དམར་ ཤོག་ ཚོགས་ པའི་ ཤི་ གསོན་ གྱི་ འཐབ་ འཛིང་ །
ཀྲོ་ ཨིར་ ཅིན་ གྱིས་ བརྩམས། པདྨ་ མཚོས་ བསྒྱུར།
མི་ རྣམས་ ཀྱིས་ དོ་ སྣང་ བྱེད་ ཡུལ་ དུ་ གྱུར་ བའི་ རྒྱ་ གཞུང་ གིས་ གསར་ དུ་ བཙུགས་ པའི་བཅོས་ བསྒྱུར་ གཏིང་ ཟབ་ སྣེ་ ཁྲིད་ ཚོགས་ ཆུང་ དང་ རྒྱལ་ ཁབ་ བདེ་ འཇགས་ ཨུ་ ཡོན་ ལྷན་ ཁང་ ཞེས་ པའི་ ནང་ །
སྲིད་ བློན་ ལི་ ཁེ་ ཆིང་ སྣེ་ ཁྲིད་ ཚོགས་ ཆུང་ གི་ ཚོགས་ གཞོན་ དང་ བདེ་ འཇགས་ ཨུ་ ཡོན་ ལྷན་ ཁང་ གི་ མགོ་ ཁྲིད་ གཞོན་ པར་ བསྐོ་ བཞག་ བྱས་ ཡོད།
རྒྱ་ གཞུང་ གི་ དབང་ འཛིན་ སྒྲིག་ གཞི་ གསར་ པའི་ ཆབ་ སྲིད་ ལམ་ ལུགས་ ལ་ རིགས་ བསྒྲེ་ བ་ ཡིན་ ན།
ཞི་ ཅིན་ ཕིན་ སྲིད་ འཛིན་ དང་ ལི་ ཁེ་ ཆིང་ སྲིད་ འཛིན་ གཞོན་ པ་ ཡིན་ ལ། ལི་ ཁེ་ ཆིང་ སྲིད་ བློན་ ཡིན་ པའི་ ཆ་ ནས་ ཁོ་ བོའི་ ལས་ འགན་ གཙོ་ བོ་ རྒྱལ་ ཁབ་ ཀྱི་ དཔལ་ འབྱོར་ ལས་ དོན་ ཡིན་ ནའང་ །
ཁོས་ ཅིའི་ ཕྱིར་ རྒྱལ་ ཁབ་ བདེ་ འཇགས་ ཨུ་ ཡོན་ ལྷན་ ཁང་ གི་ མགོ་ ཁྲིད་ གཞོན་ པའི་ འགན་ འཁུར་ བ་ རེད།
འདི་ ལྟར་ བཀོད་ སྒྲིག་ བྱས་ པའི་ དགེ་ མཚན་ ནི། གལ་ སྲིད་ ཞི་ ཅིན་ ཕིན་ ལ་ གནད་ དོན་ ཞིག་ བྱུང་ ཚེ། ལི་ ཁེ་ ཆིང་ གིས་ མགྱོགས་ མྱུར་ ངང་ ཞི་ ཅིན་ ཕིན་ གྱི་ དབང་ ཆ་ རྒྱུན་ འཛིན་ བྱེད་ ཐུབ་ པ་ རེད།
ཀྲུག་ ཡོང་ ཁཱང་ འཛིན་ བཟུང་ བྱས་ རྗེས། ཞི་ ཅིན་ ཕིན་ སྲིད་ གཞུང་ གི་ ཁ་ གཏད་ དུ་ ལངས་ བའི་ ཅང་ ཙེ་ མེན་ ཚོགས་ པའི་ རྒན་ རབས་ པ་ ཅང་ ཙེ་ མེན་ དང་ ཙིན་ ཆིན་ ཧོང་ གཉིས་ སེམས་ པ་ གནག་ ཅིང་ སྦྱོར་ བ་ རྩུབ་ པ།
ལྐོག་ གསོད་ ཀྱི་ ལས་ ལ་ བྱང་ ཆུབ་ པའི་ མི་ སྣ་ གཉིས་ ཡིན་ ལ།
ཁོ་ བོ་ གཉིས་ ཀྱིས་ ཞི་ ཅིན་ ཕིན་ ཚོགས་ པ་ མགོ་ གཏིང་ སློག་ པར་ སྨྱོ་ ཧམ་ ཆེན་ པོས་ འཕག་ འཚག་ རྒྱག་ གི་ ཡོད་ པ་ མ་ ཟད།
ཡང་ བསྐྱར་ ཞི་ ཅིན་ ཕིན་ ལྐོག་ གསོད་ བྱེད་ པའི་ ངན་ ཇུས་ བཤམ་ སྲིད་ སྟབས། ཞི་ ཅིན་ ཕིན་ ཚོགས་ པས་ འགོག་ སྲུང་ དོགས་ ཟོན་ མི་ བྱེད་ ཐབས་ མེད་ ཅིག་ ཆགས་ ཡོད།
རྒྱ་ གཞུང་ གི་ མཐོ་ རིམ་ དཔོན་ རིགས་ ཚོས་ དངུལ་ དངོས་ ཕོན་ ཆེན་ ལྐོག་ ཟ་ བྱས་ ཏེ་ ཕྱི་ ཕྱོགས་ སུ་ གསོག་ ཉར་ བའི་ གནད་ དོན་ ཕྱིར་ གྱར་ བ་ བརྒྱུད།
ཅང་ ཚོགས་ པས་ ཞི་ ཅིན་ ཕིན་ ཚོགས་ པར་ མཉམ་ དུ་ རྩ་ མེད་ འགྲོ་ བའི་ ངན་ བལྟས་ བསྟན་ ཡོད་ པ་ མ་ ཟད།
ཕྱིས་ ཀྱི་ དབང་ ཆ་ འཐབ་ རྩོད་ ཀྱི་ བརྒྱུད་ རིམ་ ཁྲོད་ ཅང་ ཚོགས་ པས་ འགུལ་ སྐྱོད་ གང་ འདྲ་ བྱེད་ རྒྱུ་ ཡིན་ མིན་ ཚོད་ དཔག་ བྱེད་ དཀའ་ བའི་ གནད་ དོན་ ཞིག་ ཏུ་ གྱུར་ ཡོད།
འདིས་ གནས་ བབ་ སྤྱི་ ཡོངས་ ལ་ སྔར་ ལས་ ཉེན་ ཁ་ དང་ ངེས་ གཏན་ མེད་ པའི་ རྒྱུ་ རྐྱེན་ མང་ པོ་ བསྐྲུན་ ཡོད། སྔོན་ ཆད་ ཅང་ ཚོགས་ པས་ ཐེངས་
༣ ལ་ ཧུའུ་ ཅིན་ ཐའོ་ ལྐོག་ གསོད་ བྱེད་ རྩིས་ དང་ ། ཐེངས་ ༢ ལ་ ཞི་ ཅིན་ ཕིན་ ལྐོག་ གསོད་ བྱེད་ རྩིས་ བྱས་ ཡོད་ ཀྱང་ ལེགས་ འགྲུབ་ བྱུང་ མེད།
འོན་ ཀྱང་ ། ཅང་ ཚོགས་ པའི་ ལྐོག་ གསོད་ ཀྱི་ དམིགས་ འབེན་ དེར་ ནམ་ ནམ་ ཞར་ ཞར་ ལ་ ལྷ་ མོ་ འོད་ ཟེར་ ཅན་ མས་ ཞལ་ གཟིགས་ དང་ མགོན་ སྐྱབས་ གནང་ མི་ སྲིད་ སྟབས།
ནམ་ ཞིག་ ཅང་ ཚོགས་ ཀྱི་ འགུལ་ སྐྱོད་ ཅིག་ ལམ་ ལྷོངས་ བྱུང་ བ་ ཡིན་ ན། ཞི་ ཚོགས་ པ་ རྩ་ མེད་ དུ་ འགྲོ་ བའི་ ཆག་ སྒོ་ ཆེན་ པོ་ ཞིག་ རེད།
དེའི་ ཕྱིར་ ལི་ ཁེ་ ཆིང་ ཐད་ ཀར་ ཞི་ ཅིན་ ཕིན་ གྱི་ རྒྱུན་ འཛིན་ པའི་ གོ་ གནས་ སུ་ བཀོད་ སྒྲིག་ བྱས་ ཏེ། ཞི་ ཚོགས་ པའི་ འབྱུང་ འགྱུར་ གྱི་ ཉེན་ ཁ་ ཆེ་ བའི་ གནས་ བབ་ ཆུང་ ཕྲ་ ནས་ འགུལ་ སྐྱོད་ གྲ་ སྒྲིག་ བྱས་ ཡོད།
དེ་ ཡིས་ ཞི་ ཚོགས་ པས་ ཆེས་ སྡུག་ ས་ ནས་ གྲ་ སྒྲིག་ བྱས་ ཟིན་ པ་ མཚོན་ གྱི་ ཡོད།
ཅང་ ཚོགས་ ཀྱི་ དཔོན་ རིགས་ པའོ་ ཞི་ ལེ་ ལ་ ཚེ་ བཙོན་ གྱི་ ཁྲིམས་ ཐག་ བཅད་ ཡོད་ སྟབས།
པའོ་ ཡི་ ནག་ ཉེས་ ལས་ ལྡབ་ འགྱུར་ གྱིས་ ཚབས་ ཆེ་ བའི་ ཀྲུའུ་ ཡོང་ ཁཱང་ གི་ ནག་ ཉེས་ དེར་ སྲོག་ ཁྲིམས་ གཅོད་ སྲིད།
དེས་ ན་ ཀྲུའུ་ ཡི་ རྒྱབ་ ལོགས་ སུ་ ཡོད་ པའི་ ཅང་ ཙེ་ མེན་ དང་ ཙིན་ ཆིན་ ཧོང་ གཉིས་ ལ་ ག་ རེ་ བྱེད་ དམ།
རྒྱ་ གཞུང་ གི་ ཉེས་ ཁྲིམས་ ཚད་ གཞི་ ལྟར་ བྱས་ ན་ སྔ་ ས་ ནས་ སྲོག་ ཁྲིམས་ གཅོད་ པའི་ གནས་ སུ་ བསླེབས་ ཟིན།
ཅང་ ཙེ་ མེན་ ལ་ མཚོན་ ནས་ བཤད་ ན། ཞི་ ཅིན་ ཕིན་ དང་ དབང་ ཆ་ རྩོད་ ལེན་ བྱེད་ པ་ དེ་ ཤི་ གསོན་ གྱི་ འཐབ་ འཛིང་ ཞིག་ ཡིན་ སྟབས། གལ་ སྲིད་ འཐབ་ འཛིང་ ལས་ རྣམ་ པར་ རྒྱལ་ ཐུབ་ ཚེ།
ཁོ་ ཚོས་ ལྐོག་ གསོད་ དང་ སྲིད་ བསྒྱུར། དཔལ་ འབྱོར་ འཇིག་ ཉེན་ གྱིས་ སྤྱི་ ཚོགས་ ལ་ ཟང་ ཟིང་ སློང་ བ་ སོགས་ ཇུས་ ངན་ ག་ རེ་ ཡིན་ ནའང་ ལག་ བསྟར་ བྱེད་ སྲིད།
ཡིན་ ནའང་ ། ཞི་ ཅིན་ ཕིན་ ཚོགས་ པར་ མཚོན་ ན། ད་ ལྟའི་ གནས་ བབ་ དེ་ མེ་ ཆུ་ ལྟར་ མཐུན་ ཐབས་ མེད་ པའི་ ཚབས་ ཆེན་ རང་ བཞིན་ དུ་ བསླེབ་ མེད་ པ་ འདྲ།
དེ་ བས་ མུ་ མཐུད་ དུ་ གོམ་ རེའི་ མཚམས་ སུ་ སྒར་ རེ་ བཏབས་ ཏེ་ ཕར་ རྒོལ་ འགོག་ སྲུང་ གི་ ཐབས་ ཇུས་ ལག་ བསྟར་ བྱེད་ ཀྱི་ ཡོད་ པ་ ལས། ཆེད་ དམིགས་ ཀྱིས་ ཅང་ ཚོགས་ ཀྱི་ ཉེས་ དོན་ ལ་ ཕྱོགས་ ཡོངས་ ནས་ ཞིབ་ རྩིས་ བརྒྱབ་ མེད།
ཞི་ ཅིན་ ཕིན་ ཚོགས་ པར་ མཚོན་ ནས་ བཤད་ ན། པའོ་ ཞེ་ ལེ་ ཡི་ སྔོན་ བཤད་ ཕྱི་ འགྱུར་ གྱི་ ཁྲིམས་ རའི་ བྱ་ སྤྱོད་ དང་ །
ཁྲིན་ ཀང་ པོའོ་ ཡི་ དགོད་ བྲོ་ བའི་ ཟློས་ གར། རྒྱུ་ དངོས་ ཕྱི་ ཉར་ གྱི་ གནད་ དོན་ སོགས་ ཚུད་ པའི་ ཅང་ ཚོགས་ ཀྱི་ རང་ སྲོག་ བློས་ གཏོང་ གི་ འགུལ་ སྐྱོད་ དེ་ དག་ ལ་ འགྲེལ་ བརྗོད་ བྱེད་ ཐབས་ མེད།
གང་ ཡིན་ ཟེར་ ན། ཁོ་ ཚོ་ ཅང་ ཚོགས་ པའི་ ཕྱོགས་ སུ་ ལངས་ ཏེ་ གནད་ དོན་ ལ་ བསམ་ གཞིག་ བྱས་ མེད་ པས་ རེད།
ནག་ ཉེས་ ཚབས་ ཆེན་ བསགས་ པའི་ ཚོགས་ པ་ ཞིག་ ཡིན་ པའི་ ཆ་ ནས་ ཅང་ ཚོགས་ ཀྱི་ དབང་ ཆ་ མེད་ པར་ གྱུར་ ཚེ།
དབང་ ཆ་ སྒེར་ སྤྱོད་ ཀྱིས་ ནག་ ཉེས་ འགེབ་ སྲུང་ བྱེད་ ཐབས་ མེད་ པར་ ཕྱོགས་ གཏོགས་ པ་ ཚང་ མ་ འཇིགས་ སྐྲག་ གི་ ཁྲོད་ འཚོ་ དགོས།
གནས་ བབ་ དེ་ ཁོ་ ཚོ་ ཐད་ ཀར་ དམར་ གསོད་ བཏང་ བ་ ལས་ ཀྱང་ གཟོད་ དཀའ་ བ་ ཞིག་ ཡིན་ སྟབས། ཞི་ ཅིན་ ཕིན་ ཚོགས་ པས་ སྲིད་ དབང་ འཛིན་ པའི་ ནུས་ པ་ ཇི་ ལྟར་ མངོན་ གསལ་ དང་ རྒྱ་ སྐྱེད་ པ་ ཡིན་ ན།
ཅང་ ཚོགས་ པར་ དེ་ ལྟར་ དབང་ ཆ་ ཤོར་ བཞིན་ པའི་ ཚོར་ བ་ ཤུགས་ དྲག་ གིས་ བསླེབས་ ཏེ།
ཐབས་ ཇུས་ སྣ་ ཚོགས་ ཀྱིས་ ཞི་ ཅིན་ ཕིན་ ཚོགས་ པ་ ཕམ་ པར་ རྒྱག་ པའི་ ཧམ་ སེམས་ ཆེ་ རུ་ འགྲོ་ བཞིན་ ཡོད།
ཞི་ དང་ ཅང་ ཚོགས་ པ་ བར་ གྱི་ ཤི་ གསོན་ འཐབ་ འཛིང་ དེ་ འདྲ་ མཉམ་ མིན་ པའི་ ཆབ་ སྲིད་ ཀྱི་ དབང་ ཆའི་ འཐབ་ རྩོད་ ཅིག་ ཆགས་ ཡོད།
ཞི་ ཅིན་ ཕིན་ ཚོགས་ པས་ ཆབ་ སྲིད་ ཐད་ ཅང་ ཚོགས་ ལ་ སྟབས་ བསྟུན་ མི་ དགོས་ པའི་ རང་ སྐྱ་ འཕེལ་ བ་ ཞིག་ བྱེད་ འདོད་ ཀྱི་ ཡོད་ ཀྱང་ །
ཅང་ ཙེ་ མེན་ ཚོགས་ པས་ ཞི་ ཚོགས་ པ་ ནི་ ཤི་ གསོན་ གྱི་ འགག་ རྩར་ ཐུག་ པའི་ སྟོབས་ ཤུགས་ ཐ་ དད་ པ་ ཞིག་ ཡིན་ སྟབས་ ངེས་ པར་ དུ་ མེད་ པ་ བཟོ་ དགོས་ པ་ ཞིག་ ཏུ་ སེམས་ ཀྱི་ ཡོད།
འདི་ ནི་ ཅིའི་ ཕྱིར་ ཅང་ དང་ ཞི་ ཡི་ འཐབ་ རྩོད་ དེ་ གཅིག་ ལྷོད་ གཅིག་ དམ་ དང་ འགལ་ རྐྱེན་ མང་ བའི་ རྒྱུ་ རྐྱེན་ རེད།
ཅང་ ཚོགས་ པས་ རྒྱུན་ མི་ ཆད་ པར་ དུད་ མདའ་ འཕངས་ ཏེ་ ཞི་ ཚོགས་ པ་ སྦྲིད་ དུ་ འཇུག་ གི་ ཡོད་ ལ།
ལྷག་ པར་ དུ་ རྒྱབ་ སྐྱོར་ སྲོག་ ཤིང་ དུ་ འཛིན་ པ་ དང་ ལྐོག་ ཟ་ རུལ་ སུངས་ ལ་ རྒོལ་ རྡུང་ གཏོང་ བ།
སྲིད་ དབང་ ལ་ གཏོར་ བཤིག་ གཏོང་ བར་ འགོག་ རྒོལ་ བྱེད་ པ་ སོགས་ ནི་ ཅང་ ཙེ་ མེན་ ཚོགས་ པས་ དུད་ མདའ་ འཕེན་ ས་ གཙོ་ བོ་ རེད།
གང་ ལྟར་ ཞི་ ཅིན་ ཕིན་ ཚོགས་ པས་ སྟག་ རྒན་ གྱི་ རྔ་ མ་ ནས་ འཇུས་ ཚར་ སྟབས། ཅང་ ཚོགས་ པ་ ལྟ་ བུའི་ མི་ ཤ་ ཟ་ མྱོང་ བའི་ སྟག་ རྒན་ ཞིག་ གི་ རྔ་ མ་ ནས་ འཇུ་ བ་ ཕར་ ཞོག་ རག་ པ་ ཙམ་ གྱིས་ ཁྱོད་ ཤི་ ང་ གསོན་ གྱི་ དམར་ འཛིང་ བྱེད་ དགོས། སུ་ ཞིག་ གིས་ སྟག་ རྒན་ རྔོན་ རྒྱུ་ ཡིན་ ཟེར་ ན་ དེ་ གསོན་ འཆའ་ བྱེད་ པར་ དུས་ ཡུན་ རིང་ པོ་ མི་ དགོས། ག་ དུས་ ཞི་ ཅིན་ ཕིན་ ཚོགས་ པས་ འཛེམས་ ཟོན་ མེད་ པར་ ཅང་ ཚོགས་ ཀྱི་ ནག་ ཉེས་ ཐེར་ འདོན་ བྱས་ ན།
དེ་ དུས་ ཅང་ དང་ ཞི་ ཡིས་ ཁྱོད་ ཤི་ ང་ གསོན་ གྱི་ འཐབ་ འཛིང་ བྱེད་ པའི་ མཐོ་ རླབས་ སུ་ བསླེབས་ པ་ རེད།
མ་ རྩོམ། http://www.epochtimes.com/gb/14/2/3/n4074308.htm
ཡུ་ གུར་ བའི་ སློབ་ དཔོན་ ཆེན་ མོ་ ཨེ་ ཧམ་ ཊོ་ ཊི་ འཇུ་ བཟུང་ །
འདོན་སྤེལ། ༢༠༡༤/༠༡/༡༧
གཟའ་ ལྷག་ པའི་ ཉིན་ གྱི་ ཕྱི་ དྲོ།
རྒྱ་ གཞུང་ གིས་ ཀྲུང་ དབྱང་ མི་ རིགས་ སློབ་ ཆེན་ གྱི་ ཡུ་ གུར་ བའི་ སློབ་ དཔོན་ ཆེན་ མོ་ ཨེ་ ཧམ་ ཊོ་ ཊི་ ལགས་ དང་ སློབ་ མ་
༥ འཛིན་ བཟུང་ བྱས་ ཏེ། ད་ ཆར་ གར་ ཡོད་ མ་ ཤེས་ པར་ ལྷག་ ཡོད་ འདུག
ཟླ་ འདིའི་ ཕྱི་ ཚེས་
༡༥ ཉིན་ གྱི་ ཕྱི་ དྲོའི་ ཆུ་ ཚོད་ ༣།༣༠ ཙམ་ ལ། རྒྱ་ གཞུང་ ཉེན་ རྟོག་ པ་ ༣༠
ཙམ་ གྱིས་ ཀྲུང་ དབྱང་ མི་ རིགས་ སློབ་ ཆེན་ གྱི་ དཔལ་ འབྱོར་ རིག་ པའི་ སློབ་ དཔོན་ ཡུ་ གུར་ བ་ ཨེ་ ཧམ་ ཊོ་ ཊི
(Ilham Tohti )
ལགས་ རང་ ཁྱིམ་ ནས་ འཛིན་ བཟུང་ བྱས་ ཏེ་ གར་ ཡོད་ ཅི་ བྱུང་ མེད་ པར་ གྱུར་ ཡོད་ པ་ མ་ ཟད།
ཁྱིམ་ ལ་ སྔོག་ བཤེར་ བྱས་ ཏེ་ གློག་ ཀླད་ དང་ ཁ་ པར། འོད་ སྡེར།
ཡིག་ ཆ་ སོགས་ བཙན་ འཁྱེར་ བྱས་ འདུག་ ལ།
ཉིན་ དེར་ ཀྲུང་ དབྱང་ མི་ རིགས་ སློབ་ ཆེན་ འགྲིམ་ བཞིན་ པའི་ ཡུ་ གུར་ སློབ་ མ་ བུ་ ༥
དང་ བུ་ མོ་ ༢ བཅས་ འཛིན་ བཟུང་ བྱས་ ཡོད་ པ་ དང་ ། དགོང་ མོ་ དེར་ བུ་ མོ་ ༢
ཀློད་ གྲོལ་ བཏང་ ཡོད་ ཀྱང་ ། གཞན་ རྣམས་ ཀྱི་ གནས་ ཚུལ་ ཤེས་ རྟོགས་ མ་ ཐུབ་ པར་ ལྷག་ ཡོད་ འདུག
ཨེ་ ཧམ་ ཊོ་ ཊི་ ཡི་ བཟའ་ ཟླ་ ཀོའུ་ ཙེ་ ལི་ ལགས་ ཀྱིས་ གསར་ འགྱུར་ བརྒྱུད་ ལམ་ དུ་ བརྗོད་ པ་ ལྟར་ ན།
ཉིན་ དེར་ ཁོ་ མོ་ རང་ ཁྱིམ་ དུ་ བསླེབས་ སྐབས། ཁྱིམ་ དུ་ ལོ་ ༧ དང་ ༤
ལ་ སོན་ པའི་ བུ་ ཆུང་ གཉིས་ ལས་ མེད་ པ་ དང་ །
ཉེན་ རྟོག་ པ་ སུམ་ ཅུ་ བཞི་ ཅུ་ ཞིག་ གིས་ ཁྱིམ་ ཡོངས་ སུ་ སྔོག་ བཤེར་ བྱས་ པ་ དང་ །
ཁོ་ མོའི་ ལག་ འཁྱེར་ ཁ་ པར་ སོགས་ ཁ་ པར་ ༣ དང་ གློག་ ཀླད་ ༤ ། འོད་ སྡེར།
ཁྱོ་ གའི་ ཡིག་ ཆ་ ཁག སློབ་ མའི་ རྒྱུགས་ ཤོག དངུལ་ སྒམ་ སོགས་ བཙན་ འཁྱེར་ བྱས་ ཡོད་ པ་ མ་ ཟད།
ཉིན་ དེར་ ཨེ་ ཧམ་ ཊོ་ ཊིའི་ ལོ་ ༧༠ ལོན་ པའི་ ཨ་ མའང་ ཆུ་ ཚོད་ ༡༠
ཙམ་ གྱི་ རིང་ ཉེན་ རྟོག་ པས་ མགོ་ སྐོར་ འོག་ བཀག་ ཉར་ བྱས་ ཡོད་ པ་ དང་ །
ད་ ལྟའི་ ཆར་ རྒྱ་ གཞུང་ གིས་ ཉེན་ རྟོག་ པ་ ཆེད་ གཏོང་ གིས་ ཁྱིམ་ མི་ ཚོའི་ འགྲོ་ འདུག་ ལ་ ལྟ་ རྟོག་ ནན་ མོ་ བྱེད་ བཞིན་ ཡོད་ འདུག
པེ་ ཅིན་ དུ་ གནས་ སྡོད་ བོད་ རིགས་ བུད་ མེད་ རྩོམ་ པ་ པོ་ ཚེ་ རིང་ འོད་ ཟེར་ ལགས་ ཀྱིས།
ཉིན་ ༨
ཀྱི་ གོང་ དུ་ ཁོང་ མོ་ དང་ ཝང་ ལི་ ཞོང་ གཉིས་ ཨེ་ ཧམ་ ཊོ་ ཊི་ ལགས་ ལ་ ལྟ་ རུ་ ཕྱིན་ སྐབས།
ཨེ་ ཧམ་ ཊོ་ ཊི་ ལགས་ ཀྱིས་ འདས་ ལོའི་ ཕྱི་ ཟླ་ ༡༡ ཚེས་ ༢
ཉིན་ སྒེར་ གྱི་ རླངས་ འཁོར་ བཏང་ ནས་ བཟའ་ མི་ ཚང་ མ་ གནམ་ གྲུ་ ཐང་ དུ་ ཨ་ མ་ བསུ་ བར་ འགྲོ་ སྐབས།
ཉེན་ རྟོག་ པས་ རྗེས་ འདེད་ བྱས་ ཏེ་ བསམ་ བཞིན་ དུ་ ཁོ་ བོའི་ རླངས་ འཁོར་ ལ་ བརྡབ་ སྐྱོན་ བཏང་ བ་ མ་ ཟད།
ཉེན་ རྟོག་ པས་ ཁོང་ གི་ ཁྱིམ་ མི་ ཚང་ མ་ གསོད་ འདོད་ པ་ ཡིན་ ཞེས་ བརྗོད་ ཡོད་ ལུགས་ དང་ །
གོ་ ཐོས་ ལྟར་ ན་ ཤིན་ ཅང་ ཉེན་ རྟོག་ པས་ པེ་ ཅིན་ ཉེན་ རྟོག་ ཁང་ ལ་ ཁོང་ འཛིན་ བཟུང་ བྱེད་ དགོས་ པའི་ རེ་ སྐུལ་ བྱས་ ཡོད་ ཀྱང་ །
པེ་ ཅིན་ ཉེན་ རྟོག་ ཁང་ གིས་ བརྡ་ ལན་ སྤྲད་ མེད་ ཚུལ་ སོགས་ འགྲེལ་ བརྗོད་ བྱས་ ཡོད་ སྐོར་ བརྗོད་ འདུག
ཁ་ སང་ རྒྱ་ ནག་ གི་ ཕྱི་ འབྲེལ་ མགྲིན་ ཚབ་ པ་ ཧོང་ ལི་ ཡིས་ གསར་ འགོད་ ལྷན་ ཚོགས་ ཤིག་ གི་ ཐོག
།
ཨེ་ ཧམ་ ཊོ་ ཊི་ ལགས་ ཀྱིས་ ཁྲིམས་ འགལ་ གྱི་ བྱ་ སྤྱོད་ སྤེལ་ ཡོད་ པའི་ དོགས་ གཞིའི་ འོག་ ཉེན་ རྟོག་ པས་ འཛིན་ བཟུང་ བྱས་ ཏེ།
འབྲེལ་ ཡོད་ ལས་ ཁུངས་ ནས་ ཁྲིམས་ ལྟར་ འདྲི་ གཅོད་ བྱ་ རྒྱུ་ ཡིན་ ལུགས་ བརྗོད་ ཡོད་ འདུག
དེ་ རིང་ ཨ་ རིའི་ རྒྱལ་ སྲིད་ སྤྱི་ ཁྱབ་ ཁང་ གི་ མགྲིན་ ཚབ་ པ་ ཇན་ སཱ་ ཁེ་ ལགས་ ཀྱིས།
རྒྱ་ གཞུང་ གིས་ ཨེ་ ཧམ་ ཊོ་ ཊི་ ལགས་ དང་ སློབ་ མ་ ཚོའི་ གནས་ ཚུལ་ འཕྲལ་ དུ་ ཕྱིར་ བསྒྲགས་ བྱེད་ དགོས་ པ་ མ་ ཟད།
རྒྱལ་ སྤྱིའི་ འགྲོ་ བ་ མིའི་ ཐོབ་ ཐང་ གི་ སྨྲ་ བརྗོད་ རང་ དབང་ སོགས་ ཁོ་ ཚོས་ ལོངས་ སུ་ སྤྱོད་ ཐུབ་ པར་ ཁག་ ཐེག་ བྱེད་ དགོས་ པའི་ འབོད་ སྐུལ་ དང་ །
ཞི་ བའི་ ཐབས་ ལམ་ ལ་ བརྟེན་ ནས་ རྒྱ་ གཞུང་ གི་ སྲིད་ བྱུས་ དང་ བྱ་ སྤྱོད་ ལ་ ངོ་ རྒོལ་ བྱེད་ མཁན་ གྱི་ ཁྲིམས་ རྩོད་ པ་ དང་ སྤྱི་ ཚོགས་ ལས་ འགུལ་ བ།
གསར་ འགོད་ པ་ སོགས་ འཛིན་ བཟུང་ བཀག་ ཉར་ བྱེད་ བཞིན་ པར་ སེམས་ འཚབ་ ཆེན་ པོ་ ཡོད་ ལུགས་ བརྗོད་ འདུག
དེ་ བཞིན། འཛམ་ གླིང་ ཡུ་ གུར་ མི་ རིགས་ མཐུན་ ཚོགས་ ཀྱིས་ ཀྱང་ །
ཨེ་ ཧམ་ ཊོ་ ཊི་ ལགས་ དང་ ཁོང་ གི་ ཁྱིམ་ མིའི་ བདེ་ འཇགས་ ཐད་ སེམས་ ཁྲལ་ ཆེན་ པོ་ ཡོད་ པ་ དང་ །
རྒྱལ་ སྤྱིའི་ སྤྱི་ ཚོགས་ ཀྱིས་ རྒྱ་ གཞུང་ ལ་ ཁོང་ གི་ གནས་ ཚུལ་ གསལ་ བོ་ བཟོ་ བར་ ཛ་ དྲག་ གི་ སྐུལ་ མ་ བྱེད་ དགོས་ པའི་ འབོད་ སྐུལ་ བྱས་ འདུག
ཨེ་
ཧམ་ ཊོ་ ཊི་ ལགས་ ནི། ༡༩༦༩ ལོ
གལ་ ཏེ་ ཁྱེད་ ཀྱིས་ རྒྱ་ ནག་ གི་ རླུང་ ཁམས་ འབགས་ བཙོག་ ཡིན་ པ་ ཤེས་ ན།
འདོན་སྤེལ། ༢༠༡༣/༡༡/༡༩
གྲ་ མན་ མ་ ཡིས་ བརྩམས། དོན་ གྲུབ་ ཀྱིས་ བསྒྱུར།
རྒྱ་ ནག་ ནང་ ལྟ་ སྐོར་དུ་ སྐྱོད་ མཁན་ ཞིག་ ཡིན་ ན།
རྒྱ་ ནག་ གི་ མགྲོན་ ཁང་ ནང་ འཛུལ་ མ་ ཐག་ ཆུའི་ དཀའ་ ངལ་ གང་ འདྲ་ ཡོད་ མེད་ ཤེས་ ཐུབ་ ཅིང་ །
འབགས་ བཙོག་ ཏུ་ གྱུར་ བའི་ གཙང་ ཆུའི་ དྲི་ ངན་ དེ་ དག་ གིས་ ཁྱེད་ ཀྱི་ རྣ་ བའི་ བུ་ ག་ འགོག་ ངེས་ ཡིན ། ཁྱེད་ ཀྱི་ སྐོམ་ པ་ སེལ་ འདོད་ དམ། ཆུ་ ཁའི་ ཆུ་ འཐུང་ རུང་ བ་ ཞིག་ ཡིན་ ནམ། ཁྱོད་ རང་ གཏེར་ ཆུར་ ཡིད་ ཆེས་ ཡོད་ དམ།
དེར་ རྒྱ་ ནག་ མང་ ཚོགས་ ཚོས་ ཡིད་ ཆེས་ བྱེད་ ཀྱི་< མེད། སོ་ བཀྲུ་ བྱེད་ ཀྱི་ ཆུའི་ སྤུས་ ཚད་ གང་ འདྲ་ འདུག་ གམ།
ཕྱི་ ལོ་ ༢༠༡༡
ལོར་ རྒྱ་ གཞུང་ གིས་ ཆུའི་ སྤུས་ ཚད་ ཐད་ རྟོག་ ཞིབ་ བྱེད་ སྐབས་ རྒྱ་ ནག་ ནང་ ཡོད་ པའི་ ཆུའི་ ཐོན་ ཁུངས་ ཏེ།
མཚོ་ དང་ ཆུ་ མཛོད་ ཆེ་ ཁག་ གི་ ཆུ་ མིས་ བཏུང་ བ་ ཡིན་ ན་ ལུས་ ཟུང་ ལ་ ཉེན་ ཁ་ ཡོད་ པ་ ཤེས་ རྟོག་ བྱུང་ ཡོད ། དེ་ དང་ ཆབས་ གཅིག་ ཡུལ་ མི་ ཚོར་ བཀོལ་ སྤྱོད་ དུ་ གཏོང་ བཞིན་ པའི་ ས་ གནས་ ཁག་ མི་ འདྲ་ བ་ ༤༧༠༠ ཙམ་ གྱི་ ཆུ་ ལ་ བརྟག་ དཔྱད ་ གཏོང་ སྐབས་ ། བརྒྱ་ ཆ་ ༥།༣ ཙམ་ ལ་ ཉེན་ ཁ་ ཡོད་ པ་ འམ།
ཡང་ ན་ འབྱུང་ གྱུར་ ཉེན་ ཁ་ ཆགས་ སྲིད་ པའི་ མཇུག་ འབྲས་ ཐོན་ ཡོད། རྒྱ ལ་ སྤྱིའི་ སྒྲིག་ སྲོལ་ གཞིར་ བཟུང་ བྱས ་ ན།
ད་ དུང་ རྒྱ་ ནག་ གི་ གྲོང་ གསེབ་ མང་ པོའི་ ནང་ འཐུང་ ཆུར་ དཀའ་ ངལ་ འ ཕྲད་ བཞིན་ ཡོད་ པ་ མིག་< མཐོང་ ལག་ ཟིན་ ཡིན།
དུས་ རབས་ ཉེར་ གཅིག་ པའི་ ནང་ འཕུར་ མཆོངས་ ལྟར་ དཔལ་ འབྱོར་ འཕེལ་ རྒྱས་ འགྲོ་ བཞིན་ པའི་ རྒྱ་ ནག་ ནི།
ཕྱོགས་ གང་ ཐད་ ནས་ འཛམ་ གླིང་ རྒྱལ་ ཁབ་ ཁག་ དང་ དཔུང་ པ་ མཉམ་ གཤིབ ་ ཀྱིས་ འ གྲོ་ འོང་ བྱེད་ མཁན་ སྟོབས་ ཆེན་ རྒྱལ་ ཁབ་ ཅིག་ ཆགས་ ཡོད་ ཀྱང་ །
འཐུང་ ཆུའི་ གནད་ དོན་ ཐད་ ཡར་ ཐོན་ རྒྱལ་ ཁབ་ ཁག་ དང་ བསྡུར་ ན་ ད་ དུང་ རྗེས་ ལུས་ ཐེབས་ ཡོད།
དེ་ ནི་ རྒྱ་ ནག་ མི་ མང་ དང་ ཆབ་ སྲིད་ པ་ ཚོས་ ཁོར་ ཡུག་ དོ་ དམ་ སྲིད་ བྱུས་ གུ་ ཡངས་ ཡིན་ སྟབས། མཇུག་ འབྲས་ དེ་ ལྟར་ བྱུང་ བ་ རེད་ ཅེས་ ཉེས་ འཛུགས་ བྱེད་ བཞིན་ ཡོད ། ཡིན་ ཡང་ །
དེ་ ནི་ དོན་ དངོས་ ཤིག་ མིན། གང་ ཡིན་ ཞེ་ ན། ད་ ལྟ་ འ ཕྲད་ བཞིན་ པའི་ ཆུའི་ དཀའ་ ངལ་ དེ་ ནི ། རྒྱ་ ནག་ ནང་ ཆུ་ མེད་ པ་ ལས་ བྱུང་ བ་ ཞིག་ ལས་ ལམ་ ལུགས་ ཀྱིས་ བཟོས་ པ འི་ དཀའ་ ངལ་ ཞིག་ མིན། རྒྱ་ ནག་ ནང་ བཟོ་ གྲྭ་ ཆེ་ ཆུང་ མང་ པོ་ ཞིག་ ཆར་ རྗེས་ ཀྱི་ མྱུ་ གུ་ འབུས་ པ་ ལྟར་ ཇེ་ མང་ ཇེ་ རྒྱས་ སུ་ འགྲོ་ བཞིན་ ཡོད་ པའི་ སྐབས་ འདིར། མང་ ཚོགས་ ཀྱི་ འཐུང་ ཆུའི་ དཀའ་ ངལ་ སེལ་ རྒྱུ་ ནི་ དཀའ་ ཚེགས་ ཆེ་ ཤོས་ ཤིག་ ཏུ་ གྱུར་ ཡོད།
རྒྱ་ ནག་ ནང་ འཛམ་ གླིང་ གི་ འཐུང་ ཆུ་ དྭངས་ གཙང་ ལྷད་ མེད་ བརྒྱ་ ཆ་ ༧ ལས་ མེད་ ཀྱང་ ། དེ་ མང་ ཚོགས་ བརྒྱ་ ཆ་ ༢༠ ཙམ་ ལ་ མཁོ་ གཏོང་ གིས་ འཚོ་ བ་ སྐྱེལ་ གྱི་ ཡོད།
