༄།རྒྱང་བཞུད།
ལོ་ཟླ་ལ་གས་ཆག་ཤོར་བའི་ས་སྲོད་དེ་ནས།
རྡོག་ཁྲེས་ཅི་ཡང་མེད་པར་ང་ལམ་ལ་ཆས།
ཕྱི་ནང་ཀུན་ཏུ་སྨག་ཧ་ཅང་གནག་པས།
འགྲུལ་བཞུད་ལའང་བར་ཆད་མངས།
སྐྱོ་སྣང་དང་མྱ་ངན་ཡོད་ཚད།
སྟོབས་ཤུགས་སུ་འཕྱུར་བས།
རྒྱང་བཞུད་པ།
སུས་ཀྱང་འགོག་ཐབས་བྲལ།
ལས་དབང་ལ་རྡོག་བརྫིས་བཏང་བའི་ནངས་མོ་དེ་ནས།
ལས་སྐལ་གསར་བ་ཞིག་གི་ཁ་ཕྱོགས་བཙལ།
ཁྱིམ་ཁ་གསུམ་པོ་གཉེན་དུ་བསྡེབས་པས།
མདུན་སྐྱོད་ཀྱི་རླུང་རྟ་འཕུར།
ཡིད་ཆེས་དང་རེ་བ་ཚང་མ།
རང་ཉིད་ལ་བཅོལ་བས།
རྒྱང་བཞུད་པ།
སུས་ཀྱང་སྐྱོབ་དགོས་པ་མེད།
མདུན་ལྗོངས་གསར་བ་ཞིག་གི་བློས་བསླངས་དེ།
མིག་ལམ་ན་ནམ་ཡང་ཡལ་བ་མེད་པས།
ད་དུང་ལམ་ཐག་ཇི་འདྲ་རིང་ཡང༌།
རྒྱང་བཞུད་པར་ངལ་དུབ་མེད།
ཇི་སྲིད་་་