༄།མཛེས་མ་ལགས།
ཀ
མཛེས་མ་ལགས། ཁྱོད་ཀྱི་འཛུམ་མདངས་ལས་བརྩེ་སེམས་ཀྱི་མཛེས་སྡུག་ཅིག་མཐོང་བས། ཁྱོད་ཉིད་བདག་གི་ཡིད་འོང་མ།
མཛེས་མ་ལགས། བདག་སྐྱོ་བའི་སེམས་གཅོང་གིས་མནར་དུས། ཁྱོད་ཀྱི་སྤྱན་ཟུང་ནས་སྙིང་རྗེའི་མཆི་མ་དང༌། ཁྱོད་ཀྱི་གླུ་སྒྲ་ལས་སེམས་གསོའི་སྙན་དངགས་བཞུར།
ཁ
མཛེས་མ་ལགས། བདག་ལྟོགས་དུས། ཁྱོད་ཀྱི་ཕྱག་ཟུང་ནས་རོ་བརྒྱའི་ཞལ་ཟས་འཕྱུར།
མཛེས་མ་ལགས། བདག་སྐོམ་དུས། ཁྱོད་ཀྱི་མྱོས་བུམ་ལས་ཞིམ་མངར་འོ་ཇ་མཆོད།
མཛེས་མ་ལགས། བདག་འཁྱགས་བྱུང༌། ཁྱོད་ཀྱི་ལྟེ་ཁྱིམ་དུ་དྲོ་སྐྱིད་ཀྱི་གནས་ཚང་གདའ།
ག
སྙིང་སྡུག་ལགས། སྒོ་ཕྱེས་དང༌། བདག་འོང་གིན་ཡོད།
ཁྱོད་ཀྱི་གསང་བའི་གནས་སྒོ་ཕྱེས་ཤིག གནས་དེ་ན་བདག་གི་ལྷ་ཡུལ་དང༌། གནས་དེ་ན་ཁྱོད་ཀྱི་བདེ་ཆེན་ཡོད།
ང
མི་ཡུལ་ན་མཛེས་མ་མངས་ལ། མི་ཡུལ་ན་མཁའ་འགྲོ་མ་ཡང་་་་