ད་ ལྟ་ རྒྱ་ ནག་ ནང་ གི་ རང་ བྱུང་ ཐོན་ ཁུངས་ ཚད་ སྙོམ་ པོ་ མེད་ ཀྱང་ ། མི་ མང་ ཕོན་ ཆེན་ པོ་ གཅིག་ རྗེས་ གཉིས་ མཐུད་ དུ་ གྲོང་ ཁྱེར་ ཁག་ ནང་ གནས་ སྤོས་ ཀྱིས་ མི་ འབོར་ འཕེལ་ རྒྱས་ ཆེན་ པོ་ འགྲོ་ བཞིན་ ཡོད། ད་ དུང་ ། ཉིན་ རེ ་ བཞིན་ ཇེ་ མང་ དུ་ འགྲོ་ བཞིན་ པའི་ མཁའ་ སྙེག་ ཁང་ རྩེག་ དག་ ལ་ ཆུ་ དང་ གློག དེ་ མིན་ མཐུན་ རྐྱེན་ འདྲ་ མིན ་ སྦྱོར་ དགོས་ ཀྱི་ ཡོད་ ཅིང་ །
དེ་ དག་ ལས་ ཐོན་ པའི་ འབགས་ བཙོག་ གིས་ རང་ བྱུང་ ཁོར་ ཡུག་ ཁག་ ལ་ གནོད་ ཚབས་ ཆེན་ པོ་ བཟོ་ བཞིན་ ཡོད།
གསར་ སྐྲུན་ བྱས་ པའི་ བཀོད་ ལེགས་ ཁང ་ རྩེག་ དང་ གློག་ ཁང་ ཁག་ ལས་ ཐོན་ པའི་ འབགས་ བཙོག་ ཡོངས་ རྫོགས་ གཙང་ པོར་ འདྲེས་ ཏེ ་ ཆུའི་ ཐོན་ ཁུངས་ ཁག་ བཙོག་ པ་ བཟོ་ བཞིན་ ཡོད།
རྒྱ་ ནག་ གི་ ཆུའི་ འབྱུང་ ཁུངས་ ལྟེ་ བ་ གཉིས་ ཏེ ་ རྨ་ ཆུ་ དང་ འབྲི་ ཆུ་ གཉིས་ ཡིན་ ཡང་ ། ད་ ལྟ་ དེ་ དག་ ལ འང ་ དཀའ་ ངལ་ འ ཕྲད་ བཞིན་ ཡོད། ཆུ་ བོ་ འདི་ གཉིས་ ནུབ་ ནས་ ཤར་ དུ་ བ རྒྱུག ས ་ ཏེ་ རྒྱལ་ ནང་ གི་ བཟོ་ གྲྭ་ ཆེ་ ཁག་ ནང་ བཀོལ་ སྤྱོད་ བྱེད་ ཀྱི་ ཡོད་ སྟབས། མི་ འབོར་ མང་ བའི་ མཚོ་ འགྲམ་ གྱི་ གྲོང་ ཁྱེར་ ཁག་ ནང་ སླེབས་ སྐབས་ འཐུང་ ཆུར་ འོས་ མིན་ རྟག་ དཔྱད་ ལེགས་ པོ་ བྱེད་ དགོས་ པ་ ཆགས་ ཡོད།
འཐུང་ ཆུའི་ དཀའ་ ངལ་ དེ་ ནི་ རྒྱ་ ནག་ ཙམ་ མ་ ཟད ། རྒྱ་ ནག་ གི་ ཁྱིམ་ མཚེས་ རྒྱལ་ ཁབ་ ཁག་ ནང་ འ ཕྲད་ ཀྱི་ ཡོད་ སྟབས། འཛམ་ གླིང་ ཐོག་ གཙང་ པོ་ རིང་ ཤོས་ གྲས་ ཡིན་ པ་ རྫ་ ཆུ་ དེ་ ལྷོ་ ཤར་ ཨེ་ ཤ་ ཡའི་ རྒྱལ་ ཁབ་ ཁག་ ནང་ ཐུན་ མོང་ དུ་ བཀོལ་ སྤྱོད་ བྱེད་ ཕྱོགས ་ ཐོག་ དེ་ ཁུལ་ རྒྱལ་ ཁབ་ ཁག་ གིས་ བློ་ འཚབ་ བྱེད་ བཞིན་ ཡོད།
རྫ་ ཆུ་ ནི་ རྒྱ་ ནག་ ལྷོ་ ནུབ་ ཞིང་ ཆེན་ ཡུན་ ནན་ བརྒྱུད་ ལྷོ་ ཤར་ ཨེ་ ཤ་ ཡའི་ རྒྱལ་ ཁབ་ ཁག་ ནང་ བཞུར་ བཞིན་ ཡོད།
གཙང་ པོ་ གཞན་ དག་ ལྟར་ རྫ་ ཆུ་ ནི་ རྒྱལ་ དམངས་ གཉིས་ ཀ་ ཕྱུ ག་ འ གྱུར་ གྱི་ ལམ་ དུ་ འ ཁྲིད་ མཁན་ ཚོང་ འབྲེལ་ ཟམ་ པ་ ལྟ་ བུ་ ཞིག་ ཆགས་ ཡོད།
ཉེ་ ཆར་ རྒྱ་ གཞུང་ གིས་ དཔལ་ འབྱོར་ འཕེལ་ རྒྱས་ དལ་ བའི་ ལྷོ་ ནུབ་ མངའ་ སྡེ་ ཁག་ ཡར་ རྒྱས་ གཏོང་ ཆེད་ རྫ་ ཆུའི་ ཐོག་ གློག་ ཁང་ མང་ པོ་ གསར་ སྐྲུན་ བྱས་ ཡོད།
དེར་ བརྟེན། ཆུ་ དེ་ བཀོལ་ སྤྱོད་ བྱེད་ བཞིན་ པའི་ ལྷོ་ ཤར་ ཨེ་ ཤ་ ཡའི་ རྒྱལ་ ཁབ་ ཁག་ ནང་ ཆུ་ རྒྱུན་ རིམ་ གྱིས་ ཇེ་ ཉུང་ དུ་ ཕྱིན་ པ་ མ་ ཟད། དེ་ ཁུལ་ གྱི་ ཉ་ ལས་ འཚོ་ བར་ རྟེན་ མཁན་ དག་ གི་ འཕྲོད་ བསྟེན་ དང་ ཆུའི་ བདག་ དབང་ ཐད་ ལ འང ་ དཀའ་ ངལ་ འ ཕྲད་ ཡོད། ཕྱི་ ལོ་ ༢༠༡༠ ལོར་ རྨ་ ཆུའི་ བོངས་ ཚད་ དེ་ ལོ་ ངོ་ ༥༠ རྗེས་ ཀྱི་ གནས་ སྟངས་ སྐྱོ་ ཤོས་ དེ་ ཆགས་ ཡོད་ པར་ བརྟེན།
རྒྱ་ ནག་ དང་ ཁྱིམ་ མཚེས་ རྒྱལ་ ཁབ་ ཁག་ བར་ ཆུའི་ སྐོར་ གྱི་ དམག་ འཁྲུག་ མེ་ ལྕེ་ དེ་ སླར་ ཡང་ འབར་ མགོ་ ཚུགས་ པ་ རེད། ཛ་ དྲག་ རང་ བཞིན་ ལྡན་ པའི་ རྩོད་ རྙོག་ དེ་ སེལ་ ཆེད་ པེ་ ཅིན་ ངོས་ ནས་ དགོས་ མཁོ་ རྒྱ་ སྐྱེད་ དང་ ཐོན་ སྐྱེད་ མཁོ་ གཏོང་ བྱེད་ ཕྱོགས་ ཚད་ འཛིན་ བྱ་ རྒྱུའི་ ཆབ་ སྲིད་ ལངས་ ཕྱོགས་ ཤིག་ ཁྱབ་ བསྒྲགས་ བྱས་ པ་ རེད།
རྒྱ་ གཞུང་ གིས་ “ལྷོ་ ནས་ ནུབ་ ཏུ་ ཁ་ བསྒྱུར་ བ་ ” ཅེས་ པའི་ ཆུའི་ ཐོན་ ཁུངས་ བེད་ སྤྱོད་ བྱེད་ ཕྱོགས་ བཟོ་ གྲྭ་ ཆེན་ པོ་ ཞིག་ མགོ་ འཛུགས་ བྱས་ ཤིང་ ། དེས་ ཆུའི་ ཐོན་ ཁུངས་ བཟང་ བའི་ ལྷོ་ ཕྱོགས་ ནས་ ནུབ་ ཕྱོགས་ ས་ ཁུལ་ ཁག་ ནང་ ཁ་ ཕྱོགས་ བསྒྱུར་ རྒྱུ ས་ མཚོན་ རྙོག་ འཛིང་ ཆེ་ བའི་ ལས་ གྲྭ་ གལ་ ཆེན་ ཞིག་ གཉེར་ གྱི་ ཡོད། རྒྱ་ གཞུང་ གིས་ བ སྒྲུབ་ དཀའ་ བའི་ ལས་ གྲྭ་ དེ་ འདྲ་ ཞིག་ རྩོམ་ གྱི་ ཡོད་ ཀྱང་ །
ཁ་ ཕྱོགས་ བསྒྱུར་ བའི་ ཆུ་ བོ་ དེ་ དག་ རྒྱ་ ནག་ ནུབ་ ཕྱོགས་ གྲོང་ ཁྱེར་ ཁག་ ནང་ སླེབས་ སྐབས ་ འབགས་ བཙོག་ ཐེབས་ ཏེ་ བཀོལ་ སྤྱོད་ གཏོང་ དཀའ་ བར་ འ གྱུར་ གྱི་ ཡོད་ ལ། རྒྱ་ ནག་ ནང་ འ ཕྲད་ བཞིན་ པའི་ ཆུའི་ དཀའ་ ངལ་ ཁག་ སེལ་ རྒྱུ་ དཀའ་ ལས་ ཁག་ པོ་ ཆགས་ ཡོད། དེར་ བརྟེན།
རྒྱ་ གཞུང་ གི་ ངོས་ ནས་ དཀའ་ ངལ་ དེ་ རིགས་ སེལ་ ཆེད་ འཕྲུལ་ རིག་ ཚན་ རྩལ་ འཛུགས་ སྐྲུན་ ཐད་ འགྲོ་ གྲོན་ འབོར་ ཆེ ན ་ གཏོང་ རྒྱུ་ ནི་ དགོས་ མཁོ་ གལ་ ཆེ ན ་ ཞིག་ ཏུ་ གྱུར་ ཡོད། དེ་ ཡང་ ། ཐན་ ཅི ན ་ གྲོང་ ཁྱེར ་ དུ་ ཆུའི་ དཀའ་ ངལ་ སེལ་ ཆེད་ རམ་ འདེགས་ བྱེད་ མཁན་ གཞི་ རྒྱ་ ཆེ་ བའི་ ལས་ གྲྭ་ ཞིག་ གསར་ འཇུགས་ བྱེད་ དགོས།
པེ་ ཅིན་ གྱིས་ ཆུའི་ ཐོན་ ཁུངས་ ཁག་ རྒྱུན་ གནས་ བཀོལ་ སྤྱོད་ ཐུབ་ པར་ ད་ ལྟ་ ཡོད་ བཞིན་ པའི་ ཆུ་ དེ་ དག་ བསྐྱར་ དུ་ བཀོལ་ སྤྱོད་ གཏོང་ ཐུབ་ རྒྱུའི་ བྱ་ ཐབས་ སྤྱད་ དགོས།
དེ་ དང་ ཆབས་ གཅིག་ རྒྱ་ གཞུང་ གི་ གནོན ་ ཤུགས་ འོག་ ཡོད་ པའི་ བཟོ་ གྲྭ་ ཁག་ གིས་ ཆུ་ དོན་ འཕེར་ བཀོལ་ སྤྱོད་ ཐུབ་ པར་ ཐབས་ ལམ་ འཚོལ་ གྱི ན ་ འདུག
ཆབ་ སྲིད་ ཀྱི་ ཉེན་ ཁ་ ཡོད་ པའི་ ཆུའི་ རིན་ གོང་ དེ་ དག་ མང་ ཚོགས་ ནང་ མཁོ་ གཏོང་ བྱས་ པ་ ཡིན་ ན།
མ་ འོངས་ དོ་ དམ་ བྱེད་ ཕྱོགས་ ལ་ དགེ་ མཚན་ ཆེན་ པོ་ ལྡན་ ཡོད། ཡིན་ ཡང་ ། ད་ ལྟ་ འ ཕྲད་ བཞིན་ པའི་ དཀའ་ ངལ་ དེ་ དག་ འཕྲལ་ མར་ སེལ་ རྒྱུ་ དཀའ་ ལས་ ཁག་ པོ་ ཞིག་ ཡིན། གང་ ཡིན་ ཞེ་ ན།
ཚན་ རྩལ་ གྱི་ བྱ་ ཐབས་ ལ་ བརྟེན་ ནས་ རྒྱ་ ནག་ ནང་ གི་ ཆུའི་ དཀའ་ ངལ་ སེལ་ རྒྱུ་ དེ་ འགྲོ་ གྲོན་ ཆེན་ པོ་ དང་ ཕྱོགས་ གང་ ཐད་ ནས་ དཀའ་ ངལ་ ཞིག་ ཆགས་ ཡོད།
གལ་ ཏེ་ རྒྱ་ གཞུང་ གིས་ ལོ་ ངོ་ ༣༠
རིང་ དཔལ་ འབྱོར་ འཕེལ་ རྒྱས་ ཕྱོགས་ སུ་ ཤུགས་ སྣོན་ གྱིས་ འཛམ་ གླིང་ ནང་ ཆེ་ མཐོང་ དང་ མཚན་ སྙན་ བ རྩད་ དེ་ རྒྱལ་ ཁབ་ མང་ པོས་ བསྔགས་ བརྗོད་ ཀྱི་ མེ་ ཏོག་ གཏོར ་ ཡོད་ ཀྱང་ ། རྒྱལ་ ནང་ མི་ མང་ གི་ དགོས་ མཁོ་ ཁག་ བ སྒྲུབ་ ཐུབ་ མེད། དེར་ བརྟེན། ད་ ལྟ་ རྒྱ་ ནག་ གི་ མགོ་ ཁྲིད་ ཚོ འི ་ དཔལ་ འབྱོར་ གོམ་ སྟབས་ རྒྱག་ སྟངས་ དེ་ རྒྱལ་ སྤྱིའི་ མགོ་ ཁྲིད་ ཚོས་ ད་ དུང་ ཤེས་ རྟོགས་ ཐུབ་ ཀྱི་ མེད།
རྒྱ་ ནག་ མགོ་ ཁྲིད་ ཚོས་ རྒྱ་ ནག་ ནང་ འ ཕྲད་ བཞིན་ པའི་ དཀའ་ ངལ་ དེ་ དག་ སེལ་ དགོས་ ན།
རྒྱ་ ནག་ གི་ ཐོན་ ཁུངས་ ཁག་ བཀོལ་ སྤྱོད་ བྱེད་ ཕྱོགས་ ལ་ འགྱུར་ བ་ ཤུགས་ ཆེན་ ཞིག་ གཏོང་ དགོས་ པ་ ཆགས་ ཡོད།
ཅི་ སྟེ།
འགྱུར་ བ་ དེ་ དག་ གཏོང་ མ་ ཐུབ་ ན་ རྒྱ་ ནག་ གི་ འཐུང་ ཆུའི་ དཀའ་ ངལ་ སེལ་ རྒྱུ་ ཁག་ པོ་ ཆགས་ རྒྱུ་ ཡིིན་ པ་ ལོང་ བས་ བལྟས་ ཀྱང་ ཤེས་ ངེས་ ཡིན།
མ་ རྩོམ་ གྱི་ འབྲེལ་ ཐག http://www.nytimes.com/2013/11/08/opinion/if-you-think-chinas-air-is-
གོང་ས་མཆོག་གིས་རྒྱ་རིགས་རྩོམ་པ་པོ་དང་ལྷན་དུ་རྒྱ་ནག་གི་བཟང་སྤྱོད་སྐོར་བགྲོ་གླེང་མཛད་པ།
༢༠༡༣ ཟླ་ ༡༠ ཚེས་ ༢༤ རེས་གཟའ་ཕུར་བུ།
༄ ༅།
།འདི་གར་རྒྱ་རིའི་སྐུ་ཚབ་དོན་ཁང་གི་རྒྱ་རིགས་འབྲེལ་མཐུད་པ་དྲུང་འཕར་ཀུན་ དགའ་བཀྲ་ཤིས་ལགས་ཀྱིས་བཏང་གནས་ནང་འཁོད་དོན། ཨ་རི་སྐུ་ཚབ་དོན་གཅོད་ཁང་གིས་གོ་སྒྲིག་འོག་༸སྤྱི་ནོར་གོང་ས་༸སྐྱབས་མགོན་
ཆེན་པོ་མཆོག་གིས་ཕྱི་ལོ་ ༢༠༡༣ ཟླ་ ༡༠ ཚེས་ ༢༡ ཉིན་སྙན་གྲགས་ཅན་གྱི་རྒྱ་རིགས་རྩོམ་པ་པོ་ ༣༠ ཙམ་དང་ལྷན་༼ དེང་དུས་རྒྱ་ནག་དང་འཛམ་གླིང་། ཀུན་སྤྱོད་ཀྱི་དོན་སྙིང་དང་བསམ་བློ་གཏོང་ཕྱོགས།
༽ཅེས་འཁོད་པའི་བརྗོད་གཞིའི་ཐོག་བགྲོ་གླེང་ལྷན་ཚོགས་སུ་ཆིབས་སྒྱུར་བསྐྱངས་ ཡོད། དོན་སྙིང་ལྡན་པའི་བགྲོ་གླེང་ཚོགས་འདུ་དེ་ནི་ཚོགས་འདུ་ཚོགས་ས་ནི་ཨ་རིའི་
གྲོང་ཁྱེར་ནིའུ་ཡོག་ནང་དུ་ཡོད་པའི་སྦི་ཁཱིན་གསོལ་མགྲོན་ཁང་གི་ཐོག་བརྩེག་ གཉིས་པའི་ཐོག་ཡིན་པ་དང་། ལོ་རྒྱུས་ཡུན་རིང་ལྡན་པའི་གསོལ་མགྲོན་ཁང་དེ་ནི་༧གོང་ས་༧སྐྱབས་མགོན་ཆེན་པོ་
མཆོག་ནས་ནིའུ་ཡོག་གྲོང་ཁྱེར་ནང་ཉིན་བཞིའི་མཛད་འཕྲིན་བསྐྱངས་རིང་གི་བཞུགས་ གནས་ཡིན་པ་རེད། བགྲོ་གླེང་ཚོགས་འདུར་ནིའུ་ཡོག་གྲོང་ཁྱེར་གཙོ་བོར་གྱུར་བའི་ས་གནས་ཁག་གི་རྒྱ་
རིགས་རྩོམ་པ་པོ་༣༠ཙམ་མཉམ་ཞུགས་གནང་ཡོད་པ་དང་། དེའི་ཁྲོད་དུ་རྒྱ་ནག་ནས་ཕེབས་ཙམ་ཡིན་པའི་རྩོམ་པ་པོ་བཞི་ཙམ་ཡོད་པ་རེད།
ཐོག་ མར་རྒྱ་ནག་ནས་ཡིན་པའི་རྩོམ་པ་པོ་དང་སྙན་ངག་པ་སྐུ་ཞབས་ཡུ་ཤིན་ཞའོ་ཡིས་རྒྱ་
ནག་ནང་གི་ད་ལྟའི་བཟང་སྤྱོད་གནས་སྟངས་ངོ་སྤྲོད་གནང་རྗེས་༧གོང་ས་མཆོག་ནས་བཀའ་ སློབ་གནང་ཡོད་པ་དང་། དེའི་རྗེས་རྒྱ་རིགས་རྩོམ་པ་པོ་ཚོས་༧གོང་ས་མཆོག་ལ་བཟང་སྤྱོད་ཀྱི་སྐོར་བཀའ་
འདྲི་དགོངས་སྐོར་དང་གྲོས་བསྡུར་གནང་ཡོད། རྩོམ་པ་པོ་ཡུ་ཤིན་ཞའོ་ཡིས་ངོ་སྤྲོད་གསུང་བཤད་གནང་སྐབས། མ་ཁེ་སི་རིང་ལུགས་ནི་རྒྱ་ནག་གི་བཟང་སྤྱོད་ཉམས་པའི་རྒྱུ་རྐྱེན་གྱི་གྲས་ཤིག་ ཡིན་པ་དང་།
སྲིད་དབང་གཅིག་སྡུད་ལམ་ལུགས་ནི་བཟང་སྤྱོད་ཉམས་པའི་རྒྱུ་རྐྱེན་གཙོ་བོ་ཡིན་ པའི་ངོས་འཛིན་གནང་བ་དང་དུས་མཚུངས་གསུང་དོན། རང་དབང་མེད་པའི་ཡུལ་གྲུར་འཚོ་སྡོད་བྱེད་མཁན་གྱི་མི་ལ་ཁོང་ཁྲོ་དང་།
འཁོན་འཛིན་ཡོད་ཀྱང་། རླབས་ཆེན་གྱི་༧གོང་ས་ཏཱ་ལའི་བླ་མ་མཆོག་ནས་དར་སྤེལ་གནང་བཞིན་པའི་བྱམས་དང་། སྙིང་རྗེ་ནི་དེ་དག་མེད་པར་བཟོ་བྱེད་ཀྱི་སྨན་ཡིན་ཞིང་།
༧གོང་ས་མཆོག་ནས་རྒྱ་བོད་མི་རིགས་གཉིས་ཀྱི་ཆེད་དུ་དང་། ཐ་ན་འགྲོ་བ་མིའི་རིགས་ཡོངས་ལ་བྱམས་དང་སྙིང་རྗེ་དར་སྤེལ་ཐད་འོད་ཟེར་ལྡན་ པའི་མིག་དཔེ་བསྟན་པ་གནང་ཡོད།
དེ་རིང་འདིར་༧གོང་ས་མཆོག་གི་སྐུ་མདུན་དང་། གྲོགས་པོ་རྣམ་པའི་མདུན་དུ་གཏམ་བཤད་བྱེད་རྒྱུ་བྱུང་བ་ནི་བསམ་ཡུལ་ལས་འདས་པ་ ཞིག་ཡིན་ཞིང་།
གཅིག་བྱས་ན་དེ་ནི་གུས་པས་ཡུན་རིང་སངས་རྒྱས་པའི་ཆོས་ལ་བློ་ཁ་ཕྱོགས་ནས་དོ་ སྣང་བྱས་པ་ལས་བྱུང་བའི་བསོད་ནམས་ཆེན་པོ་ཞིག་ཡིན་སྲིད། ཅེས་གསུངས།
༧ གོང་ས་༧སྐྱབས་མགོན་ཆེན་པོ་མཆོག་གི་བཀའ་སློབ་གནང་བའི་སྙིང་པོར།
བཟང་སྤྱོད་ཉམས་ཆགས་ཀྱི་གནས་ཚུལ་ནི་རྒྱ་ནག་གཅིག་པུ་མ་ཡིན་པར། ཨ་རི་དང་། རྒྱ་གར་སོགས་ས་གནས་མང་པོར་བཟང་སྤྱོད་ཉམས་པའི་གནས་ཚུལ་ཡོད་ཅེས་དང་།
མགོན་པོ་གང་གི་དགོངས་པར་ཆོས་ལུགས་ཀྱི་ནུས་པ་གཅིག་པུར་བརྟེན་ནས་བཟང་སྤྱོད་ ཉམས་པ་སླར་གསོ་བྱེད་རྒྱུ་ནི་ཅུང་ཁག་པོ་ཡིན་པ་དང་།
འཛམ་གླིང་ནང་ཆོས་ལུགས་ལ་དད་པ་མི་བྱེད་མཁན་ཡང་མི་ཉུང་བ་ཞིག་ཡོད་སྟབས། ༧གོང་ས་མཆོག་ནས་ཆོས་དང་མ་འདྲེས་པའི་འཇིག་རྟེན་མི་ཆོས་ཀྱི་བཟང་སྤྱོད་གོང་
འཕེལ་གཏོང་རྒྱུར་སྒོ་གང་ས་ནས་ཤུགས་སྣོན་སྐྱོན་གྱི་ཡོད་པར་ཕྱོགས་མང་པོས་ རྒྱབ་སྐྱོར་ཡོང་གི་འདུག་ཅེས་བཀའ་རྩལ་ཡོད།
རྩོམ་ པ་པོ་གཞན་ཚོས་རང་རང་སོ་སོའི་དགོངས་ཚུལ་གསུང་སྐབས།
དེང་སང་རྒྱ་ནག་ནང་གི་བཟང་སྤྱོད་ཉམས་ཆག་འགྲོ་བཞིན་པའི་གནས་ཚུལ་དེ་ནི་མི་ལོ་ ལྔ་སྟོང་གི་རྒྱ་ནག་ལོ་རྒྱུས་ནང་བྱུང་མ་མྱོང་ཞིག་ཡིན་པ་དང་།
འཛམ་གླིང་སྟེང་ནས་བཤད་ཀྱང་རྒྱ་ནག་གི་བཟང་སྤྱོད་ཉམས་བཞིན་པའི་གནས་སྟངས་ནི་ ཛ་དྲག་ཤོས་ཤིག་ཡིན་པར་གཅིག་གྱུར་ངོས་འཛིན་བྱས་ཡོད།
རྒྱ་རིགས་རྩོམ་པ་པོ་འགའ་རེས། དེང་སང་ཤེས་ཡོན་ཅན་གྱི་ཁྲོད་དུ་རྒྱ་ནག་གི་བཟང་སྤྱོད་ཉམས་ཀྱི་འདུག་ཅེས་ཤོད་ མཁན་མང་ཡང་། གང་འདྲ་བྱས་ནས་ཉམས་གསོ་བྱེད་དགོས་ཐད་ཐབས་ལམ་འདོན་མཁན་མེད་སྟབས།
བཟང་སྤྱོད་སླར་གསོའི་ཐབས་ལམ་ལེགས་ཤོས་ག་རེ་ཡིན་པ་དང་། བཟང་སྤྱོད་ཉམས་པའི་རྒྱུ་རྐྱེན་གཙོ་བོ་གང་ལ་ཐུག་ཡོད་མེད་༧གོང་ས་མཆོག་ལ་བཀའ་ འདྲི་དགོངས་སྐོར་ཞུས་པར།
༧གོང་ས་མཆོག་གིས་སྤྱི་ཡོངས་ནས་བཀའ་ལན་དེ་ལྟར་རྩལ་སོང་། དེ་ཡང་༧གོང་ས་མཆོག་གིས། རྒྱ་ནག་ནང་གི་བཟང་སྤྱོད་ཉམས་པའི་རྒྱུ་རྐྱེན་མང་པོ་ཡོད་སྲིད་ཀྱང་། གཙོ་བོ་གཅིག་ནི།
ཕན་ཚུན་གཅིག་གིས་གཅིག་ལ་ཡིད་ཆེས་དང་། བརྩེ་བ་མེད་པ་དང་། ད་ལྟའི་རྒྱ་ནག་གཞུང་གི་ཆེས་དམ་དྲག་ཆེ་བའི་སྲིད་བྱུས་འོག མི་ཚང་མར་གཅིག་གིས་གཅིག་ལ་ཟོན་དང་།
དོགས་པ་རྣམ་རྟོག་གི་ནང་དུ་བསྡད་དགོས་པ་དེ་ཡིན་པར་ངོས་འཛིན་གནང་གི་ཡོད་ཅེས་ དང་།
ཡང་༧གོང་ས་མཆོག་ནས། བཟང་སྤྱོད་སླར་གསོ་བྱེད་པའི་ཐབས་ལམ་ལེགས་ཤོས་གཅིག་ནི། བཟང་སྤྱོད་གོང་འཕེལ་གཏོང་རྒྱུ་དེ་ནི་ཆུང་ས་མི་སྒེར་པ་དང་།
ཆེ་ས་ཁྱིམ་ཚང་དང་སྤྱི་ཚོགས་བཅས་ལ་ཕན་ཐོགས་ཡོད་པ་ཞིག་ཡིན་པའི་སྐོར་ཆུང་དུས་ ནས་མིའི་སེམས་ནང་འཇགས་དགོས་པའི་སློབ་གསོ་གཏོང་རྒྱུ་དེ་ནི་ཧ་ཅང་གི་གལ་ཆེན་ པོ་ཡིན།
དེ་འདྲའི་རྒྱུ་མཚན་ལ་བརྟེན་ནས་དེ་སྔ་རྒྱ་ནག་ནང་བསམ་པའི་དཔལ་ཡོན་དར་སྤེལ་ གཏོང་དགོས་ཞེས་པའི་སྐད་ཆ་དེ་བྱུང་བ་རེད། ཅེས་བཀའ་ལན་རྩལ།
རྒྱ་རིགས་ཤེས་ཡོན་ཅན་སུའུ་ཞའོ་ཁན་གིས། རྩོམ་པ་པོ་ཡོངས་ཀྱི་ཚབ་ཞུས་ནས་དེ་རིང་ང་ཚོ་རྒྱ་རིགས་རྩོམ་པ་པོ་སུམ་ཅུ་ཙམ་ གྱིས་འཛམ་གླིང་ས་ཕྱོགས་གང་སར་མཚན་སྙན་ཤིན་ཏུ་ཆེ་བའི་༧གོང་ས་ཏཱ་ལའི་བླ་མ་
མཆོག་དང་ལྷན་དུ་བགྲོ་གླེང་ལྷུག་པོ་ཞུ་རྒྱུའི་གོ་སྐབས་བྱུང་བར་བརྟེན། ༧གོང་ས་མཆོག་ལ་ཐུགས་རྗེ་བླ་མེད་དུ་ཆེ་ཞུས་པ་དང་ཆབས་ཅིག་གསུང་དོན་ལ།
རྒྱ་མི་རིགས་ཀྱི་ཁྲོད་དུ་མེ་སེར་དཀྱུས་མ་ཡིན་ནའང་འདྲ། སྤྱི་ཚོགས་ཐོག་གི་གནད་ཡོད་མི་སྣ་ཡིན་ནའང་འདྲ། རྒྱ་བོད་མི་རིགས་གཉིས་འཆམ་མཐུན་གྲོས་མོལ་ཡོང་བའི་དོན་དུ་ཁོར་ཡུག་བཟང་པོ་
སྐྲུན་མཁན་ཇེ་མང་འགྲོ་གི་རེད་བསམ་པའི་ཡིད་ཆེས་ཡོད་ཅེས་གསུང་ཡོད།
དུས་ཡུན་ཆུ་ཚོད་གཉིས་ཙམ་གྱི་བགྲོ་གླེང་ཚོགས་འདུ་དེ་ནི་ཨ་རི་སྐུ་ཚབ་དོན་ཁང་གི་རྒྱ་རིགས་འབྲེལ་མཐུད་པས་གཙོ་སྐྱོང་གནང་ཞིང་།
སྲིད་དོན་དབྱེ་ཞིབ་པ་ཧུའུ་ཕིང་དང་། དཔྱད་གཏམ་པ་གྲན་ཕོ་ཁུང་། ཨེ་ཤ་ཡ་རང་རླུང་ཁང་གི་རྩོམ་པ་པོ་སྦའེ་མིང་། རྩོམ་པ་པོ་ཏིང་དབྱི་ཕུ། དྲྭ་རྒྱའི་རྩོམ་པ་པོ་སྦའེ་ཕུང་།
ཡེལ་གཙུག་ལག་སློབ་ཆེན་གྱི་དགེ་རྒན་ཁང་ཀྲིང་གོ། དེ་སྔ་རྒྱ་ནག་སྤྱི་ཚོགས་ཚན་རིག་ཁང་ནས་ཡིན་པའི་རྩོམ་པ་པོ་ཀྲང་སྦོ་ཧྲུའུ། ༡༩༥༩ལོའི་ལྷ་ས་ཞེས་པའི་དེབ་ཀྱི་རྩོམ་པ་པོ་ལི་ཅང་ལིན།
དེ་བཞིན་ཨ་རི་རླུང་འཕྲིན་ཁང་གི་རྒྱ་སྐད་སྡེ་ཚན་གྱི་ཀུང་ཞའོ་ཤཱ། སྙན་ངག་པ་རྨིང་ལན་དང་ཧོང་ཞང་། དཔལ་འབྱོར་མཁས་དབང་རྩོམ་པ་པོ་གྲང་ཞའོ་ནུང་སོགས་རྩོམ་པོ་༣༠ཙམ་མཉམ་ཞུགས་གནང་ ཡོད།
མཐར་༧གོང་ས་མཆོག་ནས་རྩོམ་པ་པོ་ཡོངས་དང་ལྷན་དུ་དྲན་རྟེན་གྱི་སྐུ་པར་ལྷན་ སྒྲོན་གནང་སྟེ། དོན་སྙིང་ལྡན་པའི་བགྲོ་གླེང་ཚོགས་འདུ་མཇུག་བསྒྲིལ་ཞིང་།
དེ་རྗེས་ལ་༧གོང་ས་མཆོག་ནས་སི་སྦི་ཨེ་སི་བརྙན་འཕྲིན་ཁང་གི་དམིགས་བསལ་བཅར་ འདྲི་དང་ལེན་དང་། ཉིན་རྒྱན་ས་གནས་བོད་རིགས་སྤྱི་མཐུན་ཚོགས་པའི་རྒྱུན་ལས་དང་།
ཚོགས་པ་སྐྱིད་སྡུག་ཁག་གི་སྐུ་ཚབ་མི་གྲངས་༨༠ཙམ་ལ་མཇལ་ཁ་དང་། བླང་དོར་བཀའ་སློབ་བཀའ་དྲིན་བསྩལ་རྗེས་ཆུ་ཚོད་༣པ་ཙམ་ལ་གྲོང་ཁྱེར་ནིའུ་ཡོག་ ནས་མཁའ་ལམ་བརྒྱུད་པོ་ལན་ཌིར་ཆིབས་ཞལ་སྒྱུར་ཡོད་པ་བཅས།
ཟླ་སྔོན་མའི་ ་ཕྱི་ཚེས་ ༢༣ ཉིན།
ཞིན་ ཅང་ཁཱ་སིན་པ་ཚོས་རྫོང་དུ་ཡུ་གུར་མི་རིགས་དང་རྒྱ་རིགས་བར་འཁྲུག་འཛིང་དོན་རྐྱེན་བྱུང་ སྟེ་མི་ ༢༧
རྐྱེན་ལམ་དུ་ཤོར་ ཡོད་པ་མ་ཟད། རྒྱ་གཞུང་གིས་ཡུ་གུར་འཇིགས་སྐུལ་དྲག་སྤྱོད་པར་རྒོལ་རྡུང་ནན་པོ་གཏོང་དགོས་པའི་བསྒྲགས་གཏམ་སྣ་ཚོགས་སྤེལ་ཏེ། ངོ་རྒོལ་དང་འབྲེལ་བ་ཡོད་པའི་ཉེས་མིང་འོག་མི་མང་པོ་འཛིན་བཟུང་བཙོན་འཇུག་བྱས་པར། འཛམ་གླིང་གི་ཡུལ་ལུང་གང་སར་གནས་པའི་ཡུ་གུར་བ་ཚོར་ཁོང་ཁྲོ་ཆེན་པོ་བསླངས་ཡོད་ལ། ལྷག་པར་དུ་རྒྱ་ནག་ཧྲང་ཧེ་གྲོང་ཁྱེར་དུ་ཚོང་ལས་གཉེར་བཞིན་པའི་ཡུ་གུར་བ་ཚོར་ཧྲང་ཧེ་ནས་ཕྱིར་ཕུད་གཏོང་དགོས་པའི་ཉེན་བརྡ་བཏང་བའི་རྐྱེན་གྱིས། ཟླ་འདིའི་5ཕྱི་ཚེས་ ༤ ཉིན་གྱི་ཞོགས ་པར་གྲོང་ཁྱེར་དེའི་ཁ་ཆེའི་ལྷ་ཁང་ཞིག་གི་མདུན་དུ། ས་གནས་ཡུ་གུར་བུད་མེད་དང་བྱིས་པས་གཙོས་ཡུ་གུར་བ་བརྒྱ་ཕྲག་འདུ་འཛོམས་ཀྱིས་ “སྲིད་འཛིན་ཞི་ཅིན་ཕིན་ལགས། མི་མང་ལ་ཐུགས་འཁུར་གནང་རོགས ” ཞེས་པའི་འཕྲེད་དར་འཕྱར་ཏེ། སྲིད་གཞུང་གིས་བཅའ་ཁྲིམས་ལ་སྣང་ཆུང་དང་དྲག་པོའི་སྲིད་བྱུས་ལག་བསྟར་བྱེད་བཞིན་པར་སྐྱོན་བརྗོད་ཀྱི་ཞི་རྒོལ་ཁྲོམ་སྐོར་བྱས་ཡོད་པ་དང་། སྐབས་དེར་ཉེན་རྟོག་པའི་ལྭ་བ་གྱོན་མེད་པའི་མི་མང་པོས་ཞི་རྒོལ་བ་ཚོའི་མཐའ་ བསྐོར་ཏེ་དམ་དྲག་ཤུགས་ཆེན་བྱས་ཡོད་པ་མ་ཟད། ཞི་རྒོལ་བ་ ༦ འཛིན་བཟུང་ བྱས་རྗེས་གར་ཡོད་ཅི་བྱུང་ གི་གནས་ཚུལ་ཤེས་རྟོགས་མེད་པ་ཆགས་ཡོད་འདུག
ཧྲང་ཧེ ར་ཡུ་གུར་མི་རིགས་ཀྱི་ཞི་རྒོལ་བྱུང་རྗེས། འཛམ་གླིང་ ཡུ་གུར་མཐུན་ཚོགས་ཀྱི་ཚོགས་གཙོ་ལྕམ་རཱ་བྷེ་ཡ་ལགས་ཀྱིས། རྒྱལ་སྤྱིའི་སྤྱི་ཚོགས་ནས་རྒྱ་གཞུང་གིས་རྒྱ་ནག་ནང་ཡོད་པའི་ཡུ་གུར་མི་རིགས་ལ་མཐོང་ཆུང་དང་དྲག་གནོན་བྱེད་བཞིན་པར་ཐུགས་འཁུར་གྱིས། རྒྱ་གཞུང་གིས་ཡུ་གུར་མི་རིགས་འདུ་འཛོམས་རང་དབང་ལ་བརྩི་བཀུར་དང་ཞི་རྒོལ་བ་ཚོའི་བདེ་འཇགས་ལ་འགན་ལེན་བྱེད་དགོས་པའི་སྐུལ་མ་གཏོང་བར་འབོད་སྐུལ་གནང་ཡོད་པ་མ་ཟད། རྒྱ་གཞུང་གིས་ཧྲང་ཧེ་ཡུ་གུར་ཞི་རྒོལ་བའི་བདེ་འཇགས་ལ་དོ་འཁུར་མ་བྱས་ཚེ། སྔར་ལས་ལྷག་པའི་ངོ་རྒོལ་དོན་རྐྱེན་ བསླང་སྲིད་པའི་ཉེན་ཁ་ཡོད་སྐོར་བརྗོད་འདུག
BBC གསར་ལམ་དུ་ཐོན་པའི་གནས་ཚུལ་ལྟར་ན།
