བོད་མི་མང་སྤྱི་འཐུས་ཀྱི་གསར་འགོད་གསལ་བསྒྲགས།

     ཕྱི་ལོ་༢༠༡༡ ཟླ་༡༠ ཚེས་༡ ཉིན་དཀར་མཛེས་ཁུལ་གསེར་རྟ་རྫོང་ཐོག་ཏུ། བོད་མི་ཚོས་བོད་ལ་རང་དབང་དགོས་པ་དང་། ཆོས་དད་རང་དབང་དགོས་པ། འགྲོ་འདུག་རང་དབང་དགོས་པ། སྨྲ་བརྗོད་རང་དབང་དགོས་པ། རྩོམ་འབྲི་ཁྱབ་སྤེལ་གྱི་རང་དབང་སོགས་གཞན་ལ་ཡོད་ པའི་རང་དབང་དེ་དག་ང་ཚོ་བོད་ལ་ངེས་པར་དུ་དགོས། ༧རྒྱལ་བ་༧བསྟན་འཛིན་རྒྱ་མཚོ་སྐུ་ཚེ་ཁྲི་ལོ་ཤོག བོད་རྒྱལ་ལོ་ཞེས་བཀོད་ཡོད་པའི་ཡིག་ཆ་བཀྲམ་སྟེ་རྒྱ་ནག་གཞུང་ལ་ངོ་རྒོལ་བྱས་ ཡོད་པ་རེད།

དེ་བཞིན་ཕྱི་ལོ་ ༢༠༡༡ ཟླ་ ༡༠ ཚེས་ ༣ ཉིན་བོད་ནང་གི་ཕྱི་དྲོའི་དུས་ཚོད་ ༢ ཙམ་ལ་རྔ་པ་རྫོང་། ཆོས་རྗེ་མ་ཞང་སོ་རུ་མ་སྡེ་བའི་ཚུར་དྲིས་ཚང་གི་ཕ་ཚུར་དྲིས་དང་མ་བདེ་མཆོག་ གཉིས་ཀྱི་བུ་རྔ་པ་ཀིརྟི་དགོན་པའི་དུས་འཁོར་གྲྭ་ཚང་གི་གྲྭ་སྐལ་བཟང་དབང་ཕྱུག རང་ལོ་ ༡༧ ཡིན་པ་ཁོང་གིས་༸གོང་ས་མཆོག་གི་སྐུ་པར་ཞིག་ལག་ཏུ་བཟུང་ནས་རྔ་པ་རྫོང་མཁར་གྱི་གཞུང་ལམ་དུ་ཐོན་པ་དང་རང་ལུས་ལ་མེ་སྦར་ཏེ་རྒྱ་ནག་གཞུང་ལ་ངོ་རྒོལ་སྐད་འབོད་གནང་འདུག་མོད། དེ་མ་ཐག་རྒྱ་དམག་གིས་བསྐོར་ནས་མེ་བསད་ཅིང་གཅར་རྡུང་དྲག་པོ་གཏོང་བཞིན་ཁྱེར་ཡོད་པ་རེད།

