ཀྱི་ནག་ཉེས་ཅན་བསམ་མེད་དོལ་རྒྱལ་རྗེས་འབྲང་གི་མིང་ཁུར་བ་ཁག་གཅིག་ནས་རྟག་ཏུ་དངུལ་དངོས་ཀྱི་ཁེ་ཕན་ཁོ་ནའི་དབང་གིས་ནུས་ཤུགས་ཆེ་རུ་བཏང་སྟེ་བོད་ནང་དུ་དཀྲུག་ཤིང་དང་།
༸གོང་ས་མཆོག་ལ་མཚན་སྨད་དང་སྐུར་འདེབས་ཞུ་བཞིན་ཡོད་པ་མ་ཟད།
ཨ་རི་དང་རྒྱ་གར་གསང་ལས་ཁང་ནས་༸གོང་ས་མཆོག་གི་སྐུ་ཕྱྭར་སྔར་ལྷག་གཟབ་ནན་བྱ་གལ་ཆེ་བའི་སྐོར་སྙན་གསེང་བྱུང་ཡོད་ན།
བོད་མིའི་སྒྲིག་འཛུགས་དང་བོད་མི་སྤྱི་བོ་གནམ་བསྟན་ཡོངས་ཀྱིས་རྫི་གསང་རྣོན་པོས་ཕྱར་གྲུ་མཉམ་འདེགས་གནང་དགོས་རྒྱུ་ཧ་ཅང་གལ་ཆེ་ཆགས་ཡོད།
” ཅེས་གསུངས་སོང་།
མཇུག་ཏུ་སྲིད་སྐྱོང་བློ་བཟང་སེང་གེ་མཆོག་གིས་བཀའ་ཤག་གི་གསུང་འཕྲིན་སྒྲོགས་སྦྱོང་གནང་བར།
༢༠༠༩ ལོ་ནས་ད་བར་བོད་ཆོལ་ཁ་གསུམ་ནང་རང་ལུས་མེར་བསྲེཊ་གནང་མཁན་ ༡༢༦
བྱུང་ཡོད་པ་དང་།
བཀའ་ཤག་གི་ངོས་ནས་ཚབས་ཆེའི་ལས་འགུལ་འདི་རིགས་མ་སྤེལ་རོགས་ཞེས་འབོད་སྐུལ་རིམ་པ་ཞུས་ཀྱང་རང་ལུས་མེར་བསྲེགས་མུ་མཐུད་འབྱུང་བཞིན་པ་དང་།
རང་ལུས་མེར་བསྲེགས་གནང་རྒྱུར་ང་ཚོས་མོས་མཐུན་བྱེད་ཀྱི་མེད་ཀྱང་།
ཁོང་ཚོའི་མངོན་འདོད་ལ་རྒྱབ་སྐྱོར་བྱེད་ཀྱིན་ཡོད་ཅེས་སོགས་འཁོད་འདུག
བཀའ་ཤག་གི་གསུང་འཕྲིན་ནང་། ཕྱི་ལོ་ ༢༠༢༠
ཟིན་སྐབས་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱིས་བོད་ལ་བཙན་འཛུལ་བྱས་ཏེ་ལོ་བདུན་ཅུ་འགྲོ་རྒྱུ་ཡིན་པ་དང་།
དེ་དུས་དེ་སྔའི་རང་དབང་གི་བོད་མཐོང་མྱོང་མཁན་གྱི་མི་རབས་ཧ་ཅང་ཉུང་དུ་འགྲོ་རྒྱུ་ཡིན།
༧གོང་ས་མཆོག་ཀྱང་དགུང་གྲངས་བརྒྱད་ཅུ་གྱ་ལྔར་ཕེབས་རྒྱུ་དང་།
བོད་མི་རིགས་ཀྱི་གཉན་འཕྲང་ཆེ་ཤོས་ཀྱི་དུས་སྐབས་སུ་བླ་ན་མེད་པའི་དབུ་འཁྲིད་ལམ་སྟོན་མཛད་ནས་ལོ་ངོ་བདུན་ཅུ་ཧྲིལ་པོ་འཁོར་གྱི་ཡོད་སྟབས།
གཞིས་བྱེས་གཉིས་ཀའི་ནང་མི་རབས་གཞོན་པ་ཚོས་གདོང་ལེན་བྱ་དགོས་པའི་གནས་སྟངས་མང་པོ་ཡོང་གི་ཡོད།
བོད་ནང་ལ་ཆ་མཚོན་ན་དེ་སྔའི་རང་དབང་གི་བོད་རྒྱུས་མངའ་མེད་པའི་མི་རབས་འབའ་ཞིག་ཆགས་རྒྱུ་དང་།
ཕྱོགས་མཚུངས་བཙན་བྱོལ་སྤྱི་ཚོགས་ནང་ཡང་དེ་ལྟར་ཆགས་རྒྱུ་ཡིན།
ཁྱད་པར་བཙན་བྱོལ་བོད་མིའི་མི་འབོར་ནི་བོད་མི་ས་ཡ་དྲུག་གི་བརྒྱ་ཆ་ ༢།༥
ལས་ཟིན་གྱི་མེད་པ་དེ་དག་ཀྱང་རྒྱ་གར་ཁུལ་དང་ནུབ་ཕྱོགས་རྒྱལ་ཁབ་ཁག་ནང་མང་ཉུང་འདྲ་མཉམ་ལྟ་བུ་ཆགས་ངེས་ཡིན།
བཙན་བྱོལ་གྱི་གནས་སྟངས་ནི་ངེས་པ་མེད་པའི་རང་བཞིན་དང་།
བཙན་བཟུང་ནི་མི་རིགས་ཀྱི་ངོས་འཛིན་རྩ་མེད་འགྲོ་ཉེན་ཆེ་བའི་ཛ་དྲག་གི་གནས་སྟངས་ཤིག་ཡིན་པར་བརྟེན།
གཞིས་དང་བྱེས་ཀྱི་གནས་བབ་མི་འདྲ་བའི་འོག་འཚར་ལོངས་བྱུང་བའི་མི་རབས་གསར་པ་ཚོར་བོད་དོན་འཐབ་རྩོད་མུ་མཐུད་རྒྱུན་སྐྱོང་བྱ་དགོས་པའི་འགན་འཁྲི་བབས་ཡོད།
ཅེས་བཀོད་འདུག
བཀའ་ཤག་གི་གཏམ་བཤད་ནང་།
དེ་ཡང་ཕུགས་རྒྱང་རིང་པོའི་ཐབས་བྱུས་ཀྱི་ཚུལ་དུ་བོད་མིའི་སྤྱི་ཚོགས་ཀྱི་བསམ་བློའི་འཁྱེར་ཕྱོགས་དང་ལག་ལེན་གཉིས་ཀའི་ཐོག་ནས་རང་རྐྱ་འཕེར་བའི་རང་ཁ་རང་གསོ་ཡོང་ཐབས་བྱ་དགོས།
ལོ་ལྔ་བཅུ་ལྷག་ཕྱིན་པའི་འཐབ་རྩོད་ལམ་ལྷོང་ཡོང་བར་མི་གཞན་གྱི་རོགས་སྐྱོར་ཁོ་ནར་བརྟེན་ན་འགྲིག་ཐབས་མེད་ཅིང་།
ད་ཆ་ང་ཚོས་གདེང་སྤོབས་ལྡན་པའི་སྒོ་ནས་མགོ་ཁྲིད་ཀྱི་ལས་འགན་ཁུར་ཐུབ་པ་བྱ་དགོས།
དེ་ལྟར་ཡོང་བར་ཤེས་ཡོན་ནི་རྨང་གཞི་ཡིན།
གནའ་དེང་གི་ཤེས་ཡོན་ཟུང་དུ་འབྲེལ་ཏེ་བོད་མི་རིགས་ཀྱི་ཐུན་མོང་མ་ཡིན་པའི་ཡ་རབས་བཟང་པོའི་གཞུང་བསྲངས་ཏེ་བོད་མིའི་བདེན་དོན་འཐབ་རྩོད་རྒྱུན་སྐྱོང་བྱ་དགོས།
སྤྱི་ཚོགས་ཤེས་ཡོན་ལྡན་པ་ཞིག་བྱུང་ན་རང་ཁ་རང་གསོ་ཡོང་ཐུབ་པ་དང་།
ནུས་འཇོན་ལྡན་ཞིང་འཛིན་སྐྱོང་ཚགས་ཚུད་པ།
དེ་བཞིན་བོད་མིའི་བདེན་དོན་འཐབ་རྩོད་ལའང་རྒྱལ་སྤྱིའི་ནང་རྒྱབ་སྐྱོར་སྔར་ལྷག་ཐོབ་རྒྱུ་ངེས།
བོད་མིའི་སྒྲིག་འཛུགས་ནི་གཞིས་བྱེས་བོད་མི་ཡོངས་ཀྱི་བློ་གཏད་བཅོལ་ཡུལ་གྱི་སྲོག་ཤིང་ལྟ་བུ་ཡིན་སྟབས།
༧གོང་ས་མཆོག་དང་སྒྲིག་འཛུགས་དེ་ལས་ལྷག་པ་ཞིག་མེད་སྟབས་ཆིག་སྒྲིལ་གྱི་ནུས་པ་མ་ཉམས་པ་བྱེད་རྒྱུ་ནི་དོན་གྱི་སྙིང་པོ་ཡིན།
མི་རབས་གཞོན་པ་ཚོས་འགན་ཁུར་མང་ཙམ་བླང་རྒྱུར་གཞེན་སྐུལ་ཞུ་རྒྱུ་དང་།
གསར་གཏོད་རང་བཞིན་ཅན་གྱི་ལས་འཆར་དང་སྲིད་བྱུས་ཁག་མུ་མཐུད་སྤེལ་རྒྱུ་ཡིན།
དགའ་སེམས་འཁོལ་བའི་ངང་བོད་མི་དང་བོད་དོན་རྒྱབ་སྐྱོར་བ་ཡོངས་ལ་ཞུ་རྒྱུར།
བོད་མིའི་སྒྲིག་འཛུགས་ཀྱི་ངོས་ནས་ཕྱི་ལོ་ ༢༠༡༤
འདི་༧གོང་ས་སྐུ་ཕྲེང་བཅུ་བཞི་པ་ཆེན་པོ་མཆོག་གི་བཀྲིན་རྗེས་དྲན་གྱི་ལོར་སྲུང་བརྩི་ཞུ་རྒྱུ་དང་ཆབས་ཅིག
འདི་ལོ་༧གོང་ས་མཆོག་ལ་ནོ་སྦེལ་ཞི་བདེའི་གཟེངས་རྟགས་འབུལ་བཞེས་མཛད་དེ་ལོ་ཉེར་ལྔ་འཁོར་བའི་དུས་ཚིགས་ཀྱང་འཁེལ་གྱི་ཡོད་པ་སྲུང་བརྩི་ཟབ་རྒྱས་ཞུ་རྒྱུ་ཡིན།
དེ་མཚུངས་འདི་ལོ་༧ཀུན་གཟིགས་པཎ་ཆེན་སྐུ་ཕྲེང་བཅུ་གཅིག་པ་དགེ་འདུན་ཆོས་ཀྱི་ཉི་མ་མཆོག་དགུང་ལོ་ཉེར་ལྔར་ཕེབས་པའི་འཁྲུངས་སྐར་ཡང་སྲུང་བརྩི་ཞུ་རྒྱུ་ཡིན།
ད་ལྟའི་ཆར་ཆོལ་གསུམ་བོད་རིགས་ཡོངས་རྫོགས་དམ་ཚིག་རྡོག་རྩ་གཅིག་སྒྲིལ་གྱི་གནས་ཚད་མཐོ་ཤོས་སུ་སླེབས་ཡོད་པ་དང་།
གཞིས་བྱེས་གཉིས་བསམ་འདུན་གཅིག་གྱུར་ཡིན་པ་མ་ཟད།
ང་ཚོས་མུ་མཐུད་ཆོད་སེམས་བརྟན་པོའི་སྒོ་ནས་འབད་བརྩོན་བྱས་ན་ནམ་ཞིག་བོད་དོན་བདེན་མཐའ་གསལ་རྒྱུ་ངེས་པ་ཡིན།
གཞིས་བཞུགས་བོད་རིགས་སྤུན་ཟླ་རྣམས་ལ་ཞུ་རྒྱུར།
ང་ཚོའི་མདུན་དུ་ལྷག་པའི་དཀའ་ངལ་དང་འཐབ་རྩོད་ཀྱི་འགྲུལ་བཞུད་ཇི་ལྟར་རིང་ཡང་རྒྱལ་ཁ་འཐོབ་རྒྱུ་ངེས་པ་ཡིན།
ཉེ་སྔོན་རྟ་དབང་ཁུལ་དུ་༧གོང་ས་མཆོག་དང་།
ང་ཚོའི་ཕ་མེས་རྣམས་བཙན་བྱོལ་དུ་འབྱོར་སའི་ཕེབས་ལམ་མཇལ་རྒྱུ་བྱུང་བ་དང་།
ཕར་ཕྱོགས་ཀྱི་བོད་ཀྱི་བརྗིད་ཆགས་རི་བོ་དེ་དག་ཀྱང་མཐོང་བྱུང་ལ།
བོད་ལ་ཕྱིར་ལོག་འགྲོ་སའི་ལམ་ཤུལ་ཡང་མཐོང་ཐུབ་པ་ནི་རྟེན་འབྲེལ་དུ་སེམས།
ཞེས་སོགས་འཁོད་འདུག
མཇུག་ཏུ་སྲིད་སྐྱོང་མཆོག་<གིས་དབུ་མའི་ལམ་གྱི་སྲིད་བྱུས་དང་འབྲེལ་ཏེ་རྒྱ་ནག་གཞུང་ལ་གསུངས་དོན།
“
ང་ཚོས་དབུ་མའི་ལམ་གྱི་སྲིད་བྱུས་གཞིར་བཟུང་མིང་དོན་མཚུངས་བའི་རང་སྐྱོང་གི་ལམ་ནས་བོད་ནང་ཆབ་སྲིད་དྲག་གནོན་གྱི་ཚབ་ཏུ་མང་ཚོགས་ཀྱི་གཞི་རིམ་རང་དབང་དང་།
དཔལ་འབྱོར་དབྱེ་འབྱེད་ཀྱི་ཚབ་ཏུ་དཔལ་འབྱོར་ཡར་རྒྱས།
སྤྱི་ཚོགས་དབྱེ་འབྱེད་ཀྱི་ཚབ་ཏུ་སྤྱི་ཚོགས་འདྲ་མཉམ།
རིག་གཞུང་རྩ་གཏོར་གྱི་ཚབ་ཏུ་རིག་གནས་སྲུང་སྐྱོབ།
ཁོར་ཡུག་གཏོར་གཤིག་གི་ཚབ་ཏུ་ཁོར་ཡུག་སྲུང་སྐྱོབ་བཅས་ཡོང་ཐབས་བྱེད་བཞིན་ཡོད།
གཉིས་སྨན་དབུ་མའི་ལམ་གྱི་སྲིད་བྱུས་འདི་བོད་དོན་དཀའ་རྙོག་སེལ་ཐབས་ཀྱི་ཐབས་ལམ་བཟང་ཤོས་ཡིན་སྟབས་མུ་མཐུད་དམ་འཛིན་བྱ་རྒྱུའི་ཆོད་སེམས་བརྟན་པོ་ཡོད།
སྲིད་འཛིན་ཞི་ཅིན་ཕིན་གྱིས་མགོ་ཁྲིད་པའི་རྒྱ་ནག་གི་མགོ་ཁྲིད་གསར་པ་ཚོས་དངོས་ཡོད་གནས་སྟངས་དང་འཚམ་པའི་སྲིད་བྱུས་འདིའི་གལ་འགངས་ཤེས་རྟོགས་ཐུབ་པའི་ཡིད་ཆེས་བྱེད་ཀྱི་ཡོད།
” ཅེས་གསུངས་བྱུང་།
གཙུག་ལག་ཁང་གི་གཞུང་འབྲེལ་མཛད་སྒོ་གྲོལ་རྗེས།
བོད་ཀྱི་གཞོན་ནུ་ལྷན་ཚོགས་དང་བུད་མེད་ལྷན་ཚོགས། དགུ་བཅུ་གསུམ་ལས་འགུལ་ཚོགས་པ།
བོད་རང་བཙན་སློབ་ཕྲུག་ཚོགས་པ་བཅས་ཀྱིས་མི་མང་གི་སྣེ་ཁྲིད་དེ་ངྷ་ཤོད་ཀ་ཅཱ་རི་ཁྲིམས་ཁང་བར་སྐད་འབོད་གོམ་བགྲོད་ཀྱི་ལས་འགུལ་སྤེལ་སོང་།
གསར་འགོད་པ། དོན་གོ
ཨུ་རུ་སུར་དུས་དྲན་སྲུང་གཙི།
འདོན་སྤེལ། ༢༠༡༤/༠༣/༡༠
དེ་རིང་ཨུ་རུ་སུའི་ཁལ་མུག་མངའ་སྡེའི་རྒྱལ་སར་བོད་མི་དང་བོད་དོན་རྒྱབ་སྐྱོར་བ་མཉམ་འཛོམས་ཐོག་བོད་མིའི་རང་དབང་སྒེར་ལངས་ཀྱི་དུས་དྲན་ཐེངས་༥༥
པ་སྲུང་གཙི་གནང་ཡོད་འདུག
དེ་རིང་ཕྱི་ཚེས་ ༡༠ ཉིན་བོད་མི་ཚོས་འཛམ་གླིང་ཡུལ་གྲུ་གང་སར་ ༡༩༥༩
ལོའི་དེ་རིང་ཉིན་མོར་ལྷ་སར་བོད་མི་ཚོས་མ་གྲོས་བསམ་པ་གཅིག་མཐུན་གྱིས་༧གོང་ས་མཆོག་གི་སྐུ་ཕྱྭ་སྲུང་སྐྱོབ་དང་།
རྒྱ་དམག་གིས་བོད་ས་བཙན་བཟུང་བྱས་པར་ངོ་རྒོ་བྱ་ཆེད་ཞི་བའི་གྱེན་ལངས་བྱས་ཏེ་མི་ལོ་ ༥༥
འཁོར་བའི་དུས་དྲན་སྲུང་གཙི་གནང་ཡོད་པ་ལྟར། དེ་རིང་ཞོགས་པའི་ཆུ་ཚོད་ ༩།༠༠ ཐོག
ཨུ་རུ་སུའི་ཁལ་མུག་མངའ་སྡེའི་རྒྱལ་ས་ཨེ་ལེ་སི་ཐྰ་ (Elista)
དུ་ཡོད་པའི་དགེ་ལྡན་བཤད་སྒྲུབ་ཆོས་འཁོར་གླིང་གི་འདུ་ཁང་དུ།
བོད་མི་དང་བོད་དོན་རྒྱབ་སྐྱོར་འདུ་འཛོམས་གནང་སྟེ་བོད་དོན་རྒྱབ་སྐྱོར་ཚོགས་པའི་ཚོགས་གཙོ་ཀྰ་ཀོ་ཡོ་ཝ་ལགས་ཀྱིས་བཀའ་ཤག་གི་གསུང་འཕྲིན་སྒྲོགས་སྦྱང་དང་།
དགོན་པའི་དགེ་འདུན་པ་དང་མི་མང་གིས་སྨོན་ལམ་གསུང་འདོན་བཅས་གནང་ཡོད་པ་མ་ཟད།
བོད་པ་དང་བོད་དོན་རྒྱབ་སྐྱོར་བ། ས་གནས་མི་མང་བཅས་མི་ ༡༠༠
ཡས་ཤིག་གིས་༧གོང་ས་མཆོག་གི་སྐུ་པར་དང་བོད་ཕྱི་ནང་གཉིས་སུ་རང་ལུས་མེར་བསྲེཊ་གནང་མཁན་རྒྱལ་གཅེས་དཔའ་བོ་དཔའ་མོ་རྣམས་ཀྱི་སྐུ་པར།
བོད་ཀྱི་རྒྱལ་དར། ཆོས་དར།
འཕྲེད་དར་སོགས་འཕྱར་ཏེ་རྒྱལ་སར་ཡོད་པའི་གཞུང་གི་ལས་ཁུངས་ཉེ་འཁྲིས་སུ་འཛོམས་ཏེ་བོད་མི་ཞི་བའི་སྒེར་ལངས་ཀྱི་དུས་དྲན་ཐེངས་ ༥༥
པ་སྲུང་གཙི་གནང་ཡོད་འདུག
ཇར་མན་རྒྱལ་ཡོངས་ནང་བོད་ཀྱི་རྒྱལ་དར་སྒྲེང་འཛུགས་བྱ་རྒྱུའི་ལས་འགུལ་སྤེལ་འཆར་ཡོད་པ།
༄༅། །ཕྱི་ལོ་ ༢༠༡༤ ཟླ་ ༡ ཚེས་ ༡༣
ཉིན་ཇར་མན་ནང་རྟེན་གཞི་བྱས་པའི་ཇར་མན་བོད་དོན་རྒྱབ་སྐྱོར་ཚོགས་པའི་ངོས་ནས་ཚོགས་པ་དེའི་ས་གནས་ཡན་ལག་འགན་ཁུར་མི་སྣ་ཆེད་ཕེབས་ཀྱིས་ཚོགས་འདུ་ཚོགས་ཡོད་པའི་ཁྲོད་ཁུལ་དེའི་གྲོང་ཁྱེར་ ༡༢༠༠
བརྒལ་བའི་ནང་རིང་མིན་སླེབས་ལ་ཉེ་བའི་བོད་མིའི་རང་དབང་སྒེར་ལངས་ཉིན་མོར་བོད་ཀྱི་རྒྱལ་དར་སྒྲེང་འཛུགས་དང་།
དེ་བཞིན་བོད་ནང་རྒྱ་ནག་གཞུང་གི་འགྲོ་བ་མིའི་ཐོབ་ཐང་རྩིས་མེད་རྡོག་རོལ་བཏང་དང་གཏོང་མུས་ཡིན་པ་རྣམས་རྒྱལ་སྤྱིའི་གཞུང་དམངས་ལ་དྲིལ་བསྒྲགས།
བོད་མིའི་རང་དབང་སྒེར་ལངས་ཉིན་མོ་སྔར་ལྷག་སྲུང་བརྩི་ཞུ་རྒྱུ་ཡིན་པ་མ་ཟད། ལྷག་པར་ཚོགས་འདུ་དེའི་ཁྲོད་ཚོགས་པ་དེའི་ངོས་ནས་གསར་འགོད་བསྒྲགས་གཏམ་བཤད་ཅིག་སྤེལ་བའི་ནང་འཁོད་དོན།
དེང་སྐབས་རྒྱ་ནག་གཞུང་ནས་བོད་ནང་གི་བོད་མིར་དྲག་གནོན་བྱེད་ཤུགས་ཆེ་རུ་བཏང་དང་གཏོང་བཞིན་པའི་སྐབས་འདིར་ང་ཚོས་སྐྱོན་བརྗོད་ཀྱི་ལས་འགུལ་སྤེལ་རྒྱུ་ཧ་ཅང་གལ་ཆེན་པོ་ཆགས་ཡོད།
རྒྱ་ནག་གཞུང་ནས་བོད་ནང་བོད་མིའི་འགྲོ་བ་མིའི་ཐོབ་ཐང་རྩིས་མེད་རྡོག་རོལ་གཏོང་བཞིན་ཡོད། ཕྱོགས་མཚུངས་ད་ལྟའི་བོད་ནང་གི་ཛ་དྲག་གནས་སྟངས་ལ་ཇར་མན་གཞུང་ཕྱོགས་ནས་སྔར་ལྷག་དོ་སྣང་སྤྲོད་རོགས་ཞུ་རྒྱུ་ཡིན།
དེ་བཞིན་ས་གནས་ཆབ་སྲིད་ཚོགས་པ་མང་ཚོགས་ནས་རྒྱབ་སྐྱོར་གནང་སྐྱོང་ཡོང་བའི་འབོད་སྐུལ་ཞུ་རྒྱུ་ཡིན། ཞེས་གསུངས་འདུག
བོད་ཀྱི་རྒྱལ་དར་སྒྲེང་འཛུགས་ཀྱི་ལས་འགུལ་ཐོག་དེ་སྔའི་གྲོས་ཚོགས་གོང་མའི་ཚོགས་གཙོ་ཟུར་པ་མཆོག་དང་གྲོས་ཚོགས་ཀྱི་ཚོགས་གཞོན་སོགས་མཉམ་ཞུགས་གནང་རྒྱུ་ཡིན་འདུག
དེ་རིང་ནི་༧གོང་ས་མཆོག་དགུང་གྲངས་ ༧༨
ལ་ཕེབས་པའི་སྐུའི་འཁྲུངས་སྐར་ཉིན་མོར་ཁེལ་ཡོད་སྟབས།
ངྷ་ས་གཙུག་ལག་ཁང་དང་རྒྱ་གར་ལྷོ་ཕྱོགས་སྦེལ་ཀོབ་བཙོས་པའི་བཙན་བྱོལ་བོད་མི་གནས་སྡོད་ས་གནས་ཁོང་ཡོངས་སུ་དུས་ཆེན་སྲུང་གཙིའི་མཛད་སྒོ་ཚོགས་བཞིན་ཡོད་པ་དང་།
མཛད་སྒོའི་འདིའི་སྲིད་སྐྱོང་གི་གཏམ་བཤད་ནང་། ད་ལོའི་ཕྱི་ཟླ་ ༩
པའི་ནང་བོད་རྒྱ་འབྲེལ་མོལ་ལས་དོན་ཚོགས་ཆུང་གི་ཚོགས་འདུ་བསྐོངས་ཏེ་ཚོགས་མི་གསར་པ་ཁག་ཅིག་བསྐོ་བཞག་བྱས་ཏེ་འབྲེལ་མོལ་བསྐྱར་མཐུད་ཐོག་འབོད་བརྩོན་ཞུ་རྒྱུ་ཡིན་སྐོར་བཀོད་འདུག
དེ་རིང་སྔ་དྲོའི་ཆུ་ཚོད་ ༩
པའི་སྟེང་ངྷ་ས་ཐེག་ཆེན་ཆོས་གླིང་གཙུག་ལག་ཁང་དུ།
༧གོང་ས་མཆོག་ཕྱི་ལུགས་ལྟར་དགུང་གྲངས་ ༧༨
ལ་ཕེབས་པའི་སྐུའི་འཁྲུངས་སྐར་སྲུང་གཙིའི་མཛད་སྒོ་ཚོགས་ཡོད་པ་དང་།
མཛད་སྒོའི་སྐུ་མགྲོན་གཙོ་བོར་དཔལ་རྒྱལ་བ་ཀརྨ་པ་མཆོག་དང་བོད་མིའི་སྒྲིག་འཛུགས་ཀྱི་ཁྲིམས་ཞིབ་པ་ཆེ་ངག་དབང་འཕེལ་རྒྱས་མཆོག བོད་མི་མང་འཐུས་ཚོགས་གཞོན་མཁན་པོ་བསོད་ནམས་བསྟན་འཕེལ་གཙོས་པའི་སྤྱི་འཐས་རྒྱུན་ལས་རྣམ་པ།
ལྷན་ཁང་ཁག་གི་བཀའ་བློན་རྣམ་པ་གཙོས་པའི་གཞུང་ཞབས་ལས་བྱེད་ཆེ་ཕྲ།
གཞུང་འབྲེལ་མིན་པའི་ཚོགས་སྡེ་ཁག་གི་སྐུ་ཚབ། དེ་བཞིན།
ངྷ་ས་ཁུལ་གྱི་སློབ་གྲྭ་ཁག་གི་སློབ་ཕྲུག་དང་སེར་སྐྱ་མི་མང་ལྷན་འཛོམས་ཐོག
ངྷ་སྟེང་བོད་ཁྱིམ་སློབ་གྲྭའི་སློབ་ཕྲུག་ཚོའི་རྔ་རོལ་དང་བཅས་བོད་རྒྱལ་ཁབ་ཆེན་པོའི་རྒྱལ་དར་མཁའ་དབྱིངས་སུ་བསྒྲེངས་པ་དང་རྒྱལ་གླུ་གྱེར་འདོན་གནང་སོང་།
དེའི་རྗེས་སྐུ་མགྲོན་གཙོ་བོ་མཆོག་གིས་དབུས་བོད་མིའི་སྒྲིག་འཛུགས་ཀྱི་སྲི་ཞུ་ལས་བྱེད་ཞབས་ལོ་ ༢༥
འཁོར་བ་བཞི་ལ་ལེགས་སྐྱེས་ཕུལ་ཡོད་པ་དང་། སྲིད་ཚབ་མཆོག་གིས་དཔལ་འབྱོར་ལས་ཁུངས་ཀྱིས་འདོན་སྤེལ་གནང་བའི་(Status of Tibetan Women in exile,2012) ཞེས་པའི་དཔེ་དེབ་དབུ་འབྱེད་གནང་སོང་། ཞབས་ལོ་ ༢༥
ཧྲིལ་བོ་འཁོར་བའི་སྲི་ཞུ་ལས་བྱེད་དག་ནི། བདེ་སྲུང་དྲུང་ཆེ་དངོས་གྲུབ་རྡོ་རྗེ་ལགས་དང་།
ཆེས་མཐོའི་ཁྲིམས་ཞིབ་ཁང་གི་ཟུང་དྲུང་ཚེས་གསུམ་ལྷ་མོ་ལགས།
ནང་སྲིད་ལས་ཁུངས་ཀྱི་ཟུང་དྲུང་ཚེ་དབང་བཀྲ་ཤིས་ལགས།
སྤུ་རུ་ཝ་ལ་ས་གནས་མགོ་འཛིན་དྲུང་ལས་ཚེ་རིང་དབང་འདུད་ལགས་བཅས་རེད།
མཇུག་ཏུ་ཚོགས་སྐྱིད་ཁག་དང་སློབ་གྲྭ་ཁག་གིས་གཞིས་སྣ་འཁྲབ་སྟོན་བཅས་གནང་སོང་།
སྲིད་ཚབ་མཆོག་གིས་བཀའ་ཤག་གི་གསུང་བཤད་ཡིག་ཐོག་ནས་སྒྲོགས་སྦྱང་གནང་བའི་ནང་། ༧གོང་ས་མཆོག་གིས་ཆོས་ལུགས་ཕན་ཚུན་འབྲེལ་ལམ་གོང་འཕེལ་ཡོང་སླད།
ཆོས་ལུགས་འདྲ་མིན་གྱི་བླ་ཆེན་དབུ་འཁྲིད་ཁག་ཕན་ཚུན་གོ་རྟོགས་སྤེལ་རེས་གནང་ཡོད་པ་མ་ཟད།
ཆོས་ལུགས་གཞན་དག་གི་ལྷ་ཁང་དང་གནས་ཆེན་ཁག་ཏུ་གནས་གཟིགས་སུ་ཕེབས་ཡོད་པ་དང་། དེ་བཞིན། དཔལ་ན་ལེནྟ་ནས་བརྒྱུད་པའི་ནང་ཆོས་དེ་བརྗོད་བྱའི་ཆ་ནས་གཞི་དངོས་པོའི་གནས་ལུགས་དང་འབྲེལ་བའི་ཚན་རིག་དང་ལྟ་གྲུབ།
ལམ་དང་འབྲས་བུ་སྟོན་པའི་ཆོས་ལུགས་བཅས་སྡེ་ཚན་གསུམ་དུ་དབྱེ་བ་མཛད་པ། ལྷག་པར་དེང་རབས་ཚན་རིག་དང་ནང་པའི་ཚན་རིག་དང་ལྟ་གྲུབ་བར་བགྲོ་གླེང་གི་ལས་གཞི་སྤེལ་བ་ལ་བརྟེན་ནས་ཕྱོགས་གཉིས་ཀར་རྣམ་དཔྱོད་དང་བློ་བསྐྱེད་སྤེལ་རེས་གནང་སྟེ་མཛད་རྗེས་བླ་མེད་ཆགས་པ་སོགས་བཀོད་འདུག
གསུང་བཤད་ནང་མུ་མཐུད་དུ་བཀོད་དོན། “བོད་རིགས་ནང་ཁུལ་ཆོལ་ཁ་གསུམ་དང་ཆོས་བརྒྱུད་ཆེན་པོ་བཞི་གཡུང་དྲུང་བོན་དང་བཅས་པ་དབྱེ་བ་མེད་པར་སྔར་ལྷག་དམ་ཚིག་རྡོག་རྩ་ཆིག་སྒྲིལ་ངང་གནས་ཐུབ་པ་ནི་༸གོང་ས་༸སྐྱབས་མགོན་ཆེན་པོའི་ཐུགས་རྗེ་འཕྲིན་ལས་འབའ་ཞིག་ལས་བྱུང་བ་ཡིན།
ད་ལྟའི་དུས་སྐབས་འདིར་བོད་མི་ཡོངས་ཀྱིས་༸གོང་ས་༸སྐྱབས་མགོན་ཆེན་པོའི་ཆོས་ སྲིད་ཀྱི་བཀའ་སློབ་ལམ་སྟོན་ཕེབས་པ་རྣམས་ཉམས་ལེན་ཚུལ་བཞིན་ཞུ་རྒྱུ་རང་དོན་རང་གཅེས་ཡིན་སྟབས།
ཚང་མས་དེ་དོན་གནང་ཕྱོགས་ཡོང་བ་དང་།
ཁྱད་པར་གཞོན་སྐྱེས་ཚོས་དངོས་ཡོད་གནས་ཚུལ་ཤེས་རྟོགས་ཐུབ་པ་དགོས་རྒྱུ་གལ་ཆེན་ཡིན་པ་སེམས་ཚོར་ཆེན་པོའི་སྒོ་ནས་དྲན་སྐུལ་ཞུ་རྒྱུ་ཡིན” ཞེས་བཀོད་འདུག
དབུ་མའི་ལམ་གྱི་བྱུང་རིམ་དང་གྲུབ་འབྲས་ཐད། “ བོད་དོན་དཀའ་རྙོག་སེལ་ཐབས་སུ་༸གོང་ས་མཆོག་གིས་བདུན་ཅུ་དོན་གྲངས་ནས་བོད་རྒྱ་མི་རིགས་གཉིས་ཀའི་ཕུགས་རྒྱང་རིང་པོའི་ཁེ་ཕན་དང་དངོས་ཡོད་གནས་སྟངས་ལ་གཟིགས་ཏེ།
བོད་རྒྱ་ནག་ནས་ཁ་བྲལ་རྩོད་མི་དགོས་པ་གང་ཞིག་ལ་ད་ལྟའི་དྲག་གནོན་དང་ནོར་འཁྲུལ་ཅན་གྱི་སྲིད་བྱུས་ཁག་འགྱུར་བ་གཏང་རྒྱུའི་དབུ་མའི་ལམ་གྱི་སྲིད་བྱུས་རྨད་དུ་བྱུང་བ་ཞིག་ཕྱག་བཞེས་གནང་ཡོད།
སྲིད་བྱུས་འདི་ཏེང་ཞའོ་ཕིང་གིས་ ༼བོད་རང་བཙན་མ་གཏོགས་གནད་དོན་གཞན་ཚང་མ་གྲོས་བསྡུར་ཐག་གཅོད་བྱེད་ཆོག༽ཅེས་བཤད་པ་དང་ཡོངས་སུ་མཐུན་པ་ཡིན” ཞེས་བཀོད་འདུག་ལ། དབུ་མའི་ལམ་བོད་གཞིས་བྱེས་གཉིས་ཀྱི་མང་ཚོགས་ཀྱིས་རྒྱབ་སྐྱོར་ཆེན་པོ་གནང་གི་ཡོད་པ་དང་།
དབུ་མའི་ལམ་ལ་བརྟེན་ཏེ་བོད་རྒྱའི་བར་འབྲེལ་མོལ་ཐེངས་མང་བྱུང་བ།
གཞིས་བྱེས་བར་འགྲོ་འོང་གོ་སྐབས་བརྒྱུད་སློབ་ཕྲུག་དང་གྲྭ་བཙུན་ཁྲི་སྟོང་མང་པོར་བཙན་བྱོལ་དུ་སློབ་སྦྱོང་གི་གོ་སྐབས་རག་པ།
དེ་བཞིན། "འཛམ་གླིང་རྒྱལ་སྤྱིའི་ཁྱོན་དུ་བོད་མིའི་སྒྲིག་འཛུགས་དང་བོད་དོན་བདེན་མཐའ་གསལ་ཐབས་ཀྱི་ལས་འགུལ་ཁག་ལ་ཡུལ་ཁྲིམས་དང་ཆབ་སྲིད་ཀྱི་འགོག་རྐྱེན་མེད་པར་གྱུར་པ།
རྒྱལ་སྤྱིའི་ནང་གཞུང་དང་གཞུང་འབྲེལ་མིན་པའི་ཚོགས་སྡེ་མང་པོས་རྒྱ་ནག་མི་དམངས་སྤྱི་མཐུན་རྒྱལ་ཁབ་དང་མཉམ་དུ་བོད་དོན་སྐོར་གླེང་སློང་དང་རྒྱབ་སྐྱོར་མངོན་གསལ་དོད་པོས་བྱེད་ཐུབ་པ་བྱུང་ཡོད” ཅེས་སོགས་བཀོད་འདུག
དབུ་མའི་ལམ་གྱི་གྲུབ་འབྲས་གལ་ཆེ་བ་གཅིག་ནི་རྒྱ་རིགས་ཤེས་ཡོན་ཅན་ཚོའི་ཁྲོད་བྱུང་ཡོད་པ་དང་།
༢༠༠༨
ལོའི་ཞི་བའི་གྱེན་ལངས་སྐབས་རྒྱ་རིགས་ཤེས་ཡོན་ཅན་དང་རྩོམ་པ་པོ་མང་པོས་རྒྱ་ནག་གི་མགོ་འཁྲིད་ལ་ཞུ་ཡིག་ཕུལ་བའི་ནང་།
༸གོང་ས་མཆོག་གི་དགོངས་པ་བཞེས་ཕྱོགས་ལ་རྒྱབ་སྐྱོར་དང་།
བོད་རྒྱ་མི་རིགས་གཉིས་བར་འཁོན་འཛིན་སློང་གཞིའི་བདེན་པ་མ་ཡིན་པའི་གནས་ཚུལ་དྲིལ་བསྒྲགས་བྱེད་མཚམས་འཇོག་དགོས་པ་སོགས་འཁོད་ཡོད།
ད་བར་རྒྱ་རིགས་ཤེས་ཡོན་ཅན་དང་རྩོམ་པ་པོ་རྣམས་ཀྱིས་བོད་མིར་ཤ་ཚ་དང་།
འབྲེལ་མོལ་ཡོང་ཐབས་ལ་རྒྱབ་སྐྱོར་བཅས་ཀྱི་རྩོམ་ཡིག་སྟོང་ཕྲག་བརྒལ་བ་སྤེལ་ཡོད།
བཀའ་ཤག་སྐབས་བཅུ་བཞི་བའི་སྲིད་བྱུས་དང་ལས་དོན་སྤེལ་ཕྱོགས་སྐོར་བཀོད་དོན།
“ བཀའ་ཤག་གི་ངོས་ནས་ཀྱང་ཐོག་མར་ནུས་ཤུགས་ཕྱོགས་སྒྲིལ་བྱེད་རྒྱུ་དང་།
བར་དུ་དངོས་གཞིའི་ལས་འགུལ་ཁག་སྤེལ་རྒྱུ།
དེ་གཉིས་ཀ་མཐར་འབྲེལ་མོལ་ཐོག་འབབ་རྒྱུ་བཅས་ཀྱི་ལས་དོན་གོ་རིམ་ངེས་ཅན་ཞུས་ཡོད།
དེ་ཡང་།
༸གོང་ས་༸སྐྱབས་མགོན་ཆེན་པོ་མཆོག་གིས་མང་གཙོའི་ལམ་ནས་འོས་འདེམས་བྱས་པའི་འགོ་འཁྲིད་ལ་ཆབ་སྲིད་སྐུ་དབང་རྩིས་སྤྲོད་གནང་བའི་ལོ་རྒྱུས་རང་བཞིན་ལྡན་པའི་འགྱུར་བ་འདི་ལམ་ལྷོངས་ཡོང་ཐབས་སུ་ནུས་ཤུགས་ཕྱོགས་སྒྲིལ་བྱེད་རྒྱུའི་ལས་དོན་སྤེལ་བའི་ཁོངས།
དྷ་རམ་ས་ལར་འཛམ་གླིང་གང་སར་གནས་པའི་བཙན་བྱོལ་བོད་མིའི་དམིགས་བསལ་ཚོགས་ཆེན་དང་།
རྒྱ་གར་དང་རྒྱལ་སྤྱིའི་བོད་དོན་རྒྱབ་སྐྱོར་ཚོགས་པའི་ཚོགས་ཆེན་བཅས་བསྐོང་ཚོགས་ཞུས་ཡོད” ཅེས་དང་། “དངོས་གཞིའི་ལས་འགུལ་གྱི་ཁོངས་སུ་ནེའུ་ཡོག་དང་། ལྡི་ལི་གསར་པ། སྦར་སིལ། ཁྲོ་ཀི་ཡོ།
སི་ཌི་ནི་བཅས་ནང་མང་ཚོགས་འདུ་འཛོམས་ཀྱི་ལས་འགུལ་དང་།
བོད་དོན་རྒྱབ་སྐྱོར་ཚོགས་པ་ཁག་དང་ཟུང་འབྲེལ་ཐོག་གྲོས་ཚོགས་ཁག་ནང་རྒྱབ་སྐྱོར་ཐོབ་ཐབས།
དེ་བཞིན་གསར་འགྱུར་བརྒྱུད་ལམ་ཁག་ནང་དྲིལ་བསྒྲགས་རྒྱ་གང་ཆེ་ཡོང་ཐབས་བཅས་ཞུས་ཡོད།
ནུས་ཤུགས་ཕྱོགས་སྒྲིལ་བྱེད་རྒྱུ་དང་། དངོས་གཞིའི་ལས་འགུལ་སྤེལ་རྒྱུ།
འབྲེལ་མོལ་བཅས་གསུམ་ཕན་ཚུན་འབྲེལ་བ་ཡོད་པ་མ་ཟད།
མཐར་ཐུག་གི་དམིགས་ཡུལ་འབྲེལ་མོལ་ཐོག་འབབ་རྒྱུའི་ཆེད་ཡིན་སྟབས།
ཆོད་སེམས་བརྟན་པོའི་སྒོ་ནས་དབུ་མའི་ལམ་གྱི་སྲིད་བྱུས་རྒྱུན་འཁྱོངས་ཞུས་ཏེ་འབྲེལ་མོལ་མུ་མཐུད་ཡོང་ཐབས་ཀྱི་འབད་རྩོལ་སྔར་ལྷག་ཞུ་རྒྱུ་ཡིན” ཞེས་བཀོད་འདུག
མཇུག་ཏུ། “ ཉེ་དུས་བོད་ནང་བྱུང་བའི་གནས་ཚུལ་གསར་པ་ཁག་ལའང་ཞིབ་ཚགས་པོས་བསམ་ཞིབ་བྱེད་མུས་ཡིན་པ་དང་།
རིང་མིན་ཕྱི་ཟླ་ ༩
པའི་ནང་བོད་རྒྱ་ཞི་མོལ་ལས་དོན་ཚོགས་ཆུང་གི་ཚོགས་འདུ་ཐེངས་ ༢༦
པ་བསྐོང་ཚོགས་དང་། ཚོགས་མི་གསར་པ་ཁག་ཅིག་ཀྱང་བསྐོ་གཞག་ཞུ་འཆར་ཡིན།
ཆིག་སྒྲིལ་དང་། གསར་གཏོད།
རང་ཁ་རང་གསོ་བྱེད་རྒྱུའི་གཞི་རྩའི་ལྟ་གྲུབ་གསུམ་ལ་བརྟེན་ནས་བོད་མིའི་མངོན་འདོད་༸གོང་ས་༸སྐྱབས་མགོན་སྐུ་ཕྲེང་བཅུ་བཞི་པ་ཆེན་པོ་མཆོག་བོད་ལ་གདན་འདྲེན་ཞུ་རྒྱུ་དང་།
བོད་མིར་རང་དབང་ཐོབ་ཐབས་ཀྱི་འབད་རྩོལ་མུ་མཐུད་ཞུ་རྒྱུ་ཡིན”
ཞེས་སོགས་བཀོད་འདུག
དེའི་རྗེས་བོད་མི་མང་སྤྱི་འཐུས་ལྷན་ཚོགས་ཀྱི་གཏམ་བཤད་སྒྲོགས་སྦྱང་གནང་བའི་ནང་།
ཉེ་ལམ་ཕྱི་ཟླ་ ༣ ཚེས་ ༩
ཉིན་རྒྱ་ནག་དམར་ཤོག་ཚོགས་པའི་སྤྱི་ཁྱབ་དྲུང་ཆེ་ཞི་ཅིན་ཕིན་གྱིས་བོད་རང་སྐྱོང་ལྗོངས་ཀྱི་སྐུ་ཚབ་འཐུས་མི་དང་མཉམ་མཇལ་འཕྲད་སྐབས། “ བོད་ཀྱི་དམིགས་བསལ་ཁྱད་ཆོས་ལ་ངོས་འཛིན་གསལ་པོ་བྱས་ཏེ་བོད་མི་རིགས་ཀྱི་ཆོས་ དད་རང་མོས་ལ་བརྩི་འཇོག་དང་།
བོད་ཀྱི་སྐད་ཡིག་རིག་གཞུང་ལ་སྲུང་སྐྱོབ་བྱེད་པ་བཅས་མི་རིགས་ས་གནས་རང་སྐྱོང་ གི་ཁྲིམས་ལུགས་དངོས་སུ་ལག་བསྟར་དོན་འཁྱོལ་གྱིས་བོད་ལྗོངས་ཡུན་བརྟན་འཕེལ་རྒྱས་སུ་འགྲོ་ཐུབ་ཅེས་སོགས་གསུངས་པ་དང་།
ཉེ་ལམ་ཕྱི་ཟླ་ ༦
པའི་ནང་རྒྱ་ནག་དབུས་གཞུང་ཏང་གི་སློབ་གྲྭ་ཆེན་མོའི་སློབ་དཔོན་ཆེན་པོ་ཅིན་ཝུས་ལགས་ཀྱིས་ཧོང་ཀོང་དུས་དེབ་ཀྱི་བཅར་འདྲིར་ལན་འདེབས་སྐབས།
རྒྱ་ནག་དབུས་གཞུང་གིས་༸གོང་ས་མཆོག་གི་སྐུ་ཚབ་དང་ཞི་མོལ་བསྐྱར་གནང་དགོས་ཞེས་དང་།
བོད་རང་སྐྱོང་ལྗོངས་ཀྱི་འགོ་འཁྲིད་རིམ་པས་བོད་ཀྱི་ཆོས་ལུགས་ཐད་ཀྱི་སྲིད་བྱུས་འཛིན་སྟངས་ལ་ཐལ་ཆ་བྱུང་ཡོད་ཅེས་གསུངས་པ་ནི།
རྒྱ་གཞུང་གིས་དེ་སྔོན་བོད་ཐོག་འཛིན་པའི་སྲིད་བྱུས་ནོར་འཁྲུལ་བྱུང་བར་ངོས་འཛིན་གྱི་རྣམ་པ་ཞིག་མངོན་པ་དང་།
དེ་དང་འབྲེལ་བའི་ཉེ་ལམ་དྲ་ལམ་ཁག་ཏུ་ཐོན་བཞིན་པའི་གནས་ཚུལ་རྣམས་དངོས་འབྲེལ་ཡིན་ཚེ།
རྒྱ་ཕྱོགས་ནས་བཟང་ཕྱོགས་ཀྱི་རྣམ་འགྱུར་བསྟན་པ་ཞིག་གམ་བོད་མི་ཉེས་མེད་ལ་ངན་ཁག་དཀྲི་བྱེད་ཇི་ཡིན་ཆ་མ་འཚལ་ཡང་།
དོན་གནད་འདི་དག་ནི་བོད་རྒྱ་མི་རིགས་གཉིས་ཀར་འཕྲལ་ཡུན་ཀུན་ཏུ་ཕན་རླབས་ལྡན་པའི་བྱ་གཞག་ཞིག་ཏུ་འགྱུར་རྒྱུར་བརྟེན་བོད་ལྗོངས་རྒྱ་ཁྱབ་ཏུ་ལག་བསྟར་ཐུབ་པའི་རེ་བ་བྱེད་བཞིན་ཡོད”
གཏམ་བཤད་ནང་མི་མཐུད་དུ་བསྟན་དོན། “ ཡང་ཉེ་སྔོན་ཕྱི་ཟླ་ ༦ ཚེས་ ༩
ཉིན་ལྷ་སར་བོད་རང་སྐྱོང་ལྗོངས་ཟེར་བས་ཚུར་ལོག་རང་མི་དང་།
ཚུར་ལོག་རང་མིའི་ནང་མི་བཅས་ཀྱི་འཐུས་མིའི་ཚོགས་ཆེན་ཐེངས་དང་པོ་འཚོགས་ཏེ་ཚོགས་འདུར་བོད་རང་སྐྱོང་ལྗོངས་ཀྱི་འགོ་འཁྲིད་མཐོ་རིམ་ཚང་མ་མཉམ་ཞུགས་བྱས་ཡོད་པ་དང།
ཉེ་ལམ་བོད་རང་སྐྱོང་ལྗོངས་ཀྱི་འགོ་འཁྲིད་ཁག་ཅིག་ནས་ཕྱི་ཕྱོགས་སུའང་དེ་ལྟ་བུའི་གཏམ་བཤད་བྱས་འདུག་པས།
འདི་ནི་མ་འོངས་པར་ཕྱིར་སྡོད་བོད་མི་ནང་འགུག་བྱ་ཐབས་ཀྱི་སྲིད་བྱུས་འོག་བོད་དོན་འཐབ་རྩོད་ཀྱི་ནུས་པ་ཕྱོགས་གང་ས་ནས་ཉམས་དམས་སུ་གཏོང་ཐབས་ལ་སྔར་བས་ཤུགས་གནོན་ཆེ་བ་རྒྱག་པ་ཞིག་ཡིན་པར་བརྟེན།
བོད་མི་རྣམས་ཀྱིས་གནས་སྐབས་དཔལ་འབྱོར་གྱི་ཁེ་ཕན་ཕྲན་ཚེགས་དང་།
མཁས་སྙན་གྱི་བསླུ་བྲིད་དང་མགོ་བསྐོར་འོག་མི་འཚུད་པའི་ཡིད་གཟབ་གནང་གལ་ཆེ་བའི་བརྡ་སྟོན་ཞུ་རྒྱུ་ཡིན” ཞེས་བཀོད་འདུག
བོད་ནང་གི་ཆབ་སྲིད་བཙོན་པ་རྣམས་གང་མགྱོགས་གློད་གྲོལ་ཡོང་དགོས་པའི་སྐོར་བཀོད་དོན། “ ད་ལྟའི་རྒྱ་ནག་གི་འགོ་འཁྲིད་གསར་པ་རྣམས་སླེབས་རྗེས་བོད་དང་བོད་མིའི་ཐོག་འཛིན་པའི་མཁྲེགས་འཛིན་གྱི་སྲིད་བྱུས་དེར་འགྱུར་བ་བཏང་སྟེ་བོད་ནང་གི་དངོས་ཡོད་གནས་སྟངས་དང་།
བོད་མིའི་མངོན་འདོད་དང་མཐུན་པའི་ཐོག་བོད་རྒྱ་གཉིས་སྨན་གྱི་བཟང་ཕྱོགས་ཀྱི་འགྱུར་བ་ཞིག་ཡོང་རེ་དང་།
༸ཀུན་གཟིགས་པཎ་ཆེན་ཆུང་སྲིད་རིན་པོ་ཆེས་དབུས་བོད་ནང་གི་ཉེས་མེད་བཙོན་པ་ཡོངས་དང་།
ལྷག་པར་ཕྱི་ལོ་ ༢༠༠༨ ལོ་ནས་བཟུང་བོད་ནང་ཞི་བའི་གྱེན་ལངས་དང་།
དེ་རྗེས་རང་ལུས་མེར་སྲེག་གནང་མཁན་དང་།
ཁོང་རྣམ་པ་དང་འབྲེལ་བ་ཡོད་ཚུལ་ལ་བསྙད་དེ་ཉེས་མེད་ཉེས་འཛུགས་ཀྱིས་བོད་མི་བརྒྱ་ཕྲག་བརྒལ་བ་འཛིན་བཟུང་བཙོན་འཇུག་སོགས་ཀྱིས་སྡུག་སྦྱོང་མྱོང་བཞིན་པ་རྣམས་བཅས་འཕྲལ་དུ་གློད་གྲོལ་གྱིས་འགྲོ་བ་མིའི་རིགས་སྤྱི་མཚུངས་ཀྱི་བདེ་སྐྱིད་ལ་ལོངས་སུ་སྤྱོད་རྒྱུ་ཡོང་བ་བྱ་དགོས་པའི་འབོད་སྐུལ་ནན་ཏན་བྱ་རྒྱུ་ཡིན” ཞེས་བཀོད་འདུག
མཇུག་ཏུ། “ ཉེ་སྔོན་བོད་ནང་དོན་དག་ཆུང་ཙག་ལའང་ས་གནས་ཉེན་རྟོག་པས་བོད་མིར་རྡུང་རྡེག་ཚོད་མེད་བཏང་བའི་རྐྱེན་གྱིས་འགའ་ཞིག་འདས་གྲོངས་སུ་གྱུར་ཡོད་པ་དང་།
ད་དུང་བོད་མིར་མཐོང་ཆུང་བརྙས་བཅོས་བྱས་པ་གྲངས་ཀྱིས་མི་ལངས་པ་ཡོད་འདུག
འདི་རིགས་ནི་རྒྱ་ནག་གི་མི་རིགས་འདྲ་མཉམ་གྱི་སྲིད་བྱུས་དང་།
ཡུལ་ནང་ཁྲིམས་ལུགས་གཅིག་གྱུར་བཅས་ལག་བསྟར་ཇི་བཞིན་མེད་པ་ཕྱོགས་རིས་སུ་ཡོད་པའི་རྣམ་པ་གསལ་པོ་ཐོན་པར་བརྟེན་རྒྱ་གཞུང་ནས་མི་རིགས་འདྲ་མཉམ་གྱི་སྲིད་བྱུས་ངེས་པར་ལག་བསྟར་གནང་དགོས” ཞེས་བཀོད་འདུག
གཞན།
དེ་རིང་སྔ་དྲོར་རྒྱ་གར་ལྷོ་ཕྱོགས་སྦེལ་ཀོབ་སེར་བྱེས་གྲྭ་ཚང་དུ་༧གོང་ས་མཆོག་དབུ་བཞུགས་ཐོག་གཞུང་འབྲེལ་གྱི་སྐུའི་འཁྲུངས་སྐར་སྲུང་གཙིའི་མཛད་སྒོ་ཚོགས་ཡོད་ཅིང་།
སྐུ་མགྲོན་དུ་ཀཱར་ན་ཊ་ཀཱ་མངའ་སྡེའི་སྤྱི་ཁྱབ་བློན་ཆེན་མཆོག་དང་ཨ་རུ་ན་ཅཱལ་མངའ་སྡེའི་སྤྱི་ཁྱབ་བློན་ཆེན་མཆོག
དེ་བཞིན། ཀཱར་ན་ཊ་ཀཱ་མངའ་སྡེའི་ནང་གི་ཆོས་ལུགས་ཆེ་ཁག་ཧིན་རྡུ་དང་ཡེ་ཤུ
ཁ་ཆེ་གསུམ་གྱི་སྐུ་ཚབ་བླ་ཆེན།
བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་བཅས་ཕེབས་ཡོད་འདུག
མཛད་སྒོའི་ཐོག་སྦེལ་ཀོབ་སེར་སྐྱ་མི་མང་ཡོངས་ཀྱིས་༧གོང་ས་མཆོག་ལ་བཀའ་དྲིན་རྗེས་དྲན་མཚོ་ཆེད་"'འཇིག་རྟེན་མུན་སེལ"ཞེས་པའི་གཟེངས་རྟགས་ཤིག་ཀྱང་འབུལ་ལམ་ཞུས་ཡོད་འདུག
༢༠༡༣ཟླ་༦་ཚེས་༡་ཕྱི་དྲོའི་ཆུ་ཚོད་ ༧།༣༠
སྟེང་འདས་པའི་ཉིན་དྲུག་རིང་ཚོགས་པའི་དབུས་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་ཆེན་བཅོ་ལྔ་པ་མཇུག་བསྒྲིལ་བའི་མཛད་སྒོ་ངྷ་སའི་ཁི་ལོ་པི་ (Club House)གསོལ་མགྲོན་ཁང་དུ་ཚོགས་ཏེ། གྲོས་ཆོད་གཏན་འབེབས་དང་སྐབས་བཅོ་ལྔ་པའི་རྒྱུན་ལས་གསར་འདེམས་གནང་ཡོད།
ཐེངས་འདིའི་ཉིན་དྲུག་རིང་གི་ཚོགས་འདུའི་ནང་གཞོན་ནུའི་ཆབ་སྲིད་ལངས་ཕྱོགས་དང་འབྲེལ་བའི་མ་འོངས་ལས་དོན་བྱེད་ཕྱོགས་དང་༸གོང་ས་མཆོག་སྐུ་ཕྱཱ། ཆོས་དང་རིག་གཞུང་སྲུང་སྐྱོབ།
ཟབ་སྦྱོང་དང་ཞུ་སྙན་ཕུལ་བའི་ལས་འགུལ་བཅས་གྲོས་གཞི་ཁག་བརྒྱད་ཀྱི་ཐོག་གྲོས་ཆོད་བཞག་ཡོད་པ་རེད།
ཚོགས་ཆེན་སྔ་སྣུར་དང་འབྲེལ་བའི་གནད་དོན་ཐོག དང་པོ། ༸གོང་ས་མཆོག་ལྷ་དགོངས་གསལ་དྭངས་ཡོང་བའི་མཚན་འཁོད་སྙན་ཞིག་འབུལ་རྒྱུ་དང་། གཉིས་པ། འགན་འཛིན་ལྷན་ཚོགས་ཐེངས་ ༤༣
པའི་ཐོག་བཙན་བྱོལ་བོད་གཞུང་གི་ལངས་ཕྱོགས་རང་བཙན་ཐོག་བསྒྱུར་དགོས་པའི་གྲོས་ཆོད་བཞག་ཡོད་པ་ཕྱིར་འཐེན། གསུམ་པ། གཞོན་ནུས་བོད་རང་བཙན་སླར་གསོ་མུ་མཐུད་བྱ་རྒྱུ་དང་། མ་འོངས་བོད་མིའི་དཀའ་རྙོག་སེལ་མཚམས་སུ་བསླེབས་སྐབས།
༸གོང་ས་མཆོག་གི་དགོངས་དོན་ལྟར་བོད་རྒྱ་ཆེའི་མི་མང་གི་མཐའ་མའི་ཐག་གཅོད་ལ་གུས་བརྩི་དང་རྒྱབ་སྐྱོར་ཞུ་རྒྱུ་བཅས་དང་།
དགའ་ལྡན་ཕོ་བྲང་ཡིག་ཚང་གི་སྐུ་ཚབ་བཀའ་ཟུར་ཟམ་གདོང་རིན་པོ་ཆེའི་བཀའ་སློབ་དང་འབྲེལ་བའི་གྲོས་ཆོད་ཁག་བདུན་དང་། ས་གནས་ཁག་བརྒྱད་ཀྱི་ཚོགས་བཅར་བ་ཕྱིར་ཐོན་པའི་ཐད། ས་གནས་དེ་དག་གཞོན་ནུའི་ལངས་ཕྱོགས་རང་བཙན་གནས་པའི་ཐོག་སྒྲིག་འཛུགས་ནང་ཡོད་པའི་ངོས་འཛིན་ཟུར་སྣོན་གྲོས་ཆོད་བཅས་བཞག་འདུག
ཐེངས་འདིའི་དབུས་རྒྱུན་འོས་འདེམས་སྐབས། ཚེས་ ༣༡ ཉིན་གྱི་ཕྱི་དྲོར་སྔོན་འགྲོའི་འོས་ཤོག་བླུགས་ཏེ་རྒྱུན་ལས་མི་འགྲོ་ ༣༠ བདམས་ཐོན་བྱུང་ཡོད་པ་དང་། ཚེས་ ༡
ཉིན་གྱི་ཕྱི་དྲོར་དངོས་གཞིའི་འོས་བསྡུའི་ཁྲོད་རྒྱུན་ལས་ ༡༠ བདམས་ཐོན་བྱུང་ཡོད་པའི་ཁྲོད། བསྐྱར་དུ་ཚོགས་གཙོ་ཚོགས་གཞོན་དྲུང་ཆེ་གསུམ་འོས་བསྡུ་བྱས་ཏེ། ཚོགས་གཙོའི་འོས་གཞིའི་ཁྲོད་ཨ་རིའི་མེ་ནེ་སོ་ཊ་ནས་ཕེབས་པའི་བསྟན་འཛིན་འཇིགས་མེད་ལགས་སུ་འོས་ཤོག་ ༨༧ ཐོབ་སྟེ་དབུས་རྒྱུན་ཚོགས་གཙོ་དང་། ཚོགས་གཞོན་འོས་གཞིའི་ཁྲོད་བལ་ཡུལ་པོག་རཱ་ནས་ཕེབས་པའི་རྟ་མགྲིན་སྲིད་ཆོས་ལགས་སུ་འོས་ཤོག་ ༨༢
ཐོབ་སྟེ་ཚོགས་གཞོན། དྲུང་ཆེའི་འོས་གཞིའི་ཁྲོད་ངྷ་རམ་ས་ལའི་བཀྲ་ཤིས་ལམ་བཟང་ལགས་སུ་འོས་ཤོག་ ༨༥
ཐོབ་ཏེ་དྲུང་ཆེ་བཅས་སུ་བསྐོ་བཞག་གནང་སོང་།
རྒྱན་ལས་གཞན་དག་ནི། ཧ་པ་པུར་ནས་ཕེབས་པའི་ཡེ་ཤེས་བསྟན་འཛིན། བལ་ཡུལ་པོག་རྭ་ནས་ཕེབས་པའི་ཉི་མ་ཆོས་འཛོམས།
བལ་ཡུལ་ཀ་ཐ་མན་ཌོས་ནས་ཕེབས་པའི་ཚེ་དབང་སྒྲོལ་མ། ལྡི་ལི་བསམ་ཡས་གླིང་ནས་ཕེབས་པའི་བསྟན་འཛིན་དབང་ཕྱུག རྡོ་རྗེ་གླིང་ནས་ཕེབས་པའི་བཀྲ་ཤིས་དོན་གྲུབ། ངྷ་རམ་ས་ལའི་བསྟན་འཛིན་བརྩོན་འགྲུས།
ངྷ་རམ་ས་ལའི་ངག་དབང་བློ་བཟང་བཅས་བདམས་ཐོན་བྱུང་ཡོད། ཡིན་ནའང་ཚེས་ ༢༩ ཉིན་གཞོན་ནུའི་རང་བཙན་ལངས་ཕྱོགས་ལ་འགྱུར་བ་གཏོང་མིན་གྱི་གྲོས་གཞིའི་ཐོག་དགོངས་ཚུལ་མ་མཐུན་པ་བྱུང་སྟེ།
ཚོགས་ཆེན་ལས་ཕྱིར་འཐོན་ཟིན་པའི་ས་གནས་ཁག་ ༨ ཀྱི་ཚོགས་བཅར་བ་ ༣༤ དེ་ཐེངས་འདིའི་དབུས་རྒྱུན་འོས་འདེམས་ཁྲོད་ཞུགས་ཡོད་མི་འདུག
ཚོགས་འདུའི་ལས་རིམ་ཁག་གྲུབ་རྗེས་སྐབས་ ༡༤ པའི་གཞོན་ནུའི་ཚོགས་གཙོ་ཚེ་དབང་རིག་འཛིན་ལགས་ཀྱིས། ཁོང་ཐོག་མར་ངྷ་རམ་ས་ལར་ཡོང་སྐབས།
ས་གནས་ཀྱི་གནས་སྟངས་དང་ཆབ་སྲིད་ཀྱི་དཀྱིལ་འཁོར་དེའི་འགྲོ་སྟངས་འགྲོ་ལུགས་མི་ཤེས་མཁན་ཞིག་ཡིན་ཡང་། ༢༠༠༧
ལོས་ནས་སྔ་ཕྱི་ལོ་དྲུག་རིང་སོ་སོའི་འཇོན་ཐང་དང་ཤེས་ཡོན་གང་འདྲ་ཡོད་མེད་ལ་མ་ལྟོས་པར་ཨ་རི་བཞག་པ་དང་། སོ་སོའི་བཟའ་ཚང་དང་ཕྲུ་གུ་གཉིས་བཞག་སྟེ་རྒྱ་གར་ལུང་པར་ཞབས་ཞུ་བསྒྲུབ་དུ་ཡོང་བ་དང་། དེ་ཡང་གཙོ་བོ་ལོ་ ༢༠ ལྷག་གི་རིང་ཨ་རིར་བསྡད་པའི་སྐབས་སུ་༸གོང་ས་མཆོག་གི་བཀའ་སློབ་ཁག་ལ་མཇལ་བ་དང་།
ལྷག་པར་དུ་༸གོང་ས་མཆོག་གིས་ནམ་རྒྱུན་བོད་པ་ཞིག་ཡིན་པའི་ཆ་ནས་བོད་མི་ས་ཡ་དྲུག་གི་རྩ་དོན་ལ་འགན་འཁུར་དགོས་པའི་བཀའ་སློབ་སེམས་ལ་བཅངས་ཏེ་ཡོང་ཡོད་པ་དང་།
འདས་པའི་ལོ་དྲུག་རིང་དཀའ་ངལ་དང་གནས་སྟངས་འདྲ་མིན་སྣ་ཚོགས་བྱུང་ཡང་། སོ་སོའི་འདོད་པ་ཁེངས་ཤོས་དེ་ང་སང་ཉིན་ཤི་བ་ཡིན་ནའང་འགྱོད་པ་རྩ་བ་ཉིད་ནས་མེད་པར། བོད་པ་ཞིག་གི་སྐྱེས་བ་བླངས་བ་དང་།
བོད་མི་ས་ཡ་དྲུག་གི་རྩ་དོན་ཐོག་ཞབས་ཞུའི་གོ་སྐབས་བྱུང་བ་དེ་རང་ཉིད་ཀྱི་མི་ཚེའི་རིན་ཐང་དང་དེ་ལས་རྩ་ཆེ་བ་གང་ཡང་མེད་པ་ཞིག་ལ་ངོས་འཛིན་བྱེད་ཀྱི་ཡོད་པ། ཁོང་གི་ངོས་ནས་འདས་པའི་ལོ་ ༦༠ ལྷག་གི་རིང་རྒྱ་ནག་གི་བཙན་འཛུལ་དང་དྲག་གནོན་འོག་ཡོད་ཀྱང་།
བོད་ནང་གི་བོད་མི་ཚོས་རང་སྲོག་བློས་གཏོང་བྱེད་བཞིན་པ་དེ་ཧང་སང་དགོས་པ་ཞིག་ཡིན་པ་ལས། བཙན་བྱོལ་ནང་ལས་ཀ་ཇི་འདྲ་བྱས་ཀྱང་ཧང་སང་ཀྱི་མེད་སྐོར་གསུངས་བྱུང་།
ཁོང་གིས་མ་འོངས་ལས་དོན་བྱེད་ཕྱོཊ་ཐད་ཁོང་གིས། “ བོད་ཀྱི་གཞོན་ནུ་ལྷན་ཚོགས་ཀྱི་སྒྲིག་འཛུགས་ཧ་ཅང་རྩ་ཆེན་པོ་ཞིག་དང་། ལོ་རྒྱུས་ཀྱི་བརྒྱུད་རིམ་ཡོད་པའི་སྒྲིག་འཛུགས་ཤིག་རེད། ད་ཆར་རྣམ་པ་ཚོ་ལས་ཀྱི་སྣེ་མོ་བ་ཆགས་ཡོད་སྟབས།
ཕྱག་ལས་གནང་སྐབས་ལྷག་བསམ་རྣམ་དག་གིས་བསྒྲུབ་རྒྱུ་ཧ་ཅང་གལ་ཆེན་པོ་རེད། སྤྱི་བའི་ལས་ཀ་བྱེད་སྐབས་དཀའ་ངལ་འདྲ་མིན་ཡོང་སྲིད་ཀྱང་། དེ་དག་ལ་གདོང་ལེན་བྱ་དགོས་པ་རེད། ཡིན་ནའང་།
སྤྱི་བའི་སྡིངས་ཆར་ཕྱག་ལས་གནང་སྐབས། སྒེར་ཕར་བཞག་སྟེ་སྤྱི་བ་དང་འཐབ་རྩོད་རྩ་ཆེན་པོར་རྩིས་ཏེ་ལས་ཀ་བྱ་རྒྱུ་ཧ་ཅང་གལ་ཆེན་པོ་རེད།
དེ་འདྲའི་བསམ་བློའི་ཐོག་ཕྱག་ལས་གནང་བ་ཡིན་ན། དུས་ཡུན་ག་ཚོད་ཕྱག་ལས་གནང་ཡོད་མེད་ལ་མ་ལྟོས་པར་རང་ཉིད་ལ་སྤོབས་པ་དང་གདེང་ཚོད་ཡོང་གི་རེད། སྤྱི་བའི་སྡིངས་ཆའི་ཐོག་སྒེར་གྱི་འདོད་འདུན་འཁུར་བ་དང་།