རྒྱ་ནག་དམར་ཕྱོགས་ཀྱི་རིམ་དྲིལ་བསྒྲགས་འགན་འཛིན་རྣམས་ལ་དབུས་གཞུང་དྲིལ་བསྒྲགས་ལས་དོན་ཚོགས་འདུའི་ནང་དོན་བརྒྱུད་སྒྲོག་བྱེད་བཞིན་ཡོད་པ་རེད། དབུས་གཞུང་གི་མ་འོངས་པའི་དྲིལ་བསྒྲགས་ཀྱི་ལས་དོན་གྱི་དོན་རྩ་ལྔ་ གཏན་འབེབས་བྱས་ཡོད་པ་གཤམ་གསལ།
༡། སྲོལ་རྒྱུན་གྱི་བརྒྱུད་ལམ་དང་བརྒྱུད་ལམ་གསར་པ་གང་ཡིན་གྱི་དབྱེ་བ་མེད་པར།
རྒྱ་ནག་གི་བརྒྱུད་ལམ་ཚང་མ་ཏང་དང་མི་དམངས་ཀྱི་མགྲིན་ལྕེ་ཡིན་འོས། མ་འོངས་པར་ཏང་ལ་དབང་བའི་བརྒྱུད་ལམ་ནས་ཏང་དང་མི་དམངས་ཀྱི་ཁེ་ཕན་དང་རྒྱབ་འགལ་ཅན་གྱི་སྒྲ་ཐོན་མི་ཆོག གལ་སྲིད་ཐོན་ན་བརྒྱུད་ལམ་གཉེར་དབང་ཕྱིར་བསྡུ་བྱེད་རྒྱུ་ཡིན།
༢། མ་འོངས་པར་མངོན་སུམ་འཛེམ་མེད་ཀྱིས་མར་ལེ་དང་མའོ་ལ་རྒོལ་བའི་ཚིག་རྗོ་བརྒྱུད་ལམ་ཐོག་ལ་ཐོན་མི་ཆོག
༣། མུ་མཐུད་ནས་ཏང་ལ་རྒོལ་བ་དང་། རྒྱལ་ཁབ་ལ་རྒོལ་བ། མི་རིགས་ལ་རྒོལ་བའི་ལངས་ཕྱོགས་ཅན་ཏེ། “གསར་རྒོལ་གསུམ་གྱི་མི་སྣ ”རུ་འབོད་པ་དེ་ཚོ་བརྒྱུད་ལམ་གྱི་ལས་གནས་སུ་བསྡད་མི་ཆོག་ཅིང་། གླེང་ཕྱོགས་དང་དྲིལ་བསྒྲགས་ཀྱི་བྱ་བ་བསྒྲུབ་མི་ཆོག
ལངས་ཕྱོགས་མི་བརྗེ་ན་གང་ཟག་བརྗེ་དགོས།
༤། ཏང་གིས་བརྒྱུད་ལམ་ལ་དོ་དམ་དང་སྣ་འདྲེན་བྱེད་པ་ལ་ཤུགས་སྣོན་བྱེད་དགོས།
རྟག་པར་སྐྱོན་ཕྱོགས་ཀྱི་གནས་ཚུལ་གཅིག་པོ་སྤེལ་ནས་བཟང་ཕྱོགས་ཀྱི་གནས་ཚུལ་མིག་ཡོད་ཀྱང་མ་མཐོང་བར་འདུག་མི་འོས།
༥། “གསར་རྒོལ་གསུམ་ ”ལ་ཕྱོགས་པའི་མི་སློབ་གྲྭ་ཆེན་མོའི་གསར་འགྱུར་ལས་རིགས་ཀྱི་མི་སྣ་སྐྱེད་སྲིང་བྱེད་པའི་ལས་གནས་སུ་ཡོད་མི་འོས།
ཏང་སྲིད་ལས་བྱེད་སློབ་གྲྭ་ཆེན་མོའི་གསར་འགྱུར་ལས་རིགས་སུ་གཏོང་རྒྱུ་དང་གསར་འགྱུར་ལས་རིགས་ཀྱི་དགེ་རྒན་རྣམས་ཏང་སྲིད་ལས་ཁུངས་སུ་ཡོང་ནས་ལས་གནས་བརྗེ་རེས་བྱེད་དགོས།
༼བཅོས་ བ སྒྱུར་སྤྱི་མོས་གྲོས་གཞིའི་ཡིག་ཆ༽
ཕྱི་ཟླ་ ༡༢ ཚེས་ ༢༥ ཉིན་པེ་ཅིན་སློབ་ཆེན་ཁྲིམས་ལུགས་སློབ་གླིང་གི་དགེ་རྒན་ཆེན་མོ་ཀྲང་ཆན་ཧྥན་དང་པེ་ཅིན་གྱི་ སྐད་གྲགས་ ཆེ་བའི་ཁྲིམས་རྩོད་པ་ཀྲང་སི་ཀྲི་སོགས་རྒྱ་རིགས་ཤེས་ལྡན་ པ་ ༧༡ གིས་མཉམ་འབྲེལ་ཐོག་༼བཅོས་ བསྒྱུར་སྤྱི་མོས་གྲོས་གཞིའི་ཡིག་ཆ༽ཞེས་པ་ཞིག་ཡོངས་བསྒྲགས་བྱས་ཏེ། རྒྱ་དམར་གཞུང་གི་ད་ལྟའི་ཆབ་སྲིད་སྒྲོམ་གཞིར་བཅོས་བསྒྱུར་གཏོང་དགོས་པའི་དགོས་འདུན་བཏོན་ འདུག
ཡིག་ཆ་དེ་ ད་ལོའི་ཕྱི་ཟླ་ ༡༡ ཚེས་ ༡༦ ཉིན་པེ་ཅིན་དུ་བཅོས་ བསྒྱུར་དཔྱད་གླེང་ཚོགས་འདུ་ཞིག་ཚོགས་པའི་སྟེང་། རྒྱ་ནག་གི་ཤེས་ལྡན་པ་དང་གསར་འགོད་པ་སོགས་མི་སྣ་ ༨༠ ལྷག་མཉམ་ཞུགས་ཐོག་སྤྱི་མོས་ངོས་འཛིན་བྱུང་བ་ཞིག་ཡིན་ འདུག་ལ། ཡིག་ཆ་དེ་ཟིན་བྲིས་སུ་འདེབས་མཁན་ གཙོ་བོ་པེ་ཅིན་སློབ་ཆེན་ཁྲིམས་ལུགས་སློབ་གླིང་གི་དགེ་རྒན་ཆེན་མོ་ཀྲང་ཆན་ཧྥན་ ཡིན་པ་མ་ཟད། ཟླ་འདིའི་ཕྱི་ཚེས་ ༢༥ ཉིན་ སྒེར་གྱི་དྲ་ རྒྱའི་ཟིན་བྲིས་ ནང་མིང་རྟགས་འགོད་མཁན་རྒྱ་རིགས་ཤེས་ལྡན་པ་ ༧༡ ཙམ་གྱི་ མིང་དང་ལྷན་དུ་ བཀོད་འདུག
ཁ་སང་ཕྱི་ཚེས་ ༢༦ ཉིན་རྒྱ་གཞུང་ཕྱི་འབྲེལ་སྡེ་ཁག་གི་གསར་འགོད་ལྷན་ཚོགས་ཐོག རྒྱ་གཞུང་ གི་མགྲིན་ཚབ་མ་ཧྭ་ཁྲོན་ཡཱུན་གྱིས་གནས་ཚུལ་དེའི་སྐོར་གྱི་གསར་འགོད་པའི་དྲི་བར་ལན་འདེབས་སྐབས། རྒྱ་གཞུང་གིས་གསར་འགྱུར་རང་དབང་ལ་བཀག་སྡོམ་མི་བྱེད་པའི་རྣམ་འགྱུར་ཙམ་ལས། ཡིག་ཆ་དེའི་ཐད་ སྐད་ཆ་གང་ཡང་ བཤད་མི་འདུག ཡིན་ནའང་། ཀྲང་ཆན་ཧྥན་གྱི་ཟིན་བྲིས་ངོས་ཀྱི་ཡིག་ཆ ་དེ་ད་དུང་རྒྱ་གཞུང་གིས་བཀག་སྡོམ་ བྱས་མེད་སྟབས། དྲ་ལམ་བརྒྱུད་རྒྱ་ནང་གི་མི་མང་ཁྲོད་ཁྱབ་བརྡལ་ཤུགས་ཆེན་འགྲོ་བཞིན་ཡོད་ འདུག
ཡིག་ཆ་དེར་གཙོ་བོ་ཕྱོགས་དྲུག་ནས་ད་ལྟའི་རྒྱ་དམར་གཞུང་གི་ཆབ་སྲིད་སྒྲོམ་གཞིར་བཅོས་ བསྒྱུར་ གཏོང་དགོས་པའི་སྐུལ་འདེད་ བཏང་ཡོད་པ་དང་། དེ་དག་ནི་ཁྲིམས་ལྟར་སྲིད་སྐྱོང་བ་དང་དམངས་གཙོའི་འོས་འདེམས་ལག་བསྟར་དགོས་པ། མི་མང་གི་མངོན་འདོད་གསལ་སྟོན་རང་དབང་ལ་བརྩི་མཐོང་། ཁྲོམ་རའི་དཔལ་འབྱོར་གཏིང་ཇེ་ཟབ་ཏུ་གཏོང་དགོས་པ། ཁྲིམས་འཛིན་སྡེ་ཚན་རང་དབང་ཅན་དུ་ བསྒྱུར་དགོས་པ། བཅའ་ཁྲིམས་ཀྱི་ནུས་པ་འགན་སྲུང་དགོས་པ་བཅས་རེད།
ཡིག་ཆ་དེ་ཟིན་བྲིས་སུ་བཀོད་མཁན་དགེ་རྒན་ཆེན་མོ་ཀྲང་ཆན་ཧྥན་གྱིས། “འདི་ནི་དོན་དངོས་ཐོག་ཧ་ཅང་ཞི་བའི་ལས་འགུལ་ཞིག་ཡིན། ཡིག་ཆ་དེ ་སྲིད་གཞུང་གིས་ངོས་ལེན་གནང་ཐོག གཞུང་དང་མི་མང་ བར་གླེང་མོལ་གྱི་སྒོ་ཕྱེ ས་ ཏེ་གྲོས་མོལ་གནང་རྒྱུའི་རེ་བ་ཡོད ” ཅེས་བརྗོད་དེ། བཅོས་སྒྱུར་ལ་བརྟེན་ནས་ད་གཟོད་སྤྱི་ཚོགས་དྲང་སྙོམས་མིན་པ་དང་། སྲིད་གཞུང་གི་དབང་ཤུགས་སྒེར་སྤྱོད་དང་དཔོན་ཤོག་རུལ་སུངས་ཅན་དུ་འགྱུར་བཞིན་པ་སོགས་སྤྱི་ཚོགས་ཀྱི་གནད་དོན་སྣ་ཚོགས་ལེགས་བཅོས་བྱེད་ཐུབ་པ་དང་། གལ་སྲིད་བཅོས་ བསྒྱུར་མ་བྱས་ ཚེ་རྒྱ་ནག་ནང་གསར་བརྗེ་དང་ཟིང་འཁྲུག་གི་ཉེན་ཁ་ ཡོད་པ་བསྟན་ཡོད།
དེ་བཞིན། ཡིག་ཆར་མིང་རྟགས་འགོད་མཁན་རང་ལོ་ ༨༥ ཡིན་པའི་ཁྲིམས་རྩོད་པ་ཀྲང་སི་ཀྲི་ཡིས་ཀྱང་གསར་ལམ་ཁག་ཏུ། ཡིག་ཆ་དེར་དགོས་དོན་གཙོ་བོ་གཉིས་ལྡན་ཡོད ་ཅིང་། གཅིག་གྲོས་གཞི་འདོན་མཁན་གྱི་སྤྱི་མོས་ངོས་འཛིན་ཡིན་ པ་དང་། གལ་སྲིད་མི་ ༥༠ ཡི་ མིང་རྟགས་བཀོད་པ་ཡིན་ན ་མི་ ༥༠ སྤྱི་མོས་ངོས་འཛིན་ཆགས་ཀྱི་ཡོད ་པ། དགོས་དོན་གཞན་ཞིག་ནི་རྒྱ་ཆེའི་མང་ཚོགས་ཀྱིས་སྤྱི་མོས་ངོས་འཛིན་ཡོང་ཐུབ་པ་དགོས་རྒྱུ་དེ་ཡིན་སྐོར་གསལ་བཤད་དང་སྦྲགས། “རྒྱལ་ཁབ་ཀྱི་མགོ་ཁྲིད་ཚོར་མཚོན་ན ། ཡིག་ཆ་དེའི་ནང་དོན་གསར་པ་གང་ཡང་ མིན་པ་ཁོ་ཚོས་གསལ་བོ་ཤེས་ཀྱི་ཡོད། གནད་དོན་གཙོ་བོ་ཁོ་ཚོས་ལག་ལེན་ལ་བསྟར་མིན་ དེ་རེད ” ཅེས་བརྗོད་འདུག
དེ་བཞིན། ཀྲང་སི་ཀྲི་ཡིས་ཉེ་ཆར་རྒྱ་གཞུང་གི་དཔོན་རིགས་གསར་རྙིང་བརྗེ་སྒྱུར་གྱི་བར་བརྒལ་དུས་སྐབས་ལ་ཁེལ་ཡོད་སྟབས། ལོ་རྗེས་མའི་རྒྱལ་ཡོངས་འཐུས་མིའི་ཚོགས་ཆེན་དང་། རྒྱལ་ཡོངས་སྲིད་གྲོས་ཚོགས་ཆེན་གཉིས་མ་ཚོགས་ སྔོན་ལ། རྒྱ་གཞུང་གི་སྒྲོམ་གཞིའི་ཕྱི་ནང་གི་མི་སྣ་ཚང་མས་སེམས་གནད་ལ་ཕབ་སྟེ་བཅོས་ བསྒྱུར་དང་འབྲེལ་བའི་གནད་དོན་ཐད་བསམ་གཞིགས་ བྱས་ཏེ། དེང་སྐབས་རྒྱ་ནག་ནང་འགལ་བ་སྣ་ཚོགས་ཧ་ཅང་རྣོ་ངར་ཅན་དུ་འགྱུར་བཞིན་པའི་གནས་སྟངས་འོག ཡིག་ཆ་དེའི་ དགོས་འདུན་ཁག ་གཞི་རྩར་བཟུང་སྟེ་ཆབ་སྲིད་བཅོས་བསྒྱུར་བྱ་མ་ཐུབ་ཚེ ། གོ་སྐབས་ཡག་པོ་ཞིག་ལག་ནས་ཤོར་བའི་ནོར་འཁྲུལ་ཆེན་པོ་འབྱུང་རྒྱུ་ཡིན་པས། རྒྱ་ནག་གི་མགོ་ཁྲིད་གསར་པ་ཚོས་ཆབ་སྲིད་ཀྱི་བློ་ཁོག་ བསྐྱེད་པའི་དུས་ལ་བབ་ཡོད་སྐོར་བརྗོད་ འདུག
བཅོས་ བསྒྱུར་སྤྱི་མོས་གྲོས་གཞིའི་ཡིག་ཆ་དེ་ནི། སྤྱི་ཚོགས་ཁྲོད་ཀྱི་དྲང་སྙོམས་མིན་པའི་གནད་དོན་ཁག་ལ་མི་དམངས་ ཚོས་སྡང་སེམས་དྲག་པོ་སྐྱེ་བཞིན་ཡོད་ནའང་། དྲང་སྙོམས་མིན་པའི་སྒྲོམ་གཞི་དེ་ཇི་ལྟར་བཅོས་ བསྒྱུར་དགོས་མིན་ཐད་ ངོས་ཟིན་གསལ་བོ་མ་ཐུབ ་སྟབས་མང་ཚོགས་ཀྱི་བཅོས་བསྒྱུར་སྐུལ་འདེད་གྱི་ནུས་ཤུགས་ཁ་བྲལ་ དུ་གྱུར་པ། སྲིད་གཞུང་གི་སྒྲོམ་གཞིའི་ཕྱི་ལོགས་སུ་བཅོས་ བསྒྱུར་གནོན་ཤུགས་མེད་པ་དང་། སྒྲོ མ་གཞིའི་ནང་ལོགས་སུ་བཅོས་ བསྒྱུར་སྒུལ་ཤུགས་མེད་པ་བཅས་ལ་ཐུག་ཡོད་པའི་ངོས་འཛིན་ཐོག་ཡིག་ཆ་དེ་ཡོངས་བསྒྲགས ་བྱས་པ་ཞིག་ཡིན་འདུག
གཞན། ༢༠༠༨ ལོར་ཀྲང་ཙུའུ་ཧྭ་དང་ལིག་ཞོ་པའོ་གཙོས་རྒྱ་ནག་གི་ཤེས་ལྡན་པ་ཁག་ཅིག་གིས་མིང་རྟགས་བསྡུ་རུབ་ཀྱིས། ༼༠༨ ལོའི་ཁྲིམས་གཞི་རྩ་འཛིན་ཡིག་ཆ༽ ཞེས་པ་དེ་བཏོན་ཏེ། རྒྱ་གཞུང་གི་ཆབ་སྲིད་སྒྲོམ་གཞི་དམངས་གཙོ་ཅན་དུ་བསྒྱུར་དགོས་པ་དང་། ཀྲུང་ཧྭ་རྒྱལ་ཕྲན་མཉམ་འབྲེལ་སྤྱི་མཐུན་རྒྱལ་ཁབ་བཙུགས་ཏེ་མཚོ་ངོགས་གཉིས་དང་མི་རིགས་གནད་དོན་བཅས་ཐག་གཅོད་དགོས་པའི་འབོད་སྐུལ་གནང་ཡོད་ཀྱང་། རྒྱ་གཞུང་གིས་ཡིག་ཆ་དེ་འདོན་མཁན་མི་སྣ་གཙོ་གྲས་ལིག་ཞོ་པའོ་སོགས་འཇུ་བཟུང་འཇུག་བྱས་ཏེ ། ཤེས་ལྡན་པ་དེ་ དག་གི་དགོས་འདུན་རྩིས་མེད་བཏང་ཡོད
༄༅།།སྐབས་བཅུ་གཅིག་པའི་རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་གྲོས་ཚོགས་ཐེངས་ལྔ་པ་འཚོགས་པ།
སྤྱི་ཚེས་༥ཉིན་གྱི་སྔ་དྲོ་སྐབས་བཅུ་གཅིག་ པའི་རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་གྲོས་ཚོགས་ཐེངས་ལྔ་པ་པེ་ཅིན་ མི་དམངས་ཚོགས་ཁང་ཆེན་མོར་འགོ་ཚུགས་ཤིང། འཐུས་མི་ སུམ་སྟོང་མ་ཟིན་ ཙམ་ཞིག་ཡོད་འདུག
གྲོས་ཚོགས་ནི་ཚོགས་ཆེན་གྱི་ཀྲུའུ་ ཞི་ཚོགས་པའི་རྒྱུན་ལས་ཀྲུའུ་ཞི། ལག་བསྟར་ཀྲུའུ་ཞི་ཝུའུ་པང་གོས་གཙོ་སྐྱོང་ གནང། ཧུའུ་ཅིན་ཐའོ་དང་། ཝུན་ཅ་པའོ། ཅ་ཆིན་ལིན། ལི་ཁྲང་ཁྲུན། ཞི་ཅིན་ ཕིན། ལི་ཁེ་ཆང་། ཧོ་གོ་ཆང་། ཀྲོའུ་ཡུང་ཁང་སོགས་དང་ཚོགས་ཆེན་གྱི་ཀྲུའུ་ཞི་ ཚོགས་པའི་ཁོངས་མི་རྣམས་ཀྲུའུ་ཞི་སྟེགས་བུའི་ཐོག་བཞུགས་ཡོད་པ་རེད། སྔ་དྲོའི་ ཆུ་ཚོད་༩པར་ཝུའུ་པང་གོ་ཡིས་ཀྲུང་ཧྭ་མི་དམངས་སྤྱི་མཐུན་རྒྱལ་ཁབ་ཀྱི་སྐབས་ བཅུ་གཅིག་པའི་རྒྱལ་ཡོངས་མི་དམངས་འཐུས་མི་ཚོགས་ཆེན་གྱི་གྲོས་ཚོགས་ཐེངས་ལྔ་པ་ འགོ་ཚུགས་པ་ཁྱབ་བསྒྲགས་གནང་བ་དང་། འཐུས་མི་རྣམས་ཡར་བཞེངས་ནས ་རྒྱལ་གླུ་བཏང་།
རྒྱལ་སྲིད་སྤྱི་ཁྱབ་ཁང་གི་ཙུང་ལི་ ཝུན་ཅ་པའོ་ཡིས་རྒྱལ་སྲིད་སྤྱི་ཁྱབ་ཁང་གི་ཚབ་ཞུས་ནས་ཚོགས་ཆེན་ཐོག་སྲིད་གཞུང་ ལས་དོན་སྙན་ཞུ་གནང་། ཁོང་གིས་སྤྱི་ལོ་༢༠༡༢ལོར་ང་ཚོས་ཀྲུང་གོའི་ཁྱད་ ཆོས་ལྡན་པའི་སྤྱི་ཚོགས་རིང་ལུགས་ཀྱི་རླབས་ཆེའི་དར་ཆ་མཐོན་པོར་བསྒྲེངས་བ་ དང་། ཏེང་ཞའོ་ཕིང་གི་རིགས་པའི་གཞུང་ལུགས་དང་མཚོན་བྱེད་གསུམ་གྱི་གལ་ཆེའི་ དགོངས་པས་མཛུབ་ཁྲིད་བྱེད་པ། ཚན་རིག་དང་མཐུན་པའི་གོང་འཕེལ་ལྟ་བ་ལག་བསྟར་དོན་ འཁྱོལ་གཏིང་ཟབ་བྱེད་པ། བརྟན་པོའི་ཁྲོད་ཡར་རྒྱས་ཡོང་རྒྱུ་རྒྱུན་འཁྱོངས་བྱེད་པ། སྤྱི་ཁོག་སྙོམས་སྒྲིག་གི་ཚོད་འཛིན་ལ་ཤུགས་སྣོན་དང་ལེགས་བཅོས་བྱེད་པ། དཔལ་འབྱོར་བརྟན་ལ་ཅུང་མགྱོགས་པོའི་སྒོ་ནས་གོང་འཕེལ་འགྲོ་རྒྱུ་རྒྱུན་འཁྱོངས་ དང་དཔལ་འབྱོར་གྲུབ་ཆ་སྙོམས་སྒྲིག་དང་དངུལ་ལོར་འགྲེམ་ཐལ་ཤོར་བ་སྔོན་དཔག་དོ་ དམ་བཅས་བར་གྱི་འབྲེལ་བ་མུ་མཐུད་ཐག་གཅོད་ཡག་པོ་བྱེད་པ། དཔལ་འབྱོར་གོང་འཕེལ་ གཏོང་ཐབས་བརྗེ་བསྒྱུར་དང་དཔལ་འབྱོར་གྲུབ་ཆ་ལེགས་སྒྲིག་ལ་སྐུལ་འདེད་མགྱོགས་ པོ་གཏོང་བ། སྤྱི་ཚོགས་རིང་ལུགས་ཀྱི་དཔལ་འབྱོར་འཛུགས་སྐྲུན་དང་། ཆབ་སྲིད་ འཛུགས་སྐྱོང་། རིག་གནས་འཛུགས་སྐྱོང་། སྤྱི་ཚོགས་འཛུགས་སྐྲུན་དེ་བཞིན་སྐྱེ་ ཁམས་དཔལ་ཡོན་འཛུགས་སྐྱོང་བཅས་ལ་ཁྱོན་ཡོངས་ནས་སྐུལ་འདེད་གཏོང་བ། འབད་བརྩོན་ཆེན་པོས་དཔལ་འབྱོར་བརྟན་ལ་ཅུང་མགྱོགས་པོའི་སྒོ་ནས་གོང་འཕེལ་འགྲོ་ བ་དང་ཟོག་གོང་གི་སྤྱིའི་ཆུ་ཚད་གཞི་རྩའི་ཆ་ནས་བརྟན་པོ་ཡོང་བྱེད་པ། སྤྱི་ ཚོགས་ཞི་མཐུན་བརྟན་ལྷིང་ཡོང་རྒྱུ་རྒྱུན་འཁྱོངས་བྱས་ནས། དཔལ་འབྱོར་དང་སྤྱི་ ཚོགས་གོང་འཕེལ་ལ་གྲུབ་འབྲས་ཡག་པོ་ཐོབ་པ་བྱས་ནས་ཏང་གི་ཚོགས་ཆེན་བཅོ་བརྒྱད་ རྒྱལ་ཁའི་ངང་སྐོང་འཚོག་ཐུབ་རྒྱུར་བསུ་བ་ཞུ་དགོས་ཞེས་གསུངས།
ཝུན་ཅ་པའོ་ཡིས་སྙན་ཞུའི་ནང་སྤྱི་ ལོ་༢༠༡༢ལོའི་དཔལ་འབྱོར་སྤྱི་ཚོགས་གོང་འཕེལ་གྱི་སྔོན་དཔག་དམིགས་ཚད་གཙོ་བོ་ བཏོན་གནང་བ་སྟེ། རྒྱལ་ནང་ཐོན་སྐྱེད་སྤྱིའི་རིན་ཐང་བརྒྱ་ཆ་༧ . ༥འཕར་བ་བྱ་རྒྱུ་དང་། གྲོང་ཁྱེར་དང་གྲོང་རྡལ་གྱི་ལས་ཞུགས་མི་འབོར་ས་ཡ་༩ཡན་འཕར་བ་བྱ་རྒྱུ། གྲོང་ཁྱེར་དང་གྲོང་རྡལ་གྱི་ཐོ་འགོད་བྱས་པའི་ལས་ཀ་ཤོར་ཚད་བརྒྱ་ཆ་༤ . ༦ནང་ཚུད་ དུ་ཚོད་འཛིན་བྱ་རྒྱུ། ཡུལ་མིའི་མཛད་སྤྱོད་རིན་གོང་འཕར་ཚད་དེ་བརྒྱ་ཆ་༤ཡས་མས་སུ་ཚོད་འཛིན་བྱ་རྒྱུ། ཕྱིར་གཏོང་ནང་འདྲེན་སྤྱི་འབོར་བརྒྱ་ཆ་༡༠ཡས་མས་འཕར་བ་བྱས་ནས། རྒྱལ་སྤྱིའི་གཏོང་ཡོང་གནས་སྟངས་མུ་མཐུད་ལེགས་བཅོས་ཡོང་བ་བྱ་རྒྱུ་བཅས་ཡིན་པ་ རེད། ཁོང་གིས། རྒྱལ་ནང་ཐོན་སྐྱེད་སྤྱིའི་རིན་ཐང་གི་འཕར་སྣོན་དམིགས་ཚད་ཅུང་དམའ་རུ་གཏོང་ དོན་གཙོ་བོ་ནི་ལོ་ལྔ་ཚན་གྱི་འཆར་འགོད་བཅུ་གཉིས་པའི་དམིགས་འབེན་དང་རིམ་བཞིན་ སྦྲེལ་མཐུད་ཐུབ་པ་བྱ་རྒྱུ་དང་། ཕྱོགས་ཁག་ནས་ལས་ཀའི་གཙོ་གནད་དེ་དཔལ་འབྱོར་གོང་འཕེལ་གཏོང་ཐབས་བརྗེ་བསྒྱུར་ ཇེ་མགྱོགས་སུ་གཏོང་རྒྱུ་དང་། དཔལ་འབྱོར་གོང་འཕེལ་གྱི་སྤུས་ཚད་དང་ཕན་འབྲས་མཐོ་རུ་གཏོང་བའི་ཐོག་ཁྲིད་སྟོན་ བྱེད་དགོས་པ། དུས་ཡུན་སྔར་བས་རིང་བ་དང་། ཆུ་ཚད་སྔར་བས་མཐོ་བ། སྤུས་ཚད་སྔར་བས་ཡག་པ་བཅས་ཀྱི་གོང་འཕེལ་ཡོང་བ་བྱེད་དགོས། ཡུལ་མིའི་མཛད་སྤྱོད་རིན་གོང་འཕར་ཚད་དེ་བརྒྱ་ཆ་༤ཡས་མས་སུ་ཚོད་འཛིན་བྱེད་ དགོས་པ་བཏོན་པ་ནི། ཕྱོགས་བསྡུས་ཐོག་ནང་འདྲེན་རང་བཞིན་གྱི་དངུལ་ལོར་འགྲེམ་ཐལ་ཤོར་བའི་རྒྱུ་ རྐྱེན་དང་གནད་ཆེའི་རྒྱུ་རྐྱེན་མ་གནས་མཐོ་རུ་སོང་བའི་ཤུགས་རྐྱེན་དང་དེ་བཞིན་ ཡུལ་མིའི་ཁག་ཐེག་ནུས་པར་བསམ་གཞིགས་བྱས་ཡོད་ལ། རིན་གོང་བསྒྱུར་བཅོས་ཐད་ལའང་བར་ཁམས་ངེས་གཏན་ཞིག་བཞག་ཡོད་ཅེས་གསུངས།
སྲིད་གཞུང་གི་ལས་དོན་སྙན་ཞུ་དེར་ས་བཅད་ཆེན་པོ་གསུམ་སྟེ། དང་པོ། སྤྱི་ལོ་༢༠༡༡ལོའི་ལས་དོན་ལ་ཕྱིར་དྲན་དང་། གཉིས་པ།
སྤྱི་ལོ་༢༠༡༢ལོའི་ལས་དོན་གྱི་སྤྱི་ཡོངས་བཀོད་སྒྲིག གསུམ་པ། སྤྱི་ལོ་༢༠༡༢ལོའི་ལས་འགན་གཙོ་བོ་བཅས་ཡིན་པ་རེད།
ཝུན་ཅ་པའོ་ཡིས་གཙོ་གནད་ཐོག་ཕྱོགས་ལྔའི་ཐད་ནས་སྤྱི་ལོ་༢༠༡༡ལོའི་ལས་དོན་ལ་ ཕྱོགས་བསྡོམས་གནང་ཡོད་པ་སྟེ། སྤྱི་ཡོངས་སྙོམས་སྒྲིག་ལ་ཤུགས་སྣོན་དང་ལེགས་བཅོས་ཀྱིས། ཟོག་གོང་འཕར་མགྱོགས་པ་བཀག་འགོག་དང་། དཔལ་འབྱོར་དོ་སྙོམས་དང་བརྟན་པོ། ཅུང་མགྱོགས་པོ་བཅས་ཀྱི་སྒོ་ནས་གོང་འཕེལ་ཡོང་བ་བྱས་པ། དཔལ་འབྱོར་གོང་འཕེལ་གཏོང་ཐབས་བརྗེ་བསྒྱུར་ཇེ་མགྱོགས་སུ་བཏང་ནས། གོང་འཕེལ་གྱི་མཐུན་སྦྱོར་རང་བཞིན་དང་ཐོན་ལས་ཀྱི་འགྲན་རྩོད་ནུས་པ་གོང་མཐོར་ བཏང་བ། སྤྱི་ཚོགས་བྱ་གཞག་གོང་འཕེལ་ཤུགས་ཆེན་བཏང་ནས། དཔལ་འབྱོར་སྤྱི་ཚོགས་མཐུན་སྦྱོར་ངང་གོང་འཕེལ་ཡོང་བར་སྐུལ་འདེད་བཏང་བ། དམངས་ཀྱི་འཚོ་བ་འགན་སྲུང་དང་ལེགས་བཅོས་ཏན་ཏིག་བྱས་ནས། མང་ཚོགས་ཀྱི་བདེ་རྩར་ཐུག་པའི་ཁེ་ཕན་གནད་དོན་ཐག་གཅོད་བྱས་པ། བསྒྱུར་བཅོས་སྒོ་དབྱེ་གཏིང་ཟབ་བྱས་ནས། དཔལ་འབྱོར་སྤྱི་ཚོགས་གོང་འཕེལ་ཆེད་གསོན་ཤུགས་དང་སྒུལ་ཤུགས་གསར་པ་སྣོན་པ་ བཅས་ཡིན་པ་རེད།
ཝུན་ཅ་པའོ་ཡིས། གྲུབ་འབྲས་ནི་ལས་སླ་པོར་ཐོབ་པ་ཞིག་མིན་པ་དང་། ཀྲུང་གོའི་ཁྱད་ཆོས་ལྡན་པའི་སྤྱི་ཚོགས་རིང་ལུགས་ཀྱི་ཁྱད་འཕགས་རང་བཞིན་དང་ གསོན་ཤུགས་མངོན་ཡོད་ལ། ཀྲུང་ཧྭ་མི་རིགས་ཀྱི་སྤོབས་སེམས་དང་གོང་བུ་སྒྲིལ་ཤུགས་ཆེ་རུ་སོང་ཡོད། དེ་ནི་བློ་མཐུན་ཧུའུ་ཅིན་ཐའོ་ཡིས་སྤྱི་ཁྱབ་ཧྲུའུ་ཅི་གནང་བའི་ཏང་ཀྲུང་དབྱང་ གི་ཚན་རིག་དང་མཐུན་པའི་བཀོད་ཇུས་དང་ཡང་དག་པའི་དབུ་ཁྲིད་གནང་བའི་འབྲས་བུ་ ཞིག་ཡིན་ལ། ཏང་ཡོངས་དང་དམག་ཡོངས། རྒྱལ་ཡོངས་མི་རིགས་ཁག་གི་མི་དམངས་བཅས་ནས་སེམས་ནུས་གཅིག་སྒྲིལ་དང་འབད་བརྩོན་ ལྷོད་མེད་བྱས་པའི་གྲུབ་འབྲས་ཀྱང་ཡིན་ཞེས་གསུངས།
ཝུན་ཅ་པའོ་ཡིས། ང་ཚོས་ཀྱང་རིག་པ་དྭངས་གསལ་གྱིས་སྒོ་ནས་མཐོང་བར། རང་རྒྱལ་གྱི་དཔལ་འབྱོར་སྤྱི་ཚོགས་གོང་འཕེལ་ཐད་སྔར་བཞིན་དཀའ་ངལ་དང་འགྲན་ རྩོད་མང་པོ་འཕྲད་ཡོད། དེ་ཡང་འཕྲལ་ཕུགས་ཀྱི་གནད་དོན་མང་པོ་འདྲེས་ནས་བསྡད་ཡོད་པ་དང་། གྲུབ་གཞིའི་རང་བཞིན་གྱི་རྒྱུ་རྐྱེན་དང་རེས་འཁོར་རང་བཞིན་གྱི་རྒྱུ་རྐྱེན་ཕན་ ཚུན་ཤུགས་རྐྱེན་ཐེབས་རེས་བྱེད་པ། རྒྱལ་ནང་གི་གནད་དོན་དང་རྒྱལ་སྤྱིའི་གནད་དོན་ཕན་ཚུན་འབྲེལ་བ་ཡོད་པ། སྤྱི་ཡོངས་སྙོམས་སྒྲིག་ཐད་རྙོག་འཛིང་ཆེ་བའི་གནས་བབ་ཐོན་ཡོད། སྲིད་གཞུང་གི་ལས་དོན་ཐད་ལ་ཡང་སྐྱོན་ཆ་དང་མི་འདང་བའི་ཆ་འགའ་ཤས་ཡོད། ད་ལོ་ནི་ལོ་ལྔའི་འཆར་འགོད་བཅུ་གཉིས་པ་སྔ་ཕྱི་སྦྲེལ་མཐུད་བྱེད་པའི་ལོ་གལ་ ཆེན་ཞིག་ཡིན་ལ། སྐབས་འདིའི་སྲིད་གཞུང་གི་འགན་འཁུར་བའི་ལོ་མཐའ་མཇུག་དེ་རེད། ང་ཚོས་རང་འཁྲིའི་འགན་ཡག་པོ་འཁུར་བ་དང་། ཡར་རྒྱས་བརྩོན་ལེན་བྱེད་པ། དཀའ་གནད་ཁྱད་བསད་བྱེད་པ། ལྷོད་གཡེང་སྤུ་ཙམ་མི་བྱེད་པ་བཅས་ཀྱི་ཐོག་ནས་མི་དམངས་བློ་ཡིད་ཚིམ་པའི་འབྲས་ བཟང་ཐོབ་པ་བྱ་དགོས་ཞེས་གསུངས་འདུག
ཝུན་ཅ་པའོ་ཡིས། ཕྱོགས་ཁག་གི་གནས་ཚུལ་ལ་ཕྱོགས་བསྡུས་ཀྱིས་བསམ་གཞིགས་བྱས་ནས། དགེ་མཚན་ལྡན་པའི་ནོར་སྲིད་ཀྱི་སྲིད་ཇུས་དང་བརྟན་པོ་དང་སྐྱོན་བྲལ་གྱི་དངུལ་ ལོར་སྲིད་ཇུས་མུ་མཐུད་ལག་བསྟར་བྱ་དགོས་པ་དང་། དུས་བབ་ཀྱི་འགྱུར་བ་དང་བསྟུན་ནས་ལེགས་སྒྲིག་འོས་འཚམས་བྱས་ཐོག སྲིད་ཇུས་ཀྱི་དམིགས་སའི་རང་བཞིན་དང་། སྟབས་བསྟུན་རང་བཞིན། སྔོན་མཐོང་རང་བཞིན་བཅས་སྔར་བས་ཆེ་རུ་གཏོང་དགོས་ཞེས་བསྟན་པ་དང་། ཁོང་གིས། ད་ལོའི་ལས་དོན་ཁག་ཁྱོན་ཡོངས་ནས་ཡག་པོ་སྒྲུབ་པར། ངེས་པར་དུ་གཙོ་གནད་མངོན་གསལ་དོད་པ་དང་། ཕྱོགས་ཡོངས་ལ་ཁྱབ་པ། ཀུན་ལ་སྣང་འཇོག་བྱེད་པ། མཐུན་སྦྱོར་སྐུལ་འདེད་བཅས་བྱས་ནས། འཕར་སྣོན་བརྟན་པོ་ཡོང་བ་བྱ་རྒྱུ་དང་། ཟོག་གོང་ཚོད་འཛིན་བྱ་རྒྱུ། གྲུབ་གཞི་ལེགས་སྒྲིག་བྱ་རྒྱུ། དམངས་འཚོར་ཕན་པ་སྒྲུབ་རྒྱུ། བསྒྱུར་བཅོས་ལ་དམ་འཛིན་བྱ་རྒྱུ། འཆམ་མཐུན་དང་སྐུལ་འདེད་གཏོང་རྒྱུ་བཅས་དང་ཟུང་འབྲེལ་དམ་ཟབ་བྱ་དགོས་ཞེས་བསྟན་ འདུག