       དེང་སྐབས་བོད་ནང་གི་བོད་མི་ཚོས་རང་དབང་གི་ཆེད་དུ་གཅིག་མཇུག་གཉིས་མཐུད་ཀྱིས་རང་ལུས་མེ་རུ་སྒྲོན་པ་དང། ༧གོང་ས་མཆོག་གི་སྐུ་པར་དང་བོད་ཀྱི་རྒྱལ་དར་འཕྱར་ནས་ཁྲོམ་གཞུང་དུ་དྲག་གནོན་ལ་ཞུམ་པ་མེད་པའི་ཐོག་ནས་ཞི་བའི་ངོ་རྒོལ་བྱེད་བཞིན་ཡོད་པ་འདིས། རྒྱ་ནག་སྲིད་གཞུང་གིས་བོད་མིའི་ཐོག་དམ་དྲག་དང་གཉའ་གནོན་ཇི་ཙམ་བྱེད་བཞིན་ཡོད་པ་མཚོན་གྱི་ཡོད་པས། མཉམ་འབྲེལ་རྒྱལ་ཚོགས་ཀྱིས་གཙོས་པའི་རྒྱལ་སྤྱིའི་སྲིད་གཞུང་ཁག་དང་། གཞུང་དང་གཞུང་འབྲེལ་མ་ཡིན་པའི་ཚོགས་སྡེ་དང་སྒྲིག་འཛུགས་ཁག་གིས། རྒྱ་ནག་གཞུང་ལ་བོད་ཐོག་འཛིན་པའི་ཕྱོགས་ལྷུང་ཅན་གྱི་སྲིད་ཇུས་ལ་འཕྲལ་དུ་འགྱུར་ལྡོག་གཏོང་དགོས་པའི་སྐུལ་མ་ནན་པོ་བྱེད་དགོས་པ་དང་། གལ་ཏེ་ཉེན་ཚབས་ཆེ་བའི་གནད་དོན་འདི་དག་རྒྱ་ཡན་དུ་བཏང་ན་བོད་ནང་རང་ལུས་མེ་ལ་བསྒྲོན་པའི་དཀའ་སྡུག་ཆེ་བའི་ལས་འགུལ་མང་དུ་འགྲོ་ངེས་ཡིན་ལ། དེ་བཞིན་རྒྱལ་གཅེས་དཔའ་བོ་དེ་དག་གི་བསམ་དོན་ཡིད་བཞིན་འགྲུབ་པ་དང་ཤུལ་ལུས་ནང་མི་ཉེ་འབྲེལ་ལྟོས་བཅས་ལ། བོད་མི་མང་སྤྱི་འཐུས་ལྷན་ཚོགས་ཀྱི་ངོས་ནས་ཐུགས་གསོ་དང་། རྒྱ་ནག་གཞུང་ལ་ངེས་པར་དུ་དེའི་ཕྱོགས་ལ་བསམ་གཞིགས་བྱེད་དགོས་པའི་སྐུལ་མ་བྱེད་ཀྱི་ཡོད།  བོད་མི་མང་སྤྱི་འཐུས་ལྷན་ཚོགས་ཀྱིས་ཕྱི་ལོ་ ༢༠༡༡ ཟླ་ ༡༠ ཚེས་ ༤ ལ།།

སྦེལ་ཇམ་བོད་རིགས་ཚོགས་པས་སྣེ་ཁྲིད་ཀྱིས་སྦེལ་ལྗམ་བོད་ཀྱི་གྲོགས་པོ་ཚོགས་པ་དང་། རྒྱལ་སྤྱིའི་བོད་དོན་རྒྱབ་སྐྱོར་ཚོགས་པའི་ཡན་ལག་བཅས་མཉམ་འབྲེལ་གྱི་གོ་སྒྲིག་འོག ཁ་སང་ཕྱི་ཚེས་ ༦ ཉིན་གྱི་ཞོགས་པའི་ཆུ་ཚོད་ ༡༠ པ་ནས་ཉིན་རྒྱབ་ཆུ་ཚོད་ ༢ པ་པར། ཡུ་རོབ་གྲོས་ཚོགས་ཀྱི་མདུན་ཐང་དུ། ཉེ་ཆར་བོད་ནང་ནས་རང་ལུས་མེར་བསྲེགས་ཀྱི་ངོ་རྒོལ་ལས་འགུལ་སྔ་རྗེས་སྤེལ་པར་རྒྱབ་སྐྱོར་དང་གདུང་སེམས་མཉམ་སྐྱེད་ཆེད། ངོ་རྒོལ་སྐད་འབོད་ཀྱི་ལས་འགུལ་ཞིག་གོ་སྒྲིག་བྱས་པར་མི་མང་བརྒྱ་སྐོར་ཞིག་མཉམ་ཞུགས་གནང་ཡོད་འདུག