ལྷག་པར་དུ་སྤྱི་བའི་སྡིངས་ཆ་སྒེར་གྱི་ཐོག་བེད་སྤྱོད་བྱས་ཚེ་འགྲིག་ཡོད་མ་རེད། སྤྱི་བའི་སྡིངས་ཆ་དེ་སྤྱི་བ་རང་གི་ཆེད་དུ་བེད་སྤྱོད་གཏོང་རྒྱུ་ཧ་ཅང་གལ་ཆེན་པོ་རེད།
ད་རེབ་ང་ཚོ་འཁྱོལ་འགྲོ་གི་ཡོད་ཀྱང་ང་ཚོའི་སྒྲིག་འཛུཊ་འདི་རྩ་ཆེན་པོ་ཡིན་སྟབས།
འབྱུང་འགྱུར་ཡང་སོ་སོའི་ངོས་ནས་གང་ཐུབ་ཀྱིས་རྒྱབ་སྐྱོར་གནང་གི་ཡིན་ལ། ཁྱེད་རང་ཚོའི་ངོས་ནས་གོ་སྐབས་འདི་སྐལ་བཟང་གི་གོ་སྐབས་ཤིག་ཏུ་ངོས་འཛིན་བྱ་དགོས་པ་རེད་ལ།
ལྷག་པར་དུ་ཉག་ཕྲ་བའི་གནས་སྟངས་འདིར་ཕྱག་ལས་མང་དག་ཅིག་ཡོད་སྟབས། མཐུན་སྒྲིལ་རྡོག་རྩ་ཆིག་སྒྲིལ་བྱས་ཏེ་ལྷག་བསམ་རྣམ་དག་གིས་གནང་བ་ཡིན་ན།
གང་ཇིའི་ཐད་ནས་ལས་སླ་བོ་ཡོང་གི་རེད། སྒྲིག་འཛུགས་འདིར་རྒྱ་ནག་གཞུང་གིས་གཏོར་བཤིག་གཏོང་རྒྱུའི་ཐབས་ཤེས་ཡོད་རྒུ་འདོན་བཞིན་ཡོད་པ་རེད།
ད་རེབ་ང་ཚོའི་ངོས་ནས་སྤྱི་ཁྱབ་དབུས་རྒྱུན་གསར་འདེམས་བྱུང་བ་དེ་གཞོན་ནུའི་རྒྱལ་ཁ་མིན་པར། བོད་མི་ས་ཡ་དྲུག་གི་འཐབ་རྩོད་ཀྱི་རྒྱལ་ཁ་ཅིག་ལ་ངོས་འཛིན་ཞུ་བཞིན་ཡོད།
དེ་མཁྱེན་དགོས་པ་རེད། བོད་ནང་གི་གནས་སྟངས་ཛ་དྲག་ཏུ་འགྲོ་བཞིན་ཡོད་སྟབས། འགན་ཆེན་པོ་དེ་དག་ལ་འབད་པ་གནང་བའི་ཡིད་ཆེས་ཡོད། ” ཅེས་གསུངས་བྱུང་།
མཇུག་ཏུ་ཚོགས་གཙོ་གསར་པ་བསྟན་འཛིན་འཇིགས་མེད་ལཊ་ཀྱིས་འདས་པའི་ལོ་དྲུག་རིང་སྐབས་ ༡༤
པའི་ཚོགས་གཙོ་གཙོས་པའི་དབུས་རྒྱུན་ལས་རྣམ་པས་དཀའ་ངལ་ཡང་མང་པོར་འཕྲད་ཀྱང་། བསམ་བློ་རྒྱ་ཆེན་པོ་དང་བློས་གཏོང་ཆེན་པོ་གནང་བར་ཐུགས་རྗེ་ཆེ་ཞུས་པ་དང་འབྲེལ་གསུངས་དོན། “ ང་རང་ལ་མཚོན་ན་ས་གནས་མེ་ནེ་སོ་ཊ་ནས་ཚོགས་འདུ་འདི་རྩ་ཆེན་པོ་དང་ཛ་དྲག་ཏུ་བརྩིས་ཏེ་ཡོང་བ་ཡིན། འདི་འདྲའི་གནས་སྟངས་ཆགས་ཀྱི་རེད་བསམ་མ་སོང་།
ཕྱིར་འགྲོ་བའི་གནམ་གྲུའི་འཛིན་བྱང་ཡང་ཉོས་ཚར་ཡོད། ཡིན་ནའང་།
ང་རང་གི་ངོས་ནས་གལ་ཆེ་ཤོས་དང་རྩ་ཆེ་ཤོས་སོ་སོའི་རྒྱལ་ཁབ་དང་མི་རིགས་ལ་ཞབས་ཞུ་བསྒྲུབ་རྒྱུའི་གོ་སྐབས་འདི་ཆགས་ཡོད་སྟབས། དཀའ་ངལ་ཚང་མར་ཡོད་སྟབས་དགོངས་པ་ཞུ་སྟངས་ཤེས་མ་སོང་། ཚོགས་མི་ཚང་མས་ཡིད་ཆེས་དང་རེ་བ་གནང་སྟེ་ད་རེབ་ང་རང་འདིར་བསླེབས་ཡོད་པ་རེད།
ང་ཚོའི་ངོས་ནས་ཁྱེད་རྣམ་པའི་ཡིད་ཆེས་དང་རེ་བ་འཕྲོ་བརླག་མི་འགྲོ་ཆེད་འབད་བརྩོན་ཞུ་རྒྱུ་ཡིན། ད་རེབ་དཀའ་ངལ་ཆེ་ཤོས་ཤིག་གི་སྐབས་སུ་སྒྲིག་འཛུགས་འདིའི་ལངས་ཕྱོགས་དང་དམིགས་ཡུལ་ཐག་བཅད་པ་རེད། འདི་ང་ཚོའི་སྒྲིག་འཛུགས་ཀྱི་རྒྱལ་ཁ་རེད་བསམ་གྱི་ཡོད།
མ་འོངས་པར་དབུས་དང་ས་གནས་ཚང་མས་རྒྱབ་སྐྱོར་དང་རྡོག་རྩ་ཆིག་སྒྲིལ་གནང་རྒྱུ་ཧ་ཅང་གལ་ཆེན་པོ་རེད།
ང་ཚོ་མི་བཅུའི་དམིགས་བསལ་བྱེད་ཐུབ་པ་གང་ཡང་ཡོད་པ་མ་རེད།
ཚང་མས་འགན་འཁུར་ཏེ་ང་ཚོའི་འཐབ་རྩོད་ལ་གང་ཐུབ་གནང་དགོས་ཀྱི་ཡོད་པ་རེད། མ་འོངས་པར་གཞོན་ནུའི་ཚོགས་མི་ཡིན་མིན་ལ་མ་ལྟོས་པར་རྒྱབ་སྐྱོར་གནང་རོགས། ” ཞེས་གསུང་བྱུང་
ཌལ་ཧོར་གཏན་སློབ་དབུ་བརྙེས་ཏེ་ལོ་ ༥༠ འཁོར་བའི་མཛད་སྒོ
ཕྱི་ཚེས་ ༢༨ ཉིན་གྱི་སྔ་དྲོའི་ཆུ་ཚོད་༩ པའི་སྟེང་ཌལ་ཧོར་གཏན་སློབ་རྩེད་ཐང་དུ་སློབ་གྲྭ་དབུ་བརྙེས་ཏེ་མི་ལོ་ ༥༠ འཁོར་བའི་དུས་དྲན་མཛད་སྒོ་ཚོཊ་ཡོད་ཅིང་།
མཛད་སྒོའི་སྐུ་མགྲོན་དུ་༸གོང་ས་མཆོག་གིས་དབུས་བོད་མིའི་སྒྲིག་འཛུཊ་ཀྱི་སྲིད་སྐྱོང་བློ་བཟང་སེང་གེ་མཆོག་དང་ཕྱག་རོཊ་བཀའ་བློན།
ཌལ་ཧོར་སློབ་སྤྱི་ཟུར་པ་བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་དང་སྤྱི་འཐུས་ཁག་ཅིག གཞུང་འབྲེལ་མིན་པའི་ཚོཊ་པ་ཁག་གི་སྐུ་ཚབ། ས་གནས་འབྲེལ་ཡོད་མི་སྣ། དེ་བཞིན་འཛམ་གླིང་རྒྱལ་ཁབ་འདྲ་མིན་ནས་བཅར་བའི་ཌལ་ཧོར་གཏན་སློབ་ཀྱི་སློབ་ཟུར།
སློབ་གྲྭའི་དགེ་ལས་དང་ས་གནས་མི་མང་བཅས་ཁྱོན་མི་ ༡༠༠༠ ལྷག་འདུ་འཛོམས་བྱུང་ཡོད་འདུག
ཉིན་དེའི་སློབ་གྲྭའི་མཛད་སྒོའི་ཐོག་ཌལ་ཧོར་གཏན་སློབ་ཀྱི་སློབ་སྤྱི་ཟླ་བ་ཚེ་རིང་ལཊ་ཀྱིས་སློབ་གྲྭའི་ལས་སྡོམ་སྙན་སེང་ཞུས་མཚམས། སློབ་ཟུར་ཐུང་མོང་གི་སྐུ་ཚབ་ཀྱིས་༸གོང་ས་མཆོག་གི་བཀའ་དྲིན་རྗེས་དྲན་མཚོན་ཆེད་ཕྱག་རྟགས་གསེར་ཀོང་ཞིག་༸གོང་ས་མཆོག་ལ་འབུལ་ལམ་ཞུས་རྗེས། ༸གོང་ས་མཆོག་གིས་ཌལ་ཧོར་སློབ་ཟུར་ཐུན་མོང་གི་གཟེངས་རྟཊ་རྒྱ་གར་གཞུང་དམངས་གཉིས་དང་སློབ་སྤྱི་ཟུར་པ་ཟམ་གདོང་རིན་པོ་ཆེ་གཉིས་ལ་བསྩལ་ཡོད་པ་དང་། སྐབས་དེར་སློབ་གྲྭའི་དུས་དྲན་དང་འབྲེལ་བའི་དཔེ་དེབ་ཁག་ཅིག་དབུ་འབྱེད། བོད་ཀྱི་ཟློས་གར་ཚོགས་པས་མང་ཚོགས་གཞས་སྣ་ཁག་གཟིཊ་འབུལ་ཞུས་ཡོད་འདུག
མཇུག་ཏུ་སློབ་ཟུར་རྣམས་ལ་ཟུར་མཇལ་ཐོག་བཀའ་སློབ་དང་འབྲེལ་དྲན་རྟེན་སྐུ་པར་ཡང་བསྒྲོན་འབུལ་ཞུས་ཡོད་འདུག
སྐབས་དེར། སྐུ་མགྲོན་གཙོ་བོ་བོད་མིའི་སྒྲིག་འཛུཊ་སྲིད་སྐྱོང་བློ་བཟང་སེང་གེ་མཆོག་གིས།
ཌལ་ཧོར་གཏན་སློབ་ཀྱིས་བཙན་བྱོལ་བོད་མིའི་ཤེས་ཡོན་ཐོག་གྲུབ་འབྲས་ཆེན་པོ་བླངས་བར་བསྔཊ་བརྗོད་དང་། དེང་སྐབས་བོད་མིའི་སྒྲིག་འཛུཊ་ལྷན་ཁང་ཁག་གི་སྲི་ཞུ་བ་མང་ཆེ་བ་གཏན་སློབ་ཁག་ནས་སློབ་མཐར་ཕྱིན་མཁན་ཡིན་པ་དང་། ལྷག་པར་དུ་བོད་མིའི་སྒྲིག་འཛུཊ་ཀྱི་བཀའ་བློན་བདུན་གྱི་ཁྲོད་མི་ ༣
ཌལ་ཧོར་གཏན་སློབ་ནས་ཡིན་སྐོར་གསུངས་འདུག
༸གོང་ས་མཆོག་གིས་མང་ཚོཊ་ལ་བཀའ་སློབ་བསྩལ་ཏེ། གངས་ཅན་པའི་མི་རིཊ་དེ་འཚོ་ཞིང་གནས་དགོས་ན་བོད་ཀྱི་ཆོས་དང་རིག་གཞུང་དེ་རྩ་བ་ཆཊ་ཡོད་ཅིང་།
འདས་པའི་ལོ་རྒྱུས་ཁྲོད་བོད་པར་ཆབ་སྲིད་ཀྱི་འགྱུར་བ་སྣ་ཚོཊ་བྱུང་ཡོད་རུང་། ཆོས་རྒྱལ་མེས་དཔོན་རྣམ་གསུམ་སྐབས་ནས་རྨང་གཞི་ཡག་པོ་བཏང་ཡོད་པའི་བོད་པའི་ཆོས་དང་རིག་གཞུང་།
སྐད་ཡིག་རྣམས་ད་དུང་ཡང་རྩ་ཡལ་དུ་འགྲོ་མ་ཐུབ་པར་གནས་ཐུབ་ཡོད་པར་མ་ཟད། བོད་པ་ཚོས་ཀྱང་འཛམ་གླིང་ས་ཆ་གང་དུ་བསྡད་མིན་ལ་མ་ལྟོས་པར་བོད་པའི་ངོ་བོ་མཚོན་ཐུབ་པར་བྱས་ཏེ་འཐབ་རྩོད་གསོན་པོར་གནས་དགོས་སྐོར་གསུངས་ཡོད་འདུག
ཚེས་ ༢༧ ཉིན་༸གོང་ས་མཆོག་ཌལ་ཧོར་དུ་ཞབས་སོར་འཁོད་པའི་ཉིན་དང་པོར། སློབ་གྲྭའི་རྩེད་ཐང་དུ་དགེ་ལས་སློབ་ཕྲུག་དང་ས་གནས་མང་ཚོཊ་ལ། རྒྱལ་སྲས་ཐོཊ་མེད་བཟང་པོས་མཛད་པའི་༼ལག་ལེན་སོ་བདུན་མ༽བཀའ་ཁྲིད་སྐབས། ཌལ་ཧོར་གཏན་སློབ་གསར་འཛུཊ་གནང་སྟེ་ལོ་ལྔ་བཅུ་འཁོར་བའི་སྐབས་སློབ་ཕྲུག་གསར་རྙིང་རྣམས་ལྷན་གཅིག་ཏུ་འཛོམས་ཐུབ་པ་དེར་ཐུཊ་སྤྲོ་བོ་བྱུང་ཡོད་ཅིང་། ཌལ་ཧོར་ས་ཆ་དེ་བོད་མི་ཚོ་ཐོག་མར་བཙན་བྱོལ་དུ་འབྱོར་སྐབས།
མ་ས་མ་རིར་ཚ་བའི་དཀའ་ངལ་ཧ་ཅང་ཆེན་པོ་བྱུང་སྟེ་ཛ་དྲག་ཐོག་གནས་སྤོས་བྱས་པ་ཞིག་ཡིན་སྐོར་གསུངས་ཏེ། “ལོ་ལྔ་བཅུ་ང་གྲངས་དེ་ང་ཚོ་ལུང་པ་བྲལ་ཏེ་བཙན་བྱོལ་བ་བྱས་ཏེ་བསྡད་པ་རེད། ཐོག་མར་བོད་པ་ཚོ་མ་ས་མ་རི་འབྱོར་སྐབས་ངོ་ཤེས་པ་ས་དང་གནམ་མ་གཏོཊ་མེད། དེ་དུས་འབྱུང་འགྱུར་ལྔ་བཅུར་དེ་འདྲ་ཡོང་གི་རེད་བསམ་པ་ཡོད་པ་མ་རེད། ཕྱོཊ་གཅིག་བྱས་ནས་ལོ་གཉིས་གསུམ་ནང་བོད་ལ་ལོག་ཐུབ་ཀྱི་རེད་བསམས་ཏེ་བསྡད་པ་རེད། གང་ལྟར་ལོ་ཡུན་དེ་དག་འགོར་གྱི་རེད་བསམ་པ་ཞིག་དང་ལོ་ཡུན་དེ་དག་རིང་ང་ཚོ་གང་ཅིའི་ཐོག་མི་གྲལ་ལ་ཚུད་ཀྱི་རེད་བསམ་པ་ཞིག་ཡོད་མ་རེད། ངོས་རང་ཐོག་མར་ཌལ་ཧོར་དུ་ཡོང་སྐབས་གདན་ས་གསུམ་གྱི་དགེ་འདུན་པ་གང་ཙམ་ཞིག་ཡོད། དེ་བཞིན་སློབ་གྲྭ་བཙུཊ་ཏེ་ལོ་ལྔ་བཅུ་ཕྱིན་ཡོད་པ་རེད། སློབ་གྲྭ་འདིའི་སློབ་སྤྱི་དང་པོ་ཀུན་བདེ་གླིང་ངག་དབང་རྒྱལ་མཚན་རེད། ཁྱེད་ཚོ་སློབ་གྲྭ་འདིར་ཐོག་མར་ཞུཊ་ཏེ་རིམ་བཞིན་སློབ་གྲྭ་ཐོན་རྗེས་སྤྱི་པའི་སྒྲིག་འཛུཊ་བོད་གཞུང་དགའ་ལྡན་ཕོ་བྲང་གི་སྒྲིག་འཛུཊ་ནང་ལས་ཀ་བྱེད་མཁན་མང་དག་ཅིག་བྱུང་ཡོད། ད་ལྟ་བདེ་སྲུང་བཀའ་བློན་ལ་ཆ་བཞག་ན་ཌལ་ཧོར་གཏན་སློབ་ཐོན་པ་རེད། དེ་མིན་སྒྲིག་འཛུཊ་དང་སྒེར་པ་སོ་སོའི་ལས་རིཊ་འདྲ་མིན་ནང་ལས་ཀ་བྱས་ཏེ་མི་ཚེ་སྐྱལ་གྱི་ཡོད། བོད་མི་རིཊ་ཀྱི་ལ་རྒྱ་ཞེན་ཁོག་ནམ་ཡང་ཉམས་པ་མེད་པར་གནས་བསྡད་ཡོད།
ས་ཆ་གང་དུ་བསྡད་ཀྱང་བོད་མིའི་ཚབ་བྱས་ཏེ་བསྡད་ཡོད། དེ་ལྟ་བུའི་སོ་སོའི་ལ་རྒྱ་ཞེན་ཁོག་དང་གཞུང་བཟང་པོ་ཞིག་ཡོད་སྟབས། ལོ་ལྔ་བཅུ་འཁོར་བའི་དུས་དྲན་ལ་ཁྱེད་རང་ཚོ་ཆེད་མངཊ་ཡོང་བ་རེད ”ཅེས་གསུངས།
༸གོང་ས་མཆོག་གིས་མུ་མཐུད་གསུངས་དོན “ང་ཚོས་སློབ་གྲྭ་འཛུཊ་རྒྱུ་གལ་ཆེ་ཤོས་བརྩིས་པའི་ཐོག་ཤེས་རིག་ལས་ཁུངས་ཀྱིས་འགན་ཁྱེར་ཏེ་ཤུཊ་ཡོད་ཚད་སློབ་གྲྭ་ཁག་ཏུ་བརྒྱབ་པ་རེད། དེ་ལྟར་རྒྱག་དགོས་དོན་ང་ཚོའི་གནས་ཚུལ་ཐབས་སྐྱོ་པོ་དེ་ལྟར་ཆཊ་རྒྱུ་དེ། དེང་དུས་ཤེས་ཡོན་ཐོག་ནས་རྗེས་ལུས་ཐེབས་པ་ཉམས་མྱོང་གསལ་པོ་བྱུང་ཡོད་སྟབས། དེང་དུས་ཤེས་ཡོན་སློབ་སྦྱོང་འཛུཊ་རྒྱུ་ཧ་ཅང་གལ་ཆེན་པོ་མཐོང་སྟེ་སློབ་གྲྭ་འཛུཊ་རྒྱུ་གཙོ་འདོན་བྱས་པ་རེད། དེ་ནས་གཞིས་ཆཊ་ཁག་བཙུཊ་རྗེས་དེའི་ནང་མ་སྐུལ་དང་བླང་ཐོག ལྷ་ཁང་དང་དགོན་པ་ཆུང་ཆུང་དེ་འདྲ་རྒྱག་མཁན་བྱུང་ཡོད། རིམ་བཞིན་བཤད་གྲྭ་ཆེ་ཁག་དེ་དག་གཞིས་ཆཊ་ཁག་ནང་ཚུཊ་པ་རེད། འདས་པའི་བཙན་བྱོལ་མི་ཚེའི་རིང་གྲུབ་འབྲས་ཆེ་ཤོས་དེང་དུས་ཤེས་ཡོན་ཐོག་མི་དམན་པ་ཞིག་ཐོབ་ཡོད ”ཅེས་གསུངས།
མཇུག་ཏུ་༸གོང་ས་མཆོག་གིས་བོད་མི་ཚོ་རྒྱ་གར་དུ་ཐོག་མར་འབྱོར་སྐབས་རྒྱལ་སྤྱིའི་སྟེང་བོད་པའི་ཆོས་དང་རིག་གཞུང་ལ་རྒྱུས་མངའ་དང་དོ་སྣང་ཡོད་མཁན་དེ་ཙམ་མེད་ཁར།
བོད་པའི་གནས་སྟངས་ཐོག་གང་འཚམ་ཤེས་ཀྱི་ཡོད་པ་དག་གིས་ཀྱང་བོད་པའི་ཆོས་དེ་སངས་རྒྱས་པའི་ཆོས་ངོ་མ་དེ་མིན་པར་བླ་མའི་ཆོས་ལུཊ་ཡིན་སྐོར་བཤད་ཀྱི་ཡོད་པ་དང་།
འདས་པའི་མི་ལོ་ལྔ་བཅུའི་རིང་འབད་བརྩོན་བྱས་པ་བརྒྱུད།
ད་ཆར་བོད་པའི་ཆོས་དང་རིག་གཞུང་ལ་དོ་སྣང་བྱེད་མཁན་འཛམ་གླིང་གང་སར་ཉིན་རེར་ཇེ་མང་དུ་འགྲོ་བཞིན་པར་མ་ཟད།
ལྷག་པར་དུ་རྣམ་དཔྱོད་ཡོད་པའི་ཚན་རིག་པ་མང་དག་ཅིག་གིས་བོད་པའི་ནང་ཆོས་ལས་གསུངས་པའི་སེམས་ཀྱི་རྣམ་གཞག་དང་ཚོར་བའི་སྐོར་ལ་དོ་སྣང་ཆེན་པོ་བྱེད་ཀྱི་ཡོད་ཚུལ་གསུངས་འདུག
དེའི་རྗེས་༸གོང་ས་མཆོག་གིས་ས་གནས་དེར་ཡོད་པའི་ (Dalhousie Public
School) སློབ་གྲྭར་ཆིབས་བསྒྱུར་གྱིས་དགེ་ལས་སློབ་ཕྲུག་སྟོང་ཕྲག་བརྒལ་བར་༼སེམས་ཀྱི་ཤེས་ཡོན་༽ཞེས་པའི་བརྗོད་གཞིའི་ཐོག་བཀའ་སློབ་བསྩལ་རྗེས། དེ་རིང་ཕྱི་ཚེས་༢༩ ཉིན་གྱི་སྔ་དྲོའི་ཆུ་ཚོད་ ༡༠ པའི་སྟེང་ཕྱིར་བཞུཊ་སྒར་ངྷ་རམ་ས་ལའི་ཕོ་བྲང་དུ་ཞབས་སོར་འཁོད་སོང་ལ།
ཕྱི་ཟླ་ ༥ པའི་ནང་མུ་མཐུད་དུ་ཨ་རིའི་གྲོང་ཁྱེར་ཁག་ཅིག་ཏུ་མཛད་འཕྲིན་བསྐྱང་རྒྱུ་ཡིན་འདུག
གསར་འགོད་པ། དཔལ་ལྡན
དབུ་མའི་ལམ་མི་མང་ལས་འགུལ་ཁང་གི་གོ་སྒྲིག་འོག ཁ་སང་ཕྱི་ཚེས་ ༡༣ ཉིན་གྱི་ཕྱི་དྲོའི་ཆུ་ཚོད་ ༣།༣༠ ཐོག་ངྷ་ས་མེག་གྷན་ཉིན་སློབ་ཚོགས་ཁང་དུ། བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་གིས་དབུ་མའི་ལམ་གྱི་སྲིད་བྱུས་ཐོག་གཏམ་བཤད་དང་མཇུག་ཏུ་མང་ཚོགས་ལ་དྲི་བ་དྲིས་ལན་བཅས་གནང་ཡོད་ཅིང་། ཚོགས་འདུ་དེར་བཀའ་ཟུར་དང་སྤྱི་འཐུས། གཞུང་འབྲེལ་མིན་པའི་ཚོགས་པ་ཁག་གི་སྐུ་ཚབ། ངྷ་སའི་སེར་སྐྱ་མང་ཚོགས་བཅས་ཁྱོན་མི་ ༡༠༠ ལྷག་འདུ་འཛོམས་བྱུང་འདུག
ཚོགས་འདུའི་ཐོག་མར་དབུ་མའི་ལམ་ལས་འགུལ་ཁང་གི་འགན་འཛིན་གཞོན་པ་སྤྱི་ཟུར་ཡོན་ཏན་རྒྱ་མཚོ་ལགས་ཀྱིས། དབུ་མའི་ལམ་ནི་༸གོང་ས་མཆོག་གི་དགོངས་གཞི་དང་བོད་གཞུང་དམངས་གཉིས་ཀྱིས་གཏན་ལ་ཕབ་པའི་ཡང་དག་གི་སྲིད་བྱུས་ཤིག་ཡིན་པ་དང་། ད་ཆར་ལས་འགུལ་ཁང་དེས་ས་གནས་ཁག་ ༢༨ ནང་འབྲེལ་མཐུད་པ་གསར་འཛུགས་ཐོག་རྒྱ་བལ་གཞིས་ཆགས་ཁག་ ༣༢ གཙོས་དགོན་སྡེ་དང་སློབ་གྲྭ་ཁག་ཏུ་དབུ་མའི་ལམ་གྱི་ཟབ་སྦྱོང་དང་། རྒྱ་རིགས་མང་ཚོགས་གཙོས་ཕྱི་རྒྱལ་མི་རིགས་ཚོར་སྐབས་བསྟུན་གྱིས་ཡིག་ངག་གཉིས་ཐོག་ནས་གསལ་བཤད་གནང་བཞིན་ཡོད་པ། སྐབས་བཅོ་ལྔ་པའི་བོད་མི་མང་སྤྱི་འཐུས་ལྷན་ཚོཊ་ཀྱི་གྲོས་ཚོཊ་ཚོཊ་དུས་ལྔ་པའི་ཐོག་བཀུར་འོས་སྤྱི་འཐུས་ཤིག་གིས། ༸གོང་ས་མཆོག་གིས་བཀའ་རྩོམ་ཁག་རེ་རེ་བཞིན་ལུང་འདྲེན་ཐོག་བདེན་པ་མིན་པའི་འགྲེལ་བཤད་ལོག་པར་བརྒྱབ་སྟེ།༸གོང་ས་མཆོག་གི་ཐུགས་དགོངས་ངོ་མ་བོད་རང་བཙན་ཡིན་ཚུལ་བརྗོད་པ་དེར་བོད་རིཊ་མང་ཚོགས་རྣམས་བློ་ཕམ་ཆེན་པོ་བྱུང་ཡོད་སྐོར་ངོ་སྤྲོད་གནང་སོང་།
ཚོགས་ཐོག་ཏུ་བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་གིས། ལམ་དབུ་མའི་སྲིད་བྱུས་ཀྱི་བྱུང་རིམ་དང་དེའི་ངོ་བོ་སྐོར་མང་ཚོགས་ལ་ངོ་སྤྲོད་དང་འབྲེལ། གཉིས་སྨན་དབུ་མའི་ལམ་གྱི་སྲིད་བྱུས་ནི་ཉིན་མ་གཅིག་ནང་བྱུང་བའི་གནས་ཚུལ་ཞིག་དང་གང་ཟག་གཅིག་གིས་ཐག་གཅོད་བྱས་པའི་གནས་ཚུལ་ཙམ་མིན་པར། འདས་པའི་མི་ལོ་ ༤༠ རིང་༸གོང་ས་མཆོག་གིས་ལམ་སྟོན་འོག་གཞིས་བྱེས་བོད་རིགས་མང་ཚོགས་ཀྱིས། མང་གཙོའི་བརྒྱུད་རིམ་དང་མཐུན་པར་གྲོས་བསྡུར་རིམ་པར་གནང་སྟེ་མཐའ་ཐག་གཅོད་གནང་བ་ཞིག་དང་། དབུ་མའི་ལམ་གྱི་སྲིད་བྱུས་དེར་མི་དམངས་བརྒྱ་ཆ་ ༦༤ ལྷག་གིས་རྒྱབ་སྐྱོེར་ཐོབ་པའི་ཐོག་སྤྱི་འཐུས་ལྷན་ཚོགས་ནང་སྤྱི་མོས་གྲོས་ཆོད། ༢༠༠༨ ལོའི་བོད་ནང་ཛ་དྲག་གནས་ཚུལ་ལ་གཞིཊ་ཏེ་དམིགས་བསལ་ཚོགས་ཆེན་སྐབས་ཚོཊ་ཞུཊ་པ་མང་ཆེ་བས་ལམ་དབུ་མའི་སྲིད་བྱུས་རྒྱུན་འཁྱོངས་གནང་རྒྱུར་རྒྱབ་སྐྱོར། ༢༠༡༠ ལོར་སྤྱི་འཐུས་གྲོས་ཚོགས་ནང་ཡང་སླར་ལམ་སྤྱི་མོས་གྲོས་ཆོད་བཅས་བྱུང་ཡོད་ཅིང་། དེའི་ཐོག་བོད་མིའི་སྒྲིག་འཛུགས་དང་གཞུང་འབྲེལ་མིན་པའི་ཚོགས་པ་ཁག་གིས་དེའི་ཐོག་བགྲོ་གླེང་གོ་སྒྲིག་གནང་བཞིན་པ་བཅས་ཀྱིས། ད་ཆར་བཙན་བྱོལ་བོད་མིའི་སྤྱི་ཚོགས་ནང་ལམ་དབུ་མའི་སྲིད་བྱུས་ཐོག་གོ་རྟོགས་མེད་མཁན་ཧ་ལམ་མེད་པའི་ངོས་འཛིན་གནང་བཞིན་ཡོད་སྟབས། སྲིད་བྱུས་བསྐྱར་ཟློས་ལ་དགོས་པ་གང་ཡང་མཐོང་གི་མེད་ཅིང་། དེང་སྐབས་འགན་ཁུར་མེད་པའི་མི་ཁ་ཤས་ཀྱིས་བརྒྱུད་ལམ་ཁག་ཏུ་དབུ་མའི་ལམ་གྱི་སྲིད་བྱུས་༸གོང་ས་མཆོག་སྐུ་སྒེར་གྱི་དབང་ཤུགས་འོག་ཐག་བཅད་པའི་སྲིད་བྱུས་ཤིག་ཡིན་ཚུལ་བཤད་པ་དེ་ཏག་ཏག་བསྡད་མེད་སྐོར་གསུངས་སོང་།
བཀའ་བློན་ཁྲི་ཟུར་ཟམ་གདོང་རིན་པོ་ཆེ་མཆོག་གིས་མུ་མཐུད་དུ། དབུ་མའི་ལམ་གྱི་སྲིད་བྱུས་ནི་༸གོང་ས་མཆོག་གིས་ཆབ་སྲིད་ཐུགས་འགན་བཞེས་སྐབས་ནས་ཐུགས་ལ་ཡོད་པ་ཞིག་དང་། ཐུགས་ལ་ཡོད་པ་བཞིན་ཕྱག་ལེན་བསྟར་དགོས་པའི་གནས་བབ་བྱུང་བསྡད་པ་ཞིག་ཡིན་ཞིང་། ༡༩༥༩ ལོའི་བྱུང་རྐྱེན་རྗེས་༸གོང་ས་མཆོག་གི་དགོངས་གཞི་གང་ཡོད་པ་སྐབས་དེའི་སྤྱི་ཚོགས་ཀྱི་བསམ་ཚུལ་དང་། བོད་ནང་གི་མང་ཚོགས་ཀྱི་ཞེད་སྣང་གནས་སྟངས་འོག་ཐབས་ལམ་གསར་པ་ཞིག་གི་ཐོག་དམིགས་ཡུལ་གསར་པ་ཞིག་མི་འཛིན་ཐབས་མེད་དུ་གྱུར་ཡོད་ཀྱང་། གནས་སྟངས་དེ་རྒྱུན་རིང་པོར་འགྲོ་ཐུབ་ཀྱི་མེད་པ་༸གོང་ས་མཆོག་གིས་སྔ་ས་ནས་ཐུགས་སུ་དགོངས་ཡོད་ཅིང་། བཙན་བྱོལ་གཞུང་གི་ཡོངས་གྲགས་སྲིད་བྱུས་ནང་རང་བཙན་བསྐྱར་གསོ་གནང་བཞིན་པའི་སྐབས་དང་། དབུ་མའི་ལམ་གྱི་སྲིད་བྱུས་གསལ་བསྒྲགས་མ་གནང་བའི་སྐབས། ༸གོང་ས་མཆོག་གིས་བཀའ་རྩོམ་གནང་བའི་བདེན་ཚིག་སྨོན་ལམ་སོཊ་ཀྱི་ནང་། རང་དབང་མ་གཏོགས་རང་བཙན་ཟེར་བའི་ཚིག་དེ་ཆེད་དུ་གཉེར་ནས་བེད་སྤྱོད་གནང་མེད་པ་དང་། སྡེབ་སྦྱོར་གྱི་དབང་དུ་བྱས་ན་ཚིགས་བཅད་ཀྱི་སྐབས་རང་དབང་དང་རང་བཙན་ཞེས་པ་དེ་ཚིག་གཉིས་ཆཊ་ཡོད་ཀྱང་ཚིགས་བཅད་བཟོ་སྐབས་མ་འགྲིག་པ་གང་ཡང་མེད་ཁར། རང་དབང་ཡོད་ས་དེར་རང་བཙན་ཞེས་པའི་ཚིག་དེ་སྦྱར་ཡང་ཚིགས་བཅད་ཀྱི་སྡེབ་སྦྱོར་ཐོག་ཉམས་པ་མེད་ཅིང་། ལྷག་པར་དུ་དབུ་མའི་ལམ་གྱི་ཐོག་ཕེབས་དགོས་བྱུང་བ་དེའང་མ་འོངས་སྔོན་གཟིགས་སུ་ངོས་འཛིན་གནང་བཞིན་པར་མ་ཟད། གནས་སྟངས་ལ་གཞིགས་པའི་ཐག་གཅོད་དང་ལྗགས་རྩོམ་གནང་བ་ཁག་གློ་བུར་བ་ཞིག་མིན་པའི་ཡིད་ཆེས་བརྟན་པོ་ཡོད་སྐོར་གསུངས།
ཡང་ཟམ་གདོང་རིན་པོ་མཆོག་གིས་དབུ་མའི་ལམ་གྱི་སྲིད་བྱུས་རྒྱ་ནག་ནས་ཁ་བྲལ་ཏེ་རྒྱལ་ཁབ་ལོཊ་ཀ་བཟོ་མི་དགོས་པ་དང་། རྒྱ་ནག་ནས་ཁ་བྲལ་དུ་འགྲོ་བ་དེ་མཐའ་གཅིག ད་སྔའི་གནས་བབ་འོག་བསྡད་པ་དེ་མཐའ་གཅིག་ཆགས་ཡོད་པ་བཅས་ནི། དབུ་མའི་ལམ་གྱི་སྲིད་བྱུས་མཐའ་མའི་འབབ་ས་དེ་རྒྱ་ནག་མི་མང་སྤྱི་མཐུན་སྤྱི་མཐུན་རྒྱལ་ཁབ་ཀྱི་རྩ་ཁྲིམས་སྒྲོམ་གཞིའི་ནང་། བོད་ཆོལ་ཁ་གསུམ་གྱི་བོད་རིགས་ཡོངས་སུ་རྫོགས་པར་འཛིན་སྐྱོང་གཅིག་གི་འོག་མིང་དོན་མཚུངས་བའི་མི་རིགས་ས་གནས་རང་སྐྱོང་འཐོབ་རྒྱུ་དེ་ཡིན་ཞིང་། བོད་རིགས་ཡོངས་རྫོགས་འཛིན་སྐྱོང་གཅིག་གི་འོག་ཚུད་དགོས་པ་དེ་ཟློག་ཏུ་མེད་པའི་ཆ་རྐྱེན་དང་། བོད་མིའི་དམིགས་ཡུལ་བསྒྲུབ་པའི་ཐབས་ལམ་ངེས་པར་དུ་འཚེ་མེད་ཞི་བ་ཁོ་ན་ཡིན་དགོས་ཤིང་། རྒྱ་ནག་མི་མང་སྤྱི་མཐུན་རྒྱལ་ཁབ་ནང་མི་རིགས་རང་སྐྱོང་དང་མི་རིགས་ས་གནས་རང་སྐྱོང་གི་ཐོབ་ཐང་སྤྲད་ཡོད་པའི་ཁོངས་སུ། ས་ཁུལ་མེད་པའི་གྲངས་ཉུང་མི་རིགས་ལ་མི་རིགས་རང་སྐྱོང་དང་། ས་ཁུལ་ཡོད་པའི་གྲངས་ཉུང་མི་རིགས་ལ་མི་རིགས་ས་གནས་རང་སྐྱོང་གི་མིང་ཙམ་གྱི་ཐོབ་ཐང་རེ་སྤྲད་ཡོད་ཀྱང་། མིང་ཙམ་གྱི་ཆ་རྐྱེན་དེའི་འོག་བོད་རིགས་རྣམས་དུམ་བུ་ ༡༡ ལ་བགོ་བཤའ་བརྒྱབ་སྟེ། རང་སྐྱོང་ལྗོངས་གཅིག་མ་གཏོགས་བོད་རིགས་གཅིག་ཡིན་པ་དེ་རང་སྐྱོང་ཁུལ་དང་རྫོང་། གྲོང་རྡལ་བཅས་སུ་ཆ་བགོས་ཀྱིས་དབང་སྒྱུར་བྱེད་པའི་སྲིད་བྱུས་ལག་ལེན་བསྟར་གྱི་ཡོད་རུང་། རྒྱ་ནག་རྩ་ཁྲིམས་ཀྱི་ཆ་རྐྱེན་ནང་གྲངས་ཉུང་མི་རིགས་ཡོངས་རྫོགས་ལ་མི་རིགས་ས་གནས་རང་སྐྱོང་གནས་བབ་སྤྲོད་རྒྱུའི་སྐད་ཆ་མ་གཏོགས། གྲངས་ཉུང་མི་རིགས་གཅིག་དུམ་བུ་བགོས་ཏེ་རང་སྐྱོང་སྤྲོད་རྒྱུའི་ཆ་རྐྱེན་དེ་གསལ་མེད་ཀྱང་། ༢༠༠༢ ནས་ ༢༠༡༠ ལོའི་བར་རྒྱ་ནག་མི་མང་སྤྱི་མཐུན་རྒྱལ་ཁབ་དང་༸གོང་ས་མཆོག་བར་འབྲེལ་མོལ་རིམ་པ་ ༩ གནང་མཐར་གསལ་ཁ་དོད་དུ་ཕྱིན་ཡོད་ཅིང་། ལྷག་པར་དུ་ ༢༠༠༨ ལོའི་ཟླ་ ༡༠ ནང་འབྲེལ་མོལ་ཐེངས་བརྒྱད་པའི་སྐབས་སྤྲད་པའི་དོན་ཚན་ ༡༤ ཅན་གྱི་བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་ཐོབ་ཐབས་ཀྱི་བསམ་འཆར་ཡིག་ཆ་ནང་ཧ་ཅང་གསལ་པོ་འཁོད་ཡོད་སྐོར་གསུངས།
མཇུག་ཏུ་ཟམ་གདོང་རིན་པོ་ཆེ་མཆོག་གིས། ཆོལ་གསུམ་གཅིག་སྒྲིལ་ནི་བོད་མིའི་དམིགས་ཡུལ་གཙོ་བོ་ཡིན་སྟབས་ཆོལ་གསུམ་ཆིག་སྒྲིལ་གྱི་རང་སྐྱོང་དེས་རྒྱ་གཞུང་ལ་སྙིང་ལ་ཕོག་ཐུག་བཏང་ཡོད་ཅིང་། ལྷག་པར་དུ་རྒྱ་གཞུང་གིས་ཕྱི་རྒྱལ་མི་སྣ་ཁག་ལ་བོད་ཀྱི་ས་ཁྲ་བྲིས་ཏེ་ཏཱ་ལའི་བླ་མས་བོད་ཆེན་པོ་རྩོད་བཞིན་ཡོད་སྐོར་བཤད་ཀྱིན་ཡོད་ཀྱང་། བོད་ཟེར་བ་ནི་བོད་རང་ཡིན་པ་ལས་དེར་བོད་ཆེན་པོ་དང་ཆུང་ཆུང་གི་སྐད་ཆ་གང་ཡང་མེད་པར། བོད་ཆེ་ཆུང་གི་སྐད་ཆ་དེ་རྒྱ་གར་གྱི་འབོད་སྟངས་ཤིག་ཡིན་པའི་ཁར་རྒྱ་གར་གྱིས་རྒྱ་གར་དང་ས་འབྲེལ་ཡིན་པའི་བོད་ཀྱི་ས་ཆར་བོད་དང་། རྒྱ་གར་དང་བར་ཐག་རིང་བའི་བོད་ཀྱི་ས་ཆར་བོད་ཆེན་པོ་ཞེས་ཀྱི་འབོད་བཞིན་ཡོད་པ། འདས་པའི་མི་ལོ་བརྒྱ་ཕྲག་དུ་མའི་རིང་སོག་པོར་ཕྱི་ནང་གི་སྐད་ཆ་ཡོད་པ་བཞིན། དགའ་ལྡན་ཕོ་བྲང་གི་ཁྱབ་ཁོངས་འོག་ཡོད་པའི་བོད་ལ་བོད་ཕྱི་མ་དང་། རྒྱ་འོག་ཏུ་ཡོད་པའི་བོད་ཀྱི་ས་ཆར་བོད་ཕྱི་མ་ཞེས་འབོད་སྲོལ་ཡོད་པ་ཞིག་ལས། རྒྱ་ཡིག་ནང་བོད་ཆེན་པོ་ཞེས་འབོད་བཞིན་པ་དེ་གསར་དུ་བཟོས་པ་ཞིག་ཡིན་ཚུལ། མིང་དོན་མཚུངས་བའི་རང་སྐྱོང་ཡོངས་ཐབས་ཀྱི་བསམ་འཆར་ཡིག་ཆ་རྒྱལ་སྤྱིའི་སྟེང་ཡོངས་གྲགས་ཆགས་རྗེས། རྒྱ་གཞུང་གིས་དངོས་ཡོད་གནས་ཚུལ་ངོས་ལེན་མ་ཐུབ་པའི་སྟབས་ཀྱིས་ཤེས་ཡོན་ཅན་དང་ཉམས་ཞིབ་པའི་ཐོག་ནས། མི་རིགས་ས་གནས་རང་སྐྱོང་གི་ཁེ་ཕན་མེད་པ་བཟོ་དགོས་པའི་རྩོམ་ཡིག་མང་པོ་སྤེལ་ཡོད་ཅིང་། རྩ་ཁྲིམས་ལ་འགྱུར་བ་གཏོང་བ་དང་རྩ་ཁྲིམས་ནང་ཡོད་པའི་གྲངས་ཉུང་མི་རིགས་ཀྱི་ཁེ་ཕན་རྣམས་མེད་པ་བཟོས་ན་ག་ལེར་གྲངས་ཉུང་མི་རིགས་ལ་དཀའ་ངལ་འཕྲད་སྲིད་པ་དང་། གལ་སྲིད་རྒྱ་ནག་མི་མང་སྤྱི་མཐུན་རྒྱལ་ཁབ་ཀྱི་རྩ་ཁྲིམས་སྒྲོམ་གཞི་དེ་མེད་པ་ཆགས་ན། ང་ཚོའི་གཉིས་སྨན་དབུ་མའི་ལམ་གྱི་སྲིད་བྱུས་དེའང་གཞི་རྩ་གསར་པ་ཞིག་གི་ཐོག་ནས་བསམ་བློ་གཏོང་དགོས་པ་ཆགས་དགོས་ཚུལ་སོགས་གསུངས་བྱུང་
སྐབས་བཅོ་ལྔ་བའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་ཚོགས་དུས་ལྔ་བའི་ཐོག་ལོ་འཁོར་སྔོན་རྩིས་གཏན་འབེབས་གནང་།
ཐེངས་འདིའི་སྔོན་རྩིས་གྲོས་ཚོགས་ཐོག་དཔལ་འབྱོར་བཀའ་བློན་ཚེ་རིང་དོན་གྲུབ་མཆོག་གིས།
བོད་མིའི་སྒྲིག་འཛུགས་ལས་ཁུངས་མ་ལག་དང་བཅས་པའི་ཕྱི་ལོ་ ༢༠༡༣ ནས་༢༠༡༤ ལོའི་སྔོན་རྩིས་སྙན་སྒྲོན་གནང་བ་ལྟར་ན།
ད་ལྟའི་ཆར་བོད་མིའི་སྒྲིག་འཛུགས་ཀྱི་མ་དངུལ་གནས་སྟངས་ཁྱོན་ཧིན་སྒོར་ས་ཡ་བརྒྱད་བརྒྱ་གཅིག་དང་གཅིག་འབུམ་དགུ་ཁྲི་༨༠༡༌༡༩ དང་།གཏན་འཇགས་མ་དངུལ་ཁྱོན་ཧིན་སྒོར་ས་ཡ་ཉིས་བརྒྱ་དང་འབུམ་གསུམ་ཁྲི་བདུན་ ༢༠༠༌༣༧
ཡིན་འདུག སྐབས་བཅོ་ལྔ་བའི་གྲོས་ཚོགས་ཚོགས་དུས་ལྔ་བའི་ཐོག ངེས་ཅན་གྱི་འགྲོ་གྲོན་དང་ཁྲིམས་བཟོ་ལྷན་ཚོགས། ཆབ་སྲིད་དང་འབྲེལ་བའི་ལས་ཁུངས་ཁག འཛིན་སྐྱོང་དང་འབྲེལ་བའི་ལས་ཁུངས་ཁག
སྤྱི་ཚོགས་དང་འབྲེལ་བའི་ལས་ཁུངས་ཁག་བཅས་ཀྱི་རྒྱུན་གྲོན་དང་དམིགས་བསལ་ལས་དོན། དམིགས་བཀར་ལས་འཆར་བཅས་ཀྱི་ཐོག
ཁྱོན་ཧིན་སྒོར་ས་ཡ་ཆིག་སྟོང་ཉིས་བརྒྱ་བརྒྱད་བཅུ་དང་སུམ་འབུམ་ཉིས་ཁྲི་དགུ་སྟོང་ཉིས་བརྒྱ་རེ་གཉིས་ ༡༌༢༨༠༌༣༢༩༌༢༦༢ བཀའ་འཁྲོལ་དང་།
ལྷོ་ཕྱི་ལས་ཁུངས་དང་ས་འཐུས་མེད་པའི་ས་གནས་ཁག་ ༦ གི་སྔོན་རྩིས་བཀའ་འཁྲོལ་ཧིན་སྒོར་ས་ཡ་སོ་དགུ་དང་བདུན་འབུམ་བདུན་ཁྲི་ལྔ་སྟོང་དྲུག་བརྒྱ་བཅུ་གཉིས་ ༣༩༌༧༧༥༌༦༡༢ །
འཕྲོད་བསྟེན་ཁྱབ་ཁོངས་སྨན་ཁང་ཁག་ལ་ཧིན་སྒོར་ས་ཡ་བཅུ་གཉིས་དང་ཆིག་འབུམ་ཉིས་ཁྲི་དགུ་སྟོང་ལྔ་བརྒྱུ་སུམ་བཅུ་ ༡༢༌༡༢༩༌༥༣༠
བཅས་བཀའ་འཁྲོལ་གནང་ཡོད་པ་ལས། ཁྲིམས་བཟོ་ལྷན་ཚོགས་དང་ཆབ་སྲིད་དང་འབྲེལ་བའི་ལས་ཁུངས་ཁག འཛིན་སྐྱོང་དང་འབྲེལ་བའི་ལས་ཁུངས་ཁག
སྤྱི་ཚོགས་དང་འབྲེལ་བའི་ལས་ཁུངས་ཁག་བཅས་ཁྱོན་ཧིན་སྒོར་ས་ཡ་བཞི་བརྒྱ་ང་བདུན་དྲུག་ཁྲི་བརྒྱད་སྟོང་ཉིས་བརྒྱ་ཞེ་གཅིག་ ༤༥༧༌༠༦༨༌༢༤༡ གཏོང་འཆར་ཡོད་འདུག
ཐེངས་འདིའི་སྔོན་རྩིས་ཐད་སྔོན་རྩིས་ཚོད་དཔག་འཆར་རྩིས་ཚོགས་ཆུང་གི་ཚོགས་གཙོ་སྤྱི་འཐུས་པདྨ་འབྱུང་གནས་ལགས་ཀྱིས་གསུངས་དོན་ལྟར་ན།
འདི་ལོ་ལོ་འཁོར་སྔོན་རྩིས་སྔར་ལོ་དང་བསྡུར་ན་རྒྱུན་གྲོན་སྒོར་ས་ཡ་བཞི་རྒྱ་བཅུ་གཅིག་བརྒྱད་འབུམ་དགུ་ཁྲི་བཞི་སྟོང་སུམ་བརྒྱ་གྱ་ལྔ་ ༤༡༡༌༨༩༤༌༣༨༥ དང་།
འབུམ་བཞི་བརྒྱ་བཞི་བཅུ་ཞེ་བཞི་བརྒྱད་ཁྲི་སྟོང་མེད་བརྒྱ་མེད་ཉེར་གཉིས་ ༤༤༤༌༨༠༠༌༢༢
སྔོན་མ་ལས་མང་བ་ཆགས་ཡོད། དམིགས་བསལ་ལས་འཆར་ཐོག་འབུམ་བཞི་བརྒྱ་དོན་གཅིག་བརྒྱད་ཁྲི་བདུན་སྟོང་བདུན་བརྒྱ་སོ་གཅིག ༤༧༡༌༨༧༧༌༣༡ མང་བ་དང་།
དམིགས་བཀར་ལས་འཆར་སྔར་ལོ་ས་ཡ་བདུན་བརྒྱ་བཅུ་གཉིས་དང་དྲུག་འབུམ་ཁྲི་མེད་དགུ་སྟོང་བརྒྱ་དང་གྱ་དྲུག ༧༡༢༌༦༠༩༌༡༨༦ །
འདི་ལོ་ས་ཡ་དྲུག་བརྒྱ་ཞེ་གཉིས་དྲུག་འབུམ་བདུན་ཁྲི་བརྒྱད་སྟོང་སུམ་བརྒྱ་བཅུ་མེད་བཞི་ ༦༤༢༌༦༧༨༌༣༠༤ བཀའ་འཁྲོལ་བྱུང་ཡོད་སྟབས།
འབུམ་དྲུག་བཅུ་རེ་དགུ་དགུ་ཁྲི་སུམ་སྟོང་བརྒྱ་མེད་བརྒྱད་བཅུ་གྱ་བརྒྱད་༩༦༌༩༣༠༌༨༨ གྱི་གཉིས་ཀའི་ལས་འཆར་ཐོག་ཉུང་དུ་ཕྱིན་ཡོད། ཁྱོན་རྒྱུན་གྲོན་དང་དམིགས་བསལ།
དམིགས་བཀར་བཅས་ལ་ཧིན་སྒོར་ས་ཡ་ཆིག་སྟོང་ཉིས་བརྒྱ་བརྒྱད་ཅུ་སུམ་འབུམ་ཉིས་ཁྲི་དགུ་སྟོང་ཉིས་བརྒྱ་དྲུག་བཅུ་རེ་གཉིས་ ༡༢༨༠༌༣༢༩༌༢༦༢ བཀའ་འཁྲོལ་ཐོབ་ཡོད་འདུག་ལ།
འདི་ལོ་མཇུག་སྐྱོང་གནང་མ་ཐུབ་པ་པའི་ལས་འཆར་ ༢༠ དང་། ལས་འཆར་གསར་པ་ ༩༧ དང་ལས་འཆར་མང་ཆེ་བ་ནང་སྲིད་དང་ཤེས་རིག་ལས་ཁུངས་ཆགས་ཡོད།
གསར་འགོད་པས་ཁོང་ལ་ལྷན་ཁང་ཁག་གི་ཟུར་བཀོད་མ་དངུལ་ལོ་རེར་ཉུང་དུ་འགྲོ་བཞིན་པ་དེས་མ་འོངས་པར་དཀའ་ངལ་འཕྲད་སྲིད་མིན་དྲིས་པར་ཁོང་གིས།
“ཟུར་བཀོད་ཀྱི་དངུལ་ལོ་རེར་ཉུང་དུ་འགྲོ་བཞིན་པ་དངོས་ཡོད་རེད། སྔར་ལོའི་སྙན་ཐོའི་ནང་ག་ཚོད་ཉུང་དུ་འགྲོ་བཞིན་ཡོད་མེད་བཀོད་ཡོད། འདི་ལོ་བཀོད་ཡོད་པ་མ་རེད།
འདིའི་ཐད་ཚོད་དཔག་འཆར་རྩིས་ཚོགས་ཆུང་དང་འབྲེལ་ཡོད་ལས་བྱེད་ཚང་མར་བློ་འཚབ་ཡོད་པ་རེད། གཙོ་བོ་སྲིད་བྱུས་ཐག་གཅོད་གནང་མཁན་ཚོ་རེད།
ལམ་སྟོན་གྲོས་ཚོགས་ཀྱིས་གཏན་འབེབས་ལྟར་དེ་སྔོན་དང་ད་ལྟའི་གནས་སྟངས་བར་ཧེ་བག་གང་འདྲ་ཡོད་མེད་བལྟ་དགོས་པ་རེད།
དེ་ལ་དཔག་པའི་ཐབས་ཤེས་ཤིག་གནང་དགོས་པ་ལས་གནས་ཚུལ་བྱུང་རྗེས་ཐག་གཅོད་བྱ་དགོས་ཚེ་ཁག་པོ་རེད།
བློ་བདེ་བ་ཞིག་ལ་བཀའ་ཤག་གི་ངོས་ནས་རྩ་བ་ཉིད་ནས་དེ་འདྲ་མེད་ཅེས་ལབ་པ་དང་དངོས་ཡོད་གནས་ཚུལ་ག་རེ་ཡིན་མིན་མ་འོངས་པར་དཔལ་འབྱོར་བསྐྱར་ཞིབ་སྙན་ཐོ་ཞིག་འབུལ་རྒྱུ་གསུངས་སྟབས།
གསལ་བོ་ཆགས་ཡོང་གི་རེད་བསམ་གྱི་འདུག ” ཅེས་བརྗོད་བྱུང་།
ཐེངས་འདིའི་གྲོས་ཚོགས་མཇུག་བསྡོམས་གཏམ་བཤད་སྐབས་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་གིས། རྒྱ་ནག་གཞུང་གིས་ཕྱི་ལོ་ ༡༩༥༩ ལོའི་ཕྱི་ཟླ་ ༣ཚེས་ ༢༨ དེ་རྒྱ་གཞུང་གིས་བོད་མི་ཡར་ལངས་ཞིང་བྲན་ཁྲི་ཚོ་བརྒྱ་བཅིངས་འགྲོལ་བྱས་པའི་ཉིན་མོ་ཡིན་ཞེས་གསལ་བསྒྲགས་གནང་བ་མ་ཟད།
༢༠༠༩ ལོའི་ཕྱི་ཟླ་ ༡ ཚེས་ ༡༩ ཉིན་བོད་རང་སྐྱོང་ལྗོངས་མི་དམངས་འཐུས་ཚོགས་ནང་གཏན་འབེབས་ཀྱིས།
བོད་མི་ཚོ་བཙན་བྱོལ་དུ་གྱར་ནས་ལོ་ ༥༠ དུས་དྲན་གྱི་ཁ་གཏད་དུ་ལངས་པའི་སྲོལ་འདྲ་བྱས་ཡོད་ཀྱང་། བོད་མིའི་སྒྲིག་འཛུགས་ཀྱི་ངོས་ནས་རྩ་བ་ཉིད་ནས་ངོས་ལེན་མེད་པ་དང་།
༢༠༠༩ ཕྱི་ཟླ་ ༣ ཚེས་ ༢༧ ཉིན་བོད་མི་མང་སྤྱི་འཐུས་ལྷན་ཚོགས་ཀྱིས་སྤྱི་མོས་ཐོག་གྲོས་ཆོད་དང་བཀའ་ཤག་གི་ངོས་ནས་ངོས་ལེན་མེད་པའི་གསར་འགོད་བསྒྲགས་གཏམ་སྤེལ་ཡོད་པ་ལྟར།
ད་ཆར་བོད་ནང་གི་ཛ་དྲག་གི་གནས་སྟངས་མུ་མཐུད་ལྷག་ཡོད་སྟབས།རྒྱ་ནག་གཞུང་གིས་གསལ་བསྒྲགས་དང་གཏན་འབེབས་བྱས་པའི་ཉིན་མོ་དེར་རྩ་བ་ཉིད་ནས་ངོས་ལེན་མེད་ཅེས་གསུངས་སོང་།
ཚོགས་གཙོ་མཆོག་གིས་དབུ་མའི་ལམ་དང་རང་བཙན་སྐོར་ལ། “ ཐེངས་འདིའི་གྲོས་ཚོགས་ནང་དབུ་མ་དང་རང་བཙན་རྩོད་བཞིན་པའི་སྲོལ་དང་གོ་སྐབས་དེ་བརྒྱུད་སོ་སོ་སྒེར་གྱི་བསམ་ཚུལ་བཤད་རྒྱུ་གཙོར་འདོན་བྱེད་ཀྱིན་པའི་ཚོར་སྣང་བྱུང་། རྩ་བའི་སྤྱི་འཐུས་སྒེར་སོ་སོའི་ལངས་ཕྱོགས་དང་དགོངས་ཚུལ་གང་ཡིན་པ་དེར་གུས་བརྩི་ལས། དེ་འགྲིག་གི་མི་འདུག་ཅེས་ཞུ་རྒྱུ་རྩ་བ་ཉིད་ནས་མེད། ཡིན་ན་ཡང་། ད་ལྟ་བོད་མིའི་སྒྲིག་འཛུགས་ཀྱི་སྲིད་བྱུས་ལངས་ཕྱོགས་དགོས་པ་རྒྱུ་མཚན་མང་པོ་ཞིག་ལ་བལྟས་ཏེ།
དབུ་མའི་ལམ་གྱི་ཐོག་འགྲོ་བསྡད་ཀྱིན་པ་ཚང་མས་མ་མཁྱེན་པ་ཡོད་མ་རེད། གྲོས་ཚོགས་ར་བ་འདིའི་ནང་རང་བཙན་ལྟ་བ་དང་ལངས་ཕྱོགས་འཁུར་མཁན་སྤྱི་འཐུས་ནང་ནས་དབུ་མའི་སྲིད་ཇུས་ལས་ལྷག་པའི་དབུ་མ་མཁྱེན་གྱི་ཡོད་གསུངས་མཁན་བྱུང་སོང་ལ། དབུ་མ་གང་ཡིན་ཤེས་ཀྱི་མེད་ཅེས་གསུང་མཁན་ཡང་བྱུང་སོང་། གཞི་རྩའི་༸གོང་ས་མཆོག་གཙོས་བོད་མི་སུ་འདྲ་ཞིག་ཡིན་ཡང་། ལོ་རྒྱུས་ཀྱི་ཐོག་ནས་བོད་རང་བཙན་ཡིན་པ་དང་། ཐོབ་ཀྱི་ཡོད་པ་ཡིན་ན་བོད་རང་བཙན་དགོས་པ་དེ་གསལ་བོ་རེད། ད་ལྟའི་གནས་བབ་འདིའི་སྐབས་ལ་མཚོན་ནའང་།བོད་རང་བཙན་རྩོད་མཁན་ཚོར་རྩོད་ཆོག་གི་མ་རེད་ཅེས་བོད་མིའི་སྒྲིག་འཛུགས་ཀྱིས་གསུངས་ཡོད་པ་མ་རེད་ལ། མ་འོངས་པར་ཡང་ཡོང་སྲིད་ཀྱི་མ་རེད། ང་ཚོ་མང་གཙོའི་ལམ་སྲོལ་ཡིན་པའི་ཆ་ནས་རང་བཙན་རྩོད་མཁན་ཚོར་ཐོབ་ཐང་དེ་ཡོད་པ་རེད་ཅེས་དུས་རྒྱུན་བཤད་བསྡད་ཡོད། དངོས་ཡོད་གནས་སྟངས་ལ་གཞི་བཅོལ་ཏེ་ཐོབ་རྒྱུ་ཞིག་ཡོད་མེད་ལ་དགོངས་པ་བཞེས་རྒྱུ་ཧ་ཅང་གལ་ཆེན་པོ་རེད། གང་ལྟར། རང་བཙན་དང་དབུ་མ་གང་བརྩད་ཀྱང་དངོས་ཡོད་གནས་སྟངས་།
རྒྱ་ནག་མགོ་ཁྲིད་ཚོར་སྐད་ཆ་མ་བཤད་པར་དྲག་པོའི་ལམ་ནས་རྒྱ་ནག་དང་མཉམ་དུ་འཐབ་རྩོད་བྱེད་ཐུབ་པ་ཡོད་མ་རེད།ལྔ་བཅུ་ང་གྲངས་ནང་རྒྱ་ནག་གི་སྟོབས་ཤུགས་གང་ཡིན་པ་དེའི་ཐོག་རྒྱལ་སྤྱིའི་སྤྱི་ཚོགས་ཀྱི་བོད་དོན་ཐོག་རྒྱ་ནག་ཐོག་དམག་བཏང་བའི་གནས་ཚུལ་བྱུང་ཡོད་པ་མ་རེད། ད་ཆར་རྒྱ་ནག་དཔལ་འབྱོར་དང་དམགཆབ་སྲིད་གང་ཅིའི་ཐོག་ནས་སྟོབས་ཆེན་པོ་ཆགས་པའི་སྐབས་འདིར། རྒྱལ་ཁབ་གཞན་པ་ཞིག་གིས་ང་ཚོའི་དོན་དུ་རྒྱ་ནག་དང་མཉམ་དུ་དམག་རྒྱག་གི་རེད་ཅེས་རེ་བ་བརྒྱབས་ན། དངོས་ཡོད་གནས་སྟངས་དང་མ་འཚམ་པའི་བསམ་བློ་ཞིག་དང་། ཕྱོགས་གཞན་ཞིག་ནས་བལྟས་ན། ད་བར་ང་ཚོའི་འཐབ་རྩོད་ཀྱི་ཐབས་ལམ་དེ་འཚེ་བ་མེད་པའི་ཐབས་ལམ་ཞིག་གི་ཐོག་འགྲོ་བསྡད་ཡོད་པའི་ལྟ་གྲུབ་དེ་དང་འགལ་བ་ཆགས་བསྡད་ཡོད། ” ཅེས་གསུངས།
མཇུག་ཏུ་ཚོགས་གཙོ་མཆོག་གིས། “
སྤྱིར་བཏང་དབུ་མའི་ལམ་ཞེས་པ་དེ་ང་ཚོའི་སྲིད་ཇུས་ཀྱི་སྒྲོམ་གཞི་ཞིག་དང་ལྟ་གྲུབ་ཅིག་རེད། སྲིད་ཇུས་དེ་དང་ལྟ་གྲུབ་དེའི་འོག་རང་སྐྱོང་རྩོད་ཀྱི་ཡོད། རང་སྐྱོང་གནས་བབ་ཐོབ་མ་ཐོབ་ཅེས་པ་དེ་དངོས་ཡོད་ཆབ་སྲིད་ཀྱི་གནས་སྟངས་ལ་གཞི་བཅོལ་རྒྱུ་ལས། དེ་སྔ་༸གོང་ས་མཆོག་གི་ཞི་བའི་དོན་ཚན་ལྔ་དང་སི་ཊ་སི་སྦག་གྲོས་འཆར། བོད་རྒྱལ་འབྲེལ་མོལ་གྱི་བརྒྱུད་ལམ་བཅས་ཀྱི་ཐོག་ནས་རྒྱ་ནག་ལ་སྤྲད་ཡོད་པའི་བོད་རིགས་ཡོངས་ལ་མིང་དོན་མཚུངས་པའི་རང་སྐྱོང་གི་གནས་བབ་བསྐྲུན་རྒྱུའི་ཐབས་ཤེས་དེ་ལས་མར་བབ་པ་དང་དབུ་མ་གཉིས་ཡོད་པའི་འགྲེལ་བཤད་སྐྱོན་བསྡད་ན་ཏག་ཏག་བསྡད་ཡོད་པ་མ་རེད།
བོད་མིའི་སྒྲིག་འཛུགས་ཀྱི་སྤྱི་བའི་ཕྱག་ལས་གནང་མཁན་དང་སྒེར་བ། འཛམ་གླིང་ནང་ཡོད་པའི་རང་སྐྱོང་གི་གནས་བབ་མང་པོ་ཞིག་ལ་ང་ཚོས་ལྟ་ཞིབ་དང་སློབ་སྦྱོང་བྱས་ཡོད་པ་རེད། རང་སྐྱོང་གི་གནས་བབ་ཅེས་པ་དེ་རང་སྐྱོང་ཐོབ་ཚར་བའི་རྗེས་སུ་དངོས་ཡོད་ཆབ་སྲིད་གནས་སྟངས་ལ་གཞི་བཅོལ་ནས་འགྱུར་བ་འགྲོ་རྒྱུ་ཞིག་ལས། རྡོ་ལ་རི་མོ་བརྐོས་པ་ནང་བཞིན་ཞིག་ཆགས་ཀྱི་མ་རེད། དེའི་སྐབས་ཀྱི་ས་གནས་ཆབ་སྲིད་གནས་སྟངས། དབུས་དང་ས་གནས་ཀྱི་གནས་བབ།སྟོབས་དང་ཞན་ཆ་ག་རེ་ཡོང་མིན། གལ་སྲིད་ཞི་མོལ་ཞིག་དངོས་སུ་བྱུང་བ་ཡིན་ན།
སྐབས་དེའི་གནས་སྟངས་འོག་རང་སྐྱོང་གནས་བབ་ཅིག་བསྐྲུན་ཡོང་གི་རེད་མ་གཏོགས། ད་ལྟ་འགྲོ་བསྡད་པའི་བརྒྱུད་རིམ་གྱི་ཐོག་ནས་འགྱུར་བ་རྩ་བ་ཉིད་ནས་འགྲོ་ཆོག་གི་མ་རེད། འགྲོ་ན་འགྲིག་གི་མ་རེད་དགོངས་པ་ཡིན་ན། དབུ་མ་དང་རང་སྐྱོང་གི་གོ་བ་དེ་ཏག་ཏག་ཅིག་གནས་ཐུབ་པ་ཡོད་པ་མ་རེད་ལ། དེ་དངོས་ཡོད་གནས་སྟངས་ལ་གཞི་བཅོལ་གྱི་ཡོད་པས། འཛམ་གླིང་གི་འགྱུར་བ་དང་དངོས་ཡོད་གནས་སྟངས་ལ་གཞི་བཅོལ་ཏེ་ཐབས་ལམ་བཙལ་དགོས་པ་ཆགས་ཡོད། ” ཅེས་གསུངས་སོང་།
ད་ལོའི་ཕྱི་ཟླ་ ༣ པའི་ཚེས་ ༡༠ ཉིན་ནི་བོད་མིའི་རང་དབང་སྒེར་ལངས་བྱས་ཏེ་ཁྱོན་མི་ལོ་ ༥༤
འཁོར་བའི་དུས་དྲན་ཉིན་མོ་ཡིན་ཞིང་། ཉིན་དེར་བཞུཊ་སྒར་ངྷ་རམ་ས་ལ་གཙོས་འཛམ་གླིང་གང་སར་གནས་སྡོད་བོད་མི་ཚོས་རྣམ་པ་འདྲ་མིན་ཐོག་དུས་དྲན་སྲུང་གཙི་ཞུ་རྒྱུ་ཡིན་པ་ལྟར།
སྐབས་དེ་དང་བསྟུན་བྷེལ་ཇེམ་རྒྱལ་ས་སྦར་སིལ་དུ་ཡུ་རོབ་བོད་མི་དང་བོད་དོན་རྒྱབ་སྐྱོར་བའི་འདུ་འཛོམས་ལས་འགུལ་ཆེན་མོ་ཞིག་སྤེལ་འཆར་ཡོད་འདུག