ཝུན་ཅ་པའོ་ཡིས་ཕྱོགས་དགུའི་ཐོག་ནས་སྤྱི་ལོ་༢༠༡༢ལོའི་ལས་འགན་གཙོ་བོ་སྙན་ཞུ་ གནང་བ་སྟེ ། དཔལ་འབྱོར་བརྟན་པོ་དང་ཅུང་མགྱོགས་པོའི་སྒོ་ནས་གོང་འཕེལ་འགྲོ་རྒྱུར་སྐུལ་ འདེད་གཏོང་རྒྱུ་དང་། ཟོག་གོང་གི་སྤྱིའི་ཆུ་ཚད་གཞི་རྩའི་ཆ་ནས་བརྟན་པོ་རྒྱུན་འཁྱོངས་ཐུབ་པ་བྱ་ རྒྱུ། ཞིང་ལས་བརྟན་པོའི་ངང་གོང་འཕེལ་དང་ཞིང་པ་ཡོང་འབབ་རྒྱུན་མཐུད་ངང་འཕར་བ་བྱ་ རྒྱུ། དཔལ་འབྱོར་གྱི་འཕར་ཐབས་བརྗེ་བསྒྱུར་མགྱོགས་སུ་གཏོང་རྒྱུ། ཚན་སློབ་རྒྱལ་དར་གྱི་འཐབ་ཇུས་དང་ཤེས་ལྡན་མི་སྣ་སྟོབས་ཆེའི་རྒྱལ་ཁབ་འཛུགས་ པའི་འཐབ་ཇུས་ལག་བསྟར་གཏིང་ཟབ་བྱ་རྒྱུ། དཔལ་འབྱོར་གྱི་འཕར་ཐབས་བརྗེ་བསྒྱུར་མགྱོགས་སུ་གཏོང་རྒྱུ། དམངས་ཀྱི་འཚོ་བར་འགན་སྲུང་དང་ལེགས་བཅོས་ཏན་ཏིག་བྱ་རྒྱུ། རིག་གནས་གོང་འཕེལ་ཆེན་མོ་དང་དར་རྒྱས་ཆེན་མོར་སྐུལ་འདེད་གཏོང་རྒྱུ། གཙོ་གནད་ཁྱབ་ཁོངས་ཀྱི་བསྒྱུར་བཅོས་ལ་སྐུལ་འདེད་གཏིང་ཟབ་གཏོང་རྒྱུ། ཕྱི་ཕྱོགས་སྒོ་དབྱེའི་སྤུས་ཚད་དང་ཆུ་ཚད་མཐོ་རུ་ཧུར་ཐག་གཏོང་རྒྱུ་བཅས་ཡིན་པ་ རེད།
ཝུན་ཅ་པའོ་ཡིས་ད་དུང་མི་རིགས་དང་། ཆོས་ལུགས། ཕྱིར་སྡོད་སྤུན་ཟླའི་ལས་དོན། རྒྱལ་སྲུང་དང་དམག་དཔུང་འཛུགས་སྐྱོང་།
ཤང་ཀང་དང་ཨའོ་མན་གྱི་གོང་འཕེལ་དང་མཚོ་འགག་གཡས་གཡོན་གཉིས་ཀྱི་འབྲེལ་བ། དེ་བཞིན་རང་རྒྱལ་གྱི་ཕྱི་ཕྱོགས་སྲིད་ཇུས་ཐད་རྒྱས་བཤད་གནང་ཡོད་པ་རེད། ཤང་ཀང་དམིགས་བསལ་སྲིད་འཛིན་ཁུལ་གྱི་སྲིད་འཛིན་དཔོན་ཙེང་དབྱིན་ཆོན་དང་། ཨའོ་མན་དམིགས་བསལ་སྲིད་འཛིན་ཁུལ་གྱི་སྲིད་འཛིན་དཔོན་ཚུའེ་ཧྲི་ཨན་བཅས་གྲོས་ ཚོགས་ལ་ཞུགས་ཡོད་པ་མ་ཟད་ཀྲུའུ་ཞི་སྟེགས་བུའི་ཐོག་བཞུགས་ཡོད་པ་རེད།
རྒྱལ་ཡོངས་སྲིད་གྲོས་སྐབས་བཅུ་གཅིག་པའི་གྲོས་ཚོགས་ཐེངས་ལྔ་པར་ཞུགས་པའི་སྲིད་གྲོས་ཨུ་ཡོན་རྣམས་དང། ཀྲུང་དབྱང་དང་རྒྱལ་ཁབ་ལས་ཁུངས་ཀྱི་ འབྲེལ་ཡོད་སྡེ་ཚན་དང་། བཅིངས་འགྲོལ་དམག་དང་དྲག་ཆས་ཉེན་རྟོག་དཔུང་སྡེ། མི་དམངས་ཀྱི་ཚོགས་པ་ཁག་གི་འབྲེལ་ཡོད་འགན་འཁུར་བ་དང། ཀྲུང་གོར་བཅའ་སྡོད་ཕྱི་རྒྱལ་གྱི་གཞུང་ཚབ་ཕོ་ཉ་བ་བཅས་ནས་ཚོགས་ཆེན་ལ་ཟུར་ཞུགས་སམ་ཟུར་ཉན་བྱས་ཡོད་འདུག
སྤྱི་ཚེས་༦ཉིན་གྱི་སྔ་དྲོའི་ཆུ་ཚོད་༡༠པར་ཕྱི་འབྲེལ་པུའི་པུའུ་ཀྲང་ཡང་ ཅེ་ཁྲེས་གསར་འགོད་པར་སྣེ་ལེན་ཞུ་བའི་ཚོགས་འདུ་འཚོག་ནས།
རང་རྒྱལ་གྱི་ཕྱི་ཕྱོགས་སྲིད་ཇུས་དང་ཕྱི་ཕྱོགས་འབྲེལ་བའི་ཐད་ཀྲུང་གོ་དང་ཕྱི་ རྒྱལ་གྱི་གསར་འགོད་པའི་དྲི་བར་ལན་བསྐྱོན་རྒྱུ་རེད། ཀྲུང་དབྱང་མི་དམངས་ཀུན་ཁྱབ་རླུང་འཕྲིན་ལས་ཁུངས་ཀྱི་གསར་འགྱུར་ཕྱོགས་བསྡུས་
འཕྲིན་ལམ་སྟེ། འཕྲིན་ལམ་དང་པོ་དང་། ཐའེ་ཝན་ལ་གཏོང་བའི་འཕྲིན་ལམ་ལྔ་པ། ཤང་ཀང་དང་ཨའོ་མན་དུ་གཏོང་བའི་འཕྲིན་ལམ་བརྒྱད་པ་བཅས་ནས་གསར་འགོད་པར་སྣེ་ལེན་ ཞུ་བའི་གནས་ཚུལ་དངོས་ཐད་གཏོང་བྱ་རྒྱུ་དང་།
ཀྲུང་གོའི་རླུང་གོའི་དྲ་བས་དྲ་ཐོག་ནས་ཐད་གཏོང་བྱ་རྒྱུ་དང། ཀྲུང་གོ་རྒྱལ་སྤྱིའི་རླུང་འཕྲིན་ལས་ཁུངས་དང་། ཀྲུང་དབྱང་བརྙན་འཕྲིན་ལས་ཁུངས་བཅས་ནང་ཐད་གཏོང་བྱ་རྒྱུ་རེད།
ཅ་ཆིང་ལིན་གྱིས་བོད་ལྗོངས་དང་བོད་ཁུལ་ཞིང་ཆེན་བཞིའི་འཕེལ་རྒྱས་བརྟན་ལྷིང་ལས་དོན་གང་ལེགས་སྒྲུབ་དགོས་ཚུལ་བསྟན་པ།
སྤེལ་དུས། 2012-03-05 ཡོང་ཁུངས། མི་དམངས་ཉིན་རེའི་ཚགས་པར། རྩོམ་སྒྲིག་པ། དཔལ་མགོན་སྐྱབས་ཀྱིས་བསྒྱུར།
ཟླ ༣ པའི་ཚེས ༡ ཉིན། ཀྲུང་གོང་ཀྲུང་དབྱང་ཆབ་སྲིད་ཅུས་ཀྱི་རྒྱུན་ཨུའམ། རྒྱལ་ཡོངས་སྲིད་གྲོས་ཀྱི་ཀྲུའུ་ཞི་ཅ་ཆིང་ལིན་གྱིས་པེ་ཅིང་ནས་ཚོགས་འདུར་གཙོ་
སྐྱོང་གནང་སྟེ། ཀྲུང་དབྱང་གི་བོད་ལྗོངས་ལས་དོན་བཞུགས་མོལ་ཚོགས་འདུའི་དགོངས་དོན་ལག་བསྟར་ དོན་འཁྱོལ་ཟབ་མོ་བྱེད་པ་དང་། བོད་རང་སྐྱོང་ལྗོངས་དང་སི་ཁྲོན། ཡུན་ནན། ཀན་སུའུ།
མཚོ་སྔོན་བཅས་བོད་ཁུལ་ཞིང་ཆེན་བཞིའི་འཕེལ་རྒྱས་བརྟན་ལྷིང་ལས་དོན་སྣ་ཚོགས་ བཀོད་སྒྲིག་བྱས།
ཅ་ ཆིང་ལིན་གྱིས་འདས་པའི་ལོ་གཅིག་རིང་གི་བོད་ལྗོངས་དང་བོད་ཁུལ་ཞིང་ཆེན་བཞིའི་ ལས་དོན་སྐོར་ལ་གདེང་འཇོག་གནང་བ་དང་།
བློ་མཐུན་ཧུའུ་ཅིན་ཐའོ་ཡིས་སྤྱི་ཁྱབ་ཧྲུའུ་ཅི་བྱས་པའི་ཏང་ཀྲུང་དབྱང་གི་ མཛུབ་སྟོན་བཟང་བོའི་འོག་ཏུ། བོད་ལྗོངས་དང་བོད་ཁུལ་ཞིང་ཆེན་བཞི།
ཀྲུང་དབྱང་འབྲེལ་ཡོད་སྡེ་ཁག་བཅས་མཉམ་འབྲེལ་ལེགས་པོ་བྱས་ཏེ། ནུས་ཤུགས་ཅི་ཡོད་ཀྱིས་དཀའ་བ་ཁྱད་དུ་བསད་དེ། ཀྲུང་དབྱང་གི་བོད་ལྗོངས་ལས་དོན་སྐོར་གྱི་བཞུགས་མོལ་ཚོགས་འདུ་ཐེངས་ལྔ་བའི་
དགོངས་དོན་ལག་བསྟར་དོན་འཁྱོལ་བྱེད་པ་དང་། བདེ་འཇགས་སྲུང་སྐྱོབ་དང་འཕེལ་རྒྱས་སྐུལ་སྤེལ། གཞི་རྩ་བརྟན་པོ། དམངས་འཚོར་ཕན་སྒྲུབ་སོགས་ཀྱི་ཐབས་ལམ་སྣ་ཚོགས་སྤྱད་དེ།
ལས་དོན་ཁག་སོ་སོར་གྲུབ་འབྲས་བཟང་པོ་ཐོབ་པ་དང་། ལོ་ལྔ་ཚན་བཅུ་གཉིས་རིང་གི་ལས་དོན་ལ་དབུ་འཁྱུད་བཟང་པོ་ཞིག་བཀོད། སྣང་ཚུལ་དེ་ཡིས་ཀྲུང་དབྱང་གི་བོད་ལྗོངས་ལས་དོན་ཐད་ཀྱི་སྲིད་ཇུས་དང་ཐབས་ལམ་
འགྲིག་ཡོད་པ་གསལ་བཤད་བྱས་ཡོད་ཅེས་གསུངས།
ཅ་ ཆིང་ལིན་གྱིས་བསྟན་དོན། ད་ལོ་ང་ཚོའི་ཏང་གིས་ཚོགས་ཆེན་བཅོ་བརྒྱད་པ་འཚོག་རྩིས་ཡོད་ལ། བོད་ལྗོངས་དང་བོད་ཁུལ་ཞིང་ཆེན་བཞིའི་ལས་དོན་གང་ལེགས་བསྒྲུབ་རྒྱུ་ནི།
ཏང་དང་རྒྱལ་ཁབ་ཀྱི་ལས་དོན་ཆ་ཚང་དང་འབྲེལ་ཡོད་པས་དོན་སྙིང་ཆེན་པོ་ལྡན། རྒྱལ་ནང་དང་རྒྱལ་སྤྱི་ཕྱོགས་གཉིས་ལ་ཁ་གཏད་དེ། བརྟན་ལྷིང་ཁྲོད་དུ་གོང་འཕེལ་གཏོང་བའི་ཐབས་ལམ་གཙོ་བྱས་ནས།
ཧུར་བརྩོན་ངང་བོད་ལྗོངས་དང་བོད་ཁུལ་ཞིང་ཆེན་བཞིའི་དཔལ་འབྱོར་བརྟན་ལྷིང་གོང་ འཕེལ་གཏོང་དགོས་པ་མ་ཟད། སྤྱི་ཚོགས་བདེ་འཇགས་སྲུང་སྐྱོབ་དང་མཐུན་སྒྲིལ་ངང་ཕྱོགས་སོ་སོའི་ནུས་པ་གཅིག་ བསྡུས་བྱས་ཏེ།
བློ་སེམས་གཅིག་ཏུ་འབྲེལ་ནས་མཆོང་སྐྱོད་ལྟ་བུའི་འཕེལ་རྒྱས་དང་ཡུན་རིང་བརྟན་ ལྷིང་ཡོང་བར་སྤྱི་ཚོགས་རྨང་གཞི་བསྐྲུན་དགོས་ཞེས་བསྟན།
ཅ་ ཆིང་ལིན་གྱིས། མུ་མཐུད་དུ་སྤྱི་ཚོགས་དཔལ་འབྱོར་འཕེལ་རྒྱས་ཀྱི་ལམ་ཕྱོགས་བཟང་བོ་རྒྱུན་ འཁྱོངས་བྱས་ཏེ། ༼ལོ་ལྔ་ཚན་བཅུ་གཉིས་རིང་དུ་བོད་ལྗོངས་ཀྱི་སྤྱི་ཚོགས་དཔལ་འབྱོར་འཕེལ་རྒྱས་
འཛུགས་སྐྲུན་རྣམ་གྲངས་ཁག་ལ་རྒྱབ་སྐྱོར་བྱེད་པའི་འཆར་གཞིའི་ཡིག་ཆ༽ལག་བསྟར་ ནན་མོ་བྱེད་པ་དང་། བོད་ཁུལ་ཞིང་ཆེན་བཞིའི་སྤྱི་ཚོགས་དཔལ་འབྱོར་འཕེལ་རྒྱས་རྣམ་གྲངས་ལ་རྒྱབ་
སྐྱོར་བྱེད་པའི་འཆར་གཞི་མགྱོགས་མྱུར་ངང་ཕྱིར་བཏོན་ནས། མ་དངུལ་དོ་དམ་དང་སྤུས་ཚད་འགན་ལེན་སོགས་ཤུགས་སྣོན་བྱེད་པ་དང་། ཀྲུང་དབྱང་གི་སྲིད་ཇུས་ཁག་སོ་སོ་འགོར་འགྱངས་མི་ཡོང་བར་ལག་བསྟར་དོན་འཁྱོལ་
བྱས་ཏེ། མང་ཚོགས་ཡིད་ཚིམ་པར་བྱེད་དགོས་པ་མ་ཟད། ལོ་རྒྱུས་ཀྱི་དོན་སྙིང་ཡོད་པར་བཟོ་དགོས། དམངས་འཚོ་ལེགས་སྒྱུར་དང་འགན་ལེན་བྱ་གཞག་ནི་དཔལ་འབྱོར་འཕེལ་རྒྱས་ཀྱི་རྩ་བར་ བཟུང་ནས།
ས་ཁུལ་སོ་སོའི་དོན་དངོས་གནས་ཚུལ་ལ་གཞིག་སྟེ། ཞིང་འབྲོག་ཁུལ་དང་ཞིང་འབྲོག་མང་ཚོགས་གཙོར་བྱས་ཏེ། མང་ཚོགས་ཀྱི་ཐོན་སྐྱེད་འཚོ་བའི་ཆ་རྐྱེན་ལེགས་སྒྱུར་བྱེད་པ་འོས་འགན་གཙོ་བོར་ བཟུང་ནས།
སྤྱི་པའི་ཞབས་ཞུ་ཆ་སྙོམས་ཅན་དུ་འགྱུར་བར་སྐུལ་འདེད་གཏོང་བ་དང་། ཀྲུང་དབྱང་གི་དམངས་ཕན་སྲིད་ཇུས་ཁག་སོ་སོ་ལག་བསྟར་དོན་འཁྱོལ་ནན་མོ་བྱས་ཏེ། མུ་མཐུད་དུ་མང་ཚོགས་ཀྱི་སྡོད་ཁང་དང་། སློབ་གསོ།
སྨན་བཅོས། ལས་ཞུགས། སྤྱི་ཚོགས་འགན་ལེན་སོགས་ཐད་ཀྱི་རེ་བ་བསྐོང་དགོས་ཞེས་བསྟན།
ཅ་ ཆིང་ལེན་གྱིས་བསྟན་དོན། ཏང་ཨུ་དང་སྲིད་གཞུང་དེ་རིམ་པ་སོ་སོའི་མི་དམངས་མང་ཚོགས་དང་དམ་པོར་འབྲེལ་ནས། ལས་དོན་ཐད་ཀྱི་ཐབས་ལམ་སྣ་ཚོགས་ལག་བསྟར་དོན་འཁྱོལ་བྱེད་པ་དང་།
བོད་ལྗོངས་དང་བོད་ཁུལ་ཞིང་ཆེན་བཞིའི་སྤྱི་ཚོགས་བདེ་འཇགས་སྲུང་སྐྱོབ་བྱས་ཏེ། རྒྱ་ཆེའི་མང་ཚོགས་ཀྱི་འཚོ་བ་བརྟན་ལྷིང་ཡོང་བ་བྱེད་དགོས།
ཏང་གིས་མང་ཚོགས་དང་འབྲེལ་བ་དམ་ཟབ་བྱེད་པའི་སྲོལ་རྒྱུན་བཟང་བོ་རྒྱུན་འཁྱོངས་ བྱས་ཏེ། ལས་བྱེད་མི་སྣ་དག་གཞི་རིམ་དུ་ཕེབས་ནས་མང་ཚོགས་ཀྱི་འཚོ་བར་རྒྱུས་ལོན་དང་།
གཞི་རིམ་གྱི་རྩ་འཛུགས་དེ་སྲིད་དབང་དང་གཅིག་ཏུ་སྒྲིལ་ཤུགས་དང་འཐབ་རྩོད་ནུས་ ཤུགས་ཇེ་མཐོར་གཏོང་དགོས། འཐབ་ཕྱོགས་གཅིག་གྱུར་གྱི་ཐབས་ལམ་བཟང་བོ་བཀོད་ནས།
རྒྱལ་གཅེས་ཅན་གྱི་ཆོས་ལུགས་མི་སྣས་ནུས་པ་གཙོ་བོ་བཏོན་ཏེ། ཁྲིམས་དང་བསྟུན་ནས་དོ་དམ་བྱེད་པ་ཤུགས་ཆེར་གཏོང་བ་དང་། སྤྱི་པའི་ཞུབས་ཞུ་དགོན་སྡེར་འདྲེན་པར་སྐུལ་འདེད་གཏོང་དགོས་པ་སོགས་བསྟན།
རྒྱལ་ སྲིད་ཨུ་ཡོན་ནམ། རྒྱལ་སྲིད་སྤྱི་ཁྱབ་ཁང་གི་དྲུང་ཡིག་ཆེན་མོ་མ་ཁའེ་དང་། རྒྱལ་སྲིད་ཨུ་ཡོན་ནམ། སྤྱི་བདེ་པུའུ་ཡི་པུའུ་ཀྲང་མེང་ཅན་ཀྲུའུ། རྒྱལ་ཡོངས་སྲིད་གྲོས་ཀྱི་ཀྲུའུ་ཞི་གཞོན་པའམ།
ཀྲུང་དབྱང་འཐབ་ཕྱོགས་གཅིག་གྱུར་པུའུ་ཡི་པུའུ་ཀྲང་ཏུའུ་ཆིང་ལིན་སོགས་ཚོགས་ འདུར་ཞུགས། ད་དུང་ཀྲུང་དབྱང་འབྲེལ་ཡོད་སྡེ་ཁག་དང་། བོད་ལྗོངས། སི་ཁྲོན། ཡུན་ནན། ཀན་སུའུ།
མཚོ་སྔོན་བཅས་ལྗོངས་དང་ཞིང་ཆེན་ལྔའི་ཏང་ཨུའི་འགན་ཁུར་མི་སྣ་སོགས་ཚོགས་འདུར་ ཞུགས་ཡོད་པ་རེད།
ཡོང་ཁུངས། http://www.tibetcnr.com/
པེ་ཅིན་གྱི་འབྲེལ་ཡོད་མི་སྣས་མཱེན་ཅིན་ཟླ་དེབ་ཀྱི་གསར་འགོད་པར་བརྗོད་པ་ལྟར་ན། ཉེ་སྔོན་རྒྱ་གཞུང་གི་སྲིད་འཛིན་ཟུར་པ་ཅང་ཙེ་མཱེན་པེ་ཅིན་ཆོན་ཧྲན་དུ་ཧུའུ་ཅིན་ཐའོ་ཕུད་པའི་རྒྱ་གཞུང་གི་ད་ལྟའི་ཆབ་སྲིད་ལྷན་ཁང་གི་རྒྱུན་ལས་དཔོན་རིགས་ཚང་མར་ཐུག་འཕྲད་བྱས་ཡོད་པ་མ་ཟད།
ཅཱང་གིས་གླེང་མོལ་སྐབས་དྲུག་བཞིའི་གནད་དོན་མུ་མཐུད་མནར་འགྱངས་བྱ་ཐབས་མེད་པར་ཐག་གཅོད་དགོས་པ་དང་། དྲུག་བཞིའི་གནད་དོན་དཀར་འདོན་གྱི་ཇུས་གཞི་ཞིག་བཏོན་ཏེ། འཆར་གཞི་ལྡན་པ་དང་རིམ་པ་ཡོད་པའི་ཐོག་ལག་བསྟར་བྱ་དགོས་སྐོར་བརྗོད་ཡོད་འདུག མ་གཞི་ཅཱང་ནི་དྲུག་བཞི་དམར་གསོད་ཀྱི་ལག་དམར་གཙོ་བོ་དེ་ཆགས་ཡོད་སྟབས། ཅཱང་གིས་བཏོན་པའི་བསམ་ཚུལ་དེས་པའེ་ཏའེ་ཧི་ཚོགས་འདུ་དང་ཏང་གི་ཚོགས་ཆེན་བཅོ་བརྒྱད་པའི་ཚོགས་ཆེན་སྐོར་ལ་ཤུགས་རྐྱེན་གང་འདྲ་ཞིག་འབྱུང་མིན་ཐད། ཆབ་སྲིད་དབྱེ་ཞིབ་པ་མང་པོ་ཞིག་ལ་དོགས་སློང་གསར་བ་ཞིག་བསྐྲུན་ཡོད་པ་རེད།
མཱེན་ཅིན་ཟླ་དེབ་སྟེང་སྤེལ་བའི་གནས་ཚུལ་ནང་། མི་ཚང་མས་དོ་སྣང་ཤུགས་ཆེན་བྱེད་བཞིན་པའི་རྒྱ་གཞུང་མཐོ་རིམ་མི་སྣ་འདེམས་སྒྲིག་ཐད། ད་ལྟའི་ཆར་གནད་དོན་ཆེ་ཤོས་ནི་རྒྱ་གཞུང་ཆབ་སྲིད་ལྷན་ཁང་གི་རྒྱུན་ལས་མི་ ༩ དེ། མ་འོངས་པར་མི་ ༧ ལ་ཉུང་འཕྲི་བྱ་ཐུབ་མིན་དང་། སྐབས་བཅོ་བརྒྱད་པའི་ཚོགས་ཆེན་དེ་ཕྱི་ཟླ་ ༡༠ ཟླ་དཀྱིལ་ནས་ཕྱི་ཟླ་ ༡༡
ཟླ་མགོ་བར་ཚོགས་གཏན་ཁེལ་ཐུབ་མིན་བཅས་ཡིན་སྟབས། ད་ལྟ་འཚོགས་འཆར་གྱི་པའེ་ཏའེ་ཧི་ཚོགས་འདུའི་སྟེང་ཆབ་སྲིད་ལྷན་ཁང་གི་རྒྱུན་ལས་མི་སྣ་འདེམས་སྒྲིག་ཐད་གཞི་རྩའི་གོ་སྒྲིག་ཡོང་ངེས་པའི་སྐོར་བརྗོད་འདུག
ཉེ་སྔོན་ཧོང་ཀོང་ནན་ཧྭ་ཞོགས་པའི་གསར་ཤོག་གིས་རྒྱ་གཞུང་མཐོ་རིམ་དཔོན་རིགས་ནང་ཁུལ་དུ། མ་འོངས་པའི་རྒྱ་གཞུང་གི་མཐོ་རིམ་དཔོན་རིགས་མིང་འདོན་གྱི་འོས་འདེམས་བྱས་ཡོད་པའི་གནས་ཚུལ་ཞིག་སྤེལ་པའི་ནང་། སྐབས་བཅོ་བརྒྱད་པའི་ཆབ་སྲིད་ལྷན་ཁང་གི་རྒྱུན་ལས་མི་གྲངས་ ༧ ལ་ཉུང་འཕྲི་བྱ་རྒྱུ་ཡིན་པ་དང་། ཞི་ཅིན་ཕེན་དང་ལི་ཁི་ཆང་གཉིས་ཕུད་པའི། རྒྱུན་ལས་ཁྲོད་རེ་བ་ཡོད་མཁན་རྣམས་ནི་ཧྲང་ཧེ་གྲོང་ཁྱེར་གྱི་དམར་ཤོག་དྲུང་ཆེ་ཡུས་ཀྲིན་ཧྲིན་དང་། སྲིད་བློན་གཞོན་པ་དང་ཁྲུང་ཆིན་གྲོང་ཁྱེར་དམར་ཤོག་དྲུང་ཆེ་ཀྲང་ཏིག་ཅང་། སྲིད་བློན་གཞོན་པ་ཝང་ཀྲི་ཧྲན། རྩ་འཛུགས་སྡེ་ཁག་གི་མགོ་གཙོ་ལིས་ཡོན་ཁྲའོ། རྒྱ་གཞུང་དབུས་དྲིལ་བསྒྲགས་སྡེ་ཁག་གི་མགོ་གཙོ་ལིག་ཡོན་ཧྲན་བཅས་ཡིན་པའི་ཚོད་བགམ་བྱས་ཡོད།
ཡིན་ནའང་། ཉེ་ཆར་པའོ་ཞོན་རྒྱ་ཡིག་དྲ་བས་རྒྱ་གཞུང་ཆབ་སྲིད་ལྷན་ཁང་གི་རྒྱུན་ལས་མི་ ༩
གྲངས་འབོར་དེ་སྐབས་བཅོ་བརྒྱད་པར་མུ་མཐུད་རྒྱུན་གནས་བྱ་རྒྱུ་ཡིན་སྐོར་བརྗོད་འདུག་ལ། དེ་བཞིན།
མཱེན་ཅིན་ཟླ་དེབ་ཀྱིས་རྒྱ་གཞུང་འབྲེལ་ཡོད་མི་སྣས་བརྗོད་པའི་གནས་ཚུལ་བཀོད་པའི་ནང་། རྒྱ་གཞུང་དཔོན་རིགས་ནང་ཁུལ་གྱི་གསང་བའི་འོས་འདེམས་དེ་ཕྱི་ཟླ་ ༦ ཚེས་ ༢༥
ཉིན་བྱ་གཏན་ཁེལ་ཡོད་ཀྱང་། རྒྱ་གཞུང་དབུས་ཡིག་ཚང་གི་དྲུང་ཆེ་ཅིན་ཅིས་ཧྭ་དང་ཁྲིམས་སྲིད་ལྷན་ཁང་གི་དྲུང་ཆེ་ཀྲུག་ཡུང་ཁཱང་གི་ལྐོག་ཇུས་ལ་བརྟེན་ནས། ཕྱི་ཟླ་ ༥ ཚེས་ ༧ ལ་སྔ་སྣུར་གྱིས་ཚོགས་དགོས་བྱུང་བ་དང་། དེ་ནི་ཅིན་ཅིས་ཧྭ་རྒྱུན་ལས་ཁྲོད་འཛུལ་ཐུབ་ཆེད་དང་། ཕྱི་ཟླ་ ༣ ཚེས་
༡༨ ཉིན་པེ་ཅིན་དུ་ཅིན་ཅིས་ཧྭ་ཡི་བུ་རླངས་འཁོར་དོན་རྐྱེན་འོག་རྐྱེན་འདས་སུ་བཏང་བ་སོགས་ཀྱི་འཇིགས་སྣང་གནོན་ཤུགས་ཀྱི་རྐྱེན་གྱིས་ཡིན་སྐོར་བརྗོད་འདུག
རྒྱ་གཞུང་དཔོན་རིགས་རིམ་པས་དབང་འཛིན་སྐབས། རང་ཉིད་ཀྱི་ལངས་ཕྱོགས་རྣམས་རྒྱ་གཞུང་དམར་ཤོག་ཚོགས་པའི་སྒྲིག་ཡིག་ནང་བཅུག་སྟེ།
སྐབས་སོ་སོའི་རྒྱ་གཞུང་དམར་ཤོག་པའི་ཆབ་སྲིད་ཁ་ཕྱོགས་བཅོས་སྒྲིག་བྱས་ཡོད་ལ། དེའང་ ༡༩༩༧
ལོར་རྒྱ་གཞུང་སྐབས་བཅོ་ལྔ་པའི་དམར་ཤོག་རྩ་འཛིན་ནང་ཏིན་ཞའོ་ཕིན་གྱི་རིག་པའི་གཞུང་ལུགས་ནི་བསམ་བློའི་མཛུབ་སྟོན་དུ་བཟུང་ཞིང་། ༢༠༠༢ ལོར་སྐབས་བཅུ་དྲུག་པའི་དམར་ཤོག་རྩ་འཛིན་ནང་མཚོན་བྱེད་གསུམ་དང་། ༢༠༠༧ ལོར་སྐབས་བཅུ་བདུན་པའི་དམར་ཤོག་རྩ་འཛིན་ནང་ཚན་རིག་གི་འཕེལ་རྒྱས་ལྟ་བ་གཙོར་འདོན་བཅས་བྱས་ཡོད་པ་ལྟར། མ་འོངས་པའི་སྐབས་བཅོ་བརྒྱད་པའི་རྗེས་ཞིས་ཅིན་ཕེན་གྱིས་དམར་ཤོག་རྩ་འཛིན་ནང་ལངས་ཕྱོགས་གང་འདྲ་ཞིག་གཙོར་འདོན་བྱ་མིན་ནི་ཆབ་སྲིད་དབྱེ་ཞིབ་དག་གིས་དོ་སྣང་བྱ་ཡུལ་ཞིག་ཆགས་ཡོད་འདུག
རྒྱ་གཞུང་གི་ཚོགས་ཆེན་བཅུ་དྲུག་པའི་གཏན་འབེབས་ལྟར། རང་ལོ་ ༦༨ ལོན་མཁན་ཆ་ཚང་ཆབ་སྲིད་ལྷན་ཁང་གི་རྒྱུན་ལས་ནས་རང་བཞིན་གྱིས་རྒན་ཡོལ་བྱེད་དགོས་སྟབས། རྒྱ་གཞུང་དབུས་ཆབ་སྲིད་ལྷན་ཁང་གི་ད་ཡོད་རྒྱུན་ལས་མི་ ༩ ཁྲོད་ནས་མི་ ༧
རྒན་ཡོལ་དུ་འགྲོ་དགོས་པ་མ་ཟད། རྒྱ་གཞུང་དབུས་ཆབ་སྲིད་ལྷན་ཁང་གི་འཐུས་མི་ ༢༥ ཁྲོད་ནས་ཀྱང་མང་ཤོས་རྒན་ཡོལ་དུ་འགྲོ་དགོས་པར་བརྟེན། སྐབས་བཅོ་བརྒྱད་པའི་ཚོགས་ཆེན་དེ་ནི་རྒྱ་གཞུང་གི་དཔོན་རིགས་གསར་རྙིང་བརྗེ་སྤོར་རིམ་པའི་ཁྲོད་མི་འབོར་ཆེས་མང་ཤོས་དང་། རྒྱ་གཞུང་དཔོན་རིགས་ནང་ཁུལ་ཤོག་ཁག་བར་མི་སྣ་འདེམས་སྒྲིག་ཐད་ཕན་ཚུན་འཐབ་རྩོད་ཀྱི་རྣོ་ངར་ཧ་ཅང་ཆེ་བའི་སྐབས་ཤིག་ཆགས་ཡོད་པར་མ་ཟད། རྒྱ་ནག་ནང་དབུལ་ཕྱུག་གི་ཧེ་བག་དང་། དཔོན་རིགས་རུལ་སུངས། དམངས་དང་དམར་གཞུང་བར་འགལ་ཟླ་ཆེས་ཆེ་བའི་དུས་མཚམས་ཤིག་ལའང་སླེབས་ཡོད་པ་རེད།
ཉེ་ཆར་རྒྱ་གཞུང་དཔོན་རིགས་ནང་ཁུལ་རྩོད་རྙོག་ཤུགས་ཆེ་རུ་ཕྱིན་སྟབས། སྐབས་བཅོ་བརྒྱད་པའི་ཚོགས་ཆེན་ཕྱིར་འགྱངས་བྱ་རྒྱུར་བསྐྱར་དུ་གྲོས་བསྡུར་བྱེད་བཞིན་ཡོད་འདུག
འདི་ལོའི་ཕྱི་ཟླ་ ༩ དང་ ༡༠
ཙམ་ལ་རྒྱ་གཞུང་གི་དཔོན་རིགས་གསར་རྙིང་བརྗེ་སྤོར་གྱི་འགག་རྩའི་ཚོགས་ཆེན་སྐབས་བཅོ་བརྒྱད་པ་ཚོགས་གཏན་ཁེལ་ཡོད་ཀྱང་།
ཉེ་སྔོན་ཝང་ལི་ཅོན་དང་པའོ་ཞིས་ལའེ་གཙོས་རྒྱ་ནག་ཆབ་སྲིད་མི་སྣའི་ཁྲོད་འབར་གས་ལྟ་བུའི་དོན་རྐྱེན་རིམ་པར་བྱུང་རྗེས། རྒྱ་ནག་དམར་ཤོག་དཔོན་རིགས་ནང་ཁུལ་གྱི་དཔུང་ཁག་བར་དཔོན་རིགས་གསར་བ་འདེམས་སྒྲུག་དང་ཆབ་སྲིད་ལྷན་ཁང་གི་རྒྱུན་ལས་མི་འབོར་འཕར་ཆག་སོགས་ཀྱི་ཐད།
ནང་ཁུལ་རྣོ་ངར་ལྡན་པའི་རྩོད་རྙོག་བྱུང་སྟེ་གཅིག་གྱུར་གྱི་གཏན་འབེབས་ཐག་གཅོད་གང་ཡང་མ་བྱུང་སྟབས། དམར་ཤོག་མཐོ་རིམ་དཔོན་རིགས་ནང་ཁུལ་ཚོགས་ཆེན་སྐབས་བཅོ་བརྒྱད་པ་ཕྱིར་འགྱངས་ཐད་བསྐྱར་དུ་གྲོས་བསྡུར་བྱ་དགོས་བྱུང་ཡོད་འདུག
ཟླ་འདིའི་ཕྱི་ཚེས་ ༩ ཉིན་རོ་ཌིར་གསར་ཁང་གིས་གནས་ཚུལ་སྤེལ་བ་ལྟར་ན། རྒྱ་གཞུང་མཐོ་རིམ་དཔོན་རིགས་ཚོས་སྐབས་བཅོ་བརྒྱད་པའི་ཚོགས་ཆེན་དེ་འདི་ལོའི་ཕྱི་ཟླ་ ༡༡ དང་།
ཡང་ན་ལོ་རྗེས་མའི་ཕྱི་ཟླ་ ༡ བར་ཕྱིར་འགྱངས་བྱ་རྒྱུའི་ཐད་བསམ་བློ་གཏོང་བཞིན་ཡོད་འདུག རྒྱ་གཞུང་གི་འདས་པའི་ཚོགས་ཆེན་རིམ་པ་ ༥ ནང་ནས། སྐབས་ ༢ ལ་ཚོགས་ཆེན་ཕྱིར་འགྱངས་བྱ་དགོས་བྱུང་ཡོད་པ་རེད།
རྒྱ་གཞུང་གི་ཚོགས་ཆེན་ཕྱིར་འགྱངས་བྱ་དགོས་དོན་གཙོ་བོ་ནི། སྐབས་རྗེས་མིའི་རྒྱ་གཞུང་དཔོན་རིགས་གསར་པ་རྣམས་སྐབས་བཅོ་བརྒྱད་པའི་ཚོགས་ཆེན་ཐོག་འདེམས་སྒྲུག་ཁྱབ་བསྒྲགས་བྱས་རྗེས། ལོ་རྗེས་མའི་ཕྱི་ཟླ་
༣ པའི་རྒྱལ་ཡོངས་ཚོགས་ཆེན་གཉིས་ཀྱི་སྐབས་གཞི་ནས་སྲིད་དབང་འཛིན་དགོས་སྟབས། བར་བརྒལ་གྱི་དུས་ཡུན་ཇེ་ཐུང་དུ་གཏོང་ཆེད་དང་། ཡང་ཕྱོགས་གཞན་ཞིག་ནས་ད་ལྟའི་དབང་འཛིན་དཔོན་རིགས་དག་གི་ལས་ཡུན་ཇེ་རིང་དུ་བཏང་སྟེ།
མཐོ་རིམ་དཔོན་རིགས་ནང་ཁུལ་དུ་རྩོད་གཞིར་གྱུར་བའི་སྐབས་རྗེས་མའི་དཔོན་རིགས་གསར་འདེམས་ཐད་བསྐྱར་དུ་གྲོས་བསྡུར་གྱི་དུས་ཚོད་རག་ཆེད་ཡིན་འདུག
དེང་སྐབས་ཧུའུ་ཡི་ཕྱོགས་གཏོགས་དཔོན་རིགས་དག་གིས་རྒྱ་གཞུང་གིས་ཆེས་མཐོའི་དབང་འཛིན་སྡེ་ཁག་སྟེ། ཆབ་སྲིད་ལྷན་ཁང་གི་རྒྱུན་ལས་མི་དགུའི་གྲངས་ཚད་ཉུང་འཕྲི་བྱས་ཏེ་མི་ ༧
བཟོ་དགོས་པའི་རེ་འདུན་བཏོན་ཡོད་པ་དང་། ཅཱང་ཤོག་ཁག་གི་དཔོན་རིགས་ཚོས་མི་ ༡༡ ལ་འཕར་སྣོན་བྱ་དགོས་པའི་རྩོད་རྙོག་བྱུང་ཡོད་འདུག གཞན་ཡང་།
ད་ལྟའི་ཆར་རྒྱ་ནག་དམར་གཞུང་གི་ཆེས་མཐོའི་གོ་གནས་སྲིད་འཛིན་དང་སྲིན་བློ་གཉིས་འདེམས་སྒྲུག་གཏན་འབེབས་ཟིན་ཡོད་པ་མ་གཏོགས།
གཞན་པའི་ཆབ་སྲིད་ལྷན་ཁང་གི་ལས་གནས་རྣམས་ད་དུང་གཅིག་གྱུར་གྱི་འདེམས་སྒྲུག་གཏན་འབེབས་བྱ་ཐུབ་མེད་པར་ལྷག་ཡོད་འདུག
གཞན་ཡང་། ཉེ་ཆར་རྒྱལ་སྤྱིའི་གནས་འཕྲིན་དྲ་རྒྱ་ཁག་ནང་།