ལས་འགུལ་དེར་རྒྱབ་སྐྱོར་ཆེད། ཡུ་རོབ་གྲོས་ཚོགས་ཀྱི་ཨི་ཏ་ལིའི་(Italy)འཐུས་མི་སྐུ་ཞབས། རོ་ས་རིའོཁུ་རོསི་ཏ་(Rosario Crocetta)མཆོག་དང་།  ཡུ་རོབ་གྲོས་ཚོགས་ཀྱི་ཚོགས་གཙོ་གཞོན་པ་སྐུ་ཞབས་ལ་སི་ལོ་ཏོག་སི་(Laszlo Tokes)མཆོག་གི་ཕྱག་རོགས་ལྕམ་ཟུའུ་ཟ་ཨན་ཕེརུཟེས(Zsuzsa Ann Fereuczy) དེ་བཞིན་ཡུ་རོབ་གྲོས་ཚོགས་ཀྱི་ཨེ་སི་ཏོ་ནིས་ཡའི་Estonia འཐུས་མི།  ལྕམ་ཁེརས་ཊི་ན ཨུཡུ་ལན་ཊི་( Kristiina Ojuland)མཆོག་གི་ཕྱག་རོགས་སྐུ་ཞབས་ཇོལ་ཧེར་ཝུ(Joel Hirv) ཡུ་རོབ་རང་དབང་མནའ་འབྲེལ(Eu Free Alliane)གྱི་ཚོགས་གཙོ། སྐུ་ཞབས་ཨེ་རིཀ ཊི་ཕོར་ཊི་(Eric Defoort)བཅས་མཉམ་ཞུགས་དང་གཏམ་བཤད་བཅས་གནང་ཡོད་འདུག

བོད་ཀྱི་ཆབ་སྲིད་བཙོན་ཟུར་གསུམ་གྱིས་རང་ལུས་མཆོད་མེར་ཕུལ་བའི་རྒྱལ་གཅེས་པ་རྣམ་པ་བཞི་ལ་རྗེས་དྲན་ཆེད་༼ཁྱོད་དང་བོད། འཐབ་རྩོད་ཀྱི་དྲན་ཤིང་།༽ ཞེས་པའི་དྲན་རྟེན་ཞིག་བཞེངས་འདུག

ཟླ་འདིའི་ཕྱི་ཚེས་ ༡ ཉིན་སྟེ། རྒྱ་ནག་གི་རྒྱལ་སྟོན་དུས་ཆེན་དུ་སྟབས་བསྟུན་ཏེ་བཞུགས་སྒར་བོད་ཀྱི་འགྲེམས་སྟོན་ཁང་དུ། སྐུ་ མགྲོན་གཙོ་བོར་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་གཙོ་ཚེ་དབང་རིག་འཛིན་དང་ དགུ་བཅུ་ལས་འགུལ་ཚོགས་ཚོགས་གཞོན་ཀླུ་མཁར་བྱམས་ལགས་གཉིས་གདན་ཞུའི་ཐོག བོད་ཀྱི་ཆབ་སྲིད་བཙོན་ཟུར་ལྷ་མོ་སྐྱབས་དང་འཇིགས་མེད་རྒྱ་མཚོ། བསྟན་པ་དར་རྒྱས་བཅས་གསུམ་གྱིས་དང་བླངས་ཐོག་བོད་བསྟན་སྲིད་མི་རིགས་ཀྱི་ཆེད་དུ་རང་ལུས་མཆོད་མེར་ཕུལ་བའི་རྒྱལ་གཅེས་དཔའ་བོ་ཐུབ་བསྟན་དངོས་གྲུབ་དང་གྲྭ་བཀྲ་བྷེ། གྲྭ་བློ་བཟང་ཕུན་ཚོགས། གྲྭ་ཚེ་དབང་ནོར་བུ་བཅས་རྣམ་པ་བཞི་ལ་གདུང་སེམས་མཉམ་སྐྱེད་ཆེད་དབོན་ཞང་རྡོ་རིང་གི་དབྱིབས་སུ་བཟོས་༼ ཁྱོད་དང་བོད། འཐབ་རྩོད་ཀྱི་དྲན་ཤིང་།༽ཞེས་པའི་དྲན་རྟེན་ཞིག་གསར་འགོད་པ་དང་ས་གནས་མི་མང་འདུ་འཛོམས་ཐོག་དབུ་འབྱེད་གནང་ཡོད་འདུག  

