༄༅།གཞས་ཀྱི་ལེའུ།

 

 

          གཞས། མགྲིན་ངག་གི་འགྱུར་ཁུག་ལ་འདྲེས་པའི་བརྩེ་སེམས་ཀྱི་རང་མདངས་ཟབ་མོ།

          འདི་ནི། མི་རིགས་སོ་སོའི་མཛེས་སྡུག་གི་འཛུམ་ཞལ་དྭངས་མ་དང༌། མིའི་རིགས་ཐུན་མོང་གི་མེད་ཐབས་མེད་པའི་འཚོ་བའི་མངར་ཁ་ཡིན། 

 

 བཀྲ་བའི་ཁ་དོག་ཀུན་ལས་མེ་ཏོག་དཀར་པོ་མཛེས།།

ཤིས་པའི་བྱ་གཞག་ཀུན་ལས་ཨ་མའི་དྲིན་གཟོ་མཆོག།

བདེ་བའི་འཚོ་བའི་ནང་ནས་དགེ་བའི་འབྲས་བུ་སྐྱིད།།

ལེགས་ཚོགས་འདོད་རྒུའི་རྩ་བ་བྱམས་བརྩེའི་ཨ་མར་འདུད།། 

 

• བླ་མ་མཁྱེན། བཀྲས་ཆུང་ལགས་ཀྱིས་གདངས་བརྩམས།

 

 

རྒྱལ་བའི་ཐུགས་སྲས་ཆེན་པོ།

སྔོན་བསགས་ཐུགས་བསྐྱེད་ཁྱད་འཕགས།།

དུས་སུ་སྨིན་པའི་སྐྱེས་ཆེན།།

མཁས་བཙུན་བཟང་གསུམ་ལྷུན་གྲུབ།།

བླ་མ་བློ་བཟང་བསྟན་འཛིན།།

གངས་ཅན་མགོན་པོའི་བཀའ་དགོངས།།

སྒྲུབ་པའི་དཔའ་མཛངས་ལྷུན་གྲུབ།།

གངས་ཀྱི་སེང་ཆེན་དཀར་མོ།།

འགྲན་མེད་བཀའ་ཁྲི་ཟམ་གདོང་།།

རང་གཞན་རིག་གནས་ཀུན་ལ།།

མཁྱེན་དཔྱོད་སྤོབས་པ་ལྷུན་གྲུབ།།

སྨྲ་བའི་དབང་ཕྱུག་ཆེན་པོ།།

ཟམ་གདོང་མཁས་པའི་གཙུག་རྒྱན།།

བླ་མ་ཟམ་གདོང་སྤྲུལ་སྐུ།།

ལུགས་གཉིས་སྐྱོང་བའི་དྲིན་ཆེན།།

རྒྱལ་བའི་ཐུགས་སྲས་ཆེན་པོ།།

སྐུ་ཚེ་ཞབས་པད་བརྟན་ཤོག།

 

 

 

 

ཞི་བདེའི་དབྱངས།

 

 

 

 

 

ང་ཡིས་ཁྱེད་རང་འཛུམ་གྱིས་བསུས། ཁྱེད་ཀྱིས་ང་ལ་དགའ་བས་གཟིགས།  

འཛུམ་མདངས་དང་དགོད་སྒྲ་ལྷན་ཅིག འདི་ནི་ཞི་བདེའི་དབྱངས་སྙན་ཡིན།

 

 

ཁྱོད་ཀྱིས་ང་ལ་དོན་ཞིག་བཅོལ། ང་ཡིས་ཁྱོད་ལ་རོགས་ཤིག་བྱས། 

ཡིད་ཆེས་དང་རོགས་རམ་གཙང་མ། འདི་ནི་ཞི་བདེའི་གྲོགས་པོ་ཡིན།

 

སྡུག་བསྔལ་མི་འདོད་གཅིག་ཡིན། བདེ་བ་འདོད་པ་གཅིག་ཡིན། 

བྱམས་བརྩེ་དང་སྙིང་རྗེ་ཆེར་སྐྱེད། འདི་ནི་ཞི་བདེའི་ལམ་བཟང་ཡིན།

 

ཁྱེད་ནི་ཞི་བདེའི་དེད་དཔོན། ང་ནི་ཞི་བདེའི་སློབ་མ། 

རེ་སྨོན་དང་འཚོལ་སྙེག་གཅིག་པ། འདི་ནི་ཞི་བདེའི་ཁྱིམ་གཞི་ཡིན། 

 

 

༢༠༡༦ ༨ ༡༤ 

 

༄།གངས་ཅན་བོད་ཀྱི་ཉི་མ།

 