ད་ལྟའི་རྒྱ་གཞུང་ནི་དོན་གྱིས་དབུས་དམར་ཤོག་གཞུང་གཉིས་ཆགས་ཏེ་ནང་ཁུལ་ཁྱོ་ཤི་ང་གསོན་གྱི་ཆབ་སྲིད་བདག་དབང་འཕྲོག་རྩོད་རྙོག་འཛིང་ཁྲོད་ལྷུང་ཡོད་པ་དང་།
ཅཱང་ཤོག་ཁག་ལ་ཆབ་སྲིད་གནོན་ཤུགས་སྤྲོད་ཆེད་ཝུན་ཇ་པའོ་ཡིས་སྲིད་བློན་གྱི་ལས་གནས་ནས་རྩ་དགོངས་བྱ་འཆར་བྱས་ཡོད་སྐོར་སོགས་གླེང་སློང་སྣ་ཚོགས་ཁྱབ་ཡོད་པ་རེད།
གསར་འགྱུར་བརྒྱུད་ལམ་ཁག་གིས་སྐབས་བཅོ་བརྒྱད་པའི་ཚོགས་ཆེན་ཕྱིར་འགྱངས་ཀྱི་གནས་ཚུལ་ཐད་རྒྱ་གཞུང་འབྲེལ་ཡོད་སྡེ་ཁག་ལ་དོགས་འདྲི་བྱས་ཡོད་ཀྱང་།
རྒྱ་གཞུང་གིས་ལན་འདེབས་གསལ་བྱེད་གང་ཡང་བྱས་མེད་པ་རེད།
རྒྱ་ནག་ཧྲན་ཏུང་གི་དམར་གཞུང་དྲ་བ་ཞིག་གི་སྟེང་། དམར་ཤོག་ཕམ་པར་བརྒྱབ་སྟེ་རྒྱ་ནག་གསར་བ་འཛུགས་དགོས་པའི་འབོད་ཚིག་སྦྱར་འདུག
ཕྱི་ཟླ་ ༤
ཚེས་ ༢༣ ཉིན་རྒྱ་ནག་ཧྲན་ཏུང་ཞིང་ཆེན་ཡཱས་ཡོན་རྫོང་གི་དམར་ཤོག་འཐུས་མིའི་སློབ་གྲྭའི་དྲ་བའི་སྟེང་།
༼དམར་ཤོག་ཕམ་པར་བརྒྱབ་སྟེ་རྒྱ་ནག་གསར་བ་འཛུགས་དགོས་༽ཞེས་པའི་འབོད་ཚིག་སྦྱར་ཡོད་པར་མ་ཟད། དྲ་ངོས་ཀྱི་རྒྱ་གཞུང་དམར་ཤོག་པའི་མཚོན་རྟགས་སྟེང་དུ་འཆུག་རྟགས་ནག་པོ་གཉིས་བརྒྱབ་ཡོད་པ་དང་།
ད་ལྟ་གཞུང་འབྲེལ་དྲ་རྒྱ་དེའི་སྒོ་བརྒྱབ་སྟེ་ཀློག་ཐུབ་ཀྱི་མེད་པ་རེད། སྐབས་དོན་དབྱེ་ཞིབ་པ་དག་གིས་དེ་ནི་དྲ་རྒྱ་བརྒྱུད་རྒྱ་གཞུང་དམར་ཤོག་ལ་ངོ་རྒོལ་གྱི་ཐབས་ལམ་གསར་བ་ཞིག་ཡིན་པ་དང་།
ངོ་རྒོལ་སྤེལ་མཁན་ནི་རྒྱ་རིགས་མང་ཚོགས་རྣམས་ཡིན་པའི་ངོས་འཛིན་བྱེད་བཞིན་ཡོད་འདུག
གཞན་ཡང་། ཟླ་འདིའི་ཕྱི་ཚེས་ ༡༨ ཉིན་ལེའོ་ཉིན་ཞིང་ཆེན་ཏ་ལེན་གྲོང་ཁྱེར་ཀན་ཅིན་ཙི་ས་གནས་ཁྲིམས་སྲིད་ལྷན་ཁང་གི་དྲ་ངོས་སུའང་།
“རྒྱ་ནག་དམར་ཤོག་པ་རྩ་རྫོགས་བྱ་དགོས” སོགས་ཀྱི་པར་རིས་དང་འབོད་ཚིག་སྦྱར་ཡོད་འདུག
ཉེ་བའི་ཟླ་འདིའི་ནང་དྲ་རྒྱ་བརྒྱུད་རྒྱ་གཞུང་དམར་ཤོག་པར་ངོ་རྒོལ་གྱི་འབོད་ཚིག་སྤེལ་མཁན་བསྟུད་མར་བྱུང་ཡོད་པ་ལྟར།
རྒྱ་ནག་མང་ཚོགས་ཁྲོད་མངོན་གསལ་དོད་པོའི་ཐོག་ནས་རྒྱ་གཞུང་དམར་ཤོག་པར་ངོ་རྒོལ་འབོད་ཚིག་སྒྲོག་པའི་མགོ་དེ་ནི། ཕྱི་ལོ་ ༢༠༠༨
ལོར་ས་གནས་རྒྱ་རིགས་མང་ཚོགས་ཀྱིས་མི་རིགས་ཀྱི་དཔའ་རྒོད་ལ་ངོས་འཛིན་བྱེད་བཞིན་པའི་ཡཱང་ཀཱ་ལགས་རྒྱ་གཞུང་གིས་ཁྲིམས་ལ་སྦྱར་སྐབས། ཧྲང་ཧེ་མང་ཚོགས་ཀྱིས་༼དམར་ཤོག་པ་ཕམ་པར་རྒྱོབ་༽
ཞེས་པའི་འབོད་ཚིག་བསྒྲགས་ཡོད་པ་དང་། དེ་ནས་བཟུང་རིམ་གྱིས་རྒྱ་རིགས་མང་ཚོགས་ཁྲོད་དམར་ཤོག་པར་ཁ་རྡུང་གཏོང་བའི་ངོ་རྒོལ་གྱི་རྣམ་པ་ཤུགས་ཆེ་རུ་ཕྱིན་ཡོད་པ་རེད།
རྒྱ་ནག་ནི་འཛམ་གླིང་སྟེང་དྲ་རྒྱ་སྤྱོད་མཁན་གྱི་མི་གྲངས་ཆེས་མང་ཤོས་ཀྱི་རྒྱལ་ཁབ་དེ་ཆགས་ཡོད་པ་དང་།
ད་ལྟའི་ཆར་རྒྱ་ནག་ནང་དྲ་རྒྱ་སྤྱོད་མཁན་མི་གྲངས་དུང་ཕྱུར་ ༥ དང་། ཟིན་བྲིས་འབྲི་མཁན་མི་གྲངས་དུང་ཕྱུར་ ༣ ཙམ་ཡོད་འདུག
གཟའ་ལྷག་པའི་ཉིན་ཡུན་ནན་རིན་ཧི་གྲོང་རྡལ་དུ་ཉེན་རྟོག་པ་དང་མང་ཚོགས་བར་འཁྲུག་འཛིངས་ཤོར་ཏེ། ཉེན་རྟོག་ལས་ཁུངས་ཀྱི་མགོ་གཙོ་གཞོན་པ་ཝང་ཧྲ་ཡུང་དམར་གསོད་བཏང་ཡོད་འདུག
ཟླ་འདིའི་ཕྱི་ཚེས་ ༡༨
ཉིན་ཡུན་ནན་ལིས་ཅང་གྲོང་ཁྱེར་ཡུང་ཧྲིན་རྫོང་རིན་ཧི་གྲོང་རྡལ་དུ། ཞིང་པ་མང་ཚོགས་སྟོང་ཕྲག་ལྷག་གིས་རིན་ལི་སྲང་ལམ་དུ་ཡོད་པའི་ས་གནས་གྲོང་རྡལ་སྲིད་གཞུང་ཐོག་ཁང་གི་མཐའ་སྐོར་ཏེ།
ཉེ་སྔོན་སོལ་གཏེར་སྔོག་འདོན་གྱི་རྐྱེན་པས་ས་གནས་མང་ཚོགས་ཀྱི་སྡོད་ཁང་ལ་གཏོར་སྐྱོན་ཐེབས་པའི་ཐད།
ས་གནས་སྲིད་གཞུང་གིས་དྲང་བདེན་ཐག་གཅོད་མ་བྱས་པར་རྡོ་སོལ་བཟོ་གྲྭའི་རྒྱབ་རྩར་ལངས་ཏེ་མང་ཚོགས་ལ་བཤུ་གཞོག་གཉའ་གནོན་བྱས་པར་ངོ་རྒོལ་སྐད་འབོད་བྱས་ཡོད་འདུག
སྐབས་དེར་སྤྱི་བདེ་ཉེན་རྟོག་རུ་ཁག་གི་མགོ་གཙོ་གཞོན་པ་ཝང་ཧྲ་ཡུང་གིས་དྲག་ཆས་ཉེན་རྟོག་རུ་དཔུང་གི་སྣེ་ཁྲིད་དེ་མང་ཚོགས་ལ་དྲག་གནོན་བྱས་པར་བརྟེན།
ཉེན་རྟོག་པ་དང་མང་ཚོགས་བར་འཁྲུག་འཛིངས་ཤོར་ཡོད་པར་མ་ཟད། འཁྲུག་ཟིང་ཁྲོད་ཉེན་རྟོག་ལས་ཁུངས་ཀྱི་མགོ་གཙོ་གཞོན་པ་ཝང་ཧྲ་ཡུང་ལ་གྲི་བཙུགས་ཏེ་དམར་གསོད་བཏང་ཡོད་པ་དང་། གཞན་པའི་ཉེན་རྟོག་པ་ ༡༥
ལ་རྨས་སྐྱོན་ཕོག་སྟེ་སྨན་ཁང་དུ་བསྐྱལ་ཡོད་འདུག
ཛ་དྲག་གནས་ཚུལ་དེ་བྱུང་རྗེས། ལིན་ཅཱང་དམིགས་བསལ་དྲག་ཆས་རུ་དཔུང་ཆེད་གཏོང་བྱས་ཏེ། འཁྲུག་ཟིང་ཁྲོད་ནས་ཉེན་རྟོག་པ་རྣམས་ཚུར་སྐྱབས་ཡོད་པ་དང་།
མང་ཚོགས་ཀྱི་འདུ་འཛོམས་ཁ་འཐོར་དུ་བཏང་སྟེ་ཞི་འཇགས་བཟོས་ཡོད་ཀྱང་། ས་གནས་ཞིང་པ་མང་ཚོགས་མང་པོར་གཅར་རྡུང་རྨས་སྐྱོན་བཟོས་ཡོད་པར་མ་ཟད། ཞིང་པ་ ༡༠ ལྷག་འཇུ་བཟུང་བཙན་འཁྲིད་བྱས་ཡོད་འདུག
གཞན་ཡང་། ཉེན་རྟོག་ལས་ཁུངས་ཀྱི་མགོ་གཙོ་གཞོན་པ་ཝང་ཧྲ་ཡུང་གྲོངས་རྗེས། ས་གནས་རྒྱ་གཞུང་གིས་ཁོ་ལ་མྱ་ངན་རྗེས་དྲན་གྱི་དུར་མཆོད་ཅིག་ཀྱང་བྱས་འདུག
རིན་ཧི་གྲོང་རྡལ་ལ་མི་གྲངས་ ༢༥༠༠༠
དང་ས་ཁྱོན་སྤྱི་ལེ་གྲུ་བཞི་མ་ ༤༥༥ ཡོད་ལ། རྒྱ་གཞུང་གིས་གྲངས་ཉུང་མི་རིགས་དབྱེ་བགར་གྱི་མིང་འབོད་སྟངས་ལྟར་བྱས་ན། ས་ཁུལ་དེར་ཡའུ་རིགས་དང་། ཏའེ་རིགས། ལིའུ་རིགས་གསུམ་གྱི་མི་འབོར་གྲངས་
༡༣༠༠༠ ལྷག་ཡོད་འདུག
ཁ་སང་དགོང་མོ་པའོ་ཞིས་ལའེ་ལ་ཁྲིམས་བཤེར་བྱ་རྒྱུ་ཡིན་པ་ཡོངས་བསྒྲགས་མ་བྱས་པའི་སྔོན་ལ། ཁྲུང་ཆིན་གྲོང་ཁྱེར་ནང་མི་མང་འདུ་འཛོམས་གྱི་གཞི་རྒྱ་ཆེ་བའི་ངོ་རྒོལ་ཞིག་བྱུང་འདུག
ཁ་སང་ཕྱི་ཚེས་ ༡༠
ཉིན་གྱི་དགོང་མོ་རྒྱ་ནག་དབུས་གཞུང་གིས་དེ་སྔའི་ཁྲུང་ཆིན་གྲོང་ཁྱེར་གྱི་དམར་ཤོག་དྲུང་ཆེ་པའོ་ཞིས་ལའེ་ལ་ཞིབ་བཤེར་བྱ་རྒྱུ་ཡིན་པ་ཡོངས་ཁྱབ་གསལ་བསྒྲགས་གནང་ཡོད་པ་ལྟར། ཉིན་དེའི་ཉིན་རྒྱབ་ཙམ་ལ་རྒྱ་ནག་ཁྲུང་ཆིན་གྲོང་ཁྱེར་གྱི་ཝན་ཁྲིན་ས་ཁུལ་གྱི་སློབ་ཕྲུག་དང་མི་མང་ཉིས་ཁྲི་ལྷག་གིས་ལག་ཏུ་
༼ཝན་ཁྲིན་ས་ཁུལ་ང་ལ་ཕྱིར་སྤྲོད༽ ༼ང་ཚོས་ཟ་མ་བཟའ་དགོས་ཀྱི་འདུག༽
ཞེས་པའི་འཕྲེད་དར་འཕྱར་ཏེ། ཁྲོམ་གཞུང་དུ་གཞི་རྒྱ་ཆེ་བའི་འདུ་འཛོམས་གོམ་བགྲོད་ཀྱི་ངོ་རྒོལ་སྐད་འབོད་བྱས་ཡོད་པ་རེད། སྐབས་དེར་ས་གནས་གཞུང་གིས་དྲག་ཆས་ཉེན་རྟོག་དམག་མི་སྟོང་ཕྲག་འགའ་ཆེད་གཏོང་གིས། མང་ཚོགས་ཁྲོད་མིག་སྦྲིད་དུག་རླངས་འགལ་རྫས་སོགས་གཏོར་ཏེ་མི་མང་འདུ་འཛོམས་ཁ་འཐོར་དུ་གཏོང་ཐབས་བྱས་ཡོད་ཀྱང་།
མང་ཚོགས་ཀྱི་ངོ་རྒོལ་འགོག་མ་ཐུབ་པར་མཚན་ཡོལ་བར་ངོ་རྒོལ་འདུ་འཛོམས་མུ་མཐུད་བྱུང་ཡོད་འདུག
ཕྱི་ཚེས་ ༡༡ ཉིན་རྒྱ་ནག་དབུས་གཞུང་མཐོ་རིམ་དཔོན་རིགས་ཀྱིས་དྲག་གནོན་དགོས་པའི་བཀའ་རྒྱ་བཏང་བ་ལྟར། དྲག་ཆས་ཉེན་རྟོག་དམག་མིས་མང་ཚོགས་ཐོག་དྲག་གནོན་བྱས་ཏེ།
བཙན་ཤུགས་ཀྱིས་མི་ཚོགས་ཁྲོམ་གཞུང་ནས་ཕྱིར་འདེད་ཀྱིས་ངོ་རྒོལ་ཞི་འཇགས་སུ་བཏང་ཡོད་ཀྱང་། དྲག་གནོན་ཁྲོད་མི་མང་པོར་རྨས་སྐྱོན་ཕོག་ཡོད་འདུག
གྲོང་ཁྱེར་ཡུལ་མི་ཞིག་གིས་གསར་ལམ་ཁག་ཏུ། ངོ་རྒོལ་ཡར་ལངས་དེའི་བྱུང་རྐྱེན་གཙོ་བོ་ནི།
དེ་སྔོན་ཁྲུང་ཆིན་གྲོང་ཁྱེར་ས་གནས་སྲིད་གཞུང་གིས་ཝན་ཁྲིན་ས་ཁུལ་དང་ཆིས་ཅང་རྫོང་གཉིས་ཟླ་སྒྲིལ་བཏང་སྟེ། ཝན་ཁྲིན་ས་ཁུལ་གྱི་ཡུལ་མིའི་ས་ཆའི་བདག་དབང་བཙན་འཕྲོག་བྱས་པར་བརྟེན་ནས། ས་གནས་མང་ཚོགས་ལ་རྒས་གསོའི་ཕོགས་དང་འཕྲོད་བསྟེན་ཁག་ལེན་མ་དངུལ་བཅས་མ་རག་པར་མི་མང་གི་འཚོ་བར་དཀའ་ངལ་བྱུང་བའི་རྐྱེན་གྱིས་ཡིན་སྐོར་བརྗོད་འདུག
ཡིན་ནའང་། རྒྱ་ནག་གནད་དོན་ཉམས་ཞིབ་པ་ལིས་ཏཱ་ལགས་ཀྱིས་ངོ་རྒོལ་དེའི་རྒྱབ་ལོག་ཏུ་གནད་དོན་གཞན་ཞིག་ཡོད་པར་ངོས་འཛིན་དང་།
ཉེ་ཆར་ཧུའུ་ཝུན་མཉམ་འབྲེལ་ཐོག་པའོ་ཞིས་ལའེ་ཡི་གོ་གནས་ཕྱིར་བསྡུའི་གནད་འགག་གི་སྐབས་འདིར། འབྲེལ་ཡོད་ཡིག་ཆ་ཁག་རྫོང་རིམ་པའི་བར་དུ་བརྒྱུད་སྒྲོག་བྱས་ཏེ།
རྒྱ་ནག་རྒྱལ་ཡོངས་གོང་འོག་ཚང་མ་འུར་འུར་ཟང་ཟིང་གི་གནས་སྟངས་ཆགས་བཞིན་ཡོད་ལ། དེ་དང་བསྟུན་ནས་པའོ་ཞིས་ལའེ་ཡི་དབང་ཤུགས་བསྟི་གནས་ཁྲུང་ཆིན་གྲོང་ཁྱེར་དུ་ངོ་རྒོལ་ཡར་ལངས་བྱུང་བ་དེ་ནི།
ཧུའུ་ཝུན་གཉིས་ལ་ཁ་གཏད་གཅོག་ཐབས་ཤིག་ཡིན་སྲིད་ལ། དུས་སྐབས་འདི་དང་བསྟུན་ནས་ཚད་བརྒལ་གྱི་དམག་ཤུགས་བེད་སྤྱོད་དང་།
དོན་རྐྱེན་གྱི་རྒྱབ་ལོག་ཏུ་སྟོབས་ཤུགས་གང་རུང་ཞིག་གིས་ངོ་ལོག་བྱེད་བཞིན་ཡོད་སྲིད་པའི་དོགས་སློང་གནང་ཡོད་པ་རེད།
དེ་རིང་ཕྱི་ཚེས་ ༡༡ ཉིན། རྒྱ་ནག་གཞུང་འབྲེལ་མི་དམངས་དྲ་བའི་མིང་ཐོག་ནས་པའོ་ཞིས་ལའེ་ལ་ཞིབ་བཤེར་སྐོར་གྱི་དཔྱད་གཏམ་ཞིག་སྤེལ་ཏེ།
གཏིང་ཟབ་པོའི་སྒོ་ནས་རྒྱ་ནག་དབུས་དམར་གཞུང་གི་ཐག་གཅོད་ཀྱི་དོན་སྙིང་གལ་ཆེན་ལ་ངོས་ཤེས་ཟབ་མོ་ལྡན་པའི་ཐོག་ནས།
རང་འགུལ་གྱིས་སྲིད་འཛིན་ཧུའུ་ཅིན་ཐའོ་སྤྱི་ཁྱབ་དྲུང་ཆེ་ཡིན་པའི་རྒྱ་ནག་དམར་གཞུང་དང་ལངས་ཕྱོགས་གཅིག་འཛིན་དགོས་པ་དང་། བསམ་བློའི་འདུ་ཤེས་དང་ལག་ལེན་གཅིག་གྱུར་ཐོག་དབུས་གཞུང་གི་ལམ་ཕྱོགས་སུ་བསྐྱོད་དེ།
བློ་རིག་དང་སྙིང་སྟོབས་ཡོད་ཚད་བཅོས་སྒྱུར་གྱི་ཕྱོགས་སུ་གཏད་དགོས་སྐོར་བརྗོད་འདུག
ས་གནས་གྲོང་ཁྱེར་ཡུལ་མི་ཞིག་གིས་ཀྱང་གསར་ལམ་ཁག་ཏུ། " གཞི་རིམ་གྲོང་ཁྱེར་མི་མང་རྣམས་འདི་ལྟར་དུས་གཅིག་ཏུ་གློ་བུར་མཉམ་འཛོམས་ཀྱིས་ངོ་རྒོལ་ཡར་ལངས་འབྱུང་རྒྱུ་ཁག་པོ་རེད།
གཅིག་བྱས་ན་འདིའི་རྒྱབ་ལོག་ཏུ་སྟོབས་ཤུགས་གང་རུང་ཞིག་གིས་བརྒྱུད་སྐུལ་བྱེད་ཀྱིན་ཡོད་སྲིད་པ་རེད" ཅེས་བརྗོད་འདུག
ཕྱི་ཚེས་ ༩ ཉིན་རྒྱ་ནག་མི་མང་ཚོགས་ཁང་ཆེན་མོའི་ནང་ཧུའུ་ཅིན་ཐའོ་དང་། ཅཱ་ཆིན་ལིན། ཞིས་ཅིན་ཕེན།
ལི་ཁི་ཆཱང་བཅས་ཀྱིས་མཉམ་དུ་འཛམ་གླིང་ཕྱི་སྡོད་རྒྱ་རིགས་མཛའ་འབྲེལ་ཚོགས་འདུའི་འཐུས་ཚབ་རྣམས་ལ་ཐུག་འཕྲད་སྣེ་ལེན་བྱས་ཡོད་ཀྱང་། སྐབས་དེར་ཅཱང་གི་ཕྱོགས་གཏོགས་ཝུ་པང་ཀོ་དང་། ཧི་གོ་ཆང་། ཀྲུག་ཡུང་ཁཱང་།
ལིས་ཁྲང་ཁྲོན་བཅས་གཅིག་ཀྱང་བཅར་མེད་པར་མ་ཟད། ཉེ་ཆར་རྒྱ་ནག་བཅིངས་འགྲོལ་ཚགས་པར་སྟེང་སྤྱི་ཁྱབ་དྲུང་ཆེ་ནི་རྒྱ་གཞུང་དམར་ཤོག་སྲིད་གཞུང་གི་གོ་གནས་མཐོ་ཤོས་དེ་ཡིན་ཡང་།
ཆེས་མཐོའི་དབང་འཛིན་སྡེ་ཁག་མིན་ཚུལ་གྱི་དཔྱད་གཏམ་ཅིག་སྤེལ་ཏེ། ཧུའུ་ཅིན་ཐའོ་ལ་ཡོད་ཚད་སྟངས་འཛིན་གྱི་དབང་ཚད་མེད་པའི་སྐོར་གླེང་སློང་བྱས་ཡོད་པ་རེད།
གཞན་ཡང་གསར་ལམ་ཁག་ཏུ་གནས་ཚུལ་ཐོན་པ་ལྟར་ན། རྒྱ་ནག་དབུས་གཞུང་གིས་པའོ་ཞིས་ལའེ་ལ་ཞིབ་བཤེར་བྱ་རྒྱུ་ཡིན་པ་ཡོངས་བསྒྲགས་བྱས་མ་ཐག
ཁྲུང་ཆིན་གྲོང་ཁྱེར་ནང་མི་མང་གིས་ཤོག་སྦག་རྒྱག་པ་དང་། ཟས་སྟོན་བཤམས་ཏེ་མཉམ་འཛོམས་སྤྲོ་སྐྱིད་གཏོང་བ་སོགས་ཀྱི་གནས་ཚུལ་ཡང་བྱུང་ཡོད་འདུག
སྤྱི་ཟླ་༢པའི་ཚེས་༢༩ཉིན་གྱི་ཕྱི་དྲོ་སྐབས་ བཅུ་གཅིག་པའི་རྒྱལ་ཡོངས་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་ གི་གྲོས་ཚོགས་ཐེངས་༢༥པས་གྲོས་རིམ་ཁག་ལེགས་གྲུབ་ཟིན་རྗེས་པེ་ཅིན་མི་དམངས་
ཚོགས་ཁང་ཆེན་མོར་མཇུག་བསྒྲིལ་ཡོད་པ་རེད། གྲོས་ཚོགས་ཀྱིས་བརྡས་ཐག་བཅད་པ་བརྒྱུད་རྒྱལ་ཡོངས་མི་དམངས་འཐུས་མི་ཚོགས་ཆེན་ རྒྱུན་ལས་ཨུ་ཡོན་ལྷན་ཁང་གི་དྭངས་གཙང་ཐོན་སྐྱེད་སྐུལ་འདེད་བཅའ་ཁྲིམས་བཟོ་
བཅོས་རྒྱག་རྒྱུའི་སྐོར་གྱི་གཏན་འབེབས་གྲོས་འཆམ་བྱུང་བ་དང་། ཝུའུ་པང་གོ་ཡིས་གྲོས་ཚོགས་གཙོ་སྐྱོང་གནང་ཡོད་པ་རེད།
གྲོས་ཚོགས་ཐོག་བརྡས་ཐག་བཅད་ པ་བརྒྱུད་རྒྱལ་ཡོངས་མི་དམངས་འཐུས་ཚོགས་རྒྱུན་ལས་ཨུ་ཡོན་ལྷན་ཁང་གི་ཨའོ་མོན་ དམིགས་བསལ་སྲིད་འཛིན་ཁུལ་གྱི་སྤྱི་ལོ་༢༠༡༣ལོའི་ཁྲིམས་འཛུགས་ཁང་ཐོན་པའི་བྱ་ ཐབས་དང་།
སྤྱི་ལོ་༢༠༡༤ལོའི་སྲིད་འཛིན་དཔོན་གདམས་ཐོན་བྱ་ཐབས་ཀྱི་འབྲེལ་ཡོད་གནད་དོན་ གྱི་གཏན་འབེབས་ལ་གྲོས་འཆམ་བྱུང་ཡོད་པ་རེད།
གྲོས་ཚོགས་ཐོག་བརྡས་ཐག་བཅད་ པ་བརྒྱུད་རྒྱལ་ཡོངས་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གི་ འཐུས་མིའི་ཐོབ་ཐང་ཞིབ་བཤེར་ཨུ་ཡོན་ལྷན་ཁང་གི་འཐུས་མི་རེ་འགའི་འཐུས་མིའི་
ཐོབ་ཐང་སྐོར་གྱི་སྙན་ཞུར་གྲོས་འཆམ་བྱུང་ཡོད་པ་རེད། རྒྱལ་ཡོངས་མི་དམངས་འཐུས་མི་ཚོགས་ཆེན་རྒྱུན་ལས་ཨུ་ཡོན་ལྷན་ཁང་གིས་ཡོངས་ བསྒྲགས་བྱས་པའི་སྤྱི་བསྒྲགས་ལ་གཞིགས་ན།
སྐབས་བཅུ་གཅིག་པའི་རྒྱལ་ཡོངས་མི་དམངས་འཐུས་མི་ཚོགས་ཆེན་ལ་མིག་སྔར་དངོས་ ཞུགས་འཐུས་མི་༢༩༧༨ཡོད་པ་རེད།
གྲོས་གཞི་ཁག་བརྡས་ཐག་བཅད་ དེ་གྲོས་འཆམ་བྱུང་རྗེས་ཝུའུ་པང་གོ་ཡིས་གསུང་བཤད་གནང་བ་དང་། ཁོང་གིས། ཐེངས་འདིའི་རྒྱུན་ལས་ཨུ་ཡོན་ལྷན་ཁང་གི་གྲོས་ཚོགས་ཀྱི་ལས་འགན་གཙོ་བོ་ནི་
འཚོགས་གྲབས་ཡོད་པའི་སྐབས་བཅུ་གཅིག་པའི་རྒྱལ་ཡོངས་མི་དམངས་འཐུས་མི་ཚོགས་ཆེན་ གྱི་གྲོས་ཚོགས་ཐེངས་ལྔ་པའི་གྲ་སྒྲིག་བྱེད་རྒྱུ་དེ་ཡིན་པ་དང་།
མིག་སྔར་ཚོགས་ཆེན་གྱི་གྲ་སྒྲིག་ལས་དོན་ཁག་གཞི་རྩའི་ཆ་ནས་ལེགས་གྲུབ་ཟིན་ཡོད། ཟླ་བ་གཅིག་རིང་། ཚོགས་ཆེན་གྱི་དྲུང་ཡིག་ཁྲུའུ་ནས་ལས་དོན་ཏན་ཏིག་དང་ཞིབ་ཚགས་སྒོ་ནས་ལས་དོན་ འབོར་ཆེན་བསྒྲུབས་ཡོད།
དེར་བརྟེན་ཚང་མས་མུ་མཐུད་ཆབ་སྲིད་ཀྱི་སྤྲོ་སེམས་ཆེན་པོ་དང་། བསམ་པའི་རྣམ་པ་ཧ་ཅང་ཡག་པ། དོ་ནན་པའི་ལས་ཀའི་རྣམ་འགྱུར་བཅས་རྒྱུན་འཁྱོངས་ཀྱིས་ཞབས་ཞུའི་འགན་སྲུང་ལས་
དོན་ཁག་ཡག་པོ་བསྒྲུབས་ཏེ་སྐབས་བཅུ་གཅིག་པའི་རྒྱལ་ཡོངས་མི་དམངས་འཐུས་མི་ ཚོགས་ཆེན་གྱི་གྲོས་ཚོགས་ཐེངས་ལྔ་པ་བདེ་བླག་ངང་སྐོང་འཚོག་བྱེད་རྒྱུ་འགན་ སྲུང་བྱེད་རྒྱུའི་རེ་བ་ཡོད་ཅེས་གསུངས་པ་དང་།
ཝུའུ་པང་གོ་ཡིས། འཚོག་གྲབས་ཡོད་པའི་སྐབས་བཅུ་གཅིག་པའི་རྒྱལ་ཡོངས་མི་དམངས་འཐུས་མི་ཚོགས་ཆེན་ གྱི་གྲོས་ཚོགས་ཐེངས་ལྔ་པ་ནི་རྒྱལ་སྤྱིའི་ཆབ་སྲིད་དང་དཔལ་འབྱོར་ཁོར་ཡུག་
རྙོག་འཛིང་ཆེ་ལ་འགྱུར་ལྡོག་མང་བ་དང་། རྒྱལ་ནང་གི་བསྒྱུར་བཅོས་སྒོ་དབྱེ་དང་བརྟན་ལྷིང་གི་ལས་འགན་དཀའ་ཚེགས་ཆེ་བའི་ རྒྱབ་ལྗོངས་འོག་སྐོང་འཚོགས་བྱས་པའི་གལ་ཆེའི་གྲོས་ཚོགས་ཤིག་ཡིན་པས་རྒྱལ་ཁབ་
ཕྱི་ནང་ཚང་མས་དོ་ཁུར་ཆེན་པོ་བྱེད་ཀྱི་ཡོད། ཐེངས་འདིའི་ཚོགས་འདུ་ཡག་པོ་འཚོག་ཐུབ་པ་བྱེད་རྒྱུ་དེས་ཀྲུང་དབྱང་གི་གལ་ཆེའི་ ཐབས་ཇུས་བྱ་ཐབས་ཁག་ཁྱོན་ཡོངས་ནས་ལག་བསྟར་དོན་འཁྱོལ་དང་།
རྒྱལ་ཡོངས་མི་རིགས་ཁག་གི་མི་དམངས་ཀྱི་བློ་རིག་དང་སྟོབས་ཤུགས་སྔར་བས་གཅིག་ སྒྲིལ་བྱས་ཏེ་དཔལ་འབྱོར་བརྟན་ལ་མགྱོགས་པོས་གོང་འཕེལ་འགྲོ་རྒྱུར་སྐུལ་འདེད། སྤྱི་ཚོགས་འཆམ་མཐུན་དང་བརྟན་ལྷིང་རྒྱུན་འཁྱོངས།
ལོ་ལྔ་ཚན་གྱི་འཆར་འགོད་བཅུ་གཉིས་པའི་རིང་གི་འགོ་འཛུགས་རྣམ་པ་ཡག་པོ་སྲ་བརྟན་ དང་གོང་འཕེལ་གཏོང་བ་བཅས་བྱས་ཏེ་ཕུལ་བྱུང་གྲུབ་འབྲས་ཐོག་ནས་ཏང་གི་ཚོགས་ཆེན་
བཅོ་བརྒྱད་པ་རྒྱལ་ཁའི་ངང་སྐོང་འཚོག་བྱེད་རྒྱུར་བསུ་བ་ཞུ་རྒྱུར་གལ་འགངས་ཧ་ ཅང་ཆེ་བའི་དོན་སྙིང་ལྡན་ཡོད། ང་ཚོས་བསམ་བློ་དང་བྱ་སྤྱོད་གཉིས་ཀ་ཀྲུང་དབྱང་གིས་དུས་བབ་དབྱེ་ཞིབ་དང་བརྡར་ ཤ་གཅོད་རྒྱུ་དང་།
ལས་དོན་གྱི་སྤྱིའི་བཀོད་སྒྲིག་ཐད་འཇོག་དགོས་པ་དང་། དམངས་གཙོ་དར་སྤེལ་གང་ལེགས་གཏོང་བ་དང་། ཁྲིམས་ལྟར་ལས་དོན་ནན་པོ་བསྒྲུབས་པ། སྙན་ཞུ་དང་གྲོས་གཞི་ཁག་ཞིབ་གྲོས་ནན་ཏན་བྱེད་པ།
འཐུས་མིའི་བསམ་འཆར་གང་ལེགས་ཀྱིས་ཉན་པ། རང་འགུལ་གྱིས་མི་དམངས་ཀྱི་ལྟ་སྐུལ་དང་ལེན་ཞུ་བ་བཅས་བྱས་ཏེ་འཐུས་མི་ཡོངས་དང་ མཉམ་དུ་འབད་བརྩོན་ཆེན་པོས་སྐབས་བཅུ་གཅིག་པའི་རྒྱལ་ཡོངས་མི་དམངས་འཐུས་མི་
ཚོགས་ཆེན་གྱི་གྲོས་ཚོགས་ཐེངས་ལྔ་པ་དེ་དམངས་གཙོ་དང་། མཐུན་སྒྲིལ། དངོས་བསྒྲུབས། ཡར་བསྐྱོད་བཅས་ཀྱི་ཚོགས་ཆེན་ཞིག་ཏུ་སྐོང་འཚོགས་བྱེད་དགོས་ཞེས་ནན་བཤད་གནང་ ཡོད་པ་རེད
རྒྱ་གཞུང་གིས་ཤིན་ཅང་ནང་དམག་མི་ ༨༠༠༠ བསྡུ་རུབ་བྱས་ཏེ། སྡེ་བ་རེའི་ནང་ཉུང་མཐར་དམག་མི་རེ་གདན་སྡོད་ཀྱི་དམ་དྲག་སྲིད་ཇུས་ལག་བསྟར་བྱ་བཞིན་འདུག
ཉེ་ཆར་རྒྱ་གཞུང་གིས་ཤིན་ཅང་ས་ཁུལ་གྱི་གྲོང་རྡལ་ཁག་ཏུ་སྲང་ལམ་དོ་དམ་ཁང་དང་། གཞི་རིམ་སྡེ་བ་སོ་སོའི་ནང་ཉེན་རྟོག་ལས་ཁུངས་རེ་གསར་འཛུགས་ཀྱི་མགོ་བརྩམས་ཤིང་། ཉེན་རྟོག་དམག་མི་ ༨༠༠༠
ལྷག་བསྡུ་རུབ་ཀྱིས་སྡེ་བ་རེའི་ནང་དམག་མི་གཅིག་རེ་དང་། ཡང་ན། དམག་མི་འགའ་རེ་གཏན་སྡོད་ཀྱི་སྲིད་ཇུས་ལག་བསྟར་བྱས་ཏེ། ཤིན་ཅང་གི་ས་ཁུལ་སོ་སོའི་ནང་མང་ཚོགས་ཀྱི་འགྲུལ་བཞུད་ལ་ལྟ་རྟོག་དྲི་གཅོད་དང་།
ཆོས་ལུགས་ཀྱི་བྱེད་སྒོ་ཁག་ལ་སྔར་བའི་བཀག་སྡོམ་གྱི་སྲིད་ཇུས་སྤེལ་མགོ་བརྩམས་འདུག
ཟླ་འདིའི་ཕྱི་ཚེས་ ༣༡ ཉིན་རྒྱ་ནག་ཞིན་ཧྭ་གསར་ཁང་གིས་གནས་ཚུལ་སྤེལ་བ་ལྟར་ན། ཉེ་ཆར་ཤིན་ཅང་རང་སྐྱོང་ལྗོངས་ས་གནས་རྒྱ་གཞུང་དམར་ཤོག་རྒྱུ་ལས་ཀྱིས་ཐག་གཅོད་ལྟར། ད་ལོ་ཤིན་ཅང་ནང་ཉེན་རྟོག་དམག་མི་ ༨༠༠༠
ལྷག་བསྡུ་རུབ་ཀྱིས་གཞི་རིམ་ས་ཁུལ་ཁག་ནང་། “སྡེ་བ་རེའི་ནང་དམག་མི་གཅིག་རེ་དང་། སྡེ་བ་རེའི་ནང་དམག་མི་འགའ་རེ་” ཡི་སྲིད་ཇུས་གསར་བ་ལག་བསྟར་བྱས་ཏེ། གྲོང་རྡལ་ཁག་ཏུ་སྲང་ལམ་དོ་དམ་ཁང་དང་།
སྡེ་བ་ཁག་ནང་ཉེན་རྟོག་ཁང་གསར་འཛུགས་བྱ་རྒྱུ་ཡིན་པ་མ་ཟད། ཆེད་མངགས་ཉེན་རྟོག་དམག་མི་ ༣ དང་དམངས་དམག་ ༦ ལས་མི་ཉུང་བའི་མཉམ་འབྲེལ་རུ་ཁག་བཙུགས་ཏེ།
གཞི་རིམ་གྲོང་སྡེ་དང་ས་ཁུལ་ཁག་ནང་སྐོར་བསྐྱོད་ཀྱིས་མང་ཚོགས་ཀྱི་འགྲུལ་བཞུད་ཐད་ཕྱོགས་ཡོངས་ནས་ལྟ་རྟོག་ཞིབ་བཤེར་གྱི་ལས་གཞིར་ཤུགས་བསྣན་དེ་སྤྱི་ཚོགས་བརྟན་ལྷིང་བཟོ་རྒྱུ་ཡིན་སྐོར་བརྗོད་འདུག
རྒྱ་གཞུང་གིས་ཤིན་ཅང་ནང་དམག་མིས་དམ་དྲག་སྒྲིག་གཞི་སྔར་བས་ཤུགས་ཆེ་གཏོང་བཞིན་པའི་ཐད། འཛམ་གླིང་ཡུ་གུར་འཐུས་ཚབ་ཚོགས་པའི་མགྲིན་ཚབ་པ་སྐུ་ཞབས་ཏིས་ལིས་ཞཱ་ཏིས་ཀྱིས། “
ང་ཚོས་ངོས་འཛིན་ནི་རྒྱ་ནག་གཞུང་ལ་ཤིན་ཅང་གི་གནད་དོན་སེལ་འདོད་ཀྱི་ལྷག་བསམ་རྩ་བ་ནས་མི་འདུག
