ཕ་ཡུལ་གྱི་<ངའི་ཕ་ས་ཕ་ཡུལ་གྱི་སྙན་ངག་གྱེར་འདོན་འགྲན་བསྡུར>སྐོར་ལ་རྒྱང་འདྲི།

དྲི་བ། ཐེངས་འདིའི་སྙན་ངག་གྱེར་འདོན་ལ་འགན་ཁུར་མཁན་སུ་དང་སུ་ཡིན།

དྲིས་ ལན། ༢༠༡༡ལོའི་ཟླ་༨པའི་ཚེས་༨ཉིན་རྨ་ལྷོ་སོག་རྫོང་གི་སྐབས་དང་པོའི་ངའི་ཕ་ས་ཕ་ ཡུལ་ཞེས་པའི་རྫོང་ཡོངས་ཀྱི་སློབ་ཆེན་དང་མཐོ་འབྲིང་གི་སློབ་མའི་སྙན་ངག་གྱེར་ འདོན་འགྲན་བསྡུར་འདི། ༠༢ལོའི་མདའ་ཚན་མཐར་ཕྱིན་འཛིན་གྲྭས་གཙོ་སྒྲུབ་བྱས་ལ། འགན་ཁུར་མཁན་གཙོ་བོ་སོག་སེར་ཆོ་ནྰི་དང་མདའ་ལྗང་ལོ། མགོན་པོ་ཚེ་རིང་། ཚེ་རིང་དོན་གྲུབ་སོགས་ཡིན།

དྲི་བ། ཐེངས་འདིར་མཐུན་རྐྱེན་སྦྱོར་མཁན་ཅི་འདྲ་ཡོད།

དྲིས་ ལན།ད་ཐེངས་ཀྱི་“ངའི་ཕ་ས་ཕ་ཡུལ”གྱི་སྙན་ངག་གྱེར་འདོན་འགྲན་བསྡུར་འདི་ལ་གཞུང་ སྒེར་གཉིས་ཀྱི་ཆ་ནས་རྒྱབ་སྐྱོར་དང་ཐུགས་ཁུར་གནང་ཡོད་དེ།བྱེ་བྲག་ལ་དགར་ནས་ གླེང་ན་སྒེར་གྱི་ཆ་ནས་བླ་མ་རྒྱ་ཁྲི་ཚང་གཙོ་བྱས་པའི་མི་བཅུ་ལྷག་གིས་ཕལ་ཆེར་ སྒོར་༨༠༠༠ཙམ་གྱིས་མཐུན་རྐྱེན་སྦྱར་ཞིང་།གཞུང་གི་ཆ་ནས་རྫོང་སློབ་གསོ་ཅུའུ་ ཡིས་སྒོར་༥༠༠༠ལྷག་གིས་རྒྱབ་སྐྱོར་བྱས།དེའི་འཕྲོ་ཡི་འགྲོ་སོང་ཡོད་དོ་ཅོག་རང་ འཛིན་གྲྭའི་ལྷན་འཛོམས་དེབ་ཆུང་གི་མ་དངུལ་གྱིས་ཐེངས་འདིའི་འགྲན་བསྡུར་གྱི་ མགོ་མཇུག་བར་གསུམ་དུ་མཐུན་རྐྱེན་གྱི་རྨང་བཏིང།

དྲི་བ། སྙན་ངག་གྱེར་འདོན་དེ་འདྲ་བྱེད་དགོས་དོན་ཅི། 

དྲིས་ ལན། ང་ཚོས་འདི་ལྟ་བུའི་བྱ་འགུལ་ཞིག་སྤེལ་བའི་དགོས་པའམ་དམིགས་ཡུལ་ནི་གསུམ་ཡོད་ དེ། བྱ་འགུལ་འདི་ལྟ་བུ་ཞིག་བརྒྱུད་དེ་ཕ་ས་འདིའི་རིག་གནས་སློབ་གསོ་ལ་སྤྲོ་བ་ སློང་རྒྱུ་དང་སྐུལ་ལྕག་རེ་བྱེད་ཐུབ་རྒྱུ་ནི་དམིགས་ཡུལ་དང་པོ་ཡིན། རང་མི་རིགས་ཀྱི་རིག་གནས་ལ་བརྩི་བཀུར་དང་ཕན་ཚུན་ལ་སློབ་སྦྱོང་དང་བསམ་བློ་ བརྗེ་རེས་བྱས་ཏེ་མཁས་བརྒྱ་འགྲན་གླེང་དང་མེ་ཏོག་མཉམ་བཞད་ཀྱི་བསམ་བློ་མཉམ་ གནས་ཀྱི་མཁའ་དབུགས་གསར་བ་ཞིག་ཆགས་ཐུབ་རྒྱུ་ནི་ང་ཚོའི་དམིགས་ཡུལ་གཉིས་པ་ཡིན། མི་བུ་རེ་རེར་རང་ཉིད་ལ་དབང་བའི་གར་སྟེགས་ཤིག་མཁོ་སྤྲོད་བྱས་ཏེ།འགྲན་རྩོད་ དང་འགན་ཁུར་གྱི་འདུ་ཤེས་སྐྱེ་རུ་བཅུག་ནས་རང་ཉིད་ལ་ཡིད་ཆེས་དང་སྤོབས་པས་ ཁེངས་རྒྱུ་ནི་ང་ཚོའི་དམིགས་ཡུལ་གསུམ་པ་ཡིན།