འདིའི་ཐད་ཆབ་སྲིད་བཙོན་ཟུར་ལྷ་མོ་སྐྱབས་ལགས་ཀྱིས་བརྗོད་ན། དྲན་རྟེན་འདི་བཞེངས་བསྐྲུན་བྱེད་པའི་དམིགས་ཡུལ་གཙོ་བོ། འདས་པའི་མི་ལོ་འདི་དག་རིང་བཙན་བྱོལ་ནང་གི་རྒྱལ་གཅེས་དཔའ་བོ་ཐུབ་བསྟན་དངོས་གྲུབ་གཙོས། བོད་ནང་གི་གྲྭ་བཀྲ་བྷེ་དང་བློ་གྲྭ་བཟང་ཕུན་ཚོགས། གྲྭ་ཚེ་དབང་ནོར་བུ་བཅས་ཀྱིས་བོད་མི་རིགས་དང་བོད་རྒྱལ་ཁབ་ཀྱི་ཆེད་དུ་རང་ལུས་མཆོད་མེར་ཕུལ་ཏེ།བོད་གཞིས་བྱེས་མཉམ་འཛོམས་དང་༸གོང་ས་མཆོག་བོད་ནང་གདན་འདྲེན་ཞུ་རྒྱུ་བཅས་ཀྱི་འབོད་ཚིག་འོག  བོད་ མི་རིགས་ཀྱི་དངོས་ཡོད་དཀའ་ངལ་རྒྱལ་སྤྱིའི་ནང་གསལ་སྟོན་བྱས་པ་དེ་བོད་ཕྱི་ནང་ གཉིས་ཀྱི་བོད་མི་ཚོས་དུས་ནམ་ཡང་སེམས་ནས་མི་བརྗེད་པར་བྱ་རྒྱུ་དང་། ལྷག་པར་དུ་ཁོང་རྣམ་པའི་ཚེ་སྲོག་བོད་རང་དབང་སླར་གསོའི་ཆེད་དུ་ཕུལ་ཡོད་སྟབས། བཙན་བྱོལ་བོད་མི་ཚོ་དང་མི་རབས་རྗེས་མ་དག་གིས་ཁོང་རྣམ་པའི་ལྷག་བསམ་དང་སྙིང་སྟོབས་ལ་དྲན་གསོ་དང་གདུང་སེམས་མཉམ་སྐྱེད་མཚོན་ཕྱིར་བཞེངས་པ་ཞིག་ཡིན་སྐོར་བརྗོད་བྱུང་ལ། ཉེ་ ཆར་རང་ལུས་མཆོད་མེར་ཕུལ་བའི་རྔ་པ་ཀིརྟི་དགོན་པའི་གྲྭ་བློ་བཟང་སྐལ་བཟང་དང་ བློ་དཀོན་མཆོག་གཉིས་ཀྱི་གནས་ཚུལ་དྲན་རྟེན་བཞེངས་སྐྲུན་གྱི་རྗེས་སུ་བྱུང་ ཡོད་སྟབས། དྲན་རྟེན་ཐོག་འཇོག་ཐབས་བྱུང་མེད་ཀྱང་། ཁོང་ཚོའི་ངོས་ནས་ཁོང་རྣམ་པ་གཉིས་ཀྱི་གནས་སྟངས་ལ་གཞིགས་ཏེ་མུ་མཐུད་ལས་འགུལ་དང་རྒྱབ་སྐྱོར་གནང་འཆར་ཡོད་འདུག   

བོད་རིགས་ཆབ་སྲིད་བཙོན་ཟུར་གསུམ་གྱིས་མ་སྐུལ་དང་བླངས་ཐོག་ཧིན་སྒོར་ཁྲི་ ༣ ལྷག་གིས་བཞེངས་སྐྲུན་བྱས་པའི་དྲན་རྟེན་དེའི་རྒྱུ་ཆ་གཙོ་བོ་ལྕགས་དང་འགྱིག་ལས་གྲུབ་བཟོས་ཤིང་། རིང་ཚད་ལ་སོར་ ༡༠༠ དང་ཞེང་ལ་སོར་ ༢༦ ། སྲབ་མཐུག་སོར་ ༡༨ བཅས་ཡོད་འདུག དྲན་རྟེན་ཐོག་ཁོང་རྣམ་པའི་སྐུ་ཕུང་བསྲེགས་པའི་རིམ་པ་ལྟར་སྐུ་པར་དང་མཉམ་དུ་བོད་ཡིག་དང་དབྱིན་ཡིག  རྒྱ་གར་བཅས་སྐད་ཡིག་གསུམ་གྱི་ཐོག་ལོ་རྒྱུས་དང་གནས་ཚུལ་གྱི་བྱུང་རབས་ཆ་ཚང་བ་བཀོད་ཡོད་འདུ