དེང་སྐབས་རྒྱ་གཞུང་གིས་ལག་བསྟར་བྱེད་བཞིན་པའི་སྤྱི་ཚོགས་བརྟན་ལྷིང་གི་ལས་གཞི་དེ་དག་གིས་ཡུ་གུར་མི་མང་ལ་ཆབ་སྲིད་ཀྱི་འཇིགས་འཇིགས་སྣང་ཞིག་སྐྱེད་བཞིན་ཡོད་ལ།
ཅང་ཤིང་ནང་ཟང་ཟིང་འབྱུང་རྐྱེན་མཐའ་དག་ནི་ད་ལྟའི་རྒྱ་གཞུང་གི་སྲིད་ཇུས་དེ་དག་ལ་བརྟེན་ནས་བྱུང་བ་རེད། ” ཅེས་བརྗོད་པར་མ་ཟད། ཁོང་གིས་གལ་སྲིད་རྒྱ་གཞུང་ལ་ལྷག་བསམ་རྣམ་གི་ཐོག་ནས་གནད་དོན་སེལ་འདོད་ཡོད་ན།
ཐོག་མར་ཆ་རྐྱེན་གང་ཡང་མེད་པའི་ཐོག་ནས་ཡུ་གུར་མི་རིགས་ལ་ཆབ་སྲིད་ཐད་ནས་རང་དབང་གདམ་ག་བྱ་རྒྱུའི་དབང་ཆ་ཡོད་པ་དེར་བརྩི་བཀུར་བྱ་དགོས་པ་དང་།
གཉིས་ནས་དཔལ་འབྱོར་ལམ་ལུགས་ཐད་ནས་རང་མོས་སྒྲིག་འགོད་ཀྱི་ཁེ་དབང་སྤྲོད་དགོས་པ་ནན་བརྗོད་བྱས་འདུག
ལོ་སྔོན་མའི་ཕྱི་ཟླ་ ༡༡ ཚེས་ ༢༣ ཉིན་དམག་མི་ ༣༠༠༠ ལྷག་ཤིན་ཅང་གཞི་རིམ་ས་ཁུལ་ཁག་ནང་ཆེད་གཏོང་འགྲེམས་འཇོག་བྱས་ཡོད་འདུག
དེང་སྐབས་ས་གནས་ཡུ་གུར་མི་རིགས་ཀྱིས་ཤིན་ཅང་ས་ཁུལ་ནང་ཡོད་སྤྱིའི་མི་འབོར་གྱི་བརྒྱ་ཆ་ ༤༠ མ་གཏོགས་ཟིན་གྱི་མེད་པ་རེད།
ཟླ་ ༡༢ ཚེས་ ༣༠ ཉིན་བོད་ལྗོངས་ཆ་འཕྲིན་དྲ་བར་གནས་ཚུལ་སྤེལ་བ་ལྟར་ན།
ཕྱི་ཟླ་ ༡༢ ཚེས་ ༡༢
ཉིན་རྒྱ་ནག་འཐབ་ཕྱོགས་གཅིག་གྱུར་ཁང་གི་འགན་འཛིན་གཞོན་པ་ཀྲུའུ་ཝེ་ཆོན་གྱིས་ཡུ་རོབ་ཀྱི་རྒྱལ་ཁབ་བྷེལ་ཇམ་(Belgium)གྱི་རྒྱལ་སའི་ཚོགས་ཁང་ཞིག་ཏུ་བོད་རྒྱའི་གནད་དོན་དང་། བོད་མིའི་ཐོབ་ཐང་།
ད་ལོར་བོད་ནང་རང་ལུས་མེར་བསྲེགས་བཏང་བ་བཅས་ཀྱི་ཐོག་གཏམ་བཤད་ཅིག་བྱས་ཡོད་པ་འདིར་བཤུ་འགོད་བྱས་ཡོད། ༼ ཀྲུའུ་ཝེ་ཆུན། ངས་ཐོག་མར་ཀྲུང་གོའི་བོད་ལྗོངས་དང་འབྲེལ་བའི་གནས་ཚུལ་འགའ་ངོ་སྤྲོད་བྱེད་རྒྱུ་ ཡིན་ལ།
དེ་ནས་ཁ་ཟས་ལ་རོལ་བའི་བར་སྐབས་སུ་ཁྱེད་ཅག་གི་དྲི་བར་ལན་འདེབས།
ད་ལོ་ནི་བོད་ཞི་བས་བཅིངས་འགྲོལ་བཏང་ནས་ལོ༦༠འཁོར་བའི་ལོ་ཡིན། ལོ་ངོ་༦༠ཡི་ཚུན་ལ་ཀྲུང་གོ་སྲིད་གཞུང་གིས་བོད་ལྗོངས་ལ་བྱ་བ་མང་པོ་བསྒྲུབས་ ཡོད།
དེ་མདོར་བསྡུས་ནས་བཤད་ན་དོན་ཆེན་གསུམ་བསྒྲུབས་ཡོད་དེ། དོན་ཆེན་དང་པོ་ནི་༡༩༥༡ལོར་བོད་ཞི་བས་བཅིངས་འགྲོལ་བཏང་བ་དང༌། དུས་དེ་ནས་བཟུང་སྟོབས་ཤུགས་གང་རུང་ཞིག་གིས་བོད་ལྗོངས་དང་ཀྲུང་གོ་གཉིས་ཁ་ བྲལ་དུ་གཏོང་འདོད་པའི་བསམ་དོན་དེ་ནམ་ཡང་འགྲུབ་མི་སྲིད་པར་གྱུར། ཞི་བས་བཅིངས་འགྲོལ་བཏང་བ་ནི་བོད་མིའི་ཐོབ་ཐང་བྱ་གཞག་སྟེང་གི་ཡར་རྒྱས་ཆེན་ པོ་ཞིག་ཡིན། རྒྱུ་མཚན་ནི་མིའི་ཐོབ་ཐང་རྨང་གཞི་བྱས་པའི་ཀྲུང་གོ་རྒྱལ་ཁབ་ཀྱི་བདག་དབང་ལ་ ཁག་ཐེག་ཐོབ།
ལོ་རྒྱུས་སུ་ཡང་གལ་སྲིད་བཙན་རྒྱལ་རིང་ལུགས་པ་གང་གིས་བཙན་འཛུལ་ དང༌། གཉའ་གནོན་བཏང་ཙ་ན།
བོད་མིའི་ཐོབ་ཐང་གི་བྱ་གཞག་ཞེས་པ་ཡང་ཡེ་ནས་མེད་ཅེས་གསལ་བོར་འཁོད་ཡོད།
དོན་ཆེན་གཉིས་པ་ནི་༡༩༥༩ལོར་ཏཱ་ལའི་བླ་མ་སྐུ་ཕྲེང་བཅུ་བཞི་བ་གཙོ་བྱས་པའི་ གོང་རིམ་དབང་བསྒྱུར་ཚོགས་པ་ཉུང་ཤས་ཤིག་གིས་ངོ་ལོག་ཟིང་འཁྲུག་བསླངས་པ་ཞི་འཇགས་སུ་བཏང་རྗེས།
བོད་ལྗོངས་སུ་དམངས་གཙོ་བཅོས་བསྒྱུར་མངོན་དུ་གྱུར་ནས་ལོ་བརྒྱ་ཕྲག་རིང་ལ་རྒྱུན་བསྐྱངས་པའི་ཆོས་སྲིད་ཟུང་འབྲེལ་བཀས་བཀོད་རྒྱུད་འཛིན་གྱི་ཞིང་བྲན་ལམ་ ལུགས་རྩ་གཏོར་དུ་བཏང༌། དུས་དེ་ནས་བཟུང་བོད་ལྗོངས་དེ་ཉིད་ཀྲུང་གོའི་ས་ཁུལ་གཞན་དག་དང་འདྲ་བར་སྤྱི་ ཚོགས་རིང་ལུགས་ཀྱི་སྤྱི་ཚོགས་གསར་བར་ཞུགས།
དེའི་ཕྱིས་སུ་བོད་ལྗོངས་སུ་བཀས་བཀོད་རྒྱུད་འཛིན་གྱི་ཞིང་བྲན་ལམ་ལུགས་སླར་གསོ་བྱེད་འདོད་ཀྱང་ནམ་ཡང་སྲིད་པ་མིན།
དམངས་གཙོ་བཅོས་བསྒྱུར་བརྒྱུད་དེ་ ཞིང་བྲན་ཁྲི་ཚོ་ལ་མིའི་ཐོབ་ཐང་ཐོབ།
དེ་ནི་ཀྲུང་གོ་དང༌། འཛམ་གླིང་གི་འགྲོ་བ་མིའི་ཐོབ་ཐང་སྟེང་ཧ་ཅང་གལ་ཆེ་ཞིང༌། ཤུགས་རྐྱེན་ཆེན་པོ་ཐེབས་པའི་དོན་དག་གལ་ཆེན་ཞིག་ཡིན།
དོན་ཆེན་གསུམ་པ་ནི།
ང་ཚོས་བོད་ལྗོངས་སུ་མི་རིགས་ས་ཁུལ་རང་སྐྱོང་ལམ་ལུགས་བཙུགས་པ་དང༌། དུས་རབས་ཕྱེད་ཙམ་གྱི་རིང་ལ་བོད་ལྗོངས་ཀྱི་དཔལ་འབྱོར་དང༌། སྤྱི་ཚོགས་མགྱོགས་པོར་འཕེལ་བ་དང༌།
འགྲོ་བ་མིའི་ཐོབ་ཐང་གི་བྱ་གཞག་ཁག་གི་འགན་སྲུང་དང་དེ་ཇེ་ལེགས་སུ་གཏོང་བ་ མངོན་དུ་གྱུར་ཡོད།
ལས་ཀའི་དགོས་དབང་གིས་ང་རང་བོད་ལྗོངས་སུ་ཧ་ལམ་ཐེངས་༤༠ལྷག་ལ་བསྐྱོད་མྱོང༌། ད་ལོའི་ནང་ང་རང་ཐེངས་ལྔ་ལ་སོང༌། ཐེངས་རེར་བོད་ལྗོངས་སུ་བསྐྱོད་དུས་ངས་བོད་མི་དམངས་ཀྱི་འཚོ་བ་ཇེ་ལེགས་སུ་ སོང་བ་མངོན་གསལ་ཡིན་པ་དང༌། དམངས་གཙོའི་ཐོབ་ཐང་ལ་འགན་སྲུང་ཐོབ་ཡོད་པ་བཅས་མཐོང་ཐུབ། ངས་ འདི་ནས་རྩ་བའི་རྩིས་གྲངས་འགའ་དྲངས་ནས་བཤད།
མ་གཞི་རྩིས་གྲངས་ནི་ཆོ་མེད་བྲོ་མེད་ཀྱི་ཚིག་རོ་སྐམ་པོ་ཞིག་ཡིན་ན་ཡང༌། དེ་ནི་ཀྲུང་གོ་སྲིད་གཞུང་དང་བོད་ལྗོངས་མི་དམངས་ཀྱིས་འབད་འབུངས་ཆེན་པོ་བྱས་ ནས་བླངས་པའི་གྲུབ་འབྲས་ཡིན། ༢༠༠༦ལོ་ནས་༢༠༡༠ལོའི་བར་གྱི་ཀྲུང་གོའི་ལོ་ལྔ་ཚན་བཅུ་གཅིག་པའི་རིང་དུ།
ཀྲུང་གོ་སྲིད་གཞུང་གིས་བོད་ལྗོངས་འཛུགས་སྐྲུན་གྱི་ཐད་ལ་མ་དངུལ་སྒོར་དུང་ ཕྱུར་༡༣༧༨བཏང་ནས་རྒྱབ་སྐྱོར་མཛད།
༢༠༡༡ལོ་ནས་༢༠༡༥ལོའི་བར་གྱི་ཀྲུང་གོའི་ལོ་ལྔ་ཚན་བཅུ་གཉིས་པའི་འཆར་འགོད་ཀྱི་ སྐབས་སུ། བོད་ལྗོངས་ཐད་བཏང་བའི་མ་དངུལ་ཁྱོན་སྡོམ་སྒོར་དུང་ཕྱུར་༣༣༠༠བཏང་ཞིང༌།
དེ་ནི་ལོ་ལྔ་ཚན་བཅུ་གཅིག་པ་དང་བསྡུར་ན་ལྡབ་གཅིག་གིས་ཇེ་མང་དུ་བཏང་ཡོད། ༢༠༡༡ལོར་བོད་ལྗོངས་ས་ཁུལ་གྱི་ཐོན་སྐྱེད་སྤྱིའི་རིན་ཐང་སྔོན་རྩིས་བརྒྱབ་ན་ ཕལ་ཆེར་སྒོར་དུང་ཕྱུར༦༠༥ལ་སླེབས་པ་དང༌། དེ་ནི་ལོ་སྔོན་མ་དང་བསྡུར་ན་བརྒྱ་ཆའི་༡༢ ། ༦ འཕར། བསྟུད་མར་ལོ་༡༩ཡི་ནང་གྲངས་གནས་གཉིས་ཀྱིས་འཕར་བའི་རྒྱུན་བསྐྱངས་ཡོད།
གྲོང་ཁྱེར་གྱི་སྡོད་དམངས་ཀྱིས་བཀོལ་ཆོག་པའི་ཡོང་འབབ་སྒོར་༡༦༡༤༨ལ་སླེབས་ཐུབ་ པ་དང༌། དེ་ནི་ལོ་སྔོན་མ་དང་བསྡུར་ན་བརྒྱ་ཆའི༧ ། ༨ ཇེ་མང་དུ་སོང་ཡོད། དེ་ལས་ང་ཚོས་རོང་འབྲོག་མང་ཚོགས་ལ་དོ་སྣང་ཆེན་པོ་བྱས་པ་ཡིན།
རྒྱུ་མཚན་ནི་བོད་ལྗོངས་སུ་ འཚོ་གནས་ཆ་རྐྱེན་ཧ་ཅང་ཞེན་པ་ནི་རོང་འབྲོག་མང་ཚོགས་ཡིན།
ད་ལོར་མི་རེའི་ཆ་སྙོམས་ཀྱི་ཁེ་གཙང་ཡོང་འབབ་སྒོར་༤༧༠༠ལ་སླེབས་ཐུབ་ཡོད་པ་དང༌། དེ་ནི་ལོ་སྔོན་མ་དང་བསྡུར་ན་བརྒྱ་ཆའི་༡༣ ། ༦ འཕར། བསྟུད་མར་ལོ༩ཡི་ནང་གྲངས་གནས་གཉིས་ཀྱིས་འཕར་བའི་རྒྱུན་བསྐྱངས་ཡོད།
ཀྲུང་གོ་སྲིད་གཞུང་གིས་དེ་སྔོན་གྲོས་ཚོགས་གལ་ཆེན་ཞིག་འཚོགས་ཏེ། རྒྱལ་ཡོངས་ཀྱི་དབུལ་སྐྱོར་ཚད་གཞི་དེ་སྔོན་ཆད་ཀྱི་སྒོར༡༡༩༦ ནས་༢༣༠༠རུ་ཇེ་མང་དུ་བཏང་ཡོད།
དེས་ང་ཚོས་དབུལ་སྐྱོར་གསར་སྤེལ་གྱི་ལས་ལ་དཀའ་གནད་ཅིག་བསྣན་ཡོད་ན་ཡང་ངེས་པར་ དུ་བསྒྲུབ་དགོས་པ་ཡིན།
སྒོར་༢༣༠༠དེ་ནི་མི་རེའི་ཆ་སྙོམས་ཀྱི་ཉིན་རེའི་ཡོང་འབབ་ཨ་རིའི་སྒོར་༡ཡིན་ལ། རྒྱལ་སྤྱིར་སྤྱོད་པའི་ཚད་གཞི་ལས་ཀྱང་མཐོ། བོད་ལྗོངས་ཀྱི་རོང་འབྲོག་མི་སེར་གྱི་མི་རེའི་ཆ་སྙོམས་ཀྱི་ཁེ་གཙང་ཡོང་འབབ་ སྒོར་༤༧༠༠ལ་སླེབས་ཡོད་པས་སྤྱིའི་ཆ་ནས་དབུལ་ཕོངས་ཀྱི་འཚོ་བ་དང་རིང་དུ་གྱེས་ པ་མཚོན་ཡོད།
གཞན་ཡང་ང་ཚོ་བོད་ལྗོངས་ཀྱི་སློབ་གསོ་དང༌། འཕྲོད་བསྟེན་བྱ་གཞག་སོགས་ཀྱང་ཡར་ངོས་ཟླ་ལྟར་འཕེལ་བཞིན་ཡོད།
ཆེས་སྤྱིར་བཏང་གི་གྲངས་ཀ་ཞིག་ནི་བོད་ལྗོངས་ཀྱི་མི་རེའི་ཆ་སྙོམས་ཀྱི་ཚེ་ཚད་དེ་༡༩༥༡ལོར་བོད་ཞི་བས་བཅིངས་འགྲོལ་སྐབས་ཀྱི་ལོ༣༥ ། ༥ ནས་ད་ལྟའི་ལོ༦༩ལ་འཕར་བ་དང༌། སྤྱིའི་མི་གྲངས་ཁྲི༡༠༠ནས་ཁྲི༣༠༠ལ་འཕར་ཡོད། ནང་སྒོས་སུ་བསྟན་དགོས་པ་ཞིག་ནི། མི་ལ་ལས་བཤད་པ་ལྟར།
མི་གྲངས་ཇེ་མང་དུ་སོང་བ་ནི་རྒྱ་མི་ནང་དུ་སླེབས་པ་མང་པས་ཡིན་ཞེས་ཤོད་པ་ལྟ་ བུ་གཏན་ནས་མིན། ང་ཚོས་མི་གྲངས་ཡོངས་བཤེར་ཐེངས་རེར་བྱས་པ་དང༌།
ཉེ་ལམ་མི་གྲངས་ཡོངས་བཤེར་བྱས་པའི་ནང་དུ། བོད་མིའི་ཁ་གྲངས་སྔར་བཞིན་བོད་ལྗོངས་མི་གྲངས་ཀྱི་བརྒྱ་ཆའི་༩༢ཡན་ཟིན་ཡོད།
སྤྱི་ དམངས་ཀྱི་ཆོས་ལུགས་དད་མོས་རང་དབང་ལ་བརྩི་སྲུང་བྱེད་པ་ནི་ཀྲུང་གོ་སྲིད་གཞུང་ གི་རྩ་བའི་སྲིད་ཇུས་ཤིག་ཡིན། དེང་སྐབས་བོད་ལྗོངས་ལ་བོད་བརྒྱུད་ནང་བསྟན་གྱི་དགོན་སྡེ༡༧༨༠ཡོད་ཅིང༌། ཕལ་ཆེར་མི་༡༦༠༠ཙམ་ལ་དགོན་སྡེ་གཅིག་ཡོད།
ད་ལྟ་གྲྭ་བཙུན་མི་གྲངས༤༦༠༠༠ཡོད་པ་དང༌། དེ་ནི་མི་གྲངས་བསྡུར་ཚད་ཀྱི་བརྒྱ་ཆའི༡ ། ༥ ཟིན།
ངས་ཡོ་རོབ་ཀྱི་ཆ་སྙོམས་ཀྱི་མི་གྲངས་ག་ཚོད་ཅིག་ལ་ཆོས་ཁང་ཞིག་ཡོད་པ་དང༌། ཆོས་པ་དེ་རྣམས་ཀྱིས་མི་གྲངས་བསྡུར་ཚད་ཀྱིས་ག་ཚོད་ཟིན་ཡོད་པ་མི་ཤེས་མོད། ངས་བཤད་པའི་གྲངས་ཀ་འདི་ཏཱ་ལའི་བླ་མས་བོད་ལྗོངས་དབང་དུ་བསྒྱུར་བའི་དུས་དང་ བསྡུར་ན་ཧ་ཅང་ཉུང་ལ། དུས་དེར་གྲྭ་བཙུན་ཁྲི༡༠ལ་ཟིན་སྐད།
ཡིན་ན་ཡང་དུས་དེའི་སྤྱིའི་མི་གྲངས་ཁྲི༡༠༠ཡིན། རྣམ་པ་ཚོས་བསམ་བློ་ཐོངས་དང༌། དེ་ལྟའི་སྤྱི་ཚོགས་ལ་འཕེལ་རྒྱས་དང་ཡར་རྒྱས་ཡོད་སྲིད་དམ། མིག་ སྔའི་ཀྲུང་གོ་དང་ཡོ་རོབ་མནའ་འབྲེལ་གྱི་འབྲེལ་བ་ཧ་ཅང་ལེགས། ཕྱོགས་གཉིས་ཀྱིས་སྒོ་ཀུན་ནས་འཐབ་ཇུས་ལས་གྲོགས་ཀྱི་འབྲེལ་བ་བཙུགས་ཏེ། དཔལ་འབྱོར་དང༌། ཚན་རྩལ།
རྩོལ་བྱུང་རིག་གནས་ལ་སོགས་པའི་མངའ་ཁོངས་ཐད་ནས་མཉམ་ལས་བྱེད་པའི་ལམ་ལུགས་ཕྱོགས་ལ་རིམ་པ་ཁག་ནས་ཕན་ཚུན་བར་གླེང་མོལ་བྱས་ཡོད། ཀྲུང་གོ་དང་ཡོ་རོབ་ཀྱི་ མཉམ་ལས་ཀྱིས་ཕྱོགས་གཉིས་དང་ཐ་ན་འཛམ་གླིང་ལ་ཡང་ཕན་པ་ཆེན་པོ་བསྐྲུན་ཡོད་ཅིང༌། ནང་སྒོས་སུ་མིག་སྔའི་རྒྱལ་སྤྱིའི་དངུལ་རྩར་ཆག་འཇིགས་བྱུང་བ་དང༌།
ཡོ་སྒོར་བུ་ལོན་ཉེན་ཁར་འཕྲད་པ་བཅས་ཐག་གཅོད་པའི་གནས་ཚུལ་འོག ཀྲུང་གོ་དང་ཡོ་རོབ་བར་གྱི་འབྲེལ་བར་ཤུགས་སྣོན་དང༌། ཕན་ཚུན་བར་རོགས་སྐྱོར། མཉམ་དུ་དཀའ་ངལ་ཁྱད་གསོད་བྱས་ཏེ་ཕྱོགས་གཉིས་ལ་ཕན་པར་བརྩོན་ལེན་བྱ་རྒྱུ་ནི་ གལ་ཆེའི་གཙུགས་ཆེན་ཡིན།
ད་ཆ་ཀྲུང་གོ་དང་ཡོ་རོབ་བར་གྱི་མཉམ་ལས་ཧ་ཅང་གལ་ཆེན་དུ་འགྱུར་བཞིན་པའི་སྐབས་འདིར།
ངས་རྟོགས་དཀའ་བ་ཞིག་ནི་ནམ་རྒྱུན་ཡོ་རོབ་མནའ་འབྲེལ་རྒྱལ་ཁབ་དག་ཏུ་ཀྲུང་གོར་ རྒྱུ་མེད་རྐྱེན་མེད་ཀྱིས་སྐྱོན་བརྗོད་བྱེད་པའི་སྐད་ཆ་འགའ་ཐོས་འོང༌།
དེ་ལས་ལྡོག་ཏེ། ངས་ཀྲུང་གོ་བས་དུས་ནམ་ཞིག་ལ་ཡོ་རོབ་མནའ་འབྲེལ་རྒྱལ་ཁབ་ཀྱི་ནང་ཁུལ་གྱི་དོན་ དག་ལ་སྐྱོན་བརྗོད་བྱས་མྱོང་བ་ཡིད་ལ་དྲན་རྒྱུ་མེད།
ཉེ་ལམ་གྱི་དོན་དག་ཞིག་ལ་དཔེ་བཞག་ན་ནི། ཡོ་རོབ་གྲོས་ཚོགས་ཀྱི་མི་ཉུང་ཤས་ཤིག་གིས་ཀྲུང་གོའི་ཁེ་ཕན་ལ་མི་བལྟོས་པར་ཨུ་ ཚུགས་ཀྱིས་ཏཱ་ལའི་ཚོགས་ཁག་ཏེ “ བཙན་བྱོལ་སྲིད་གཞུང་ ” གི་འགོ་ཁྲིད་གསར་བ་པུ་ལུ་སེར་འཚམས་འདྲིར་ཡོང་བར་གདན་དྲངས་བ་དང༌། མཇལ་འཕྲད་གནང་བར་འུར་ཤོབ་ཆེན་པོ་རྒྱག་བཞིན་ཡོད་པ་མ་ཟད།
ད་དུང་བོད་མིའི་སྲིད་འཛིན་ཀྲུང་དབྱང་ཙུང་ལི་ཡི་མཚན་ངོས་ནས་ཡོ་རོབ་གྲོས་ ཚོགས་ཀྱི་ཕྱི་ཕྱོགས་ལས་དོན་ཨུ་ལྷན་དུ་འཆད་འཁྲིད་བྱེད་པར་གདན་དྲངས་ནས།
བོད་རང་བཙན་སྐོར་གྱི་འཆལ་གཏམ་གང་སར་ཁྱབ་བསྒྲགས་བྱེད་དུ་བཅུག ཡོ་རོབ་གྲོས་ཚོགས་ཀྱི་མི་ཉུང་ཤས་ཤིག་གི་དེ་འདྲའི་བྱེད་སྤྱོད་ལ་མཚོན་ན་གཞི་ ནས་འགན་མི་འཁུར་བར་ཀྲུང་གོར་མནའ་བོར་དང༌།
རྒྱལ་སྤྱིའི་འབྲེལ་བ་སྐོར་གྱི་རྩ་བའི་ཚད་གཞི་དང་རྒྱབ་འགལ་དུ་སོང་ཡོད། ཡོ་རོབ་མནའ་འབྲེལ་རྒྱལ་ཁབ་ཀྱིས་བོད་ལྗོངས་ནི་ཀྲུང་གོ་དང་འབྲེལ་བའི་ས་ཁུལ་ ཞིག་ཡིན་པ་ཁས་ལེན་པའི་སྐབས་སུ།
ཀྲུང་གོ་ཁ་བྲལ་དུ་གཏོང་བའི་ཟིང་འཁྲུག་སློང་མཁན་གྱི་ཚོགས་ཁག་འགོ་གཙོ་དེ་ཡོ་རོབ་གྲོས་ཚོགས་སུ་འཚམས་འདྲིར་གདན་འདྲེན་པའི་དབང་ཆ་མེད། ངའི་རེ་བ་ནི་འདིར་བཞུགས་ཀྱི་ཁྱེད་རྣམ་པས་རང་རང་གི་དགེ་མཚན་ལྷུར་བླངས་ཏེ།
ཁྱེད་ཅག་གིས་ཀྲུང་གོ་ཡོ་རོབ་བར་གྱི་མཛའ་མཐུན་འབྲེལ་བར་མཐོང་ཆེན་བྱེད་པའི་ རྨང་གཞིའི་སྟེང༌།
ཐ་ཤལ་གྱི་དོན་དག་འདི་ལྟ་བུ་འབྱུང་བར་བཀག་འགོག་བྱེད་རྒྱུ་དེ་ཡིན།
ང་ནི་སྔོན་ཆད་མི་དམངས་ཉིན་རེའི་ཚགས་པར་གྱི་གསར་འགོད་པ་ཡིན། སྐབས་དེར་ངས་གཞན་ལ་དྲི་བ་ཅུང་རྣོ་པོ་འདོན་པར་དགའ་བོ་ཡོད། དེ་རིང་ངས་ཁྱེད་ཅག་གིས་ང་ལ་དྲི་བ་ཅུང་རྣོ་པོ་འདོན་པར་དགའ་བསུ་ཞུ།
ངས་གོང་དུ་བཤད་པའི་བཙན་བྱོལ་སྲིད་གཞུང་གི་འགོ་ཁྲིད་གསར་བ་གླེང་བ་དེ་ཙམ་གྱིས་དེ་རིང་འདིར་བཞུགས་ཀྱི་རྣམ་པ་ཚོས་ཁ་ཟས་རོལ་བའི་སྤྲོ་སེམས་དང་མི་འགལ་བར་མཁྱེན ༽ ཞེས་བཀོད་འདུག
གཟའ་མིག་དམར་ཉིན་རྒྱ་ནག་ཀུང་ཏུང་ཧེ་མཱེན་གྲོང་རྡལ་དུ། ས་གནས་མང་ཚོགས་ཁྲི་ ༡
ལྷག་འདུ་འཛོམས་ཀྱིས་སོལ་མེ་གློག་འདོན་ཁང་གསར་རྒྱག་མཚམས་འཇོག་དགོས་པའི་ངོ་རྒོལ་ལས་འགུལ་སྤེལ་འདུག
ཟླ་འདིའི་ཕྱི་ཚེས་ ༢༠
ཉིན་ཀུང་ཏུང་ཧྲན་ཐུའུ་གྲོང་ཁྱེར་གྱི་ཧེ་མཱེན་གྲོང་རྡལ་དུ། ས་གནས་མང་ཚོགས་ཀྱིས་མཉམ་རུབ་འདུ་འཛོམས་ངོ་རྒོལ་འགུལ་ཞིག་སྤེལ་ཏེ། ཉེ་ཆར་རྒྱ་གཞུང་གིས་ས་ཁུལ་དེར་སོལ་མེ་གློག་འདོན་ཁང་ཨང་གཉིས་པ་ཞིག་འཛུགས་རྒྱུའི་ལས་གཞི་ཕྱིར་འཐེན་བྱ་དགོས་པའི་འབོད་སྐུལ་བྱས་པར།
རྒྱ་གཞུང་ཉེན་རྟོག་པས་མང་ཚོགས་ལ་གཅར་རྡུང་བཀག་སྡོམ་བྱས་པར་བརྟེན། ས་གནས་མང་ཚོགས་དང་ཉེན་རྟོག་པའི་བར་འཁྲུག་འཛིང་ཤོར་ཡོད་པར་མ་ཟད།
མང་ཚོགས་རྣམས་སྲིད་གཞུང་གི་ཐོག་ཁང་ནང་བསྐྱོད་དེ་ངོ་རྒོལ་སྐད་འབོད་བྱས་ཡོད་པ་དང་། ཕྱི་ཚེས་ ༢༡
ཉིན་ས་གནས་འབྲིང་རིམ་སློབ་ཕྲུག་རྣམས་གཙོས་མང་ཚོགས་ཁྲི་གཅིག་ལྷག་འདུ་འཛོམས་ཀྱིས། ཧྲིན་ཧྲན་མྱུར་བགྲོད་གཞུང་ལམ་སྟེང་ཁྲོམ་སྐོར་བྱས་ཏེ་བསྐྱར་དུ་རྒྱ་གཞུང་ལ་ངོ་རྒོལ་སྐད་འབོད་བྱས་པར།
རྒྱ་གཞུང་གིས་དྲག་ཆས་དམག་མི་ ༡༠༠༠ ལྷག་ཆེད་གཏོང་གིས་མང་ཚོགས་ཁྲོད་དུག་རླངས་སོགས་བརྒྱབ་སྟེ་དྲག་གནོན་བྱས་པར་བརྟེན།
ས་གནས་མང་ཚོགས་ཀྱིས་ཀྱང་རྡོ་དང་ཤེལ་དམ་སོགས་སྤྱད་དེ་དམག་མིར་ཁ་གཏད་ཀྱིས་འཁྲུག་འཛིང་བྱས་ཡོད་འདུག འཁྲུག་འཛིང་དོན་རྐྱེན་དེའི་ཁྲོད་མི་མང་པོ་ཞིག་ལ་རྨས་སྐྱོན་ཕོག་ཡོད་པར་མ་ཟད།
དམག་མིའི་རླངས་འཁོར་འགའ་ཡང་མགོ་རྟིང་སློག་ཏེ་གཏོར་བཅོམ་བྱས་ཡོད་འདུག
ཕྱི་ཚེས་ ༢༡ གི་དགོང་མོ་ས་གནས་འབྲེལ་ཡོད་དཔོན་རིགས་རྣམས་ཡོང་སྟེ།
ས་གནས་མང་ཚོགས་ལ་འདུ་འཛོམས་གྲོལ་དགོས་པའི་འབོད་སྐུལ་དང་། གསར་དུ་བརྒྱག་བཞིན་པའི་གློག་ཁང་ལས་གཞི་མཚམས་འཇོག་བྱ་རྒྱུ་ཡིན་སྐོར་བརྗོད་ཡོད་ནའང་།
མང་ཚོགས་ཀྱིས་རྒྱ་གཞུང་ལ་ཡིད་མ་ཆེས་པར་མུ་མཐུད་ངོ་རྒོལ་འདུ་འཛོམས་མཚམས་འཇོག་བྱས་མེད་པར་མ་ཟད། ས་གནས་མང་ཚོགས་ཀྱིས་གསར་ལམ་ཁག་ཏུ།
ད་ལྟ་གསར་དུ་རྒྱག་བཞིན་པའི་གློག་ཁང་ལས་གཞི་དེ་དངོས་སུ་ཕྱིར་བསྡུ་མ་བྱས་པའི་བར་དུ་མུ་མཐུད་དུ་ངོ་རྒོལ་མཚམས་འཇོག་བྱ་རྒྱུ་མིན་སྐོར་བརྗོད་འདུག
ཧྥ་རན་སིའི་གསར་སྤེལ་ཁང་གིས་གནས་ཚུལ་སྤེལ་བ་ལྟར་ན། དོན་རྐྱེན་དེའི་ཁྲོད་ལོ་ ༡༥
ཡིན་པའི་བྱིས་པ་ཞིག་དམག་མིས་གཅར་རྡུང་སྐབས་རྐྱེན་འདས་སུ་གྱུར་ཡོད་པ་དང་། མང་ཚོགས་ ༡༠༠ ལྷག་ལ་རྨས་སྐྱོན་ཕོག་ཡོད་འདུག
དེ་སྔོན་རྒྱ་གཞུང་གིས་ཧེ་མཱེན་ས་ཁུལ་དུ་སོལ་མེ་གློག་འདོན་ཁང་ཞིག་བཙུགས་པས་རྐྱེན་གྱིས་ས་ཁུལ་དེའི་ཁོར་ཡུག་ལ་འབག་བཙོག་ཚབས་ཆེན་ཐེབས་ཏེ།
ས་གནས་མང་ཚོགས་ཀྱི་འཚོ་བའི་བདེ་ཐང་ཐད་དཀའ་ངལ་ཆེན་པོ་འཕྲད་བཞིན་ཡོད་པ་དང་།
ཐེངས་འདིར་ཡང་མང་ཚོགས་ཀྱི་བསམ་འདུན་ལ་མ་ཉན་པར་ཡང་བསྐྱར་སོལ་མེ་གློག་འདོན་ཁང་ཞིག་གསར་འཛུགས་ཀྱི་ལས་གཞི་མགོ་བརྩམས་ཡོད་སྟབས།
ས་གནས་མང་ཚོགས་རྣམས་ཐབས་ཟད་ཨུ་ཐུག་ཏུ་གྱུར་ཏེ་མཉམ་རུབ་འདུ་འཛོམས་ཀྱི་ངོ་རྒོལ་ལས་འགུལ་དེ་སྤེལ་དགོས་བྱུང་ཡོད་འདུག
ཕྱི་ཟླ་ ༩ ནས་ད་ལྟའི་བར་མཚམས་མ་ཆད་པར་མང་ཚོགས་ཀྱི་འདུ་འཛོམས་ངོ་རྒོལ་བྱུང་བཞིན་པའི་ཝུ་ཁེ་སྡེ་བ་དང་།
ཉེ་ཆར་གསར་དུ་མང་ཚོགས་འདུ་འཛོམས་ཀྱི་ངོ་རྒོལ་བྱུང་བཞིན་པའི་ཧེ་མཱེན་གྲོང་རྡལ་གཉིས་བར་སྤྱི་ལེ་ ༡༡༥ ཡོད་འདུག ལོ་རྗེས་མར་རྒྱ་གཞུང་གི་མཐོ་རིམ་མགོ་ཁྲིད་འཕོ་འགྱུར་གྱི་གནད་འགག་དུས་ཚོད་ལ་ཁེལ་ཡོད་སྟབས།
ཉེ་ཆར་རྒྱ་ནག་ནང་གཅིག་རྗེས་གཉིས་མཐུད་ཀྱིས་མང་ཚོགས་འདུ་འཛོམས་ཀྱི་ངོ་རྒོལ་ལས་འགུལ་འབྱུང་བཞིན་པའི་ཐད་རྒྱ་གཞུང་གིས་བློ་འཚབ་ཆེན་པོ་བྱེད་བཞིན་ཡོད་འདུག
ཟླ་འདིའི་ཕྱི་ཚེས་ ༡༨
ཉིན་རྒྱ་ནག་རྒྱལ་ཡོངས་ནང་སྨན་རྫུན་མ་བསྔོག་བཤེར་གྱི་ལས་འགུལ་ཞིག་སྤེལ་ཡོད་པ་དང་། སྐབས་དེར་རྒྱ་ནག་གི་གྲོང་ཁྱེར་ཆེ་ཁག་ ༡༧༠
ནང་སྨན་རྫུན་མའི་བཟོ་གྲྭ་དང་སྡེབས་ཚོང་ཁང་། སྨན་རྫུན་མའི་ཚོང་བ་དང་ལྐོག་འབྲེལ་ཡོད་པའི་གཞུང་གཉེར་སྨན་རྫས་བཟོ་གྲྭ་སོགས་ཚོགས་སྡེ་ཁག་ ༣༥༠ རྩད་གཅོད་དང་།
སྨན་རྫུན་མ་བཟོ་མཁན་ཉེས་ཅན་པ་ ༡༧༧༠ འཇུ་བཟུང་། སྨན་རྫུན་མ་གྲངས་དུང་ཕྱིར་ ༣
བསྔོག་འདོན་བཅས་བྱུང་ཡོད་པ་དང་། སྨན་རྫུན་མ་དེ་དག་གི་སྤྱིའི་རིན་འབབ་རྒྱ་སྒོར་དུང་ཕྱུར་ ༢༠ ལས་བརྒལ་ཡོད་འདུག
སྨན་རྫུན་མ་དེ་དག་ནི་སིང་ཕྱེ་དང་གཟན་ཆག རྫས་འགྱུར་ཚོས་རྒྱུ་སོགས་རྒྱུ་ཆ་བྱས་པའི་སྨན་རིགས་དང་། ལྕགས་རྡུལ་བསྲེས་སྦྱོར་རིགས་ཀྱི་ཕྱུགས་སྨན་བཅས་ཡིན་འདུག
རྒྱ་སྨན་རྫུན་མས་གནོད་འཚེ་ཐེབས་ཡུལ་གྱི་ཁྱབ་ཁོངས་ནི་རྒྱ་ནག་སྤྱི་ཚོགས་གཅིག་པུ་ཙམ་མ་ཡིན་པར། འཛམ་གླིང་རྒྱལ་ཁབ་ མང་པོའི་ནང་རྒྱ་སྨན་རྫུན་མའི་རིགས་ཁྱབ་ཡོད་པ་རེད། ད་ལོའི་ཕྱི་ཟླ་ ༩
པའི་ནང་རྒྱལ་སྤྱིའི་ཉེས་དོན་ཉེན་རྟོག་རྩ་འཛུགས་ཀྱིས་རྒྱལ་ཁབ་ ༧༩
ནང་མཉམ་འབྲེལ་ཐོག་སྨན་རྫུན་མའི་རིགས་བསྔོག་བཤེར་བྱས་སྐབས། ཨ་སྒོར་དུང་ཕྱུར་ ༡༠
ལྷག་གི་རིན་འབབ་ཀྱི་སྨན་རྫུན་མ་རྙེད་སོན་བྱུང་ཡོད་པ་དང་། སྨན་རྫུན་མ་དེ་དག་མང་ཆེ་བ་ནི་རྒྱ་ནག་ནང་ཐོན་སྐྱེད་བྱས་ཡོད་འདུག
ཉེ་ཆར་འཛམ་གླིང་འཕྲོད་བསྟེན་རྩ་འཛུགས་ཀྱིས་གནས་ཚུལ་སྤེལ་བའི་ནང་། སྟོབས་ཆེན་རྒྱལ་ཁབ་ཁག་ནང་སྨན་རྫུན་མའི་རིགས་བརྒྱ་ཆ་གཅིག་ཙམ་ལས་མེད་པ་དང་།