གནས་སྟངས་དེའི་ཐད་གསར་འགོད་པས་བྷེལ་ཇེམ་དོན་གཅོད་ཁང་དུ་འབྲེལ་གཏུག་བྱས་ཀྱང་ཁ་པར་མཐུད་ཐབས་མ་བྱུང་སྟབས། དབུས་བོད་མིའི་སྒྲིག་འཛུགས་ཕྱི་དྲིལ་ཟུང་དྲུང་བསོད་ནམས་བསྟན་འཛིན་ལཊ་སུ་བཀའ་འདྲི་ཞུས་པར།
ད་ལོའི་གསུམ་བཅུའི་དུས་དྲན་སྐབས་ཀྱི་གོམ་བགྲོད་ལས་འགུལ་དེ་བྷེལ་ཇེམ་བོད་རིཊ་མཐུན་ཚོཊ་ཀྱིས་སྣེ་འཁྲིད་རྒྱུ་ཡིན་འདུག་ལ། ལས་འགུལ་དེར་བྷེལ་ཇེམ་དང་སུད་སི། ཧྥ་རན་སི། ཨི་ཊ་ལི།
སི་ཕན་སོཊ་ནས་བོད་པ་དང་བོད་དོན་རྒྱབ་སྐྱོར་བ་སྟོང་ཕྲག་མང་པོ་འཛོམས་འཆར་ཡོད་འདུག
ཕྱི་དྲིལ་ཟུང་དྲུང་བསོད་ནམས་བསྟན་འཛིན་ལཊ་ཀྱིས་བརྗོད་ན། ད་ལོའི་བྷེལ་ཇེམ་ནང་གི་གསུམ་བཅུའི་མི་དམངས་འདུ་འཛོམས་ལས་འགུལ་དེར་ལས་རིམ་ཆེན་པོ་གཉིས་སུ་དབྱེ་ཡོད་ཅིང་།
དང་པོ་ཉིན་དེའི་སྔ་དྲོའི་ཆུ་ཚོད་ ༡༠།༣༠ ནས་ ༡།༣༠ བར་མང་ཚོགས་ཀྱིས། བྷེལ་ཇེམ་རྒྱལ་ས་སྦར་སིལ་ཀཱར་རོད་ནོ་ཊི་ས་གནས་ནས་ལེ་མོན་བྷི་སིར་ཊི་ནར་བར་ཞི་བའི་གོམ་བགྲོད་གནང་རྒྱུ་དང་། གཉིས་པ།
གོམ་བགྲོད་མཇུག་སྡོམ་རྒྱག་སར་ཉིན་རྒྱབ་ཆུ་ཚོད་ ༢ པའི་ཐོག་བོད་མིའི་སྒྲིག་འཛུཊ་ཕྱི་དྲིལ་བཀའ་བློན་བདེ་སྐྱིད་ཆོས་དབྱངས་མཆོག་དང་སྤྱི་འཐུས་ཚོཊ་གཙོ་སྤེན་པ་ཚེ་རིང་རྣམ་གཉིས་གཙོས།
བྷེལ་ཇེམ་དང་ཡུ་རོབ་གྲོས་ཚོཊ་འཐུས་མི། ཡུ་རོབ་མནའ་འབྲེལ་དཔལ་འབྱོར་དང་སྤྱི་ཚོཊ་བདེ་དོན་ཚོཊ་གཙོ། རྒྱལ་སྤྱིའི་བོད་དོན་རྒྱབ་སྐྱོར་ཚོཊ་པའི་ཚོཊ་གཙོ།
ཡུ་རོབ་དམིཊ་བསལ་སྐུ་ཚབ་སྐལ་བཟང་རྒྱལ་མཚན་ལཊ་གཙོས་འབྲེལ་ཡོད་དཔོན་རིཊ་ཁག་གིས་དུས་དྲན་དང་འབྲེལ་བའི་གཏམ་སྤེལ་རྒྱུ་ཡིན་འདུག
རང་ལུས་མེར་བསྲེགས་དང་འབྲེལ་བའི་ལོ་རྒྱུས་ཡིག་ཚགས་ཞེས་པའི་བོད་དབྱིན་རྒྱ་གསུམ་གྱི་དཔེ་དེབ་ལྔ།
དེ་རིང་ཞོགས་པ་ཆུ་ཚོད་ ༡༠ སྟེང་།གངས་སྐྱིད་སྤྱི་ཐབས་ཚོགས་ཁང་དུ། ངྷ་སའི་ཀིརྟི་བྱེས་པ་གྲྭ་ཚང་གིས་དཔར་བསྐྲུན་བྱས་པའི་༼རང་ལུས་མེར་སྲེག་དང་འབྲེལ་བའི་ལོ་རྒྱུས་ཡིག་ཚགས།༽ཞེས་པའི་བོད་དབྱིན་རྒྱ་གསུམ་གྱི་དཔེ་དེབ་ ༥དབུ་འབྱེད་གནང་སོང་། སྐུ་མགྲོན་གཙོ་བོར་སྲིད་སྐྱོང་སྐུ་ཚབ་ནང་སྲིད་བཀའ་བློན་རྒྱ་རི་སྒྲོལ་མ་མཆོག་དང་དམིགས་བསལ་སྐུ་མགྲོན་དུ་སྤྱི་འཐུས་ཚོགས་གཞོན་མཁན་པོ་བསོད་ནམས་བསྟན་འཕེལ་རྣམ་གཉིས་གཙོས། སྤྱི་འཐུས་རྒྱུན་ལས་རྣམ་པ་དང་ལྷན་ཁག་ཅིག་གི་དྲུང་ཆེ། གཞུང་འབྲེལ་མིན་པའི་ཚོགས་པ་ཁག་ཅིག་གི་འཐུས་མི་བཅས་མཛད་སྒོར་ཞུགས་སོང་།
མཛད་སྒོའི་ཐོག་མ་ཚང་མ་སྐུ་བཞེངས་ཐོག་བོད་རྒྱལ་ཁབ་ཆེན་མོའི་རྒྱལ་གླུ་གྱེར་འདོན་དང་། དེ་ནས་བོད་རྒྱལ་ཁབ་དང་མི་རིགས་ཀྱི་ཆེད་དུ་རང་སྲོག་བློས་གཏོང་གནང་མཁན་དང་ད་ལྟ་རྒྱའི་བཙོན་འོག་ཏུ་སྡུག་སྦྱོང་མནར་གཅོད་མྱོང་བཞིན་པའི་རྒྱལ་གཅེས་དཔའ་བོ་དཔའ་མོ་རྣམས་ལ་གདུང་སེམས་མཉམ་སྐྱེད་དང་མྱ་ངན་བཀུས་འདུད་མཚོན་ཕྱིར་སྐར་མ་གཅིག་རིང་ངག་བཅད་མྱ་ངན་ཞུས་མཐར། སྐུ་མགྲོན་གཙོ་བོ་ནང་སྲིད་བཀའ་བློན་མཆོག་དང་དམིགས་བསལ་སྐུ་མགྲོན་སྤྱི་འཐུས་ཚོགས་གཞོན་རྣམ་གཉིས་ཀྱིས་དཔེ་དེབ་རྣམས་དབུ་འབྱེད་གནང་སོང་།
དཔེ་དེབ་དབུ་འབྱེད་གནང་རྗེས་ཀིརྟི་བྱེས་པ་གྲྭ་ཚང་གི་བོད་གནས་འབྲེལ་མཐུད་པ་བློ་བཟང་ཡེ་ཤེས་ལགས་ཀྱིས་དཔེ་དེབ་དག་ངོ་སྤྲོད་གནང་པ་ལྟར་ན། དེབ་པོ་དང་གཉིས་པ། གསུམ་པ་བཅས་བོད་ཡིག་ནང་ཡོད་པ་དང་། དེབ་དེ་དག་ནང་ ༡༩༩༨ ལོའི་ཟླ་ ༤ ཚེས་ ༢༧ ནས་ ༢༠༡༢ ལོའི་ཟླ་༩ ཚེས་ ༢ བར་བྱུང་པའི་བོད་ཕྱི་ནང་གཉིས་ཀྱི་བོད་མི་རང་ལུས་མེར་བསྲེགས་གནང་མཁན་རྣམས་ཀྱི་ལོ་རྒྱུས་དང་། ༢༠༡༡ ཟླ་ ༣ ཚེས་ ༡༦ ནས་ ༢༠༡༢ ཟླ་ ༩ ཚེས་ ༢ བར་རྒྱ་ནག་གཞུང་གིས་བོད་མི་དམར་གསོད་བཏང་པ། བོད་མི་ཚོས་རྒྱ་གཞུང་གི་དྲག་རྩུབ་སྲིད་ཇུས་བཟོད་ཐབས་བྲལ་ཏེ་རང་ཤི་བརྒྱབ་པ། བོད་མི་མང་པོ་བཙོན་འཇུག་ཁྲིམས་ཐག་བཅད་པ། དགོན་གྲོང་མང་པོར་དམ་དྲག་དང་ཁྲིམས་ལུགས་སློབ་གསོ་ཟེར་པའི་ལས་འགུལ་སྤེལ་པ། དེ་དག་ལ་བོད་མི་ཚོས་མགོ་བོ་མ་བསྒུར་པར་དུས་ནས་དུས་ཞི་རྒོལ་བྱས་པ་་སོགས་བཀོད་ཡོད་འདུག
དེ་བཞིན། དཔེ་དེབ་དེ་དག་ནང་བོད་རྒྱལ་ཁབ་དང་མི་རིགས་ཆེད་རང་ལུས་མེར་བསྲེགས་ཀྱི་གནས་ཚུལ་བྱུང་འཕྲལ་རྒྱ་གར་གཙོས་རང་དབང་ལུང་པར་ཡོད་པའི་བཙན་བྱོལ་བོད་མིའི་སྒྲིག་འཛུགས་དང་གཞུང་འབྲེལ་མིན་པའི་ཚོགས་པ་ཁག བོད་མི་དང་བོད་དོན་རྒྱབ་སྐྱོར་སོགས་ཀྱིས་ལས་འགུལ་ཅི་སྤེལ། རྒྱལ་སྤྱིའི་སྲིད་གཞུང་དང་གྲོས་ཚོགས་ཁག་གིས་རྒྱབ་སྐྱོར་གྱི་གཞུང་འབྲེལ་བསྒྲགས་གཏམ་དང་གྲོས་ཆོད་རིགས། གལ་ཆེ་བའི་གསར་ལམ་ཁག་ནང་ཐོན་པའི་གནས་ཚུལ་དང་དཔྱད་གཏམ་རྩོམ་ཡིག གོང་གསལ་ཟླ་ཚེས་རྗེས་སུ་བྱུང་པའི་རང་ལུས་མེར་བསྲེགས་ཀྱི་གནས་ཚུལ་ཁག་ཟུར་དུ་བཀོད་པ་བཅས་འདུས་ཡོད་འདུག་ལ། དེབ་བཞི་བ་དང་ལྔ་བ་གཉིས་བོད་ནང་གི་རང་ལུས་མེར་བསྲེགས་གནས་ཚུལ་དང་འབྲེལ་བའི་དབྱིན་ཡིག་དང་རྒྱ་ཡིག་སོགས་སུ་ཐོན་པའི་གནས་ཚུལ་རྣམས་བསྡུ་བསྒྲིགས་གནང་ཡོད་འདུག
ཁོང་གིས་བཙན་བྱོལ་གྱི་དུས་སྐབས་འདི་ཡང་བོད་མི་རིགས་ཀྱི་རང་དབང་འཐབ་ཁྲོད་དུ་གནས་བབ་གལ་ཆེན་ཞིག་ཡིན་སྟབས། བོད་རང་དབང་འཐབ་རྩོད་ཀྱི་ལོ་རྒྱུས་ནི་ཇི་སྲིད་བསྐལ་བ་ནམ་གནས་ཀྱི་བར་དུ་མིའི་རིགས་ཀྱི་ལོ་རྒྱུས་ནང་གནས་དགོས་པ་ཞིག་ཡིན་སྟབས། གསར་དུ་དབུ་འབྱེད་བྱས་པའི་དཔེ་དེབ་འདི་དག་ནི་བོད་ཕྱི་ནང་གཉིས་ཀྱི་གནས་ཚུལ་འདུས་པའི་རང་སྲེག་ལས་འགུལ་གྱི་ལེའུ་ཞིག་དང་ལོ་རྒྱུས་ཡིག་ཚགས་ཤིག་ཏུ་གྲུབ་པར་བྱས་ཡོད་སྐོར་བརྗོད་སོང་།
དེའི་རྗེས་སྤྱི་འཐུས་ཚོགས་གཞོན་མཆོག་གིས། དཔེ་དེབ་བསྡུ་བསྒྲིགས་དང་དེ་དག་གི་བརྗོད་བྱ་བཅས་ཀྱི་ཐད་བསྔགས་བརྗོད་དང་འབྲེལ། བོད་ནང་གི་གནས་སྟངས་ཛ་དྲག་ཇེ་ཆེར་འགྲོ་བཞིན་པར་བརྟེན། བཙན་བྱོལ་བོད་མི་ཚོས་བོད་ནང་གི་གནས་ཚུལ་རྒྱལ་སྤྱིའི་སྟེང་བསྐྱལ་ཐུབ་པ་དང་རྒྱལ་སྤྱིའི་རྒྱབ་སྐྱོར་འཚོལ་རྒྱུ་སོགས་ཀྱི་ཐད་སྔར་བས་ཤུགས་གནོན་རྒྱག་དགོས་པ་དང་། ད་སྔ་བོད་མི་ ༡༠༧ཀྱིས་རང་ལུས་མེ་རུ་སྒྲོན་ཡོད་པ་ཁོང་ཚོ་འགྲོ་བ་མི་གཞན་དག་དང་གཅིག་མཚུངས་ཡིན་ཡང་། རྒྱ་གཞུང་གི་དྲག་གནོན་འོག་རང་ལུས་མེར་བསྲེགས་གཏོང་དགོས་པའི་ཛ་དྲག་གནས་སྟངས་ལ་རྒྱལ་སྤྱིའི་སྲིད་གཞུང་ཁག་གི་སྲིད་འཛིན་དང་སྲིད་བློན་ཚོས་མིའི་རང་དབང་དང་འགྲོ་བ་མིའི་ཐོབ་ཐང་ལ་གཙི་སྲུང་གི་བསམ་བློ་ཡོད་ཚེ་ཁ་རྐམ་པོས་སྐད་ཆ་བཤད་མ་བསྡད་པར་ཁ་ཡོད་ལག་ཡོད་ཐོགབོད་དོན་རྒྱབ་སྐྱོར་གྱི་རྣམ་འགྱུར་ཤུགས་ཆེན་པོ་སྟོན་དགོས་པ་དང་རྒྱ་ནག་ལ་གནོན་ཤུགས་སྤྲོད་པའི་དུས་ལ་སླེབས་ཡོད་སྐོར་གསུངས་སོང་།
ཡང་ཁོང་གིས་རྒྱ་གཞུང་གིས་རང་ལུས་མེར་བསྲེགས་ཐད་དྲག་གནོན་བྱ་རྒྱུ་ལས། བོད་མིའི་རང་ལུས་མེར་བསྲེགས་ཀྱི་རྒྱུ་རྐྱེན་ལ་ཞིབ་འཇུག་བྱས་ཏེ་དཀའ་ངལ་སེལ་ཐབས་བྱ་དགོས་པ་དང་། དེ་ལྟར་མ་བྱས་བར་དུ་བོད་མིའི་རང་ལུས་མེར་བསྲེགས་ཀྱི་ལས་འགུལ་མཚམས་འཇོག་ཐུབ་པ་ཞིག་མིན་པ། བོད་རྒྱུའི་དཀའ་རྙོག་འདི་ཅི་འདྲ་ཞིག་ཏུ་འགྱུར་མིན་རྒྱ་ནག་གཞུང་གི་བྱེད་སྟངས་ལ་རག་ལས་པ་ཞིག་ཡིན་སྟབས། དེང་སྐབས་རྒྱ་ནག་གི་བཀའ་ཤག་རྙིང་པར་འཕོ་འགྱུར་ཐེབས་ཏེ་བཀའ་ཤག་གསར་པའི་མགོ་ཁྲིད་ཚོ་སླེབས་པའི་སྐབས་འདིར། ཁོང་ཚོས་ད་ལྟའི་བོད་ནང་གི་ད་དྲག་གནས་བབ་དང་བོད་རྒྱའི་དཀའ་རྙོག་སེལ་ཆེད་པེ་ཅིན་དང་ངྷ་རམ་ས་ལའི་བར་ཞི་འགྲིག་གི་གྲོས་མགོ་འདོན་དགོས་པའི་འབོད་སྐུལ་གནང་སོང་།
མཐར་ནང་སྲིད་བཀའ་བློན་མཆོག་གིས། རྒྱ་ནག་གིས་བོད་བཙན་བཟུང་བྱས་པ་ནས་བོད་དང་བོད་མི་ཟེར་བ་རྩ་མེད་གཏོང་པའི་སྲིད་ཇུས་ལག་བསྟར་བྱས་ཀྱང་།ད་ཆར་བོད་རྩ་མེད་བཟོ་རྒྱུ་ཟེར་པ་དེ་ཡོང་ཐབས་མེད་པ་ཞིག་ཡིན་པ་ཁ་གསལ་བོ་ཆགས་ཡོད་པ་དང་། བོད་དང་བོད་མིའི་རྣམ་དཔྱོད་ལ་དྲག་གནོན་གྱིས་རྩ་མེད་གཏོང་ཐུབ་པ་ཞིག་མིན་སྐོར། རྒྱ་གཞུང་གིས་༧གོང་ས་མཆོག་དང་བཙན་བྱོལ་བོད་མིའི་སྒྲིག་འཛུགས། ཚོགས་པ་དགོན་སྡེ་སོགས་ལ་བོད་ནང་གི་རང་ལུས་མེར་བསྲེགས་ཐད་བརྒྱུད་སྐུལ་བྱས་པའི་བསྙོན་འཛུགས་བྱས་དང་བྱེད་བཞིན་པ་དེས་ཕན་འབྲས་གང་ཡང་མི་འཐོན་པར། རྒྱ་ནག་མགོ་ཁྲིད་ཚོའི་ངོས་ནས་བོད་ཐོག་འཛིན་པའི་དྲག་གནོན་སྲིད་ཇུས་མཚམས་འཇོག་བྱ་དགོས་ཚུལ་གསུངས་སོང་།
ཡང་ཁོང་གིས་བཙན་བྱོལ་བོད་མིའི་སྒྲིག་འཛུགས་ངོས་ནས། བོད་ནང་གི་བོད་མི་ཚོས་སོ་སོའི་རྒྱལ་ཁབ་དང་མི་རིགས་ཆེད་དྲང་བདེན་དང་འཚེ་བ་མེད་པའི་སྒོ་ནས་ལས་འགུལ་སྤེལ་མཁན་ཚོར་ཡི་རངས་དང་། ཁོང་ཚོའི་དགོས་འདུན་རྣམས་སྒྲུབ་ཐབས་བྱ་རྒྱུ་དེ་བཙན་བྱོལ་བོད་མིའི་སྒྲིག་འཛུགས་ལ་འཁྲི་པའི་ལས་འགན་ཞིག་ཏུ་ངོས་འཛིན་ཐོག མུ་མཐུད་བོད་ཀྱི་བདེན་མཐའ་མ་སེལ་པར་དུ་ཁོང་ཚོའི་དགོས་མདུན་བསྒྲུབ་ཐབས་ཀྱི་འགན་འཁུར་ངེས་ཡིན་ཞེས་གསུངས་སོང་།
བོད་ཀྱི་དུས་བབ་ལས།
དེ་རིང་ཕྱི་ཚེས་ ༡༧ ཉིན་གྱི་སྔ་དྲོའི་ཆུ་ཚོད་ ༡༡ སྟེང་ངྷ་ས་མེག་གྷན་ཆོལ་གསུམ་ཆིག་སྒྲིལ་ཚོགས་པའི་ཚོགས་ཁང་དུ། ཉེ་ཆར་བལ་ཡུལ་བཙོན་ཁང་དུ་བཙོན་གྲོལ་ཐོབ་མ་ཐག་པའི་རྩོམ་པ་པོ་གླིང་ཚ་ཚེ་བརྟན་རྡོ་རྗེ་ལགས་ཀྱིས་ཕྱི་ནང་གི་གསར་འགོད་པ་ཉི་ཤུ་བརྒལ་བར་ད་ལོའི་གསུམ་བཅུའི་དུས་དྲན་ཉིན་མོ་དང་བསྟུན་ཏེ། སྒེར་ངོས་ནས་བཞུཊ་སྒར་ངྷ་ས་ནས་བོད་བར་གྱི་ཞི་བའི་གོམ་བགྲོད་ལས་འགུལ་བསྐྱར་དུ་མགོ་འཛུཊ་བྱ་རྒྱུ་ཡིན་སྐོར་གསལ་བསྒྲགས་བསྐྱངས་སོང་།
གསར་འགོད་ལྷན་ཚོགས་ཐོག་གླིང་ཚ་ཚེ་བརྟན་རྡོ་རྗེ་ལགས་ཀྱིས། ཁོང་གིས་འདས་པའི་ལོ་གཅིག་རིང་བོད་བསྟན་སྲིད་ཆེད་ཞི་བའི་འཐབ་རྩོད་གནང་སྐབས། དངོས་ཤུགས་བརྒྱུད་གསུམ་ནས་རོགས་རམ་དང་རྒྱབ་སྐྱོར་གང་ལེགས་གནང་མཁན་ངྷ་སའི་ཚོཊ་སྐྱིད་བཅུ་གཅིག་དང་། འཛམ་གླིང་གང་སར་གནས་སྡོད་བོད་མི་ལྷག་བསམ་ཅན་ཚང་མར་སེམས་གཏིང་ནས་ཡི་རངས་བསྔཊ་བརྗོད་དང་། བོད་ནང་རང་སྲེག་གཏོང་མཁན་རྒྱལ་གཅེས་དཔའ་བོ་དཔའ་མོ་རྣམ་པར་མྱ་ངན་གུས་མདུན་ཞུ་བཞིན་ཡོད་སྐོར་ངོ་སྤྲོད་དང་འབྲེལ། ཁོང་གིས་ཞི་བའི་འཐབ་རྩོད་ཀྱི་འབོད་ཚིག་དོན་ཚན་ ༥ མུ་མཐུད་རྒྱུན་འཁྱོངས་ལག་ལེན་ཡོང་ཆེད། ད་ལོའི་གསུམ་བཅུའི་དུས་དྲན་ཉིན་དང་སྟབས་བསྟུན། བཞུགས་སྒར་ངྷ་རམ་ས་ལར་སླར་ཡང་འཕགས་བོད་རྒྱ་གསུམ་གྱི་རྒྱལ་དར་འཕྱར་ཏེ་བོད་ཀྱི་ས་ཁོངས་བར་ཞི་བའི་གོམ་བགྲོད་མགོ་འཛུགས་བྱ་རྒྱུ་དང་། ཐེངས་འདིའི་གོམ་བགྲོད་དེ་སྔོན་མ་དང་མ་འདྲ་བར་བལ་ཡུལ་བརྒྱུད་མ་དགོས་པར་ཐད་ཀར་རྒྱ་བོད་ས་མཚམས་བརྒལ་ནས་བོད་དུ་བསྐྱོད་འཆར་ཡོད་འདུག
ཚེ་བརྟན་རྡོ་རྗེ་ལགས་ཀྱི་འབོད་ཚིག་ལྔ་ནི། གཅིག ཆ་རྐྱེན་གང་ཡང་མེད་པའི་སྒོ་ནས་༸རྒྱལ་བ་རིན་པོ་ཆེ་བོད་ལ་ཕེབས་འཇུག་དགོས། གཉིས། ཆ་རྐྱེན་གང་ཡང་མེད་པའི་སྒོ་ནས་པཎ་ཆེན་ཆུང་སྲིད་རིན་པོ་ཆེ་གཙོས་བོད་ཀྱི་ཆབ་སྲིད་བཙོན་པ་རྣམས་ཀློད་གྲོལ་གཏོང་དགོས། གསུམ། བོད་མིར་རང་གི་སྐད་དང་ཡི་གེ་སྦྱོང་རྒྱུའི་རང་དབང་སྤྲོད་དགོས། བཞི། བོད་མིར་རང་ཡུལ་ནས་ཆོས་གོས་དང་གོམས་གཤིས་སོགས་ཀྱི་དབང་ཆ་ཚང་མ་སྤྲོད་དགོས། ལྔ། ད་ལྟ་བོད་ནང་སྡུག་སྦྱོང་མནར་གཅོད་གཏོང་མཁན་དམག་མི་ཡོངས་རྫོགས་བོད་ས་ནས་ཕྱིར་འཐེན་བྱ་དགོས་པ་བཅས་ཡིན་འདུག
གླིང་ཚ་ཚེ་བརྟན་རྡོ་རྗེ་ལགས་ཀྱི་གསལ་བསྒྲགས་ནང་འཁོད་དོན་ལྟར་ན། ཞི་བའི་འཐབ་རྩོད་ཀྱི་གོམ་བགྲོད་ཐེངས་གཉིས་པ་ས་མཚམས་གང་ནས་འགྲོ་མིན་ཐད་ད་སྔ་ཡོངས་བསྒྲགས་བྱ་རྒྱུ་མིན་པ་དང་། གོམ་བགྲོད་ལས་འགུལ་དེར་མཉམ་ཞུགས་བྱེད་མཁན་བོད་མི་སུ་ཡིན་རུང་དགའ་བསུ་བྱེད་ཀྱི་ཡོད་ཀྱང་། ལས་འགུལ་དེར་ཞུཊ་འདོད་ཡོད་མཁན་དག་ངེས་པར་དུ་རང་ལོ་ ༡༨ ནས ༥༥ བར་ཡིན་དགོས་ཤིང་། གལ་སྲིད་ལོ་ཚད་ཀྱི་ཆ་རྐྱེན་ཚང་གི་མེད་ན་གོམ་བགྲོད་སྐབས་ཉིན་ཤས་ལྷག་མཉམ་ཞུགས་ཀྱི་གོ་སྐབས་སྤྲོད་ཀྱི་མེད་པ་དང་། གོམ་བགྲོད་ཐེངས་གཉིས་པའི་སྐབས་ལམ་བར་དུ་ཉེན་རྟོག་པས་བཀག་འགོག་སོཊ་བྱས་ཚེ། གོམ་བགྲོད་པས་ས་གནས་དེ་ག་རང་དུ་ཟས་བཅད་ངོ་རྒོལ་དང་ཞི་བའི་ངག་བཅད་ལས་འགུལ་བཅས་སྤེལ་རྒྱུ་དང་། ས་གནས་གང་དུ་ཀློད་ན་ས་གནས་དེ་ནས་ཞི་བའི་གོམ་བགྲོད་མགོ་བཙུགས་ཏེ་བོད་ཀྱི་ས་ཁོངས་སུ་བརྒལ་ཐབས་བྱ་རྒྱུ་སོཊ་མདོར་ན། གོམ་བགྲོད་གཉིས་པ་དེ་འཐབ་རྩོད་ཀྱི་སྟོབས་ཤུགས་ཆེ་ཤོས་སུ་ལག་ལེན་འཁེལ་ཐབས་བྱ་རྒྱུ་ཡིན་འདུག
གསལ་བསྒྲགས་དེའི་མཇུག་ཏུ་མུ་མཐུད་འཁོད་དོན། “ཞི་བའི་འཐབ་རྩོད་ཐེངས་དང་པོའི་སྐབས་གཏོང་ཕོད་དང་བོད་ཞེན་ཆེ་བའི་རྒྱལ་གཅེས་པ་ཚོས་དང་བླངས་ཐོག་ཕུལ་བའི་ཞལ་འདེབས་རྣམས། ཞི་བའི་འཐབ་རྩོད་ཐེངས་གཉིས་པའི་ཐོག་བེད་སྤྱོད་གཏོང་རྒྱུ་ཡིན། ཞི་བའི་འཐབ་རྩོད་ཐེངས་གཉིས་པའི་མཉམ་ཞུཊ་གནང་མཁན་ཚོར་ཞལ་འདེབས་ཀྱི་དངུལ་མ་རྫོཊ་པར་འགྲོ་སོང་གཏོང་ཐབས་བྱ་རྒྱུ་ཡིན། ངས་རྩོད་བཞིན་པ་འདི་བོད་མི་རིགས་ཀྱི་བདེན་པའི་འཐབ་རྩོད་ཡིན་ལ། ངས་བོད་མི་རིགས་ཀྱི་བདེན་མཐའ་བསལ་རྒྱུ་ཡོད་པར་ཡིད་ཆེས་བརྟན་པོ་བྱེད་ཀྱི་ཡོད” ཅེས་འཁོད་ཡོད།
གསར་འགོད་པས་ཚེ་བརྟན་རྡོ་རྗེ་ལཊ་སུ་བལ་ཡུལ་བཙོན་ཁང་གི་གནས་སྟངས་དང་ད་ལྟའི་གཟུཊ་གཞིའི་གནས་བབ། ༸གོང་ས་མཆོག་ལ་གཟིམ་ཆུང་མཇལ་ཁ་ཞུས་པའི་གནས་སྟངས་བཅས་ཀྱི་ཐད་བཀའ་འདྲི་ཞུས་པར། “ང་རང་དུས་ཚོད་ཐུང་ཐུང་ཞིག་གི་ནང་སྐུ་མདུན་ལ་མཇལ་ཁ་རག་ཡོད་པ་མ་གཏོཊ། སྐུ་མདུན་ཀྱིས་མ་འོངས་པར་ལས་འགུལ་འདི་འདྲ་སྤེལ་དགོས་པ་རེད་ཟེར་ནས་བཀའ་སློབ་གང་ཡང་བསྩལ་ཡོད་པ་མ་རེད། དེ་བཞིན། ངའི་ལས་འགུལ་འདི་བོད་མི་སྒེར་བ་ཞིག་གིས་བོད་མི་རིཊ་ལ་བཅངས་པའི་ལྷག་བསམ་དང་ལས་འགན་ཆཊ་ཡོད་པ་རེད་བསམ་གྱི་ཡོད་ལ། ཞི་བའི་འཐབ་རྩོད་ལས་འགུལ་འདི་ཐོག་མར་མགོ་འཛུཊ་སྐབས། ངའི་ལུས་ངག་ཡིད་གསུམ་བོད་མི་ས་ཡ་དྲུག་ལ་ཕུལ་ཡོད་ཅེས་བཤད་ཡོད། དེ་ཡིན་དུས་ང་རང་ད་བར་བཙོན་ཁང་དུ་བསྡད་ཀྱང་སེམས་ནང་དཀའ་ངལ་གང་ཡང་འཕྲད་མ་སོང་། སེམས་ལ་དཀའ་ངལ་མ་འཕྲད་ན་རང་བཞིན་གྱིས་ལུས་ལ་དཀའ་ངལ་འཕྲད་ཀྱི་མི་འདུག གོམ་བགྲོད་དང་པོའི་སྐབས་ངྷ་སའི་ཚོཊ་སྐྱིད་བཅུ་གཅིག་གི་སྐུ་ཚབ་ཀྱིས། རྒྱ་གར་ས་མཚམས་བར་མི་བརྗེ་བོ་བརྒྱབ་སྟེ་རོཊ་རམ་ཆེན་པོ་གནང་ཡོད་སྟབས། ངའི་ཞི་བའི་འཐབ་རྩོད་ཀྱི་ལས་འགུལ་སྐབས་དཀའ་ངལ་གཅིག་ཀྱང་འཕྲད་མ་སོང ” ཟེར།
ཡང་ཁོང་ལ་གཞོན་ནུ་ལྷན་ཚོཊ་ཀྱིས་ཁྱེད་ཀྱིས་རྒྱ་ནག་རྒྱལ་དར་འཕྱར་བར་ངོ་རྒོལ་བྱེད་བཞིན་པ་དེར་བསམ་ཚུལ་ཅི་ཡོད་དྲིས་པར། “ང་རང་ཟ་ཁང་མ་བྱན་གྱི་ལས་ཀ་བྱེད་པའི་བོད་མི་དཀྱུས་མ་ཞིག་ཡིན། རྒྱལ་དར་འཕྱར་བར་མ་དགའ་མཁན་དེ་ཚོར་ཁོང་ཚོར་རང་གི་ལྟ་གྲུབ་དང་རྒྱུ་མཚན་ཞིག་ཏན་ཏན་ཡོད་རྒྱུ་རེད། སྐད་ཆ་དེའི་འགན་ཁོང་ཚོས་འཁུར་དགོས་ཀྱི་རེད། ངས་དེར་ལན་རྒྱག་དགོས་པའི་རྒྱུ་མཚན་གང་ཡང་མཐོང་གི་མེད། ང་ལ་སྐད་ཆ་ངན་པ་བཤད་སོང་སྙམ་པའི་ཀུན་སློང་གང་ཡང་སྐྱེས་མ་སོང་ལ། མ་འོངས་པར་ཡང་བསམ་བློ་དེ་འདྲ་འཁོར་སྲིད་ཀྱི་མ་རེད། ངས་ལས་འགུལ་ཐོག་མར་སྤེལ་སྐབས་ནས་ང་ཚོ་རྒྱ་ནག་གི་མངའ་ཁོངས་རེད་ལབ་ནས་རྒྱལ་དར་འཁྱེར་ཡོད་པ་མ་རེད་ལ། ལོ་རྒྱུས་ཐོག་བོད་རྒྱ་ནག་གི་མངའ་ཁོངས་རེད་ཅེས་བཤད་ཡོད་པ་མ་རེད། ངས་རྒྱ་ནག་གི་རྒྱལ་དར་འཕྱར་དོན་དབུ་མའི་ལམ་དང་མ་འགལ་བའི་ཐོག་ནས། བོད་རྒྱ་ནག་ནང་ཆེས་མཐོའི་རང་སྐྱོང་བྱ་རྒྱུའི་འདོད་པ་ཡོད་ཟེར་བའི་མཚོན་བྱེད་ཡིན། དེའི་སྟབས་ཀྱིས་ངས་སྔོན་མ་རྒྱ་ནག་རྒྱལ་དར་འཕྱར་མྱོང་ལ་ད་དུང་ཡང་འཕྱར་རྒྱུ་ཡིན། གོམ་བགྲོད་ཐེངས་གཉིས་པ་རྒྱ་གར་དང་བོད་ཀྱི་ས་མཚམས་བརྒྱུད་བོད་ལ་འགྲོ་དགོས་དུས། ད་ཐེངས་བོད་དང་རྒྱ་གར། རྒྱ་ནག་རྒྱལ་དར་གསུམ་ཀ་མཉམ་དུ་འཕྱར་རྒྱུ་ཡིན་པ་ལས། བལ་ཡུལ་རྒྱལ་དར་འཕྱར་རྒྱུ་མིན། ང་རང་གིས་སྐར་ལྔའི་དར་དམར་ནི་རྒྱ་ནག་གི་དར་ཆ་ཡིན་པ་ལས་གུང་ཁྲན་དམར་ཤོག་གི་དར་ཆ་ཡིན་པར་ངོས་འཛིན་བྱེད་ཀྱི་མེད། ངས་རྒྱལ་དར་འཕྱར་བ་དེ་རྒྱ་ནག་ལ་མགོ་བཏཊ་པ་མ་རེད་ལ། ངས་བོད་མི་དམངས་ལའང་ཕོག་ཐུག་གང་ཡང་བཏང་མེད
” ཅེས་བརྗོད།
གླིང་ཚ་ཚེ་བརྟན་རྡོ་རྗེའི་ཨ་མ་ལྡོམ་པོ་སྐྱིད་ལགས་ཀྱིས་བརྗོད་ན། ཁོང་ཕ་མ་གཉིས་ཀ་ལོ་ཚད་ཀྱིས་རྐྱེན་པས་ཐེངས་འདིའི་གོམ་བགྲོད་ལས་འགུལ་ནང་ཞུཊ་རྒྱུའི་ཆ་རྐྱེན་ཚང་གི་མེད་ཀྱང་། ད་ལོའི་གསུམ་བཅུའི་དུས་དྲན་ཉིན་ནས་མགོ་འཛུཊ་ཀྱིས་དུས་ཡུན་བདུན་ཕྲག་གཅིག་རིང་ཁོང་ཕ་མ་གཉིས་བུ་ཚེ་རྡོར་ལཊ་ཀྱི་གོམ་བགྲོད་ནང་མཉམ་ཞུཊ་གནང་རྒྱུ་ཡིན་འདུག
ཕྱི་ལོ་ ༢༠༡༢ ལོའི་ཕྱི་ཟླ་ ༥ ཚེས་ ༢༣ ཉིན་བལ་ཡུལ་སྲིད་གཞུང་གིས། གླིང་ཚ་ཚེ་བརྟན་རྡོ་རྗེ་ལགས་སུ་ཁྲིམས་འགལ་གྱིས་བལ་ཡུལ་ས་ཁོངས་འཛུལ་བའི་ཉེས་འཛུཊ་ཀྱིས། ཁྱོན་ལོ་ ༥ དང་ཟླ་ ༥ རིང་གི་བཙོན་འཇུག་ཁྲིམས་ཐག་བཅད་དེ་ད་བར་ཟླ་ ༩ ལྷག་དང་། བཙོན་ཁང་དུ་ངག་བཅད་ལས་འགུལ་སྤེལ་ཏེ་ཟླ་ ༤ ཙམ་ཕྱིན་སྐབས་གཞི་ནས་བཙོན་གྲོལ་ཐོབ་ཡོད་འདུག་ལ། འདི་ནི་ཚེ་བརྟན་རྡོ་རྗེ་ལགས་ཀྱི་སྒེར་ངོས་ནས་བོད་སྐྱོད་ཞི་བའི་གོམ་བགྲོད་གནང་བ་ཐེངས་གཉིས་པ་དེ་ཆགས་ཡོད།
བོད་ཀྱི་དུས་བབ་ལས།
བོད་དོན་ཞི་བའི་འཐབ་རྩོད་པ་གླིང་ཚ་ཚེ་བརྟན་རྡོ་རྗེ་ལགས་སུ།
ལོ་སྔོན་མའི་ཞི་བའི་འཐབ་རྩོད་བརྒྱུད་རིམ་ཁྲོད་ཀྱི་གླེང་སློང་སྣ་ཚོགས་དང་། མ་འོངས་པའི་ཞི་བའི་གོམ་བགྲོད་ཐེངས་གཉིས་པ་གནང་ཕྱོགས་ཐད་ནས་བཅར་འདྲི་ཞུས་པ་ཞིག
དྲི་བ།
ཐོག་མར་ཁྱེད་རང་གི་འཚར་ལོངས་བརྒྱུད་རིམ་རོབ་ཙམ་ངོ་སྤྲོད་གནང་རོགས།
ལན།
སྤྱིར་ང་རང་ངོ་ཤེས་རྒྱུ་དེ་གལ་ཆེན་པོ་མ་རེད། ཡིན་ནའང་། ངའི་ལས་ཀ་འདི་བོད་མི་རིགས་ཀྱི་བདེན་དོན་དང་འབྲེལ་བའི་ལས་ཀ་ཞིག་ཡིན་སྟབས། ལས་མཁན་དེ་ངོ་ཤེས་ན་ལས་ཀའི་ཐད་ཕན་ཐོགས་ཡོད་སྲིད་སྟབས།
རང་ཉིད་ངོ་སྤྲོད་རགས་ཙམ་ཞུས་ཆོག ང་རང་ཕྱི་ལོ་ ༡༩༧༧ ལོར་མདོ་སྨད་བླ་བྲང་བསང་ཁོག་ཏུ་སྐྱེས་ཤིང་། ཆུང་དུས་རྫོང་སློབ་ཆུང་དུ་ལོ་ ༤
རིང་ཕྱིན་རྗེས་བླ་བྲང་དགོན་པའི་གྲྭ་བ་བྱས་ཏེ་ལོ་འགར་བསྡད་པ་ཡིན། ཕྱི་ལོ་ ༡༩༩༥ ལོར་རྒྱ་གར་ཏུ་འབྱོར་བ་རེད། དེ་ནས་ཕྱི་ལོ་ ༢༠༠༨
བར་གཞན་གྱི་ལག་འོག་ཏུ་མ་བྱན་དང་ནང་གཙང་མ་བཟོ་མཁན་སོགས་གཡོག་ལས་རྐྱང་བྱས་བསྡད་པ་ཡིན། རྗེས་སུ་ཨེ་སི་རལ་གྱི་བུ་མོ་ཞིག་དང་མཉམ་དུ་དགའ་བོ་ཆགས་ཏེ། ཕར་ཕྱིན་ནས་ལོ་ ༣ ལྷག་རིང་བྱིས་པ་གཉིས་ཀྱི་ཨ་ཕ་ཆགས་སོང་།
ད་སྐབས་བྱིས་པ་གཉིས་ལས་བུ་མོ་ལོ་གསུམ་དང་བུ་ལོ་གཉིས་རེད། ངའི་ལོ་རྒྱུས་མདོར་བསྡུས་དེ་འདྲ་ཞིག་རེད།
དྲི་བ།
ཞི་བའི་ལས་འགུལ་འདི་སྤེལ་རྒྱུའི་ཐོག་མིའི་བསམ་འདུན་ཇི་ལྟར་འཁོར་བ་ཡིན།
ལན།
སྤྱིར་མི་དེས་ལས་ཀ་ཅི་ཞིག་བྱེད་ཀྱི་ཡོད་མེད་དེ་མི་མང་གིས་ཤེས་རྒྱུ་གལ་ཆེན་པོ་རེད། ཉེ་སྔོན་ང་རང་བཙོན་ཁང་ནང་ཡོད་དུས། སོ་སོའི་ལོ་ངོ་ཉི་ཤུའི་བསམ་བློའི་བརྒྱུད་རིམ་དང་འབྲེལ་བའི་རྩོམ་ཡིག་ཅིག་བྲིས་ཡོད།
ག་ལེར་དྲ་ཐོག་ཏུ་འདོན་དགོས་དྲན་ཡོད། སོ་སོ་མི་རིགས་ཀྱི་འཐབ་རྩོད་ནང་ཞུགས་རྒྱུ་དེ་གློ་བུར་དུ་དྲན་པ་ཞིག་མ་རེད། ཕྱི་ལོ་ ༡༩༩༣ ནས་བཟུང་བྱུང་བ་ཞིག་ཡིན། དེ་དུས་ང་རང་གྲྭ་བ་རེད། ༡༩༨༩
ལོར་ལྷ་སའི་གཙུག་ལག་ཁང་དུ་རྒྱ་དམག་གིས་བཙན་གནོན་བྱེད་ཀྱིན་པའི་གློག་བརྙན་ཞིག་ལ་ལྟ་རྒྱུ་བྱུང་། སྐབས་དེ་ནས་བཟུང་མ་འོངས་པར་ངས་འདི་བྱེད་དགོས་ཀྱི་འདུག་སྙམ་པའི་དམ་བཅའ་ཞིག་རང་བཞིན་གྱིས་སེམས་ལ་འཁོར་སོང་།
དེར་བརྟེན། འདས་པའི་ལོ་ངོ་ཉི་ཤུའི་བརྒྱུད་རིམ་ནང་ཚོར་བ་དང་ཉམས་མྱོང་བསགས་མཐར་ཐག་གཅོད་འདི་བྱས་པ་ཡིན།
དྲི་བ། ལོ་སྔོན་མར་ཞི་བའི་གོམ་བགྲོད་ཀྱི་བརྒྱུད་རིམ་ཁྲོད།
ཁྱེད་རང་ལ་དམིཊ་བསལ་གྱི་དཀའ་ངལ་དང་སེམས་ཚོར་ག་རེ་བྱུང་སོང་།
ལན།
མི་ཞིག་ཡིན་པའི་ཆ་ནས་དགའ་སྐྱོའི་ཚོར་བ་ཏན་ཏན་ཡོད་པ་རེད། ཡིན་ནའང་། ད་ལྟའི་ཆར་སོ་སོར་དཀའ་ངལ་ཞིག་འཕྲད་སོང་སྙམ་པའི་བསམ་བློ་མི་འདུག ངས་གཞི་ནས་ཞི་བའི་འཐབ་རྩོད་ཀྱི་མགོ་བཙུགས་པ་ཙམ་རེད།
བྱིས་པ་ཞིག་ལ་དཔེ་བཞག་ན། ཟླ་དགུ་དང་ཞག་བཅུར་ཁོག་ལ་འཁུར་རྗེས་བཙས་པ་རེད། གཞི་ནས་འཚར་ལོངས་འབྱུང་རྒྱུ་བསྡད་ཡོད། དེ་འདྲ་ཞིག་ལ་སྐྱེས་པའི་སྡུག་བསྔལ་ཅི་འདྲ་ཡིན་མིན་དྲིས་ཚེ།
བྱིས་པ་དེས་ཁོ་རང་གི་སྐྱེས་པའི་སྡུག་བསྔལ་བཤད་ཤེས་ཀྱི་མ་རེད། སྤྱིར་བཏང་ང་རང་ལ་སྡུག་བསྔལ་ཡོད་པའི་དབང་དུ་བཏང་ཡང་། སྡུག་བསྔལ་དེ་འདི་འདྲ་ཞིག་རེད་ཅེས་སྤྱི་ཚོགས་སྒང་འགྲེལ་བཤད་རྒྱག་འདོད་མི་འདུག རྒྱུ་མཚན།
སོ་སོ་རང་ངོས་ནས་སེམས་ཐག་གཙང་བཅད་བྱས་ཡོད་སྟབས། བྱ་བ་ཅི་ཞིག་མགོ་ཐོག་ཏུ་བབས་ཀྱང་འགན་རང་འཁུར་བྱ་རྒྱུའི་དམ་བཅའ་ཡོད། ཆོད་སེམས་དང་སྤོབས་པ་དེའི་འོག་ནས་ད་སྔ་ལུས་སེམས་གཉིས་ཀར་དཀའ་ངལ་གང་ཡང་མི་འདུག
མ་འོངས་པར་དཀའ་ངལ་ཡོང་སྲིད་པ་རེད། ཡིན་ནའང་། མ་འོངས་པའི་དཀའ་ངལ་དེ་དག་ལ་སོ་སོའི་ངོས་ནས་སྔ་ས་ནས་ཚེ་སྲོག་ཡན་ཆད་གཏའ་མར་བཞག་སྟེ་སྒུག་བསྡད་ཡོད།
དྲི་བ། བལ་ཡུལ་གཞུང་གིས་ཁྱེད་རང་བཙོན་འཇུག་བྱས་དོན།
ཁྱེད་ཀྱིས་བལ་གཞུང་གི་དགོས་འདུན་ངོས་ལེན་གནང་མ་ཐུབ་བའི་སྐོར་དེ་བོད་པའི་སྤྱི་ཚོགས་ཁྲོད་གསལ་ཁ་བྱུང་ཡོད་པ་མ་རེད། དེའི་སྐོར་ངོ་སྤྲོད་ཅིག་གནང་རོགས།
ལན།
གཙོ་བོ་ལག་ཁྱེར་མེད་པར་ཁོ་ཚོའི་རྒྱལ་ཁབ་ནང་འཛུལ་བའི་ཉེས་འཛུགས་འོག་འཛིན་བཟུང་བྱས་པ་རེད། དེ་ནས་རྒྱུ་མཚན་གསུམ་གྱི་ཐོག་ནས་ང་ད་བར་བཙོན་འཇུག་བྱས་པ་རེད། དེ་དག་ནི་དང་པོ། ང་ལ་ཉེས་ཆད་བལ་སྒོར་ཁྲི་ ༥
སྤྲོད་དགོས་ཟེར། སྐབས་དེར་ངས་ཁོང་ཚོར་ཅི་ཞིག་ལ་སྤྲོད་དགོས་ཀྱི་ཡོད་མེད་དྲིས་པ་ཡིན། གཉིས་པ། ཁོ་ཚོས་ངའི་མི་རིགས་ལ་མཐོང་ཆུང་བྱས་པ་རེད།
མི་རིགས་ལ་མཐོང་ཆུང་གི་སྐད་ཆ་དེ་ངས་འཁུར་ཐུབ་མ་སོང་། གསུམ་པ། ད་ནས་བཟུང་ང་ལ་ཞི་བའི་གོམ་བགྲོད་དང་བོད་དོན་ཆེད་ལས་ཀ་ལས་ཆོག་གི་མེད་པའི་ཡི་གེའི་སྟེང་མིང་རྟགས་འགོད་དགོས་ཟེར།
དོན་ཚན་དེ་གསུམ་ལས་བོད་དོན་ཞི་བའི་གོམ་བགྲོད་བྱེད་མི་ཆོག་ཟེར་བ་དང་། གཉིས་པ་ང་རང་མི་སྒེར་ལ་མཐོང་ཆུང་བྱས་ན་མི་སྐྱོན་མོད།
བལ་གཞུང་གི་ཚད་མཐོའི་ལས་བྱེད་ཅིག་གིས་ངའི་མི་རིགས་ལ་མཐོང་ཆུང་བྱས་པ་དེ་གཉིས་དང་ལེན་བྱེད་ཐུབ་མ་སོང་། དེ་བཞིན། ལག་ཁྱེར་མེད་པའི་ཐད་ཁྲིམས་ཐོག་ནས་བལ་སྒོར་ཁྲི་ ༥ ཡི་ཆད་པ་འབབ་ཀྱི་མེད་སྟབས།
ང་རང་ཁྲིམས་ཁང་ནས་ཐེངས་ ༣ ལ་ཁྲིད་དེ་ཐག་གཅོད་བྱེད་གྲབས་ཀྱི་མཚམས་དེར། ལག་ཁྱེར་ཞིབ་བཤེར་ཁང་གིས་ཐག་གཅོད་བྱས་ཟིན། ཁྲིམས་ཁང་གི་ཐག་གཅོད་མིན་ཟེར་བས། ངས་དེ་ངོས་ལེན་བྱས་མེད།
ཁོ་ཚོས་ང་ལ་དེ་དག་ངོས་ལེན་མ་བྱས་ན་བཙོན་ཁང་ནང་འགྲོ་དགོས་ཟེར། དེ་ནས་ངས་ལམ་ཁ་དེ་བདམས་པ་ཡིན།
དྲི་བ།
ཁྱེད་རང་བལ་གཞུང་བཙོན་ཁང་ནས་ཆ་རྐྱེན་གང་འདྲ་ཞིག་གི་འོག་ནས་བཙོན་གྲོལ་ཐོབ་པ་ཡིན་ནམ།
ལན།
ང་རང་བཙོན་དུ་བཅུག་རྗེས། ཕྱི་ལོགས་ནས་རྒྱལ་སྤྱིའི་ཚོགས་སྡེ་དང་མི་སྒེར་མང་པོས་ང་རང་ཕྱིར་འདོན་རྒྱུར་རོགས་རམ་གནང་ཡོང་དུས། ཉེས་ཆད་ཀྱི་དངུལ་འབོར་ཡང་རིམ་པས་ཡར་འཕར་བ་མ་ཟད།
མུ་མཐུད་ཞི་བའི་གོམ་བགྲོད་བྱེད་མི་ཆོག་པའི་དགོས་འདུན་དེ་ངེས་པར་དུ་ཁས་ལེན་དགོས་ཟེར། ངས་ཆ་རྐྱེན་དེ་ངོས་ལེན་མ་བྱས་པར་ཟླ་བ་མང་པོ་ཕྱིན་འགྲོ་དུས། ཚོགས་པ་མང་ཞིག་ཕྱི་བཤོལ་མི་བྱེད་རང་བྱེད་ཆགས་སོང་བ་རེད།
དེའི་རྗེས་ངས་བཙོན་ཁང་ནང་ཞི་བའི་ངག་བཅད་བྱས་པ་ཡིན། མཐའ་མ་དེར་དོན་ལྡན་གཙོས་བལ་ཡུལ་གྱི་མི་སྣ་ལྷག་བསམ་ཅན་མང་པོ་ཞིག་གིས། གལ་སྲིད་ཁྱོད་ཀྱིས་ས་རྟགས་དེ་གཉིས་རྒྱག་མ་དགོས་པར།
དངུལ་གྱི་ཉེས་པ་འཁུར་བཞག་པ་ཡིན་ན་ཀློད་གྲོལ་གཏོང་ཐུབ་ཀྱི་འདུག་ཟེར། མཐར་ཁྲིམས་རྩོད་པ་ཁྲིད་ཡོང་སྟེ་དོན་དག་དེ་ཐག་བཅད་པ་རེད། ཐག་གཅོད་དེའི་སྒང་ལ་ངས་ས་རྟགས་བརྒྱབ་པ་ཡིན།
དེ་ནས་ལག་ཁྱེར་ཞིབ་བཤེར་ཁང་དུ་ཡོང་དུས། ཡང་བསྐྱར་ཁོ་ཚོས་ང་ལ་ཁྱོད་ཕྱིར་རྒྱ་གར་ལ་འགྲོ་རྒྱུ་ཁས་ལེན་དགོས་ཟེར། དེ་ངས་ཁས་ལེན་བྱས་རྗེས་ཀློད་གྲོལ་བཏང་སོང་།
དྲི་བ།
བལ་ཡུལ་བཙོན་ཁང་ནང་སྡོད་སྐབས་ཁྱེད་ཀྱིས་ཞི་བའི་ངག་བཅད་གནང་དགོས་དོན་གང་ཡིན་ནམ།
ལན། དེ་ལ་རྒྱུ་མཚན་གཉིས་ཡོད།
འགྲོ་བ་མིའི་ཐོབ་ཐང་གི་སྒང་ནས་བཤད་ན། སྨྲ་བརྗོད་རང་དབང་བཀག་འགོག་བྱས་པ་དང་སྨྲ་བརྗོད་རང་དབང་མ་སྤྲད་པ་དེ་མཚོན་པ་དང་།
ཕྱོགས་གཞན་ཞིག་ནས་སོ་སོ་མི་རིགས་ཀྱི་འཐབ་རྩོད་པ་ཞིག་ཡིན་པའི་ངོས་ནས། བཙོན་ཁང་ནང་བོད་ནང་ཞི་བའི་མེ་ལྕེ་འབར་ཤུགས་ཆེ་རུ་འགྲོ་བཞིན་པའི་གསར་འགྱུར་མཐོང་སྐབས།
བཙོན་ཁང་ནང་ལས་དོན་ག་རེ་བསྒྲུབ་ཐུབ་ཀྱི་འདུག་ཟེར་ན། བོད་མི་རིགས་ནི་ཚེ་འདི་ཕྱི་གཉིས་ཀ་ཁས་ལེན་མཁན་ཞིག་ཡིན་པའི་ཆ་ནས། ངས་བཙོན་ཁང་ནང་ངག་བཅད་ལས་འགུལ་སྤེལ་རྒྱུ་དེ་ཐབས་ལམ་ཡག་ཤོས་སུ་མཐོང་སོང་།
དྲི་བ།
ཁྱེད་ཀྱིས་ཞི་བའི་གོམ་བགྲོད་སྐབས་རྒྱ་ནག་གི་རྒྱལ་དར་འཕྱར་བ་དེའི་ཐད་ནས། བོད་པའི་སྤྱི་ཚོགས་ནང་གླེང་སློང་སྣ་ཚོགས་ཤིག་བྱུང་ཡོད་པ་རེད།
ཁྱེད་ཀྱིས་སྐར་མ་ལྔ་ཅན་གྱི་དར་ཆ་དེར་ངོས་འཛིན་ཅི་འདྲ་ཞིག་གནང་གི་ཡོད་དམ།
ལན། རྒྱ་ནག་གི་རྒྱལ་དར་ཟེར་ན་རེད།
ངས་དེའི་མིང་ལ་ཀྲུང་གོའི་རྒྱལ་དར་ལས་རྒྱ་ནག་གི་རྒྱལ་དར་རྗོད་ཀྱི་མེད། རྒྱ་ནག་གི་རྒྱལ་དར་ལབ་ན་མི་རིགས་གཅིག་གི་དར་ཆ་ཆགས་འགྲོ་བ་རེད། དེང་སང་དབྱིན་ཡིག་སྒང་ཆཱ་ཨེ་ནཱ་(China)ཟེར་བ་དེ་རྒྱ་ནག་མི་རིགས་གཅིག་པུར་མ་གཏོགས་གོ་ཐུབ་ཀྱི་མེད། རྒྱ་སྐད་སྟེང་ནས་ཀྲུང་གོ་ཞེས་པ་དེས་མི་རིགས་མང་པོ་འདུས་བསྡད་པའི་རྒྱལ་ཁབ་ཅིག་མཚོན་གྱི་ཡོད།
དེའི་དར་ཆ་རྒྱ་མི་རིགས་གཅིག་པུར་དབང་བ་ཞིག་མ་རེད། ཡང་མི་རེ་ཟུང་གིས་གུང་ཁྲན་ཏང་གི་དར་ཆ་རེད་ཟེར་གྱི་འདུག ངས་དེའང་ངོས་ལེན་བྱེད་ཀྱི་མེད།
ངས་བོད་མི་རིགས་འདི་ལོ་རྒྱུས་སྟེང་རྒྱ་ནག་གི་དར་ཆའི་འོག་རེད་ཟེར་གྱི་མེད་ལ། བོད་སྔོན་མ་ནས་རྒྱལ་ཁབ་རང་བཙན་མེད་པ་ཞིག་རེད་དེ་བས་ཀྱང་ཟེར་གྱི་མེད།
མ་འོངས་པ་ན་དར་ཆ་གཅིག་གི་འོག་ནས། དབུ་མའི་ལམ་བརྒྱུད་དེ་ཆེས་མཐོའི་རང་སྲིད་རང་སྐྱོང་བྱ་རྒྱུའི་ངོས་ལེན་དང་།
ང་བོད་མི་སྒེར་བ་ཞིག་གི་ངོས་ནས་དབུ་མའི་ལམ་ལ་ཡིད་ཆེས་གཙང་མ་ཡོད་པ་ཀྲུང་གོའི་སྲིད་གཞུང་ལ་སྔོན་བརྡ་སྟོན་གྱི་ཡོད།
དྲི་བ།
ཁྱེད་ཀྱིས་རྒྱ་དམར་གྱི་རྒྱལ་དར་དེ་ངྷ་ས་ནས་མ་འཁྱེར་པར་ལྡི་ལི་ནས་འཕྱར་མགོ་བརྩམས་པའི་ཐོག་མི་མང་པོ་ཞིག་གིས་གཞན་གྱི་བརྒྱུད་སྐུལ་བྱས་བར་དོགས་པ་བྱེད་མཁན་ཡོད་པའི་ཐད་གསལ་བཤད་འདྲ་ཡོད་དམ།
ལན།
དེ་ནི་དྲན་མཁན་དང་བཤད་མཁན་ཁོང་ཚོའི་དོགས་པ་རྣམ་རྟོག་རང་རེད། སྤྱིར་དྲན་མཁན་ཚོས་ག་རེ་ཡིན་ཡང་དྲན་ཆོག་གི་རེད་ལ། བཤད་མཁན་དེ་ཚོས་ཀྱང་ག་རེ་ཡིན་ཡང་བཤད་ཆོག་གི་རེད། འོན་ཀྱང་།
ད་ལྟའི་དུས་ཚོད་འདིར་བཤད་མཁན་གྱིས་སོ་སོའི་སྐད་ཆར་བདག་པོ་རྒྱག་རྒྱུ་གལ་ཆེན་པོ་རེད། ང་རང་སྒེར་ངོས་ནས་དམིགས་བསལ་ཞུ་རྒྱུ་གང་ཡང་མེད། ང་ལ་སྐྱོན་བརྗོད་བྱས་སོང་བསམ་པའི་སྣང་བ་རྣམ་རྟོག་ཀྱང་མེད།
ངས་ཀྲུང་གོའི་རྒྱལ་དར་འཕྱར་རྒྱུའི་གྲ་སྒྲིག་སྔོན་མ་ནས་ཡོད། ཡིན་ནའང་བཞུགས་སྒར་ནས་ཀྲུང་གོའི་རྒྱལ་དར་མ་ཁྱེར་བའི་རྒྱུ་མཚན་ནི། ངའི་ལས་འགུལ་འདི་ལ་བར་ཆད་ཡོང་གི་རེད་བསམ་པ་ཡིན། ངས་སྔོན་མ་ནས་བཤད་ཡོད།
ངའི་ལས་འགུལ་འདི་ཞི་བའི་འཐབ་རྩོད་ཡིན། ཞི་བའི་འཐབ་རྩོད་ནང་རིམ་པ་མང་པོ་ཡོད། ཞི་བའི་གོམ་བགྲོད་དང་ཞི་བའི་ངག་བཅད། ཞི་བའི་ཐོག་ནས་རྩོམ་ཡིག་སྤེལ་རྒྱུ་སོགས་ཡོད།
ཞི་བའི་འཐབ་རྩོད་ཀྱི་མདོ་རྩ་དེད་ན་སོ་སོའི་མི་ཚེ་ནང་གི་བློས་གཏོང་དང་དམ་བཅའ་བརྟན་པོ་ཞིག་དགོས་པ་དེ་ཡིན། འདི་ངའི་ཚེ་སྲོག་མཇུག་མ་སྒྲིལ་བར་མུ་མཐུད་གནས་རྒྱུ་རེད།
ཀྲུང་གོའི་རྒྱལ་དར་ཁྱེར་མ་ཁྱེར་གྱི་གླེང་གཞི་དེ་ནི། ང་རང་ཉིད་ལ་མཚོན་ན་གནད་འགག་ཆེན་པོ་ཞིག་ལ་མཐོང་གི་མེད། ཞི་བའི་འཐབ་རྩོད་འདི་མགོ་ནས་མཇུག་བར་དུ་བསམ་བློ་གཏོང་མཁན་ང་རང་ཉིད་ཡིན་ལ།
མགོ་རྩོམ་མཁན་ཡང་ང་རང་ཉིད་ཡིན། དེ་མི་གཞན་སུ་ལའང་འབྲེལ་བ་མེད། དེའི་ནང་བརྒྱུད་སྐུལ་རིགས་རྩ་བ་ནས་མེད། གཉིས་ནས། ངས་ཀྲུང་གོའི་དར་ཆ་ཁྱེར་བ་ལ་བརྟེན་ནས་ངའི་ཞི་བའི་གོམ་བགྲོད་ནང་།
མི་མང་མཉམ་ཞུགས་བྱས་མ་སོང་ཟེར་བའི་སྐད་ཆ་ཞིག་ཡོང་གི་ཡོད་པ་དེ་རྩ་བ་ཉིད་ནས་བདེན་པ་མ་རེད། དཔེར་ན། ངྷ་རམ་ས་ལ་ནས་ཀྲུང་གོའི་རྒྱལ་དར་ཁྱེར་ཡོད་པ་མ་རེད།
སྐབས་དེ་དུས་ནས་ངེད་མ་བུ་གསུམ་ལ་ཁ་བཏགས་ཀྱི་ལམ་འཇུག་ཙམ་ལས། གཞན་སུ་ཡང་མཉམ་ཞུགས་བྱས་ཡོད་པ་མ་རེད། དེས་ར་སྤྲོད་བྱེད་ཐུབ་ཀྱི་འདུག
དྲི་བ།
ཁྱེད་ཀྱིས་ཞི་བའི་གོམ་བགྲོད་སྐབས་རྒྱ་དམར་གྱི་རྒྱལ་དར་འཕྱར་བའི་དབང་གིས། བཙན་བྱོལ་སྤྱི་ཚོགས་ནང་ཁྱེད་ལ་སྐྱོན་བརྗོད་བྱེད་མཁན་བྱུང་པ་དེར་སེམས་ཚོར་ག་རེ་བྱུང་སོང་།
ལན། སྤྱི་ཚོགས་ཤིག་ཡིན་དུས་བསམ་བློ་དང་ནུས་པ།
ཉམས་མྱོང་མ་འདྲ་བ་ཡོད། དེ་བཞིན། མི་སོ་སོར་མི་རིགས་ལ་བཅངས་པའི་བསམ་བློའི་འཛིན་སྟངས་དང་ལྟ་བ་འཁྱེར་སྟངས་མ་འདྲ་བ་ཡོང་ངེས་རེད།
ཁོ་ཚོས་རང་མི་རིགས་ལ་བཅངས་པའི་ལྷག་བསམ་ལ་རྨ་མེད་པ་ངས་ཡིད་ཆེས་བྱེད་ཀྱི་ཡོད། “ཤ་ཚ་བའི་ཁ་ན་གཏམ་སྙན་པོ་མེད” ཞེས་པ་དེ་ཡིན་རྒྱུ་རེད། ང་རང་ངོས་ནས་ཚད་མཐོའི་མི་རིགས་འདྲ་མཉམ་གྱི་ལྟ་བ་ཞིག་གི་སྒང་ནས། ༸རྒྱལ་བ་རིན་པོ་ཆེ་མཆོག་གིས་བསྟན་བཞག་པའི་དབུ་མའི་ལམ་ཁ་འདིའི་ནང་འགྲོ་བཞིན་ཡོད།
ཁོང་ཚོའི་སྐད་ཆ་དེས་ང་ལ་གནོད་དགོས་པ་དང་འགོག་རྐྱེན་ཐེབས་དགོས་པ་གང་ཡང་ཡོད་པ་མ་རེད་ལ། ངས་ཀྱང་ཁོ་ཚོའི་འབོད་སྐུལ་དེ་དག་ལ་ངོ་རྒོལ་བྱས་བཞག་པ་ཞིག་ནམ་ཡང་དྲན་གྱི་མི་འདུག
དྲི་བ།
བོད་ནང་རང་ལུས་མེར་བསྲེགས་མཚམས་འཇོག་གི་འབོད་སྐུལ་གནང་རྒྱུའི་ཐོབ་ཐང་ཡོད་མེད་ཐད་གླེང་སློང་སྣ་ཚོགས་ཡོང་གི་ཡོད་པ་རེད། ཁྱེད་རང་བོད་དོན་ལས་འགུལ་བ་ཞིག་གི་ངོས་ནས་དགོངས་ཚུལ་གང་ཡོད།
ལན།
ཞི་བའི་མེ་ལྕེ་འབར་སྟངས་དེ་མཚམས་འཇོག་དགོས་མིན་གྱི་སྐད་ཆ་བཤད་པའི་ཐོབ་ཐང་ཡོད་ངས་ཀྱང་བཤད་ཤེས་ཀྱི་མེད། ཡིན་ནའང་། མི་མང་པོ་ཞིག་གིས་བཤད་རྒྱུ་དཀའ་ལས་ཁག་པོ་རེད་ཟེར་ནས་ལས་སླ་བོས་ཕར་གཡུགས་བཞག་ཡོད་པ་རེད།
ང་ལ་མཚོན་ན་དེའི་ཐད་ཀྱི་འབོད་སྐུལ་ནི་རང་ཉིད་ཀྱིས་འཐབ་རྩོད་བྱེད་བཞིན་པ་འདི་ཡིན།
བོད་ནང་ཞི་བའི་མེ་ལྕེ་འབར་སྟངས་ཀྱི་རྒྱུ་རྐྱེན་ཆ་ཚང་རྒྱ་གཞུང་གི་དབང་སྒྱུར་དང་བཙན་གནོན་ལ་བརྟེན་ནས་བྱུང་བ་ཡིན་ནའང་། ངས་བསམ་ན་བོད་ནང་གི་དཀའ་ངལ་དེ་འགོག་རྒྱུའི་འགན་དེ།
ཀྲུང་གོའི་སྲིད་གཞུང་གཅིག་པུའི་སྒང་གཡུགས་བཞག་ན་དེ་ནི་འགན་མ་འཁུར་བའི་རྟགས་རེད་སྙམ། དམིགས་བསལ་གྱིས་བཙན་བྱོལ་རང་དབང་ལུང་པར་ཡོད་པའི་བོད་མི་ཚང་མར་འགན་ཡོད་པ་རེད།
དེ་རིང་འབྱུང་བཞིན་པའི་གནས་ཚུལ་དེ་དག་བོད་པ་མི་རེ་ངོ་རེ་སྡོད་ཡུལ་གྱི་རྒྱལ་ཁབ་ཁག་གི་གཞུང་ཚབ་ལ་ཞུ་གཏུག་ཞུ་ཆོག་གི་རེད།
ནམ་རྒྱུན་ཉིན་གཅིག་གཉིས་རིང་སྐད་འབོད་དང་མར་མེ་ཁྲོམ་སྐོར་ཙམ་བྱས་པའི་ཕན་ཆེན་པོ་ཐོགས་རྒྱུ་མ་རེད། ཤི་བོ་རྣམས་ཀྱི་ཁ་ཆེམས་ནི་༸རྒྱལ་བ་རིན་པོ་ཆེ་བོད་ལ་ཕེབས་རྒྱུ་དང་། བོད་ལ་རང་དབང་དགོས་པ་དེ་རེད།
དེ་ལ་ཕྱི་ནང་གཉིས་ཀྱི་མཐུན་རྐྱེན་ཞིག་འཛོམས་དགོས། ཞི་བའི་མེ་ལྕེ་འབར་མཚམས་འཇོག་ཐུབ་མིན་གྱི་འགན་ཕྱོགས་གཉིས་གར་ཡོད།
དྲི་བ།
ཁྱེད་ཀྱིས་ཞི་བའི་གོམ་བགྲོད་ཐེངས་གཉིས་པ་དེ་བསྐྱར་དུ་གནང་རྒྱུའི་གསལ་བསྒྲགས་སྤེལ་ཟིན་པ་རེད།
གོམ་བགྲོད་ཐེངས་གཉིས་པའི་སྐབས་སྔར་དང་མ་འདྲ་བའི་འགྱུར་བ་དེ་འདྲ་སོང་ཡོད་དམ།
ལན།
ཞི་བའི་འཐབ་རྩོད་ཐོག་འགྱུར་བ་གང་ཡང་ཕྱིན་མེད། ད་རེབ་བལ་ཡུལ་བརྒྱུད་རྒྱུ་མིན། ཐེངས་སྔོན་མར་གོམ་བགྲོད་ནང་ཞུགས་མཁན་ཡོད་ན་ཞུགས་རོགས་ཞེས་ལབ་མེད། ད་ཐེངས་གསལ་བསྒྲགས་ནང་ཚིག་དེ་བཞག་ཡོད།
