༅།འཚོ་བ་དང་ང།
སྟག་སེང་རྒོད་ཀྱང་མཆེ་སྡེར་མེད་ན་གསོན་པའི་ཁ་ཟས་ཇི་ལྟར་རྙེད།
ལྕགས་གཟེར་གཟེངས་འདྲའི་སྤུ་ཚོགས་མེད་ན་རྒང་གིས་སྟག་སེང་ཇི་ལྟར་འགོག
འོན་ཀྱང་གཡག་རྒོད་མགོ་ཡི་རྭ་ཅོ་ཡོད་མེད་ཁྱད་མེད་རང་བྱུང་རྩྭ་ཆུས་ཅི་དགར་འཚོ།
མགོ་ནག་མི་ལ་ཅི་ཡང་མེད་མོད་བློ་རིག་ཉིད་ཀྱིས་ཀུན་ལས་རྒྱལ།
མདོར་ན་འགྲོ་བ་ཐམས་ཅད་རང་ཉིད་འཚོ་ལ་རང་གི་ཐུན་མིན་ཁྱད་ཆོས་རེ།
གཅིག་སྲོག་གཅིག་གིས་འཕྲོག་པ་འདི་ཡང་གཅིག་ཏུ་གནག་པའི་ཧམ་སྤྱོད་མིན། །
ང༌།
རྟ་ནོར་ལུག་གསུམ་རྨིག་རྗེས་བསྙེགས་དུས་ངུས།
ཀ་ཁའི་གླུ་དབྱངས་དགའ་བས་སྐྱོར་དུས་བགད།
ཕ་ས་དྲོན་མོ་རྒྱབ་ཀྱིས་དོར་སྐབས་འདིར།
དགའ་སྐྱོའི་སྣང་བ་སྙུག་རྩེའི་ཟློས་གར་ཉིད།
མི་ཚེའི་མྱོང་བྱང་མོད་ན་དབུལ་བོ་མིན།
ཐོབ་ཤོར་ཁྲི་སྟོང་ཁྲོད་ནས་མ་ཤོར་བ།
ཐོག་མའི་རང་ཉིད་ཡིན་པས་བློ་ཕམ་ཅི། །