དྲི་བ། ཐེངས་འདིར་སྙན་ངག་གྱེར་འདོན་བྱེད་མཁན་དུ་ཡོད། ས་ཆ་གང་གང་ནས་རེད།

དྲིས་ ལན། “ངའི་ཕ་ས་ཕ་ཡུལ”གྱི་སྙན་ངག་གྱེར་འདོན་འགྲན་བསྡུར་ལ་འགྲན་ཞུགས་མི་སྣ་སུམ་ བཅུ་ལྷག་ཡོད།རང་རྫོང་གི་སློབ་ཆེན་དང་མཐོ་འབྲིང་སློབ་མ་རྐྱང་རྐྱང་ཡིན།

དྲིབ། སྐར་མ་སྤྲོད་མཁན་སུ་དང་སུ་ཡོད།

དྲིས་ ལན། དཔྱད་འདེམས་མི་སྣ་ལྔ་ཡོད་དེ།ཁོང་ཚོ་ནི་དགེ་རྒན་ཆེན་མོ་བ་བདུད་ལྷ་རྒྱལ།བོད་ ཀྱི་སྙན་ངག་པ་ཆེན་མོ་སྐྱབས་ཆེན་བདེ་གྲོལ།སྙན་ངག་པ་མདའ་བཙན་པོ།དགེ་རྒན་ཆེན་ མོ་བ་ཡོན་ཏན།ཆབ་བྲག་གདུགས་དཀར་སྐྱབས་བཅས་སོ།།

དྲི་བ། ཨང་དང་པོ་དང་གཉིས་པ་གསུམ་པ་སུ་སུ་རེད། བྱ་དགའ་ཅི་ཞིག་ཡོད།

དྲིས་ ལན། བྱ་དགའ་ཨང་དང་པོ་ཐོབ་མཁན་བེ་སེའི་འཇིགས་མེད།ཨང་གཉིས་པ་ཐོབ་མཁན་གཉིས་ཡོད་དེ་ མདའ་ཚན་འཕགས་པ་འཚོ་དང་གཙང་ཨ་རིག་ཇོས་སྐྱབས་ཡིན།ཨང་གསུམ་པ་ཐོབ་མཁན་གསུམ་ཡོད་ དེ་ཁ་གསུམ་སྒྲོལ་མ་ཚེ་རིང་དང་མདའ་ཚན་ཚེ་རིང་དབང་རྒྱལ།གཙང་ཨ་རིག་སེང་གེ་རབ་ བརྟན་ཡིན།ད་དུང་ཕུལ་བྱུང་བྱ་དགའ་མི་བཞི་ལ་བྱིན།བྱ་དགའ་ནི་གཙོ་བོ་རང་མི་ རིགས་ཀྱི་ཁྱད་ཆོས་འབུར་དུ་ཐོན་པའི་དངོས་པོ་དང་དཔེ་ཆའི་རིགས་ཡིན་ལ།བསྡོམས་ པའི་སྒོར་༦༠༠༠ལ་ཉེ་བ་ལྷག་གི་འགྲོ་གྲོན་བཏང་ངོ་།།