རྒྱ་ནག་ནང་སྨན་རྫུན་མའི་རིགས་ཀྱིས་སྤྱིའི་གྲངས་འབོར་གྱི་གསུམ་ཆ་གཅིག་ལྷག་ཟིན་ཡོད་ལ། རྒྱ་ནག་ནང་ལོ་རེའི་སྨན་ཚོང་འགྲེམ་གྱི་སྤྱིའི་རིན་འབབ་ཨ་སྒོར་དུང་ཕྱུར་ ༤༠༠ ལ་སླེབས་ཡོད་པའི་ཁྲོད། སྨན་རྫུན་མའི་རིན་འབབ་ཀྱིས་ཨ་སྒོར་དུང་ཕྱུར་ ༡༢༠ ཟིན་ཡོད་པ་དང་།
དེང་སྐབས་རྒྱ་ནག་གི་ས་ཆ་གང་སར་སྨན་རྫུན་མ་བཟོ་མཁན་གྱིས་ཁེངས་ཡོད་པར་མ་ཟད། རྒྱ་ནག་ཧི་ནན་དང་ཧུའུ་པའེ།
ཧྲང་ཧེ་སོགས་སུ་ཁྲིམས་མཐུན་སྨན་རྫས་བཟོ་གྲྭ་དག་གིས་ཀྱང་དཔལ་འབྱོར་ཁེ་ཕན་ཁོ་ནའི་ཆེད་སྨན་རྫུན་མ་སྡེབ་སྦྱོར་བྱེད་བཞིན་ཡོད་སྟབས། དེ་ནི་ཧ་ཅང་བློ་འཚབ་བྱ་དགོས་པའི་གནས་སྟངས་ཤིག་ཆགས་ཡོད་སྐོར་བསྒྲགས་ཡོད་པ་རེད།
རྒྱ་ནག་གཞུང་འབྲེལ་གསར་ལམ་ཁག་ཏུ་སྨན་རྫུན་མ་བསྔོག་བཤེར་གྱི་ཐེངས་འདིའི་ལས་འགུལ་སྐོར་ཤུགས་ཆེན་པོས་བསྒྲགས་ཡོད་པ་རེད། ཡིན་ནའང་།
མང་ཚོགས་ཀྱིས་རྒྱ་གཞུང་གི་དྲིལ་བསྒྲགས་དེས་མ་འོངས་པར་སྨན་རྫུན་མ་བཀག་སྡོམ་ཐད་ཕན་ནུས་ཆེན་པོ་འབྱུང་མི་སྲིད་པའི་སྐོར་གླེང་སློང་འབྱུང་བཞིན་འདུག
སྲིད་དོན་དབྱེ་ཞིབ་པ་ཚའོ་ཨན་ཅི་ཡིས།
“རྒྱ་གཞུང་གིས་བཅོས་སྒྱུར་སྒོ་འབྱེད་ཅེས་པའི་སྲིད་ཇུས་སྤེལ་བ་ནས་ད་ལྟའི་བར་སྨན་རྫུན་མ་བཟོ་སྐྲུན་གྱི་གནད་དོན་དེ་རིམ་པར་བྱུང་ཡོད་ལ།
དེར་མ་ཟད་སྨན་རྫུན་མ་བཟོ་མཁན་མང་ཆེ་བ་ནི་རྒྱལ་གཉེར་ཁེ་ལས་བཟོ་གྲྭ་ཁག་རེད།
ཉེ་སྔོན་གྱི་བསྔོག་བཤེར་ཐེངས་གཅིག་ལ་བརྟེན་ནས་སྨན་རྫུན་མ་ཕོན་ཆེན་པོ་འདི་འདྲ་ཞིག་ཐོན་པ་འདིས། རྒྱ་གཞུང་གི་གཞི་རྩའི་ཁྲིམས་དང་སྒྲིག་གཞིར་གནད་དོན་ཡོད་པ་གསལ་བོར་མཚོན་ཡོད།
རྒྱ་གཞུང་གིས་དུས་རྒྱུན་བསྔོག་བཤེར་མི་བྱེད་པའི་རྒྱུ་མཚན་གང་ལ་ཐུག་ཡོད་དམ།
དེའི་རྒྱུ་མཚན་གཙོ་བོ་ནི་དཔལ་འབྱོར་ཁེ་ཕན་གྱི་ཆེད་དུ་རྒྱ་གཞུང་དཔོན་རིགས་ཚོ་དང་སྨན་རྫུན་མའི་བཟོ་གྲྭ་ཁག་གི་བར་ངན་གཡོ་ལྐོག་འབྲེལ་ཡོད་པའི་རྐྱེན་གྱིས་རེད།” ཅེས་བརྗོད་འདུག
གཞན་ཡང་། པེ་ཅིན་གྱི་མང་ཚོགས་ཤིག་གིས་གསར་ལམ་ཁག་ཏུ།
“སྨན་རྫུན་མ་ཐོན་སྐྱེད་དང་ཚོང་འགྲེམས་བྱེད་པ་ནི་མིའི་ཀུན་སྤྱོད་ཀྱི་གནད་དོན་ཞིག་རེད། ལས་ཀ་འདི་རིགས་ནི་འགྲོ་བ་མིའི་རིགས་ཀྱིས་སྒྲུབ་རུང་བའི་བྱ་གཞག་ཅིག་མ་རེད།
ངས་བསམ་ན་གནད་དོན་འདིས་རྒྱ་ནག་ནང་མིའི་ཀུན་སྤྱོད་ཀྱི་ཚད་གཞི་ཆེས་སྐྱོ་བོ་ཡིན་པ་མཚོན་འདུག” ཅེས་བརྗོད་ཡོད་པ་དང་།
པེ་ཅིན་གྱི་ཁྲིམས་རྩོད་པ་ལིས་ལགས་ཀྱིས་ཀྱང་། “རྒྱ་ནག་ནང་སྨན་རྫུན་མ་ཐོན་སྐྱེད་ཀྱི་ཕྱོགས་ལ་བཀག་སྡོམ་དོ་ནན་མི་བྱེད་པའི་གནད་གཙོ་བོ་ནི། རྒྱ་དམར་གཞུང་གི་ཁྲིམས་སྒྲིག་མཐའ་དག་ནི་མི་དམངས་ཀྱི་ཁེ་ཕན་སྲུང་སྐྱོབ་ཆེད་དུ་བཟོས་པ་མ་ཡིན་པའི་རྐྱེན་གྱིས་རེད།”
ཅེས་བརྗོད་འདུག
གཞན་ཡང་། པེ་ཅིན་གྱི་མང་ཚོགས་ཤིག་གིས་གསར་ལམ་ཁག་ཏུ།
“སྨན་རྫུན་མ་ཐོན་སྐྱེད་དང་ཚོང་འགྲེམས་བྱེད་པ་ནི་མིའི་ཀུན་སྤྱོད་ཀྱི་གནད་དོན་ཞིག་རེད། ལས་ཀ་འདི་རིགས་ནི་འགྲོ་བ་མིའི་རིགས་ཀྱིས་སྒྲུབ་རུང་བའི་བྱ་གཞག་ཅིག་མ་རེད།
ངས་བསམ་ན་གནད་དོན་འདིས་རྒྱ་ནག་ནང་མིའི་ཀུན་སྤྱོད་ཀྱི་ཚད་གཞི་ཆེས་སྐྱོ་བོ་ཡིན་པ་མཚོན་འདུག” ཅེས་བརྗོད་ཡོད་པ་དང་།
པེ་ཅིན་གྱི་ཁྲིམས་རྩོད་པ་ལིས་ལགས་ཀྱིས་ཀྱང་། “རྒྱ་ནག་ནང་སྨན་རྫུན་མ་ཐོན་སྐྱེད་ཀྱི་ཕྱོགས་ལ་བཀག་སྡོམ་དོ་ནན་མི་བྱེད་པའི་གནད་གཙོ་བོ་ནི། རྒྱ་དམར་གཞུང་གི་ཁྲིམས་སྒྲིག་མཐའ་དག་ནི་མི་དམངས་ཀྱི་ཁེ་ཕན་སྲུང་སྐྱོབ་ཆེད་དུ་བཟོས་པ་མ་ཡིན་པའི་རྐྱེན་གྱིས་རེད།”
ཅེས་བརྗོད་འདུ
ཕྱི་ཟླ་ ༡༠ ཚེས་ ༢༡
ཉིན་རྒྱ་ནག་པེ་ཅིན་ཐེན་ཨན་མེན་མདུན་ཐང་དུ། རུས་ཝང་ཡིན་པའི་རང་ལོ་ ༤༢
ཅན་གྱི་སྐྱེས་པ་ཞིག་གིས་རང་ལུས་མེར་བསྲེགས་བཏང་སྟེ་རྒྱ་གཞུང་ལ་ངོ་རྒོལ་བྱས་ཡོད་འདུག སྐབས་དེར་མི་མང་བརྒྱ་ཕྲག་བརྒལ་བའི་གནས་ཚུལ་དེ་དངོས་སུ་མཐོང་ཡོད་པར་མ་ཟད་པར་རྒྱག་མཁན་ཀྱང་འགའ་ཤས་བྱུང་ཡོད་འདུག
ཡིན་ནའང་། རྒྱ་གཞུང་གི་བཀག་སྡོམ་དམ་དྲགས་འོག་གནས་ཚུལ་དེ་ད་ལྟའི་བར་དྲ་རྒྱ་དང་གསར་ལམ་ཁག་ཏུ་ཐོན་ཐུབ་མེད་པ་རེད། ཟླ་འདིའི་ཕྱི་ཚེས་ ༡༦
ཉིན་དབྱིན་ཇིའི་ཉིན་རེའི་གློག་འཕྲིན་གསར་ཤོག་སྟེང་། དབྱིན་ཇིའི་བཟོ་སྐྲུན་པ་པུའུ་ལཱང་ལགས་ཀྱིས་གནས་ཚུལ་བྱུང་ཡུལ་དངོས་ནས་བླངས་པའི་བདེན་དཔང་གི་པར་རིས་དེ་ཐོན་པའི་རྗེས།
རྒྱ་ནག་པེ་ཅིན་ཉེན་རྟོག་ལས་ཁུངས་ཀྱིས་རུས་ཝང་ཅན་གྱི་སྐྱེས་པ་དེའི་རང་ལུས་མེར་བསྲེགས་བཏང་བའི་རྒྱུ་རྐྱེན་གཙོ་བོ་ནི།
ས་གནས་ཁྲིམས་ཞིབ་ཁང་གི་ཐག་གཅོད་ཅིག་ལ་འདོད་མོས་མ་ཁེངས་པའི་རྐྱེན་གྱིས་སྐོར་བརྗོད་ཡོད་པ་རེད།
གཞན་ཡང་། ཏཱ་ཅིས་ཡོན་རྒྱ་ཡིག་དྲ་བའི་སྟེང་གནས་ཚུལ་སྤེལ་བ་ལྟར་ན། ཟླ་འདིའི་ཕྱི་ཚེས་ ༣
ཉིན་ཧི་ནན་ཀྲིན་ཀྲིག་ས་ཁུལ་དུ། རྒྱ་གཞུང་གིས་ལས་བཟོ་བ་མི་ ༣༠༠
ལྷག་ཆེད་གཏོང་བྱས་ཏེ་ཀྲིན་ཀྲིག་གྲོང་ཁྱེར་གྱི་ཀོ་ཧྲན་གཞུང་ལམ་དང་ཨར་ཧྭན་གཞུང་ལམ་བསྣོལ་མཚམས་ཁུལ་གྱི་མང་ཚོགས་ཀྱི་གཞིས་ཀ་བཙན་འཕྲོག་གིས་གནས་སྤོར་བྱེད་བཅུག་པར་བརྟེན། ཝང་ཧའོ་རུང་བཟའ་ཟླ་གཉིས་ཐབས་ཟད་འུ་ཐུག་ཏུ་གྱུར་ཏེ།
སོ་སོའི་ཁང་པའི་སྟེང་ལུས་པོར་སྣུམ་བླུགས་ཏེ་རང་ལུས་མེར་བསྲེགས་ཀྱིས་ངོ་རྒོལ་བྱ་རྩིས་བྱས་ཡོད་པ་དང་། སྐབས་དེར་ལོ་ ༨༡
ཡིན་པའི་ཁོའི་ཨ་མ་ཝང་ལིག་ཀྲི་ཡིས་སོ་སོའི་ཁང་པའི་ནང་གློ་བུར་དུ་རང་ལུས་མེར་བསྲེགས་བཏང་སྟེ་རྒྱ་གཞུང་ལ་ངོ་རྒོལ་བྱས་ཡོད་འདུག ཝང་ཧའོ་རུང་བཟའ་ཟླ་གཉིས་ཀྱིས་གནས་ཚུལ་དེ་ཤེས་མ་ཐག་ཕྱིར་རྒྱུགས་ཡོང་སྟེ་ཨ་མ་ཝང་ལགས་ཀྱི་ལུས་སྟེང་གི་མེ་གསོད་རྩིས་བྱས་ཡོད་ནའང་། རྒྱ་གཞུང་འབྲེལ་ཡོད་ལས་བྱེད་རྣམས་ཀྱིས་ཁོང་བཟའ་མི་གཉིས་གཙོས་པའི་ནང་མི་ ༥
པོ་འཇུ་བཟུང་བཙན་འཁྲིད་བྱས་ཏེ་མེ་གསོད་དུ་མ་བཅུགས་པར་བརྟེན་ཁོ་མོ་འདས་གྲོངས་སུ་གྱུར་ཡོད་འདུག
ཕྱི་ཚེས་ ༩ ཉིན་གྱི་ཕྱི་དྲོ་ས་གནས་གྲོང་ཁྱེར་དོ་དམ་ལས་ཁུངས་ཀྱིས།
ཝང་ཧའོ་རུང་གི་གཞིས་ཁྱིམ་ནི་ཁྲིམས་འགལ་གྱི་འཛུགས་སྐྲུན་ཆགས་ཡོད་སྐོར་བརྗོད་ཡོད་པ་དང་། ས་གནས་ཉེན་རྟོག་པས་ཝང་ཧའོ་རུང་བཟའ་མི་གཉིས་ཀྱིས་སྤྱི་ཚོགས་ཀྱི་སྒྲིག་སྲོལ་ལ་གཏོར་བརླགས་བཟོས་པའི་ཉེས་མིང་བཏགས་ཏེ། ཉིན་ ༡༠
རིང་བཙོན་འཇུག་བཀག་སྐྱེལ་བྱ་རྒྱུ་ཡིན་པ་བསྒྲགས་འདུག གསར་ལམ་ཁག་ཏུ་གནས་ཚུལ་ཐོན་པ་ལྟར་ན། ཝང་ཧའོ་རུང་གིས “
ངས་ལོ་གཅིག་ལྷག་གི་རིང་ཡིག་ཐོག་སྙན་ཞུ་རིམ་པར་ཕུལ་ཏེ་ཕན་ཐོག་མ་བྱུང་པར་བརྟེན། སྤྱི་ཚོགས་ཁྲོད་རང་ལུས་མེར་བསྲེགས་ཀྱི་ངོ་རྒོལ་བྱེད་བཞིན་པའི་རིགས་ལ་དོ་སྣང་བྱུང་པར་མ་ཟད། རང་ལུས་མེར་བསྲེགས་ཀྱི་ངོ་རྒོལ་ལ་སྤྱི་ཚོགས་ཀྱི་ངོས་ནས་ཀྱང་དོ་སྣང་ཤུགས་ཆེན་པོ་ཡོང་གི་རེད་བསམ་སོང་།”
ཞེས་བརྗོད་ཡོད་འདུ
ཁ་སང་རྒྱ་ནག་མི་མང་འཐུས་མིའི་རྒྱུན་ལས་ཚོགས་འདུའི་སྟེང་ << རྒྱ་ནག་མི་དམངས་སྤྱི་མཐུན་རྒྱལ་ཁབ་ཀྱི་སྡོད་དམངས་ཐོབ་ཐང་ལག་ཁྱེར་གྱི་ཁྲིམས་གཞི >> ནང་གསེ ས་དོན་ཚན་ཐོབ་ཐང་ལག་ཁྱེར་ཞིབ་བཤེར་གྱི་ཁྲིམས་གཞི་བསྐྱར་བཅོས་ཀྱི་ཁྲིམས་འཆར་ཞིག་བཏོན་ཏེ། ཉེན་རྟོག་པས་མང་ཚོགས་ཀྱི་ཐོབ་ཐང་ལག་ཁྱེར་ཞིབ་བཤེར་གྱི་ཁྱབ་ཁོངས་རྒྱ་ཆེ་རུ་བཏང་སྟེ། སྔར་ཡོད་བཅའ་ཁྲིམས་དོན་ཚད་ ༡༥ ནང་གསེས་དང་པོའི་ཁྲོད་དུ། མེ་འཁོར་དང་རླངས་འཁོར་འབབ་ཚིགས། གནམ་ཐང་། གྲུ་ཁ། དེ་བཞིན། དུས་ཆེན་སོགས་ཀྱི་སྐབས་གྲོང་ཁྱེར་ཁུལ་དང་ས་གནས་སྲིད་གཞུང་གི་གཏན་འབེབས་བྱས་པའི་མི་ཚོགས་འདུ་འཛོམས་བྱ་ཡུལ་བཅས་སུ་མང་ཚོགས་ཀྱི་ཐོབ་ཐང་ལག་ཁྱེར་ལ་ཞིབ་བཤེར་འདྲི་གཅོད་བྱས་ཆོག་པའི་སྐོར་ཟུར་སྣོན་བྱས་ཡོད་འདུག
དེ་སྔའི་རྒྱ་གཞུང་གི་བཅའ་ཁྲིམས་ནང་མང་ཚོགས་ཀྱི་ཐོབ་ཐང་ལག་ཁྱེར་ཞིབ་བཤེར་བྱེད་ཕྱོགས་ཐད་གཏན་འབེབ་དོན་ཚན་བཞི་བཀོད་ཡོད་པ་ནི། དང་པོ། ཁྲིམས་འགལ་ཉེས་ཅན་དོགས་ཡོད་མི་སྣའི་ཐོབ་ཐང་ལག་ཁྱེར་ལ་ཞིབ་བཤེར་འདྲི་གཅོད། གཉིས་པ། ས་གནས་གང་རུང་དུ་གྱོན་ཁྲིམས་གཞི་ལག་བསྟར་སྐབས་འབྲེལ་ཡོད་མི་སྣའི་ཐོབ་ཐང་ལག་ཁྱེར་ལ་ཞིབ་བཤེར་འདྲི་གཅོད། གསུམ་པ། སྤྱི་ཚོགས་ལ་གཏོར་རྒོལ་དོན་རྐྱེན་ཆེན་པོ་བྱུང་སྐབས་ས་གནས་མང་ཚོགས་ཀྱི་ཐོབ་ཐང་ལག་ཁྱེར་ལ་ཞིབ་བཤེར་འདྲི་གཅོད། བཞི་པ། བཅའ་ཁྲིམས་ཀྱི་དོན་ཚན་གཞན་དག་ནང་གཏན་ལ་ཕབ་པའི་ཐོབ་ཐང་ལག་ཁྱེར་ཞིབ་བཤེར་དགོས་པའི་གནས་སྟངས་འོག་མང་ཚོགས་ཐོབ་ཐང་ལག་ཁྱེར་ལ་ཞིབ་བཤེར་འདྲི་གཅོད་བྱ་ཆོག་པ་བཅས་རེད།
རྒྱ་གཞུང་ཉེན་རྟོག་སྡེ་ཁག་གི་མགོ་གཙོ་གཞོན་པ་ཡཱང་ཧན་མཱེན་གྱིས། ཉེ་ཆར་རྒྱ་གཞུང་གིས་མི་མང་གི་ཐོབ་ཐང་ལག་ཁྱེར་ཞིབ་བཤེར་གྱི་ཁྱབ་ཁོངས་རྒྱ་ཆེ་རུ་གཏོང་བའི་ཁྲིམས་འཆར་བཏོན་པ་དེ་ནི། དེང་སྐབས་སྤྱི་ཚོགས་བདེ་འཇགས་གནས་སྟངས་རྙོག་འཛིང་ཆེ་རུ་འགྲོ་བཞིན་པར་བརྟེན། ཁྲིམས་གཞི་བསྐྱར་བཅོས་ཏེ་བརྒྱུད་ནས་ཉེན་རྟོག་སྡེ་ཁག་གིས་སྔར་ལས་ལྷག་པར་སྤྱི་དམངས་ཀྱི་བདེ་འཇགས་དང་སྤྱི་ཚོགས་བརྟན་ལྷིང་སྲུང་སྐྱོབ་བྱ་ཆེད་ཡིན་སྐོར་བརྗོད་ཡོད་པ་རེད། ཡིན་ནའང་། འགྲོ་བ་མིའི་ཐོབ་ཐང་སྲུང་སྐྱོབ་ཁྲིམས་རྩོད་པ་ཅཱང་ཐེན་ཡོང་གིས། “རྒྱ་གཞུང་གི་ཁྲིམས་འཆར་དེ་ནི་དོན་གྱིས་མི་མང་ལ་སྔར་བས་བཀག་སྡོམ་བྱ་ཆེད་ཡིན་པ་དང་། གལ་སྲིད་ཁྲིམས་འཆར་དེ་གཏན་འབེབ་བྱུང་ཚེ་ཉེན་རྟོག་པས་གནས་དུས་ངེས་མེད་ཀྱི་ཐོག་ནས་ཐོབ་ཐང་ལག་ཁྱེར་ལ་ཞིབ་བཤེར་བྱས་ཏེ། མང་ཚོགས་ལ་གང་བྱུང་འདྲི་གཅོད་བྱེད་པའི་རིགས་ཚང་མ་ཁྲིམས་མཐུན་ཆགས་རྒྱུ་ཡིན་པས། སྤྱི་དམངས་ཀྱི་རང་དབང་ཐོབ་ཐང་ཁེ་དབང་སྔར་བས་ཉམ་ཆག་ཏུ་འགྲོ་རྒྱུ་ཉག་གཅིག་རེད། ” ཅེས་བརྗོད་ འདུག
རྒྱལ་ནང་གི་ནག་ཚོགས་རིགས་ལ་བལྟས་ན་དེ་འདྲ་ཞིག་ཀྱང་དགོས་ངེས་རེད།
འོན་ཀྱང་འདིའི་དགོས་པ་དམིགས་ཡུལ་དེ་བོད་དང་ཡུ་གུར་སོག་པོ་སོགས་གྲངས་ཉུང་མི་རིགས་ཁག་ལ་གཟེས་ཡོད་ཚེ་དེ་ནི་གནོན་ཤུགས་སམ་བཀག་སྡོམ་གྱི་ཆ་རྐྱེན་ཞིག་ཡིན་ངེས།
ཕྱི་ཚེས་ ༢༠
ཉིན་ནང་སོག་ཐའོ་ལའེ་རྒེ་གྷ་སྡེ་བའི་འབྲོག་པ་ཀྲའོ་རི་ཀུ་ཐའོ་ལགས་ཀྱིས་རྩྭ་ཐང་སྲུང་སྐྱོབ་བྱེད་སྐབས། རྒྱ་རིགས་རླངས་འཁོར་ཁ་ལོ་བ་ཞིག་གིས་ཁོ་རང་རླངས་འཁོར་འོག་བ རྫིས་ཏེ་དམར་གསོད་བཏང་ཡོད་འདུག
ཟླ་འདིའི་ཕྱི་ཚེས་ ༢༠ ཉིན།
ནང་སོག་ཨོ་ཨར་ཊོ་སི་གྲོང་ཁྱེར་ཝུའུ་ཧྲིན་ཆི་རྫོང་ཐའོ་ལའེ་རྒེ་གྷ་སྡེ་བའི་སོག་པོ་འབྲོག་པ་ཀྲའོ་རི་ཀུ་ཐའོ་ལགས་ཀྱིས་རྩྭ་ཐང་སྲུང་སྐྱོབ་ཆེད་རྡོ་སྣུམ་གཏེར་ཁ་ སྐྱེལ་འདྲེན་གྱི་རླངས་འཁོར་དག་རྩྭ་ཐང་སྟེང་བསྐྱོད་རྒྱུར་བཀག་འགོག་བྱས་སྐབས། རྒྱ་རིགས་རླངས་འཁོར་ཁ་ལོ་བ་ལིས་ཡུག་ལཱིང་ཟེར་བ་ཞིག་གིས་བསམ་བཞིན་དུ་རླངས་འཁོར་མདུན་ཕྱོགས་སུ་བཏང་སྟེ་འབྲོག་པ་ཀོ་རི་ཀུ་ཐའོ་རླངས་འཁོར་འོག་བ རྫིས་ཏེ་དམར་གསོད་བཏང་ཡོད་འདུག
ལྷོ་སོག་རང་དབང་སྐབས་དོན་གླེང་སྟེགས་ཀྱིས་གནས་ཚུལ་སྤེལ་བ་ལྟར་ན། ཟླ་འདིའི་ཚེས་ ༢༤
ནས་ཚེས་ ༣༠ བར་ནང་སོག་གཞི་རིམ་ས་ཁུལ་དང་། རྒྱལ་ས་ཧའོ་ཧི་ཧའོ་ཐི་གཙོས་པའི་གྲོང་ཁྱེར་ཆེ་ཁག་ནང་མི་ཚོགས་འདུ་འཛོམས་ཀྱིས།
སོ་སོའི་རིག་གནས་དང་ཕ་ཡུལ་རྩྭ་ཐང་སྲུང་སྐྱོབ་ཀྱི་ལས་འགུལ་གཞི་རྒྱ་ཆེ་བ་ཞིག་བསྐྱར་དུ་སྤེལ་འཆར་ཡོད་པ་དང་། ལུས་འགུལ་སྐབས་ཉེ་ཆར་རྡོ་སྣུམ་གཏེར་ཁ་དབོར་འདྲེན་རླངས་འཁོར་འོག་བ རྫིས་ཏེ་དམར་གསོད་བཏང་བའི་ཀྲའོ་རི་ཀུ་ཐའོ་དང་། ཕྱི་ཟླ་ ༥ ཚེས་ ༡༠ ཉིན་རྡོ་སོལ་གཏེར་འདྲེན་རླངས་འཁོར་འོག་བ རྫིས་ཏེ་དམར་གསོད་བཏང་བའི་མའོ་རི་ཀིན་རྣམ་གཉིས་ལ་རྒྱ་གཞུང་གིས་མྱ་ངན་ཚོགས་འདུ་བསྡུས་ཏེ།
ཁོང་རྣམ་གཉིས་ཀྱིས་སོག་པོའི་རང་བྱུང་རྩྭ་ཐང་སྲུང་སྐྱོབ་ཆེད་རང་སྲོག་བཏང་བར་དྲན་རྟེན་རྡོ་རིང་བཞེངས་དགོས་པར་མ་ཟད། སོག་པོའི་རིག་གནས་དང་རང་བྱུང་རྩྭ་ཐང་སྲུང་སྐྱོབ་ཀྱི་ཁྲིམས་གཞི་གཏན་འབེབ་ཀྱིས་ལག་བསྟར་བྱ་དགོས་པའི་དགོས་འདུན་ཤུགས་ཆེན་པོ་འདོན་རྒྱུ་ཡིན་སྐོར་བརྗོད་འདུག
རྒྱ་ནག་ཤིན་ཧྭ་གསར་ཁང་གིས་གནས་ཚུལ་སྤེལ་བའི་ནང་། རླངས་འཁོར་ཁ་ལོ་བས་ཀྲོ་རི་ཀུ་ཐའོ་རླངས་འཁོར་གཡས་ཕྱོགས་མགྱོགས་པོར་མདུན་དུ་ བསླེབས་པ་མ་མཐོང་པར་རླངས་འཁོར་དང་གདུང་ཐུག་བརྒྱབ་ སྟེ་རྐྱེན་འདས་སུ་གྱུར་བ་དང་།
ས་གནས་ཉེན་རྟོག་པས་རླངས་འཁོར་ཁ་ལོ་བ་བཀག་ཉར་བྱས་ཡོད་སྐོར་བཀོད་ཡོད་པ་རེད། ཡིན་ནའང་། ལྷོ་སོག་པོའི་རང་དབང་གླེང་སྟེགས་དྲ་བའི་སྟེང་གནས་ཚུལ་སྤེལ་བ ར། སོག་པོ འི་འབྲོག་པ་ཀྲོ་རི་ཀུ་ཐའོ་ལགས་ཀྱིས་རྡོ་སྣུམ་གཏེར་ཁ་དབོར་འདྲེན་གྱི་རླངས་འཁོར་དེ་བཀག་འགོག་བྱས་སྐབས། རླངས་འཁོར་ཁ་ལོ་བས་བསམ་བཞིན་དུ་ཁོང་རླངས་འཁོར་ འོག་བ རྫིས་ཏེ་དམར་གསོད་བཏང་ཡོད་པ་བརྗོད་འདུག
ཤིན་ཧྭ་གསར་ཁང་དང་ལྷོ་སོག་རང་དབང་གླེང་སྟེགས་གཉིས་ཀྱིས་ གནས་ཚུལ་འགོད་སྟངས་ཐད། ཨ་རིར་གནས་སྡོད་འགྲོ་བ་མིའི་ཐོབ་ཐང་ལས་འགུལ་བ་ལིག་ཉན་ཁྲོན་ལགས་ཀྱིས “དངོས་ཡོད་གནས་ཚུལ་མཐོང་མཁན་ས་གནས་མང་ཚོགས་ཀྱི་སྐད་ཆ་དང་ལྷོ་སོག་རང་དབང་གླེང་སྟེགས་དྲ་བའི་སྟེང་བཀོད་པའི་གནས་ཚུལ་གཉིས་གཅིག་མཐུན་རེད།
མ་གཞི་ཞིན་ཧྭ་གསར་ཁང་ནི་དོན་གྱིས་རྒྱ་གཞུང་དཔོན་རིགས་ཚོའི་མགྲིན་ཚབ་ཡིན་པས། ཞིན་ཧྭ་གསར་ཁང་གི་བརྗོད་སྟངས་དེར་ཡིད་ཆེས་བྱ་ཐབས་རྩ་བ་ནས་མེད། ” ཅེས་བརྗོད་ཡོད་པ་དང་། དེ་བཞིན།
ནང་སོག་འགྲོ་བ་མིའི་ཐོབ་ཐང་མནའ་འབྲེལ་ཚོགས་པའི་ཚོགས་གཙོ་ཞིའི་མུའུ་མེན་ལགས་ཀྱིས་ཀྱང་། “ཞིན་ཧྭ་གསར་ཁང་གིས་མངོན་གསལ་དོད་པོའི་ཐོག་ནས་གནས་ཚུལ་དེ་སྤྱིར་བཏང་གི་འགྲུམ་འགྲུལ་དོན་རྐྱེན་ཕལ་བ་ཞིག་ལ་ཁ་བསྒྱུར་ཏེ་གནས་ཚུལ་སྤེལ་ཡོད་པ་རེད། གནས་ཚུལ་དེ་མ་བྱུང་ཡར་སྔོན་ནས་རྡོ་སྣུམ་གཏེར་ཁ་སྔོག་མཁན་རྒྱ་མི་དང་ས་གནས་སོག་རིགས་འབྲོག་པའི་བར་འཁོན་འཛིང་དོན་རྐྱེན་ཐེངས་མང་བྱུང་མྱོང་ཡོད་པ་རེད། དེའི་རྒྱུ་རྐྱེན་གཙོ་བོ་ནི་གཏེར་ཁ་སྔོག་མཁན་རྒྱ་མི་ཚོས་ས་གནས་མི་མང་ལ་གོ་བསྡུར་དང་ཁྲིམས་མཐུན་གན་རྒྱ་གང་ ཡང་མ་བཞག་པར། བཙན་ཤུགས་ཀྱིས་མི་མང་གི་ལག་ནས་ས་ཆ་བཙན་འཕྲོག་གིས་གཏེར་ཁ་སྔོག་འདོན་བྱས་ཏེ། ས་གནས་མང་ཚོགས་ཀྱི་ཁེ་ཕན་བཙན་འཕྲོག་བྱས་པར་མ་ཟད། རྩྭ་ཐང་ལ་གང་བྱུང་གཏོར་སྐྱོན་བཟོས་པར་བརྟེན་ཁོར་ཡུག་ཉམ་ཆག་ཏུ་གྱུར་ཏེ་ས་གནས་མང་ཚོགས་ཀྱི་འཚོ་བར་དཀའ་ངལ་སྣ་ཚོགས་འཕྲ ད་བཞིན་ཡོད་པ་རེད།
ཐེངས་འདིའི་དོན་རྐྱེན་དེའང་སྤྱིར་བཏང་གི་འགྲུམ་འགྲུལ་དོན་རྐྱེན་ ཙམ་མིན་པར། ཕྱི་ཟླ་ ༥ པའི་ནང་བྱུང་བའི་དོན་རྐྱེན་དང་ངོ་བོ་གཅིག་རེད། རྗེས་ཕྱོགས་ད་དུང་དོན་རྐྱེན་འདི་རིགས་རྒྱུན་མི་ཆད་པར་ཇེ་མང་དུ་འགྲོ་ངེས་རེད། ” ཅེས་བརྗོད་འདུག
ནང་སོག་ཝུའུ་ཧྲིན་ཆི་རྫོང་ནི་རྒྱ་ནག་ཧྲན་ཞི་ཞིང་ཆེན་དང་ཉིན་ཞཱ་ཧེ་རིགས་རང་སྐྱོང་ཁུལ་གཉིས་དང་མཐའ་འབྲེལ་ས་ཁུལ་ཡིན་པ་དང་།
རྫོང་ཡོངས་ལ་ས་ཁྱོན་སྤྱི་ལེ་གྲུ་བཞི་མ་ ༡༡༦༤༥ ཡོད་པ་རེད། དེང་སྐབས་ས་ཁུལ་དེར་མི་གྲངས་ཁྲི་ ༡༠ ཡོད་པའི་ནང་།
སོག་རིགས་མི་ཁྲི་ ༣ མ་གཏོགས་མང་ཆེ་བ་རྒྱ་ རིགས་ཡིན་འདུག
གྲངས་ཉུང་མི་རིགས་ཚང་མས་རང་སྐྱོང་གི་མིང་སྐམ་པོ་རེ་བཟུང་ནས་འདི་ལྟར་རྒྱ་ནག་གཞུང་གི་སྟངས་འཛིན་འོག་དཔོན་རིགས་དང་རྒྱ་རིགས་གྲངས་མང་གི་བརྙས་བཅོས་མྱོང་བཞིན་ཡོད།
མི་གྲངས་ཁྲི་བཅུའི་ནང་ལ་སོག་རིགས་ཁྲི་གསུམ་ཙམ་ལས་མེད་པ་ཞིག་ལ་རང་སྐྱོང་གི་མིང་བཏགས་པ་དེ་མིང་ཙམ་ལས་ཅི་ཡང་མིན་པ་གསལ་རྟོགས་ཐུབ་པ་ཞིག་རེད། དེ་ལས་རང་སྐྱོང་གི་མིང་མེད་པ་བཟོས་ན་ཡག་གི་རེད།
མགོ་སྐོར་གྱི་མིང་ཞིག་ཉར་ནས་བསླུ་བྲིད་མྱོང་ནས་ཅི་ལ་འདུག
བདག་གིས་བོད་སོག་ཡུ་གུར་སོགས་མི་རིགས་སྐྱིད་སྡུག་མཉམ་མྱོང་གི་སྒྲིག་འཛུགས་སྟོབས་ལྡན་ཞིག་འཛུགས་རྒྱུ་དུས་ལ་བབས་འདུག་ཅེས་བཤད་ཀྱིན་ཡོད།
སོག་རིགས་མི་མང་གིས་རང་ས་སྲུད་སྐྱོབ་དང་མི་རིགས་ཀྱི་ཁེ་དབང་འདྲ་མཉམ་སླད་དུ་རང་སྲོག་བློས་གཏོང་གི་ལས་འགུལ་འདི་རིགས་སྤེལ་ཐུབ་རྒྱུར་ཡིད་ཆེས་ཡོད། གདུང་སེམས་མཉམ་སྐྱེད་ཡོད།
མི་རིགས་འདྲ་མཉམ་དང་མི་རིགས་རང་སྐྱོང། མི་དམངས་ལ་དམངས་གཙོ་ཡོང་བར་མི་རིགས་ཚང་མས་སྒོ་ཀུན་ནས་འབད་དགོས།
ཉེ་ལམ་ཧོང་ཀོང་གི་བརྙན་འཕྲིན་གསར་ལམ་ཞིག་ཏུ་རྒྱ་ནག་གི་སྲིད་འཛིན་ཟུར་པ་ཅང་ཙེ་མིན་ནད་གཞི་ཞིག་གིས་འདས་གྲོངས་སུ་སོང་ཡོད་མེད་ཀྱི་གནས་ཚུལ་ཞིག་ཐོན་ཞིང་།
སྐབས་དེར་རྒྱ་གཞུང་གི་མགྲིན་ཚབ་པ་ཚོས་ཀྱང་གསལ་བཤད་གང་ཡང་བྱས་མེད་ཀྱང་། རེས་གཟའ་ཉི་མའི་ཉིན་ཅང་ཙེ་མིན་བསྐྱར་དུ་མངོན་པ་དེ་ཆབ་སྲིད་ཀྱི་དོགས་གཞི་ཞིག་ཏུ་འགྱུར་ཡོད།
ཟླ་འདིའི་ཕྱི་ཚེས་ ༩ ཉིན། རྒྱ་ནག་པེ་ཅིན་དུ་ལྕགས་ཕག་ལོའི་གསར་བརྗེ་ལོ་ ༡༠༠ འཁོར་བའི་དུས་དྲན་མཛད་སྒོའི་ཐོག རྒྱ་ནག་གི་སྲིད་འཛིན་ཟུར་བ་ཅང་ཙེ་མཱིན་ཡང་བསྐྱར་སྲིད་སྟེགས་སུ་མངོན་ཡོད་པ་རེད། ཉེ་བའི་ཟླ་གསུམ་གྱི་སྔོན་ལ་ཅང་ཙེ་མཱིན་ནད་མནར་གྱི་སྨན་ཁང་དུ་མྱུར་སྐྱོབ་བྱེད་དགོས་བྱུང་བའི་གནས་ཚུལ་གསར་ལམ་ཁག་ཏུ་ཁྱབ་མ་ཐག སྲིད་དོན་དབྱེ་ཞིབ་པ་དག་གིས་ལོ་རྗེས་མའི་རྒྱ་ནག་གི་དཔོན་རིགས་གསར་བ་བསྐོ་འདེམས་ཀྱི་དབང་ཚད་ཐད། ཧུའུ་ཡི་ཕྱོགས་ཁག་གི་སྟོབས་ཤུགས་ཇེ་ཆེར་འགྲོ་རྒྱུ་ཡིན་པའི་ཚོད་དཔག་བྱས་པ་རེད། ཡིན་ནའང་། ཐེངས་འདིར་ཅང་ཙེ་མཱིན་ཆེས་མཐོའི་གནད་ཡོད་མི་སྣ་ཨང་གཉིས་པའི་རྣམ་པའི་ཐོག་ནས། ཧུའུ་དང་མཉམ་དུ་སྲིད་སྟེགས་སྟེང་བསྐྱར་དུ་ཐོན་པ་འདིས། རྒྱལ་སྤྱིའི་གསར་ལམ་ཁག་དང་སྲིད་དོན་དབྱེ་ཞིབ་པ་དག་ལ་ཡང་བསྐྱར་གླེང་གཞི་གསར་བ་ཞིག་བསྐྲུན་ཡོད་པ་རེད།