དེའི་རྒྱུ་མཚན་ཐེངས་སྔོན་མར་མི་མང་པོ་ཞིག་གིས་ངས་གསལ་བསྒྲགས་བྱས་མ་སོང་ཟེར་གྱི་འདུག ཡིན་ནའང་གོམ་བགྲོང་ནང་ཞུགས་མཁན་ཚོར་ལོ་ཡི་ཚད་བཀག་བཟོས་ཡོད། ལོ་ ༥༥ མན་དང་ལོ་ ༡༨
ཡན་ནི་འཛམ་གླིང་ཐོག་ལས་ཀ་བྱས་ན་ཁྲིམས་མཐུན་ཆགས་ཡོད། ང་ལ་སྔོན་མ་ཞི་བའི་གོམ་བགྲོད་སྐབས་ཞལ་འདེབས་རག་བསྡད་པ་དེ་དག་གིས་འདང་ཚད་ལ་བེད་སྤྱོད་གཏོང་རྒྱུ་ཡིན།
ག་དུས་རྫོགས་ན་སྐབས་མཚམས་སོ་སོར་ཐག་གཅོད་བྱ་རྒྱུ་ཡིན། ལམ་བར་དུ་གང་ཞིག་ནས་བཀག་འགོག་བྱས་ན། ས་དེ་ནས་མ་ཀློད་བར་ཞི་བའི་ཟས་བཅད་དང་ངག་བཅད་བྱ་རྒྱུ་ཡིན། གསལ་བོར་མཁྱེན་དགོས་པ་ཞིག་ལ།
ངའི་ཞི་བའི་འཐབ་རྩོད་དང་ཞི་བའི་གོམ་བགྲོད་གཉིས་འདྲ་གི་མ་རེད། ཞི་བའི་འཐབ་རྩོད་ལ་མི་ཚེ་དམ་བཅའ་དང་བློ་གཏོང་གཉིས་ཀ་དགོས་ཀྱི་ཡོད།
དྲི་བ།
གོམ་བགྲོད་སྔ་མའི་སྐབས་རྒྱ་ནག་གི་རྒྱལ་དར་འཕྱར་བའི་ཐད་སྐྱོན་བརྗོད་བྱེད་མཁན་དག་ལ་གསལ་འདེབས་འདྲ་ཞུ་རྒྱུ་ཡོད་དམ།
ལན།
སྤྱིར་བཏང་ང་རང་ངོས་ནས་བོད་མི་རིགས་ཀྱི་ནང་ཁུལ་དུ་ང་ལ་དགྲ་ཡོད་བསམ་པའི་བློ་དེ་ནམ་ཡང་མེད། དེར་བརྟེན་དམིགས་བསལ་ཁོང་ཚོར་སྐད་ཆ་བཤད་རྒྱུ་གང་ཡང་མེད། ཡིན་ནའང་།
མ་འོངས་པར་བཤད་མཁན་དེ་ཚོས་སོ་སོའི་ལག་ནས་གང་ལས་པ་དང་ཁ་ནས་གང་བཤད་པ་དེས་སྤྱི་ཚོགས་ཁྲོད་ནུས་པ་ག་རེ་འཐོན་གྱི་ཡོད་མེད་དང་། དེས་བོད་མི་རིགས་ལ་ཞབས་འདེགས་ཅི་ཞིག་ཞུ་ཐུབ་ཀྱིན་ཡོད་མེད།
བོད་མི་རིགས་ཀྱི་རྡོག་རྩ་གཅིག་སྒྲིལ་གྱི་དམ་ཚིག་དང་མཐུན་མི་མཐུན་སོགས་ལ། སོ་སོ་རང་ངོས་ནས་བསམ་བློ་ཞིབ་མོ་ཞིག་གཏོང་རྒྱུ་གལ་ཆེན་པོ་རེད།
ང་ལ་མུ་མཐུད་དུ་ནག་ཅན་དང་བསྟན་དགྲ་སོགས་ག་རེ་ལབ་ཀྱང་སྐྱོན་མི་འདུག དེ་འདྲ་ཞིག་གིས་སྐྱོན་སོང་བ་ཡིན་ན། ངས་རང་ཉིད་བོད་མི་ས་ཡ་དྲུག་གི་བུ་ལ་ལངས་རྒྱུ་ཡིན་ཞེས་ནམ་ཡང་ཤོད་ཀྱི་མ་རེད།
ངའི་ལུས་ངག་ཡིད་གསུམ་པོ་མ་རྫོགས་པར་དུ་ངས་ལས་ཀ་དེ་མུ་མཐུད་ནས་ལས་རྒྱུ་ཡིན། ང་རང་ཡང་བོད་མི་ས་ཡ་དྲུག་གི་ནང་ནས་བོད་མི་དཀྱུས་མ་གཅིག་ཡིན་སྟབས།
བོད་མི་དཀྱུས་མ་ཞིག་གི་འགན་དེ་སོ་སོས་འཁྱེར་ཐུབ་ཚད་ཅིག་ཁུར་ནས་འགྲོ་གི་ཡོད། དེ་ནི་ངའི་འབོད་སྐུལ་ཡིན།
གསར་འགོད་པ། ཚེ་རིང་རྒྱལ
དེ་རིང་ཕྱི་ཚེས་ ༡༦ ཉིན་གྱི་སྔ་དྲོའི་ཆུ་ཚོད་ ༡༡ སྟེང་ཞི་བའི་འཐབ་རྩོད་པ་རྩོམ་པ་པོ་གླིང་ཚ་ཚེ་བརྟན་རྡོ་རྗེ་ལགས་སུ་བཞུགས་སྒར་ཕོ་བྲང་དུ་༸གོང་ས་མཆོག་གི་གཟིམ་ཆུང་མཇལ་ཁ་བསྩལ་ཡོད་པ་དང་།
དུས་དེ་དང་མཉམ་དུ་ཁོང་གིས་དེ་སྔོན་ནས་ངག་བཅད་གནང་བཞིན་ཡོད་པ་དེའང་གྲོལ་དུ་བཅུག་ཡོད་འདུག སང་ཉིན་སྔ་དྲོའི་ཆུ་ཚོད་ ༡༡སྟེང་ཚེ་བརྟན་རྡོ་རྗེ་ལཊ་ཀྱིས་ངྷ་ས་མེག་གྷན་ཆོལ་གསུམ་ཆིག་སྒྲིལ་ཚོཊ་ཁང་དུ། ཁོང་གི་བལ་ཡུལ་བཙོན་ཁང་གི་གནས་སྟངས་དང་མ་འོངས་པར་ཞི་བའི་འཐབ་རྩོད་ལས་འགུལ་སྤེལ་ཕྱོཊ་ཐོག་གསར་འགོད་ལྷན་ཚོཊ་ཤིག་བསྐང་རྒྱུ་ཡིན་འདུག
བལ་ཡུལ་གཞུང་གིས་གླིང་ཚ་ཚེ་བརྟན་རྡོ་རྗེ་ལཊ་སུ་དུས་ཡུན་མི་ལོ་ ༥ ལྷག་གི་བཙོན་འཇུག་ཁྲིམས་ཐག་བཅད་དེ་ད་བར་ཟླ་ ༩ ཙམ་ཕྱིན་ཡོད་དང་།
འདས་པའི་ཟླ་གསུམ་ཙམ་གྱི་གོང་ནས་བཟུང་ཁོང་གིས་བཙོན་ཁང་དུ་ཞི་བའི་ངག་བཅད་ལས་འགུལ་སྤེལ་ཡོད་འདུག བལ་ཡུལ་གནས་སྡོད་བོད་རིཊ་ཁག་ཅིག་གིས་དང་བླངས་ཐོག་ཁྲིམས་གཏུག་ཡང་ཡང་བྱས་ཏེ། ད་ལོའི་བོད་ལུཊ་ལོ་གསར་གནམ་གང་སྟེ་ཕྱི་ཟླ་ ༢ ཚེས་ ༡༠ ཉིན་ཚེ་བརྟན་རྡོ་རྗེ་ལཊ་བཙོན་གྲོལ་ཐོབ་ཡོད་པ་དང་། དེའི་རྗེས་བལ་ཡུལ་ཉེན་རྟོག་པ་སྐོར་ཞིག་གིས་ཁོང་རྒྱ་བལ་ས་མཚམས་བར་བསྐྱལ་ཏེ་ཕྱིར་རྒྱ་གར་ནང་ལོག་ཏུ་བཅུག་ཡོད་འདུག ཕྱི་ཚེས་ ༡༤ ཉིན་གྱི་ཞོཊ་པར་ཚེ་བརྟན་རྡོ་རྗེ་ལཊ་ཁོང་གི་ཕ་མ་གཉིས་དང་། ངྷ་སའི་གཞུང་འབྲེལ་མིན་པའི་ཚོགས་པ་ཁག་གི་མི་སྣ་དང་མི་མང་བཅས་ཀྱིས་ཕེབས་བསུ་དང་བཅས་ཁ་བཏགས་སྒྲོན་འབུལ་གནང་ཡོད་པ་རེད།
བོད་ཀྱི་དུས་བབ་ལས།
དེ་རིང་ལྡི་ལིའི་ཇན་ཊིར་མན་ཊིར་དུ་མི་མང་དྲུག་སྟོང་ལྷག་འདུ་འཛོམས་ཐོག་དཀའ་ལྡན་ཁྲི་པ་མཆོག་གིས་བསྟན་སྲིད་མི་རིགས་ཆེད་རང་ལུས་མེར་བསྲེགས་གནང་བ་དེ་འཚེ་མེད་ཞི་བའི་ལས་འགུལ་ཞིག་ཡིན་པ་དང་ཁོང་གིས་གནས་ཚུལ་དེར་ཐུགས་འཚབ་དང་གདུང་སེམས་མཉམ་སྐྱེད་གནང་གི་ཡོད་སྐོར་སོགས་གསུངས་སོང་།
དེ་རིང་ཕྱི་ཚེས་ ༡ ཉིན་ཏེ། བཀའ་སྤྱི་གཉིས་ཀྱིས་སྣེ་འཁྲིད་པའི་ལྡི་ལིའི་བོད་མིའི་གདུང་སེམས་མཉམ་སྐྱེད་ལས་འགུལ་གྱི་ཉིན་གསུམ་པར། དགའ་ལྡན་ཁྲི་ཐོག་བརྒྱ་དང་གཉིས་པ་ལ་དྭགས་རི་རྫོང་སྲས་སྤྲུལ་ཐུབ་བསྟན་ཉི་མ་ལུང་རྟོགས་བསྟན་འཛིན་ནོར་བུ་མཆོག་དབུ་བཞུགས་ཐོག བཀའ་ཟུར་ཀིརྟི་རིན་པོ་ཆེ་མཆོག་དང་སྲིད་སྐྱོང་བློ་བཟང་སེང་གེའི་དབུས་པའི་ཕྱག་རོཊ་བཀའ་བློན་རྣམ་པ། སྤྱི་འཐུས་ཚོགས་གཙོ་གཞོན་གཉིས་དབུས་པའི་སྤྱི་འཐུས་རྣམ་པ་དང་ས་གནས་ཁག་ནས་ཕེབས་པའི་བོད་མི་སེར་སྐྱ་མི་མང་དང་བོད་དོན་རྒྱབ་སྐྱོར་བ་བཅས་མི་ ༦༠༠༠ བརྒལ་བ་ཇན་ཊིར་མན་ཊིར་ (Jantar Mantar) དུ་འཛོམས་ཏེ། བོད་བསྟན་སྲིད་མི་རིགས་ཆེད་རང་སྲོག་བློས་གཏོང་གནང་མཁན་རྒྱལ་གཅེས་དཔའ་བོ་དཔའ་མོ་ཡོངས་ཀྱི་ཆེད་བསྔོ་བ་སྨོན་ལམ་དང་ཟས་བཅད་ངོ་རྒོལ་ལས་འགུལ་སྤེལ་སོང་བ་མ་ཟད། གྷོ་པ་པུར་བོད་ཁྱིམ་སློབ་གྲྭའི་སློབ་མས་བོད་ནང་གི་རྩོམ་པ་པོ་ཐེའུ་རིང་ལགས་ཀྱི་༼ཁྲག་ཡིག༽ ལས་བཏོན་པའི་བོད་ནང་གི་དངོས་ཡོད་གནས་སྟངས་སྐོར་གྱི་སྙན་ངག་གྱེར་འདོན་དང་། ༼ཚེ་སྲོག་ལས་གྲུབ་པའི་ཞུ་འབོད༽ཅེས་པའི་གཏམ་བརྗོད་འཁྲབ་སྟོན་གཟིགས་འབུལ། རྒྱ་གར་གྱི་ཕྱི་སྲིད་དང་དཔལ་འབྱོར། བདེ་སྲུང་བཅས་ཀྱི་བློན་ཆེན་ཟུར་པ་སྐུ་ཞབས་ཇ་ཤཱ་ཝར་སིངྒ་མཆོག་དང་བཀའ་ཟུར་ཀིརྟི་རིན་པོ་ཆེ་མཆོག་བཅས་ཀྱི་གསུང་བཤད་དང་། མཇུག་ཏུ་དགའ་ལྡན་ཁྲི་རིན་པོ་ཆེ་མཆོག་གིས་བཀའ་སློབ་གནང་སོང་།
དེ་རིང་གི་ལས་འགུལ་སྐབས་བཀའ་ཟུར་ཀིརྟི་རིན་པོ་ཆེ་མཆོག་གིས། བོད་ནང་ཛ་དྲག་གི་གནས་ཚུལ་ཐོག་མར་བྱུང་ཡུལ་ཨ་མདོ་རྔ་པར་རྒྱ་ནག་དབུས་གཞུང་མ་ཚུགས་པའི་གོང་སྟེ་ཕྱི་ལོ་ ༡༩༣༥ ཙམ་ནས་མའོ་ཙེ་ཏུང་གི་མགོ་ཁྲིད་པའི་དམག་མི་ཨ་མདོ་དང་དེ་ནས་ཁམས་ཁུལ་དུ་བཙན་འཛུལ་བྱས་ཤིང་། སྐབས་དེར་བོད་ཀྱི་ལོ་རྒྱུས་ནང་གི་མུ་གེ་དང་པོ་བྱུང་བ་དང་། ཨ་མདོ་རྔ་པའི་མི་ཐོག་གསུམ་གྱིས་རྒྱ་གཞུང་གི་དྲག་གནོན་དང་སྡུག་སྦྱོང་རབས་དང་རིམ་པ་མྱངས་ཡོད་པ་མ་ཟད། ༢༠༠༨ ལོར་རྒྱ་གཞུང་གིས་མི་མང་ཁྲོད་གང་བྱུང་མེ་མདའ་བརྒྱབ་སྟེ་བོད་མི་ ༢༣ དམར་གསོད་དང་། བོད་མི་མང་པོར་རྨས་སྐྱོན་དང་འཛིན་བཟུང་།རྔ་པ་ཀིརྟི་དགོན་པ་གཙོས་པའི་དགོན་སྡེ་ཁག་དེ་བཙོན་ཁང་གི་ངོ་བོར་བསྒྱུར་སྟབས་ད་ལྟའི་རང་ལུས་མེར་བསྲེཊ་གནས་ཚུལ་འདི་བྱུང་སྐོར་ངོ་སྤྲོད་གནང་སོང་།
རིན་པོ་ཆེ་མཆོག་གིས་མུ་མཐུད་དུ་བཙན་བྱོལ་ནང་ཡོད་པའི་བོད་མི་ཚོས་བོད་ནང་གི་བོད་མི་ཚོའི་བདེ་སྡུག་ལ་འགན་བཞེས་རྒྱུ་ལས་འགན་ཆགས་ཡོད་སྟབས། དཔལ་འབྱོར་དང་ཤེས་རིག དམག་དོན་སོགས་ཕྱོགས་ཡོངས་ནས་འཛམ་གླིང་གི་སྟོབས་ཆེན་རྒྱལ་ཁབ་ཆགས་ཡོད་པའི་རྒྱ་ནག་ལ་ཁ་གཏད་གཅོག་ཆེད་དང་། རྒྱལ་གཅེས་དཔའ་བོ་དཔའ་མོ་རྣམས་ཀྱི་ཁ་ཆེམས་བསྒྲུབ་ཆེད། བོད་མི་ཚོ་མཐུན་སྒྲིལ་རྡོག་རྩ་གཅིག་སྒྲིལ་གྱིས་བོད་ནང་གི་བོད་མི་ཚོར་གདུང་སེམས་མཉམ་སྐྱེད་བྱ་དགོས་པའི་འབོད་སྐུལ་ཡང་གནང་སོང་།
མཇུག་ཏུ་གསར་འགོད་པས་བཀའ་ཟུར་ཀིརྟི་རིན་པོ་ཆེ་མཆོག་ལ་ཐེངས་འདིའི་བོད་མིའི་གདུང་སེམས་མཉམ་སྐྱེད་འགུལ་བརྒྱུད་དེ་བོད་ནང་གི་བོད་མིར་ཚོར་ལམ་སྟོན་གྱི་བཀའ་སློབ་ག་རེ་ཡོད་མེད་བཅར་འདྲི་ཞུས་པར་རིན་པོ་ཆེ་མཆོག་གིས། “ བོད་ནང་ལ་མཚོན་ན་དཀའ་ངལ་ཆེན་པོ་ཞིག་ཡོད་ཀྱང་། ཁྱེད་རང་ཚོས་ད་ལྟའི་བར་དུ་སེམས་ཤུགས་མ་ཆག་པར་ག་རེ་ཡིན་ཡང་བྱེད་བསྡད་ཀྱི་ཡོད་པ་རེད། ཡིན་ནའང་། ང་ཚོའི་དོན་དག་གཙོ་བོ་དེ་མགྱོགས་པོ་ཞིག་དང་ལས་སླ་བོའི་ངང་ནས་འགྲུབ་པའི་གནས་ཚུལ་ཞིག་མིན་པར། ལོ་ནས་ལོ་བསྟུད་དེ་བཟོད་བསྲན་དང་སྡུག་རུས། དཀའ་ལས་རྒྱག་དགོས་པའི་གནས་ཚུལ་ཞིག་རེད།
རྒྱ་ནག་གཞུང་གིས་ང་ཚོ་བོད་པའི་ཐུན་མོང་མ་ཡིན་པའི་ཆོས་དང་རིག་གཞུང་ཡོངས་རྫོགས་རྩ་མེད་གཏོང་རྒྱུའི་ཛ་དྲག་གི་སྲིད་ཇུས་ཤིག་སྤེལ་གྱི་ཡོད་སྟབས།
བོད་མི་ཚོས་སོ་སོར་འཁྲི་བའི་ལས་འགན་ཞིག་ཡོད་པ་དེ་ངེས་པར་དུ་སོ་སོ་རང་ཉིད་ཀྱི་ཕྲག་པར་ལེན་དགོས་ཀྱི་ཡོད། ལས་འགན་དེ་ལྷོད་ཡང་ཤོར་ན་རྩ་བ་ཉིད་ནས་འགྲིག་གི་ཡོད་པ་མ་རེད། དགོན་པ་གྲྭ་ཚང་ལ་མཚོན་ན་ཆོས་བསླབ་པ་སློབ་གཉེར་དང་། སློབ་གྲྭ་བ་ཡིན་ན་བོད་རང་གི་སྐད་ཡིག་གཙོ་བོར་བཟུང་ཐོག་རྒྱ་ཡིག་རྒྱ་སྐད་དང་མི་རིགས་གཞན་པའི་སྐད་ཡིག་སྦྱང་བརྩོན།
དེ་བཞིན་མི་མང་དཀྱུས་མ་ཚོ་ཡིན་ནའང་རང་རང་གི་ཡུལ་སྲོལ་གོམས་གཤིས་དང་བོད་མི་རིགས་ཀྱི་ངོ་བོ་སྲུང་སྐྱོབ་ཐོག་ལ་ཤུགས་བརྒྱབ་སྟེ། བོད་མི་རིགས་ཀྱི་འཐབ་རྩོད་མུ་མཐུད་ནས་གནང་ཐུབ་མཁན་ཞིག་བཟོ་རྒྱུ་དེ་ལས་འགན་རེད།
་ཕྱོགས་ལ་མཚོན་ནའང་བོད་མིའི་སྒྲིག་འཛུགས་དང་།༸རྒྱལ་བ་རིན་པོ་ཆེ་དབུས་པའི་མི་མང་ཡོང་རྫོགས་ཀྱིས་ཁྱེད་རང་ཚོའི་ག་རེ་བྱེད་བཞིན་པ་དེར་གདུང་སེམས་མཉམ་སྐྱེད་བྱེད་ཀྱི་ཡོད། ༸རྒྱལ་བ་རིན་པོ་ཆེར་མཚོན་ནའང་དགུང་ལོ་བརྒྱད་བཅུར་ཕེབས་ཀྱི་ཡོད་ཀྱང་། འཛམ་གླིང་ས་ཕྱོགས་གང་སར་སྐུ་ངལ་བསྐྱོན་ཏེ་ཕེབས་ཀྱི་ཡོད་པ་རེད། དེ་བཞིན། བོད་མིའི་སྒྲིག་འཛུགས་དང་མི་མང་གི་ངོས་ནས་ཀྱང་སོ་སོར་བབ་པའི་ལས་ཀ་འཐུས་ཤོར་མེད་པ་བྱེད་ཀྱི་ཡོད་སྟབས། ཁྱེད་རང་ཚོ་བློ་བདེ་བོའི་ངང་ནས་འདུག་དགོས།” ཞེས་གསུངས་བྱུང་།
ལས་འགུལ་གྱི་མཇུག་ཏུ་དགའ་ལྡན་ཁྲི་རིན་པོ་ཆེ་མཆོག་གིས། བོད་ནང་རང་ལུས་མེར་བསྲེཊ་གཏོང་མཁན་རྣམས་ཀྱི་བློས་གཏོང་དེ་འཚེ་མེད་ཞི་བའི་སྤྱོད་པ་ཡིིན་པ་དང་། ཁོང་ཉིད་ཀྱི་ངོས་ནས་བོད་ནང་གི་ཛ་དྲག་གི་གནས་སྟངས་ལ་ཐུགས་འཚབ་དང་གདུང་སེམས་མཉམ་སྐྱེད་ཡོད་པའི་བཀའ་སློབ་དང་། རྒྱ་གར་དང་བོད་གཉིས་ཀྱི་ཆོས་དང་རིག་གཞུང་གི་འབྲེལ་ལམ་སོགས་ཀྱི་ཐད་ནས་ལམ་སྟོན་བཀའ་སློབ་གནང་སོང་།
གསར་འགོད་པ་དོན་གོས་རྒྱ་གར་རྒྱལ་ས་ལྡི་ལི་གསར་པ་ནས་སྤེལ
གསར་འགོད་གསལ་བསྒྲགས།
༢༠༡༣ ཟླ་ ༡ ཚེས་ ༢ རེས་གཟའ་ལྷག་པ།
༄༅། །དཔལ་ལྡན་སྲིད་སྐྱོང་མཁས་དབང་བློ་བཟང་སེང་གེ་མཆོག་གི་གཙོ་སྐྱོང་འོག་ཕྱི་ལོ་ ༢༠༡༢ ཟླ་ ༡༢ ཚེས་ ༣༡ ནས་ཕྱི་ལོ་ ༢༠༡༣ ཟླ་ ༡ ཚེས་ ༡
བར་ཉིན་གཉིས་རིང་བཞུགས་སྒར་དྷ་རམ་ས་ལར་བོད་རྒྱ་ཞི་མོལ་ལས་དོན་ཚོགས་ཆུང་གི་ ཚོགས་འདུ་ཐེངས་ཉེར་ལྔ་པ་བསྐོང་ཚོགས་གནང་ཡོད།
ཚོགས་འདུའི་སྐབས་རང་ལུས་མེར་བསྲེགས་ཀྱི་ཛ་དྲག་གནས་ཚུལ་གྱིས་མཚོན་ཇེ་སྡུག་ཏུ་འགྲོ་བཞིན་པའི་བོད་ནང་གི་ཆབ་སྲིད་གནས་སྟངས་དང༌། ཞི་མོལ་གྱི་ལམ་ནས་གང་མྱུར་བོད་དོན་དཀའ་རྙོག་སེལ་ཐབས།
དེ་བཞིན་རྒྱ་ནག་གི་འགོ་འཁྲིད་འཕོ་འགྱུར་དང་དེའི་དབང་གིས་བོད་དོན་ལ་ཕན་གནོད་ཇི་འགྱུར་བཅས་ཀྱི་སྐོར་བཀའ་བསྡུར་གནང་ཡོད།
བོད་དང༌། རྒྱ་ནག དེ་བཞིན་རྒྱལ་སྤྱིའི་གནས་སྟངས་བཅས་ལ་གཞིགས་ཏེ་འབྲེལ་མོལ་གྱི་བརྒྱུད་རིམ་ལ་ བསྐྱར་ཞིབ་དང་སྦྲགས། འབྱུང་འགྱུར་འབྲེལ་མོལ་གྱི་འདུན་ལམ་དང་གནས་སྟངས་གདོང་ལེན་ཞུ་ཕྱོགས་གོ་
བསྡུར་སྦྱང་བཤད་ཞིབ་ལྷུག་བྱུང་ཡོད་ཅིང༌། ྋགོང་ས་མཆོག་གི་སྐུ་ཚབ་བསྐོ་གཞག་གནང་ཕྱོགས་ཀྱིས་མཚོན་པའི་འབྲེལ་མོལ་མུ་ མཐུད་ཐབས་སུ་དོན་ཕན་ལྡན་པའི་དགོངས་ཚུལ་གསུངས་ཡོད།
བོད་མིའི་འགོ་འཁྲིད་ཀྱིས་ཆོད་སེམས་བརྟན་པོའི་སྒོ་ནས་འཚེ་བ་མེད་པ་དང་དབུ་མའི་ལམ་གྱི་སྲིད་བྱུས་མུ་མཐུད་རྒྱུན་འཛིན་བྱ་རྒྱུ་མ་ཟད།
འབྲེལ་མོལ་གྱི་ལམ་ནས་བོད་དོན་དཀའ་རྙོག་སེལ་ཐབས་བྱེད་རྒྱུ་དེ་ཉིད་ཐབས་ལམ་བཟང་ཤོས་ཡིན་པའི་ཡིད་ཆེས་བྱེད་ཀྱི་ཡོད། སྲིད་སྐྱོང་མཁས་དབང་བློ་བཟང་སེང་གེ་མཆོག་གིས་
‘‘ང་ཚོས་ཕྱིའི་རྣམ་པ་ལས་ནང་གི་དོན་སྙིང་གལ་ཆེ་བར་བརྩི་བཞིན་ཡོད་ན་ས་གནས་དང༌། དུས་ཚོད་གང་འདྲ་ཞིག་ཏུ་ཡིན་རུང་དོན་ཕན་ལྡན་པའི་འབྲེལ་མོལ་ཞུ་རྒྱུའི་གྲ་སྒྲིག་ཡོད།’’ ཅེས་གསུངས་ཡོད།
བོད་མིའི་འགོ་འཁྲིད་ཀྱིས་བོད་མི་ཚོས་རང་ལུས་མེར་བསྲེགས་ཀྱིས་མཚོན་པའི་ཚབས་ཆེའི་ལས་འགུལ་རིགས་མ་སྤེལ་རོགས་ཞེས་འབོད་སྐུལ་མུ་མཐུད་ཞུ་བཞིན་ཡོད།
མཉམ་འབྲེལ་རྒྱལ་ཚོགས་དང་རྒྱལ་སྤྱིའི་སྲིད་གཞུང་ཁག་གིས་བོད་ནང་གི་མིག་སྔའི་གནས་སྟངས་ལ་ཐུགས་འཚབ་དང༌། འབྲེལ་མོལ་ལ་རྒྱབ་སྐྱོར་ཡོད་པ་བཅས་ཀྱི་བསྒྲགས་གཏམ་སྤེལ་བར་དགའ་བསུ་ཞུ་རྒྱུ་ཡིན།
བོད་རྒྱ་ཞི་མོལ་ལས་དོན་ཚོགས་ཆུང་གི་ཚོགས་མི་བསྐྱར་སྒྲིག་བྱ་རྒྱུ་དང༌། འདི་ལོ་ཕྱི་ཟླ་ ༣
པའི་ནང་རྒྱ་ནག་མི་དམངས་འཐུས་མིའི་ཚོགས་ཆེན་གྱི་ཚོགས་འདུའི་སྐབས་རྒྱ་ནག་གི་འགོ་འཁྲིད་གསར་པ་ཚོས་ལས་འགན་ཆ་ཚང་བླངས་རྗེས་བོད་རྒྱ་ཞི་མོལ་ལས་དོན་ཚོགས་ཆུང་གི་ཚོགས་འདུ་བསྐོང་ཚོགས་ཞུ་རྒྱུ་ཡིན།
བཀའ་ཤག་གིས་ཕྱི་ལོ་ ༢༠༡༣ ཟླ་ ༡ ཚེས་ ༢ ལ།
ངྷ་སྟེང་བོད་ཁྱིམ་སློབ་གྲྭར་འཚོགས་བཞིན་པའི་རྒྱལ་སྤྱིའི་བོད་དོན་རྒྱབ་སྐྱོར་དམིགས་བསལ་ཚོགས་ཆེན་ཐེངས་གཉིས་པའི་ཐོག
༸གོང་ས་མཆོག་ཆིབས་སྒྱུར་བསྐྱངས་ཏེ་བོད་དོན་རྒྱབ་སྐྱོར་བ་རྣམས་ལ་བཀའ་སློབ་བསྩལ་ཡོད།
ཁ་སང་གཟའ་པ་སངས་ཉིན་མགོ་བཙུགས་ཏེ་ངྷ་སྟེང་བོད་ཁྱིམ་སློབ་གྲྭར་འཚོགས་བཞིན་པའི་བོད་དོན་རྒྱབ་སྐྱོར་དམིགས་བསལ་ཚོགས་ཆེན་གྱི་ཉིན་གཉིས་པ་སྟེ།
དེ་རིང་ཕྱི་ཚེས་ ༡༧ ཉིན་གྱི་སྔ་དྲོ་ ༸གོང་ས་མཆོག་ཚོགས་འདུའི་སྟེང་ཆིབས་སྒྱུར་གནང་ཐོག བོད་མི་ཚོས་གནས་བབ་ཛ་དྲག་ཞིག་གི་ཁྲོད་བྱམས་སྙིང་རྗེ་དང་འཚེ་མེད་ཞི་བའི་ལྟ་གྲུབ་གཞི་རྩར་བཟུང་སྟེ་བོད་དོན་འཐབ་རྩོད་བྱེད་ཀྱི་ཡོད་པ་དང་། བོད་ཀྱི་གནས་བབ་ཧ་ཅང་ཛ་དྲག་འདི་ལྟ་བུ་ཞིག་གི་སྐབས་སུ། བོད་དོན་ལ་སེམས་ཁུར་དང་རྒྱབ་སྐྱོར་གྱི་ཆེད་དུ་རྒྱལ་སྤྱིའི་སྤྱི་ཚོགས་ཀྱི་ཆ་ཤས་སུ་གྱུར་པའི་ཚོགས་བཅར་བ་རྣམས།
ཐེངས་འདིའི་དམིགས་བསལ་ཚོགས་ཆེན་ལ་མཉམ་ཞུགས་གནང་བར་དགའ་བོ་དང་ཐུགས་རྗེ་ཆེ་ཞེས་མཛའ་བརྩེ་འཚམས་འདྲི་དང་བཀའ་སློབ་བསྩལ་ཡོད།
༸གོང་ས་མཆོག་གིས་བཀའ་སློབ་གསུང་བཤད་སྐབས། རང་ཉིད་ད་ལྟའི་ཆར་ཆབ་སྲིད་སྐུ་དབང་ནས་བགྲེས་ཡོལ་དུ་ཕྱིན་ཡོད་པས། ད་ལྟ་བོད་པའི་མི་སེར་དཀྱུས་མ་ཞིག་དང་གྲྭ་རྐྱང་ཞིག་གི་ངོས་ནས་སྐད་ཆ་བཤད་ཀྱི་ཡོད་ལ། ཁོང་ཚོགས་ཆེན་སྟེང་ཆིབས་སྒྱུར་བསྐྱངས་པའི་རྒྱུ་མཚན་གཙོ་བོ་ནི། ཐེངས་འདིའི་ཚོགས་ཞུགས་པ་རྣམས་ལ་གུས་བརྩི་ཞུ་བར་ཕེབས་པ་ཞིག་དང་། ཁོང་གིས་དུས་རྒྱུན་དུ་བོད་དོན་རྒྱབ་སྐྱོར་བ་ཚོ་ནི་བོད་ལ་ཞེན་ཁོག་ཡོད་པ་ཙམ་མ་ཡིན་པར། དྲང་བདེན་དང་འཚེ་མེད་ཞི་བར་མཐའ་གཅིག་ཏུ་རྒྱབ་སྐྱོར་བྱེད་མཁན་རྐྱང་ཡིན་པར་ངོས་འཛིན་ཞུ་བཞིན་ཡོད་པས། ཁོང་ཚོར་འཚམས་འདྲི་གུས་བརྩི་ཞུ་རྒྱུ་དེ་ཁོང་གི་འོས་འགན་ཡིན་པ་དང་། དེང་སང་འཛམ་གླིང་གང་སར་དཀའ་རྙོག་རིགས་མང་པོ་ཞིག་བྱུང་དང་འབྱུང་བཞིན་ཡོད་པ་མ་ཟད། མཚམས་རེར་དཀའ་རྙོག་དེ་དག་གི་རྐྱེན་པས་དྲག་སྤྱོད་ཀྱི་བྱ་འགུལ་ཡང་འབྱུང་བཞིན་ཡོད་པ་མཐོང་ཐོས་སུ་ཡོད་ཀྱང་། བོད་པའི་འཐབ་རྩོད་ནི་མཐའ་གཅིག་ཏུ་འཚེ་བ་མེད་པའི་འཐབ་རྩོད་ཅིག་དང་། འཚེ་མེད་ཞི་བ་ནི་ནང་སེམས་ཀྱི་སྟོབས་ཤུགས་ཀྱི་མཚོན་རྟགས་ཤིག་ཡིན་ལ། དྲག་སྤྱོད་ཀྱི་རིགས་ནི་ཁོང་ཁྲོ་དང་རང་ཉིད་ལ་གདེང་ཚོད་མེད་པའི་དབང་གིས་མཚོན་ཆ་བེད་སྤྱོད་བྱེད་པ་སོགས་འབྱུང་གི་ཡོད་པ་གསུངས་སོང་།
དེ་བཞིན། ༸གོང་ས་མཆོག་གིས་བོད་ནང་གི་བོད་མི་ཚོར་རང་ལུས་མེ་རུ་སྒྲོན་པའི་བློ་སྟོབས་ཡོད་པས་གཞན་ལ་གནོད་སྐྱེལ་རྒྱུ་དེ་ལས་སླ་པོ་ཞིག་ཡིན་ཡང་། ཁོང་ཚོས་གཞན་ལ་གནོད་འཚེ་མ་བཏང་པར་སོ་སོས་དཀའ་སྤྱད་འཐབ་རྩོད་བྱེད་ཀྱི་ཡོད་པ་དེ་ནི། འཚེ་མེད་ཞི་བའི་འཐབ་རྩོད་ལག་བསྟར་བྱེད་ཀྱི་ཡོད་པ་ཞིག་ཡིན་ལ། དེང་སྐབས་རྒྱ་རིགས་མང་ཚོགས་ཁྲོད་དུའང་བོད་མིའི་འཚེ་མེད་ཞི་བའི་འཐབ་རྩོད་ལ་གདུང་སེམས་མཉམ་སྐྱེད་དང་། རྒྱབ་སྐྱོར་བྱེད་མཁན་སྔར་བས་མང་དུ་འགྲོ་བཞིན་ཡོད་སྐོར་གསལ་བཤད་དང་སྦྲགས། བོད་ཀྱི་གནད་དོན་ངོས་འཛིན་བྱེད་ཕྱོགས་ཐད། ༸གོང་ས་མཆོག་གིས། རྒྱལ་སྤྱིའི་ཐོག་བོད་ཀྱི་གནད་དོན་ནི་འགྲོ་བ་མིའི་ཐོབ་ཐང་གི་དཀའ་ངལ་ཞིག་ཏུ་བཤད་ཀྱི་ཡོད་ཀྱང་། ཁོང་གི་ངོས་ནས་བོད་ཀྱི་གནད་དོན་ནི་དམིགས་བསལ་བ་ཞིག་ལ་གཟིགས་ཀྱི་ཡོད་པ་དང་། དེ་ནི་འགྲོ་བ་མིའི་ཐོབ་ཐང་གི་དཀའ་ངལ་ཙམ་དང་བོད་གཅིག་པུའི་གནད་དོན་ཙམ་མིན་པར། འཛམ་གླིང་ཡང་ཐོག་ཏུ་ཆགས་པའི་བོད་ཀྱི་ཁོར་ཡུག་དང་གཏེར་དངོས། གཙང་པོ་སོགས་རང་བྱུང་སྣོད་བཅུད་ཀྱི་གནས་བབ་ནི། ཨེ་ཤ་ཡ་དང་འཛམ་གླིང་སྤྱི་ལ་འབྲེལ་བ་དམ་པོ་ཡོད་པའི་གནད་དོན་ཞིག་ཆགས་ཡོད་པ་དང་། དེ་བཞིན། བོད་ཀྱི་ཆོས་དང་རིག་གཞུང་ནི་བོད་དང་ཧི་མ་ལ་ཡའི་རི་རྒྱུད་གཙོས་ནང་པའི་རྒྱལ་ཁབ་ཁག་དང་། འཛམ་གླིང་ཞི་བདེ་དང་སྤྱི་ཚོགས་འཆམ་མཐུན། མིའི་རིགས་ཀྱི་བཟང་སྤྱོད་གོང་འཕེལ་གྱི་གནད་དོན་དང་འབྲེལ་ཡོད་ལ། ཆབ་སྲིད་ཀྱི་གནས་བབ་ཐད་ནས་ཀྱང་ཨེ་ཤ་ཡའི་སྟོབས་ཆེན་རྒྱལ་ཁབ་རྒྱ་དཀར་ནག་གི་འབྲེལ་ལམ་བརྟན་བརླིང་ཡིད་ཆེས་ལྡན་པ་ཞིག་ཡོང་རྒྱུར་བོད་ཀྱི་གནད་དོན་ཧ་ཅང་གལ་ཆེན་པོ་ཆགས་ཡོད་པ་གསུངས་སོང་།
རྒྱ་ནག་མགོ་ཁྲིད་ཚོས་བོད་དོན་ཐག་གཅོད་བྱ་དགོས་པའི་སྐོར་ལ། ༸གོང་ས་མཆོག་གིས་རྒྱ་ནག་གི་དཔོན་རིགས་ཚོས་ངོས་ལེན་མ་བྱས་པར་ལྷག་ཡོད་པའི་བོད་ཀྱི་དཀའ་ངལ་འདི་ནི། བོད་དང་རྒྱ་རིགས་མི་མང་སྤྱི་ལ་ཕན་ཐོགས་མེད་པ་ཞིག་ཡིན་པས། དཀའ་ངལ་འདི་ངེས་པར་སེལ་དགོས་པ་ཞིག་ཡིན་ལ། དྲག་ཤུགས་ལ་བརྟེན་ནས་སེལ་ཐབས་བྱེད་པ་དེས་ནམ་ཡང་མིའི་རིགས་ཀྱི་འདོད་བློ་ཁེངས་པ་ཞིག་ཡོང་མི་སྲིད་པ་མ་ཟད། དཀའ་ངལ་དང་རྙོག་གྲ་ཆེ་རུ་གཏོང་སྲིད་པ་དང་། ད་ལྟའི་བོད་ནང་གི་མི་རབས་གསར་པའི་གཞོན་སྐྱེས་ཚོའི་སྙིང་སྟོབས་ནི། ཁོང་གི་དུས་སྐབས་ཀྱི་མི་རབས་རྒན་པ་ཚོ་ལས་ཤུགས་ཆེ་བ་མཐོང་ཐུབ་པ་མ་ཟད།
འདས་པའི་ལོ་ངོ་ ༦༠ རིང་བོད་མི་ཚོའི་སྙིང་སྟོབས་མུ་མཐུད་གསོན་པོར་གནས་ཐུབ་ཡོད་པས། རྒྱ་ནག་གི་མགོ་ཁྲིད་ཚོས་ངེས་པར་དུ་དངོས་ཡོད་གནས་ཚུལ་ཤེས་རྟོགས་ཀྱིས་དཀའ་ངལ་རིགས་ཕན་ཚུན་གཉིས་ཕན་གྱི་ཐོག་ནས་སེལ་རྒྱུ་གལ་ཆེན་པོ་ཡིན་པ་དང་། མཐའ་མའི་གནད་དོན་ཐག་གཅོད་དེ་ཕྱོགས་གཉིས་ཀྱི་བསམ་ཤེས་དང་བརྩི་མཐོང་ལྡན་པའི་ཐོག་ནས་སེལ་དགོས་པ་ཞིག་ཡིན་སྟབས། བོད་རྒྱ་སྤུན་ཟླ་མི་རིགས་གཉིས་མཉམ་རུབ་ཐོག་ཤུགས་སྣོན་རྒྱག་དགོས་པའི་བཀའ་སློབ་གནང་ཡོད།
མཇུག་མཐར་༸གོང་ས་མཆོག་གིས་ཚོགས་ཞུགས་པ་རྣམས་ལ། ས་ཐག་རིང་པོ་ནས་ཐེངས་འདིའི་ཚོགས་ཆེན་ལ་ཕེབས་ཡོད་སྟབས། ཚོགས་ཆེན་ལ་མཉམ་ཞུགས་ཙམ་དང་ངྷ་རམ་ས་ལའི་ཡུལ་ལྗོངས་ལ་སྤྲོ་གསེང་ཙམ་མ་ཡིན་པར། ཚོགས་ཆེན་རྗེས་སུ་ཁ་ཡོད་ལག་ཡོད་ཐོག་ཚོགས་ཆེན་སྟེང་གྲོས་བསྡུར་གང་བྱུང་རིགས་ལག་བསྟར་ལ་འཁེལ་ཐུབ་པ་བྱ་རྒྱུ་དང་། སོ་སོའི་སྤྱི་ཚོགས་ནང་བོད་དོན་རྒྱབ་སྐྱོར་ཚོགས་པ་དང་གྲོས་ཚོགས་བོད་དོན་རྒྱབ་སྐྱོར་ཚོགས་ཆུང་གསར་འཛུགས་རྒྱ་སྐྱེད་སོགས་ལ་ཤུགས་སྣོན་བརྒྱབ་སྟེ།
བོད་ཀྱི་གནད་དོན་མཐོར་འདེགས་ཡོང་ཐབས་བྱ་དགོས་པ་གསུངས་སོང་།
༸གོང་ས་མཆོག་གིས་བཀའ་སློབ་ལམ་སྟོན་གནང་གྲུབ་རྗེས།
རྒྱ་གར་བོད་དོན་རྒྱབ་སྐྱོར་པ་ཁག་ཅིག་གིས། ཉེ་ཆར་ཁོང་ཚོ་རྒྱ་གར་དང་བོད་ཀྱི་ས་མཚམས་བར་བོད་དོན་གོམ་བགྲོད་ཀྱི་ལས་འགུལ་སྤེལ་སྐབས།
ས་མཚམས་ཕར་ཕྱོགས་ནས་ཁྱེར་ཡོང་བའི་བོད་ཡུལ་གྱི་ས་༸གོང་ས་མཆོག་ལ་ཕུལ་བ་དང་། དེ་མིན། ཤཱཀྱའི་རིགས་རྒྱུ་ཡིན་པའི་བལ་པོའི་ཡུལ་མི་གཉིས་ནས་ཀྱང་༸གོང་ས་མཆོག་ལ་སྟོན་པའི་སྐུ་བརྙན་དང་གནའ་བོའི་ཡིག་རྙིང་ཐོག་ཡོད་པའི་ནང་པའི་གླེགས་བབ་ཁག་ཅིག་འབུལ་ལམ་ཞུས་སོང་།
༈ རྒྱལ་སྤྱིའི་བོད་དོན་རྒྱབ་སྐྱོར་ཚོགས་པའི་དམིགས་བསལ་ཚོགས་འདུ།
བཞུགས་སྒར་དྷརྨ་སཱ་ལཱ།
ཕྱི་ལོ་ ༢༠༡༢ ཟླ་ ༡༡ ཚེས་ ༡༦ ནས་ ༡༨ བར།
མཐའ་མའི་བསྒྲགས་གཏམ།
༄༅། །བོད་ནང་གནས་སྟངས་ཛ་དྲག་ཇེ་ཆེར་འགྲོ་བཞིན་པའི་དབང་གིས་ཕྱི་ལོ་ ༢༠༡༢ ཟླ་ ༡༡ ཚེས་ ༡༦ ནས་ ༡༨ བར་བཞུགས་སྒར་དྷརྨ་སཱ་ལཱར་རྒྱལ་སྤྱིའི་བོད་དོན་རྒྱབ་སྐྱོར་ཚོགས་པའི་དམིགས་བསལ་ཚོགས་འདུ་བསྐོང་ཚོགས་ཞུས་ཤིང༌།
ཁྱོན་རྒྱལ་ཁབ་ཁག་ ༤༣ ནས་ཚོགས་བཅར་བ་ཉིས་བརྒྱར་ཉེ་བ་ཆེད་ཕེབས་གནང་ཡོད།
ཚོགས་འདུ་འདི་བཞིན་བཙན་བྱོལ་བོད་གཞུང་ཕྱི་དྲིལ་ལས་ཁུངས་ཀྱི་མཐུན་འགྱུར་འོག་རྒྱ་གར་བོད་དོན་རྒྱབ་སྐྱོར་ཚོགས་པའི་ནང་མའི་ཚོགས་ཆུང་གིས་བསྐོང་ཚོགས་གནང་བ་དང༌། ཚོགས་འདུའི་དམིགས་ཡུལ་ནི་བོད་ནང་ད་བར་བོད་མི་ ༧༥
ཡིས་རང་ལུས་མེར་བསྲེགས་བཏང་བའི་ཛ་དྲག་གི་གནས་སྟངས་གདོང་ལེན་བྱེད་ཕྱོགས་འཐབ་བྱུས་བཟོ་བཀོད་ཆེད་བསྐོང་ཚོགས་ཞུས་པ་རེད།
མིག་སྔའི་གནས་སྟངས་ནི་བོད་མིའི་རང་དབང་འཐབ་རྩོད་ཀྱི་ལས་འགུལ་ནང་ཆེས་གལ་འགངས་ཆེ་བའི་དུས་སྐབས་ཤིག་ཡིན།
ཚབས་ཆེའི་དྲག་གནོན་ཡོད་མུས་ལ་མ་ལྟོས་པར་བོད་མི་ཚོས་རྒྱ་ནག་གི་བཙན་བཟུང་ལ་འགོག་རྒོལ་གྱི་ཚ་རླབས་གོང་མཐོར་འཕྱུར་བཞིན་ཡོད།
ྋགོང་ས་ྋསྐྱབས་མགོན་ཆེན་པོ་མཆོག་གིས་མང་གཙོའི་ལམ་ནས་འོས་འདེམས་བྱུང་བའི་འགོ་ཁྲིད་ལ་ཆབ་སྲིད་ཀྱི་སྐུ་དབང་རྩིས་སྤྲོད་གནང་རྒྱུའི་ལོ་རྒྱུས་རང་བཞིན་ལྡན་པའི་འཕོ་འགྱུར་གྱི་དབང་གིས་བོད་གཞུང་གི་སྒྲོམ་གཞིར་འགྱུར་བ་གལ་ཆེན་ཞིག་ཕྱིན་ཡོད།
ཕྱོགས་གཞན་ནས་རྒྱ་ནག་དམར་ཤོག་ཚོགས་པས་ཀྱང་མི་ཐོགས་གསར་པའི་འགོ་ཁྲིད་བསྐོ་གཞག་བྱས་ཡོད། དེར་བརྟེན་བོད་དོན་རྒྱབ་སྐྱོར་ཚོགས་པ་ཁག་གིས་ནུས་ཤུགས་བསྐྱར་འདོན་བྱེད་དགོས་པའི་གནས་སྐབས་ཤིག་ཡིན་སྟབས།
མཉམ་འབྲེལ་རྒྱལ་ཚོགས་ཀྱིས་ངོས་ལེན་གནང་བ་ལྟར་བོད་མིར་རང་ཐག་རང་གཅོད་བྱེད་རྒྱུའི་འགྲོ་བ་མིའི་ཐོབ་ཐང་ཐོབ་ཆེད་འབད་རྩོལ་གོང་མཐོར་སྤེལ་རྒྱུ་ཡིན།
བོད་མི་ཚོས་འགྱུར་བ་མེད་པར་མཐའ་གཅིག་ཏུ་འཚེ་མེད་ཞི་བའི་ལྟ་གྲུབ་གཞིར་བཟུང༌།
རིག་གཞུང་སྲུང་སྐྱོབ་དང་ལྷག་དཀར་གྱི་ལས་འགུལ་ལྟ་བུས་མཚོན་པའི་ཐབས་ལམ་སྣ་ཚོགས་བརྒྱུད་འགོག་རྒོལ་བྱེད་བཞིན་པར་ཚོགས་བཅར་བ་ཡོངས་ནས་ཡི་རངས་བསྔགས་བརྗོད་དང་རྒྱབ་སྐྱོར་ཞུ་རྒྱུ་ཡིན།
མི་མང་པོ་སྡེབ་ལ་འཛིན་བཟུང་བྱས་པ་དང༌། ཞི་བའི་སྐད་འབོད་བྱེད་པ་ཙམ་ལའང་དྲག་པོའི་བཙན་གནོན་བྱེད་རྐྱང་བྱས་པ།
དེ་མཚུངས་"རྒྱལ་གཅེས་ཆོས་གཅེས་ཀྱི་སློབ་གསོ"ཟེར་བའི་ལས་འགུལ་ཤུགས་ཆེ་སྤེལ་བཞིན་པར་ལྟོས་མེད་ཀྱིས་བོད་མི་ཚོས་མུ་མཐུད་འགོག་རྒོལ་བྱེད་བཞིན་ཡོད།
བོད་མི་རྣམས་འུ་ཐུག་ཐབས་བཟད་ཀྱིས་རང་ལུས་མེར་བསྲེགས་མ་བཏང་མཐུ་མེད་བྱུང་བར་བློ་འཚབ་ཆེན་པོ་བྱུང༌།
ང་ཚོས་བློ་ཐག་གཙང་བཅད་ཀྱིས་ཁོང་ཚོའི་མངོན་འདོད་ྋགོང་ས་མཆོག་བོད་ལ་གདན་འདྲེན་ཞུ་རྒྱུ་དང༌། བོད་མིར་རང་དབང་བསྐྱར་གསོ་ཡོང་ཐབས་ལ་མཐའ་གཅིག་ཏུ་རྒྱབ་སྐྱོར་ཞུ་རྒྱུ་ཡིན།
གནས་ཚུལ་འདི་དག་བྱུང་དགོས་པའི་རྒྱུ་མཚན་དང་དེའི་འགན་ཁུར་རྒྱ་ནག་གི་འགོ་ཁྲིད་དང༌། འདས་པའི་ལོ་དྲུག་ཅུ་ལྷག་རིང་ལག་བསྟར་བྱས་པའི་ནོར་འཁྲུལ་གྱི་སྲིད་བྱུས་ཁག་ལ་ཐུག་ཡོད་སྟབས།
རྒྱ་ནག་གི་འགོ་ཁྲིད་གསར་པ་ཚོས་རྒྱུ་རྐྱེན་དེ་དག་སེལ་ཐབས་བྱེད་དགོས་པའི་སྐུལ་མ་ཞུ་རྒྱུ་ཡིན།
འབྲོག་སྡེ་མང་པོ་བཙན་དབང་གིས་མེད་པ་བཟོ་བཞིན་པར་བློ་འཚབ་ཆེན་པོ་ཡོང་གི་འདུག དེའི་རྐྱེན་གྱིས་ཕ་མེས་ཀྱི་གོམས་སྲོལ་རྩ་བརླག་དང༌།
འཚོ་རྟེན་གཏོར་བཤིག་ཕྱིན་པའི་དབང་གིས་བོད་མི་མང་པོ་སྤྱི་ཚོགས་ནས་མཐའ་འབུད་འགྲོ་གི་ཡོད།
སྤྱི་ཚོགས་དང་དཔལ་འབྱོར་ཀྱི་ཆ་ནས་མཐའ་འབུད་ཕྱིན་པའི་དབང་གིས་ཀྱང་རང་ལུས་མེར་བསྲེགས་ཀྱི་གནས་ཚུལ་ཇེ་མང་དུ་འགྲོ་བཞིན་ཡོད་པར་སེམས།
དེར་བརྟེན་དཀའ་ངལ་དེ་དག་གང་མགྱོགས་སེལ་ཐབས་བྱེད་དགོས་པའི་འབོད་སྐུལ་བྱེད་ཀྱི་ཡོད།
ཞི་མོལ་གྱི་ལམ་ནས་བོད་དོན་ཐག་གཅོད་བྱེད་རྒྱུ་དེ་ཉིད་བོད་རྒྱ་མི་རིགས་གཉིས་ཀའི་ཁེ་ཕན་བཟང་ཤོས་ཡིན་པ་ངོས་འཛིན་དང་སྦྲགས།
ང་ཚོས་སྤྱི་ཁྱབ་དྲུང་ཆེ་ཞི་ཅིན་ཕིང་དང་ཆབ་སྲིད་རྒྱུན་ལས་ཀྱི་ཚོགས་མི་གསར་པ་ཚོར་དཀའ་རྙོག་དེ་དག་སེལ་ཐབས་དང༌།
བོད་མིའི་དངོས་ཡོད་དཀའ་སྡུག་ཁག་བསལ་ཐབས་ཆེད་གང་མྱུར་ལས་དོན་ལག་བསྟར་དགོས་པའི་དམིགས་བསལ་ཞུ་སྐུལ་བྱེད་ཀྱི་ཡོད།
རྒྱ་ནག་གཞུང་གིས་བོད་ཐོག་འཛིན་པའི་སྲིད་བྱུས་ལ་འགྱུར་བ་ཡོང་སླད་མཉམ་འབྲེལ་རྒྱལ་ཚོགས་ཀྱིས་མཚོན་པའི་རྒྱལ་སྤྱིའི་སྒྲིག་འཛུགས་ཁག་དང༌།
གླིང་ཆེན་ནང་ཁུལ་གྱི་ས་གནས་སྒྲིག་འཛུགས་ཁག་བཅས་ནས་རྒྱ་ནག་གཞུང་ལ་གནོན་ཤུགས་སྤྲད་ཆེད་སོ་སོའི་གནས་ཡུལ་རྒྱལ་ཁབ་ཀྱི་སྲིད་གཞུང་ཁག་ཕན་ཚུན་འབྲེལ་ལམ་ཐོག་ཛ་དྲག་གི་ལས་དོན་སྤེལ་དགོས་པའི་རེ་འདུན་བཏོན་གྱི་ཡོད།
ད་ལན་གྱི་ཚོགས་འདུའི་རིང་ཨེ་ཤི་ཡའི་བོད་དོན་རྒྱབ་སྐྱོར་ཚོགས་པ་ཁག་གི་མཐུན་ཚོགས་ཤིག་གསར་འཛུགས་ཐུབ་པ་མ་ཟད།
མཉམ་འབྲེལ་ཐོག་སྤེལ་རྒྱུའི་ལས་འཆར་ཞིག་ཀྱང་གཏན་འབེབས་བྱུང་བར་ཚོགས་བཅར་བ་ཡོངས་ནས་དགའ་བསུ་ཞུ་རྒྱུ་ཡིན། དེ་མཚུངས་ང་ཚོ་ཚོགས་བཅར་བ་ཡོངས་ནས་བོད་པའི་ཚོགས་པ་ཁག་དང༌།
རྒྱ་ནག་གི་འགྲོ་བ་མིའི་ཐོབ་ཐང་སྲུབ་སྐྱོབ་བྱེད་མཁན་གྱི་ཚོགས་པ་ཁག
གཞན་ཡང་འཛམ་གླིང་གང་སར་གནས་པའི་འབྲེལ་ཡོད་ཚོགས་པ་ཁག་དང་མཉམ་འབྲེལ་ཐོག་རྒྱལ་སྤྱིའི་འགྲོ་བ་མིའི་ཐོབ་ཐང་གི་གནས་སྟངས་གཞིར་བཟུང་བོད་དོན་དཀའ་རྙོག་སེལ་ཐབས་ཀྱི་ལས་དོན་སྤེལ་རྒྱུའི་ཆོད་སེམས་བསྐྱར་ནན་བྱ་རྒྱུ་ཡིན།
སྤྱི་མོས་ཀྱིས་གཏན་ལ་ཕབ།
ཕྱི་ལོ་ ༢༠༡༢ ཟླ་ ༡༡ ཚེས་ ༡༨
བཞུགས་སྒར་དྷརྨ་སཱ་
གནས་ཚུལ་མཁོ་གཏོང་བ། ཨ་རིག་འགྱུར་མེད།
ཕྱི་ལོ་ ༢༠༡༢ ལོའི་ཟླ་ ༡༡ ཚེས་ ༡༧ ཉིན་རེས་གཟའ་སྤེན་པ།
དེ་རིང་ཞོགས་པའི་ཆུ་ཚོད་དགུ་བའི་སྟེང་ངྷ་ས་བོད་ཀྱི་གསོལ་མགྲོན་ཁང་གི་ཚོགས་ཁང་ནང་ “ན་གཞོན་ཤེས་ཡོན་པའི་ཚོགས་ཆེན་ཐེངས་དང་པོ་” བསྐོང་ཚོགས་བྱས་པ་དང་།
ཚོགས་འདུའི་སྟེང་བཞུགས་སྒར་ངྷ་ས་ཁུལ་གྱི་ན་གཞོན་ཤེས་ཡོན་པ་ཁག་ཅིག་འདུ་འཛོམས་གནང་སྟེ། ད་ལྟའི་བོད་ནང་གི་ “རང་ལུས་མེར་སྲེག་གི་རྒྱབ་མདུན་ལ་ལྟ་བ་” ཞེས་པའི་བརྗོད་གཞི་དཀྱིལ་སྙིང་དུ་བཟུང་སྟེ་བགྲོ་གླེང་གནང་རྒྱུ་ཡིན་འདུག
ཐེངས་འདིའི་ཚོགས་ཆེན་སྟེང་བཀའ་བློན་ཁྲི་པ་ཟུར་བ་མཁས་དབང་ཟམ་གདོང་རིན་པོ་ཆེ་མཆོག་གིས་གསུང་འཕྲིན་ཞིག་བསྩལ་ཡོད་པའི་ནང་ “བོད་རིགས་ན་གཞོན་ཤེས་ཡོན་པའི་ཚོགས་ཆེན་ཐེངས་དང་པོ་བསྐོང་ཚོགས་གནང་བར་ཡི་རངས་ཀྱིས་དགའ་བསུ་དང་ཤེས་འཚམས་ཞུ་རྒྱུ་ཡིན” ཞེས་དགའ་བསུའི་འཚམས་འདྲི་གནང་ཡོད་པར་མ་ཟད། ཁོང་གི་གསུང་འཕྲིན་ནང་མུ་མཐུད་དེ་བཀོད་དོན།
“ཟད་མཐའ་མེད་པའི་དཀའ་ རྙོག་དང་། གཅེས་པའི་ལུས་སྲོག་གི་ཉེན་ཁ་ཚུན་ལ་མ་འཛེམས་པར་གཞིས་བཞུགས་བོད་རིགས་རྒན་ གཞོན་དུ་མས་ཆོས་དང་རིག་གཞུང་།
ལེགས་བྱང་སྲུང་སྐྱོབ་ཀྱི་སླད་བཤད་སྒྲུབ་འཆད་ཉན་དང་། སྐད་ཡིག་བདག་གཅེས། འབྲི་རྩོམ། རྩ་མེད་དུ་འགྲོ་ལ་ཉེ་བའི་དཔེ་རྒྱུན་དཀོན་རིགས་མཁོ་སྒྲུབ། གནའ་རྫས་སྲུང་སྐྱོབ།
བཀའ་བསྟན་དཔེ་བསྡུར་དག་ཞུས་དཔར་སྐྲུན་སོགས་རླབས་ཆེན་གྱི་བྱ་བ་མང་པོ་ བསྒྲུབས་དང་སྒྲུབ་བཞིན་པ་ནི་བོད་མིའི་སྙིང་སྟོབས་ཀྱི་གཟི་བརྗིད་དང་མཚོན་ རྟགས་ཡི་རངས་བསྔགས་བརྗོད་ཀྱི་འོས་སུ་ཆེ་བ་ཞིག་ཡིན།
འུ་ཅག་བྱེས་འཁོད་ཀྱི་མི་རང་དབང་ལྡན་ཞིང་། ཉེན་ཁ་མེད་པ། མཐུན་རྐྱེན་སྒྲུབ་སླ་བའི་གནས་བབ་ཡོད་པ་རྣམས་ཀྱིས་བོད་མི་རིགས་ཀྱི་ངོ་བོ་ སྲུང་སྐྱོབ་ཀྱི་བྱ་བ་གཞིས་བཞུགས་བོད་མི་རྣམས་ལས་ལྷག་པ་ཞིག་མ་བྱུང་ཡང་།
མཚུངས་པ་གནང་དགོས་པ་ནི་སྐབས་བབ་བཟང་སྤྱོད་ཀྱི་ལས་འགན་ཞིག་ཡིན་པ་བསྙོན་དུ་ མེད། དེས་ན་བྱེས་འཁོད་བོད་རིགས་སྤྱི་དང་། ཁྱད་པར་ན་གཞོན་ཤེས་ཡོན་པ་རྣམས་ཀྱིས་རང་འགན་རང་ངོས་ཟིན་པ་གནང་སྟེ་སྙིང་ལ་
རུས་པ་སྦྱར་བའི་ཉེན་ཚབས་གཅོང་ནད་ལྟ་བུ་ཞིག་ང་ཚོའི་ཁྲོད་དུ་མངོན་གསལ་མེད་པར་ ཁུ་སིམ་གྱིས་ཞུགས་ཟིན་པ་འདི་ངོས་འཛིན་ཐུབ་པ་དགོས་རྒྱུ་གལ་ཆེར་མཐོང་།” ཞེས་གསུངས་ཡོད།
དེ་བཞིན་ཁོང་གི་གསུང་འཕྲིན་དེའི་ནང་ད་དུང་ “བོད་
མིའི་ཆབ་སྲིད་ཀྱི་ཕུགས་དམིགས་ཇི་འདྲ་ཞིག་བཟུང་རུང་། དེའི་བསྒྲུབ་བྱ་སྒྲུབ་བྱེད་གཉིས་ཀའི་ནང་བོད་མིའི་ངོ་བོ་དང་ཁྱད་ཆོས། ཐུན་མིན་རིག་གཞུང་དང་ལེགས་བྱང་བཅས་ངེས་པར་དུ་ཚུད་དགོས་པའི་འདུ་ཤེས་དང་།
སེམས་ཚོར་མ་བརླགས་པ་དགོས་རྒྱུ།
རང་དོན་རང་གཅེས། རང་སྐད་རང་སྤྱོད། རང་ཆས་རང་གྱོན་གྱི་ཀུན་སྤྱོད་རང་གིས་བཟུང་སྟེ་གཞན་ལའང་བསྐུལ་འདེབས་ཐུབ་པ་ གནང་རྒྱུ།
བོད་ཀྱི་ཐུན་མིན་རིང་གནས་ཁག་ལ་ཐུགས་སྣང་དང་། གསན་བསམ། འབྲི་རྩོམ། བགྲོ་གླེང་སོགས་ཤེས་ཡོན་གྱི་བྱ་བར་རྒྱུན་འགྲུས” བྱ་དགོས་པ་སོགས་དོན་ཚན་བརྒྱད་ཀྱི་སྟེང་ནས་ཐེངས་འདིའི་ཚོགས་ཞུགས་པ་རྣམས་ལ་ལམ་སྟོན་གནང་ཡོད།
མཇུག་གི་དོན་ཚན་བརྒྱད་པར། “ལྷག་པར་ཚོགས་ཐེངས་འདིའི་བརྗོད་གཞི་ 《རང་ལུས་མེར་སྲེག་གི་རྒྱབ་མདུན་ལ་ལྟ་བ་》 ཞེས་པ་འདིའི་ཐད་རྒྱལ་སྤྱིའི་བྱུང་རབས་ནང་སྔར་མ་གྲགས་པའི་བོད་རིགས་ན་གཞོན་ སེར་སྐྱ་ཧ་ཅང་མང་པོས་གཞན་ལ་འཚེ་བ་མེད་པར་རང་གི་གཅེས་པའི་ལུས་སྲོག་མི་རིགས་
ཀྱི་རྩ་དོན་སླད་དྭང་བླངས་དགའ་སྤྲོའི་ངང་བློས་གཏོང་གནང་མཁན་དེ་རྣམས་ཀྱི་ལྷག་ བསམ་དང་། སྙིང་སྟོབས། ཆོད་སེམས། བློས་བཏང་། ངལ་བ་དང་ལེན་བཅས་ཀྱི་གནས་ཚད་ང་ཚོའི་བསམ་སྤྱོད་གཉིས་ཀའི་ཡུལ་ལས་འདས་པ་ཞིག་
ཡིན་པ་དེ་ངོས་འཛིན་དང་འབྲེལ། ཁོང་ཚོའི་བློས་གཏོང་ཆུད་ཟོས་སུ་མི་འགྲོ་བའི་ཐབས་ལམ་ཇི་ཡོད་དང་། དེ་འདྲའི་རླབས་ཆེན་གྱི་མཛད་སྤྱོད་ལ་གཞིས་བྱེས་བོད་མི་ཡོངས་ཀྱིས་ཁོང་ཚོའི་
རེ་འདུན་བསྒྲུབ་ཐབས་ཇི་ཡོད་སྐོར་ཟབ་ཡངས་དཀྱེལ་ཆེའི་རྣམ་དཔྱོད་ཀྱི་ལམ་ནས་ ཞིབ་འཇུག་བགྲོ་གླེང་གཏིང་ཟབ་ངོས། བྱེས་འབྱོར་བོད་རིགས་ཡོངས་ལ་ལམ་སྟོན་ཐུབ་པ་ཞིག་བྱུང་ན་དགེ་མཚན་ཆེ་བར་མཐོང་”
ཞེས་གསལ་ཡོད་པ་རེད།
དེ་བཞིན་ཐེངས་འདིའི་ན་ གཞོན་ཤེས་ཡོན་པའི་ཚོགས་ཆེན་གོ་སྒྲིག་ཞུ་མཁན་བློ་བཟང་ཆོས་འབྱོར་རམ་ཡོངས་
གྲགས་སུ་ཤར་ཕྱོགས་ཁུག་རྟ་འབོད་པས་ཐེངས་འདིའི་ཚོགས་འདུ་འདི་གོ་སྒྲིག་ཞུ་ དགོས་པའི་སྐོར་ལ་བརྗོད་དོན།
” གཅིག བཙན་བྱོལ་གྱི་ལོ་ལྔ་བཅུར་ཕྱི་མིག་བལྟས་ན། སྤྱིར་ཤེས་ཡོན་པ་སྤྱི་དང་ལྷག་པར་ན་གཞོན་ཤེས་ཡོན་པ་ཟུར་དུ་འཚོགས་ཏེ་དམིགས་
བསལ་གྱིས་ནུས་པ་བཏོན་རིགས་མེད་སྟབས། ཤེས་ཡོན་པ་ཁེ་གཙང་རྣམས་ལ་རང་རང་གི་རྣམ་དཔྱོད་འདོན་སའི་སྡིངས་ཆ་ཞིག་ཏུ་ངོས་ འཛིན་བྱེད་ཀྱིན་ཡོད།
གཉིས། ལོ་རབས་བདུན་བཅུའི་ནང་བཙན་བྱོལ་ནས་འགོ་བཙུགས་པའི་བོད་རིགས་པའི་ཚོགས་འདུའི་ ནང་།
དེང་སྐབས་ཚོགས་ཞུགས་མི་སྣ་ཚུན་ལ་རྒྱ་ནག་གི་སྟངས་འཛིན་སླེབ་ཀྱིན་ཡོད་སྟབས། བཙན་བྱོལ་གྱི་ན་གཞོན་ཤེས་ཡོན་པ་རྣམས་རང་མགོ་རང་ཐོན་གྱི་ཐོག་ནས་བོད་རིག་པ་
རྒྱལ་སྤྱིའི་སྟེང་ཁྱབ་བརྡལ་དུ་གཏོང་ཐུབ་ཆེད།
གསུམ། ད་ལྟའི་བར་དུ་བཙན་བྱོལ་ནས་སྐྱེས་པ་དང་བོད་ནས་གསར་དུ་འབྱོར་བའི་ཤེས་ཡོན་པ་ ཚང་མའི་ནུས་པ་ཁ་འཐོར་དུ་འགྲོ་བཞིན་ཡོད།
དེར་བརྟེར་ཤེས་ཡོན་པ་ཕན་ཚུན་ངོ་འཕྲོད་པ་དང་ནུས་པ་གཅིག་ཏུ་སྒྲིལ་ཐུབ་ཆེད་” བཅས་ཀྱི་ཆེད་དུ་སྡིངས་ཆ་འདི་ལྟ་བུ་ཞིག་གོ་སྒྲིག་བྱས་པ་ཡིན་ཞེས་ཟེར།