དྲི་བ། ཁོ་ཚོའི་གྱེར་འདོན་གྱི་སྙན་ངག་གི་ཁ་བྱང་དང་ནང་དོན་ཅི་འདྲ་རེད།

དྲིས་ ལན། ཁོ་ཚོའི་གྱེར་འདོན་གྱི་སྙན་ངག་གི་ཁ་བྱང་ནི་<<ངའི་ཕ་ས་ཕ་ཡུལ>> (བེ་སེའི་འཇིགས་མེད།)<<ཨ་མ་ལགས།ཁྱེད་ཀྱིས་རང་ཉིད་སྤྱན་ཆབ་འབྱིད་ རོགས།>>(མདའ་ཚན་འཕགས་པ་འཚོ།)<<མ་བཅོས་དང་པོའི་འགྱུར་ ཁུགས།>>(གཙང་ཨ་རིག་ཇོས་སྐྱབས།)<<ཕ་སའི་རྩེ་ཀླུང་སྔོན་ མོ།>>(ཁ་གསུམ་སྒྲོལ་མ་ཚེ་རིང་།)<<ངའི་བརྩེ་བས་ཕྱུག་པའི་ཨ་ མ།>>(གཙང་ཨ་རིག་སེང་གེ་རབ་བརྟན།)<<ཤ་རུས་ཀྱི་གསེང་ལ་བླུགས་པའི་ ཕ་ཡུལ།>>(མདའ་ཚན་ཚེ་རིང་དབང་རྒྱལ།)གྱེར་བྱའི་ནང་དོན་གྱི་ཐད་ནས་གཙོ་ བོ་ནི་ཕ་ཡུལ་ལ་བཅངས་པའི་བརྩེ་བ་དང་ཡུལ་དུས་ཀྱིས་བསླངས་པའི་ན་ཟུག ད་དུང་ཕ་ས་ཕ་ཡུལ་འདིའི་སྐྱ་ཟད་སྔོ་སྡུག་གི་སློབ་གསོའི་གནས་བབ་ལ་བཏང་བའི་ གདུང་འབོད་སོགས་གྱེར་བྱའི་སྙན་ངག་གི་ལྷུ་ཚིག་ཀུན་ན་ཁྲོལ་ཡོད།

དྲི་བ། སྙན་ངག་གྱེར་འདོན་གྱི་ལས་གཞི་འདི་མུ་མཐུད་སྤེལ་རྩིས་ཡོད་དམ། འདི་ཐད་ལ་དཀའ་ངལ་ཅང་ཡོད་དམ།

དྲིས་ ལན། སྐབས་དང་པོའི་སྙན་ངག་གྱེར་འདོན་འགྲན་བསྡུར་གྱི་ལས་གཞི་འདི་གཞིར་བྱས་ཏེ་འདི་ དང་འདི་ལྟ་བུའི་སྣ་འཛོམས་ཀྱི་རིག་རྩལ་བྱ་འགུལ་སྤེལ་རྒྱུ་མ་ཟད།ཕྱོགས་གང་ཐད་ ནས་རྒྱ་ཇེ་ཆེ་དང་འཐུས་ཇེ་ཚང་དུ་བཏང་ནས་ཕ་ས་འདིའི་འདས་མ་ད་གསུམ་གྱི་ལས་སྐལ་ ལ་སེམས་ཀྱིས་དཔྱད་རྒྱུ་ནི་འུ་ཅག་གི་འོས་འགན་ཡིན་ལ།དུས་རབས་ཀྱིས་ང་ཚོ་ལ་ སྤྲད་པའི་འགན་འཁྲི་ཡིན་ནོ། ཡིན་ནའང་།ང་ཚོ་འདིའི་ཐད་ལ་དཀའ་ངལ་དང་དཀའ་ཚེགས་ཡོད་པ་སྨྲ་མ་དགོས་པ་ཞིག་ཡིན། རྒྱུ་མཚན་ནི་ང་ཚོས་རང་ནུས་གང་ཡོད་ཀྱིས་རང་ཕ་སའི་ཐུན་མོང་སྤྱི་ལ་ཕན་པའི་བྱ་ བ་ཞིག་སྒྲུབ་ཀྱང་དེ་ལ་རྒྱབ་སྐྱོར་གྱི་རོགས་རམ་ཉུང་རྐྱེན།ང་ཚོས་དཔུང་བ་མཉམ་ གཤིབ་ཀྱིས་རྗེས་ལུས་ཀྱི་ཕ་ཡུལ་འདིའི་ཁོར་ཡུག་ལ་གདོང་ཇི་ལྟར་གཏད་ཀྱང་མྱི་ཁ་ དང་གནོན་ཤུགས་ལས་གཞན་ཅི་ཡང་མེད།དེ་བས།རིག་གནས་དང་སློབ་གསོ་ལ་དུངངས་བ་ཟབ་ པའི་བསམ་པའི་རྒྱབ་སྐྱོར་ཡོད་དགོས་པ་དང་ད་ལྟའི་ང་ཚོ་ནི་ལག་པ་གཞན་ལ་བཟེད་པའི་ སློབ་མ་རྐྱང་ཡིན་པས།རྗེས་ཕྱོགས་ཡང་བྱ་འགུལ་འདི་ལྟ་བུ་སྤེལ་ན་མ་དངུལ་གྱི་ རོགས་སྐྱོར་མེད་ན་ཧ་ཅང་གི་དཀའ་མོའི་གནས་སུ་གྱུར།གང་ལྟར་ང་ཚོས་མི་རང་ཉིད་ མགོ་བརྩམས་པའི་ཡང་སྙིང་དེ་ཡིད་ལ་བཟུང་ནས་མུ་མཐུད་དུ་བསྐྱོད་བརྩིས་ཡོད།མི་ རིགས་གང་དང་རིག་གནས་གང་ཞིག་གནས་ཐུབ་དགོས་ན་སློབ་གསོ་ནི་རྨང་གཞི་དང་ཤེས་ཡོན་ པ་ནི་སྣེ་ཁྲིད་ཡིན་པས་སོ།། 