ཕྱི་ཚེས་ ༡༠ ཉིན་ཨ་རིའི་ ནེའུ་ཡོག་དུས་བབ་སྟེང་༼ ནད་ཀྱིས་མནར་བར་གྲགས་པའི་རྒྱ་ནག་གི་སྲིད་འཛིན་ཟུར་པ་ཡང་བསྐྱར་པེ་ཅིན་དུ་མངོན་པ༽ཞེས་པའི་གནས་ཚུལ་སྤེལ་ཏེ། ཕྱི་ཚེས་ ༩ ཉིན་ཅང་ཙེ་མིན་གློ་བུར་དུ་སྲིད་སྟེགས་སྟེང་མངོན་པ་དེར་ཆབ་སྲིད་ཀྱི་རྒྱབ་ལྗོངས་ཤུགས་ཆེན་པོ་ཡོད་པར་ངོས་འཛིན་གནང་ཡོད་པར་མ་ཟད། ཨ་རིའི་བྷི་རའོ་ཁི་སི་སློབ་གླིང་ ( Brookings Institution ) གི་རྒྱ་ནག་ཉམས་ཞིབ་པ་ལིའི་ཁྲིན་གྱིས་ཀྱང་། ཞི་ཅིན་ཕེན་མ་འོངས་པར་རྒྱ་གཞུང་གི་ཆེས་མཐོའི་དབང་འཛིན་པར་གཏན་ འཁེལ་བ་དེ་ནི་ཅང་ཙེ་མིན་གྱི་རྒྱབ་སྐྱོར་ལ་བརྟེན་ནས་བྱུང་བ་ཡིན་པས། ལོ་རྗེས་མར་ཞི་ཅིན་ཕེན་ཆེས་མཐོའི་དབང་འཛིན་པར་བསྐོ་འཇོག་ཐད་གྱུར་ལྡོག་གང་ཡང་འབྱུང་མི་སྲིད་མོད། འབྱུང་འགྱུར་སྐབས་རྗེས་མའི་རྒྱ་གཞུང་གི་ཆེས་མཐོའི་དབང་འཛིན་པ་དམིགས་འདོན་གྱི་ཆེད་དུ། སྐབས་བཅོ་བརྒྱད་པའི་ཆབ་སྲིད་ལྷན་ཁང་གི་རྒྱུན་ལས་འདེམས་སྒྲིག་ཐད་ཧུའུ་དང་ཅང་གཉིས་བར་བསྐྱར་དུ་དབང་ཤུགས་འཐབ་རྩོད་ཤུགས་ཆེ་རུ་འགྲོ་རྒྱུ་ཡིན་སྐོར་བརྗོད་འདུག
རྒྱ་གཞུང་གི་མཐོ་རིམ་དབང་འཛིན་པ་དག་གི་ནང་མིར་འབྲེལ་ བ་དམ་ཟབ་ཡོད་ པའི་གནད་ཡོད་མི་སྣ་ཞིག་གིས་གསར་ལམ་ཁག་ཏུ། “རྒྱ་གཞུང་གི་སྐབས་རྗེས་མའི་མཐོ་རིམ་དབང་འཛིན་དཔོན་རིགས་འདེམས་སྒྲིག་ཐད་ཀྱི་གནས་ཚུལ་སྣ་ཚོགས་ཤིག་ངས་ཐོས་བྱུང་ ” ཞེ ས་བརྗོད་དེ། རྒྱ་གཞུང་གིས་ཞི་ཅིན་ཕེན་དང་ལི་ཁི་ཆང་གཉིས་མ་གཏོགས། གཞན་པའི་ཆབ་སྲིད་ལྷན་ཁང་གི་རྒྱུན་ལས་མི་ ༧ གཙོས་པའི་འཐུས་མི་ ༢༥ བསྐོ་འཇོག་ཐད་ད་དུང་འོས་མི་གཏན་ཁེལ་བྱུང་ཐུབ་མེད་པར་བརྟེན། ད་ལྟའི་ཆར་པེ་ཅིན་གྱིས་དཔོན་རིགས་གསར་བ་བསྐོ་འདེམས་ཀྱི་ཕྱོགས་ནས་ཆབ་སྲིད་སྟངས་འཛིན་ལ་སེམས་ཁྲལ་ཆེན་པོ་བྱེད་བཞིན་པར་མ་ཟད། ཞི་ཅིན་ཕིན་ཚུད་པའི་རྒྱ་གཞུང་གི་མཐོ་རིམ་དཔོན་རིགས་འགའ་ཤས་ཀྱི་ཉེ་འབྲེལ་ནང་མི་ཡང་གནས་སྐབས་པེ་ཅིན་ནས་ཁ་འབྲལ་དགོས་པའི་རེ་སྐུལ་བཏོན་ཏེ། མཐོ་རིམ་དཔོན་རིགས་ཚོའི་ནང་མིའི་འགུལ་སྐྱོད་དང་བརྒྱུད་སྐུལ་ལ་བརྟེན་ནས་རྒྱ་གཞུང་གི་དཔོན་རིགས་གསར་རྙིང་འཕོ་འགྱུར་གྱི་བརྒྱུད་རིམ་ལ་འགོག་རྐྱེན་ཡོང་རྒྱུར་དོགས་པ་སྐྱེ་བཞིན་ཡོད་སྐོར་བརྗོད་འདུག
གཞན་ཡང་། ཆབ་སྲིད་དབྱེ་ཞིབ་པ་རེ་འགས་ཅང་ཙེ་མིན་གྱི་འཆི་གསོན་བདེ་ཐང་གི་གནད་དོན་ནི། མ་འོངས་པར་ཅང་དང་འབྲེལ་བ་དམ་ཟབ་ཡོད་པའི་ཧྲང་ཧེ་གྲོང་ཁྱེར་གྱི་དམར་ཤོག་དྲུང་ཆེ་ཡུས་ཀྲིན་ཧྲིན་དང་། ཐེན་ཅིན་གྲོང་ཁྱེར་གྱི་དམར་ཤོག་དྲུང་ཆེ་ཀྲང་ཀོ་ལིན། རྒྱལ་སྲིད་སྤྱི་ཁྱབ་ཁང་གི་སྲིད་བློན་གཞོན་པ་ཀྲང་ཏིག་ཅང་གསུམ་ཆབ་སྲིད་ལྷན་ཁང་གི་རྒྱུན་ལས་ནང་ བསླེབ་ཐུབ་མིན་དང་། དེ་བཞིན། རྒྱ་གཞུང་རྩ་འཛུགས་སྡེ་ཁག་གི་མགོ་གཙོ་ལིས་ཡོན་ཁྲའོ། རྒྱལ་སྲིད་སྤྱི་ཁྱབ་ཁང་གི་སྲིད་བློན་གཞོན་པ་ཝང་ཀྲི་ཧྲན། རྒྱལ་སྲིད་ལྷན་ཁང་གི་རྒྱུན་ལས་ལི་ཅན་ཀྲུའུདང་ལིག་ཏུང་ཐེན་སོགས་ཆབ་སྲིད་ལྷན་ཁང་གི་རྒྱུན་ལས་འོས་མིའི་ཁྲོད་དམིགས་འདོན་ཡོང་ཐུབ་མིན་བཅས་ལ་ཤུགས་རྐྱེན་ཆེན་པོ་ཡོད་སྐོར་བརྗོད་ཡོད་པ་རེད།
ཉེ་བའི་ལོ་འགའི་ནང་ཅང་ཙེ་མིན་ཕྱོགས་ཁག་གིས་བསྐོ་འཐེན་བྱས་པ་ལ་བརྟེན་ནས།
ལི་ཁི་ཆང་སྐབས་རྗེས་མའི་རྒྱ་གཞུང་གི་སྲིད་འཛིན་དུ་བསྐོ་འཐེན་གྱི་ཧུའུ་ཅིན་ཐའོ་ཡི་དམིགས་ཡུལ་ལམ་ལྷུང་བྱུང་ཐུབ་མེད་པར་མ་ཟད། ཧུའུ་དང་ཅང་གཉིས་བར་རྣོ་ངར་ལྡན་པའི་དབང་ཤུགས་འཐབ་རྩོད་ཀྱི་རྐྱེན་པས། ཆབ་སྲིད་ལྷན་ཁང་གི་རྒྱུན་ལས་དང་འཐུས་མི་འདེམས་སྒྲིག་ཐད་ད་དུང་ཡང་གཅིག་གྱུར་ངོས་ལེན་འབྱུང་ཐུབ་ཀྱི་མེད། ཡིན་ནའང་། རྒྱུན་ལས་འདེམས་སྒྲིག་གི་ཆེས་མཐའ་མའི་ཐག་གཅོད་དེ་ལོ་རྗེས་མའི་དཔྱིད་ཁར་གཏན་ཁེལ་ཁྱབ་བསྒྲགས་བྱ་དགོས་ཀྱི་ཡོད་པ་རེད།
ཅང་ཙེ་མིན་ད་ལྟ་ལོ་ ༨༥ ཡིན་པ་དང་། ཐེངས་འདིར་བརྙན་འཕྲིན་དུ་ཐོན་སྐབས་ཁོའི་ལུས་པོ་སྔར་ལས་ལྷག་པར་རྒས་ཉམས་ཐོན་ཡོད་པར་མ་ཟད། མི་སྣ་འགའ་རྒྱུན་དུ་ཁོའི་གཡས་གཡོན་ལངས་ཏེ་ལྟ་རྟོག་བྱེད་དགོས་ཀྱིན་ཡོད་འདུག
གསར་འགོད་པ། ཚེ་རིང་རྒྱལ
རྒྱ་ནག་གི་སྲིད་བློན་ཝུན་ཅ་པའོ་ཡིས་སྔ་ཕྱིར་ཐེངས་གཉིས་ལ་རྒྱ་ནག་གི་ཆབ་སྲིད་ལམ་ལུགས་བཅོས་བསྒྱུར་ དགོས་སྐོར་དང་། ད་ལྟའི་ཆར་དམར་ཤོག་པས་མཐའ་གཅིག་ཏུ་སྲིད་གཞུང་གི་འཐུས་ ཚབ་ བྱེད་པའི་རྣམ་པ་བསྒྱུར་ཏེ་ ༼དམཪ་ཤོག་དང་སྲིད་གཞུང་གཉིས་ཐ་དད༽བྱ་དགོས་པ་སོགས ་ རྒྱ་གཞུང་གི་ཆབ་སྲིད་བཅོས་བསྒྱུར་ཐད་ དོན་ཚན་ ༥ ཡི་བསམ་ཚུལ་བཏོན་ཡོད་འདུག
ཕྱི་ཟླ་ ༩ ཚེས་ ༡༤ ཉིན་རྒྱ་ནག་ཏ་ལེན་གྲོང་ཁྱེར་དུ་ཚོགས་པའི་སྐབས་ལྔ་པའི་ཌེ་བོ་སི་ ( Davos ) རྒྱལ་སྤྱིའི་ དཔལ་འབྱོར་ དཔྱད་གླེང་ཚོགས་འདུའི་སྟེང་། ཚོགས་འདུའི་མཛད་སྒོའི་གཏམ་བཤད་སྐབས་སྲིད་བློན་ཝུན་ཅ་པའོ་ ཡིས་རྒྱ་ནག་གི་ཆབ་སྲིད་བཅོས་བསྒྱུར་སྐོར་ལ། དང་པོ། ཁྲིམས་ལུགས་ལྟར་རྒྱལ་ཁབ་བསྐྱངས་ཏེ་དམར་ཤོག་གིས་སྲིད་གཞུང་གི་འཐུས་ཚབ་བྱེད་པ་བཅོས་བསྒྱུར་དང་། དབང་ ཤུགས་གཅིག་གཅོད་དང་ཚད་བརྒལ་གཅིག་སྡུད་ཀྱི་རྣམ་པ་ཤུགས་ཆེ་བའི་དམར་ཤོག་ཚོགས་ པ་དང་རྒྱལ་ཁབ་ཀྱི་མགོ་ཁྲིད་ལམ་ལུགས་བཅོས་བསྒྱུར་བྱ་དགོས་པ ། གཉིས ་པ ། སྤྱི་ཚོགས་འདྲ་མཉམས་དྲང་བདེན་ཡོང་བ་བྱ་དགོས་པ ། གསུམ ་པ ། སྲིད་ཁྲིམས་དྲང་བདེན་དང་རང་དབང་ལྡན་པ་ ཡོང་ དགོས་པ ། བཞི ་པ ། མི་དམངས་ཀྱི་དམངས་གཙོའི་ཁེ་དབང་སྲུང་སྐྱོབ་དང་། ལྷག་པར་དུ་འོས་འདེམས་ཀྱི་ཁེ་དབང་དང་། གནས་ཚུལ་ ཤེས་རྟོག ས་ཀྱི་ ཁེ་དབང་། མང་ཚོགས་ མཉམ་ཞུགས་ཀྱི་ཁེ་དབང་། མང་ཚོགས་ཀྱིས་གཞུང་ལ་སྟངས་འཛིན་གྱི་ ཁེ་དབང་བཅས་སྲུང་སྐྱོབ་བྱ་དགོས་པ ། ལྔ ་པ ། རུལ་སུངས་ བཀག་ སྡོམ་བྱ་དགོས་པ ་བཅས་སོ།
འཛམ་གླིང་དཔལ་འབྱོར་དཔྱད་གླེང་ཚོགས་འདུའི་དྲུང་ཆེ་ཁེ་ལོ་སི་སི་ཁེ་ཝེབ་ (Klaus Schwab) ཀྱིས། བྱེད་ཐབས་ག་འདྲ་ཞིག་གི་འོག་ནས་རྒྱ་ནག་དེ་འཆམ་མཐུན་ཡར་རྒྱས་ཅན་གྱི་སྤྱི་ཚོགས་ ཤིག་བ སྐྲུན་རྒྱུ་ཡིན་སྐོར་དྲིས།
ཝུན་ཅ་པའོ་ཡིས། “ ཉེ་བའི་ལོ་འགའི་རིང་ངས་ཆབ་སྲིད་བཅོས་བསྒྱུར་ཐད་ གཏམ་ གླེང་མང་པོ་བྱས་མྱོང་། ཐེངས་འདིའི་ཚོགས་འདི་དེ་ཡང་། ད་ལྟ་ང་དང་ལྷན་དུ་ཡོད་པའི་མི་སྣ་དག་གིས་ཕན་ཚུན་སྐུལ་འདེད་གནང་བ་ཞིག་ཡིན་པར་མ་ཟད། ངའི་ཀླད་པའི་ནང་འཁོར་བཞིན་པའི་བསམ་ཚུལ་མཐའ་དག་ནི་དོན་གྱིས་རྒྱལ་ཡོངས་མི་དམངས་ཀྱི་སྐུལ་འདེད་ཁོ་ན་ཡིན་སྟབས། ང་ རང་ལ་ལས་འགན་ཧ་ཅང་ལྕི་མོ་ཡོད་པའི་སེམས་ཚོར་འདུག དེར་བརྟེན། ངེས་པར་དུ་ཡང་དག་པ་དང་ལྷག་བསམ་རྣམ་དག་གི་སྒོ་ནས་ཕྱོགས་མང་པོའི་གནད་དོན་ཐད་
འཛིན་པའི་རང་གི་ལྟ་ཚུལ་དེ་གསལ་བོ ར ་གླེང་རྒྱུ་ཧ་ཅང་གལ་ཆེན་པོ་རེད། ” ཅེས་ དང་། ཁོང་གིས་ སྲིད་ཁྲིམས་དྲང་བདེ ན་ དང་ སྤྱི་ཚོགས་འདྲ་མཉམ་སྲུང་སྐྱོང་བྱ་རྒྱུ་དེ་ནི། རྒྱ་ནག་རྒྱལ་ཡོངས་སྐབས་ ༡༡ པའི་ཚོགས་འདུ་ཐེངས་གསུམ་པའི་ཐོག་གླེང་ཟིན་པ་ཞིག་ཡིན་པར་མ་ཟད།
དམར་ཤོག་ཚོགས་པ་དང་སྲིད་གཞུང་ཐ་དད་བྱ་དགོས་པ་དེའང་། ༡༩༨༠
ལོའི་རྒྱ་གཞུང་དབུས་ཆབ་སྲིད་ལྷན་ཁང་གི་ཚོགས་འདུའི་སྟེང་ཏིན་ཞའོ་ ཕིན་ གྱིས་༼དམར་ཤོག་དང་རྒྱལ་ཁབ་ཀྱི་མགོ་ཁྲིད་ལམ་ལུགས་བཅོས་བསྒྱུར༽ཞེས་པའི་གཏམ་བཤད་ནང་བསྒྲགས་ཡོད་པ་ཞིག་ཡིན་སྟབས། ད་ ཆར་ ལག་ལེན་དུ་བསྟར་རྒྱུ་ནི་ཁ་ཚ་དགོས་གཏུགས་ ཤིག་ ཡིན་སྐོར་བརྗོད་འདུག
ཧུའུ་ཡའོ་པང་དང་ཀྲའོ་ཙི་ཡང་གིས་རྒྱ་གཞུང་གི་སྲིད་འགན་ འཁུར་སྐབས། དམར་ཤོག་དང་སྲིད་གཞུང་ཐ་དད་བཅོས་བསྒྱུར་ལག་བསྟར་ བྱ་རྩིས་བྱས་ཏེ། སྐབས་དེའི་གཞུང་གི་སྡེ་ཁག་རེ་འགའི་ནང་གི་དམར་ཤོག་རྩ་འཛུགས་མེད་པ་བཟོས་ཡོད་པ་དང་། ཕྱི་ལོ་ ༡༩༨༦ ནས་ ༡༩༨༧ ལོའི་བར་ཀྲའོ་ཙི་ཡང་གིས་མི་ལྔ་ལས་གྲུབ་པའི་རྒྱ་གཞུང་དབུས་ཆབ་སྲིད་ལམ་ལུགས་བཅོས་བསྒྱུར་དཔྱད་ཞིབ་ཚོགས་ཆུང་གི་འགན་ཁུར་སྐབས ་ཀྱང་ ། ཝུན་ཅ་པའོ་དཔྱད་ཞིབ་ཚོགས་ཆུང་དེའི་ལས་གཞིའི་ཁྲོད་ཞུགས་མྱོང་ཡོད་ ལ། སྐབས་དེར་ཁོ ་རང་གི་ ལས་ཀ་གཙོ་བོ་༼དམར་ཤོག་དང་སྲིད་གཞུང་ཐ་དད༽ ཀྱི་ལས་གཞིའི་འགན་འཁུར་ཏེ ་མགོ་ཁྲིད་ཚོར་ ཞིབ་འཇུག་ བྱ་རྒྱུ་དེ་ཡིན་པ་དང་། རྒྱ་ནག་རྒྱལ་ཡོངས་སྐབས་བཅུ་གསུམ་པའི་ཚོགས་འདུའི་ཐོག་ཀྲའོ་ཙི་ཡང་གི་སྙན་ཐོའི་ནང་དུ་༼དམར་ཤོག་དང་སྲིད་གཞུང་ཐ་དད༽སྐོར་ གསལ་བོར་ བཀོད་ཡོད་པ་རེད། ཡིན་ནའང་། ཕྱི་ལོ་ ༡༩༨༩ ལོར་དྲུག་བཞི་དོན་རྐྱེན་བྱུང་རྗེས། ཡང་བསྐྱར་ཕྱོགས་ཡོངས་ནས་དབང་ཆ་གཅིག་སྡུད་ལམ་ཕྱོགས་སུ་བསྐྱོད་དེ། དམར་ཤོག་པས་སྲིད་གཞུང་གི་འཐུས་ཚབ་བྱ་རྒྱུ་མཁྲེགས་འཛིན་བྱས་ སྟབས། སྐབས་ ༡༤ ནས་ ༡༧ བར་༼དམར་ཤོག་དང་སྲིད་གཞུང་ཐ་དད༽གྱི་བསམ་ཚུལ་དེ་གཞུང་གི་སྙན་ཐོའི་ནང་ཐེངས་གཅིག་ཀྱང་བཏོན་མྱོང་མེད།
ལོ་སྔོན་མའི་ཕྱི་ཟླ་ ༨ པར་ཧྲིན་ཁྲོན་དམིགས་བསལ་ས་ཁུལ་བཙུགས་ ཏེ་ ལོ་ ༣༠ འཁོར་བའི་དུས་དྲན་སྐབས། ཝུན་ གྱིས ་༼དམར་ཤོག་དང་སྲིད་གཞུང་ཐ་དད་༽དགོས་པའི་སྐོར་ཐོག་མར་གླེང་སློང་བྱས་ཡོད། ཡིན་ནའང་། ད་ལོ་ཕྱི་ཟླ་ ༣ པའི་ནང་རྒྱ་གཞུང་མི་དམངས་འཐུས་མིའི་ཚོགས་ཆེན་གྱི་ཚོགས་གཙོ་ཝུའུ་པང་ཀོ་ཡིས། ༼མི་སྒྲུབ་པ་ལྔ་༽ནན་བསྒྲགས་བྱས་ཏེ་ཁྲིམས་དང་སྒྲིག་གཞི་མཐའ་དག་གིས་དམར་ཤོག་པའི་མགོ་ཁྲིད་ལམ་ལུགས་ལ་ཤུགས་སྣོན་ བྱ་དགོས་པ་བརྗོད་ཡོད། ཉེ་སྔོན་པེ་ཅིན་དུ་རྒྱ་ནག་གི་ཤེས་ ལྡན་ པ་ ༡༠༠ ལྷག་གིས་རྒྱ་ནག་དམར་གཞུང་གིས་རྒྱལ་ཁབ་བཙུགས་རྗེས་ཀྱི་ལོ་རྒྱུས་གནད་དོན་ཐད་ཀྱི་གྲོས་མོལ་སྐབས། བགྲོ་གླེང་པ་ཞིག་གིས་རྒྱ་གཞུང་ཆབ་སྲིད་ལྷན་ཁང་གིས་དཔའ་འབྱོར་དྲིལ་ བསྒྲགས་ དང་། རྒྱ་གཞུང་རྒྱལ་སྲིད་སྤྱི་ཁྱབ་ཁང་གིས་ཆབ་སྲིད་བཅོས་བསྒྱུར་དྲིལ ་བསྒྲགས་ བྱེད་བཞིན་པ་དེ་ནི། རྒྱ་གཞུང་གི་ཆབ་སྲིད་གནས་བབ་སྔར་ ལས་ རྙོག་ འཛིང་ དང་ ཉེན་ཁར་ འཕྲད་བཞིན་པའི་རྣམ་པ་ཞིག་རེད་ཅེས་བརྗོད ་ ཡོད།
རྒྱ་ནག་ཚན་རིག་གླིང་གི་ཆབ་སྲིད་ཞིབ་འཇུག་ཁང་གི་འགན་འཛིན་ཡཱན་ཅ་ཆིས་ཀྱིས། སྤྱིར་ཆབ་སྲིད་བཅོས་བསྒྱུར་བྱེད་པ་ལ་ལག་ལེན་དངོས་ཀྱི་ཐོག་འགྱུར་བ་གཏོང་དགོས་པ་ལས། སྐད་ཆ་ཚིག་འགའ་བརྗོད་པ་ཙམ་གྱིས་འགྱུར་བ་ཐེབས་མི་སྲིད་པས། ཝུན་ཅ་པའོ་ཡི་གཏམ་གླེང་དེ་དག་ནི་ད་ལྟ་ཁོ་རང་ སྲིད་བློན་ལས་ འཕོ་འགྱུར་ འགྲོ་ ལ་ཉེ་སྟབས། མང་ཚོགས་ཁྲོད་རང་ཉིད་ལ་ཤུགས་རྐྱེན་ཡག་པོ་ཞིག་འཇོག་ བསམ་པ་ཡིན་སྐོར་ དང་། དེ་བཞིན། རྒྱ་ནག་མི་དམངས་སློབ་ཆེན་གྱི་ཆབ་སྲིད་སྡེ་ཁག་གི་སློབ་དཔོན་ཀྲང་ཝུ་ཡིས་ཀྱིས་ཀྱང་། ད་ལྟ འི་ རྒྱ་གཞུང་ གི་ དཔོན་རིགས་ཚོ་ནི་རྣམ་པ་འཁྲབ་སྟོན་གྱི་རིག་གནས་ཤིག་ཏུ་གྱུར་ཡོད་སྟབས། ཝུན་ཅ་པའོ་ཡི་ དམིགས་ཡུལ་དེ་ཡང་ བཤད་ཐུབ་ན་བཤད་རྐྱང་བྱེད་པའི་རྣམ་པ་ཙམ་ཡིན་སྐོར་ བརྗོད་ ཡོད།
གཞན་ཡང་། པེ་ཅིན་ཀྱི་དཔྱིད་ཀ་ཞེས་པའི་དུས་དེབ་ཀྱི་གཙོ་སྒྲིག་པ་ཧུའུ་ཕེན་གྱིས། ཝུན་ཅ་པའོ་ཡིས་ཆབ་སྲིད་བཅོས་བསྒྱུར་སྐོར་གླེང་སློང་ དང་ མཉམ་དུ། རྒྱ་གཞུང་གིས་སྔར་ལས་ལྷག་པར་ཁྲིམས་མེད་ལུགས་ཀྱི་ཐོག་ནས་འགྲོ་བ་མིའི་ཐོབ་ཐང་རྩོད་ལེན་པ་དང་། ཁྲིམས་རྩོད་པ། ཆོས་འཁོར་རྩ་རླུང་ སྒོམ་སྒྲུབ་ པ། དམངས་གཙོ་དོན་གཉེར་བ་མང་པོ་གང་འདོད་འཇུ་བཟུང་བཙོན་འཇུག་ བྱེད་བཞིན་ཡོད་པ འི་གནས་སྟངས་འདིས། རྒྱ་ནག་གི་མཐོ་རིམ་དཔོན་རིགས་ནང་ཁུལ་དུ་ཆབ་སྲིད་བཅོས་བསྒྱུར་ཐད་འགལ་བ་ཤུགས་ཆེན་པོ་ཡོད་པ་མངོན་ཡོད་ ཚུལ་དང་། ཆབ་སྲིད་དཔྱད་བརྗོད་པ་ཁྲིན་པའོ་ཁུང་གིས་༼ཁའེ་ཧྥང་༽དུས་དེབ་སྟེང་དཔྱད་རྩོམ་སྤེལ་ཏེ། རྒྱ་གཞུང་མཐོ་རིམ་དཔོན་ རིགས་ ཚོས་ཝུན་ཅ་པའོ་སྲིད་སྟེགས་ སྟེང་ ཁེར་རྐྱང་ལ་ཕུད་ཡོད་པ་དང་། ཅང་ཙེ་མེན་ཤོག་ཁག་གི་སྒེར་གཅོད་དབང་འཛིན་པ་བཞི་ཡོད་པའི་གྲས་ཀྱི་ཝུ་པང་ཀོ་ཡིས་རྒྱ་ནག་མི་དམངས་འཐུས་མིར་སྟངས་འཛིན་དང་། ལིས་ཁྲང་ཁྲོན་གྱིས་རྒྱ་གཞུང་དྲིལ་བསྒྲགས་ཁྱབ་ཁོངས་ལ་སྟངས་འཛིན། ཀྲུག་ཡུང་ཁང་གིས་རྒྱ་གཞུང་གི་ཁྲིམས་སྲིད་ལ་སྟངས་འཛིན། ཅ་ཆིན་ལིན་གྱིས་ཆབ་སྲིད་ལྷན་ཁང་ལ་སྟངས་འཛིན་བྱས་ཏེ། མི་བཞི་ཚོགས་ཁག་གསར་འཛུགས་ཀྱིས་དམར་ཤོག་སྒེར་གཅོད་པའི་ཁེ་ཕན་ལ་སྲུང་སྐྱོང་བྱེད་བཞིན་ཡོད་པས། ཁོ་ཚོ་བཞི་ནི་རྒྱ་ནག་ཆབ་སྲིད་བཅོས་བསྒྱུར་ཐད་འགག་རྡོ་ཆེན་པོ་བཞི་ཆགས་ཡོད་སྐོར་བརྗོད་འདུག
ཐེངས་འདིའི་ཝུན་ཅ་པའོ་ཡི་ཆབ་སྲིད་བཅོས་བསྒྱུར་སྐོར་གྱི་གཏམ་བཤད་དེ་རྒྱ་གཞུང་གསར་ལམ་ཁག་ཏུ་སྤེལ་མེད ་ཀྱང་། གནས་འཕྲིན་དྲ་རྒྱ་དང་ཕྱི ་རྒྱལ་ གསར་ལམ་ཁག་བརྒྱུད་རྒྱ་ནག་མང་ཚོགས་ཁྲོད་ གླེང་ཕྱོགས་ཤིག་བཟོས་ཡོད་འདུག
རྒྱ་གཞུང་གིས་ཕྱི་ལོ་ ༡༩༩༩ ལོ་ནས་ད་ལྟའི་བར་ཆོས་འཁོར་རྩ་རླུང་སྒོམ་སྒྲུབ་པ་རྣམས་ལ་དྲག་གནོན་བཙོན་འཇུག་གི་སྲིད་ཇུས་ ལག་བསྟར་བྱེད་བཞིན་པར་མ་ཟད།
རྒྱ་ནག་ ནང་གསར་འགྱུར་བརྒྱུད་ ལམ་བཀག་སྡོམ་དང་།
ཆོས་འཁོར་རྩ་རླུང་སྒོམ་སྒྲུབ་ནི་སྤྱི་ཚོགས་ལ་གནོད་འཚེ་གཏོང་མཁན་གྱི་ལོག་ཆོས་ཤིག་ཡིན་སྐོར་གྱི་ལོག་འགྲེལ་རྒྱག་བཞིན་ཡོད་སྟབས།
ཉེ་ལམ་ཆོས་འཁོར་རྩ་རླུང་སྒོམ་སྒྲུབ་པ་རྣམས་ཀྱིས་རྒྱ་སྒོར་སྟེང་དུ་༼རྒྱ་གཞུང་ནི་མིའི་སྤྱི་ཚོགས་ལ་གནོད་འཚེ་སློང་མཁན་ཡིན་པས། སྤྱི་ཚོགས་བདེ་འཇགས་ཡོང་ཐབས་སུ་དམར་ཤོག་ཚོགས་པ་དང་ཐཱུན་ཚོགས་པ།
ལོ་ཆུང་རུ་མིའི་ཚོགས་པ་གསུམ་ནས་ཕྱིར་འ ཕུད་བྱ་དགོས༽ ཞེས་པ་དང་། ༼དམར་ཤོག་ཚོགས་པ་ལས་ཕྱིར་འ ཕུད་ཀྱི་འབྲེལ་གཏུགས་ཁ་པར་ཨང་། ༠༠༡༥༡༤༣༤༢༡༠༢༣ ༽ ཞེས་པ། ༼ཆོས་འཁོར་རྩ་རླུང་སྒོམ་སྒྲུབ་འཛམ་གླིང་ཁྱོན་ལ་སྤེལ་ཏེ། དྲང་བདེན་དང་བརྩེ་བ།
བཟོད་བསྲན་བཅས་ཡ་རབས་བཟང་སྤྱོད་གོང་འཕེལ་གཏོང་དགོས༽སོགས་རྒྱ་གཞུང་གི་ཉེས་སྤྱོད་ཐེར་འདོན་གྱི་ བརྗོད་ཚིག་སྣ་ཚོགས་བཀོད་དེ། མང་ཚོགས་ཁྲོད་དངོས་ཡོད་གནས་ཚུལ་ཤེས་རྟོག ས་ཡོང་བའི་ཐབས་ཤེས་ བྱས་ཡོད་པ་རེད།
གོང་གསལ་བརྗོད་ཚིག་དེ་དག་བཀོད་ཡོད་པའི་རྒྱ་གར་དག་གི་བརྗོད་ཚིག་ཡིག་འབྲུའི་ཁ་དོག་དང་ ། ཤོག་སྒོར་གྱི་མཚོན་མདོག་སྡེབ་སྒྲིག་ སོགས་ཧ་ཅང་ཞིབ་ཚགས་ལྡན་ པ་ཞིག་བཟོས་ཡོད་སྟབས། བལྟས་མ་ཐག་ཤོག་སྒོར་རང་སྟེང་ ཐོག་མ་ནས་ཡོད་པ་ཞིག་ཏུ་སྣང་བར་བཟོས་ཡོད་འདུག ཉེ་སྔོན་རྒྱ་ནག་པེ་ཅིན་དུ་ཡོད་པའི་དབྱིན་ཇིའི་དངུལ་རྩའི་གསར་ཤོག་གི་གསར་འགོད་པ་ཨན་ཌིར་ལེ་ནཱ་ཡིས། རང་ཉིད་ཀྱི་དྲ་ཐོག་ཟིན་བྲིས་ནང་དེའི་སྐོར་གྱི་གནས་ཚུལ་སྤེལ་བ་ལྟར་ན། ལས་འགུལ་དེ་ཐོག་མར་རྒྱ་ནག་པེ་ཅིན་དང་ཧྲང་ཧེ་གྲོང་ཁྱེར་གཉིས་ནས་བརྩམས་ ཤིང་། ཐོག་མའི་དུས་སྐབས་སུ་ཤོག་སྒོར་སྟེང་སྨྱུ་གུས་བྲིས་ཏེ་བཀྲམས་ཡོད་པ་དང་། རྗེས་སུ་བརྗོད་ཚིག་ དེ་དག་དཔར་ཤིང་ལ་བཏབས་རྗེས་ཤོག་སྒོར་སྟེང་ཐད་ཀར་དཔར་ཡོད་འདུག
རྒྱ་གཞུང་ལ་ཐེར་འདོན་གྱི་བརྗོད་ཚིག་དེ་དག་བཀོད་ཡོད་པའི་རྒྱ་སྒོར་དག་ནི། སྒོར་གྲངས་གཅིག་ཅན་དང་ལྔ་ཅན། བཅུ་ཅན། ཉི་ཤུ་ཅན་སོགས་ཡིན་འདུག
ཟླ་འདིའི་ཕྱི་ཚེས་ ༤ ཉིན། རྒྱ་ནག་ ཅིང་ཞིས་ཞིང་ཆེན་ནན་ཁྲང་གྲོང་ཁྱེར་དུ་གཞི་རིམ་ཞིང་ལས་བ་དང་བཟོ་ ལས་པ་ ༥༠༠ ལྷག་གིས་མགོ་ ལ་རས་དཀར་པོ་དཀྲིས་ཤིང་། ལུས་ ལ་ " མ་ཉེས་ཁ ག་གཡོགས " དང་ "རྫུན་འགེབས " སོགས ་ཀྱི་ཡི་གེ་བྲིས་ཏེ། རྒྱ་གཞུང་ལ་ངོ་རྒོལ་ཆེད་ ཟམ་ཐོག་ནས་སྡེབ་གཅིག་ཏུ་མཆོངས་ ཏེ་རང་ཤི་ རྒྱག་འཆར་གྱི་ལས་འགུལ་ཞིག་སྤེལ་ཡོད་པ་དང་། སྐབས་དེར་རྒྱ་གཞུང་གིས་དྲག་ཆས་དམག་མི་ ༥༠༠ ལྷག་བཏང་སྟེ་ངོ་རྒོལ་ དེ་དག་གི་མཐའ་སྐོར་ ཏེ་འགོག་སྲུང་བྱས་ཡོད་པ་མ་ཟད། ལས་འགུལ་བ་དག་ལ་དྲག་རྡུང་དང་སྐོར་ཞིག་འཛིན་བཟུང་བཀར་ཉར་བྱས་ཡོད་འདུག
ཧོང་ཀོང་ཤར་ཕྱོགས་ཉིན་རེའི་གསར་ཤོག་གིས་གནས་ཚུལ་སྤེལ་བ་ལྟར་ན། ནན་ཁྲང་གྲོང་ཁྱེར་གྱི་བཟོ་བ་དང་ཞིང་བ་མང་ཚོགས་ཀྱིས་རང་ཤི་ རྒྱག་རྩིས་ཀྱིས་རྒྱ་གཞུང་ལ་ངོ་རྒོལ་ བྱས་པ་དེ་ནི། ཅང་ཞིས་ཞིང་ཆེན་ ཆེས་མཐོའི་མི་དམངས་ཁྲིམས་ཁང་གི་མགོ་གཙོ་གཞོན་པ་གཙོས་པའི་རྒྱ་གཞུང་མཐོ་རིམ་དཔོན་རིགས་ཚོས ་དབང་ཆ་སྒེར་གཅོད་བྱས་ཏེ་མི་དམངས་ཀྱི་རྒྱུ་ནོར་ཧམ་ཟ་དང་། ཁང་ཁྱིམ་དང་ས་ ཁང་བདག་དབང་བཙན་འཕྲོག་བྱས་པ་མ་ཟད། གཞན་ གུན་གསབ་དང་ཕོག་དངུལ་མ་ཐོབ་པར་ཞུ་གཏུག་བྱེད་མཁན་ མང་པོ་ཞིག་ལ་མ་ཉེས་ཁག་གཡོགས་ཀྱིས་བཙོན་འཇུག་ཁྲིམས་ཐག་བཅད་པ་སོགས་ ལ་བརྟེན་ཏེ་བྱུང་སྐོར་བཀོད་འདུག
རང་ཤི་རྒྱག་པའི་ངོ་རྒོལ་ཁྲོད་ཞུགས་མཁན་མང་ཚོགས་ཤིག་གིས་བརྗོད་ན། ཅང་ཞིས་ཞིང་ཆེན་ཆེས་མཐོའི་མི་དམངས་ཁྲིམས་ཁང་གི་མགོ་གཙོ་གཞོན་པ་ཁྲིན་བྷེན་གྱིས། ཕྱི་ལོ་ ༢༠༠༤ ནས་བཟུང་དབང་ཆ་སྒེར་གཅོད་བྱས་ཏེ། གཞུང་གི་འཛུགས་སྐྲུན་ ཁག་གི་མ་དངུལ་ སྒེར་ཟོས་དང་། ཁེ་ལས་བ་ དག་དང་ལྐོག་འབྲེལ་གྱིས་མི་དམངས་ཀྱི་ས་ཁང་བཙན་འཕྲོག ་བྱས་ཏེ་ཁྱོན་བསྡོམས་རྒྱ་སྒོར་དུང་ཕྱིར་ ༡ ལྷག་ལྐོག་ཟ་བྱས་ཡོད་ ཚུལ་སོགས་བསྒྲགས་འདུ
挪威诺贝尔委员会已经决定,将2010年诺贝尔和平奖授予刘晓波,以表彰他为中国基本人权所作的长期非暴力抗争。诺贝尔奖委员会长期以来就认为,人权与和平密切关联。这些基本权利正是诺贝尔创始人阿尔弗雷德·诺贝尔遗嘱中所写的“各民族间的兄弟情义”的先决条件。
在过去的几十年,中国已经取得了史无前例的经济进步,现已成为世界第二大经济体,亿万人民已经摆脱贫困,政治参与的范围也在扩大。
中国的新地位必须意味着增进的责任。中国违反了它所签署的几个国际协议,也违反它自己有关政治权利的规定。中国《宪法》第35条规定:“中华人民共和国公民有言论、出版、结社、游行、示威的自由。”实际上,这些自由已被证实明显地对中国公民的缩减了。
过去二十多年,刘晓波已经成为要在中国应用这些基本人权的强有力发言人。他参与了1989年的天安门抗议;他是《零 八宪章》的一位主要作者,这些权利的宣言发表于联合国《世界人权宣言》六十周年的2008年12月10日。次年,刘晓波以“煽动颠覆国家政权”被判处有期 徒刑十一年并剥夺政治权利二年。刘晓波一直坚持这个判刑违反了中国自己的宪法和基本人权。
在国内外的许多中国人正发动在中国建立普世人权的运动。刘晓波通过被判入狱的严厉惩罚,已经成为这个在中国争取人权的广泛斗争的最重要标志。
奥斯陆,2010年10月8日