ཉིན་དེར་ལོ་སྔོན་མའི་ཕྱི་ ཟླ་ ༡༡ ཚེས་ ༤ ཉིན་རྒྱ་ནག་གཞུང་ཚབ་ཁང་གི་མདུན་དུ་རང་ལུས་མེར་སྲེག་བཏང་སྟེ་ངོ་རྒོལ་བྱེད་
མཁན་བོད་རིགས་ན་གཞོན་ཤེས་རབ་ཚེ་རྡོར་ལགས་ཀྱིས་རང་ཉིད་ཀྱིས་རང་ལུས་མེར་སྲེག་ གནང་དགོས་པའི་སྐོར་ལ་ངོ་སྤྲོད་གནང་དོན། “སྐབས་
དེར་ངས་རང་ལུས་མེར་སྲེག་བྱེད་དོན་ང་ལ་ངོ་ཚ་བ་དང་སེམས་སྐྱོ་བའི་གནས་སྟངས་ གཉིས་བྱུང་བས་ཡིན། ངོ་ཚ་དོན་བོད་གཞིས་ནས་དེ་ལྟ་བུའི་རང་ལུས་མེར་སྲེག་གིས་ལས་འགུལ་རླབས་ཆེན་ སྤེལ་ཡོང་སྐབས།
རང་དབང་ལུང་པའི་ནང་ཡོད་པའི་བོད་མི་རྣམས་ཀྱིས་གདུང་སེམས་མཉམ་སྐྱེད་ཀྱི་ལས་ འགུལ་སྤེལ་ཐུབ་ཀྱི་མེད་སྟབས་གཞིས་ལུས་བོད་མིར་ངོ་ཚ་བ་དང་།
སེམས་སྐྱོ་དོན་བོད་ནང་དུ་འདི་ལྟ་བུའི་རང་ལུས་མེར་སྲེག་གི་ལས་འགུལ་སྤེལ་ དགོས་ཐུག་ནའང་། རྒྱལ་སྤྱིའི་སྤྱི་ཚོགས་དང་མཉམ་འབྲེལ་རྒྱལ་ཚོགས་བཅས་ཀྱིས་རོགས་སྐྱོར་མི་
བྱེད་པར་སྣང་མེད་དུ་བཞག་པ་དེར་སེམས་སྐྱོ་བྱུང་། དེར་བརྟེན་རང་ལུས་མེར་སྲེག་བཏང་བ་ཡིན” ཞེས་སོགས་རང་ཉིད་ཀྱིས་སྐུ་ལུས་མེར་སྲེག་བཏང་བའི་སྔ་ཕྱིའི་གནས་བབ་རྣམས་ངོ་སྤྲོད་གནང་ཡོད་པ་རེད།
བོད་རིགས་ན་གཞོན་ཤེས་ཡོན་ པའི་ཚོགས་ཆེན་འདི་ཉིད་དེ་རིང་དང་སང་ཉིན་ཉིན་རྒྱབ་བར་ཉིན་གཉིས་རིང་འཚོག་ རྒྱུ་ཡིན་པ་དང་།
ཚོགས་འདུའི་སྟེང་གླེང་སློང་བྱུང་བའི་གྲུབ་དོན་རྣམས་ཡིག་ཐོག་ཏུ་ཕབས་ནས་གཞུང་ འབྲེལ་དང་གཞུང་འབྲེལ་མ་ཡིན་པའི་ཚོགས་པ་ཁག་དང་། གསར་འགྱུར་བརྒྱུད་ལམ་ཁག་ཏུ་འབུལ་རྒྱུ་ཡིན་འདུག
ཞི་བའི་སྒོ་ནས་རྒྱ་ནག་ཡར་ཐོན་ཡོང་མིན་བོད་དོན་དཀའ་རྙོག་སེལ་མིན་ལ་རག་ལུས་ཡོད།
སྲིད་འཛིན་ཨོ་བྷ་མས་ཨེ་ཤི་ཡའི་འཚམས་གཟིགས་སྐབས་འགྲོ་བ་མིའི་ཐོབ་ཐང་སྐོར་གླེང་སློང་གནང་དགོས།
སྲིད་སྐྱོང་བློ་བཟང་སེང་གེ།
༄༅།
།སྲིད་འཛིན་ཨོ་བྷ་མ་བསྐྱར་འདེམས་བྱུང་རྗེས་ཕྱོགས་བསྐྱོད་དང་པོ་དེ་ཨེ་ཤ་ཡའི་ནང་བསྐྱང་རྒྱུའི་ཐག་གཅོད་གནང་བ་ནི་ཨེ་ཤ་ཡ་གཙོ་བོར་གྱུར་པའི་ཕྱི་འབྲེལ་གྱི་སྲིད་བྱུས་འཛིན་རྒྱུ་ཡིན་པ་གསལ་སྟོན་བྱས་ཡོད།
ཨེ་ཤ་ཡའི་གླིང་ཆེན་ཧྲིལ་པོ་དང༌། ལྷག་དོན་བོད་ནང་དེའི་སྐོར་དོ་སྣང་ཤུགས་ཆེ་བྱེད་ངེས་རེད། ད་རེས་ཁོང་ནང་པ་ཤུགས་ཆེ་ཡོད་པའི་རྒྱལ་ཁབ་ཀམ་པོ་ཌི་ཡ་དང་ཐའེ་ལེནཌ་གཉིས་ནང་ཕེབས་ཀྱི་ཡོད།
དེ་བཞིན་ཁོང་འབར་མར་ཕེབས་མཁན་ཨ་རིའི་སྲིད་འཛིན་དང་པོ་དེ་ཆགས་རྒྱུ་ཡིན། འབར་མ་ཡང་ནང་པ་ཤུགས་ཆེ་ཡོད་པའི་རྒྱལ་ཁབ་ཅིག་རེད།
ཨོ་བྷ་མ་འབར་མའི་ནང་ཕེབས་ཀྱི་ཡོད་པ་ནི་བོད་མི་ཚོར་དམིགས་བསལ་འབྲེལ་བ་ཆགས་ཡོད། གང་ཡིན་ཟེར་ན་བོད་མི་ཚོས་རྒྱ་ནག་ནང་མིང་དོན་མཚུངས་པའི་རང་སྐྱོང་ཡོང་ཐབས་ཀྱི་འབད་རྩོལ་ཁག་ལ་འབར་མའི་རང་དབང་འཐབ་རྩོད་པ་ཚོས་དོ་སྣང་ཞིབ་ཚགས་བྱེད་ཀྱི་ཡོད། ཐེངས་འདིའི་འཚམས་གཟིགས་ནི་ལྕམ་ཨང་སང་སུ་ཀིས་དབུ་འཁྲིད་པའི་མང་གཙོ་དང་རང་དབང་གི་ལས་འགུལ་ལ་རྒྱབ་སྐྱོར་གྱི་རྣམ་འགྱུར་ཆེན་པོ་ཞིག་ཡིན།
ལྕམ་ཨང་སང་སུ་ཀིས་སྲིད་འཛིན་ཐེན་སུན་དང་མཉམ་འབྲེལ་གྱིས་གཉན་འཕྲང་ཆེ་བའི་ཁོར་ཡུག་འོག་ཇུན་ཊའི་དྲག་པོའི་སྲིད་གཞུང་དང་མཉམ་ཕྱག་ལས་གནང་གི་ཡོད།
འབར་མའི་མི་མང་དང་ཁོ་ཚོའི་དབུ་ཁྲིད་ལྕམ་ཨང་སང་སུ་ཀི་གཉིས་ཀས་དཀའ་སྡུག་ཚད་མེད་མྱང་ཡོད། ༨༨༨༨ ཀྱི་གྱེན་ལངས་ལ་(༡༩༨༨ ཟླ་ ༨ ཚེས་ ༨
ཉིན་བྱུང་བའི་མང་གཙོའི་ལས་འགུལ་ཞིག)དྲག་གནོན་ཚབས་ཆེན་ཕོག་པ་མ་ཟད། ཇུན་ཊའི་དམག་མིས་འབར་མའི་མང་གཙོའི་ལས་འགུལ་བ་སྟོང་ཕྲག་མང་པོ་དམར་བསད་བཏང་བ་དང༌། ཕྱི་ལོ་ ༡༩༩༠ ལོའི་འོས་བསྡུ་ཆེན་མོ་བརྒྱ་ཆ་ཚད་མཐོའི་སྒོ་ནས་རྒྱལ་ཁ་བྱུང་ཡང་ལྕམ་ཨང་སང་སུ་ཀི་མི་ལོ་ ༡༥ རིང་བཟང་བཙོན་དུ་བཅུག་པ་རེད།
ཁོང་གི་ཡབ་ཨང་སན་ནི་དེང་རབས་ཀྱི་འབར་མའི་རྒྱལ་ཁབ་སྲོལ་གཏོད་མཁན་ཡིན་རུང༌། ཁོང་ཡང་ཕྱི་ལོ་ ༡༩༤༧ ལོར་དམར་བསད་བཏང་བ་རེད།
ལྕམ་ཨང་སང་སུ་ཀིའི་འཐབ་རྩོད་ཀྱི་ངོ་བོ་དང་ཉམས་མྱོང་རྣམས་ནོ་བྷལ་ཞི་བདེའི་གཟེངས་རྟོགས་བཞེས་མཁན་གཅིག་མཚུངས་ཡིན་པ་བོད་ཀྱི་དབུ་ཁྲིད་ྋགོང་ས་ྋསྐྱབས་མགོན་ཆེན་པོའི་མཛད་རྣམ་དང་འདྲ་ཆོས་ཡོད།
བཙན་དབང་འོག་རང་གི་མི་མང་དང་ལུང་པ་བྲལ་དགོས་བྱུང་རུང་ྋགོང་ས་ྋསྐྱབས་མགོན་ཆེན་པོ་མཆོག་གིས་བཙན་བྱོལ་ནང་མང་གཙོའི་ལམ་ལུགས་མགོ་འཛུགས་ཕྱག་བསྟར་གྱིས།
ཆོས་དང་སྲིད་ཀྱི་སྒྲིག་འཛུགས་གཉིས་ཐ་དད་འབྱེད་རྒྱུ་དང༌། མང་གཙོའི་ལམ་ནས་འོས་འདེམས་བྱུང་བའི་འགོ་ཁྲིད་སྲིད་སྐྱོང་ལ་ཆབ་སྲིད་ཀྱི་སྐུ་དབང་རྩིས་སྤྲོད་གནང་ཡོད།
བཙན་བྱོལ་སྤྱི་ཚོགས་ནང་ལག་བསྟར་བྱེད་བཞིན་པའི་མང་གཙོའི་ལམ་ལུགས་འདི་དག་མིག་དཔེ་འོས་པ་ཞིག་ཆགས་ཡོད།
སྲིད་འཛིན་ཨོ་བྷ་མས་གོ་སྐབས་འདི་དང་བསྟུན་ནས་རྒྱ་ཆེ་ས་ནས་ནང་ཆོས་དང་མང་གཙོའི་ལམ་ལུགས་གཉིས་མཉམ་གནས་ཐུབ་པའི་གསལ་སྟོན་གནང་དགོས། འབར་མ་དང་ཐའེ་ལེན་ཌ་གཉིས་ཀྱི་མི་མང་དང་འདྲ་བར་བཙན་བྱོལ་བོད་མི་ཚོས་ཀྱང་མང་གཙོའི་ལམ་ལུགས་འཛུགས་སྐྲུན་བྱས་ཡོད། འབར་མའི་ནང་སེར་མདོག་ཅན་གྱི་གསར་བརྗེ་བྱུང་བ་ལྟར་འདས་པའི་མི་ལོ་དྲུག་ཅུའི་རིང་བོད་པའི་དགེ་འདུན་པ་ཚོ་ཡང་འཚེ་མེད་ཞི་བའི་རང་དབང་འཐབ་རྩོད་ཀྱི་ལས་འགུལ་སྤེལ་མཁན་གཙོ་བོའི་ཁོངས་ཆགས་ཡོད།
སྲིད་འཛིན་ཨོ་བྷ་མས་ཚོགས་ཆེན་བཅོ་བརྒྱད་པར་བསྐོ་གཞག་བྱུང་བའི་རྒྱ་ནག་གི་འགོ་ཁྲིད་གསར་པ་ཚོ་དང་བོད་དོན་གླེང་སློང་ཤུགས་ཆེ་ཙམ་གནང་དགོས།
འདས་པའི་ལོ་མང་རིང་བོད་མི་ཚོས་དྲང་བདེན་ཡོང་བའི་ཞུ་འབོད་བྱེད་བཞིན་པ་དང༌། རང་སྐྱོང་དང་ཆོས་དད་རང་དབང་དགོས་པའི་མངོན་འདོད་བཏོན་ཡོད། ད་བར་བོད་མི་ ༧༢ ཀྱིས་རང་ལུས་མེར་བསྲེགས་བཏང་ཡོད། དེ་ཡང་ཕྱི་ལོ་ ༢༠༡༡
ཟླ་ ༣ ནས་བཟུང་རང་ལུས་མེར་བསྲེགས་གཏོང་མཁན་ ༧༠ བྱུང་བ་དང༌། ཟླ་བ་འདིའི་ནང་ཉིན་གཅིག་རང་ལ་མི་ལྔས་རང་ལུས་མེར་བསྲེགས་བཏང་ཡོད།
རང་ལུས་མེར་བསྲེགས་གཏོང་མཁན་ཚོའི་ཐུན་མོང་གི་མངོན་འདོད་ནི་ྋགོང་ས་མཆོག་བོད་ལ་ཕྱིར་གདན་འདྲེན་ཞུ་རྒྱུ་དང༌། བོད་མིར་རང་དབང་བསྐྱར་གསོ་དགོས་པ་གཉིས་ཡིན།
བོད་མི་ཚོས་འདས་པའི་མི་ལོ་བཅུ་ཕྲག་ལྔའི་རིང་མང་གཙོའི་ལམ་ལུགས་དང་འཚེ་བ་མེད་པའི་ལྟ་གྲུབ་རྒྱུན་སྐྱོང་བྱས་ཡོད།
ཕྱི་སྲིད་དྲུང་ཆེ་ལྕམ་ཧེ་ལི་རི་ཁེ་ལིན་ཊོན་གྱིས་འགྲོ་བ་མིའི་ཐོབ་ཐང་དང་མང་གཙོའི་ལམ་ལུགས་ལ་རྒྱབ་སྐྱོར་ཡོད་གནས་ནན་བརྗོད་གནང་བ་དང༌།
ཉེ་སྔོན་ཨ་རིའི་རྒྱ་ནག་གཞུང་ཚབ་པ་གྷེ་རི་ལོཀ་བོད་ཀྱི་ས་ཁུལ་ཁག་ཏུ་ཆེད་ཕེབས་གནང་ཡོད། ཨེ་ཤ་ཡའི་ནང་པའི་རྒྱལ་ཁབ་ཁག་གསུམ་ནང་འཚམས་གཟིགས་འདི་ནས་མགོ་ཚུགས་ཏེ་འབྱུང་འགྱུར་ལོ་བཞིའི་ནང་ཨོ་བྷ་མ་སྲིད་གཞུང་གིས་ཨེ་ཤ་ཡ་གཙོ་བོར་བཟུང་བའི་ཕྱི་འབྲེལ་གྱི་སྲིད་བྱུས་དེ་དོན་སྙིང་ལྡན་པ་ཞིག་ཡོང་བར་རྒྱ་ནག་དང་མཉམ་བོད་དོན་གླེང་སློང་གནང་དགོས།
བོད་དོན་དཀའ་རྙོག་སེལ་ཐབས་བྱེད་རྒྱུ་དེ་ཨ་རིའི་རྒྱལ་ཁབ་ཀྱི་གཞི་རྩའི་ལྟ་གྲུབ་དང་ཡོངས་སུ་མཐུན་པ་མ་ཟད། འཐབ་བྱུས་ཀྱི་ཆ་ནས་ཀྱང་གལ་གནད་ཅན་ཞིག་ཆགས་ཡོད།
རྒྱ་ནག་དཔལ་འབྱོར་ཆེན་པོའི་རྒྱལ་ཁབ་ནས་སྟོབས་ཆེན་རྒྱལ་ཁབ་ཀྱི་ངོ་བོར་ཡར་ཐོན་བྱེད་པ་དེ་ཨ་རི་གཙོས་འཛམ་གླིང་ཧྲིལ་པོ་དང་འབྲེལ་བ་ཡོད་པ་ཞིག་ཡིན། རྒྱ་ནག་ནང་བརྟན་ལྷིང་ཡོང་མིན་དང༌།
ཨེ་ཤ་ཡའི་ནང་ཞི་བདེ་ཡོང་མིན་གྱི་ཚོད་བལྟ་ངོ་མ་དེ་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་ཀྱི་སྒྲོམ་གཞིའི་ནང་བོད་ལ་མིང་དོན་མཚུངས་པའི་རང་སྐྱོང་གི་ཐོབ་ཐང་སྤྲད་མིན་དེ་ཆགས་ཡོད།
བོད་དོན་དཀའ་རྙོག་སེལ་ན་རྒྱ་དཀར་ནག་གི་འབྲེལ་ལམ་ཡར་རྒྱས་ཡོང་བར་ཡང་ཕན་ཐོགས་ཡོད།
དེ་ལྟར་བྱུང་ན་བོད་མི་ཚོས་སླར་ཡང་སྲོལ་རྒྱུན་ལྟར་ཨེ་ཤ་ཡའི་མི་འབོར་ས་ཡ་མང་པོའི་འཚོ་རྟེན་དང་འབྲེལ་བ་ཡོད་པའི་བོད་ཀྱི་གཙང་ཆུ་དང༌།
རང་བྱུང་ཐོན་ཁུངས་ཁག་སྲུང་སྐྱོབ་བྱེད་ཐུབ་པའི་གནས་བབ་བསྐྲུན་ཐུབ།
གལ་སྲིད་ཨ་རིས་རྒྱ་ནག་དང་མཉམ་བོད་དོན་གླེང་སློང་གྲུབ་འབྲས་ལྡན་པ་ཞིག་བྱེད་ཐུབ་ན།
རྒྱ་གར་དང༌། བལ་པོ། འབྲུག་པ། སོག་པོ་བཅས་བོད་མི་དང་ཆོས་རིག་གོམས་སྲོལ་གཅིག་པ་ཡིན་པ་མི་འབོར་ས་ཡ་མང་པོའི་དགའ་བསུ་ཐོབ་རྒྱུ་རེད།
གནས་ཚུལ་ཐོན་གསལ་ལྟར་ན་ད་ལྟའི་ཆར་རྒྱ་ནག་ཁྱོན་ཡོངས་ལ་ནང་པ་ས་ཡ་སུམ་བརྒྱ་ལྷག་ཡོད་པ་དང༌། ཨེ་ཤ་ཡའི་ཁུལ་གཞན་དུའང་ས་ཡ་མང་པོ་ཡོད།
བོད་མིར་མིང་དོན་མཚུངས་པའི་རང་སྐྱོང་ཐོབ་ཐབས་སུ་ཨ་རིས་རྒྱ་ནག་དང་མཉམ་དོན་ཕན་ལྡན་པའི་འབྲེལ་གཏུགས་བྱེད་རྒྱུ་དེ་རྒྱ་རིགས་ཤེས་ཡོན་ཅན་ཚོའི་ལངས་ཕྱོགས་དང་ཡང་མཐུན་པ་ཡིན། ཕྱི་ལོ་ ༢༠༠༨
ལོར་བོད་ས་ཡོངས་སུ་ཞི་བའི་གྱེན་ལངས་བྱུང་སྐབས་ད་ཆ་བཙོན་ཁང་ནང་ཡོད་པའི་ནོ་བྷེལ་ཞི་བདེའི་གཟེངས་རྟགས་ཐོབ་མཁན་ལིའུ་ཞའོ་པོས་གཙོས་པའི་རྒྱ་རིགས་ཤེས་ཡོན་ཅན་དང༌། རྩོམ་པ་པོ།
འགྲོ་བ་མིའི་ཐོབ་ཐང་ལས་འགུལ་བ་བཅས་ཀྱིས་ཡོངས་གྲགས་ཐོག་རྒྱ་ནག་གཞུང་ལ་མཚན་འཁོད་སྙན་ཞུ་ཕུལ་སྟེ། བདེན་པ་མ་ཡིན་པའི་ཕྱོགས་གཅིག་གི་དྲིལ་བསྒྲགས་མཚམས་འཇོག་དགོས་པ་དང༌།
གྲོས་མོལ་གྱི་ལམ་ནས་དཀའ་ངལ་སེལ་ཐབས་བྱེད་དགོས་པའི་འབོད་སྐུལ་ཞུས་ཡོད།
དེ་ནི་ད་ལྟའི་ཆར་རྒྱ་ནག་ནང་ཡོད་པའི་རྒྱ་རིགས་མང་པོའི་བསམ་ཚུལ་ཡིན་ལ།
གཞིས་བཞུགས་བོད་མིའི་མངོན་འདོད་ཀྱང་ཡིན། དེར་བརྟེན་གནད་དོན་འདིའི་ཐད་སྲིད་འཛིན་ཨོ་བྷ་མས་ནུས་པ་འདོན་ཐུབ་ན་ཨེ་ཤ་ཡ་གཙོ་བོར་བཟུང་བའི་ཕྱི་འབྲེལ་གྱི་སྲིད་བྱུས་ལ་འགྲོ་བ་མིའི་ཐོབ་ཐང་སྲུང་སྐྱོབ་ཀྱི་ནུས་པ་ཐོན་ཐུབ།
(མང་གཙོའི་ལམ་ནས་འོས་འདེམས་བྱུང་བའི་བོད་མིའི་འགོ་ཁྲིད་དང་ྋགོང་ས་མཆོག་གི་ཆབ་སྲིད་སྐུ་དབང་རྩིས་སྤྲོད་གནང་ཡུལ་སྲིད་སྐྱོང་བློ་བཟང་སེང་གེས་སྤེལ།)
གོང་གསལ་ཆེད་རྩོམ་འདི་ཕྱི་ལོ་ ༢༠༡༢ ཟླ་ ༡༡ ཚེས་ ༡༤ ཉིན་ཝལ་སིཊིཊ་དུས་དེབ་ནང་འགྲེམས་སྤེལ་ཞུས་ཡོད
གཟའ་ཉི་མར་བཞུཊ་སྒར་དུ་ཚོཊ་པའི་གཞུང་འབྲེལ་སྨོན་ལམ་སྟེང་། སྲིད་སྐྱོང་བློ་བཟང་སེང་གེ་མཆོག་གིས་སྐབས་ ༡༨ པའི་རྒྱ་ནག་དམར་ཤོག་ཚོཊ་ཆེན་སྐབས།
བོད་རང་སྐྱོང་ལྗོངས་ཏང་ཡོན་མགོ་ཁྲིད་ཁག་ཅིག་གིས་བོད་དོན་ཐོག་འཁྱོག་བཤད་བྱས་པར་ལན་འདེབས་གནང་ཡོད།
བོད་མིའི་སྒྲིག་འཛུགས་ཆོས་རིག་ལས་ཁུངས་ཀྱི་གོ་སྒྲིག་འོག དེ་རིང་ཕྱི་ཚེས་ ༡༡ ཉིན་གྱི་སྔ་དྲོའི་ཆུ་ཚོད་ ༡༠།༣༠ ཕྱེད་ཀའི་བཞུགས་སྒར་ངྷ་ས་ཐེག་ཆེན་ཆོས་གླིང་གཙུག་ལག་ཁང་དུ།
རྣམ་རྒྱལ་གྲྭ་ཚང་གི་མཁན་པོ་ཁྲོམ་ཐོག་རིན་པོ་ཆེ་དབུ་བཞུཊ་ཐོག བཙན་བྱོལ་བོད་མིའི་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པ་ཆེ་བ་ངག་དབང་འཕེལ་རྒྱས་མཆོག་གིས་གཙོས་ཁྲིམས་ཞིབ་པ་གཞན་གཉིས་དང་།
བོད་མི་མང་སྤྱི་འཐུས་ཚོཊ་གཙོ་བགྲེས་གཞོན་རྣམ་གཉིས་གཙོས་སྤྱི་འཐུས་རྒྱུན་ལས་རྣམ་པ། བོད་མིའི་སྒྲིག་འཛུཊ་སྲིད་སྐྱོང་བློ་བཟང་སེང་གེ་མཆོག་གཙོས་ཕྱག་རོཊ་བཀའ་བློན་རྣམ་པ།
རང་དབང་ཅན་གྱི་སྡེ་ཚན་ཁག་གི་འགན་འཛིན་དང་གཞུང་ཞབས་ལས་བྱེད། གཞུང་འབྲེལ་མིན་པའི་ཚོཊ་པ་ཁག་གི་སྐུ་ཚབ་དང་ངྷ་སའི་སེར་སྐྱ་མང་ཚོཊ་བཅས་ཁྱོན་མི་སྟོང་ཕྲག་ལྷག་འཛོམས་ཏེ།
ཉེ་ལམ་བོད་ནང་རང་ལུས་མེར་བསྲེཊ་གཏོང་མཁན་བོད་མི་ཚོར་གདུང་སེམས་མཉམ་སྐྱེད་ཀྱི་མཆོད་འབུལ་སྨོན་ལམ་ཞིག་ཚོཊ་སོང་།
མཆོད་འབུལ་སྨོན་ལམ་སྟེང་དབུས་བོད་མིའི་སྒྲིག་འཛུགས་ཀྱི་སྲིད་སྐྱོང་བློ་བཟང་སེང་གེ་མཆོག་གིས། ༢༠༠༩ ལོར་བོད་ནང་བཀྲ་བྷེ་ལཊ་ཀྱིས་རང་ལུས་མེར་བསྲེགས་བཏང་ཡོད་པ་དང་། ༢༠༡༡ ལོའི་ཕྱི་ཟླ་ ༣ ཚེས་ ༡༦
ནས་ཕུན་ཚོཊ་ལཊ་ཀྱིས་རང་ལུས་མེར་བསྲེཊ་བཏང་རྗེས། བོད་ནང་རང་ལུས་མེར་བསྲེགས་ཀྱི་གྲངས་འབོར་ཇེ་མང་དུ་འགྲོ་བཞིན་ཡོད་ཅིང་། ལྷག་པར་དུ། སྐབས་བཅོ་བརྒྱད་པའི་རྒྱ་ནག་དམར་ཤོག་ཚོཊ་ཆེན་གྱི་སྔ་ནུབ་སྟེ།
ད་ལོའི་ཕྱི་ཟླ་ ༡༠ པའི་ནང་བོད་ནང་བོད་མི་ ༡༠ ཙམ་གྱིས་རང་ལུས་མེར་བསྲེཊ་ཀྱིས་རྒྱ་གཞུང་ལ་ངོ་རྒོལ་བྱས་ཡོད་པ་དང་། ཟླ་འདིའི་ཕྱི་ཚེས་ ༧ ཉིན་བོད་ནང་ཨ་མདོ་རྔ་བའི་གྲྭ་རྡོ་རྗེ་དང་བསམ་འགྲུབ།
རྡོ་རྗེ་སྐྱབས་བཅས་དང་། རེབ་གོང་དུ་རྟ་མགྲིན་འཚོ་དང་ཁམས་ནཊ་ཤོད་པད་དཀར་ཞང་དུ་བོད་མི་གཅིག་བཅས་ཁྱོན་བོད་མི་ ༥ ཡིས་ཉིན་གཅིག་ལ་རང་ལུས་མེར་བསྲེགས་ཀྱིས་རྒྱ་གཞུང་ལ་ངོ་རྒོལ་དང་། ཕྱི་ཚེས་ ༨
ཉིན་རེབ་གོང་དུ་སྐལ་བཟང་སྦྱིན་པ་ལཊ་ཀྱིས་རང་ལུས་མེར་བསྲེཊ་དང་། ཕྱི་ཚེས་ ༡༠ ཉིན་ཨ་མདོ་ཨ་མཆོག་ཏུ་མགོན་པོ་ཚེ་རིང་ལཊ་ཀྱིས་རང་ལུས་མེར་བསྲེཊ་བཏང་ཡོད་སྐོར་ངོ་སྤྲོད་དང་འབྲེལ།
བོད་ནང་རང་ལུས་མེར་བསྲེཊ་གཏོང་མཁན་གཙོས་གཞིས་ལུས་བོད་མི་ཡོངས་ཀྱི་མངོན་འདོད་ནི། ༸གོང་ས་མཆོག་བོད་ལ་གདན་འདྲེན་ཞུ་རྒྱུ་དང་བོད་མིར་རང་དབང་དགོས་རྒྱུ་དེ་ཡིན་སྟབས།
བོད་མིའི་སྒྲིག་འཛུཊ་ཀྱིས་གཞིས་ལུས་མི་མང་གི་མངོན་འདོད་ལ་མཐའ་གཅིག་ཏུ་རྒྱབ་སྐྱོར་ཞུ་རྒྱུར་མ་ཟད།
ཅི་སྲིད་བོད་མིའི་མངོན་འདོད་མ་འགྲུབ་བར་དུ་འབད་བརྩོན་ལྷོད་མེད་གནང་རྒྱུ་ཡིན་སྐོར་ནན་བརྗོད་གནང་སོང་།
དེ་བཞིན། སྲིད་སྐྱོང་བློ་བཟང་སེང་གེ་མཆོག་གིས་མུ་མཐུད་དུ། ཟླ་འདིའི་ཕྱི་ཚེས་ ༨ ཉིན་མདོ་སྨད་རེབ་གོང་ཁུལ་དུ་བོད་རིཊ་སློབ་ཕྲུག་སྟོང་ཕྲག་མང་པོ་གྲོང་ཁྱེར་ཁྲོམ་གཞུང་དུ་ཐོན་ཏེ།
༸གོང་ས་མཆོག་བོད་ལ་གདན་འདྲེན་ཞུ་དགོས་པ་དང་། རྒྱ་གཞུང་གིས་མི་རིཊ་དབྱེ་འབྱེད་བྱེད་པ། མི་རིཊ་འདྲ་མཉམ་གྱི་ཐོབ་ཐང་དགོས་པ། སྐད་ཡིག་རང་དབང་དགོས་པ་བཅས་ཀྱི་སྐད་འབོད་དང་ཁྲོམ་སྐོར་བྱས་ཡོད་ལ།
ད་ལྟའི་ཆ་ལ་རྒྱ་གཞུང་གིས་བོད་རིཊ་སློབ་ཕྲུག་ཚོར་དྲག་གནོན་བྱས་པའི་གནས་ཚུལ་རིཊ་བྱུང་མེད་ཀྱང་།
བཀའ་ཤག་གི་ངོས་ནས་སློབ་ཕྲུག་ཚོའི་གནས་སྟངས་ཐད་ཐུགས་འཚབ་ཆེན་པོ་བྱེད་ཀྱི་ཡོད་ཚུལ་གསལ་བཤད་གནང་སོང་།
སྲིད་སྐྱོང་མཆོག་གིས་ད་ལྟའི་དུས་ཚོད་འདི་ནི་བོད་མིའི་བྱུང་རབས་ལོ་རྒྱུས་ནང་གཉན་འཕྲང་ཆེ་བའི་དུས་ཚོད་ཅིག་ཆཊ་ཡོད་པ་དང་།
༸གོང་ས་མཆོག་བོད་དུ་གདན་འདྲེན་ཞུ་རྒྱུ་དང་བོད་ལ་རང་དབང་འཐོབ་རྒྱུ་གཉིས་བོད་མི་ས་ཡ་དྲུག་གི་གཞི་རྩའི་མངོན་འདོད་ཆགས་ཡོད་ཀྱང་། བོད་ནང་བོད་མི་མང་དག་ཅིག་གིས་ང་ཚོའི་ཚབ་བྱས་ཏེ།
སོ་སོའི་རྩ་ཆེའི་ལུས་སྲོག་ལ་ཕངས་སེམས་མེད་པར་རང་གི་ལུས་སྟེང་དུ་སྣུམ་གཤོལ་ཏེ་མེར་བསྲེཊ་གཏོང་བཞིན་ཡོད་སྐོར་དང་། བོད་ནང་རང་ལུས་མེར་བསྲེཊ་གཏོང་བཞིན་པའི་གནས་སྟངས་ཛ་དྲག་ཏུ་འགྲོ་བཞིན་པའི་སྐབས་འདིར།
ཕྱི་ལོཊ་སུ་བོད་གཞུང་མང་གཉིས་ཐུན་མོང་ཐོག་མཆོད་འབུལ་སྨོན་ལམ་གནང་རྒྱུ་ཧ་ཅང་གལ་ཆེན་ཡིན་པར་མ་ཟད།
བོད་མིའི་རྩ་དོན་ཐོག་ཕྱག་ལས་ག་རེ་གནང་དགོས་མིན་ཐད་རིག་པ་བསྒྲིམ་རྒྱུ་དང་ལས་འགུལ་སྤེལ་རྒྱུའི་དུས་ལ་བབས་ཡོད་སྐོར་ནན་བརྗོད་གནང་སོང་།
རྒྱལ་སྤྱིའི་བརྒྱུད་ལམ་ཁག་ལ་མཚོན་ནའང་། སྤྱིར་བཏང་བོད་དོན་ཐོག་འཛམ་གླིང་སྟེང་གྲཊ་ཅན་བརྒྱུད་ལམ་ཁག་གིས་དོ་སྣང་བྱེད་བཞིན་ཡོད་ཀྱང་།
ཨ་རིའི་སྲིད་འཛིན་འོས་བསྡུའི་གནས་ཚུལ་ཤུཊ་ཆེ་བ་དང་ཡུ་རོབ་ཁུལ་དུ་དཔལ་འབྱོར་གནས་སྟངས་ཉམས་ཆག་ཏུ་ཕྱིན་པ། རྒྱ་ནག་ནང་རྒྱ་ནག་མགོ་ཁྲིད་འཕོ་འགྱུར་འགྲོ་བཞིན་པ་བཅས་ཀྱིས།
བར་སྐབས་རིང་རྒྱལ་སྤྱིའི་བརྒྱུད་ལམ་ཁག་གིས་བོད་དོན་ཐོག་དེ་ཙམ་དོ་སྣང་བྱས་མེད་ཀྱང་། ད་ཆར་སྲིད་འཛིན་འོས་འདེམས་གྲུབ་ཡོད་སྟབས་རྒྱལ་སྤྱིའི་བརྒྱུད་ལམ་ཁག་གིས་བོད་དོན་ཐད་གནས་ཚུལ་སྔར་ལས་མང་བ་འགོད་རྒྱུ་དང་།
རྒྱལ་སྤྱིའི་ཐོག་བོད་དོན་ཐད་མཁྱེན་རྟོཊ་མང་བ་ཡོང་རྒྱུ། བོད་དོན་རྒྱབ་སྐྱོར་བ་ཚོས་ཀྱང་བོད་དོན་ཐོག་སྔར་ལས་རྒྱབ་སྐྱོར་བྱ་རྒྱུའི་རེ་བ་དང་འབོད་སྐུལ་ཞུ་རྒྱུ་ཡིན་ཚུལ་དང་།
བོད་མིའི་སྒྲིག་འཛུགས་ཀྱིས་ཀྱང་བོད་དོན་དྲིལ་བསྒྲགས་ཐོག་སྔར་ལས་ཤུགས་སྣོན་རྒྱག་རྒྱུ་ཡིན་སྐོར་གསུངས་སོང་།
ཡང་སྲིད་སྐྱོང་མཆོག་གིས་ཉེ་ལམ་ནས་རྒྱལ་སྤྱིའི་བརྒྱུད་ལམ་ཁག་ཏུ་བོད་དོན་སྐོར་གྱི་གནས་ཚུལ་ཇེ་མང་དུ་ཐོན་གྱི་ཡོད་ཅིང་། ལྷག་པར་དུ་ཕྱི་ཚེས་ ༡༠ ཉིན་གྱི་ནེའུ་ཡོག་དུས་བབ་སྟེང་།
བོད་མིའི་རང་བསྲེཊ་སྐོར་གྱི་རྩོམ་ཡིག་ཅིག་བཀོད་དེ། དེང་སྐབས་ལྟ་བ་གུ་ཡངས་པོ་ཡོད་ཟེར་མཁན་གྱི་རྒྱ་རིཊ་མཁས་པའི་ཁྲོད། རྒྱ་ནག་གི་ཆབ་སྲིད་དང་དཔལ་འབྱོར། མང་གཙོ་དང་རང་དབང་། ལྐོག་ཟ་རུལ་སུངས།
འགྲོ་བ་མིའི་ཐོབ་ཐང་ཐོག་རྒྱབ་སྐྱོེར་རྩོམ་ཡིག་དང་བགྲོ་གླེང་གཏམ་བཤད་སྤེལ་མཁན་མང་པོ་ཡོད་ཀྱང་།
ལག་ལེན་དངོས་ཀྱི་ཐོག་བོད་མིའི་རང་ལུས་མེར་བསྲེཊ་བཏང་སྟེ་རང་དབང་དགོས་ཟེར་བ་དེར་རྒྱ་རིཊ་མཁས་པའི་ནང་གླེང་སློང་བྱེད་མཁན་ཧ་ཅང་ཉུང་ཤོས་ལས་མེད་པ་དེ་ནི།
མི་རིཊ་དབྱེ་འབྱེད་ཀྱི་གུ་དོཊ་བསམ་བློ་ལས་འབྱུང་བཞིན་པའི་དོཊ་སློང་ཅན་གྱི་རྩོམ་ཡིག་ཅིག་སྤེལ་ཡོད་ཚུལ་གསལ་བཤད་དང་། རྒྱ་རིཊ་མཁས་པའི་ནང་བོད་མིའི་མེར་བསྲེགས་ལ་དོ་སྣང་བྱེད་མཁན་ཅི་ཙམ་ཡོད་མེད་ལ་མ་ལྟོས་པར།
རྒྱལ་སྤྱིའི་སྟེང་བོད་མིའི་རང་བསྲེགས་ལས་འགུལ་ཐོག་དོ་སྣང་སྔར་ལས་ཆེ་རུ་འགྲོ་བཞིན་ཡོད་སྐོར་གསུངས་སོང་།
སྲིད་སྐྱོང་བློ་བཟང་སེང་གེ་མཆོག་གིས་སྐབས་བཅོ་བརྒྱད་པའི་རྒྱ་ནག་དམར་ཤོག་ཚོཊ་ཆེན་སྐབས། རང་སྐྱོང་ལྗོངས་ཀྱི་བོད་མི་ཏང་ཡོན་མགོ་ཁྲིད་ཁག་ཅིག་གིས།
བོད་ནང་གི་གནས་སྟངས་ཐད་འཁྱོག་བཤད་བྱས་པར་ལན་འདེབས་གནང་དོན། “སྐབས་བཅོ་བརྒྱད་པའི་རྒྱ་ནག་དམར་ཤོག་ཚོགས་ཆེན་སྐབས་བོད་མི་ཏང་ཡོན་མགོ་ཁྲིད་ཡིན་ཟེར་མཁན་ཁ་ཤས་ཀྱིས།
གསར་འགོད་པ་བསྐངས་ཏེ་ནེ་ཙོ་ནང་བཞིན་སྐད་ཆ་ཡ་མཚན་པོ་ཁ་ཤས་བཤད་འདུག རྣ་བའི་ཡུལ་དུ་མི་འགྲོ་བའི་སྐད་ཆ་དེར་མོས་མཐུན་རྩ་བ་ནས་མེད།
བོད་མིའི་སྒྲིག་འཛུཊ་ཀྱིས་རྒྱ་གཞུང་ལ་བོད་མིའི་མེར་བསྲེཊ་གཏོང་དགོས་དོན་ཐད་རྐྱེན་དང་གནད་དོན་སེལ་དགོས་པ་གཉིས་འདུག་ཅེས་བཤད་ཡོད།
རྐྱེན་མི་སེར་སྤེལ་བའི་རིང་ལུཊ་དང་མཁྲེཊ་འཛིན་སྲིད་བྱུས་ལག་བསྟར་བྱས་པས་བོད་ནང་གི་བོད་མིས་རང་ལུས་མེར་བསྲེཊ་གཏོང་གི་ཡོད།
མི་སེར་སྤེལ་བའི་རིང་ལུཊ་དང་མཁྲེཊ་འཛིན་སྲིད་བྱུས་མཚམས་བཞག་ཏེ་བོད་མིར་རང་སྐྱོང་གནས་བབ་སྤྲད་ན། ཐབས་ལམ་དེ་པེ་ཅིན་ལ་ཡོད་པ་རེད། ང་ཚོས་རྒྱ་གཞུང་ལ་བོད་ནང་ཆབ་སྲིད་དམ་དྲག་དང་མི་རིཊ་དབྱེ་འབྱེད།
དཔལ་འབྱོར་དབྱེ་འབྱེད། ཁོར་ཡིག་གཏོར་བཤིག རིག་གཞུང་རྩ་མེད་གཏོང་གི་འདུག་ཅེས་ཕར་སྐྱོན་བརྗོད་བྱེད་བཞིན་པ་དེར། ཉེ་ལམ་རང་སྐྱོང་ལྗོངས་ཀྱི་མགོ་ཁྲིད་ཡིན་ཟེར་མཁན་བོད་མི་ཁག་ཅིག་གིས།
བོད་ནང་གི་བོད་མི་ཚོར་ཆབ་སྲིད་རང་དབང་ཡོད། སྤྱི་ཚོཊ་དབྱེ་འབྱེད་མེད། དཔལ་འབྱོར་ཐོབ་ཐང་ཡོད། བོད་ནང་གི་བོད་མི་ཚོར་བདེ་སྐྱིད་ཡོད།
ལྷག་པར་དུ་བོད་ཀྱི་རྒྱལ་ས་ལྷ་ས་ལོ་ལྔའི་ནང་རྒྱ་ནག་རྒྱལ་ཡོངས་ནང་གྲོང་ཁྱེར་སྐྱིད་ཤོས་དེ་ཡིན་ཞེས་བཤད་འདུག བོད་མི་ཏང་ཡོན་ཞིག་ཡིན་པའི་ཆ་ནས་བོད་ནང་རྙོག་དྲ་འབྱུང་བཞིན་པ་དེ་དག
བོད་མིའི་སྒྲིག་འཛུགས་ཀྱིས་ངན་སྐུལ་བྱས་པ་ཞིག་ཡིན་པ་ལས། བོད་ནང་གི་བོད་མི་ཚོ་སྐྱིད་པོ་བདེ་མོ་ཡོད་སྐོར་བཤད་པ་དེར་བློ་ཕམ་སྐྱེ་གཞི་ཞིག་རེད། ”ཅེས་གསུངས།
མཇུག་ཏུ་སྲིད་སྐྱོང་མཆོག་གིས་ཉེ་སྔོན་རྒྱ་རིཊ་མཁས་པ་ཞོ་མིན་གྱིས་བཤད་པའི་སྐད་ཆ་ཞིག་ལུང་འདྲེན་གནང་སྟེ། ད་ཆར་བོད་ཀྱི་རྒྱལ་ས་ལྷ་སར་བོད་པ་ལས་རྒྱ་རིཊ་མང་། གྲྭ་པ་ལས་དམག་མི་མང་བ།
སྒེའུ་ཁུང་ལས་པར་ཆས་མང་བ། མཆོད་མེ་ལས་མེ་མདའ་མང་བའི་གནས་སྟངས་འོག་བོད་མི་ཚོས་མི་ཚེ་སྐྱེལ་དགོས་བྱུང་ཡང་། དེང་སྐབས་རྒྱལ་སྤྱིའི་གནས་སྟངས་ལ་འགྱུར་བ་འགྲོ་བཞིན་ཡོད་པ་ལྟར།
རྒྱ་ནག་ལའང་དེ་མཚུངས་ཀྱི་འགྱུར་བ་འགྲོ་བཞིན་ཡོད་སྟབས། སྐབས་དང་དུས་ལ་བསྟུན་ཏེ་བོད་མི་ཚོས་གོ་སྐབས་འཇུས་ཐུབ་རྒྱུ་གལ་ཆེན་ཡིན་པ་དང་།
བོད་ནང་གི་ཛ་དྲག་གནས་སྟངས་ཆེད་དམིགས་བསལ་ཚོཊ་ཆེན་སྐབས་གྲོས་ཆོད་མང་པོ་བཞག་ཡོད་པ་མ་ཟད། བཀའ་སྤྱི་གཉིས་མཉམ་འབྲེལ་ཐོག་མ་འོངས་པར་སྐབས་བསྟུན་གྱི་ལས་འགུལ་ཅི་སྤེལ་ཐོག་གྲོས་བསྡུར་གནང་རྒྱུ་དང་།
བོད་ནང་གི་བོད་མིའི་མངོན་འདོད་འགྲུབ་ཆེད་གཞུང་མང་གཉིས་ཀྱིས་ལས་འགུལ་ནམ་སྤེལ་ལ་ཞི་བ་དང་ཁྲིམས་མཐུན། ཆེ་མཐོང་ལྡན་པའི་ཐོག་ལས་འགུལ་སྤེལ་རྒྱུ་གལ་ཆེན་ཡིན་སྐོར་ནན་བརྗོད་གནང་སོང་།
༄༅། །ཕྱི་ལོ་ ༢༠༡༢ ཟླ་ ༡༡ ཚེས་ ༧ ཉིན་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་མཆོག་དང་ཚོགས་གཞོན་རྣམ་ གཉིས་ཀྱིས་བཀའ་ཤག་ཚོམས་ཆེན་དུ་ཕྱི་ནང་གི་གསར་འགོད་པ་གྲངས་ ༢༢
བཅར་ཡོད་པ་རྣམས་ལ་རྒྱ་ནག་གུང་ཁྲན་ཏང་གི་སྐབས་བཅོ་བརྒྱད་པའི་ཚོགས་ཆེན་ལ་ འབོད་སྐུལ་དོན་ཚན་བཞི་ཅན་ཞིག་གསར་འགོད་གསལ་བསྒྲགས་སྤེལ་ཡོད།
དེ་ཡང་ཐོག་མར་བོད་མི་མང་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་གིས་གསར་ འགོད་བསལ་བསྒྲགས་མ་སྤེལ་གོང་དབྱིན་སྐད་ཐོག་་བར་ལམ་ཨ་རིའི་སྲིད་འཛིན་གྱི་
འོས་འདེམས་གནང་ཡོད་པའི་རྒྱལ་ཁ་དེ་ད་ལྟ་གནང་བཞིན་པའི་སྲིད་འཛིན་ཨོ་བྷ་མར་ཐོབ་ ཡོད་པར་སོང་ཁོང་ལ་བོད་མི་མང་སྤྱི་འཐུས་ལྷན་ཚོགས་ངོས་ནས་འཚམས་འདྲི་ཞུ་བཞིན་ ཡོད།
ཅེས་སྲིད་འཛིན་ཨོ་བྷ་མ་སླར་ཡར་སྲིད་འཛིན་ལ་འོས་འདེམས་བྱུང་བར་འཚམས་འདྲི་གནང་ བ་དང་། དེ་ནས་ཐེངས་འདིའི་གསར་འགོད་གསལ་བསྒྲགས་སྒྲོགས་སྦྱང་གནང་ཡོད།
དེ་རྗེས་ཚོགས་གཞོན་མཁན་པོ་བསོད་ནམས་བརྟན་འཕེལ་མཆོག་གིས་བོད་ཡིག་ཐོག་གསར་ འགོད་གསལ་བསྒྲགས་སྤེལ་བ་རྣམས་གཤམ་གསལ།
འདས་མ་ཐག་པའི་ཟླ་ ༡༠ པ་གཅིག་པུའི་ནང་བོད་ནང་བོད་མི་ ༡༠ ཙམ་གྱིས་རང་ལུས་མེར་བསྲེགས་བཏང་བ་དེ་ནི། ད་བར་བོད་ནང་ཛ་དྲག་གི་རང་ལུས་མེར་བསྲེགས་བཏང་བའི་ལས་འགུལ་གཞི་རྒྱ་ཆེ་ཤོས་ ཀྱི་ཟླ་བ་ཞིག་ཆགས་ཡོད།
ང་ཚོས་ཤེས་རྟོགས་གསལ་པོ་བྱུང་བར་གཞིགས་ན། ད་བར་བོད་ནང་བོད་མི་གྲངས་ ༦༣ གྱི་རང་ལུས་མེར་བསྲེགས་ཀྱིས་རྒྱ་གཞུང་ལ་ངོ་རྒོལ་གནང་ཡོད་པ་དེའི་ནང་ཕོ་གྲངས་ ༥༥ དང་། མོ་གྲངས་ ༨ དགེ་འདུན་པ་གྲངས་ ༢༡ བཙུན་མ་གྲངས་ ༣
སྐྱ་བོ་གྲངས་ ༣༤ བུད་མེད་གྲངས་ ༥ ལོ་ན་མཐོ་ཤོས་དགུང་ལོ་ ༦༤ དང་། ཆུང་ཤོས་དགུང་ལོ་ ༡༧ ཆགས་ཡོད།
དེ་དག་གི་ནང་ནས་འདས་གྲོངས་སུ་གྱུར་པ་ ༥༢ དང་། དེ་མིན་མང་པོ་ཞིག་རྒྱ་གཞུང་གི་ལག་འོག་ཏུ་ཚུད་ནས་གནས་སྟངས་ཇི་ཆགས་ཤེས་རྟོགས་ དཀའ་བའི་གནས་སུ་གྱུར་ཡོད།
དེ་ནི་འགྲོ་བ་མིའི་ལོ་རྒྱུས་ཀྱི་འཕེལ་རིམ་ནང་བྱུང་མྱོང་མེད་པའི་ཆེས་ཛ་དྲག་ གི་གནས་སྟངས་ཤིག་ཡིན་ཞིང་། གནས་སྟངས་དེར་གཞིགས་ན། བོད་མིའི་སྒྲིག་འཛུགས་ཀྱི་ངོས་ནས་འཛམ་གླིང་ཁྱོན་ཡོངས་སུ་གཞི་རྒྱ་ཆེ་བའི་ལས་
འགུལ་སྣ་མང་དུས་གཅིག་ཏུ་སྤེལ་དགོས་པ་ཞིག་ཆགས་ཡོད་ཀྱང་། ད་ལམ་རྒྱ་ནག་གུང་ཁྲན་ཏང་གི་སྐབས་བཅོ་བརྒྱད་པའི་ཚོགས་ཆེན་འཚོག་ལ་ཉེ་བ་དང་ འཁེལ་སྟབས།
རྒྱ་ནག་དམར་ཤོག་ནང་གཡོན་ཐལ་མཁྲེགས་འཛིན་པའམ་སྐབས་འཚོལ་རིང་ལུགས་པ་ཚོས། ལས་འགུལ་དེར་གཡས་ཁག་གཡོན་དཀྲི་དང་འགྲེལ་བརྗོད་ལོག་པ་བྱ་སྲིད་པས། ད་ཐེངས་ཆེད་དུ་ཞུ་སྐུལ་འདི་ཕུལ་བ་ཡིན།
དང་པོ། བོད་མི་མང་སྤྱི་འཐུས་ལྷན་ཚོགས་ཀྱི་ངོས་ནས་བོད་ནང་བོད་མི་ཚོས་རང་ལུས་མེར་ བསྲེགས་ཀྱི་ཛ་དྲག་གི་གནས་སྟངས་ལ་བློ་འཚབ་ཆེན་པོ་ཡོད་ཅིང་།
བོད་ས་ཁྱོན་ཡོངས་ནས་རྒྱ་ནག་གཞུང་གི་གདུག་རྩུབ་ཆེ་བའི་སྲིད་བྱུས་ལ་རང་ བསྲེགས་ཀྱི་ངོ་རྒོལ་བྱས་དང་བྱེད་བཞིན་པ་འདི་འཚེ་མེད་ཞི་བའི་ལས་འགུལ་ཚད་མཐོ་ ཤོས་ཤིག་ལ་ངོས་འཛིན་ཞུ་བཞིན་ཡོད།
གཉིས་པ། བོད་མིའི་སྒྲིག་འཛུགས་ཀྱི་ངོས་ནས། བོད་ནང་གི་བོད་མི་ཚོར་སོ་སོའི་ཚེ་སྲོག་ལ་གཅེས་འཛིན་དགོས་པའི་འབོད་སྐུལ་ལན་ མང་ཞུས་ཀྱང་།
རྒྱ་གཞུང་གིས་དེ་ལས་ལྡོག་སྟེ་བོད་ནང་རང་ལུས་མེར་བསྲེགས་གནང་བ་དེ་ནི། ཏཱ་ལའི་ཁ་བྲལ་རིང་ལུགས་པས་རྒྱ་ནག་ཁ་བྲལ་གཏོང་ཆེད་དུ་བརྒྱུད་སྐུལ་བྱས་ལུགས་ ལ་བསྙད་བཏགས་ཏེ། འདས་པའི་ལོ་ ༦༠ ནང་དང་།
ལྷག་པར་དུ་བོད་ནང་གི་བོད་མི་ཚོར་ཡ་ང་སྙིང་རྗེ་མེད་པའི་དྲག་པོའི་རྡུང་རྡེག་ དང་། བཙོན་འཇུག་མནར་གཅོད། བོད་ཀྱི་དགོན་སྡེ་གྲྭ་ཚང་ཁག་ཏུ་ལས་དོན་རུ་ཁག་དང་། ས་གནས་གང་སར་ཉེན་རྟོག་ས་ཚིགས་གསར་འཛུགས།
རྒྱ་མི་འབོར་ཆེན་བོད་དུ་གནས་སྤོས་ཀྱིས་བོད་མིའི་ཆོས་དང་རིག་གཞུང་། སྐད་ཡིག་གི་ངོ་བོ་རྩ་བརླག་ཏུ་གཏོང་རྒྱུ། བོད་མི་ནང་ཕན་ཚུན་འགྲོ་བསྐྱོད་ལ་བཀག་སྡོམ། མདོར་ན། མི་རིགས་དབྱེ་འབྱེད་དང་མི་རིགས་མཐོང་ཆུང་།
མི་རིགས་རྩ་མེད་དུ་གཏོང་རྒྱུའི་སྲིད་བྱུས་ལག་བསྟར་བྱས་དང་བྱེད་བཞིན་པ་དེར། བོད་ནང་གི་བོད་མི་ཚོ་སྡོད་བཟོད་མ་ཐུབ་པར་ཞི་རྒོལ་འདྲ་མིན་སྣ་ཚོགས་སྤེལ་ དགོས་བྱུང་བར་ངོས་འཛིན་གསལ་པོ་ཞུ་བཞིན་ཡོད།
གསུམ་པ། འདས་པའི་མི་ལོ་བཅུའི་རིང་རྒྱ་ནག་རྒྱལ་ཁབ་འདི་བཞིན་དཔལ་འབྱོར་ཐད་ཡར་རྒྱས་ ཆེན་པོ་ཕྱིན་ཡོད་ཀྱང་། བློ་ཕམ་པ་ཞིག་ལ་དེ་དང་འཚམས་པའི་ཆབ་སྲིད་རང་དབང་ཐད་ཡར་རྒྱས་གང་ཡང་ཕྱིན་མེད་
པར་མ་ཟད། སྤྱི་ཚོགས་ཁྱོན་ཡོངས་སུ་ཞེ་འཁོན་ཁྲོ་སློང་མེ་རི་གས་ལ་ཉེ་བ་ལྟར་ཆགས་པ་དང་། དམིགས་བསལ་བོད་ཐོག་རིག་གནས་གསར་བརྗེ་ལས་གདུག་རྩུབ་ཆེ་བའི་གཡོན་ཐལ་ཅན་གྱི་ སྲིད་བྱུས་ལག་བསྟར་བྱས་པ་དེས།
བོད་མི་རྣམས་ད་ལྟའི་རྒྱ་ནག་གཞུང་གི་འགོ་ཁྲིད་འོག་སྡོད་འདོད་མེད་པར་”རྒྱལ་བ་ རིན་པོ་ཆེ་བོད་ལ་གདན་འདྲེན་ཞུ་དགོས། བོད་ལ་རང་དབང་དགོས་”ཞེས་སོགས་ཀྱི་འབོད་སྒྲའི་འོག
གཅིག་མཇུག་གཉིས་མཐུད་ཀྱིས་རང་ལུས་མེར་བསྲེགས་གནང་བཞིན་ཡོད། ང་ཚོས་ཁོང་རྣམ་པའི་ཞལ་ཆེམས་དང་འབོད་སྒྲའི་མངོན་འདོད་འགྲུབ་ཆེད། རྒྱ་ནག་གུང་ཁྲན་ཏང་གི་སྐབས་བཅོ་བརྒྱད་པའི་ཚོགས་ཆེན་ལ་གཤམ་གསལ་དོན་ཚན་བཞི་
འབོད་སྐུལ་ཞུ་རྒྱུ།
- སྐབས་བཅོ་བརྒྱད་པའི་ཚོགས་ཆེན་དེའི་ཐོག་བོད་མིས་རང་ལུས་མེར་བསྲེགས་བཏང་ དང་གཏོང་བཞིན་པའི་གནད་དོན་སྐོར་གླེང་སློང་དང་། དོན་རྐྱེན་དེ་ཡོང་དགོས་པའི་རྒྱུ་རྐྱེན་གང་ལ་ཐུག་པར་ཞིབ་འཇུག་མཐིལ་ཕྱིན་གནང་ སྟེ།
བོད་ཐོག་བོད་མིའི་མངོན་འདོོད་དང་མཐུན་པའི་སྲིད་བྱུས་ཡང་དག་པ་ཞིག་གཏན་འབེབས་ གནང་ཐུབ་པའི་རེ་སྐུལ་ཞུ་རྒྱུ།
- རྒྱ་གཞུང་གིས༸གོང་ས་༸སྐྱབས་མགོན་ཆེན་པོ་མཆོག་དགྲ་རུ་འཛིན་པའི་ནོར་ འཁྲུལ་ཅན་གྱི་སྲིད་བྱུས་འོག ཁོང་ལ་སྒྲོ་སྐུར་འཁྱོག་བཤད་ཀྱི་མཚན་སྨད་ཞུས་པ་དང།
ཁོང་གི་སྐུ་པར་ཡན་སྒྲིག་བཤམས་མི་ཆོག་པའི་བྱེད་སྟངས་དེས། བོད་མི་རྣམས་ཀྱི་སྙིང་ལ་གྲི་བཙུགས་པ་ནང་བཞིན་གྱི་ན་ཟུག་གཏོང་བཞིན་ཡོད་པས།
སྲིད་བྱུས་དེ་འཕྲལ་དུ་མཚམས་འཇོག་གིས་བོད་མི་ཚོས་རང་དབང་ཐོག་སོ་སོའི་ཆོས་དང། རིག་གཞུང། སྐད་ཡིག་སོགས་རྒྱུན་འཛིན་བཀོལ་སྤྱོད་ཆོག་པའི་ཁོར་ཡུག་ཅིག་སྐྲུན་ཐུབ་པའི་རེ་ སྐུལ་ཞུ་རྒྱུ།
- རྒྱ་ནག་གུང་ཁྲན་ཏང་གི་ལོ་རྒྱུས་སུ་ཉེས་ཡང་གློད་གྲོལ་ཆེན་པོ་ཐེངས་བདུན་ ཙམ་བཏང་མྱོང་བའི་ལམ་སྲོལ་ཡོད་པ་ལྟར། ད་ཐེངས་ཚོགས་ཆེན་བཅོ་བརྒྱད་པ་དེས་བོད་ཀྱི་ཆབ་སྲིད་བཙོན་པ་ཡོངས་རྫོགས་ཉེས་
ཡང་གློད་བཀྲོལ་བཏང་སྟེ། བོད་ནང་དུ་བཟང་ཕྱོགས་ཀྱི་འགྱུར་བ་ཞིག་འགྲོ་ཐུབ་པའི་སྲིད་བྱུས་ལག་བསྟར་ཡོང་ བའི་རེ་བསྐུལ་ཞུ་རྒྱུ།
- སླེབས་ལ་ཉེ་བའི་རྒྱ་ནག་གི་འགོ་ཁྲིད་གསར་པ་ཚོས་བོད་ཀྱི་གནད་དོན་ལ་ད་ ལྟའི་གཞུང་ནང་བཞིན་གཡོལ་ཐབས་སམ། “བོད་ཀྱི་གནད་དོན་ཟེར་བ་མེད་”ཅེས་ཧམ་བཤད་ལྟ་བུའི་དུས་ཚོད་འགྱངས་ཐབས་ཁོ་ན་མ་ བྱས་པར།
བོད་ཀྱི་གནད་དོན་འདི་སེལ་ཆེད། བོད་མིའི་སྒྲིག་འཛུགས་མཉམ་དོན་དམ་གྱི་འབྲེལ་མོལ་བརྒྱུད་ལམ་བསྐྱར་གསོ་ཞུ་ བའི་རེ་སྐུལ་ཞུ་རྒྱུ།
- གོང་གསལ་དོན་ཚན་བཞིའི་ཐོག་རྒྱ་ནག་གཞུང་གིས་བསམ་ཞིབ་དགོངས་བཞེས་གནང་ཐུབ་ ན། བོད་ནང་གི་ཛ་དྲག་གི་གནས་སྟངས་ལྷིང་འཇགས་སུ་འགྲོ་ཐུབ་པ་དང་། རྒྱ་ནག་གི་བརྟན་བརླིང་སྲུང་སྐྱོབ་ལ་ཕན་པ།
བོད་རྒྱ་གཉིས་འཆམ་མཐུན་མཉམ་གནས་ཡོང་ཐུབ་པར་མ་ཟད། རྒྱལ་སྤྱིའི་ཐོག་རྒྱ་ནག་གུང་ཁྲན་ཏང་གི་གཟུགས་བརྙན་དང་མཐོང་ཆེ་རུ་འགྲོ་ངེས་ ལའང་ང་ཚོས་ཡིད་ཆེས་དང་ངོས་འཛིན་གསལ་པོ་ཞུ་བཞིན་ཡོད་པ་བཅས།
བོད་མི་མང་སྤྱི་འཐུས་ལྷན་ཚོགས་ཀྱིས་ཕྱི་ལོ་ ༢༠༡༢ ཟླ ༡༡ ཚེས་ ༧ ལ།
ཟླ་༨་ཕྱི་ཚེས་ ༨ ནས་ ༡༢ བར་རྒྱ་གར་ཧི་མ་ཅལ་མངའ་ཁོངས་སྦིར་གཞིས་ཆགས་བོད་མིའི་ཚོགས་ཁང་དུ། བོད་ཀྱི་གཞོན་ནུ་ལྷན་ཚོགས་ཀྱི་འགན་འཛིན་ལྷན་ཚོགས་ཐེངས་ ༤༣
པ་དེ་ཚོགས་ཡོད།
ཚོགས་འདུའི་ཐོག་གཞོན་ལྷན་དབུས་ས་གཉིས་ཀྱི་ལས་བསྡོམས་དང་རྩིས་ཁྲ་ཞིབ་བཤེར། དེ་སྔའི་གྲོས་ཆོད་ཁག་ལ་བསྐྱར་ཞིབ་ཀྱིས་ལག་བསྟར་དགོས་རིགས་མུ་མཐུད་མཇུག་སྐྱོང་།
བཙན་བྱོལ་བོད་གཞུང་གི་བཞེངས་ཕྱོགས་རང་བཙན་སླར་གསོའི་ཐོག་བསྒྱུར་ཐབས་སུ་བཀའ་སྤྱི་གཉིས་ལ་ཞུ་སྙན་འབུལ་རྒྱུ་དང་། ཕྱི་ལོ་ ༢༠༡༡ ལོར་ལྡི་ལི་དང་།
༢༠༡༢ལོར་ནེའུ་ཡོག་རྒྱལ་ཚོགས་མདུན་སྤེལ་བའི་ཟས་བཅད་ལས་འགུལ་ཁག་གི་དགོས་འདུན་མཇུག་སྐྱོང་ལག་བསྟར་ཆེད། ཕྱི་ལོ་ ༢༠༡༢ ཟླ་ ༩
ཚེས་ ༣ ནས་མགོ་འཛུགས་ཀྱིས་རྒྱ་གར་རྒྱལ་ས་ལྡི་ལིར་དབུས་རྒྱུན་གསུམ་གྱིས་དུས་ཚོད་ངེས་མེད་ཀྱི་ཟས་བཅད་ལས་འགུལ་སྤེལ་རྒྱུ་གཙོས། གྲོས་གཞི་ཁག་
༨ ཐོག་བགྲོ་གླེང་གྲོས་བསྡུར་གནང་མཐར་གྲོས་ཆོད་དོན་ཚན་ ༢༡ ཙམ་བཞག་ཡོད་འདུག
ཐེངས་འདིའི་གྲོས་གཞི་དང་པོ་རྩིས་ཁྲ་ཞིབ་བཤེར་སྐོར་ལ། བོད་ཀྱི་གཞོན་ནུ་ལྷན་ཚོགས་ཀྱི་སྤྱི་ཁྱབ་དབུས་རྒྱུན་ལས་ཁང་དང་།
ས་གནས་རྒྱུན་ལས་ཁག་གི་ལས་བསྡོམས་དང་རྩིས་ཁྲར་ཞིབ་བཤེར་འཐུས་གཙང་ཟིན་པ། གཉིས་པ་དེ་སྔའི་གྲོས་ཆོད་མཇུག་སྐྱོང་གནང་རྒྱུའི་སྐོར་ལ།
བོད་ཀྱི་གཞོནནུ་ལྷན་ཚོགས་ཀྱི་འགན་འཛིན་ལྷན་ཚོགས་ཐེངས་ ༤༠ པའི་གྲོས་གཞི་དོན་ཚན་གསུམ་པ་ཀ་པའི་གྲོས་ཆོད་ཨང་ ༢ པ།
གྲོས་གཞི་དོན་ཚན་ལྔ་པ་ཁ་པའི་གྲོས་ཆོད་ཨང་ ༢ པ། གྲོས་གཞི་དོན་ཚན་དྲུག་པ་ཁ་པའི་གྲོས་ཆོད་ཨང་ ༢ པ།
གྲོས་གཞི་དོན་ཚན་བདུན་པ་ཀ་པའི་གྲོས་ཆོད་ཨང་ ༣ པ། དེ་བཞིན་འགན་ལྷན་ཐེངས་ ༤༢
པའི་གྲོས་གཞི་དོན་ཚན་གསུམ་པའི་ཀ་པའི་གྲོས་ཆོད་ཨང་ ༡ ། གྲོས་གཞི་དོན་ཚན་བཞི་པའི་གྲོས་ཆོད་ ༢ པ་བཅས་མཇུག་སྐྱོང་ཞུ་རྒྱུ།
གྲོས་གཞི་དོན་ཚན་གསུམ་པ་ཆབ་སྲིད་དང་འབྲེལ་བའི་གཞོན་ནུའི་ལངས་ཕྱོགས་དང་ལས་འགུལ་སྤེལ་ཕྱོགས་ཐད།
གཞིས་བྱེས་བོད་མིའི་ཡིད་ལ་བརྣག་པའི་འདོད་དོན་ཆོལ་གསུམ་གཅིག་ཏུ་བསྒྲིལ་བའི་བོད་རང་བཙན་སླར་གསོའི་དམིགས་ཡུལ་བོད་མི་ཡོངས་ཀྱི་སེམས་ནང་མི་འགྱུར་བརྟན་གནས་ཐུབ་ཆེད།
བཙན་བྱོལ་བོད་མིའི་ས་གནས་ཁག་ནང་བོད་ཀྱི་རྒྱལ་རབས་ལོ་རྒྱུས་དང་། རང་བཙན་འཐབ་རྩོད་ཀྱི་བརྗོད་གཞིའི་ཐོག་ཟབ་སྦྱོང་སྤྲོད་རྒྱུ།
བོད་རང་བཙན་ཁུངས་སྐྱེལ་གྱི་ཡིག་ཆ་ཁག་གང་མང་དཔར་འགྲེམས། འདས་པའི་ཉམས་མྱོང་དང་ད་ལྟའི་ཛ་དྲག་གནས་བབ་ལ་གཞིགས་ཏེ། བཙན་བྱོལ་བོད་གཞུང་གི་བཞེངས་ཕྱོགས་དེ་བཞིན་རང་བཙན་སླར་གསོའི་ཐོག་བསྒྱུར་ཐབས་སུ་བཀའ་སྤྱི་ལྷན་རྒྱས་ལ་ཞུ་སྙན་འབུལ་རྒྱུ།
རྒྱ་གཞུང་གིས་བོད་ནང་མི་སེར་སྤེལ་བའི་ཛ་དྲག་གི་སྲིད་བྱུས་སྣ་ཚོགས་ལ་གདོང་ལེན་ཆེད། རིས་མེད་བླ་སྤྲུལ་ཁག་གིས་བོད་ནང་གི་བོད་མི་ཚོར་བཀའ་སློབ་ལམ་སྟོན་གནང་སྐྱོང་ཡོང་བའི་ཞུ་སྙན་འབུལ་རྒྱུ་དང་། ཕྱི་ཟླ་ ༦ ཚེས་ ༥ འཛམ་གླིང་ཁོར་ཡུག་ཉིན་མོ་དེ་བཞིན་བོད་ཀྱི་གཞོན་ནུ་ལྷན་ཚོགས་ཀྱིས་གཏན་འབེབས་ལས་འགུལ་སྲུང་བརྩི་ཞུ་རྒྱུ།