རྒྱལ་བ་ཡིད་བཞིན་ནོར་བུ། གངས་ཅན་བོད་ཀྱི་ཉི་མ།

ཁྱེད་མེད་ན་བོད་ལ་དྲོད་སྐྱིད་མེད། ང་ཚོ་འཁྱག་གྲངས་ལས་སྐྱོབ་ཕྱིར།

ནམ་ཡང་མི་ནུབ་འཆར་བར་སྨོན།

 

རྒྱལ་བ་ཡིད་བཞིན་ནོར་བུ། འཛམ་གླིང་ཞི་བདེའི་དུང་ཟླ།

ཁྱེད་མེད་ན་གླིང་འདིར་བསིལ་གྲིབ་མེད། འཇིག་རྟེན་ཚ་གདུང་ལས་སྐྱོབ་ཕྱིར།

ནམ་ཡང་མི་ནུབ་འཆར་བར་སྨོན།

 

ཆོས་སྲིད་བཀའ་སློབ་བཟང་པོ། འདི་ཕྱི་གཉིས་ཀྱི་ལམ་སྟོན།

སྤུན་ཟླ་མི་རིགས་མཐའ་དག ཕན་བདེའི་ལམ་བཟང་ཡངས་པོར།

དཔུང་གདང་སྦྲེལ་ནས་སྐྱོད་ཤོག །

 

 

 

ཉི་མ་དང་གངས་ཆབ།

 

 

གསེར་མདོག་གི་ཉི་མ་འོད་ཆེན།

ཤར་ནུབ་ལ་ཕྱོགས་རིས་མི་འདུག

འོད་སྣང་གི་དྲོད་ཁོལ་ཡངས་པོས།

སྣོད་བཅུད་ཀྱི་རྒུད་པ་སེལ་སོང།

ཞི་བདེ་ཡི་མགོན་སྐྱབས་དམ་པ།

གསེར་མདོག་གི་ཉི་མ་ཡིན་སོང་།

 

དྭངས་བསིལ་གྱི་གངས་ཆབ་སྔོན་མོ།

རི་ལུང་ལ་ཁྱད་པར་མི་འདུག

ཆལ་ཆིལ་གྱི་བཞུར་རྒྱུན་རིང་མོ། 

སྐྱེ་དགུ་ཡི་བདུད་རྩི་ཡིན་སོང་།

བྱམས་བརྩེ་ཡི་བདག་མོ་དམ་པ།

དྭངས་བསིལ་གྱི་གངས་ཆབ་ཡིན་སོང་།

 

 

༢༠༢༠/༥/༡༠ ཉིན་མོར་ཕུལ།

 

 

རིན་པོ་ཆེ།

 

༢༠༢༡་༠༣་༢༢

 

 

 

བཀྲ་ཤིས་ཉི་ཟླ་སྐར་གསུམ།

 

 

 

 

སེར་གྱི་ལེར་ཉི་མ་ཤར་འདྲ་བོ། དཔེ་བཞག་ན་རྩ་བའི་བླ་མ་རེད།

སྐུ་གཟི་བྱིན་ཉི་མ་ཤར་འདྲ་རེད། གསུང་སྙན་མོ་སྣང་བ་རང་གྲུབ་རེད།

ཁོང་སྐུ་ཚེ་བརྟན་པའི་བཀྲ་ཤིས་ཤོག

དཀར་གསལ་ལེར་དུང་ཟླ་ཤར་འདྲ་བོ། དཔེ་བཞག་ན་བྱམས་ལྡན་ཕ་མ་རེད།

ཞལ་འཛུམ་དཀར་ཟླ་བ་ཤར་འདྲ་རེད། ཚིག་སྙན་མོ་སྣང་བ་རང་གྲུབ་རེད།

ཚེ་བསོད་ནམས་རྒྱས་པའི་བཀྲ་ཤིས་ཤོག

ཁྲ་ཆིལ་ལེར་སྐར་ཚོགས་ཤར་འདྲ་བོ། དཔེ་བཞག་ན་བོད་རིགས་སྤུན་ཟླ་རེད།

བློ་རིག་པ་སྐར་ཚོགས་ཤར་འདྲ་རེད།ནང་མཐུན་སྒྲིལ་འོད་མདངས་རང་གྲུབ་རེད།

ལས་བསམ་དོན་འགྲུབ་པའི་བཀྲ་ཤིས་ཤོག།

 

སྟག་ཤ་ར་དགའ་ས་མཐོན་པོའི་རི། རི་མཐོན་པའི་རྩེ་ནས་བསང་ཞིག་ཕུད། སྟོད་རྫ་ལུང་གང་བའི་ཀི་ཞིག་བཏབ། ལྷ་ཆོས་སྐྱོང་སྲུང་མ་གྲོགས་སུ་བྱོན། བུ་དཔའ་བོའི་རླུང་རྟ་དེ་ནས་འཕུར།

རྟ་མཆོག་རྒྱབ་ན་ཅི་ཞིག་འདུག