༄།ཡི་དམ་ཚེ་རིང།
ལྷོ་སྤྲིན་སྔོན་མོའི་ལྡིར་སྒྲ་གཅིག་གིས་སྦྲང་ཆར་མེ་ཏོག་ཀུན་ལ་གཏོར།
རྨ་བྱ་སྒེག་མོས་མཆོང་ལྡིང་གཅིག་གིས་སྒྲོ་མདོངས་འཇའ་ཚོན་གུར་དུ་ཕུབ།
གློག་ཞགས་འཁྱུག་པའི་འདར་ཡོམ་རེ་རེས་མུན་པའི་གདོང་རས་སྐད་ཅིག་དབྲལ།
གཤོག་ཡངས་རྒོད་པོས་ནམ་འཕང་སྟོད་ཀྱིན་ཡངས་པའི་ས་ཆེན་ཕ་མཐའ་གཟིགས།
འོན་ཀྱང་སེམས་ཀྱི་རྨོངས་སེལ་གཟེངས་སྟོད་སྙན་དངགས་མཁན་པོའི་སྙུག་རྩེ་ཉིད།
<<གངས་ལྗོངས>>གླུ་རུ་ལེན་པའི་གླུ་བ་ཏི་སེའི་སྤོ་ན་འགྱིངས་ངེར་བཞུགས།
གངས་སེང་དཀར་མོ་གཞན་དུ་མི་འཚོལ་དོན་གྱི་གངས་སེང་ཁྱོད་འདྲ་ལགས། །
གཤེགས་ཤུལ།
ཨ་མའི་ངག་ལས་གླུ་ཡི་འགྱུར་ཁུགས་བཏུས།
མཁས་པའི་གསུང་ལསབསམ་བློའི་འཚོ་བཅུད་འཇིབས།
འཚོལ་སྙེག་ལམ་ནས་གསར་གཏོད་མེ་ཏོག་བཞད།
མི་ཚེའི་རིན་ཐང་སྒྱུ་རྩལ་མཐུ་ཡིས་བསྐྲུན།
རིགས་ཀྱི་ལར་ཞེན་སྟོད་པའི་སྙན་དངགས་པ།
བརྩེ་སེམས་མཁའ་ལ་ལུད་པའི་ཟེགས་མ་རེར།
ཟབ་དོན་འོད་ཀྱི་ཟེར་མ་ལམ་ལམ་འཕྲོ། །