༸པཎ་ཆེན་ཆུང་སྲིད་རིན་པོ་ཆེ་ད་ཆ་གར་ཡོད་ཤེས་རྟོགས་ཆེད། འདི་ལོར་གནས་མཆོག་ཝ་ར་ཎཱ་སིར་བོད་བརྒྱུད་ནང་བསྟན་ཆེས་མཐོའི་ལྷན་ཚོགས་སྐབས་ནང་པའི་བླ་ཆེན་ཁག་དང་འབྲེལ་ཡོད་ཁག་ལ་འབོད་སྐུལ་ཞུ་རྒྱུ་དང་།
༸པཎ་ཆེན་ཆུང་སྲིད་རིན་པོ་ཆེ་གཙོས་བོད་མི་ཆབ་སྲིད་བཙོན་པ་རྣམས་འཕྲལ་དུ་ཀློད་གྲོལ་ཡོང་སླད། གཞོན་ལྷན་དབུས་ས་གཉིས་ནས་ལས་འགུལ་སྤེལ་རྒྱུ་དང་།
རྒྱ་གཞུང་གི་བོད་བརྒྱུད་ནང་བསྟན་དང་འབྲེལ་བའི་ཡིག་ཆ་ཨང་ལྔ་པ་དང་ཨང་བརྒྱད་པ་ནི། བོད་རྒྱལ་ཁབ་ཀྱི་ནང་སྲིད་ལ་ཐེ་བྱུས་བྱས་པ་ཡིན་པར་ངོ་རྒོལ་བྱས་ཟིན་པ་ལྟར། དེ་འབྲེལ་ཁྲིམས་གཞི་གང་ཞིག་གཏན་འབེབས་རིགས་ནམ་ཡང་ངོས་ལེན་མེད་པ་གསལ་སྟོན་བྱ་རྒྱུ།
གྲོས་གཞི་དོན་ཚན་བཞི་པ་རང་བཙན་སླར་གསོ་དང་དེའི་ཐད་ལས་འགུལ་སྤེལ་ཕྱོགས་སྐོར་ལ། བོད་ཕྱི་ནང་གཉིས་ནས་བོད་རང་བཙན་སླར་གསོ་དང་རྒྱ་ནག་གི་སྲིད་བྱུས་ལ་ངོ་རྒོལ་ཆེད།
རྩ་ཆེའི་སྐུ་ལུས་མེར་བསྲེགས་གཏོང་མཁན་རྒྱལ་གཅེས་དཔའ་བོ་དཔའ་མོ་རྣམ་པའི་རླབས་ཆེན་སྙིང་སྟོབས་ལ་བསྔགས་བརྗོད་གུས་འདུད་དང་ཤུལ་ལུས་གཉེན་ཉེ་ནང་མི་རྣམས་ལ་ཐུགས་གསོ་ཞུ་རྒྱུ། བོད་རྒྱལ་ཁབ་ཆེད་སྐུ་ལུས་མེར་བསྲེགས་གནང་བ་དེ་འཚེ་མེད་ཞི་བའི་ལས་འགུལ་ཚད་མཐོ་ཤོས་སུ་ངོས་འཛིན་གསལ་སྟོན་དང་།
༢༠༡༡ ལོར་རྒྱ་གར་རྒྱལ་ས་ལྡི་ལི་དང་། ༢༠༡༢ ལོར་ནེའུ་ཡོག་རྒྱལ་ཚོགས་མདུན་སོ་སོར་སྤེལ་བའི་ཟས་བཅད་ལས་འགུལ་གྱི་དགོས་འདུན་ཁག་མཇུག་སྐྱོང་ལག་བསྟར་ཆེད། རྒྱ་གར་རྒྱལ་ས་ལྡི་ལིར་དབུས་རྒྱུན་གསུམ་གྱིས་ཕྱི་ལོ་ ༢༠༡༢ ཟླ་ ༩
ཚེས་ ༣ ནས་མགོ་འཛུགས་ཀྱིས་དུས་ཚོད་ངེས་མེད་ཀྱི་ཟས་བཅད་ལས་འགུལ་ཞིག་སྤེལ་རྒྱུ།
གྲོས་གཞི་དོན་ཚན་ལྔ་པ་བོད་པའི་ཆོས་དང་རིག་སྲུང་སྐྱོབ་སྐོར་ལ། བོད་ཕྲུག་རྣམས་ཀྱི་བོད་ཀྱི་སྐད་ཡིག་ལ་དོ་སྣང་ཡར་རྒྱས་ལ་དམིགས་ཏེ།
བོད་སྐད་ཐོག་ཡོད་པའི་རི་མོའི་གློག་བརྙན་ཁག་གཞོན་ལྷན་དབུས་ནས་ཕྱོགས་བསྒྲིགས་ཀྱིས་ས་གནས་གཞོན་ནུ་ཁག་གིས་འགྲེམས་སྤེལ་དང་། སློབ་གྲྭ་ཁག་ཏུ་བོད་ཡིག་དགེ་རྒན་ཚད་ལྡན་བསྐོ་བཞག་དང་། དེ་དག་གི་གླ་ཕོགས་སོགས་མཐུན་རྐྱེན་ཡར་རྒྱས་གཏོང་དགོས་པ་ཤེས་རིག་ལྷན་ཁང་དང་། བོད་ཕྲུག་ཁྱིམ་སྡེ། མ་སུ་རི་བོད་ཁྱིམ། བལ་ཡུལ་གངས་ཅན་བདེ་རྩ་བཅས་ཀྱི་སྤྱི་ཁྱབ་ཡིག་ཚང་ལ་ཞུ་སྙན་འབུལ་རྒྱུ། ལྷག་དཀར་ལས་འགུལ་གྱི་ངོ་བོ་དང་། རྒྱབ་ལྗོངས།
ལས་འགུལ་དེ་ཉིད་ཡོངས་ཁྱབ་ཏུ་སྲུང་བརྩི་ཞུ་ཕྱོགས་སྐོར་དེབ་ཆུང་ཞིག་གཞོན་ལྷན་དབུས་ནས་འགྲེམས་སྤེལ་བྱ་རྒྱུ།
གྲོས་གཞི་དོན་ཚན་དྲུག་པ་ ༸གོང་ས་མཆོག་གི་སྐུ་ཕྱཱའི་ཐད། རྒྱ་གར་དབུས་སའི་གཞུང་དང་རང་གཞུང་བདེ་སྲུང་ལྷན་ཁང་གིས་ད་བར་༸རྒྱལ་བའི་སྐུ་ཕྱཱའི་ཐད། ཞུ་སྒོ་གང་ལེགས་གནང་བར་ཐུགས་རྗེ་ཆེ་ཞུ་རྒྱུ་དང་། མ་འོངས་པར་སྔར་ལྷག་དེའི་ཐད་དམ་དོན་ངེས་གནང་ཡོང་རྒྱུ། སྐུའི་ངལ་གསོ་དང་ཉེན་སྲུང་སླད། གཟིམ་ཆུང་མཇལ་ཁ་སྤྱི་དང་ལྷག་པར་རྒྱ་མི་རིགས་ཁག་ལ་མཇལ་འཕྲད་ཉུང་འཕྲི་དང་། མཇལ་ཁའི་སྐབས་ངེས་པར་འབྲེལ་ཡོད་ཁག་ནས་སྔར་ལྷག་ཐུགས་གཟབ་གནང་རྒྱུའི་ཐད་ཞུ་སྙན་འབུལ་རྒྱུ།
གྲོས་གཞི་དོན་ཚན་བདུན་པ་གཞོན་ནུའི་དབུས་སའི་སྒྲིག་གཞི་ཚགས་ཚུད་ཡོང་ཐབས་སྐོར་ལ།
དེ་སྔོན་ས་གཞོན་ཁག་གི་སོ་སོའི་ཚོགས་དར་ཐོག་ས་གནས་ཀྱི་ཁྱད་ཆོས་ལ་གཞིགས་པའི་པར་རིས་འཁོད་པ་ཕྱིར་བསྡུ་བྱས་ཏེ། གཞོན་ལྷན་གྱི་སྒྲིག་གཞིའི་ནང་གསལ་གཞི་སེར་པོའི་ཐོག་བོད་ཀྱི་ས་ཁྲ་ལྗང་ཁུ་འཁོད་པ་དེ་ཉིད་གཅིག་གྱུར་བེད་སྤྱོད་བྱ་རྒྱུ། བོད་ཀྱི་གཞོན་ནུ་ལྷན་ཚོགས་ཀྱི་དབུས་སའི་རྒྱུན་ལས་སྔ་རྗེས་ལོ་ ༡༥ གནང་ཞིང་། མུ་མཐུད་གཞོན་ནུའི་ཚོགས་མིར་གནས་བཞིན་པ་རྣམས་ཀྱི་རྒྱལ་གཅེས་སྙིང་སྟོབས་ལ་གུས་བཀུར་སླད་ཚོགས་ཆེན་སྐབས་ཆེ་བསྟོད་གཟེངས་རྟགས་འབུལ་རྒྱུ།
གྲོས་གཞི་དོན་ཚན་བརྒྱད་པ་སྤྱི་སྨན་དགོངས་འཆར་གྱི་སྐོར་ནས། ཕྱི་ལོ་ ༢༠༡༢ ལོར་གཞོན་ལྷན་གྱི་ཚོགས་ཆེན་ཐེངས་ ༡༥ པའི་ཚོགས་མགོན་དུ་བོད་རྒྱལ་ཁབ་ཆེན་པོའི་བླ་ན་མེད་པའི་དབུ་ཁྲིད། ༸གོང་ས་མཆོག་ཆིབས་བསྒྱུར་བཀའ་དྲིན་ཆེ་བའི་གསོལ་འདེབས་སྐྱབས་འཇུག་ཞུ་རྒྱུ་བཅས་ཀྱི་གྲོས་ཆོད་བཞག་འདུག
༢༠༡༢ ཟླ་༨ ཚེས་༨ ཉིན་ཕྱི་དྲིལ་ལྷག་པ་ཚེ་རིང་ཚོགས་ཁང་དུ་བཀའ་བློན་ཁྲི་པ་བློ་བཟང་སེང་གེ་མཆོག་གིས་བཀའ་ཁྲིའི་ཐུགས་འགན་བཞེས་ཏེ་ལོ་གཅིག་ཧྲིལ་པོ་འཁོར་བའི་གྲུབ་འབྲས་དང་།
མདུན་བསྐྱོད་བྱེད་ཕྱོགས་སྐོར་གསར་འགོད་གསལ་བསྒྲགས་ཤིག་གནང་ཡོད་པ་རེད།
གསར་འགོད་གསར་ལྷན་ཚོགས་དེའི་ཐོག་བཀའ་བློན་ཁྲི་པ་བློ་བཟང་སེང་གེ་དང་། ཆོས་རིག་བཀའ་བློན་པདྨ་ཆོས་འབྱོར།
དྲིལ་བསྒྲགས་བཀའ་བློན་བདེ་སྐྱིད་ཆོས་དབྱངས། དཔལ་འབྱོར་བཀའ་བློན་ཚེ་རིང་དོན་གྲུབ། འཕྲོད་བསྟེན་བཀའ་བློན་ཚེ་རིང་དབང་ཕྱུག་བཅས་ཕེབས་ཡོད་པ་རེད།
སྐབས་དེའི་གསར་འགོད་གསལ་བསྒྲགས་ནང་འཁོད་པ་ཆ་ཚང་གཤམ་དུ་བཀོད་ཡོད།
༄༅། །སྤུན་ཟླ་ཚོ། དེ་རིང་ཕྱི་ལོ་ ༢༠༡༢ ཟླ་ ༨ ཚེས་ ༨ རེས་གཟའ་ལྷག་པ་གཟའ་སྐར་དགེ་བའི་ཉིན་ཕྲན་ནས་བཀའ་བློན་ཁྲི་པའི་ལས་ཁུར་འགོ་ བཙུགས་ཏེ་ལོ་གཅིག་འཁོར་བའི་དུས་ཚིགས་འཁེལ་བའི་སྐབས་འདིར།
ད་བར་ལས་དོན་ཇི་བྱས་ལ་བསྐྱར་ཞིབ་ཀྱིས་གྲུབ་འབྲས་ཐོན་པ་ཁག་ཅིག་གི་ངོས་འཛིན་ དང་སྦྲགས་མུ་མཐུད་མདུན་བསྐྱོད་བྱེད་ཕྱོགས་སྐོར་ངོ་སྤྲོད་མདོ་ཙམ་ཞུ་རྒྱུ་ ཡིན།
ཕྱི་ལོ་ ༢༠༡༡ ཟླ་ ༣ ནང་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་ཆབ་སྲིད་ཀྱི་སྐུ་དབང་ཡོངས་ རྫོགས་མི་མང་གིས་འོས་འདེམས་བྱས་པའི་འགོ་འཁྲིད་ལ་རྩིས་སྤྲོད་གནང་རྒྱུའི་བཀའ་
ལྕི་ཟློག་མེད་ཕེབས་པ་ལ་བརྟེན་ནས། བཀའ་བློན་ཁྲི་པར་ལོ་རྒྱུས་རང་བཞིན་ལྡན་པའི་འགྱུར་བ་དེ་འཇམ་ལྷིང་ངང་འགྲོ་ ཐུབ་པ་བྱ་རྒྱུའི་ལས་འགན་བབས་པ་ལྟར། གཞིས་བྱེས་བོད་མི་ཡོངས་ཀྱིས་ཆིག་བསྒྲིལ་དང༌།
སེམས་ཁུར་མཉམ་བསྐྱེད། རྒྱབ་སྐྱོར་བཅས་གནང་བ་ལ་བརྟེན་ནས་ལས་འགན་དེ་གང་ལེགས་གྲུབ་དང་འགྲུབ་བཞིན་ ཡོད།
འགོ་འཁྲིད་འཕོ་འགྱུར་གྱི་དུས་ཚིགས་དེའང་བོད་མི་ཚོས་རྒྱ་ནག་གཞུང་གི་དྲག་ གནོན་གྱི་སྲིད་བྱུས་ལ་ངོ་རྒོལ་བྱེད་ཆེད་རང་ལུས་མེར་བསྲེགས་ཀྱི་ཚབས་ཆེའི་ གནས་ཚུལ་བྱུང་འགོ་ཚུགས་པའི་སྐབས་སུ་འཁེལ་ཡོད་པ་དང༌།
ད་བར་ང་ཚོས་ཤེས་རྟོགས་བྱུང་བར་རང་ལུས་མེར་བསྲེགས་ཀྱི་གནས་ཚུལ་ ༤༦ བྱུང་བ་ནས་གཅིག་མ་གཏོགས་གཞན་ཚང་མ་ཕྱི་ལོ་ ༢༠༡༡ ཟླ་ ༣ རྗེས་སུ་བྱུང་ཡོད།
ང་ཚོའི་ངོས་ནས་བོད་མི་ཚོར་ཚབས་ཆེའི་ལས་འགུལ་དེ་རིགས་སྤེལ་མི་དགོས་པའི་འབོད་ སྐུལ་བྱས་ཡོད་ཀྱང༌། གནས་ཚུལ་དེ་དག་བྱུང་བའི་འགན་ཁག་གཙོ་བོ་རྒྱ་ནག་གཞུང་གི་དྲག་གནོན་གྱི་སྲིད་
བྱུས་ཁོ་ན་ལ་ཡོད་ཅེས་ནན་བརྗོད་བྱ་རྒྱུ་ཡིན།
སྐབས་འདིར་འདས་པའི་ལོ་གཅིག་གི་དུས་ཡུན་ནང་ལས་དོན་སྣ་མང་ཐོག་འབད་བརྩོན་ཇི་ཞུས་དང་གྲུབ་འབྲས་ཇི་སོན་སྙན་གསན་ཞུ་རྒྱུར།
བོད་དོན་དྲིལ་བསྒྲགས།
བཀའ་ཤག་སྐབས་བཅུ་བཞི་པས་བོད་དོན་དྲིལ་བསྒྲགས་དང་བོད་མིའི་ཆབ་སྲིད་འགོ་ འཁྲིད་ལ་གདེང་འཇོག་ཐོབ་ཐབས་སུ་ལས་དོན་རྒྱ་གང་ཆེ་སྤེལ་བ་ལས་གྲུབ་འབྲས་ཀྱང་ མི་དམན་ཙམ་བྱུང་ཡོད།
ཕྱག་སྦྲེལ་བཀའ་བློན་རྣམ་པ་རྒྱལ་ཁབ་མང་པོའི་ནང་ཆེད་ཕེབས་ཀྱིས་བོད་དོན་དྲིལ་ བསྒྲགས་ཀྱི་ལས་དོན་སྤེལ་ཡོད་པ་ལྟར། ཕྲན་ནས་ཀྱང་འདས་པའི་ཟླ་བ་བཅུ་གཉིས་ཀྱི་དུས་ཡུན་ནང་གླིང་ཆེན་བཞིའི་ནང་གྲོང་
ཁྱེར་ཆེ་ཁག་བཅུ་བདུན་ཙམ་ནང་ཆེད་བསྐྱོད་ཀྱིས་གཞུང་གི་གནད་ཡོད་མི་སྣ་དང༌། ཨ་རིའི་གྲོས་ཚོགས་ཀྱི་ཚོགས་གཙོས་མཚོན་པའི་རྒྱལ་ཁབ་མང་པོའི་གྲོས་ཚོགས་ཀྱི་ འཐུས་མི། སྙན་གྲགས་ཅན་གྱི་གསར་འགྱུར་བརྒྱུད་ལམ།
ནོ་བྷལ་ཞི་བདེའི་གཟེངས་རྟགས་ཐོབ་མཁན་གྱི་འགོ་འཁྲིད་ཁག་གིས་དབུས་པའི་གནད་ ཡོད་མི་སྣ་མང་པོ་དང་མཇལ་འཕྲད་ཞུས་ཏེ། བོད་ནང་གི་ཛ་དྲག་གནས་སྟངས་སྐོར་ངོ་སྤྲོད་དང་བདེན་རྒྱབ་ཡོང་བའི་འབོད་སྐུལ་ ཞུས་པ་ཡིན།
ཨ་རིའི་གྲོས་ཚོགས་གོང་མ་དང་ཡུ་རོབ་གྲོས་ཚོགས་ནང་བོད་དོན་རྒྱབ་སྐྱོར་གྱི་གལ་ ཆེའི་གྲོས་ཆོད་འཇོག་ཐུབ་པ་བྱུང་བ་དང༌། ཉི་ཧོང་གྲོས་ཚོགས་འཐུས་མི་བརྒྱ་སྐོར་གྱིས་བོད་དོན་སྐོར་རྒྱབ་སྐྱོར་གྱི་
ཡོངས་གྲགས་འབོད་སྐུལ་སྤེལ་ཐུབ་པ་བྱུང་ཡོད། དེ་བཞིན་གྲོགས་པོ་གསར་པ་དང་གནད་ཡོད་མི་སྣ་མང་པོ་དང་འབྲེལ་ལམ་བཟོས་ཐུབ་པ་ བྱུང༌།
ལས་འཆར་གསར་གཏོད།
ལས་བྱེད་གནས་སྤོ་བྱེད་ཕྱོགས་དང༌། སྲིད་བྱུས་ཉམས་ཞིབ་ཀྱི་ལས་འཆར། འཛུགས་སྐྲུན་ཡར་རྒྱས། མིའི་ཐོན་ཁུངས་མཁོ་འདོན་བྱེད་ཕྱོགས། འཕྲོད་བསྟེན་བཅས་ཀྱི་ཐོག་ལས་འཆར་གསར་གཏོད་མི་ཉུང་བ་ཞིག་བྱས་ཡོད་པའི་ཁོངས་
ནས་གལ་ཆེ་བ་ལྔ་ཟུར་འདོན་ཞུས་ན། ལས་བྱེད་གསར་བསྐོའི་དམིགས་བསལ་སྦྱོང་བརྡར་ལས་འཆར། བོད་ཀྱི་སྲིད་བྱུས་ཉམས་ཞིབ་ཁང༌། བོད་མིའི་ཁྱད་ལས་དྭང་བླང་ཞབས་ཞུ། བོད་མིའི་སྨན་བཅོས་བལྟ་སྐྱོང་ལས་གཞི་འགོ་འཛུགས།
གཞུང་ཆེན་སློབ་པ་མཐར་སོན་པའི་བཙུན་མ་རྣམས་ལ་དགེ་བཤེས་མའི་ཕྱག་འཁྱེར་འབུལ་ ཕྱོགས་ཀྱི་སྒྲིག་གཞི་གཏན་འབེབས་བཅས་ཡིན། དེ་ཡང་ཆིག་བསྒྲིལ། གསར་གཏོད།
རང་ཁ་རང་གསོ་བྱེད་རྒྱུའི་ལྟ་གྲུབ་གསུམ་གཞི་རྩར་བཟུང་ནས་བཀོད་སྒྲིག་ཞུས་ཡོད།
བོད་མིའི་སྒྲིག་འཛུགས་ཀྱི་འཛིན་སྐྱོང་ལས་དོན་བྱེད་ཕྱོགས།
བོད་མིའི་སྒྲིག་འཛུགས་དང་དེའི་ཁོངས་གཏོགས་ཀྱི་སྲི་ཞུ་བ་ཆིག་སྟོང་བརྒལ་བ་ རྣམས་ཀྱི་ཉིན་རེའི་ལས་དོན་བྱེད་ཕྱོགས་དེང་རབས་དང་མཐུན་པ།
སྔར་ལྷག་ཚགས་ཚུད་ཡར་རྒྱས་ཡོང་ཐབས་སུ་འཕྲུལ་ཆས་བེད་སྤྱོད་གཞི་རྒྱ་ཆེ་རུ་དང༌། ལས་བྱེད་སོ་སོའི་ཁམས་མོས་དང་ཤེས་ཡོན་གྱི་རྒྱབ་སྦྱོང་དང་མཐུན་པའི་ལས་གནས་
བཀོད་སྒྲིག་ཡོང་ཐབས་སུ་ལས་བྱེད་གནས་སྤོ་བྱེད་ཕྱོགས་ཀྱི་སྒྲིག་གཞི་གཏན་ འབེབས་བྱས་ཡོད། བོད་མིའི་སྒྲིག་འཛུགས་ཀྱི་དྲྭ་རྒྱའི་དྲྭ་ངོས་ཆ་ཚང་བསྐྱར་བསྒྲིགས་ཀྱིས་ཤུགས་
ཚད་ཆེ་རུ་བཏང་ནས་དྲྭ་རྒྱའི་ཤུགས་ཚད་བཞི་ལྡབ་ཀྱིས་ཆེ་རུ་བཏང་ཡོད། དབུས་ཀྱི་ལས་ཁུངས་ཁག་ནང་ཡོད་པའི་ཀམ་སྤུ་ཊར་གསུམ་ཆ་གཅིག་ཙམ་གསར་ཉོ་ཞུས་ཤིང༌། གློག་འཕྲིན་དང་དྲྭ་རྒྱའི་བརྒྱུད་ལམ་བརྟན་དུ་བཏང་བ།
ལས་བྱེད་གནས་སྤོ་བཀོད་སྒྲིག་བྱེད་མཁན་སྡེ་ཚན་གསར་བཙུགས་ཀྱིས་ལས་དོན་ལག་ བསྟར་བྱེད་བཞིན་པ་རེད། བཀའ་བློན་ཁྲི་པ་ཕྱོགས་བསྐྱོད་སྐབས་ཉིན་རེའི་འཛིན་སྐྱོང་ལས་དོན་མཐུད་ཤོར་
མེད་པ་འགྲོ་རྒྱུའི་ལམ་སྲོལ་སྔོན་ཡོད་ཉམས་མེད་ལག་ལེན་ཞུས་མུས་ཡིན།
སྤྱི་ཚོགས་ནང་ཁུལ་འབྲེལ་ལམ་ཟབ་ཏུ་བཏང་བ།
བཀའ་ཤག་སྐབས་བཅུ་བཞི་པས་ཕྱི་རྒྱལ་ཡུལ་གྲུ་ཁག་ཏུ་བོད་དོན་དྲིལ་བསྒྲགས་ལས་ དོན་ཤུགས་ཆེ་སྤེལ་ཡོད་པ་ལྟར། མི་མང་གི་དངོས་ཡོད་གནས་སྟངས་ཤེས་རྟོགས་ཡོང་ཐབས་དང༌།
མང་ཚོགས་ཀྱི་བདེ་སྡུག་ཉན་ཞིབ་བྱེད་ཆེད་བོད་མིའི་གཞིས་སྒར་ཕལ་མོ་ཆེར་ཡང་ཡང་ ཆེད་བསྐྱོད་ཐུབ་ཐབས་བྱེད་བཞིན་ཡོད་ན། ཕྲན་དང་ཕྱག་སྦྲེལ་བཀའ་བློན་ཚོས་ད་བར་ལ་དྭགས་བྱང་ཐང་གིས་མཚོན་པའི་རྒྱ་གར་ནང་
བཙན་བྱོལ་བོད་མིའི་གཞིས་སྒར་མང་ཆེ་བར་བསྐྱོད་ཐུབ་པ་བྱུང་ཡོད།
ཤེས་ཡོན།
ད་ལྟའི་བཀའ་ཤག་གིས་ཤེས་ཡོན་དེ་ལས་དོན་གལ་ཆེ་ཤོས་ཀྱི་གྲས་སུ་བརྩི་བཞིན་པ་ལྟར། འདས་པའི་ལོ་གཅིག་གི་གྲུབ་འབྲས་ཁག་གཤམ་གསལ་ལྟར་ཡིན།
-
ཤེས་ཡོན་ཡར་རྒྱས་གཏོང་ཐབས་དང༌། སློབ་གྲྭའི་འཛིན་སྐྱོང་ཚགས་ཚུད་ཡོང་ཐབས། དེ་བཞིན་གསར་གཏོད་ ཀྱི་སྒོ་ནས་ལས་དོན་བྱེད་ཕྱོགས་ཇི་ཡོད་བཅས་ཀྱི་གོ་བསྡུར་ཞུ་ཆེད་བོད་མིའི་ སློབ་གྲྭ་ཁག་ཡོངས་ཀྱི་སློབ་སྤྱི་དང་
འཛིན་སྐྱོང་འགན་འཛིན་རྣམས་ཀྱི་དམིགས་བསལ་ཚོགས་འདུ་བསྐོང་ཚོགས་ཞུས།
-
བཀའ་ཤག་སྐབས་གོང་མས་ལོ་བཞིའི་ཡུན་ཅན་གྱི་གཅིག་སྡུད་དགེ་རྒན་འོས་ སྦྱོང་གི་ལས་འཆར་སྔོན་ཡོད་མངོན་ གྱུར་ཡོང་ཐབས་སུ་བྷུན་ཏར་དུ་མཐོ་སློབ་ཁང་ཞིག་འགོ་འཛུགས་བྱ་རྒྱུའི་ལས་དོན་ འཕྲོ་སྐྱོང་བྱེད་མུས་ཡིན།
-
ཨ་རིའི་གཞུང་ནས་བཙན་བྱོལ་བོད་མིའི་ཤེས་ཡོན་ཆེད་ཨ་སྒོར་ས་ཡ་གཉིས་ མཁོ་སྒྲུབ་ཐུབ་ཡོད་པ་དངོས་སུ་ལག་ བསྟར་ཞུ་ཕྱོགས་འབྲེལ་བསྡུར་ཞུ་བཞིན་པ་ཡིན།
-
དབུས་བོད་སློབ་འཛིན་སྐྱོང་ཚོགས་པའི་ཁྱབ་ཁོངས་གཏན་ཉིན་སློབ་གྲྭ་ཁག་ གི་འཛིན་སྐྱོང་རྩིས་ལེན་བྱེད་ཐབས་ཀྱི་ ལས་འཆར་ཞིབ་ཕྲ་བཟོ་འབུལ་ཟིན་ཡོད།
བཙན་བྱོལ་བོད་མིའི་དཀའ་སེལ།
རྒྱ་གར་གཞུང་གིས་རྒྱ་གར་ནང་སྐྱེས་པའམ་རྒྱ་གར་ནང་གནས་སྡོད་བྱས་ནས་ལོ་ཉི་ཤུ་ ལྷག་ཕྱིན་པའི་བཙན་བྱོལ་བོད་མི་རྣམས་ཀྱི་རྒྱ་གར་ནང་གནས་སྡོད་ཆོག་པའི་ལག་
ཁྱེར་ལོ་ལྔ་རེའི་བར་དུས་འགྱངས་ཞུ་ཆོག་པའི་བཀའ་འཁྲོལ་ཐོབ་སྟེ། ད་ལྟའི་ཆར་ས་གནས་མང་པོའི་ནང་དངོས་སུ་ལག་བསྟར་འགོ་བཙུགས་ཟིན།
རྒྱ་གར་བྱང་ཤར་ཨ་རུ་ནཱ་ཅལ་མངའ་སྡེའི་ནང་ཡོད་པའི་བོད་མིའི་གཞིས་སྒར་ཁག་ ནས་བོད་མི་ཆིག་སྟོང་ཐམ་པ་ཁེ་ན་ཌར་གནས་སྤོས་བྱེད་རྒྱུའི་ལས་གཞི་འགོ་འཛུགས་ ཟིན་པ་དང༌། འབྲེལ་ཡོད་ཁག་ནས་ལས་དོན་ལག་བསྟར་ཞུ་མུས་ཡིན།
བོད་ནས་གསར་དུ་འབྱོར་བ་རྣམས་རྒྱ་གར་ནང་སྡོད་ཡུན་རིང་ལག་ཤེས་སློབ་གཉེར་ ལས་རིགས་དང༌། མུ་མཐུད་སློབ་སྦྱོང་རྒྱུན་སྐྱོང་བྱེད་ཐབས། ལྟ་སྐྱོང་གོ་སྐབས་གཉིས་པ་སྤྲོད་རྒྱུ་སོགས་ཀྱི་བསམ་ཞིབ་བྱེད་བཞིན་པ་ཡིན།
བོད་རྒྱ་ཞི་མོལ།
གཉིས་སྨན་དབུ་མའི་ལམ་གྱི་སྲིད་བྱུས་མུ་མཐུད་རྒྱུན་སྐྱོང་གིས་ཞི་མོལ་གྱི་ལམ་ ནས་བོད་དོན་དཀའ་རྙོག་སེལ་ཐབས་བྱ་རྒྱུའི་ཆོད་སེམས་བརྟན་པོ་ཡོད།
འདས་པའི་ཟླ་བ་བརྒྱད་ནང་བོད་རྒྱ་ཞི་མོལ་ལས་དོན་ཚོགས་ཆུང་ཐེངས་གཉིས་ཚོགས་ཟིན་ པ་དང༌། ཕྱི་ཟླ་ ༡༢ པའི་ནང་ཡང་བསྐྱར་ཚོགས་བསྐོང་བྱས་ཏེ་འབྱུང་འགྱུར་རྒྱ་ནག་གི་གནས་སྟངས་སྤྱི་ དང༌།
འགོ་འཁྲིད་འཕོ་འགྱུར་ལ་གཞིགས་ནས་དོན་ཕན་ལྡན་པའི་ཞི་མོལ་ཡོང་ཐབས་བཅས་ཀྱི་ སྐོར་བསམ་ཞིབ་གོ་བསྡུར་ཞུ་རྒྱུ་ཡིན། ཨ་རིའི་ཕྱི་སྲིད་དྲུང་ཆེ་ལྕམ་ཁེ་ལེན་ཊོན་གྱིས་མཚོན་པའི་རྒྱལ་སྤྱིའི་དབུ་
འཁྲིད་ཁག་གིས་རྒྱ་ནག་གཞུང་ལ་བོད་དོན་དཀའ་རྙོག་སེལ་ཐབས་སུ་དོན་སྙིང་ལྡན་པའི་ གྲོས་མོལ་འགོ་ཚུགས་དགོས་པའི་སྐུལ་འདེགས་ཞུས་ཡོད།
རིང་མིན་འདི་ལོ་ཕྱི་ཟླ་ ༩ ཚེས་ ༢༥ ནས་ ༢༨ བར་ཉིན་བཞིའི་རིང་བཙན་བྱོལ་བོད་མིའི་བཅའ་ཁྲིམས་རིན་པོ་ཆེའི་དགོངས་དོན་བཞིན་ བཀའ་ཤག་དང་བོད་མི་མང་སྤྱི་འཐུས་ལྷན་ཚོགས་གཉིས་ཀྱི་གོ་སྒྲིག་འོག་བོད་ནང་གི་
ཛ་དྲག་གནས་སྟངས་གདོང་ལེན་བྱེད་ཕྱོགས་ཇི་འགབ་གྲོས་གཞི་གཙོ་བོར་བཟུང་ནས་ དམིགས་བསལ་ཚོགས་ཆེན་སྐོང་ཚོགས་གནང་རྒྱུ་དང༌། དེ་བཞིན་རྒྱལ་སྤྱིའི་བོད་དོན་རྒྱབ་སྐྱོར་ཚོགས་པའི་དམིགས་བསལ་ཚོགས་འདུ་ཞིག་
ཀྱང་སྐོང་ཚོགས་གནང་རྒྱུ་ཡིན།
གོང་གསལ་ལས་གཞི་ཁག་མུ་མཐུད་མཇུག་སྐྱོང་ཞུ་རྒྱུའི་ཐོག་དྲྭ་རྒྱའི་ཉེན་ སྲུང་དང༌། བོད་ཀྱི་དྲྭ་བརྙན། ཚོང་ལས་སྦྱོང་བརྡར། གཞིས་ཆགས་སྲ་བརྟན་བཅས་ཀྱི་ལས་འཆར་ཁག་ཡར་རྒྱས་གཏོང་རྒྱུའི་འཆར་གཞི་ཡོད།
མཐའ་དོན་གཏོང་ཕོད་ཆེ་བའི་གནས་ཡུལ་རྒྱ་གར་གཞུང་མང་གིས་མཚོན་པའི་རྒྱལ་ཁབ་ ཁག་གི་གཞུང་དང་མི་མང་རྣམས་ཀྱིས་བོད་དང་བོད་མིར་རྒྱབ་སྐྱོར་གནང་བར་སྙིང་ཐག་ པ་ནས་ཐུགས་རྗེ་ཆེ་ཞུ་རྒྱུ་དང༌།
༸གོང་ས་༸སྐྱབས་མགོན་ཆེན་པོ་མཆོག་སྐུ་ཚེ་ཞབས་པད་བསྐལ་བརྒྱར་བརྟན་ཅིང་ཐུགས་ ཀྱི་བཞེད་དགོངས་མཐའ་དག་ལྷུན་གྱིས་འགྲུབ་པའི་སྨོན་ལམ་ཤུགས་དྲག་ཞུ་རྒྱུ་དང༌།
མགོན་པོ་གང་གིས་དུས་དང་རྣམ་པ་ཀུན་ཏུ་ལམ་སྟོན་དང་བཀའ་སློབ་རིན་པོ་ཆེ་བསྩལ་ བར་བཀའ་དྲིན་བླ་ལྷག་ཏུ་ཆེ་ཆེ་ཞུ་རྒྱུ་ཡིན། གཞིས་བྱེས་བོད་མི་ཡོངས་ཀྱི་རེ་བའི་མངོན་འདོད་བོད་མིར་རང་དབང་ཐོབ་ཐབས་དང༌།
ྋསྤྱི་ནོར་ྋགོང་ས་སྐྱབས་མགོན་ཆེན་པོ་མཆོག་བོད་ལ་གང་མགྱོགས་ྋཞབས་འཁོད་ཐུབ་ ཆེད་སྔར་ལྷག་འབད་བརྩོན་བྱེད་རྒྱུ་བཅས་ཞུ་རྒྱུ་ཡིན། བཀྲིས་བདེ་ལེགས། བཀའ་བློན་ཁྲི་པས། ཕྱི་ལོ་ ༢༠༡༢ ཟླ་ ༨ ཚེས་ ༨ ལ།། །།
བདེན་པའི་མེ་ལྕེ།
ཕྱི་ལོ་ ༢༠༡༢ ཟླ་ ༦ ཚེས་ ༢༧ ཉིན་གྱི་སྔ་དྲོའི་ཆུ་ཚོད་ ༡༡ །༣༠ ཐོག་བོད་མི་མང་སྤྱི་འཐུས་ལྷན་ཚོགས་ཀྱི་བདེན་པའི་མེ་ལྕེ་བསྐོར་བསྐྱོད་ལས་
འགུལ་ཚོགས་ཆུང་གིས་གསར་འགོད་གསལ་བསྒྲགས་ཤིག་ཕྱི་དྲིལ་ལྷག་པ་ཚེ་རིང་དྲན་ རྟེན་ཚོགས་ཁང་དུ་སྤེལ་གནང་བ་དང། དེ་ཡང་ཐོག་མར་ཚོགས་ཆུང་གི་ཚོགས་དྲུང་སྤྱི་འཐུས་ཀརྨ་ཡེ་ཤེས་མཆོག་གིས་ཚོགས་
འདུ་དབུ་འཛུགས་དང་ངོ་སྤྲོད་གནང་རྗེས། ཚོགས་ཆུང་གི་ཚོགས་གཙོ་སྤྱི་འཐུས་པདྨ་འབྱུང་གནས་མཆོག་གིས་གསར་འགོད་གསལ་ བསྒྲགས་སྒྲོག་སྦྱངས་གནང་དོན།
ད་ལྟའི་བོད་ནང་གི་ཛ་དྲག་གནས་བབ་ལ་གཞིགས་ ནས་བོད་མི་མང་སྤྱི་འཐུས་ལྷན་ཚོགས་ཀྱིས་ལས་འགུལ་སྣ་མང་སྤེལ་རྒྱུའི་སླད། ཕྱི་ལོ་ ༢༠༡༢ ཟླ ༣ ཚེས ༢༢
ཉིན་སྤྱི་འཐུས་རྣམ་པའི་བཞུགས་མོལ་ཚོགས་འདུར་བཀའ་བསྡུར་གནང་བའི་ཁོངས་ནས། བདེན་པའི་མེ་ལྕེ་སྐོར་བསྐྱོད་ལས་འགུལ་ཐད་ཕྱི་ལོ་ ༢༠༡༢ ཟླ ༣ ཚེས ༢༧ ཉིན་བོད་མི་མང་སྤྱི་འཐུས་རྒྱུན་ལས་སུ་ཐག་གཅོད་བྱུང་དོན།
རྒྱ་ནག་དམར་པོའི་གཞུང་གིས་བོད་དུ་བཙན་འཛུལ་དྲག་གནོན་བྱས་པ་ནས་ད་ ལྟའི་བར་གྱི་ལོ་ངོ་དྲུག་ཅུ་ལྷག་གི་རིང་།
བོད་ཐོག་འཛིན་པའི་གདུག་རྩུབ་མཁྲེགས་འཛིན་ཅན་གྱི་སྲིད་བྱུས་ལ་འགྱུར་བ་མེད་ པར། བོད་ཀྱི་སྣོད་བཅུད་ཡོངས་རྫོགས་བཙན་བཟུང་གིས་བོད་མི་རྣམས་དམར་གསོད་དང་། བཙོན་འཇུག གཅར་རྡུང་།
སུན་བཙིར་སོགས་ཀྱིས་མཚོན་པའི་སྡུག་སྦྱོང་མནར་གཅོད་ཀྱི་དྲག་གནོན་མཚམས་འཇོག་ བྱས་མེད་པར། རང་རིགས་རྣམས་ཀྱིས་ཀྱང་ཆོས་རིག་སྐད་ཡིག་དང་བཅས་པའི་མི་རིགས་ཀྱི་བླ་སྲོག་ལ་
གཅེས་སྐྱོང་གང་ཐུབ་ཀྱིས་བདེན་པའི་འཐབ་རྩོད་རྒྱུན་སྐྱོང་གནང་ཡོད།
ལྷག་པར་ཕྱི་ལོ་ ༢༠༠༨ ལོ་ནས་བཟུང་བོད་ས་ཡོངས་སུ་རྒྱ་དམར་དྲག་དམག་གིས་དམར་གསོད་བཙོན་འཇུག་སོགས་
ཀྱི་སྡུག་སྦྱོང་མནར་གཅོད་ཉིན་བཞིན་ཛ་དྲག་ཏུ་འགྲོ་བཞིན་པའི་ཉེར་ལེན་ལ་བརྟེན། བོད་མི་རྣམས་ཀྱིས་དམྱལ་བ་མི་ཡུལ་དུ་འཕོས་པ་ལྟ་བུའི་སྡུག་བསྔལ་བཟོད་མ་ཐུབ་ པར་བོད་དོན་བདེན་མཐའ་གསལ་ཆེད་དང་།
༸གོང་ས་མཆོག་བོད་དུ་གདན་འདྲེན་ཞུ་ཐབས། མྱོང་བཞིན་པའི་སྡུག་བསྔལ་རྣམས་མཉམ་འབྲེལ་རྒྱལ་ཚོགས་དང་རྒྱལ་སྤྱིའི་གཞུང་ སྒེར་ཚོགས་སྡེ་ཁག་གཙོས་དུས་རབས་ཉེར་གཅིག་པའི་འགྲོ་བ་མིའི་རིགས་ལ་སྙན་གསན་ དང་།
སེམས་ཁོང་གི་སྡུག་བསྔལ་དང་མངོན་འདོད་ཕྱིར་བསྒྲགས་བྱེད་པའི་དན་རྟགས་སུ་རང་ ལུས་མེར་སྲེག་གཏོང་ མཁན་བར་མེད་དུ་བྱུང་དང་འབྱུང་བཞིན་པར།
འདི་ནས་ཀྱང་ཁོང་རྣམ་པའི་ཀུན་ཕན་སེམས་བསྐྱེད་ཀྱི་སྙིང་སྟོབས་དང་མངོན་འདོད་ ཇི་བཞིན་རྒྱལ་སྤྱིའི་སྤྱི་ཚོགས་ལ་བརྒྱུད་བསྒྲགས་བྱ་ཆེད།
བདེན་པའི་མེ་ལྕེ་སྐོར་བསྐྱོད་ཀྱི་གཞི་རྒྱ་ཆེ་བའི་ལས་འགུལ་འདི་བཞིན་ཕྱི་ལོ་ ༢༠༡༢ ལོའི་ཟླ ༧ ཚེས ༦ སྟེ་༸གོང་ས་ལྷ་མིའི་རྣམ་འདྲེན་༸རྒྱལ་དབང་སྐུ་ཕྲེང་བཅུ་བཞི་པ་ཆེན་པོ་མཆོག་
གི་སྐུའི་འཁྲུངས་ལྷ་དབྱར་གསོལ་ཉིན་མོ་དང་སྟབས་བསྟུན་འགོ་འཛུགས་བྱ་རྒྱུའི་ དགོས་འདུན་ཁག་ནི།
- ༡༽ ཕྱི་ལོ་ ༡༩༥༩། དང་། ༡༩༦༡། ༡༩༦༥ སོ་སོར་འཛམ་གླིང་མཉམ་འབྲེལ་རྒྱལ་ཚོགས་ཀྱིས་བོད་དོན་ཐོག་བཞག་
པའི་གྲོས་ཆོད་ཁག་སླར་ཡང་རྒྱལ་ཚོགས་ནས་གླེང་སློང་དང་ལག་བསྟར་མཇུག་གནོན་དགོས་ པ།
- ༢༽ བོད་ནང་གི་ད་ལྟའི་ཛ་དྲག་གནས་སྟངས་རྟོག་ཞིབ་སླད་རང་དབང་ཅན་གྱི་རྒྱལ་སྤྱིའི་སྐུ་ཚབ་ཁག་ཅིག་འཕྲལ་གཏོང་དགོས་པ།
- ༣༽ བོད་ནང་གི་བོད་མིའི་མངོན་འདོད་བསྒྲུབ་རྒྱུར་མཉམ་འབྲེལ་རྒྱལ་ཚོགས་ཀྱིས་དམིགས་བསལ་འགན་འཁུར་བཞེས་དགོས་པ།
གོང་གསལ་དགོས་འདུན་དེ་དག་བསྒྲུབ་པའི་སླད་རྒྱ་གར་གཙོས་རྒྱལ་སྤྱིའི་ས་གནས་ ཡུལ་གྲུ་སོ་སོར་བདེན་པའི་མེ་ལྕེ་སྐོར་བསྐྱོད་ཀྱི་མཚན་རྟགས་བསྡུ་རུབ་ཀྱིས་ ཕྱི་ལོ་ ༢༠༡༢ ཟླ ༡༢ ཚེས ༡༠
ཉིན་ཨ་རི་ནིའུ་ཡོག་རྒྱལ་ཚོགས་ལས་ཁུངས་དང་། སུད་སི་ཇི་ནི་ཝར་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས། དེ་བཞིན་རྒྱ་གར་ནང་རྟེན་གཞི་བྱས་པའི་རྒྱལ་ཚོགས་ཀྱི་ཡན་ལག་ལས་ཁུངས་སོ་སོར་
ཉིན་བརྒྱ་དུས་གཅིག་ཏུ་ཞུ་སྙན་ཕུལ་ཏེ་མཇུག་བསྡོམས་ཞུ་རྒྱུ་ཡིན། བོད་མི་མང་སྤྱི་འཐུས་ལྷན་ཚོགས་ཀྱི་བདེན་པའི་མེ་ལྕེ་སྐོར་བསྐྱོད་ལས་འགུལ་ ཚོགས་ཆུང་ནས་ཕྱི་ལོ ༢༠༡༢ ཟླ ༦ ཚེས ༢༧ ལ།
ཞེས་སྒྲོག་སྦྱངས་གནང་རྗེས་གསར་འགོད་པའི་དྲི་བ་ཁག་ལ་ལས་འགུལ་ཚོགས་ཆུང་གི་ ཚོགས་གཙོ་མཆོག་དང། ཚོགས་མི་རྣམ་པས་ལན་འདེབས་གསལ་བཤད་གནང་ཡོད་པ་རེད།
ཁ་སང་གཟའ་ལྷག་པའི་ཉིན་དྷ་ས་གངས་སྐྱིད་དཔེ་མཛོད་ཚོགས་ཁང་དུ་རང་བཙན་ཚོགས་འདུ་ཞིག་ཚོགས་ཏེ།
བོད་ཀྱི་རྒྱལ་ཡོངས་ལྷན་ཚོགས་འཛུགས་རྒྱུར་མོས་མཐུན་རྒྱབ་སྐྱོར་དང་། ལོ་རྗེས་མར་རང་བཙན་ཚོགས་ཆེན་འཚོགས་རྒྱུར་གོ་སྒྲིག་ཚོགས་ཆུང་ཞིག་ཀྱང་གསར་འཛུགས་གནང་སོང་།
ཁ་སང་ཕྱི་ཚེས་ ༢༧ ཉིན་གྱི་སྔ་དྲོ་ཆུ་ཚོད་ ༡༠ ནས་ཕྱི་དྲོ་ཆུ་ཚོད་ ༧ དང་ཕྱེད་ཀའི་བར། དྷ་ས་གངས་སྐྱིད་དཔེ་མཛོད་ཚོགས་ཁང་དུ་རང་བཙན་ཚོགས་འདུ་ཞིག་ཚོགས་སོང་ལ། ཚོགས་འདུའི་སྟེང་བཀའ་བློན་ཁྲི་ཟུར་བསོད་ནམས་སྟོབས་རྒྱལ་མཆོག་དང་། བོད་མི་མང་སྤྱི་འཐུས་ཚོགས་གཙོ་ཟུར་པ་ཀརྨ་ཆོས་འཕེལ་གྱིས་གཙོས། དགེ་བཤེས་སྨོན་ལམ་མཐར་ཕྱིན།
དགེ་བཤེས་ནོར་བུ་ཚེ་རིང་། དགེ་བཤེས་ག་ཟི་ཚེ་རིང་པོ། བསྟན་པ་ཡར་འཕེལ། ཀརྨ་ཡེ་ཤེས། སྐལ་བཟང་རྒྱལ་མཚན། གསེར་རྟ་ཚུལ་ཁྲིམས། བློ་བཟང་ཡེ་ཤེས། འཇམ་དབྱངས་བཟོད་པ་བཅས་བོད་མི་མང་སྤྱི་འཐུས་ལས་ཐོག་ ༡༠ དང་།
གཞན་ཡང་། གཞུང་འབྲེལ་མིན་པའི་ཚོགས་པ་ཁག་གི་གནད་ཡོད་མི་སྣ་དང་། རྩོམ་པ་པོ། ཉམས་ཞིབ་པ། མི་སེར་དཀྱུས་མ་བཅས་རང་བཙན་ལྟ་འཛིན་མཁན་སྐྱ་སེར་ ༥༠ ཙམ་འཛོམས་འདུག
ཚོགས་འདུའི་ཐོག་མར་ཚོགས་ཞུགས་པ་ཡོངས་སྐུ་བཞེངས་ཐོག་བོད་རྒྱལ་ཁབ་ཆེན་པོའི་རྒྱལ་གླུ་བླངས་ཤིང་།
རྒྱལ་གཅེས་དཔའ་བོ་དཔའ་མོ་རྣམས་རྗེས་དྲན་མྱ་ངན་ཆེད་ཆུ་ཚོད་སྐར་མ་གཅིག་རིང་ངག་བཅད་མྱ་ངན་ཞུས་རྗེས། རང་བཙན་འཐབ་རྩོད་པ་འཇམ་དབྱངས་ནོར་བུ་ལགས་ཀྱིས་ཚོགས་འདུའི་བྱུང་རིམ་ངོ་སྤྲོད་དང་།
བཀའ་བློན་ཁྲི་ཟུར་བསོད་ནམས་སྟོབས་རྒྱལ་མཆོག་གིས་ཚོགས་འདུ་དང་འབྲེལ་བའི་གསུང་བཤད་གནང་གྲུབ་མཚམས། ཚོགས་ཞུགས་པ་རྣམས་ཚོགས་ཆུང་གསུམ་དུ་བགོས་ཏེ་བོད་རང་བཙན་འཐབ་རྩོད་ཀྱི་ནུས་པ་གོང་མཐོར་སྤེལ་ཐབས་དང་།
ཕྱི་ལོ་ ༢༠༡༣ ལོར་༸རྒྱལ་དབང་སྐུ་ཕྲེང་བཅུ་གསུམ་པས་བོད་རང་བཙན་གྱི་གནས་བབ་བསྐྱར་ནན་གྱིས་གསལ་བསྒྲགས་གནང་ནས། ལོ་ ༡༠༠ འཁོར་བའི་དུས་ཚིགས་དང་སྟབས་བསྟུན་རང་བཙན་ཚོགས་ཆེན་གྲ་སྒྲིག་བྱེད་ཕྱོགས།
བོད་རང་དབང་རང་བཙན་འཐབ་རྩོད་ཆེད་རྒྱལ་གཅེས་དཔའ་བོ་དཔའ་མོ་ཚོས་རང་ལུས་མེར་བསྲེག་བཏང་དང་གཏོང་བཞིན་པའི་ཛ་དྲག་གི་གནས་སྟངས་ལ་ལས་འགུལ་སྤེལ་ཕྱོགས།
བོད་རང་བཙན་གྱི་ལྟ་གྲུབ་འཛིན་མཁན་གྱི་ཚོགས་སྡེ་ཁག་དང་མི་སྒེར་བཅས་ཀྱི་ནུས་པ་གཅིག་སྒྲིལ་ཡོངས་ཐབས་བཅས་བརྗོད་གཞི་ ༤ ཐོག་བགྲོ་གླེང་གྲོས་སྡུར་གནང་མཐར།
མ་འོངས་པར་བོད་ཀྱི་རྒྱལ་ཡོངས་ལྷན་ཚོགས་ཚུགས་རྒྱུར་རྒྱབ་སྐྱོར་མོས་མཐུན་དང་། ལོ་རྗེས་མར་རང་བཙན་ཚོགས་ཆེན་གོ་སྒྲིག་ཚོགས་ཆུང་ཞིག་བསྐོ་འཛུགས་ཀྱིས་ཚོགས་མིར་སྤྱི་འཐུས་བློ་བཟང་ཡེ་ཤེས། སྤྱི་འཐུས་གསེར་རྟ་ཚུལ་ཁྲིམས། སྤྱི་འཐུས་ཀརྨ་ཡེ་ཤེས། ཀླུ་མཁར་བྱམས།
བསྟན་འཛིན་བརྩོན་འགྲུས། རྡོ་རྗེ་ཚེ་བརྟན། བུ་ཆུང་བསོད་ནམས། བསྟན་འཛིན་ཉིན་བྱེད། ཤེས་རབ་འོད་ཟེར་བཅས་འདེམས་སྒྲིག་གནང་སོང་།
ཐེངས་འདིར་དྷ་སར་ཚོགས་པའི་རང་བཙན་ཚོགས་འདུ་དེ་ནི། འདི་ལོའི་ཕྱི་ཟླ་ ༣ ཚེས་ ༡༡ ནས་ ༡༢ ཉིན་གཉིས་རིང་།
ཨ་རིའི་གྲོང་ཁྱེར་ནེའུ་ཡོག་ཏུ་ཚོགས་པའི་རང་བཙན་ཚོགས་འདུའི་མཇུག་མཐུད་ཚོགས་འདུ་ཞིག་ཆགས་ཡོད་པ་དང་། ནེའུ་ཡོག་གི་ཚོགས་འདུ་དེའི་ཐོག་༼བོད་ཀྱི་རྒྱལ་ཡོངས་ལྷན་ཚོགས་ (Tibetan National
Congress)༽འཛུགས་རྒྱུར་གྲོས་མཐུན་ཐག་གཅོད་བྱུང་སྟེ། ལྷན་ཚོགས་དེའི་ཁྲིམས་སྒྲིག་དང་འཆར་འགོད་གནང་ཕྱོགས་ཐོག་ཚོགས་ཆུང་གསུམ་ཟུར་འཛུགས་བྱས་ཡོད་པ་ལྟར།
ཚོགས་ཆུང་དང་པོ་ཆབ་སྲིད་ཚོགས་པ་ཚུགས་ཐུབ་ཀྱི་ཡོད་མེད་ཐད་ཀྱི་ཉམས་ཞིབ་དང་གྲོས་སྡུར་སྡེ་ཚན་ནང་འཇིགས་མེད་ཨོ་རྒྱན་དང་། སྐལ་བཟང་ཕུན་ཚོགས། བསྟན་པ་དགའ་བཞི། འཇམ་དབྱངས་ནོར་བུ། ཉི་མ།
དེ་བཞིན་ཕྱི་རྒྱལ་བ་ཁག་ཅིག་བཅས་ཡོད་པ་དང་། ཚོགས་ཆུང་གཉིས་པ་བོད་རང་བཙན་འཐབ་རྩོད་མུ་མཐུད་ནས་རྒྱུན་གནས་ཐུབ་རྒྱུར་གྲ་སྒྲིག་དང་གྲོས་སྡུར་སྡེ་ཚན་ནང་ཞྭ་སྒབ་པ་དབང་ཕྱུག་དང་།
བསོད་ནམས་དབང་འདུས་གཉིས་གཙོས་མི་ཁག་ཅིག་དང་། ཚོགས་ཆུང་གསུམ་པ་བོད་རང་བཙན་འཐབ་རྩོད་ཀྱི་དཔལ་འབྱོར་འདུ་འགོད་སྡེ་ཚན་ནང་སྒྲོལ་མ་ནོར་བུ་དང་།
རྣམ་རྒྱལ་བཅས་འདེམས་སྒྲིག་གིས་ལས་གཞི་དབུ་འཛུགས་གནང་ཡོད་འདུག
ཉེ་སྔོན་ཨ་རིའི་ནེའུ་ཡོག་ཏུ་ཚོགས་པའི་རང་བཙན་ཚོགས་འདུའི་ཐོག་གཏན་འབེབ་བཟོས་པའི་༼བོད་ཀྱི་རྒྱལ་ཡོངས་ལྷན་ཚོགས་དབུ་བརྙེས་པའི་གྲོས་ཆོད༽ཅེས་པའི་བརྡ་ཁྱབ་ཡིག་ཆའི་ནང་།
ཚོགས་འདི་གསར་འཛུགས་དགོས་པའི་དམིགས་ཡུལ་ཐད། རྒྱལ་རབས་ལོ་རྒྱུས་ཀྱི་བདེན་པ་དང་། རྒྱལ་སྤྱིའི་ཁྲིམས། བདག་དབང་གནས་པའི་བོད་མི་དམངས་ཀྱི་ཐུན་མོང་གི་རེ་འདོད་བཅས་གཞི་ལ་བཞག་ནས།
བོད་རང་བཙན་གྱི་བདག་དབང་ངོས་ལེན་བྱེད་རྒྱུ་དང་། རྒྱ་ནག་གི་དབང་འཛིན་པ་ཚོས་༸གོང་ས་མཆོག་གི་ལྷག་བསམ་ཟོལ་མེད་ཀྱི་ཞི་འགྲིག་གི་འབད་བརྩོན་དེ་དག་ཡང་ནས་ཡང་དུ་བསམ་བཞིན་ནུས་མེད་བཟོས་སྟབས།
བོད་མི་ཚོ་ལ་ད་ནི་རང་གི་སྐྱེས་ཐོབ་ཏུ་ཡོད་པའི་ཐོབ་ཐང་སྟེ་རང་ཐག་རང་གཅོད་འདི་ཡོང་སླད། རང་བཙན་རྩོད་རྒྱུ་ལས་གཞན་པའི་འདམ་ཀ་མེད་པའི་གནས་བབ་སོགས་གསལ་བཤད་གནང་འདུག
གཞན་ཡང་ཡིག་ཆ་དེའི་ནང་། དང་པོ། ཨ་མི་རི་ཀ་དང་རྒྱ་གར།
དེ་བཞིན་ལྷོ་ཨ་ཧྥི་རི་ཀ་བཅས་སུ་བྱུང་བའི་རླབས་ཆེན་གྱི་རང་དབང་དང་རང་བཙན་འཐབ་རྩོད་ཀྱི་ལུགས་སྲོལ་ཇི་བཞིན་འདིར།
གཤམ་གསལ་གྱི་དམིགས་ཡུལ་རྣམས་སྒྲུབ་པ་ལ་ཞུགས་པའི་བོད་ཀྱི་རང་བཙན་འཐབ་རྩོད་ཀྱི་ལས་འགུལ་ཞིག་གི་ཚུལ་དུ། བོད་ཀྱི་རྒྱལ་ཡོངས་ལྷན་ཚོགས་ (The Tibetan National Congress)ཞེས་པ་དབུ་བཙུགས་པ་ཡིན། ༡༽
བོད་རང་བཙན་གྱི་རྒྱལ་ཁབ་བདག་དབང་ཆ་ཚང་ཡོད་པ་ཞིག་སླར་གསོ་བྱེད་རྒྱུ། ༢༽ རང་དབང་ཅན་གྱི་འོས་འདེམས་དང་། ཁྲིམས་ཀྱི་དབང་བསྒྱུར།
སྐྱེ་བོ་སྒེར་བའི་རང་དབང་གི་གཞི་རྩ་བཅས་ལ་བརྟེན་པའི་དམངས་གཙོའི་ལམ་སྲོལ་ཅན་གྱི་གཞུང་ཞིག་བོད་ནང་དུ་འཛུགས་རྒྱུ་ངེས་གཏན་བྱེད་རྒྱུ།
༣༽རང་དབང་ཅན་གྱི་བོད་ནང་དུ་ཚུལ་མཐུན་དང་ཁྲིམས་མཐུན་གྱིས་འདམས་པའི་བོད་མི་དམངས་ཀྱི་སྲིད་གཞུང་ཞིག་མ་བཙུགས་བར་དུ། བཙན་བྱོལ་བོད་གཞུང་དེ་མུ་མཐུད་གནས་རྒྱུ་དེ་ངེས་གཏན་བྱེད་རྒྱུ།
༤༽བཙན་བྱོལ་བོད་གཞུང་གི་གཡོལ་མེད་ཀྱི་འགན་འཁྲི་ནི་བོད་རང་བཙན་འཐབ་རྩོད་ཀྱི་ལས་འགན་སྟེ། འདི་ནི་ཆོད་སེམས་དང་ལྷག་བསམ་གཡོ་བ་མེད་པ་ཞིག་གི་ཐོག་ནས་སྒྲུབ་རྒྱུ་དེ་ངེས་གཏན་བྱེད་རྒྱུ། ༥༽
བོད་ཀྱི་སྤྱི་ཚོགས་ཀྱི་གནའ་བོའི་རིག་གཞུང་དང་སྐད། རྒྱལ་རབས་ལོ་རྒྱུས་དང་རྩོམ་རིག་བཅས་ཉམས་པ་སླར་གསོ་དང་མ་ཉམས་གོང་འཕེལ་བྱེད་པ་དང་།
ཐབས་མཁས་ཀྱི་འབད་བརྩོན་དྲག་པོ་བརྒྱུད་ནས་དུས་རབས་ཉེར་གཅིག་པའི་ནང་དུ་དེ་དག་གི་གལ་ཆེའི་རང་བཞིན་དང་འཚོ་གནས་ཐུབ་པ་དེ་ངེས་གཏན་བྱེད་རྒྱུ། གཉིས་པ།
བོད་ཀྱི་རྒྱལ་ཡོངས་ལྷན་ཚོགས་ཀྱིས་སྐབས་འདིར་རང་གི་དམིགས་ཡུལ་འདི་དག་ལ་རྒྱབ་སྐྱོར་བྱེད་འདོད་ཡོད་པ་དང་།
ཚོགས་པའི་རྩ་ཁྲིམས་ལ་ཉན་འཇོག་བྱེད་འདོད་པའི་སྐྱེ་བོ་སུ་ཡིན་རྣམས་ཚོགས་པར་ཞུགས་རུང་ཞེས་ཁྱབ་བསྒྲགས་བྱས་པ་ཡིན། ཅེས་བཀོད་འདུག
བདེན་པའི་མེ་ལྕེ།
ཕྱི་ལོ་ ༢༠༡༢ ཟླ་ ༦ ཚེས་ ༢༧ ཉིན་གྱི་སྔ་དྲོའི་ཆུ་ཚོད་ ༡༡ །༣༠ ཐོག་བོད་མི་མང་སྤྱི་འཐུས་ལྷན་ཚོགས་ཀྱི་བདེན་པའི་མེ་ལྕེ་བསྐོར་བསྐྱོད་ལས་
འགུལ་ཚོགས་ཆུང་གིས་གསར་འགོད་གསལ་བསྒྲགས་ཤིག་ཕྱི་དྲིལ་ལྷག་པ་ཚེ་རིང་དྲན་ རྟེན་ཚོགས་ཁང་དུ་སྤེལ་གནང་བ་དང། དེ་ཡང་ཐོག་མར་ཚོགས་ཆུང་གི་ཚོགས་དྲུང་སྤྱི་འཐུས་ཀརྨ་ཡེ་ཤེས་མཆོག་གིས་ཚོགས་
འདུ་དབུ་འཛུགས་དང་ངོ་སྤྲོད་གནང་རྗེས། ཚོགས་ཆུང་གི་ཚོགས་གཙོ་སྤྱི་འཐུས་པདྨ་འབྱུང་གནས་མཆོག་གིས་གསར་འགོད་གསལ་ བསྒྲགས་སྒྲོག་སྦྱངས་གནང་དོན།
ད་ལྟའི་བོད་ནང་གི་ཛ་དྲག་གནས་བབ་ལ་གཞིགས་ ནས་བོད་མི་མང་སྤྱི་འཐུས་ལྷན་ཚོགས་ཀྱིས་ལས་འགུལ་སྣ་མང་སྤེལ་རྒྱུའི་སླད། ཕྱི་ལོ་ ༢༠༡༢ ཟླ ༣ ཚེས ༢༢
ཉིན་སྤྱི་འཐུས་རྣམ་པའི་བཞུགས་མོལ་ཚོགས་འདུར་བཀའ་བསྡུར་གནང་བའི་ཁོངས་ནས། བདེན་པའི་མེ་ལྕེ་སྐོར་བསྐྱོད་ལས་འགུལ་ཐད་ཕྱི་ལོ་ ༢༠༡༢ ཟླ ༣ ཚེས ༢༧ ཉིན་བོད་མི་མང་སྤྱི་འཐུས་རྒྱུན་ལས་སུ་ཐག་གཅོད་བྱུང་དོན།
རྒྱ་ནག་དམར་པོའི་གཞུང་གིས་བོད་དུ་བཙན་འཛུལ་དྲག་གནོན་བྱས་པ་ནས་ད་ ལྟའི་བར་གྱི་ལོ་ངོ་དྲུག་ཅུ་ལྷག་གི་རིང་།
བོད་ཐོག་འཛིན་པའི་གདུག་རྩུབ་མཁྲེགས་འཛིན་ཅན་གྱི་སྲིད་བྱུས་ལ་འགྱུར་བ་མེད་ པར། བོད་ཀྱི་སྣོད་བཅུད་ཡོངས་རྫོགས་བཙན་བཟུང་གིས་བོད་མི་རྣམས་དམར་གསོད་དང་། བཙོན་འཇུག གཅར་རྡུང་།
སུན་བཙིར་སོགས་ཀྱིས་མཚོན་པའི་སྡུག་སྦྱོང་མནར་གཅོད་ཀྱི་དྲག་གནོན་མཚམས་འཇོག་ བྱས་མེད་པར། རང་རིགས་རྣམས་ཀྱིས་ཀྱང་ཆོས་རིག་སྐད་ཡིག་དང་བཅས་པའི་མི་རིགས་ཀྱི་བླ་སྲོག་ལ་
གཅེས་སྐྱོང་གང་ཐུབ་ཀྱིས་བདེན་པའི་འཐབ་རྩོད་རྒྱུན་སྐྱོང་གནང་ཡོད།
ལྷག་པར་ཕྱི་ལོ་ ༢༠༠༨ ལོ་ནས་བཟུང་བོད་ས་ཡོངས་སུ་རྒྱ་དམར་དྲག་དམག་གིས་དམར་གསོད་བཙོན་འཇུག་སོགས་
ཀྱི་སྡུག་སྦྱོང་མནར་གཅོད་ཉིན་བཞིན་ཛ་དྲག་ཏུ་འགྲོ་བཞིན་པའི་ཉེར་ལེན་ལ་བརྟེན། བོད་མི་རྣམས་ཀྱིས་དམྱལ་བ་མི་ཡུལ་དུ་འཕོས་པ་ལྟ་བུའི་སྡུག་བསྔལ་བཟོད་མ་ཐུབ་ པར་བོད་དོན་བདེན་མཐའ་གསལ་ཆེད་དང་།
༸གོང་ས་མཆོག་བོད་དུ་གདན་འདྲེན་ཞུ་ཐབས། མྱོང་བཞིན་པའི་སྡུག་བསྔལ་རྣམས་མཉམ་འབྲེལ་རྒྱལ་ཚོགས་དང་རྒྱལ་སྤྱིའི་གཞུང་ སྒེར་ཚོགས་སྡེ་ཁག་གཙོས་དུས་རབས་ཉེར་གཅིག་པའི་འགྲོ་བ་མིའི་རིགས་ལ་སྙན་གསན་ དང་།
སེམས་ཁོང་གི་སྡུག་བསྔལ་དང་མངོན་འདོད་ཕྱིར་བསྒྲགས་བྱེད་པའི་དན་རྟགས་སུ་རང་ ལུས་མེར་སྲེག་གཏོང་ མཁན་བར་མེད་དུ་བྱུང་དང་འབྱུང་བཞིན་པར།
འདི་ནས་ཀྱང་ཁོང་རྣམ་པའི་ཀུན་ཕན་སེམས་བསྐྱེད་ཀྱི་སྙིང་སྟོབས་དང་མངོན་འདོད་ ཇི་བཞིན་རྒྱལ་སྤྱིའི་སྤྱི་ཚོགས་ལ་བརྒྱུད་བསྒྲགས་བྱ་ཆེད།
བདེན་པའི་མེ་ལྕེ་སྐོར་བསྐྱོད་ཀྱི་གཞི་རྒྱ་ཆེ་བའི་ལས་འགུལ་འདི་བཞིན་ཕྱི་ལོ་ ༢༠༡༢ ལོའི་ཟླ ༧ ཚེས ༦ སྟེ་༸གོང་ས་ལྷ་མིའི་རྣམ་འདྲེན་༸རྒྱལ་དབང་སྐུ་ཕྲེང་བཅུ་བཞི་པ་ཆེན་པོ་མཆོག་
གི་སྐུའི་འཁྲུངས་ལྷ་དབྱར་གསོལ་ཉིན་མོ་དང་སྟབས་བསྟུན་འགོ་འཛུགས་བྱ་རྒྱུའི་ དགོས་འདུན་ཁག་ནི།
- ༡༽ ཕྱི་ལོ་ ༡༩༥༩། དང་། ༡༩༦༡། ༡༩༦༥ སོ་སོར་འཛམ་གླིང་མཉམ་འབྲེལ་རྒྱལ་ཚོགས་ཀྱིས་བོད་དོན་ཐོག་བཞག་
པའི་གྲོས་ཆོད་ཁག་སླར་ཡང་རྒྱལ་ཚོགས་ནས་གླེང་སློང་དང་ལག་བསྟར་མཇུག་གནོན་དགོས་ པ།
- ༢༽ བོད་ནང་གི་ད་ལྟའི་ཛ་དྲག་གནས་སྟངས་རྟོག་ཞིབ་སླད་རང་དབང་ཅན་གྱི་རྒྱལ་སྤྱིའི་སྐུ་ཚབ་ཁག་ཅིག་འཕྲལ་གཏོང་དགོས་པ།
- ༣༽ བོད་ནང་གི་བོད་མིའི་མངོན་འདོད་བསྒྲུབ་རྒྱུར་མཉམ་འབྲེལ་རྒྱལ་ཚོགས་ཀྱིས་དམིགས་བསལ་འགན་འཁུར་བཞེས་དགོས་པ།