དྲི་བ། སྙན་ངག་གྱེར་འདོན་ལ་ཉན་གི་ཡོང་མཁན་སློབ་མ་གཅིག་པུ་ཡིན་ནམ།

དྲིས་ལན། མིན།རིག་གནས་དང་སློབ་གསོ་དུངས་བ་ཟབ་པའི་རིག་གནས་པའི་སྡེ་དང་འགོཁྲིད།འབྲོག་མི།གྲྭ་བ་སོགས་གང་མང་མང་འདུ།

དྲི་བ། སྙན་ངག་གྱེར་འདོན་དང་འབྲེལ་ནས་ལས་ཀ་གཞན་དག་ཡོད་དམ།

དྲིས་ ལན། ཡོད། སྙན་ངག་གྱེར་འདོན་ལས་གཞན་ཐུང་མོང་སྤྱི་ལ་དབང་བའི་གར་སྟེགས་བྱིན་ནས་ཕན་ཚུན་ ལ་ཁ་བརྡ་བྱེད་པ་དང་བགྲོ་གླེང་གི་གླེང་གཞི་ནི་སློབ་གསོ་ལས་འཕྲོས་ནས་ཀུན་ གྱིས་དམིགས་བྱ་དང་བསམ་ཚུལ་བཤད་དེ་དུས་ཚོད་གཉིས་ལྷག་གི་རིང་ལ་བགྲོ་གླེང་བྱས་ པ་ཡིན།

དྲི་བ། དམིགས་བསལ་བཤད་འདོད་པ་ཅི་ཡོད།

དྲིས་ ལན། ང་ཚོས་ཐོག་མར་བཤད་འདོད་པ་ནི་མི་སུ་ཞིག་གིས་རང་ཉིད་ཀྱི་ཕ་ས་འདིའི་འཕེལ་རྒྱས་ དང་མདུན་སྐྱོད་ལ་བསམ་གཞིགས་དང་མི་རིགས་འདིའི་སྐྱིད་སྡུག་ལ་དོ་ཁུར་བྱས་ན་ང་ ཚོས་གཞུང་སྒེར་གང་གི་ཐད་ནས་ཀྱང་ཐུགས་ཁུར་དང་རྒྱབ་སྐྱོར་བྱས་ན་ལེགས།ལྷག་པར་ དུ་རིག་གནས་པའི་སྡེ་ལ་མཚོན་ན་དཔལ་འབྱོར་དང་བསམ་བློ་སོགས་ཕྱོགས་ཡོངས་ནས་ཕན་ ཚུན་ལ་མཉམ་འབྲེལ་དང་རམ་འདེགས་བྱས་ན་ད་གཟོད་ང་ཚོའི་ཧུར་བརྩོན་ལ་གཡུར་དུ་ཟ་ བའི་འབྲས་བུ་ཞིག་སྨིན་པར་གདོན་མི་ཟ།དེ་བས།ང་ཚོའི་མ་འོངས་པའི་ལྷག་བསམ་གྱི་ ལམ་བུར་ཁྱེད་ཀྱིས་མདུན་སྐྱོད་ཀྱི་སྟོབས་ཤུགས་བསྩོལ་རྒྱུ་ནི་ང་ཚོའི་རེ་བའི་ དྭངས་མ་ཡིན།མཐར་ཁྱེད་དང་ཕ་ཡུལ་རྒྱང་ཐག་རིང་བའི་སྟོད་རྒྱ་གར་ནས་རང་ཉིད་ཕ་ ཡུལ་ལ་བཅངས་པའི་བརྩེ་བ་མ་བོར་བར་ང་ཚོས་སྒྲུབ་པའི་བྱ་འགུལ་འདི་ལ་ལྷག་བསམ་ རྣམ་དག་གིས་རྒྱབ་སྐྱོར་དང་ཐུགས་ཁུར་གནང་བར་ང་ཚོས་སྙིང་ཁོང་རུས་པའི་གཏིང་ནས་ ཁ་ཞེ་གཉིས་མེད་ཀྱིས་བཀའ་དྲིན་ཆེ་ཞུའོ།།

 

ཡ་ ཡ། ངས་སེམས་གཏིང་ནས་རྣམ་པ་གཉིས་ཀྱིས་དེ་རིང་དྲ་ལམ་ནས་བཅར་འདྲི་དང་ལེན་གནང་བར་ བཀའ་དྲིན་ཆེ་ཞུ་ལ། ལྷག་པར་ཀུན་སློང་བཟང་པོའི་བགྱི་བ་འདི་རིགས་ལ་ཡི་རང་བསྔགས་བརྗོད་ཞུ།