གོང་གསལ་དགོས་འདུན་དེ་དག་བསྒྲུབ་པའི་སླད་རྒྱ་གར་གཙོས་རྒྱལ་སྤྱིའི་ས་གནས་ ཡུལ་གྲུ་སོ་སོར་བདེན་པའི་མེ་ལྕེ་སྐོར་བསྐྱོད་ཀྱི་མཚན་རྟགས་བསྡུ་རུབ་ཀྱིས་ ཕྱི་ལོ་ ༢༠༡༢ ཟླ ༡༢ ཚེས ༡༠
ཉིན་ཨ་རི་ནིའུ་ཡོག་རྒྱལ་ཚོགས་ལས་ཁུངས་དང་། སུད་སི་ཇི་ནི་ཝར་རྒྱལ་ཚོགས་ཀྱི་འགྲོ་བ་མིའི་ཐོབ་ཐང་ལྷན་ཚོགས། དེ་བཞིན་རྒྱ་གར་ནང་རྟེན་གཞི་བྱས་པའི་རྒྱལ་ཚོགས་ཀྱི་ཡན་ལག་ལས་ཁུངས་སོ་སོར་
ཉིན་བརྒྱ་དུས་གཅིག་ཏུ་ཞུ་སྙན་ཕུལ་ཏེ་མཇུག་བསྡོམས་ཞུ་རྒྱུ་ཡིན། བོད་མི་མང་སྤྱི་འཐུས་ལྷན་ཚོགས་ཀྱི་བདེན་པའི་མེ་ལྕེ་སྐོར་བསྐྱོད་ལས་འགུལ་ ཚོགས་ཆུང་ནས་ཕྱི་ལོ ༢༠༡༢ ཟླ ༦ ཚེས ༢༧ ལ།
ཞེས་སྒྲོག་སྦྱངས་གནང་རྗེས་གསར་འགོད་པའི་དྲི་བ་ཁག་ལ་ལས་འགུལ་ཚོགས་ཆུང་གི་ ཚོགས་གཙོ་མཆོག་དང། ཚོགས་མི་རྣམ་པས་ལན་འདེབས་གསལ་བཤད་གནང་ཡོད་པ་རེད/
ཁ་སང་གཟའ་ལྷག་པའི་ཉིན་གྱི་ཕྱི་དྲོ་ཆུ་ཚོད་ ༣ པའི་སྟེང་དྷ་རམ་ས་ལའི་བཞུགས་སྒར་ཐེག་ཆེན་ཆོས་གླིང་གཙུག་ལག་ཁང་དུ། བཀའ་སྤྱི་གཉིས་ཀྱི་གོ་སྒྲིག་འོག་བཙན་བྱོལ་བོད་མིའི་སྒྲིག་འཛུགས་ཀྱི་མང་གཙོའི་ཀ་བ་གསུམ་གྱི་མཛད་གཙོ་རྣམ་པའི་གཙོས། བཙན་བྱོལ་བོད་མིའི་སྒྲིག་འཛུགས་ཀྱི་སྲི་ཞུ་ལས་བྱེད་པ་ཡོངས་དང་། དེ་བཞིན། དྷ་སའི་ཉེ་འདབས་ཁུལ་གྱི་དགོན་སྡེ་ཁག་གི་དགེ་འདུན་པ་རྣམས་ཀྱིས་གཙོས་པའི་སེར་སྐྱ་མི་མང་ ༣༠༠༠༠ ཙམ་མཉམ་འཛོགས་ཐོག ཉེ་སྔོན་བོད་ནང་རྒྱ་གཞུང་གི་དྲག་གནོན་དབང་སྒྱུར་ལ་ངོ་རྒོལ་གྱིས་རང་ལུས་མེར་བསྲེགས་གནང་མཁན་དག་གཙོས། བོད་བསྟན་པ་ཆབ་སྲིད་ཀྱི་དོན་དུ་རང་སྲོག་བློས་གཏོང་མཁན་དང་། ད་ལྟ་རྒྱའི་བཙོན་འོག་ཏུ་མནར་གཅོད་མྱོང་མཁན་རྣམས་བཅས་རྒྱལ་གཅེས་དཔའ་བོ་དཔའ་མོ་ཡོངས་ལ་རྗེས་དྲན་ཆེད། ཆུ་ཚོད་ ༣ རིང་གཞི་རྒྱ་ཆེ་བའི་མཆོད་འབུལ་སྨོན་ལམ་ཞིག་གནང་སོང་ལ། སྐབས་དེར་བོད་མི་སེར་སྐྱ་ཡོངས་ཀྱིས་ལུས་ལ་བོད་ལྭ་གྱོན་པ་དང་། ཁ་ལ་ཁ་རས་ནག་པོ་བརྒྱབ་སྟེ་བོད་ནང་གི་བོད་མི་ཚོར་གདུང་སེམས་མཉམ་སྐྱེད་ཀྱི་རྣམ་པ་ཤུགས་ཆེན་པོ་བསྟན་པ་མ་ཟད། དགོང་མོ་དྷ་ས་ས་གནས་བདེ་དོན་གྱི་གོ་སྒྲིག་འོག་ཐེག་ཆེན་ཆོས་གླིང་གཙུག་ལག་ཁང་ནས་དྷ་ས་མོག་རྒན་བར་དུ་མར་མེ་ཁྲོམ་སྐོར་ཞིག་ཀྱང་གནང་སོང་།
བཞུགས་སྒར་དྷ་སར་གདུང་སེམས་མཉམ་སྐྱེད་ཀྱི་མཆོད་འབུལ་སྨོན་ལམ་གྲུབ་རྗེས། བཀའ་བློན་ཁྲི་པ་བློ་བཟང་སེང་གེ་མཆོག་གིས་གཏམ་བཤད་གནང་དོན། “དེ་རིང་ང་ཚོ་འདིར་འཛོམས་དགོས་དོན་ཚང་མས་མཁྱེན་གསལ་རེད། ད་ལྟ་བོད་ནང་ཛ་དྲག་གི་གནས་སྟངས་ཆགས་ཏེ། རྒྱ་ནག་གཞུང་གི་མཁྲེག་འཛིན་སྲིད་ཇུས་འོག་ཤ་ཁྲག་གཅིག་པའི་བོད་རིགས་སྤུན་ཟླ་མང་པོ་ཞིག་དམར་གསོད་བཏང་བ་དང་འཛིན་བཟུང་བྱས་པ། ཉེས་རྡུང་བཏང་བ་སོགས་ཉིན་རེ་བཞིན་ཇེ་མང་དུ་འགྲོ་བཞིིན་པར་བརྟེན། ང་ཚོ་འདིར་འཛོམས་ཏེ་ད་ལྟའི་བར་རང་སྲོག་བློ་གཏོང་གནང་མཁན་ཚོ་དང་། ཁོང་རྣམ་པའི་ཕ་མ་སྤུན་མཆེད་ཡོངས་ཀྱི་ཆེད་དུ་མཆོད་འབུལ་སྨོན་ལམ་རྒྱག་གི་ཡོད་པ་རེད།” ཅེས་གསུངས་ཏེ། མ་གཞི་མིའི་ལུས་རྟེན་འདི་ལོན་པའི་རྗེས་སུ་མི་སུ་འདྲ་ཞིག་ཡིན་ནའང་།
མི་ཚེ་འདི་སྲོག་དང་ལྡན་པའི་ཐོག་ནས་སྐྱེལ་འདོད་ཡོད་པ་མ་གཏོགས།
ཚེ་སྲོག་གི་རྒྱུན་གཅོད་འདོད་མཁན་སུ་གང་ཡང་མེད་ལ། བོད་ནང་གི་བོད་མི་ཚོས་རྒྱ་གཞུང་གི་སྐྱག་རྫུན་སྲིད་ཇུས་འོག་ལ། ལོ་ལྔ་བཅུའི་རིང་ལ་དབྱེ་འབྱེད་དང་མནར་གཅོད། བརྙས་བཅོས་ཀྱི་སྡུག་བསྔལ་མ་བཟོད་པར་ལུས་མེར་བསྲེགས་བཏང་སྟེ་ཞི་བའི་ངོ་རྒོལ་བྱེད་བཞིན་ཡོད་སྟབས། ཛ་དྲག་གནས་སྟངས་དེའི་ཐད་ཧ་ཅང་བློ་འཚབ་སྐྱེས་པ་མ་ཟད། བོད་ནང་རང་ལུས་མེར་བསྲེགས་གཏོང་མཁན་དེ་དག་ནི་གྲངས་ཀ་ཙམ་མ་ཡིན་པར། ཁོང་རྣམས་ནི་ཚེ་སྲོག་ཡོད་མཁན་གྱི་མི་ཡིན་པ་དེ་བོད་རིགས་སྤུན་ཟླ་ཚང་མས་དྲན་གསོ་བྱེད་དགོས་པ་དང་། རང་ལུས་མེར་བསྲེགས་གཏོང་མཁན་དེ་དག་ལའང་ཕ་མ་དང་སྤུན་མཆེད། ནང་མི་ཡོད་མཁན་རྐྱང་ཡིན་སྟབས། ང་ཚོས་སོ་སོའི་ནང་མི་ཞིག་གིས་རང་སྲོག་མེར་བཏང་བ་ཡིན་ན། སོ་སོའི་སེམས་ནང་ལ་སྡུག་བསྔལ་དང་སེམས་འཚབ་ག་ཚོད་ཡོད་མེད་ལ་བསམ་བློ་བཏང་པའི་ཐོག་ནས། རང་སྲོག་བློས་གཏོང་མཁན་ཁོང་ཚོའི་སྙིང་སྟོབས་དང་བློས་གཏོང་དེ་དག་སོ་སོའི་བློ་ཡིད་ལ་འཁོར་ཐུབ་པ་དང་། ཚོར་བ་རྙེད་ཐུབ་པ་བྱ་དགོས་སྐོར་གསུངས་སོང་།
དེ་བཞིན། བཀའ་ཁྲི་མཆོག་གིས་བོད་དོན་ཐད་རྒྱབ་སྐྱོར་གནང་མཁན་རྒྱལ་སྤྱིའི་སྤྱི་ཚོགས་ཡོངས་ལ་ཐུགས་རྗེ་བཀའ་དྲིན་ཞུས་པ་དང་སྦྲགས། འཛམ་གླིང་རྒྱལ་ཁབ་གིས་རྒྱབ་སྐྱོར་གྱི་སྐད་ཆ་གཅིག་པུ་ཙམ་ཤོད་དེ་མི་སྡོད་པར།
་བོད་ནང་ལ་ཕེབས་ཏེ་བོད་མིར་ཚོར་བ་སྡུག་བསྔལ་ག་རེ་ཡོད་མེད་དང་།
རྒྱ་གཞུང་གིས་བོད་ཐོག་དྲག་གནོན་དམར་གསོད་ཀྱི་སྲིད་ཇུས་ལག་ལེན་ག་འདྲ་བསྟར་བཞིན་ཡོད་མེད་ཞིབ་འཇུག་གནང་དགོས་པའི་འབོད་སྐུལ་དང་། པེ་ཅིན་དུ་ཡོད་པའི་རྒྱལ་སྤྱིའི་གསར་འགོད་པ་རྣམས་ཀྱིས་ཀྱང་མུ་མཐུད་དུ་བོད་ནང་བསྐྱོད་རྒྱུར་འབད་བརྩོད་གནང་སྟེ། བོད་ནང་གི་དངོས་ཡོད་གནས་ཚུལ་རྣམས་རྒྱལ་སྤྱིའི་སྒང་ལ་ཁྱབ་ཐུབ་པ་ཞིག་དང་།
རྒྱལ་སྤྱིའི་སྤྱི་ཚོགས་ཀྱིས་བོད་མིའི་དཀའ་ངལ་མཁྱེན་རྟོག་ཡོང་བ་གནང་དགོས་པའི་འབོད་སྐུལ་ཡང་གནང་སོང་ལ། དེ་བཞིན། བཀའ་ཁྲི་མཆོག་གིས་ “རྒྱ་གཞུང་གིས་དྲག་གནོན་གྱི་འོག་ནས་བོད་དོན་སེལ་ཐུབ་ཀྱི་རེ་བ་བྱེད་ཀྱིན་ཡོད་ན།
རེ་བ་དེ་ནམ་ཡང་འགྲུབ་ཐབས་ཡོད་པ་མ་རེད། བོད་ཕྱི་ནང་གཉིས་ཀྱི་བོད་མི་ཚོས་བདེན་པ་རྩོད་ཀྱིན་ཡོད་པ་རེད་མ་གཏོགས།
གཞན་གང་ཡང་རྩོད་ཀྱིན་ཡོད་པ་མ་རེད། སྔ་རྗེས་ཙམ་མ་གཏོགས་བདེན་པ་གསལ་ཡོང་གི་རེད། ༸གོང་ས་མཆོག་གིས་ཕུགས་རྒྱང་རིང་པོ་གཟིགས་པའི་ཐོག་ནས། གྲོས་མོལ་གྱི་ལམ་ནས་བོད་དོན་སེལ་ཐབས་བྱེད་དགོས་པ་རེད་ཅེས་གསུངས་བཞིན་པ་ལྟར། གྲོས་མོལ་ཐོག་ནས་བཀའ་མོལ་གནང་པ་ཡིན་ན་སེལ་ཐབས་ཡོད་པ་རེད། དེ་མ་གཏོགས་དབྱེ་འབྱེད་དང་དྲག་གནོན་གྱི་འོག་ནས་བོད་ཀྱི་གནད་དོན་སེལ་ཐུབ་ཀྱི་མ་རེད་ལ། བོད་མིའི་སྙིང་སྟོབས་དང་ལྷག་བསམ་དུས་ནམ་ཡང་མེད་པ་བཟོ་ཐུབ་ཀྱི་མ་རེད།” ཅེས་བརྗོད་སོང་།
མཇུག་མཐར། བཀའ་ཁྲི་མཆོག་གིས་བོད་ནང་གི་བོད་མི་ཚོར་གསུངས་རྒྱུར། “ བོད་ཀྱི་བདག་པོ་ནི་བོད་ནང་གི་བོད་མི་ཚོ་ཡིན་པ་ང་ཚོ་ཚང་མས་ཤེས་ཀྱིན་ཡོད་ལ། རྣམ་པ་ཚོས་རང་སྲོག་བློས་གཏོང་གནང་བ་དེ་ང་ཚོས་ནམ་ཡང་བརྗེད་ཐབས་མེད་པ་མ་ཟད། ཁྱེད་རྣམ་པས་བློས་གཏོང་མཛད་པ་དེ་དག་ཆུད་ཟོས་དང་འབྲས་མེད་ནམ་ཡང་ཆགས་འཇུག་གི་མ་རེད། ཁྱེད་རྣམ་པའི་འདོད་པ་དང་རེ་བ་སྒྲུབ་རྒྱུ་དེ་ང་ཚོའི་ལས་འགན་ཆགས་ཡོད་པ་རེད། ལས་འགན་དེ་འགྲུབ་ཆེད་ཕྱི་ལོ་ཡོད་པའི་བོད་མི་སྤྱི་ཡོངས་ཀྱི་ངོས་ནས་ཞབས་འདེགས་སྒྲུབ་རྒྱུ་ཡིན་ཞེས་སྔོན་ཆད་ཞུས་མྱོང་ལ། ད་ལྟ་ཡིན་ནའང་དམ་བཅའ་བརྟན་པོ་ཡོད་ཅེས་ཞུ་རྒྱུ་ཡིན།” ཞེས་གསུངས་སོང་ལ། དེ་བཞིན། ལོ་གསར་སྐབས་བོད་མི་ཡོངས་ཀྱིས་ནང་དུ་ཐུགས་སྤྲོ་གཏོང་བ་སོགས་མི་གནང་པར།
རང་སྲོག་བློས་གཏོང་དང་རྒྱ་ནག་གི་བཙོན་འོག་ཡོད་པའི་བོད་མི་རྣམས་རྗེས་དྲན་གྱི་ཆེད་དུ། ཆོས་ཕྱོགས་ཀྱི་བྱེད་སྒོ་ཁོ་ན་སྲུང་བརྩི་བྱས་ཏེ་བདེན་ཚིག་སྨོན་ལམ་གསུངས་པ་དང་། དགོན་སྡེ་ཁག་ལ་མཆོད་མཇལ། བསང་གསོལ་གཏོང་བ་སོགས་གང་མང་གནང་དགོས་པའི་འབོད་སྐུལ་ཡང་གནང་སོང་།
བོད་ནང་དུ་རྒྱ་གཞུང་གིས་དམར་གསོད་དམ་དྲག་བྱེད་བཞིན་པའི་ཛ་དྲག་གནས་སྟངས་ཀྱི་རྐྱེན་པས། ཉེ་སྔོན་བཀའ་སྤྱི་གཉིས་ཀྱི་ངོས་ནས་ཕྱི་ཟླ་ ༢ ཚེས་ ༨ ཉིན་འཛམ་གླིང་ཡུལ་གྲུ་གང་སར་གནས་སྡོད་བོད་རིགས་ཡོངས་དང་། བོད་དོན་རྒྱབ་སྐྱོར་བ་ཚང་མས་བོད་ནང་གི་བོད་མི་ཚོར་གདུང་སེམས་མཉམ་སྐྱེད་ཀྱི་ལས་འགུལ་སྤེལ་དགོས་པའི་གསལ་བསྒྲགས་གནང་པ་ལྟར། ཨ་རི་དང་། ཁ་ན་ཊ། ཡུ་རོབ། རྒྱ་གར། ཐེ་ཝན། ཨ་ཧྥི་རི་ཀ་སོགས་འཛམ་གླིང་རྒྱལ་ཁབ་སོ་སོའི་ནང་བོད་ནང་གི་མི་ཚོར་གདུང་སེམས་མཉམ་སྐྱེད་ཀྱི་ལས་འགུལ་སྣ་ཚོགས་སྤེལ་ཡོད་པ་མ་ཟད། ལྡི་ལི་འཇན་གྷིར་མན་གྷིར་ཏུ་འབྲས་སྤུངས་བློ་གསལ་གླིང་གི་དགེ་འདུན་པ་ ༩ དང་མི་སྐྱ་ ༡ བཅས་ནས་ཆུ་ཚོད་ ༢༤ རིང་ཟས་བཅད་ངོ་རྒོལ་ཡང་གནང་ཡོད་འདུག་ལ། ལྷག་པར་དུ་ལས་འགུལ་གྱི་ཉིན་འདིར་ཨི་ཊ་ལི་གྲོས་ཚོགས་ཀྱིས་གྲོས་ཆོད་ཅིག་བཞག་སྟེ།
རྒྱ་གཞུང་གིས་བོད་ཐོག་དྲག་གནོན་བྱ་རྒྱུ་མཚམས་འཇོག་དང་།
༸གོང་ས་མཆོག་གི་སྐུ་ཚབ་དང་མཉམ་དུ་གྲོས་མོལ་གྱི་ལམ་ནས་བོད་དོན་སེལ་དགོས་པ་ནན་སྐུལ་བྱས་ཡོད་འདུག
དཔལ་ལྡན་བཀའ་ཤག་སྐབས་བཅུ་གསུམ་པའི་ལས་མཇུག་ཕྱག་ཐོན་གྱི་
གསུང་བཤད།
༄༅། །ཕྱི་ལོ་ ༢༠༡༡ ཟླ་ ༨ ཚེས་ ༦ ཉིན་གྱི་ཕྱི་དྲོ་ཆུ་ཚོད་ ༤།༣༠
ཐོག་བཀའ་ཤག་ཡང་སྟེང་ཚོགས་ཁང་ནང་དཔལ་ལྡན་བཀའ་བློན་ཁྲི་པ་མཁས་དབང་ཟམ་གདོང་རིན་པོ་ཆེ་མཆོག་དབུ་བཞུགས་ཐོག་ཆོས་རིག་བཀའ་བློན་ཚེ་རིང་ཕུན་ཚོགས་མཆོག་དང་། དཔལ་འབྱོར་བཀའ་བློན་ཚེ་རིང་དོན་གྲུབ་མཆོག
བདེ་སྲུང་བཀའ་བློན་འབྲོང་ཆུང་དངོས་གྲུབ་མཆོག ཕྱི་དྲིལ་བཀའ་བློན་སྟག་ལྷ་སྐལ་བཟང་དབྱངས་སྐྱིད་མཆོག
འཕྲོད་བསྟེན་བཀའ་བློན་དཔལ་འབྱོར་ཚེ་རིང་མཆོག་བཅས་ལྷན་ཞུགས་ཐོག་བཀའ་ཁྲི་ཟམ་གདོང་རིན་པོ་ཆེ་མཆོག་གིས་སྐབས་བཅུ་གསུམ་པའི་བཀའ་ཤག་གིས་འཐོན་ཕྱག་གསུང་བཤད་གནང་དོན།
མཛའ་བརྩེ་དང་ལྡན་པའི་བོད་ཕྱི་ནང་གཉིས་སུ་གནས་པའི་བོད་རིགས་ཡོངས་སུ་རྫོགས་པར་སྐབས་བཅུ་གསུམ་པའི་བཀའ་ཤག་གི་ལས་དུས་གཙང་ལ་ཉེ་བའི་སྐབས་འདིར་ང་དང་ལས་རོགས་བཀའ་བློན་ཚང་མའི་ངོས་ནས་མཛའ་བརྩེའི་འཚམས་འདྲི་དང་བཀྲ་ཤིས་བདེ་ལེགས་ཞུ་རྒྱུ་ཡིན།
ཚང་མས་དགོངས་མངའ་ལྟར་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གིས་བོད་བསྟན་སྲིད་མི་རིགས་དང་བཅས་པའི་འཕྲལ་ཕུགས་བདེ་དོན་ཆེད་བཙན་བྱོལ་དུ་ཞབས་སོར་འཁོད་པ་ནས་བཟུང་སྟེ་མང་གཙོའི་རིང་ལུགས་དར་སྤེལ་མཛད་རྒྱུའི་ཆེད་དུ་ཐུགས་བརྩོན་སྔ་རིམ་མཛད་པའི་མཛད་རིམ་ནང་ཕྱི་ལོ་༢༠༠༡ལོ་ནས་བོད་མིའི་ཆབ་སྲིད་ཀྱི་འགོ་ཁྲིད་བོད་མི་ཚོས་ཐད་ཀར་འོས་འདེམས་བྱེད་རྒྱུའི་ལམ་སྲོལ་གཏོད་པའི་སྐབས་དེ་ནས་བཀའ་ཤག་སྐབས་བཅུ་གཉིས་པ་དང་བཅུ་གསུམ་པའི་ལས་ཡུན་གྱི་རིང་མང་ཚོགས་ཀྱིས་འོས་འདེམས་བྱས་པའི་བཀའ་བློན་ཁྲི་པའི་ལས་འགན་དེ་ངས་ཞུ་རྒྱུའི་གོ་སྐབས་བྱུང་བ་རེད།
ལས་ཡུན་དེ་གཉིས་ཀྱི་རིང་ལ་གཟེངས་སུ་ཐོན་པའི་གྲུབ་འབྲས་མ་བྱུང་ཡང་༸རྒྱལ་བ་རིན་པོ་ཆེའི་ཐུགས་རྗེའི་བཀའ་དྲིན་དང་མང་ཚོགས་ཀྱི་རྒྱབ་སྐྱོར་ལ་བརྟེན་ནས་ནོར་འཁྲུལ་དང་ཁ་ཆག་སྣ་རལ་ཆེན་པོ་མེད་པའི་ཐོག་ནས་ད་ཆ་ལས་དོན་གཙང་ལ་ཉེ་བས།
གོ་སྐབས་འདི་བཟུང་ནས་བོད་ཕྱི་ནང་གཉིས་སུ་གནས་པའི་བོད་རིགས་ཡོངས་སུ་རྫོགས་པར་སྙིང་ནས་བཀའ་དྲིན་རྗེས་དྲན་གྱི་ཐོག་ནས་ཐུགས་རྗེ་ཆེ་ཞུ་རྒྱུ་ཡིན།
མང་གཙོའི་སྤྱི་ཚོགས་ནང་འཛིན་སྐྱོང་དང་ཆབ་སྲིད་དབང་འཛིན་པས་སྲིད་བྱུས་དང་ཐག་གཅོད་ཀྱི་ལས་རིམ་གང་འདྲ་ཞིག་ཕྱིན་ཡང་དེ་ལ་ཡུལ་མི་ཡོངས་སུ་རྫོགས་པས་མོས་མཐུན་གནང་དགོས་པའི་ངེས་པ་ཆགས་མེད།
དེར་བརྟེན་ང་ཚོའི་སྲིད་བྱུས་དང་ལས་རིམ་ཐོག་དགག་བྱ་དང་སྐྱོན་བརྗོད་གནང་མཁན་ཚོར་དང་པོར་ཐུགས་རྗེ་ཆེ་ཞུ་བཞིན་ཡོད།
ཁྱེད་ཚོས་ཐུགས་སྣང་ཆེན་པོའི་ཐོག་ནས་དགག་བྱ་གནང་བར་བརྟེན་བཀའ་ཤག་གི་ལས་དོན་ཐོག་ཡོ་སྲང་བྱེད་རྒྱུ་དང་གོ་རྟོགས་སྤེལ་རྒྱུ། གལ་ཏེ་ནོར་འཁྲུལ་ཡོད་པ་ཡིན་ན་ནོར་བཅོས་བྱེད་རྒྱུ་དང་།
མེད་པ་ཡིན་ན་གསལ་བཤད་བྱེད་རྒྱུའི་གོ་སྐབས་ཡོང་གི་ཡོད། དེར་བརྟེན་འགལ་ཟླ་དང་དགག་བྱ་བྱེད་མཁན་རྣམས་ལ་ཐུགས་རྗེ་ཆེ་ཞུ་བཞིན་ཡོད།
དེ་དང་ཆབས་ཅིག་རྒྱབ་སྐྱོར་གནང་མཁན་ཚོར་དེ་བས་ཀྱང་མང་གཙོའི་སྤྱི་ཚོགས་ནང་སྲིད་བྱུས་གང་འདྲ་ཞིག་ཡིན་ནའང་གཞི་རིམ་མང་ཚོགས་ཀྱིས་མང་མོས་ཀྱི་རྒྱབ་སྐྱོར་མེད་ན་ལག་ལེན་བསྟར་ཐུབ་རྒྱུ་མེད།
ད་བར་དུ་ང་ཚོས་སྲིད་བྱུས་དང་ལས་རིམ་སྤྱི་དང་ལྷག་པར་༸གོང་ས་༸སྐྱབས་མགོན་ཆེན་པོ་མཆོག་གིས་ལམ་སྟོན་མཛད་པའི་བོད་རྒྱ་གཉིས་སྨན་གྱི་དབུ་མའི་ལམ་གྱི་སྲིད་བྱུས་མུ་མཐུད་ནས་འཛིན་ཐུབ་པ་དེ་གཞི་རིམ་མང་ཚོགས་ཀྱིས་དུས་ནས་དུས་སུ་ཚད་མཐོའི་མང་མོས་རྒྱབ་སྐྱོར་གནང་བར་བརྟེན་ནས་བྱུང་བ་ཞིག་ཡིན།
དེར་བརྟེན་བོད་ཀྱི་གནད་དོན་དེ་རྒྱལ་སྤྱིའི་སྡིངས་ཆའི་སྟེང་གསལ་པོར་གནས་ཐུབ་པ་དང་བོད་དོན་བདེན་མཐའ་སེལ་བར་ཇེ་ཉེར་འགྲོ་ཐུབ་པ་བྱུང་ཡོད།
དེར་བརྟེན་རྒྱབ་སྐྱོར་གནང་མཁན་ཚོར་དམིགས་བསལ་ཐུགས་རྗེ་ཆེ་ཞུ་བཞིན་ཡོད།
དེ་བཞིན་མ་འོངས་པར་བཀའ་ཁྲི་སྐབས་གསུམ་པ་དང་བཀའ་ཤག་སྐབས་བཅུ་བཞི་པར་ཡང་གཞིས་བྱེས་མང་ཚོགས་ཡོངས་རྫོགས་ཀྱིས་དེ་སྔ་ལས་ལྷག་པའི་རྒྱབ་སྐྱོར་གནང་རྒྱུར་ང་ཚོས་རེ་འདུན་ཆེན་པོ་ཞུ་བཞིན་ཡོད།
གཞུང་གི་ལས་ཁུངས་ཁག་གི་ངོ་བོ་ལྟ་བུར་མཚོན་ན། ཆོས་རིག་ལས་ཁུངས་ངོས་ནས་ཆོས་དང་རིག་གཞུང་གི་བྱ་བ་སྤྱི་དང་ལྷག་པར་གྲྭ་བཙུན་དང་དགོན་སྡེ་ཁག་ལ་ལྟ་སྐྱོང་ཞུ་རྒྱུ་དང་།
ཆོས་རིག་ལས་དོན་མི་ཉམས་གོང་འཕེལ་ཡོང་བ་བྱེད་རྒྱུའི་ལས་དོན་ཐོག་གང་ཐུབ་ཀྱིས་འབད་བརྩོན་ཞུས་ཡོད།
ལྷག་པར་སྐབས་བཅུ་གསུམ་པའི་སྐབས་ཆོས་རིག་ལས་ཁུངས་འདི་ཆོས་རིག་ལྷན་ཚོགས་སུ་འགྱུར་རྒྱུར་དཔལ་ལྡན་བོད་མི་མང་སྤྱི་འཐུས་ལྷན་ཚོགས་བརྒྱུད་ནས་ཆོས་རིག་ལྷན་ཚོགས་ཀྱི་ཁྲིམས་ཡིག་གཏན་ལ་ཕབ་སྟེ་རིང་པོར་མ་ཐོགས་པར་ཚད་མཐོའི་སྐུ་དབང་ཡོད་པའི་ཆོས་རིག་ལྷན་ཚོགས་ཤིག་འཛུགས་ཐུབ་རྒྱུའི་རེ་བ་བྱེད་བཞིན་ཡོད།
ཤེས་རིག་ལས་ཁུངས་ལྟ་བུར་ཆ་མཚོན་ན། བོད་མིའི་འབྱུང་འགྱུར་གྱི་གནས་བབས་གང་འདྲ་ཞིག་ཡོང་མིན་དེ་ད་ལྟའི་ཤེས་ཡོན་སློབ་སྦྱོང་ལ་རག་ལུས་ཡོད་པས།
བོད་མིའི་དངོས་ཡོད་ཀྱི་དགོས་མཁོ་དང་མཐུན་པར་ཤེས་ཡོན་སྲིད་བྱུས་གཏན་ལ་ཕབ་པ་གཞིར་བཟུང་ཐོག་ལག་བསྟར་བྱེད་ཐུབ་རྒྱུར་འབད་བརྩོན་བྱས་དང་བྱེད་བཞིན་ཡིན།
༸གོང་ས་མཆོག་གིས་ཐུགས་རྗེའི་བཀའ་དྲིན་ལ་བརྟེན་བཙན་བྱོལ་དུ་ཡོད་པའི་བོད་ཕྲུག་ན་གཞོན་སུ་གང་ཞིག་ལའང་སྲོལ་རྒྱུན་དང་དེང་རབས་ཀྱི་སློབ་སྦྱོང་གི་གོ་སྐབས་མ་ཐོབ་པ་མེད་པར་འགྲོ་ཐུབ་པ་བྱུང་བ་དེ་ནི་གཟི་བརྗིད་ཆེན་པོ་ཞིག་དང་འབྱུང་འགྱུར་གྱི་གནས་བབས་ཀྱི་ཆེད་ང་ཚོས་མ་འཛུགས་ཆེན་པོ་ཞིག་ཞུས་ཡོད་བསམས་པས་རྗེས་སུ་ཡི་རང་ཞུ་བཞིན་ཡོད།
དཔལ་འབྱོར་ལས་ཁུངས་ལྟ་བུར་ཆ་མཚོན་ན། གཞུང་གི་ལས་དོན་གང་འདྲ་ཞིག་བྱས་ཀྱང་དེའི་རྒྱབ་བརྟེན་དེ་དཔལ་འབྱོར་གྱི་དགོས་མཁོ་ཡོད་པ་ཞིག་དང་།
ལྷག་པར་དུའང་བཙན་བྱོལ་གྱི་གནས་བབས་རིང་ལ་དཔལ་འབྱོར་ཡོངས་སུ་རྫོགས་པ་གཞན་བསྟེན་ཁོ་ན་བྱེད་དགོས་པ་ཞིག་བྱུང་བ་ཡིན་ན་མ་འགྲིག་ཞིག་ཡིན་པས།
ཐོག་མར་ང་ཚོ་བཀའ་ཤག་སྐབས་བཅུ་གཉིས་པའི་ལས་ཁུར་གནང་སྐབས་གཞུང་གི་དཔལ་འབྱོར་གནས་བབས་གཉན་འཕྲང་ཅན་གྱི་འོག་གནས་ཡོད་པ་དེ་རིམ་པས་ཡར་རྒྱས་སོང་སྟེ་ད་ལྟའི་གནས་སྐབས་ལ་ཕལ་ཆེར་དགོས་ཤིང་ངེས་པའི་རྒྱུན་འགྲོན་དེ་དག་དྭང་བླང་བཅའ་དངུལ་དང་མ་བཙུགས་ཀྱི་སྐྱེད་འབབ་ཀྱི་ཐོག་ནས་འདང་ཐུབ་པའི་གནས་བབས་ཤིག་ལ་བསླེབས་ཡོད།
དེ་ལས་ལྷག་པ་ཞིག་ལ་གཞུང་གི་དཔལ་འབྱོར་གང་ཡོད་པ་དེ་དག་ལོག་འཚོ་དང་མ་འབྲེལ་བ། ཡུལ་ཁྲིམས་དང་མཐུན་པ།
ཕྱི་ནང་དང་ངོ་ལྐོག་མེད་པ་དེ་ལྟ་བུའི་གནས་བབས་སུ་སླེབས་ཐུབ་པ་དེ་༸གོང་ས་མཆོག་གིས་ཐུགས་རྗེའི་བཀའ་དྲིན་ལ་བརྟེན་ཡག་ཐག་ཆོད་བྱུང་སོང་བསམས་པ་དྲན་བཞིན་ཡོད།
འཕྲོད་བསྟེན་ལས་ཁུངས་ལྟ་བུར་ཆ་མཚོན་ན། བཙན་བྱོལ་བོད་མིའི་སྤྱི་ཚོགས་ཡོངས་སུ་རྫོགས་པའི་ནང་བོད་མིའི་འཕྲོད་བསྟེན་གྱི་ལས་དོན་ཐོག་གང་ཐུབ་ཅི་ཐུབ་ཀྱིས་ཞབས་ཕྱི་ཞུས་ཡོད།
ལྷག་པར་མ་དང་བྱིས་པའི་འཕྲོད་བསྟེན་དང་། མྱོས་རྫས་སྔོན་འགོག་ལ་སོགས་དེང་རབས་ཀྱི་གནས་བབས་དང་མཐུན་པར་སྤྱི་ཚོགས་ཀྱི་དཀའ་ངལ་སེལ་རྒྱུའི་ཆེད་དུ་འབད་བརྩོན་བྱས་དང་བྱེད་བཞིན་པ་མ་ཟད།
མ་འོངས་པར་འཕྲོད་བསྟེན་གྱི་ཉེན་སྲུང་ལྟ་སྐུལ་ལས་གཞིའི་ཐོག་ནས་བཙན་བྱོལ་བོད་ རིགས་ཡོངས་སུ་རྫོགས་པར་འཕྲོད་བསྟེན་ཐོག་སེམས་ཁྲལ་མེད་པ་ཞིག་ཡོང་རྒྱུར་འབད་བརྩོན་བྱེད་རྒྱུའི་ཕྱོགས་ལ་སྐྱོད་བཞིན་ཡོད།
དེ་ཙམ་དུ་མ་ཟད་སྲོལ་རྒྱུན་གྱི་བོད་ཀྱི་གསོ་བ་རིག་པ་ཡང་རྒྱ་གར་གྱི་ཁྲིམས་ཐོག་ནས་ངོས་ལེན་ཡོང་རྒྱུ་སོགས་དང་། བོད་ཀྱི་གསོ་བ་རིག་པ་ཡར་རྒྱས་གཏོང་རྒྱུར་འབད་བརྩོན་བྱས་དང་བྱེད་བཞིན་པ་ཡིན།
བདེ་སྲུང་ལས་ཁུངས་ལྟ་བུར་ཆ་མཚོན་ན། སྒྲུབ་བྱ་གཙོ་བོ་དེ་༸གོང་ས་༸སྐྱབས་མགོན་ཆེན་པོ་མཆོག་གི་སྐུའི་ཉེན་སྲུང་ཞུ་རྒྱུ་དང་།
སྤྱི་ཚོགས་ནང་གི་བདེ་འཇགས་ལས་དོན་ཐོག་ལྟ་རྟོག་བྱེད་རྒྱུ་དེ་རེད། གཙོ་བོ་༸གོང་ས་༸སྐྱབས་མགོན་ཆེན་པོ་མཆོག་གི་བླ་ན་མེད་པའི་ཐུགས་རྗེ་དང་། བོད་ཀྱི་ལྷ་སྲུང་གི་འཕྲིན་ལས།
དེ་དང་ཕྱོགས་མཚུངས་གནས་ཡུལ་རྒྱ་གར་གཞུང་སྟེ་དབུས་དང་ས་གནས་གཞུང་གཉིས་ཕྱོགས་ནས་ཐུགས་འགན་གཙང་མ་བཞེས་པར་བརྟེན། ད་ཕན་ང་ཚོར་ཁ་ཆག་སྣ་རལ་གང་ཡང་མེད་པའི་ཐོག་ནས་སྐུའི་ཉེན་སྲུང་ཞུ་ཐུབ་པ་བྱུང་ཡོད།
མ་འོངས་པར་ཡང་ང་ཚོས་འབད་བརྩོན་གྱི་ཐོག་ནས་རྒྱུན་མཐུད་ཞུ་རྒྱུའི་འབད་བརྩོན་བྱས་དང་བྱེད་བཞིན་པ་ཡིན།
ནང་སྲིད་ལས་ཁུངས་ལྟ་བུར་ཆ་མཚོན་ན། གཞིས་ཆགས་ཁག་བརྟན་ལྷིང་ཡོང་རྒྱུའི་ཆེད་དུ་གཞིས་ཆགས་སོ་སོའི་ནང་དུ་འཚོ་བརྟེན་ཡར་རྒྱས་འགྲོ་རྒྱུ་དང་།
གཞིས་མི་གནས་སྡོད་ཐུབ་རྒྱུའི་ཆེད་དུ་ས་གནས་ཀྱི་སྒྲིག་འཛུགས་ཁག་དང་ལྷག་པར་བོད་མིའི་མཉམ་འབྲེལ་ལ་སོགས་པ་ཡར་རྒྱས་གཏོང་རྒྱུའི་ཆེད་སྒོ་ཀུན་ནས་འབད་བརྩོན་བྱེད་རྒྱུ་དང་།
དེ་དང་ཕྱོགས་གཅིག་ཏུ་ན་གཞོན་ཚོར་འཚོ་བའི་འདུན་ལམ་བསྐྲུན་རྒྱུ།
དེ་བཞིན་ཉམ་ཐག་རིགས་ལ་ལྟ་སྐྱོང་བྱེད་རྒྱུ་སོགས་༸གོང་ས་མཆོག་གི་དགོངས་གཞི་གཞིར་བཟུང་ཐོག་གང་ཐུ་ཅི་ཐུབ་ཀྱི་འབད་བརྩོན་ཞུས་དང་ཞུ་བཞིན་པ་ཡིན།
ཕྱི་དྲིལ་ལས་ཁུངས་ལྟ་བུར་ཆ་མཚོན་ན། གཙོ་བོ་རྒྱལ་སྤྱིའི་ནང་བོད་དོན་དྲིལ་བསྒྲགས་དང་འབྲེལ་ལམ་བྱེད་རྒྱུ།
ད་ལྟའི་གནས་སྐབས་ལ་༸གོང་ས་མཆོག་གིས་ཐུགས་རྗེ་བཀའ་དྲིན་ལ་བརྟེན་ནས་རྒྱལ་སྤྱིའི་ནང་བོད་ཀྱི་གནས་བབས་གོ་རྟོགས་དང་དྲིལ་བསྒྲགས་གཉིས་ཀར་ཚད་མཐོ་པོར་བསླེབས་ཡོད་པ་དང་།
དུས་ནས་དུས་སུ་རྒྱལ་སྤྱིའི་བོད་དོན་རྒྱབ་སྐྱོར་ཚོགས་པའི་ཚོགས་འདུ་ཁག་དང་། རྒྱལ་སྤྱིའི་གྲོས་ཚོགས་ཀྱི་བོད་དོན་རྒྱབ་སྐྱོར་ཚོགས་པའི་ཚོགས་འདུ་ཁག་ལ་སོགས་པ་དེ་དག་རིམ་པས་སྐོང་ཚོགས་གནང་རྒྱུ།
གཞུང་དང་གཞུང་འབྲེལ་མ་ཡིན་པའི་ཚོགས་པ་དང་མང་ཚོགས་བཅས་པར་འབྲེལ་བ་བྱེད་རྒྱུ་དེ་དག་དུས་ནས་དུས་སུ་རྗེས་ལུས་མ་ཐེབས་པ་ཞུས་པའི་ཉེར་ལེན་ལ་བརྟེན།
ད་ལྟའི་གནས་སྐབས་ལ་གནས་ཚུལ་གང་ཅིའི་རྒྱལ་སྤྱིའི་སྡིངས་ཆའི་ཐོག་གསལ་པོ་ཡོད་པའི་གནས་བབས་ཆགས་ཡོད་པ་བསམ་བློ་འཁོར་གྱི་ཡོད། ལྷག་པར་བོད་རྒྱལ་འབྲེལ་མོལ་གྱི་ལས་དོན་དེ་ཧ་ཅང་གལ་ཆེན་པོ་ཡིན་སྟབས། ཕྱི་ལོ་
༡༩༩༤ནས་འབྲེལ་མོལ་མཚམས་ཆད་པ་དེ་སྐབས་བཅུ་གཉིས་པའི་བཀའ་ཤག་གིས་འབད་བརྩོན་ཡོད་དགུ་རྩལ་སྤྲུག་བྱས་པར་བརྟེན། ཕྱི་ལོ་ ༢༠༠༢ ནས་བསྐྱར་མཐུད་བྱེད་ཐུབ་པ་དང་།
བསྐྱར་མཐུད་བྱས་རྗེས་འབྲེལ་མོལ་རིམ་པ་དགུ་གནང་བའི་བརྒྱུད་རིམ་ཐོག་ནས་རྒྱ་ ནག་གི་བསམ་ཚུལ་དང་བོད་པའི་གནས་བབས་ཚང་མའི་ཐོག་ཕན་ཚུན་གསལ་པོ་ཆགས་ཐུབ་རྒྱུ་ གཅིག་དང་།
དེ་བཞིན་དོགས་པ་རྣམ་རྟོག་ཡོད་མཁན་དེ་དག་སངས་ཐུབ་རྒྱུ། ཁོང་རང་ཚོའི་སེམས་ཁྲལ་དང་དོགས་པ་ཆེ་ཤོས་ག་རེ་ཐོག་ཡོད་པ།
ང་ཚོའི་ལངས་ཕྱོགས་ག་རེ་ཐོག་ལ་གཟབ་གཟབ་དང་བསྐྱར་བཅོས་བྱེད་དགོས་ཡོད་པ་དེ་དག་གསལ་པོ་ཆགས་པའི་ཉེར་ལེན་ལ་བརྟེན་ནས་གནས་ཚུལ་མང་དག་ཅིག་གོ་བརྡ་འཕྲོད་ཐུབ་པ་དང་།
ལྷག་པར་འབྲེལ་མོལ་ཐེངས་བརྒྱད་པའི་སྐབས་མ་འོངས་པའི་བོད་ཀྱི་གནས་བབས་༸གོང་ས་མཆོག་གི་དབུ་མའི་ལམ་གྱི་དགོངས་གཞི་ངོ་མ་གང་ཡིན་པ་དེ་གསལ་པོ་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་རྩ་ཁྲིམས་དང་མི་རིགས་ས་གནས་རང་སྐྱོང་གི་བཅའ་ཁྲིམས་གཞིར་བཟུང་ཐོག་ནས་མིང་དོན་མཚུངས་པའི་རང་སྐྱོང་ཡོང་ཐབས་ཀྱི་བསམ་འཆར་ཡིག་ཆ་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་མདུན་དུ་བཞག་ཐུབ་པ་དང་།
དེའི་ཐོག་ལ་ལོག་བཤད་བྱས་པ་དེ་དག་གསལ་པོ་བཟོ་རྒྱུའི་ཆེད་འབྲེལ་ཡོད་ཀྱི་ཡིག་ཆ་འབྲེལ་མོལ་ཐེངས་དགུ་པའི་སྐབས་སྤྲོད་ཐུབ་པ་དེ་དག
གང་ལྟར་ད་ལྟའི་གནས་སྐབས་ལ་རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་ངོས་ནས་༸གོང་ས་མཆོག་གིས་ཁ་བྲལ་དང་རང་བཙན་རྩོད་བཞིན་འདུག་ཅེས་རྒྱལ་སྤྱིའི་ནང་མགོ་
སྐོར་གཏོང་རྒྱུའི་གཞི་རྩ་མེད་པའི་ཐོག་ནས་ང་ཚོའི་དངོས་ཡོད་ཀྱི་གནས་ཚུལ་གང་ཡིན་པ་དེ་འཇིག་རྟེན་ཁྱོན་ཡོངས་ནས་གསལ་པོ་བྱས་ཏེ་མཁྱེན་ཐུབ་རྒྱུའི་གནས་བབས་ཤིག་བསྐྲུན་ཐུབ་པ་དེ་གང་ལ་གང་ཙམ་གྱིས་གྲུབ་དོན་ཆེན་པོ་ཞིག་ཆགས་ཡོད་སྙམ་གྱི་ཡོད།
དེ་དང་ཆབས་ཅིག་ཕྱི་ལོ་༢༠༠༨དང་༢༠༡༠
༢༠༡༡སོ་སོའི་ཐོག་ལ་དབུ་མའི་ལམ་གྱི་སྲིད་བྱུས་འདིའི་སྐོར་མང་ཚོགས་ཀྱི་དགོངས་ཚུལ་ག་རེ་ཡོད་མེད་སྐོར་ལ་དམིགས་བསལ་ཚོགས་ཆེན་དང་གཞུང་མང་ཚོགས་ཆེན་ཐེངས་དང་པོ་དང་གཉིས་པ་ལ་སོགས་པའི་སྐབས་ལ་སླར་ཡང་མང་ཚོགས་ཀྱིས་དགོངས་ཚུལ་བསྡུར་ཏེ།
ད་ལྟའི་གནས་སྐབས་ལ་གཉིས་སྨན་དབུ་མའི་ལམ་གྱི་སྲིད་བྱུས་ལ་གཞིས་བྱེས་བོད་མི་ཡོངས་རྫོགས་ཀྱིས་ཚད་མཐོའི་མང་མོས་ཡོད་པའི་གདེང་ཚོད་བརྟན་པོ་རྙེད་ཐུབ་པ་བྱུང་བ་དེ་ཡང་ང་ཚོའི་མང་གཙོའི་ཆབ་སྲིད་སྐྱོང་སྟངས་ཐོག་ནས་བལྟས་པ་ཡིན་ན།
ཡང་དག་པ་ཞིག་དང་རྗེས་སུ་ལུས་མེད་པ་ཞིག་ཆགས་ཡོད་བསམ་པ་དྲན་གྱི་ཡོད། དེ་དག་འདས་པའི་བྱུང་རབས་མདོར་བསྡུར་ཙམ་ཞིག་ཞུས་ན་དེ་འདྲ་ཞིག་རེད།
དེ་ནས་གལ་ཆེ་བ་ཞིག་ལ་བར་ལམ་༸གོང་ས་༸སྐྱབས་མགོན་ཆེན་པོ་མཆོག་གིས་དམིགས་བསལ་ལམ་སྟོན་འོག་བོད་མིའི་སྒྲིག་འཛུགས་དང་ཆབ་སྲིད་ཀྱི་དབང་བསྒྱུར་བྱེད་སྟངས་ཐོག་ལ་གསར་བརྗེ་དང་འགྱུར་བ་གང་ལ་གང་ཙམ་ཞིག་ཕྱིན་ཡོད།
དེ་ཚོའི་ཐོག་སྤྱིར་བཏང་མང་ཚོགས་ཀྱི་མ་མཁྱེན་པ་དང་གནད་དོན་མ་རྟོགས་པ་དེ་འདྲ་ཡོད་མདོག་ཁ་པོ་མ་རེད། འོན་ཀྱང་གལ་པོ་ཆེ་ལ་ནན་ཏན་གྱིས་ཚུལ་དུ་དེ་ཚོའི་རྒྱབ་ལྗོངས་ཀྱི་གནས་སྟངས་ཕྲན་བུ་ཞུས་ན།
ད་གིན་གོང་དུ་ཞུས་པ་ལྟར་༸གོང་ས་མཆོག་གི་བོད་མིའི་ཆབ་སྲིད་ཀྱི་རང་བཞིན་དེ་ཡང་དག་པའི་མང་ཚོའི་ལམ་སྲོལ་མཐར་ཐུག་པ་ཞིག་ཏུ་འཁྲིད་གནང་མཛད་རྒྱུའི་དགོངས་གཞིར་འགྱུར་བ་མེད་པ་དེ་འདྲ་ཞིག་རེད།
དེར་བརྟེན་བཙན་བྱོལ་དུ་ཕེབས་པ་མ་ཐག་པ་ནས་བཟུང་སྟེ་དུས་ཚོད་ཐུང་ངུ་ཞིག་གི་ནང་བོད་མི་མང་སྤྱི་འཐུས་ལྷན་ཚོགས་ལ་སོགས་པའི་མང་གཙོའི་སྒྲིག་འཛུགས་གང་དང་ གང་དགོས་པ་དེ་དག་གསར་འཛུགས་མཛད་རྒྱུ་དང་།
མང་ཚོགས་ལ་མང་གཙོའི་ལམ་སྟོན་དང་གོ་བསྐོན་སྩལ་རྒྱུའི་ཐོག་ལ་རྒྱུན་དུ་འབད་བརྩོན་མཛད་ཡོད།
དེ་ནས་ཡོང་མཚམས་ཤིག་ནས་མང་ཚོགས་ཀྱི་བསམ་ཚུལ་སྨིན་དང་མ་སྨིན་ལ་སྒུག་གནང་མ་མཛད་པར་ཕྱི་ལོ་༡༩༩༡ལོར་བཙན་བྱོལ་བོད་མིའི་བཅའ་ཁྲིམས་གཏན་ལ་ཕབ་གནང་མཛད་རྒྱུ་དང་སྒྲིག་གཞི་རིམ་པས་གཏན་འབེབས་བསྐྱངས་ཡོད།
དེ་བཞིན་ཕྱི་ལོ་༢༠༠༡ལོར་བོད་མིའི་ཆབ་སྲིད་ཀྱི་འགོ་ཁྲིད་སྲིད་སྐྱོང་པ་མང་ཚོགས་ཀྱིས་ཐད་ཀར་འོས་འདེམས་གནང་རྒྱུ། དེ་འདྲ་རིམ་པ་བྱས་ཏེ་ཐེག་པ་རིམ་འཛེགས་ཐོག་ནས་ཕེབས་པ་རེད།
དེ་ཚོ་ཚང་མའི་སྐབས་ལ་འདས་པའི་ལོ་སུམ་ཅུ་སོ་གྲངས་རིང་༸གོང་ས་མཆོག་གིས་འབྱུང་འགྱུར་བོད་པ་ཚོའི་ཆབ་སྲིད་ཀྱི་འགོ་ཁྲིད་དེ་༸གོང་ས་མཆོག་ལྟ་བུ་གང་ཟག་གཅིག་གིས་མཚན་གནས་རྗེས་འབྲེལ་ལ་ལྟོས་མི་དགོས་པར་མང་ཚོགས་ཀྱིས་འོས་འདེམས་བྱས་པའི་འགོ་ཁྲིད་ཚོས་དུས་ནས་དུས་སུ་རང་རྐྱ་འཕེར་བའི་དབུ་ཁྲིད་ཐུབ་པ་ཞིག་དགོས་ཀྱི་ཡོད་པ་དེ་བཀའ་སློབ་རབས་དང་རིམ་པ་སྩལ་དང་སྩོལ་བཞིན་པ་དེ་དག་ད་ཆ་ལག་ལེན་དུ་དངོས་སུ་བསྟར་རྒྱུའི་དུས་ཚོད་སྨིན་པར་གཟིགས་ཏེ་འདི་ལོ་ཕྱི་ཟླ་༣པའི་གྲོས་ཚོགས་ཐོག་ལ་གསུང་འཕྲིན་ཕེབས་པ་དང་།
གྲོས་ཚོགས་ལ་གསུང་འཕྲིན་མ་ཕེབས་པའི་སྔོན་ལ་གསུམ་བཅུའི་དུས་དྲན་གྱི་ཡོངས་ཁྱབ་ཀྱི་གསུང་འཕྲིན་ནང་༸གོང་ས་མཆོག་གིས་ཆབ་སྲིད་ཀྱི་སྐུ་དབང་ཡོངས་རྫོགས་འོས་བསྡུ་བྱས་པའི་འགོ་ཁྲིད་ལ་རྩིས་སྤྲོད་མཛད་རྒྱུའི་དགོངས་གཞི་ཡོད་པའི་བཀའ་སློབ་ཕེབས་པ།
དེ་བཞིན་གྲོས་ཚོགས་ལ་གསུང་འཕྲིན་ཧ་ཅང་རྒྱས་པོ་ཞིག་གི་ཐོག་ནས་དགོས་པ་དང་རྒྱུ་མཚན་གང་འདྲ་ཞིག་གི་སྒོ་ནས་༸གོང་ས་མཆོག་གིས་སྐུ་དབང་རྩིས་སྤྲོད་མཛད་ཀྱི་ཡོད་པ་དེ་དག་གསལ་བཤད་མཛད་ཡོད།
དེ་གཞིར་བཟུང་དཔལ་ལྡན་བོད་མི་མང་སྤྱི་འཐུས་ལྷན་ཚོགས་ཀྱིས་བཅའ་ཁྲིམས་བསྐྱར་བཅོས་ཀྱི་ལམ་ནས་༸གོང་ས་མཆོག་གི་དེ་སྔ་ཕན་ཆད་ལ་རྒྱལ་ཁབ་དང་འཛིན་སྐྱོང་གི་དབུ་ཁྲིད་གཉིས་ཀ་ཡིན་པའི་གནས་བབས་ཀྱི་ཐུགས་འགན་དང་སྐུ་དབང་གང་ཡོད་པ་དེ་དག་བོད་མི་མང་སྤྱི་འཐུས་ལྷན་ཚོགས་དང་སྤྱི་འཐུས་ཀྱི་ཚོགས་གཙོ།
སྲིད་སྐྱོང་བཀའ་བློན་ཁྲི་པ། ཁྲིམས་ཞིབ་པ་ཆེ་བས་དབུས་པའི་ཁྲིམས་ཞིབ་པ་རྣམ་པ།
དེ་དག་ལ་གང་ལ་ཇི་འོས་ཀྱིས་སྐུ་དབང་དང་ཐུགས་འགན་དེ་དག་བགོ་བཤའ་བསྐྱོན་ཏེ་ད་ལྟའི་གནས་སྐབས་ལ་༸གོང་ས་མཆོག་གི་དགོངས་གཞི་དང་མཐུན་པའི་འོས་འདེམས་བྱས་པའི་འགོ་ཁྲིད་ཚོས་ཆབ་སྲིད་ཀྱི་འགན་དབང་ཆ་ཚང་ལེན་ཐུབ་རྒྱུ་ཞིག་དང་།
དེ་ཚོ་ལོ་ལྔ་རེའི་མཚམས་ནས་མང་ཚོགས་ཀྱིས་བསྐྱར་དུ་འོས་འདེམས་བྱས་པའི་ཐོག་ནས་
ཐེག་རིམ་འཛེགས་བྱས་ནས་ཕེབས་ཐུབ་རྒྱུ་ཞིག་དེ་འདྲ་ཞིག་༸གོང་ས་མཆོག་གི་དགོངས་གཞི་དང་ཡོངས་སུ་མཐུན་པའི་མང་གཙོ་འཕེལ་རིམ་མཐར་ཐུག་པ་ཞིག་ལ་བསླེབས་ཐུབ་པ་དེར་སྤོབས་པ་བྱེད་འོས་པ་ཞིག་དང་།
༸གོང་ས་མཆོག་གི་སྔོན་མ་ནས་ཐུགས་ལ་བརྣག་པའི་དགོངས་གཞི་དེ་སྒྲུབ་པའི་གོ་སྐབས་ལ་སླེབས་པ་རེད་བསམ་གྱི་ཡོད།
འོན་ཀྱང་དེ་ཚོའི་ཐོག་ལ་འདས་པའི་ལོ་སུམ་བརྒྱ་དྲུག་ཅུ་རེ་དགུའི་རིང་ལ་༸རྒྱལ་བ་སྐུ་ཕྲེང་ན་རིམ་གྱི་ཆོས་སྲིད་ཀྱི་དབུ་ཁྲིད་འོག་ལ་ང་ཚོ་ལས་སླ་པོ་དང་དོགས་པ་མེད་པའི་ཐོག་ནས་སྐྱིད་ཉལ་བྱེད་རྒྱུའི་གོམས་གཤིས་ཆེན་པོ་ཡོད་པ་དེའི་དབང་གིས་ད་ལྟའི་འགྱུར་བ་དེ་དག་ལམ་སང་མང་ཚོགས་ཀྱི་དགོངས་ཚུལ་ནང་ཐེག་དཀའ་བ་ཡོང་སྲིད་པ་རེད།
འོན་ཀྱང་དེ་ཚོ་འཕྲལ་ཕུགས་རྒྱང་གསུམ་གྱི་གནས་ཚུལ་དེ་དག་ལ་དགོངས་པ་བཞེས་ན།
གལ་གནད་ཆེན་པོ་ཡིན་པ་དང་༸གོང་ས་མཆོག་གི་དགོངས་གཞི་དེ་མང་ཚོགས་ཀྱི་འཕྲལ་ཕུགས་ཀྱི་བདེ་དོན་ཁོ་ན་ཡིན་པ་མ་གཏོགས་༸གོང་ས་མཆོག་གིས་ཐུགས་འགན་བཞེས་འདོད་མེད་པ་དང་། ཞེ་ས་མ་ཞུས་ན།
སྒྱིད་ལུག་ལྟ་བུའི་ཐོག་ནས་དེ་འདྲ་མཛད་པ་མ་མིན་པ་དེ་ང་ཚོས་གསལ་པོ་རྟོགས་དགོས་རྒྱུ་གལ་ཆེན་པོ་རེད་བསམ་གྱི་ཡོད།
དེ་དག་ཞིབ་ཚགས་མཁྱེན་རྒྱུའི་ཆེད་དུ་༸གོང་ས་མཆོག་གིས་འདི་ལོར་སྩལ་བའི་གསུམ་དུས་ཀྱི་གསུང་འཕྲིན་དང་དེ་བཞིན་གྲོས་ཚོགས་ལ་སྩལ་བའི་གསུང་འཕྲིན།
དེ་དང་ཆབས་ཅིག་འདི་ལོ་ཆོ་འཕྲུལ་སྨོན་ལམ་སྐབས་སྩའི་བཀའ་སློབ་དེ་དག་བསྡོམས་ནས་གཟིགས་ན་དེ་ལས་ལྷག་པ་ཞིག་རྒྱལ་ཡོངས་གཞུང་མང་ཚོགས་ཆེན་ཐེངས་གཉིས་པའི་ཚོགས་མི་རྣམས་པ་ཚོར་སྩལ་བ་དེ་དག་ཡོངས་སུ་རྫོགས་པ་འོད་སྡེར་དང་དེབ་གཟུགས་གཉིས་ཀའི་ཐོག་ཕྱི་དྲིལ་ལས་ཁུངས་ནས་འགྲེམས་སྤེལ་ཞུས་ཡོད།
མང་ཚོགས་ཀྱིས་དེ་དག་ཡག་པོ་བྱས་ནས་གཟིགས་ན་གསལ་པོ་མཁྱེན་ཐུབ་ཀྱི་རེད་བསམ་གྱི་ཡོད།
༸རྒྱལ་བ་རིན་པོ་ཆེ་མཆོག་སྐུ་འཚོ་བཞུགས་ཡོད་མིན་ལ་མ་ལྟོས་པར་བོད་དོན་བདེན་མཐའ་མ་སེལ་བར་དུ་བོད་ཀྱི་ཁྲིམས་མཐུན་གྱི་སྒྲིག་འཛུགས་འདི་རྒྱུན་གནས་ཐུབ་པ་ཞིག་དགོས་རྒྱུ་ཧ་ཅང་གལ་ཆེན་པོ་ཡིན་པ་༸གོང་ས་མཆོག་གིས་གཟིགས་གནང་གི་ཡོད།
གཟིགས་པ་དེ་དོན་དང་མཐུན་པ་ཞིག་རེད་མ་གཏོགས་དོན་དང་མ་མཐུན་པ་ཞིག་རྩ་བ་ནས་མིན། དེ་གནས་ཐུབ་པ་ཡོང་རྒྱུའི་ཆེད་ཕྱོགས་གཅིག་ནས་གནས་ཡུལ་རྒྱལ་ཁབ་དང།
དེ་བཞིན་འབྲེལ་ཡོད་གྲོགས་པོའི་རྒྱལ་ཁབ་ཁག་དང་འབྲེལ་བ་བྱེད་སྐབས་སྐུ་ངལ་མི་ཡོང་རྒྱུ། ཆབ་སྲིད་དང་ཁྲིམས་ཀྱི་འགལ་ཟླ་མི་འཕྲད་པ་དགོས་རྒྱུ་གལ་ཆེན་པོ་ཞིག་རེད།
ཕྱོགས་གཞན་ཞིག་ནས་འགོ་ཁྲིད་དེ་ཚོ་དུས་ནས་དུས་སུ་མང་ཚོགས་ཀྱི་བསམ་ཚུལ་དང་མཐུན་པ་བྱས་ཏེ་འོས་འདེམས་བྱས་ནས་འགྲོ་དགོས་རྒྱུ་དེ་ཐུགས་འགན་ཆེན་པོ་གཅིག་རེད།
ཉིན་མ་གཅིག་༸གོང་ས་༸སྐྱབས་མགོན་ཆེན་པོ་མཆོག་གི་དབུ་ཁྲིད་མེད་པའི་དུས་ཚོད་ཅིག་ཤར་ན་གློ་བུར་ཞིག་ལ་དེ་དུས་ང་ཚོ་ཅི་བྱ་གཏོལ་མེད་ཀྱི་འགྲུལ་པ་ཕྱོགས་འཐོར་ལྟ་བུ་མི་ཡོང་རྒྱུའི་ཆེད་ད་ལྟ་ནས་༸རྒྱལ་བ་རིན་པོ་ཆེ་མཆོག་འཚོ་བཞུགས་ཡོད་པའི་སྐབས་ནས་རང་མགོ་རང་འཐོན་བྱེད་རྒྱུའི་ཉམས་མྱོང་ཞིག་བསགས་ན།
དཀའ་ངལ་བྱུང་བའི་སྐབས་༸གོང་ས་མཆོག་ལ་བཀའ་འདྲི་བཀའ་སློབ་ཞུ་རྒྱུ་དང།
ལམ་སྟོན་ཞུ་རྒྱུའི་གོ་སྐབས་ཡོད་པའི་ཐོག་དཀའ་ངལ་སེལ་ཐུབ་པ་ཞིག་བྱུང་ན་ཡག་པོ་ཡོད་པ་དེ་༸སྐྱབས་མགོན་རིན་པོ་ཆེ་མཆོག་གི་དགོངས་གཞི་གཙོ་བོ་རེད།
དེར་བརྟེན་ད་རེས་འགྱུར་བ་ཕྱིན་པ་དེ་ཡང་དག་པ་ཞིག་གི་ཐོག་ནས་འགྲོ་ཐུབ་པ་བཟོ་དགོས་རྒྱུ་དེ་གཞིས་བྱེས་མང་ཚོགས་སྤྱི་དང།
ལྷག་པར་བཙན་བྱོལ་མང་ཚོགས་ཀྱི་སྐབས་སུ་བབ་པའི་ལས་འགན་ཞིག་ཆགས་ཀྱི་ཡོད་སྟབས་དེ་ཚོའི་ཐོག་ཐུགས་སྣང་ཆེན་པོ་གནང་རོགས་ཞེས་གཞེན་སྐུལ་ཞུ་རྒྱུ་ཡིན།
དེ་ནས་ཉེ་ཆར་བཅའ་ཁྲིམས་བསྐྱར་བཅོས་བྱེད་པའི་སྐབས་བཙན་བྱོལ་གཞུང་གི་མཚན་ བྱང་ལ་འགྱུར་བ་ཕྱིན་པ་དང།
དེ་བཞིན་གནས་ཚུལ་མང་པོ་ཞིག་མང་ཚོགས་ཀྱི་མངོན་འདོད་དང་མ་མཐུན་པའི་འགྱུར་བ་ཕྱིན་པ་རེད་ཟེར་རྒྱུའི་དགོངས་ཚུལ་དང་དེ་ལྟ་བུ་གསུང་མཁན་མི་ཉུང་བ་ཞིག་ཡོད།
དེ་ཚོའི་ཐོག་ལ་ཡིན་ནའང་ཞིབ་ཚགས་པོར་གཟིགས་ན་གནས་ཚུལ་མང་པོ་ཞིག་དངོས་ཡོད་གང་བྱུང་བ་དེ་ཞིབ་ཚགས་པོ་མ་གཟིགས་པའི་དབང་གིས་ཐུགས་དོགས་དང་རྣམ་རྟོག་སྐྱེས་པ་ དེ་འདྲ་ཡིན་སྲིད་པ་རེད་སྙམ་གྱི་འདུག
ང་ཚོ་སྐྱབས་བཅོལ་ལ་འབྱོར་བ་ནས་བཟུང་བོད་མིའི་སྒྲིག་འཛུགས་ཁྲིམས་མཐུན་གྱི་གཞུང་༡༦༤༢ལོར་དབུ་ཚུགས་པའི་དགའ་ལྡན་ཕོ་བྲང་གི་རྒྱུན་མ་ཉམས་པའི་གཞུང་དེ་༸སྐྱབས་མགོན་རིན་པོ་ཆེ་མཆོག་དང་མགོན་པོ་གང་ཉིད་མཆོག་གི་བཀའ་ཤག་དང་ལྷན་དུ་བཙན་བྱོལ་ནང་ཕེབས་ཡོད།
བཙན་བྱོལ་ནང་ཕེབས་ནས་སྒྲིག་འཛུགས་དེ་ག་རང་བཙན་བྱོལ་ནང་ཚགས་ཚུད་དེ་ད་བར་ཡོང་བ་ཞིག་རེད།
འོན་ཀྱང་བཙན་བྱོལ་ནང་ཕེབས་མ་ཐག་སྒྲིག་འཛུགས་དེའི་མིང་ལ་དབྱིན་ཇིའི་སྐད་ལ་གནས་ཡུལ་རྒྱལ་ཁབ་ཀྱི་མཚོན་པའི་རྒྱལ་སྤྱིའི་ནང་ལས་སླ་པོ་ཞིག་གི་ཐོག་ནས་ངོས་ལེན་དང།
དཀའ་ངལ་མེད་པའི་ཐོག་ནས་འབྲེལ་བ་ཆགས་ཐུབ་རྒྱུའི་ཆེད་(Central Tibetan Administration) ཞེས་པའི་མིང་དེ་བེད་སྤྱོད་བཏང་བ་རེད།
མིང་དེ་བེད་སྤྱོད་བཏང་བའི་ཉེར་ལེན་ལ་བརྟེན་ནས་ང་ཚོའི་ཁྲིམས་མཐུན་གཞུང་གི་གནས་བབས་ལ་ཕན་གནོད་དང་འགྱུར་བ་འགྲོ་རྒྱུ་གང་ཡང་མེད་པ་ཞིག་རེད།
མིང་དེ་བེད་སྤྱོད་བཏང་ནས་འདས་པའི་ལོ་༥༢རིང་ང་རང་ཚོ་རྒྱལ་སྤྱིའི་ནང་མིང་དེ་གའི་ཐོག་ནས་འབྲེལ་བ་གནང་བ་ཞིག་རེད། འོན་ཀྱང་བོད་སྐད་ཀྱི་ནང་མཚན་དེ་མི་འདྲ་བ་ཞིག་ཡོད་པར་བརྟེན།
ད་ལན་བཅའ་ཁྲིམས་བསྐྱར་བཅོས་བྱས་པའི་གོ་སྐབས་དེའི་ཐོག་ནས་མཚན་དེ་དབྱིན་ ཇི་དང་བོད་སྐད་མཐུན་པ་ཞིག་བཟོ་གནང་བ་རེད་མ་གཏོགས་སྔོན་མ་མེད་པ་ཞིག་ད་རེས་གསར་པ་བཏགས་གནང་བ་ཞིག་མིན།
དབྱིན་སྐད་དང་བོད་སྐད་མཐུན་པ་བཟོས་པ་དེའི་དབང་གིས་ཆབ་སྲིད་དང་ཁྲིམས་མཐུན་གྱི་སྐུ་ངལ་མང་པོ་ཞིག་སེལ་ཐུབ་ཀྱི་ཡོད་པའི་གནས་བབས་ལ་བརྟེན་ནས་༸གོང་ས་༸སྐྱབས་མགོན་ཆེན་པོ་མཆོག་གིས་དགོངས་པ་བཞེས་ཏེ་ལམ་སྟོན་ཕེབས་པ་ཞིག་རེད་མ་
གཏོགས་དེ་ལས་གཞན་པའི་ཕྱིའི་གནོན་ཤུགས་དང། གནས་ཚུལ་གཞན་ཞིག་ལ་དགོངས་པ་བཞེས་ཏེ་མཛད་པ་ཞིག་རྩ་བ་ནས་མིན་པ་མང་ཚོགས་ཀྱིས་མཁྱེན་གྱི་ཡོད་ཤག་རེད་ལ་དེ་ངེས་པར་དུ་མཁྱེན་དགོས་རྒྱུ་ཞིག་རེད།
དེ་དང་ཆབས་ཅིག་༸གོང་ས་༸སྐྱབས་མགོན་ཆེན་པོ་མཆོག་གི་མཚན་གནས་རྗེས་འབྲེལ་གྱི་ཆབ་སྲིད་ཀྱི་སྐུ་དབང་དེ་དག་བཅའ་ཁྲིམས་ཀྱི་དོན་ཚན་ཁག་ནས་གསལ་པོར་བཀོད་ཡོད་པ་ཆ་ཚང་ཕྱིར་བསྡུ་བྱས་ནས་འགྱུར་བ་ཕྱིན་པ་རེད།
འགྱུར་བ་ཕྱིན་པ་དང་ཆབས་ཅིག་མང་ཚོགས་ཀྱིས་འོས་འདེམས་བྱས་པའི་འགོ་ཁྲིད་སོ་སོར་གོང་དུ་ཞུས་པ་བཞིན་ཆ་བགོས་གནང་ཡོད། འོན་ཀྱང་བོད་གངས་ཅན་གྱི་ལྗོངས་དེ་འཕགས་པ་སྤྱན་རས་གཟིགས་ཀྱི་གདུལ་ཞིང་༸རྒྱལ་
དབང་སྐུ་ཕྲེང་ན་རིམ་དང། བོད་ཀྱི་མང་ཚོགས། བོད་ཀྱི་ཆབ་སྲིད་ཡ་བྲལ་འགྲོ་རྒྱུ་མེད་པ་ཞིག་ཡིན་པར་བརྟེན།
༸གོང་ས་༸སྐྱབས་མགོན་ཆེན་པོ་མཆོག་བོད་མི་ཡོངས་ཀྱི་མགོན་སྐྱབས་དང་མཚོན་རྟགས་ཡིན་པའི་དབང་གིས་༸གོང་ས་མཆོག་ལ་རང་ཆས་སུ་ཡོད་པའི་ཁྲིམས་དང་སྒྲིག་གཞིའི་དབང་བཀུར་བ་མིན་པར་རང་བཞིན་གྱི་༸གོང་ས་མཆོག་ལ་ཡོད་པའི་སྐུ་དབང་དང་ཐུགས་འགན་གང་ཡོད་པ་དེ་དག་བཅའ་ཁྲིམས་བསྐྱར་བཅོས་ཀྱི་ལེའུ་དང་པོའི་དོན་ཚན་དང་པོའི་ནང་གསར་
འཇུག་བྱས་ཡོད། དེ་དག་མང་ཚོགས་ཀྱི་ངེས་པར་དུ་གཟིགས་དགོས་རྒྱུ་དང་མཁྱེན་དགོས་རྒྱུ་ཞིག་རེད།
དེ་དང་ཕྱོགས་མཚུངས་དགའ་ལྡན་ཕོ་བྲང་གི་གཞུང་༡༦༤༢ལོར་ཚུགས་པའི་གཞུང་དེའི་རྒྱུན་ད་དུང་ཡང་ཉམས་མེད་རྒྱུན་གནས་ཡོད་པ་དང།
དེའི་ཁྲིམས་མཐུན་གྱི་གནས་བབས་གང་ཡོད་པ་དེ་འབྱུང་འགྱུར་གྱི་བོད་མིའི་སྒྲིག་འཛུགས་ལའང་གནས་རྒྱུ་ཡིན་པ་གནད་དོན་ཁྲིམས་ཐོག་གསལ་སྟོན་བྱེད་རྒྱུའི་ཆེད་བཅའ་ཁྲིམས་བསྐྱར་བཅོས་ཀྱི་ནང་སྔོན་གླེང་གི་ལེ་ཚན་གཅིག་གསར་འཇུག་བྱས་ཡོད།
སྔོན་གླེང་གི་ལེ་ཚན་དེ་དང་གསར་འཇུག་བྱས་པའི་དོན་ཚན་དང་པོ་གཉིས་པོ་དེ་བསྐྱར་བཅོས་ཕྱིན་པའི་བཅའ་ཁྲིམས་ཀྱི་སྙིང་དོན་གཙོ་བོ་ཆགས་ཡོད། དེའི་ཐོག་མང་ཚོགས་ཀྱི་ཐུགས་སྣང་དང་སློབ་སྦྱོང་གནང་རྒྱུ།
དེ་ཚོའི་ཐོག་ནས་ད་དུང་འགྲེལ་བརྗོད་གནང་རྒྱུའི་གནས་བབས་ཡོད་ན། ཁྲིམས་བཟོ་ལྷན་ཚོགས་བོད་མི་མང་སྤྱི་འཐུས་ལྷན་ཚོགས་ལ་མང་ཚོགས་ཀྱི་དགོངས་འཆར་གནང་རྒྱུའི་ཐོབ་ཐང་དང་སྐུ་དབང་ཡོད་པ་བཞིན་གནང་ཆོག་གི་རེད།
འོན་ཀྱང་དེ་ཚོ་ཞིབ་ཚགས་པོ་མ་གཟིགས་པའི་ཐོག་ནས་གསར་འགྱུར་བརྒྱུད་ལམ་ཁག་ལ་གནས་ཚུལ་རྡོག་སྒྲུག་བརྒྱབ་བཞག་པར་གཟིགས་ཏེ་འགོ་ནས་མཇུག་བར་གྱི་ཁྱོན་ཡོངས་ཀྱི་གནས་ཚུལ་ཐུགས་ཞིབ་མ་གནང་བར་རྡོག་སྒྲུག་གནང་ན་དོན་མ་གོ་བའི་གནས་སྟངས་
ཆགས་ཡོད་པ་རེད། ཡང་ཕྱོགས་ཁ་ཤས་ནས་༸སྐྱབས་མགོན་རིན་པོ་ཆེ་མཆོག་གིས་སྐུ་དབང་རྩིས་སྤྲོད་མཛད་རྒྱུ་དེ་དུས་དང་མ་འཚམས་པ་དང། བོད་མིའི་རྩ་དོན་ལ་ཏག་ཏག་སྡོད་ཀྱི་མེད་པ།
ལྷག་པར་དུ་མཚན་བྱང་འགྱུར་བ་བཏང་བ་དེ་ཚོའང་ཆབ་སྲིད་ཀྱི་ཐོག་ནས་ཞན་ཆའམ་ཕམ་ཁ་ཡིན་པ་ལྟ་བུ་གསུང་མཁན་རེ་ཟུང་རེ་ཟུང་ཡོད། དེ་དག་ལ་མང་ཚོགས་ཀྱིས་དབུ་མ་འཁོར་བ་ཞིག་དང།
ཁོ་ཚོས་གསུང་རྒྱུ་དེ་སེམས་ཚོར་ཙམ་གྱི་རྗེས་སུ་དྲངས་ནས་གསུངས་པ་ཞིག་རེད་མ་གཏོགས། ཆབ་སྲིད་དང་། ཁྲིམས་མཐུན།
རིག་པའི་གཞུང་ལུགས་ཀྱི་རྒྱབ་རྟེན་ཡོད་པ་ཞིག་གི་ཐོག་ནས་གསུངས་པ་ཞིག་མིན་པ་ཚང་མས་གསལ་པོ་མཁྱེན་དགོས་ཀྱི་རེད་སྙམ་གྱི་ཡོད། དེ་དག་ཉེ་ཆར་བྱུང་བའི་གནས་ཚུལ་ཞིག་ཡིན་པར་བརྟེན་མང་ཚོགས་ལ་ཕྲན་བུ་མགོ་
སྨྲོས་ཙམ་ཞིག་ཞུས་ན་བསམ་བྱུང། ད་རེས་སྟབས་ལེགས་པ་ཞིག་ལ་༸སྐྱབས་མགོན་རིན་པོ་ཆེའི་སྐུ་དབང་འགྱུར་བ་བཏང་ བ་དང་། ཆབས་ཅིག་ཏུ་སྐབས་གསུམ་པའི་བཀའ་བློན་ཁྲི་པའི་འོས་བསྡུ་དེའང་ཧ་ཅང་ཚད་དང་ལྡན་ པ་ཞིག་བྱུང་ཡོད།
ད་རེས་འོས་བསྡུ་འདིའི་ཐོག་ནས་བཙན་བྱོལ་བོད་མིའི་སྤྱི་ཚོགས་ནང་ལུང་ཚན་དང་ཆོལ་ཁ། ཆོས་ལུགས།
མི་རབས་ལ་སོགས་གང་གི་འཐེན་འཁྱེར་དང་དུམ་བུ་མེད་པ་བཙན་བྱོལ་བོད་རིགས་ཡོངས་རྫོགས་དེ་དམ་ཚིག་གཟོང་ཁ་ཆིག་སྒྲིལ་ཡིན་པ་གསལ་པོ་བྱས་ཏེ་མཚོན་ཐུབ་པ་དེ་ང་ཚོའི་རྒྱལ་ཁ་ཆེན་པོ་ཞིག་རེད་བསམ་གྱི་ཡོད།
མི་རབས་གསར་པའི་ནང་གི་དེང་རབས་ཀྱི་སློབ་སྦྱོང་ཚད་མཐོ་ཡོད་པ་ཞིག་ད་རེས་བཀའ་བློན་ཁྲི་པར་འོས་ཐོན་བྱུང་བ་རེད། ཉིན་གཉིས་ཀྱི་རྗེས་དམ་འབུལ་གྱིས་ཕྱག་ལས་དབུ་འཛུགས་གནང་རྒྱུ་རེད།
དེར་བརྟེན་མང་ཚོགས་ཀྱི་ངོས་ནས་ངེས་པར་དུ་འབྱུང་འགྱུར་བཀའ་བློན་ཁྲི་པ་དང་ཁོང་གི་དབུ་ཁྲིད་པའི་བཀའ་ཤག་ལ་སྔོན་མ་ང་ཚོར་རྒྱབ་སྐྱོར་གནང་བ་ལས་ལྷག་ཙམ་ཞིག་མུ་མཐུད་ནས་མཐུན་འགྱུར་རྒྱབ་སྐྱོར་གནང་རོགས་ཞེས་འབོད་སྐུལ་ཞུ་རྒྱུ་ཡིན།
ད་རེས་ཆབ་སྲིད་ཀྱི་འགྱུར་བ་དང་བཅའ་ཁྲིམས་བསྐྱར་བཅོས་ཀྱི་ལས་དོན་དེ་དག་༸ རྒྱལ་བ་རིན་པོ་ཆེ་མཆོག་གི་དགོངས་གཞི་དང་མཐུན་པའི་ལམ་ལྷོངས་ཡག་པོ་ཞིག་མ་བྱུང་ན། དེས་ང་ཚོར་ཕམ་ཁ་ཆེན་པོ་ཞིག་ཆགས་རྒྱུ་དང་།
ལྷག་པར་དུ་ང་ཚོའི་མང་གཙོའི་ལམ་སྲོལ་དེ་ལག་བསྟར་རྒྱུན་རིང་འགྲོ་བཞིན་པ་དེ་ལ་བར་ཆད་ཡོང་རྒྱུའི་གནས་བབས་ལ་སོང་དེའི་ཐོག་མང་ཚོགས་ཀྱི་དགོངས་པ་ཆེ་བཞེས་ཐོག་ནས་དམ་ཚིག་གཟོང་ཁ་ཆིག་སྒྲིལ་གྱི་ཐོག་ནས་རྒྱབ་སྐྱོར་གནང་རོགས་ཞུ་རྒྱུ་གཅིག་
དང་། ལྷག་པར་བོད་པའི་བདེ་སྐྱིད་ཀྱི་འབྱུང་ཁུངས་འདི་ཕྱིའི་སྐྱབས་གནས་ང་ཚོ་བོད་ པའི་གཏམ་དཔེར། ལྟ་བའི་མིག་དང་ཁོག་པའི་སྙིང་ལྟ་བུའི་༸རྒྱལ་བ་ཡིད་བཞིན་ནོར་བུ་ནི་བོད་མི་
རིགས་ཀྱི་མཚོན་རྟགས་དང་མགོན་སྐྱབས་ངོ་བོ་ཞིག་ཏུ་བཞུགས་ཡོད། དེར་བརྟེན་བོད་པའི་སྤྱི་ཚོགས་སྤྱི་དང་སྤྱིར་བཏང་འཇིག་རྟེན་ཡོང་གི་འགྲོ་བ་མི་དང་།
ལྷག་པར་དུ་ཡང་བོད་མི་རིགས་ཀྱི་བདེ་སྡུག་གནས་བབས་དེ་༸རྒྱལ་བ་རིན་པོ་ཆེའི་སྐུ་ཚེ་༸ཞབས་པད་བརྟན་མིན་ལ་རག་ལུས་པ་ཡིན་དུས་་༸སྐྱབས་མགོན་རིན་པོ་ཆེ་མཆོག་སྐུ་ཚེ་ཡུན་རིང་དུ་བརྟན་རྒྱུའི་ཐུགས་བསྐྱེད་སྨོན་ལམ་ཡོད་པ་དང་སྐུ་ཚེའི་ཚད་ལྟ་བུར་མཚོན་པ་ཡིན་ནའང་དགུང་གྲངས་བརྒྱ་དང་བཅུ་གསུམ་གྱི་ཚད་ཡོད་པ་ལྷ་དང་བླ་མའི་ལུང་བསྟན་གསལ་པོ་ཡོད་པ་དེ་འདྲ་རེད།
འོན་ཀྱང་བར་ལམ་ཞིག་ནས་གཞུང་བརྟེན་དགྲ་ལྷའི་གཙོ་བོ་ཚང་མས་མགྲིན་གཅིག་ཏུ་གསུང་རྒྱུར་༸གོང་ས་མཆོག་གི་སྐུའི་ཚེ་ཚད་གང་ཡོད་པ་དང་ཐུགས་བསྐྱེད་སྨོན་ལམ་གང་ཡོད་པ་བཞིན་སྐུ་ཚེ་བརྟན་ཐུབ་དང་མི་ཐུབ་དེ་བོད་མི་མང་ཚོགས་ཀྱི་སྤྱི་མཐུན་བསོད་ནམས་དང་དམ་ཚིག་ལ་རག་ལུས་ཡོད་སྐོར་ཡང་ཡང་བཀའ་གནང་གི་ཡོད།
དེར་བརྟེན་གཞིས་བྱེས་བོད་མི་ཡོངས་རྫོགས་ཀྱིས་༸རྒྱལ་བ་རིན་པོ་ཆེ་སྐུ་ཚེ་༸ཞབས་པད་ཡུན་ནས་ཡུན་དུ་བརྟན་རྒྱུའི་ཆེད་དུ་སྤྱི་མཐུན་གྱི་བསོད་ནམས་གོང་མཐོར་སྤེལ་དགོས་རྒྱུ་དང་དམ་ཚིག་གཟོང་ཁ་ཆིག་སྒྲིལ་བྱས་ནས་བཞུགས་དགོས་རྒྱུ།
༸རྒྱལ་བ་རིན་པོ་ཆེའི་ཅི་གསུངས་བཀའ་སྒྲུབ་ཞུས་ཏེ་བཀའ་བཞིན་སྒྲུབ་པ་མཆོད་པའི་མཆོག་གནང་རྒྱུ་དེ་ཞེ་དྲག་གི་ཐུགས་འགན་ཆེན་པོ་ཡིན་པས་ཚང་མས་ལྷོད་གཡེང་དུ་མ་སོང་བར་དགོངས་པར་འཇགས་རོགས་གནང་ཞུ་རྒྱུ་ཡིན།
དེ་ནས་སླར་ཡང་མཐའ་བསྡོམས་དེར་ཚང་མར་སྨོན་ཚིག་དང་བཀྲ་ཤིས་བདེ་ལེགས་ཞུ་བ་
དང་ཆབས་ཅིག་ང་ཚོས་ལོ་བཅུའི་རིང་མང་ཚོགས་ཀྱི་མངོན་འདོད་གང་སྒྲུབ་མ་ཐུབ་པར་བློ་འགྱོད་དང་བཅས་ཏེ་མ་འོངས་པར་བོད་མིའི་སྤྱི་ཚོགས་ནང་ལས་ཀྱི་སྣེར་མེད་པ་ཡིན་ཡང་།
བོད་མི་དཀྱུས་མ་ཞིག་ཡིན་པའི་ཆ་ནས་མང་ཚོགས་དང་བསྟན་པ་ཆབ་སྲིད་དོན་ལ་ཕན་པའི་ ཞབས་འདེགས་གང་ཞུ་རྒྱུ་ཡོད་པ་དེ་དག་མུ་མཐུད་ཞུ་རྒྱུའི་བསམ་ཚུལ་དང་དམ་བཅའ་བརྟན་པོ་ཡོད་ཞུ་རྒྱུ་ཡིན།
ཐུགས་རྗེ་ཆེ་ཚང་མར་བཀྲ་ཤིས་བདེ་ལེགས་ཞུ་རྒྱུ་ཡིན། །
༄༅། །ཕྱི་ལོ་ ༢༠༡༡ ཟླ་ ༨ ཚེས་ ༣ ཉིན་སྔ་དྲོ་ཆུ་ཚོད་ ༡༡།༣༠ ཐོག་བཀའ་ཤག་གི་ཚོགས་ཁང་ནང་བཀའ་བློན་ཁྲི་པ་མཁས་དབང་ཟམ་གདོང་རིན་པོ་ཆེ་མཆོག་
གིས་བོད་རིགས་གསར་འགོད་མཐུན་ཚོགས་ཀྱིས་ཇི་ལྟར་རེ་འབོད་ཞུས་དོན་ལྟར་གསར་ འགོད་པའི་དྲི་བར་ལན་འདེབས་གནང་ཡོད། དེ་ཡང་བོད་རིགས་གསར་འགོད་པ་ ༤༠ བརྒལ་བ་འདུ་འཛོམས་ཐོག་དྲི་བ་མ་ཕུལ་གོང་གསུང་བཤད་གནང་དོན།
ད་ལྟ་འདིར་ཕེབས་པའི་གསར་འགྱུར་བརྒྱུད་ལམ་གྱི་ཕྱག་ལས་གནང་མཁན་ཚང་མར་ང་དང་ བཀའ་ཤག་གི་ངོས་ནས་འཚམས་འདྲི་དང་བཀྲ་ཤིས་བདེ་ལེགས་ཞུ་རྒྱུ་ཡིན།
བར་ལམ་ཞིག་ནས་གསར་འགྱུར་བརྒྱུད་ལམ་ཁག་མང་པོ་ཞིག་གི་སྐབས་བཅུ་གསུམ་པའི་བཀའ་ ཤག་ལས་ཡུན་མ་རྫོགས་གོང་བཅར་འདྲི་ཞུ་རྒྱུའི་གོ་སྐབས་དགོས་ཡོད་སྐོར་གསུང་མཁན་ མང་པོ་བྱུང་སོང་སྟེ་གོ་སྐབས་ཕུལ་ཐུབ་མ་སོང་བར།
དགོངས་འགལ་མེད་པ་ཞུ་རྒྱུ་ཡིན། སྔོན་མའི་འཆར་གཞིའི་ནང་མེད་པའི་ཕྱོགས་བསྐྱོད་ཁ་ཤས་ད་བར་བྱེད་དགོས་བྱུང། ལྷག་པར་བར་ལམ་ཨ་རིར་ཁྱུག་ཙམ་ཕྱིན་པ་དེས་ཉིན་མ་གང་ཙམ་འགོར་བར་བརྟེན།
ཐོག་མར་འཆར་གཞི་སྒྲིག་པ་ལྟར་མ་བསྡད་པར་ད་ལྟ་རྩིས་སྤྲོད་རྩིས་ལེན་སྔོན་གྱི་ ལས་ཀ་མང་པོ་ཞིག་མ་ཚར་བའི་དབང་གིས་གསར་འགྱུར་བརྒྱུད་ལམ་ཁག་ལ་དུས་ཚོད་འདོན་ ཐུབ་མ་སོང། དེ་རིང་འདིར་ཚང་མ་ལྷན་ཅིག་ཕེབས་ཡོད་སྟབས།
ཁྱེད་རང་ཚོའང་དུས་ཚོད་བསྲི་ཚགས་བྱུང་བ་རེད་ལ་ང་ཚོ་ཡང་བསྲི་ཚགས་བྱུང་སོང། དེར་བརྟེན་ཐུགས་རྗེ་ཆེ་ཞུ་རྒྱུ་ཡིན། ཁྱེད་རང་ཚོའི་བཀའ་འདྲི་གང་གནང་རྒྱུ་ཡོད་ཀྱང་འཛེམས་ཟོན་མེད་པའི་ཐོག་གསལ་པོར་
བཀའ་འདྲི་གནང་རོགས་ཞུ་རྒྱུ་ཡིན། ཐུགས་རྗེ་ཆེ། ཞེས་གསུང་བཤད་གནང་གྲུབ་རྗེས་གསར་འགོད་པ་ཚོས་དྲི་བ་དྲིས་ལན་འགོ་བཙུགས་ཡོད།
དྲི་བ། རིན་པོ་ཆེ་མཆོག་གིས་ལས་ཡུན་ལོ་བཅུའི་རིང་ལ་ལས་གཞི་གང་འདྲ་ཞིག་གི་ཐོག་འདོད་ བློ་ཁེངས་པ་ཞིག་བྱུང་ཡོད་པ་དང། ལས་གཞི་གང་གི་ཐོག་འདོད་བློ་མ་ཁེངས་པ་བྱུང་ཡོད་དམ། དེ་བཞིན་ཤེས་ཡོན་སྲིད་བྱུས་དང་།
དཔལ་འབྱོར་སྲིད་བྱུས། སྲོལ་རྒྱུན་འདེབས་ལས་ཀྱི་ཐོག་རིན་པོ་ཆེ་མཆོག་ལ་དགོངས་ཚུལ་གང་བྱུང་ཡོད་དམ།
ལན། དྲི་བ་མང་པོ་ཞིག་མཉམ་དུ་གནང་བར་བརྟེན་དྲི་བ་གཞི་རྒྱ་ཆེན་པོ་བྱུང་སོང། དང་པོ་དེ་ལོ་བཅུའི་རིང་ལས་དོན་འདི་ཡག་པོ་བསྒྲུབས་སོང་བསམ་པའི་བློ་ཁ་ཚིམ་པ་ གང་བྱུང་ཞེས་བཀའ་འདྲི་གནང་བ་དེར།
བློ་ཁ་ཚིམ་པ་གཅིག་ཀྱང་མ་བྱུང་ཞེས་ཞུ་རྒྱུ་ཡིན། ང་བཀའ་བློན་ཁྲི་པ་མ་བྱས་གོང་འཛིན་སྐྱོང་ནང་བསླེབས་ནས་ལས་ཀ་བྱེད་རྒྱུ་མི་ འདུག་ཅེས་ཚོགས་གཙོ་ཚར་བའི་བཟོད་གསོལ་གྱི་ནང་ཧ་ཅང་གསལ་པོ་ཞུས་ཡོད།
དེར་བརྟེན་ཐོག་མ་ང་རང་སླེབས་སྐབས་ལས་དོན་མང་པོ་ཞིག་བསྒྲུབ་ཀྱི་རེད་བསམ་པའི་ རེ་བ་དང་སྤོབས་པ་གང་ཡང་ཡོད་མ་རེད་ལ་དངོས་སུ་ལག་བསྟར་བྱས་པའི་སྐབས་སུའང་ལོ་ བཅུའི་སྐད་ཆ་ཁོ་ན་མ་རེད། ང་ཝ་ར་ཎ་སིར་ལོ་ ༣༠
བསྡད་པ་རེད། ཝར་ཎར་ལོ་སུམ་ཅུ་བསྡད་ནས་འགྲོ་སྐབས་ལོ་སུམ་ཅུའི་ནང་ལས་ཀ་འདི་ངའི་དམིགས་ཚད་ དང་བསམ་བློ་དང་མཐུན་པ་གཅིག་ཀྱང་བྱུང་མ་སོང་ཞེས་ངས་དེ་དུས་ཡོང་ཁྱབ་གསལ་ བསྒྲགས་བྱས་པ་ཡིན།
འདིར་སྤྱི་འཐུས་ཚོགས་གཙོ་དང་བཀའ་བློན་ཁྲི་པ་བྱས་ནས་ལོ་ཉི་ཤུ་ཕྱིན་པ་རེད། དེའི་རིང་ལས་དོན་འདི་བརྒྱ་ཆ་བརྒྱ་ཐམ་པ་ངས་བསམ་པ་བཞིན་བསྒྲུབས་སོང་ཞེས་ཞུ་ རྒྱུ་གཅིག་ཀྱང་མེད།
དྲི་བ་གཉིས་པ་འདི་འགྲིག་མ་སོང་བསམ་པའི་བློ་ཕམ་བྱེད་རྒྱུའི་གནས་ཚུལ་གང་དང་ གང་བྱུང་སོང་གསུངས་པ་དེར་ཟུར་དུ་འདོན་རྒྱུ་གང་ཡང་མེད། ཐོག་མར་བསམ་བློའི་ནང་ནས་ཚང་མ་བློ་འདོད་ཁེངས་པ་ཞིག་ཡོང་གི་མ་རེད་བསམ་པའི་གོ་
རྟོགས་དེ་ཡོད་པར་བརྟེན། གྲ་མ་འགྲིག་མ་དེ་ཚོར་དམིགས་བསལ་བློ་ཕམ་གང་ཡང་བྱེད་ཀྱི་མེད། འདིའི་ཐོག་ངས་འབད་བརྩོན་ཆ་ཚང་བྱུང་མ་སོང་བསམ་པ་དེ་འདྲ་གཅིག་ཀྱང་མེད།
ལས་དོན་བསྒྲུབས་པ་དང་མ་བསྒྲུབ་པ་གང་ཡིན་ཡང་གང་བརྩམས་པ་དེར་ཐོག་མ་འཆར་གཞི་ སྒྲིག་དུས་གཟབ་གཟབ་བྱས་ཏེ་ཞིབ་འཇུག་བྱེད་རྒྱུ་དང། འཆར་གཞི་སྒྲིག་པའི་རྗེས་ནུས་པ་གང་ཡོང་བཏོན་ནས་སྒྲུབ་ཐབས་བྱས་པ་རེད།
དེའི་ཐོག་ངས་འབད་བརྩོན་བྱེད་རྒྱུ་མ་སོང་བསམ་པའི་གནོང་འགྱོད་གཅིག་ཀྱང་མེད་ ཞུ་རྒྱུ་ཡིན།
དཔལ་འབྱོར་གྱི་སྲིད་བྱུས་དེ་ག་རང་རེད། བུ་ལོན་མེད་ན་ཕྱུག་པོ་ཡིན་ཟེར་རྒྱུ་དེ་ང་ཚོའི་སྲིད་བྱུས་ཀྱི་ཆ་ཤས་ཤིག་རེད། དེ་ཡིན་པ་དེ་ངས་གྲོས་ཚོགས་ནང་ཞུས་ཡོད།
ང་ཚོ་བཀའ་ཤག་ནང་སླེབས་སྐབས་བོད་གཞུང་གི་དཔལ་འབྱོར་གྱི་གནས་བབ་དེ་ཧ་ཅང་ཉེན་ ཁ་ཅན་ཞིག་གི་ཐོག་གནས་འདུག དང་པོ་ང་ཚོས་དེ་ཙམ་གྱི་གཏིང་ཟབ་ཤེས་ཀྱི་མེད། ཆེས་མཐོའི་ཞིབ་འཇུག་ཚོགས་ཆུང་གི་སྙན་ཐོ་དང།
རྩིས་ཞིབ་ཀྱི་སྙན་ཐོའི་ནང་དཔལ་འབྱོར་གྱི་གནས་བབ་ཕྲན་བུ་སྐྱོ་བོ་ཡོད་པ་གསལ་ ཡོད། འོན་ཀྱང་དངོས་སུ་བཀའ་ཤག་གི་ལས་དོན་འགོ་འཛུགས་བྱས་ཏེ་དངོས་ཡོད་གནས་སྟངས་དང་
བསྡུར་སྐབས་ཚོང་ལས་སྡེ་ཚན་ཉི་ཤུ་རྩ་གྲངས་ཤིག་ཡོད་པའི་ནང་ནས་གྱོང་མེད་མཁན བཞི་ཙམ་ལས་མི་འདུག གཞན་ཚང་མ་གྱོང་ཐོག་འགྲོ་བཞིན་འདུག བསྡོམས་བརྒྱབ་སྟེ་ཞུས་ན་ང་ཚོ་བཀའ་ཤག་ནང་སླེབས་སྐབས་གྱོང་གུན་གྱི་གནས་བབ་དེ་
མ་རྩའི་ཐོག་ནས་གྱོང་གུན་ཆགས་པའི་གནས་བབ་དེ་ས་ཡ་གསུམ་ལྷག་ཙམ་གྱི་གནས་སྟངས་ ཐོག་གནས་འདུག བུན་ནག་དང་ཡོང་རྒྱུ་བྲལ་པའི་དངུལ་འབོར་གྱི་གནས་སྟངས་དེ་ས་ཡ་ལྔ་ཡས་མས་ཀྱི་ གནས་བབ་ཐོག་བསྡད་འདུག
ལོ་ལྟར་བུ་ལོན་གྱི་སྐྱེད་ཀ་སྤྲད་དགོས་རྒྱུ་དེ་ས་ཡ་མང་པོ་རེད། དེ་དུས་ང་ཚོས་རྩིས་རྒྱག་སྐབས་དེ་བཞིན་འགྲོ་རུ་བཅུག་ན་ལོ་དྲུག་གི་ནང་མི་མང་ གི་བུ་ལོན་ཡོངས་སུ་རྫོགས་པ་ང་ཚོའི་གྱོང་གུན་ནང་ཐིམ་འགྲོ་ས་རེད་ལ།
གཞུང་གི་འགྲོ་སོང་གཏོང་རྒྱུར་དངུལ་གཅིག་ཀྱང་མ་ལྷག་པར་འགྲོ་རྒྱུའི་གནས་སྟངས་ ཤིག་ཆགས་འདུག མ་འོངས་པར་དེ་དག་ཞིབ་ཚགས་གཟིགས་འདོད་ཡོད་ན་བཀའ་ཤག་གི་ལས་བསྡོམས་དེ་ཟླ་བ་ གཅིག་གཉིས་རྗེས་པར་འགྲེམས་ཡོང་གི་རེད།
དེའི་ནང་ཞིབ་ཚགས་པོར་རྩིས་སྐོར་ནས་ཡོད། ད་ལྟ་ངས་འདིར་ཞུ་སྐབས་དངུལ་གྲངས་དེ་དག་ཇེ་མ་ཇི་བཞིན་ཏག་ཏག་ངག་ཐོག་ནས་སྐྱོར་ ཐབས་མི་འདུག དེར་བརྟེན་ཐོག་མར་གྲོས་ཚོགས་ནང་སྙན་སེང་ཞུས་པའི་སྐབས་གྱོང་གུན་ཆེ་བ་ཁ་ཤས་
ཤིག་འཕྲལ་དུ་སྒོ་བརྒྱབ་ཀྱི་ཡིན། གཞན་པ་དེ་དག་ལོ་ལྔ་ནས་བཅུའི་བར་འགྱུར་བ་གཏོང་གི་ཡིན་ཞེས་ཞུས་ཡོད། འོན་ཀྱང་ཞིབ་ཚགས་པོར་བལྟས་སྐབས་ལོ་ལྔ་དང་བཅུ་སྒུག་རྒྱུའི་གོ་སྐབས་རྩ་བ་ནས་ མི་འདུག
གལ་ཏེར་ལོ་ལྔ་དང་བཅུ་སྒུག་ན་རི་ལུགས་པ་ཐག་པས་མི་བསྡོམས་ཞེས་པ་ཡོང་རྒྱུར་ དངོས་ཡོད་གནས་ཚུལ་རེད་འདུག དེར་བརྟེན་ཛ་དྲག་གི་ཐོག་ནས་ལོ་གཉིས་ཀྱི་ནང་ཆ་ཚང་གཙང་མ་བཟོ་རྒྱུར་ཐབས་ཤེས་མ་ བྱས་རང་བྱེད་བྱུང་བ་རེད།
དེ་ཚོ་འཆར་གཞི་དང་ལྡན་པའི་ཐོག་ནས་རྒྱ་གར་གཞུང་གི་མ་རྩ་ཕྱིར་འཐེན་བྱེད་ རྒྱུའི་རིག་པའི་གཞུང་ལུགས་དང་སྲིད་བྱུས་དེ་ཚོ་ནས་སློབ་སྦྱོང་བླངས་ཏེ་འཆར་ གཞི་ལྡན་པའི་ཐོག་ནས་བྱས་པ་རེད།
དེར་བརྟེན་དྲི་བ་དང་པོ་དེའི་ལན་ལ་དཔེར་ན། ལས་དོན་ཁ་ཤས་ཀྱི་ནང་ནས་ཡག་པ་གང་བྱུང་ཡོད་ཅེས་གསུངས་ན་དཔལ་འབྱོར་ཉམས་ཆག་ སྲུང་སྐྱོབ་བྱེད་རྒྱུ་དེ་བཀའ་ཤག་སྐབས་བཅུ་གཉིས་པ་དང་བཅུ་གསུམ་པའི་ལས་དོན་
གྱི་ནང་ནས་ལས་དོན་གཟེངས་སུ་ཐོན་པ་དེ་ཚོའི་ནང་རྩིས་ན་འགྲིག་གི་རེད། ད་ལྟའི་གནས་སྐབས་ལ་བུ་ལོན་སྤྲད་མ་དགོས་རྒྱུ་དང་། བུ་ལོན་སྤྲོད་མི་དགོས་པ་ཆགས་ནས་མི་མང་གི་ཡིད་ཆེས་བྱས་ནས་བཅོལ་བའི་དངུལ་དེ་
གཞུང་གི་བུན་ནག་ནང་མ་ཐིམ་པ་དེ་བློ་བདེའི་གནས་སྟངས་ཤིག་བྱུང་བ་རེད། ད་ལྟའི་གནས་སྐབས་ཀྱི་དཔལ་འབྱོར་དེ་དང་པོ་དཔལ་འབྱོར་གཙང་མ་གཙང་ཀྱང་ཡིན་པ་ དང་། དངུལ་ནག་པོ་མེད་པ། ཁྲིམས་འགལ་མེད་པ། ཁྲལ་རྐུ་མ་རྐུས་མེད་པ།
རྩིས་ཁྲ་རྒྱབ་མདུན་གཉིས་བཞག་མེད་པ། བདེན་པ་དང་འཚེ་བ་མེད་པར་གཞི་བཅོལ་བའི་དཔལ་འབྱོར་ཞིག་རེད། ད་ལྟའི་མ་དངུལ་རྩ་འཛུགས་ཀྱི་སྐྱེད་ཀ་དང་དང་བླངས་དཔྱ་དངུལ་གཉིས་པོ་ང་ཚོའི་ གཏན་འཇགས་ཀྱི་ཡོང་འབབ་རེད།
དེ་གཉིས་ཀྱི་ཐོག་ནས་གཞུང་གི་རྒྱུན་གྲོན་ཧ་ལམ་འདང་གི་ཡོད། འཆར་གཞིའི་ཐོག་གཏོང་རྒྱུའི་དམིགས་བཀར་ཞེེས་པ་དེ་དངུལ་རག་ན་ལས་གཞི་ལག་བསྟར་ བྱེད་རྒྱུ་རེད། དངུལ་མ་རག་ན་ལས་གཞི་ལག་བསྟར་བྱེད་རྒྱུ་མེད།
རྒྱུན་ལྡན་ཕོགས་རྒྱག་རྒྱུ་དང་ལས་ཁུངས་སོ་སོའི་ཉིན་རེ་ཉིན་རེའི་ལས་ཀ་བྱེད་ དགོས་རྒྱུར་དངུལ་དེ་མེད་ན་ལས་ཁུངས་སྒོ་ཐེབས་ཀྱི་རེད་ཟེར་བའི་གནས་སྟངས་མེད། དང་བླང་དཔྱ་ཁྲལ་ཡང་ཉུང་དུ་འགྲོ་གི་མ་རེད་སྙམ་གྱི་འདུག
རྩ་འཛུགས་མ་དངུལ་ནི་སྐྱེད་ཀ་ཡང་གང་ཡོད་པ་དེ་སྡོད་ཀྱི་རེད་མ་གཏོགས་ཉུང་དུ་ འགྲོ་རྒྱུ་མེད། དེ་གཉིས་ཀྱི་ཐོག་ནས་རྒྱུན་གྲོན་འདང་ངེས་ཅན་ཞིག་ཡོད།
དེར་བརྟེན་དཔལ་འབྱོར་རང་ཚུགས་ཐུབ་པ་འདྲ་བ་ཞིག་ལ་ཆ་བཞག་ན་སྐྱོན་མེད།
ཤེས་ཡོན་སྲིད་བྱུས་༸རྒྱལ་བ་རིན་པོ་ཆེ་མཆོག་གི་དགོངས་གཞི་དང་མཐུན་གྱི་མི་ འདུག་ཅེས་གསུངས་རྒྱུ་དེ་ཕྲན་བུ་དགོངས་པ་བཞེས་ཕྱོགས་དང་གསུང་ཕྱོགས་དེ་མཐོ་ ཐག་ཆོད་པ་རེད་བསམ་གྱི་ཡོད།
ཤེས་ཡོན་སྲིད་བྱུས་གཏན་ལ་ཕབ་རྒྱུའི་རྒྱབ་ལྗོངས་ཀྱི་གཞི་རྩ་འཇོག་ས་དེ་༸གོང་ ས་༸སྐྱབས་མགོན་ཆེན་པོ་མཆོག་གིས་འདས་པའི་ལོ་ ༤༠ ནང་ཤེས་ཡོན་གྱི་ཐོག་བཀའ་སློབ་སྩལ་བའི་གནས་ཚུལ་དེ་ཚོ་གཞིར་བཟུང་བྱས་ཏེ་བཟོས་
པ་རེད། མཐའ་མ་དེར་ཟིན་བྲིས་གཏན་འབེབས་མ་བྱས་གོང་༸གོང་ས་མཆོག་དབུ་བཞུགས་ཐོག་མཁས་ པའི་བགྲོ་གླེང་ཚོགས་འདུ་སྔ་རྗེས་ཚོགས་པ་རེད། མཐའ་མའི་ཟིན་བྲིས་གྲོས་ཚོགས་ལ་མ་ཕྱིན་གོང་ལའང་ཚིག་འབྲུ་རེ་རེ་བཞིན་༸སྐྱབས་
མགོན་རིན་པོ་ཆེ་མཆོག་གིས་ཐུགས་ཞིབ་མཛད་དེ་བཀའ་འཁྲོལ་ཐོབ་པ་ཞིག་རེད། དེ་ལྟ་བུ་སྤྱི་ཚོགས་ཀྱི་ནང་དགོངས་ཚུལ་ཡོད་ན་དགོངས་ཚུལ་དེ་མ་དག་མ་དཔྱད་པའི་ དགོངས་ཚུལ་ཞིག་དང་། ཞིབ་ཚགས་པོ་མ་དཔྱད་པའི་དགོངས་ཚུལ་རེད།
༸གོང་ས་མཆོག་གིས་དེང་རབས་ཀྱི་ཤེས་ཡོན་གལ་ཆེན་པོ་རེད་ཅེས་བཀའ་སྩལ་བ་དེ་དངོས་ ཡོད་ཀྱི་གནས་སྟངས་རེད། འདས་པའི་དུས་ན་ང་ཚོ་དེང་རབས་ཀྱི་ཤེས་ཡོན་ལ་རྗེས་ལུས་ཐེབས་པའི་དབང་གི་བོད་
ནང་མ་འདང་བ་མང་པོ་བྱུང་ཡོད། འོན་ཀྱང་དེང་རབས་ཀྱི་ཤེས་ཡོན་རྐྱང་པའི་ཁྱོག་གི་རེད་ཅེས་༸སྐྱབས་མགོན་རིན་པོ་ ཆེ་མཆོག་གིས་དུས་ནམ་ཡང་བཀའ་སློབ་སྩལ་མེད། ༸གོང་ས་མཆོག་གིས་ ༦༠
ཐམ་པའི་ལོར་ཌལ་ཧོར་དུ་སྩལ་བའི་བཀའ་སློབ་ནས་རྩིས་པའི་ ༢༠༠༣ བར་གྱི་བཀའ་སློབ་ཚང་མའི་ནང་ཁྱེད་རང་ཚོས་ཞིབ་འཇུག་གནང་ན། ༸གོང་ས་མཆོག་གིས་དེང་རབས་ཀྱི་ཤེས་ཡོན་བྱུང་ན་འགྲིག་གི་རེད།
སྲོལ་རྒྱུན་གྱི་ཤེས་ཡོན་དགོས་ཀྱི་མ་རེད་ཅེས་དུས་ནམ་ཡང་བཀའ་སྩལ་མྱོང་མེད། ཤེས་ཡོན་སྲིད་བྱུས་ཀྱི་ནང་དེང་རབས་དང་སྲོལ་རྒྱུན་གཉིས་ཀྱི་ནང་ནས་སྲོལ་
རྒྱུན་གཙོ་ཆེ་བ་བྱེད་ཀྱི་ཡིན་ཟེར་རྒྱུ་དེ་ངེས་པར་དུ་ཆེད་དུ་གཉེར་ནས་བཀོད་ ཡོད། དེང་རབས་ཀྱི་ཤེས་ཡོན་མེད་མཁན་སྲོལ་རྒྱུན་གྱི་ཤེས་ཡོན་ཆ་ཚང་ཡོད་མཁན་ཞིག་ བྱུང་ན་མི་དེ་བོད་པ་ཞིག་ཆགས་ཀྱི་རེད།
དེང་རབས་ཀྱི་ཤེས་ཡོན་མེད་པའི་དབང་གིས་ཁོ་ལ་ཞན་ཆ་མང་པོ་ཡོང་གི་རེད། འོན་ཀྱང་མི་དེ་བོད་པ་མིན་པ་ཞིག་ཆགས་ཀྱི་མ་རེད། བོད་མི་རིགས་ཀྱི་རྒྱུན་དེ་འཛིན་ཐུབ་མཁན་ཞིག་ཆགས་ཀྱི་རེད།
དེང་རབས་ཀྱི་ཤེས་ཡོན་མ་གཏོགས་སྲོལ་རྒྱུན་གྱི་ཤེས་ཡོན་ཁྱོ་ནས་མེད་པ་ཞིག་ཆགས་ ན་མི་དེ་བོད་པ་ཞིག་ཆགས་ཀྱི་མ་རེད། བོད་པ་མིན་པའི་མི་ཞིག་གིས་བོད་པའི་རིག་གཞུང་དང་མི་རིགས་ཀྱི་ལ་རྒྱ་འཛིན་གྱི་
ཡིན་ཞེས་བརྗོད་ན་ཆོག་དང་ཆོག་གི་རེད། དེ་སང་བོད་ཀྱི་ཆོས་དང་རིག་གཞུང་མང་ཆེ་བ་ཞིག་མགོ་སེར་པོས་འཛིན་སྐྱོང་བྱེད་ ཀྱི་ཡིན་ཟེར་གྱི་ཡོད།
བཀའ་འགྱུར་བསྟན་འགྱུར་ཡང་མགོ་སེར་པོའི་བདག་པོ་བརྒྱབ་ཀྱི་ཡིན་ཞེས་བརྗོད་ཀྱི་ ཡོད་རེད་མ་གཏོགས་བོད་པའི་ན་གཞོན་ཚོས་བཀའ་འགྱུར་བསྟན་འགྱུར་བདག་པོ་བརྒྱབ་ ཀྱི་ཡིན་ཟེར་མཁན་ཧ་ཅང་ཉུང་ཉུང་རེད།
འོན་ཀྱང་བོད་མི་རང་གཅིག་གི་ངོ་བོའི་ཐོག་ནས་བསམ་བློ་བཏང་ན་བོད་མི་རིགས་ཡིན་ པ་དེ་བརྒྱུད་པ་ཁོ་ནའི་ཕ་མ་བོད་པ་ཡིན་པ་ཙམ་གྱི་ཕན་ཐོགས་རྒྱུ་མེད།
བོད་པ་ཡིན་པའི་རྣམ་འགྱུར་ཞིག་མི་ཁོ་རང་གི་ཀུན་སྤྱོད་དང་ཡོན་ཏན་གྱི་ཐོག་ནས་ ཐོན་དགོས་ཀྱི་ཡོད་ཙང། ང་ཚོས་དེང་རབས་དང་སྲོལ་རྒྱུན་གྱི་ཤེས་ཡོན་གཉིས་ཀར་གལ་ཆེ་ཆུང་གཅིག་པ་རྩིས་ ཡོད།
སྔོན་མ་ནས་བོད་པའི་སྤྱི་ཚོགས་ཀྱི་ནང་འདབ་ཤོག་གཉིས་ལྡན་ཞེས་པ་ངག་རྒྱུན་ཞིག་ ཆགས་ཡོད། འདབ་ཤོག་གཉིས་ལྡན་ཞེས་པ་དེ་ངག་རྒྱུན་ཆགས་རྒྱུ་དེ་༸སྐྱབས་མགོན་རིན་པོ་ཆེ་
མཆོག་གི་བཀའ་སློབ་རིམ་པས་ནང་ནས་ཚུར་དྲངས་ནས་ངག་རྒྱུན་ཆགས་པ་ཞིག་རེད། དེར་བརྟེན་ཤེས་ཡོན་སྲིད་བྱུས་དེ་ང་ཚོས་གཏན་ལ་ཕབ་པའི་སྲིད་བྱུས་མང་པོ་ཞིག་
གི་ནང་ནས་ཡག་ཤོས་དང་༸རྒྱལ་བ་རིན་པོ་ཆེ་མཆོག་གི་དགོངས་པ་དང་མཐུན་ཤོས། ཕྱོགས་མཚུངས་ཕུགས་རྒྱང་རིང་པོར་མི་རབས་ནས་མི་རབས་བརྒྱུད། དཔེར་ན། ད་ལྟ་ནས་རྩིས་པའི་ལོ་ ༡༠༠།༡༥༠
རྗེས་ལའང་བོད་པ་ཚོས་ཕྱིར་ལྟས་ཤིག་སློག་ན། ད་ལྟའི་ཤེས་ཡོན་སྲིད་བྱུས་དེ་རླབས་ཆེན་གྱི་ཤེས་ཡོན་སྲིད་བྱུས་ཤིག་རེད་འདུག་ བསམ་པའི་གོ་རྟོགས་དང་རྗེས་སུ་ཡི་རང་བྱེད་ཀྱི་རེད།
དེ་དང་ཕྱོགས་མཚུངས་དེང་རབས་ཀྱི་ཤེས་ཡོན་རྩེ་མོར་སོན་པ་མང་པོས་ང་ཚོའི་ཤེས་ ཡོན་སྲིད་བྱུས་ནས་དཔེ་བླངས་པ་དང་བསྔགས་བརྗོད་བྱེད་ཀྱི་ཡོད། ལག་བསྟར་བྱེད་ཐུབ་མ་ཐུབ་དེ་ཁྲོམ་རའི་སྐད་ཆ་རེད།
སྲིད་བྱུས་ཀྱི་སྐྱོན་དང་ཡོན་ཏན་དེ་སྲིད་བྱུས་དེའི་ངོ་བོའི་གནས་བབ་ཅིག་རེད། སྲིད་བྱུས་ཀྱི་ངོ་བོའི་གནས་བབ་ཐོག་ནས་ཧ་ཅང་ཡག་པོ་ཆགས་ཡོད། དེར་བརྟེན་ཤེས་ཡོན་སྲིད་བྱུས་ཀྱི་ཐོག་དོགས་པ་དང་ཐེ་ཚོམ་སྤུ་ཙམ་ཡང་མེད།
དེ་ཏག་ཏག་འགྲིག་ཡོད་བསམ་གྱི་ཡོད། སྐྱེ་ལྡན་སྲོལ་རྒྱུན་གྱི་ཐོག་བཀའ་འདྲི་གནང་བ་རེད། སྐྱེ་ལྡན་སྲོལ་རྒྱུན་ཐོག་ཕེབས་ན་ཕེབས་པ་རེད། མ་ཕེབས་ན་ང་ཚོས་བཙན་དབང་བྱས་ཏེ་ཕེབས་དགོས་ཀྱི་རེད་ཅེས་ཞུ་གི་མེད།
དཀའ་ལས་ཁག་པོ་ཡོད་པ་རེད་ཅེས་གསུངས་པ་རེད། དཀའ་ལས་ཁག་པོ་ཡོད་པ་རེད། དཀའ་ལས་མེད་མཁན་གྱི་ལས་ཀ་གཅིག་ཀྱང་མེད། རྫས་སྦྱོར་གྱི་སོ་ནམ་བྱེད་མཁན་ལའང་དཀའ་ལས་མེད་པ་མ་རེད་དཀའ་ལས་ཡོད།
རྫས་སྦྱོར་གྱི་སོ་ནམ་ལ་དཀའ་ལས་གཅིག་ཀྱང་མེད་པ་དང་སྐྱེ་ལྡན་གྱི་སོ་ནམ་ལ་དཀའ་ ལས་ཆེན་པོ་ཞིག་ཡོད་པ་ཡིན་ན་དེར་ཐུགས་ཁག་མེད། དཀའ་ལས་ཡོད་པ་འདྲ་འདྲ་ཡིན་པ་གང་ཞིག་ལ་ཕུགས་གཏན་འཕེར་བ་དེ་དཀའ་ལས་ཆེ་བ་ཡིན་
ནའང་ཁྱད་པར་གང་ཡང་མེད། ལར་ནས་ནུབ་ཕྱོགས་རྒྱལ་ཁབ་དེ་ཚོས་ཅིའི་ཕྱིར་དངུལ་མང་པོ་བཏང་སྟེ་རོགས་རམ་ བྱེད་ཀྱི་ཡོད། དེ་ཁོང་ཚོའི་ཕུགས་ཀྱི་དམིགས་ཡུལ་དེ་ག་རང་རེད།
འཇིག་རྟེན་འདིའི་ནང་ཡོད་པའི་འགྲོ་བ་མི་དེ་དག་ལྟོགས་ཤི་མ་ཐེབས་པ་ཞིག་དགོས་ ཀྱི་ཡོད་ན། (Cancer)སྐྲན་ནད་ཀྱི་ཚང་མ་མ་ཤི་བ་ཞིག་དགོས་ཀྱི་ཡོད་ན་སྐྱེ་ལྡན་སོ་ནམ་ཐོག་ འགྲོ་ན་མ་གཏོགས་ལམ་གཞན་མེད།
དེ་ཡིན་པ་དེ་ནུབ་ཕྱོགས་པས་ཤོད་ཀྱི་ཡོད་པ་རེད་མ་གཏོགས་ང་ཚོའི་སྐད་ཆ་གང་ཡང་མ་ རེད། དེ་ཚང་མས་ཡོངས་གྲགས་ཀྱི་སྐད་ཆ་ཞིག་ཆགས་ཡོད། ད་ལྟ་ཕྱིའི་ཡར་ཐོན་ཅན་གྱི་རྒྱལ་ཁབ་དེ་ཚོའི་ནང་སྐྱེ་ལྡན་སོ་ནམ་གྱི་ཐོག་
དམིགས་བསལ་འབད་བརྩོན་བྱེད་མཁན་ཧ་ཅང་མང་པོ་རེད། དེར་བརྟེན་ཁྲོམ་གྱི་ནང་དུའང་སྐྱེ་ལྡན་གྱི་ཟ་འབྲུ་དང་ཤིང་ཏོག་དེ་དག་རྒྱུན་ ལྡན་གྱི་རྫས་སྦྱོར་ལས་བྱུང་བ་དེ་དག་ལས་ཧ་ལམ་ལྡབ་ཀྱི་གོང་ཆེ་བ་ཡོད་པ་དེ་
དགོས་མཁོ་ཞིག་མཐོང་ནས་གོང་སྤྲོད་ཀྱི་ཡོད། ད་ལྟ་ང་ཚོ་སྐྱེ་ལྡན་ལ་མ་ཕྱིན་པར་དཀའ་ལས་འདུག་ཟེར་ནས་དབྱུག་ནའང་། ད་ལྟ་ནས་རྩིས་པའི་ལོ་ ༥༠།༦༠ ནང་ཟ་དགོས་ན་སྐྱེ་ལྡན་སོ་ནམ་ཐོག་འགྲོ་རྒྱུ་རེད།
ཟ་མ་དགོས་ན་ཤིང་དང་རྡོ་བཟས་ནས་གྲོད་པ་རྒྱག་གི་ཡོད་ན་གནས་ཚུལ་ཐ་དད་རེད། འབྲུ་ཞིག་ཟ་དགོས་ཀྱི་ཡོད་ན་སྐྱེ་ལྡན་སོ་ནམ་མ་གཏོགས་འགྲོ་ལམ་གཞན་མེད། དེར་བརྟེན་ང་ཚོས་ཤུགས་རྒྱག་དགོས་པ་གང་ཡང་མེད།
རང་བཞིན་གྱི་ག་ལེར་ག་ལེར་དེའི་ནང་བསླེབས་འགྲོ་རྒྱུ་ཞིག་རེད།
དྲི་བ། བཀའ་ཁྲི་མཆོག་གི་མཛད་འཁུར་ལོ་ངོ་བཅུའི་རིང་འགྱུར་བའི་འཕེལ་རིམ་དང་གསར་གཏོད་ཀྱི་རྣམ་པའི་གནས་སྟངས་གང་འདྲ་ཞིག་ལ་བསླེབས་ཡོད་དམ།
ལན། བཀའ་བློན་གྱི་དམ་བཅའ་ཕུལ་བའི་ཉིན་མོ་དེར་༸གོང་ས་མཆོག་གི་འགྱུར་བ་དང་གསར་ གཏོད་བྱེད་དགོས་རེད་ཅེས་བཀའ་གནང་བ་རེད། དེ་བཞིན་ང་ཚོས་འབད་བརྩོན་བྱས་པ་རེད། གསར་གཏོད་ནང་ལ་ཤེས་ཡོན་དང་། དཔལ་འབྱོར།
སོ་ནམ། འཕྲོད་བསྟེན། ཆོས་རིག་བཅས་ཀྱི་སྲིད་བྱུས་དེ་ཚོ་ཚང་མ་གསར་གཏོད་ཡིན་པའི་ཁུལ་རེད། གསར་གཏོད་དེ་ལ་བརྟེན་ནས་ས་གཞིའི་སྟེང་འགྱུར་བ་ཕྱིན་ཡོད་དམ་ཞེ་ན་ཏོག་ཙམ་ འགྱུར་བ་ཕྱིན་ཡོད།
འོན་ཀྱང་ས་བོན་ཙམ་བཏབ་པ་དེས་སྔ་ཕྱི་ཙམ་མ་གཏོགས་ས་བོན་ཁ་ཤས་རུལ་འགྲོ་མདོག་ཁ་ པོ་རེད། འོན་ཀྱང་མང་ཆེ་བ་རིམ་བཞིན་འབྲས་བུ་སྐྱེས་ཀྱི་རེད་བསམ་གྱི་འདུག
དྲི་བ། བོད་པའི་གསར་འགོད་པའི་ལས་དོན་བྱེད་ཕྱོགས་གང་འདྲ་ཞིག་བྱེད་དགོས་སམ།
ལན། ངས་ནམ་རྒྱུན་དུ་གསར་འགོད་པ་མང་གཙོའི་ཀ་བ་བཞི་པ་རེད་ཅེས་ཤོད་ཀྱི་ཡོད། ང་རང་ལོ་བཅུ་བཀའ་ཤག་དང་སྤྱི་འཐུས་ནང་བསྡད་པ་ཡིན་ནའང་རེད། དེ་མིན་ང་ནི་གསར་འགོད་པ་འཚོལ་བར་འགྲོ་མཁན་ཞིག་མིན།
གསར་འགོད་པས་ཚུར་ཡོང་ན་དྲི་བར་ལན་འདེབས་བྱེད་ཀྱི་ཡོད། གསར་འགོད་པར་གསོལ་ཇ་གསོལ་ཚིགས་བཀྱགས་ནས་ཕེབས་རོགས་ཞེས་ཞུ་མྱོང་རྩ་བ་ནས་མེད། གསར་འགོད་པ་ཞེས་པ་དེ་གསར་འགོད་པ་རང་གི་བཟང་སྤྱོད་ནང་བཞུགས་དགོས་རྒྱུ་རེད།
བདག་ཉིད་ཆེན་པོ་གྷན་ངྷིས་གསར་འགོད་པའི་ལས་འགན་གསུམ་གཏན་འཁེལ་གནང་ཡོད། ༡༽སྤྱི་ཚོགས་ཀྱི་བསམ་ཚུལ་གང་ཡིན་ངོ་ཤེས་པའི་ཐོག་འཛིན་སྐྱོང་གི་མཚོན་མི་མང་
དང་འཛིན་སྐྱོང་གཉིས་ཀར་སྤྱི་ཚོགས་ཀྱི་བསམ་ཚུལ་གོ་བརྡ་སྤྲོད་རྒྱུ། ༢༽སྤྱི་ཚོགས་ནང་བསམ་ཚུལ་དམའ་དྲགས་པ་དང་སྤྱི་ཚོགས་ནང་བསམ་ཚུལ་མེད་པ་ཡིན་ན་ གསར་དུ་བསྐྲུན་རྒྱུ།
༣༽འཛིན་སྐྱོང་དང་སྤྱི་ཚོགས་གང་དུ་སྐྱོན་ཡོང་གི་ཡོད་ན་ཐེར་འདོན་བྱེད་རྒྱུ་ བཅས་ཡིན་ཞེས་གསུངས་ཡོད། དེར་བརྟེན་ང་རང་ཕྱི་འབྲེལ་བཀའ་བློན་བྱེད་སྐབས་ཕྱི་འབྲེལ་ལས་ཁུངས་ནང་ཡོད་ པའི་ཤེས་བྱ་དང་བོད་མིའི་རང་དབང་
(Tibetan bulletin)དབྱིན་ཡིག་དུས་དེབ་སོགས་ཚང་མར་ལམ་སྟོན་བྱས་ཡོད། ང་ཚོ་ཐོག་མར་ཕྱི་ལོ་ ༡༩༥༩ ལོར་རྒྱ་གར་དུ་སླེབས་སྐབས་བོད་པའི་སྤྱི་ཚོགས་ནང་གསར་འགོད་པའི་ལས་ཀ་བྱེད་ མཁན་གཅིག་ཀྱང་མེད།
མཐར་ཕྱིན་བྷ་བུས་མེ་ལོང་ཞེས་པའི་གསར་འགྱུར་ཞིག་སྟོན་གྱི་ཡོད། དེའི་ནང་བོད་པ་ལས་ཀ་བྱེད་མཁན་གཅིག་རང་ལས་མི་འདུག དེ་ནས་ཕྱི་ལོ་ ༡༩༦༠ ལོ་འགོར་བོད་མི་ཚོའི་རང་དབང་ཞེས་པའི་གསར་འགྱུར་གཞན་ཞིག་དོན་པ་རེད།
དེ་དུས་ཞིག་ནས་གསར་འགོད་པའི་ལས་འགོ་ཚུགས་པའི་གོ་སྐབས་ཤིག་ཤར་རྗེས་ད་ལྟ་བར་ བོད་པའི་སྤྱི་ཚོགས་ནང་གསར་འགོད་ལས་རིགས་དེ་ཧ་ཅང་ཡར་རྒྱས་ཕྱིན་འདུག་བསམ་གྱི་ ཡོད།
དེ་ཡང་སུ་གང་གིས་བརྒྱུད་བསྐུལ་དང་གནོན་ཤུགས་འོག་མ་ཕྱིན་པར་རང་ཁ་རང་གསོའི་ ཐོག་ཡར་རྒྱས་ཕྱིན་པ་དེ་གཟི་བརྗིད་ཆེན་པོ་རེད་སྙམ་གྱི་ཡོད། ད་ལྟ་ང་ཚོས་གློག་ཆས་ཀྱིས་པར་བརྒྱབ་ཡོད་པ་ཡིན་ནའང་རེད།
བོད་རང་གི་སྤྱི་ཚོགས་ནང་གསར་འགྱུར་བརྒྱུད་ལམ་འདང་ངེས་ཤིག་ཆགས་པ་དེ་ཧ་ཅང་གི་ གཟི་བརྗིད་ཆེན་པོ་རེད། དེར་བརྟེན་གསར་འགོད་པ་ཚོས་གསར་འགྱུར་བརྒྱུད་ལམ་ནང་ལས་ཀ་བྱ་རྒྱུའི་ཐབས་ལམ་
དང་འཕྲུལ་ཆས་སློབ་སྦྱོང་གནང་རྒྱུ། དེ་དང་དོ་མཉམ་པ་ཞིག་གསར་འགོད་པའི་བཟང་སྤྱོད་སློབ་སྦྱོང་གནང་དགོས་པ་རེད་བསམ་ གྱི་ཡོད། གསར་འགྱུར་གཙོ་བོ་བྱས་པ་མ་གཏོགས་བསམ་ཚུལ་གཙོ་བོ་བྱེད་རྒྱུ་མེད།
དེང་སང་གསར་འགྱུར་དང་བསམ་ཚུལ་གཉིས་བྱས་ན་བསམ་ཚུལ་མང་བ་ཡོད། ལྷག་པར་བསམ་ཚུལ་དེ་གསར་འགྱུར་གྱི་ངོ་བོ་མིན་པར་གསར་འགོད་པའི་བསམ་ཚུལ་དེས་ གསར་འགྱུར་གྱི་ཚོས་གཞི་འགྱུར་རྒྱུའི་ཐབས་ཤེས་བྱས་ན།
གསར་འགོད་པའི་བཟང་སྤྱོད་དང་གནས་ཚད་ཐོག་ལ་ཏོག་ཙམ་མ་མཉམ་པ་ཡོང་གི་རེད་བསམ་ གྱི་ཡོད། འོན་ཀྱང་ངས་སྤྱིར་བཏང་ལྟ་གྲུབ་ཐོག་ནས་བརྗོད་ཀྱི་ཡོད་མ་གཏོགས་ཁྱེད་རང་ཚོ་ འདི་འདྲ་འདུག་ཤོད་ཀྱི་མེད།
བོད་པའི་གསར་འགྱུར་བརྒྱུད་ལམ་འདི་འདྲ་ཞིག་ཡར་རྒྱས་ཕྱིན་པ་དེ་༸གོང་ས་༸སྐྱབས་ མགོན་ཆེན་པོ་མཆོག་གིས་ཐུགས་རྗེ་བཀའ་དྲིན་ལ་བརྟེན་ནས་བྱུང་བ་རེད།
མ་འོངས་པར་ཡང་གསར་འགྱུར་བརྒྱུད་ལམ་འདི་འཛིན་སྐྱོང་དང་དཔལ་འབྱོར་གྱིས་ཤུགས་ སྣོན་འོག་མ་ཕྱིན་པ་བྱེད་དགོས། དེ་བཞིན་ཤོག་ཁག་དང་སྡེ་ཚན་ཁག་གིས་ཤུགས་སྣོན་འོག་མ་ཕྱིན་པར་གནས་ཚུལ་ཡག་ཉེས་
ག་རེ་ཡིན་ཡང་དྲང་པོ་དྲང་བཞག་ཐོག་ནས་གསར་འགོད་བྱེད་དགོས་རྒྱུ་དེ་གལ་ཆེན་པོ་ རེད་བསམ་གྱི་ཡོད།
དྲི་བ། བཀའ་ཁྲི་མཆོག་གིས་ལོ་བཅུ་རིང་བཀའ་ཤག་ཏུ་ཕྱག་ལས་གནང་རིང་བོད་དོན་བདེན་མཐའ་ སེལ་རྒྱུར་ཐག་ཇི་རིང་དང་ཇི་ཉེ་གང་འདྲ་ཆགས་ཡོད་དགོངས་ཀྱི་ཡོད་དམ།
ལན། བོད་དོན་བདེན་མཐའ་སེལ་རྒྱུར་ཧ་ཅང་ཐག་ཉེ་རུ་ཕྱིན་ཡོད་བསམ་གྱི་འདུག རྒྱུ་མཚན་ནི་སྤྱིར་རྒྱལ་སྤྱིའི་འགྱུར་འགྲོས། ཡང་སྒོས་རྒྱ་ནག་དང་བོད་ནང་གི་འགྱུར་འགྲོས།
དེ་བཞིན་བཙན་བྱོལ་བོད་མིའི་སྒྲིག་འཛུགས་ཀྱི་ལས་དོན་ཚང་མའི་ཐོག་ནས་བསྡོམས་ བརྒྱབ་སྟེ་བལྟས་ན་ཧ་ཅང་ཐག་ཉེ་རུ་ཕྱིན་པ་རེད། བོད་དོན་བདེན་མཐའ་སེལ་བར་ཐག་ཉེ་རུ་ཕྱིན་པའི་ངོ་སོ་དེ་སུ་ལ་སྤྲོད་དགོས་སམ་ ཞེ་ན།
བརྒྱ་ཆ་བརྒྱད་ཅུ་བོད་ནང་ལ་ཡོད་པའི་བོད་མི་ཚོར་སྤྲོད་དགོས། བརྒྱ་ཆ་ཉི་ཤུ་ང་ཚོས་སྐད་བརྒྱབ་སྟེ་འགྲོ་མཁན་ཚོར་སྤྲད་ཆོག་གི་རེད། དངོས་གནས་དྲང་གནས་རང་སྲོག་བློས་གཏོང་བྱེད་མཁན་དེ་དག་བོད་ནང་བསྡད་ཡོད།
སྲོག་འགྲོ་གི་མ་རེད་བསམ་པའི་གདེང་སྤོབས་ཐོག་ནས་སྐད་རྒྱག་མཁན་དེ་དག་ཕྱི་ ཕྱོགས་སུ་ཡོད། དེར་བརྟེན་བོད་དོན་བདེན་མཐའ་སེལ་རྒྱུར་ཧ་ཅང་ཐག་ཇེ་ཉེ་རུ་ཕྱིན་ཡོད་ཞུ་རྒྱུ་
ཡིན་ཞེས་གསུང་བཤད་དང་ལན་འདེབས་གནང་ཡོད། གཞན་ཡང་རིན་པོ་ཆེ་མཆོག་གིས་གསར་འགོད་པའི་དྲི་བ་གཞན་ཁག་མང་པོ་ཞིག་ལ་ལན་
འདེབས་གནང་ཡོད་པའི་ཁོངས་སུ་མ་འོངས་པར་བཀའ་བློན་ཁྲི་པའི་མཚན་ལ་༼ སྲིད་སྐྱོང་བ ༽ ཞེས་སྲིད་སྐྱོང་བཀའ་བློན་ཁྲི་པ་ཞེས་བཏགས་ན་འོས་སྐོར་གྱི་བཀའ་ལན་གནང་ཡོད་པ་ མ་ཟད།
བཀའ་ཤག་གི་ཡིག་ཆ་ཁག་ཏུ་བར་ལམ་ཞིག་ནས་སྲིད་སྐྱོང་བཀའ་བློན་ཁྲི་པ་ཞེས་བྲིས་ ཡོད། དེ་ཡང་སྲིད་སྐྱོང་སྟག་བྲག་རིན་པོ་ཆེའི་སྐུ་དབང་༸གོང་ས་༸སྐྱབས་མགོན་ཆེན་པོ་
མཆོག་ལ་འབུལ་ལམ་ཞུས་ཡོད་པ་དང་སྲིད་སྐྱོང་བློ་བཟང་སེང་གེ་ལ་༸གོང་ས་མཆོག་གི་ སྐུ་དབང་རྩིས་སྤྲོད་མཛད་པ་རེད། ཅེས་བརྗོད་ན་ཚིག་དེ་སྙིང་རྗེ་པོ་ཆགས་རྒྱུ་རེད་ཅེས་གསུངས་ཡོད།
དེ་མིན་བོད་རྒྱ་འབྲེལ་མོལ་གྱི་གནས་སྟངས་གང་འདྲ་ཞིག་ལ་སླེབས་ཡོད་མེད་དང་། “བཙན་བྱོལ་བོད་གཞུང་ཞེས་པའི་མཚན་བྱང་དེ་དབུས་བོདམིའི་སྒྲིག་འཛུགས་ཞེས་པ་ དང་།
ད་ཆ་བསྐྱར་དུ་བོད་མིའི་གཞུང་གི་སྒྲིག་འཛུགས་སུ་འཕོ་འགྱུར་གཏོང་འཆར་བཅས་ཀྱི་ ཐད་གསར་འགོད་པའི་དྲི་བ་མང་དག་ཅིག་ལ་ལན་འདེབས་གནང་ཡོད་པ་བཅས།